Trafico Sigur: Sea un Peaton reSPonSabel
Oranjestad, 30 di September, 2024 - Comision Trafico Sigur ta informa e comunidad riba varios topico nan importante di trafico na Aruba. Sra. Liliana Rasmijn Vocero Interino di Korps Politie Aruba (KPA) a elabora riba un di e topico nan cu siguramente ta interesante y alavez importante pa cu e responsabilidad di e Peaton y automobilista nan den trafico y e uzo di zebrapad pa asina nos como comunidad por mantene nos mes sigur riba caminda.
PEATON
Vocero policial interino Sra. Liliana Rasmijn a describi cu “Un Peaton ta forma parti di trafico na e momento cu e ta cana riba caminda.” Pa es motibo aki ta importante pa tene cuenta unda ta mas sigur pa por cana y crusa paso ley tambe ta aplicabel pa e peaton. Sra. Liliana a añadi cu un peaton tin preferencia solamente na unda tin borchi di un zebrapad pa por crusa y a recomenda tur peaton para un rato y pensa con mi por crusa caminda e manera mas sigur? "Manera nos a siña na basis school; wak links, rechts y bolbe wak links prome cu crusa. Cana rechtdoor enbes di schuin y riba un bon tempo, corda bo tambe como Peaton ta forma parti di trafico."
Un situacion comun ta Peaton nan cu ta pone nan bida den
peliger ora nan purba di crusa highway, caminda nan hancho (tweebaansweg). Nan ta prefera pasa over di e berm stijl (sero chikito meymey di caminda) cu ta dividi e trafico contrario enbes di crusa unda tin zebrapad. Lubidando cu nan por trompica, herida nan mes y causa accident. Ademas Peaton nan bou influencia di alcohol mester comporta nan mes na un manera cu no ta pone nan bida of di otro den peliger. Ley ta indica bou di openbare dronkenschap cu cuerpo policial por tuma e autoridad y decision pa sea hiba e peaton su cas of depende di e peaton su estado e lo wordo deteni y hiba na ward’i polis pa 8 ora.
AUTOMOBILISTA
Sra. Liliana ta informa cu riba caminda tin borchi nan avisando e automobilista cu nan ta acercando un zebrapad, pa ley nan mester baha velocidad y duna preferencia na tur Peaton cu ta bay crusa riba un zebrapad. Por si acaso no tin un zebrapad, e Peaton lo mester para un caminda unda e tin bista riba tur trafico y warda tur auto pasa pa asina e por crusa of e automobilista por baha nan velocidad y duna e peaton un oportunidad pa por crusa riba tempo.
Sra. Liliana tambe a elabora tocante peaton nan cu ta
Dama a yama PoliS
PaSobra un PerSona
a bin Su caS agreDie
Diasabra atardi a drenta informe di cu un persona a presenta y a agredi un dama na su cas na Rudolf Arendsstraat, mesora a dirigi un patruya na e sitio.
Na yegada di e patruya a bin compronde cu aki ta trata di un caso di maltrato unda un dama a ser agredi. Polis a bisa e dama cu e por pasa na oficina di recherche pa entrega keho contra e agresor.
visualmente incapacita. Corda cu nan no por mira unda tin un zebrapad y pa ley nan ta haci uzo di na stoki blanco door di hisa esaki pa indica cu nan kier crusa. Como automobilista bo por duna e peaton nan aki e oportunidad y preferencia pa por crusa caminda.
MAYORNAN
Como mayor sea cordial ora di baha bo yiu na scol Sra. Liliana ta comenta. No para riba e zebrapad y obstaculisa e fluho di trafico of peaton nan cu kier crusa caminda. Abo ta mayor, abo ta ehempel y e siguridad di e criatura ta den bo man. Para prome cu e zebrapad y laga bo yiu baha sigur na scol of sali un poco mas trempan, parkeer y asisti bo yiu pa crusa caminda.
Zebrapadnan ta algo comun den nos bida diario, pero nan
ta hunga un rol esencial den proteha e peaton. Sea alerta uzando un zebrapad, y paga tino na e mundo rond dibo. Igual pa automobilistanan, cu mester obedece reglanan di trafico y para pa peaton pa asina nos comunidad keda uno sigur.
Comision Trafico Sigur ta invita televidentenan pa keda pediente pa e siguiente programa. Otro luna lo tin e di cuater programa di Forum Trafico Sigur den cual lo sigui trece mas informacion di topiconan crucial pa siguridad den trafico. Si bo persona tin cualkier pregunta pa expertonan di trafico, por mandanan via e website www. traficosigur.com of via email na info@traficosigur.aw. Salba Bida, Scoge pa Siguridad.
***ECA Communications Group PR Alicia Mangru
Kiwanis Club of Palm beaCh a reParti 17 Child Car seat
Diasabra 28 di september, 2024, Kiwanis Club of Palm Beach conhuntamente cu Wit Gele Kruis a reparti 17 Child Car Seats na famianan den necesidad. Ta bon pa menciona cu ta di 22 aña cu ta yuda famianan yega na un Child Car Seat pa seguridad di nos muchanan riba
careteranan di Aruba.
Manera costumber, Wit Gele Kruis ta screen y selecta e famianan y ta comunica e necesidad na Kiwanis Club of Palm Beach pa cuminsa e proceso di compra. Na momento cu tin tur cos cla, ta selecta e fecha di reparticion y
Wit Gele Kruis ta informa e famianan pa nan pasa busca nan Child Car Seat. Manera e ultimo 21 añanan, e reparticion a bai den un bon ambiente, hunto cu e famianan y e muchanan, caminda a reparti 17 Child Car Seats na un balor di casi 6 mil florin.
Kiwanis Club of Palm Beach ta hopi contento cu e reparticion aki caminda cu e seguridad di e muchanan ta na prome lugar. No por keda sin duna danki na Wit Gele Kruis, Little Kingdom y tambe na e sponsornan, boluntarionan y sostenedornan di eventonan manera
Masquerade Party, F&B tent riba ruta di Carnaval y Night Golf caminda cu tur fondo recauda ta bai 100% bek den comunidad.
Kiwanis Palm Beach ta pertenece na e organisacion global Kiwanis Internacional cu ta un instancia caritativo
aCCidente entre tres
Green
dedica na haci nos mundo mihor door di cambia un comunidad pa medio di un mucha cada bes. Mas informacion por haya riba: www.facebook.com/ kiwanispalmbeacharuba of nos pagina di web: www. kiwanispalmbeach.com.
auto riba
Corridor
Diasabra anochi a drenta informe di un accidente riba Green Corridor banda di Hyatt Place.
Mesora a dirigi un patruya pa e sitio.
Na yegada di e patruya a bin compronde cu un auto blanco lo a pasa duro perde control dal den dos auto.
Na yegada di e ambuans a controla e personanan pero no tabata necesario pa bai hospital.
Polis a tuma datos di e accidente aki.
InscrIpcIon ta habrI mañan! mayornan awo por InscrIbI nan yIu(nan) completamente onlIne
Oranjestad, Aruba: SKOA a habri inscripcion pa mayornan cu tin yiunan cu ta bay cuminsa kleuter e proximo aña escolar. Si bo yiu ta bay haci cuater aña den e proximo lunanan, esaki ta un bon momento pa cuminsa pensa ariba cua scol bo kier pa e bay. SKOA ta brinda un variedad grandi di scolnan kleuter den tur districto riba nos isla. Mayornan por bishita nos website pa asina wak tur e scolnan kleuter pa asina scohe esun miho pa nan yiunan.
Por inscribi via nos website www.skoa.aw completamente online. Por inscribi via email door di manda SKOA un email na aplicacion@skoa.aw. Por inscribi via WhatsApp door di manda un mensahe directo na +297 7485995 y sigui e proceso pa completa e inscripcion. Pa mayornan cu ya caba tin yiu inscribi na SKOA por haci inscripcion di e yiu cu tin cu cuminsa
kleuter via nos systema di SAS. Ora di inscribi mester pone bon atencion ariba e documentonan cu ta necesario pa asina por cumpli cu e proceso di inscripcion di bo yiu.
Mayornan cu inscribi nan yiu ta haya un periodo di 6 siman pa asina por cumpli cu e pago completo di schoolgeld pa e aña escolar venidero. Despues di 6 siman, si e pago no a wordo completa, e cupo di inscripcion ta wordo cancela cu consecuencia cu no lo bay tin un luga sigura na un scol pa e yiu por cuminsa kleuter e proximo aña escolar.
Mayornan por cuminsa cu e proceso di inscripcion entrante 1 di october pa asina sigura nan luga pa e proximo aña escolar. Pa mas informacion tocante inscripcion na SKOA por bishita nos website www. skoa.aw of por yama na liña directo 5231800.
na sKoa
Prome Minister Evelyn Wever-Croes:
MISS UNIVERSE ARUBA 2024 ANOUK
EMAN A INVITA PROME MINISTER PA TA
PARTI DI SU PROYECTO “IRON WOMAN”
“E proyecto ta representa hende muhenan fuerte, resiliente y cu a marca historia na Aruba”
– Diahuebs 26 di september, Prome Minister Evelyn Wever-Croes hunto cu Minister Rocco Tjon a ricibi bishita di Miss Universe Aruba 2024, señorita Anouk Eman.
Anouk ta preparando pa e certamen final di Miss
Universe 2024, dia 16 di november na Mexico
City unda e lo representa Aruba dignamente.
Prome Minister durante e atardi aki a presenta Anouk e pin di e bandera di Aruba y a entreg’e un sjaal representando e mata
di Kibrahacha cu ta un insigna di fortalesa di e hende muhe.
Durante e encuentro Anouk a tuma e oportunidad pa acerca Prome Minister pa e mandatario forma parti di su proyecto “Iron Woman”. Esaki ta un proyecto cerca di su curason, unda e ta acerca 9 hende muhe fuerte den comunidad cu ta un ehempel y inspiracion pa otro hende muhe y mucha muhe.
Anouk a menciona cu e nomber di e proyecto ta pa motibo cu desde cu el a haci un operacion di lomba, el a haya e nickname “Iron Woman”, y e 9 participantenan na e proyecto ta representa e 9 letternan di su nickname. Y pa e motibo di loke e proyecto ta representa, Anouk a invita Prome
Minister di Aruba pa ta parti di e proyecto “Iron Woman”, ya cu e mandatario ta un digno ehempel di un hende muhe fuerte, resiliente y a marca historia na Aruba.
Prome Minister a keda sumamente contento cu e invitacion y a felicita
Anouk pa su iniciativa cu e proyecto aki y a menciona di ta honra di forma parti di e grupo “Iron Woman”. Tambe e mandatario a tuma e oportunidad pa desea Anouk hopi exito na e certamen di Miss Universe 2024 na Mexico City dia 16 di november.
MINISTER MADURO TA FELICITA PAREHA
JOSEPH Y LUCIA LIOE A TJAM CU NAN 70
ANIVERSARIO DI MATRIMONIO
Dialuna pasa Minister Maduro di Finansa y Cultura tabata tin e placer pa a pasa felicita e pareha sr. Joseph y sra. Lucia Lioe A Tjam pa nan 70 aniversario di matrimonio. Pa e bunita ocasion aki di celebracion di boda di platino e mandatario a presenta e pareha cu un felicitacion special den nomber di Gobierno di Aruba. Minister Maduro ta felicita famia y amistadnan di pareha Lioe A Tjam y ta gradici specialmente nan 4 yuinan pa e bunita fiesta na unda e mandatario a comparti un rato ameno cu e pareha hunto cu nan famia y amistadnan. Masha pabien na sr. Joseph y sra. Lucia Lioe A Tjam.
POLIS A DETENE CHAUFFEUR bEbI CU NO A REACCIONA NA TEMPO Y A bAY DAL TRAS DI PICk-UP
Diasabra anochi a drenta informe di un accidente na e Brug di Madushi, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu diripiente un auto cu ta bini di nort a subi caminda y mesora a para pa bira bay zuid net dilanti un pick-up biniendo di pariba y esaki a logra para net prome pero e chauffeur di un otro pick-up su tras si no a logra para y a bay dal tras di e pick-up su dilanti. Afortunadamente ningun hende a resulta herida.
Polis a detene e chauffeur di e pick-up cu a dal y a bay
warda di polis pa test.
PARTIDO MEP A HAYA UN TREMENDO
RECEPCION DI HABITANTENAN
DI
PARADERA
E prome entrada masal exitoso
– Tempran diasabra mainta, Lider di Partido MEP, Evelyn Wever-Croes y candidatonan di Movimiento Electoral di Pueblo, MEP y nan campañadornan a encontra na Paradera pa asina di cas pa cas, di porta pa porta, comparti e vision y logronan grandi di Partido MEP den gobernacion.
E Movecion, Partido MEP a cuminsa cu entradanan masal pa asina prensenta e trabou haci den e ultimo 7 añanan y tambe pa scucha kico ta biba den nos pueblo. Partido MEP ta campaña pa busca e voto determinante pa Eleccion 2024 y un biaha mas ta pidi sosten di e pueblo di Aruba pa MEP finalisa e trabou cu a inicia den gobernacion. E prome entrada masal tawata den Paradera na unda cu Partido MEP a haya un tremendo recepcion di habitantenan cu a sali ricibi nos y reconfirma nan sosten na nos Partido.
Apesar cu Partido MEP a logra hopi den e 7 añanan
di gobernacion, no ta tur meta a keda realisa ainda, pero ta logrando si. Partido MEP den gobernacion, cu un vision determinante, a logra hopi pa Aruba apesar di tur reto encontra, especialmente despues di e crisis financiero laga atras pa e gobierno di AVP y despues tambe e crisis di e pandemia.
“Den tur humildad, partido MEP ta bati na bo porta pa bo voto di confiansa, pa nos por finalisa e trabounan cu nos a cuminsa. Nos ta detemina pa sigui traha cu e mesun pasion y determinacion pa tur ciudadano di pais Aruba sinti e progreso y bienestar den nan hogar", Lider di partido a expresa.
Aunke nos a logra hopi,
e trabou no a caba. Nos mester sigui riba e caminda di progreso y crecemento pa un futuro briyante. Un voto pa MEP no ta solamente un voto pa MEP. Un voto pa MEP ta un voto pa Aruba sigui progresa, pa e stabilidad financiero y crecemento economico continua, pa desempleo y inflacion sigui baha. Un voto pa MEP ta un voto pa un miho Aruba.
Un voto pa MEP, ta preveni pa Aruba bay bek den mannan di gobernantenan iresponsabel cu a strobra e progreso y stabilidad di nos pais. MEP ta e partido cu a prueba cu por guia Aruba den momentonan mas difisil y den momentonan prospero. MEP ta e movecion.
Minister Endy Croes: PROME BIAHA DEN HISTORIA ARUBA
TA ANFITRION DI E DI 20 CAMPEONATO MUNDIAL DI DOMINO
: Diahuebs mainta, Minister Endy Croes a acudi na e ceremonia di apertura di e di 20 Campeonato Mundial di Domino cu pa prome biaha den historia ta tuma luga na Aruba. E ceremonia a inicia cu himno di Aruba interpreta pa e legendario Sr. Robert Jeandor, sigui pa discurso di presidente di Federacion Internacional di Domino Sr. Manuel Oquendo, presidente di ASU Sra. Soraida Boekhoudt y Minister di Deporte Endy Croes. “Domino ta hopi mas cu simplemente un wega di mesa, e ta un tradicion cu ta recorda nos e balor di concentracion, tactica y trabou den ekipo”, Minister Endy Croes a subraya. Despues
di e ceremonia a tuma luga un wega simbolico entre Sr. Manuel Oquendo, Sra. Soraida Boekhoudt, Sra. Nicole Hoevertsz y Minister di Deporte Endy Croes pa duna inicio oficial na e campeonato. Alrededor di 420 hungado di domino internacional di 16 pais ta na Aruba pa competi den e Mundial di Domino. Aruba tin rond di 90 hungado participando den campeonato aki.
Desde un aña y mey pasa Minister Endy Croes a reuni cu Aruba Domino Bond y presidente di Federacion Internacional di Domino Sr. Manuel Oquendo y delegacion, unda cu e preparacionnan a inicia pa Aruba ta cede y anfitrion di e
mundial aki. Por ultimo, e mandatario di Deporte ta gradici e organisadonan, ATA, Lotto pa Deporte y Gabinete Wever – Croes II pa hunto sostene Aruba Domino Bond pa haci e magno evento aki posibel. Concluyendo, Minister Endy Croes ta
desea tur e hungadonan hopi exito. Cu deseo, disciplina, dedicacion y determinacion ta logra.
Candela di 2 auto na Madiki
Madiki - Diasabra den ora di mainta polis y brandweer mester a bay altura di Madiki 90, unda un auto tawata na candela.
E prome vehiculo tawata un Van y debi na e rapidez di e candela; esaki a pega un Toyota Yaris tambe. Ambos auto a kima por completo. Brandweer cu a yega den un algun minuut tawata tin
e candela di ambos auto domina.
Segun esnan na e sitio o sea donjo di e autonan, e candela lo por ta intencional; debi cu lo tin un of
otro problema andando ey banda. Pues un danjo material
considerabel; cu e perdida di dos auto cu tawata den estado cu ta core.
accidente cu hende herida; entre 3 auto altura di Hyatt Place
Wayaca - Diasabra anochi rond di 7'or y mey a sosode un accidente di trafico, entre 3 auto na altura di Hyatt Place.
Automobilistanan a papia di un accidente pisa, esaki a pone cu polisnan a dirigi
nan mes cu urgencia pa e sitio.
Danki Dios; na yegada di polisnan esnan envolvi tawata pafo di e auto y splicando kiko a sosode.
Ambulance a wordo pidi
pa un señora cu tawata envolvi y tawata sinti dolor na curpa.
E autonan envolvi tawata un Chevrolet pickup; un Nissan March y un Honda civic.
Caminda a wordo cera na rotonde Mahuma, door di e accidente e trafico a stagna.
Diasabra mainta tambe a sosode un accidente entre 3 auto un poco mas pariba; ey nan un chauffeur bou influencia a wordo deteni.
Team di Green Corridor a wordo poni na altura, pa yega e sitio pa mira e da-
Parlamentario Edgard Vrolijk (MEP):
Despues D i hopi aña y turbulencia porfin a ruba lo tin su o mbuD sman!
Dia 1 di october 2024 ta un dia di fiesta pa democracia na Aruba cu huramentacion di sra Bryson como e prome Ombudsman di Aruba. Despues di decadas y como e ultimo pais den Reino Aruba ta bay tin su Ombudsman. Entrante 1 october padilanti e Ombudsman lo hunga un rol importante pa loke ta trata e fortificacion di bon gobernacion y confiansa di pueblo den gobierno.
Historia di Ombudsman na
Aruba
Na 1997 a institui un comision cu lo ta encarga cu preparacion di e ley pa institui Ombudsman na Aruba. Añanan a pasa, gobierno y parlamentonan a bay y bin y Ombudsman a keda semper un topico y nunca a concretisa. Na 2017 cu entrada di Gabinete Evelyn Wever-croes un di e speerpuntenan tabata institui e instituto Ombudsman. Parlamento di Aruba a tuma e iniciativa y na 2020 a pasa e ley di Ombudsman pero a
opta pa sigui den e comision di cambionan di constitucion pa ancra e Ombudsman como un Hoog College van Staat y unda eyden lo ancra e nombramento y kitamento di un Ombudsman. Alabes ta e intencion cu hunto cu esaki lo crea e cambionan constitucional pa independisacion di Parlamento di Aruba.
Na momento cu e comision a keda cla, a presenta e ley y esaki a ser trata unda e mesun iniciadornan di e ley durante e tratamento di ley a entrega un cantidad grandi di amienda cu ta cambia e ley completamente. Lastimamanete e reunion a keda para y te na 2022 a sigui cu esaki cu e pensamento cu sanger nobo y mentalidad diferente lo por logra. Lastimamenteatro atrobe na final di dia no a logra haya 2/3 parti di e cantidad di hendenan presente pa e ley por a pasa. Esaki a haci cu e Ley di Ombudsman un bes mas a keda para. Mirando esaki mi a dicidi di tuma e iniciativa y a haci e cambionan corespondiente na e ley y a pidi sra Shailiny Tromp -Lee y sra Raymond pa ta co-iniciadornan di e cambio di ley aki. Asina na 2023 a pasa e ley y por a cumindsa e proceso di biaha pa cuminsa e escogencia pa e prome Ombudsman di Aruba. Ningun proceso a bay sin resistencia di oposicion! Ta bisto cu nan no tin bienestar di pueblo na pecho, paso pakico bo lo no kier un defensor di pueblo?
Danki Dios despues di tur turbulencia, husticia y bon boluntad pa e pueblo di Aruba a prevalece y dia 1 di october 2024 despues di 27 aña oficialmente Aruba lo tin su prome Ombudsman.
Funcion di Ombudsman
E funcion di Ombudsman ta uno hopi importante y a proba su mes caba den
Reino Hulandes. E ta un posicion independiente cu no ta cay bao di ningun instancia gubernamental. E tin e autoridad pa investiga kehonan publico tocante maltrato, tardansa y mal maneho di cualke gobierno. Despues di e investigacion e Ombudsman ta duna su recomendacionnan pa remedia e situacion y ta promove den esaki bon gobenracion y transparencia. Den esaki e ombudsman ta yuda pa fortifica e sistema di gobernacion pa garantisa cu gobierno ta traha na manera husto y efectivo y e ta exigi pa pone mas enfasis riba responsabilidad y bon gobernacion. Y ta pa e mes motibo aki pueblo tin di yuda pa engrandece e instituto aki .
Beneficionan di un Ombudsman pa e homber chikito
E Ombudsman ta accesibel y gratis pa pueblo y lo por ta un alternativa mas facil cu bay corte. E Ombuds -
man por resolve cualkier keho mas liher y mas eficiente cu un proceso legal. E Ombudsman lo bin cu sugerencianan na gobierno pa mehora funcionamento di e aparato publico pa impedi erornan den futuro cu ta afecta e ciudadano di Aruba. Por ultimo e Ombudsman lo mester protega nos ciudadanonan contra accion inhusto of negligencia di gobierno of cualkier otro instancia publico.
Pa finalisa, mi por bisa cu mi ta orguyoso di por a logra cu hopi esfuerso y dedicacion pa fortifica nos democracia y percura pa e instancia di Ombudsman bira un realidad. Ademas e ta un honor di por aporta na e proteccion di e ciudadano contra mal uso di poder door di cualkier gobierno of instancia publico. Aruba su bienestar ta mi compas, p’esey mi persona semper a percura pa construi y no destrui.
Cas Princesa Aruba na Museo Archeologico Arubano
Recientemente e candidatanan pa e certamen di Miss Beauty Aruba 2024, a haci un bishita educativo na Museo Archeologico Arubano. E ricibimento tawata di Norwin Maria y despues, bou guia di Suzette Kelly Boekhoudt y Karin Drost Hijmering, e candidatanan a haya e documentario di
Aruba su historia den diferente etapa titula Keeping Herritage Alive, presenta. Esaki a inclui e antepasadonan di nos isla. Temanan presenta, e dia aki, tawata e.o. : Especienan stranhero, Cultura di Morto, Storianan di piedra, Caquetio: E idioma di nos Antepasadonan y Descubriendo his-
toria bou di nos pia. E presentacion a culmina cu un wega unda e candidatanan a ricibi pregunta cu nan por a contesta haciendo un paseo den e museo. Un storia interesante tambe tawata esun dje raton Maiky, cu ta haya un les for di shon Shoco. E cas di Aruba su heroe Arubano, Boy Ecury, tambe tawata parti dje presentacion.
Cas Princesa Aruba ta gradici Museo Archeologico Arubano pa e ricibimento y tremendo presentacion. Dia 1 di november 2024 ta e certamen final di Little Princess, Little Beauty y Pre Teen, den Cas di Cultura. Mas informacion por bishita e FB of Instagram di Cas Princesa Aruba.
Ladronnan a purba horta un auto pero habitantenan a sorprende nan
Diadomingo madruba a drenta informe di cu ladronnan ta purbando di horta un auto of for
di un auto na un cas na Malmok, mesora a dirigi un patruya na e sitio.
Na yegada di e patruya
a bin compronde cu ladronnan lo a purba di bay cu e auto of horta cosnan for di den dje.
Pero esakinan nan no a logra ya cu e habitantenan a sali afor y e ladronnan a core bay for
di e sitio. Polis a tira bista rond di e vecindario pero no a logra topa cu e ladronnan aki.
Varios patruya a bay na t he Village pa un pelea pero na nan yegada ya e bringadornan a bay caba for di e sitio
Diadomingo madruga a drenta informe di un pelea formal na "The Village" banda di e highrise hotel-
nan mesora a dirigi varios patruya na e sitio.
Na yegada di e patruya a bin
compronde cu e pelea ya lo a ser para pa e securitynan na e sitio y e bringadornan lo a bay for di e sitio.
FORTALEZA PA FAMIA
Scirbi pa Pastor Marcel Balootje. ORA NOS HACI ORACION, DIOS TA DEMOSTRA SU PODER
Goliat tabata wak David manera un mucha chikito, sin ningun clase di experencia militar, pero e no por a wak e Dios grandi cu David ta sirbi, pasobra Goliat tabata confia den forsa natural di hende.
Rey Saul tampoco por reconoce cu kende David ta cana, aunke David a splike cu su experiencia ta bringa cu leon y beer y cu Dios a yude semper, y den bista di Dios Goliat no ta masha cos.
Tin hopi cos cu nos ta mira masha grandi, caba den bista di Dios e cosnan ey no ta conta, pasobra pa Dios nada ta imposibel.
Ora nos ta duda den Dios , nos ta bira manera tiracochi, cu un poco biento ta kita nos atencion. Pero ora nos para firme riba e palabra di Dios, no tin nada cu por kita e victoria for di nos.
For di principio te cu e dia di awe e yuinan di Dios semper tabatin victoria pa medio di oracion.
Pasobra no tin ningun hende, ni ningun poder, ni e diabel cu por enterveni den oracion di hende na Dios.
Nos tin cu compronde cu mescos cu Dios a haci den pasado, awe tambe Dios ta capas, pa hacie.
Den e buki di Samuel capitulo 1 Anna a demostra cu esun cu keda fiel den oracion na Señor esey lo ta esun cu ta sali victorioso.
Den e buki di 1 Reynan 18:36-39 Elias a demostra cu ta pa medio di oracion, candela ta baha for di cielo, y cu ta solamente Dios por
hacie pa medio di oracion.
Den e buki di Isiaias si Isaias 38:1-5 Rey Ezekias a demostra cu pa medio di oracion, Dios por cambia su decision y duna bida enbes di morto.
Den mesun buki di Isaias capitulo 37 :14-20-38 : Epoder di Dios ta wordo demostra cu ora un homber para firme dilanti di Dios y kere Dios por salba un nacion completo.
Filipensenan 4: 6 ta siña nos: No preocupa pa nada, ma dem tur cos , pa medio di oracion,y suplica cu gradicimento, laga boso peticion ta conoci dilanti di Dios.
Juan 14:13-14 Hesus ta bisa nos: Tur loke boso pidi den mi nomber esey lo Mi haci,oa e Tata wordo glorifica den e Yiu. Si boso pidi algo den mi nomber lo mi hacie.
Awor e diabel ta yena yuinan di Dios cu corbardia, pa nan bay tras di locual hende ta bisa, y no kere den e poderr di Dios. Cada biaha cu nos share un mensahe contrali na boluntad y principio di Dios, nos ta haci propaganda pa diabel, pasobra e malbado
gusta atencion, pasobra diabel ta envidioso di bondad, pasobra den dje no tin nada bon e ta e tata di mentira y maldad.
Cada biaha cu nos ta scucha mas na plan malbado di hende , cu na poder di Dios nos ta debilita nos , nos Fe, wak bon cada biaha cu Goliat tabata papia David tabata mencioa e nomber di Dios.
Nos no ta ignora e plan di e enemigo, pero pa medio di oracion nos tin autoridad den Cristo Hesus pa cancela nos tur cos.
Tur loke boso pidi den oracion cu fe, boso lo ricibi.( Mateo 21:22)
Pidi y lo wordo duna na boso, busca y boso lo haña,bati y lo wordo habri pa boso.( Mateo 7:7).
Pesey Mi ta bisa boso,tur loke boso pidi ora boso ta haci oracion, kere cu bos ta ricibie y e lo bira di boso.( Marco 11:24)
E oracion efectivo di un hende husto, por logra hopi.( Santiago 5:16)
Sinceramente , Pastor Marcel Balootje.
SABIDURIA DEN NOS ALEGRIA
Skirbi pa Ruthy”Lady Ruth” Vrieswijk-Bergen
Si tin un hende muhe inspira cu cosnan pret y cu ta gusta alegria rond di dje, pone otro hende hari cu smak y goza di e dushi alegria, ta Angelique Stuger. Un sra.dama nechi, bunita, elegante y halto di estatura, manera e modelonan cu ta modela panja. Angie su mama ta arubiano y su tata ta hulandes. E ta mita mita, crioyamente bisa un Arucamba. E mes a bira un bunita mama dedica di 3 yui, awor teenagers caba y ta stima Aruba masha masha hopi mes fei tempo cu e tawata un mucha, impresiona cu e colornan tropical di nos dushi isla y su hendenan amabel, carinoso y alegre. Y ela enamora tambe di nos dushi musica y bailenan. Nos bunita amiga colega artista Angie no
ta asina flaco, pero e no ta gordo tampoco. Angelique ta nos Sra. Carnaval di varios anja pasa. E ta nos comediante femenino number 1 di Aruba. Y Angelique, cu su nomber artistico “Queen Diva La Loca” a tene varios shownan sold out caba den pasado. Lady Ruth ta corda un di nan teni den Crystal Theater. Nos no por lubida e dushi ambiente pret cu ta reina den tur su shownan. E publico ta hari sin fin henter anochi. Queen Diva La Loca ta presenta shownan hopi varia, cu temanan cu ta ponebo pensa tambe y cu emocionnan bunita. Nos no por lubida su show di e como dokter. Den fin di siman cu ta trai lomba Aruba a disfruta atrobe di un otro show, su show nobo :” Mi locura, bo sonrisa”.
Y berdad e show colma di locura tras di locura. For di cuminsamento impactante cu algun “play-back” Angelique a conquista tur curason atrobe , e biaha aki como e gran artista cantante Cristina Aguilera, waaaaw ! Bo no kier a move di bo stoel, pasobra, ta tras di otro e bunita locura cu su tokenan elegante y bunita na maneranan profesional , intercambia cu tur sorto di locura pret a sigui. Nos comediante nr.1 Angelique Stuger tin hopi talento bon usa,y bon comparti cu nos tur. cu mester di alegria den nos bida regularmente pa “keep us going”. E sa usa palabranan dobbel sinti den su vocabulario crioyo cu su stem firme. Nos a goza di su presentacion di “Rita Rostelli” ora ela hypnotisa nos amigo colega artista Bashaca Yanga cu a wak full e publico sunu. Nos a goza su lesamento di carta den e idioma spanjo tur floria pa nos amigo colega poeta artista Jhon Fredy Tobon Montoya cu tawata buscando trabao . Nos a goza di su bailenan cu Danza Aruba. Nos a goza con ela canta Abo so di Padu Lampe live. Nos a goza e presentacion di nos bunita amiga artista Lilian Besselink “Shi Prekke”tocante penshoen y fiamento di placa. Nos a goza di Queen La Diva Loca cu su lanzamento di su mesun partido politico cu un bon programa e.o. pa hanja con-
doom via azv. Nos a goza di e weganan di Unicorn cu a wordo hunga cu dos pareha for di den publico. Y nos a goza un mundo di e presentacion di e grupo cu e baile y e musica Reaggea di Bob Marley actua super pero super bon mes. FABULOSO ! Algo na hulandes cu mi a skirbi di Angelique ariba FB:”Je bent mooi, lieve Angie, van binnen en buiten. Je hebt super mooie talenten van jouw als artieste, danseres, zangeres en jouw snoepje “Comediante “ met ons gedeeld. Wat hebben we allemaal genoten van jouw fantastische show”.Je bent een role-model in het warme, hartelijke, simpel en toch zo uniek en verfijnd ( sophysticated) zijn met jouw carisma. Angelique Stuger, you are the blessings !We love you, we are super proud of you !Danki pa stima bo pueblo di Aruba. Danki pa ta bo mes. Danki pa a comparti asina hopi dushi alegria ! Pabien lieve Angie, Pabien !!! Bo a scoge bo maestra di ceremonia e bunita y elegante Wendy Lacle un di nos Miss Aruba Universo di varios anja pasa, cu a hasi un tremendo bon trabao ! Y nos bunita amiga artista poeta Ivy Goeloe di SABA sinta cu su grupo no por a keda sin bisti e “panty’ cu a wordo tira den publico. Manera un reina Ivy a cana show su panty y pamper yena , asina dushi y contagioso e alegria di e show “ Mi locura, bo
sonrisa” tawata ! Lady Ruth super happy di wak su esposo Johan hari cu smak henter anochi ! Nos tur a goza masha masha hopi mes ! Sorpresa di locura tras di sorpresa di locura. Hopi pret mes ! Duuushi ohm ! Nos a hari asina hopi cu algun di e laashi y plooinan na cara a desaparece ! ( Un pluimpje pa e team di Cas di Cultura tambe cu tremendo bon zonido y luz , specialmente e gentil cabayero profesional Omar Brown.)
Ta bon mes mi esposo ta cu penshoen y ta laga pa e ehecutivonan y entrepeneursnan den companianan prestigioso cu tin salario halto bay cumpra e outfitnan y piyamanan cu a wordo desfila pa e cabayeronan den e show. Outfitnan fleurig en kleurig recomendabel sigur ! hahahahah ! Un anochi yena di boshi alegria cu a inspira tur presente bay cas mas relaha y cu un sonrisa grandi riba nan cara. You did it again my friend Angie ! You did it again ! And you will do it again ! Shonnan tur, danki pa lesa nos relato di e siman aki. Pasa un dushi dia yen di sabiduria den nos alegria ! Un “bearhug” di Lady Ruth cu palabranan di pabien pa Angelique Stuger y su dinamico team di artistanan invita cu a actua y presenta den e show “ Mi locura, bo sonrisa”.
Un exito total !
OTORGAMENTO DI JABI DI ORO NA NIGEL WINKLAAR
Diabierna 20 september
2024 den Twenty Third Floor cocktail bar situa den Okura Hotel
Amsterdam a tuma lugar e ortogamento di “Les Clefs d’Or” na e Arubiano Nigel Winklaar. E lo ta e promer Arubiano cu lo forma parti di e federashon Hulandes cu mas di sesenta miembro na Hulanda. Nan ta parti di e organisacion Mundial “Union Internationale des Concierges d’Hotels, Les Clefs d’Or”.
Un feliz siman yena di bendicion, gracia, amor y paz di Señor
El a hisa su cara na shelo y a gradici Dios. (Mateo 14,19) Rumannan nos tur conoce kico ta nifica un situacion basta preta p.e. un ocasion den cual nos recursonan ta hopi limita. Kiermen si nos ta confia solamente riba nos capacidad of nos recursonan nos lo keda desampara. Pero Hesus si por dirigi e situacionnan aki. Ta trata di cuanto hende? Nos no sa, pasobra e cifranan ta simbolico.
Den Bijbel ”diesdos” ta mustra nos riba e diesdos tribonan di Israel. E diesdos macutonan cu e pida pannan cu a resta ta mustra nos riba e diesdos tribonan di Hesus su Israel nobo. E manera cu Hesus a tuma e pan y a bendicion’e lo mester recorda tur Cristian riba nos celebracion di Eucaristia. E fiesta aki den aire liber ta un prefiguracion di nos Eucaristia, cu Hesus mes meymey di su pueblo. Den e revelacion biblico e cuminda ta expresa e bida cu Dios ta duna su pueblo.
E mana cu e pueblo a come despues di a sali for di Egipto y awa cu nan a bebe na Horeb y hopi otro realidadnan smbolico ta un prefiguracion di e don cu ta sali for di boca di Dios loke a keda cumpli den Hesucristo.
Oracion: Mi Señor y mi Dios, gloria na Bo Señor Hesus. Amen
E organisacion tin mas di cuater mil miembro globalmente den, ochenta diferente pais. Esaki ta é logro mas halto, den carrera di un concierge. Nos ta sumanemente orguyoso di su logro. Asina General Manager di Okura Hotel señor Michiel Roelfsema ta conta tur presente. Nigel a traha duru y tin hopi dedicasion pa su trabou cu a hibe na e logro aki. E ta conta tambe con Nigel a logra pa ship un Harley Davidson 3
Wheeler te na otro banda di mundo. Bou di un smile e ta subraya “just pidi Nigel e ta fi x e.” E ta sigui conta con Rey Willem Alexander, pa su di diez anniversario di boda tabata desea bolo.
Ningun problema Nigel ta fia e GM su auto y e ta hibe personalmente pa nan te na paleis. Nos por conta ariba Nigel, e la master e skills di brinda nos huesped un experiencia inolvidabel. Den presencia di General Manager, Front desk manager señora Mihaela Mihaleva y demas miembro di management team, colega, amistad y famia. Nigel a ricibi su pin di Vice-presidente di vereniging Gouden Sleutel Nederland señor Eef Sparla Conhunto cu colega ‘Hoofd
Concierge’ señora Caroline de Grijs. Nigel Winklaar a marca su entrada oficial como miembro di Het Gouden Sleutel Nederland. Un paso exitoso den su carera como concierge pa Okura Hotel Amsterdam. Un jabi di oro mas pa hotel Okura. Kende ta conta cu 3 empleado cu un jabi di oro, awor. Okura Amsterdam ta parti di Leading Hotels of the World. Y ta conta cu dos restaurant cu tin ‘Michelin star’. Un hotel caminda Nigel a habri porta y attende cu Beyonce. Famia di realtesa, hungador di futbol famoso y asina por sigui menciona. Nigel ta conta cu pa ta miembro di les clefs d’or ta tuma su tempo. Semper e kier a logra esaki. Y awor e tine. E ta un persona cu a traha pa locual e tin, semper honesto. Actualmente e tin 13 aña cu e team di Okura unda cu tin masha confiansa den su team. Y ta gusta locual e ta haci.
Su conseho ta; siña adapta, asina bo ta crece. Bo mester ta open pa cosnan nobo y pa siña cosnan nobo. Ta asina bo ta logra den bida. Y cu opportunidadnan ta yega ora cu abo ta cla pa nan. Den un capital manera Amsterdam cosnan ta cambia masha liher y bo mester keda on top di tur desaroyo pa brinda bo huesped lo mehor durante su estadia. Di parti henter famia, amistad y coleganan. Nos ta manda palabra di exito y hopi felicitacion cu e logro aki. Nigel, nos ta orguyoso di bo!
Scirbi door di: Nyohmi van der Biezen
