4 di september 2024: Ya caba pa algun tempo ta scucha cu algun pensionado ta expresando nan preocupacion relaciona cu loke nan ta haya como suma di pensioen.
Parlamentario di Fraccion di MEP, Ricky Hoek a trece e tema aki padilanti y a bisa cu por a wak cu gobierno a duna un aumento di 30 florin di pensioen y e pensionadonan ta puntra dicon 30 florin y no 300 florin.
El a remarca cu ta importante pa sa c'un aumento di 30 pa 300 florin no ta un aumento mucho responsabel. "Gobierno di Aruba ta trahando incansablemente riba e grupo di pensionadonan pa duna nan e atencion necesario den parti financiero. Tur pensionado na Aruba merece un pensioen digno y di cua sigur sigur gobierno di Aruba tin esaki na mente".
Hoek a duna algun cifra concreto. Den e ultimo 7 añanan, Gabinete Wever-Croes I y II a yega di aumenta pensioen cu 14.7% sin conta e aumento cu e aña aki Minister Oduber lo bay duna tambe.
A baha e prima di AZV di 10.5% pa 5% pa e prome 30 mil florin di entrada di e pensionadonan. Esaki ta trece cu ne cu e suma liber di impuesto di 30 mil florin a baha e peso fiscal pa e pensionadonan.
E parlamentario a remarca cu tur politico ta consciente cu costo di bida ta hopi caro na Aruba, pero tambe globalmente. Despues di e pandemia tur cos na mundo a bira caro. Aruba cu ta importa 90% di su productonan sigur ta importa e inflacion aki tambe.
"Sinembargo, esaki no ta para nos di sigui traha na mehora e
Parlamentario Hoek:
Gobierno ta priorisando e bienestar di pensionadonan cu aumentonan responsabel
calidad di bida di e pensionadonan", e parlamentario a expresa.
Banda di esaki a subi e pensioen di behes di soltero di 1107 florin pa 1265 florin pa luna y pa e pareha casa di 1864 florin pa 2130 florin pa luna. Esaki ta un aumento di 158 florin pa e solteronan y di 266 florin pa e parehanan casa.
Esaki ta esfuersonan grandi cu gobierno di Aruba ta haci y cu ta bay pa e pensionadonan
E pensionadonan tambe ta expresa nan mes bisando cu Aruba tin un surplus grandi y dicon e surplus aki no ta wordo duna na e pensionadonan.
Parlamentario Hoek a enfatisa cu parti di e surplus ta bay na e pensionadonan, pero mester corda cu Aruba ta den un situacion financiero un poco precario y ta trahando duro pa drecha esaki.
Ademas di e pensionadonan tin otro prioridadnan y proyectonan cu sigur mester haya atencion financiero manera educacion, vivienda, salud, entre otro. Parti di e surplus tambe ta bay pa paga debe.
No mester lubida cu Aruba a haya un debe hopi grandi for di Gabinete Mike Eman I y II di 180 miyon florin cu a subi te na 445 miyon. Esaki a haci cu e situacion financiero di Aruba a bay hopi atras. Riba dje a bin Covid-19 y esey tabata un guiyotina na e cabes di Aruba, a indica.
Aruba ta recuperando na un manera hopi positivo y door di esey den e ultimo tres añanan Aruba a haya un surplus. Un parti di esaki ta bay pa paga debe y otro parti gobierno tin e como prioridad di tur persona ariba e isla aki.
E pensionadonan mester keda trankil. Gobierno tin nan na curason y na mente. "Mi ta kere tambe cu promesanan falso di redobla pensioen sigur no ta responsabel (...) Unabes cu ta bay haci promesanan cu no ta responsabel e consecuencia financiero ta bay bin pa tur esnan cu ta biba ariba e isla aki. Tanto esnan cu ta disfruta di e pensioen caba y esunnan cu ta na porta di pensioen y cu ta bay hay'e dentro di un par di aña. Pero sigur esnan cu tin bay traha hopi ainda", Ricky Hoek a expresa.
Gabinete Wever-Croes ta traha na un forma responsabel. Cada grito di auxilio cu tin gobierno tin oido pa nan, Parlamentario Hoek a declara.
Prome Minister Evelyn Wever-Croes: Gobierno
ta compronde y ta comparti e preocupacion di ‘overtourism’
AGREDI Y INSULTA NOS
BISHITANTENAN
NO TA E SOLUCION Y TA CONTRA NOS
– Na clausura di e Conferencia di Prensa di Gobierno di Aruba dia 2 di september, Prome Minister Evelyn Wever-Croes a gradici e miembronan di prensa y felicitanan un bes mas cu e Dia di Prensa cu ta wordo celebra dia 1 di september.
Prome Minister a clausura indicando riba palabranan di Minister di Turismo, Dangui Oduber. Aki el a referi riba e tempo duro cu Aruba a pasa aden durante e pandemia.
Aruba mester a cera frontera tempo di pandemia di Covid y no por a ricibi ningun turista. Tawata momentonan di hopi preocupacion pa henter e pueblo, pa Gobierno, pero sigur pa esnan cu ta biba di turismo. Un parti grandi di e poblacion ta biba di turismo y Aruba ta conoci pa su cordialidad.
PRINCIPIONAN
E ta hasta ancra den e himno y ta identifica e pueblo di Aruba.
Gobierno ta compronde y ta comparti e preocupacion di “overtourism”. Pa e motibo aki mes Gobierno a tuma e decision di no duna mas tereno ni permiso pa mas hotel. Manera ya ta conoci, Gabinete Wever-Croes I a hereda entre 7000 pa 8000 camber ora nan a sinta y a traha duro despues di esey pa logra baha e cantidad aki. E mandatario ta indica cu su persona como Prome Minister casi tur siman tin caso den corte unda empresanan ainda ta forsa Gobierno pa cumpli cu e promesanan duna door di e gobierno anterior.
Prome Minister:
“Nos ta sigui bringa cada caso den corte. Nos tampoco kier “overtourism” na Aruba. Tin
proyectonan grandi cu ya lo wordo finalisa e aña aki. Ainda tin algun den ‘pipeline’ cu e permisonan duna door di e gobierno anterior y cu no por a wordo kita, pero despues di esey no tin mas. E preocupacion di e pueblo ta conoci cerca nos Gobierno y nos ta comparti esaki, pero agredi y insulta nos bishitantenan no ta e solucion, e ta contra nos DNA,
contra nos principionan. Nos ta un pueblo cordial, laga nos corda esey prome tur cos. Laga nos semper ta cordial cu nos mes localnan y cu nos turistanan, esey ta un caracteristica cu ta distingui nos y ta haci nos grandi. Hunto nos lo traha y yega na un solucion y sigui padilanti construyendo un Aruba miho pa nos tur.”
TURISTA A BIRA mALO CU HOPI DOLOR ORA
DI ENTREGA DENUNCIA DI CU NAN A ATAkE Y ATRAk’E BANDA DI HIGRISE HOTELNAN
Diamars madruga a drenta informe di un caso di atraco brutal banda di e highrise hotelnan. Ta asina cu un turista durante cu e tabata haciendo su denuncia cu nan a agredie y a atrak’e bay cu su cartera y tur pertenencia di balor banda di e highrise hotelnan y durante e denuncia ela bira hopi malo yen di dolor di cabes cu un hematoom (bolobonchi) y hopi gana di saca. Polis a yama ambulans y atraco team. Na yegada di e ambulans nan a atende y a transporte pa hospital.
Minister Endy Croes:
UN TOTAL DI 23 ATLETA DI FUTBOL A KEDA SELECTA PA E PROGRAMA ‘TALENT DEVELOPMENT SCHEME’ DI AVB Y FIFA
: Recientemente, Minister di Enseñansa y Deporte Endy Croes a acudi na lansamento di e proyecto ‘Talent Development Scheme’ (TDS) U12 di FIFA y AVB cu a tuma luga na Double Down. Un total di 23 atleta di seis (6) diferente club di futbol
a keda selecta pa sigui e programa di desaroyo durante dos (2) aña. Sr. Chris Beardsley, kende ta FIFA Talent Coach ta encarga pa dirigi e programa.
E programa aki ta yuda e hobennan mehora
nan talento y tecnica den futbol, pero na mes momento educa nan riba un miho alimentacion.
E dirigentenan di e seis (6) clubnan di futbol y e mayornan di e 23 atletanan selecta, tabata presente pa firma e contract cu AVB y FIFA.
Tur 23 atleta a inscribi tambe pa e plataforma di enseñansa di EduCampus pa asina nan tin e flexibilidad pa entrena durante dia y sigui ful e programa di desaroyo pa dos (2) aña largo. EduCampus ta un scol innovativo cu ta para pa un sistema educacional unda ta tene cuenta cu e necesidad di e mucha y/ of hoben y ta brinda e hobennan oportunidad pa combina nan estudio y nan deporte faborito. Pa finalisa, Minister Endy Croes a indica cu esaki sigur ta un momento historico.
Preparando pa prome biaha un seleccion pa competi den Concacaf U14 aki dos (2) aña. Minister Endy Croes ta gradici e mayornan cu a kere den esaki y permiti nan yiu
forma parti di e proyecto aki. Alabes, ta gradici AVB, FIFA, EduCampus, Gobierno di Aruba y tur otro stakeholder cu a contribui den e proyecto aki. Hopi exito na e 23 atletanan!
DOñO DI RESTAURANT NA HENDRIKSTRAAT A BIRA
HOPI MALO SAK
Diadomingo merdia a drenta informe di cu un dama a sac den otro y a cuminsa haya ataka, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di e doño di e restaurant. Na yegada di e ambulans nan a atende e dama y a transporte pa hospital.
DEN
OTRO Y CUMINSA HAYA ATACA
DEN CUADRO CU DIA DI PRENSA, A FELICITA E MIEMBRONAN DI PRENSA PA NAN TRABOU
Libertad di expresion ta un derecho fundamental cu nos mester cuida.
Dialuna ultimo, Gobierno di Aruba a extende un invitacion special na tur miembro di prensa na Bestuurskantoor. Esaki ta en conexion cu celebracion Dia Mundial di Prensa cu tabata 1 di september. Durante e mainta aki e ministernan por a comparti un rato ameno cu e miembronan di prensa y comparti un poco acerca di nan trabou cu nan ta desplega cada dia. Minister President Evelyn Wever-Croes y Conseho di Minister presente a duna un reconocemento na TeleAruba pa tur nan trabou cu nan ta haci durante cada conferencia di prensa y tambe a reconoce nan pa e trabou cu nan a haci e temporada di Covid unda cu tur anochi tabata en bibo via Canal 13. Sr. Aldrich Werleman hunto cu director di TeleAruba Sr. Giovanni Kock y Sr. Patrick Everon a ricibi e reconocemento aki. Despues a sigui pa un conferencia di prensa na unda prensa presente por a lansa cualkier pregunta cu nan tabata desea di ricibi di Minister President y Conseho di Minister.
Minister di Enseñansa y Deporte Endy Croes a felicita y gradici tur prensa pa e tremendo trabou cu nan ta haci tur dia. ‘E miembronan di prensa tin un trabou hopi importante den nos comunidad, cual ta di informa nos pueblo debidamente. Libertad di expresion ta un derecho
fundamental cu nos mester cuida. Prensa obhetivo tin un papel importante den esaki’, e mandatario di Enseñansa y Deporte a expresa. Pa finalisa, Minister Endy Croes ta felicita tur miembro di prensa. Boso trabou ta altamente aprecia.
Sentencia na fabor Gobierno den caSo di ex-LeidinG di brandweer
RETIRONAN TA KEDA NA VIGOR
Recientemente Corte a dicta un sentencia den e caso di ex-leiding di Brandweer, cual a resulta faborabel pa Land Aruba. Corte a determina cu e retironan di e ex leiding ta keda na vigor, un victoria pa gobernacion, cu a mustra cu e decisionnan tuma a sigui ley y norma cu ta na vigor.
E ex-leiding di Brandweer enfrenta hopi acusacion serio. Entre nan, nan tabata acusa di verduistering, entrega di laptop di Land Aruba sin e hard drive, y benta di equipo di gobierno sin aprobacion di DOW y sin permiso di gobierno. Ademas, e hoofd bedrijfvoering tabata pone overtime pa su mes dese desde 2017 y no tabata maneha e departamento cu e debido profesionalismo. En total, nan tabatin 160 acusacion contra nan, incluyendo fayo den maneho di siguridad pa trabou di su trahadonan y e soguridad di pais Aruba.
Un investigacion independiente,
realisa den 2015 pa un Brandmeester di Hulanda, a determina varios fayo serio den e manera di opera di e departamento di Brandweer. Pa pone un ehempel, durante un inspeccion pa evalua e capacidad di Airport Rescue & Firefighting (ARFF) na Reina Beatrix International Airport na maart 2015, a sali na cla cu e aeropuerto ta clasifica como un aeropuerto di categoria 9 segun e standarnan di CIAO. Sinembargo, a resulta cu e capacidad real pa duna proteccion den caso di emergencia no tabata na e nivel desea. Solamente dos di e tres trucknan ARF tabata den servicio, y un di nan trucknan principal tabata for di servicio durante e inspeccion.
Ademas, e report a indica un falta den e cantidad di brandblussser cu ta disponibel, y cu e trucknan di structura no tabata clasifica segun e normanan di ICAO
E acusacionnan tambe a inclui
cu nan no a zorg pa e formacion adecua di e trahadornan, y cu e edificionan tabata den mal estado. Desde 2007, DOW nunca a bende un truck di Brandweer riba destaho, pero segun declaracion, e ex-leiding a bende trucknan di Brandweer, incluyendo crashtrucks, materialwagen, ily pomp-motor trucks, entre nan propio amigonan, sin cumpli cu e procedimentonan oficial. Esaki a crea un buraco masha grandi den e liderazgo y e middenkader di e departamento.
E resultado di e investigacion a mustra problema serio den e
manera cu e departamento di Brandweer tabata opera, loke a obliga pa tuma medida drastico pa proteha e siguridad di nos pais.
Cu e decision di Corte pa sostene e decisionnan di retiro, ta proba un bes mas cu e ministernan encarga a tuma e paso corecto.
Ex Minister Andin Bikker y Minister Rocco Tjon a wordo ataca brutalmente na forma hopi baho. Finalmente nan a para firme pa sanea Brandweer y cu e ultimo decision aki, ex leiding ta keda den pasado y awo por habri porta pa sigui drecha brandweer.
embahador di SLovakia a biShita miniSter
Den Haag – Embahador di Slovakia pa Reino Hulandes Juraj Podhorský a haci un bishita di cortesia na Minister Plenipotenciario di Aruba mr. Ady Thijsen. Esaki cu aunke embahador Podhorský ta staciona na Hulanda, e ta embahador pa henter Reino Hulandes, pues tambe pa Aruba.
Embahador Podhorský a duna un splicacion di su pais Slovakia, cual economia ta principalmente concentra riba e industria di auto y turismo.
Minister Thijsen a papia riba e vision di Gabinete di Aruba pa cu e embahadanan, unda cu ta purba na yega na formanan di cooperacion riba diferente tereno cu lo por ta beneficioso pa Aruba.
Nota pa redaccion: E potret ta cortesia di Arubahuis
Minister Dangui Oduber
A LAMENTA LOCUAL A SOSODE DEN WEEKEND NA BABY BEACH ENTRE TURISTA Y ACTIVISTANAN LOCAL
Durante weekend cu a pasa, a sosode un incidente desagradabel na Baby Beach caminda a tuma luga un discusion entre turistanan y activistanan local tocante uso di palapa y beach. E activistanan, cu ta preocupa pa e presion di eventualmente locual “overtourism” por yega di significa pa nos isla, tawata expresa nan malcontento y dicidi di ataca diferente turistanan.
Minister di Turismo, sr. Dangui Oduber, ta informa cu e ta consciente di e situacion y kier dirigi su mensahe tanto na localnan, activistanan, pero sin lubida na e bishitantenan di nos dushi isla.
“Nos ta compronde cu e popularidad creciente di Aruba como un destinacion turistico ta trece retonan, particularmente na aspectonan di maneho di e balansa entre turismo y preservacion di nos cultura y medioambiente local,” Minister Dangui Oduber a bisa. “Sinembargo, ta
importante pa recorda cu turismo ta e unico pilar di nos economia, cu ta duna pan pa miles di residente di nos isla. Nos no mester morde e man cu ta duna nos di come.”
Minister Oduber ta enfatisa cu ta necesario pa tin dialogonan constructivo y ta urgi pa activistanan y tur localnan cu ta preocupa pa expresa na maneranan apropia. “Nos di ministerio di turismo, hunto cu tur partner den turismo ta comprometi pa traha huntu pa haya un balansa cu ta respeta tanto nos localnan como e bishitantenan cu ta contribui significantemente na nos economia. Nos ta keda proteha nos localnan na promer lugar y hustamente pesey a tuma varios accion concreto caba. Nos no a laga esakinan na palabra of plan, sino decisionan a wordo tuma caba.”
Un ehempel di decisionnan tuma ta cu a introduci un maneho nobo di permiso di hotel pa asina
limita, reduci y/of para expansionan di hotelnan pa e siguiente añanan nos dilanti. Tambe a introduci un ley nobo pa regula vacation rentals na Aruba. Paso ya caba tin cifranan cu ta mustra cu 30% di tur bishitantenan cu ta yega Aruba ta kedando na un propiedad asina.
Locual esaki ta causando ta cu viviendanan ta birando impagabel pa nos mes yiunan di tera. Tambe Minister Dangui Oduber a presenta un maneho di proyectonan di embeyecimiento yama “built with nature” pa
asina respeta y conserva Aruba su naturaleza y crea e balansa necesario entre desaroyo y naturaleza. Ministerio di Turismo y tur partner den turismo ta dedica pa asegura cu Aruba keda un destinacion di calidad, mientras cu ta tuma na consideracion e preocupasionnan bou nos localnan. “Nos localnan ta keda na promer lugar y ta importante pa nos adresa tur preocupacionan cu por tin.” Minister Oduber ta sigui bisa.
Minister Oduber ta invita tur partido pa crea
practicanan di turismo sostenibel cu ta beneficia tur hende. Pa finaliza, Minister Dangui Oduber a lamenta masha cu e tipo di accionanan cu a tuma lugar cu ta “target” e turistanan. E issuenan aki mester por wordo adresa na un otro manera sin cu mester ataca, insulta y core cu turistanan for di Aruba. Nos ta un isla cordial y cada bishitante tin masha hopi opcion awendia pero ta scohe Aruba pa bin pasa nan vacacion.
Prome Minister Evelyn Wever-Croes
ALUMNONAN DI COLEGIO FELIPE B TROMP
ENTHUSIASMA CU NAN "STEAM ROOM"
"Pabien cu e logro aki y danki pa tur loke boso ta haci pa nos muchanan"
Den conexion cu e proyecto di Edutech, diaranson 4 di September mainta, Prome Minister Evelyn WeverCroes a bishita Colegio Felipe B Tromp pa asina por admira e "STEAM
room" cu ya caba ta den uzo cu tur e ekiponan.
Prome Minister a indica cu parti di e ekiponan tabata den e proyecto di Edutech di Futura, y e otro parti
ta e trabou hopi duro di e cabesante y maestronan, cu a traha esakinan nan mes. Sigur ta hopi impresionante pa mira con e muchanan ta hayando les eyden, cu e diferente aspectonan di ciencia, technologia, y arte. Por a nota e enthusiasmo di e muchanan na momento cu nan ta siña con pa traha cu e ekiponan aki.
"Mi kier a gradici e ekipo completo di Colegio Felipe B Tromp pa kere den innovacion den enseñansa. Pabien na cada un di boso
cu a prepara boso mes por medio di e proyectonan di Erasmus, pa asina ora e "STEAM room" keda cla, e por ta funcional mesora pa e alumnonan. E entusiasmo di e muchanan
DVG ta informa riba
ta yena mi cu hopi emocion. Pabien cu e logro aki y danki pa tur loke boso ta haci pa nos muchanan", Prome Minister a expresa.
EXPO PROMOvE SALUD y BIENESTAR 2024
ARUBA- 4.09.2024. Anualmente
Departamento di Salud Publico conhuntamente cu Plataforma Promocion di Salud representa pa SVB, AZV, HAVA, POH, IBiSA, HLC, HOH, y FADA ta organisa “EXPO Promove Salud y Bienestar”. E aña aki no ta exepcion, na e momentonan aki tur preparacion ta tumando lugar pa organisa nos EXPO pa aña 2024 riba diadomingo 13 di oktober den Renaissance Convencion Center.
Recientemente DVG a bin ta haya diferente yamada di stakeholders y di comunidad cu ta
pendiente pa nos EXPO riba un otro actividad (expo) cu ta tumando lugar den luna di september y ta carga e nomber di SALUD. E evento (expo) aki ta treciendo confusion pa cual motibo DVG ta responsabel pa trece claridad.
DVG ta informa comunidad y tur stakeholder cu DVG no ta forma parti di e actividad (expo) SALUD di entrepreneurs cu ta tuma lugar den luna di september na Hyatt Place. Nos EXPO Promove Salud y Bienestar di DVG y Plataforma Promocion di Salud lo ta tumando
lugar diadomingo 13 di oktober na Renaissance Convention Center y e aña aki lo carga e tema “Ban Papia di Obesidad” cu ta en conexion cu e STEPS2023! DVG y Plataforma ta invita comunidad completo pa keda pendiente pa e rueda di prensa di nos EXPO Promove Salud y Bienestar 2024 cu un bez mas lo ta completamente gratis yena di booth di informacion, charlanan interesante, chekeonan gratis y mas. Pa mas informacion like nos Facebook page Directie Volksgezondheid DVG Aruba, Follow nos riba Instagram directie_ volksgezondheid_aruba, subi nos website www.dvg. aw, yama nos na 5224200 of mail nos na servicio@ dvg.aw
Minister Endy Croes: A BISHITA ROSARIO COLLEGE, EN
CONEXION
CU E LESNAN DI LESA Y SKIRBI
NA PAPIAMENTO DEN KLAS 1
A keda comproba internacionalmente cu ora e alumno siña den su propio idioma prome, ta fortifica su base pa amplia den e otro idiomanan.
ORANJESTAD:
Recientemente, Minister di Enseñansa y Deporte Endy Croes a haci un bishita oficial na scol basico Rosario College. Cabesante
Monique Trapenberg a ricibi Minister Endy Croes, dirigente di SKOA y consehero di Ministerio di Enseñansa cu un caluroso bonbini. En conexion cu introduccion di Papiamento, Minister Endy Croes a pasa bishita klas 1 pa mira con e lesnan ta bayendo.
E mandatario di Enseñansa a indica cu el a keda impresiona cu e interaccion entre e maestro y e alumnonan. Siña den idioma materno Papiamento lo beneficia e mucha den su proceso di siñamento, desaroyo di inteligencia emocional y habilidadnan critico di pensamento. Ademas di esaki, nan por conecta miho cu nan raisnan cultural.
Fuera di esaki, e muchanan ta sinti mas confia y sigur den nan proceso di siñamento. Sra. Monique a expresa cu nan experencia cu introduccion di Papiamento ta hopi positivo. Pa finalisa, Minister Endy Croes ta
desea tur alumno hopi exito y ta gradici tur maestro di klas 1 cu ta haciendo nan mayor esfuerso cu e implementacion di Papiamento e aña aki.
POLIS A BAY PA INfORME DI UN ACCIDENTE UNDA E CHAUffEUR LO TA
SANGRANDO Y fOR DI TINO
Diamars mainta a drenta informe di un accidente unda e chauffeur lo ta sangrando y for di tino na Sweelinckstraat, mesora a dirigi patruyanan na e sitio.
Na yegada di e patruya no a bin encontra cu e vehiculo ni e chauffeur ya cu esaki lo a bandona e sitio. Polis a purba pa haya e informante pa haya mas datos di e suseso ya cu e chauffeur lo a bandona e sitio.
Segun e testigo ela wak e sucedido y a core bay paden pa yama pero ora ela bolbe e auto a bay.
Avi Tromp y Inald Fernandes Perna: dos landado di Giants
Aquatics cu a conkista titulo maximo na San Juan
Durante e 2024 Pan Am Aquatics Age Group Championship, cu a tuma luga na San Juan, Puerto Rico, Giants Aquatics a participa cu 16 landado. Di e landadonan aki, dos a conkista
titulo maximo.
Ta trata di Avi Tromp, cu a resulta di ta e high point trophy winner den su categoria di dama 19+. No solamente el a logra e titulo aki, sino tambe el a kibra e
record di Aruba, haciendo 50m butterfly den 28.24 seconde. E record tabata pertenece na Keeley Maduro desde aña 2017. Desde siman pasa, Avi tin e record aki riba su nomber.
E di dos high point trophy winner ta Inald Fernandes Perna, cu a gana den su categoria di cabayero 1518 aña. Acerca, Inald a
Auto ta hit&run muraya di supermarket na Tarabana
Caya G.F.Betico - Diamars anochi den careda di 10'or y mey polis a bay pura New Tarabana Foodmarket, unda cu auto lo a drente e negoshi.
Polis a yega y di leu por a mira cu tur cos ta keto, pues no tawata mustra nada par-
ticular.
Ora nan a baha; nan a mira e daño cu e auto a haci y bandona e sitio.
E agentenan a bay paden y a papia cu e gerente, unda esaki lo a splicanan kiko a pasa y lo a duna e agen-
tenan suficiente datos pa bishita e chauffeur.
Ora bo boks; corda semper cu bo mester keda na e sitio te ora Polis of segura presenta. Den e caso aki ta trata di un cientos di hit&run nan cu tin diariamente aki na Aruba.
landa su 50 freestyle den 24.07 seconde, pa cual el a gana medaya di oro. Asina Inald ta ocupa e di 4 puesto general na Aruba di 50m freestyle y di dos den su categroia actual (1517aña).
Ademas, mester destaca cu Luis Mario “Cosho”Arends a logra acumula suficiente punto pa puesto number dos den su categoria, den
cual e ta esun mas jong ainda. Di manera aki, el a manda un mensahe cla y raspa pa su contrincantenan, cu aki dos aña mester tene cuenta serio cu ne na e campeonato aki. Giants Aquatics ta orguyoso di tur su landadonan cu a participa y ta sigui traha pa mas bunita logro den futuro pa tur su landadonan.
Brazil Taekwondo Stichting su team ta cla pa Ultimate Taekwondo Cup
Brazil Taekwondo Stichting su team di "Train Hard Fight Smart" bou guia di Master Clifford Rasmijn ta cla pa Ultimate Taekwondo Cup 2024.
Master Clifford Rasmijn a scoge e team pa representa Brazil Taekwondo Stichting diasabra awo den Centro di Bario Brazil cuminsando pa 9'or di mainta cu combate.
Master Clifford Rasmijn ta hopi contento cu e team ta cla pa enfrenta e otro scol-
nan di Taekwondo cu tambe ta cla pa Ultimate Taekwondo Cup. E atleta cu sali best overall fighter lo ricibi un premio y su participacionpa Best of the Best 2024.
Master Clifford Rasmijn ta haci un yamada na pueblo di Aruba pa bin presencia Ultimate Taekwondo Cup Diasabra dia 7 di September den Centro di Bario Brazil unda cu lo por wak e team di "Train Hard Fight Smart" den accion.
Fundacion Mito Croes den preparacion
pa un otro simposio
Fundacion Mito Croes y fraccion di AVP ta den pleno preparacion pa organisa un otro simposio cu e tema “Cooperacion strategico Aruba-Union Europeo 2.0” ku lo bai tuma lugar 18 di september 2024. E simposio tin como meta pa habri e dialogo tocante diversificacion di Aruba su economia.
Presidente di Fundacion
Mito Croes, sr. John Hart, ta splica: “Ta importante pa keda explora oportunidadnan ku por contribui na diversificacion di Aruba su economia. Den pasado bou di Gabinete Mike Eman I +II a logra hopi den e relacion entre Aruba y Hulanda
pa stimula un economia di conocimento, entre otro cu atraccion di companianan y institutonan Hulandes di renombre mundial manera
TNO, Rietveld Academie, Scheepvaartschool Rotterdam, Philips y Gas Unie. Tambe den pasado nos a hasi estudio pa explora posibilidad pa un UPG-status pa Aruba i e relacion strategico ku Union Europeo pa por brinda acceso na fondonan. Nos ta sigi e desaroyo den Tweede Kamer tambe di serca, i a tuma nota ku algun fraccion den Tweede Kamer ta contemplando pa explora un UPGstatus pa BES eilanden y ta habri pa mira esaki tambe
pa CAS-eilanden. Ku e desaroyonan recien den Tweede Kamer, nos ta kere ta importante pa trese e topico aki bek ariba e agenda politico”.
Riba invitacion di Fundacion Mito Croes i fraccion AVP, e orador principal pa e
simpisio lo ta mr. Wessel Geursen, buitenpromovendus di Vrije Universiteit di Amsterdam, senior jurist na Authoriteit Consument i Markt na Den Haag. Den e dianan nos dilanti lo bai informa mas tocante e simposio.
Parlamentario YarzagaraY a acom Paña m inister e ndY croes durante entrega di reconocimento na e gran famia di djies P ie’s
ORANJESTAD, Aruba 4 di september 2024: Diabierna ultimo, manera tur diabierna, tabata tin ambiente pa adultonan mayornan na Djiespie‘s Place acompaña pa musica di Robert Thiel y su grupo. Aunke awendia e ambiente aki ta atrae mas edad na Djiespie’s Place.
Parlamentario Setty Yarzagaray di fraccion di MEP tabata tin e honor di acompaña Minister Endy Croes como representante di Gobierno di Aruba pa entrega un reconocemento na e gran famia di Djiespie. Esaki un par di siman despues cu Djiespie’s Place y famia a celebra nan 35 aña di aniversario.
Riba e fecha aki lamentablemente Setty y famia tabata di vakantie den exterior un par di dia y alabes Minister Endy Croes tambe. Pero no kier keda sin reconoce e famia Franken cu e gran logro cu e 35 aña di existencia aki mirando e retonan cu nan tabata tin den caya grandi pero ademas reconoce nan pa ta un lugar unda adultonan mayor y hobennan awendia ta bin hunto pa pasa momentonan ameno den compania di famia.
Parlamentario Setty Yarzagaray tambe kier a uni na Gobierno di Aruba pa felicita su gran famia
Franken-Geerman pa tur nan trabou y dedicacion pa tanto purba trece ambiente
den caya di Oranjestad pero tambe di ta un lugar unda nos grandinan por tin e oportunidad tur diabierna pa sali for nan ambiente di cas den un ambiente musical.
Felicitacion alabes na Lucia Rasmijn cu a cuminsa traha cu Djiespie’s Place desde e prome dia. Tambe ta felicita y gradici tur grupo musical y musiconan (manera Etty Topenberg def.) cu a cuminsa y a sigui cu e tradicion aki dedica na nos grandinan.
Parlamentario Yarzagaray ta admira sra. Chila Franken y Rita Geerman cu practicamente ta baila casi henter diabierna anochi cu ta nan dia di gosa despues di dianan cu trabou duro. Pabien na e gran famia cu ta yega na Djispie’s Place cu diabierna pa sostene e gran famia di Djiespie’s!
Directiva di CAPA ta tapa cos y ta di Mala Fe
Ayera 3 september, mester a tuma lugar den corte di Prome Instancia, e caso di Comision 11, cual ta consisti di 11 miembronan critico di e Cooperativa CAPA, versus directiva di CAPA.
CAPA ta un cooperativa di miembronan di SEPPA, unda e miembro por spar y fia placa cu un interes abao.
E exigencia di Comision 11 na Corte ta pa Dir-CAPA stop di manipula, stop di sconde informacionnan y stop di trece malinformacionnan tocante un hortamento di placa den nos cooperativa, cual suma na F 382.000,=.
Na final di 2022 nos tur por a lesa y tende den prensa cu tabatin un ladronicia grandi den nos Cooperativa, unda un trahador lo a horta 200 mil florin. E dama ta un extrahador di CAPA.
Den nos RGAM-2023 (Reunion General Anual di Miembronan 2023), dia 9 November 2023. Directiva ta informa miembronan cu e suma total di e ladronicia ta F 382.000,= y cual hortamento a sosode durante 9 luna, di Januari 2022 te cu september 2022. Un banco local lo ta envolvi den e caso y e posibilidad ta, cu CAPA por recobra e suma grandi di e ladronicia for di banco aki.
Tambe cu Banco Central a conseha Directiva di CAPA pa laga haci un Investigacion Forensico, no dor di Ministerio Publico. E investigacion Forensico, segun directiva, a duna como resultado cu miembronan di directiva y ni di comisionnan ta carga culpa.
Directiva no a informa con e ladronicia a tuma lugar, con a constata e ladronicia.
Hecho ta cu Dir-CAPA a tuma den servicio un persona cu un record malo di ladronicia na otro empresanan, sin debido control di su pasado, a dune un trabao di confianza atrobe sin control y cual a facilita e ladronicia durante 9 luna. Dir-CAPA no tabatin control ariba e mane -
ho financiero. Aki e frase, “Little knowledge can be very dangerous” ta ricibi su balor.
Comision 11 a lanta pa busca e berdadnan di e ladronicia di F382.000,=
Dia 6 April 2024 ta sali un betekening di CAPA den prensa, a consecuencia di un veredicto di Juez, dia 11 oktober 2023. E veredicto ta papia di un caso CAPA vs persona cu a comete e ladronicia. Pues un veredicto un luna prome cu e RGAM2023 a tuma lugar y cual veredicto a wordo disimula=verzwegen dor di Dir-CAPA durante e Reunion General aki. Esaki a crea sospecho y desconfiansa, cu Dir-CAPA ta scondiendo algo, ta tapa cos. Comision 11 a wordo lanta y nos a bay busca e berdad.
A bay cartanan na Dir-CAP y tambe rapelacionnan pa nos por ricibi e veredicto di 11 oktober , e Investigacion Forensico. Un investigacion Forensico, hopi biaha ta pa cumpra bo inocencia. Abo ta pidi y paga pa e investigacion. Na final abo tin hopi di bisa den e resultado di e investigacion. Na Hulandes nan ta bisa “Wie betaalt, bepaalt”. Nos sa di e Investigacion Forensico na RDA, unda despues tur investigacion a para.
Tambe nos a pidi e registro di miembronan di CAPA, esaki di acuerdo cu articulo 30, lid 3 di statutonan di CAPA, pa nos por aserca miembronan. Pero ningun reaccion positivo.
Na Mei nos a entrega un carta pa nos reuni cu Dir-CAPA, pa nos por ricibi contestanan/informacionnan ariba nos inquietudnan como miembro di CAPA. Mala Fe a haci cu Comision 11 no a ricibi ni un contesta.
Mas caso den corte, relaciona cu e Robo di F 382.000,=
Ariba 31 mei 2024, 3 miembro di Comision 11 a bay pa presencia un caso den corte, di CAPA vs un persona cu ta traha na un banco local. Straño, e Abogado di CAPA a prohibi miembronan di CAPA pa presencia e caso aki. Cual segun informacion ricibi despues, a termina cu un veredicto contra e trahador aki, kende mester paga CAPA F 16.000,=, No e banco manera Di-
rectiva a informa den . Nos no sa kico ta bay sigui?
Lo bay tin mas casonan asina, pa yega na e suma total di F 382.000?
Dir-CAPA ketu bay ta sigui tapa cos y sigui cu e mentalidad di Mala Fe.
Comision 11 a bay Corte 6 juni 2024
Comision 11 a prepara su peticion na Corte y dia 6 di juni 2024 Comision 11 a entrega su peticion na corte di Prome Instancia y nos peticionnan na Juez ta claro y husto: Pa obliga dir-CAPA pa yama un reunion General dentro di 4 siman despues di e veredicto, cu e agenda:
1. Dir-CAPA mester entrega tur actanan y informacionnan relaciona cu e ladronicia;
2. Miembronan mester ricibi un copia di e veredicto di 11 okt 2023, copia di e veredicto 31 mei 2024 y tambe e Investigacion Forensico.
Ultimo accionnan di Mala Fe di dir-CAPA
Informacion cu nos a ricibi di corte di Prome Instancia ta, cu directiva di CAPA, despues cu nan a ricibi nos peticion pa e caso den corte, na final di juni, nan a tarda mas cu 2 luna y te dialuna 2 september mainta, Dir-CAPA a pidi nan abogado pa defende nan den corte y tambe a entrega nan abogado tur documento. Pa nos e tardamento cual a causa e uitstel=aplasa e caso, ta un acto di Mala Fe. E abogado no tabatin tempo pa prepara su mes pa defende e caso ayera y a pidi uitstel=aplasa e caso. Corte a pone e caso awor te dia 5 november 2024. Basta lew. Dir-CAPA dia 21 augustus 2024 a yama un Reunion General pa dia 19 di september 2024, cual ta casi 4 luna lat. Statutonan di CAPA ta bisa cu e RGAM mester tuma lugar prome cu 1 juni. E reunion tin 11 puntonan di agenda, pero nada di e ladronicia, otro acto di Mala Fe. Pa comision 11, e lucha pa haya sa e berdadnan di e hortamento di F382.000,= ta continua.
MODA lo ta e siguiente workshop interesante na Ateliers '89 Punto Di beyas Arte Aruba
Hibando e titulo "Anything But Fabric, Anything But Fashion".
Bou direccion y guia di e flamante artista di moda e maestra avanguardista señora Chelsea Peterson Olarte
Ateliers '89 un bez mas tin e grato placer di invita bo persona pa participa na
su workshop di moda. Un workshop di cuater siman. Cuminsando 30 di Septem-
ber y lo ta di dialuna pa diahuebs di 6.30 pa 9.30pm. Si bo "ta hip y up to it" y bo ta cla pa un challenge cu bo arte y moda. Esaki sigur lo ta algo hopi great pa bo. Si bin y participa den un ambiente super waw. Trahando bo moda arte pa e gran evento aki.
Cu lo termina den un tremendo fashion show riba e anochi final di 24 di October pa 8 pm. Acompaña pa Dj's, performance, cu un pasarela sin igual, bar y cushina. Brindando e posibilidad di mira nos exposicion di arte andando den nos salanan di exposicion. Presentando asina e obranan maximo di e diferente coleccionnan crea den e evento aki. Pa e artistanan di arte di moda na Ateliers '89 Punto Di Beyas Arte Aruba.
Wel, no ta keda bo nada mas pa yama y inscribi bo mes for di awor caba na
5654613 -5885776 durante siman den oranan di oficina. Por manda tambe un e-mail na elvis@ateliers89. org o via nos website na www.ateliers89.org. Edad pa participa ta di 12 aña pariba. Ateliers '89 ta situa na bo man drechi riba e crusada di Maria Collega na Playa. Meld bo mes aan awor y corda cu cuponan ta limita.
WeConnect Podcast about Queer & Caribbean “There
should be visible allies for us on the islands”
This month's WeConnect Podcast focuses on being queer in the Caribbean community. What is it like growing up in Bonaire if you are attracted to someone of the same sex? How do you deal with resistance or lack of acceptance within your family? To what extent does being queer determine your identity?
Tatiana and Edmaly
These are the words of twentysomethings Tatiana Nicolaas and Edmaly Thielman, both from Bonaire and living in the Netherlands. They studied in the Netherlands and, after a working period in Bonaire, Tatiana has now started a master's degree in Art Education in Rotterdam. She is outspoken about how difficult it is for young people in Bonaire: “You quickly become lonely as a queer person on the islands.”
Taboo
Edmaly does not feel at home with the term 'queer'. She says: “I don't like that word, it becomes a kind of insult. I am above all a human being and I happen to be with a woman.” She had been living in the Nether-
lands for years when she got a girlfriend. She emphasizes that there should be more talk about taboo subjects on islands. “Make sure you know yourself before you judge anyone else.”
Allies
Tatiana advocates open support for the queer community on the islands themselves. “We need allies who will visibly stand up for us. Grandmothers, uncles, people from church and education.” She points out that there are many more people than you think who struggle with their sexual identity and do not dare or cannot come out about it. She also sees a role for herself as a teacher: “I can also be a source of inspiration for my students.”
Tips
Tatiana and Edmaly advise Caribbean young people to primarily look for their identity.
Edmaly: “Get out of your comfort zone; you have already taken the first step by coming to the Netherlands. Go on a voyage of discovery. Accept change.” Tatiana adds that you should especially keep the people
you love informed of your developments. “Take them with you on your journey!”
This WeConnect Podcast is presented by Saul Henry and can be listened to via: https://www.youtube.com/ watch?v=l3QKjNdRV28
Note for editors (not for publication):
Additional three photos. When publishing photos, please mention: WeConnect
Information via Stichting WeConnect: Mail: info@stichtingweconnect.nl Web: www.stichtingweconnect.nl
Alle podcasts are available: https://www.you-
Un feliz dia yena di bendicion y colma cu hopi fe y confiansa den nos Bon Dios
El a bisa nan:…………. ”Pakico boso tin tanto miedo asina? Ainda boso no tin fe?” (Marco 4, 40)
Confiansa. Un palabra cu nos conoce bon. For di chikito nos a siña confia nos mayornan. Sin pensa, di biaha nos ta kere nan, pasobra nos sa cu nan ta stima y cuida nos. Segun cu tempo pasa, nos ta crece y ta topa hende den nos caminda di bida cu kisas a defrauda nos. Nos ta cuminsa duda den e sinceridad di hende. Y perde confiansa y speransa den Dios. Tambe nos tin miedo di faya y miedo cu otro hende ta faya nos. E discipelnan a duda, nan tambe a haya miedo y a perde speransa. Nan no sa di e poder todopoderoso di nan Maestro Hesus. Nan no conoce ainda. …: ’Ta ken e homber aki ta? Hasta biento y lama ta tende di djE’(Marco 4, 41) nan a bisa. Nos tambe por scapa di un tormenta o un turbulencia den nos bida. Scucha Su Bos severo cu ta papia den nos curason, pa nos confia den djE, E Yiu di Tata.
Oracion: Señor Hesus, haci mi Fe mas grandi. Yuda mi. Proteha mi. Duna mi forsa pa enfrenta tur problema cu un calma, paden den mi ser. Den e nomber prestigioso di Hesus di Nazaret. Amen.
RESULTADONAN DI CAMPEONATO FEBIAR BOLA 8
Tanki Leendert - Diabierna 30 di augustus, otro tangana di marca mayor a tuma luga aya n’e palacio di biyar na Tanki Leendert. E 6 ekiponan di biyar bola 8 un biaha mas a enfrenta otro den un moda di “sin piedad”. E legendarionan di Barracuda a pasa e Gladiatornan un otro palisa riba nan “strafblad”! Sin mucho di pone o kita, simpelmente e Gladiatornan, cu excepcion di Maikel Tromp, tur nan spada tabata “slap” e anochi ey.
Riba otro mesa, e batidonan di hero bou guia di Elvis “Le Bon Bon” Evertsz y Emile “Gourmet” Kock, esta The Steelers, a mascara “sin misericordia” e ekipo cu ta carga nomber ominoso di “No Mercy”. Di
e ekipo “Sin Piedad” aki, e unico dos hungado cu a saca cara tabata e duo di Mario M. y Pedro R., kendenan a logra score e unico punto pa “No Mercy”. “For the rest”, guynan herohero manera Marc Farro, Allan van Aanholt, Angelo “Machete” Tromp, Alberto D’Isle, y Arie Jansen, tur a sa di claba un penchi di hero traha shish-kebab di No Mercy! Por ultimo, abrenunsia Satanas ora e gang di cacho brabo a subi scenario cu e gruñamento y blafmento feroz di semper! Sinembargo, e cachonan no tin e ferosidad di 20 aña pasa tempo di nan tempo di gloria. Djente a cuminsa cay na caminda, lana a cuminsa bira shinishi, y ta parce cu
nan ta un tiki transformer tambe ya cu di herder “Indjan” nan a manera transforma den chihuahua di “Lage Put”! Cachonan di rasa manera Johnny Tromp, Elvis Tromp, Giovanni Farro, Kwek Petrochi, y George de Nobrega, tur a sali na careda gritando cayay-cayay ora cu e Mongoose a pone djente “vlijmscherp” den nan curpa cu score aplastante di 5-1! Shonnan, keda pendiente pasobra e siguiente buelta ta te diabierna dia 20 di september proximo. Amplio tempo pa manera nan ta bisa na Hulandes “lik je wonden” y bin bek razo razo. Un otro torneo grandi cu tin cu tene bista p’e e fin di siman aki n’e Palacio di Biyar na Tanki Leendert ta
S ENTENCIA F INAL A CAy: HOTEL SECRETS A gANA BISIñANAN
y POR SIgUI CONSTRUCCION
Diaranson, un noticia importante a yega riba mesa den relacion cu e desaroyo di Hotel Secrets na San Nicolas. Corte di tres hues a dicta un sentencia final den e caso, y e resultado ta un victoria pa e gobierno di Aruba y pa e prome fase di construccion di e hotel. Varios bisiña den e area a tuma paso legal pa trata di stop e proyecto di Hotel Secrets, presentando hopi ponencia pa cambia e rumbo di e proyecto. Sinembargo, despues di un evaluacion completo dor di corte, ta
cla cu e bisiñanan no tin rason den nan demanda. Corte a evalua tur e prodecimiento y documento relaciona cu e permiso di construccion, y a conclui cu gobierno a cumpli tur e rekisito legal pa e desaroyo. Segun e decision di corte, e construccion di e prome fase di Hotel Secrets por sigui sin ningun obstaculo legal. Corte di Apelacion a duna luz berde pa e proyecto, cual ta un noticia masha positivo pa gobierno di Aruba. Gobierno a actua
e magno evento di ABCS 9-Ball Challenge di Dutch Caribbean 9-Ball en combinacion cu FEBIAR, unda nada menos cu 48 partisipante di Aruba, Bonaire, Corsou, y Sint Maarten lo bataya cuminsando di dia-
bierna atardi te cu diadomingo pa e copa maximo! Entrada ta manera semper completamente gratis pa pueblo en general. Bin goza dje miho biyar den Caribe Hulandes! Yegaaa!
corecto! Esey kiermen cu Hotel Secrets ta na caminda pa bira un realidad, cu su plan di habri den februari di 2025. E construccion por sigi sin ningun obstaculo, loke ta yuda e economia y turismo di Aruba pa sigui florece y na Sanicolas. Nos ta manda nos felicitacion pa San Nicolas, pa gobierno, y tur hende cu ta envolvi den e proyecto di e hotel nobo, cu ta yuda pa fortifica e futuro turistico di Aruba y pone Sanicolas riba mapa como destinacion den Caribe.
