GOBIERNO
(CAFT)
GOBIERNO DI ARUBA A RICIBI PALABRA
DI ELOGIO DI COLLEGE
ARUBA FINANCIEEL TOEZICHT (CAFT)
CAft ta impresiona cu e crecemento di turismo na Aruba cu a conduci na e crecemento economico di e pais
Diabierna 13 di september
Conseho di Minister a reuni cu CAft unda pa prome biaha e miembro nobo pa Aruba den CAft, señor Marion Agunbero a participa. Durante e reunion, CAft a duna palabranan di elogio na Gobierno y tawata hopi impresiona cu e crecemento di e turismo na Aruba cu a conduci na e crecemento economico di e pais.
Diversificacion di Eonomia
Un punto cu CAft a subraya durante e reunion ta e vulnerabilidad di Aruba pa motibo cu ainda no a diversifica e economia suficiente. “Y nan tin rason, esey ta algo cu den e tempo nos dilanti, e gobierno despues di Gabinete Wever-Croes II, lo mester sigui traha riba dj’e. Claro cu nos tin nos plannan y vision caba si en caso nos ta e gobierno cu ta continua”, Prome Minister
a menciona.
Elogio di CAft tambe riba aspecto financiero
Riba aspecto financiero tambe CAft a elogia Gobierno. E elogio tawata riba e entradanan y riba e gastonan di Gobierno pa loke ta trata gastonan di personal, esaki totalmente contrario na algun aña pasa.
Aruba ta paga mas interes compara cu Corsou Otro punto importante cu CAft a trece dilanti ta e interes halto cu Aruba ta paga. Aruba ta paga como 300 miyon florin na interes y si compara esaki den porcentahe, e debe di Aruba awor ta rond di 75% y esun di Corsou despues di a haya kwijtschelding na aña 2010 ta na 65%. E interes cu Aruba ta paga ta alrededor di 18% di e entradanan di e pais siendo cu Corsou ta paga apenas 4% di su entradanan.
Aruba nunca a haya kwijtschelding
Esaki ta debi na e kwijtschelding, cual ta e saneamento di tur debe cu Corsou a haya na aña 2010, pero tambe debi na e interes abou cu Hulanda a duna Corsou pa tur e fiansanan despues di esey. Aruba su situacion ta diferente pasobra Aruba no tin un rijkswet y a haya Status Aparte na aña 1986 y Corsou na aña 2010 y Aruba nunca a haya kwijtschelding di niun di
su debenan.
Prome Minister: “Mi ta contento cu recientemente nos a yega na un acuerdo cu Hulanda unda den futuro Hulanda ta dispuesto pa refinancia nos debe bieu na un interes abou. P’esey nos tin cu finalisa e negosacionnan, traha hopi duro pa wanta nos finansas publico manera cu nos a bin ta gobernando ultimo tempo,
y asina nos interes lo baha di 18% pa 4%. Cu esaki tur aña Gobierno por tin 200 miyon florin extra den caha pa inverti den pais Aruba y yuda esnan mas vulnerabel. Mi ta spera cu nos por logra mantene e desaroyo positivo y responsabel aki riba e tereno financiero pasobra a asina so por logra cosnan grandi pa bo país”.
Y SU EKIPO DI
FINANSA A REUNI CU E COLEGIO DI SUPERVISION FINANCIERO CAFT
“CAFT cu palabranan di elogio pa mira con Gobierno di Aruba ta tratando cu presupuestonan di pais Aruba”
Diabierna 13 di September, Minister di Finansa y su ekipo di finansa a reuni cu e Colegio di Supervision Financiero CAFT e biaha aki den su constelacion cu ta contene tambe e miembro nobo pa Aruba señor Marion Agunbero. Minister di Finansa a remarca cu na un base regular ta reuni cu CAFT pa asina informa e colegio entre otro kico ta e trabounan cu ta wordo haci pa mehora e maheno financiero di pais Aruba.
Un punto di agenda hopi importante cu a wordo trata ta e proyectonan en conexion cu e Landspakket, tema A, di cual cu ta contene un cantidad di accion cu ta wordo tuma pa e mehoracion di finansa publico entre otro introduccion di un ‘Three lines of defense’ pa asina por mehora e parti di administracion financiero di pais Aruba.
Tambe a descuti riba e risiconan pa loke ta bira e trabounan cu ta wordo haci pa e ‘deelneming en participatie beleid’ pa midi e risiconan di e NVnan di Gobierno pa cu presupuesto di pais Aruba.
Trabounan grandi cu ta wordo haci di cual tambe e ultimo aki tin di haber cu e rapport cu recientemente Algemene Rekenkamer Aruba a trece dilanti di cual preocupacionnan ya caba a haya e atencion debido y a cuminsa traha riba nan adelanta den cuadro di e landspakket y e mehoracionnan di e parti di e maneho financiero di pais Aruba.
Pa locual ta trata e supervision di maneho financiero, a informa CAFT tambe riba e trabounan pa e nota di fin di aña di 2024 pa finalisa esaki pronto pa cuminsa e trayecto pa haya
e conseho entre otro di CAFT y Raad van Advies pa despues por entrega esaki ainda na Parlamento pa su tratamento prome cu fin di aña.
Den esaki tambe ta importante pa menciona cu CAFT tabata tin palabranan di elogio pa mira con Gobierno di Aruba ta tratando cu presupuestonan di pais Aruba sigur pa e echo cu ya caba Presupuesto 2025 ta entrega na Parlamento. Ya caba nan tin un bon opinion con esaki ta hinca
den otro, e bista cu e ta duna multianual pero tambe e parti cu e ta cumpli cu e normanan y sigur ta trata cu e risico mas grandi cu tin cual ta e debe di pais Aruba. Esaki CAFT tambe ta mira cu na un manera acelera ta wordo baha y pa esaki tambe CAFT tabata tin palabranan di elogio.
“E reunion hunto cu CAFT tawata uno fructifero. Nos tin un bon comunicacion y den cual nos ta trata topiconan cu nan por a mira cu transcurso di e añanan tin un mehoracion,
un adelanto grandi pa locual ta e mehoracion di e parti di organisacion. Tambe ta refleha e resultado financiero unda ta wak e surplusnan, pero tambe un disciplina di entrega presupuesto na tempo y di tene nos mes na e normanan financiero.
Mi ta gradici e ekipo di CAFT y tambe e ekipo di profesionalnan na Aruba cu ta haci e trabounan necesario pa e mehoracion di locual ta finansa publico di nos pais”, Minister Maduro a expresa. Minister Xiomara Maduro:
Diabierna atardi a drenta informe di cu un rama di e mata di kwihi banda di Tempo a bin abao, mesora polis a avisa D.O.W. pa bin corta esaki y kita esaki for di caminda ya cu e ta forma un peliger pa trafico.
Noticia di Corte Homber acusa di a viola dama di iglesia declara liber
Diabierna den Corte di Husticio, Hues a dicta sentencia den e caso penal cu Ministerio Publico a cuminsa contra e homber Venezolano R. (59). Hues a declara R. liber pasobra no tin prueba di sosten.
SOLO DI PUEBLO por a compronde cu R. a declara cu e tabatin relacion sexual 1 biaha so cu e dama B. pero e no a viol’e. Fiscal si ta haya R. culpabel y a exigi 4 aña di prison. Hues a declara R. liber.
FISCAL A EXIGI 4 AÑA DI PRISON
Luna pasa Fiscal a bisa cu den caso di violacion mester busca prueba di sosten. El a mustra cu tin declaracion di e dama S., kende a bisa cu ta e dama B. a yam’e y na yoramento a cont’e cu R. a viol’e. Tambe tin declaracion di e dama M. Tambe Fiscal a mustra cu tin raport di Instituto Forence di Hulanda (NFI) cu ta mustra cu B. a wordo penetra door di R. Fiscal a bisa cu e no ta kere declaracion di R., cu e tabatin relacion sexual 1 biaha cu B. y esey tabata voluntario. Fiscal a remarca cu ta den Corte, R. a bisa esey. Fiscal no ta haya suficiente prueba cu R. a horta placa for di B. cu violencia. El a bisa cu B. a splica pakico el a para e auto banda di Piet. Ta hechonan serio. E dama B. a accepta invitacion di e ruman di Iglesia pa bay su cas pa
bebe juice. Fiscal a exigi 4 aña di prison pa R. ABOGADO
Mr. Illes a bisa Hues cu e ta comparti punto di bista di Fiscal cu no por bisa cu R. a horta placa cu violencia di e dama B. y pa declar’e liber. Segun e abogado, e mesun cos ta influencia e otro acusacionnan. El a bisa cu R. ta nenga tur cos. E abogado a bisa cu NFI ta bisa cu tabatin relacion sexual pero nada otro. E abogado a bisa cu e comportacion di B. no ta cuadra cu un hende cu a wordo viola. E no a bay Polis di biaha. E abogado a remarca pakico e dama B. ta para su auto te banda di Piet siendo e tin cu bay banda di hotel. E ta mustra mas cu e auto ta para den vecindario di cas di R. E abogado ta haya cu prueba di sosten mester busca tambe na e paña di e dama y esey no a sosode. El a remarca, unda e carson di abou kibra y paña kibra di e dama ta. Si ta papia cu e dama a perde conocemento, unda a mira marca di sla na su cabez. E abogado ta haya cu falta di mas investigacion pa determina detayes di e caso. E ta haya cu e caso aki no tin sentido. E abogado ta haya cu mester duda den e caso y declara R. liber.
SOSPECHOSO DECLARA LIBER
Hues den su sentencia a bisa cu e ta haya e
declaracion di e victima, confiabel. No tin motibo pa duda. E dama B. a bisa cu R. a viol’e, tene relacion sexual cun’e contra su voluntad. E tabata for di tino ora esey a sosode. Hues a bisa cu R. a admiti di tabatin 1 biaha relacion cu e dama B. Esey tabata despues cu a haya resultado DNA di Hulanda cu ta mustra cu R. tabatin relacion sexual cu B.
Hues a bisa cu mester busca prueba di sosten. E dama B. a bisa cu A. a dal’e duro na cabez, caminda el a perde conocimento y R. a ranca su carson di abao. El a bay for di cas cu su shimis pero e carson di abao el a laga atras. Hues a mustra cu ora Polis a papia cu B., nan no a mira ningun marca na garganta di maltrato. No tin relato di dokter cu ta mustra cu B. a sufri sla. No tin potret di marca di maltrato. No tin investigacion haci na paña di B. pa determina si realmente tabatin violacion. Hues a sigui bisa cu e mesun anochi e dama B. a yama amiga cu el a wordo viola. E amiga no a bisa cu B. tabata emociona. Su siguiente dia B. no a bay Polis sino a bay traha. Despues el a bay na trabao di R. pa bisa kico a pasa cun’e. Su siguiente dia e no a bay Polis tampoco. Hues a conclui cu no tin suficiente prueba di sosten. Hues a declara A. liber.
Tuma PrecaucioN Pa TemPorada di calor eXcesivo
Aruba ta experenciando un periodo di calor excesivo cu temperaturanan di entre 34-36°C durante dia y un indice di calor di asta 44°C cu ta indica e nivel di calor percibi pa hende (‘feels like’). Nivelnan halto di humedad, combina cu un alivio minimo durante anochi por conduci na incomodidad y hasta riesgonan pa salud. E temporada aki lo continua pa lunanan di augustus, september y october.
E situacion di temperaturanan extremo ta wordo empeora door
di cambio climatico cu ta hisa e frecuencia y intensidad di olanan di calor mundialmente.
Pa siguridad durante e periodo aki ta esencial pa tuma algun precaucion:
1. Keda hidrata: Bebe suficiente awa y evita bebidanan cu hopi sucu.
2. Limita actividad pafo: Limita actividad fisico pa oranan di mainta of anochi ora ta mas fresco.
3. Busca sombra of ta paden: Keda den ambientenan cu airco ora cu ta posibel.
4. Bisti adecuadamente: Paña los cu colornan cla ta yuda mantene bo curpa fresco.
5. Uza protector solar (sunblock): Proteha bo cuero di rayonan ultravioleta(UV) intenso door di hunta protector solar regularmente.
E medidanan aki no solamente ta crucial pa comodidad pero tambe ta yuda preveni problemanan di salud ocasiona pa calor cu lo por asta pone bo bida na peliger. Esaki ta conta specialmente pa mucha chikito, adultonan mayor y esnan cu problema si curason.
Ministerio di Transporte, Integridad, Naturalesa y Asuntonan di Adulto Mayor ta urgi tur ciudadano pa tene nan propio bienestar y di otronan na cuenta durante e temporada di calor excesivo aki.
A grAdUA di UniVersidAd di ArUbA, MichellA VAn loon
Dia 6 di September 2024, a gradua na e Facultad di Ley na Universidad di Aruba, Michella van Loon.
El a gradua defendiendo su tesis titula:
“De implementatie van het Verdrag van Istanbul in Aruba. ”
Miembronan di e comision
di examen tawata:
mr.dr. Ruth Bonnevalle-Kok
mr. Abida Abarkan
mr. Nicole Hoevertsz
Universidad di Aruba ta felicita Michella van Loon cu su logro.
Accidente entre dos sUV ribA rotonde chikito nA Pos
AbAo
Diasabra madruga a drenta informe di un accidente na e rotonde chikito na Pos Abao. Mesora a dirigi un patruya na e sitio. Na yegada di e patruya a bin compronde cu aki ta trata di un accidente entre dos SUV unda un a sali dal riba otro na e rotonde. Afortunadamente ningun persona a resulta herida. Polis a test ambos chauffeur pero niun di dos tabata bao influencia.
Informe dI un dama maltrata a bIn resulta un dama cu alzheImer
Diabierna atardi a drenta informe di un caso di maltrato na Tanki
Leendert, mesora a dirigi un patruya na e sitio. Na yegada di e patruya na
Tanki Leendert nan no a haya ningun hende. E ora ey a bin logra haya sa cu no ta na tanki leendert pero na Sero Blanco. Na yegada di e patruya eynan a bin compronde cu un bisiña a bin haya e dama cu ta biba net otro banda di caminda benta abao dilanti su cas ta keha di cu nan a dal e. Pero e ora ey polis a bin corda cu e adres ey ta
conosi pa nan cu tin un dama cu alzheimer ta biba eynan. Nan a hala e dama
den sombra y a papia cun'e y calm'e.
motorcycle a perde control dal
Diabierna anochi a drenta informe di un incidente cu hende herida na Barcadera, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un incidente unda un motociclista a haci un mal maniobra y a dal abao resultando herida. Na yegada di e ambulans nan a atende e motociclista y a bay cun.e na hospital.
tereno prIva na barcadera
adIcto ambulante drumI dIlantI porta den veranda dI ofIcIna dI lIons club na
engelandstraat
Diahuebs atardi a drenta informe di cu lo tin un adicto ambulante drumi dilanti e porta di oficina di Lions Club, mesora a dirigi un patruya na e sitio. Na yegada di e patruya a bin compronde cu adicto ambulante net a caba di bay pero a laga algun pertenencianan atras. Polis a tuma datos y a piki e resto di cosnan y a bay warda di polis cu esakinan. Polis a keda di pasa tira bista mas frecuente.
Ban Uni pa DiaBetes: RegistRa pa e Di 7 eDicion Di DiaBetes RUn & Walk
Botica di Servicio, conhuntamente cu CMB, Healthy Lifestyle Center Aruba y Subway, ta uni e aña aki pa organiza e di 7 edicion di Diabetes Run & Walk 2024 cu lo tuma lugar riba diadomingo, 10 di november 2024.
Den preparacion pa esaki, lo tin un Early Bird Event riba diabierna, 27 di september na Botica Eagle entre 5pm y 8pm.
Durante e atardi aki, participantenan por pasa pa registra, haci pago y hiba nan dri-fit shirt!
Y eno ta para eynan – tur participante cu haci nan pago completo prome cu 27 di september y participa den e careda riba 10 di november, lo participa pa gana un weekend stay na Hilton Aruba Caribbean Resort & Casino.
Manera cada aña, e evento aki ta wordo organiza pa recauda fondo pa iniciativanan cu ta promove e prevencion di diabetes y tambe siña personanan cu diabetes con pa maneha e malesa aki di miho forma. No solamente esaki, pero tambe pa curasha y conscientisa e pueblo di Aruba tocante diabetes tipo 1 y tipo 2 en cuanto con esaki ta wordo maneha y preveni.
Diabetes ta sigui ta un problema serio riba nos pais, di cual e porcentahe
di personan cu diabetes ta casi dobel e porcentahe di e populacion mundial. Mitad di pashentnan cu diabetes no ta ni na altura cu nan tin e malesa y no ta ricibi e atencion medico cu nan mester. Durante varios añanan, Botica di Servicio, hunto cu otro instancianan, a uni man pa trece conscientisacion di diabetes riba e isla di Aruba.
E Diabetes Run & Walk lo enfoca riba Jump18 pa di 2 aña consecutivo.
Jump18 ta wordo maneha
bou di Dr. Jamiu Busari, hunto cu su team di profesionalnan, kende ta brinda un programa pa muchanan como un iniciativa practico pa capacita e muchanan y nan mayornan pa mehora nan salud y bienestar.
Jump18 su obhetivo ta pa yuda tanto muchanan como na mayornan pa biba un bida mas saludabel, (re) educando y desafiando nan creencianan limitante pa medio di workshops y trece miho calidad di bida na tanto e muchanan como henter famia.
Departamento di Cultura Aruba: Diadomingo 15 di september ta “Dia di Monumento”
UN INVITACION NA NOS COMUNIDAD PA BISHITA NOS
EDIFICIO- HISTORICO Y MONUMENTONAN PA
ASINA
EXPERENCIA
Diadomingo dia 15 di september ta Dia di Monumento, na unda nos ta bay celebra nos historia, nos cultura, y e herencia cu nos antepasadonan a laga pa nos. Dia di Monumento ta mas cu un festividad, ta un ocasion pa uni nos comunidad y honra e legado di nos cultura. E dia aki nos ta fortalece e conexion cu nos pasado, nos ta crea un futuro pa e generacionnan cu ta bini tras di nos. Esaki ta un dia cu no solamente ta pone nos pensa riba e edificionan y luganan historico cu nos tin, sino tambe riba e buniteza di e historia cu nan conta.
Relaciona cu e dia special aki, Stichting Monumentenfonds Aruba ta organisa un “openhouse”, e portanan di nos monumentonan ta wordo habri pa ricibi comunidad y asina comunidad por experencia e buniteza y rikeza di nos herencia. Na aña 2024, Aruba y Boneiro lo organiza e prome Open Monumentendag den Caribe, cu e tema “Na Caminda”. Esaki ta un proyecto piloto cu ta wordo realiza na Aruba y Boneiro cual lo sirbi como un plataforma pa evalua, y si e resultado ta positivo, lo sigui cu un Open Monumentendag anual den luna di April 2025, na ocasion di Dia Mundial di Cultura.
Departamento di Cultura ta sostene y participa den e bunita evento aki y pa medio di esaki ta haci uzo di e oportunidad pa invita nos comunidad pa yega mas cerca di nos monumentonan, cual ta un parti esencial di nos identidad. E evento aki ta pa tur hende, di tur edad, y incluso nos turistanan cu tin interes den e herencia di Aruba. Lo tin e oportunidad pa publico bishita e monumentonan cu normalmente ta cera pa publico.
E
BUNITEZA
Y RIKEZA DI NOS HERENCIA
Bishita y conoce e historia di e 13 edificionan historico y monumento di Aruba cu lo habri nan porta pa publico entre 10 or di mainta pa 3 or di atardi. E bishitantenan lo por participa na diferente actividad cu chens pa gana premio durante e evento final cu lo ta entre 3 or y 5 or di atardi riba e parkeo di Postkantoor. Siguientemente e lista di e 13 edificio historico y monumento cu ta participa y nan programa:
1. Casita Geel, Weststraat 15
Actividad: Apertura pa 10 or di mainta di Dia di Monumento 2024. Departamento di Cultura lo ta presente, lo tin Grupo Palicia, Reinanan Cultural y animacion di DJ.
2. Postkantoor, Oranjestad
Actividad: Historia di Post y actividad pa nos muchanan.
3. Henriquez Pand, Schelpstraat 36-38:
Actividad: Lo duna informacion di e edificio y di Monumentenbureau.
4. Museo Arqueológico, Schelpstraat 40-42:
Actividad: Recorido den e edificio hunto cu miembronan di famia Ecury, Charla di Raymundo Dijkhof, Documentario Dada Picus y actividad pa nos muchanan.
5. Stadhuis, Wilhelminastraat 8
Actividad: Presentacion di ‘Een muis in het stadhuis”.
6. School 1888, Wilhelminastraat 6
Actividad: Presentacion Slideshow historia School 1888.
7. Casa Rosada, Wilhelminastraat 58B: Actividad: Lo ta habri pa publico bishita y admira.
8. Cas Debrot, Caya Betico Croes 98: Actividad: Exposicion “Na Caminda”
y presentacion “Memoria Ancestral”.
9. Cas di Brenchi, Ooststraat 2: Actividad: Lo ta habri pa publico bishita y admira.
10. Botica Aruba, Steenweg 19: Actividad: Architectenbureau Archiosa lo duna informacion di e edificio y lo tin
Arts and Crafts pa muchanan.
11. Metacorp, Wilhelminastraat 17:
Actividad: E museo lo ta habri pa publico bishita y admira.
12. Fort Zoutman:
Actividad: lo tin recorido den e edificio y lo organisa speurtocht pa nos muchanan.
13. Protestantse Kerk: Actividad: Lo ta habri pa publico bishita y admira, y lo tin recorido den e edificio.
Lo tin diferente actividad publico
Na Cas Veneranda, situa Wilhelminastraat 7, lo tin presentacion di Lider di e Projecto pa 2 or di atardi. Na e parke na Wilhelminastraat 72 lo tin actividad cultural cu baile y musica bao encargo di Departamento di Cultura. Esaki lo tuma luga entre 10:30 di mainta pa 3 or di atardi.
Na e plaza chikito dilanti Museo Archeologico den Schelpstraat lo tin presentacion di Grupo Tipico y baile entre 10 or y mey di mainta pa 3 or di atardi. Den Ooststraat lo tin presentacion di Caha di Orgel y lo tin un vlooienmarkt (marktkrampjes).
Na e parkeo di Postkantoor lo tin e clausura di e evento cu presentacion di banda Tsunami for di 3 or di atardi pa 5 or di atardi.
Invitacion General
Por ultimo Departamento di Cultura Aruba ta enfatiza un bes mas e importancia di un evento manera “Open Monumentendag”, un invitacion na comunidad pa ban
asisti na e evento aki y haci esaki uno exitoso y cu e por bira un evento anual na unda nos comunidad por participa y experencia e buniteza y rikeza di nos herencia. Un danki special na Stichting Monumentenfonds pa organisa esaki y tur instancia cu ta participa y nan cooperacion brinda na e prome Open Monumentendag.
MINISTER ENDY CROES A PRESENCIA E MOMENTO HISTORICO, UNDA E PROME 6 GRADUADONAN DI XAVIER
UNIVERSITY SCHOOL OF MEDICINE ARUBA A RICIBI NAN
BACHELOR OF SCIENCE IN NURSING DIPLOMA
: Diahuebs anochi, den un esfera ameno den auditorio di Xavier University na Santa Helenastraat, a tuma luga e Ceremonia di Graduacion di Xavier University School of Medicine (XUSOM)
2024. Rondona pa famia y amistad, e graduadonan a ricibi nan Bachelor of Science in Nursing diploma
despues di a completa cuater (4) aña di estudio. E mandatario di Enseñansa, mayor, famia, amistad, profesor, directiva di Xavier University School of Medicine y demas invitadonan a celebra e momento historico, unda cu e prome seis (6) graduadonan a ricibi nan diploma. Durante
e ceremonia diferente orado a hiba palabra, entre otro presidente di Xavier University School of Medicine Sr. Ravi Bhooplapur, CEO dr. Arun Dubey, Sra. Bonnie McGowan y Minister Endy Croes. E mandatario di Enseñansa a dirigi palabra na e graduadonan y a felicita nan cu e logro aki. A haci entrega di e galardon na e miho graduado Marie Henriquez. Despues di e ceremonia emocionante, a sigui e momento di celebracion dedica na e graduadonan.
Minister Endy Croes ta gradici Xavier University School of Medicine Aruba p’e invitacion y caluroso recepcion. Alabes, ta felicita presidente di Xavier University Sr. Ravi Bhooplapur, dr. Arun Dubey, su ekipo y staf pa organisa un anochi bunita pa e graduadonan.
Tambe e mandatario di Enseñansa a gradici Hospital, Wit Gele Kruis Aruba, Stichting Hunto y Respaldo pa brinda e alumnonan e oportunidad pa haci nan pasantia.
“Esaki ta prome biaha den
historia cu XUSOM tin un grupo di graduado den e estudio di enfermeria y for di inicio Gobierno di Aruba a aproba e estudio aki.
E graduadonan por cuminsa traha na, entre otro hospital. Mi ta gradici Xavier University School of Medicine Aruba y tur stakeholder cu a haci e programa aki posibel. Alabes, ta felicita tur graduado y ta desea nan hopi exito den nan carera” Minister Endy Croes a conclui.
A bin haya un persona sin bida na Theaterstraat
Diabierna mainta a drenta informe di cu tin un persona cu no ta reacciona na un cas den Theaterstraat, mesora a dirigi tanto polis como ambulans na e sitio. Na yegada di e patruya a bin haya e persona cu no ta reacciona, na yegada di e ambulans a nota cu di berdad e persona no ta duna señal di bida y a pidi presencia di un dokter.
Na yegada di e dokter a constata morto natural di e persona di edad.
Na su famianan nos ta extende nos mas sincero palabranan di condolencia
Dama ciclista gravemente herida den un accidente banda di e Santana na Zeewijk
Diabierna mainta tempran a drenta informe di un accidente cu hende herida banda di e Santana di Zeewijk, mesora a dirigi tanto polis como ambulans na e sitio. Na yegada di e patruya ya
caba ambulans a yega y tabata atendiendo e victima.
Polis a bin compronde cu e chauffeur di e pick-up debi na e solo di mainta no a logra mira e dama ciclista y
cu e skina drechi di e pickup a dal e lagando e dama seriamente herida.
Ambulans mes a transporte e dama cu urgencia den e trafico pisa di mainta.
Dama motociclista a Dal abao ora ela D esvia pa ambulans bayenD o hospital cu urgencia
Diabierna mainta ora cu ambulans tabata bayendo hospital cu hopi urgencia a nota un dama motoci -
clista dal abao na altura di La Granja Savaneta, mesora a dirigi patruya na e sitio.
Na yegada di e patruya nan no a encontra e motociclista, ni e auto ni ningun hende cu por a bisa
locual a sosode.
Aparentemente e motociclista a lanta su brommer cu yudansa di un hende
y a core bay su rumbo cu tur e dolor cu ela ricibi despues di su caida.
polis a bay m orgenster pa un
accidente h it & r un
Diahuebs atardi a drenta informe di un accidente na Morgenster, mesora a dirigi un patruya na e sitio.
Na yegada di e patruya a bin compronde cu aki ta trata
di un accidente hit & run
unda e auto a sigui core bay pero ta bon mes cu a nota e number, marca y modelo di e auto pa asina polis por logra haya e chauffeur cu a core bay.
SABIDURIA DEN NOS ALEGRIA Skirbi pa
Ruthy”Lady Ruth” Vrieswijk-Bergen
Ahaaaaaa! Un lector cu ta lesa cu atencion a comunica cu nos y bisa nos cu e periodista profesional di tempo di Radio Carina di anjanan ochenta, Angel Kirchner, ta na bida ainda gozando di su edad crenchi halto, mientras nos a pone tras di su nomber (dfm).cual a sali den nos relato publica dia 2 di September ariba pagina 13 den Diario y riba un otro fecha den Solo. Nos ta rectifica y nos ta pidi nos disculpa pa esey, Angel Kirchner ta meymey di nos ainda y ta gozando bida cu su sernan stima. Un bearhug ! Nos a bruha cu Angel Coronel cu si a bay nos dilanti no mucho tempo atras. Lady Ruth ta corda tur dos Angel. Angel Coronel tawata activo tambe filmando e diferente festivalnan di Bon Bini na Willem III toren Fort Zoutman ainda algun tempo prome cu nos no a topa cu ne mas. Beter laat dan nooit, nos con-
dolencia, consuelo y amor na e sra.esposa di Angel Coronel y demas famianan y amigonan colega den media. Prensa a perde un trahador dinamico di hopi inspiracion. Kedando riba e tema Prensa, den un otro tono mas alegre, nos kier a felicita nos amigo colega den Prensa, trahando ya pa hopi anja na Diario, e gentil cabayero Nilton Lacle, un tremendo periodista y tambe un super bon fotografo bibito bibito.Un di nos dushi hendenan, un arubiano original, guapo, talentoso y hopi sabi. Un shon di hende cu ta stima su trabao cu e ta eherce seriamente cu pasion y creatividad. Lady Ruth e poeta expresando di su curason. Nos a inspira un poema acrostico cortico cu su nomber como un sorpresa p’e riba Dia di Prensa 1 di September 2024 cu ya ta trai lomba, pero cu e trabao den prensa ta tur dia, kemen, nos por comparti e
poema aki tambe den nos relato di e siman aki. Permiti Lady Ruth dedica e poema aki na Nilton Lacle cu hopi amor y carino y gradicimento pa su excelente bon trabao :
N ilton Lacle, profesional cu curason den periodismo I mportante p’e ta su yiu homber Mitchell su felicidad y su estudio
L uz, amor,salud, alegria y sabiduria di bendicion tur dia
T rankilidad, pasenshi y hopi bunita energia cu ta pone tata y yiu briya
O ra cu solo sali, duna su calor, e biento fresco ta rondona nan cu amor
N ada mas bunita y mas grandi cu sigui accepta cada dia den gracia cu splendor
Den un otro tono alegre tambe, tambe di gradicimento, nos ta menciona dos otro miembro dinamico di Wit Gele Kruis, kendenan tambe ta hasiendo nan trabao cu hopi amor y carino den nan cuido pa cu nos grandinan.” Janine y Rachelle”. Lieve Janine y Rachelle semper ta bay “the extra mile” den nan servicio pa cu nos grandinan cu no por hasi tur cos nan so mas pa motibo di balans of algo den nan salud cu ta impidi esaki. Nan ta focus y concentra ariba nan trabao pa keda
cla pa por sigui atende mas cliente riba e lista di e dia ey. No tin tempo pa combersa hopi cu nan, pero nos a logra saca un bunita pic di nan dos para bao e palo di mango den cura. Danki lieve Janine y Rachelle y full e team di Wit Gele Kruis pa boso excelente bon trabao. Shonnan tur, danki pa lesa nos relato cu atencion y curason. Nos ta contento di
tende comentarionan positivo cu ta sigui inspira nos sigur . Pasa un bon dia yen di sabiduria den nos alegria ! E alegria cu ta bay man den man cu tristeza. Corda bishita bo grandinan, combersa cu nan, bisa nan bo ta stima nan awor na bida. Un “bearhug” grandi pa tur nos fiel lectornan di e relato semanal di Lady Ruth.
Polis a detene chauffeur bao influencia cu a causa accidente
Diabierna anochi a drenta informe di un accidente dilanti Misa di Tanki Leendert. Mesora a dirigi un patruya na e sitio. Na yegada di e patruya a bin compronde cu e chauffeur di un Pick-Up shinishi lo a dal den un auto cora. Afortunadamente ningun hende a resuta herida. Tabata tin sospecho cu e chauffeur di e Pick-Up lo tabata bao influencia y a hasi test. E test a sali cu e chauffeur lo a pasa e limite y mesora a pidi presencia di vehiculo di transporte y a hib'e warda di polis.
Kico ta pocketing y con por reconoce e situacion
Imagina bo ta sali cu un homber of un muhe pa algun tempo, pero incontrolablemente e no ta presenta bo na su famia of amistad. Tampoco subi potret hunto cu bo riba su rednan social. Si bo purba di papia cu ne di e asunto, e ta duna un excuus of evita e pregunta. Esaki ta un bon ehempel di loke ta pocketing.
Kico ta pocketing
Pocketing ta no cu bo ta sconde bo pareha di su mesun famia. E termino ta bin di e palabra na Ingles
miedo pa cuminsa cu un relacion serio, e por opta pa no presenta bo na otro hende. E mesun cos por pasa ora bo pareha a sufri trauma den pasado. Relacion anterior cu no a bay bon of un infancia dificil por haci u un hende kier sconde su relacion. Infidelidad tambe por ta un motibo, pasobra e persona cu ta gaña no kier tin lastro di bo den su bida.
Di un otro banda, su personalidad por ta un factor tambe. Tin hende cu no ta comodo cu parti su asuntonan personal cu otro hende y esaki por tarda e pro -
(pocket) (saco) y kiermen ta "sconde" bo pareha. E ta un comportacion cu a bin ta existi pa hopi aña.
Pakico pocketing ta sosode
Tin hopi motibo pa pocketing. Un di esunnan mas comun ta miedo pa compromiso. Si un persona tin
Vehiculo policial en -
VolV i den un accidente
na Shiribana
Diabierna mainta un agente policial a bay reverse pero sin a ripara door di e "blind spot" ela bay dal riba un palo di lus. Afortunadamente ningun hende a resulta herida y aunke no a dal duro a solicita presencia di ELMARNV pa bin controla e palo di lus.
pera e otro persona, p'e motibo ey ta warda e speransa di bolbe bek cu ne.
Cinco señal di pocketing
1. Bo no ta aparece riba e rednan social di bo pareha
2. E no ta presenta bo na su famia of amigo despues di algun tempo
3. Bo salidanan ta bay na luga poco bishita
4. E ta indica bo como un amistad ora bo topa otro hende cu ne
5. E ta duna bo excuus ora bo kier conoce su famia of amistad.
Consecuencia di pocketing
E ta crea insiguridad y ta duna molester na bo autoestima. Si bo no ta sinti bo merece un luga den su bida, e por crea ansiedad y depresion. Bo relacion por perde confiansa, haci cu bo ta sinti cu bo no tin un luga den su bida.
Solucion
ceso di presenta bo. Tambe, bo pareha tabata den un relacion recientemente y noa haya e tempo pa su-
Papia abiertamente cu bo pareha, splica den ki manera bo ta sinti bo cu ne. Si e contesta bo un di e problemanan menciona, por ta por opta pa busca ayudo profesional. Si e contesta bo cu evasion, por ta ta tempo pa bo considera e relacion.
FORTALEZA PA FAMIA
Scirbi pa Pastor Marcel Balootje. AMOR Y RESPET TA BASE
DI INTEGRIDAD
Gloria na Dios, Amor y respet ta base di integridad, ora nos ta stima nos ta respeta, no solamente den nos bida matrimonial ( Efesionan 5:31-33), pero tambe den nos bida familiar y social. Un muher stima door di su esposo ta crece den amor. Y un homber respeta door di su esposa ta un homber respeta tur caminda. Muchanan cu ta respeta nan mayornan ta ricibi y duna respet tur caminda cu nan bay,
Respet ta demostra ki sorto di hende nos ta, respet ta forma hende, respet ta pone hende madura, respet ta engrandese bo personahe, respet ta pone hende respeta bo. Respet ta base di tur amistad y unidad.
Dios ta amor , pesey Dios a pone amor den nos curason un pa otro, pasobra no laga nos lubida cu ta Dios a stima nos prome ( Juan 3:16). Esun cu no ta stima no conoce Dios, esun cu no ta stima ta biba den scuridad, wanta door di odio , inmoralidad y falta di pordon.
Integridad ta algo hopi solido, cu hopi hende ta haci wega cune, y huse den politica, of nan trabao como defensa di nan posicion, titulo of cartera, pero integridad ta algo hopi anhela den bista di Dios, pasobra Dios kier pa nos ta integro, pasobra ora nos ta integro nos ta demostra cu Dios ta den nos curason, y ta goberna nos bida.
Awor ta bon pa tur hende sa lo siguiente cu hende no por ta integro den cosnan social solamente, no ta den oficina of na trabao nos mester ta integro , pero nos bida spir-
itual tambe mester conoce integridad y santidad.
Pasobra hopi ta kere cu integridad por wordo cumpra cu estudio of placa, y ta pensa pasobra mi ta fi nancieramente bon mi ta integro, y esey no ta berdad.
Esaki ta berdad y boluntad di Dios cu no tin nada di haber cu huzgamento.( 1Thesalonisensenan 4;3-8) (Romanonan 1:18-32) (Galationan 5:19-21).
Por ehempel; Ta dificil pa un homber of muher ta casa y nan tin byside y ta kere cu nan ta integro.
Ta dificil pa un homber of muher ta soltero y e tin diferente hende den su bida y ta kere cu e ta integro.
Ta dificil pa un hende tin dobbel indentidad y a rechasa of bandona Dios y ta kere cu e ta integro.
Ta dificil cu un hoben sea mucha homber of mucha muher ta biba den rebeldia completo contra su mayornan y ta kere cu e ta integro.
Ta dificil pa un hende ta usa y bende droga y ta kere cu e ta integro, pasobra uso
di droga no ta boluntad di Dios.
Ta dificil pa un hende ta bebe alcohol tur dia y su actitud hopi biaha ta laga di desea ta kere cu e ta integro.
Un homber cu ta bati su muher y maltrata su yuinan no por ta integro.
Mescos cu un muher cu ta maltrata su esposo y su yuinan no por ta integro.
Den Mateo 4:1-11 Hesus ta demostra na nos tur con E a mantene Su integridad dilanti di Su Tata y dilanti di nos tur awe.
Hombernan den Bijbel cu tabata integro; Hose yiu di Jacob, Job, Daniel, Pablo. Muhernan den Bijbel cu tabata integro: Abigail, Esther, Deborah, Anna, Maria ( Mama di Hesus).
Ora un perona ta integro e ta un persona cu ta reconcilia, y cu no ta keda usa pasado di otro persona, pa demostra cu e ta bon.
Integridad di e rectonan lo guia nan, ma perversidad di e traidornan lo destrui nan. ( Proverbionan 11:3).
Un feliz dia yena di bendicion y colma cu hopi fe y confiansa den nos Bon Dios
El a bisa nan:…………. ”Pakico boso tin tanto miedo asina? Ainda boso no tin fe?” (Marco 4, 40)
Confiansa. Un palabra cu nos conoce bon. For di chikito nos a siña confia nos mayornan. Sin pensa, di biaha nos ta kere nan, pasobra nos sa cu nan ta stima y cuida nos. Segun cu tempo pasa, nos ta crece y ta topa hende den nos caminda di bida cu kisas a defrauda nos. Nos ta cuminsa duda den e sinceridad di hende. Y perde confiansa y speransa den Dios. Tambe nos tin miedo di faya y miedo cu otro hende ta faya nos. E discipelnan a duda, nan tambe a haya miedo y a perde speransa. Nan no sa di e poder todopoderoso di nan Maestro Hesus. Nan no conoce ainda. …: ’Ta ken e homber aki ta? Hasta biento y lama ta tende di djE’(Marco 4, 41) nan a bisa. Nos tambe por scapa di un tormenta o un turbulencia den nos bida. Scucha Su Bos severo cu ta papia den nos curason, pa nos confia den djE, E Yiu di Tata.
Oracion: Señor Hesus, haci mi Fe mas grandi. Yuda mi. Proteha mi. Duna mi forsa pa enfrenta tur problema cu un calma, paden den mi ser. Den e nomber prestigioso di Hesus di Nazaret. Amen.