SEGUN
KEDA E PARTIDO MAS GRANDI
Oduber den Corte
OTRO LUNA 22 JANUARI
Diabierna awor Dia 6 Di December 2024 e servicio na publico lo ta Diferente
ORANJESTAD –
Departamento di Impuesto ta participa cu en conexion cu eleccion e servicio na publico lo ta diferente diabierna awor, dia 6 di december 2024. Aki ta sigui un bista di e servicionan na publico:
Dialuna, dia 9 di december 2024, Departamento di Impuesto lo continua cu e servicionan manera custumber. Departamento di Impuesto ta pidi tur contribuyente pa tuma nota di e anuncio aki pa evita cualkier inconveniencia.
un pilar Den e lucha sinDical Di aruba: sinDicato sta ta lamenta perDiDa Di robby vrolijk
"Sindicato di Trahadornan di Aruba", STA ta di luto. E trsto noticia a drenta diasabra mainta 30 di November 2024 cu nos miembro di directiva, Robby Vrolijk, a bay laga nos.Despues di un lucha relativamente cortico Papa Dios a dicidi cu e ta tum'e den su reino. Robby a forma parti di e directiva di STA pa mas cu 15 aña y semper tabata
na mesa di negociacion ora di negocia contratonan colectivo pa hopi compania riba nos pais.
E despedida di Robby ta laga un bashi grandi den e sindicato. A siña conoce Robby semper como un persona alegre y cla pa yuda, tremendo secretario y consehero aparte di un amigo leal un persona semper habri pa
sugerencianan. Robby a labora pa mas cu 30 aña na "AAA NV" y tabata y ta ainda un persona hopi stima bou si su excoleganan na Aeropuerto Internacional Reina Beatrix.Robby a sinta negosha pa hopi compania ariba Aruba, entre otro por menciona; AAA NV, AGS, ARUGAS, ARUBUS NV, POST ARUBA NV, ATA SUI GENERIS, ANSA NV,
WEGENBOUW, ALBO, THIEL CORPORATION, BOHAMA, BOPEL, CROON CARIBE, CHS, NV ELMAR, TIERRA DEL SOL, PARADIS BEACH VILLAS, CARIBBEAN PALM VILLAGE, NEW INDIA, APA NV. Esakinan ta djis pa meciona algun di nan, tambe e tabata forma parti di varios reunion teni cu e ministernan den
e gobiernonan di nos pais Aruba.
Robby t'ey laga atras un capitulo hopi bunita den e historia sindical di Aruba.
Na su señora y yiunan cu e t'ey laga atras directiva di STA kier a extendo su mas sincero palabranan di profundo pesame y cu nos bon Dios duna nan consuelo y forsa den e dianan dificil aki y cu Robby sosega na paz.
Mientras Avp ta perde asiento.....
Segun encueS tanan, Partido MeP lo keda e Partido MaS grandi
Mas, Raiz, Red, Accion 21 lo no saca asiento..
Segun varios encuesta cu a tuma lugar den e reciente dianan, por saca e conclucion cu MEP ta keda e partido di mas grandi cu chens di crece mas aun. Esaki ta visibel tambe envista cu Partido MEP su precencia den pueblo ta grandisimi.
Partido AVP su forsa a baha drasticamente. Apenas por mira algun bandera poni na Playa y na Sanicolas, unda a pone 6 bandera na un solo cas.
Ta spera cu AVP lo perde un asiento. Partidonan chikito tin problema pa saca asiento. Accion 21 di Miguel Mansur ta man na cabes, pasobra nan tambe a tuma nota cu
nan lo no saca asiento. E actitud di Mansur ta loke tin e partido condena.
Partido Raiz, Ursel, Misha y pareha Guiamo, hunto cu Kamperveen a comete suicidio politico di a baha gobierno. Ademas e maneho di Ursel a duna De Veer un deal miyonario, hisando e prijs drasticamente pa tira sushi y hasiendo Aruba mas sushi. Ursel tampoco ta logra saca asiento. Partido di Marisol, tampoco ta logra. Marisol lo saca algun voto si, pero no suficiente pa haya un asiento. E strea di Marisol a cay, ademas segun ley nobo di screening, e lo no por bira minister tampoco. Partido RED no
ta den contienda mes, si nan logra 700 voto ta hopi.
Pueblo ta fada di e poder di partidonan chikito. E partido PPA tin chens pa saca un asiento, partido Futuro di Gerlien kisas por saca un asiento.
MEP tin e ventaha enorme den eleccion y tur cos ta pa spera diabierna pa wak si MEP ta logra 11, 10, of 9 asiento. Hecho ta keda cu varios partido chikito lo ta yabi di Gobierno pa Mike Eman. Mike ta spera cu entre tur partido nan por forma 11 asiento pa bolbe goberna e pais.
Prome Minister Evelyn Wever-Croes:
ProMe MiniS ter ta Felicita
HulPBeS tuurSkantoor cu 65 aÑa
1 di december, ta recorda cu 65 aña pasa e prome Hulpbestuurskantoor (HBK), a keda estableci na Aruba. Awe, nos ta reflexiona riba e rol fundamental cu HBK tin pa sirbi pueblo di Aruba desde su fundacion te cu awe. Desde su principio, HBK’nan a bira un institucion di confiansa na Aruba, dunando apoyo esencial riba procesonan y documentacionnan importante y servicionan na nos ciudadano den nan propio bario.
Durante e 65 añanan aki,
SirBiendo aruBa
HBK a evoluciona segun tempo y tambe a pasa door di e transformacion digital pa haci e procesonan mas eficiente, accesibel y facil pa uza pa nos ciudadanonan mientras ta keda duna asistencia na esnan cu no tin acceso na un computer of no tin tur conocimento di maneho di esaki.
Prome Minister Evelyn Wever-Croes ta gradici tur ciudadano cu a dedica trabounan duro na HBK den pasado y tur esnan cu ta trahando na HBK. Boso compromiso pa
grantisa bon servicio y cumpli cu e necesidadnan di nos ciudadanonan a haci un diferencia grandi. “Danki di curason pa e servicio, aporte y esfuersonan constante pa
mehora e experiencia di ciudadanonan. Boso ta e cara di gobierno y hunto nos ta traha pa un futuro na unda tur Arubiano por haci uzo di e servicionan na un manera mas facil,
eficiente y confíabel. Danki pa boso dedicacion incondicional y ban sigui haci historia hunto. Pabien”, Prome Minister a expresa.
Noticia di Corte Otmar Oduber den Corte Ministerio Publico ta busca tur Manera Pa caba cu Mi
Awe mainta durante su derecho di ultimo palabra, Otmar Oduber a habri afor riba Ministerio Publico. El a bisa cu a base di acusacion falso di Marisol Tromp, Ministerio Publico ta busca tur manera pa caba cun’e.
SOLO DI PUEBLO por a compronde cu tur e acusadonan, cu excepcion di Tiel, a presenta den Corte pa e ultimo parti. E dos Fiscalnan di Ministerio Publico a reacciona riba e defensa di e abogadonan y despues e abogadonan a reacciona riba loke e dos Fiscalnan a trece dilanti.
OTMAR TA SPERA HUSTICIA PREVALECE
Despues cu e Fiscalnan y abogadonan a hiba palabra, Otmar Oduber a haci uso di su derecho di ultimo di palabra.
Otmar a bisa Hues cu e ta haya cu Ministerio Publico ta haci todo por todo pa Otmar wordo castiga. El a bisa cu for di comienso na 2018 ora e tabata minister, el a duna permiso na
Landsrecherche pa haci investigacion na DIP. El a kere cu ta pa e caso Avestruz pero a resulta cu ta caso contra e mes.
Otmar a bisa Hues cu Marisol Tromp, a wordo usa cu dos otro persona pa crea henter un storia di 28 punto pa persigui Otmar.
Otmar a bisa Hues cu e caso Malmok, el a duna orden na e dama Wever pa haci coreccion riba un asunto di tereno cu tabatin dos reservacion y awor Ministerio Publico ta culp’e di ta favorece hende.
Pa loke ta e asunto di ambtenaarnan fantasma, Otmar a bisa Hues cu tur tres empleado tabata traha corectamente p’e. Otmar a bisa cu e ta haya cu Ministerio Publico ta bin cu speculacionnan sin cu a haci investigacion corecto. El a remarca cu ta straño cu Ministerio Publico no a papia cu ningun di e hendenan cu a traha cu e tres ambtenaarnan. El a bisa cu no tin ningun prueba cu e tres hendenan no a traha. Otmar a
bisa Hues cu hasta esnan sinta na front desk, cu Landsrecherche a bay puntra, nan mes a bisa cu nan sa mira e personann bay serca minister. Otmar a bisa cu e conoce Esser pa masha hopi aña. Otmar a bisa Hues cu Esser ta un Guro den yuda hende.
El a bisa cu el a keda sorprendi cu Miniserio Publico ta acusa Esser di tabata favorece hendenan di partido POR. El a bisa Hues cu Esser tabata yuda tur hende, sin worry cu color politico. Otmar ta lamenta cu Marisol Tromp a haci acusacion falso y Ministerio Publico a usa esaki pa cuminsa cu caso contra dje. Otmar a conclui cu e ta haya cu esaki ta un persecusion tras di dje pa caba cun’e. Otmar a gradici Hues pa a honra su peticionnan pa scucha hendenan na Hues Comisario cu a trece mas claridad den e caso. E ta spera cu husticia ta prevalece.
Bunita logro pa enseñansa 2021 – 2024: a instala 38 airco nobo na scol soeur Juliette
A aloca 38 airco nobo pa Scol Soeur Juliette (ex Emma School) na aña escolar 2023-2024. Pa varios aña Scol Soeur
Juliette a pidi pa yudansa pa airco nobo. E exMinister di Enseñansa y Deporte Endy Croes hunto cu Gabinete Wever – Croes
II a duna oido na e peticion di e scol y a en camina e proceso pa drecha e instalacion di coriente, a
lanta e capacidad total pa asina por a instala e 38 airconan nobo. Ex Minister Endy Croes a yega, a mira, a scucha, a priminti y a CUMPLI! Cu Endy SI # 4 riba e lista geel! Un amigo pa semper!
Noticia di Corte OtrO luna 22 Januari 2025 lO tin
sentencia di casO FlamingO
ORANJESTAD – Awe tabata e ultimo dia di tratamento di e caso penal Flamingo y otro aña Januari 2025 lo tin sentencia.
SOLO DI PUEBLO por a compronde cu a tuma 6 dia pa tratamento di e caso aki, caminda tabatin partinan emocionante. Un di e momentonan tabata ora cu e dama Wever a bisa cu wowo yen di awa, cu e caso penal aki a causa cu awor e ta den divorcio y cu lo mester bay bende e cas. Un otro momento tabata ora cu Otmar na yoramento a bisa Hues con e
caso aki a caba cun’e. Un otro momento tabata siman pasa ora abogado mr. Emerencia a bisa cu Esser su ruman a fayece recien y por a mira cu Esser tabata afecta pa esaki.
Awe e ultimo parti tabata e reaccion di e dos Fiscalnan riba e defensa di e abogadonan y e reaccion di e abogadonan riba loke e Fiscalnan a trece padilanti.
Despues di esey tabatin e parti caminda cada un di e sospechosonan ta haci uso di nan derecho di ultimo palabra.
Parlamentario Hoek:
OTRO AÑA TIN SENTENCIA
Despues cu e sospechosonan a hiba palabra, Hues a bisa cu mirando e magnitud di e caso, otro aña 21 Januari 2025, pa 8.30 di mainta e lo sera tratamento di e caso.
Hues a sigui bisa cu su siguiente dia, 22 Januari 2025 pa 1.30 di merdia, e lo dicta sentencia. El a bisa cu e lo bay ta presente den sala di Corte di Husticia di Aruba.
*Aruba no kier lidernan asina
2 december 2024: Den sala di Parlamento por a mira un falta di respet cu a keda demostra di parti di e miembronan di oposicion. Un di e actitudnan aki tabata esun di lider di MAS, Marisol LopezTromp, kende a presenta cu un mata di moringa y pone esaki dilanti di Prome Minister, Evelyn Wever-Croes.
Esaki sigur tabata un show basta ridiculo di parti di e señora aki cu 27 aña di experiencia den politica, asina Parlamentario di Fraccion di MEP, Ricky Hoek a declara.
Banda di esaki a haya Sra. Gerlien Croes cu ta promove un politica moderno y cu a bisa cu e no ta acepta situacionnan asina'ki y a lanta bay y retira for di sala di Parlamento bisando cu e no kier ta parti di esey.
Miguel Mansur di Accion21 den un 'talk show', a bisa poco dia pasa aworaki e bloke di e partidonan chikito ta mas uni cu nunca, e mes a tira Sra. Gerlien
Croes bao di mesa bisando cu esey ta e 'ultimate show'.
Aruba no kier lidernan asina cu ta laga pueblo na caya, Hoek a remarca. "Ban ta critico, ban pensa, ban ta consciente si esaki ta e lidernan cu nos kier pa goberna nos pais den e proximo añanan nos dilanti", e parlamentario a declara.
Falta algun dia pa eleccion di dia 6 di december y a keda demostra cual ta e partidonan cu bo no mester vota p'e.
Fraccion di MEP a mustra tur e profesionalismo y e sosten cu tin pa pueblo di Aruba. "Nos ta hopi contento cu Sra. Evelyn Wever-Croes por a defende su mes tambe y cu Minister Rocco Tjon di Husticia tabatey y cu a enfatisa cu el a bay Parlamento pa defende husticia na Aruba", Hoek a expresa.
No por ta asina cu un parlamentario cu tin un condena riba su cabes ta sali como prome orador y ta bisa cu tin prueba
contra di Prome Minister. E no a mustra ningun prueba, pero si kier a haci buya grandi y ta ofende Ministerio Publico y e cadena di husticia na Aruba. Esaki ta actonan hopi peligroso, a remarca, caminda cu e mesun politiconan parlamentarionan ta acusa institutonan independiente pa nan mesun casonan personal.
Pueblo di Aruba mester di un politica di calidad y di un nivel mas halto, a agrega.
Finalmente, Ricky Hoek a expresa cu nan a keda asombra ora cu lider di fraccion di RAIZ a bisa cu a baha Sr. Vrolijk pa motibo di kiebro di Constitucion y na ningun momento por a indica cual ta e articulonan den Constitucion cu Sr. Vrolijk a kibra.
Esaki no ta e momento pa bruha tera y pesey ta pidi pa tin trankilidad y stabilidad pa e pueblo di Aruba pasobra den poco menos di dos luna Aruba a pasa door di situacionnan hopi tumultuoso y a pone hende pensa
y perde confiansa den politica, y esey ta peligroso.
"Bo no por perde confiansa den politica, pasobra si bo perde confiansa den politica, e pais aki por bira ingobernabel y nos no kier yega na un estado asina ey", e parlamentario di fraccion di MEP a declara den entrevista cu Noticia Impacto.
Francis Malca (lPr): Mester yuda e local cuMPli su soño di obtene su ProMe cas
Dia pa dia ta bira mas caro pa e ciudadano comun por yega na su prome cas. Esaki tin di haber entre otro cu e scarcedad di terenonan (oferta limita) y e poder di compra di residentenan di afo cu por paga prijsnan halto cu moneda mas fuerte cu e florin di e local (demanda grandi). Pesei bahando costo di construccion lo no resolve e problema principal.
Locual cu mester wordo haci ta aumenta e cantidad di terenonan disponibel (maximalisa oferta), promove traspaso na esnan cu nunca tabata doño di un cas y desmotiva parcialmente traspaso na residentenan di afo (baha e demanda). Den esaki un lista di esnan cu kier ta doño di nan prome cas mester hunga un rol central.
Pa maximalisa e oferta, gobierno mester pa prome tuma bek tur parcela erfpacht cu ta bashi y tur huurgrond cu no ta wordo usa pa su proposito. Y tambe tuma bek tur erfpacht of huurgrond cu tin vivienda inhabita door di problemanan entre herederonan. Gastonan eventual pa logra esaki, cual lo ta minimo en comparacion cu e balor di e tereno obteni, lo por wordo cubri door di esun cu lo adkiri e tereno.
Banda di esei lo por introduci un belasting peculiar na banda di e bendedo ora cu e ta
traspasa na un hende cu no ta den e lista di espera. Esaki lo pone e bendedo pensa 2 biaha prome e bende na un persona cu ya tabata doño di un cas of na un residente di afo.
Y si dicidi di bende na nan toch, e belasting aki lo por wordo usa como un fondo pa subsidia esnan riba e lista pa por yega na nan prome cas. Tambe lo por asta considera pa prohibi parcelanan specifico of asta sierto (parti di) becindarionan wordo bendi na residentenan di afo.
Por ultimo, e lista di espera no solamente mester contene personanan cu nunca tabata tin un tereno (huurgrond pa cu vivienda,
erfpacht of eigendom), pero tambe personanan cu no ta doño economico (‘economische eigenaar’) di un parcela, cu no tin un huurkoop andando y cu no ta bezig na notaris cu un compra. Preveniendo asina cu e ciudadano ta hasi negoshi cu erfpacht a costo di esnan riba e lista di espera.
Esaki ta djis algun di e puntonan, en corto, cu partido LPR (Lucha Pa Reforma) ta propone pa yuda haci e soño di nos local pa yega na nan prome cas, bira realidad. Esaki ta rekeri conocemento aplio y relevante den e materia, cual LPR ta conta cune pa medio di - candidato #4 - Francis Malca cu ta
funcionando como hurista notarial pa mas cu 6 aña.
Un voto p’e, ta un vota pa e causa aki.
Prome Minister Evelyn Wever-Croes:
GOBIERNO
A CLAUSURA
E CICLONAN DI E PROYECTO
DI INNOVACION DEN ENSEÑANSA EDUTECH
“E proyecto aki ta uno hopi bunita, y mi tine serca na mi curason. Mi kier a gradici tur e scolnan cu a kere den e proyecto di innovacion aki, cu ta e yabi real pa enseñansa pa futuro”
Durante un celebracion ameno na Universidad di Aruba, Gobierno di Aruba a clausura e ciclonan di e proyecto Edutech, cu ta un proyecto di innovacion den enseñansa. E proyecto aki a inicia bou di ministerio di Prome Minister Evelyn Wever-Croes dos aña pasa, cu resultadonan exitoso. Na prome instante Gobierno a inverti den e proyecto di eLearning na unda a busca scolnan piloto. Mirando e exito y importancia di
innovacion den enseñansa, a dicidi pa invita tur scol na Aruba pa inscribi nan proyectonan di innovacion cu nan ta desea, di cual un panel completamente independiente a tuma un decision y escohe e ganadornan.
Prome Minister a indica cu e tarea di e panelnan aki no tabata uno facil, y cu cada kwartaal tabata tin 1, 2 of mas ganador. Gobierno a pone un total di 800
mil florin disponibel pa e proyecto di Edutech di cual resultadonan tabata hopi bunita. Di 87 proyecto cu a wordo aplica, 24 a resulta di ta ganador. Un total di 52 eBoards a wordo duna, 157 tablets, 188 laptops, y 3 lab, cu ta areanan multifuncional di digitalisacion y innovacion na e scolnan mes. E scolnan cu a participa ta representa tur bario y diferente “schoolbestuur” na Aruba. Di e 23 scolnan, 3 tabata hoger onderwijs, 2 tabata middelbaar onderwijs, 13 scol basico, 5 kleuter school, y un scol di educacion special.
“E proyecto aki ta uno hopi bunita y mi tine serca na mi curason. Mi kier a gradici tur e scolnan cu a kere den e proyecto di innovacion aki, cu ta e yabi real pa enseñansa pa futuro. Mirando e importancia di innovacion, innovacion den enseñansa tin cu continua. Un danki tambe na tur docente, mayornan, y alumnonan pa sostene e proyecto bunita aki, y pabien na tur e scolnan ganador. Tame mi ta gradici Minister di Finansas
Xiomara Maduro cu semper tabata cla pa yuda cu fondo ya cu e 800 mil florin aki a bin completamente for di presupuesto di Gobierno, y un danki na ex Minister Endy Croes cu a permiti nos drenta den e scolnan y cu a sostene e proyecto aki.
Por ultimo tambe mi kier gradici Futura cu ta e fundacion cu Gobierno a lanta na 2018 pa stimula y promove
innovacion den e aparato gubernamental. Futura a carga e proyectonan aki di educacion na un forma hopi professional lagando atras un structura di kico ta traha y por traha pa Aruba. Innovacion den enseñansa lo continua, y mi compromiso cu tur nos hobennan ta pa sigui inverti den innovacion y den enseñansa” Prome Minister a expresa.
Parlamentario
Ricky Hoek riba dia internacional di
Derecho di Persona cu Limitacion:
EsfuErsonan mEstEr wordo haci pa garantisa cu E pErsona cu limitacion, por gosa di un bida digno y igualitario
ORANJESTAD, 3 di december 2024: “Awe nos ta uni cu mundo pa conmemora Dia Internacional di Derecho di Persona cu Limitacion. E fecha aki ta sirbi pa reflexiona riba e esfuerzonan cu mester sigui haci pa garantisa
cu tur hende, sin exclui persona cu limitacion, por gosa di un bida digno y igualitario”, Parlamentario Ricky Hoek di Fraccion di MEP a declara.
Aruba tin un paso importante pa tuma den e lucha pa bienestar di e
personanan cu limitacion, esta, e ratificacion di un tratado internacional cu ta busca proteha nan derecho. Sinembargo, Aruba no por a hacie ainda, pasobra tin cierto condicionnan cu nos pais mester cumpli prome, sino nos lo expone nos mes na boetnan. Esey no ta kita for di nos compromiso pa traha di manera constante y determina pa atende e necesidadnan di e grupo aki. Aruba ta haci su best pa e grupo aki y ta spera cu den futuro cercano por firma e tratado aki.
“Personanan cu limitacion ta mi grupo meta, Ricky Hoek a remarca. Nos ta un comunidad cu compromiso colectivo pa traha pa bienestar di e personanan aki. Desde 2007, e
plataforma di persona cu limitacion a sirbi como un ekipo pa uni fundacionnan y entidadnan, pa mehora bida di e persona cu limitacion. Esaki ta un ehempel cla di loke por logra ora nos traha hunto”. Como
Parlamentario, mi compromiso ta keda cla y sigui consistente. Na maart di 2022, mi a pasa un mocion pa mehora parkeerplaats pa personanan cu discapacidad, cu Parlamento di Aruba a aproba unanimamente.
Awor Gobierno tin e responsabilidad pa stipula e maneho y regula ley pa implementa esaki, inclui sancionnan cu ta mara na su uzo. Esaki ta un paso chikito pero significativo
pa asisti e personanan cu limitacion.
Un otro tema importante ta scol pa muchanan special. Mi ta sigui boga pa por tin scolnan cu instalacionnan adecuado y personal capacita pa atende e necesidadnan unico di e muchanan special. Nos muchanan mester tin e hermentnan necesario pa logra nan potencial maximo. E personanan cu limitacion mester ta un prioridad na tur nivel. Awor mas cu nunca, nos ta responsabel pa traha na crea un sociedad inclusivo y husto. Ta un honor pa sigui representa y defende e interesnan di mi grupo meta”, Parlamentario Ricky Hoek a expresa.
Dado momento esaki a sali for di man. Segun nos a compronde posiblemente den e discusion/pelea entre aparentemente 2 amigo uno a resulta herida.
Ambulance a presenta, debi cu e victima lo a wordo hinca y tawata mester a bay Hospitaal.
Zuster CandidastraatDiadomingo atardi laat a
Silla Bar Restaurant.
"Colombia" a hinCa man den Cash register di loxing supermarket
Shiribana - Dialuna mainta algo prome cu 8'or y mey a sosode un caso di
ladronicia Q na Loxing Supermarket situa na Shiribana.
E dama Chines, pa un posibel descuido a laga e cash register medio habri. E sospechoso conoci como Colombia a drenta eyden y mesora a hinca man y bay cu mas of den careda di 100florin, esaki segun e dama Chines.
Mesora e la bati alarma y via su camarra di siguridad a mira cu e la drenta e cas eynan mes.
Dos patruya a presenta, uno di Noord y un di Santa Cruz, hunto e agentenan a drenta e cas. Den algun minuut a bin topa cu e persona cu e dama a describi, esta un persona jong bisti cu petchi.
Segun e dama Chines e conoce e homber ey, debi cu e sa bin mas biaha den e luga. E biaha aki bashi lo a dal'e y e la hinca man coy X suma di placa y core bay drenta e cas eynan mes.
Mientras e dama Chines tawata mira via su camara
siguridad unda e la drenta. Pa awor Colombia ta
FundaCion Cinearuba Cu nan dinner di Fin di aña
Recientemente e miembronan di e
Fundacion cu ta promove e cinematografia Arubano a reuni durante nan cena annual di fin di aña.
Tawata presidente Luty Martines, Raphaela Mahadeo, Juan Fransisco Pardo, Adriano Nanof y Addonsito Croes. Aña 2024 tawata un aña exitoso pa Cinearuba como cu e.o. e proyecto Playa
Film Festival 2024.Pa 2025 lo tin mas proyecto na caminda.
di
deteni, polis a confisca su tas tambe. E la wordo hiba palabra warda di polis.
Parlamentario Alvin Molina (MEP): AgriculturA , un pilAr economico nobo E oportunidad pa garantisa cuminda di calidad pa un bon prijs
Butucu situa na San Nicolas ta un tremendo luga pa desaroya nos siguiente pilar economico, un industria nobo cu den mi opinion por ta sector primario, specialmente agricultura. E tereno na Butucu ta mes grandi cu Savaneta y Pos Chiquito hunto. E pandemia a siña nos cu ta importante pa
diversifica nos economia. Un total di 99% di nos cuminda ta importa cu ta un motibo cu e prijs di cuminda ta halto.
Durante ultimo 3 añanan, den parlamento mi a entrega varios mocion/ peticion na gobierno. Tambe, mi a tuma varios iniciativa y a busca
informacion riba e topico aki. Mi a consulta cu diferente experto local, den region y na Hulanda. Mi a bishita “farm” na Aruba pa haya sa kico nan falta pa por existi y pa sigui crece. Na Hulanda mi a bishita varios “farm”, Universiteit van Wageningen y a reuni cu politico studia riba e tema. Mi conclusion ta cu agricultura na Aruba ta un posibilidad real cu ayudo di tecnologia moderno. Dimes un industria ta wordo carga door di comerciante, pero gobierno tin un tarea importante pa crea circunstancia faborabel pa haci e comercio posibel, entre otro ekipa Santa Rosa cu e capacidad, experticio y autoridad pa yuda carga e industria, baha tarifa di awa of crea un “source” di awa door di filtra awa di RWZI, baha tarifa di coriente y adapta cierto leynan. Tambe, mester adapta e proceso di Douane pa haci importacion di material pa agricultura mas faborabel, mehora e proceso di “uitgifte huurgrond” di DIP y incorpora ‘sector primario’ den nos sistema di enseñansa. Tin hopi cos practico cu mester y por wordo haci di parti di gobierno.
Como un isla chikito semper nos lo mester importa cuminda, pero si nos inverti den nos sector primario como un industria nobo, nos por mantene miyones di florin riba nos isla mes.
Fuera di esaki, zorg cu nos tin producto organico di e miho calidad y na e miho prijs. Ademas, mirando e localidad aki, e industria lo yuda pa trece mas movecion di hende pariba di brug y “boost” e economia na San Nicolas.
Un industria nobo ta rekeri dedicacion y colaboracion estrecho di tur minister
envolvi, comparabel cu e industria di turismo. Ta tarea di e minister encarga cu sector primario pa trece su coleganan hunto. Si ami haya e oportunidad pa keda den parlamento, sigur mi lo sigui sostene, motiva, encurasha y ferfela e minister concerni pa di berdad desaroya e pilar economico nobo aki.
25 AñA di ExcElEnciA:
Judith thodE y Su logro
Botica di Servicio ta orgulloso di celebra e remarcabel logro den e carera di un di nos assistentnan, Judith Thode. Dia 1 di december 1999, Judith a cuminsa cu Botica di Servicio como apothekersassistent, marcando 25 aña di compromiso, profesionalismo y excelencia den su profesion.
Judith a cuminsa su aventura na Botica Eagle, unda ela demostra su dedicacion y servicio na comunidad. Di eynan, ela sigui na Botica Maria pa algun aña, creciendo tanto den su carera profesional como tambe den formando un coneccion cu tanto su coleganan como tambe e pashentnan. Awendia, Judith ta na Botica Seroe Preto, unda e tin un hogar y ta forma un parti invaluabel di e team, haciendo un impacto cu lo dura pa hopi tempo atraves di su servicio excepcional.
Durante e 25 añanan aki, Judith a forma un parti integral den nos team, demostrando no solamente su capacidadnan y dedicacion pero tambe un sentido profundo di e lealtad cu ta inspira nos tur. Su aventura cu nos ta testamento di su passion pa su trabou y e compromiso na nos mision pa provee e miho calidad di cuido y servicio na cada pashent cu drenta.
Di parti di Botica di Servicio, nos kier a duna un danki masha grandi na Judith pa su añanan di servicio y e bidanan cu ela
touch. Nos ta sinti e honor di tin’e como parti di nos team y nos ta anticipa di celebra mas aña cune den servicio.
Danki pa 25 tremendo añanan Judith—bo ta un inspiracion pa nos tur!
Tocante Botica di Servicio
Botica di Servicio ta un grupo di farmacia cu 4 localidadnan riba e isla di Aruba. Durante e añanan, Botica di Servicio a obtene un grupo di profesionalnan den e area di salubridad hunto cu empleadonan capacita pa provee e miho servicio riba e isla di Aruba.
Bunita logro pa deporte 2021 - 2024: A RENOBA STADION GPT NA DAKOTA
Un
hoya di proyecto na nos deportistanan
Manera ta conoci, e trabou di renobacion di Stadion GPT na Dakota a inicia na aña 2023 y a continua den aña 2024. A instala luz ultramoderno di 1200+ lux y turf cu ta cumpli cu e standard internacional
y ta acredita pa FIFA y Concacaf. Tambe a renoba, entre otro e tribuna, bentana y dak. A construi un baño nobo y espacio pa F&B den e seccion di VIP. Ademas, a verf e luga completamente y a instala coriente nobo. Tambe a renoba e camber di referee.
E atletiekbaan ta acredita pa World Athletics. Pues, den un solo palabra Aruba tin un stadion nacional cu ta cumpli bek cu standard interacional. Gobierno di Aruba y Fundacion Lotto pa Deporte a inverti mas di 5 miyon florin den e
renobacion di e stadion na Dakota. Ex Minister Endy Croes a yega, a mira, a scucha, a priminti y a CUMPLI! Stadion GPT na
Dakota completamente renoba! Cu Endy SI # 4 riba e lista geel! Un amigo pa semper!
UN fElIz DIA y cU DIOS DRAmA SU BENDIcION
ABUNDANTEmENTE RIBA BOSO
Na e momento ey Spirito Santo a yena Hesus cu alegria y El a bisa: “Tata, Señor di shelo y di tera ! Mi ta gradici Bo cu Bo a duna esnan simpel conocemento di e cosnan cu Bo a sconde pa esnan sabi y inteligente.
Si Tata, asina Bo a haya ta bon. Lucas 10, 21
Rumannan nos a drenta den e siman di Advent, unda nos ta prepara noscurason pa recorda e binida di Hesus. Ruman Señor ta regala e personanan simpel di curason conocemento grandi. Ban resa y pidi
Spirito Santo guia nos, mustra nos kico E kier di nos cada un. Pa hunto nos por trece e alegria den nos bida y bida di nos rumannan. Pa hunto nos por celebra e nacemento di Hesus cu e conocemento cu nos tin na un manera simpel pero grandi den bista di Señor.
Oracion:Dushi Hesus nos ta yama Bo danki pa scoge cada un di nos, pa ta parti di bo mision pa trece alegria, fe y speransa pa nos otro rumannan.
Laga nos curason ta e pesebre cu Abo Hesus lo nace aden. Amen.
Raad van advies ta completo atRobe
sR. m.F. (maas) van dRie nombRa como miembRo di Raad
van advies
custumber nos acto dignitario e invita bishita e Ollé Dankerlui, y na lo diahuebs 5
Oranjestad – Diabierna ultimo, 29 di november 2024, Gobernador di Aruba, Su Excelencia sr. Alfonso Boekhoudt a huramenta sr. M.F. (Maas) van Drie (MBA) como miembro di Raad van Advies den presencia di presidente y secretaris
di Raad van Advies. E nombramento di sr. Van
Drie a tuma lugar riba 1 di november 2024. Cu e nombramento aki Raad van Advies ta completo atrobe.
Sr. Van Drie ta yena e vacatura crea pa e partida di sr. drs. M.M. Agunbero pa CAFT. Sr.Van Drie tin un profiel financiero y economico y lo hunga un rol importante den consehonan legislativo general di Raad van Advies riba e presupuesto di pais Aruba y e consecuencianan financiero y economico di legislacion en general. E nombramento tin un duracion di 7 aña.
FoRTaLEZa pa Famia
Scirbi pa Pastor Marcel Balootje
ninGun HEndE poR siRBo dos sHon
Ningun hende por sirbi dos Dios, no ta cumbini hende pa nan ta cu Dios y alabes mescla cu e sistema di mundo, sea pa placa, posicion of poder, pasobra na final lo tin decepcion.
Pasobra Dios ta exigi santidad, integridad, y un principio moral halto caminda nos ta rechasa pica, y somete nos mes na Dios completamente.
No ta posibel pa sirbi Dios, y mitar di e sistema di mundo, pasobra Dios,ta exigi pa nos papia berdad y es mas,biba cu e berdad, pero e mundo ta pusha hende pa papia mentira of sea complice di mentira.
Dios a manda su unico Yiu pa ken cu kere den dj;E wordo salba completamente,pa su gracia y su gran amor, pasobra nos ta propiedad di Dios.
Asina nos drenta yugo desigual, den caulkier cos cu nos ta haci, nos mes ta trece confusion den nos bida , pasobra ta bay yega e momento cu ta dificil pa scohe, pasobra e sistema di mundo lo kier usa nos , y eynan nos tin cu corda
Pesey e palabra di Dios ta bisa: Boso no sa cu amistad cu mundo, ta enemistad cu Dios, esun cu kier ta amigo di e mundo ta haci su mes enemigo di Dios.
Nos curpa ta tempel di Dios paden y pafo,( 1 Corintionan 3:16-17) ( 2 Corintionan 6:14-18) y no manera tin hende ta defende nan mes bisando: Dios ta wak curason, y no apariencia, nos ta pertenece na Dios completamente y no cierto parti di nos curpa so. Mescos cu E a salba nos completamente, curpa, alma y spirito asina tambe nos ta pertenece, completamente na Dios.
Hesus a bisa; Tene cuidao, y warda boso di tur golosidad, pasobra bida di hende no ta consisti di e abundancia di e cosnan cu e tin.( Lucas 12;15).
Ningun poder, ningun nivel of gremio,ningun amistad ,ningun montante di placa, por cumpra e caminda pa e Gloria di Dios. Hesus Cristo ta e unico caminda
Metal Storage Cabinet with key 6 ft heightx 3 ft wide Alf 300.00
File cabinet 2 drawer also good to store tools Alf125.00
Clothes cabinet (muurkast) Alf 75.00
Table on wheels Alf 50.00
Polaroid one 500 model Alf 50.00
For more info 5972155
di e berdad y e bida.
Ta imposibel pa mescla cu mundo y cosnan di mundo y bisa cu nos ta traha pa Dios,laga nos mantene nos mes puro manera Salmo 1:1-3 ta bisa.
No stima e mundo, ni e cosnan cu tin den mundo, Si un hende ta stima mundo. E amor di e Tata no ta den dje. Pasobra tur loke cu tin den e mundo,, e deseo di carni,y e deseo di wowo y e orguyo di bida,no ta bin di e Tata, sino di e mundo. E mundo ta pasa bay, y su deseonan tambe,ma esun cu ta haci boluntad di Dios ta permanece pa semper.( 1 Juan 2:15-17)
Anhelo pa yega na poder, anhelo pa tin cosnan di mundo, anhelo pa fama,tur ta anhelo carnal, pasobra tur e cosnan ey ta temporal. Ta miho nos anhela pa conoce Dios y su presencia.
Si tur hende por djis corda cu ora nos muri, nos no ta bay cu nada, anto e ora ey tur curason haragan, lo fria, y busca arepentimento,y busca cara di Dios, pasobra solamente den Cristo Hesus nos tin bida eterna.
Un oracion grandi y sincero mester subi na cielo, pasobra e sistema di mundo ta purba drenta tur caminda, y hasta ta purba gara e fielnan, pasobra esey ta para scirbi,y nos tur sa cu e diabel ta e gran mentiroso y cu su plan ta solamente pa horta, pa mata y pa destrui, y e ta capas pa disfrasa na tur cos. Laga nos mantene nos bista tur momento riba Dios, nos Señor y nos Salbador.
Sinceramente, Pastor Marcel Balootje.
Cuminda di pasCo
Ham horna 45,Galinja horna 45,Galinja jena 60,-
Kalacuna 150,Kalacuna jena 180,Cubo mes un ham /galinja of kalacuna! Pa ami cumpra hqm/galinja of kalacuna.
Ham 110,Galinja 90,Galinja jena 105,Kalacuna 260,,Kalacuna jena 290,Pa 10 persona Lomito 120,Roastbeef 100,Chicken breast 90,oestersaus of mushroom
Salada batata 40,Aroos con pollo 45,Ayaca 7,-
Pa pedido por jama of whatsapp mi riba 7497071 te cu 22 dec
cu nos ta sirbido di Dios.
Kabel submarino Celia ConeCtando Caribe Cu merCa
3 di december 2024. Miembronan di e consortium di CELIA ta introduci CELIA, un ‘express’ kabel nobo di capacidad halto den e region di Caribe cu ta conecta Aruba, Martinique, Antigua, Puerto Rico y Boca Raton na Florida.
E kabel nobo cu ta uza lo ultimo den tecnologia di Fiber Optics, conoci como CELIA, Caribbean ELIte Alliance, lo extende pa mas di 3.700 km, uniendo puntonan clave den Caribe cu Merca, presentando un minimo di 8 paar di Fiber, ofreciendo un minimo di 22 Terabit pa seconde (Tbps) pa cada paar di Fiber, y un capacidad inicial aproximadamente di mas di 170 Tbps. CELIA lo bay den funcionamento e di tres semester di 2027. E miembronan di e consortium di CELIA ta SETAR como e landing partner na Aruba, Orange como e landing partner na Martinique, Telxius como e landing partner na Puerto Rico y Boca Raton y APUA como e landing partner na Antigua. Alcatel Submarine
Networks a wordo selecciona como e endto-end supplier di e infrastructura di e kabel submarino, conectando CELIA entre tur landing partners. E contract ya ta na vigor incluyendo opcionnan pa aumenta capacidad y agrega landing points nobo.
CELIA lo mehora e conectividad den e region di Caribe, ofreciendo transferencia di data sigur y di capacidad halto y speednan di Internet hopi halto cu low latency cu ta sostene e demanda digital creciente den e region riba e ruta strategico aki ofreciendo un calidad halto di servicio.
Ademas, inversionnan manera CELIA ta garantisa cu e islanan ta conecta na worldwide data networks. Conexion global ta crea oportunidadnan pa crecemento economico sostenibel, reduccion di e digital divide y mehoracion di e resilencia di e network. E proyecto di CELIA lo incorpora standardnan halto di proteccion di medio ambiente y preservacion di e biodiversidad den ambos teritorionan terrestre y marino den cada etapa
di e proyecto. E seleccion di e ruta y e diferente infrastructuranan a wordo studia cuidadosamente pa evita areanan mas sensibel y aplica tecnologianan menos invasivo.
Como nos compania nacional di telecomunicacion, SETAR ta orguyoso di forma parti di e proyecto di CELIA cu ta garantisa conexion pa e futuro generacion. “Pa un isla manera Aruba, e ta crucial pa nos ta conecta na data networks internacional pa atrae inversionnan priva, stimula companianan local, educacion, servicionan esencial, e sector di hospitalidad y pa nos integracion den e economia mundial.” –Roland Croes, CEO di SETAR.
“E proyecto di CELIA ta respresenta un avance significativo den conectividad y lo mehora e resiliencia di e network den e region di Caribe. Door di uza lo ultimo den tecnologia di Fiber Optics, nos por ofrece speednan di
Internet hopi halto y sigura capacidad di transferencia di data mientras cu ta cumpli cu e standardnan estricto di medio ambiente. E proyecto aki lo contribui grandemente na e crecemento economico sostenibel local y conexionnan na otro teritorionan ta ser studia. Tambe nos ta orguyoso cu nos subsidiario Orange Marine lo ta encarga cu e marine deployment di e kabel.” – Samir Benzahra, Director di Orange Antilles Guyane.
“CELIA ta un otro stap grandi den e expansion di e red global di Telxius, aumentando capacidad y agregando mas ruta ‘redundant’ den ful America. Nos ta comprometi pa ofrece e latency di mas abou y e redimento di conectividad mas halto pa nos clientenan comercial den Caribe y mehora e experiencia pa nos usuarionan na nivel mundial.” – Mario Martin, CEO di Telxius.
“E proyecto aki ta un paso
grandi di adelanto den e proceso di recreacion di e digital environment di Antigua y Barbuda. E ta demostra e compromiso continuo di APUA pa brinda e miho solucionnan di conectividad cu lo ta vital pa e crecemento economico di e pais, sostene companianan, transforma comunidadnan y pone Antigua y Barbuda como un pionero den transformacion digital den OECS.” – John Bradshaw, General Manager di APUA. Paul Gaba, VP Marketing & Sales di ASN ta refleha riba e contribucion di CELIA na e conectividad den Caribe: “Nos kier a gradici e consortium di CELIA pa pone nan confiansa den ASN pa deliver lo ultimo den generacion di conectividad submarino di capacidad halto den Caribe pa Florida, probechando di nos experiencia amplio den e region pa deliver un architectura cu ta crea un plataforma confiabel y sigur pa crecemento sostenibel den un region cu ta exponi na horcan y otro desafionan natural.”