DOW ta traha un planificacion a base di e grado di prioridad
DIES SEÑAL CU TA REVELA E MIEDO NA COMPROMISO
DEN BO PAREHA Y CON PA ENFRENT'E
DIA 17 NOVEMBER PORFIN LO INICIA
E CASO FLAMINGO DESPUES DI TA WARDANDO PA MAS DI 4 AÑA
MINISTER CROES A RICIBI INFORMACION
ACTUALISA DI E ULTIMO DESAROYONAN
DI FUNDACION LOTTO PA DEPORTE
Recientemente, Minister di Enseñansa y Deporte Endy Croes a reuni cu director Sr. Vincent Solognier y Sr. Murray Irausquin di B-Energy Solar. Durante e bishita, nan a duna un presentacion amplio tocante panel solar y e servicionan cu nan ta ofrece. B-Energy Solar ta un compania cu mas di nuebe (9) aña di experencia den instalacion di panel solar na Aruba. B-Energy Solar ta brinda un variedad di panel solar di nivel cu por proporciona hasta 10 kwp di energia pa cas y/of sistema di 100 kwp pa empresa.
Actualmente, nan tin
contract cu diferente schoolbestuur na Aruba.
Durante e encuentro, e mandatario di Enseñansa y e representantenan di B-Energy Solar a haci un acuerdo pa un proyecto piloto pa e scolnan resorta bou di Dienst Publieke Scholen (DPS). Mirando cu Scol Practico pa Ofishi (SPO) Brasil tin un infrastructura moderno y e instalacion di coriente ta cumpli cu tur standard y rekesito, lo inicia cu e proyecto piloto eynan. E idea di esaki ta pa baha uzo di coriente na scol y rebaha gasto pa inverti mas den enseñansa. Durante e reunion, nan a duna ehempel concreto di con e
Minister Endy Croes ta gradici Sr. Solognier y Sr. Irausquin di B-Energy Solar pa e informacion
cu el a ricibi en cuadro di energia limpi, cumpliendo cu e meta di desaroyo sostenibel mundialmente. Dentro di poco, e mandatario di Enseñansa lo ricibi un oferta cu e
plannan cu nan ta ofrece y lo amplia un modelo pa futuro pa nos scolnan cu ta contribui na e desaroyo sostenibel.
Na Aruba mas di 75 % di e poblacion di 20 aña of mas tin sobrepeso of obesidad, cu’n 43% di sobrepeso y un 36% di obesidad ( Investigacion di Salud, GOA, 2017, DVG). Esey kiermen cu mas of menos 1 den cada 3 di nos poblacion adulto di 20 aña of mas, ta sufri di obesidad. Lastimamente majoria di nos no ta consiente di nos peso real y su consecuencia pa cu nos salud. Tin sobrepeso of obesidad ta un factor di riesgo grave pa desaroya malesanan cardiovascular y diabetes tipo 2 y ta un contribuyente grandi pa morto prematuro.
E indice di masa corporal real (BMI) promedio di e poblacion entre 25 y 64 aña ta 30.1 kg/m2, indicando cu e persona promedio na Aruba ta obeso.
E investigacion di Salud na 2017 haci door di DVG a indica cu ora compara e BMI cu e percepcion di e persona su propio peso, ta keda bon kla cu hopi hende tin un percepcion robes y en realidad tin mas peso cu e ta pensa.
Pa esnan cu ta pensa cu nan ta flaco di mas en realidad 60% tin peso normal, y pa esnan cu ta
pensa cu nan tin peso normal en realidad 73% tin sobrepeso.
Esnan cu ta obeso, un den cada 3 ta pensa cu nan tin sobrepeso y no ta realisa cu en berdad nan ta obeso. E percepcion robes aki por ta hopi negativo pa e salud.
Pesey cu e campana SABONUMBER nos di DVG, IBiSA y POHers kier consientisa nos poblacion y encurasha tur hende pa midi en realidad nan peso. Bo tin obesidad na momento cu bo tin un acumulacion exceso di vet cu ta forma un peliger pa salud. Un di e
metodo pa determina obesidad ta e midi di cintura.
Prome Minister Evelyn Wever-Croes:
DOW ta traha un planificacion a base di e grado di prioridad
Diaranson 7 di augustus, Prome Minister Evelyn Wever-Croes hunto cu su ekipo a reuni cu funcionarionan di Dienst Openbare Werken (DOW) pa planifica e trabounan di asfalt cu mester bay tuma luga. Prome Minister a duna di conoce cu e aña aki tin mas placa riba e presupuesto pa por haci inversion den nos careteranan y p’esey DOW ta haciendo planificacion.
Pa trabounan aki na Aruba tin retonan entre otro tin un planta so di asfalt consecuentemente tin tardansanan. Otro reto ta e camindanan di santo cu ta poni riba lista pa bay asfalta pero ta resulta cu tin por ehempel palonan di luz meymey unda e caminda mester bin, of cura di casnan ta riba e caminda of tuberia cu mester pasa ainda. Por lo tanto no ta tur e retonan
ta den man di DOW pero si nan ta atende cu esakinan y e caminda ta keda den e planning.
Tambe DOW a trece e resultado di e estudionan y investigacion cu nan a haci riba con den un periodo largo por drecha tur caminda na Aruba. Eynan a yega na e conclusion cu di awor pa 15 aña lo mester por inverti 17 miyon florin cada aña den cua periodo asfalta e camindanan di santo y por drecha tur cu e camindanan cu tin mester wordo drecha. Naturalmente, pa esey mester mas placa. Pa awor aki, pa e aña aki, tin 17 miyon florin disponibel pa traha riba careteranan di santo pa haci nan di asfalt y pa traha riba e mantencion di e careteranan di asfalt cu ta den mal condicion.
DOW ta aplica un sistema pa pone prioridad riba
careteranan. Depende con malo e caminda ta, e costo di drecha un caminda di santo cada biaha, cuanto hende ta biba eynan y con frecuente e caminda ta wordo uza, y asina ta traha un planificacion a base di e grado di prioridad.
“Nos meta ta pa percura pa nos camindanan di santo bira asfalt y pa tur
nos careteranan di asfalt den mal estado wordo drecha. No ta posibel pa haci tur na e mesun momento. Si tin mas fondo disponibel awor door di e capacidad financiero, pero na Aruba tin un limitacion di capacidad pa traha of drecha caminda cu asfalt. Pero e tin nos atencion y hunto cu DOW nos lo sigui enfrenta tur e retonan
aki y nos lo percura pa e careterenan haya e atencion necesario”, Prome Minister a remarca.
Minister Endy Croes a elabora riba un reunion cu presidente di Hunta di Supervision di Fundacion Lotto pa Deporte Sr. Robert Maduro. Durante e encuentro, e mandatario di Deporte a ricibi informacion actualisa di entre otro, e negociacionnan cu ta tras di lomba, e contractnan cu ta firma y e cambionan grandi cu ta na caminda pa Lotto pa Deporte di acuerdo cu e contractnan cu ta firma caba. Sr. Maduro a comparti cu e mandatario informacion actualisa di con leu nan ta cu e parti huridico,
accounting y cuenta anual.
Sr. Maduro a accentua cu loke cu a hereda di e directiva anterior di e asignatura di AVP tabata “total loss”.
Primordialmente
e jaarrekening nan cu no tabata cla, no tabatin claridad y falta di transparencia y documentacion. E directiva nobo a haci un trabou hopi grandi, unda cu a encarga e expertonan pa por a logra cera por ehempel, jaarrekening di aña 2020 y 2021. Fin di luna di juli ultimo, a entrega e cuenta anual di aña 2022 y asina a
haci un “inhaalslaag” hopi grandi pa e fundacion. Den e proximo 3 lunanan lo “haal in” e jaarrekening di aña 2023. Prome cu fin di aña 2024 Lotto pa Deporte por cumpli cu e parti di “Good Governance”, pa e jaarrekining ta na ordo. Esaki ta un aspecto hopi importante cu e directiva actual a pone hopi enfasis riba dje. Sr. Maduro a duna Minister Endy Croes un avance di e trabounan di e “inhaalmanoeuvre” cu nan mester a haci pa asina e fundacion cumpli bek cu e reglanan local y internacional. Banda di esaki, Sr. Maduro a duna
un splicacion di e vision di Lotto pa Deporte pa deporte di Pais Aruba y e fondonan cu lo por tin reserva pa cumpli cu e maneho di e mandatario di Deporte y Gobierno di Aruba. Por ultimo, Minister Endy Croes a indica cu e ta agradecido pa e informacion ricibi.
“Un bes den seis siman nos
ta reuni cu e presidente di Lotto pa Deporte y un bes den 3 luna nos ta acudi na e reunion di directiva pa por scucha y keda al tanto di tur loke cu ta pasando. Alabes, percura cu tin e fondonan necesario pa cumpli cu e vision di gobierno y cumpli cu nos maneho,” Minister Endy Croes a finalisa.
ORANJESTAD:
Recientemente, Minister Endy Croes a reuni cu Sra. Mariska Dania y Sra. Deta Figaroa di directiva di Colegio Arubano, esta Stichting Voortgezet Aruba (SVOA). Representante di DUOS tambe tabata presente durante e encuentro aki. E directivanan di scol ta den pleno preparacion pa apertura di Aña Escolar 2024 – 2025 pa garantisa un aña escolar exitoso pa nan studiantenan.
Durante e encuentro a
trata diferente punto di interes entre otro, e vacatura di director di Colegio Arubano, unda cu nan a duna informacion actualisa di e proceso. Alabes, a haci peticion pa un conrector y un trahado administrativo mas. DUOS lo haci un ehercicio pa mira si tin e fondonan pa asina por aporta na e peticionnan aki. Tambe a remarca cu e caminda entre Colegio Arubano y ex- Emma School a deteriora hopi y mesora Minister Endy Croes a
tuma contacto cu DOW pa haci un calculacion y ohala cu pronto e por wordo drecha. Ademas di esaki, SVOA tin un deseo riba termino mas largo, pa e directiva cu actualmente ta huur un edificio pafo di scol, lo por traha un edificio dentro di e tereno di scol cu lo fungi como nan oficina oficial. Lo forma un team pa traha riba e proyecto aki. Por ultimo, Minister Endy Croes a indica cu tabata un bon reunion. Alabes, e mandatario di Enseñansa y Deporte ta desea nan hopi exito den e aña escolar nobo. “Semper nos ta traha cu e posicion pa crea plataforma y ambiente pa e alumno por wordo miho sirbi. Trabou pa bienestar general ta continua tur dia. Nos ta avansando”, Minister Endy Croes a finalisa.
“Tin porfin un luz na final di e tunnel”, asina ex minister Otmar Oduber a duna di conoce e siman aki na comunidad. Despues di a bai varioa biaha corte y sali cu denuncianan di abuso cometi den e caso
aki, porfin Diamars ultimo corte a informa señor Oduber cu e tratemento di e caso lo inicia dia 17 di November y ta ser sprra cu pa dia 2 di December esaki lo yega na un fin.
Na e momentonan aki ainda lo tin cu scucha algun testigo cu defensa di Oduber a pidi pa worde scucha y esakinan lo tuma lugar den e siman di 26 di Augustus manera cu e reces di corte termina. Lo bira un siman sigur hopi interesante, paso pa prome biaha cu lo pone
bao huramentacion dilanti di un juez comisario funcionarionan di Landsrecherche y RST di hulanda u den a caso aki nan a worde jama dilanti pa e defensa di Oduber mirando cu lo a keda constata fu e rapportnnan traha tawata completamente falso.
“Mi lo a prefera claro pa e caso cuminza mas prome, pero despues di ta wardando mas cu cuatro aña caba, e tres lunanan aki mi ta kere lo pasa lihe y asina mi por defende mi mes di e acusacionan sin
base aki”, asina Oduber a declara den un comunicado recibi.
DI OTRO BANDS
JUEZ COMISARIO A NENGA E PETICION DI MINISYERIO PUBLICO.
Algun siman pasa señor Oduber a denuncia tambe e hecho cu Ministerio
Publico lo a laga haci un peticion na Juez Comisario pa tene e indentidad di e polis Hulandes-Europeo di RST scondi, mientras no a pidi esaki pa esnan di KPA y Landsrecherche cu si ta Arubiano.
Un acto cube ex minister a considera un discriminacion y acto di sinberguenza di parti OM, paso ta netamente e personanan aki ta esnan cu mester bin splika pakiko a traha raportnan falso y cu a conduci na henter e caso aki desde proncipio. E ex mandarario a sigi bisa cu e ta convenci di cu e berdad lo sali na cla y cu e nightmare aki por pasa pa pasado y asina digi cu su bida y di su famia cu metanan nobo pa futuro.
Minister di Finanzas a anuncia
un aumento riba e suma di reparatietoeslag pa pensionado di 30 florin.
Esaki a pone e parlamentario independiente Gerlien Croes haci un calculacion lihe den su mente, cu e crenchi placa’ki ta yega net pa 2 kipashi, 1 paki di ham y 1 di keshi y por ta un paki di manteca. Di otro banda, Gobierno ta generando e mayor entrada den su historia, specificamente un 1.7 biyon
florin na impuesto cu, como consecuencia, ta produci e surplus di 150 miyon florin cu Gabinete
Wever-
E decision di Gabinete
Wever-Croes II pa aumenta e repartietoeslag pa pensionado, ta un strategia puramente populista, segun e parlamentario. E ta kere cu conscientemente gobierno ta aleha di un
maneho financiero responsabel caminda ideal lo ta pa reparti e entrada di pais entre gasto y compensacion publico real, inversion y pago di debe nacional.
Cu gasto ta referi y enfatisa riba e miyones den fondo destina pa goederen en diensten (gasto
operacional di gobierno) y di personal, cu a subi di 2022 pa 2025 cu 82 miyon! Conseho di Caft riba e proyecto di presupuesto 2025, den su prome pagina caba ta indica cu gobierno “no a inclui suficiente informacion tocante e desaroyo di e ratio di debe y e gastonan di personal, pa por evalua si Aruba ta cumpli cu e normanan aplicabel,” y den mesun alinea ta bolbe conseha pa “elabora un agenda di inversion multianual y pa structuralmente controla e gastonan.”
Parlamentario independiente Croes: “Obvio cu campaña
ta andando y p’esey ta haci e anuncionan aki.”
E ta urgi e ciudadano pa: “No laga nan gaña bo cu e 30 florin aki.” Aruba merece un gobernacion cu reconose y tin preocupacion real pa e realidad actual di su pueblo, mescos cu pa e futuro.
Oranjestad, Aruba – 8 augustus 2024 - Recientemente, ELMAR a honra e empleadonan cu durante e prome mita di 2024 a cumpli nan aniversario di trabou. Durante un evento a reuni e hubilarionan y nan respectivo pareha pa reconoce y celebra nan contribucion na nos compania ELMAR y e comunidad di Aruba.
“E 400 aña di serivicio colectivo ta un testimonio di e contribucion excepcional di nos empleadonan.
E compromiso pa ehecuta boso trabou diariamente cu lealtad a contribui grandemente na e fundeshi di ELMAR cumpliendo asina cu un trayecto remarcabel na nos compania. Orguyosamente nos ta reconoce y honra boso pa boso dedicacion.” tabata e
palabranan di Anthony Irausquin, Director di ELMAR
E reconocimento aki tabata un momento pa refleha riba e rol vital cu cada empleado a eherce den diferente departamento, entro
otro Lineman, Troubleshooting, Underground Cables, Meter & Connection Services, Customer Service, y mas.
ELMAR un biaha mas ta extende su gratitud na tur su empleadonan
pa e trabou duro. “Ban ta sigui traha hunto pa nos alcansa mas logronan den futuro, dunando servicio excelente den un forma responsabel, respetuoso y ehemplar na e pueblo di Aruba.”
consecutivo cu e comision ta organisa e camp aki pa tres siman largo. E famoso camp di HOH ta yena cu actividad pe yiunan y nieto di empleadonan. Asina mayornan por sigui traha trankil mientras nan yiu ta bon cuida y entreteni durante temporada di vakantie. Hospi Bondi camp a culmina cu un clausura mescos tur aña unda cu e muchanan ta demostra nan talento cu un show p’e mayornan por disfruta. Y ya caba durante clausura muchanan ta conta cu nan no por warda pa otro aña yega atrobe pa nan sigui disfruta cu nan amiguitonan.
Rachelle Roos, Presidente di comision Hospi Bondi Camp, a duna di conoce cu aña pasa a pidi pa test haci na luga di dos siman un camp di tres siman. Mirando e exito a ripiti esaki e aña aki atrobe. E tabata sigur un reto pa yena e camp cu actividad y entretenimento pa 3
siman largo. Semper ta conta cu un participacion grandi di mucha tur siman y esey ta keda un reto tur aña mirando cu no tur luga por ricibi gruponan asina grandi. Pero manera semper e comision Hospi Bondi Camp ta creativo y ta busca manera pa haci lo imposbel, posibel! Entre e actividadnan cu tabatin ta bay diferente lama, parke arawa, cinema, bowling, parke di bestia y tambe actividad deportivo, hasta trece ‘jumping castle’ y pool na e plaza di Hospi Bondi na Hospital mes.
Obi Tromp, lider na Hospi Bondi Camp, ya caba ta participando alrededor di 15 aña. Promo como mucha y awo e tin tres aña como lider. Obi Tromp a expresa cu “aunke nos ta jong, toch nos ta siña di trempan pa atende cu e muchanan. Mester tin amor grandi pa mucha y pasenshi. “Hospi Bondi ta unico y ora bo bin kinan, nunca bo kier bay cas bek!”
Por ultimo Rachelle Roos a gradici e comision, e lidernan y sigur Hunta di Directiva cu ta e motor tras di Hospi Bondi Camp. Tambe el a gradici e diferente departamentonan di HOH pa nan aporte y tur otro colega cu a yuda masha hopi mes y tabata di gran sosten pa e camp. Por ultimo ela gradici e lidernan y e muchanan y claro e mayornan pasobra sin nan no tin Hospi Bondi Camp.
Manera semper e camp ta pasa lihe y e muchanan a keda hopi cansa pero contento. E muchanan sigur a crea memorianan cu nan no lo lubida nunca. Un bes mas, un tremendo Hospi Bondi Camp 2024 unda cu e muchanan a pasa tres siman yena di alegria, accion, aventura y amistad. Y claro loke tur mucha ta bisa na final ta cu nan no por warda pa otro aña yega pa nan bay Hospi Bondi Camp atrobe.
8 di augustus 2024 –Aruba Bank ta contento di anuncia cu su ekipo di volleyball a sali victorioso como campeon di torneo 5 Kamp 2024.
E banco ta gradici tur empleado y “cheerleaders” cu a duna nan apoyo sin descanso pa yuda e ekipo di Aruba Bank logra e titulo aki. Boso entusiasmo a sirbi como un inspiracion
Aruba Bank ta sumamente orguyoso di e gran esfuerso, dedicacion y “team spirit” cu e hugadornan a demostra durante tur partido di e torneo.
pa e ekipo y a contribui na gran forma na e exito cu Aruba Bank a logra. E torneo aki no solamente ta un prueba di deporte, pero tambe di union y cooperacion.
Un danki y pabien na tur esnan cu a contribui na e exito grandi aki. Aruba Bank ta continua cu su participacion den varios otro deporte durante 5 Kamp y ta celebra tur e logronan cu hopi pasion y determinacion.
Dia 7 di augustus Minister
Xiomara Maduro a cumpli 15 aña cu ela debuta como politico na Pais Aruba. E mandatario a debuta como politico na augustus 2009 y ta participa na eleccion di september 2009 y ta keda eligi como
Parlamentario di Pais
Aruba. Na september 2013
Xiomara ta wordo re-eligi como representante di pueblo y ta bolbe drenta
Parlamento di Aruba.
Xiomara ta fungi como
Parlamentario pa ocho
aña durante cual e tabata conoci pa e forma critico pero constructivo cu e tabata controla Gobierno, semper defendiendo e interes general. Un parlamentario cu curashi y determinacion.
Na eleccion 2017 Xiomara ta figura como number 2 riba lista di e partido geel. Partido MEP ta gana eleccion y ta forma un Gobierno di coalicion y Xiomara ta asumi e responsabilidad como Minister di Finansa, Asuntonan Economico y Cultura pa Pais Aruba den e Prome Gabinete Wever-Croes. Na aña 2021 Xiomara ta participa na su di 4 eleccion. MEP ta bolbe gana eleccion y ta bek den Gobierno. Xiomara ta haya e confiansa pa un bes mas carga e responsabilidad como mandatario y ta haya e carteranan di Finansa y Cultura den e Gabinete
Wever-Croes II. Como Minister, ela hiba un maneho cu dedicacion, seriedad y transparencia. Den su trayectoria como Minister, Xiomara a haye cu varios reto: debenan astronomico hereda, sigui pa un pandemia devastador y condicionnan impone pa Hulanda. Apesar di esakinan, ela continua y cu fe den Dios y trahando diligentemente cu su coleganan Minister, Departamentonan y su team, e ta logra pa pone finansa publico di Aruba bek riba pia, haya reconocimiento di institutonan financiero local y internacional, y ta logra pa dos aña sigui pa Pais Aruba tin presupuestonan cu surplus. Un mandatario cu semper ta sostene y promove Aruba su Cultura, manera su lema ta bisa: Cultura, bo tin cu bib’e!
Xiomara ta un persona carismatico cu ta traha duro, cu seriedad y cu curason y caracter pa Pais Aruba.
Su coleganan di Bureau a sorpresa e mandatario cu un celebracion chiquito na ocasion di su 15 aña como politico sirbiendo nos Pais. Durante e ocasion aki Minister Xiomara Maduro a gradici Movimiento Electoral di Pueblo pa e oportunidad pa por forma parti di e movecion politico.
E mandatario a bisa ‘Mi ta gradici Dios pa e guia, sabiduria y forza y mi ta spera di por sigui conta cu su bendicion pa por cumpli cu e trabou na bienestar di Aruba’. Minister Xiomara tambe a gradici tur persona cu ta apoya su trabou como un politico di Pais Aruba y ta yama nan danki pa e respet y e apoyo.
E miedo di compromiso ta algo cu ta bira evidente cu tempo, pero tambe tin algun indicio tempran cu por alerta e. Nos ta analisa y investiga nan causa. 10 señal cu bo pareha tin miedo di compromiso
Si bo ta den un relacion sentimental y nan ta saliendo pa un tempo, ta normal pa ke hiba cosnan un paso mas leu. E "paso" aki por tin hopi nomber, manera biaha den pareha, planifica un matrimonio of inicia un famia. Y pa propone e cambio ey, ta bon pa bo sa si bo pareha tin miedo di compromiso.
E miedo aki por manifesta su mes diferente den cada persona. Pero en general, tin un serie di comportacion cu por yuda bo haya e berdad. Bo ke sa kico nan ta? Aki nos ta indica e señalnan mas comun di un
ta cualidadnan positivo den mayoria di casonan, pero si bo novio of novia tin miedo di compromiso, ta hopi probabel cu e lo hiba esaki na un extremo. Esaki ta relaciona cu e sintimento di perdida di libertad, pasobra bo pareha por sinti cu e compromiso lo afecta nan autodeterminacion pa haci plannan personal, reuni cu amigonan, entre otro.
Den bista di esaki, e señal aki por manifesta su mes di e siguiente manera::
• E no ta contesta yamada of mensahe di bo durante dianan.
• Su plannan personal ta semper un prioridad contra plannan den pareha.
• E ta sinti su mes malo cu inversionnan economico cu bo ta haci na fabor di e relacion.
• E ta mustra un determinacion pa no ke biba hunto den e termino corto, medio y hasta largo.
el a yega hopi cansa di e trabou y pa e motibo ey e no a yama bo. Asina, e ta "fria" e relacion y ta keda den su zona di comodidad.
5. E ta negativo cu e relacion
hende cu tin miedo di compromiso, y tambe dicon ta duna i conseho pa afront'e.
Con bo por sa si bo pareha tin miedo di compromiso?: identifica e señalnan
E temor di compromiso por causa hopi daño den un relacion, ya cu si bo pareha tin esaki y bo presionnan pa avansa, bo por obtene e resultado contrario: pa e keda leu y termina den un ruptura cu ningun di e partidonan kier.
P’esey, e prome cos cu bo mester haci ta sa si bo pareha tin miedo di compromiso, y esey lo bo logra dor di observa nan accionnan. Como guia, nos ta laga bo cu algun idea.
1. E ta balora su independencia na un manera extremo
Independencia y autonomia
E ta evita cu su circulonan intimo sa cu e tin un relacion cu bo, manera por ehempel door di no inclui nan ora nan ta haci actividadnan social.
2. Evita papia di futuro Bo a saca e tema di biaha hunto den proximo vacacion y e ta evita e tema? Esaki ta un di e señalnan mas comun pa sa si bo pareha tin miedo di compromiso. Papiando di loke lo bin ta causa miedo den e personanan aki: Ta implica cu bo lo ta den bo bida den e largo plaso y esey ta sinonimo di algo formal.
3. Limita tempo hunto E señal aki ta tuma luga ora bo mucha homber of muhe ya a realisa cu loke nan tin cu bo a pasa di casual na serio, anto ta cuminsa separa di bo. Pa su miedo di compromiso e ta duna bo excuus, manera cu e ta hopi ocupa pa bay wak bo of cu
4. E no ta expresa Comunicacion ta vital den cualke relacion, pasobra papia di pensamentonan, miedo y emisionnan cu bo pareha ta yuda fortalece e vinculo. Pero un persona cu tin fobia di compromete su mes lo no ke habri su mes cu bo, pasobra e tin miedo di mustra su mes vulnerabel y "debil". E idea aki ta hacie sinti su mes hopi incomodo, asina cu e ta scoge pa no establece un dialogo cu fluidez tocante emocion y sentimento.
Un señal di miedo di compromiso entre hende homber y hende muhe ta enfoca riba e puntonan debil di ta den pareha. Por ehempel, nan ta pesimista y nan tin e idea cu e relacion ta bay malo y bo ke termin'e, ora no ta asina.
Tambe ta comun pa nan duna mas atencion na cosnan cu nan ta perde door di ta cu bo, manera nan tempo liber y sali cu amigonan, en bes di con positivo relacionnan di pareha tin, manera sosten of amor. No ta algu straño cu nan ta cu-
CONTINUA PAG. 11
rasha nan mes den e relacion.
6. E ta enfoca solamente riba su metanan
E echo cu bo otro mita tin meta personal cu e kier cumpli cu ne no ta algo malo. E señal di alarma ta presenta ora e ta laga e relacion pasa pa un segundo plano, dunando bo e impresion cu e no ta asina importante p’e.
Esaki ta un caracteristica di hende cu miedo di compromiso: Ta narcisista y priorisa nan mes, sin tene cuenta cu otro su emocionnan. Si ora bo pensa den medio y largo plaso bo no ta su igual, e ora ey bo no ta forma parti di bo obhetivonan.
7. E no ta duna e relacion un nomber
Bo a pasa cu, den un salida cu amigonan, bo otro mita no ta presenta bo como su pareha y no ta duna un contesta definitivo ora nan puntra kico boso ta? Si ta asina, e por sufri di e miedo aki.
Duna bo un nomber of un etiketa cu bo amigonan, conocinan y famia ta nifica cu nan relacion ta mas formal, algo cu e no ta dispuesto pa enfrenta.
8. E ta core bay ora cosnan bira serio
Pa ningun hende ta un secreto cu e etapa di namoramento den relacionnan di pareha ta hopi special, ya cu tur cos ta nobo y ta percibi e sensacion di "felicidad" den aire. Pero segun cu tempo ta pasa bo ta busca bo kier siña conoc’e den profundidad.
Si e tin miedo di compromiso, e lo huy pa comparti mas di su mes. Ora e relacion yega na un punto di evolucion, e lo bay bek y kier sali for di dje.
9. E ta bisa bo cu nan tin diferente velocidad
Supone cu bo ta sali cu bo pareha pa lunanan of añanan caba i bo ta considera cu ta un bon momento pa cuminsa biba hunto, pero indeciso.
E situacion cu nos a describi na bo ta un reaccion di un hende cu tin miedo di compromiso. E paso di mas intimidad den pareha por ta asocia cu un perdida di nan libertad.
10. "Mi No ke haci bo daño"
Si e ta bisa bo "mi no ke haci bo daño" durante un discusion y ta busca pa scapa, ta un otro señal pa sa si bo pareha tin miedo di compromiso. E frase aki ta un excuus cu e persona cu miedo ta uza pa purba hustifica y aleha, asina nan lo no sigui cu loke nan tabata discutiendo. Tin biaha e ta un recurso cu ta wordo uza ora ta papia di e futuro di e relacion.
Kico ta e motibo di e miedo di compromiso?
• Temor di un relacion serio y stabiel por tin hopi causa, asina tanto cu ta imposibel pa colecta tur. Den un forma general, e miedo di compromiso por responde na e siguiente factornan::
• Experiencianan negativo den relacionnan di pasado: experiencianan anterior, unda tabatin daño of abuso, por haci bo pareha sinti insigur di habri completamente cu bo y avansa den e relacion.
• Insiguridad personal: Un persona insigur no ta sinti confiansa y ta mira peliger tur caminda, aunke en realidad no tin. Ta logico cu un hende cu insiguridad no ke bay hopi leu cu bo, pasobra e tin miedo di sali herida y cu cosnan bay malo.
• Temor di desilusion y engaño: Probablemente bo pareha, bo gay of chick no kier compronde pasobra e tin miedo di situacionnan cu por tuma luga na inicio di un relacion, manera ta e
fracaso y no cumpli cu e expectativanan, asina como e por wordo engaña y sufri pa esaki.
• Miedo di crece: Si bo pareha ta hopi proteha pa nan mayornan y e ta sinti su mes manera un pisca den awa den e rol ey, mas sigur e tin miedo di compromete su mes cu bo. Crecemento ta encera asumi mas responsabilidad, y den pareha ta relaciona cu sosten mutuo, cuida otro y tuma control.
• Infancia problematico: Si bo pareha ta bin di un hogar unda e tabata sinti su mes bandona, kisas cu esey a laga un cicatriz riba dje y hacie cu e tin miedo di confia y compromete cu bo. Tambe e por a causa miedo di matrimonio, si e relacion entre su mayornan tabata toxico.
Naturalmente, tambe tin e posibilidad cu bo no ta mira den bo e pareha ideal pa forma un relacion di largo termino. Den e caso ey, papia rond di esaki ta un prioridad; specialmente, si bo si a trece un proyecto di bida hunto den bo mente.
Comunicacion: clave pa supera e miedo di compromiso den hende homber y hende muhe Awor cu bo sa e señalnan pa sa si bo pareha tin miedo di compromiso, bo por puntra bo mes kico pa
haci i si esaki tin solucion. E contesta ta si: E miedo di compromete por ser supera y e prome paso pa esaki ta comunicacion acertivo cu bo pareha.
E ta promove charla den un ambiente trankil y positivo, unda e ta sinti su mes sigur y por mustra bo su emocionnan y sentimentonan profundo. Corda cu nan mester ta semper sincero tocante loke nan ta sinti y aspira, ya cu mentira ta afecta confiansa.
Ademas, si bo otro mita ta sinti cu e miedo ey ta surpas’e, sugeri pa busca yudansa profesional. Boso por hasta haci un sesion di terapia hunto y fortalece e relacion. Den caso cu e ta indica cu e miedo di compromiso ta nada mas cu e siguridad di no haya un compañero di bida den bo, anto nan mester combersa na un manera honesto tocante futuro di e relacion.
a wordo organisa door di Aruba Tourism
dia 28 di juli
pa
na
Tanki Leendert - Shonnan, e temporada candeloso di biyar a cuminsa p’e temporada di 2024! Manera di custumber, FEBIAR, Federacion di Biyar Arubano, ta organisa den temporada final di tur aña e candeloso torneo di bola 8 pa ekipo. E aña aki, tin tur indicacion cu porta di santana a keda habri! No menos cu 6 ekipo ta par -
ticipa, di cual un di nan t’e grandioso comeback di un dje ekiponan mas activo di aña 2001, esta The Gladiators! Un otro ekipo cu a join y cu tambe tin algun hungado cu a scapa foi santana cu porta habri, t’e ekipo nobo di NO MERCY. Tin entendi cu nan ta conta cu re-aparicion di guereronan di decada 2000, esta Alex Wu y Andino
Skirbi pa Seferino Tromp, mensahero di Dios. etajuni@yahoo.com
Bo ta papia di derechonan igual, pero bo sa masha bon cu no por tin igualdad di loke ta moral y inmoral, di loke ta honesto y deshonesto y no por tin igualdad entre Dios Su Gloria y e diabel cu su perdicion den fierno, ta un caminda tin pa escohe.
E veredicto di Corte di casacion na Den Haag, ta un enterpretacion e ta, di e articulo 1 di constitucion di discriminacion pa Aruba cumpli.
Genesis 2: 4-24, na unda cu Dios Tata a traha homber y muher pa procreacion humano, Adam y Eva. Den Bijbel Marco 10: 6-9, akinan Dios ta uni homber y muher den e bida matrimonial, akinan homber y muher ta casa pa lanta famia. Esaki ta e educacion cu e pueblo y e hubentud ta ricibi, na cas, na scol y na Centro Pastoral.
Emerencia!
Diabierna dia 26 di juli e campaña a start cu encuentro desastroso p’e e kiponan di Mad Dogs, No Mercy, y Mongoose! Steelers a pone hero den curpa di e gang di cacho brabo cu score di nada menos cu 5-1! Riba otro mesa, e Gladiatornan a mustra sin piedad contra e team No Mercy, y a suta nan cu score di 5-2. Mester remarca si cu ta net e dos hungado cu porta di santana a laga scapa, esta Alex Wu y Andino Emerencia, a gana nan wega convincentemente. Y pa culmina, e legendarionan di Barracuda a pasa djente skerpi den curpa di Mongoose cu score di 5-1!
Pues shonnan, diabierna awo 9 di augustus, cuminsando pa 7:35 di anochi (Standard Atlantic Time pa esnan cu semper ta confundi orario), e palacio di biyar aya na Tanki Leendert lo t’e scenario un biaha mas di otro anochi cu bataya fuerte riba mesa berde! E Gladiatornan lo enfrenta Steelers, Mad Dogs lo purba trece Barracuda tera, y Mongoose lo bataya cu No Mercy! Shonnan, bini un bini tur, manera semper, entrada ta completamente gratis pa pueblo en general bin goza di un anochi di biyar di calidad halto. Yega!
E conseho aki no ta un obligacion, pero si esnan responsabel di pueblo no por dicidi, anto ta e pueblo di Aruba mes tin cu dicidi den e derecho di exprecion den un referendum. Bo no tabata sa, cu esnan den sodomita ta busca e ley di discriminacion, pa nan tambe por casa? Awor, kiko e ley di discriminacion ta concerni? Entre anja 1900 –1939 tabata tin e Race War na Merca. Akinan e African American Community tabata wordo discrimina, na trabao, na scol, den comunidad politico, nan no por vota den eleccion etc.
Na anja 1933, president Franklin D. Roosevelt a bin cu e ley aki di discriminacion pa tur rasa y idioma. E ley di discriminacion aki ta papia di hendenan di tur rasa, pero e ley aki no ta papia di inmoralidad sexual di tur clase y ni ta papia di casamento di tur clase. Bo mester compronde, cu hendenan cu ta biba aki na Aruba of hendenan cu ta bin di otro pais pa biba aki na Aruba y nan ta biba den nan sexualidad den tur clase of nan ta casa den inmoralidad di tur clase, anto esey ta nan biba y nan asunto. Pero nan tur mester respeta e bida Cristian di e pueblo y nan mester respeta y cumpli cu e institucion di e ley di censo di casamento civil entre homber y muher.
E pueblo Cristian y e hubentudnan ta cumpli y ta obedece loke Dios ta bisa, Bijbel
Bo ta bisa, nan ta mesun hende y stroba e mesun sexo di casa ta discriminacion. Den e prome ley di Dios ta bisa, di stima bo prohimo, pero akinan Dios no kier pa bo stima e pikanan cu e prohimonan ta biba aden. Por ehempel den Bijbel Genesis 19: 1-23, akinan Dios Tata mes a kita bidanan di tur e habitantenan di Sodoma y Gomorra, pa motibo di nan pikanan di homosexual y di lesbiana. Anto mi ta puntra bo, esey ta discriminacion? Den Bijbel Levitico 20: 13, akinan Dios ta prohibi e relacion sexualnan entre homber cu homber y entre muher cu muher, nan lo wordo condena na morto eterno.
Awor, esey ta discriminacion? Compronde, si un hende cu kier bay den fierno despues di morto, esey ta su asunto, e mes a escohe pa bay. Pero bo no por bini cu e casamento civil di e mesun sexo den censo, pa trece ehempel di inmoralidad sexual di tur clase den pueblo y pa danja e mentalidadnan di nos hubentudnan, cu ta kitanan for di e caminda di Dios. Un ehempel, si bo pone un batata putri den un sako di batata bon y si bo no saka e batata putri na tempo, kiko bo ta kere ta bay pasa? Esey ta pa bo dicidi.
Si esnan responsabel di pueblo mes no por dicidi, anto laga e pueblo Cristian di Aruba mes dicidi den un referendum. Pasobra bos di pueblo, ta bos di Dios. Seferino Tromp
Ta ken no konosé Edsel ‘Payo’ Juliet? Djis menshoná piesanan ku a dal duru manera E kilo di Lanto, E boton ta ploi, Goed om in huis te hebben (Bon pa tin den kas), Rèspèt pa kultura, (Kome pushi) i su último produkshon titulá Bo no ta stroba mi (Tira palu bai gol).
Nos a puntra Payo ta ki nobo e tin pa aña 2024?
Edsel a kontestá mesora: E fiesta di Santa. Payo a splika nos ta kiko a dun’é inspirashon pa traha e piesa akí: “Despues di e temporada di Corona i te awe mi ta haña hopi petishon pa toka i animá fiesta. Na aña 2022, djis despues di e pandemia di Corona, a kontratá mi pa toka na un hasimentu di aña pa señora Constansia na Lelystad.”
Edsel ta sigui konta: “Na kuminsamentu e fiesta tabata mustra hopi trankil pasobra e hendenan a keda ku un tiki miedu di Corona. Mi a disidí ku mi ta bai habri fiesta kantando happy birthday pa señora Constansia. P’esei mi a puntra e mener kasá di señora Constansia ta kon su
nòmber ta. El a bisa mi ku su kasa yama Santa Constansia. Mesora mi di yes! Esaki ta bai bira un tremendo vershon di happy birthday. Un fiesta ku hamas i nunka nan lo bai lubidá, esta e Fiesta di Santa! “
Despues ku nos a skucha e produkshon nobo aki nos a puntra Payo Juliet, kon e ta kere ku e pueblo di Kòrsou, Aruba i Boneiru lo bai reakshoná.
E di: “Nan lo bisa ta Payo atrobe!” Nos a puntra Edsel “Payo” Juliet kiko sú reakshon lo ta riba nán reakshon?
Ku un smail riba su kara el a kontestá: “Ata e pueblo ta gosa! Laga nan gosa di bida!”
Aunke e maldad ta aumenta mundialmente, nos mester mantene nos hogar ( nos cas) liber di e contaminacion di mundo.
Y pa nos mantene nos hogar limpi nos mester di e presencia di Dios.
E presencia di Dios ta alcansa nos bida ora cu nos entrega totalmente na Dios, reconoce su Yiu Cristo Hesus como nos Senjor y Salbador , y biba pa Senjor.
Pasobra tur locual nos mester nos ta hanja den e presencia di Dios, ta solamente Cristo Hesus por bisa: Bin serca Mi tur cu ta cansa y carga y lo mi duna boso sosiego.( Mateo 11:28). Pasobra serca dje nos tin seguridad.
Tur hende mester sa kico nan por ricibi den e presencia di Dios, pa evita cu hende por wordo engaña y decepciona ora nan scohe otro caminda cu no ta e presencia di Dios:
Den e presencia di Dios tin pordon .( Salmo 103:10-12).
E presencia di Dios ta un guia pa nos. ( Mikeas 7:1819).
anto nos tin cu cuida, pa asina nos no cay den gara di scuridad.
Dios den Su inmenso amor pa nos , no ta nenga nos nada bon, pero tur cos tey pa esnan cu ta stima Dios y ta warda Su palabra y statutonan.
Tin sanacion y restauracion den e presencia di Dios . ( Salmo 147:3).
Tin gracia den e presencia di Dios ( Efesionan 4:7) (Efesionan 2:8-9).
Den e presencia di Dios tin misericordia.( 2 Samuel 24:14).
Tin forsa y poder den e presencia di Dios. ( Isaias 41:10).
Tin compasion den e presencia di Señor ( Salmo 103: 13-14).
Tin posibilidad den e presencia di Dios, ( Mateo 19:26) ( Marco 9:23).
Ta nos deber pa busca e presencia di Dios pa nos bida, nos cas y nos famia, pasobra sin e presencia di Dios nos no por bay ningun caminda, pasobra nos ta depende di e presencia di Dios.(Exodo 34:14-15). tur momento.
Pesey ora hende ta den desobediencia, rebeldia, orguyo y arogancia e presencia di Dios ta aleha for di nan bida, y asina e presencia di scuridad ta drenta, y awor nos ta mire mas cla cu nunca con scurdad ta domina bida di hende.
Na mes momento cu hende cuminsa rechasa Dios su palabra Su presencia ta aleha, y hopi di nos ta compronde awor ,dicon tin tanto desviacion pa mal caminda, ta pasobra e presencia di Dios no tey.
Si nos ta cana den lus, nos ta cana den e presencia di Dios, pasobra Dios ta lus y den dj’E no tin nada, nada di scuridad. E lus di Dios ta e presencia di Dios.
E presencia di Dios ta haci e diferencia den nos bida y Su presencia ta cambia cualkier situacion, Caminda e presencia di Dios ta , maldad no por ta presente, pasobra e presencia di Dios ta corre cu maldad.
Pesey e palabra di Dios ta ordena tur mayor pa displina y instrui nan yui den e caminda di Dios, pasobra den e caminda di Dios tin e presencia di Dios.
No tirami for di Bo presencia y no kita Bo Spirito Santo for di mi.(Salmo 51:11). Sinceramente, Pastor Marcel Balootje.
Tin comformidad den e presencia di Dios.( Salmo 23:4).( Salmo 12:1).
Tin pas den e presencia di Dios ( Filipensenan 4:6-7).
Tin goso den e presencia di Dios ( Salmo 16:11).
Tin amor den e presencia di Dios. ( Romanonan 8:3539) ( Salmo 5:11-12).
Tin speransa den e presencia di Dios .( Jeremias 29;11) ( Isaias 40:31).
Ora nos contempla kico e presencia di Dios ta ofrece, nos tin cu comprende cu-
“Señor ta mi wardador, mi’n tin falta di nada
Den cunucu di yerba berde e ta ponemi sosega.
E ta hibami na awa trankil, Pa mi bolbe haña forsa”.
Salmo: 23
A bai laga nos, esposa, mama, wela, bisa wela stima
Mihor conoci como: “Sira”
*31-07-1939 – †03-08-2024
Ex empleada manager di Drive Inn theater
Na nomber di:
Su casa: Andres ‘Belin’ Dabian
Yiunan: Marvel y Enrique Vilchez
Amira y Tito Luydens
Debby Dabian
Gina y Michel Blonk
Nietonan: Marange y Barry Krouwel
Angel Vilchez
Ismaël y Marian Vilchez- Delissen
Sierra Luydens
Renell Luydens y Lieke Aerts
Richinel Luydens y Lizzy van Hout
Shannon Blonk y Michan Galekop
Marisa Blonk
Justine Blonk y Rutger van Velzen
Bisanieto/a: Mia y Sam Krouwel
Kymora Toppin y Lou mae Luydens
Abby Luydens
Jomar,Siegmar y Igmar Schwengle
Ruman: †Pedro y Maria Willems
Siegfried y Marisol Schwengle-Simon
† Petrus ‘Shon Pe’ Lampe y Silvia Wout
Swa y Cuña: †Elma Dabian
†Theodor ‘Doty’ Dabian
Sonia Geerman-Dabian
Lucindo ‘Lu’ y Carmen Dabian
†Pedro ‘Rufo’ Dabian
†Greta Dabian
Ayudante: Ethlijn Servud, Miladis Miranda-Ochoa
Demas famia: Lampe, Dabian, Vilchez, Luydens, Blonk, Krouwel, Schwengle, Simon, Toppin, Delissen, Van Hout, Aerts, van Velzen, Galekop, Geerman, Willems, Flanegin, Wout, Alberts, Kransen, bisiña y amistadnan
Ex colega nan di Drive Inn Theater y Meta Corp
Disculpa nos si den nos tristesa nos por a lubida un famia.
Acto di intiero lo tuma lugar diabierna 9 di augustus 2024 di 9:00 pa 11:00 a.m na Aurora Funeral Home. E resto mortal lo bay Santana Catolico na Santa Cruz.
Despues di entiero nos no por tuma condolencia na cas.
Un feliz diaranson santo cu hopi bendicion y debocion
”Mi mester anuncia e era di Señor Su gracia.” Lucas 4,19
Hesus a bini pa establece Su Reino aki na mundo. Esey tawata Su mision. E tawata ungi cu Spirito di Señor pa anuncia e Bon Noticia na tur esnan pober di spirito y esnan desanima.Tambe E tawata proclama libertad pa esnan cu tawata preso, esclavo di pica y mara na cadena cu bicionan. Hesus a bini tambe pa habri bista di tur esnan ciego spirit almente cu no tawata mira e realidad y a perde speransa. Tur esnan cu ta wordo oprimi y trata inhustamente Hesus a bini pa duna nan e libertad. El a stima nos y a drama Su sanger pa libera nos di nos pica. Hesus kier anuncia e era di Señor Su gracia. E dia cu Señor ta bay mustra pueblo Su bondad. P’esey laga durante e siman santo aki nos keda cu nos bista fiha riba Hesus, Esun cu a sufri cruelmente y a wordo crucifica pa cada un di nos cumpliendo cu Dios Su Palabra.
Ban mustr’E e amor cu nos tin p’E entregando nos bida na djE y mustrando e amor di Dios na esnan cu mas tin meter di dje.
Oracion:Tata Celestial laga cu Bo Spirito Santo bin podera di nos y habri nos bista spiritualmente y duna nos e libertad pa proclama Bo reino di amor, paz y husticia. Amen.