Diasabra den oranan di merdia Unidad Motorisa a tene nan control riba diferente puntonan strategico pa asina haci control riba e velocidad den trafico.
200 auto a wordo controla y den total di 31 chauffeur a haya multa pa maneha cu velocidad halto y a detene un chauffeur pa maneha
bao influencia. Controlnan lo sigui durante weekend y ta haci un apelacion na tur automobilistanan pa nan tin nan papelnan di auto na ordo como tambe nan rijbewijs. Tene bo mes na e reglanan di trafico y si bo ta bebe no stuur y si no ta stuur no bebe.
UNIDAD MOTORISA: A CONTROLA 200 AUTO, 31 CHAUFFEUR A HAYA MULTA Y UN DETENCION
A INTRODUCI UN SCHAKEL KLAS
NA C.G.
ABRAHAM DE VEER SCHOOL NA SAN NICOLAS PA E
ALUMNONAN CU NO TA DOMINA HULANDES
Diaranson ultimo durante
Conferencia di Prensa di Gobierno di Aruba, Minister di Enseñansa y Deporte Endy Croes a indica cu e aña aki a introduci un ‘schakel’ klas na C.G. Abraham de Veer School na San Nicolas.
Esaki ta pa ‘vang op’ e muchanan ya caba grandi cu nunca a haya hulandes, cu no por bay scol basico mas y mester bay sigui trayecto di mavo. Un total
di 15 alumno a inscribi pa e proyecto aki. Despues di esaki, e alumnonan por ‘stroom door’ pa mavo.
Esaki a acapara un cantidad di mucha cu no por a haya un cupo, paso no por domina Hulandes. “Esaki sigur ta un logro bunita.
Nos ta percura pa tur mucha tin acceso na Enseñansa”, e mandatario di Deporte a conclui
UNIT NARCOTICA CU 4 DETENCION DURANTE ENTRADA HUDICIAL
Diabierna den oranan di atardi Unit Narcotica a tene un accion policial un biaha mas pa loke ta trata bendemento di droga.
Unit Narcotica a haci dos entreda hudicial. Un na Milonstraat y e otro na Pindastraat.
Na Milonstraat a detene e persona di inicial
Q.N.S.H.P. di 42 aña. Na Pindastraat a detene e
hende muher di inicialnan
R.T.T. di 59 aña, un otro hende muher D.J.H.P. di 39 aña y e hende homber S.A.A.S di 23 aña.
Na e entrada hudicial a haya diferente droga entre otro cocaina, marihiana y xtc.
Durante e entrada hudicial diferente departmento di Cuerpo Policial a forma
parti entre otro Team di Aresto, Flex team y Polis uniforma.
E accionnan aki lo continua y no ta descarta cu lo tin mas detencion.
Cuerpo Policial ta haci un apelacion na cada cuidado cu si abo sa algo of a wak algo djies yama tiplijn di polis cu ta 11141. Bo ta keda anonimo <This message was edited>
Gobierno di Aruba: Despues di su bishita siman pasa na Aruba
SECRETARIO
DI ESTADO SZABÓ A DUNA UN RESUMEN DI SU BISHITA
Su prioridadnan ta cuadra cu e prioridadnan di Gabinete Wever-Croes
Despues di su bishita siman pasa na Aruba y na su regreso na Hulanda, Secretario di Estado nobo di Relacionnan di Reino y Digitalisacion, señor Zsolt Szabó a duna resumen
di su biahe enfatisando cu e ta impresiona cu e entusiasmo di e Arubianonan. Secretario di Estado Szabó durante su bishita cortico, no solamente a enfoca riba
reunionnan, sino tambe a bishita algun luga di interes.
Entre otro, Secretario di Estado Szabó a menciona su bishita na e cunuco hidroponico 297 Farm, unda cu el a haya splicacion di cultivacion di lechuga. En bes di crece den tera, e lechuga ta crece den bakinan cu awa. Di e manera aki nan ta haci Aruba menos dependiente di cuminda for di exterior. Esaki, Secretario di Estado Szabó a menciona, ta un gran ehempel di autosuficiencia di e empresarionan aki.
E Secretario di Estado a keda contento cu e recorido na San Nicolas tambe. El a remarca cu e ‘pueblo rond di e ex refineria’ ta mustra claramente con Aruba a desaroya di un economia enfoca riba petroleo pa turismo. “E reto aworaki ta pa amplia e economia y mi ta mira cu tin plannan pa esaki tambe”, Secretario di Estado Szabó a expresa.
Durante su prome bishita na Aruba como Secretario di Estado pa Relacionnan den Reino, e tabatin bon conbersacionnan cu Gobernador di Aruba, Sr. Alfonso Boekhoudt, y cu Prome Minister Evelyn Wever-Croes y e otro ministernan di su Gabinete. Tambe el a combersa cu Presidente di Parlamento di Aruba Edgar Vrolijk, Staten, y e lidernan di fraccionnan. Durante su combersacionnan, Secretario di Estado Szabó a enfatisa kico ta su prioridadnan cu alabes ta cuadra cu e prioridadnan di Gabinete Wever-Croes cu ta: bon gobernacion, maneho finansiero
solido y autosuficiencia economico. Tambe a toca e tema di e oportunidadnan cu digitalisacion ta ofrece, por ehempel pa haci cuido medico mas accesibel.
“Mi ta impresiona pa e entusiasmo di e Arubianonan. Mi ta spera mas cooperacion”, Secretario di Estado Szabó a expresa na final di su resumen cortico di su bishita na Aruba.
Hoben(22) tira den pia na pos CHikito
Pos ChikitoBetonicastraat, Diabierna anochi pa mas o menos 8'or y 45 polis y ambulance mester a bay cu urgencia
Betonicastraat pa un caso di tiramento.
Na yegada di unidadnan,
nan a bin topa cu un hoben(22) aña cu un herida di bala na pia.
Segun su version, unda e tawata situa e momento ey cu ta den un hanchi di tera, dos auto lo a yega. Eynan un of mas individuo
lo a baha for di auto y tira.
Polis a bin haya un total di 5 huls, mesora e area a wordo cera pa cuminsa investigacion.
Pa locual ta e hoben e la wordo transporta pa Hospitaal cu Ambulance. For di informacion oficial e hoben su situacion ta stabil.
BFTO a ser pidi, pa e por procesa e sitio y tambe colecta evidencianan haya, manera e hulsnan.
Investigacion lo mester bay deduci si e hoben tawata "Wrong place Wrong time" of si e mes tawata e target ?
Minister Endy Croes: ESTUDIO NA SCOL PRACTICO PA
OFISHI (SPO) A EXTENDE TE CU AÑA 5
Siman pasa, durante Conferencia di Prensa di Gobierno di Aruba, Minister di Enseñansa y Deporte Endy Croes a informa cu a extende e estudio na Scol Practico pa Ofishi (SPO) te cu aña 5. Minister Endy Croes a indica cu e alumnonan di SPO tabata termina nan estudio mucho hoben y no por a drenta mercado laboral di biaha. Pa e motibo
aki, a traha duro durante 1 aña pa e aña escolar aki extende e estudio y asina crea oportunidad pa e alumnonan di SPO prepara nan mes mas miho pa mercado laboral. Durante e conferencia di prensa, e mandatario di Enseñansa y Deporte a indica cu e aña aki tur alumno di SPO cu a termina aña 3, a inscribi pa continua nan estudio
den aña 4. Minister Endy Croes a indica cu dia 3 di september proximo, e klasnan lo habri y ta hopi contento cu por a crea mas oportunidad den enseñansa pa nos hobennan.
Finalmente, Minister Endy Croes ta gradici Ministerio di Deporte y e comision cu a traha duro pa introduci aña 4 y 5 pa nos hobennan di SPO.
FIXI.Aw TA E SISTEmA mAS RAPIDO PA
BUREAU CITy INSPECTOR POR jEgA PA E
LImPIESA DEN BARIO
Bureau City Inspector a haya un melding ariba su Sistema cu tin un dump ilegal pega cu caminda y caminda cu turista ta pasa tur dia ariba cabay esaki ta den Sta Cruz na sombre y mesora a manda un team di BCI na e sitio pa controla, enberdad a
bin haya un tereno publico yena cu desperdicio , mesora a cuminsa traha pa por cuminsa ruim op esaki caminda cu a busca tur e ploegnan di BCI pa haci e limpiesa aki. Hunto cu e baki nan di My Containery a logra laga e lugar limpi. BCI kier a pidi cooperacion
di tur e bisiñanan rond pa no tira desperdicio mas ariba e tereno aki y ni otro caminda . Dia 31 aug 2024 lo bay tin un otro baki den bario den Piedra Plat y Hooiberg y tur luna por haci uzo di e baki den bario den difertente bario .
Detencion Di boto local
Den ora nan di diasabra mainta a tuma nota di un boto sospechoso den direccion di Aruba. Inmediatamente a alerta miembro nan di Wardacosta y tambe Cuerpo Policial di Aruba. E boto a dirigi su mes den area di Fisherman's hut y a yega tera prome cu autoridad nan a presenta na e localidad. Autoridad a detene un persona local riba e boto y a ricibi informacion di testigo nan presente, cu un di dos persona a baha for di e boto, subi su auto y bandona e area.
Varios patruya a bay citgo sasaki pa un problema cu a surgi
Diabierna madruga a drenta informe di un problema cu lo a surgi na Citgo Sasaki, mesora a dirigi varios patruya na e sitio. Na yegada di e patruya a topa cu un problema cu lo a surgi entre 2 gang unda cu un of mas hende a bay cu un Toyota Mark X cual su ultimo 2 numbernan lo ta 23 pero no sa e otronan mesora polisnan riba caya a cuminsa tira bista pa busca e auto ey.
Inmediatamente a laga e cacho di polis inspecciona e boto, y e la detecta algo sospechoso a bordo. A dicidi di transporta e boto pa base di Wardacosta pa controla e boto rigurosamente. Durante di e control a bin topa cu diferente pakete cu un cantidad di marihuana, cocaina y municion di arma.
A entrega tur substancia ilicito, municion y e persona na polis.
E investigacion ta continua.
Prome Minister Evelyn Wever-Croes: ALTETA ELLIOT LOONSTRA TA REGALA
PROME MINISTER UN TSHIRT Y VARIOS
PIN DI E WEGANAN PARALIMPICO
Siman pasa dialuna, e Delegacion Paralimpico Aruba y e atleta reconoci y stima pa henter e pueblo di Aruba, Elliot Loonstra, a bishita Prome Minister Evelyn Wever-Croes. Elliot
Loonstra ta representa Aruba pa di dos biaha na e Weganan Paralimpico cu ta tuma luga na Paris y lo inicia dia 28 di augustus.
Durante e encuentro
ameno aki, e atleta Elliot Loonstra a regala Prome Minister un tshirt cu ta e uniform oficial cu Elliott y e delegacion lo uza na Paris durante e Weganan Paralimpico. Tambe Elliott a entrega Prome Minister varios pin pa comparti cu coleganan minister. E pinnan aki ta algo hopi importante durante e weganan. Atletanan ta intercambia hopi pin cu otro, formando asina un puente di amistad.
Prome Minister na su turno, den nomber di
Gobierno di Aruba, a entrega Elliott e bandera di Aruba cu el lo bay desfila cu ne na Paris.
“Danki Elliott pa e bunita regalo. Mi ta desea Elliott
tur clase di exito pa cu e competencianan. Aruba ta hopi orguyoso di bo. Danki pa tur locual bo ta haci pa e dushi baranca aki”, Prome Minister a expresa.
POLIS A DETENE DAMA CHAUffEUR
bURACHI CU A DAL PALO DI LUS kIbRA
Diabierna madruga durante patruya polis a logra bin topa cu un accidente na Balashi unda un dama chauffeur di un Nissan March a baha caminda dal un palo di lus kibra.
Mesora a baha check e dama y e no a resulta herida pero a nota cu e dama ta bao influencia di alcohol.
Polis a test e dama y a bin constata cu e dama a surpasa e nivel di limite di alcohol den su curpa y a detene.
DESPUES DI 8 AÑA, ARUBA TA E PAIS
ANFITRION
DI TORNEO DI BADMINTON
‘CAREBACO JUNIOR 2024’
Diahuebs atardi, Minister di Enseñansa y Deporte Endy Croes a acudi apertura di ‘Aruba
CAREBACO Junior 2024 Badminton Tournament’ na Centro Deportivo Playa.
E aña aki, despues di ocho (8) aña, Aruba ta e pais anfitrion di CAREBACO Junior 2024 Badminton Tournament.
E mandatario di Deporte a duna un discurso y desea e atletanan hopi exito durante e torneo internacional.
Despues di esaki, Minister Endy Croes a service e prome ‘shuttle’ pa duna inicio na e apertura di ‘Aruba CAREBACO Junior 2024 Badminton Tournament. Alrededor di
150 atleta di diferente pais a participa den e torneo di U11 te cu U19 entre otro, Jamaica, Barbados, Trinidad & Tobago, Surinam, Puerto Rico, Mexico, Guyana y Aruba. Aruba tabatin un total di 16 atleta masculino y femenino e aña aki.
Desde aña 1972, e torneo a incia y tur aña ta tuma luga na un pais diferente. Finalmente, Minister Endy Croes ta felicita director Sr. Terence Sybesma y ful e team di Aruba Badminton Federation cu a organisa e torneo aki na Aruba.
Cu disciplina, deseo, determinacion y dedicacion ta logra.
MINISTER MADURO TA FINANSA TA FElICITA
SR. NIlO
SwAEN
CU SU 35 ANIvERSARIO TRAhANDO NA BIENESTAR DI ARUBA
Oranjestad - Diaranson dia 21 di augustus sr. Nilo Swaen a cumpli 35 aniversario den servicio di Gobierno di Aruba.
Nilo a sirbi Aruba como empleado publico na Departamento di Economia, como Parlamentario, como Minister di Finansa y Asunto Economico, y actualmente sr. Swaen ta fungi como consehero principal di Minister di Finansa y di Gabinete Wever-Croes. Minister Maduro ta gradici sr. Nilo Swaen pa su amor y su dedicacion na e desaroyo di Aruba durante
su 35 añanan di servicio.
Pa e ocasion festivo y como muestra di aprecio, Minster Maduro a regala Nilo un cuadra di e artista local sra. Yahaira Maduro cu ta hiba e nomber ‘tesoro,’ ya cu esnan cu ta traha di cerca cu Nilo, ta considera sr. Nilo Swaen un tesoro nacional di nos Pais pa e manera profesional, sereno y cu amor pa Aruba cu Nilo ta haci su trabounan na bienestar di Aruba. Masha pabien Nilo y danki pa stima y kere den Aruba.
No tin acuerdo Hamas – Israel
Iran ta bay ataca?
E ultimo dianan nos por tende cu presidente di USA Biden y su ministro di Estado Blinken ta bisa cu Hamas mester bay di acuerdo cu e ultimo proposicionnan na mesa di negociacion unda ta presenta USA/Israel, otro banda Gatar/Egipto/Hamas, pa yega na un paz duradero. Tur ta a base di e resolucion den Conseho di Seguridad di UNO di algun luna atras. Pero Israel algun siman pasa a agrega otro condicionnan. Israel sa con pa abusa di USA. Cual pais potente ta actua manera un marIoneta/ lacayo di Israel. Israel a mata e negociador di Hamas, Ismail Haniyeh, na Iran. Merca no a condena e asesinato aki, pero kier pa e negociamente entre USA/Israel vs Hamas/ Egipto/Gatar na Doha sigui. Hamas no por manda un remplasante. Pues loke cu ta pasa na Doha ta un reunion entre mediadornan. Netanyahu cinicamente ta acusa Hamas cu nan no ta manda negociador na Doha, despues cu nan mes a mata e negociador di Hamas. Tambe nan ta papia cu occidente mester pone presion pa Hamas manda un negociador. Biden y Blinken no ta papia e berdad.
Merca=Biden ta bisa cu Hamas mester bay di acuerdo y lo tin paz. Pero Biden y Blinken no ta haci mencion cu Israel na ultimo momento a pone 3 condicion inacceptabel pa Hamas. Uno, ta parti Gaza den dos parti. Ariba e coridor Netzarim cu ta parti Gaza, militarnan Israeli lo mantene e control militar y su tankinanan di guera lo sigui patruya e coridor aki..
Di dos, e frontera entre Gaza y Egipto, esta Philadelfia Coridor, cu Israel a ocupa durante e guera, Israel kier sigui cu su dominio militar. Di tres condicion di Israel ta cu Israel ta veto=dicidi cual ta e presonan Palestino, kendenan ta ricibi libertad, mientras e regla general=normal den e negosicacionan ta, cu esnan cu mas tempo den prison ta
bini prome, despues esnan cu menos tempo como prisonero.
Tur tres condicion di Israel no tabata den e resolucion di Merca di 27 mei 2024.
Pues no tin paz na Gaza. Biden y Blinken cada biaha ta bisa cu nan ta serca di un paz, pero ta sconde y gaña y no ta papia di e posicion di Israel cu su tres condicionnan hinca na ultimo momento, gañando cu ta Hamas ta e obstaculo.
Accionnan terorrista di Israel.
Ismail Haniyeh a ser asesina na Teheran, Iran, cual acto di terorismo Iran no a accepta y Iran completo ta pidi pa Iran tuma represaya contra Israel. Esaki mester sosode via un atake militar di Iran. Iran a pone condicion cu si yega na un entendimento, esta un paz na Gaza, e ta lubida su represaya. Pero aparentemente, ni Israel, ni Merca no ta sinti nan mes menasa.
Pakico Merca? Pasobra pa tur hende ta conoci cu Israel ta provocando cada biaha henter Medio-Oriente, nan sa cu Merca lo defende Israel, manera e a haci semper. E lobby di hudiunan rico na Merca cu nan biyonnan di dolar tin mas cu 75% di tur politiconan na Washinton cumpra y como tal bo por bisa cu Israel tin Merca colonisa. E ta haci loque e kier y Merca mester defende Israel.
E morto di Haniyeh ta di dos acto di terorismo cu Israel ta comete contra Iran e aña aki. Prome nan a destrui e embahada di Iran na Damasco, Syria, matando varios funcionario Irani. Militarmente Israel ta un oponente militar debil pa Iran, Iran tin un ehercito moderno cu miles di dronenan y misilnan moderno y poderoso, berdad ta tambe cu e forsa Aerea di Israel ta fuerte.
Pero nos tur sa cu e represaya di Iran contra Israel, pa destruccion di nan embahada na Damasco, a ser defendi militarmente dor di Merca, Gran Britania, Francia y Alemania.
Ultimo Abusonan di Israel. Un solda di IDF a saca un video con un dozijn di soldanan Israeli tabata tortura/ abusa prisoneronan Palestino na un campamento militar. E tortura/Abuso tabata consisti di un bara cu ta ser hinca den e parti atras (ano) di e prisoneronan. E video aki a pasa pa mundo wak e, despues e dozijn di soldanan a ser aresta pa e ehercito di Israel, IDF y poni den un prison na un campamento militar. Hopi bon!! E dos ministronan zionista, ultra derechista den e gobierno Israeli, Bezalel Smotrich y Itamar Ben-Gvir cu apoyo di Betanyahu y Merca a crea un ehercito, banda, pero hopi biaha ariba e ehercito IDF, esun legitimo di Israel. E nomber di e ehercito ta: ‘Soldanan di Estado Judea” cual ta bao comando di Bezalel Smotrich, kende ta dirigi e accionnan di e ehercito zionista aki. E armanan pa e ehercito aki, e zionistanan a ricibi di Merca. E ehercito aki ta consisti di e zionistanan radical, specialmente e settlers=colonistanan, kendenan a bini di Europa Oriental.
Abusonan di e soldanan di Yudea.
Wel, despues cu e ehercito ligitimo di Israel a aresta e dozijn di soldanan abusadornan, kendenan a tortura/ abusa prisoneronan Palestino y pone nan den un campamento special di ehercito di Israel, e soldanan di Estado Yudea a drenta e campamento y libera e dozijn di abusadornan/torturadornan y bay cu nan pa ta liber. Aparentemente e problema di tortura/abuso di prisoneronan Palestino no a termina. Tur hende ta ketu. Prensa local na Israel y na mundo occidente ta callao, pero e tortura/abuso ta sigui na granel na Israel.
Tambe tin e abusonan di e hendenan di Ben-Gvir y su soldanan di Estado Yudea, cometi den e Al-Acsa moskee, un lugar sagrado di mundo Islam. Eynan Zionistanan kier bay traha un
misa pa e zionistanan bay resa, sigur pa aki poco tempo despues, nan ta coy e Moskee Al-Acsa pa e zionistanan. Otro informacion ta cu durante e ultimo 10 lunanan, E colonistanan yuda pa e soldanan di Yudea a mata sin rasonamento como 3 pa 4 mil habitante Palestino di West-Bank, un otro parti cu ta pertenece na Palestina.
Zionismo ta racista, supremacista, totalitario, pro-apartheid y cu apoyo di Nato. Zionismo tin e carácter criminal hinca den un ideologia cual ta domina e sociedad Israeli. Pa nan zionismo ta igual na e vision di un mundo totalitario, racista, proapartheid, supremacista,y genocida.
Hasta zionistanan ta bisa cu Hudiunan ta e unico jiunan di Dios.
Tin veredictonan di CIH=Corte Internacional di Husticio contra Israel, pero e organisacionnan mundial manera UNO, cual organisacion ta actua manera un instituto Sordo, igualmente e paisnan di Nato, segun nan, defensornan di derechonan humano, ketu bay ta sigui duna Israel e apoyo necesario.
Hopi mahos, Merca, e pais cu ta bati ariba su pecho di ta e campion mundial den democracia y respet pa derechonan humano, kico ta pasando? Presidente Netanyahu, kende ta cometiendo genocidio contra Palestinonan. Mundo completo ta wak con Israel/Netanyahu ta matando muchanan y hende grandi inocente, diariamente bibu y directo via medianan di informacion. Pesey Netanyahu a bira un convicto di CCI=Corte Criminal Internacional. Merca ta habri su tapijt corra pa ricibi Netanyahu. Ademas Congresistanan mericano a menasa paisnan cu purba di coy Netanyaho preso di acuerdo cu e peticion di CCI, Merca por uza forsa militar contra e pais aki pa libera Netanyahu, esaki di acuerdo cu un ley Mericano contra desicionnan di CCI pa Mericanonan.
Na 1948, cu desicion di UNO a parti e antiguo Palestina den dos futuro estado, Israel y e futuro estado Palestina. Paisnan di Nato semper a percura pa NO crea e estado
Palestina y Israel continuamente a horta teritorionan di e futuro estado Palestina. Gaza ta na turno awor pa su teritorio ser gara dor di Israel. Pesey algun siman pasa e dos ministronan zionista Bezalel Smotrich y Itamar Ben-Gvir a declara cu pa zionistanan ta moralmente acceptabel si laga e 2,3 miyon Palestinonan na Gaza muri di hamber, ya tur teritorio ta keda pa Israel. Pues ta un hecho cu Israel ta goza di un impunidad absoluto ya pa 76 aña caba. Ta bin guera na Medio-Oriente?
E menasa di Iran pa un atake militar como represaya pa e acto di terorrismo cometi contra Iran, ainda ta ariba mesa. E ta un menasa fuerte y Israel ta preparando pa esaki. Igualmente e paisnan di Nato. Merca a manda pa Medio Oriente dos portavion cu hala di avionnan pa defende Israel y ataca Iran. Igualmente Francia, Inglatera y Alemania tin su militarnan situa serca di Israel pa actua ora ta necesario. E represaya di Iran pa loke ta e atake ariba e embahada di Iran biaha pasa a ricibi e defensa militar di e paisnan di Nato. Tur cos ta indica, cu lo bay pasa e biaha aki igualmente. Israel ta sintie duro, ya e a menasa cu awor ta intencion di Israel, cu ayudo di su paisnan amigo prome menciona, pa ataca Iran, mas bien ariba e infrastructura di e industria nuclear, y tambe e infrastructura di e industria petrolera. Tur hende sa cu ta Netanyahu cu su ministronan zionista radical ta dicidi e rumbo di e guera. Merca/ Nato mester percura pa e armanan y defensa di Israel. Esaki por bira bira un quera feroz, ya cu e paisnan Arabe y Muslim tambe lo por drenta e bataya pa yuda Iran. Esaki si nan stop cu nan discursonan bunita y uza su forsanan militar. Iran tin acuerdonan cu Rusia y China. Tambe Iran ta dispone di e misilnan Kinzhal cual tin speed altisimo y hasta nan por hundi un portavion.
Segun e mediadornan na Doha, e negociacionnan a fracasa, no a produci PAZ. Awor kico Iran ta bay haci? Tambe cual desicion conseho di seguridad di Nacionnan UNI ta bay tuma awor?
SABIDURIA DEN NOS ALEGRIA
Skirbi pa Ruthy”Lady Ruth” Vrieswijk-Bergen
Shonnan, com bay ? Awe nos tin un potpuri di 3. Un fruitpunch dushi ! Manera priminti, nos lo touch up algun tema cu porfin a yega na beurt. ( Un crenchi tardanza pa motibo di e laptop cu a strike pa algun siman, boso ta corda ?) Wel awe nos ta comparti tur tres. Three in one. Prome, nos ta felicita e dos Mamanan di anja 2024 di e grupo The voice of Jesus di Modanza, den persona di e simpatico y dushi hendenan Lima Brete y Anchie Wouter kendenan a accepta e titulo aki cu hopi amor. Masha masha masha pabien !! Nan ta gradici e bunita Mama saliente Benita Maduro cu a hasi un excelente papel durante su anja como Mama di The voice of Jesus. Tawata un bunita anochi di celebracion bau shelo na strea cu biento fresco suplando cu un super dushi ambiente. Na di dos luga nos ta felicita famia Diaz cu a accepta cu amor e bendicion pa sigui cu e negoshi di drecha sapato y mas, di nos gran amigo Juan Carlos (dfm) cu a wordo yama pa bay nos dilanti serca Tata Dios no mucho tempo atras.
Nan ta situa awor den Ponton Pitastraat 49, y nan servicio ta sigui ta excelente tremendo na satisfaccion di cliente. Pueblo a pidi, y nan ta sigui. Lady Ruth a keda impresiona cu su short di cuero con bunita ela keda, manera nobo, y su petchi di cuero tambe a keda perfecto. Nos tambe ta aporta na nos hendenan local cu ta drenta e mundo di negoshi pa duna pueblo mihor servicio y mihor prijs. Exito na Diaz Shoe Repair Aruba y danki na famia Diaz, especialmente na e talentoso, dinamico ,profesional lieve Naomy y Jerry pa continua cu e negoshi di famia, danki lieve Ana, pa bo confianza y amor den esaki.
Na di tres luga, nos potpuri di awe, ta pone luz ariba un di nos dushi hendenan, Sra. Magaly di Wit Gele Kruis, pa su tremendo trabao cu nos grandinan. Un shon di hende muhe balente cu hopi amor y carino pa su trabao di cuido y atende cu clientenan patient cu no por yuda nan mes asina bon mas. Danki lieve mooie Magaly ! Cu nos bon Dios sigui drama su bendicion di salud, alegria, harmo -
nia y sabidiuria riba tur nos dushi hendenan menciona den nos relato di e siman aki. Nos kier a felicita tambe e lider dinamico di e grupo The voice of Jesus, Sra. Valerie pa cu su exitoso charlanan duna na diferente lugar, inspirando y empoderando nos hendenan muhe pa ta nan mes y cu bon trabao ta duna fruta y cu nos tin cu cuida nos mes y yuda prohimo ora cu por, ora cu nos mesun salud ta permiti esey. Dios ta bon. Dios semper ta bon. Shonnan, danki pa lesa nos relato di e siman aki, bay trankil ariba caminda, no bebe ora bo ta stuur y no stuur ora bo ta bebe. Corda bishita nos grandinan y corda duna Dios danki pa salud y pa tur otro cos den bida. Tambe pa nos lesnan, nos experiencianan y tur nos momentonan di tristeza y di alegria. E so por duna nos e consuelo y forsa cu nos tin mester pa sigui enfrenta bida dia pa dia cu tur su retonan.
Corda bay poco poco den trafico, scolnan ta habri atrobe. Pasa un dushi dia yen di sabiduria den nos alegria ! Un “bearhug “
grandi diki gordo pa boso tur ! Cu Dios bendiciona nos isla Aruba.
Y cu su gran bendicion pa cada famia.
Parlamentario independiente Ryçond do Nascimento:
Referendum ta haci nos democracia mas fuerte
Hopi hende a acerca mi pa expresa nan apoyo y contento cu e iniciativa pa hancra e instrumento di Referendum den nos Constitucion.
Riba Facebook tambe tin hopi sosten. Nan ta completamente di acuerdo cu mi cu den un democracia ta pueblo ta dicidi riba e futuro social, cultural y economico di un pais.
Un referendum consultativo ta un forma di consulta pueblo den cual ta puntra e poblacion pa expresa su opinion riba un propuesta di ley of un cuestion politico. Asina ta obliga gobierno y parlamento pa ta consciente di e opinion di e ciudadanonan. Di e manera ey
un referendum ta un herment di democracia directo cu ta permiti pueblo tin un bos den decisionnan crucial. Tin momento cu cierto tema specifico ta asina importante of controvercial cu e ta mas corecto pa nos tur tin e oportunidad di expresa nos mes directamente. Naturalmente tambe tin algun hende cu ta contra e referendum. Mi kier adresa dos di e preocupacionnan. E prome ta cu tin hende tin miedo cu referendum lo wordo uza pa cualkier cos chikito. Nan ta sinti cu esey lo tranca gobierno den su trabao y asina stroba gobernacion normal di nos pais. E di dos preocupacion ta cu un referendum por
trece hopi gastonan cu ne. Mi ta kere cu ta importante pa adresa e puntonan aki. Esaki ta mi contesta riba e preocupacionnan aki: E posibilidad pa tene un referendum no ta pa uza pa cualkier decision chikito. E mester keda reserva pa cuestionnan di gran importancia. Esey ta crea un responsabilidad grandi pa nos tur como ciudadano busca e informacion necesario, drenta den dialogo cu otro y pensa profundo pa asina nos por haci uzo di e Referendum den un forma responsabel. Costo tambe ta un factor importante pa considera, pero esey no por ta excusa pa lubida e balor di e par-
Saliendo for di ATM dama chauffeur a bira mucho tempran y a dal riba pilon
Diahuebs atardi a drenta informe di un accidente na e ATM di CMB na Avenida Milio Croes, mesora a dirigi un patruya na e sitio.
Na yegada di e patruya a bin compronde cu aki ta trata di un accidente unda unda e dama chauffeur saliendo for di e ATM a bira mucho
ticipacion democratico. E instrumento di un referendum ta hustamente fortalece e legitimidad di e decisionnan cu gobernantenan ta tuma. Ademas, e decision pa realisa un referendum no ta wordo tuma den forma descabeya; pasobra e ta sigui un proceso legal y politico riguroso.
En fin, berdad e ta importante pa nos gobernantenan por dirigi nos pais, pero den algun caso e ta importante pa permiti cu pueblo ta expresa su mes directamente pa medio di un referendum. Mi ta convenci cu esey ta un paso importante den direccion di un democracia mas fuerte y mas inclusivo.
tempran y a dal e auto na e ultimo pilon.
Afortunadamente ningun hende a resulta herida.
Dos detencion relaciona cu e tiramento na Betonicastraat
Pos Chikito - Diabierna anochi rond di 10'or autoridad lo a spot e Hyundai Getz shinishi, cu algun rato prome tawata envolvi den e caso di tiramento.
For di Vocero Policial Sra. Rasmijn nos a haya e siguiente relato:
"Unidad di motorisa como
tambe K-9 Unit ta topa cu un auto getz color shinishi na unda ta bay over pa stop e pa controla.
E auto getz ta cuminsa core pa polis y na unda ta dal den dos auto y sigui bay direcion rotonde Pos Chikito.
Unidad motorisa ta logra para e auto y na unda 4 per-
sona masculino ta baha di e auto y hui pa polis. Polis ta logra detene 2 sospechoso.
Ta logra haya un arma di candela. E auto getz a keda confisca tambe pa mas investigacion".
Un tremendo trabao di ◦ patruyanan di polis, polis
motorisa, K-9 Unit y polis di trafico.
Cuerpo Policial ta haci un apelacion pa cu e persona
cu a wak algo of sa algo pa yama tiplijn di polis cu ta 11141. Nos ta garantisa cu bo ta keda anonimo.
Auto hortA un r Ato prome A ser h AyA n A
cAnD el A D en sABAnA B A sor A
Diabierna madruga a drenta informe di un candela
basta grandi y menasando casnan na Sabana Basora,
mesora a dirigi tanto polis como bombero na e sitio.
Na yegada di e patruya a nota cu aki ta trata di un
auto cual ta practicamente na candela.
Ta trata aki di un Toyota
MarkX cual lo ta esun cu a ser horta un rato pasa. Na yegada di bombero mesora nan a paga esaki.
Homber maltrata den Hendrikstraat
Hendrikstraat - Diasabra anochi algo pasa di 10'or y mey polis a bay un bar restaurant conoci den Hendrikstraat, eynan un homber lo a ta herida.
Na yegada polisnan a topa cu e homber herida, e la splica nan cu aparentemente dos homber lo a dal'e.
E momento ey dimes e 2 hombernan no tawata tey mes. Por a mira cu e homber tawata sangrando for di area di nanishi y boca.
A solicita pa un ambulance y na yegada Paramediconan a yuda e homber lanta, unda e la cana subi
Despues nan a sali direccion Hospitaal cu ne.
ambulance.
Polis a bay atende un Pelea den oranan di madruga dilanti un snack na Havenstraat
Polis a bay busHiri residences Pa un
Problema di PareHa den oranan di madruga
Diabierna madruga a drenta informe di cu tin un problema di pareha na Bushiri Residences, mesora a dirigi un patruya na e sitio.
Na yegada di e patruya a bin compronde cu aki ta
trata di un problema entre un pareha pero un di e partodonan ya no tabata tey mas.
Polis papia cu esun cu tabata tey y a bis’e e pasonan cu e mester y por tuma.
Diabierna madruga a drenta informe di un pelea dilanti un snack den Havenstraat, mesora a dirigi 2 patruya na e sitio.
Na yegada di e patruya a bin compronde cu aki ta trata di un pelea entre 2 adicto ambulante. Polis a core cu ambos for dibe sitio pa asina reina trankilidad na e sitio.
n a Ponton chauffeur di un chevrolet a bay dal tras di otro chevrolet, 2 hende a resulta herida
Diabierna atardi a drenta informe di un accidente cu hende herida na Ponton, mesora a dirigi tanto polis
como ambulans na e sitio.
Na yegada di e patruya a bin compronde cu aki ta trata di un accidente unda
e chauffeur di un Chevrolet
Pick-up no a regula su velocidad ni a mantene distancia a bay dal tras di e Chevrolet Equinox. Debi na e fuerte impacto 2 persona a resulta herida. Na yegada di e ambulans a atande ambos victima pero un so mester a bay hospital.
Chauffeur a perde Control bay di patras
dal 2 meter di awa y Curanan di Cas kibra bay para otro banda di Caminda y Cana bay
Diabierna atardi a drenta informe di un accidente basta fuerte na Dadelstraat, mesora a dirigi un patruya na e sitio.
Na yegada di e patruya a bin compronde cu aki ta trata di un accidente unda un Chevrolet Celta bayendo zuid a perde control bay di patras na e banda robes di caminda dal 2 meter di awa y cura di cas kibra djey bay banda drechi y baha for di caminda.
E chauffeur mes a bandona e sitio lagando e auto di su amigo atras. Afortu - nadamente ningun hende a resulta herida.
homber a drenta horta; y menasa gerenCia di supermerCado Cu e
por tiranan
Paradera - Durante siman den oranan di mainta presencia di polis a wordo pidi cu urgencia na Hong Kong Supermarket, pa motibo cu nan a mira un homber ta horta y ora a bay reclame, e la bira hopi agresivo y a menasa e trahadonan.
Tabata asina cu algo pasa di 10'or, un homber a cana
drenta e supermercado y a bay den e seccion di cosmetica, aki den e la pasa man pa algun producto cu ta caro y a scondenan den su paña. Na momento cu e kier a sali bay, e doño y su trahadonan a pare y bis'e cu e tin algun cos den su poder cu e no a paga ainda. Esaki a pone cu e homber a bira razo y
a bisanan cu e no tin nada y cu e no tin nada di paga. Nan a keda bise cu e la coy algun articulo costoso y mester entreganan of paga esakinan.
E homber a bira agresivo y a cuminsa insulta e gerencia, insulta nan mama y a bisa nan bo no sa ken mi ta? Cu e tin un arma den su poder y cu e por tiranan etc.
Mesora a pidi pa presencia di polis pero e homber a cobardia y a bandona e supermercado net un poco prome cu polis a yega.
E gerente di e supermercado a splica polis tur locual e homber a haci y a menasanan. Polis a tuma tur datos y a keda di bay na e homber.
E homber a lubida cu e supermarket ta tur na camara y nan a logra haya un bon potret di e agressor.
Actualmente tin cara di e ladron, na tur cash register y te hasta e plaachi number di su auto.
Un feliz siman yena di bendicion, gracia, amor y paz di Señor
El a hisa su cara na shelo y a gradici Dios. (Mateo 14,19) Rumannan nos tur conoce kico ta nifica un situacion basta preta p.e. un ocasion den cual nos recursonan ta hopi limita. Kiermen si nos ta confia solamente riba nos capacidad of nos recursonan nos lo keda desampara. Pero Hesus si por dirigi e situacionnan aki. Ta trata di cuanto hende? Nos no sa, pasobra e cifranan ta simbolico.
Den Bijbel ”diesdos” ta mustra nos riba e diesdos tribonan di Israel. E diesdos macutonan cu e pida pannan cu a resta ta mustra nos riba e diesdos tribonan di Hesus su Israel nobo. E manera cu Hesus a tuma e pan y a bendicion’e lo mester recorda tur Cristian riba nos celebracion di Eucaristia. E fiesta aki den aire liber ta un prefiguracion di nos Eucaristia, cu Hesus mes meymey di su pueblo. Den e revelacion biblico e cuminda ta expresa e bida cu Dios ta duna su pueblo.
E mana cu e pueblo a come despues di a sali for di Egipto y awa cu nan a bebe na Horeb y hopi otro realidadnan smbolico ta un prefiguracion di e don cu ta sali for di boca di Dios loke a keda cumpli den Hesucristo.
Oracion: Mi Señor y mi Dios, gloria na Bo Señor Hesus. Amen
