‘A enfoca entre otro riba mercado potencial nobo: Suisa’
For di 14 di october te cu 21 di october ultimo 131 a bishita un total di 5 scol basico den e districto di Santa Cruz, pa asina dialoga cu e alumnonan tocante sintimento y duna informacion na e alumnonan tocante e servicionan di 131. Durante e bishita tur e klasnan di
e scolnan basico a ricibi e informacion adapta na nan edad. Durante e ronda di concientisacion aki 1.215 mucha a ricibi informacion. E muchanan a encante e informacion cu nan a ricibi.
Primeramente e muchanan a siña tocante
e cuatro sintimento basiconan (tristo, miedo, rabia y contento) y dicon ta importante pa combersa cu un adulto cu nan ta confia tocante nan sintimentonan. Cu na momento cu no tin un adulto di confiansa na scol of na cas, cu semper nan por wordo sosteni door di 131. Tambe nan a haya e chens di expresa kiko ta haci nan tristo, bira rabia, haya miedo of bira contento.
Nan a haya informacion tocante e orario y dianan cu 131 tey pa scuchanan, cu e ta gratis y mas importante cu e ta
anonimo. Cu anonimo kiermen cu na momento cu nan tuma contacto cu 131, nos no por mira nan number di telefon, tampoco nan adres, nos no ta puntra nomber, y tampoco fam. Tambe nan a haya informacion tocante e website di 131 (131.aw) y e app di 131.
Na final tur e muchanan a ricibi un sticker di 131, cual ta e sticker cu ta identifica e mucha como un sostenedor di e muchanan cu por ta pasando den termento. Termento ta haci hopi dolor na e muchanan cu ta pasa aden, y nan sigur mester nan amigonan y
E servicionan di 131 na nos muchanan y hobenan nan Aruba por tuma lugar danki na sosten di Setar N.V., Aruba Airport Authority N.V. y The Salamander Group.
Pa mas informacion tocante e ronda di concientisacion por tuma contacto cu nos via nos website: 131. aw, Instagram: 131aruba, facebook: https://www. facebook.com/aruba.131, email: 131aruba@gmail. com of telefon 5886138/ 5884011.
amiganan pa sostene nan pa asina nan logra surpasa esaki.
KAmperveen y mishA tA burAchi di poder; otro wegA sushi nA cAmindA pA
diA 5 di november
Por bin compronde cu e sed di vengansa di Raiz ta hopi grandi. Dirigi pa Carlos cu Misha, e partido ta burachi di poder. Nan kier saca vengansa contra MEP!
Desde cu mester a trata e ley di matrimonio, Misha a gara maltrip riba Edgard Vrolijk. Misha kier a trapa riba tur proceso di parlamento y a menasa cu fecha pa trata e ley. Desde
A nAce
e momento ey, Misha a perde cabes, perde track, y a alinea cu Mansur y AVP. Tur cos tabata friamente calcula pa baha Edgard. Djey a baha Setty y a sigui pa baha Endy. Pues tur cu sosten, man den man cu AVP.
Awor dia 5 di November, Raymond Kamperveen, un nobato sinta den stoel di parlamento, burachi di poder, hunto cu Ursel Arends kier bolbe venga
di MEP y awor nan a manda yama Evelyn pa bay parlamento. Ya caba nan tin e mocion di desconfiansa traha caba. Nan lo drenta cune bao brasa, mescos a pasa cu Endy.
Es decir, nan ta burachi di poder. Loke nan no sa ta cu nan dianan ta conta, pasobra tur encuesta a duna cu Ursel cu Misha lo no logra saca asiento.
Ursel a traha malo, henter dia tabata tik tok, y Misha ta hunga di ta integro,
pero su record segun caya ta papia, ta zero!
46 bAby muchA muhe y 32 bAby muchA homber
HOH ta presenta cifra mensual pa luna di september 2024
Confiansa y transparencia ta importante y pues un bes mas Horacio Oduber Hospital ta comparti cu comunidad di Aruba e cifranan pa loke ta luna di september 2024. E cifranan aki di HOH Aruba ta un indicacion di cuanto pashent Hospital ta atende mensualmente, e promedio di estadia di pashent na HOH, cuanto operacion ta tuma luga, cuanto test diagnostico departamento di radiologia ta haci y mas.
Na september a hospitalisa 860 pashent y na augustus esaki tabata 808 pashent. Interesante pa analisa ta cu di e 860 pashent admiti na HOH, 58,8% tabata admision di emergencia. E promedio di duracion di pashent admiti na HOH na luna di september tabata
4,4 dia, cual ta mas abou cu na augustus (4,7 dia).
Na september ocupacion di cama tabata 87,8% cu ta solamente 1,9% mas abou cu na luna di augustus. Un total di 579 operacion a tuma luga den nos salanan di operacion cu ta casi mesun cifra cu na augustus (574 operacion).
Departamento di Emergencia a atende na luna di september 2752 pashent di cual 38,4% di pashent no tabata rekeri cuido di emergencia.
A nace na luna di september 46 baby mucha muhe y 32 baby mucha homber (total 78 baby). Y na september
Bloedbank Aruba a ricibi un total di 213 donacion di sanger.
Specialistanan den servicio
di Hospital a haci un total di 7474 consulta cu pashent na september, cu ta 390 consulta mas cu na luna di augustus. Departamento di radiologia a haci un total di 4617 test manera CT scan, MRI, echo y mas.
Un total di 16155 persona a bishita LABHOH na luna di september pa haci nan test diagnostico. Y na luna di september un total di 832 pashent a sali for di Hospital y regresa nan cas.
Hospital ta gradici tur 1200 empleado pa nan esfuerso continuo y ta recorda comunidad cu den cualkier momento no lubida cu cada uno di nos na HOH semper t’ey!
ArubA Tourism AuThoriT y (A.T.A.) cu reunionAn impor TAnTe nA europA ‘A enfoca entre otro riba mercado potencial nobo: Suisa’
Durante di siman, Aruba Tourism Authority, Ronella Croes - CEO , y Sanju Luidens - Chief Marketing Officer, como tambe Tirso Tromp - Area Director di e region y representantenan di Italia, Alemania, Hulanda y Belgica a atende un serie di reunionan importante cu ta enfoca riba promocion y colaboracion turistico. Reunionan cu a inclui cu e revision di e plan pa 2025, y reunionan cu socionan strategico y agencia di publicidad di A.T.A. pa Europa.
Como parti fundamental, A.T.A. a conta cu un reunion cu compania aereo KLM, unda a reuni cu Bas Geressen - Director di KLM Hulanda, Jurian de Vogt - Network Planning, Marjolein KesselaarMarketing Executive KLM Hulanda, y David Vinke - Commercial Director Benelux. Como aerolinea nacional di Hulanda cu ta opera for di Schiphol, KLM ta conta cu varios vuelo cu ta conecta diferente pais Europeo cu Aruba. Obhetivo di e reunion tabata pa fortalece
y explora colaboracion y strategia entre A.T.A. y KLM pa promove Aruba como un destinacion preferi pa turistanan Hulandes y Europeo. Alabes a evalua kiko ta capacidad di asiento aereo cu ta spera pa 2025 y na ki momento por amplia esaki y cambia tipo di avion cu ta bula pa Aruba, pa asina inclui entre otro e clase comfort premium. Cua capacidad di asiento aereo proyecta pa 2025 na es momentonan aki, esaki ta mustra mas capacidad pa Aruba. A toca e tema di desaroyo y futuro KLM en general como tambe di Aruba.
E di dos socio mas grandi na Hulanda pa cu biahe y vacacion ta e compania TUI. A reuni cu Arjen Kers Managing Director TUI Hulanda y Belgica, Rob Oostendorp - Product Director Long Haul, y Katrina VansteenkisteAccount Manager Belgica y Hulanda riba diferente punto y continuacion di un colaboracion fuerte entre A.T.A. y TUI pa promove Aruba como un destinacion preferí bou di turistanan Hulandes.
Durante e reunion, a discuti oportunidadnan pa atrae mas huesped di calidad pa Aruba. Aki por pensa entre otro riba enfoke riba e segmento di golf. Pa 2025, TUI lo conta cu dos vuelo semanal entre Aruba y Hulanda. Tambe a papia di e panorama general pa 2025 y di oportunidadnan riba area di promocion y mercadeo. Como parti di e strategia di diversificacion di A.T.A. y di atraccion di huesped di calidad halto, a investiga e mercado Suiso na 2023. A base di esaki a dicidi di traha riba e mercado aki tambe y lansa esfuersonan pa amplia esaki. Como tal
a cumpli cu un bishita na Suisa, Zurich, unda cu a sigui enfoca riba conexion aereo for di e mercado aki. Ta trahando riba posibilidadnan pa cu vuelo for di e pais aki, unda lo por conecta no solamente Suisa cu Aruba, pero tambe otro paisnan manera Alemania y Italia. Zurich ta un hub importante pa aviacion y turismo, y ta ofrece un oportunidad unico pa engrandece e lazo entre Aruba y Suisa.
Otro reunionan sosteni a inclui cu agencia di publicidad y strategia digital pa A.T.A. na Europa. Cu oficina
principal na Amsterdam, DEPT ta un agencia digital internacional. A entre otro identifica oportunidadnan pa utilisa tecnologia y data pa mehora e atraccion di huespednan di calidad cu ta bishita Aruba.
Por ultimo a sostene reunion cu e ekipo di A.T.A. Europa y tur representantenan di diferente mercadonan na Europa, esta Italia, Alemania, Hulanda y Belgica, y Inglaterra. A recapitula strategia y accionnan y revisa resultado y djey planan pa 2025.
Minister Geoffrey Wever: MoU cU SUrnaM ta reSUltado concreto di MiSion coMercial
E “Memorandum of Understanding” entre gobierno di Aruba y di Surnam ta un resultado concreto di e mision comercial pa Surnam lidera pa minister Geoffrey Wever hunto Camara di Comercio y Aruba Trade and Industry Association den luna di juni 2024. E acuerdo di cooperacion ta e resultado di diferente pasonan cu Ministerio di Asuntonan Economico a encamina pa fortifica e lazonan comercial cu Surnam. Uzo di diplomacia economico como instrumento di maneho ta esencial pa logra resultadonan concreto na beneficio di Aruba su comercio y consumidornan.
Riba 22 di januari 2024 durante e “Business Connect” den cuadro di e mision comercial di Surnam lidera pa minister Ramdin, a palabra cu lo organisa un mision comercial pa Surnam lidera pa Minister Geoffrey Wever.
Di 25 pa 27 di juni 2024 conforme palabracion e mision comercial pa Surnam a tuma lugar. Un delegacion lidera pa minister Geoffrey Wever compaña pa Camara di Comercio y Aruba Trade and Industry Association a biaha pa Surnam pa fortifica y intensiva e lasonan comercial entre ambos pais. Durante e
mision comercial aki ambos pais a vocifera e importancia pa traha mas intensivo cu otro riba diferente tereno por medio di un acuerdo di cooperacion.
Riba 9 di juli 2024, a entrega e relato “Verslag Handelsmissie Suriname van 25 t/m 27 juni 2024”, y riba peticion di minister Geoffrey Wever, conseho di minister a duna su aprobacion pa traha e acuerdo di cooperacion entre Aruba y Surnam. Parlamento di Aruba tambe a ricibi riba e mesun dia e relato “Verslag Handelsmissie Suriname van 25 t/m 27 juni 2024”.
Dialuna 22 di oktober ultimo a firma e acuerdo di cooperacion entre Aruba y Surnam durante e bishita oficial di Presidente Santokhi, un trayectora cu a start desde januari 2024 unda a crea un base solido pa hunto traha na bienestar di ambos pais.
Minister Geoffrey Wever ta gradici Camara di Comercio y Aruba Trade and Industry Association pa nan participacion unda hunto a logra un acuerdo di cooperacion cu Surnam. Un danki ta bai tambe pa Departamento di Asuntonan Economico y Directie Buitenlandse Betrekkingen pa e trabaonan preparativo pa e “Memorandum of Understanding”.
CONTRIBUI NA E PROCESO DEMOCRATICO
Hoofdstembureau ta oficialmente anuncia cu nan a habri aplicacion pa e personanan interesa pa forma parti di e Urnanan Electoral como miembro pa e eleccion cu lo tuma luga dia 6 di december 2024.
Presidente Suplente Sra. Grasita Griffith a informa cu tin un total di 70 Urna Electoral y dos “special A y B” cu ta encarga cu e proceso electoral. Cada urna electoral ta consisti di tres miembro, di cual un ta e presidente di e Urna Electoral. Ademas dos miembro suplente ta wordo nombra. Esaki ta nifica cu un total di 360 miembro ta necesario pa cumpli cu e rol fundamental pa asegura
cu e proceso electoral pa contribui na eleccionnan liber y husto.
Pa wordo selecciona como miembro mester tin e siguiente rekisitonan:
● Nacionalidad Hulandes
● Ta registra na Registro Civil y Censo prome cu 18 di September 2024
● Ta mayor di edad (18+) ariba dia di eleccion
Esnan cu ta interesa por manda un e-mail na afspraken@censo.aw cu e siguiente informacion:
● Nomber y fam
● Fecha di nacemento
● Menciona e urna, si den pasado bo persona a traha den un caba Hoofdstembureau ta invita personanan den enseñanza, otro
profesionalnan, of personanan cu experiencia amplio den e tipo di funcionnan aki. Miembro nan cu wordo selecciona lo ser notifica na tempo y por escrito. Tambe nan lo wordo informa debidamente di nan funcion y tareanan
durante e dia di eleccion. Como miembro di e Urnanan Electoral, bo tin un rol crucial pa asegura cu tur voto ta conta y cu e proceso ta transparente. Pa mas informacion, bishita e website oficial di Conseho Electoral Aruba na er.aw y sigui nan
na Facebook y Instagram @consehoelectoralaruba.
E plataforma nan lo sirbi como un recurso importante pa votadonan, partidonan politico y publico general, pa keda al dia cu anuncionan, fecha nan y guia relevante pa e eleccion di Aruba.
ARUBA AIRPORT AUThORIT y (AAA) y ARUBA TOURISM
AUThORIT y (A.T.A.) TA lANSA
INICIATIvA "FAlAMOS
PORTUgUêS – hAPPINESS IN EvERy lAgUAgE”
‘Den conexion cu inauguracion di vuelo directo desde Guarulhos, Brazil pa Aruba’
Conforme compromiso pa sigui provee servicio excepcional y stimula interaccionan significativo cu nos huespednan, Aruba Airport Authority (AAA),
den colaboracion cu Aruba Tourism Authority (A.T.A.), ta orguyoso pa anuncia programa: "Falamos Português – Happiness in Every Language."
Un programa cu lo inicia na comienso di november den preparacion pa e vuelo nobo di Gol directamente
for di Guarulhos, Brasil pa Aruba cu lo inaugura dia 18 di december 2024. Cu e iniciativa di programa "Falamos Português", lo percura pa ekipa personanan trahando den e industria di turismo cu e habilidad basico pa siña comunica den e idioma di Portugues. Esaki lo provee e huespednan Brasilero un experiencia unico na momento di nan yegada pa e isla. Lo invita organisacionan pa participa cu un averahe di 25 miembro di ekipo cu lo forma parti di e prome grupo pa participa na e programa.
E meta principal di e
iniciativa aki ta pa pone enfasis riba e importancia di intercambio cultural y hospitalidad, reforsando e reputacion di Aruba como
un destinacion di primera calidad cu ta comparti cu huespednan di tur parti di mundo.
Minister Ursell Arends; HistoriA di resilienciA y rescAte di serliMAr
Serlimar tin un historia no masha agradabel, un compania estatal cu a wordo maluza den pasado pa beneficio politico. A abusa di dje di tal forma cu casi ela bati bancarota, y den esaki ta e trahadonan a keda mal sirbi, poniendo nan entrada na peliger.
Nan lucha no tabata facil. Den un clima financiero hopi fragil, Ministerio TINO a logra aloca 7 miyon florin en total den presupuesto, un cantidad significativo, cu apesar di no cubri tur Serlimar su debenan, tabata critico pa cumpli cu creditornan den sector priva. E sacrificionan ta prueba cu Serlimar tabata determina pa lucha pa su futuro.
Na mei 2022, huez a reconoce e esfuerso cu a wordo haci y a duna Serlimar un oportunidad pa restructura y sigui dilanti. Tur hende por compronde cu ningun compania por traha sin entrada financiero, y esaki mester conta pa Serlimar tambe. “Mi tabata tin e pleno confiansa cu Aruba ta compronde cu Serlimar mester di entrada pa e por sigui opera. Serlimar mester di Aruba mescos cu Aruba mester di Serlimar,” Minister Arends a declara.
Minister Arends, kende desde prome dia cu a tuma e reto pa salba Serlimar, a lucha incansablemente pa mustra na huez y Aruba cu Serlimar mester y merece un otro oportunidad. Su mision tabata di
cuminsa cu e renobacion di Serlimar, un compania cu tabata na punto di bancarota, pero cu paso firme y determinacion, awe Serlimar ta trahando riba su mesun futuro hunto cu su trahadonan.
Pero esfuersonan aki ainda no tabata suficiente. Na october 2022, a tuma luga e exposicion “Nos Tera, Nos Pais”. E exposicion a duna oportunidad pa ploegnan di Serlimar asisti y ricibi informacion for di diferente departamento di Gobierno.
E restructuracion a enfoca riba tareanan den naturalesa, manera piki sushi y atencion na dumpnan ilegal, cu departamentonan manera Santa Rosa, Serlimar, BCI, y ACF. Minister Ursell Arends a aclara cu e restructuracion ta pa reduci personeelskosten di Serlimar.
Un otro paso crucial tabata cu Serlimar mester a ahusta e tarifa di nan servicio. Den pasado, e compania tabata enfrenta cu gastonan subiendo mientras entrada tabata cayendo, un combinacion cu sin ahustacion, por a resulta den kiebro unabes mas. Minister Arends no a duda, e ahuste tabata necesario pa asegura Serlimar su sobrevivencia. Cu e tarifa nobo, Serlimar finalmente a pone su entrada na un nivel cu ta duna nos compania estatal un base financiero mas solido.
Den tur esaki, Minister
Arends tambe a percura pa cumpli cu e trahadonan cu tin añas den espera pa nan bevordering, periodiek, y overtime, un paso clave pa proteha e trahadonan fiel di Serlimar.
Awe, nos por conta un historia di un compania cu a lucha pa su existencia. Serlimar no solamente a sobrevivi, pero ta preparando pa posiciona su mes den un mercado mas sostenibel, y pa tuma su lugar den nos comunidad como un lider den procesamento di desperdicio. Un di e proyectonan mas grandi ta e Saneamento di
Parkietenbos, cual ta den pleno preparacion pa wordo sanea y converti den parke solar. Serlimar cada dia ta mas cerca di un futuro di stabilidad.
E luchanan di pasado ta duna nos un les importante: ningun compania por
traha sin entrada, pero cu un renobacion interno y vision concreto, Serlimar tin e capacidad pa florece. E lucha pa Serlimar no ta un lucha di un compania solamente, pero un lucha pa un Aruba mas limpi y fuerte.
ArubA A conoce un otro miyonArio cu Lotto, e LoteriA di ArubA!
25 di october, 2024: Diaranson anochi 23 di october tabata tin e sorteo miyonario di Lotto 5. E numbernan ganado cu a sali diaranson anochi ta: 03-26-32-33-34 Joker: 09 Letter: H y manera e resultado a wordo procesa a bin haya sa cu tin 1 solo ticket ganado cu a gana e jackpot miyonario Lotto 5 cu tabata na 2 miyon 350 mil florin y a wordo bendi na Rockies Lottery situa na Paradera. Ademas di e prome premio tambe tabata tin 1 feliz ganado di e segundo premio di Lotto 5 cu a gana e suma di Afl.
37.967 cu tambe a wordo bendi na Rockies Lottery.
Diahuebs mainta, Aruba ta sera conoci cu e di 3 feliz miyonario di Aruba cu Lotto, e loteria di Aruba pa 2024. E feliz ganado a presenta na oficina di Lotto na Paardenbaaistraat 10 acompaña pa asina cobra e premio miyonario aki.
Andrew a cumpra su number nan loco di Lotto 5 pa e sorteo miyonario di diaranson anochi y door di e promocion di Lotto 5 el a haya tambe su numbernan loco gratis. Despues di
sorteo, Andrew a bay check su ticket y pa su gran sorpresa a wak cu e tin e numbernan ganado di e suma miyonario di 2 miyon 350 mil florin cu el a gana cu e numbernan gratis cu el a ricibi di e promocion di Lotto 5!
Lotto, E Loteria di Aruba tin diferente wega, Catochi, Big 4, 1-OFF, Zodiac, Wega di Number di Korsou di Lotto, Lucky 3, Multi-X, Lotto di Dia, Lotto 5, Mini Mega y cu su Mega Plus y e diferente weganan di Raspa y Gana y Instacash. Cumprando
Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
Costo di bida mester wordo
ahusta
PA un nAcion Por FLorece, e meS ter tin eSPAcio PA enGrAndece
Michella Steenvoorde- Laclé #20 MEP
No ta un secreto cu mundialmente por sinti e aumento di costo di bida, despues di pandemia di COVID.
E pandemia a pone retonan grandi nos dilanti como pais, pero danki na un fabuloso maneho di Minister President Evelyn Wever Croes y hunto den union, pais Aruba a sobrepasa esaki. Y ora nos a kere cu nos por hala rosea, a cuminsa e guera na Ukraina cu a conduci na un inflacion rond di mundo externo cu tin masha hopi efecto riba Aruba.
Segun ultimo cifranan di CBS Aruba, e standard minimo di bida di un famia consistiendo di dos adulto y dos mucha na Aruba ta wordo fiha na 5.743.00. CBS, ta subraya e aumento di costo di bida. E gastonan pa productonan
y servicionan esencial, manera cuminda y vivienda a subi considerablemente.
Pa alivia e peso grandi di costo di bida halto, MEP den e constelacion nobo di gobernacion, lo traha riba diferente tereno pa alivia nos comunidad.
Primeramente lo sigui baha costo di bida door di amplia e canasta basico aun mas y sigui traha riba mas conscientisacion pa e ciudadano mes por controla e prijs y denuncia abuso. Mas y mas consumidor ta recuri na e informacion duna en referencia di e “Macuto di Prijs” cu ta un herment di gobierno pa e consumidor por sa cual ta e supermercado cu tin e miho prijs pa e producto cu nan ta busca. Al igual con pa denuncia si e no ta cumpli cu esaki.
Otro punto di enfoke ta e posibilidad pa importa carni y galiña for di Colombia, loke ta yuda e comerciantenan baha nan gastonan di importacion, pa asina baha gasto di producto. Un parti grandi di e comunidad aki ta nos grandinan, con pa alivia e presion di inflacion riba nan. Desde 2024 a logra aumenta e pension di biehes cu 4% y lo sigui periodicamente cu e aumento aki. Aruba su comunidad a demostra di ta resiliente y ta pa e motibo aki MEP lo sigui aumenta:
• E sueldo minimo
• Onderstand pa esunnan cu limitacion
• Onderstand pa mamanan soltera y sigui cu plannan efectivo pa yuda nan incorpora den comunidad a base di un trabao.
Pa un nacion por florece, e mester tin espacio pa engrandece. E punto cardinal pa cu esaki sigur ta e poder di compra di nos ciudadanonan. Costo di bida mester wordo ahusta pa e comunidad por wordo alivia. Cu bo voto nos lo demostra cu HUNTO nos ta supera. MEP tin e miho ekipo y MEP tin e miho plan. MEP a demostra di tin e experiencia y e curashi.
Prome Minister Evelyn Wever-Croes:
PROME MINISTER A RICIBI PLAN DI
IMPLEMENTACION DI E COMICION DI CEDEHM
Diahuebs mainta, Prome
Minister Evelyn WeverCroes a reuni cu señora Miangela Ras presidente di e comicion di Centro di Desaroyo di Hende Muhe CEDEHM, y demas miembronan di e comicion.
Prome Minister a expresa cu mirando cu na Aruba violencia contra mucha muhe y hende muhe ta un problema hopi serio, el a
Minister a pidi e comicion pa traha riba un plan di implementacion.
institui un comicion bou di guia di CEDEHM pa hunto cu diferente stakeholders traha riba un plan con pa frena abuso contra mucha muhe y hende muhe. Tambe el a indica cu ya caba tin un maneho, “gender policy”, cu ta duna liñeanan general di con pa atende cu e abuso aki, y con pa fortifica proteccion y posicion di hende muhe. Basa riba esaki, Prome
Den e comicion di CEDEHM, a añadi un persona cu ta respresenta sector priva, 2 persona di e veld social, y un representante di Ministerio di Asuntonan General, di cual hunto cu CEDEHM a haci entrega di e plan di implementacion na Prome Minister. Mester menciona cu hopi informacion relata na e seriedad di e problena aki a wordo suministra na e comicion pa asina nan por traha efectivamente riba
e plan. A constata cu e edad di hende muhe cu ta wordo abusa fisicamente y sexualmente ta bahando, y cu e hobennan na Aruba falta hopi informacion. E recomendacion principal pa cu esaki ta pa traha riba consientisacion y acumulacion di data pa asina por sigui monitoria e seriedad di e problema aki.
“Mi ta gradici e comicion y specialmente CEDEHM y Keaneeh Krozendijk di Ministerio di Asuntonan General pa e trabou grandi cu nan a haci riba e plan di implementacion. Na November, cu ta e luna
na unda ta para keto na violencia contra mucha muhe y hende muhe, lo tene un conferencia cu tur esnan envolvi pa asina di biaha cuminsa ehecuta e plan aki, cu e meta pa logra cu nos mucha muhe y hende muhenan ta mas sigur, tin mas proteccion, y cu nan tin mas oportunidad di desaroyo. Esaki tabata mi compromiso desde cu ma drenta den gobierno. Mi ta sumamente satisfecho cu awor tin un plan di implementacion pa asina sigura un miho futuro pa nos hende muhe y mucha muhenan” Prome Minister a expresa.
FORTALEZA PA FAMIA.
Scirbi pa Pastor Marcel Balootje.
EVITA HACIMENTO DI REDO Y PAPIA
MALO DI BO PROHIMO
Redo ta un veneno,cu ta trece division,rabia, daña relacion, y stroba bon funcionamento di famia. Tur caminda cu tin redo no tin crecemento, pasobra no tin pas,y caminda no tin pas e Presencia di Dios no tey.
Esun cu ta cana haci redo, ta saca secreto, pesey no asocia cu esun cu tin lenga los, ( Proverbionan 20:19).
Warda bo lenga di maldad, y bo lipnan di papia engaño. ( Salmo 34:13).
Pleito bo caso cu bo prohimo, y no revela secreto di un otro, pa esun cu tende esaki no pone bo na berguensa y bo reputacion keda ruina.(Proverbionan 25:9+10).
Dios den su inmenso amor pa nos, no ta desea pa nos ta envolvi den redo ni tampoco nada cu ta haci nos prohimo dolor, pasobra Dios ta manda pa nos stima nos prohimo manera nos mes.
Ta tristo ora ruman ta haci redo riba ruman , famia
ta envidia famia, y hende ta tuma redo como arte y cultura pa kibra otro, deseando malo pa otro, esey no ta bini di Dios , sino directamente for di fierno, caminda diabel ta studia pa daña bida di hende.
Caminda hende tin dos cara, dobbel pensamento, redo ta haña lugar pa biba, y falsedad ta reina, pasobra e porta ta habri pa tur sorto di bagamunderia, y hopi biaha prome cu hende pensa nan a causa un desaster cu nan boca.
No laga ningun palabra dañino sali for di boso boca, sino solamente palabra cu ta bon pa edificacion, conforme necesidad di e momento,pa esaki por duna gracia nan esnan cu ta tende.( Efesionan 4:29).
Ora nos ta papia malo di otro, odia otro, kibra otro, desea otro malo, nos ta haci e Spirito Santo di Dios tristo, pasobra nos tin di corda cu nos tur a wordo crea den imagen y semehansa di Dios.
Un hende perverso ta sembra pleito, y un hacido di redo ta separa amigo
intimo.( Proverbionan 16:28).
Cuanto hende no a haci redo y causa division den bida di otro, tin biaha hasta divorcio, cuanto hende no a haci redo y a pone cu otro a perde nan trabao. Tin redo cu a causa crimen.
Ta pesey Dios ta odia e wowo orguyoso y e lenga mentiroso. ( Proverbionan 6:17).
Hende cu ta haci redo no conoce amor, pasobra amor no ta regosiha den inhusticia, ma ta regosiha den e berdad ( 1 Corintionan 13:4-8).
Awor mi ta roga boso, rumannan tene na bista esnan cu ta causa division,y strobacion contrario na e enseñansa cu boso a haña y aparta boso for di nan.( Romanonan 16:17).
Hacimento di redo, ta nifica horta e hende su reputacion, pinta e persona malo den bista di otro,esey ta completamente robes y totalmente carnal, pasobra den e caso aki cu mesun boca cu nos ta haci oracion, mes un boca nos ta usa pa causa destruccion.
Esun cu ta cana haci redo, ta saca secreto, ma esun
cu ta di confia ta tapa e asunto.(Proverbionan 11:13).
Esun cu ta papia e berdad lo conta loke ta corecto,ma un testigo falso ta papia mentira,( Proverbionan 12:17).
Pesey beibel ta bisa nos den Romanonan 12:2 ta para scirbi: Y no sea conforme e mundo aki,ma sea transforma pa medio di renobacion di boso mente, pa boso por comproba, kico ta e bon, y agradabel, perfecto boluntad di Dios.
No permiti e spirito di redo y papia malo derota bo hogar, pero lanta ariba den berdad, pasobra berdad ta agrada Dios, y berdad ta haci hende liber.
Dios tene misericordia,y laga berdad prevalece den tur momento.
FIESTA DI SAN HUDAS THADEO NA MISA INMACULADA CONCEPCION
Dialuna dia 28 di oktober 2024 ta fiesta di San Hudas Thadeo, “E SANTO DI ESPERANSA”, Patrono di esnan desespera i di casonan dificil.
Pa 6.00 p.m. nos ta resa e Santo Rosario na honor di Mama Maria pa bendicion pa nos dushi Aruba, pa mundo henter cu ta den menasa di guera, pa crecemento di fe, combercion di
SANTA CRUZ
pecadornan i paz mundial.
Pa 7.00 p.m. ta sigui un Santo Sacrificio di Misa como accion di gracia pa tur fabornan risibi i ta wordo canta pa Koor Vlam di Amor. E dia aki ta un bunita oportunidad pa tur esnan cu a haya sanacion i judansa den nan necesidad pa gradici Dios na prome lugar i San Hudas Thadeo pa Su intercesion.
Grupo di Oracion San Hudas Thadeo Uni ta invita cordialmente tur deboto di Mama Maria i San Hudas Thadeo, tur gruponan di oracion di Santa Cruz i pueblo di Aruba en general pa asisti na e Santa Eucarestia. Asina nos por manifesta nos Fe den Dios i Comunion di Santonan.
Bini uno, bini tur.
Trabou informal ta keda un desafio persistente na Latinoamérika i Karibe: CESISALC ta buska solushonnan
Willemstad, 24 òktober 2024 - Kasi 60 porshento di trahadónan den Latinoamérika i Karibe ta laborá den ekonomia informal, kaminda nan no tin akseso na protekshon sosial òf derechonan laboral. Alabes,
rònt di 25 porshento di e poblashon ta biba den pobresa, i solamente 53 porshento tin akseso na Internet, ku desigualdat grandi entre zonanan urbano i rural.
E asuntunan preokupante aki tabata e temanan sentral durante un enkuentro virtual ku a tuma lugá djamars 22 di òktober último, organisá pa CESISALC, e ret di konsehonan sosioekonómiko di region.
Bou di e liderazgo di e Konseho Sosial Ekonómiko (SER) di Kòrsou, e enkuentro a konta ku representantenan di paisnan manera Argentina, Guatemala, Honduras, Perú i Repúblika Dominikana, entre otro.
Durante e enkuentro, a diskutí posibel reformanan importante ku por redusí ekonomia informal i duna mihó protekshon na gruponan vulnerabel.
E diskushonnan tabata konsentrá riba, entre otro, fortalesé e sistema di seguridat sosial pa hende muhé, hóbennan, e komunidat LGBTQ, i pueblonan indígena. Un representante di e Konseho Nashonal di Trabou i Promoshon di Empleo (CNTPE) di Perú a enfatisá importansia di un diálogo strukturá entre partnernan sosial. E representante di CNTPE a atvertí ku “Sin koöperashon, esnan mas vulnerabel lo keda invisibel”.
Tambe e transformashon digital, ku ta tumando lugá di forma aselerá den nos region, tabata punto di enfoke durante e interkambio virtual.
Reunionnan previo di CESISALC ya a pone debido atenshon na tantu e oportunidatnan komo e riesgonan di Inteligensia Artifisial (AI). “Avansenan teknológiko por stimulá kresementu ekonómiko, pero sin un regulashon adekuá, eksklushon lo keda un peliger real,” segun e partisipantenan.
Na e enkuentro aki tambe a papia riba ekspanshon di e ret CESISALC. Resientemente, e órgano asesor sos-
ioekonómiko di e provinsia di Salta di Argentina a bira miembro nobo, i SER di Kòrsou ta hibando kombersashonnan ku miembronan nobo potensial di Méhiko i Chile. E ekspanshon aki ta ku mira pa sigui fortalesé e ret i avansenan sosioekonómiko den region.
CESISALC lo tene su próksimo enkuentro, e biaha aki den un forma físiko, na luna di febrüari 2025 na La Antigua, Guatemala, kaminda e partisipantenan lo evaluá progreso di e proyekto- i programanan ku ta keda na marcha.
For di sèptèmber 2023, SER di Kòrsou ta presidí e ret regional aki.
Sindrome di Tarzan: Bula di un relacion pa otro pa evita soledad
E Sindrome di Tarzan ta wordo describi un patrochi emocional caminda cu e personanan, pa miedo di soledad, ta busca rapidamente relacion nobo sin tuma e tempo necesario pa sana despues di un ruptura. E ciclo aki ta perpetua relacion superficial y dependiente, impulsa p'e necesidad di validacion y e temor na abandono. A traves di ehempel manera esun di Marta, Diego, Laura y Alejandro, por observa con e comportacion aki, aunke
no reconoci clinicamente, ta afecta hopi persona den nan buskeda constante di afecto, creando un dinamica emocional insostenibel y repetitivo.
E "Sindrome di Tarzan" ta wordo uza pa describi esunnan, despues di un ruptura amoroso, no ta permiti procesa e duelo emocional ni siña di e experiencia. Como resultado, nan ta bula pa un relacion nobo en busca di consuelo inmediato, di forma similar na con
vinculo nobo. Diego, di un otro banda, tin dos decada sin ta soltero pa mas di algun luna. Despues di cada ruptura, rapidamente ta cuminsa cu otro relacion, sin permiti conoce profundamente nan parehanan. E ta busca pa evita e bashi emocional sin para pensa den su propio necesidadnan.
Laura y Alejandro tambe ta mustra e patronchi aki. Laura tabatin cinco relacion den tres aña. Despues di cada ruptura, e ta sinti su mes kibra, pero pero e no ta
frenta nan miedo na soledad. E miedo na abandono y e necesidad di validacion constante ta forsa motriz tras di e sindrome aki, loke ta impedi cu e personanan aki establece relacion profundo y saludabel.
Supera e "Sindrome di Tarzan" ta rekeri un gran dosis di introspeccion y tempo pa sana emocionalmente prome cu cuminsa un relacion nobo. Ta fundamental siña disfruta di compania propio y desaroya un autoestima solido. Solamente asina ta posibel kibra e ci-
Tarzan ta pasa di un liana pa otro sin por mishi tera. E conducta aki ta un forma di evita enfrenta soledad, dolor of e sensacion di bashi, loke a largo plazo ta genera relacion insatisfactorio y patronchi repititivo di dependencia emocional.
Marta, por ehempel, ta un muhe cu ta idealisa su parehanan, pero ora cu e realidad no ta cumpli cu su expectativanan, su relacionnan ta fracasa y e ciclo ta ripiti. Aunke su relacionnan inicial parce ta prometedor, semper nan ta caba di e mesun manera pasobra Marta no ta tuma tempo pa reflexiona ni sana prome cu cuminsa cu un
tarda pa involucra su mes cu otro persona. Su buskeda constante di validacion externo ta push'e na confundi intensidad inicial cu amor, loke inevitablemente ta lag'e emocionalmente insatisfecho. Alejandro, despues di a sali for di un relacion toxico, rapidamente ta involucra den otro similar, ripitiendo e mesun erornan pa no tuma tempo pa enfrenta su dolor emocional.
E patronchi aki, aunke no ta reconoci oficialmente como un trastorno den manual manera DSM-5, ta comun den e psicologia popular pa describi hende cu no ta en-
clo di dependencia emocional y establece relacion mas autentico y satisfactorio.
Finalmente, e sindrome aki ta refleha e lucha interno pa evita soledad y e bashi emocional. E personanan cu ta experimenta nan sa idealisa nan relacionnan na principio pero sin un reflexion adecua ni un proceso di duelo, e mesun heridanan emocional ta bin bek den cada relacion nobo. Siña ta so, procesa e dolor y priorisa e autoconocemento ta clave pa kibra cu e ciclo aki y haya e balans emocional necesario pa relacion saludabel a largo plaso.
Inteligencia Artificial a revela cu cancer di prostaat ta dividi den dos subtipo diferente
Den un revelacion pionero cu por revoluciona e forma di diagnostica y trata e cancer di prostaat, un ekipo di cientifico Britanico a descubri cu e malesa ta inclui dos subtipo diferente di e enfermedad. Segun e investigacion publica diahuebs den e revista Cell Genomics, e descubrimento a realisa uzando inteligencia artificial (AI). E ekipo a aisla e DNA di e muestranan di 159 pashent mediante e secuencia di e genoma completo, un forma exhaustivo di analisa e totalidad di e material genetico di un persona y despues a cuminsa compara nan cu ayudo di AI. Asina a identifica dos grupo di cancer diferente entre e pashentnan. Siguientemente, e investigadonan por a integra tur e informacion aki pa genera un rama evolutivo cu ta mustra con e dos subtiponan di cancer di prostaat ta desaroya. E implicacionnan di e
avance aki ta di gran alcance y ta ofrece speransa nobo n'e pashentnan diagnostica cu cancer di prostaat. Door di identifica e subtipo specifico di e malesa, e dokternan por personalisa e plannan di tratamento y impedi e crecemento di e progreso di e tumor. "Nos investigacion ta demostra cu e tumornan di prostaat ta evoluciona door di diferente manera, dunando luga na dos tipo diferente di malesa," Dan Woodcock, investigado principal di e Departamento Nuffield di Ciencia
Kirurgico di e Universidad di Oxford, a afirma, cita p'e organisacion patrocinado di e estudio, Cancer Research UK. "E comprension aki ta fundamental, ya cu ta permiti nos clasifica e tumornan den funcion di con e cancer ta evoluciona y no unicamente di e mutacionnan genetico individual of e
patronchinan di expresion," el a agrega.
Segun Naomi Elster, director di investigacion di Prostate Cancer Research, tambe ta bay di acuerdo cu e organisacion cu ta patrocina e estudio, "e resultadonan aki por ta e principio p'e cientificonan por aplica n'e cancer di prostaat e mesun enfoke di 'divide and conquer', cu a funciona den otro malesa, manera cancer di pecho."
Cancer di prostaat t'esun mas frecuente entre e hende hombernan na Reino Uni, cu 55 mil caso pa aña. Fuera di esey, e ta afecta un di cada seis homber den e pais a lo largo di su bida. A pesar di e nivel di mortalidad aki, casi 8 di cada 10 (77,6%), e pashentnan diagnostica cu cancer di prostaat na Inglatera ta sobrevivi e malesa pa dies aña of mas.
Un feliz dia bendiciona colma cu hopi amor, fe y speransa den nos Bon Dios
Despues di un rato e cria a bisa su shon: ’Señor a cumpli cu bo ordo, ma toch a sobra luga!’ (Lucas 14: 22)
Nos ta forma un solo curpa pa medio di nos union cu Cristo y nos ta uni mescos cu partinan di un solo curpa (Rom. 12: 5). E cria lo a haya duele ora prome invitadonan a nenga. Asina mes el a sigui cumpli cu ordo di su shon y aunke el a cumpli toch a sobra luga. Esaki ta mustra cu e ta persevera y cumpli cu zelo cu su shon y ta na paz. Nos tin cu traha pa, y sirbi Señor cu zelo (Rom. 12: 11). Pero, Señor tin mas luga, pues e capacidad pa invitadonan pa e reino di Dios ta surpasa e expectativa di cada un di nos. Hesus ta siña nos pa cumpli cu ordo di Tata. Aunke nos por pasa den tribulacion y perseverancia, oracion constantemente ta yuda paso e speransa cu nos tin lo haci nos contento (Rom.12: 12). Paso cerca Señor nos ta na paz manera un yiu cerca su mama (Salmo 131).
Oracion: Señor regala nos gracia pa nos comparti donnan conforme Bo boluntad y biba den harmonia cu otro. Amen.
Endy Croes: E VELD DI NADI CROES CRISMO ANGELA TA DEN PLENO PREPARACION PA THE KINGDOM SERIES 2024
Pueblo di Aruba ta cordialmente invita pa dia 31 di october pa 5 di November
ORANJESTAD: Recientemente, Endy Croes a bishita Veld di Nadi Croes Crismo Angela na Santa Cruz pa supervisa con e trabounan di mantencion y renobacion ta canando di acuerdo cu e schedule pa The Kingdom Series 2024. E campeonato ta tuma luga na Aruba di 29 di october te cu 5 di november y ta priminti di kibra tur espectativa. E Veld di Nadi Croes Crismo Angela a haya su “backstop padding” pa prome bes den historia. “Minister of no minister nos pasion ta keda igual.
Nos ta sigui guia pa e trabounan por continua,” Endy Croes a subraya. Pueblo di Aruba ta cordialmente invita pa presencia e weganan dia 31 di october pa 5 di november. “Hunto ban apoya e Seleccion di Aruba, mira wega di baseball di un calidad halto cu hungado profesional y sostene e deporte di baseball”,
Endy Croes a finalisa. Un amigo pa semper! Endy SI!
Prensa a ricibi nan Kalender di Brazil Taekwondo Stichting
Brazil Taekwondo Stichting a duna Prensa nan Kalender di 2025 y hopi a ricibi e bunita y colorido Kalender cu hopi alegria. Mayoria di e Miembronan di Prensa a bisa cu e ta hopi
mas bunita cu esun di aña pasa. Esaki ta bin door cu tur biaha ta saca potret na otro luganan rond di Aruba y algun potret ta wordo saca den exterior ora cu e atletanan biaha.
Brazil Taekwondo Stichting hunto cu Taekwondo
Team Aruba ta traha duro pa sigui promove Taekwondo
na Aruba y ta bay sigui traha mas duro pa recau-
da fondo pa e atletanan por representa Aruba den eventonan
Internacional. Si bo persona ta desea un of mas Kalender di Brazil Taekwondo Stichting, semper por manda Whatsapp na 5682446
of por acudi via nos Facebook Messenger original di Stichting Brazil y nos lo hiba un of mas Kalender pa bo persona si ta desea. E Kalender ta costa solamente 25 florin y tur fondo ta bay pa e atletanan.
Ursell Arends: RECUPERANDO E DESTINO DI ARUBA; E LUCHA CONTRA SOBRETURISMO
ORANJESTAD – 24 october 2024 - Sobreturismo no ta un tema cu a bin di sopresa, e no ta un fenomeno nobo cu awo merece nos atencion. Aruba su identidad a bin ta wordo bendi bloki pa bloki, e problema no ta e ambicion pa prosperidad, e problema ta cu no a realisa of no tabata kier a realisa cu ta basta.
Loke si ta soprendente, uno cu por wordo cualifica como e luz di speransa ta cu porfin esnan encarga cu infrastructura y turismo a sa di habri wowo, a sa di scucha su pueblo cu ya di 2018 a demostra basa riba mas cu 10.000 firma cu mester stop e construccion decontrola di mas hotel y condominium. Na 2019, RAIZ, lidera pa Ursell Arends a organisa e simposio “The Road to Sustainable Tourism”, unda nos a enfatisa e necesidad pa duna prioridad na desaroyo di ecoturismo.
For di principio, RAIZ a bin ta adverti riba e efectonan negativo pa nos pais si no transforma turismo masivo den un turismo sostenibel y responsabel. Si no cambia e vision di Aruba Tourism Authority (ATA) pa no solamente ta e miho agencia cu ta atrea turista mundialmente, sino pa enfoca riba un turismo di calidad cu no ta bai a costo di nos naturalesa. Nos ta contento di por mira cu e cambionan aki a wordo presenta y cu muy pronto lo cuminsa wordo implementa pa asina di berdad nos atrae bishitantenan cu tin respet y aprecio pa nos balornan natural.
RAIZ semper a bisa claramente cu e proteccion di Aruba su recursonan natural ta un prioridad, mientras cu nos ta promove un
desaroyo sostenibel. Nos ta reconoce cu Aruba su dependencia economico riba turismo ta real, pero tambe ta necesario pa hinca un enfoke mas balansa, cu ta pone proteccion di nos medio ambiente den e centro di tur decision. RAIZ ta orguyoso di wak cu mas y mas politiconan a adopta nos principio fundamental pa duna naturalesa su bos den e arena politico. Esey ta un señal cu e raiz di e simia cu nos a planta pa bienestar di nos naturalesa ta floreciendo firmemente den nos comunidad y tambe den e maneho di turismo.
Mientras cu otro politiconan apenas ta alcansando e discusion aki, nos ta sigui proactivo. E movecion di activismo cu ta tumando lugar awo riba nos isla ta algo cu por a wordo ancitipa. E ta algo cu no ta pasa na Aruba so sino mundialmente. Activismo ta algo cu ta wordo mira malo, pero na mes momento, politiconan por mira esaki como un aliado natural cu ta boga pa miho regulacion y practicanan pa un turismo sostenibel na Aruba. ta un manera pa. Ta facil pa alsa bos ora cu e problema ya a yega su peek, pero berdadero liderazgo ta consisti den anticipa, planifica y actua prome cu e problemanan surgi.
Ora cu RAIZ a drenta gobernacion, un di e prome preguntanan cu nos a haci ta, cuanto contrato mas mester purba wordo kibra pa nos tin moratorium real di e construccion di mas hotel of condominio? Den tur esaki a stimula dialogo cu inversionistanan cu tabata dispuesto, pa conforme ley y conforme proteccion di nos identidad cultural, respeta nos naturalesa. Tambe mescos cu
na 2018 a pidi conforme ley diferente documento, manera social-economic impact assessment y environmental impact assessment, pa tur proyecto tambe esaki a wordo haci y sin lubida tendiendo di consehonan di departamentonan concerni.
RAIZ tey pa sigui ta e bos di naturalesa den tur discusion y na tur mesa di negociacion. Nos lo sigui boga pa tende di e conseho di expertonan den conservacion di medio ambiente y no solamente esnan guia pa interesnan partidario of populista.
Ta berdad, cu awo cinco pa 12 ta cuminsa vocifera cu tey traha via maneho pa preveni cu hotelnan den futuro por wordo expandi. Cu awo na 2024 tey cuminsa regula sobreturismo. Pero RAIZ ta kere cu ainda nos ta na tempo, tin hopi mas cu por wordo haci pa salba e partimonio natural di Aruba.
RAIZ lo sigui lidera e caminda pa un maneho di turismo responsabel.
