Diahuebs December 12 2024 by Solo DI Pueblo

TISA LASORTE NOMBRA COMO

Un logro pa nos comunidad como e prome na Aruba

Centro di MeMoria ta ConMeMora 10 aña di dediCaCion na su pashentnan

Riba 12 di december 2024, Centro di Memoria ta celebra un logro hopi special, esta 10 aña di existencia y dedicacion cu e meta pa mehora e cuido pa tur cu tin deterioro cognitivo na Aruba. Loke a cuminsa na 2014 como un ambicion di un grupo di specialistanan pasiona, a crece y a bira awendia un clinica di memoria indispensabel pa nos isla.

Centro di Memoria a habri su portanan oficialmente na 2014 danki na un colaboracion unico entre Horacio Oduber Hospital (HOH), SABA y Cas Marie como e prome y unico clinica di memoria na Aruba. Cu un team multidisciplinario di specialistanan di cuido pa

adulto mayor, internistanan, un neurologo, un psicologo, secretaria y un casemanager, ta ofrece diagnostico y guia pa pashentnan cu deterioro cognitivo. Banda di malesa neurodegenerativo, ta investiga, trata of señala tambe otro causa di problema cognitivo.

Durante e ultimo 10 añanan, e team dinamico di Centro di Memoria a yuda cu hopi orguyo aproximadamente 2100 pashent. Aña pasa a conoce un aumento notabel den registracion, cu ta indica e urgencia y importancia di nan trabou. Y ta anticipa cu esaki lo bay aumenta mas ainda den futuro.

E 10 aña di existencia di Centro di Memoria ta un momento pa para keto y reflexiona riba e gran impacto cu Centro di Memoria tabatin durante transcurso di aña, pero alabes pa enfoca y mira e oportunidadnan cu tin pa futuro. Cu un dedicacion sin fin, e team siguramente lo sigui pusha pa mehora e calidad y e cuido pa nos pashentnan cu deterioro cognitivo na Aruba.

Hunta di Directiva, Management y staff di HOH ta felicita e team completo di Centro di Memoria cu nan 10 aña di dedicacion y excelencia den cuido di memoria! Pabien Centro di Memoria y Pabien Aruba!

Señor redactor, permitimi un espacio den bo corant pa por expresa mi humilde y sincero opinion tocante e eleccion pa parlamento cu a tuma luga dia 6 di december 2024.

E dos partidonan MEP y AVP, sequencia segun e lista di votacion,

a saca en principio 6 asiento cada un cu hunto ta forma un total di 12 asiento. E diferencia di e cantidad di voto entre e dos partidonan aki tabata masha poco. Pa mi esey ta un indicacion cu pueblo a vota pa e dos partidonan aki forma un cualicion.

Comentario eleCtoral 2024

For di comienso di nos Status

Aparte na januari 1986 e dos partidonan aki a goberna nos Pais sea nan so of cu otro partidonan. Nunca nan a forma un coalicion aunke varios biaha e pueblo a indica esey.

Tin cos cu a bay bon pero tambe hopi cos cu a bay robes. E cosnan cu a bay robes a pone cu nos ta awor unda nos ta cu un debe biyonario. A yega tempo pa laga odio, venganza y orguyo un banda

y forma un cualicion, segun deseo di mayoria di nos pueblo, pa traha hunto y drecha e situacion aki na bienestar di nos dushi Aruba. Mi ta sigur cu esaki ta locual e partidonan MEP y AVP debe nos pueblo! Ta nos tur ta arubiano y nos tur ta stima nos pais. Pone e bandera di Partido un banda y gara e bandera di Aruba!

Señor redactor, masha danki pa e espacio den bo corant.

Mario B. Middendorp

–Camara di Comercio y Industria Aruba (KvK) kier a recorda tur empresario pa tene cuenta cu cumplimento cu e rekisitonan necesario pa por cera e aña 2024 cu tur informacion actualisa y alabes anuncia cu nos lo cera pa algun dia durante fin di aña.

KvK lo ta cera pa dianan di fiesta

KvK ta informa tur su clientenan cu su oficina lo ta cera for di diamars, 24 di december 2024, te cu diahuebs, 2 di januari 2025. KvK lo habri bek riba diabierna, 3 di januari 2025.

Compania cu no ta activo mas

Si tin un compania cu ta registra na KvK pero cu esaki no ta activo mas, ta importante pa pone esaki como inactivo of cancela e negoshi den e Registro comercial mas pronto cu ta posibel. Ley ta stipula cu e persona di e negoshi cu ta autorisa (p.e. doño di e negoshi y/o director) tin e deber di cancela e negoshi na KvK. A base di e informacion declara door di e persona autorisa, e status di e compania ta wordo cambia den e sistema di KvK. Esaki ta importante ora di haci declaracion di resultadonan di negoshi (cu no ta activo) na Departamento di Impuesto.

Ultimo dia cu por pasa personalmente na KvK pa cancela un negoshi (“opheffing”) den 2024 ta dia 23 di december 2024. Sinembargo, MyChamber lo keda accesibel y por haci e cambionan online, incluyendo cancela un negoshi, te cu 31 di december 2024. Si bo mester di assistencia pa cancela un negoshi, por pasa libremente tur dia entre 8AM y 12PM of entre 1PM y 4PM te cu 23 di december 2024. Esaki ta conta solamente pa cancela un negoshi. Tur cambio y/of cancelacion di negoshi cu wordo ricibi online via MyChamber, no mas tarda cu

31 di december, lo conta pa 2024.

Doño di negoshi, directornan y otro miembronan di directiva cu no tin nan informacion of contribucionnan anual na ordo por wordo poni responsabel pa negoshi cu no ta cumpliendo cu ley. Pa por sa mas encuanto datonan den registro y cuentanan habri, por tuma contacto cu KvK na 582-1566 of manda un e-mail respectivamente na registers@arubachamber. com of financial@arubachamber.com.

Actualisacion di datos

Segun stipulacion den ley, tur empresario tin e obligacion pa mantene e datos encuanto e adres, structura y maneho di su negoshi actualisa den e registro di KvK. Por verifica si e datos ta corecto door di consulta e Registro online via e website di KvK (www.arubachamber.com) y si ta necesario por bay den e cuenta (account) di e negoshi via MyChamber y haci e cambio(nan) rekeri pa tin e informacion actual. Por medio di e informacion di contacto (e-mail adres), KvK ta manda informa e comerciante encuanto eventonan y actividadnan pa negoshinan, e.o. workshops, presentacionnan, misionnan comercial y diferente desaroyonan relevante pa e empresario. Ademas e ta importante pa inversionistanan y/o posibel partner comercial por bin den contacto cu e empresa. Cu actualisacion di e datos bo ta contribui tambe na un Registro di negoshi cu informacion corecto y asina por haci un miho analisis di e.o. e tendencianan y diversidad economico.

Pago no mas laat cu 23 di december 2024 KvK kier recorda tur compania riba e obligacion pa tin e pagonan di e contribucion anual al dia. Tur pago cu wordo ricibi te cu dia 23 di december 2024 lo wordo procesa ainda den 2024. Tur pago cu drenta despues di e fecha di 23 di december 2024, lo wordo procesa na januari 2025.

Ta urgi tur comerciante pa percura pa e contribucion anual te cu 2024 wordo paga y asina evita gastonan innecesario y/o cu e servicionan di KvK no por wordo brinda. KvK lo manda recordatorio y eventualmente lo por sigui caminda legal pa cu falta di cumplimento

di e negoshi.

MyChamber

Ta sumamente importante pa tur negoshi tin un account digital via MyChamber pa nan mes por controla e datos di e compania y alabes haci e cambionan necesario online. Tambe por haci pago via e account, por ehempel pa compra di extracto y otro documentonan y pago di e contribucion anual, sin mester di acudi fisicamente na e oficina di KvK. Esaki ta conta tambe pa pagonan via transferencia di banco. Despues cu e compra y/o pago wordo procesa, e documento y recibo di pago lo ta disponibel digitalmente den e inbox di e account. Desde 2020 KvK a cuminsa manda e cobransa pa e contribucion anual digitalmente via e online account di e companianan, pesey ta haci un apelacion urgente na tur negoshi cu ainda no tin un online account pa percura pa regla esaki mas pronto posibel via MyChamber. E instruccionnan pa crea un account ta poni riba e website di KvK (bao FAQ’s), pero den caso cu no logra por tuma contacto libremente cu KvK via e chattool riba e website di KvK, na tel. 582-1566, ext. 342/335/330 of via e-mail businessinfo@arubachamber.com.

Prome Minister Evelyn Wever-Croes:

GOBIERNO DI ARUBA A HONRA DOS BALUARTE

DI NOORD SEÑOR FELIX FLANEGIEN (QEPD) Y SEÑOR CHARRO KELLY (QEPD)

"Cu e desvelo di e borchinan aki, nos ta duna honor na baluartenan cu a significa hopi pa Aruba y specialmente pa e districto di Noord"

Diahuebs 5 di december 2024, Prome Minister Evelyn Wever-Croes tabata presente na un ceremonia na unda a honra dos baluarte di Noord, señor Felix Flanegin (qepd) y señor Charro Kelly (qepd), cu tabata politiconan cu a sirbi pais Aruba dignamente.

Prome Minister a indica cu

sigur esaki ta hopi special, mirando cu tur dos politico a fungi den varios funcion, trahando semper na bienestar di Aruba. Señor

Felix Flanegin aparte di su carera den enseñansa, tabata diputado y miembro di Conseho Insular y señor

Charro Kelly tabata e prome minister di obra publico, y esun conoci pa a pone e fundeshi pa nos

careteranan den bario.

Prome Minister a splica cu pa varios aña caba conocirnan y famianan a haci un peticion pa nombra caya na honor di ambos baluarte como aprecio pa tur loke nan a nifica pa e comunidad di Aruba. Sinembargo e proceso aki a tarda, pero danki na e insistencia di Parlamentario Ricky Hoek, esaki a bira un realidad.

Cu hopi orguyo, den presencia di algun minister, parlamentario, famia y conocirnan a devela e borchi na honor di Felix Flanegin cu ta e caya na e rotonde di Plaza

Tino Ruiz y Warda di Polis di Noord bay ariba te na e cruzada di Montaña, y na e mesun rotonde bay pabou pa Palm Beach ta e caya dedica na honor di señor

Charro Kelly.

"Cu develo di e borchinan aki nos ta duna honor na baluartenan cu a significa hopi pa Aruba y specialmente pa e districto di Noord. Mi ta gradici tur famia cu tabata presente pa

e bunita palabranan, pero specialmente pa presta nos nan casa, nan tata, y nan ruman pa por a traha pa pais Aruba. Pabien Noord, y pabien na tur famia pa e reconocemento bunita aki", Prome Minister a expresa.

OFICIAL: LILIANA RASMIJN VOCERO POLICIAL

MACUARIMA, ARUBA:

Altocomisario di Cuerpo Policial Aruba ta anuncio oficialmente cu sra. Liliana Rasmijn ta bira e prome ser femenino cu ta bira Vocero Policial di Cuerpo Policial Aruba.

Departamento di comunicacion: Cuerpo Policial Aruba tin su propio departamento di comunicacion. E ta un departamento cardinal cu e meta pa informa nos comunidad tur

pa G. Jansen(q.e.p.d.), Pedro “Shon Pe” Krozendijk, C. Bennet, Edwin “Papito”Commencencia y Lito Lacle. Nan tabata e cara importante cu a carga e departamento durante añanan.

na unda semper tabata cla brinda yudansa y ta hacie mesora for di curason sin spera nada a cambio

locual ta informacion importante di Polis. Tambe ta coordina informacion interno pero tambe publico cu mensahenan preventivo pa asina preveni cu bo lo cay den man di Husticia. Prome cu Status Aparte e departamento aki tabata dirigi pa G. Nicolaas (q.e.p.d.) despues sigui pa sr. V. Marten(q.e.p.d.) cu a tuma e timon over. Cu e entrada di Status Aparte Sr. V. Marten tabata e prome vocero oficial di Pais Aruba, sigui

Pa prome biaha un ser femenino: Despues di aña 2014 cu Sr. Lito Lacle como Vocero Policial y sra. Liliana Rasmijn como suplente nan a sa di carga e departamento pa mas cu 10 aña. Bou Sr. Lito Lacle Aruba a mira un cambio y direccion nobo pa e departamento. Awor despues di 10aña Sr. Lito Lacle a sigui desaroya su mes pa un departamento nobo y asina aki a habri e oportunidad pa un Hefe nobo. Sra. Liliana Rasmijn no ta cara un desconoci. Ela gana e confiansa di biaha di comunidad y Aruba completo a brase como e vocero suplente. Sra. Liliana Rasmijn a logra haya e funcion nobo aki sin niungun problema ela demonstra su capacidad y ideanan inovativo pa hiba e departamento na un siguiente nivel tanto Nacional y Internacional.

Ken ta Liliana?: Liliana ta simpel, humilde y semper cla pa yuda. Semper cu un smile di skina pa skina riba su cara. Liliana ta unico yiu di su mama Dilia Rasmijn y defunto tata Archi Becker. Dilia y Archi a lanta Liliana den un cas humilde cu hopi Fe, norma y balornan halto y

Liliana ta mama soltera di dos yiu homber cu ta Marc Croes 24 aña y Alexander Croes di 21 aña. Semper a lucha pa hiba su yiunan dilanti. Pero bida ta dal buelta y ta pasa den momentonan dificil pero semper a perservera y sigui padilanti. Marc y Alex ta su rason pa lanta tur dia y ta un ehempel pa su yuinan. Semper Liliana a sa di motiva su yiunan y encurashanan pa nan ta semper e mihor version di nan mes. Conhuntamente cu su mama Dilia cu ta e motor importante pa guia su yiu muher stima cu ta Liliana.

Liliana a bira polis: Liliana a cuminsa su carera policial dia 15 juni 1998. Semper e tabata kier di un manera of otro sirbi su Pais. E la wak e solicitud e tempo ey den corant y a bay haci e testnan y a sa di pasanan cu exito! Di e forma aki Liliana su carera policial a cuminsa. Despues di a termina su estudio policial Liliana a traha na diferente departamento manera; Polis uniforma, reorganisacion, interpol, pa despues traha pa 12 aña den departamento di Inteligencia. A yega momento pa haci un cambio drastico y sigui desaroya su mes. 15 januari 2014 Liliana a bay over na traha den e departamento di

comunicación di Polis y a bira e prome vocero suplente femenino di KPA. E la traha hunto cu sr.Lito Lacle cu tabata vocero di KPA y hefe di e departamento di Communicacion, Informacion y Prevencion. Un trabao full diferente na unda Liliana mester a educa su mes pa loke ta traha communicado, duna charlanan riba diferente nivel, duna informacion na e communidad y poco poco despues di tempo a bira un di e caranan importante di Cuerpo Policial Aruba. Un trabao cu e la desaroya su mes pa mehora y ta mihor den dje dia pa dia. Su soño ta pa un dia por marca historia y bira e prome hende muher como vocero di Cuerpo Policial Aruba y na cabes di departamento di communicacion.

Diploma di liderazgo: Liliana a haci diferente curso y na 2023 a haya e oportunidad pa sigui estudio di KO ( kader opleiding) Despues di un estudio pisa y hopi intensivo y cumpliendo cu su trabou di tur dia, Liliana a termina esaki cu exito! Cu e diploma aki ela haya e oportunidad di solicita pa e puesto di hefe di departamento di communicacion.

Soño a bira realidad: Tabata despues cu sr. Lito Lacle a wordo promovi na otro departamento di Polis e oportunidad pa Liliana a habri. Altocomisario di Polis Ramon Arnhem a y ta traha hopi di cerca

cu Liliana y a wak e potencial fuerte den Liliana. Despues di a habri solicitud Liliana a aplica y a logra esaki cu exito! Tabata e momento cu emocionnan a bira halto cu riba e prome dia di 1 december 2024 pa exactamente 12’or di anochi Liliana su soño a bira realidad. Ariba e fecha aki ela tuma e batuta oficial y carga e departamento di comunicacion di Polis pa prome biaha den Historia di Pais Aruba.

Hopi Orguyoso: Altocomisario di Polis Drs. Ramon Arnhem ta sumamente contento y orguyoso di anuncia cu Liliana Rasmijn ta bira e prome hende muher cu ta lidera un departamento di comunicacion cu ta asina importante pa KPA, pero tambe pa comunidad. “Liliana a sa di gana e curason di e comunidad. Liliana ta un persona hopi inovativo y mi ta gusta su manera con e ta pensa y con e ta cla pa hiba e departamento na otro nivel. Ela haci esaki caba dia di eleccion y mi a keda impresiona. Grandi y chikito ta mira Liliana como un hende muher Polis cu hopi respet y pa ami e ta un honor pa anuncia esaki” tabata palabranan di altcomisario Arnhem.

Ami ta Liliana Rasmijn: Mi quote I can and I will! Mi por y mi lo logra, no tur ora ta facil pa logra bo meta. Bo lo haya obstaculo pero semper

cara na laira . Seca bo lagrimanan pone un sonrisa riba bo cara y sigi focus pa bo metanan. Bo por mas cu bo mes ta kere. Na cada un hoben cu rato rato sa duda si nan por, keremi bo por . Abo hende muher bo por, nunca give up. Kere den bo mes!. Pero mas cu tur mi ta dedica e esfuerso y e guia aki na mi defunto tata Archi cu mi ta sinti e tey semper cu mi y mi sa e ta super orguyoso dimi cu awe mi a logra mi

meta. Mi ta haya su falta pero esaki ta pa bo papi!” Tabata palabranan di Liliana Rasmijn hopi emociona cu awe e ta carga e departamento di comunicacion.

Aruba brasa y acepta boso Vocero Policial nobo y e prome hende muher despues di Status Aparte. Cuerpo Policial Aruba ta yama danki na tur e voceronan cu tabata tey prome. Masha

AVP-Futuro Versus MeP-Futuro: Wie kAn de AdViezen VAn de rVA iMPleMenteren?

(Re Publica for di corant Amigoe ) De Raad van Advies (RvA) heeft zes hoofdpunten geformuleerd voor een efficiëntere, transparantere en toekomstgerichte overheid. In een politieke realiteit waarin het bestuur van Aruba wordt geleid door coalities van MEPFuturo of AVP-Futuro, zonder samenwerking tussen AVP en MEP, is het essentieel te analyseren hoe elk van deze coalities zich kan verhouden tot de adviezen.

1. Politieke stabiliteit en consistentie De RvA benadrukt dat beleidscontinuïteit en stabiliteit nodig zijn om versnippering en herstructureringen bij regeringswisselingen te vermijden.

MEP-Futuro: Deze combinatie zou mogelijk meer continuïteit kunnen bieden omdat MEP recentelijk al regeerde en Futuro als kleinere partner minder invloed kan uitoefenen op het wijzigen van portefeuilles. Echter, MEP heeft in het verleden ook nieuwe ministeries geïntroduceerd en beleid herschikt na verkiezingen.

AVP-Futuro: AVP heeft een trackrecord van sterke herstructureringen bij machtsovername, wat consistentie bemoeilijkt. Een samenwerking met Futuro kan extra uitdaging bieden door de behoefte om kleinere coalitiepartners tevreden te stellen, wat vaak resulteert in nieuwe posten. Conclusie: Beide coalities moeten streven naar een nationaal beleidsplan dat een langere termijn bestrijkt, ongeacht wie regeert.

2. Verantwoord omgaan met verzelfstandiging De RvA roept op tot een strategisch stappenplan voor verzelfstandiging en governance van overheidsentiteiten.

MEP-Futuro: MEP heeft in haar beleid vaak sociale rechtvaardigheid en duurzaamheid benadrukt. Dit kan bijdragen aan het zorgvuldig verzelfstandigen van diensten. De uitdaging ligt in het versterken van governance, waar Futuro mogelijk kan bijdragen door als nieuwe partij een focus op transparantie te brengen.

AVP-Futuro: AVP heeft historisch meer nadruk gelegd op marktgerichte oplossingen en economische groei. Dit kan helpen bij het verzelfstandigen van taken, maar de governance blijft een uitdaging, gezien kritiek in het verleden op politieke benoemingen. Conclusie: MEP-Futuro heeft mogelijk meer

potentieel om publieke belangen centraal te stellen bij verzelfstandiging, maar beide coalities moeten governance verbeteren.

3. Subsidielandschap hervormen

De RvA bekritiseert het versnipperde en inefficiënte subsidielandschap en roept op tot consolidatie en professionalisering.

MEP-Futuro: MEP’s focus op sociale projecten kan weerstand bieden aan het verminderen van subsidies. Futuro kan echter als onafhankelijke partij aandringen op efficiëntie en een meer data-gedreven aanpak.

AVP-Futuro: AVP is doorgaans pragmatischer in kostenbesparing en kan daardoor eerder geneigd zijn subsidies te verminderen of herstructureren. Dit kan botsen met Futuro’s sociale insteek, afhankelijk van hun visie. Conclusie: Beide coalities kunnen moeite hebben met het hervormen van subsidies zonder maatschappelijke onrust te veroorzaken. AVPFuturo kan meer kostenbesparend werken, terwijl MEP-Futuro sociale belangen beter borgt.

4. Transparantie en benoemingen

De RvA pleit voor op verdiensten gebaseerde benoemingen en minder politieke inmenging.

MEP-Futuro: MEP heeft recent governancemaatregelen aangekondigd, maar politieke benoemingen blijven een gevoelig punt. Futuro kan als kleine partner pleiten voor depolitisering, maar de mate van invloed blijft onzeker.

AVP-Futuro: AVP heeft een verleden van politieke benoemingen die vaak kritiek kregen. Futuro’s steun aan transparantie kan mogelijk de cultuur in deze coalitie verbeteren, maar de machtsbalans is hierbij cruciaal.

Conclusie: Geen van beide coalities heeft tot nu toe laten zien dat ze benoemingsprocedures volledig depolitiseren, maar Futuro kan in beide gevallen druk uitoefenen voor verandering.

5. Visie en langetermijnbeleid

De RvA dringt aan op een breed gedragen, consistente visie die verder reikt dan de vierjarige politieke cyclus.

MEP-Futuro: MEP heeft een traditie van plannen gericht op sociale rechtvaardigheid en

duurzaamheid, wat aansluit bij de adviezen van de RvA. Futuro kan bijdragen door een meer innovatiegerichte visie in te brengen.

AVP-Futuro: AVP focust vaak op economische groei en infrastructuur, wat belangrijke elementen kan bieden voor een langetermijnstrategie. Echter, consistentie buiten de eigen regeerperiode blijft een uitdaging.

Conclusie: MEP-Futuro lijkt meer in lijn met de RvA-aanbevelingen over duurzaamheid, terwijl AVP-Futuro sterker kan zijn in economische diversificatie.

6. Tegengaan van financiële tekorten

De RvA benadrukt dat financiële problemen bij overheids-NV’s en subsidies moeten worden aangepakt.

MEP-Futuro: Hoewel MEP prioriteit geeft aan publieke dienstverlening, bestaat het risico dat financiële discipline onvoldoende aandacht krijgt. Futuro kan hierbij een rol spelen als aanjager van financiële hervormingen.

AVP-Futuro: AVP heeft vaak een economisch pragmatische aanpak, wat kan helpen bij het aanpakken van tekorten. Echter, de sociale impact van harde besparingen kan leiden tot kritiek van Futuro.

Conclusie: AVP-Futuro is beter gepositioneerd om financiële problemen aan te pakken, terwijl MEP-Futuro meer focus heeft op het behouden van sociale voorzieningen.

Eindbalans

Beide coalities hebben sterke en zwakke punten ten aanzien van de adviezen van de RvA. MEPFuturo kan sterker presteren in het waarborgen van publieke belangen en duurzaamheid, terwijl AVP-Futuro waarschijnlijk daadkrachtiger is in het aanpakken van financiële problemen en economische diversificatie. Beide coalities zullen echter substantiële inspanningen moeten leveren om daadwerkelijk te voldoen aan de hoge eisen van de RvA.

Conclusie

Over het algemeen is MEP-Futuro het meest compatibel met de RvA-aanbevelingen vanwege hun focus op langetermijnvisie, duurzaamheid en publiek belang.

Rumannan KlabeR a gana ORO na alemania

Zahyon y Jourde Klaber a participa den e International Bergischer Löwen Cup 2024 bou guia di ex campeon Mundial coach Olimpico Grand Master Henk Meijer.

Grand Master Henk Meijer tabata na Aruba pa Best of the Best 2024 y a coach e rumannan Klaber. Mirando nan prestacion den Best of the Best el a hiba conbersacion cu Master Yoshmar Wever coach di Taekwondo Team Aruba. Despues di Best of the Best el a hiba e rumannan Klaber Hulanda pa training y campeonato na Europa.

Na Alemania nan a usa e sistema nobo di Daedo Generation 3.

Esaki tabata e prome biaha cu rumannan Klaber a experencia e sistema nobo di Daedo aki.

Zahyon Klaber no a participa den Best of the Best e aña aki, pasobra e tabata prepara su mes pa eventonan na Europa. Despues di sigui cu training cerca Grand Master Henk Meijer, Zahyon Klaber a logra di gana tur su contrincantenan y a sali prome luga na Alemania. Jourde Klaber a gana den Best of the Best y tambe a bay train cerca Grand Master Henk Meijer na Hulanda y a logra yega final y gana prome luga na Alemania.

Taekwondo Team Aruba ta felicita e rumannan Klaber cu nan logro na Alemania.

FORTA LEZA PA FAMIA..

Scirbi pa Pastor Marcel Balootje.

E DIABEL TA E GRAN

MENTIROSO, NO CAY DEN SU TRAMPA

Sea sobrio, sea alerta. Boso adversario e diabel, ta cana rond manera un leon cu ta gruña, buscando pa ken devora.( 1 Pedro 5:8).

Pesey somete bos mes na Dios resisti, e diabel y e lo huy for di boso,hala serca Dios y E lo hala serca boso.Limpia boso mannan, boso pecadornan, y purifica boso curason, boso di curason dobbel.( Santiago 4:7-8).

Keda vigila y haci oracion, pa boso no cay den tentacion. E spirito ta boluntario, ma e carni ta debil.( Mateo 26:41).

Boso ta di boso tata e diabel,y boso kier haci e deseonan di boso tata. E tabata un matado for di principio,y no ta para den e berdad, pasobra no tin berdad den dje. Ki ora cu e papia un mentira e ta papia for di su mes naturalesa, pasobra e ta un gañado y e tata di mentira. ( Juan 8:44),

E ladron ta bini solamente , pa horta, pa mata, y pa destrui,Ami ta bini pa nan tin bida, y pa nan tin e na abundancia.(Juan 10:10).

Ta masha hopi advertencia tin den bijbel completo tocante di e mentira di satanas kende no ta respeta, y ta purba tur manera pa desvia hende, pa nan keda den nan capricho y haci nan curason duro, y keda den scuridad.

E mentiranan di diabel ta conoci, su forma di traha ta conoci, su compinchinan ta conoci, su traicion, y su maldad ta conoci, pasobra ta malo so e ta haci.

Awor awendia nos ta mira diabel ta troce e berdad y gaña hende y nan ta rechasa coreccion, y bisando “No husgami”.

Ta ken por a kere cu e diabel por gaña un homber cu Dios a forma for di den barica di su mama como homber , pero awor e ta kere cu e ta un muher, y hasta kier cambia su curpa pa e bira manera un muher, pero su

curason, su mente, y su spirito,su sanger, y su forsa keto bay ta di un homber.

Wak bon, si esey no ta un mentira del diablo kico ta mentira anto?

Y mesun cos e ta haci cu hende muher tambe, influencia y gaña nan pone nan kere cu ta homber nan ta,mientras cu e curason, sentimento, cerebro, spirito, sanger, curpa ta keda di muher,pasobra Dios a traha e muher asina special como esun cu tin tur e capacidad necesario pa multiplica Su creacion hunto cu e homber.

Y wak bon kico e sistema di mundo a haci, door di pasa un ley pa mantene esnan cu ta kere den e mentira ey den scuridad, pesey e palabra di Dios ta bisa cu amistad cu mundo ta enemistad cu Dios.( Santiago 4:4).

Wak kico e mentira di adulterio ta haci cu e matrimonio y familia?

Wak kico e mentira di droga y alcohol ta causando den mundo?

Wak kico e mentira di rebeldia ta haci cu nos hubentud?

Tira un bista rond mundo cuanto lider mundial ta den scuridad, dictadura, etc. Tur eseynan ta bao di engaño di diabel.

!E Yiu di Dios a parece cu e proposito aki,pa destrui e obranan di diabel ( 1 Juan 3:8). Den Galationan 5:19-21 ta para scirbi e obranan di carni cual ta mentira di diabel, den Romanonan 1:18-32 ta para scirbi di Dios su furia contra humanidad cual ta wordo causa pa e mentira di diabel.Pero den 1 Corintionan 6:9-11 ta para scirbi cu tur hende por wordo libra di tur e mentira di diabel ora nan arepenti, comberti di curason y sigi Cristo Hesus.

Sinceramente, Pastor Marcel Balootje.

TORNEO DI VOLLEYBALL PA HOBENNAN TE CU 13 AÑA

Den cuadra di ASU OLIMPIADA Aruba Volleyball Association a organisa un Torneo di Volleyball pa un grupo di hoben entre 8 y 13 aña cu a practica cu hopi entusiasmo e deporte di volleyball. A adapta e canchanan y tambe e reglanan pa facilita e hobennan pa tur por a disfruta di e torneo aki.

Na final e Teamnan di Phoenix a sali na prome

lugar y e di dos lugar y tres lugar a bay pa e Team di Positivo y 4 lugar pa e Team di CBN.

Un danki na e mayornan cu a trece nan yuinan y cu tambe a keda wak e weganan.

Na final tur atleta a ricibi un medaya di parti Aruba Sport Unie kende a wordo representa pa miembro di directiva di ASU sra. Melissa Noguera.

Un palabra di gradicimento pa tur trainers / coaches, boluntarionan y Sponsors cu a haci e evento un EXITO pa e muchanan.

custumber nos acto dignitario e invita bishita e Ollé Dankerlui, y na lo diahuebs 5

Cambia perspeCtiva toCante obesidad: sa bo number y midi bo peso

Na Aruba mas di 75 % di e poblacion di 20 aña of mas tin sobrepeso of obesidad, cu’n 43% di sobrepeso y un 36% di obesidad ( Investigacion di Salud, GOA, 2017, DVG). Esey kiermen cu mas of menos 1 den cada 3 di nos poblacion adulto di 20 aña of mas, ta sufri di obesidad. Lastimamente majoria di nos no ta consiente di nos peso real y su consecuencia pa cu nos salud. Tin sobrepeso of obesidad ta un factor di riesgo grave pa desaroya malesanan cardiovascular y diabetes tipo 2 y ta un contribuyente grandi pa morto prematuro.

E indice di masa corporal real (BMI) promedio di e poblacion entre 25 y 64 aña ta 30.1 kg/m2, indicando cu e persona promedio na Aruba ta obeso.

E investigacion di Salud na 2017 haci door di DVG a indica cu ora compara e BMI cu e percepcion di e persona su propio peso,

ta keda bon kla cu hopi hende tin un percepcion robes y en realidad tin mas peso cu e ta pensa.

Pa esnan cu ta pensa cu nan ta flaco di mas en realidad 60% tin peso normal, y pa esnan cu ta pensa cu nan tin peso normal en realidad 73% tin sobrepeso.

Esnan cu ta obeso, un den cada 3 ta pensa cu nan tin sobrepeso y no ta realisa cu en berdad nan ta obeso. E percepcion robes aki por ta hopi negativo pa e salud.

Pesey cu e campana SABONUMBER nos di DVG, IBiSA y POHers kier consientisa nos poblacion y encurasha tur hende pa midi en realidad nan peso. Bo tin obesidad na momento cu bo tin un acumulacion exceso di vet cu ta forma un peliger pa salud. Un di e metodo pa determina obesidad ta e midi di cintura.

Si bo ta hende homber

102 cm (40 inch) of mas of hende muher cu un midi di cintura 88 cm (35 inch) of mas, bo tin vet di mas rond di bo cintura.

Por fabor acudi na DVG Aruba su plataforma di media social Facebook of Instagram pa nos video cu ta demonstra con pa midi e cintura.

Obesidad y vet dimas rond di cintura ta hisa bo riesgo pa haya malesanan cronico manera diabetes (malesa di sucu), presion halto, problema di lomba y rudia, malesa di curason y ader y cierto tipo di cancer.

y bo midi di

Obesidad ta un resultado di diferente factor paden y pafo di nos control.

Factornan biológico y genético ta pone algun di nos na mas riesgo. E ambiente físico y social tambe por impacta e abilidad di un persona pa por hiba un bida saludabel y kisas expone e

persona na cuminda insaludabel. Den nos próximo articulo lo elabora mas riba e parti aki.

Pa mas información acudi na bo dokter di cas, POHers, DVG, of IBiSA of bishita e website: www. worldobesityday.org