HEART-CENTERED LEADERSHIP FOUNDATION TA LANSA PROGRAMA NOBO ‘IMPACT CLUB
“Turismo ta e pilar economico mas importante, e ta pan no solamente di taxista sino di miles di Arubiano y nos niun kier perhudica esaki”
DUNA ASISTENCIA NA
PERSONANAN CU BOTO
Mientras e protocol ta uno data 22 di Augustus 2006 y no 2005 manera treci dilanti pa gobierno, e mesun protocol aki ta confirma hopi cla cu e ta traha pa un periodo temporal mientras cu lo mester hinke den un bachi huridico, cual nunca mas a tuma lugar pa 18 aña caba.
E protocol claramente ta traha pa actua den casonan cu tin un ambtenaar of arbeidscontractant sospecha di a comete un acto penal y/of a haña un castigo penal y NO pa “achteraf” worde uza pa persigi ambtenaarnan politicamente.
Gobierno siman pasa a sali y bisa cu e intercambio di informacion entre DRH y OM ta
algo normal y conforme un protocol firma den pasado. Loke Gobierno no a splika ta e hecho cu esaki por sosode ora tin un ambtenaar cu tin e status di sospechoso di a comete un acto penalmente castigabel of ora e la haña un condena pa esaki.
Tambe e protocol ta bisa cu si en caso mes e ambtenaar ta of sospecho of condena, ainda mester percura cu su derrcho di privacidad jo ta keda viola of limita lo mas tanto posibel.
Den e caso specificonan cu a keda denuncia siman pasa, claramente NO ta trata di ambtenaarnan cu ta sospecha di cualkier sospecho di actonan penal, pasa cada un a haña un carta indicando cu nan no ta sospechoso mas y no lo worde persigi penalmente, otronan nunca a eorde informa mes cu nan ta bao investigaciona y mas ainda niun a haña un castigo penal, osea NUNCA por uza e protocol aki como un hustificacion pa saca informacion di investigacionan penal contra un di nan.
Algo masha remarcabel ta e hecho cu niun caminda den e protocol ta menciona of ta regla cu e propio Minister President, personalmente, tambe por pidi informacion for di Ministerio Publico riba casonan specifico of na su turno Ministerio Publico na Minister President. Aki tampoco ta cuadra e hecho cu Gobierno siman pasa ta bisa cu a abase di e protocol aki lo ta pidiendo informacion riba cierto ambtenaarnan.
DRH y OM ta abusa di e esencia di e protocol aki pa uza informacionan pa por persigi politicamente ambtenaarnan cu e pretexto di ta haci un disciplinaire procedure, siendo cu e protocol aki NO ta traha cu e meta aki den caso cu e ambtenaar no ta sospechoso o castiga pa un delito penal.
E asunto aki ta un “inbreuk” directo riba e derecho di privacidad di e persona y hasta
inlegal. Ta di spera cu autoridad nan y sigur Parlamento pone full su atencion na e acto inlegal aki di abuso cu ta tumando lugar unda ta metiendo directamente entre e separacion cu mester existi den e Trias Politica di cualkier pais democrático cu ta respeta su principionan.
Gobierno no a papia berdad y mester coregi e gran inhusticia aki cu ta tumando lugar unda un departmento manera DRH, cu bendicion di Gobierno, ta actuando contra e reglanan democratico y di e derechonan humano manera ancra sen articulo 8, inciso 2 di e Tratado Europeo.
Awe mainta Wardacosta a ricibi un notificacion di Cuerpo Policial Aruba encuanto un boto cu lo mester a bolter banda di Malmok. Wardacosta a dirigi un Metal Shark pa brinda asistencia na e tres hendenan y e boto. Na yegada enberdat a topa un boto di bolter cu tres persona cu tawata tene na e boto. Wardacosta cu yudansa di e tres personanan a logra pa tou e boto y bai cu e boto Palm Beach. Tur tres persona a yega costa sano y salvo.
ORANJESTAD: Recientemente, Minister di Enseñansa y Deporte Endy Croes a reuni Sr. Isnardo “Juni” Faro, kende desde 1 di juni 2024 ta director nobo di Instituto Biba Saludabel y Activo (IBiSA). Juni a pasa su proceso di solicitud y a wordo scogi como director nobo na IBiSA. Sr. Faro ta bin di e mundo di deporte y a representa Aruba den dos (2) ocasion den Weganan Olimpico den e deporte di weightlifting.
Esaki tabata e prome reunion unda e
mandatario di Enseñansa y Deporte a reuni cu Sr. Faro como director di IBiSA. Durante e reunion a repasa e lista di proyecto pa e aña escolar nobo cu ta iniciando. A ahusta algun proyecto di e draaiboek di IBiSA y dialoga tocante e proyectonan cu ta maneha bou di IBiSA y Ministerio di Deporte entre otro, Weganan Escolar Aruba (WE Aruba) y Weganan Interinsular (WI). Minister Endy Croes a haci peticion pa e cartanan cu invitacion pa scol wordo manda trempan. Pa den e luna di september di e aña
aki tin un direccion concreto pa tur schoolbestuur haya nan invitacion cu e fecha di e actividadnan cu lo tuma luga otro aña. Eliminacion di WE Aruba y Weganan Interinsular ta inicia e aña escolar aki, pero e scolnan cu clasifica lo competi
den e luna di maart y april di otro aña. Den e occasion aki, Sr. Faro a comparti su plannan pa IBiSA. Finalmente, Minister Endy Croes ta desea Juni Faro tur clase di exito cu su posicion nobo como director di IBiSA.
di negosacionnan di delegacionnan di Hulanda y di Aruba
Diaranson mainta dia 6 di augustus, Prome Minister Evelyn WeverCroes y Minister di Finansa, Xiomara Maduro a reuni cu e grupo di experto cu ta manehando e negosacionnan di e rijkswet pa asina haya un update riba esaki.
Recientemente Gobierno di Aruba a cera un acuerdo cu Hulanda riba e tema di refinanciamento di e debe. Un di e condicionnan di e acuerdo ta pa Aruba bin cu un tipo di rijkswet den cual ta regla algun aspecto di supervision financiero. E acuerdo ta indica cu den un rijkswet ta bin e definicion di e normanan y den un ley local, e landsverordering, ta bin e normanan mes. Y ta den man di Parlamento di Aruba pa defini normanan, cambia normanan y pa bin cu normanan nobo. Esey ta e palabracion cu a haci y despues di esey ta bin un periodo pa negocia pa yega na un rijkswet.
Dos siman pasa tawatin un delegacion di Hulanda na Aruba y durante un siman largo a negocia cu e ekipo di Aruba. E negosacionnan a bay bon y tin algun asunto cu ya caba tin consensus riba nan y tin otronan cu mester warda cu nan ainda.
Prome Minister ta accentua cu un di e temanan mas importante ta cu hunto a acerca IMF (Fondo Monetario Internacional), pa asina IMF yuda cu e definicion di e normanan nobo. Actualmente Aruba ta den un situacion di surplus financiero y tambe Aruba ta cumpli cu e normanan exigi, y pais Aruba ta mustrando un madurez financiero di tal grado cu ya ta tempo pa bay re-defini e normanan actual. E normanan aki ta basa riba e ley di LAft cu a bin na aña 2015 pa percura pa Aruba sali for di deficit. E deficit e tempo ey a wordo causa pa e gobierno di señor Mike Eman ken a redobla e debe di Aruba. Gobierno di señor Eman no tawatin maneho financiero y tawata biba di un deficit pa otro di 300 y 400 miyon florin. Pues e tempo ey e normanan tawata dirigi pa sali for di e situacion di cifranan cora y caba cu e deficit.
“Danki na e Gobierno actual, Aruba a logra sali di e deficit ocasiona pa gobierno di Mike Eman. Aruba ta bayendo padilanti cu un economia cu ta creciendo. Ainda tin cierto necesidadnan den nos comunidad unda cu mester adapta e normanan y cu esaki tambe IMF ta yudando nos. Nos ta spera
cu pa otro luna IMF lo por duna nos un bon conseho riba esaki pa nos por sigui negocia riba e tema aki tambe.
Nos palabracion cu Hulanda ta cu prome cu 1 di mei 2025 nos tin cu presenta e rijkswet nobo aki na Parlamento di Aruba y na Parlamento di Hulanda y nos ta haciendo
tur nos esfuerso pa cumpli cu e deadline aki. Si nos logra y bin cu e rijkswet, e interes ta baha mas ainda. Esaki tawata 6.9%, y el a baha na 5.1%, pero cu e rijkswet e lo por baha te na 3.2%. Dus awor nos ta buscando e diferencia di e 5.1% y e 3.2% cu e negosacionnan aki y nan ta bayendo bon”, Prome Minister a declara.
Awemainta, Minister Ursell Arends a reuni cu representantenan di taxista. Durante e reunion amplio cu a dura alrededor di 3 ora, Minister Arends a scucha varios punto di preocupacion, tanto relaciona cu e decisionnan recien di cambio di maneho, y otro puntonan mas general di transporte publico. Tambe a duna splicacion adicional riba e decisionnan tuma, y puntonan cu ta den preparacion pa atende cu ne. Na final a palabra cu Minister Arends lo evalua e preocupacionnan, y lo continua e dialogo dia 16 di augustus 2024.
E cambio di maneho ta para e traspaso di permisonan entrante 1 di september 2024 y combati e benta ilegal di esakinan. Asina por stimula un sistema mas husto y transparente. E motibo di e decision aki ta pa crea oportunidad igual pa ciudadanonan
por yega na remarke pa un permiso di taxi, na luga di mantene e situacion cu hopi permisonan ta keda circula den e mesun gruponan, limitando e oportunidad igual di otro ciudadanonan pa yega na remarke.
Un grupo di taxista no ta di acuerdo cu esaki y ta opta pa perhudica economia di pais Aruba. Esaki a pesar cu e cambio no a drenta na vigor ainda, a pesar cu a scucha e taxistanan y a duna di conoce cu lo evalua nan preocupacionnan, y continua e dialogo dia 16 di augustus.
Perhudica economia di un pais pa bringa pa un interes personal cu no ta na vigor mientras tin dialogo y fecha pa siguiente dialogo, ta desproporcional.
Minister Arends lo tene un conferencia di prensa dia 7 di augustus 2024.
Artista, printmaker y desiñadora di textiel, Elisa Lejuez-Peters, a regala biblioteca un cuadra titula ‘Green Perspective’. Pinta den colornan yamativo berde y gel cu ta hala atencion di un y tur. E obra aki ta duna un sensacion di bida y bunitesa bou awa y riba tera, reuni den composicion. Manera 2 diferente paisahe mezcla den otro. Elisa ta traha cu diferente tecnica pa crea un composicion
di patronchi, figura y forma. Un di e tecnicanan cu e ta gusta usa ta Zeefdrukken. E cuadra aki ta un regalo pa biblioteca den cuadro di su celebracion di ‘75 aña di trabou di biblioteca na Aruba’. E celebracion ta diamars dia 20 di augustus proximo.
Elisa Lejuez-Peters (’73) tin su propio studio na Malmokweg 42 na Aruba, caminda e ta traha y ta duna workshops. Elisa tin
un Masters degree den Arte y a traha pa diferente compania cu ta produci tela (Textiles) prome cu ela establece su mes na Aruba. Un catalogo di diferente di su obranan ta obtenibel na biblioteca. Na 2020 Elisa a pinta e bunita mural na PF Chang’s Restaurant na Gloria the Movies. Por wak Elisa su obranan na diferente compania y hotel rond Aruba.
Diadomingo ultimo, na Village Basketball Court na San Nicolas a tuma luga clausura di Ricardo Cooper Basketball Clinic organisa pa Sr. Ricardo (Tico) Cooper. Sr. Cooper a nace y crece den Village y ta un ex-basketbolista internacional Arubano cu a hunga basketball profesional na Merca, Hulanda y Belgica. Den luna di maart ultimo, a inaugura e cancha di basketball despues di un renobacion total y a wordo dedica na dos legendario den e disciplina di basekball, esta Sr. Malary Anthony “Pete” Coco (den feliz memoria) y Sr. Ricardo Cooper.
Como muestra di aprecio Sr. Cooper a bin Aruba for di Belgica riba su propio gasto y a organisa e clinica di basketball pa e
hobennan di San Nicolas y bisindario. E clinica tabata pa mucha y hoben entre 6 y 18 aña di edad y a tuma luga riba e dianan 26, 27, 28 di juli y 2, 3 y 4 di augustus. Diadomingo mainta, Minister Endy Croes a bishita e clinica y a haci entrega di e certificadonan di participacion na e hobennan cu a atende e seis (6) dia di clinica aki. Por ultimo, e mandatario di Deporte ta gradici Sr. Ricardo Cooper pa comparti su tempo y experticio cu nos hobennan. Palabra di danki na Ministerio di Enseñansa y Deporte. Alabes, ta gradici Sra. Terry Gumbs y team pa organisa e bunita proyecto aki den vakantie pa e hobennan di Village y bisindario. “Deporte ta den desaroyo,” Minister Endy Croes a finalisa.
“Turismo ta e pilar economico mas importante, e ta pan no solamente di taxista sino di miles di Arubiano y nos niun kier perhudica esaki”
Diamars 6 di augustus atardi, Gobierno di Aruba, den representacion di Prome Minister Evelyn Wever-Croes, Minister di Finansas Xiomara Maduro y Minister di Turismo Dangui Oduber, a reuni cu representantenan di taxistanan mirando e situacion actual di e empase entre nan y e Minister di Transporte
Ursell Arends, riba e maneho pa loke ta trata taxista.
Mirando cu taxistanan a bay riba puntonan cu ta afecta nos turismo, Ministernan a haya necesario pa interveni.
Prome Minister a indica cu e reunion a bay den bon ambiente na unda nan a trece nan puntonan
dilanti hunto cu posibel solucionnan rasonabel padilanti. “Di nos parti nos a trece dilanti cu Aruba no mester di intrankilidad awor aki y a pidi pa yega na solucion den dialogo”, Prome Minister a expresa.
Prome Minister a indica cu e puntonan di
preocupacion cu a wordo treci dilanti lo wordo trata, y lo scucha e banda di Minister Ursell Arends pa asina mira e miho manera pa sali di e impase aki. “Importante pa señala ta cu Aruba ta den recuperacion. Nos a traha hopi duro, pa Aruba recupera despues di e pandemia, turismo
ta e pilar economico mas importante, e ta pan no solamente di taxista sino di miles di Arubiano y nos niun kier perhudica esaki. Den interes di nos turismo y di Aruba en general, nos mester busca un salida pa cu e impase akinan”, Prome Minister Evelyn Wever-Croes a enfatisa.
Dialuna atardi, a combersa cu algun studiante prome cu a nan a sali cu e vuelo KL 765 di KLM pa Madre Patria Hulanda pa continua cu nan estudio avansa.
Lindsey Zimmerman a caba di termina su estudio na Universidad di Aruba y e ta continua cu su estudio avansa na Haagse Hoogeschool na Den Haag, unda cu e ta bay studia International & European Law. Lindsey a cuminsa prepara for di tempran, a busca tur luga pa haci compras na Hulanda, a habri un cuenta di banco, a regla su DUO y Arubalening. Lindsey su conseho na e hobennan di Aruba ta cu “sky is the limit”, nunca “no give up” riba bo deseonan y bay p’e. Si bo kier e, bo por logr’e. Na final tur cos ta den bo man. Alabes, a manda un saludo pa su mayornan, ruman, wela, tanta, omo, amiganan y grupo di baile.
Jaroël Ignacio despues di a finalisa Colegio E.P.I. ta continua cu e estudio International
Communication
Management na Fontys Hogescholen Eindhoven.
Jaroël a expresa cu su famia y amistad a keda basta tristo, pero e mes ta trankil y positivo. Ta prome bes cu Jaroël ta bayendo Hulanda, pero e tin famia eynan pa sosten’e, yud’e y gui’e cu loke e tin mester. Su conseho na e studiantenan ta pa semper tin bo meta den mente, no laga nada distrai bo!
Bo mester tin e balansa di studia y disfruta. No lubida bo meta y corda riba bo famia.
Mary Kristine Tumalad a gradua dos aña pasa na Colegio Arubano y ta bay studia Communication & Multi Media Design na NHL Stenden Hogeschool na Leeuwarden. Esaki ta pa prome bes cu Mary Kristine ta bayendo Hulanda. E tabata hopi luna di preparacion.
Mary Kristine a cuminsa desde december di aña pasa pa crea su cuenta di Arubalening pa e portal y habri su cuenta di banco. Alabes, ta manda saludo
pa famia y ta bisa nan cu e ta stima nan hopi. Su mensahe pa hubentud di Aruba ta pa no preocupa,
haci bo best y cu nunca ta laat. Bo semper por purba di nobo y semper ta na tempo.
Pa finalisa, e mandatario di Enseñansa ta desea nan hopi exito cu nan estudio na Hulanda.
– 7 di augustus, 2024: Aruba Bank ta orguyoso di por anuncia cu su ekipo a participa den e torneo di softball di 5 Kamp. E banco ta sumamente agradecido pa e gran aporte di tur su fanaticonan y hugadornan cu a yuda trese un
ambiente anima durante e torneo.
Trabou di ekipo a sobresali durante e evento deportivo, y cada un di e empleadonan a duna e mihor resultado posibel.
E esfuerso y dedicacion cu Aruba Bank su ekipo a
demostra ta un testimonio di loke nos por logra ora cu nos ta traha hunto.
Aruba Bank ta gradici di curason tur hende a forma parti di e torneo y ta orguyoso di su empleadonan di e gran union cu nan a demostra.
Durante e simannan venidero Aruba Bank su ekipo lo forma parti di varios otro deporte cu ta forma parti di 5 Kamp.
Master Yoshmar Wever y Master Clifford Rasmijn di Taekwondo Team Aruba ta preparando e team duro pa e retonan di 2024 y 2025.
Algun atleta di Taekwondo Team Aruba a train cerca Master Antwuan Wilson na Champions Martial Arts na Florida. Master Antwuan Wilson ta conta cu algun di e miho atletanan den estado di Florida y ta haci cu e ta un reto grandi pa Taekwondo Team Aruba su atletanan.
Esaki ta un di formanan cu tin pa e atletanan di Taekwondo Team Aruba sigui crece den Taekwondo. TK5 ta e siguiente reto unda cu nan lo tin cu gana na Corsou y despues defende nan titulo na Orlando contra di Team USA.
Heart-Centered Leadership Foundation (HCLF) ta entusiasma pa anuncia su iniciativa nobo pa sostene hobennan den nan desaroyo personal. Recientemente HCLF a habri su mesun “Club House”, un espacio nobo na Teresita Center unda hobennan por bin hunto y tambe participa den un variedad di actividadnan cu ta diseña pa yuda nan discubri ken nan ta y kiko nan kier den bida. HCLF a uni forsa cu Kinderpostzegels, un organisacion conoci na Hulanda, pa lansa un proyecto innovativo: the “Impact Club”. E programa aki ta uno piloto, parcialmente funda door di Kinderpostzegels, cu ta representa un stap dilanti importante pa ofrece actividadnan significante y regularmente pa hobennan. E programa piloto aki a cuminsa cu un sesion “think tank”, unda HCLF a inclui un grupo di hoben pa vocifera nan ideanan y aspiracionnan, cual a directamente influencia e diseño di e programa.
Impact Club ta inclui actividadnan interactivo pa hobennan di 13 pa 17 aña cu lo core di september te cu december 2024. E structura di e programa ta consisti di 3 actividad pa luna cu lo tuma luga riba Diadomingo. Durante e programa, e hoben lo embarca riba un trayectorio di descubrimento y formacion personal. Cu enfoke riba bienestar mental positivo,
e actividadnan interactivo lo promove desaroyo di habilidadnan esencial manera compronde y maneha emocion, miho comunicacion, pensamento critico y expresion den un manera mas creativo. Tur esaki cu e meta principal di yuda e hoben tin mihor confiansa propio, autoestima y un sentido di proposito, cual na final por tin un efecto riba e hoben su comportacion na cas y na scol.
“E Impact Club ta mas cu djis un serie di actividadnan; e ta un oportunidad pa hobennan conecta, crece, y haci un impacto positivo den nan bida y den comunidad” a remarca Deanna Lampkin, trahado hubenil na Heart-Centered Leadership Foundation.
Mayornan y hobennan, si bo ta interesa, esaki ta un gran oportunidad pa un programa positivo pa ho -
ben cu ta promove desaroyo personal. Join Impact Club su programa di 3 luna pa diferente actividad cu lo yuda hobennan conecta cu otro y amplia nan habilidadnan.
Pa mas informacion tocante HCLF, e Impact Club, y con pa forma parti di esaki, por tuma contacto cu HCLF na 5841211 (tambe HCLF su liña di whatsapp) of bishita nos Facebook page HeartCentered Leadership Foundation.
Tocante HCLF:
Heart-Centered Leadership Foundation (HCLF) ta un fundacion cu a keda estableci na 2008 cu e meta pa inspira y empodera hobennan di Aruba. Desde 2012 e fundacion ta ofrece diferente tayer, actividad y seminario unda hobennan ta haya oportunidad pa desaroya nan caracter y habilidadnan cu ta fortifica nan
desoroyo personal y profe - sional.
ORANJESTAD – Diaranson mainta Prome Minister hunto cu Minister Glenbert Croes a reuni cu señor Errol de Freitas di San Nicolas Business Association, SNBA.
Gobierno ta considera SNBA un stakeholder hopi importante pa desaroyo di San Nicolas y p’esey tin reunionnan frecuente cu nan. Riba e mainta aki a papia riba varios proyecto cu SNBA y Gobierno tin den mente y con por alinea e esfuersonan comun. Na fin di dia e meta ta pa percura cu tin un fluho mas grandi di hende ta bishita y pasa tempo na San Nicolas y por logra cu comercio por lanta cabes bek na San Nicolas. Na e momento aki e proyecto grandi pa San Nicolas ta e proyecto di e Monumento di Segundo Guera Mundial. Prome Minister ta indica cu lamentablemente tin retraso den e proyecto pa motibo cu un contratista so a inscribi den e destaho publico y cu su prijs ta mas halto di locual ta presupuesta. Na e momento aki tin un tension riba e
mercado di construccion na Aruba ya cu tin varios proyecto andando. Pa fin di aña lo tin mas espacio pa motibo cu lo tin proyectonan finalisando y na e momento ey lo bolbe cuminsa cu e destaho publico pa e proyecto aki.
semper cu
ORANJESTAD – Dia 7 di augustus Minister Xiomara Maduro a cumpli 15 aña cu ela debuta como politico na Pais Aruba. E mandatario a debuta como politico na augustus 2009 y ta participa na eleccion di september 2009 y ta keda eligi como Parlamentario di Pais Aruba. Na september 2013 Xiomara ta wordo re-eligi como representante di pueblo y ta bolbe drenta Parlamento di Aruba. Xiomara ta fungi como Parlamentario pa ocho aña durante cual e tabata conoci pa e forma critico pero constructivo cu e tabata controla Gobierno, semper
Unabes e proyecto aki ta cla, cual lo ta un monumento masha bunita unda ta recorda e rol cu Aruba a hunga y esnan cu a fayece durante e Segundo Guera Mundial, esaki lo ta un atraccion turistico hopi interesante. Ya tin palabracionnan cu tour operators cu lo hiba e turistanan pariba pa bishita e monumento y asina tambe bishita e cayanan y e comercio di San Nicolas.
“Esaki ta un di e proyectonan cu nos ta trahando riba dje hunto cu SNBA, pero tambe awe nos a papia riba otro proyectonan interesante. Nos semper ta purba di cumpli cu e deseonan di SNBA ya cu nos meta comun ta percura pa mas desaroyo pa San Nicolas”, Prome Minister a expresa.
defendiendo e interes general. Un parlamentario cu curashi y determinacion.
Na eleccion 2017 Xiomara ta figura como number 2 riba lista di e partido geel. Partido MEP ta gana eleccion y ta forma un Gobierno di coalicion y Xiomara ta asumi e responsabilidad como Minister di Finansa, Asuntonan Economico y Cultura pa Pais Aruba den e Prome Gabinete WeverCroes.
Na aña 2021 Xiomara ta participa na su di 4 eleccion. MEP ta bolbe gana eleccion y ta bek den Gobierno. Xiomara ta haya e confiansa pa un bes mas
carga e responsabilidad como mandatario y ta haya e carteranan di Finansa y Cultura den e Gabinete Wever-Croes II. Como Minister, ela hiba un maneho cu dedicacion, seriedad y transparencia. Den su trayectoria como Minister, Xiomara a haye cu varios reto: debenan astronomico hereda, sigui pa un pandemia devastador y condicionnan impone pa Hulanda.
Apesar di esakinan, ela continua y cu fe den Dios y trahando diligentemente cu su coleganan Minister, Departamentonan y su team, e ta logra pa pone finansa
publico di Aruba bek riba pia, haya reconocimiento di institutonan financiero local y internacional, y ta logra pa dos aña sigui pa Pais Aruba tin presupuestonan cu surplus. Un mandatario cu semper ta sostene y promove Aruba su Cultura, manera su lema ta bisa: Cultura, bo tin cu bib’e!
Xiomara ta un persona carismatico cu ta traha duro, cu seriedad y cu curason y caracter pa Pais Aruba. Su coleganan di Bureau a sorpresa e mandatario cu un celebracion chiquito na ocasion di su 15 aña como politico sirbiendo nos Pais. Durante e ocasion aki Minister Xiomara Maduro a gradici Movimiento Electoral di Pueblo pa e oportunidad pa por forma parti di e movecion politico. E mandatario a bisa ‘Mi ta gradici Dios pa e guia, sabi-
duria y forza y mi ta spera di por sigui conta cu su bendicion pa por cumpli cu e trabou na bienestar di Aruba’. Minister Xiomara tambe a gradici tur persona cu ta apoya su trabou como un politico di Pais Aruba y ta yama nan danki pa e respet y e apoyo.
Scirbi pa Pastor Marcel Balootje.
Si un hende su bista no ta fiha riba Cristo Hesus, ni tampoco e a entrega su bida completamente na Cristo Hesus den e tempo aki, su bida tin chens di wordo contamina cu hopi cos maligno.
Nos ta bibando den tempo trabahoso ( 2 Timoteo 3:1-9).Tempo caminda respet y temor di Dios ta scars, y inmoralidad y malisia ta purba domina tur caminda.
Nos ta biba den un tempo caminda hende ta wak mas pa nan mes, hende no tin respet pa Dios tampoco pa hende, hende a bira ireconciliabel, caprichoso, orguyoso , arogante, sin amor pa prohimo, y tur esaki e Palabra di Dios ta avisa nos di dje.
Amor pa placa a cohe un dominio, exorbitante riba hende, amor pa poder tambe ta corre den mes un direccion, y mas tristo cu por ta hende ya no tin berguensa pa gaña mas , mentira a bira algo normal.
Pesey un di e cosnan primordial pa mayornan siña na yiu for di chikito, ta pa nan no gaña pero papia e berdad den tur situacion, pasobra berdad ta libera hende, pero mentira ta hiba hende den cueba di scuridad y manipilucion, y si no tin arepentimento, e mentira mes ta zorg pa e hende bay completamente perdi.
Mentira ta bini for di scol di diabel, y ora hende ta gaña nan ta sirbi diabel, pasobra diabel ta tata di mentira, pesey Cristo Hesus a bisa: Ami ta e caminda y e berdad y e bida,ni un hende no ta bin serca e Tata si no ta pa medio dimi.
E palabra aki ta pa evita cu hende lo kere den mentira y nan lo desvia den cierto caminda di mentira, pensando cu nan lo yega serca e Tata.
Hopi awendia a tende di e caminda, pero ta pretende cu nan por yega manera nan kier, pasobra nan ta ocupa den nan mes cosnan, pero Cristo Hesus ta e caminda, pasobra sin Cristo Hesus nos no ta yega ningun caminda.
Dominio y temor ta pertenece na dj’E, Kende ta establece pas den su alturanan. ( Job 25:2).
Segun e palabra di Dios, Dios a duna a bisa hende sea fructifero y multiplica, yena e tera haci esaki somete na bo.Dios tin tur autoridad y poder riba nos bida, Dios ta Soberano riba tur cos.
Establece mi pasonan den Bo palabra, y no laga ningun inikidad( Maldad y Malicia) tin dominio riba mi.( Salmo 119:133).
Ora nos ta cana y biba den desobediencia na Dios . Pica, Maldad y Malisia tin dominio riba nos bida.
Ora nos ta troce e palabra di Dios, pa kere den fabula, cambia e berdad di Dios pa un mentira, nos ta habri porta pa diabel domina nos bida cu scuridad profundo.
Esaki ta nifica cu hopi cos , cu ta mustra manera bon y decente, yena cu humildad y integridad falso, ta cuna di bobedad, orguyo , arogancia y malisia y manera palabra di Dios ta siña nos , nos mester huy for di e cosnan ey.
Palabra di Dios ta spierta pa e amor pa placa no domina nos bida, pasobra amor pa placa ta rais di tur maldad, Hopi biaha nos ta mira hende ta lucha, pa kita yiu for di otro, pero den esey no tin amor, pero interes pa placa. Tambe den e famoso asunto di derechi igual, e interes pa placa ta hunga un gran rol, pasobra ta esey ta locual ta mundo ta busca mas cu Dios.
Bo reino ta un reino eterno, y Bo dominio ta di generacion pa generacion.( Salmo 145:13).
6 augustus 2024: De winnaar van de TropicSpin Muziek- en Liedjeswedstrijd 2024 georganiseerd door Arawak Media en Caribbean Magazine Plus is Sultana voor hun lied "Flying".
Edwin Leon, een Colombiaan die nu in Spanje woont en groepsleider van Sultana, vertelde aan Caribbean Magazine Plus dat hij "geschokt" was dat hij dit jaar de wedstrijd won omdat hij "al een paar maanden geen muziek meer heeft geoefend".
Leon zei ook: "Toen ik hoo-
rde dat ik gewonnen had, werd ik echt opgewonden en het gaf me nog een reden om door te gaan."
Leon is nu de eerste mannelijke en de eerste nietEngelstalige winnaar van de TropicSpin Muziek- en Liedjeswedstrijd.
Je kunt de hele TropicSpin Muziek- en Songwedstrijd bekijken op de Caribbean Magazine Plus Facebookpagina en/of YouTube-pagina, CaribMag TV. Voor meer informatie of om een interview af te spreken kunt u contact opnemen met:
https://www.facebook.com/watch/ live/?ref=watch_
“Señor ta mi wardador, mi’n tin falta di nada
Den cunucu di yerba berde e ta ponemi sosega. E ta hibami na awa trankil, Pa mi bolbe haña forsa”.
Salmo: 23
A bai laga nos, esposa, mama, wela, bisa wela stima
Mihor conoci como: “Sira”
*31-07-1939 – †03-08-2024
Ex empleada manager di Drive Inn theater
Na nomber di:
Su casa: Andres ‘Belin’ Dabian
Yiunan: Marvel y Enrique Vilchez
Amira y Tito Luydens
Debby Dabian
Gina y Michel Blonk
Nietonan: Marange y Barry Krouwel
Angel Vilchez
Ismaël y Marian Vilchez- Delissen
Sierra Luydens
Renell Luydens y Lieke Aerts
Richinel Luydens y Lizzy van Hout
Shannon Blonk y Michan Galekop
Marisa Blonk
Justine Blonk y Rutger van Velzen
Bisanieto/a: Mia y Sam Krouwel
Kymora Toppin y Lou mae Luydens
Abby Luydens
Jomar,Siegmar y Igmar Schwengle
Ruman: †Pedro y Maria Willems
Siegfried y Marisol Schwengle-Simon
† Petrus ‘Shon Pe’ Lampe y Silvia Wout
Swa y Cuña: †Elma Dabian
†Theodor ‘Doty’ Dabian
Sonia Geerman-Dabian
Lucindo ‘Lu’ y Carmen Dabian
†Pedro ‘Rufo’ Dabian
†Greta Dabian
Ayudante: Ethlijn Servud, Miladis Miranda-Ochoa
Demas famia: Lampe, Dabian, Vilchez, Luydens, Blonk, Krouwel, Schwengle, Simon, Toppin, Delissen, Van Hout, Aerts, van Velzen, Galekop, Geerman, Willems, Flanegin, Wout, Alberts, Kransen, bisiña y amistadnan
Ex colega nan di Drive Inn Theater y Meta Corp
Disculpa nos si den nos tristesa nos por a lubida un famia.
Acto di intiero lo tuma lugar diabierna 9 di augustus 2024 di 9:00 pa 11:00 a.m na Aurora Funeral Home. E resto mortal lo bay Santana Catolico na Santa Cruz.
Despues di entiero nos no por tuma condolencia na cas.
Un feliz diaranson santo cu hopi bendicion y debocion
”Mi mester anuncia e era di Señor Su gracia.” Lucas 4,19
Hesus a bini pa establece Su Reino aki na mundo. Esey tawata Su mision. E tawata ungi cu Spirito di Señor pa anuncia e Bon Noticia na tur esnan pober di spirito y esnan desanima.Tambe E tawata proclama libertad pa esnan cu tawata preso, esclavo di pica y mara na cadena cu bicionan. Hesus a bini tambe pa habri bista di tur esnan ciego spirit almente cu no tawata mira e realidad y a perde speransa. Tur esnan cu ta wordo oprimi y trata inhustamente Hesus a bini pa duna nan e libertad. El a stima nos y a drama Su sanger pa libera nos di nos pica. Hesus kier anuncia e era di Señor Su gracia. E dia cu Señor ta bay mustra pueblo Su bondad. P’esey laga durante e siman santo aki nos keda cu nos bista fi ha riba Hesus, Esun cu a sufri cruelmente y a wordo crucifica pa cada un di nos cumpliendo cu Dios Su Palabra.
Ban mustr’E e amor cu nos tin p’E entregando nos bida na djE y mustrando e amor di Dios na esnan cu mas tin meter di dje.
Oracion:Tata Celestial laga cu Bo Spirito Santo bin podera di nos y habri nos bista spiritualmente y duna nos e libertad pa proclama Bo reino di amor, paz y husticia.
Amen.