PA GINO JULIANA COME
SIMAN ATRAS
Venena: Pareha lo a trece seafood "Venena" Pa Gino Juliana come alGun siman atras
Dialuna pasa nos a cubri e caso di Gino Juliana, unda cu nos mester a haci algo pa un ser humano, mirando e situacion penoso cu e tawata aden e momento ey.
Nos a logra haya ambulance na Shiribana, unda cu nan a transport'e pa Hospitaal. E momento ey; na nos parece cada minuut tawata conta, mirando con e pianan di Gino tawata, y un liesbreuk(hernia) enorme cu tawata luchando cu ne. Tambe e no por a usa su brasa drechi, e no tawata tin mucho gevoel mas den dje.
Ey dia ey, nos a tende cu ta un auto a dal'e y cu ta esey lo tin Gino asina, pero; visualmente nos no por a mira ningun golpi di un accidente.
LOCUAL A SOSODE EN REALIDAD
Nos a sigui busca y a papia cu un persona pa haya sa con a sigui cu Gino. diasabra den oranan di merdia, nos a wordo informa cu Gino ta keto bay interna den Hospitaal y cu lo a wordo opera. Segun nos a compronde e hernia a wordo opera, un operacion basta serio mirando e tamaño di e breuk.
SEAFOOD CONTAMINA(VENENO"
Nos a sigui busca pa sa kiko exactamente a sosode y a bin haya lo siguiente;
Algun siman atras,den oranan di anochi,un auto a para, banda di Gino y den e auto tabata tin un pareha,, nan a entrega Gino un baki di foil yen di cuminda, esaki tabata pa Gino parti cu e habitantenan di e cas na Shiribana.. E cuminda tawata consisti di seafood, lobster, Shrimps y hopi mas cos den un sauce color cora.
Gino full contento a bisa esnan na e adres, "hey boso no worry pa busca cuminda, paso "nan" a pasa laga un cuminda bon pa nos".
Un cuminda dushi, cu manera bo wak e mas cu claro bo lo kier come y vooral si bo tin hamber. Ken ta nenga un bon "seafood" casserole.
TRES HENDE A COME
R(62) tawata e prome cu a dal un hap grandi y a come mas hopi, pasobra e tawata tin hopi hamber e momento ey, Gino(58) tambe a come e cuminda cu smaak y un hoben bou di 20. E hoben si, mesora cu e la dal un hap di e cuminda a scupi esaki, debi cu su boca a cuminsa kima y despues a
"habri na herida".
Mientras R y Gino si a manda un grandi parti di e cuminda abou..
R tawata e prome cu a cuminsa bira malo prome y mesora a bebe lechi magnesium, mientras Gino cu tambe a cuminsa sinti poco malo a bebe solamente hopi awa.
Cada minuut cu tawata pasa e sintomanan tawata bira pio, unda cu R a bati alarma, na momento cu e lo a cuminsa ta saca sanger y af(via boca ). Ambulance a presenta na e cas y a hiba R hospital.
Gino a sali cu su bicicleta y un rato despues, locual tawata tin of loke sea cu "nan" a haci cu e cuminda a kick in completo. Gino a bira hopi malo, e la cuminsa saca y a cay for di e bais. E la haya manera un ataca, parse cu e lo a cay tras di un auto y un chauffeur Chines lo a reverse y dal e, sin cu por a yuda. Con e la yega na e cas back no ta conoci, pero si cu e tambe a wordo hiba hospital y a keda interna.
Pero, Gino no ta corda mucho bon kiko tur a pas'e, despues di a come e cuminda contamina/venena y a haya un ataca..
R Y GINO DEN INTENSIVE CARE UNIT
Na Hospitaal mesora a traha cu nan, unda cu R manera por mira ariba e imagen a perde un parti di su stoma y di su tripa. E lo a ricibi diálisis pa locual nan a come.
Segun R, na Hospitaal nan a logra haya un parti di e shrimp y lo a haci test, pero no por a detecta kiko exactamente lo por a wordo poni of basha den e cuminda; of si e cuminda a wordo daña door di
kizas lag'e para den solo un of mas dia. Ambos a keda varios dia den ICU, mirando cu nan situacion tabata delicado.
Den e area aki tin varios Camara di siguridad, parce cu niun no a logra capta e vehiculo di e pareha cu a trece e cuminda, debi cu net eybanda tawata hopi scur.
"Berdad e cas tin mal nomber; pero por favor asina aki no; unda cu e intencion tawata pa matanos".
Segun R a conta.
Kiko ke sea cu tawata tin den e seafood aki a laga e dos personanan aki cu problemanan serio di salud, y ken sa kiko ta efectonan secundario ariba termino largo e lo por trece cu ne. Aki ta tratando di bida di sernan humano..
Gino Juliana, a keda lam di un brasa, no por cana sin un rolater mas y su memoria ta fay'e. cu Ni su edad e no por corda mas. R. a keda cu un stoma delicado, faltando un parti di su stoma y parti di su tripa, Si abo ta un persona cu tin un of mas tip di e pareha aki, please contact autoridad.tiplijn 11141. Aki ta trata di bida di dos persona cu kiko cu nan por a haci of ta, ta keda sernan humano manera nos tur y nan tambe tin derecho di existencia.
Prome Minister Evelyn Wever-Croes:
PROME MINISTER A REPRESENTA REINO
HULANDES DIGNAMENTE DRANTE E CUMBRE
“SUMMIT
Prome Minister Evelyn WeverCroes, como representante di Reino Hulandes, tabata presente na e apertura di e “Summit of the Future”. Prome Minister ta lidera e delegacion di Reino como hefe di delegacion. Na e ocacion, Prome Minister a dirigi su mes na tur esnan presente cu un discurso enfatisando cu e sosten di tur y di organisacionnan manera Nacionnan Uni, por traha miho pa un meta comun y laga un herencia prospero pa e futuro generacion.
Tambe, Prome Minister a indica cu Reino Hulandes ta sumamente orguyoso di traha hunto cu Jamaica riba e procesonan intergubernamental pa e Declaracion di e Futuro Generacion, y ta gradici Prome Minister di Jamaica Andrew Holness pa e compromiso y cooperacion pa cu esaki. E mandatario a indica cu e
OF THE FUTURE NA NEW YORK”
Declaracion aki ta representa un logro significativo.
Prome Minister a splica cu e cumbre aki ta e oportunidad pa esnan encarga por mehora cosnan, no solamente pa e generacion actual sino tambe pa e futuro generacion. E decision y accionnan cu ta wordo tuma awe lo tin su efecto den futuro, sigurando asina un impacto intergeneracional positivo. E Declaracon aki, tin e potencial pa marca un momento crucial den e esfuersonan multilateral pa adresa e crisis global y pa establece un cuadro robusto pa e desaroyo sostenibel riba termino largo.
Ta di suma importancia pa demostra solidarismo intergeneracional, retonan pa cu inigualdad, discriminacion, cambio climatico, division digital etc. ta rekeri esfuersonan colectivo pa por yega na solucionnan duradero. Gobierno y partnernan mester traha hunto pa por comberti decisionnan legal di politica den un agenda intergeneracional unifica.
Prome Minister a sigui splica cu e Declaracion aki ta promete di trece un cambio grandi den nos manera di pensa, sigurando cu e atencion pa cu e futuro generacion y e responsabilidadnan comparti, lo ta e prioridad den tur decision. Esaki ta di suma importancia ora ta papia di cambio climatico.
Aruba mescos cu hopi otro pais den mundo, ta confrontando cu e reto di calentamento global, y nos accionnan cu esaki lo tin su efecto
riba tur hende awe y den futuro. P’esey ta importante pa tuma accion hunto di inmediato. Si nos sostene otro y organisacionnan manera Nacionnan Uni nos por dirigi decisionnan cu un meta comun, lagando un herencia prospero pa e futuro generacion.
Por ultimo Prome Minister a gradici tur esnan presente, pero specialmente Secretario General di Nacionnan Uni pa su vision den duna prioridad na e futuro generacion, y pa duna nos e confiansa pa cu esaki.
Minister Endy Croes:
E PROME CAREDA DI STREET LEGAL
A TUMA LUGA RIBA E PISTA NOBO Y CERTIFICA DI PALOMARGA
Recientemente, Minister di Deporte a acudi na e evento Mata Bichi, Street Legal edition organisa pa Arubaanse Bond van Motorsports (ABM). E anochi aki a test e pista nobo cu ta practicamente cla faltando e “traction compound” cu lo wordo aplica fin di luna di september. “Nos lo sigui inverti pa hiba e pista y deporte di drag race pa un next level y asina kita e hobennan di caya brindando nan e oportunidad core riba e pista di Palomarga”, Minister Endy Croes a
enfatisa.
Minister Endy Croes a papia cu e coredonan y nan ta hopi contento cu e calidad di e pista acredita na standard internacional. Alabes, Sr. Joy Werleman a indica cu e coredo- y participantenan ta hopi contento cu e pista. Pronto lo instala e “score board” y lo finalisa algun detaye. Tin diferente evento grandi planea pa tuma luga pronto, entre otro Real Deal Car & Bike Show, Caribbean Shoutout 2024 y Palomarga Finals. Sr. Werleman ta gradici Minister Endy Croes y Ministerio di Deporte cu a logra e soño di e coredonan, esta un pista acredita na standard internacional.
Por ultimo, Minister Endy Croes ta felicita ABM y e coredonan. Alabes ta gradici Gabinete Wever –Croes II, Lotto pa Deporte y tur stakeholder cu a duna di nan parti pa realisa e hoya di proyecto aki.
DAMA ChAUFFEUR A kITA ATENCION
FOR DI CAMINDA Y A SUBI ACERA DAL
PALO DI LUS NA DRIEMASTERSTRAAT
Diabierna merdia a drenta informe di un accidente cu hende herida na Driemasterstraat, mesora a dirigi tanto polis como ambulans na e sitio. Na yegada di e patruya ya caba ambulans tabata na e sitio. Locuala a sosode ta cu e dama chauffeur a kita su atencion for di caminda y a subi acera dal palo
di lus. Debi na e fuerte y inespera impacto e dama a resulta herida. Ambulans despues di a atende e dama a transporte pa hospital.
MINISTER ARENDS TA HIBA DIALOGO
CU COMPANIANAN DI UTV’S Y ATV’S PA
PREPARA PROCESO DI TRANSFORMACION
E problematica di UTV’s y ATV’s ta uno cu desde varios aña ta existi un necesidad pa atende cu ne. E daño y impacto riba nos naturalesa ta inmenso, e peliger y cantidad di accidentennan ta hopi preocupante y e keho y molesternan di esnan cu ta sintinan mes afecta ta subi cada dia.
A instala un Comision multi disciplinario consistiendo di diferente departamento y stakeholders, manera DNM, DTP, DIP, DTI, DOW, ATA, DWJZ, DIMP y KPA pa asina sondea e posibilidadnan y yega na un conseho. E conseho di e comision a ser presenta den conseho di minister
dia 13 di augustus 2024. Tin retonan basta grandi mirando cu e ta un tema compleho y teniendo cuenta cu tur e leynan exsistente. Mientrastanto a instala tambe un taskforce multidisciplinario pa asina eherce e control y a baha e cantidad di vehiculonan den un caravana na un maximo di 10.
Un sub-comision di DNM, DOW y DIP a dialoga y inventarisa cu varios di e companianan. Ta remarcabel pa bisa cu un mayoria ta consciente cu e posibel daño na nos naturalesa, e peligernan pa e usuario y tin comprension pa e molester cu ta ser causa na habitantenan riba
e ruta.
Durante dialogo cu a tuma luga diabierna mainta cu e companianan, Minister Arends y su ekipo a trece su proposicionnan dilanti basa riba e consehonan di e comision como tambe su puntonan di bista pa un periodo di transicion exitoso.
E fase transitorio lo tuma luga pa e proximo 3 aña, cuminsando 1 di januari 2025 y lo termina na 2028, den cual e vison ta cu den 2028 tur compania a cambia nan actividad pa uno cu ta den harmonia cu naturalesa. Entrante 1 di januari 2025, lo apunta tres ruta alternativo, regula desorden y velocidad, y alabes crea espacio di regeneracion di areanan di naturalesa afecta (natuurgebieden y natuur en landschap). Pa 2026 lo pone fondonan disponibel pa “micro transition loans”, unda companianan chikito por aplica pa yuda cu e transicion pa un otro negoshi. Pa sigui incentiva
e transicion di e sector lo traha cu programanan di certificacion den cual ta reconoce companianan cu a demostra boluntad y curashi pa cuida nos naturalesa y alabes stimula actividadnan diferente.
A palabra cu esnan presente cu e proposcionnan lo ser publica dia 24 di september 2024 riba publico.aw bou
di e categoria -consultapa asina companianan por duna nan punto di bista por escrito.
Minister Arends ta finalisa bisando cu “Nos economia ta Naturalesa, cu boluntad y compromiso nos por yega na e harmonia cu henter Aruba merece”.
BOMBERO A BAY DUNA ASISTENCIA NA HAPPY DAYS NA TANkI LEENDERT
Diasabra mainta a drenta informe cu e peticion pa bombero bay yuda cu un asistencia na Happy Days na Tanki Leendert, mesora a dirigi un unidad na e sitio. Na yegada di bombero nan a yuda esnan na e centro ey cu e yudansa pidi.
Adulto y bAby di 6 lunA envolvi den
Accidente nA bubAli
Bubali - Diasabra merdia a sosode un accidente entre tres auto ariba e caminda di Bubali, pa ta mas exacto dilanti E supermercado Chengs.
Den e accidente un adulto y un baby lo a resulta herida, pero danki Dios no di gravedad.
Ta asina cu un Mitsubishi suv color preto bayendo pariba; lo a baha caminda na su robes y no a duna un auto MG biniendo di pariba voorrang.
E MG na su turno pa evita
e impacto a hala na su man robes; sin sa cu patras di Mitsubishi ta biniendo un Nissan Sentra. Eynan si nada mas por a wordo haci y nan ta dal contra otro.
Polisnan cu a yega, a cera caminda mesora. A pidi ambulance tambe, paso den e MG e baby y un adulto herida tawata. Por a mira cu e Mitsubishi a keda para manera cu ora e la baha caminda y no ta mustra cu e auto a haya danjo.
Paramediconan ya yegada a trata cu esnan cu tawata tin mester ayudo.
Polis A bAy PeleA entre PArehA
dilAnti cAribbeAn PAlm villAge
Diabierna anochi a drenta informe di un pelea di pareha dilanti Caribbean Palm Village, mesora a dirigi patruyanan na e sitio. Na yegada di e patruya a bin compronde cu aki ta trata di un pareha turista cual testigonan a mira e homber ta dal e muhe pero e muhe ta nenga di a ser agredi pero polis ta mira cu e muhe ta herida. For di otro testigonan a bin compronde cu e muhe tambe a agredi e homber. Como cu ambos ta bandonando Aruba e dia siguiente y nan no kier a entrega keho contra otro polis a papia severamente cu nan cu si nan mester
pleita ainda e anochi ey lo detene nan. Pa nan mala suerte e doño di e car rental a presenta pa kita e
auto for di nan debi cu nan ta core masha iresponsabel cu e vehiculo di huur.
MINISTER ENDY CROES TA FELICITA Y GRADICI JUFFROUW SHAMILA BRIEZEN CU
30 AÑA DEN ENSEÑANSA DI ARUBA
Danki pa e dedicacion, amor y profesionalismo pa educa nos muchanan.
Diahuebs ultimo, Minister Endy Croes a bishita scol basico Maria Goretti College pa e celebracion di Juffrouw Shamila Briezen, kende a cumpli 30 aña den enseñansa di Aruba. E mainta a inicia cu Santo Sacrificio di Misa, unda cu pastor a duna bendicion y despues
a sigui cu e celebracion na scol acompaña di pa henter e team di Maria Goretti College. E alumnonan di cada klas a prepara un video sorpresa pa felicita Juffrouw Shamila. Shamila tabata alumno di Maria Goretti College, despues a continua cu su estudio na Colegio Arubano y IPA.
Juffrouw Shamila a inicia su carera como maestra na Maria Goretti College, unda el a traha den klas uno (1), despues den klas tres (3), klas cuater (4), a fungi diesun (11) aña como “leesbegeleider” y e aña escolar aki e ta maestra di klas tres (3). Sra. Briezen tin un pasion y entusiasmo enorme pa duna les na e alumnonan. E ta un maestra hopi responsabel, dedica na su trabou y hopi aprecia pa su coleganan.
E ta un maestra cu ta motiva pa engrandece su conocemento y comparti esaki cu su coleganan.
Juffrouw Shamila ta gusta lesa, canta y haci “arts and crafts”. Den nomber di Gabinete Wever –Croes II, Minister Endy
Croes a haci entrega di e Reconocemento di Excelencia na Juffrouw
Briezen pa su dedicacion y profesionalismo durante 30 aña den ensañansa di Aruba. Juffrouw
Briezen a expresa cu e ta hopi contento di ricibi e reconocemento di parti di gobierno. Por
ultimo, e mandatario di Enseñansa ta gradici cabesante Juffrouw Mirla y e team di Maria Goretti pa e invitacion y caluroso recepcion. “Di curason hopi pabien y danki pa tur loke bo ta significa pa enseñansa di Aruba”, Minister Endy Croes a finalisa.
POR POCO A DETENE MOTOCICLISTA CU NO POR A MUSTRA NINGUN DOCUMENTO NI IDENTIFICACION
Diabierna atardi un oficial di e brigada motorisa a para un motociclista pa un control, pero e motociclista no por a mustra ningun documento ni identificacion y polis tabata cla pa detene hasta a pidi pa e vehiculo di transporte. Pero pa suerte conosirnan a bin trese esakinan p'e y polis a hala su atencion pa e tin su documentonan cun'e na tur momento. Despues di esey e por a sigui su caminda.
MINISTER ENDY CROES A BISHITA MON PLAISIR COLLEGE
HAVO PA INVITA E ALUMNONAN DI KLAS 4 Y 5 PA UN
SESION INFORMATIVO DIA 26 DI SEPTEMBER PROXIMO
: Siman pasa, Minister Endy Croes a bishita e alumnonan di havo 4, 5 di Mon Plaisir College Havo pa un sesion educativo. Durante e sesion diferente orado profesional lo brinda informacion di, entre otro alohamento (huisvesting) na Hulanda. Lo a comparti e retonan pa haya un vivienda na Hulanda. E mentornan na Hulanda, Kabinet di Aruba, Seccion Facilidad pa Estudio di Departamento di Enseñansa di Aruba (DEA) lo duna informacion di e fiansa di Arubalening y con pa yega na un prestamo, alabes a contesta e
preguntanan relaciona cu e topico aki. Adicionalmente, Fundacion Plan di Bida lo duna informacion na e alumnonan tocante maneho di presupuesto. Realign Caching, Consultancy & Services lo trata e topiconan: escogencia di estudio y con pa yena e formularionan. Tambe ta importante pa prepara tanto e mayor, como e studiante pa e reto nobo aki. Sr. Franklin Seute, autor y orado di e buki “Living Rich as a Student in the Netherlands” lo comparti hopi tips valioso di entre otro, maneho di placa
CAMBIA
como studiante
Rector di Mon Plaisir College Havo Sra. Richelle Noël a gradici Minister Endy Croes pa bishita e scol y pa invita e alumnonan pa e sesion importante aki. Sra. Noël a enfatisa cu buscamento di camber na Hulanda ta un problema serio y e ta contento cu Minister Endy Croes ta traha tempo pa atende cu e problematica aki. Por ultimo, Minister Endy Croes a gradici Sra. Noël, docente- y alumnonan pa e caluroso recepcion. “Nos ta warda e studiantenan mas un (1) mayor dia 26 di september proximo pa 6 ‘or di atardi na IMAX Gloria”, Minister Endy Croes a finalisa.
OctOber 1 inscripciOn ta habri na
sKOa pa inscribi tur mucha cu ta bay cuminsa nan prOme aña di Kleuter!
Oranjestad, Aruba:
Entrante 1 di october, SKOA ta cuminsa acepta inscripcion di mayornan cu tin muchanan cu ta bay cuminsa kleuter e proximo aña escolar. SKOA t’ey pa brinda accesibilidad na mayornan pa haci e proceso di inscripcion mas facil y eficiente.
Pa inscribi un mucha pa kleuter, por haci esaki den diferente forma completamente digital. Por inscribi via nos website www.skoa.aw completamente online. Por
inscribi via email door di manda SKOA un email na aplicacion@skoa.aw. Por inscribi via WhatsApp door di manda un mensahe directo na +297 7485995 y sigui e proceso pa completa e inscripcion. Pa mayornan cu ya caba tin yiu inscribi na SKOA por haci inscripcion di e yiu cu tin cu cuminsa kleuter via nos systema di SAS. Ora di inscribi mester pone bon atencion ariba e documentonan cu ta necesario pa asina por cumpli cu e proceso di inscripcion di bo yiu.
Mayornan cu inscribi nan yiu ta haya un periodo di 6 siman pa asina por cumpli cu e pago completo di schoolgeld pa e aña escolar venidero. Despues di 6 siman, si e pago no a wordo completa, e cupo di inscripcion ta wordo cancela cu consecuencia cu no lo bay tin un luga sigura na un scol pa e yiu por cuminsa kleuter e proximo aña escolar.
Mayornan por cuminsa cu e proceso di inscripcion entrante 1 di october pa
pOlis a bay pa un accidente hit & run panOrt di huchada na santa cruz
Diabierna anochi a drenta informe di un accidente hit & run panort di Huchada na Santa Cruz, mesora a dirigi un patruya na e sitio.
Na yegada di e patruya a bin compronde cu aki ta trata di un accidente un auto a bay dal contra e auto y esun a bandona e sitio.
Polis a haya e informacion di e vehiculo cu a bandona e sitio y lo bay busca esaki pa atende cun'e.
na bubali pa un descuidO
wiel di autO a pasa riba pia di un hende
Diasabra merdia a drenta informe di un incidente cu hende herida, mesora a dirigi tanto polis como ambulans na e sitio.
Na yegada di e patruya a bin compronde cu aki ta trata di un wiel di auto a pasa riba e pia di un hende y ela resulta herida.
Na yegada di e ambulans nan a atende e victima mesora.
asina sigura nan luga pa e proximo aña escolar. Pa mas informacion tocante inscripcion na SKOA por
bishita nos website www. skoa.aw of por yama na liña directo 5231800.
Accidente na rotonde banda di Superfood a bin resulta un laberinto pa polis
Diasabra mainta a drenta informe di un accidente na e rotonde banda di Superfood, mesora a dirigi patruya na e sitio.
Bayendo na e sitio a drenta otro informe su aki ta trata di un auto chikito preto parecido na un Getz y ta bandonando e sitio. Informe adicional a indica cu e bumper dilanti cu w
plachi number a keda atras. Polis na su yegada a hala e palo di lus for di caminda y ora a controla e number esaki ta registra na un adres na Moko. Na Moko ta un compleho di apartamento pero a compronde cu e persona doño di e auto no ta biba eynan. Polis a rondia den e registro di incidentenan y a logra haya sa cu esun cu tabata core cu
e auto e dia di e incidente ta biba na Tanki Leendert. Ora a bay na e adres ey a haya sa cu e doño di e auto ta biba ey cerca mes na Tanki Leendert. Ora polis a bay na e adres ey a bin haya sa cu e doño a huur esaki cu un muhe y a duna polis e number. Ora polis a yam’e e no ta contesta. Polis a keda si purba mas despues.
Homber A yegA cAS burAcHi y A lAntA contr A tur Hende, e no A Sigui ordo di poliS y A reSiS ti Su detencion
Diasabra anochi a drenta informe di un problema cu te escalando ora cu un homber burachi a yega agresivo na un cas na Matividiri, mesora a dirigi patruya na e sitio.
Polis a purba papia interveni den e asunto pero e homber tabata sigui agresivo y no kier a sigui cu ordo di polis.
Polis a dicidi pa detene pa buracheria pero aki su agresividad a aumenta y hasta a resisti su detencion. A pidi refuerso di patruya pa asina pone
e homber plat pa detene pero su furia a sigui. Na yegada di mas polis a
logra pone plat y a boei e pa hib'e warda di polis.
SABIDURIA DEN NOS ALEGRIA
Skirbi pa
Ruthy”Lady Ruth” Vrieswijk-Bergen
Dushi hendenan, nos tin awe un potpuri atrobe di varios topico. Nos ta cuminsa pa felicita e banda musical “The fantastic 5” cu nan magnifico presentacion den Bucuti Yacht Club varios siman pasa cu nan famoso y talentoso integrantenan: Ruben Werleman, Tasha Orman, Jaime Robles de Medina, Emilio Thiel y Jimmy Oduber, cu a bay e mesun scol cu Lady Ruth, esta, Mon Plaisir College Mavo 4 na anjanan setenta ney. Nan ta toca super dushi, cancionnan y musica di anjanan sesenta, setenta y mas. E dushi “ Oldies” cu nunca ta perde nan balor di letra - y melodianan bailabel y contagioso, cu ta pone Lady Ruth subi pista di baile y expresa su dushi alegria ! Cu su esposo Johan of su so. Bayla e ta bayla ! “The fantastic 5" ta un banda nobo cu a keda lanta y forma recientemente y nan ta tremendo !!! Den e mesun rosea di alegria y
pervision di muhe fabulosa
Josie van der Biest. Bariga yen curason contento. E nomber di e café restaurant chikito aki ta “Lieverd Lees Café”. Nos a saborea un dushi avocado toast cu un caramel ice koffie super dushi. Sinta meymey di cosnan artistico, un dushi ambiente. Lady Ruth ta gusta pone nos mesun dushi hendenan local y original “In het zonnetje”, den mas bunita lus. Y pa finalisa nos relato di awe, un poema dedica na un dushi pareha, nos dushi hendenan di Sero Lopes. E poema ta papia pa su mes :
REINA ELENA A YEGA E EDAD DI DOBBEL OCHO
Sr.y Sra. Mario Wolff-de
Mei, Mai y Elena den curason di Sero Lopes, Aruba
Nan dushi bida na paz y trankil den nan dushi hogar, no tin duda
Recientemente Diadomingo dia 18 di Augustus 2024
A celebra hunto e cumpleanos di Elena, dobbel ocho
Semper cla pa yuda otro y duna un man di bondad y amor cu lealtad
Nos mihor deseonan pa mas salud y anjanan di sabiduria y felicidad
gradicimento nos ta felicita tambe e duo Serghio Jansen “The guitar man” y Lily Rodgers “The singer” cu ta duna nan fantastico presentacion den canto cu musica di guitarra na The Plaza Café ariba Diasabra anochi cu nan dushi repertorio. Entre otro Johan Vrieswijk y su Lady Ruth a goza scucha nan presenta e cancion di Frank Sinatara “My way” y tambe “Wowo di carinjo” di Izaline Calister. Nan tambe ta “awesome”! Lady Ruth a hasi conosi e biaha aki cu e artista mago Javier cu ta traha e creacionnan di blaas di mas bunita pa tur occacion di curason, alegrando e curasonnan di e bishitantenan di Casa Tua y Café The Plaza cu su arte di magia y di crea e.o. un cacho poedel cu blaas. Y contento tambe Lady Ruth a keda cu e dushi cuminda y servicio excelente na Biblioteca Nacional su cafe/ mini restaurant cu tokenan artistico bau direccion y su-
Un cifra bendiciona cu no tin su morocho
Esnan cu a corda y a duna nan un bishita
A disfruta di un dushi cuminda, fruit punch y bolo
A demonstra nan amor y aprecio manera e fieldad di e solo
Cu den biento fresco e dushi compania y alegria ta grita
Elena y Mai ta mustra bon, nos dushi hendenan humilde, elegante y fuerte
Nan union di amor ya pa 48 anja, cumpli e mesun fecha aki, nan suerte
Bendiciona cu nan bunita yui prinses Marlene y nieto
prins Aiden, sabi y talentoso
Nan bida rico y abundante
na bunita recuerdonan y experiencianan dichoso
Nan hardin cu un bon y bunita deseo pa nan, colga
na cada taki
Nan bon Dios sigui drama su bendicion ariba e famia bunita y dushi aki
Danki pa habri cas y curason pa brinda nos tambe boso dushi amistad
Pabien na Reina Elena, un Shon di hende muhe bunita y semper inspira
Cu su talentonan den cushina, su dedicacion cu atencion na su famia duna Lady Ruth ta desea Elena hopi alegria den su sabiduria
Y pa Dios sigui guiele, yudele y protehele dia pa dia
Pa sigui subi e trapi di un bunita edad avansa
Cu Dios sigui dune forsa pa sigui cana balansa
Pa e guapo cabayero tambe di edad respeta, su casa Mai
Sigui comparti y companja su amor grandi di ayera, awe y majan
Shonnan di hende, balente, cu respet, briyo y animo, bon prohimo ruman
Apreciabel y respetabel lectornan, danki pa e atencion di curason pa nos relato di e siman aki.
Un dushi y felis dia colma di salud y alegria pa nos tur ! Un “bearhug” di Lady Ruth.
DANKI NA APORTE DI CADA CIUDADANO DI PAIS
ARUBA AÑA 2024 LO CERA COMO E MIHO AÑA
DEN E ERA MODERNO DI PAIS ARUBA
“Nos no ta cla ainda, ban sigui traha hunto pa hiba nos pais padilanti”
ORANJESTAD – Ya cerando e Conferencia di Prensa di Gobierno di Aruba dialuna ultimo, Prome Minister Evelyn Wever-Croes a tuma e oportunidad pa duna un recopilacion cortico di aña 2024 cu ya ta den e ultimo kwartaal.
Prome Minister a indica cu aña 2024 te awor a bay hopi bon pa pais Aruba. A mira e finansas publico bek na ordo, por a crea mas espacio financiero y basa riba esey a mira mas inversion grandi den e pais. Turismo ta bayendo excepcional-
mente bon y esey ta danki na tur esnan cu ta traha den e area aki y tur ciudadano di nos pais cu semper ta trata turistanan cu e cordialidad cu ta distingui e pueblo di Aruba. Desempleo a baha y inflacion ta bahando. Aruba ta safe y mas oportunidad a wordo crea.
Hopi inversion a wordo haci den deporte y den enseñansa pa nos hobennan. Tambe a haci inversionnan den cuido di salud y pa e grandinan di nos isla.
“Cu e desaroyonan aki nos
ta sigur cu nos ta bay cera e miho aña den e era moderno di pais Aruba y pa esaki mi kier gradici cada ciudadano di nos pais. Pero nos no ta cla ainda, ban sigui traha pa hiba nos pais padilanti.
Ta berdad cu actualmente ta den un campaña electoral, pero e pueblo di Aruba por conta cu nos semper tin Aruba na pecho y lo sigui traha pa hiba e pais aki padilanti, y mi ta spera di por sigui conta riba cada ciudadano di nos pais.”, Prome Minister a termina bisando. Prome Minister Evelyn Wever-Croes:
Polis a bay atende accidente di hit &
run na Liniar Park
macion y como cu
e
revisa esaki pa asina e
tonan envolvi
Elise Heronimo Little Beauty Aruba
Recientemente Little Beauty Aruba 2023, Elise Heronimo tawata di bishita na Art Fair 2024.
For di su reaccion nos por a mira cu Elise a keda hopi contento di tawata parti di e evento y e ta gradici Jhon Freddy Montoya masha hopi pa e invitacion, e confiansa y guia poni den dje. El a haya Art Fair spectacular.
Elise Heronimo ta Little Beauty di Cas Princesa Aruba y lo ta entregando e titulo aki na su susesora dia 1 di november 2024 den Cas di Cultura.
Fiesta na Hooiberg nan a blokia un ciudadano pa yega su cas
Diabierna anochi a drenta informe di cu a blokia entrada di habitante na un cas na Hooiberg, mesora a dirigi un patruya na e sitio.
Na yegada di e patruya a bin compronde cu aki ta trata di cu na Hooiberg tin un fiesta y un chauffeur a haya di ta bon pa blokia e entrada di un cas den vecindario y pa maximo proteccion di su auto e ta para su auto den su cura, pero como cu e no por a drenta a yama pidi asistencia policial pa intermedia pa e auto hala y e por drenta su cura sin ningun problema.
5 ehercicio facial pa tin un cara rehubeneci
Nos sa ehercita nos curpa, pero no nos cara y esey por ta contraproducente si nos kier ta hopi mas rehubeneci. P'esey, awe nos lo descubri den e articulo aki 5 ehercisio facial pa tin un cara rehubeneci cu ta yuda nos evita lachi y aumenta e vitalidad di nos cuero.
Pa tur e ehercisionan facial aki surti efecto, ta imprescindibel pone nan den practica cada dos dia, como minimo.
Solamente asina, nos lo adkiri nan como un habito, e resultadonan lo cuminsa wak den cuestion di siman. Laga nos wak cua nan ta y con por realisa e ehercisio pa e cara.
Ehercicionan facial pa tin un cara rehubeneci
1. Con pa reduci e dobel cachete (dubbele kin)
E prome di e ehercisionan facial pa tin un cara rehubeneci ta destina na reduci e cachete. E zona aki sa presenta flacides cu facilidad, pesey, ehercit'e ta hopi importante. Algun ehercicio cu nos por haci ta lo siguiente:
● Laga bo cabes cay atras, mientras cu bo ta duna un sunchi den aire. Mantene e tension cu bo ta sinti den e zona di e cachete durante 7 seconde y despues, relaha.
● Move bo kaak (cacumbein) inferior p'adilanti, haciendo cu bo djentenan ta mas delanta cu esunnan di ariba. Mantene durante por lo menos 5 seconde.
● Sin move e curpa, hiba bo cabes p'adilanti lo maximo cu bo por te ora cu bo nota e tension den e zona di e cachete. Mantene e posicion aki durante 6 seconde y relaha.
2. Marca e couchinan
E di dos di e ehercisionan facial pa tin un cara rehubeneci ta centra den marc e couchinan. Den e epoca di nos welanan, nan tabata sa kinipi nan cara pa duna color, pero nan tabata haci algo pa marca e couchinan?
● Pa marca e couchi -
nan tin un ehercisio cu ta realisa hariendo of yenando e cara cu aire.
● Cu e punta di e edenan, nos ta duna golpinan suave na e zona durante 10 seconde.
● Despues nos ta relaha e cara y si nos a recoge aire, nos ta sak'e.
3. Elimina e saco bao di e wowonan
E saco bao di e wowonan ta duna un apariencia hopi poco rehubeneci na e cara. Lo bo elimina of atenuanan, sa ta un tarea basta duro. No obstante, ademas di e productonan cu nos por usa, tambe nos por pone na practica un ehercicio hopi efectivo.
● Cu e duim y e wijsvinger nos ta crea un tipo di bril cu nos ta pone rond di e wowonan.
● Loke nos ta bay haci ta pa tensa e cueero cu ta riba e wowo y loke ta bao di dje, cu cuidao.
● Mientras cu e cuero ta den tension, nos ta bay habri y cera nos wowonan mas of menos 12 biaha, como minimo.
4. Ayo na e patanan di gai! E patanan di gai tambe ta un di nos batayanan grandi. Sin embargo, cu e ehercisio facialnan aki pa tin un cara rehubeneci nos por atenua of retrasa su aparicion si ainda nos no ta sufri di dje.
Pa ehercita e zona akio nos por realisa e siguiente ehercisionan:
● Cu e palmanan di man ariba, nos ta press cu e duimnan e patanan di gai. Despues nos ta eleva e ooglid interior, mirando ariba y nos lo mantene durante 5 seconde. Tras e tempo aki nos ta laga e ooglid abao cay. Nos ta wanta un otro 5 seconde y nos ta
relaha.
● Cu e man drechi, nos ta bay eleva e ceha robes. Cu e palma di man, nos ta press e zona di e pata di gai y nos ta realisa e mesun ehercisionan anterior. Nos ta eleva prome, e ooglid inferior y despues e superior nos ta laga cay.
● Nos ta press e dos patanan di gai pareu cu e dedenan y nos ta stretch e cuero patras, te ora cu e wowonan ta keda rasga. A continuacion, nos ta cera e wowonan mas of menos un 10 biaha y nos ta relaha.
5. Logra tin un frente sin lachi
E ultimo di e ehercisionan facial pa tin un cara rehubeneci ta centra den e zona di e frenta, hopi propenso pa sufri lachi. Nos ta bay mira ki tipo di ehercisio nos por haci pa por atenuanan di manera efectivo.
● Cu e mannan habri, nos ta pone e palmanan rib e wowo, mientras cu e dedenan ta mishi cu e frenta.
● Nos ta press liheramente ariba, haciendo cu e ceha y e ooglidnan ta tense. ● Nos ta bay wanta durante 10 seconde y nos ta relaha.
Ehercicionan cu no ta faya Pa e ehercicionan facial aki duna resultado, bo tin cu practicanan cu frecuencia. Si nos haci esaki solamente un biaha cada dos siman of dos biaha pa luna, lo mas probable ta pa nos stop di haci'e.
Mescos cu nos ta ehercita nos curpa, nos tin mester di un rutina y constancia pa logra nos obhetivonan. Cu esaki ta sosode mesun cos. Algun biaha bo a pone den practica e ehercicionan facial aki pa tin un cara rehubeneci? Bo conoce otro maneranan di ehercita algun parti di e cara cu nos no a menciona? Nos ta spera cu e ehercicionan indica ta yudabo, pero corda, sea constante.
Turis Ta chauffeur no a regula su velocidad ni a manTene dis Tancia a bay dal Tras di bus di arubus
Diabierna anochi a drenta informe di un accidente na Wilhelminastraat, mesora a dirigi un patruya na e sitio.
Na yegada di e patruya a bin com-
pronde cu aki ta trata di un accidente unda un turista chauffeur a subi e caminda sin ripara cu e bus a para y a bay dal tras di dje. Afortunadamente ningun hende a resulta herida.
Polis a bay mainta na b ushiri residences pa un yiu cu a lanta contra su tata!
Diasabra mainta a drenta informe di cu un yiu a lanta contra su tata na Bushiri Residences, mesora a dirigi patruyanan na e sitio.
Na yegada di e patruyanan a bin compronde cu aki ta trata di un caso unda e yiu homber a yega cas
cu su orea bora pa hinka un renchi orea, e tata a bira hopi furioso.
Polis a haya nan ta papia cu ambos pa calma e asunto.
Despues di basta papiamento a logra re-establece paz.
Polis y ambulans a bay dilanti e b oco pa un accidente cu 3 hende heridaentre nan un baby
Diasabra merdia a drenta informe di un accidente cu hende herida dilanti E Boco na Bubali, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda tin 3 auto envolvi unda un a desvia pa e otro cu a bira su dilanti y a bay dal frontal riba e otro.
Na prome instante un baby cu tabata den un di e autonan lo a resulta levemente herida pero na e sitio 2 otro adulto tambe tabata keha di dolor.
Na yegada di e ambulansnan nan a atende e 3 heridanan na e sitio mes.
FORTALEZA PA FAMIA
Scirbi pa Pastor Marcel Balootje. BAN YUDA NOS HUBENTUD PARA
FIRME DEN CAMINDA DI
Nos tur ta na altura locual ta pasando cu nos hubentud, nos tur sa con droga y alcohol y inmoralidad ta jaag tras di nos hubentud/ Nos no por tapa solo cu un dede, nos hubentud mester di apoyo di henter comunidad , pasobra sin e apoyo necesario, nan lo no por para firme.
Ta dificil lanta un hoben sin Dios, e palabra di Dios ta necesario,den bida di tur hoben, mas necesario cu cualkier ekipo digital.
E necesidad spiritual di un hoben , no por wordo reemplasa cu deporte, arte, y materialismo, pero ora hoben tin mester di Dios, ta di Dios e mester, y nos tur ta bon na altura cu tur nos hobennan tin mester di Dios.
E uso di arma di candela, e uso di droga y alcohol,e falta di respet y temor di Dios, ta simplemente algun motibo urgente pa nos pone man hunto y yuda nos hobennan.
Prome cos cu nos hubentud mester sa cu nan bida tin balor y cu nan no por biba manera nan kier, pero nan tin cu hiba un bida cu ta agrada Dios.
Pasobra e palabra di Dios ta bisa; Boso no sa cu boso ta tempel di Dios, y cu e Spirito di Dios ta biba den boso. Si un hende destrui e tempel
DIOS
di Dios, Dios lo destrui e, pasobra e tempel di Dios ta santo, y esey ta loke boso ta.( 1 Corintionan 3:16).
E forma di biba di nos hubentud, sin ta tene cuenta cu ordo den nan bida, bibando bida di internet y pelicula ta afecta nan den tur sentido, pasobra locual nan ta mira nan kier haci y no ta tene cuenta cu nada.
E enemigo tin hopi trampa diabolico pa atrae nos hubentud, un di nan ta placa, otro ta pervesidad, y otro ta e rechaso di Dios, y asina e por hundi nan mas den scuridad.
No tin nada mas importante cu Dios den bida di un hoben, pasobra si un hoben ta studia y e no tin tempo pa Dios, ta djis un excuus pasobra Dios no ta kita ningun hende di studia. Alcontrario ta boluntad di Dios pa tur hoben studia y tin un bon trabao pa asina yuda nan mayornan.
E actitud y forma di bisti perverso, cu tin awendia, ta demostra cu nos mester pone hopi mas atencion riba nos hobennan na cas, pasobra educacion ta cuminsa na cas, y si na cas no tin ordo, anto e ora ey e hoben no ta respeta orden riba caya, cu tur e conse-
Palabra malo. sushi, y baho no por ta e vocabulario di un hoben, esey ta nifica di biba un bida bao di nivel, di etica , moral y respet.
E comunicacion di custumber, bon dia, bon tardi, bonnochi,mester keda den e cultura di nos hobennan. Pasobra esey ta nos custumber di saluda otro.
Dios ta bolbe spierta nos den 1 Coruntionan 6:19 bisando: Of boso no sa cu boso curpa ta tempel di Spirito Santo, kende ta den boso. Kende boso tin di Dios, y cu boso no ta pertenece na boso mes.
Si como mayor nos no habri nos wowo, awor aki, den un paar di anja nos lo tin hopi di lamenta. Pasobra nos mes a habri man laga bay y tur cos ta sali for di man, pasobra no lubida cu e ladron a bini, solamente pa horta, mata y destrui.
Pa medio di hopi oracion y ayuno, buscando sabiduria di Dios, nos por alcansa yuda nos hubentud, pasobra placa no por cumpra desencia y moralidad.
Sinceramente, Pastor Marcel Balootje.
Feliz dia bendiciona y cu Dios su man santo ta riba cada un di nos
Den e tempo ey Hesus a bisa: ”Tata, Señor di shelo y di tera! Mi ta gradici Bo cu Bo a duna esnan simpel conocemento di e cosnan cu Bo a sconde pa esnan sabi y inteligente.” Mateo 11,25
Ta trata di e reino cu Dios mes a funda y esnan simpel na kende e cosnan aki a keda revela. Hesus ta expresa na un manera indirecto cu E tin un caso unico cu Dios su Tata, p’esey nos ta proclama Dios su sabiduria secreto prome cu mundo a cuminsa. El a traha e plan pa nos tuma parti na su gloria pero e plan ey a keda scondi; ningun di e podernan cu ta domina e mundo aki no tabatin conocemento di e plan ey. Si nan tabata conoc'E nan lo no a crucifica nos Señor di gloria. Pero manera Santa Scritura ta bisa: loke ningun hende no a yega di mira, ni ningun hende no a yega di tende, pues ni ningun hende no por imagina nan, esey Dios a prepara pa esnan cu ta stim’E. Ma nos si Dios a laga conoce su plan secreto pa medio di su Spirito Santo. ( 1 Cor. 2, 7-10)
Dios a laga nos conoce su proposito scondi di acuerdo cu su boluntad, e proposito cu El a dicidi di antemano pa realisa pa medio di Cristo.
Oracion: Dios bondadoso, Abo cu ta scrudiña curasonnan, yuda nos lucha cu nos cruz cu no ta facil, pero cu Cristo nos por tur cos. E so por duna nos e forsa sobrenatural pa enfrenta e lucha aki na tera. Amen.
cuencianan conoci.