KEHO PENAL A WORDO ENTREGA PROMER
Diahuebs por a mira un otro show politico tuma lugar, unda Marisol y Dowers, kier busca tur forma pa usa loke a sosode na SSA como un sucedido politico.
Na promer lugar mester keda bon cla, cu no tin ningun politico di MEP ni Minister di MEP envolvi den e asunto aki.
Ademas SOLO DI PUEBLO a compronde cu Minister Endy Croes mes a trece dilanti cu tin
CU MARISOL Y DOWERS
un investigacion tumando lugar y SSA a haci un anuncio den prensa cu nan lo entrega un keho penal contra e autor cu a comete cosnan irregular.
Nos a compronde cu e keho ya a wordo entrega caba. Pues Marisol kier a sali den publicidad, haciendo comosifuera te ta salbadora di Husticia. Ta di lamenta su postura y ta di lamenta cu nan kier tira esaki den esfera
politico. Importante aki ta cu e instancia concerni a detecta cosnan irregular, a investiga y a entrega keho.
Esaki ta mustra cu no tin ningun tapamento pa ningun persona. Ademas e documentonan cu Marisol a show cune cu el'a hiba Ministerio Publico, ya caba ministerio publico a haye. Den e caso aki tin un persona cu a admiti culpabilidad y awor e mester asumi e consequencia di su actonan.
AWE SENTENCIA TA CAY DEN CASO
ArubA bAnk tA contribui nA enseñAnsA digitAl di colegio sAn Hose cu un “digitAl screen” nobo
– 26 di september 2024 – Recientemente Aruba Bank a contribui cu un “digital screen” nobo pa Colegio San Hose, un paso significativo pa mehora e ambiente di enseñansa digital di e scol. Como un di e scolnan na Aruba cu a implementa Papiamento completamente como idioma principal, Colegio San Hose a tuma un paso pionero den desaroyo di materialnan di enseñansa digital cu ta refleha nos cultura y idioma local.
Cu sosten di Aruba Bank, e scol ta awor ekipa cu un “digital screen”. Esaki lo permiti cu e maestronan por duna lesnan mas interactivo y atractivo, preparando e studiantenan cu naturalmente ta prefera enseñansa digital pa eksito den un mundo cu ta cambia rapidamente.
Colegio San Hose ta contento di por a cuminsa e aña escolar nobo cu mas recurso digital, danki na e sosten di Aruba Bank. E patrocinio aki lo permiti e studiante nan pa saca probecho di un ambiente di enseñansa dinamico cu ta comparti directamente cu nan preferencianan digital, mientras ta promove nos idioma y cultura local.
Colegio San Hose a transforma su curriculum pa crea un gran cantidad di material digital den Papiamento. E uzo di screen digital ta sigura cu studiante nan tin acceso na contenido mas relaciona cu nan realidad y culturalmente relevante, diseña specificamente pa nan necesidadnan.
Noticia di Corte Mayan sentencia ta cay den caso asesinato cruel di MieMbro di cea, sergio Maduro
Mayan mainta, Bryan Jimenez (28) y Jennifer Gonzalez (39) tin cu presenta dilanti Hues pa scucha nan sentencia. Fiscal ta haya ambos culpabel di asesinato di e miembro di CEA, Sergio Maduro riba 24 December 2023. SOLO DI PUEBLO por a compronde cu Fiscal a exigi 18 aña di prison pa Bryan y 20 aña di prison pa Jennifer.
SCUCHA ACUSADO PAPIA
Dia 6 di September 2024, tratamento di e caso a tuma lugar caminda Fiscal a bisa Hues cu e pareha aki ta envolvi den e asesinato cruel di Sergio. Recherche a logra detene e homber P., door cu e tabatin e chip di e cellular di Sergio den su cellular. Den interogacion, P. a basha abao riba Bryan.
Recherche a pone mike special den auto di Bryan pa scucha combersacion entre e homber P. y Bryan. P. ta esun cu a bay busca Bryan na
Noord, despues cu Bryan a mata Sergio Maduro banda di e parke di Avestruz.
ASESINATO PREMEDITA
Fiscal ta haya tur esaki ta un asesinato premedita. El a bisa cu tabatin un plan caminda mester a laga mustra cu ta un accidente a sosode y cu Sergio a fayece. A haya DNA di Bryan bou huña di Sergio cu ta mustra cu e rascanan cu Bryan tabatin na su braza ta di Sergio cu tabata lucha pa su bida. Despues di a asesina Sergio, Bryan a bay para e auto di Sergio banda di un school na Noord. Fiscal a mustra cu Bryan a bisa tur cos con Jennifer a pidi pa asesina Sergio y door cu Bryan tabatin mester di placa pa paga alimentacion di su yiu na Hulanda, el a pidi 2 mil florin.
Fiscal ta haya cu Jennifer ta gaña di no a haci nada y tira tur culpa riba Bryan. Fiscal a bisa cu tin testigo a mira Bryan y Jennifer den auto
riba 24 December 2023. Fiscal a mustra cu tin hende a bisa cu Sergio a bisa cu Jennifer ta blo mira peliculanan di asesinato na television y ta kere cu Jennifer kier laga mat’e. Fiscal a sigui bisa cu tin diferente hende a bisa cu Jennifer a bisa cu e ta fada di Sergio y cu e kier mat’e. Na opinion di Fiscal, Jennifer no a laga esaki na papia so sino a haci’e tambe door di pidi Bryan, kende a asesina Sergio na un forma cruel. El a sigui bisa cu Jimenez y Jennifer a bay check si tin placa riba cuenta di Sergio via ATM pero no a haya nada. Fiscal a mustra cu Jennifer ta keda desmenti di a planea e asesinato di Sergio pero tur e otro testigonan y hasta e sospechoso Bryan ta mustra cu Jennifer ta envolvi. Fiscal a exigi 18 aña di prison pa Bryan y 20 aña di prison pa Jennifer. Mayan lo haya sa kico Hues ta pensa di e caso y ki castigo e lo condena e pareha aki.
Propuesta di Partido FUTURO ta: un Maneho integral Mas transparente y efectivo pa hunto dirigi pais aruba
Despues di a haci su entrada formal den e escena politico local, partido FUTURO ta consciente cu e reto su dilanti ta di demostra kico exactamente ta loke ta diferencia nan di otro organisacionnan y pakico e ta representa e miho alternativa di liderazgo den e proximo eleccion.
Sra. mr. Gerlien Croes a splica cu e ideologia di FUTURO ta resumi den e forsa progresivo di cada individuo cu ta guia su mes pa transparencia, responsabilidad, integridad, libertad y confiansa. A base di esey ta formula un gobernacion efectivo y eficiente cu inclusion y integridad, pa crea e miho condicionnan economico y social pa e comunidad Arubano.
Esaki ta e pensamento cu cual ta busca pa pasa e pagina di e ultimo tres decada caminda a bay tras di crecemento economico sin limite, mientras cu e indicadornan social a keda hopi atras. Cada signatura a goberna di manera egoista y sin vision riba termino largo. A keda pusha e problemanan bou tapijt pa otro purba soluciona y esey ta un di e motibonan principal pakico awendia ta reina un desconfiansa den gobernacion.
FUTURO ta pone un stop na e campaña basa riba promesa falso y solucion rapido. Ta consciente cu finanzas publico te na vivienda y for di embehecemento te na
necesidad structural di forsa laboral, ademas di pobresa y hopi problema social ta algo cu no por bin di awe pa mañan, pero un cambio den e liderazgo nacional awo, ta imperativo y urgente pa por restitui e ordo y resolve e problemanan structural profundo. Gerlien Croes: “Nos mester formula e plan ey colectivamente, biniendo hunto, protehando esun
mas vulnerabel y percurando pa construi un futuro sostenibel pa e generacionnan venidero; pa cada un di nos por disfruta di un bida digno na Aruba manera nos tur merece.”
“Cu un compas moral y pureza di accion ta esencial pa alcansa un comunidad fuerte cu por trece solucion y pensamentonan sostenibel pa medio di innovacion social, desaroyo personal. Husticia social mester ta garantisa den decisionnan transparente y responsabel”
Y esey ta loke FUTURO ta ofrece na e ciudadanonan di Aruba: un direccion diferente pa nos por conoce un FUTURO miho. Pa mas detaye, bishita www.futuro.aw
DEN UN SALA COMPLETAMENTE YEN, LIDER DI PARTIDO
NA FAMIA
DI
SEÑOR APOLONIO WERLEMAN (POY)
Diaranson anochi na Cede di partido Movimento Electoral di Pueblo (MEP), a organisa un encuentro na unda den compania di famianan y conocirnan a repasa riba e bida y logronan di señor Apolonio Werleman (Poy) dfm.
E anochi special aki a wordo organisa pa Fundacion Formacion
Politico Nelson Orlando Oduber (FFPNOO) cu tin como tarea e formacion politico di e siguidornan y candidatonan, pero
specialmente pa comparti e historia di MEP dunando charlanan cu ta titula Fundeshinan di Cambio, y dunando honor na lidernan cu a pone nan talento y potencial disponibel pa construi fundeshinan solido cu a permiti e progreso di pais Aruba.
Señor Apolonio Werleman, miho conoci como Poy dfm, sigur ta un persona cu a nifica hopi no solamente pa partido MEP sino tambe pa e bario di Santa Cruz y Aruba en general. Pa loke ta partido MEP, Poy dfm a wordo pidi dor di Nos Libertador Betico Croes pa bira miembro di Staten Insular. Tambe Poy dfm a sirbi como consehero di ex lider di partido señor Nelson Orlando Oduber, na unda e tabata controla e presupuestonan y traha synopsis di e contractnan grandi cu hotel y inversionistanan.
Pa e bario di Santa Cruz, Poy tambe a dedica hopi di su tempo y sabiduria. E tabata cofundador di e prome kleuterschool, basisischool y middelbare school na St Cruz, y tambe cofundador di Avond Havo Aruba.
Na final di e anochi special aki, como muestra di aprecio y gratitud, lider di partido Evelyn WeverCroes a haci entrega di un reconocemento na e famianan presente. E anochi a conta cu un sala completamente yen, na unda no solamente famianan, sino tambe conocirnan y fiel votadornan di partido tabata presente pa mustra nan aprecio y gratitud na famianan di POY dfm, pa tur loke el a nifica pa partido MEP, y Aruba en general. Lider di partido:
Poy dfm tambe a traha incansabel na progreso y bienestar di pais Aruba, biniendo cu cambionan den formacion di reino, y den kiesgerechtigden, Tambe e tabata parti di e comienso di lucha pa separacion.
Diaranson anochi a drenta informe di cu un dama lo a huur un auto pero no a entrega esaki bek riba e dia stipula y awo a blokia e dama den auto, na yegada di polis e doño di e auto a mustra polis e documentonan y e por a bay cu su auto y e muher a keda na pia door di no cumpli cu e acuerdo.
Minister Endy Croes: PUEBLO DI ARUBA TA CORDIALMENTE
INVITA PA THE REAL DEAL DIASABRA, 28
DI SEPTEMBER NA PALOMARGA
Organisa pa The Destroyer Racing Team
Diaranson mainta, Minister Endy Croes a ricibi bishita di Sr. Jayson Geerman, Mc Monti di Corsou y Sr. William “Bill” Berg, kende ta doño di Rocketbilly Racing.
Manera ta conoci, e fin di siman aki, ta tuma luga e tan spera “The Real Deal” organisa pa Destroyer Racing. Durante e encuentro ameno, a comparti cu e mandaterio
di Deporte e historia y trayecto di Bill y e preparacionnan pa e show cu ta priminti di surpasa tur espectativa.
Diasabra awo, riba e pista renoba y certifica di Palomarga ta bay tin careda, drifting y pa prome bes lo tin un Jet “Smart” Car, esta un auto cu motor di avion cu ta saca hopi huma y candela. E show di diferente “rider” y “jet Smart Car” ta programa
pa inicia despues di e caredanan di drag race. Sr. Geerman a sorprende e mandatario di Deporte cu un invitacion pa acudi diasabra na e evento. Pueblo di Aruba ta keda cordialmente invita pa bin presencia un show espectacular diasabra awo na Palomarga. Por ultimo, Minister Endy Croes ta desea Destroyer Racing Team hopi exito The Real Deal.
ultimo dianan pa insCribi pa landsexamen 2025
Oranjestad, 26 di september 2024
Departamento di Enseñansa Aruba (DEA), seccion examen, ta informa cu inscripcion pa Landsexamen MAVO, HAVO y VWO pa aña 2024 -2025 ta habri di 1 te cu 30 di september 2024. Ken por participa?
Landsexamen ta brinda e oportunidad pa haal un diploma di MAVO, HAVO of VWO na un manera flexibel.
Un “landsexamen” ta igual na e examen di un scol secundario y un diploma di landsexamen MAVO, HAVO of VWO tin e mesun balor cu e diploma obteni via un scol secundario.
Landsexamen ta aplica e mesun exigencianan pa examen (exameneisen) y e mesun “schriftelijke centrale examens”.
Esnan cu no ta bishita scol secundario (mas) pero cu ainda kier haal nan diploma, como tambe esnan cu kier haal certificado pa un of mas materia (vak) specifico por inscribi pa participa na Landsexamen. Esnan cu scoge pa participa na landsexamen no ta obliga pa haci examen den tur materia pareu. Bo por scoge pa haci examen y haal
“deelcertificaten” pa un (1) of mas materia durante diferente aña escolar. Cada
candidato tin maximo 10 aña pa haal su diploma via landsexamen.
Riba nos website ea.aw riba e pagina di Landsexamen por haya mas informacion di e similaridadnan y e diferencianan entre Landsexamen y scol secundario.
Con pa inscribi?
Pa inscribi mester yena formulario digital di inscripcion cu ta riba nos website www.ea.aw. Aki tambe lo mester upload un extracto di registro civil (afl. 5,-) cu no ta mas bieu cu 6 luna.
Mas informacion
Pa tur informacion tocante Landsexamen mester download e
“Informatiebrochure Landsexamen 2025” for di nos website. Bay na www.ea.aw y riba e pagina principal busca Landsexamen na letter (L) den e alfabet menu.
Ta sugeri candidatonan y interesadonan pa sigui Departamento di Enseñansa Aruba riba Facebook y/of Instagram @EducationAruba pa keda na altura di tur informacion.
WWW.EA.AW, WWW. PAPIAMENTO.AW, +297 528 3400, STADIONWEG 37, ORANJESTAD, ARUBA
Camara di seguridad a Capta intrusonan Cu lo kier a drenta un Cas pa horta na santa luCia
Diaranson anochi a drenta informe di cu riba camaranan di seguridad na un cas habitantenan ta mira intruso den su cura di cas, mesora e habitante a sali pa sorprende e supuesto ladronnan aki pero nan a core bay drenta mondo scur y subi auto y core bay. Polis tambe a busca den e area pero no a encontra cu nan.
dama a Cay den baño na arendstraat y tabata keha di hopi dolor ambulans y bombero a bay p’e
Diaranson mainta a drenta informe di cu un dama a cay y no por lanta y ta keha di hopi dolor, mesora a dirigi ambulans na e sitio. Na yegada di e ambulans nan a atende e dama pero no por a lant’e ya cu e ta hopi pisa pa cual nan a pidi yudansa di bombero. Na yegada di bombero a logra lanta e dama y transporte pa hospital.
MINISTER ENDY CROES A ELABORA RIBA E IREGULARIDAD CU A TUMA LUGA DEN STICHTING SPORTSUBSIDIE ARUBA (SSA)
ORANJESTAD: Durante
Conferencia di Prensa di Gobierno di Aruba, Minister Endy Croes a elabora riba e iregularidad cu a tuma luga den Stichting Sportsubsidie Aruba (SSA).
Den luna di september e aña aki, Minister Endy Croes a wordo informa door di e presidente di e Hunta di Supervision di SSA cu nan a detecta supuesto iregularidad. Mesora
Minister Endy Croes a pidi pa haci un investigacion pa tin claridad. Dia 10 di september ultimo, den ora di atardi e persona di SSA, kende supuestamente ta sospecha di ta esun involucra den e caso aki a yega Aruba como cu e tabata den exterior. Dia 11 di september mainta, pues e siguiente dia e Hunta di Supervision a yam’e aden y a schors e mesora tumando su laptop, yabi y pertenencianan di SSA pendiente e investigacion.
Minister Endy Croes a indica cu ta trata entre otro, primoridalmente di tres (3) nomber cu lo tabata ricibi cierto suma pa organisa proyecto/ evento deportivo, pero aparentemente e proyectonan aki no a tuma luga. Esaki a sosode varios bes, unda e mesun tres (3) nombernan a bin dilanti.
E tres (3) personanan aki ta desconoci pa e mandatario di Deporte y pa e Hunta di Supervision di SSA. Esaki ta e linea cora cu a lanta e sospecha y a haci un investigacion mas profundo. Di ki suma ta trata aki no ta conoci ainda, ta calcula cu e
ta bou di 250 mil florin, pero investigacion lo determina esaki cu exactitud. “Mi ta contento cu a cay riba e iregularidad tempran y cu a actua diligentemente,”
Minister Endy Croes a enfatisa. Tambe, e mandatario di Deporte a subraya cu door cu ta den aña di eleccion prensa comprometi a haci hopi sensacion cu e noticia aki culpando diferente minister y susha nomber di hende cu no tin nada di haber cu e caso aki. Minister Endy Croes a enfatisa cu ningun minister no tin ni arte ni parti den esaki.
Tampoco ningun miembro di Hunta di Supervision tin algo di haber den esaki manera speculacion di cierto prensa. Ademas, Minister Endy Croes a informa cu el a ricibi informacion di e Hunta di Supervision di SSA cu e persona envolvi recien a acepta por escrito su culpabilidad. E investigacion final lo determina e proceso cu mester wordo cana.
Fuera di esaki, Minister Endy Croes a clarifica cu SSA ta un fundacion riba su mes di un “two tier model” consistiendo di un Hunta di Supervision cu ta controla y un “bestuur” cu ta e director cu ta encarga cu e parti operacional. E placa di SSA ta bay pa e federacionnan. Banda di esaki, tin un presupuesto destina pa entre otro, CEMEDAR y Premio Excelencia den Deporte (PED), unda cu ta reconoce e atletanan cu mas a destaca. Tambe tin presupuesto pa Weganan
Escolar, unda cu 45 scol y mas di 1000 alumno ta participa den diferente disciplina y tin fondo aloca pa Weganan Interinsular. Minister Endy Croes a sigui splica cu ora ta organisa un evento manera PED tin su costo y ningun hende no ta traha por nada entre otro, tin cu paga un compania di sonido, decoracion, usher, MC, artista y premio.E Hunta di Supervision di SSA a tuma e medidanan necesario pa e continuacion di operacion no wordo
perhudica den e caso aki. Alabes, Minister Endy Croes ta garantisa cu no lo stroba deporte y a tuma tur medida necesario pa algo asina aki no ripiti. Tambe ta garantisa e federacionnan cu nan placa t’ey. Tur federacion cu a solicita subsidio pa nan proyecto pa aña 2024 y a haya aprobacion na luna di januari 2024 ta keda vigente y lo sigui ricibi nan subsidio manera cu e ta aproba. “Nos ta lamenta e echo. Nos ta para pa integridad y na momento cu nos a wordo
informa cu tin algo mesora a tuma e pasonan corecto. Nada lo para of stroba deporte y a tuma medida adicional pa garantisa cu deporte no lo bira victima”, Minister Endy Croes a finalisa.
Candela di mondi na Pa Paya tabata menasa un Cas den C erCania
Diaranson atardi a drenta informe di cu tin un candela di mondi pega cu un cas na Papaya, mesora a dirigi tanto polis como bombero na e sitio. Na yegada di e patruya a tuma nota cu e candela a plama y ta yegando na un cas, polis a pidi pa bombero bini cu mas urgencia. Na yegada di bombero a cuminsa cu un combate fuerte y directo, na yegada di e otro
unidad di bombero a manda awa pa e otro truck y a saca un otro slang pa spuit di e otro banda. Despues di un fuerte bataya finalmente bomberonan a logra paga full e candela.
Polis a C onfis Ca auto C u a o Casiona aCCidente y
a C
ore bay y a detene e C hauffeur tambe
Diaranson mainta na Jan Flemming polis a logra haya un auto cu a oca -
siona un accidente un rato prome y a core bay, mesora a polis a confisca
e auto y a detene e chauffeur.
Lider di AVP, mr. Mike Eman:
Cin C o P unto di AtEnC ion PA y EgA n A un
AC uE rdo n AC ionAL rib A turis Mo
Den ambiente di un bista imprecionantente di e lamar y beachnan di Aruba e lider di AVP mr. Mike Eman a dirigi su mes na prensa den un conferencia special dedica na Turismo for di comienso di e strip di Palm Beach. Esaki den cuadro di Siman di Turismo y Dia Internacional di Turismo cu ta diabierna awo, 27 di september. Eman a presenta cinco punto concreto y urgente di cambio cu AVP lo kier mira den e siguiente gobernacion.
“Den e prome 100 di gobernacion di AVP, lo organisa un dialogo social pa yega na un acuerdo nacional pa logra 5 punto importante,” asina Eman a indica. Ta trata di prosperidad comparti, high season henter aña, reduci cost of doing business, control di crecemento y proteccion di producto Aruba.
Den e cantidad enorme di combersacion cu e lider semper a y ta hiba cu trahado di e sector, den ki funcion cu por ta, e mensahe e mesun: cu e industria cu a construi cu trabou duro y sodo, no ta brinda suficiente prosperidad; cu no ta gosando di e prosperidad cu turismo ta crece. AVP ta kere cu mester yega na Miho Salario, Miho Condicion di Trabou y Miho oportunidad pa esunnan cu ta traha den turismo por crece. Eman a articula iniciativanan nobo cu e forza di logronan strategico y historico di gobiernan di AVP cu ta worde reconoci dor di tur hende. Hopi conoci ta con AVP a reduci off-season cu iniciativanan creativo cu introduccion entre otro di International Hi-Winds compitition y Jazz Festival durante Off-Season. Esaki a sirbi como inspracion
pa otro competencianan den deporte manera Beach Tennis y festivalnan musical. Asina a cuminsa logra e tempo ey cu incentivo y eventonan pa cuminsa yena e epoca di low season. Esaki ta lunanan masha dificil caminda hotel y restaurant apenas por sobrevivi y industria crucero ta bay di 10 barco pa siman dia pa 1 barco pa siman. “Nos hendenan ta perde capacidad di mantene entrada y p’esey mester di un gobierno creativo cu ta bin cu cosnan nobo cu ta evita e caida grandi den off season.
Eman
E di tres punto di salida ta esun pa mitiga of controla e crecemento di capacidad. Esaki ta duna tempo y espacio pa ahusta tur otro factor den comunidad. “Caminda tabatin felicidad, awe tin temor y preocupacion pa e cambio cu ta surgi den cantidad di camber, mientras cu otro tereno ta keda atras,” asina Eman a splica. Esaki no ta un reto nobo pa AVP, ya cu si no tabata pa Avenida Watty Vos, Green Corridor y mudamento di waf pa Barcadera, awe trafico lo ta completamente stanca y lo no por a carga e cantidad di bishitante.
AVP ta e unico gobierno cu a haci mega inversion den mehoracion y embeyecimento di Aruba pa crea un mihor producto y mehora e “leefbaarheid” pa pueblo den barionan.
Eman: “Aruba a conoce un periodo cu tabatin un vision cu ta compronde cu ora bo industria ta crece, bo mester tin inversion den e infrastructura, den enseñansa, pa mantene cu e paso di crecemento ta bay hunto cu un sociedad cu por carga e crecemento aki. Awo tin un desbalansa enorme, prob -
lema di rioleering na RWZI cu te hasta awa sushi ta yega lama; y ta “loop over” den centronan di ciudad” algo totalmente inaceptabel.”
Hunto cu tur gremio den sector, AVP kier yega na un acuerdo nacional cu pa 5 aña largo ta haci un “inhaalslag” grandi pa percura cu e prosperidad ta yega cerca nos hendenan; cu e infrastructura di Aruba por carga e crecemento y percura pa proteccion di naturalesa. E partido ta consciente cu industria turistico ta pone un presion enormemente grandi riba loke nos ta stima di nos pais cu ta nos naturalesa.
P’esey e hala cientifico di partido, Fundacion Mito Croes, ta trahando dia y anochi riba e temanan aki y ta asina leu cu AVP por anuncia cu ta preparando un raamwet. Den e prome 100 dia di gobernacion e mester pasa na parlamento y ta compromete gobierno. Ta preparando e raamwet
aki cu otro entidad cientifico internacional di filosofia Cristian Democrata.
E lider di AVP ta convenci cu pueblo kier mira cu turismo ta traduci den un calidad di bida husto pa tur ciudadano na e pais y esey ta inclui tambe tur comerciante, chikito, mediano y grandi, paso nan tambe ta sinti e presion di un cost of doing business cu ta halto y
no ta laga suficiente espacio pa comparti mas cu su forsa laboral.
E ta un angulo integral cu ta inclui reduccion di tarifa di utilidad, impuesto y otro factor mas. Eman a enfatisa di lo sigui duna mas detaye di esaki den e dianan nos dilanti, mientras cu e ta sigui duna oido na tur sector den comunidad.
Cas di Cultura ta presenta “Grease: the Musical” u
n produccion di Fin di aña “ electrifying”
Oranjestad, Aruba – 25 di september 2024: Cas di Cultura, Aruba su Teatro y Centro Cultural Nacional, ta entusiasma pa anuncia su produccion di fin di aña tan anticipa, Grease: The Musical, na su idioma original, Ingles. E interpretacion emocionante aki di e clasico stima lo subi escenario na december 2024, primintiendo di ta un presentacion di energia halto, ehecuta pa Aruba su hobennan mas talentoso, cu mu-
sica iconico y historia atemporal cu a capta curason pa generacionnan. Como parti di e mision continuo di Cas di Cultura pa fomenta aprecio y educacion di arte, Grease: The Musical no solamente lo atende cu e entusiastanan di teatro pero tambe tin como meta pa atrae un publico mas amplio, particularmente e generacion mas hoben di Aruba. Den liña cu e meta aki, Cas di Cutura ta ofrece oportunidad exclu-
sivo pa studiantenan di scol secundario experiencia e magia di teatro bibo atraves un competencia di video cu ta invita scolnan pa interpreta escenanan di Grease di un manera creativo, y e scol ganado lo disfruta di un presentacion gratis di e musical. Mas informacion over di esaki lo sigui. Pa sigui envolve e comunidad y haci e produccion aki accesibel pa un y tur, Cas di Cultura ta encanta di por partner cu Super Food. E colaboracion aki ta trese un promocion emocionante caminda clientenan tin e chance di gana carchi pa Grease cu cada compra haci na Super Food. Cas di Cultura ta hopi agradecido na e fondonan cultural y spornsornan di e evento aki esta, Fonds Podiumkunsten, VNO, Harry Koeman Fonds Op Naam (via CCG), SIXT Car Rental, Arubabank, Grant Thornton, Rasti Rostelli, DC Tax Solutions, New India Assurance y CEDE Aruba.
Encu E sta di Entrada & Gastonan 2023 - 2024 Ganadornan di periodo 9 y 10!
Dia 15 di November 2023, Oficina Central di Estadistica (CBS) a cuminsa cu e Encuesta di Entrada y Gastonan. Manera nos a menciona e Encuesta di Entrada y Gastonan ta encera 2 parti:
- Hogarnan participante lo wordo puntra pa contesta algun preguntanan tocante gastonan cu e hogar a haci durante e 12 lunanan cu a pasa prome cu e encuesta aki
- Hogarnan participante lo wordo pidi pa yena un Buki di Gastonan Diario. Den e buki aki tur gasto di tur miembro di e hogar mester wordo yena pa un periodo di 2 siman. Teniendo na cuenta e esfuerzo cu un hogar mester hasi pa e encuesta aki, CBS a logra bin cu un incentivo pa hogarnan participa. Hogarnan cu a participa completo na e encuesta aki y a duna nan number di telefoon pa asina nan por participa pa gana un incentivo cu ta un bon di supermercado na balor di Afl.100
CBS ta anuncia e ganadornan di periodo 9 -10 y alabes ta mantene e anonimidad di e hogarnan ganador. E 10 hogarnan ganador pa periodo nuebe cu a tuma lugar den luna di juli/augustus 2024 ta parti den e siguiente areanan di Aruba: 4 den San Nicolas, 1 den Paradera, 2 den Santa Cruz, 2 den Oranjestad y 1
den Noord.
E 10 hogarnan ganador pa periodo dies cu a tuma lugar den luna di augustus/ september 2024 ta parti den e siguiente areanan di Aruba: 3 den Oranjestad, 3 den Santa Cruz, 1 den Savneta, 1 den Tanki Leendert y 2 den Noord.
CBS kier a recorda tur hogar na Aruba cu ainda e Encuesta di Entrada y Gastonan 2023-2024 ta tumando lugar den tur bario na Aruba. Ta importante pa remarca cu tur encuestador(a) di CBS tin un badge y un uniform pa identifica nan mes debidamente. Si acaso un encuestador(a) no tin su uniform bisti, semper e lo por identifica su mes cu su badge.
CBS a tuma contacto cu e hogarnan aki pa asina nan por busca nan bon di supermercado. Na comienso di October 2024 lo saca e ganadornan di periodo 11 y 12. Di e manera aki CBS kier sigui incentiva hogarnan pa coopera cu e Encuesta di Entrada & Gastonan 2023-2024. Nos ta gradici tur hogar cu ya caba a coopera cu e Encuesta di Entrada y Gastonan y alabes ta sigui pidi e bon cooperacion di tur hogar pa e periodonan cu falta. E exito di e encuesta di Entrada y Gastonan 2023-2024 ta depende di e cooperacion di un y tur.
Minister Geoffrey Wever:
Expansion di Landspakket ta yuda avansa e maneho economico di Aruba
Aña pasa a inicia un proceso den cuadro di e Landspakket pa sondea ki accionnan adicional por añadi pa logra reformanan economico di un manera mas completo. Pa Minister Geoffrey Wever e ta importante pa locual Aruba acorda yuda avansa e implementacion di e vision y maneho economico di Aruba. Pa es motibo, e mandatario a traha un nota pa Hulanda indicando e vision economico, e areanan y proyectonan di e maneho economico actual di Ministerio di Asuntonan Economico.
E impacto cu ta desea di logra cu ‘partnership’ aki cu a keda aproba den conseho di minister di Aruba, ta pa stimula un desaroyo economico inclusivo y sostenibel. Abase di e nota aki diferente combersacionnan a tuma luga entre Aruba y Hulanda unda cu a cera un acuerdo di asistencia tecnico y/of ayudo financiero riba varios area.
E areanan cu lo enfoca riba dje: 1. Haci e clima empresarial mas accesibel y atractivo pa empresarionan local como tambe inversionista; 2. Mehora comercio den region; 3. Crea un ambiente laboral y di vivienda pa Oranjestad y San Nicolas; 4. Seguridad di alimento (stimula agricultura comercial); 5. Un maneho economico basa riba datos y cu ta considera e capacidad di e isla.
Pa cu esaki, lo traha concretamente cu Hulanda riba aspectonan manera: Optimalisa e procesonan di permiso y di suministro di informacion; Mehoracion di proteccion di consumidor;
Mehora acceso na capital pa inversionistanan; Mehoracion di comercio entre islanan ABC y otro mercadonan manera Colombia y Surinam; Plan di desaroyo economico pa centro di Oranjestad y San Nicolas; Maneho di industria creativo “Orange Economy”; Sondea cual ta e tipo di ‘greenhouses’ mas ideal, cultivonan mas prometedor y sondeo di metodonan di cultivo pa Aruba.
Minister Geoffrey Wever ta satisfecho cu e colaboracion cu Hulanda den cuadro di e Landspakket. Pues, banda di e ayudo ricibi for di Hulanda pa avansa areanan di maneho economico, e Landspakket ta zorg tambe pa tin un structura di continuidad cu ta esencial pa logra cambionan pa progreso sostenibel di un pais.
“Den gobernacion ta importante pa delinea un maneho cu ta al caso, cu por wordo implementa y cu ta conta cu un partnership strategico. Un plan no mester djis keda den lachi”, asina Minister Geoffrey Wever a expresa.
Herfst Vakantie Camp di GLW Foundation
Foundation organisadornan di Miss Teen Aruba y Miss Turismo ta organisa un dushi siman di Camp na Plaza Betico Croes di Dialuna 7 October pa Diabierna
11 October di 8:00 am pa 5:00 pm pues henter dia e muchanan lo pasa na Plaza Betico ( den airco ) y lo siña hopi cos durante e siman. Lo tin hersengymnastiek,
Minister Geoffrey Wever:
di Famia
ta
lo siña Actuacion y lo actua un sketch , Siña Graba Propaganda, Modelo pa un Dia y Seccion
Experto di ACM di Hulanda colaborando cu AFTA den desaroyo di precondicionnan pa e maneho di competencia
Como parti di cooperacion entre Aruba y Hulanda por medio di e Landspakket, for di Autoriteit Consumenten en Markt (ACM) di Hulanda, diferente experto lo bin Aruba den diferente fase pa asisti Aruba Fair Trade Authority (AFTA) den diferente area di trabou. Recientemente un experto di ACM riba tereno di competencia a bin Aruba pa asisti AFTA den desaroyo di precondicionnan pa e maneho di competencia. E trabou di e experto aki lo dura tres luna y despues otro experto lo bin Aruba pa sigui brinda asistencia na AFTA riba otro area di
trabou. TWO-Hulanda ta financia e asistencia di e expertonan, cual lo fortifica e funcionamento di AFTA.
Despues cu 1 di december 2023, Minister di Asunto Economico, Comunicacion y Desaroyo Sostenibel, mr. Geoffrey Wever, a inaugura Aruba Fair Trade Authority den centro di Oranjestad y 1 januari 2024 e Ley di AFTA tambe a bai na vigor pa asina e autoridad di competencia husto por inicia su tareanan.
AFTA, como un organisacion independiente (zelfstandig bestuursorgaan), cu su mesun directiva, tin como tarea principal e ehecucion di e ley di ordenansa nacional encuanto competencia husto (mededingingsverordening). E meta di e ordenansa nacional di competencia husto ta pa garantisa un desaroyo
economico husto y stipula regla encuanto acuerdonan cu ta limita competencia (mededingingsafspraken) y posicion di poder (machtspositie), como tambe stipula regla pa cu supervision riba concentracion di empresanan.
Fin di januari 2024 Minister Geoffrey Wever a eherce un viahe ehecutivo pa Hulanda pa reuni cu expertonan Hulandes di Autoriteit Consumenten en Markt (ACM) over diferente area di colaboracion. Tambe a inicia e preparacionnan di e ley pa inclui proteccion di consumidor bou di AFTA su responsabilidadnan. E ley aki ta den fase final di preparacion cu intencion cu pa 2025 AFTA lo tin e resposabilidad adicional pa reglamenta y informa riba tereno di proteccion di consumidor.
“Mi ta contento di wak con
di Potret, Kleur y mucho mas. E camp aki ta specialmente pa muchanan di skol basico di 6 pa 12 aña. Durante e dia tur participante lo haña cos pa come y bebe. Si mayornan ta desea pa nan yui(nan) pasa un si-
AFTA ta hayando su posicion cu reputacion di autoridad den nos sociedad. Guia for di otro autoridadnan di competencia sigur ta fortifica e funcionamento di AFTA cual lo contribui na cambionan importante y structural pa nos econo -
man disfrutando pero tambe siñando y socialisa, por whatsapp na 561-6151 y aparta e lugar pa e mucha ya cu lugar ta limita. Ban laga nos muchanan goza hunto den nos Herfst Vakantie Camp di GLW Foundation.
mia y pa tur ciudadano, den nan rol como consumidor”, segun e mandatario. Pa mas informacion over di e responsabilidadnan y tareanan di Aruba Fair Trade Authority (AFTA) por bishita nan webiste www. afta.aw
GLW
Lectura
Planea, Fundacion Mi Voz
Voz, Tambe nan
Polis y ambulans a bay pa homber herida den un pelea na un bar na Dominicanessenstraat
Diaranson mainta a drenta informe di cu tin un pelea a tuma lugar na un bar na Dominicanessnstraat y cu tin un hende herida mientras e otro partido a bay caba for di e sitio.
Na yegada di e patruya a bin topa cu e victima den Zuster Cherubinestraat cu un kap na orea, esaki despues di un pelea unda ela cay riba e acera y a kap su orea. Na yegada di e ambulans nan a atende e victima y a trans- porte pa hospital.
Feliz dia bendiciona y cu Dios su man santo ta riba cada un di nos
Den e tempo ey Hesus a bisa: ”Tata, Señor di shelo y di tera! Mi ta gradici Bo cu Bo a duna esnan simpel conocemento di e cosnan cu Bo a sconde pa esnan sabi y inteligente.” Mateo 11,25
Ta trata di e reino cu Dios mes a funda y esnan simpel na kende e cosnan aki a keda revela. Hesus ta expresa na un manera indirecto cu E tin un caso unico cu Dios su Tata, p’esey nos ta proclama Dios su sabiduria secreto prome cu mundo a cuminsa. El a traha e plan pa nos tuma parti na su gloria pero e plan ey a keda scondi; ningun di e podernan cu ta domina e mundo aki no tabatin conocemento di e plan ey. Si nan tabata conoc'E nan lo no a crucifica nos Señor di gloria. Pero manera Santa Scritura ta bisa: loke ningun hende no a yega di mira, ni ningun hende no a yega di tende, pues ni ningun hende no por imagina nan, esey Dios a prepara pa esnan cu ta stim’E. Ma nos si Dios a laga conoce su plan secreto pa medio di su Spirito Santo. ( 1 Cor. 2, 7-10)
Dios a laga nos conoce su proposito scondi di acuerdo cu su boluntad, e proposito cu El a dicidi di antemano pa realisa pa medio di Cristo.
Oracion: Dios bondadoso, Abo cu ta scrudiña curasonnan, yuda nos lucha cu nos cruz cu no ta facil, pero cu Cristo nos por tur cos. E so por duna nos e forsa sobrenatural pa enfrenta e lucha aki na tera. Amen.
