Algun dia pasa mi a saca un articulo riba e derechonan fundamental cu cada ciudadano tin pa disfruta di nos beachnan, y cu palapanan construi riba patrimonio di pueblo no ta propiedad ni ta cay bao autoridad di hotelnan. Mi a pone enfasis cu tanto localnan y turista di otro hotelnan tin e derecho legal pa uza e palapa di cualkier hotel riba beach, sin cu siguridad di e hotel encuestion por reclama algo. P’esey, mi ta urgi hotelnan pa informa nan trahadornan pa asegura cu niun di nan trahadornan por kibra derecho legal di nos ciudadanonan, ora nan ta bay haci uso cualkier palapa riba beach.
Protesta y Responsabilidad
Siman pasa nos por a wak un protesta a tuma lugar na Baby Beach. Mi kier enfatisa cu tur ciudadanonan di e pais aki por organisa protestanan, pasobra esaki ta nan derecho. Sinembargo, mi punto ta cu e mester wordo haci di un forma responsabel. Ta importante pa pone un meta pa e protesta, sinembargo, sin cu esaki ta “kibra of afecta” nos unico pilar economico. Alaves mi ta puntra, ta kico kier logra cu un accion di
Parlamentario Marco Berlis (MEP): PalaPa y Protesta
protesta cu ta pone turistanan sinti cu nan no ta welcome na Aruba? Un protesta mester tin un meta comun, cu mester inclui respet y responsabilidad. Vocifera sin haci daño, actua sin trece na peliger e turismo cu dies miles di ciudadano ta depende riba dje, y semper actua cu noblesa y na bienestar di nos pais.
Mi ta encurasha Dialogo. Mi ta di opinion cu mester bin un dialogo entre e grupo di protesta y minister Dangui Oduber, cu den su articulo di prensa a duna señalnan cu e ta habri pa esaki. Pueblo ta keda na prome lugar pa nos tur, pesey si tin inkietudnan bao di pueblo of un grupo di persona, mi ta encurasha pa e dos partidonan sinta cu otro. Na final, nos tur kier mira solucionan pa cierto desaroyonan den nos pais cu ta preocupante. E ta noble pa haci tur esfuerso pa yega na un solucion, y tin e grandesa pa yega na otro cu respet. Hamas nos preocupacionan mester tuma un forma destructivo, y sigur no pa e unico pilar economico di nos pais. Tin demasiado den balans pa nos pais! Aruba mester di nos tur, y si berdaderamente nos
curason ta den e lugar corecto, nos lo haci e esfuerso pa conecta cu otro y yega conhuntamente na un dialogo, cu por crea e oportunidad pa e partidonan conhuntamente por yega na un plan solido cu ta beneficia nos tur. Mi ta invita e grupo di protesta pa ta mas intencional pa trece solucion pa su preocupacionan, y pa ehecuta su protestanan di un forma responsabel. Tin formanan decente y corecto pa promove boso ideanan. Aruba mester di lidernan madura cu semper ta pone Aruba prome; sea pa naturalesa, sea pa finanzas, sea pa turismo, corda, nos tur hunto ta Aruba!
Si pueblo desea mas informacion di e articulo aki, contact mi na
tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!
Gobierno di Aruba GOBIERNO A GANA CASO DEN CORTE
TOCANTE SECRETS HOTEL
Diaranson 4 di september,
Corte Comun di Husticia a dicta sentencia den e casonan entama pa 10 habitante di Sero Colorado relaciona cu e permiso di construccion (bouw vergunning) pa Secrets Hotel. Corte Comun a dicta cu e permiso di construccion en cuestion a wordo otorga conforme ley y reglanan vigente y pues no tin motibo pa e permiso wordo anula.
Gobierno di Aruba ta extende un palabra di pabien na DOW y su
profesionalnan, y na DWJZ y su huristanan pa nan profesionalismo pa atende cu e peticion pa permiso di construccion y e tantisimo casonan den corte.
Cu esaki e proyecto di hotel Secrets den construccion por wordo finalisa. Mientras tanto Secrets ta buscando empleadonan pa traha na e hotel, y preferencia ta wordo duna na personanan local. E hotel sigur lo contribui na un desaroyo nobo y importante di San Nicolas.
Cu e sentencia aki, e proyecto ta bira definitivo y un palabra di pabien ta
bay tambe na e comunidad di San Nicolas cu e desaroyo tan anhela ta bira un realidad.
Prome Minister Evelyn Wever-Croes
Como scol ganado, nan a ricibi 4 digiboards
FATIMA COLLEGE A PARTICIPA Y A GANA CU E PROYECTO DI EDUTECH
Diahuebs mainta Prome
Minister Evelyn WeverCroes acompaña pa Parlamentarionan Edgard Vrolijk y Shailiny TrompLee y representantenan di Futura a bishita Fatima College pa admira e 4 digiboardnan cu e scol a gana cu e Proyecto di Edutech. Prome Minister a expresa di ta contento di por wak con entusiasma e docente y alumnonan ta pa traha cu e boardnan aki.
E alumnonan di Fatima
College a indica di ya caba tabata traha cu algun ekipo, manera screen di television, laptop etc. pero pa nan, e digiboard ta hopi mas eficiente y mas agradabel pa traha y siña cu ne. Prome Minister a expresa cu esaki ta hopi bunita pa tende, mirando cu e idea tras di e proyecto di Edutech ta pa duna scolnan e oportunidad di gana material digital pa asina mantene nos muchanan “up to date” den e mundo digital.
“Mi ta felicita e ekipo completo di Fatima College y e alumnonan cu nan digiboards. Tambe mi ta gradici Futura cu e Proyecto di Edutech, na unda Gobierno a pone 800 mil florin disponibel pa scolnan na Aruba. Pa por participa, e scol lo mester inscribi y bin cu un proyecto innovativo, di cual si nan gana, lo ricibi e materialnan financia pa Futura.
Tambe mi kier a informa cu
e ultimo ciclo di Edutech a habri caba y lo cera dia 21 di october 2024. Cu esaki, mi ta invita tur scol pa inscribi pa asina
tin e oportunidad di ta un scol ganador. Masha pabien Fatima College y hopi danki Futura”, Prome Minister a expresa.
MINISTER ENDY CROES TA PRESENTA E MATERIAL DI EDUCACION TOCANTE CUIDO DI CACHO
: Segun nationaltoday.com, e luna di september ta luna di doño di cacho responsabel. Pues no tabata un miho dia pa a presenta e material di educacion tocante cuido di cacho riba dialuna ultimo, e prome dialuna di e luna. E material di educacion su titulo ta “Mi mascota ta mi responsabilidad” y su subtitulo ta “Educatiemateriaal hond”.
Pa Minster di Enseñansa Endy Croes e tabata un honor pa presenta na e directivanan y cabesantenan di scol preparatorio y scol basico e material di educacion tocante e cuido di cacho, traha aki na Aruba mes door di un team di maestro y experto den enseñansa. E presentacion di e buki a tuma luga na Departamento di Enseñansa Aruba (DEA). Presente tabata tambe Minister Presidente Sra.
Evelyn Wever-Croes, Minister Ursell Arends y Parlamentarionan Sra. Setty Christiaans-Yarzagaray, Sra. Darlaine Guedez Erasmus y Sr. Ricky Hoek.
E proyecto pa desaroya e material aki a inicia na aña 2019, unda a crea e idea pa traha material pa scol riba e tema aki. “Na aña 2021 cu mi a wordo encarga cu e cartera di Enseñansa y hunto cu colega Minister Arends, nos a compromete nos mes pa e material di educacion aki bira un realidad”, Minister Endy Croes a expresa.
Minister Endy Croes a gradici e autornan: juffrouw Audry Vasquez y meneer Henry Barrera pa skirbi e material di educacion, e redactornan/ onderwijsdeskundigen: Sra. Jumira Spier y Sra. Mirscha Winterdal pa nan aporte na esaki, Sra. Annemarie Proveyer-Groot, kende a tuma e reto pa continua cu e material cu a wordo entrega
na DEA cu mester a revisa y finalisa pa por drenta scol y tambe e motor tras di e proyecto aki Sra. Irene Croes, kende desde principio tabata pusha pa e realisacion di e material y despues riba peticion y hunto cu Sra. Annemarie Proveyer-Groot a yuda finalisa e producto cu a presenta.
Minister Endy Croes a reconoce tambe Angelina Thielman, kende ta e ganadora di e “Concurso di diseño” di e bunita cacho cu a bira e simbolo pa e material di educacion y a regal’e un bunita mug cu su logo imprimi riba dje, Bite Communications cu a digitalisa e arte cu Angelina a diseña den un bunita logo, Bruce Harms di Full Stack Vision Foundation, kende a diseña e kaft cu un estilo unico pa e buki y werkboek, Drukcase na Hulanda cu a percura pa imprimi e buki den hardcover, Graficas Aruba Printers cu a percura pa un werkboek practico y tambe Aruba Futura Foundation pa nan tremendo aporte na e producto y evento.
Tur cabesante di scol presente a haya nan pakete di buki y werkboek pa entrega na e docentenan di e klasnan di nan scol pa nan haci uzo di e material aki. E scolnan cu
pa un motibo of otro no por tabata presente, lo ricibi nan pakete e siman aki ainda.
Minister Endy Croes por a tira un bista den e buki y a keda sumamente sorprendi di e calidad halto cu e buki tin. Varios di e plachinan cu e tin aden ta creacionnan di nos propio muchanan cu a competi na diferente “Concurso di pintamento” cu Gobierno di Aruba a lansa desde aña 2019. E buki ta hardcover cu papel “glossy” cu ta duna e buki un toke di elegancia visual cu ta contribui na e balor di e buki. E werkboek cu ta pertenece na e leerboek ta sublime.
Terminando Minister Endy Croes a expresa na tur cabesante presente pa nan stimula e uzo di
e material cu nan a haya, esaki na bienestar di tur mascota na Aruba y pa Aruba en general y a gradici DEA pa yuda organisa y coordina e evento di e presentacion di e buki aki.
Un di e miho maneranan pa por yega un dia cu tur ciudadano ta un bon doño pa nan mascota, ta pa ancra algun detaye importante den e educacion di nos muchanan na scol, for di mas chikito cu ta posible. Ya ora nan crece, anan por haci escogencia responsabel si ta tuma un mascota of no y si scoge pa uno, cua mascota ta un cu ta fit cu su estilo di bida. Tur esaki, mirando cu di chikito e muchanan ta wordo confronta cu e responsabilidad cu un doño di un mascota ta bini cu ne.
Falta solamente 2 dia pa e gran “this is mega” Car sales event di aruba bank
Cumpra bo auto awor y cuminsa paga na maart 2025
Aruba – 5 di september 2024: Falta algun dia mas pa evento di ‘This is MEGA’ di Aruba Bank. Diasabra awor 7 di september ta e gran dia, unda bo tin oportunidad di cumpra e auto di bo soño. Aruba Bank ta organisa ‘This is MEGA Car Sale Event’ ariba parkeerplaats di Aruba Bank Camacuri cuminsando for di 6’or di atardi pa 9’or di anochi. Na e evento aki, lo tin modelonan di auto di aña 2024 y algun modelo di 2025. E evento ta conta cu participacion di Kiwanis Club of San Nicolas cu lo ofrece un bar y cushina bon surti. Tambe lo tin entretenimento pa muchanan, y musica. Durante e evento lo tin oportunidad pa haci calculacion pa prestamo pa cliente, busca e personanan cu t-shirt cu ta scirbi ‘MEGA Calculator’, pa bo por shop den bo budget.
Durante e siman aki ainda por traha un cita via e E-Appointment ariba e website www.arubabank. com/MEGA of pasa na bo car of motorcycle dealer di preferencia, cu opcion pa cuminsa paga na maart 2025.
Durante e evento, bo por ricibi un prestamo di Aruba Bank cu “0” downpayment y un periodo pa paga bek cu por bay te cu 7 aña, dependiendo di e prijs di e vehiculo. Ademas ta ofrece un interes atractivo di entre 5.00% - 5.25%, (interes efectivo ta varia entre 5.12% – 5.38%). E cliente tin e opcion pa cumpra awor y cuminsa paga 6 luna despues, esta te cu e prome pago lo ta na maart 2025! Como bonus, clientenan cu nan prestamo a wordo aproba prome cu 7 di september 2024, automaticamente ta participa pa GANA AWG 10.000,- of AWG 5.000,-.
MINISTER URSELL ARENDS TA ANUNCIA PASADIA NOBO, OTRO PASO GRANDI PA
CU CUIDO DI NOS ADULTONAN MAYOR
Durante conferencia di prensa diahuebs 5 di september, Minister Arends encarga cu asuntonan di Adulto Mayor a anuncia cu a aloca fondonan necesario pa inicia un otro Pasadia, e biaha aki na Stichting Ambiente Nobo. Un fundacion dedica pa adulto mayornan cu limitacion intelectual.
Stichting Ambiente Nobo a wordo funda den aña 2004 pa Zuster Filotea, y pa e ultimo 20 añanan a brinda servicio na un grupo vulnerabel cu limitacion den nos comunidad. E sosten financiero otorga ta crucial pa garantisa e
continuidad di e servicio valioso cu Stichting Ambiente Nobo ta duna na e adultonan mayor cu ta bishita nan diaramente. Actualmente, e fundacion ta atende 35 persona y tin un lista di espera di 14 persona, haciendo cu e fondo adicional ta indispensable pa asina por yuda mas hende cu e cuido necesario.
Durante un bishita recien na Stichting Ambiente Nobo, por a mira cu e fundacion ta hunga un rol fundamental den e bida di su clientenan, fortaleciendo bida di su clientenan y ofreciendo nan un sentido di pertenencia.
E desaroyo di e fondo adicional lo trece un alivio pa e gerencia y e famianan cu ta depende di e cuido di Stichting Ambiente Nobo. “Nos meta semper ta pa duna un bida digno na nos adultonan mayor cu limitacion intelectual. E sosten aki ta permiti nos sigui crece”, representante di Stichting Ambiente Nobo a declara.
E tareanan cu Ambiente Nobo ta desplega ta alinea cu e proyecto di Pasadia di ministerio, cu ta enfoca riba fortifica e contacto social y bienestar di adulto mayornan.
E vision di Minister di
Asuntonan di Adulto
Mayor ta pa crea un cadena di cuido pa tur adulto mayor na Aruba, pa asina tur hende tin acceso na e servicio necesario pa mehora nan calidad di bida.
Stichting Ambiente Nobo
lo drenta un etapa nobo den nan crecemento y cu e fondo adicional, lo sigui lanta e nivel di cuido pa esnan cu mas mester di dje. E comunidad por ta sigur cu e servicio lo sigui desaroya pa atende e necesidadnan di nos adultonan mayor vulnerabel.
UN TOTAL DI 1.227 PENSIONADO NO TIN MESTER
DI HACI DECLARACION DI INKOMSTENBELASTING
MAS ENTRANTE AÑA 2023
Recientemente Departamento di Impuesto a kita 1.227 nomber di pensionado for di su registro di inkomstenbelasting. Esaki ta valido entrante aña 2023. E pensionadonan aki lo no ricibi e formulario di declaracion (aangiftebiljet) di inkomstenbelasting mas di awor en adelante. Si e pensionado ta casa, esaki ta conta tambe pa e casa. Den e dianan venidero e pensionadonan lo ricibi un carta na cas cu mas informacion.
Comunicado di Prensa
Pakico e decision aki?
A base di e declaracionnan di inkomstenbelasting di aña 2021, a constata cu tin pensionadonan cu nan entrada ta consisti unicamente di e pensioen di biehes di SVB Aruba. Alabes tin pensionadonan cu ta casa y cu nan casa no tin entrada of nan entrada ta consisti unicamente di e pensioen di biehes di SVB Aruba.
inkomstenbelasting ta nihil (cero).
Si tin otro entrada den futuro
Si acaso den futuro, e pensionado of su casa cuminsa ricibi otro entradanan banda di e pensioen di biehes di SVB Aruba, e ora ta necesario pa tuma contacto cu Departamento di Impuesto pa evalua si mester registra e pensionado bek pa inkomstenbelasting.
No tur pensionado
Un total di 1.227 pensionado no tin mester di haci declaracion di inkomstenbelasting mas entrante aña 2023
Mester remarca cu no tur pensionado a wordo kita for di e registro di inkomstenbelasting. E pensionadonan cu banda di e pensioen di biehes di SVB Aruba tin otro entradanan manera: pensioen di trabou den pasado sea na Aruba of otro pais, huur di cas of apartamento etc. tin cu keda haci declaracion di inkomstenbelasting tur aña.
Mas informacion
ORANJESTAD – Recientemente Departamento di Impuesto a kita 1.227 nomber di pensionado for di su registro di inkomstenbelasting. Esaki ta validoentrante aña 2023. Epensionadonan aki lo no ricibi e formulario di declaracion (aangiftebiljet) di inkomstenbelasting mas di awor en adelante. Si e pensionado ta casa, esaki ta conta tambe pa e casa. Den e dianan venidero e pensionadonan lo ricibi un carta na cas cu mas informacion.
Pa e motibonan aki y door cu e entrada di e pensionado y esun di su casa ta bou di e suma liber di impuesto di Afl. 30.000 pa aña, e suma di
Pakico e decision aki?
Pa mas informacion, por yama Departamento di Impuesto na telefon 522 7423 of 522 7424.
Gerencia di Departamento di Impuesto
5 di september 2024
A base di e declaracionnan di inkomstenbelasting di aña 2021, a constata cu tin pensionadonan cu nan entrada ta consisti unicamente di e pensioen di biehes di SVB Aruba. Alabes tin pensionadonan cu ta casa y cu nan casa no tin entrada of nan entrada ta consisti unicamente di e pensioen di biehes di SVB Aruba.
EN CONEXION CU IMPLEMENTACION DI SIÑA LESA Y SKIRBI NA PAPIAMENTO,
MINISTER ENDY CROES A BISHITA
KLAS
1 DI CACIQUE
Minister di Enseñansa y Deporte Endy Croes a haci un bishita oficial na Cacique Macuarima School na Santa Cruz, den cuadro di implementacion di siña lesa y skirbi na Papiamento den klas 1 y Hulandes den un acercamento nobo cu ta pas cu nos contexto na Aruba. Cabesante Rachel Croes Caster a ricibi e mandatario di Enseñansa, directora suplente di Departamento di Enseñansa Aruba
(DEA), staffunctionaris di Stichting Katholiek Onderwijs Aruba SKOA y consehero di Ministerio di Enseñansa cu un caluroso bonbini. Minister Endy Croes a indica cu tabata impresionante pa mira e intercambio entre e maestra y e alumnonan.
Directora suplente di Departamento di Enseñansa Aruba (DEA)
Sra. Gina de Kort a indica cu ta bunita pa
MACUARIMA SCHOOL
wak e entusiasmo di e maestronan pa duna les, unda e muchanan ta participa activamente. Staffunctionaris di SKOA
Sra. Maybeline Jereisa Biesum a indica cu e ta contento di wak cu e maestronan di klas 1 ta duna les di nos dushi Papiamento cu hopi entusiasmo y cariño.
Fuera di esaki, Sra. Maybeline a indica cu esaki sigur ta un innovacion hopi importante pa nos pais, paso idioma ta parti di nos identidad y sigur SKOA ta sostene e echo cu nos muchanan tin cu siña nan idioma materno y cu e base ey por siña otro idiomanan. Sra. Maybeline a expresa cu e ta contento di mira cu Papiamento a haya su luga den enseñansa. Pa
finalisa, Minister Endy Croes ta gradici cabesante Rachel Croes Caster y e maestronan pa e tremendo
trabou cu nan ta haciendo y ta desea e team di Cacique Macuarima School hopi exito.
WIEL A LOS fOR DI UTV CU PAREHA TURISTA DEN
DjE PERDE CONTROL Y ACCIDENTA PARIBA DI HYATT PLACE RIBA "GREEN CORRIDOR"
Diamars atardi a drenta informe di un accidente cu hende herida riba e "Green Corridor" pariba di Hyatt Place banda di airport, mesora a dirigi tanto polis como ambulans na e sitio.
Na yegada di e patruya a bin compronde cu un pareha turista coriendo un UTV na un dado momento a perde un wiel cu a kita inesperadamente y a perde control y a accidenta.
Debi na e impacto ambos a resulta herida. Na yegada di e ambulans nan a atende e victimanan.
Minister Geoffrey Wever: Departamento Di asunto economico ta prome pa ricibi autonan electrico como programa piloto
Den cuadro di desaroya un economia duradero y sostenibel, Minister Geoffrey Wever hunto cu stakeholders a traha e Plan di Accion Nacional: Aruba su transicion na un modelo economico sostenibel y inclusivo. Un di e proyectonan di e plan di accion nacional ta ‘Cambio pa Autonan Electrico'.
Diaranson ultimo, a haci entrega oficial di e prome cuater (4) autonan electrico pa Departamento di Asuntonan Economico ("DEACI"), un departamento cu ta cay directamente bou di capa di Gobierno di Aruba, y di e manera aki ta reemplasa e autonan actual cu e vehiculonan electrico.
Durante luna di april 2024, Minister Geoffrey Wever hunto cu N.V. ELMAR a firma un acuerdo historico, cu ta sirbi como fundeshi pa futuro cooperacion cu e compania estatal. Bao di acuerdo aki lo instala e infrastructura necesario na departamentonan di
Gobierno, cual tambe lo sirbi como sosten pa transiciona for di uzo di 'brandstof' localmente. Como cu Gobierno di Aruba tin un rol ehemplar, electrificacion di su flota ta contribui directamente na e reduccion di gasto y emision di CO2.
Na prome instante, N.V. ELMAR a zorg pa instala e infrastructura di un EV Charging Station na Sun Plaza, caminda DEACI ta actualmente localisa. Aki a ubica e espacionan necesario caminda autonan electrico por parkeer y recarga nan bateria, y asina tambe facilita e posibilidad pa a busca e autonan electrico.
Na momento cu DEACI muda pa Cas Veneranda, lo instala Charging Stations eynan tambe pa por acapara e fleta. Sun Plaza lo sigui haci uzo despues di e EV chargers cual a ser instala.
Minister Wever a lidera e proyecto aki trahando
hunto cu ELMAR y DOW. Despues di un destaho publico pa e cuatro vehiculonan electrico, a ricibi diferente ofertanan y a escohe e compania Green Wheels. E transicion aki no solamente ta mas eco-friendly, pero tambe mas economico, cual estudionan ta calcula un 14% di reduccion den costo total compara cu autonan tradicional.
“Mi ta orguyoso awe cu atrobe nos a dal un paso den e rumbo pa un economia mas duradero y esaki tambe den e luna di September cu nos ta para keto na e metanan di desaroyo sostenibel y e avansenan haci den esaki ,” Minister Wever a bisa. “Esaki ta demostra nos compromiso pa sigui stimula e transicion energetico di Aruba.
Minister Wever a duna primicia tambe na e hecho cu recientemente conseho di minister a aproba e transicion pa autonan electrico di henter
Gobierno. Esaki lo tuma luga den colaboracion cu GO-Facility (Green Overseas), cu ta un programa di Union Europeo (UE) cual a pone €190.000 disponibel pa realisa e proyecto aki. Aruba lo ricibi asistencia tecnico y financiero for di UE pa e implementacion. Na mes momento, Aruba lo sirbi como un modelo
ehemplar di transicion pa e region y pa otro teritorionan Europeo.
"Un transicion ta wordo encamina cu pasonan concreto. Cada un di e decisionnan aki, sea chikito awe, lo tin impacto positivo pa e proximo generacion", minister Geoffrey Wever a finalisa ta bisa.
Corte a haya proba Cu ex leiding di brandweer a Comete hopi error y a previlegia nan mes
Nan no por bay den apelacion y no por traha mas den gobierno
Den un decision di corte, nan a expone e irregularidadnan serio di e ex leiding di Cuerpo di Bombero di Aruba. E sentencia ta referi, entre otro, na benta irregular di vehiculonan y equiponan di servicio, ehecucion di actividadnan personal sin permiso, y abusonan di orario di trabou pa interes personal. Corte a conclui cu e hechonan a keda proba y a ratifica e retiro disciplinario na e ex-funcionarionan di bombero involucra, y sin derecho di apelacion.
Benta di vehículonan di bou di balor real
Un di e tema principal di e caso ta e benta irregular di cinco vehiculo y equiponan di servicio, incluyendo cuater vehiculo y un hidro-tester. Nan a ser bende bou di nan balor na e Stichting Brandweer Korps Aruba, sin destaho publico y sin e aprobacion necesario di minister concerni, cu hecho ta bay contra di e Comptabiliteitsverordening di Aruba. E vehiculonan, ku a data di aña 1950 y 1990, a ser bende priva na e fundacion pa un prijs mucho abou di nan balor.
Segun e acusacion, no tabatin permiso formal pa e benta, y un taxacion di e vehiculonan despues a mustra cu nan balor ta hopi mas halto. Departamento DOW a evalua e vehiculonan na un balor total di mas cu Afl. 9.000, mientrastanto nan a ser bendi pa solamente Afl. 6.500 na dicho fundacion, cu despues a bira bende nan na tercero, pues a re bende na otro persona pa prijs mucho mas halto, haciendo asina un ganashi. Corte a determina cu e transaccion ta irregular y cu e funcionarionan a actua sin cumpli cu e proceduranan di ley.
Actividadnan personal sin aprobacion formal
Ademas di esaki, e dirigentenan anterior di e Cuerpo di Bombero a ser culpa tambe di otro actividadnan personal sin e aprobacion formal. Esaki ta referi na nan rol como miembro di e directiva di Stichting Brandweer Korps Aruba. Aunque e fundacion tabata cu e meta pa e
interesnan social di e empleadonan y famianan, corte a proba cu e funcionarionan no a solicita ni haña permiso pa e tipo di actividadnan aki.
Corte a subraya cu, segun e Landsverordening Materieel Ambtenarenrecht (Lma), tur funccionario publico ta obliga pa informa di un otro trabou of actividad y haña aprobacion. Aunke por a asumi cu, si nan a pidi permiso, e solicitud lo por a wordo aproba, e falta di esey ta pone nan actividad den un luz negativo, y un violacion di e regulacionnan publico.
Abuso di orario di trabou pa interes personal
Ademas, durante e investigacion a sali cu nan tabata usa orario di trabou pa haci trabou personal pa e fundacion, inclui e benta di vehiculonan di servicio. E comportacion aki ta viola e regulacionnan cu ta stipula cu un funcionario publico mester dedica tur su tempo laboral na e interes di gobierno, sin permiti interes personal durante e ora laboral.
Corte a determina cu e funcconarionan a malusa nan tempo di trabou pa atende interesnan personal di e fundacion, y esaki ta considera como un violacion serio di nan obligacionnan como funcionario publico. Falta di deber i consecuencia
Riba base di e echo probá, e tribunal a konkluí ku e ex-lider di e Cuerpo di Bombero a komete un falta di deber serioso. E falta aki ta inkluí benta di vehículonan di servicio sin permiso, aktivitetnan di otro banda sin aprobashon, i abuso di orario di trabou. E gravedad di e violashonnan a keda konsiderá serioso pa motibo di e standar haltu di integridat ku tin pa un funshonario públiko, i mas tantu den un posishon di liderato den e bomberonan.
E tribunal a indiká ku e akshonnan di e liderato a causa daño signifikante, no solamente den sentido finansiero, sino tambe pa e imágen i konfiansa den e Cuerpo di Bombero. E liderato anterior a taña nan komo no a respetá e regla, i komo ta buskando nan mes benefisio personal.
Desesida disciplinario y ta drenta na vigor de inmediato
Tumando den consideracion e naturalesa y severidad di e falta di cumplimento, corte a determina cu un despido disciplinario total ta necesario y husto. Aunke e consecuencia ta severo pa e funcionarionan involucra, e decision no ta disproporcional segun e gravedad di e actonan. E despido lo drenta den efecto de inmediato y lo ta sin apelacion.
E tribunal a agrega cu e funcionarionan involucra ta keda prohibi pa sigui den cualkier otro posicion den e gobierno despues cu nan falta di respet pa ley y integridad publico.
E sentencia aki ta manda un señal fuerte no solamente pa e funcionarionan afecta, pero tambe pa tur otro funcionario publico, enfatizando e necesidad pa cana di acuerdo cu regla y di ley y integridad.
Clifford r asmijn a duna prensa un re C uerdo pa C elebra 30 aña di b razil
Taekwondo sT iChT ing
Master Clifford Rasmijn a duna prensa un recuerdo pa celebra 30 aña di existencia di Brazil Taekwondo Stichting como aprecio pa tur e añanan cu prensa ta apoya e Stichting.
For di 30 aña pasa caba prensa semper tabata tey pa Brazil Taekwondo Stichting ora cu dia 18 di
ta pa bebe coffee. Prensa semper a apoya Brazil Taekwondo Stichting cu tur e actividadnan cu Brazil Taekwondo Stichting a organisa durante di e 30 añanan aki. Brazil Taekwondo Stichting ta considera prensa como miembronan di nan team.
Augustus 1994 Master Alberto Klaber a funda e Stichting. Despues Master Willy Willems a sigui cu e Stichting. Awo Master Clifford Rasmijn tey pa sigui pa por lo menos 30 aña mas. Tur Miembro di Prensa a keda contento cu nan copi. Hopi a bisa cu esaki a bira nan copi pa bebe te y otro a bisa
Brazil Taekwondo Stichting a bin pa keda, formando talento pa drenta e team di "Train Hard Fight Smart" pa despues nan sigui pa Taekwondo Team Aruba. Master Clifford Rasmijn y Master Yoshmar Wever ta trainer y coach di Taekwondo Team Aruba y ta prepara e atletanan pa representa Aruba dignamente. Awo ta concentra ariba e new generation y tin varios proyecto pa futuro.
Hiacintha Thijsen Trimon Posthumous
Hiacintha desde mucha a pasa hopi cosnan difícil den su bida, na temprana edad su tata a fayece y E a wordu ranca di tur su rumanan y entrega na familiar pa criel’E
Akinan E a pasa hopi trabow, muy en principal e falta di cariño cu nunca E a expirencia, e falta di amor pa cu su rumanan. E no sa unda nan ta, hendenan straño cu no a dunel’E e amor cu E, como mucha hopi chiquito tawatin hopi necesidad di dje pa un desaroyo sano. Alcontrario hasta nan a abusa di dje, un trauma horible y espantoso te cu na su edad di 81 aña, ainda E ta corda perfectamente e oranan desagradable cu E mester a soporta. Den e cas E tawata trata como un catibo hubenil, E mester lanta 5´or di marduga traha cofie, bati pan, traha desayuno pa esnan ey den come. Laba tur coi kibra, bari kas etc-etc. Pa milager di Dios y semper Dios a cuidel’E, Imelda Hof a habri na aña 1954.
Y E tawata den e prome escogidonan pa bai Imelda Hof. Akinan E a lanta den un otro ambiente, hopi de -
ciplina yen di fe pa cu un futuro miho y E a logra tambe pasa otro aventura y Dios mediante a bin conoce su Mama su rumanan un encuentro yen di dolor Y lagrimanan cu a brota no solo di nan wowo, pero di profundo di nan alma. Na edad
Hopi jong E mester a bai traha pa mantene su mes. Su mama tawata pasa hopi trabow pa sobrebibi e mama tawata un persona hopi humilde y devoto y pober. Hiacintha semper di su vida a traha duro y progesivo, nunca E a ria pa ningún sorto di tabow, E a traha na empresanan grandi manera Dufry, Aruba Trading, Bon Bini Bazar y Mansur Trading Free Zone. E a ocupa puestonan di Supervisor y Manager. E ta domina, Papiamento hopi bon, Spaño, Hulandes y Ingles. Hasta E a sorprende mi un biaha na un encuentro amistoso cu e cónsul Dominicano y Generalnan di Santo Domingo cu a bin Aruba pa cu un encuentro encuanto tabownan bolontario.
Después di cu E Generalismo di Santo Domingo señor Wilson a tira un elocución, elocuente, gradiciendo Hiacintha inmensa-
mente pa cu su trabownan bolontario aki na Aruba. Hiacintha a lanta para y cana bai den dirección di E General, E a pasa cu e Mike y mi a pensa cu E ta bai papia papiamento, pero pa mi sorpresa E tira un discurso , den un spaño casi perfecto unda E a haya un ovacion impresionante pa cu su elocuencia.
Den bida Hiacintha alogra cosnan grandi E a traha pa mas cu 20 aña como bolontario.
E a ocupa puestonan di honor den Centro di Bario Savaneta como Presidente di E Club, pa varios aña como bolontario, E a drecha ful e club dak, verf, cambia tur porta y ventana y a traha ful un cancha nobo di Zaal Voetbal un invershon cuantioso. Además E· a traha un Little Leaguie Ball Park na Savaneta un invershon di mas cu 250.000,00 florin puro donación, di Cede Aruba, Aruba Way Foundation, Otis NV., Coastal y Gobierno di Aruba, via Minister di deporte Dangui Oduber, y hopi mas estancianan, cu a coopera cu tur confianza den su persona, pa cu su honestidad y cumplimiento. Ta haci hopi dolor pa menshona cu nunca E a wordu condecora pa e tantísimo trabownan grandi cu E como muhe balenta a desplega, no tawatin tempo pa esey. Na anja 2019 E a haya Covid y tawata hopi malo ora E a yega Hospitaal ya tawata hopi laat nan a Ponele den camber di morto hunto cu otro 3 persona pa muri e tresnan a muri pero pa MILAGER E a sobebibi, y a scapa milagrosamente. Papa Dios si a condecórele’E cu e puesto bon mereci den su Reino. Na maart y aprl 2004
tawatin un desputa entre NelsonOduber, Prome Minister di Aruba Y Papa Capriles doño di Banco, Caribbean Metrcantile Bank di Aruba pa un suma cuantioso di un millón di florin. (1000.000,00= Na maart Hiacintha a skirbi un remetido )remetido tawata semper su vavorito) unda E a roga Papa Capriles, cu ta un persona hopi stima na Aruba pa haci un obra di caridad, y pa ta intolerante encuanto e disputa, pasobra e placa ey no ta bai pa Nel paga, sino ta pueblo di Aruba cu no tin ni arte ni parte den e disputa tin cu bai pagele y pasa man ariba su curazon y absolbe nos pa cu e suma. Enberdad pa cu milagernan ainda no acaba na mundo, Papa Capriles como un persona hopi humilde y sensato a manda gradici Hiacintha pa e curashi cu E a tuma pa resolve e disputa aki na un manera elegante y sensato. Papa Capriles a mándele e siguiente telegram. Willemstad, Curacao, 49/47 25 0215 y cu a sali publica tambe den Diario nos único corant, día 1 di april 2004 ,cu semper a skirbi e berdad. Muy apreciada señora Thijsen Trimon. Hopi mi a aprecia senjora su karta abierto den Diario. Danki pa e bunita palabranan, Mi ta kontento senjora, di informa senjora ku mi ta sigui e bon conseho di senjora. Masha masha masha danki. Atentamente Lio Capriles. Y Aruba no mester apaga e suma di Awg. 1000.000,00 nunca mas. Y kico Hiacintha a hay como danki. N A D A: E asfaltweg traha pa bai Young Fellow Restaurant ta otro obra di Hiacintha, unda E a atraha un verzoekschrift detaya pakico e caminda aki mester bin. )2018) Hiacintha tawatin su Grupo di Curazon di Savaneta un grupo di Adultonan Mayor di 60 te cu 93 aña. Unda tur diamars E ta tawata reuni cu nan. Nan ta dal nan desayuno mainta, sa tene hersenhymnastiek, baila bai goal, y sin por lubida nan Bingo cu tanto
nan tawata divertí. Pa no lubida tur aña sagrado E tawata hiba nan Christmasdinner na Renaissance Hotel cu gratuitocamente nan tawata haya serca señor Eduardo de Veer. Tur cos cu E a propone den bida E a bringa y traha duro pa por a logre. Varios biaha E a hiba nos Adultonan Mayor bai dinner of desayuna na luganan hopi great aki na Aruba. Falta un cos mas cu E twata bringando pé tawata e pida terreno pariba di Brisas del Mar, unda mester bin santo blanco, Palapas y un Kiosco. Unda e lo pone tambe su curazon GRANDI tur na Luz. Mi ta spera cu Gobierno compensele un parti di e un millón florin cu nan a haya na 2004. Y Cumpli cu su ultimo deseo. E merece loque E a pidi. E plan tey aprobación mester y Dios mediante su soño lo bira Realidad. E projecto no ta p’E pero pa nos hendenan di Savaneta. Su maleza a trece hopi sufrimento p’E y pa su famia E a carga Fe cu E lo cura apesar cu e Maleza tawata incurable. Promer cu E amuri E a bisa mi, Pa, ) asina E ta jama mi) awor si mi ta bai laga Bo, semper mi a pidi Hesus cu hopi Fe y confianza pa mescos cu E a lanta Lazaro for di Morto, E lanta mi for di e cama aki y cura mi, pero Hesus ayera nochi a manda un hala di Angel masha bonita mes bin busca mi, asina Pa mi tin cu bai. Y mi ta pidi di profundo di mi curazon mescos cu ami no a yora mi morto mi a tumele cu tur corahe cu Dios a duna mi please no yora ora mi muri. Please no yora tawata su ultimo palabranan di curashi y Cohon.
Si mi a mira un hende cu corahe y tuma morto cu tur tranquilidad ta mi señera. Hiacintha a logra cu su maleza un soño grandi cu casi tur anochi E a derama hopi lagrima pa wak su yuinan reconsilia, y E a logra. Dios tumele den su reino, pasobra E merece y ta digno di Bo Señor. Amen Aleluya.
Minister Geoffrey Wever a duna presentacion di s ustainable d evelop M ent Goals na aluM nonan di c oleG io santa faM ia
Aña pasa Minister Geoffrey Wever a cuminsa cu e proyecto di conscientisacion di e metanan di desaroyo sostenibel, e ‘Sustainable Development Goals (SDGs)’, na alumnonan di 6e klas di scolnan basico. Ta importante pa conscientisa ealumnonan di kico e metanan di desaroyo sostenibel ta y con cada un di nos por aporta na esaki.
Den luna di september a ser acorda pa Nacionnan Uni como e Sustainable Development Goals Month. P'esey den e luna aki paisnan rond mundo ta para keto na e SDGs pa crea mas 'awareness' over e SDGs y pa celebra e avansenan
haci den caudro di desaroyo sostenibel. Diamars 4 di september 2024, Minister Wever a cuminsa cu e continuacion di e proyecto aki y a bishita klas 6 di Colegio Santa Famia na Pos Chikito. Di un manera interactivo, Minister Wever
a splica e metanan di desaroyo sostenibel na e alumnonan. For di e alumnonan tabata tin basta interes pa e topico.
“Mi ta hopi contento y ta agradeci Colegio Santa Famia pa a ricibi nos.”Minister Geoffrey Wever.
Artista Residente di Bucuti & Tara Beach Resort, Elisa
Lejuez,
Ta Uni na Aruba's
Art & Fashion Week 2024
EAGLE BEACH, Aruba – 2 di September, 2024 – Arte y hospitalidad ta uni un bes mas mientras cu Bucuti & Tara Beach Resort ta aplaudi e trabou continuo di su Artista Residente, Elisa Lejuez, incluyendo su presentacionnan venidero na Aruba Art Week 2024. Lejuez, un artista local internacionalmente aclama cu su obra ta wordo exhibi door di henter e resort, incluyendo un coleccion interactivo, ta diseñando dos di su sjaalnan di seda mas popular exclusivamente pa e boutique nobo di luho di Bucuti & Tara, Seráfina.
Arte unico ta topa hospitalidad unico
Lejuez ta conoci tanto localmente como mundialmente pa su arte neo-pop contemporaneo. Su obra ta distingui pa su colorido vibrante, elementonan di medio mixto, y imprenta serigrafia. Su diseñonan versatil ta wordo mustra riba canvas, piesanan solitario, coleccionan, y muralnan encarga. Bucuti & Tara ta exhibi su trabou door di henter e resort y ta conecta huespednan cu ne si nan ta desea siña mas tocante su obra, ta desea cumpra su arte pa nan coleccion personal, of hasta si nan ta desea crea arte huntu cu ne na su studio.
Fuera di su obra captivante, Elisa ta ofrece workshopnan di arte exclusivo pa huespednan di Bucuti & Tara, ta opera un galeria riba e isla, y tin un exposicion destaca den e Art District di San Nicolas na Aruba. Su coleccion mas reciente pa benta, incluyendo dos sjaalnan nobo, ta disponibel awor na e boutique nobo di luho di Bucuti & Tara, Seráfina.
Bucuti & Tara su coleccion di arte di Elisa Lejuez Bucuti & Tara a exhibi e obra di Elisa den tur camber di huesped, suite, y espacionan publico. E resort ta comprometi pa obtene productonan localmente semper cu ta posibel, asegurando cu cada huesped ta gosa di un experiencia autentico Arubano. E compromiso ta alinia cu e Meta di Desaroyo Sostenibel di Nacionnan Uni 10: Reduci Desigualdadnan, promoviendo inclusividad den varios demografianan.
E inspiracion di Elisa, basa riba temanan di hende y planeta, a resona cu Bucuti & Tara, haciendo su arte un match perfecto pa e resort. Inicialmente, su obra tabata wordo exhibi den kamber di huesped, reflehando diseñonan di “Tropi-
cal Mandala” y “Contemporary Abstract.” Cu tempo, su coleccion a expande pa inclui piesanan den e lobby y Elements restaurant. Pa motibo di e popularidad di e cuadra y e deseo di huespednan pa haya un di nan mes, Lejuez a crea un exhibicion special cu ta destaca den e lobby di e resort cu huespednan por cumpra. E coleccion di arte interactivo di e lobby di e resort, “Circles Energy,” ta inclui codigonan QR cu ta permiti huespednan siña mas tocante tecnicanan di Elisa y e mensahenan patras di cada canva. E experiencia unico di e resort ta ser balora pa huespednan cu ta haña un signifcado mas profundo den cada piesa di arte.
Ora nan ta cumpra e piesanan pa nan coleccionnan di arte personal, huespednan no solamente ta mantene un coneccion cu Aruba, pero tambe nan ta sinti e deseo comun di e comunidad global pa balans, compasion y cuido pa e beyesanan di naturalesa
Arte di bisti exclusivo di Bucuti & Tara
Apart di su exhibicion di arte, Elisa ta ofrece moda door di su edicion limita “Caribbean Art Scarves”. E sjaalnan di seda diseña na man, cu ta encarna e esencia di e isla, ta disponibel na e boutique Seráfina di Bucuti & Tara. E coleccion mas reciente, incluyendo “Evolution,” por wordo cumpra na e boutique, entrega na camber di huesped, of manda como un regalo. Lejuez ta creando tambe un camisa di edicion limita cu pronto lo ta disponibel na e boutique.
Experiencia un les priva di Elisa Huespednan di Bucuti & Tara tin e oportunidad
unico pa crea arte huntu cu Elisa Lejuez den un les priva di pinta. E sesion nan aki, habri pa tur nivel di habilidad, ta provee un ambiente relaha completo cu snacks y bina. E concierge personal di huespednan por facilmente organiza e experiencianan exclusivo aki.
Experiencia Art Week Aruba 2024
Art Week Aruba ta e celebracion principal di creatividad di e isla, cu ta tuma luga for di 2 te 8 di September, 2024. Elisa Lejuez lo participa den dos evento principal:
● Art Fashion. Riba 4 di September, 2024, 7 p.m. na San Nicolas, Elisa lo demostra su coleccion cu tema “Activate,” destacando e poder di desaroyo personal door di imprentanan serigrafia intriga. ● Art Fair. For di 6
te 8 di September, 2024, e cayanan di San Nicolas lo resalta cu obra di mas cu 50 artista local, incluyendo Elisa. E evento aki tambe lo conta cu food trucks, musica, y entretenimiento. Huespednan cu ta keda na Bucuti & Tara durante Art Week ta wordo invita pa asisti na e eventonan aki, ser conoci cu artistanan talentoso di e isla y sumergi nan mes den e cultura vibrante di Aruba. Nan concierge personal ta disponibel pa duna informacion adicional, opcionnan di transport, y mapanan pa huespednan cu tin auto di huur.
Mientras cu Lejuez ta prepara pa participa den e Art Week Aruba 2024 venidero, e resort ta celebra su colaboracion continuo, unda su arte ta topa cu e hospitalidad di e resort pa un experiencia autentico na Aruba.
Minister Geoffrey Wever: Agri-Business Academy a inicia cu grupo nobo di participante cu aspiracionnan empresarial
esfuerso conhunto entre
Minister Geoffrey Wever di Ministerio di Asuntonan Economico y Ministerio di Naturalesa hunto cu Minister Ursell Arends, cual ta brinda apoyo directo na e ciudadano.
Entre otro tambe a inicia un Agri-Fund hunto cu Qredits Aruba. E programa di financiamento aki ta ofrece financiamiento cu interes abou (na 2% di interes) pa apoya desaroyo y
Na comienso di aña 2023, Minister Geoffrey Wever conhuntamente cu e ministerio di Naturalesa y Qredits Aruba a introduci e Agri-Business Academy. Un serie di tayer educativo cu e meta pa transforma agricultornan of esnan cu ta planta como hobby, den empresarionan den e sector agricola. E serie di tayer ta ser presenta pa Qredits Aruba, cual ta forma aspi-
racionnan empresarial, y duna e personanan e hermentnan di empresaria necesario pa por logra nan metanan, y sostene un business cu exito.
Ta importante pa provee entrenamento esencial y apoyo pa asegura cu agricultornan di Aruba ta ekipa pa maneha y crece nan negoshi agricola efectivamente. Esaki ta un
expansion di proyectonan agricola, y haci'e mas facil pa agricultornan obtene e capital necesario pa inverti den nan negoshi pa asina por aumenta productividad y promove nan sostentabilidad comercial. Asina ta tuma pasonan concreto di sosten directo na e agricultor, pa asina stimula e desaroyo di e industria aki como un pilar economico.
Durante apertura di e AgriBusiness Academy, Minister Geoffrey Wever a hiba palabra hunto cu Minister Ursell Arends, caminda a desea tur participante tur
clase di exito, cu e tayernan por brinda e conocemento y iluminacion pa nan por progresa den e industria aki, y asina tambe contribui na Aruba su seguridad alimenticio.
Aruba Bank ta celebra cultura hunto cu Bazjan durante di fin di siman
Oranjestad – 05 di september 2024 - Aruba Bank ta orguyoso di a celebra cultura hunto cu Bazjan, un banda nobo dedica na revitaliza e herencia musical dushi y vibrante di nos isla pa nos futuro generacionan. E colaboracion a demostra e talento increibel di musicantenan local, hobennan y profesional, y a resalta e compromiso di Aruba Bank pa preserva y promove e legado cultural di nos isla.
Bazjan a haci un tremendo presentacion durante e Parada di Lanternanan dia 30 di augustus y e Parada Cultural dia 1 di september, tur dos organisa pa Fundacion Chico Harms. E banda a captiva e publico ku e zonido unico y ritmo di musica tradicional di Aruba, hunto cu Gucci Dancers Group.
E patrocinio di Aruba Bank a hunga un rol crucial pa haci posibel e participacion di Bazjan den e paradanan cultural aki, dunando e fondo necesario pa ekipo di zonido y otro gastonan.
Aruba Bank a content di por a haci contribucion pa asina demostra su compromiso pa fomenta iniciati-
vanan cultural den comunidad cu enrikese e bida di tur Arubiano.
Pabien na tur esnan cu a hunto a celebra e herencia
BESTUURSKANTOOR A WORDO ILUMINA
CU LUZ BIÑA EN CONEXION CU LUNA DI ALZHEIMER
Luna di september ta luna di coscientisacion di Alzheimer, Minister Ursell Arends hunto cu partnernan importante tabata presente durante e acto di conscientisacion na Bestuurskantoor. Un evento dedica pa honra e personanan cu diariamente ta wordo impacta cu efectonan di Alzheimer.
Alzheimer ta un tipo di demencia cu ta afecta memoria, pensamento y comportacion. No solamente e ta impacta e persona cu ta padece di dje, pero tambe su familiarnan y cuidadornan.
Como un gesto simbolico di solidaridad, Bestuurskantoor a wordo ilumina cu luz biña, color oficial di conscientisacion di Alzheimer. E color biña ta representa e curashi, dignidad y perseverancia di personanan cu ta enfrenta e malesa aki dia tras dia. E ceremonia di iluminacion a honra nan trayecto y ta lansa un yamada na nos comunidad pa tuma accion cu mas empatia y compasion pa e adultonan mayor cu ta biba cu Alzheimer.
Durante e ceremonia, representante di Centro
di Memoria, Sra. Sabrina Sonensein a enfatisa e importancia di deteccion trempan. Centro di Memoria ta un centro diagnostico pa paciente cu problema di memoria y otro problema cognitivo, cu ta den colaboracion cu Horacio E. Oduber Hospitaal y S.A.B.A. . Aunke ainda no tin un cura, un diagnostico trempan y un cuido adecua por marca e diferencia den e maneho di sintomanan
Representantenan di Cas Marie tambe a duna
palabra unda nan a elabora riba e importancia di nan servicionan. Cas Marie ta ofrece un lugar sigur y structura pa e personanan cu ta sufri di Alzheimer, yudando nan pa mantene nan abilidadnan cognitivo y social. Tambe nan ta brinda un gran sosten na mantelzorgers, cu mester di un respiro y ayudo den nan tarea diario.
Pa finalisa e anochi, esnan presente a wordo deleita cu un poema captivante di empleado di Cas Marie, Samantha. E la dedica
Diamars atardi a drenta varios informe di cu tin un turista den badpak ta cana manera perdi den Hooiberg, mesora a dirigi un patruya na e sitio. Na yegada di e patruya banda di Well Well a bin topa cu e turista hospedando na un hotel na Morgenster buscando beach na Hooiberg, polis a splica e turista cu e mester bay pabao y no pariba y cu mirando e distancia ta mihor e busca un taxi of tuma un bus. Pa su mesun seguridad polis a hib'e su hotel bek.
esaki na su wela cu tambe a wordo afecta door di Alzheimer. Un poema cu a resalta e rol crucial di comunidad den cuido y sosten pa e personanan cu Alzheimer.
“Nos no lo laga e personanan afecta door di Alzheimer soña den scuridad; nos lo sigui ilumina nan caminda cu amor, empatia, y lus di speransa. Nos lo sigui defende e dignidad y bienestar di nos adultonan mayor”, Minister Arends a expresa.
