DI ELECCION NA VENEZUELA
DI 8 MORTO DI DEN TRAFICO
DIA MUNDIAL CONTRA TRAFICACION DI HENDE
Aruba ta uni na e esfuersonan di mundo riba con pa combati e crimen aki cu ta kita dignidad y e libertad di personanan
Dia 30 di juli, ta Dia Mundial Contra Traficacion di Hende cu a wordo proclama door di Nacionnan Uni. Esaki ta un dia di conscientisacion pa recorda nos riba e necesidad urgente pa combati e crimen aki cu ta kita dignidad y e libertad di personanan. Esaki ta un dia pa uni nos forsa den solidaridad contra e explotacion di bida humano y pa reafirma nos compromiso na husticia y derecho humano. Aunke na Aruba tambe tin su propio fecha nacional, 18 di October, pa conscientisa nos comunidad riba traficacion di hende, Aruba ta uni na e esfuersonan di mundo riba con pa combati e fenomeno aki.
Aruba ta pasando den diferente reto social, economico, financiero y migratorio. Un aspecto hopi tristo y peligroso di e crisis migratorio, ta e fenomeno di traficacion y contrabanda di hende, mensenhandel/
mensensmokkel, manera ta ser bisa na Hulandes. Traficacion di Hende, miho conoci como sclavitud moderno, no solamente mester wordo reconoci como un delito of crimen, pero e ta un violacion profundo contra derecho humano y ta responsabilidad di nos tur pa combati’e. Den esaki ta importante pa tin cooperacion internacional, esfuerso di cuerpo policial y legislacion fuerte y un pueblo resiliente pa hunto combati e crimen global aki.
Aruba na luna di juni aña pasa, a haya un evaluacion positivo di US State Department y a pone Aruba bek na e ranking Tier 2. Esaki ta resultado di esfuersonan di conscientisacion y accionnan haci entre otro e campaña di conscientisacion "Habri bo Wowo" cu CMMA, a bin cu ne pa conscientisa comunidad riba e importancia di ta alerta pa cu casonan di traficacion di hende. Tambe Aruba a haci hopi inversion, a duna sosten y atencion na nos departamento of ‘coordinatie punt’, y a haci esfuersonan internacional tambe. Esaki ta keda un prioridad pa Gabinete Wever-Croes.
“Pa medio di iniciativanan cu ta enfoca riba prevencion, proteccion y actua na e momento cu mester actua cu man duro, nos ta demostra e red di trafico di hende un mensahe cla, cu nan accion no
ta permisibel, noble ni normal. Esaki ta contra ley. Tambe cu e iniciativanan aki, nos ta duna sosten na victimanan y duna nan e siguransa cu e malechornan aki lo enfrenta husticia.
Gobierno ta haciendo tur esfuerso pa preveni traficacion di hende y percura cu tur hende por biba liber di miedo di explotacion y caminda cu husticia ta prevalece pa tur victima di trafico humano”, Prome
Minister Evelyn Wever-Croes a expresa.
Prome Minister ta haci un peticion na comunidad di Aruba, pa hunto keda alerta y pa ora cu cualkier ciudadano sinti cu tin un caso di traficacion di hende, meld na CMMA di biaha pa nan por actua debidamente. Por haci esaki riba medionan social, cmmaruba of por yama e hotline, 5923231 of na oficina na 5975223 of tambe via email info@cmmaruba.com.
Fraude electoral na Venezuela Protesta contra e resultado di eleccion na Venezuela,
Maduro declara oficialmente como Ganador cu 51%
Comicion Nacional di Eleccion na Venezuela CNE, a declara Nicolás Maduro como ganador oficial.
Maduro, cual ta su segundo término, lo por continua como presidente pa un tercer término di seis aña. Segun e resultado oficial, Maduro a ricibi mas 1% mas cu 50% di e voto,mientras cu su rival di oposicion, Edmundo González, a risibí 44%.
E resulta final a yama duda y protesta di e partido di oposicion. Den un rueda di prensa anterior, nan a acusa Maduro di fraude di eleccion, un idea cu Maduro mes a rechasa completamente.
Durante un discurso televisivo, Maduro a declara cu e acusacion adi oposion ta parti di un intento di golpi di estado, un "golpe di estado facista."
**Protesta den cayanan di Caracas**
Mientras cu Maduro tabata papia na television, hopi hende a sali na varios lugarnan den e capital Caracas pa protesta contra e resulta.
Nan a haci bochincha weya y cuchara tratando pa blokia camindanan.
Esaki tabata den medio di tension cu ta crese riba e eleccion. Anteriormente, hende tabata spera ku e oposion lo gana cu un gran mayoría, segun e encuesta independiente cu tabata mustra un 70% di e votonan pa nan. Sinembargo, despues di e atraso di seis ora pa publica e resultado inicial, e sospechanan di fraude a bira mas grandi.
*Dificultad pa Observadornan**
E situacion tabata grave pa e hecho cu observadornan independiente no tabata tin fasilidad pa controla e proseso di conteo di voto.
Aunke e ley ta permití esaki, e comision di eleccion a saca e invitacion pa observadornan di e
Unión Europeo dos luna pasá. E elektorado di oposicion a informa cu nan solamente tabata por mirá rond di 40% di e actanan di voto, y nan ta exigi cu observadornan internacional por revisa e conteo di voto pa garantisa transparensia.
Panama a retira tur su diPlomaticonan di Venezuela y a susPende e relacion cu caracas
Panama a suspende su relacion cu Venezuela.
E decisionakí ta basa riba e fraude electoral di Nicolás Maduro.
Presidenre Mulino a indica cu no lo sigui cu e relashon diplomátiko si no haci un
revisión completo di e proceso electoral pa determina e verdadera boluntad popular.
MINISTER ENDY CROES CU UN BUNITA
MENSAHE PA
E MENTOR - Y MIEMBRONAN DI POC CU TA TRAHANDO DURO PA RICIBI NOS
STUDIANTENAN NA NAN YEGADA NA HULANDA
: Recientemente, Minister Endy Croes a dirigi palabra na e mentor- y miembronan di Plaatselijke Opvangcommissie (POC) di Kabinet di Aruba.
Na e mentornan: John, Garlon, Nathaly, Reina, Rasnaly, Solange, Shahaira y Yuraima desde cu boso a ricibi den luna di mei ultimo e prome lista cu nomber di e studiantenan cu lo continua cu nan estudio avansa na Hulanda e aña aki, boso ta trahando incansablemente pa nan yegada. Hopi pregunta a wordo contesta y hopi conseho a ser duna.
Boso a tuma contacto cu Gemeente pa facilita e inscripcion y a haci e citanan necesario cu
DUO. Ademas di esaki, a regla hotel pa asina e studiantenan cu ta yegando dia 5 y 6 di augustus proximo por hospeda.
Boso a inverti hopi ora di trabou boluntario pa prepara lo miho posibel prome cu e studiantenan yega Hulanda. “Tur boso esfueso, sacrificio y trabou boluntrio eherece ta wordo inmensamente balora y hopi aprecia”, Minister Endy Croes a subraya.
Na e “ouderejaars studenten” cu ta forma parti di e POC di nan respectivo ciudad di estudio en bes di bay gosa di vakantie, boso a scoge pa hinca boso tempo y energia hunto cu boso mentor pa traha un bunita programa
pa e studiantenan cu ta yegando Hulanda. Cu yen di energia y entusiasmo boso a yuda cu e programa, unda cu a presenta ideanan moderno. Boso
ta preparando pa yuda e studiantenan conoce e ciudad, unda cu nan ta bay biba y studia na e miho forma posibel. Boso ta yuda masha hopi pa acomoda
nos studiantenan nobo den tur aspecto. Masha danki pa tur boso esfuerso y boso bunita trabou cu boso ta haciendo. Como Minister di Enseñansa y Deporte mi ta gradici boso pa boso excelente trabou, disciplina, dedicacion y determinacion pa laga nos studiantenan sinti nan mes na cas na nan yegada na Hulanda.
Na crioyo bisa: na nan cas leu for di nan cas Aruba. “Palabra di gratitud y danki for di profundidad di mi curason na cada un di boso.
Masha danki! “Keep up the great job”, Minister Endy Croes a finalisa.
ORGANO EHECUTIvO TA INfORMA: ENTRANTE 1 DI AUGUSTUS 2024
TIN TRASPASO
AUTOMATICO DI PASHENT DI DOkTER R. LUCHMUN
E contracto entre OE AZV y dokter di cas R. Luchmun ta finalisa. OE AZV ta gradici dr. R. Luchmun pa tur servicio cu el a brinda e aseguradonan di AZV. Alabes nos ta haci uzo di e oportunidad pa desea dr. R. Luchmun hopi exito pa futuro.
Entrante 1 di augustus 2024 tur asegurado di AZV inscribi cerca dr. Luchmun lo traspasa automaticamente pa ImSan HOED, Pastoor Hendrikstraat 10, telefon 5248730.
Tene cuenta cu un parti di e grupo ta pasa pa dokter di cas N. Bos y e otro parti ta pasa pa
e dokter di cas A. Blanca. E asegurado di AZV no tin nodi haci nada, tur cos ta keda regla digitalmente.
Riba e mesun fecha, esta 1 di augustus 2024, e asegurado lo wak e traspaso automatico den e AZV app.
E asegurado ta habri e AZV app cu su codigo pin y drenta e bloke Menu →e Dunadonan di Cuido di …→ Dokter di cas →E dokter di cas di …Pa cualkier pregunta, comunica libremente na telefon 5279900 of email klantenservice@ uoazv.aw of info@uoazv.aw
Di 8 MORTO Di DEN TRAFiCO
Diadomingo atardi pa mas o menos 4:55 central di polis ta wordo notifica di un accidente ariba Watty Vos Blvd. ,retonde Ponton pa direcion Bushiri.
Na yega di patruya ta topa cu un auto Chevrolet Spark color blanco numera A-40313 y na unda e chauffeur no tabata duna señal di bida.
Ambulance a presenta na e sitio na unda a purba yuda e chauffeur masculino pero no por a haci nada mas pa e persona.
Dr Voskuil , dr forensico, ta constata morto di Jefferson Carrera Garcia naci 20 april 1993 ( 31 aña) na Venezuela. Specialista di trafico a presenta na e sitio como tambe polis tehnico. Slachtofferhulp a presenta pa yuda cu famia di e fayecido.
Cuerpo Policial ta manda palabra di condolencia na famia di e fayecido.
BENNY A RICIBI UN GYM DI 20 MIL REGALO
3 hues a ridiculisa Benny Sevinger den corte y prueba cu Benny a privilegia Susebeek
Dia 12 di juli ultimo, 3 hues den Hoger Beroep a condena Benny Sevinger ex minister y actual Parlamentario di AVP na 4 aña di prizon. E huesnan a desmantela e corupcion di mas grandi den historia orchestra pa partido AVP, e partido di Mike Eman. Por a prueba con e compinchinan tabata paga e Ministernan di AVP, pa asina wordo privilegia entre otro, cu e terenonan di pueblo. E terenonan aki tabata wordo bendi despues pa miyones. Den e investigacion a prueba con Benny Sevinger tabata haya regalo pa asina move tur pion pa su amigonan haya e terenonan comercial.
Benny Sevinger a ricibi un Gym Vectra di Afl.20.000 como regalo: Durante e investigacion por a prueba diferente regalo cu Benny Sevinger ex minister y actual Parlamentario di AVP a ricibi di su miho amigo y consehero den kantoor Susebeek. Tur esaki a cambio pa privilegia Susebeek pa Susebeek por haya masha facil e terenonan comercial cu el a pidi direct cerca Benny. Banda cu a prueba caba cu Susebeek a paga Afl.14.400,pa un hekwerk pa Benny su cas y
Afl.25.201,64 pa un “drip system” pa muha Benny su hardin. Awe ta trata e gym di 20 mil, cual tambe Benny a haya regalo. Riba pagina 38 di e Vonnis: “Vast staat dat de offerte van de Vectra Gym op de naam van Benny Sevinger staat, dat deze door Sevinger is uitgekozen, en dat de Vectra Gym in Februari 2017 direct bij Benny Sevinger thuis is afgeleverd en dat deze in oktober 2019 tijdens de doorzoeking in diens woning door de politie is aangetroffen. Het HOF stelt verder vast dat Susebeek de factuur met betrekking de Vectra Gym Afl.19.897,20( $11.054 us dollar) via de bankrekening van zijn bedrijf Pats property Management heeft betaalt”.
Benny Sevinger y Susebeek a gaña y a contradeci otro: Pagina 38
Benny Sevinger di AVP a declara cu solamente el a tene e gym na su cas paso e espacio na cas di Susebeek tabata mucho chikito pa e gym. Momento cu Susebeek amplia su espacio lo hiba e gym p’e. Susebeek ta declara cu e tin un gym chikito na su cas caba y esey ta suficiente p’e como cu e ta gusta mastanto core bicicleta. Tambe, Susebeek a splica cu un cas di su yiu ta den construccion y momento esaki keda cla lo transporta e gym pa e cas ey. Durante tratamento di e caso den Hoger Beroep Susebeek ta agrega cu e cas di e yiu ta pa 70% cla y no ta ful cla ainda. Pesey, no a hiba e gym ainda. E (3) huesnan a baha pisa riba Benny y Susebeek y a splica cu nan no ta kere e storianan aki “at
all”. HOF no por kere cu Susebeek ta cumpra un gym sabiendo cu e no tin un luga. HOF ta spica cu 7 aña despues (desde 2017) ainda e cas di e yiu di Susebeek ta den construccion? E huesnan a bisa ta con bo kier mi kere bo? Tambe, den e declaracionnan por a conclui cu desde cu a pone e gym na cas di Benny Sevinger di AVP nunca mas Susebeek a bay eynan pa haci un training. HOF tampoco a kere e tesigonan Bargues y Fowler, kendenan a declara cu Benny solamente a kies e gym pa Susebeek. E tesigonan aki a testigua asina laat den e proceso y ta solamente pa yuda sostene Benny Sevinger su mentiranan. “Het HOF acht deze verklaringen onbetrouwbaar”! Finalmente, HOF ta “marca” e compra di Vectra Gym, cual nan a haya den e cas di Benny Sevinger como regalo. Pagina 39: “Het HOF merkt de Vectra Gym als een “gift” van Susebeek aan Benny Sevinger”.
HOF ta prueba cu Susebeek a regala Benny Sevinger 60 mil total:
HOF ta prueba riba pagina 39 di e sentencia cu Benny Sevinger ex minister di AVP y actual Parlamentario di AVP a ricibi
Afl.60.000 florin na regalo door di Susebeek pa asina privilegia Susebeek cu su peticionnan pa tereno comercial. HOF a prueba Afl.14.400 pa e hekwerk di Benny su cas, HOF a prueba Afl. 25.201,64 cu Susebeek a paga na Fantastic Garden pa e “drip system” pa muha Benny Sevinger su hardin. HOF a prueba e Afl.19.897,20 cu Susebeek a paga pa e Gym Vectra cu a wordo haya den cas di Benny Sevinger. Pagina 40: “De verdachte moet hebben geweten dat Susebeek de giften deed met als doel een voorkeursbehandeling te krijgen bij zijn ingediende verzoeken. Door met wetenschap die giften aan te nemen, heeft de verdachte Benny Sevinger zich schuldig gemaakt aan passieve ambtelijke omkoping met plichtverzuim”. Esaki ta parti chikito di e corupcionnan den caso di Benny Sevinger, cual Mike Eman ta apoyando todo por todo. AVP nunca, pero nunca mas por haya un voto di confiansa di Pueblo di Aruba. Benny Sevinger ta condena na 4 aña di prizon. Cu ki cara e hobennan cu kier subi lista di AVP por bay convence pueblo? Si bo mes ta apoya y scoge un partido corupto? E escogencia aki ta papia hopi di bo mes! AVP nunca mas!
Parlamentario Alvin Molina (MEP): Hobennan di aruba ta cordialmente
invita pa participa den ricardo cooper basketball clinic dia 2, 3 y 4 di augustus proximo
Diabierna mainta, a tuma luga e apertura di Ricardo (Tico) Cooper Basketball Clinic. Sr. Cooper a hunga basketball professional na Merca, Hulanda y Belgica. E ex basketbolista internacional Arubano ta organisando un clinica di basketball di seis dia pa e mucha- y hobennan di Aruba. E clinica a inicia dia 26, 27 y 28 di juli y ta continua dia 2, 3 y 4 di augustus na Basketball Court di Village na San Nicolas. E meta di e clinica ta pa siña e hobennan hunga e disciplina di basketball y/of duna nan e tips y herment pa nan por mehora den e deporte.
Mi ta kere den e teoria di “Broken Windows”, esaki ta nifica cu si algo kibra of deteriora den bario y si tarda hopi pa drech’e e otro cosnan rond di dje tambe ta bay atras. Si drech’e y mantene e tin un “spin off effect” positivo riba e bario, emocion y comportacion di e habitantenan. Mi ta contento cu Minister di Deporte a scucha mi peticion y apesar di e situacion financiero precario cu Aruba tabata aden saliendo di e pandemia a colabora y aloca fondo pa drecha e cancha di basketball. Ta bunita pa mira cu e hobennan di e bario, IBISA
y organisacion ta haciendo bon uzo di e cancha renoba.
E Basketball Court ta carga nomber di Ricardo Cooper como un ehempel di tur loke bo por logra ora cu bo dedica bo mes na algo positivo. Sr. Cooper, cu a nace y crece den Village San Nicolas, ta asina honra cu e cancha ta carga su nomber y como muestra di aprecio y riba su propio gasto a bin di Belgica y organisa un clinica di basketball pa e hobennan di Aruba.
Mi ta gradici Sr. Cooper pa e bunita gesto y proyecto aki. Alabes mi ta invita tur mucha y hoben di Aruba pa participa na e clinica di basketball cu ta completamente gratis. Por ultimo, mi ta encurasha tur hende pa hunto nos cuida y mantene e cancha di baskball. E ta tarea di Gobierno di Aruba, habitante y di tur esnan cu ta haci uzo di dje pa cuid’e pa nos por gosa di e cancha pa hopi aña mas.
Inscripcion pa “Miss Beauty Aruba ‘24”
Cas Princesa Aruba (CPA), organisador di e certamennan di Princess-, Little- y
Pre-teen Beauty 2024, ta invita henter Aruba cu tin mucha muhernan entre 4 y
“Miss Beauty Aruba ‘24”
CONTINUACION PAG. 10
15 aña y ta desea di ta parti di e programa di e aña aki, pa inscribi nan mes. E programa ta inclui les di modelahe, baile, photoshooting, actividad social, diferente workshops y un experiencia unico. E programa ta dura di 1 di september te cu 1 di november 2024. E final ta den Cas di Cultura. Mas informacion por contact na 7399449. Tambe por bishita nos FB of Instagram page CAS PRINCESA ARUBA.
FORTALEZA PA FAMIA Scirbi pa Pastor Marcel Balootje. BAN PARA FIRME DEN SENJOR, DEN
FE, PASOBRA
Nos tur ta mirando e avance di maldad, no den otro pais , pero aki nan mes , con inmoralidad y violencia a avansa, con respet y temor di Dios cada dia ta birando menos.
Decadencia di etica y moral a bati na nos porta, poniendo nos One Happy Island na peliger.
Ta dificil ta tapa solo cu un dede, especialmente awor cu inmoralidad a wordo apoya, nos tin corda riba locual Señor a bisa pa su pueblo para fi rme:
Tin cu ta confia den garoshi, otro den cabay, ma nos ta confia den e nomber di Señor nos Dios. Nan a trompica y cay , ma nos a lanta y keda riba pia.( Salmo 20:7-8).
Sea alerta para fi rme , actua manera un homber, sea fuerte,laga tur loke boso haci wordo haci cu amor. ( 1 Corintionan 16:13-14).
Pesey mi rumannan stima, cu mi ta anhela na mira,mi
DIANAN TA MALO
goso, y corona,asina tanto mi rumannan para fi rme den Señor.( Filipensenan 4:1).
Bisti e armadura completo di Dios, pa boso por para fi rme contra trampanan di diabel. ( Efesionan 6:11).
Pesey tuma e armadura completo di Dios, pa boso por resisti den e dia malo,y despues di a haci tur cos para fi rme.( Efesionan 6:13).
E pasonan di un hende ta estableci door di Señor, y e tin delisia den su caminda. Maske e trompica e lo no cay pasobra Señor ta sostene cu Su man. ( Salmo 37:23-24).
Ta pa libertad Cristo a haci nos liber, pesey keda para fi rme y no sea someti atrobe na un yugo di sclavitud.
Boso no tin mester di bringa den e bataya aki, staciona boso mes, para y mira e salbacion di Señor na boso fabor.( 2 Cronicanan 20:17).
hopi lo bira friuw y hopi lo rechasa Dios.Pasobra nan ta wordo guia pa spiritonan impuro, y enseñansa diabolico, cu ta pone hende kere den fabula enbes di den Dios.
Tur mayor mester di mas di Cristo Hesus pa nan por
Nos mester uni, no a sobra tempo pa bringa otro, pasobra e forsanan di maldad ta aumenta cada dia , y ta hibando esnan cu no ta fi rme den cueba nan di scuridad, caminda nan ta destrui nan mes.
Segun 2 Timoteo 3:1-5 nos ta den temponan trabahoso y cos lo no bay cambia , pero lo bira mas pio, pasobra ya e homber di pica a cuminsa manifesta, y nos lo bai mira comienso di apostacia, pasobra Cristo Hesus ta biniendo.
guia nan hogar den bon caminda.
Den tur matrimonio Cristo Hesus mester ta central pa evita cu e enemigo ta trece division y divorcio.
Si un tempo nos tabata lesa tocante maldad y inmoralidad den otro pais, awor aki nos ta mire den nos propio pais, y nos no por para keto nos mester yama riba e sanger di Hesus pa corre cu maldad y scuridad.
Ta altamente necesario y un mandato di Dios pa lanta muchanan den caminda di Dios, pa asina nan por wordo ranca for di man di e enemigo.
Hende a perde respet pa Dios, orguyo y arogancia kier domina mundo, mentira a bira pan di cada dia,pa hende gaña hende y duna speransa falso ta normal den e dianan cu nos ta bibando, pasobra nan no ta preocupa cu nan integridad, basta tin placa ta lora, nos ta sigi den bagamunderia.
Locual ta para scirbi den e evangelio ta cumpliendo cabalmente, bisando cu
Awor mas cu nunca ta tempo pa tur hende arepenti, y entrega nan bida na Señor, pasobra e binida di Señor ta djis tras di porta.
E desaroyo di Playa Film Festival ta depende di e publico y e creativonan
E baby di Playa cu su wowonan blau manera color di lama ta gatiando ainda. E ta conta cu e sosten di su pueblo pa e por sigui crece y para riba su propio pianan. Na 2021 Fundacion CINEARUBA a incia e proyecto abmicioso di Playa Film Festival cu e obhetivo di crea un plataforma pa expone talentonan local y na e mes un momento ofrece e publico local otro tipo di peliculanan cu nan no ta custumbra di wak. Tur esaki ta pas den e meta di Fundacion CINEARUBA pa crea un cultura di cine local.
Playa ta un festival di cine chikito y kier lag’e crece cu tempo, pa e motibo aki tur aña CINEARUBA kier scucha di comunidad. Kico e publico y e creativonan a gusta of kier wak diferente den e festival. Esaki ta esencial pasobra Playa ta traha pa e publico y e creativonan. Pa duna comentario of sugerencia por bishita e pagina aki: http:// tiny.cc/reaccion.
Na 2025 Playa Film Festival ta celebrando su di cinco aña y pa e edicion
di 2025 lo introduci algun cambionan. Cumisando cu e proceso di incripcion, e categorianan a wordo simplifica den dos. Pelicula cortico: ficcion, documentario, pelicula di arte of animacion. Mescos ta conta pa peliculanan largo. Pa cineastanan local e aplicacion ta completamente gratis. E categorianan di premio lo wordo crea ora cu aplicacion cera. Pa 2025 Playa tin un logo nobo di cual e enfoke lo ta mas riba e nomber PLAYA. E imagen di e festival pa e siguiente edicion lo ta e lama Tres Trapi. Desde 2023 e festival a inicia cu e uzo di imagen di lamanan rond di Aruba pa duna bida na e poster y demas imagen di e festival. Na 2023 a uza Andicuri, na 2024 Eagle Beach. Di manera aki e festival ta duna honor na e paisahenan di Aruba. Fundacion CINEARUBA ta buscando voluntarionan pa forma parti di e team di Playa. Personanan interesa por manda un email na info@cinearuba.com.
Inscripcion pa Playa 2025 a habri y ta exclusivamente via FilmFreeway. E ultimo
dia pa inscribi ta 28 di februari 2025. Inscripcion di pelicula no ta garantisa participacion den e festival, tur pelicula tin cu pasa door di un proceso di seleccion prome. E peliculanan oficialmente selecta lo por competi pa un premio. Riba 7 di april tur aplicante lo haya sa via FilmFreeway si nan pelicula a wordo selecta pa participa den e festival. E festival pa 2025 lo ta di 2 pa 4 di mei. Na momento cu e inscripcion
cera ta imposibel pa acepta un pelicula, pa e motibo ey ta recomenda pa aplica a pesar cu e pelicula no ta completo. Na momento cu publica e programa, esey kiermen cu tur cos ta cla pa inicia cu e festival y no
tin ningun posibilidad pa inclui peliculanan na ultimo momento pasobra e proceso a keda finalisa. Pa inscribi pelicula y ricibi mas informacion click riba e link: http://tiny.cc/inscribi.
FORTALEZA PA FAMIA.
Scirbi
pa Pastor Marcel Balootje. EVITA HACIMENTO DI REDO Y PAPIA
MALO DI BO PROHIMO
Redo ta un veneno,cu ta trece division,rabia, daña relacion, y stroba bon funcionamento di famia. Tur caminda cu tin redo no tin crecemento, pasobra no tin pas,y caminda no tin pas e Presencia di Dios no tey.
Esun cu ta cana haci redo, ta saca secreto, pesey no asocia cu esun cu tin lenga los, ( Proverbionan 20:19).
Warda bo lenga di maldad, y bo lipnan di papia engaño. ( Salmo 34:13).
Pleito bo caso cu bo prohimo, y no revela secreto di un otro, pa esun cu tende esaki no pone bo na berguensa y bo reputacion keda ruina.(Proverbionan 25:9+10).
Dios den su inmenso amor pa nos, no ta desea pa nos ta envolvi den redo ni tampoco nada cu ta haci nos prohimo dolor, pasobra Dios ta manda pa nos stima nos prohimo manera nos mes.
Ta tristo ora ruman ta haci redo riba ruman , famia ta envidia famia, y hende ta tuma redo como arte y cultura pa kibra otro, deseando malo pa otro, esey no ta bini di Dios , sino directamente for di fierno, caminda diabel ta studia pa daña bida di hende.
Caminda hende tin dos cara, dobbel pensamento, redo ta haña lugar pa biba, y falsedad ta reina, pasobra e porta ta habri pa tur sorto di bagamunderia, y hopi biaha prome cu hende pensa nan a causa un desaster cu nan boca.
No laga ningun palabra dañino sali for di boso boca, sino solamente pal -
abra cu ta bon pa edificacion, conforme necesidad di e momento,pa esaki por duna gracia nan esnan cu ta tende.( Efesionan 4:29).
Ora nos ta papia malo di otro, odia otro, kibra otro, desea otro malo, nos ta haci e Spirito Santo di Dios tristo, pasobra nos tin di corda cu nos tur a wordo crea den imagen y semehansa di Dios.
Un hende perverso ta sembra pleito, y un hacido di redo ta separa amigo intimo.( Proverbionan 16:28).
Cuanto hende no a haci redo y causa division den bida di otro, tin biaha hasta divorcio, cuanto hende no a haci redo y a pone cu otro a perde nan trabao. Tin redo cu a causa crimen.
Ta pesey Dios ta odia e wowo orguyoso y e lenga mentiroso. ( Proverbionan 6:17).
Hende cu ta haci redo no conoce amor, pasobra amor no ta regosiha den inhusticia, ma ta regosiha den e berdad ( 1 Corintionan 13:4-8).
Awor mi ta roga boso, rumannan tene na bista esnan cu ta causa division,y strobacion contrario na e enseñansa cu boso a haña y aparta boso for di nan.(
Romanonan 16:17).
Hacimento di redo, ta nifica horta e hende su reputacion, pinta e persona malo den bista di otro,esey ta completamente robes y totalmente carnal, pasobra den e caso aki cu mesun boca cu nos ta haci oracion, mes un boca nos ta usa pa causa destruccion.
Esun cu ta cana haci redo, ta saca secreto, ma esun cu ta di confia ta tapa e asunto.(Proverbionan 11:13).
Esun cu ta papia e berdad lo conta loke ta corecto,ma un testigo falso ta papia mentira,( Proverbionan 12:17).
Pesey beibel ta bisa nos den Romanonan 12:2 ta para scirbi: Y no sea conforme e mundo aki,ma sea transforma pa medio di renobacion di boso mente, pa boso por comproba, kico ta e bon, y agradabel, perfecto boluntad di Dios.
No permiti e spirito di redo y papia malo derota bo hogar, pero lanta ariba den berdad, pasobra berdad ta agrada Dios, y berdad ta haci hende liber.
Dios tene misericordia,y laga berdad prevalece den tur momento.
TEAM SNOR A HABRI TEMPORADA CU EXITO!
Calabas/Kudawecha - Diasabra ultimo, 20 di juli, e palacio di pega piedra aya n’e grens entre Calabas y Kudawecha, e tan mundi-
almente famoso Domino Square Garden, a estrena su interior nobis nobis y a kick off e temporada di domino Bush League 2024
den lama bruto cu consecuencia cu ta logra stabilisa y tabla e bataya na 8-8. Bou Palo ta hala un rosea di ansha y ta pica dilanti cu 9-8, pero directamente Team Snor ta cuminsa parti un par di sapato blanco y ta drenta halftime cu score di 11-9. Un y tur por hala un rosea chikito y saboria e snacknan cu a cuminsa sali “aan de lopende band” for di cushina. Despues di un bon pauze, ata, Team Snor ta haya otro susto! Bou Palo a subi brabo mes y ta pica dilanti cu score di 12-11. Snor ta cuminsa grita “alle hens aan dek”, y cu hopi hala p’aki, wanta aya, Team Snor ta logra yega un bentaha di 16-12!
Bou Palo ta haci un intento fuerte pa corta e bentaha, pero djaki Team Snor ta sigui style di un pa mi, un pa bo, y ta logra crusa e finish line cu score di 2116! Un tremendo anochi di domino, yen di bon vibracion pa habri e temporada di 2024 c’un victoria mereci di Team Snor bou guia dje flamante Nelson “Snor” Perez, kende sigur sigur ta habri e aña aki mustrando un biaha mas cu ta nan ta “the team to beat” p’e temporada benidero! Na final Team Snor ta conseha tur team pa ora nan kier batisa nan uniform, pa piki un team zwak, pasobra Team Snor no tin ley y no tin misericordia.
Un dia fructifero y cu nos bon Dios tene misericordia cu cada un di nos
"Esun cu tin horea, tende!" ( Mateo 13,43) Hesus ta splica e parabola di e yerba shimaron. Hesus ta sembra e bon simia den e cunucu cu ta e mundo.
E bon simia ta e hendenan cu ta pertenece na e reino y e yerba shimaron ta esnan cu ta pertenece na e malvado. Anto e enemigo cu ta sembra nan ta diabel.
cu e emocionante encuentro entre Team Snor y e guynan brabo di Bou Palo DT, miho conoci como Bou Palo Gang. Un berdadero sambombaso di wega entre e dos eterno rivalnan aki. Un palabra sigur sigur di pabien cu e bautismo dje tremendo uniform nobo di Bou Palo DT. Cos a cuminsa hot! Bou Palo a habri sali spanta Snor tumando un bentaha di 4-1! Snor mester ranca duro n’e tom dje fli p’esaki no keda draai rond manera molina den horcan! Pocopoco, Snor y ekipo ta cuminsa haya nan rumbo bek
E cosecha ta e fin di tempo y esnan cu cosecha ta e angelnan. Asina na momento di nos Bautismo Hesus ta sembra e simia di fe den nos curason.
Esey a sosode cu mayoria di nos na baby y despues pocopoco nos a ricibi e Sacramentonan pa yuda nos crece den fe.
Y segun nos ta creciendo nos ta forma nos caracter y Dios a laga nos liber pa dicidi cual caminda nos ta scoge. Si nos scoge pa Hesus, E mes lo bin yuda y salba nos apesar cu e malvado ta busca pa gara nos den su trampa.
P’esey laga nos habri e horea di nos curason y tende y biba prepara y no laga niun oportunidad pa e malvado penetra den nos bida of bida di nos sernan keri y asina na fin di tempo nos lo tin victoria y cosecha e bida eterno.
Oracion:
Tata celestial duna nos e gracia pa bisa si na bondad y no na tur maldad pa nos por pertenece na bo reino. Amen
“Señor ta mi wardador, mi’n tin falta di nada Den cunucu di yerba berde e ta ponemi sosega. E ta hibami na awa trankil, Pa mi bolbe haña forsa”.
Salmo: 23
Nos ta anuncia fayecimento di:
Khloë Alexandra Heronimo
Cariñosamente yama: “Koko” *12-12-2007 - †19-07-2024
Na nomber di su:
Mama: Kimberly Maduro
Tata: Joselito Heronimo
Padrasto: Elton Maduro
Rumannan:
Kyandra Maduro, Kimy-lienne Maduro, Joseanny Heronimo
Stiefzus: Zaynah Maduro,
Wela y Welo:
Ivelisse Sanchez y Jose R. Kock
Wela stima: Mama (Fea) Dirksz
Welo: †Jossy y Lourdes
Wela di cariño Trudy Hasel
Bisawela y Bisawelo: Catharina (Jeja) Tromp-Sanchez y Carlos (Jejo) Sanchez. †Catrien Dirksz
Tanta y omonan:
Stephanie Kock y Dalbert Pujols
Rose-Ann Kock y Aigel Brete
Jiandra Kock
Reynaldo Sanchez y Eric Arends
Alexander Solarte Tovar
Sharline Buckley
Jeanine Rodriquez
Marina Heronimo
Josmar Heronimo y famia
José Heronimo y famia
Jermaine Heronimo
Jaymir Heronimo
Tanchi mama, Jaja y Dess
Tanta grandi: Pechi y Mai, Chichi y famia
Omo grandi: Ruben y Sora, Ricky y Gina Croes
Mihor amiga: Jeande, Shardy
Prima y Primo: Kayla Solarte Tovar y Shayna Pujols, Aiden Brete y Alliyen Brete, Ivan Amaya y Alexandra, Maelyh Heronimo, Marajah Heronimo, Shandrik Wanga
Famia: Kock, Heronimo, Maduro, Dirksz, Tromp, Briesen, Briezen, Ruiz, Semeler, Sanchez, Solarte Tovar, Brito, Buckly, Henriquez, Brete, Martinez, Pujols, Loopstok, Croes, Maduro, Growell, Ras, Starke, Eckmeyer, Krozendijk, Lopez, Gonzalez, Geerman, Kelly, Villanueva, Vrolijk, Solognier, Wolff
Disculpa nos si den nos tristesa nos por a lubida algun famia, amigo of conocir.
Ta invita pa e acto di entiero cu lo tuma lugar diamars 30 di juli 2024 na misa Inmaculada Concepcion di 2:00 pa 4:00 pm, despues nos lo hiba “Koko” pa Santana de Vries na Sta Cruz.
Ta pidi pa bin bisti na colornan alegre y depues di entiero no ta ricibi Bishita na cas.