GOBERNADOR TA APUNTA FORMADORNAN
Despues cu riba 27 di december 2024 e informador, señora Tisa LaSorte, a entrega e relato final y e declaracion di boluntad (‘bereidwilligheidsverklaring’) di AVP y FUTURO pa formacion di un gabinete nobo na Gobernador di Aruba, Su Excelencia Alfonso Boekhoudt, awe señor Michiel G. Eman, lider di partido AVP, y señora Gerlien L. Croes, lider di Partido FUTURO, a wordo ricibi pa Gobernador den cuadro di e procedura di formacion. Señor Eman y señora Croes a wordo postula como candidato pa formador door di AVP y FUTURO respectivamente.
Di acuerdo cu e “Landsverordening integriteit ministers di 17 december 2021 (AB 2021, 203)”, e dos candidatonan formador a wordo someti na un investigacion hudicial y tambe un investigacion di seguridad estatal cu nan consentimento. A comunica e resultado di ambos investigacion na Presidente di Conseho Consultativo (Raad van Advies) y na Gobernador.
En bista di e relato final di e informador, e declaracion di boluntad firma y e resultado di e investigacion hudicial y e investigacion di siguridad estatal riba ambos candidato-formador, Gobernador Boekhoudt a nombra señor Eman y señora Croes como formador diamars 14 di januari. Gobernador a pidi nan pa forma un gabinete stabiel cu tin confiansa di e fraccionan di AVP y FUTURO den Parlamento y cu ta consisti
di personanan cu ta dispuesto y capaz pa implementa un maneho financiero-economico solido, cu atencion pa costo di bida na Aruba. Parti di e encargo di formacion ta trahamento di un acuerdo di gobernacion entre AVP y FUTURO y un reparticion di cartera denter di e gabinete nobo. Finalmente, e eligibilidad di candidatonan pa e funcion di minister y di minister plenipotenciario mester wordo evalua previamente a base di e exigencianan y proceduranan stipula den e “Landsverordening integriteit ministers”. Mas tarda pa dia 18 di februari proximo e formadornan mester informa Gobernador Boekhoudt por escrito tocante nan conclusionnan. Mientras tanto e formadornan lo informa Gobernador verbalmente, of si ta necesario por escrito, tocante e progreso den implementacion di e encargo di formacion.
A informa e lidernan di fraccion den Parlamento por escrito tocante di e encargo di formacion y di e echo cu señor Eman y señora Croes a tene esaki na consideracion. Si acaso e formacion ta exitoso, e formadornan, manera ta custumber, lo acepta e encargo oficialmente. A haci un apelacion na e lidernan di fraccion den Parlamento pa duna nan pleno cooperacion den cumplimento di e encargo di formacion.
Persbericht 14 januari 2025
GOUVERNEUR WIJST
FORMATEURS AAN
Nadat de informateur, mevrouw Tisa LaSorte, op 27 december 2024 haar eindverslag en de bereidwilligheidsverklaring van AVP en FUTURO voor de vorming van een nieuw kabinet heeft overhandigd aan de Gouverneur van Aruba, Zijne Excellentie Alfonso Boekhoudt, zijn vandaag de heer Michiel G. Eman, partijleider AVP, en mevrouw Gerlien L. Croes, partijleider FUTURO, in het kader van de formatieprocedure door de Gouverneur ontvangen. De heer Eman en mevrouw Croes zijn door AVP, respectievelijk FUTURO, voorgedragen als kandidaat-formateur. In lijn met de Landsverordening integriteit ministers van 17 december 2021 (AB 2021, 203) zijn beide kandidaat-formateurs, met hun toestemming, onderworpen aan een justitieel onderzoek alsook aan een staatsveiligheidsonderzoek. De uitkomst van beide onderzoeken is medegedeeld aan de voorzitter van de Raad van Advies en aan de Gouverneur.
Gezien het eindverslag van de informateur, de getekende bereidwilligheidsverklaring en de uitkomst van het justitieel onderzoek en het veiligheidsonderzoek naar beide kandidaat-formateurs , heeft Gouverneur Boekhoudt op dinsdag 14 januari de heer Eman en mevrouw Croes aangewezen als formateur. De Gouverneur heeft hun verzocht een stabiel kabinet
te vormen dat het vertrouwen geniet van de Statenfracties van AVP en FUTURO en dat bestaat uit personen die bereid en in staat zijn gedegen financieeleconomisch beleid te voeren, met aandacht voor de kosten van het levensonderhoud in Aruba. Onderdeel van de formatieopdracht is het opstellen van een regeerakkoord tussen AVP en FUTURO en een portefeuilleverdeling binnen het nieuwe kabinet. Tot slot dient de benoembaarheid van kandidaten voor het ambt van minister en van gevolmachtigde minister vooraf getoetst te worden aan de hand van de in de Landsverordening integriteit ministers vastgestelde vereisten en procedures. Op uiterlijk 18 februari 2025 dienen de formateurs schriftelijk te rapporteren aan Gouverneur Boekhoudt over hun bevindingen. In de tussentijd zullen de formateurs de Gouverneur mondeling of zo nodig schriftelijk informeren over de voortgang in de uitvoering van de formatieopdracht. De fractieleiders in de Staten zijn schriftelijk in kennis gesteld van de formatieopdracht en van het feit dat de heer Eman en mevrouw Croes deze in beraad hebben gehouden. Indien de formatie slaagt zullen de formateurs, zoals gebruikelijk, de opdracht formeel accepteren. Aan de fractieleiders is een beroep gedaan om alle medewerking te verlenen ter uitvoering van de formatieopdracht.
Dialuna mainta a drenta informe di un accidente na Paradera, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda
un chauffeur cu mester pasa su rijexamen no a regula su velocidad ni a mantene distancia a bay dal tras di e auto su dilanti. Afortunadamente ningun hende a resulta herida.
Discurso Di Minister MaDuro coMo
ViceMinister PresiDent na ocasion Di entiero Di sr. Jan HenDrik albert “Henny” eMan
Nos ta reuni awe pa rindi un homenahe y respet na Jan Hendrik Albert "Henny" Eman, cu tabata un persona importante den e historia politico y desaroyo di Pais Aruba. Henny Eman a nace dia 20 di maart 1948 denter di un famia politico cu a funda e partido cristian democrata AVP. Henny a continua cu e compromiso familiar y a lidera e partido AVP y Pais Aruba na varios ocasion.
Na momento cu Aruba a logra Status Aparte dia 1 di januari 1986, Henny Eman a bay den historia di Aruba como e prome MinisterPresident di un Aruba autonomo. Su liderato durante e periodo ey tabata enfoca riba stabilisa y reanima economia di Aruba despues cu e refineria di LAGO a cera.
Henny a sirbi den tres termino como MinisterPresident di Pais Aruba, durante añanan 1986 pa
1989 y dos biaha durante di añanan 1994 pa 2001. Tambe Henny tabatin un rol significante den Parlamento di Aruba den oposicion. Durante su carera politico, Henny a demostra su amor pa nos Pais, su fe den progreso y e tabatin un compromiso pa logra bienestar di Pais Aruba.
Den e ultimo etapa di su bida, Henny a dedica su tempo pa guia y prepara e generacion nobo di lidernan di e partido AVP. Henny a wordo reconoci tambe na nivel internacional cu distincionnan di e Orden Francisco de Miranda di Venezuela y Officier in de Orde van de Nederlandse Leeuw di Hulanda.
Den nomber di Gobierno di Aruba, como gobernante y como politico nos ta reconoce y duna credito na un persona cu a dedica gran parti di su bida
na desaroyo politico na Aruba formando parti di e diferente institutonan democratico di Pais Aruba. Ser un gobernante den funcion y special den un Pais chikito tin su retonan, sacrificio y ta tuma hopi energia y boluntad di esnan cu ta scohe pa haci esaki. Esaki ta conta mas aun pa un persona cu ta lider di un partido y cu a fungi na diferente ocasion como Minister President di Pais Aruba. Ta hopi esfuerso lidernan di partido tq haci pa mantene partido hunto, gobierno hunto y pueblo bon informa pa mustra un solo liña di maneho. Un trabou cu hopi biaha no ta wordo aprecia, pero
ta un hecho cu mester tin hendenan dispuesto y cu ta scohe pa hasi e trabou aki.
Apesar cu Henny a sali di un famia cu un trayectoria politico, e como persona, mester a tuma un decision dado momento di continua riba e caminda di sirbi su Pais. Poniendo su mes asina na disposicion di e Pueblo di Aruba. Pa esaki den nomber di Gobierno di Aruba nos kier a gradici su persona pa e dedicacion y trabou aki na bienestar di Pais Aruba.
Un danki tambe ta bay na su famia cu a permiti y a sostene Henny durante e añanan den su funcion
politico na Aruba. Dia 6 di januari 2025, Henny Eman a fayece na edad di 76 aña. Su trabou, contribucion y legado lo keda semper como un parti importante den historia di Pais Aruba.
Den nomber di Gobierno di Aruba, nos mas profundo condolencia na Henny su casa, yiunan, famia, amigonan, conocirnan, pueblo di Aruba, tur miembro y simpatisante di AVP cu e perdida di Henny. Henny danki pa tur locual bo a haci pa Pais Aruba. Cu e alma di Henny descansa na paz.
Noticia di Corte PERSONAL di CEA y KiA MESTER A
ACTUA CONTRA UN TATA CU A RANCA BAy RiBA ABOgAdO dEN CORTE
Awe mainta den sala di Corte, por poco situacion a bay completamente for di man. Na dado momento dos miembro di famia y tata di e victima di tira mata, Sharuri Petronia a lanta bay riba e abogado di e acusado Principaal.
SOLO DI PUEBLO por a compronde cu door cu e abogado a haci cierto expresion di su cliente, e famia di e victima no a gusta y a lanta pa bay confronta e abogado. Un miembro di CEA y dos miembro di KIA a actua pa evita un confrontacion formal entre tata y famia di e victima Sharuri Petronia y e abogado di e acusado Principaal.
HOF MESTER CORIGI SENTENCIA
Awe Hof a trata e decision di Corte Supremo riba e sentencia di Hof contra Principaal, condena pa riba 4 Juni 2021 a tira Sharuri Petronia (19) mata den e cas caminda Principaal tabata keda na San Nicolas.
Ta asina cu Corte den Promer Instancia a usa e ley di adulto contra Principaal (17) y a conden’e
na 9 aña di prison. E sentencia a wordo apela y Hof despues di tratamento di e caso, a usa e ley hubentil contra Principaal y a conden’e na 4 aña di prison y tambe pa tratamento obligatorio den un instituto. E sentencia aki tambe a wordo apela y Corte Supremo na Hulanda a haya cu Principaal ta culpabel di a tira mata Sharury Petrona pero cu e castigo cu Hof a duna no ta corecto. Hof no por duna castigo di prison y banda di esey tambe tratamento obligatorio den un instituto. Corte Supremo a ordena Hof di Corte Superior pa drecha e sentencia.
FAMIA A LANTA CONTRA ABOGADO
Durante tratamento di e caso, abogado mr. Kock, di Principaal, a hiba palabra. Den sala di Corte tambe tata presente tata y famia di e victima Petronia. Tambe tabata presente e mama di Principaal. E abogado a haci cierto expression cu a pone e famia di e victima rabia. E abogado a bisa Hof cu e ta garantiza Hof cu Principaal no ta un asesino. Manera e abogado a expresa esey, e tata y famia di e victima Petronia
a cuminsa reclama den voz halto. Nan a lanta para y zwaai man den direccion di e abogado mustrando cu Principaal a tira Sharuri mata.
MIEMBRONAN DI CEA Y KIA A ACTUA
E tata, tabata masha hopi rabia y tabata reclama e abogado formal. E famia tambe a cuminsa reclama y tur a cuminsa cana bay den direccion di e abogado. Di biaha por a mira cu un miembro di CEA y dos cuidador di preso di KIA a actua. Un miembro di CEA y un miembro di KIA a cana bay riba e famia mientras cu e otro miembro di KIA a bay para dilanti e abogado, cara pa e famia cu tabata bay riba e abogado. E miembro di KIA a indica na e abogado pa e keda keto, mientras cu e otro dos miembronan a tene e famia y calma nan. E tres Huesnan cu ta forma Hof, Procurador General, Griffier a keda sinta tras di e mesa berde mira kico ta pasando. E traductor cu tabata sinta banda di Principaal, a lanta para y hala un banda. No a dura mucho cu e miembro di CEA y e dos miembronan di KIA tabatin e situacion bou di control.
MiNiSTER ThijSEN NA dEBATE dEN TwEEdE
Den Haag – Demisionario
Minister Plenipotenciario
mr. Ady Thijsen a presencia e debate den Tweede Kamer awe cu Secretario di Estado pa Asuntonan di Reino Zsolt Szabó. Tambe presente na e debate tabata
Minister Plenipotenciario di Sint-Maarten mr. Gracita Arrindell.
E debate riba diferente topico cu ta regarda e paisnan Caribense di Reino Hulandes tabata cu
e Comision pa Asuntonan di Reino di Tweede Kamer.
Nota pa redaccion: E potretnan ta cortesia di Arubahuis
Acuerdo entre HAmAs y IsrAel rIbA GAzA AIndA
Fuentenan cercano n'e negociacionnan a informa cu Israel y Hamas a yega na un acuerdo, aunke ainda no a wordo confirma oficialmente. E acuerdo aki ta tuma luga despues di mas di diescinco luna despues di e atake terorista di Hamas dia 7 di october 2023, cu a laga cerca di 1200 morto y 250 persona secuestra. Aunque ainda a haci un anuncio oficial, varios medio manera Reuters, CNN y e websitenan di noticia Israeli, a tuma nota di e progreso den e combersacionnan.
E detayenan di e acuerdo ta inclui un bahameto di arma di seis siman, caminda cu Hamas lo libera tres rehen pa siman, cuminsando cu un total di 33. Den e prime fase, ta
priorisa e rehennan bibo, en especial hende muhe y e hobennan menor di 19 aña, despues e curpa di e fayecidonan. E cantidad di prizonero Palestino libera lo depende di e cantidad di Israeli libera, cu un rango entre 990 y 1650 prizonero Palestino.
Fuera di esey ta premira cu 600 truck di ayudo humanitario drenta Gaza diariamente y e di tres fase di e acuerdo lo ta enfoca riba e reconstruccion di e region. E implementacion lo wordo supervisa pa Egipto, Merca y Qatar.
E gobierno Israeli lo vota riba e acuerdo diahuebs, dia 16 di januari, loke ta considera como un paso cas
AtrAco cu mAltrAto severo nA Zeewijk e victimA
A core bAy te wArdA di polis!
Dialuna anochi un persona a presenta na warda di polis San Nicolas. E la declara cu
un rato prome ela wordo maltrata y horta. Lo ta trata di 3 hende homber desconoci y e incidente lo
mester a pasa na altura di Zeewijk.
E sospechosonan e no por a wak nan cara. Nan lo a bay cu 2 cellular y cu mas o menos AFl 800,-. E sospechosonan lo a huy den un auto color blanco. Departamento di TBP a presenta como tambe polis technico y slachtofferhulp. E victima a wordo trata door di personal di ambulance na warda di polis mes. Polis tin e caso bao investigacion.
Diamars mainta a drenta informe di cu un dama lo a bira malo na trabao, mesora a dirigi un ambulans na e sitio. Na yegada di e ambulans nan a atende e persona y ora nan a bay bah'e for di e ambulans ela bolbe bira malo y e biaha aki si mester a transporte pa hospital.
ArubA bAnk A iniciA celebrAcion di 100 AñA cu fiestA di AñA nobo pA empleAdonAn
15 di januari 2025 – Aruba Bank a cuminsa su gran celebracion di 100 aña cu un fiesta di aña nobo pa su empleadonan, marcando e inicio di un aña dedica na honra e herencia di banco y pone bista riba futuro.
E anochi di alegria a tuma luga den un ambiente
di celebracion y a inclui un discurso special di Sharon Fränkel-de Cuba, Managing Director di Aruba Bank. Sharon a expresa gratitud na su empleadonan, y a describi nan como e “motor di e banco.”
“Durante e 100 aña cu a pasa, Aruba Bank a sirbi
como un pilar di nos comunidad, y e confiansa ta e fundeshi di nos exito. Mientras nos ta celebra e momento special aki, nos mester honra nos experiancia sin igual como pioneronan den e mundo bancario y continua inova pa sigui move pa dilanti,” el a expresa.
Empleadonan y invitadonan a participa y e “dresscode” pa evento tabata color blauw, cu ta simbolisa nos marca.
E anochi tabata yen di
entretenimento, cu a inclui presentacion di Buleria y Skale, cu a crea un ambiente festivo y bon ambiente.
Mientras Aruba Bank ta celebra un siglo di excelencia, e banco ta spera
un aña yen di evento di celebracion, reafirmando su compromiso pa sirbi comunidad Arubano cu profesionalismo, inovacion, y enfoke riba construi un futuro mas briyante.
Accidente entre dos pick-up cu hende
Diamars merdia a drenta informe di un accidente cu hende herida na Washington. Mesora a dirigi un patruya na e sitio. Na yegada di e patruya a bin compronde cu aki ta trata di un accidente entre un Nissan pick-up y un Toyota pick-up. Na yegada di e ambulans a atende cu e victima.
“The Influencer Teacher”, esaki ta e tema di Instituto Pedagogico Arubano (IPA) su open dag 2025 cu lo tuma luga diasabra 1 di februari di 10:30 am - 1:30 pm na IPA (Isaac Wagemakerstraat 11, San Nicolas). Riba e dia aki IPA ta habri su portanan pa tur persona cu kier descubri mas di e rol crucial y e influencia grandi di maestro den enseñansa. Nos kier pa abo, cu tin e pasion pa bira maestro, bin combersa cu nos y si bo ta explora opcion di estudio, join nos y laga nos inspira bo.
Durante e open dag nos lo duna informacion di diferente estudio:
• e estudio pa Maestro di Enseñansa Primario,
• e curso di Certificacion Pedagogico Didactico (PDG),
y e dos trayectonan cortico pa maestronan cu actualmente ta trahando caba den scol preparatorio of scol basico pa nan por amplia nan cualificacion cu sea:
• e trayecto cortico pa Maestro di Enseñansa Primario
cu ta hiba na un autorisacion pa duna les na tur alumno di scol preparatorio y scol basico of
• e trayecto cortico pa maestro specialisa di Hulandes y Ingles pa Enseñansa Primario
Tuma nota cu cada estudio tin su grupo meta y orario specifico pa por haya informacion:
Estudio pa Maestro di Enseñansa
Primario
E estudio pa Maestro di Enseñansa
Primario ta forma maestro cu ta cualifica pa duna les na alumno di scol preparatorio y scol basico. Durante e open dag lo tin 2 sesion cu e bishitante lo por atende pa ricibi informacion di e estudio. E orario di sesion 1 ta 10:45 am y di sesion 2 ta 11:30 am.
Pa e estudio aki nos lo brinda the ‘whole experience’. E bishitantenan lo participa activamente na actividad cu nos docentenan di diferente area di formacion
(Matematica, Arte, Idioma y Comunicacion y Pedagogia) a prepara pa nan. Lo clausura e experiencia aki cu un presentacion di informacion general. Pa inscribi pa e estudio aki mester tin diploma di havo, vwo of mbo nivel 4 (of ta den examenklas di un di esakinan).
PDG
PDG ta un curso pa profesionalnan
cu ya caba ta dispone di un diploma riba nivel di bachelor of di master y cu kier continua nan carera den ramo di enseñansa. Pa medio di e curso di PDG e profesionalnan por desaroya competencia pedagogico y didactico. E orarionan cu bo lo por ricibi informacion general di e estudio aki ta sea 10:45 am of 11:30 am.
Trayecto cortico pa Maestro di Enseñansa Primario
E trayecto cortico pa Maestro di Enseñansa Primario ta un estudio specialmente desaroya pa maestronan cu ta trahando caba den scol preparatorio of scol basico y cu actualmente ta autorisa pa duna les na alumno di edad 4 - 8 aña of 6 - 12 aña. Cu e estudio aki nan por amplia nan autorisacion pa asina nan ta completamente cualifica pa duna les na alumno di 4 te cu 12 aña. E orario di sesion 1 ta 10:45 am y di sesion 2 ta 12:00 pm.
Trayecto cortico pa Maestro Specialisa di Hulandes y Ingles pa Enseñansa Primario
E trayecto cortico pa Maestro Specialisa di Hulandes y Ingles pa Enseñansa Primario ta un estudio specialmente desaroya pa maestro cu ta trahando caba den scol basico y cu actualmente ta autorisa pa duna les na alumno di 6 - 12 aña. Cu e estudio aki nan
por amplia nan autorisacion pa asina nan ta cualifica pa duna les di Hulandes y Ingles na alumno di klas 1 te cu klas 6 di scol basico. E orario di sesion 1 ta 10:45 am y di sesion 2 ta 12:00 pm.
Benta di pasaboca
Nos studiantenan di aña 3 di e estudio pa Maestro di Enseñansa Primario lo t’ey presente cu benta di pasaboca. Meta di esaki ta pa recauda fondo pa nan pasantia internacional cu ta forma parti di e curiculo di nan estudio.
Informacion
Pa keda altanto di tur e ultimo desaroyonan encuanto open dag y IPA en general, bishita nos pagina di facebook Instituto Pedagogico Arubano of nos website www. ipaaruba.com. Riba nos website tin un pagina cu yama open dag cu ta contene tur informacion relaciona cu IPA su open dag. Alabes tin storia cortico di nos studiantenan. Lesa e storianan y keda inspira pa scoge pa e profesion di maestro!
IPA ta invita henter comunidad di Aruba, specialmente tur persona cu ta interesa pa haci un estudio na IPA pa asisti na nos open dag. Probecha di e oportunidad pa haya tur informacion personalmente y haci pregunta. Bin combersa cu nos!
Carnaval Safe pa tur MuCha y hoben
Recientemente a tuma
lugar e lansamento di e di 3 edicion di e campaña di conscientisacion pa mayor y educador titula “Carnaval Safe pa tur Mucha y Hoben”. E campaña aki ta organisa door di e Comision Vision Pedagogico, cu ta consisti di 5 organisacion; Tienda di Educacion, Stichting Wit Gele Kruis, Departamento di Asunto Social, Fundacion pa Nos Muchanan y Fundacion Respeta Mi den colaboracion cu Universidad di Aruba su departamento di Social Work & Development.
E campaña tin como meta pa presenta y trece conscientisacion riba 7 punto pa mayor (nan) tocante con pa tene mucha(nan) safe durante Carnaval como tambe 7 punto pa mayor(nan) con pa tene hoben(nan) safe durante Carnaval.
E campaña aki tin 4 diferente area di concentracion cu ta; trece conscientisacion riba plataformanan social, workshops pa e sector publico y priva, un jingle/ video cu un mensahe
directo pa mayornan como tambe e presencia di e comision na varios eventonan di carnaval pa asina reparti e flyer cu e 14 diferente puntonan como tambe pa brinda conseho y sosten na tur presente. Cada area tin nan propio actividad nan pa asina yega na e meta di conscientisa mayornan y dunadonan di cuido di e importancia di nos muchanan y hobennan safety durante periodo di Carnaval.
E campaña di Carnaval 71 aki ta conta cu e sosten financiero di WEB Aruba N.V. como tambe CEDE Aruba cu a yuda cubri e gastonan pa asina haci esaki posibel. Un danki special na nan como tambe tur otro organisacion y departamento presente cu ta sostene e campaña di conscientisacion aki pa duna nos muchanan y
hobennan e oportunidad pa disfruta di Carnaval 71 na un manera safe. Nos ta reconoce cu e rol di mayor ta sumamente importante y p’esey kier sostene mayornan den nan tarea.
Por ultimo un danki special na SMAC cu tambe a duna su sosten pa nos por ta presente na varios eventonan di Carnaval pa asina por hiba e mensahe na nos comunidad.
E team completo kier a encurasha tur mayor y educador pa participa y apoya e campaña di conscientisacion aki pa asina hunto nos por tene nos muchanan y hobennan safe durante Carnaval 71.
Ban hunto contribui na un Carnaval safe pa tur nos muchanan y hobennan aki na Aruba.
Acuerdo historico pA k A b A ku e
konflikto di ekshum A shon entre p oloni A i
E prome minister polako, Donald Tusk, i e presidente ukraino Volodymyr Zelensky, a anunsiá diarason awor na Warsaw un akuerdo pa realisa ekshumashon di víktimanan di e Segundo Guera Mundial den teritorio ukraino, un asuntu ku a nubla e relashonnan bilateral di ambos pais den e ultimo añanan.
Den un conferencia di prensa conhunto na
Warsaw, ambos lider a expresa nan satisfaccion di a haya “un idioma y plan di accion comun riba e tema di e crimen di Volhynia”, segun Tusk, referiendo na e masacrenan di e polaconan den e region Ucraniano ey durante Mundial. Guera II. Tusk a ekspresá su gratitut na Zelensky pa su “kompromiso personal ku e asuntu aki” i a sigura ku e akuerdo ta e resultado di “un ehersisio di empatia mutuo.”
u kr A ni A
cAmArA di seguridAd A cAptA Accidente den pArkinglot di ArubA Vision center diAsAbrA Anochi
Dialuna mainta un persona a bin wak si e camara di seguridad por a capta e auto cu a dal un Hyundai Accent cu tabata para den parkinglot di Aruba Vision Center pa asina e claim su seguro. Pues a bin resulta cu si y a pasa esaki na polis y seguro. Awor polis lo presenta na su cas of trabao pa atende cun’e e accidente aki. They caught you on tape.
chauffeur no a regula su velocidad ni mantene distancia a bay dal tras di auto na guyabastraat dakota
Diamars mainta a drenta informe di un accidente na Dakota, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda e chauffeur di un Kia Sportage no a regula su velocidad ni a mantene distancia a bay dal tras di un Kia Rio.
Afortunadamente ningun hende a resulta herida.
HCLF kier s C u CH a di bo:
Yuda Forma parti di e siguiente pod Cast pa H oben
Despues di 4 aña, HeartCentered Leadership Foundation (HCLF) ta trece bek su podcast di hoben pa hoben “VOX: voice of youth making an impact” HCLF ta kere den e balor di brinda hobennan un
plataforma unda nan por uza nan bos pa inspira y crea un impacto. Un di e maneranan cu HCLF ta traha riba esaki ta cu su podcast pa hoben. Na final di 2019, HCLF a lansa e podcast VOX cu meta pa amplia e bos di hoben y
stimula nan participacion den temanan cu ta importante. E aña aki HCLF ta trece e podcast bek cu un concepto nobo y ta en busca di hobennan cu lo kier forma parti di e podcast: sea dilanti
camera of patras. Pa hobennan, esaki ta un oportunidad pa desaroya diferente habilidad, entre otro engrandece nan confiansa pa
expresa nan mes of uza nan talento of pasion pa traha cu camera, sonido y filmacion di e podcast. HCLF ta den su fase di preparacion y ta haci un invitacion pa hobennan cu ta interesa den forma parti di e podcast pa un sesion
tipo “think tank”. Durante e sesion aki, nan lo por conoce e concepto di e podcast di cerca, comparti nan ideanan riba e topiconan di e temporada nobo, y siña con por forma parti di e produccion di e podcast VOX. Hobennan y hobennan adulto di 13 pa 30 aña por participa den e sesion ‘think tank’. E sesion ‘think tank’i ta tuma luga diabierna, 24 di januari 2025 na Teresita Center, di 10:00 am pa 12:30 pm. Participacioni ta completamente gratis. Hobennan cu ta interesa di forma parti di e sesion por registra door di manda HCLF un whatsapp na +297 5841211 of via HCLF su website www.hclfaruba.org/ourevents
Tocante HCLF: HCLF ta un fundacion cu a keda estableci na 2008 cu e meta pa inspira y empodera hobennan di Aruba. Desde 2012 e fundacion ta ofrece diferente tayer, actividad y programanan impactante unda
CUBA LO LAGA 553 PRESO
DEN LIBERTAD DESPUES DI INTERMEDIACION DI VATICANO
Gobierno Cubano a anuncia diamars awor e liberacion di 553 persona “sanciona pa diferente delito”, despues di e intermediacion di Vaticano cu e Ehecutivo insular. Segun un comunicado di Ministerio di Relacionnan Exterior di e pais Caribense, e mandatario, Miguel Díaz-Canel, a comunica e decision na Papa Francisco “den e prome dianan di januari” despues di “un analisis cuidadoso basa riba e diferente modalidadnan contempla pa e ley”. " ».
Prisoners Defenders y
Justicia 11J, e NGOnan principal cu ta conta y documenta presonan politico na Cuba, a ricibi cu scepticismo e anuncio di Havana cu lo laga 553 preso den libertad despues di yega na un acuerdo cu Merca media pa Vaticano.
Hues 11J a enfatisá den un deklarashon ku e sifra anunsiá pa e Ministerio di Relashonnan Eksterior di Cuba, asta si nan tur tabata prizonero pa motibunan polítiko, lo nifika ku sientos di hende enkarsela djis pa ekspresa nan opinion of manifesta lo keda tras di trali.
DAMA TURISTA A BOLTER CU QUADRACER PATRAS DI
KAPEL DI ALTO VISTA Y APARENTEMENTE A KIBRA SU PIA
Dialuna merdia a drenta informe di un accidente cu hende herida panort di Kapel Alto Vista, mesora
a dirigi tanto polis como ambulans na e sitio. Na yegada di e patruya a bin compronde cu un dama
turista durante un tour cu quadracer ela dal na un piedra bolter cu e quadracer mescos cu un
koprolora ela cay e lo a kibra su pia. Na yegada di ambulans e tabata keha di hopi dolor ora a spalk e. Ambulans a caba di atende den e ambulans nan a transporte pa hospital pa atencion medico mas avansa.
UNICEF TA DENUNCIA MORTO DI 120
MUCHA DEN ATAKENAN DI ISRAEL DURANTE E ULTIMO 15 DIANAN
Nashonnan Uni a denunsia diarason awor e morto di 120 mucha palestino den atakenan realisa pa e ehersito israelita kontra e franja di Gaza durante e ultimo 15 dianan i a reitera su yamada pa un paro di fuego, meimei di negosiashonnan indirekto entre e gobierno israelita i e Movementu di Resistensia Islamiko (Hamas).
“Durante e ultimo 15 dianan, 120 mucha a fayece na Gaza”, segun e oficina di Medio Oriente y Norte Africa di Fondo di Nacionnan Uni pa Mucha (UNICEF) a traves di su cuenta riba e stand di e red social. “E muchanan mester di un paro di fuego awor,” el a konkluí.
Mas ku 40 misil ruso ta buska pa destruí
e sistema di energia di Ukrania
Rusia a usa mas di 40 misil y alrededor di 70 drone den su atake contra Ucrania, cu tabata principalmente dirigi contra infrastructura y e sistema energetico, segun a informa pa e presidente Ucraniano, Volodymyr Zelensky, riba su rednan social. Zelensky a splika ku por lo ménos 30 di e misilnan aki a wordo destruí pa defensanan di Ukrania.
«Otro atake masal for di Rusia. “Nos ta meimei di wenter i e ophetivo pa e rusonan ta keda meskos: nos sistema energétiko,” Zelensky a skirbi, agregando ku
entre e metanan tin infrastruktura di gas. Segun e Forsa Aéreo di Ukrania, Rusia a usa 43 misil, mayoria di nan
misilnan krusero, i 74 drone den e bombardeo. Trinta di e misilnan i tur e dronenan a wordo neutralisá
Pelicula “ e Berguensa”, des P ues di 10 aña P remia cu P remio “Kadushi
di o ro” na c orsou
Despues cu 10 aña pasa e tawata produci pa Desiree Croes y filma pa Ishmedia production, e pelicula cortometrahe “E Berguensa” ta ricibi e prestigioso premio di pelicula “Kadushi di Oro 2024” den Krioyo Film Festival na Corsou. For di e organisador sr. Atalita, e productor y actornan a ricibi e premio na Aruba. Krioyo Film Festival, Corsou
E prome edicion di Krioyo Film Festival tawata na october y november 2024 na Sambil, Corsou. E di dos edicion lo ta e aña aki na Aruba. Prepara
e produccionnan pa participa.
E Berguensa E pelicula “E Berguensa” tawata filma na 2015 den e bario di Ayo y e rolnan principal tawata Addonsito Croes, Saphire Croes, Maroeshka Cornelie, Ingrid Eduarda, Lelicia Tromp y Lilian Besselink “ShiPreke”.
E storia ta tocante
Mario Felipe, un mucha homber special cu a nace a consecuencia di incest den famia den añanan 60 na Aruba. Mario Felipe tawata “E Berguensa” di e famia.
Berea Productions
Berea Productions ta parti di e Fundacion pa concientisa hubentud. Desde su nacemento, Berea a produci peliculanan na Aruba manera: E maleta Ros, E Berguensa, Sorry mami, No bay fo’i mi,
Lus riba lama, No Mas, E Carta y A-11. E Bruha, Bruha Dianan 27, 28 y 29 di maart 2025, den Principal Theatre na San Nicolas, Berea lo ta lansando den Aruba su luna nacional e
pelicula largometrahe E Bruha, Bruha.
Publico ta keda invita pa apoya nos produccion nobo cu ta priminti di bira un pelicula pa ta orguyoso di dje.
Intento pa estafa e prome
m I n I ster d I t ha I land ku
I ntelI gens I a artI f I s I al I e bos d I un l I der as I at I ko
Prome Minister di Tailandia, Paethongtarn Shinawatra, a informa diaranson awor cu nan a purba di estafa esaki pa medio di un yamada telefonico y servicionan di mensahe mobil, den cual
nan a imita e bos di un presidente di Sureste Asiatico cu e uzo di Inteligencia Artificial (IA).
Shinawatra a splika ku el a risibí notanan di bos riba su telefon celular den kua
nan a poseé komo e presidente di un pais bisiña –loke el a prefera di no spesifika –, kende a puntra tokante un donashon i a sigura ku Thailand tabata e uniko pais di Sureste Asiatiko ku no a a kontribuí. «E estafadónan a usa inteligensia artifisial pa imitá e
e lider
Chauffeur no a regula su velo CI dad
n I mantene d I stan CI a a bay dal tras d I
auto na pav I a
Dialuna mainta a drenta informe di un accidente na Pavia, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda e chauffeur di un Pick-Up Suzuki D-Max no a regula su velocidad ni a mantene distancia a bay dal tras di un Suzuki Swift. Afortunadamente ningun hende a resulta herida.
FORTALEZA PA FAMIA Scirbi pa Pastor Marcel Balootje. DEN MATRIMONIO Y FAMIA, MAYOR Y
YIU TA REPRESENTA OTRO
Tin algo cu basta dia a sali for di man, y cu ta alarmante den nos sociedad, y cu nos a laga tempo y moda domina nos, pasobra tur locual nos mira hende ta haci, nos kier haci, pero esnan cu tin temor di Dios, y cu no ta bay tras di locual e mundo ta haci a scapa di esaki.
Si un homber ta bebe burachi tur dia of ocasionalmente , e ta keda un berguensa pa su famia, ora e ta maneha bao di influencia y polis ta kita rijbewijs for di dje, of e ta bay sera full un weekend pa motibo di buracheria, of mas peor e ta causa accidente cu consecuencia
ferfelo pa su prohimo, y tambe e ta ranca palo di lus y hinca su curpa den un debe.Tur e cosnan ey ta trece disgusto den famia.
Ora un mucha ta rebelde y cu un actitud degenera, cu palabra malo, cu bringamento, cu canamento cu arma, polis ta buske cada rato, pa e nomber di bandido cu e ta carga, E kier haci bendemento di droga su ofishi, sabiendo cu e ta completamente ilegal toch e kier purba su suerte cu maldad y inmoralidad. Cada rato e ta cay sera pa su malcomportamento, esey tambe ta un dolor pa famia.
Nos yuinan ta nos rikesa ta nos herencia, ora hende mira nan , e hende ta mira nos, nan ta nos representante, pasobra nan ta fruta di nos matrimonio, y nos kier wordo reconoce como un mata cu ta duna bon fruta. Pasobra den esey nos ta demostra nos cu nos relacion cu Dios ta bon.( Juan 15:5).
Nos esposa/esposo semper mester duna un bon ehempel, pa asina demostra fieldad den tur cos, y pasobra esey ta locual Dios ta exigi di tur matrimonio, pasobra locual Dios a uni no laga ningun hende separa. Semper netji y na ordo y cu
un bon conducta, cual ta ehempel y testimonio,pa e famia.
Pero awor tur hende por nota caminda e enemigo a drenta y ta ciega hende, pasobra nan ta bay mas tras di moda, y perversidad, perdiendo berguensa y cuminsa bisti di un forma cu no ta digno pa representa famia y matrimonio.
Un muher casa, ta pertenece na un solo homber, y e muher aki no tin nada di demostra di su curpa na otro hende, por ehempel e tipo di bisti cu tin awor aki caminda un hende muher ta cana cu casi tur dos su pechonan afo y asina demostra su mes curpa na otro hende, pasobra pecho ta keda un parti intimo di su curpa , pasobra ora hende casa nan ta un solo carni den tur cos.( Genesis 2:24-25).
Ta con nos por acepta cu un hende ta bay traha cu
tipo di panja cu henter dia nan pechonan ta keda demostra den cara di nan colega, manera un inivtacion sin respet, of manera un hende cu a perde e direccion di decencia. Shimis y saya cortico den cual si algo cay for di dje e no por buk,of tipo di carson cu ta demostra tur cos na su curpa. Tur e cosnan aki ta cay bao di ramo di perversidad. Esaki ta conta igualmente pa nos yuinan ora nan ta sali riba caya.
No sea conforme e mundo aki, ma sea transforma, pa medio di renobacion di boso mente , y pa boso por comproba kico ta e bon y agradabel y perfecto boluntad di Dios. (Romanonan 12:2).
No lubida cu nos curpa ta tempel di Dios y e Spirito di Dios ta biba den dje.
Sinceramente, Pastor Marcel Balootje.
Gradicimento y Invitacion
Un feliz dia y cu Dios colma boso cu Su bendicion abundantemente
"Mi mester predica e Bon Noticia tocante Reino di Dios den e otro pueblonan tambe, p’esey a manda Mi!.” Lucas 4,43
Hesus a bini na mundo pa siña Su discipelnan tocante e Reino di Dios.
Cu Su palabranan Hesus ta proclama binida di e Reino y cu Su actonan E tawata demostra cu e Reino tey caba y mesora E ta haci un milager di sanacion pa confirma cu berdaderamente e Reino tey. Mescos Hesus ta spera di cada un di nos cu ta Su discipelnan. Nos ta nada otro cu sirbidonan cu a yega na fe pa medio di Hesus. Nos cada un tin cu haci e trabou cu Dios a duna nos guia pa Spirito Santo. No mag di tin envidia, division, ni pleitamento entre nos pasobra riba nos propio forsa nos niun no por haci nada. Tambe nos tin cu bay na unda Dios manda nos. Nos tur ta compañero den e trabou di Dios y Dios lo sa di recompensa cada un di nos pa e sirbishi den man di Dios. Animo rumannan pa sigui traha den e cunucu di Señor y asina gana alma pa Señor.
Oracion: Hesus nos Gran Maestro, instrui nos pa medio di Bo Spirito Santo y cu Bo luz ilumina nos mente y duna nos sabiduria pa nos por proclama Bo Palabra cu hopi curashi y humildad pa asina nos por ta un instrumento util den man di Señor pa sigui edifica
Pa medio di esaki famia kier a gradici tur esnan cu na un manera of otro a duna nos sosten, consuelo y forsa
durante e tempo dificil cu e fayecimento y entiero di nos defunto stima:
Jose Rosendo Tromp
Boso muestra di atencion ta di hopi aprecio y un gran sosten pa nos. Un danki na un y tur cu a manda carchi, krans, whatsapp, email y a hasi yamada nan telefonico.
Tambe na Aurora Funeral Home pa cu su bon servicio y atencion.
Boso muestra di atenshon tabata un gran consuelo pa nos.
Na mes momento nos ta invita famia, bisiña-, amigoy conocirnan pa compaña nos na un Santo Sacrificio di Misa na misa Inmaculada Concepcion; diasabra 11 januari, diasabra 18 januari y diabierna 24 januari Boso presencia ta altamente aprecia.
