Segun Fraccion di PPA den Parlamento AUMENTO DRASTICO
DEN GAS TA UN BOFTA
TRAICIONERO DEN CARA DI E PUEBLO DI ARUBA
DIAHUEBS PROME
MINISTER A REUNI CU
PREMIER DI HULANDA
DICK SCHOOF
MOTIBO PRINCIPAL DI E REUNION
TAWATA RIBA E MANEHO FINANCIERO RESPONSABEL DI GOBIERNO DI ARUBA
Den Haag – Durante un sesion na De Haagse Hogeschool a tuma lugar presentacion di dos “beleidsadviezen” cu e grupo di studiantenan di Minor Koninkrijksrelaties a traha ariba peticion di Gabinete di Aruba. Esaki a tuma lugar den presencia di Prome Minister demisionario Evelyn Wever-Croes, Minister Plenipotenciario demisionario Ady Thijsen, director di Gabinete di Aruba Joselin Croes y personal di Gabinete di Aruba.
Prome cu e presentacion di e “beleidsadvies” nan, dos studiante di Minor Koninkrijksrelaties a duna
un relato di nan biahe di estudio na Aruba, Boneiro y Curaçao. Despues e studiantenan cu a traha riba e “beleidsadvies” nan a tene un presentacion. Un “beleidsadvies” ta riba e tereno di Communicacion y Marketing y e otro ta riba e tereno di exito di e studiantenan. Den e presentacion a duna un analisis con nan a conduci e investigacion y kico tabata e aspectonan cu nan a concentra riba dje. Na final di ambos presentacion a presenta solucionnan den e “beleidsadvies” nan.
Minister Plenipotenciario demisionario mr. Ady Thijsen a gradici e studiantenan di Minor
Konikrijksrelaties pa nan trabao. Segun e mandatario e “beleidsadvies” nan aki ta contene puntonan importante cu sigur lo yuda Gabinete di Aruba den su maneho pa cu
nos studiantenan y pa Gabinete di Aruba ta mas visible na Hulanda, den Reino Hulandes y den Union Europeo, segun e vision di Gabinete di Minister Plenipotenciario di Aruba. Nota pa redaccion: E potretnan ta cortesia di Arubahuis
Cu e ultimo cambio anuncia den prensa tocante “elimina loonbelasting bou 64930 florin” , atrobe un grupo grandi di “persona individual” CASA ta sali perdi como cu nan si mester sigui paga belasting maske nan entrada individual ta bou 64930 pasobra nan mester paga hunto cu nan casa.
PAKICO ?
Pasobra , ora un pareha casa mester paga “inkomstenbelasting” semper Ley ta exigi pa conta nan dos entradanan hunto ! Y dos entrada hunto semper ta yega 64930 florin “mas lihe” ( y e ora mester paga inkomstenbelasting ) cu un entrada so di moda cu e pareha casa mester paga
inkomstenbelasting asina nan dos entradanan hunto yega 64930.
Si cada persona casa lo mester a paga inkomstenbelasting como individual , tur hende individual casa cu NO ta yega 64930 lo no mester paga inkomstenbelasting mes !
E Ley di inkomstenbelasting traha pa beneficia (inhustamente) “pareha casa” y pa perhudica “hende no-casa” , ta DISCRIMINATORIO y den e caso ( di 64930) ariba menciona ta perhudica awor un grupo grandi di individual casa cu nan entrada ( di nan so ! ) no ta yega 64930 florin pa aña mester conta entrada di nan casa hunto cu di nan y paga belasting toch.
Pasobra riba nan mes nan lo no mester paga inkomstenbelasting PERO casa si nan ta obliga di paga hunto cu nan casa ora nan dos entradanan hunto pasa 64930.
Politiconan casa , pa añanan largo ta beneficia nan mes y no kier cambia e Ley di inkomstenbelasting pa trata tur hende di forma igual : LEY PA UN / LEY PA TUR ,casa of nocasa (cada persona individual) mester paga inkomstenbelasting como persona individual segun e mesun Ley.
Mirando e bofta traicionero cu pueblo a haya cu aumento drastico di gas, fraccion di PPA ta puntra su mes si ta esaki pueblo tin cu verwacht di e gobierno nobo si continua cu e mesun minister di economia.
Un minister cu a sconde e aumento aki pa pueblo prome y durante di eleccion. Loke ta mas condenabel di e aumento di 35% den prijs di gas ta cu e mandatario sa cu esaki lo ocasiona un efecto aun mas grandi riba e prijs di cuminda y alimentacion.
Esaki ta loke mas ta resalta pa e parlamentario, es decir, un persona cu ta fungiendo como minister di economia y dos luna pasa cu
tabatin eleccion no a notifica pueblo cu lo bay tin un aumento drastico den tarifa di gas. “Bo tabata sa caba cu nos ta papiando di riba 40%, pasobra realidad ta cu kier a subi prijs di gas cu casi 45%, sinembargo a scohe pa subiele cu 35%. Esaki ta algo cu bo no ta haya sa ayera, ta algo cu bo tabata sa prome cu eleccion”, Otmar Oduber ta declara.
Despues cu a bay eleccion y cu posiblemente lo forma parti di un coalicion di un gobierno cu lo sinta, y segun medionan di comunicacion, lo continua como minister di Economia, esaki ta simplemente tuma pueblo haci. Tur partido durante eleccion, incluyendo esun di Sr. Wever, a mustra cu costo di bida ta haltisimo na
elA perde hopi sAnger
Diaranson merdia a drenta informe di cu un dama a cay na Natural Bridge y ta sangrando, mesora a dirigi tanto polis como ambulans na e sitio. Na caminda pa e sitio e ambulans a accidenta spiel cu spiel. Despues di basta wardamento e dama a perde hopi sanger segun polis. Nan a atende e victima y a transporte pa hospital.
Aruba y na ningun momento e la bisa pueblo cu tin mas medida na caminda. Despues di esaki, ta implementa un aumento di 35% cu lo significa riba consumo principal di pueblo cu ta cuminda, un aumento sumamente halto y cu ta inaceptabel.
Otmar Oduber ta puntra su mes “con serio bo por ta como politico pa a manipula un pueblo di e forma aki y awe bo ta purbando di forma un gobierno”. Finalisando e la bisa cu mientras cu no wak cu gobierno ta mara faha y presenta recortenan substantial den su gastonan, fraccion di PPA no lo aproba presupuesto 2025. “No por ta asina cu ta impone mas medida riba pueblo y den cas mes ta sigui sin baha gasto”.
Relaciona cu e decision di Conseho di Minister di dia 17 di december 2024, Organo Ehecutivo di AZV ta informa lo siguiente. UO AZV a ricibi e decision y a inicia e evaluacion tecnico pa ehecucion di esaki. Solamente cu e proceso aki ta tumando mucho mas tempo cu a premira inicialmente. Ta calcula cu e finalisacion di e parti tecnico lo tuma minimo 1 luna mas y maximo 2. Nos ta pidi nos disculpa pa e inconveniencia aki.
Tin un mensahe cu ta circulando riba red social y grupo di WhatsApp convocando e comunidad pa reclama acceso na beach.
St. Regis Hotel ta kitando e matanan di kwihi, poniendo parasol y stoel den e areanan publico y restringiendo espacio p'e localnan.
E convocatorio ta pa diadomingo awo, dia 9 di februari pa 3'or di atardi. Ta invita un
y tur pa by cu borchi y comparti e mensahe aki y invita famia y amigo pa demostra cu e hotel no por exclui e poblacion di su propio beach.
ORANJESTAD – Awe mainta Corte di Husticia a trata e caso penal cu Ministerio Publico a cuminsa contra e homber A.F. (33), kende ta un conoci di husticia.
SOLO DI PUEBLO por a compronde cu Fiscal a exigi castigo di prison y detencion di biaha den Corte di A.F. Hues a dicidi di duna A.F. un chens y no a sigui exigencia di Fiscal pa detencion di biaha den Corte.
Fiscal a acusa A.F. cu enrte 14 December 2023 y 23 Maart 2024, e tabata bende cocaina y marihiuana.
BENDEMENTO DI DROGA
Hues a puntra A.F. si e acusacion ta berdad. A.F. a desmenti y a bisa cu el a caba di sali for di KIA na December 2023 y despues di 2 luna e no por ta bendiendo droga manera ta acuse di dje. El a bisa Hues cu e ta un usador di droga. Hues a remarca cu segun e declaracion di A.F. na Polis, A.F. a admiti di tabata bende droga. A.F. a bisa Hues cu e agentenan di droga a skirbi cos cu e no a bisa. Hues a mustra cu segun e raport di Polis. Polis a haya informacion cu den e promer cuartal di 2024, A.F. cu ta wordo yama Swiso tabata bende droga den Driemasterstraat, dilanti ex United Dinner. Ta asina cu A.F. a sali for di KIA, 14 December 2023. Polis a bay observa 5 y 6 Maart 2024 na ex United Dinner. Por a mira cu A.F. tabata sinta banda di un bari di sushi blauw y mas hende para eynan. Tabatin
hende ta bay serca A.F. y ta duna A.F. algo y A.F. ta duna algo. E agentenan di droga tabata sospecha cu ta bendemento di droga tabata tuma lugar. A planea un accion 23 Maart 2024. A detene esnan cu a bay serca A.F. y puntra nan kico nan tabata haci. Despues a bay detene A.F. y bay su cas pa mira si tin droga eynan. Ora A.F. a mira Team di Aresto, el a core bay pero a keda deteni.
NENGA DI A BENDE DROGA
Caminda A.F. tabata sinta banda di un bari blauw, Polis a haya un tas preto cu basta placa aden y e cellular berde. A.F. a bisa cu e tas ta di dje pero e cellular no. Tambe a haya un saco di papel cu sakitonan di plastic cu cocaina y sakitonan di plastic cu marihuana. Mas na banda di United Dinner a haya un saco cu marihuana y sakitonan di plastic cu cocaina. A pisa e droganan cu ta mustra 72,9 gram di marihuana y 23,8 gram di cocaina.
Hues a bisa cu na Polis, A.F. a bisa cu cierto cantidad di e droga ta di dje. Esnan cu a haya otro caminda banda di United Dinner no ta di dje.
Na cas di A.F., Polis a haya marihuana (280 gram) den cushina y 7.3 gram di cocaina. E cantidad di placa den e tas, tabata 2046 florin y mas cu 800 dollar. Segun A.F. e placa ta di su señora. El a bisa cu ta placa di tips cu su señora ta dun’e. Hues a puntra pakico ta cana cu asina
Diahuebs mainta a drenta informe di cu un damita di 17 aña a cay for di trapi di 2 piso na Van den Veen Zeppenfeldstraat dilanti di Charlie’s Bar, mesora a dirigi un ambulans na e sitio.
Na yegada di e patruya a bin compronde
cu e damita a cay y tin hopi dolor di su rudia bay abao y ela dal su brasa y cabes.
Ambulans a atende y a transporte pa Centro Medico.
hopi placa y no ta warda e placa na cas. Segun A.F. na cas no ta safe pa warda placa. Polis a detene un hende cu a cumpra 3 piedra for di A.F. El a bisa cu el a cumpra for di un guy blanco cu hopi tattoo cu ta sinta den hoeki di United Dinner. El a cumpra 3 biaha y 1 luna pasa el a cumpra for e persona. El a reconoce A.F. ariba potret cu Polis a mustr’e. Otro testigo a bisa cu de vez en cuando e ta cumpra piedra for di Swiso. Un otro a bisa cu e ta cumpra piedra for di Swiso.
Na Polis, A.F. a declara cu e droga cu a haya na su cas ta pa su mesun uso. Polis a mustr’e e potretnan di droga cu a haya na United Dinner. Segun e procesverbaal, A.F. a bisa cu e saco di papel cu a haya droganan aden banda di e bari di sushi, ta di dje. El a bisa cu el a cumpra e droganan pa su mesun uso. El a bisa cu el a wordo acerca si e kier bende droga eynan hunto cu otronan. El a bisa cu el a cuminsa bende droga, pasobra su situacion financiero ta malo. Hues a bisa cu A.F. a bisa cu e otro droganan cu a haya no ta di dje. El a bisa cu si hende pidi’e pa bende droga, e ta haci’e pero e droga ta di dje. Mientras cu Hues tabata lesa e procesverbaal, A.F. tabata sacudi cabez. Ora Hues a caba, A.F. a remarca cu e no ta compronde Hulandes y el a firma e declaracion.
Continuacion pag. 6
Diahuebs Prome Minister a reuni cu Premier di Hulanda Dick Schoof
Prome Minister Evelyn Wever -Croes na e momento aki ta na Hulanda riba un biahe di trabou pa atende varios reunion importante. Diahuebs 6 di februari, e Prome Minister di Aruba a reuni y na e mesun momento cera conoci cu Minister President di Hulanda, señor Dick Schoof.
Durante e reunion a trata diferente punto di interes, pero e prome punto cu
e Premier Hulandes tawatin riba su agenda a trata e maneho financiero responsabel di pais Aruba. Riba esaki Prome Minister di Aruba a duna e mandatario Hulandes un relato detaya di tur e trabounan cu a haci y ta haciendo pa Aruba ta financieramente stabiel na e momento aki.
Prome Minister a indica cu e ta compronde cu e premier Hulandes a pone
prioridad na e maneho financiero di Aruba, pa motibo cu den pasado e situacion di Aruba tawata diferente.
Tambe e mandatario di Aruba a subraya e echo cu tin un nerviosismo na Hulanda na e momento aki pa loke ta trata e cambio di gobernacion na Aruba. Riba esaki, e por a mantene e trankilidad bou e mandatario Hulandes, indicando unda Aruba ta para na e momentonan aki.
Aparte di e aspecto financiero, durante e reunion, tambe a papia di e relacion den Reino y riba temanan cu ta wordo trata cu Secretario di Estado y di e siguridad di Aruba den e region.. Hulanda ta organisando e cumbre di NATO na mei 2025 y na caminda pa esey tin varios aspecto cu por afecta Aruba. Manera e tema
di Venezuela, e tema di siguridad den nos region cu ta puntonan importante, pero tambe e decisionnan cu ta wordo tuma na Merca y e efectonan cu nan por tin pa Aruba.
Prome Minister a indica cu a trata di un bon reunion y den e dianan venidero e lo elabora mas den detaye riba e diferente puntonan cu a trata durante e reunion aki.
Continuacion di pag. 4
KIER CAMBIA BIDA
Segun A.F. e tabata 7 aña sera y no por ta asina cu e ta sali for di KIA y por bende asina. Segun A.F., e chollernan a gaña riba dje. El a bisa cu e chollernan ta bisa loke Polis kier, pa asina nan no bay sera. El a bisa cu e sa laga chollernan laba su auto y e ta duna nan piedra pero no bende.
Ariba pregunta haci di Fiscal, A.F. a bisa cu e ta fada di husticia. El a remarca cu tin masha hopi pisca y husticia ta blo tira riba dje. El a bisa cu el a pasa mitar di su bida sera den KIA. E no kier ta sera mas. E kier bay Hulanda cu su pareha y su yiu. El a bisa cu Hof a declar’e liber den e caso di arma caminda e tabata sera 9 luna inhusto. El a bisa cu e tin placa pa haya di e caso ey y cu esey e tin pensa di bay Hulanda pa cambia su bida.
FISCAL A EXIGI PA DETENCION DI BIAHA
Fiscal a bisa Hues cu Polis a mira A.F. ta haci movecion sospechoso. Dia 23 Maart 2024 a haci accion y a haya e droganan. Tin testigonan cu a bisa di a cumpra droga for di A.F. Fiscal a mustra cu e droga cu a haya patras di e bari di sushi blauw, tabata caminda A.F. tabata sinta y ningun hende mas tabata ey banda. Na e cas caminda A.F. a keda, a haya droga tambe. Na Polis, A.F. a bisa cu e tabata bende entre 1 y 2 luna, despues cu el a sali for di KIA. Esaki pasobra no tabata facil pa e haya trabao. Tin testigonan cu a declara cu nan a cumpra for di A.F. Fiscal a bisa cu awor ta scucha A.F. bisa cu e no a declara asina. Fiscal a remarca cu
A.F. no mester a firma e ora. Fiscal ta haya cu a keda legalmente proba cu A.F. tabata bende droga y cu 31,14 gram di cocaina y 366,7 gram di marihuana ta di A.F. Na opinion di Fiscal, no por bisa cu A.F. tabata bende marihuana. No a haya ningun testigo cu a bisa di a cumpra marihuana for di A.F. (Swiso). Pesey Fiscal ta haya A.F. culpable di posecion di marihuana. Fiscal a mustra cu droga ta hopi adictivo y ta trece hopi criminalidad y problema den famia. E ta haya cu A.F. a colabora den esaki. Fiscal a bisa cu A.F. tin carchi di castigo cu casonan pero ta promer biaha cu e ta dilanti Hues pa caso di droga. Fiscal a exigi 12 luna di prison, di cual 6 luna ta condicional cu 3 aña di prueba. Tambe Fiscal a exigi pa detencion di biaha di A.F. y hiba KIA. E placa cu Polis a confisca lo mester keda confisca.
ABOGADO
Abogado mr. Croes, a bisa Hues cu A.F. a declara na Polis cu loke a haya na su cas ta di dje pa propio uso. El a bisa cu e cuestion di saco di papel banda na United Dinner, no ta di A.F. E ta haya cu Polis a manipula declaracion di A.F. Segun abogado, e chollernan a duna declaracion manera Polis kier a scucha pasobra nan no kier bay sera. Abogado ta haya cu A.F. ta marca pa husticia. E tin 3 yiu cu su pareha di cual 1 ta di dje. E kier mustra su yiunan pa hiba un bida drechi. E abogado a mustra cu actualmente A.F. tin un trabao. El a pidi Hues pa tene cuenta cu e situacion di A.F. E abogado ta haya hopi cruel pa bay detene A.F. awor aki. El a mustra cu A.F. a pasa hopi trabao pa a haya un trabao. El a pidi
Hues pa duna A.F. castigo igual na loke e tabata sera y bou guia di Reclasering pa mantene riba e bon caminda.
Na final, A.F. cu su mannan cruza manera ta resa, a pidi Hues pa yud,e pa e drecha su bida. Por a mira cu A.F. tabata hopi desespera y no kier bay KIA.
SENTENCIA
Hues a sera tratamento di e caso y a dicta sentencia di biaha. Hues a bisa cu e ta haya mescos cu Fiscal legalmente proba bendemento di droga. Hues a bisa cu e no ta haya proba cu e otro droganan cu a haya mas leu for di unda A.F. tabata sinta, ta di A.F. Hues a sigui bisa cu e no ta duda den declaracion di e testigonan. El a bisa cu e no ta kere nada cu A.F. a bisa cu Polis a inventa declaracion. Hues a bisa cu bendemento di piedra ta causa hopi criminalidad.
Pa cu e castigo, Hues a bisa cu e ta tene cuenta cu e periodo cortico cu e bendemento di droga a sosode y cu awor A.F. tin trabao y cu A.F. kier drecha su bida. Hues a bisa cu e no ta sigui exigencia di Fiscal di detencion inmediato. Hues a bisa cu e kier duna A.F. un chens pa A.F. drecha su bida. Hues a condena A.F. na 365 dia di prison di cual 344 dia ta condicional cu 3 aña di prueba. E droganan lo wordo destrui y e placanan lo keda confisca. Esey ta nifica cu A.F. no mester bay sera. Por a mira A.F. hala rosea di alivio y contento.
El a sali for di sala di Corte, bisando: “Nunca mas e ta bay bende droga”.
Diaranson mainta a drenta informe di un accidente na Paraguana, mesora a dirigi un patruya na e sitio.
Na yegada di e patruya a bin compronde cu aki ta trata di un accidente unda cu un chauffeur a yega bira sin a duna preferencia na un auto y a bay dal riba dje. Afortunadamente ningun hende a resulta herida.
Otmar Oduber, lider di fraccion di PPA den Parlamento, a indica cu tanten cu prespuesto 2025 no refleha recortenan substancial den e gastonan di operacion di gobierno, no lo aproba esaki. E ta di opinion cu no ta husto cu mientras pueblo mester paga un aumento barbaro di 35% den gas, gobierno di su banda no ta baha su gastonan. Laga esaki ta un mensahe cla y raspa pa e gobierno nobo cu tin cu sinta. Pio ainda, e ta bisa cu Minister di Economia Wever no tabata y no ta sincero cu pueblo.
CFT den su carta ta indica cu atrobe parlamento no a trata e presupuesto di 2025 manera palabra den acuerdonan entre e organonan. No ta importa si ta formando gobierno of
no, fraccion di PPA ta di opinion cu un presupuesto mester wordo trata na tempo, un gobierno mester funciona debidamente y corectamente conforme reglanan y leynan di comptabilidad y conforme acuerdonan cera.
Aruba ta caminda cu nos ta na e momentonan den e relacion cu Hulanda netamrnte paso Aruba no ta cumpli cu su palabracionan. Tur gobierno di turno a priminti, pero no ta cumpli cu e promesanan haci y ta crea e ora e desconfianza cu ta existi awe entre gobierno di Hulanda y Aruba. “Pesey como fraccion di PPA y mirando loke a tuma luga aworaki cu e aumento drastico di 35% den gas, cual lo bay tin un aumento ainda
mas drastico den prijs di consumo di cuminda, ta imposibel pa aproba cualkier presupuesto cu wordo presenta cu no
ta mustra y refleha un reduccion substancial den e gastonan di gobierno”.
Otmar Oduber a menciona
cu PPA ta kere cu mester yega na un 10 pa 12% di reduccion di gastonan di gobierno y cu tin espacio tambe pa logra esaki, si tin e boljntad.
E no por kere cu no ta anuncia un reduccion den presupuesto, pero si ta anuncia un aumento drastico di gas, inclusive prome cu a forma gobierno. “E tipo di cosnan aki ta yega un momento cu como Parlamento mester manda un mensahe bon cla pa e gobierno cu ta sali y esun cu ta drenta, cu nos ta para tras di e compromisonan haci cu e comunidad di Aruba y cu nos ta bay defende tanto e interes como e derecho di pueblo manera cu tur partido y politiconan a priminti 2 luna pasa den eleccion”.
Ministerio Publico y Cuerpo
Policial di Aruba ta informa cu polis lo controla preventivamente pa detecta posesion di arma di candela durante un total di siete actividad di Carnaval.
Na San Nicolas lo controla preventivamente riba Jouvert Morning (15 di februari) y durante Parada di Mucha (23 di februari), Parada di Luz (27 y 28 di februari) y Parada Grandi (prome di maart). Na Oranjestad, lo controla preventivamente durante Carnaval di Mucha (16 di februari), Lighting Parade (22 y 23 di februari) y Parada Grandi (2 di maart).
Den cuadro di e accion polis ta autoriza pa para personanan y controla nan na nan paña, pa pidi hende pa habri tas y paki y pa ristra den esakinan, y pa ristra den autonan y otro vehiculonan riba posesion ilegal di arma di candela. Polis a wordo autoriza dor di huez-comisario, riba peticion di Ministerio Publico.
1. Riba Jouvert (San Nicolas):
• 15 di februari 2025 di 03.00 or te 12.30 or.
2. Durante Parada di Mucha na San Nicolas:
• 23 di februari 2025 di 13.00 or te 18.30 or.
3. Durante Parada di Luz na
San Nicolas:
• 27 di februari 2025 di 20.00 or te 28 di februari 2025 te 02.30 or.
4. Durante Parada Grandi na San Nicolas:
• Prome di maart 2025 di 11.00 or te 19.30 or.
5. Durante Parada di Mucha na Oranjestad: • 16 di februari 2025 di 13.00 or te 18.30 or.
6. Durante Lighting Parade na Oranjestad:
• 22 di februari 2025 te 23 di februari 2024 di 20.00 or te 03.30 or.
7. Durante Parada Grandi na Oranjestad:
• 2 di maart 2025 di 11.00 or te 19.30 or.
6 di februari 2025 – E internacionalmente aclama, DaVinci Michelangelo Experience, ta kla pa hasi su tan anticipa debut den Caribe na Cas di Cultura dia 29 di maart 2025. E produccion teatral aki, cu a capta publico den henter Merca, y Off-Broadway na New York, ta trese bida na e genio di dos di e visionarionan mas grandi di historia—Leonardo da Vinci y Michelangelo.
E programa multimedia unico aki, crea y interpreta pa e dynamico Mark Rodgers, ta mescla arte, ciencia y teater den un biahe inolvidabel den e era di Renaissance. Combinando animacionnan 3D imprecionante, clipnan di pelicula cinematico, y projectionan artistico imprecionante, Rodgers ta presenta e historianan di Da Vinci y Michelangelo, mustrando nan obranan, rivalidadnan y impacto duradero riba cultura moderno. Despues di a caba di completa un gira exitoso na Reino Uni, incluyendo un presentacion aclama pa criticonan na London’s Bloomsbury Theatre, e produccion awor ta yega Aruba pa un evento exclusivo di un anochi so.
Rodgers, un ex-curado di The DaVinci Machines y Michelangelo Exhibitions, ta transforma historia den un experencia energetico y inmersivo. E publico no ta djis wak—nan ta drenta den e mente di dos genio di Renaissance, descubri nan impacto duradero riba e mundo di awendia. “E Experencia di DaVinci Michelangelo tin algo pa tur hende,” Rodgers ta bisa. “E dos artistanan aki a forma e mundo cu nos ta biba aden, y nan influencia por wordo sinti te awe. Mi meta ta pa inspira cada miembro di publico pa descubri nan propio Da Vinci y Michelangelo interno.” Cas di Cultura lo ta anfitrion di
dos presentacion special di The DaVinci Michelangelo Experience. E prome ta un matinee exclusivo, solamente pa invitacion pa studiantenan riba diabierna 28 di maart, cu e meta pa inspira hubentud di Aruba pa medio di arte y historia. E publico lo tin e oportunidad pa experencia e produccion espectacular aki, treciendo e genio di Da Vinci y Michelangelo na bida riba escenario diasabra 29 di maart.
For di Michelangelo su Estatua di David y Kapel di Sistina te na Da Vinci su Mona Lisa y invencionan pionero, e biahe teatral emocionante aki ta tanto educativo como imprecionante. Sea bo ta un amante di arte, un amante di historia, of simplemente ta buscando un anochi inolvidabel, esaki ta un evento cu bo no por perde. Cas di Cultura ta extende su gratitud na Aruba Marriott Resort & Stellaris Casino pa nan asociacion balora den trece e produccion extraordinario aki pa
e isla.
Pa mas informacion tocante e evento/carchinan, por tuma contacto cu:
Cas di Cultura Telefon: +297-582-1010
Email: info@casdicultura. awWebsite: www.casdicultura.aw
Diasabra mainta dia 25 di januari, a tuma luga e Acto Protocolar di Dia di Betico dilanti Plaza Libertador G.F. Betico Croes. E mainta a inicia cu presentacion di Caha di Orgel di Nelson Thiel, Rodney Werleman y Antonio Geerman cu a entretene e invitadonan local y internacional cu tabata yegando cu nan musica. Comision Celebracion Dianan Nacional a ricibi e invitadoy mandatarionan. Maestra di ceremonia Jenniree Dirks a anuncia yegada Su Excelencia Gobernador di Aruba sr. Juan Alfonso Boekhoudt hunto cu su distinguida esposa. cu a wordo ricibi pa Minister di Finansa y Cultura, sra. Xiomara Maduro, anfitriona di e evento hunto cu e
miembronan di Comision Celebracion Dianan Nacional.
Despues cu Su Excelencia Gobernador a duna permiso e ceremonia oficial a inicia cu canto di Himno di Aruba ‘Aruba Dushi Tera’ interpreta pa e hoben Jayzienne Theodora, acompaña pa e maestro Jurdanny Koolman y agrupacion musical.Pastoor Toti Fuentebella di Parokia di Santa Filomena na Paradera a haci un bunita oracion pa nos Pais Aruba henter y su gobernantenan. Despues a sigui discurso di Prome Minister di Aruba sra. Evelyna Wever-Croes cu e presenta un elocuente discurso comparando e lucha di Betico pa nos Status Aparte cu e
construccion di e cas cu yama Pais Aruba. Lamentablemente algun ora prome cu nos por a drenta e cas, ela haya un accidente y despues di 11 luna den coma, a fayece. Y ta p’esey nos mester cuida e cas aki, y stima e cas aki, cu yama Pais Aruba, pasobra nos sa cu e lucha cu Betico Croes a hiba pa Aruba su Status Aparte no a bay facil y no a bay sin sacrificio. Y e logro di e lucha y sacrificio tabata Aruba su Status Aparte. E programa a continua cu e Acto di Ofrenda Floral, durante cual Parlamento di Aruba, Su Honorabel president sra. Gerlien Croes y Grifiier di Parlamento, sr Herman Hek, Gobierno di Aruba representa pa Su Excelencia Prome Minister sra. Evelyna WeverCroes y Su Excelencia Sra. Xiomara Maduro, pa Famia Croes e nietonan di Betico Croes y pa Cuerpo Consular e consulnan a rindi homenahe na Gilberto François Betico Croes.
Despues a sigui cu un canto di “Libertador” presenta pa e hoben Xiangelina Leon, un poesia ‘Na Betico’ skirbi pa Nena Ponson dfm cu a wordo declama pa e hoben Guizza Maria Steenvoorde, un cancion’Himno, Bandera y Libertad’ interpreta pa Jaymerson Kelly, presentacion di Grupo di baile Dazzling dancers y un canto “Libertad’ canta pa e hoben Jizienne Martes.
Tur e cantantenan a wordo acompaña pa e maestro Jurdanny Koolman y agrupacion musical.
E mainta a termina cu Himno di Aruba interpreta pa e hoben Jayzianne Theodora y na final un y tur por a sigui disfruta di e musica di Caha di Orgel di Rodney Werleman y Antonio Geerman.
Minister Xiomara
Maduro ta gradici tur e invitadonan local y for di Boneiro pa nan presencia. Alabes e mandatario ta gradici e artistanan pa nan tremendo presentacion. Un danki tambe na tur cu a yuda pa haci e Acto Protocolar aki posibel y un Pabien y Danki na Comision Celebracion Dianan Nacional cu un bes mas a prepara un bunita ceremonia.
Tur 30 artista ta bon prepara y e secuencia di banda ta conocí!
Durante e ultimo dianan aki Stichting Musica a publica varios video y potret riba nan Facebook page, cu ta duna un bista di e preparacion grandi cu tin tras di Aruba Caiso Soca Monarch 2025. Varios artista a wordo entrevista y ta cla pa duna un tremendo presentacion pa nan fanaticada. Diasabra awor, 8 di februari 2025, un total di 30 artista lo participa den e Soca Finals 2025, acompaña pa 14 banda. E organisacion a indica cu nan kier crea un ambiente dushi pa tur esnan cu lo tey na Carnival Village, cu un food court amplio y tambe un bar cu e cocktail special cu Stichting Musica a crea, e asina yama “Soca Tryp”. Tambe lo tin diferente atraccion, entre otro mas cu 1000 florin na premio pa esnan cu ta na e festival di parti Jumpup Bingo.
Carchi ta obtenibel via Pay.aw y tambe na Citgo Boulevard y Citgo Essoville pa solamente 35 florin pa persona. Tin pakete special pa grupo di 10 persona of mas, cual por ta famia y fanaticada di participante, gruponan di amigo, colega of studiante. Pa pakete special por yama of Whatsapp e number 5661819.
E competencia musical mas grandi y espectacular di Aruba lo wordo transmiti via Pay Per View
(PPV). Ta posibel pa mira e Soca Finals di Aruba Caiso Soca Monarch 2025 riba television of via online streaming.
Pa cumpra pakete di PPV bishita: https://ppv. setarcode.aw/musica of www.stichtingmusica.org.
E secuencia di banda pa e Aruba Caiso & Soca Monarch - Soca Finals 2025 ta lo siguiente:
1. GROOVE MASTERS cu Blacky (Tell Them) y T-Money (Soca Daddy)
2. BULERIA cu Kulchaman (What R We Fighting For) y OyeMaiky (True Thing)
3. TSUNAMI cu Galloway (Dr. Carnival Lector), Daddy Bass (Repo Man), Queen Sashah (Love In The Air), Jr. Bass (Let’s Go), Lady LaRouge (To The Top), Freddy Rasta (One For Unity), Big Reckless (Road) y Easy B (Soca Train)
4. SHINE MUSIC cu Ashanti (Wuk and Jam)
5. DLS cu XENVN (Buraco)
6. YX3M cu M.I.K.E.Y. (Fyah) y Stuwy (Rich With Life)
7. JEON & THE GANG cu Master Gusto (Whoporop) y King Etto (Bula Aden)
8. IMPAK 4PLAY cu Anamo Ra (Sumtin 4 Da Road) y Magy (Ready Fuh D Road)
9. SUONA cu Ezrrraaaa (We Love This Timing)
10. DURO cu Casper (Barefoot/Pia Abou)
11. OREO cu Mighty Talent (Paranda Wuk Up), Mighty Talent Jr. (Throwing D Watah) y Lady Eyes (Survivor)
12. PHENOMENON cu
Rusty (Take Me Back)
13. ZETA BAND cu Mighty Tattoo (El Paisa)
14. N FUZION cu Lyrod (Home), Suhcy (Metronome) y Queen
Shine (Soca Is Life)
Stichting Musica ta gradici tur esnan cu ta haci Aruba
Caiso & Soca Monarch
posibel, na prome lugar e artistanan cu ta traha duro pa forma un competencia fuerte pa otro. Danki na e publico fiel cu ta atende e festival y cu ta sintonisa via di Telearuba of e diferente live radio partners. E organisacion ta sumamente honra cu
e apoyo y sosten di SETAR NV, Ban Serio (un iniciativa di Aruba Tourism Authority),
Aruba Airport Authority, Elite Productions & Entertainment, Chill, Jumpup Bingo y TRYP by Wyndham Aruba.
Diaranson mainta a drenta informe di un accidente na Purun, mesora adirigi un patruya na e sitio.
Na yegada di e patruya a bin compronde cu aki
ta trata di un accidente unda un pick-up a pasa raspa un Cherokee Jeep cu tabata staciona banda di caminda.
Afortunadamente ningun hende a resulta herida
Diaranson madruga a drenta informe di un accidente na Bucutiweg riba cura di airport,
mesora a dirigi un patruya na e sitio.
Na yegada di e
patruya a bin topa cu e chauffeur burachi cu e auto Honda Fit A75016 cu muy probablemente
lo a pega soño y a bay dal riba e cura di airport dilanti Varadero. Mesora polis
a detene e chauffeur di e vehiculo y a bay warda di polis cun'e.
Diaranson madruga a drenta informe di cu tin un persona mal golpia y no por move, mesora a dirigi tanto polis como ambulans na e sitio. Na yegada di e patruya a bin encontra cu un pelea entre pareha cu recientemente a gana lotto y probablemente tabata
den un bebemento unda a start un pleitamento unda e homber a lanta su man dal e muhe y esaki en cambio a dal un boter kibra y a corta e homber formalmente.
Polis a bay pa e muhe cu a bay den ambulans pa
hospital ya cu ela haya mokete den su cara pero a bay cun'e deteni den otro ambulans pasobra ela corta e homber cu un arma. Hasta polis a solicita e departamento technico y forensyco na e sitio. Polis tin e investigacion den su man.
Ningun hende ta donjo di su mes, nos tur ta pertenece na Dios.
Dios a crea nos tur den Su imagen y Su semehansa.
Ta nos deber di stima y obedece Dios , cu henter nos curpa, alma. curason y nos mente.
Pasobra Dios a stima e mundo asina tanto e a entrega su Yiu , unigenito pa ken cu kere den dj’E no bay perdi ma tin bida eterna. Y esaki ta e plan di salbacion cu tur hende, mester acepta, pa evita di biba bao di condenacion y na final resulta den fierno.
Esaki ta e berdad irevocabel, cual splicacion ta para scirbi den Juan 3 :13-21.
Pesey ta para scirbi den Romanonan 12: 1 ; Pesey mi ta roga boso, rumannan pa medio di e misericordia di Dios, pa presenta boso curpanan como un sacrificio bibo,y santo, aceptabel pa Dios, cual ta boso sirbishi spiritual di adoracion.
Romanonan 12:2: Y no sea conforme e mundo
aki,ma sea transforma pa medio di renobamento di boso mente,pa boso por comproba, kico ta e bon y agradabel y perfecto boluntad di Dios.
1 Corintionan 6:19 : Of boso no sa cu boso ta e tempel di Spirito Santo kende ta den boso. Kende boso tin di Dios,y cu boso no ta pertenece na boso mes. Pasobra boso a wordo cumpra pa un prijs , pesey glorifica Dios den boso curpa.
1 Corintionan 3:16: Boso no sa cu boso ta tempel di Dios, y cu e Spirito di Dios ta biba den boso.Si un hende destrui e tempel di Dios, Dios lo destrui e.Pasobra e tempel di Dios ta santo, y esey ta loke boso ta.
Awor sabiendo esaki ningun hende no tin e derechi di haci cu nan curpa manera nan kier. Pasobra Dios nunca por glorifica Su mes den un curpa, yena cu droga, yena cu alcohol, den un comportacion perverso, den un bida yena cu adulterio, den un bida di pica,pasobra nos ta pertenece completamente na Dios paden y pafo, no solamente cu nos curason pero cu henter nos ser. Esaki ta pa tur hende comprende y no busca excuus y no purba na tapa solo cu un dede.
Si un hende ganja bo, bo tin mag di rabia, pasobra e
a ganja bo, pero si bo mes ta ganja bo mes sabiendo awor e berdad biblico cual nos a splicabo hopi cla, den e parti cu nos a comparti mas ariba, anto e ora ey bo ta haci pica conscientemente.
Nos ta bibando den e ultimo dianan, den tempo trabahoso, cual ta demostra cu hende a cambia di karakter, actitud y pensamento den cual nan ta lubida riba Dios, halsa
nan mes,y haci tur locual ta contrali na e palabra di Dios.( 2 Timoteo 3 :1-5).
Ta diabel so por ganja hende asina tanto ,cu e ta benta su desencia un banda, respet pa su mes curpa ta wordo lubida, y mas ainda temor pa Dios no ta conta pa asina e mente y e curpa wordo domina pa perversidad, esey nunca por bini di Dios, pasobra nos Dios ta santo.
Reconoce cu Senjor , e ta Dios,E ta esun cu a traha nos, y no ta nos mes a traha nos mes, nos ta Su pueblo, y e carnenan cu E ta pastoria. ( Salmo 100:3).
Mi carnenan ta tendi Mi bos,y Mi conoce nan y nan ta sigi Mi, mi ta duna na bida eterna, y nan lo no perece nunca y ningun hende , lo ranca nan for di mi man.( Juan 10:27-28).
Esaki ta e realidad di bida.
”Lo Bo ta sacerdote pa semper na e mesun manera cu Melkisedec.” (Hebreunan 7, 17b)
Ruman aki nos ta mira Hesus cu e titulo Sacerdote/Rey di Husticia pa semper, bunita titulo pa Hesus aunke Hesus no mester di ningun introduccion of titulo paso E ta Dios y Dios ta Amor. Asina mes den Hesus nos por experencia Amor, E Amor Unico cu nos tur ta anhela consciente y inconscientemente nos tur ta anhela di experencia E Amor di Dios.
Ta dificil pa esey sosode? Ta bon pa nos sa cu tur cos ta depende di con habri nos curason ta pa Hesus y con nos ta permiti Spirito Santo move den nos.
Diadomingo nos a scucha cu nos tin e donnan y awor ta keda nos nada mas cu resa y pidi Spirito Santo habri nos curason pa nos experiencia y pone e donnan den practica y asina acepta y cumpli cu Dios su boluntad den nos bida y nos biba!
Oracion:Hesus mare nos tur por reconoce cu Abo ta nos Rey di Husticia y acerca Bo curason misericordioso pa nos salbacion. Amen
Diamars anochi laat a drenta informe di un accidente na Monte Verde, mesora a dirigi un patruya na e sitio.
Na yegada di e patruya a bin compronde cu aki ta trata di un accidente a causa di malstacionamento unda un
Picanto pasando e autonan a hay’e ta maniobra ora a topa un auto contrario y a mishi
Kambio proposishon di lei WolB es/FinBes
Sekretario di Estado Zsolt Szabó (Digitalisashon i Relashonnan den Reino) ke mantené e funshon di Representante di Reino, pero ke adaptá esaki sí. Ta inkorporá e adaptashon aki den e proposishon di lei pa kambio di e Lei Entidatnan Públiko Boneiru, Sint Eustatius i Saba (WolBES) i e Lei di Finansa Entidatnan Públiko Boneiru, Sint Eustatius i Saba (FinBES). E proposishon di lei mester kontribuí na bon gobernashon i solides finansiero.
Zsolt Szabó: “Supervishon Intergubernamental, kaminda i na momentu nesesario, ta rekerí
un embolbimentu gubernamental intensivo. Esaki por haña un forma mas efektivo i mas adekuado pa medio di e Representante di Reino ku pa medio di un mandatario na Den Haag. E Representante di Reino ta muchu mas ekipá pa ta presente na e lokashon i konosé e situashonnan partikular di e gobernashon di Boneiru, Sint Eustatius i Saba.”
Kontenido di e funshon di Representante di Reino ta kambia E funshon di Representante di Reino ta keda eksistí, pero algun punto di e kontenido di e
funshon akí ta bai kambia. E Representante di Reino lo bai dediká su mes mas ku promové i garantisá bon gobernashon i ehekutá supervishon intergubernamental. Boneiru, Sint Eustatius i Saba ademas a indiká di ta aspirá un propio representashon permanente na Den Haag. A konsekuensia di esaki e ròl di koordinashon di e Representante di Reino, komo defensor di interes di Boneiru, Sint Eustatius i Saba, no ta nesesario òf ta ménos nesesario. E Kolegionan Ehekutivo ta na altura kaba tokante e kambionan den e proposishon di lei.
Planifikashon di tempu di e proposishon di lei
E simannan benidero ta adaptá e proposishon di lei pa esaki. Den e di dos kuartal di 2025 ta tuma lugá un konsulta nobo pa medio di internèt tokante e adaptashonnan den e proposishon di lei. Esaki ta nifiká ku probablemente den e promé kuartal di 2026 ta manda e proposishon di lei pa Tweede Kamer. E planifikashon adaptá
tin konsekuensia pa un otro kambio den e proposishon di lei, spesífikamente e oumento di e kantidat di miembro pa Konseho Insular. Ku e planifikashon nobo por spera ku e kambio di lei akí lo no drenta na vigor promé ku e elekshonnan pa Konsehonan Insular di mart 2027. Pa e motibu akí e oumento di kantidat di miembro di Konseho Insular lo drenta na vigor te entrante 2031.
Ningun hende ta donjo di su mes, nos tur ta pertenece na Dios. Dios a crea nos tur den Su imagen y Su semehansa. Ta nos deber di stima y obedece Dios , cu henter nos curpa, alma. curason y nos mente.
Pasobra Dios a stima e mundo asina tanto e a entrega su Yiu , unigenito pa ken cu kere den dj’E no bay perdi ma tin bida eterna. Y esaki ta e plan di salbacion cu tur hende, mester acepta, pa evita di biba bao di condenacion y na final resulta den fierno.
Esaki ta e berdad irevocabel, cual splicacion ta para scirbi den Juan 3 :13-21.
Pesey ta para scirbi den Romanonan 12: 1 ; Pesey mi ta roga boso, rumannan pa medio di e misericordia di Dios, pa presenta boso curpanan
como un sacrificio bibo,y santo, aceptabel pa Dios, cual ta boso sirbishi spiritual di adoracion.
Romanonan 12:2: Y no sea conforme e mundo aki,ma sea transforma pa medio di renobamento di boso mente,pa boso por comproba, kico ta e bon y agradabel y perfecto boluntad di Dios.
1 Corintionan 6:19 : Of boso no sa cu boso ta e tempel di Spirito Santo kende ta den boso. Kende boso tin di Dios,y cu boso no ta pertenece na boso mes. Pasobra boso a wordo cumpra pa un prijs , pesey glorifica Dios den boso curpa.
1 Corintionan 3:16: Boso no sa cu boso ta tempel di Dios, y cu e Spirito di Dios ta biba den boso.Si un hende destrui e tempel di Dios, Dios lo destrui e.Pasobra e tempel di Dios
ta santo, y esey ta loke boso ta.
Awor sabiendo esaki ningun hende no tin e derechi di haci cu nan curpa manera nan kier. Pasobra Dios nunca por glorifica Su mes den un curpa, yena cu droga, yena cu alcohol, den un comportacion perverso, den un bida yena cu adulterio, den un bida di pica,pasobra nos ta pertenece completamente na Dios paden y pafo, no solamente cu nos curason
pero cu henter nos ser. Esaki ta pa tur hende comprende y no busca excuus y no purba na tapa solo cu un dede.
Si un hende ganja bo, bo tin mag di rabia, pasobra e a ganja bo, pero si bo mes ta ganja bo mes sabiendo awor e berdad biblico cual nos a splicabo hopi cla, den e parti cu nos a comparti mas ariba, anto e ora ey bo ta haci pica conscientemente.
Nos ta bibando den e ultimo dianan, den tempo trabahoso, cual ta demostra cu hende a cambia di karakter, actitud y pensamento den cual nan ta lubida riba Dios, halsa nan mes,y haci tur locual ta contrali na e palabra di Dios.( 2 Timoteo 3 :1-5).
Ta diabel so por ganja
hende asina tanto ,cu e ta benta su desencia un banda, respet pa su mes curpa ta wordo lubida, y mas ainda temor pa Dios no ta conta pa asina e mente y e curpa wordo domina pa perversidad, esey nunca por bini di Dios, pasobra nos Dios ta santo.
Reconoce cu Senjor , e ta Dios,E ta esun cu a traha nos, y no ta nos mes a traha nos mes, nos ta Su pueblo, y e carnenan cu E ta pastoria. ( Salmo 100:3).
Mi carnenan ta tendi Mi bos,y Mi conoce nan y nan ta sigi Mi, mi ta duna na bida eterna, y nan lo no perece nunca y ningun hende , lo ranca nan for di mi man.( Juan 10:27-28).
Esaki ta e realidad di bida.
