CONSECUENCIA DI AGRESION
VERBAL DURANTE AÑAS A
CULMINA DEN UN MOKETE RIBA SPEED ANDRADE HUSTICIA,
PARTIDO
Mike Eman a haci declaracion falso cu e no a ricibi ningun donacion ni a haci fundraising durante campaña.
Partido MEP:
Lider di MEP Evelyn Wever-Croes den programa radial “Interes di Pueblo”:
MEP
DEN GOBIERNO A AUMENTA PENSIOEN DI BIEHES
5 BIAHA DEN 7 AÑA, MAS CU 400 FLORIN”
MEP NO TA PRIMINTI Y DESPUES KIBRA PALABRA
di Partido di MEP
señora Evelyn WeverCroes tabata invita den e
programa radial “Interes di Pueblo” na radio Top FM diasabra ultimo.
El a elabora entre otro riba e aumento di pensioen di biehes cu partido MEP den gobierno a haci na forma responsabel.
“Nos ta un partido cu ta bisa loke nos ta haci, y nos ta haci loke nos ta bisa. Nos a compromete nos mes pa un maneho responsabel y p’esey a crea e espacio financiero y despues a hisa e suma di pensioen 5 biaha y e reparatietoeslag pa pensionado 3 biaha, durante Gabinetenan Wever-Croes 1 y 2. Contrario na e lider di partido AVP cu a priminti durante campaña cu e lo hisa e pensioen di biehes cu 700 florin den e prome 100
dianan, siendo cu e tabata sa cu no ta responsabel. Pero nos no conoce otro di e partido AVP, cu ta conoci pa manipula pueblo, Lider di MEP a expresa.
Lider di Partido MEP a sigui remarca cu apenas 10 dia despues di eleccion december ultimo, e lider di partido AVP a declara cu e lo no por cumpli cu e promesa mas di hisa e pensioen cu 700 florin den e prome 100 dianan, sino e no por forma gobierno. Pero ta obvio cu comunidad no a acepta esaki y ta exigi e 700 florin den 100 dia!
“Partido MEP ta un
partido responsabel y transparente. Ora algo por, nos ta bisa cu nos ta haci’e y nos ta haci’e. Ora algo no por, nos ta bisa esey tambe. Un mayoria den comunidad a vota pa un promesa cu no por wordo realisa y awor ta sinti defrauda. Nos lo no cambia nos forma di hiba politica. Nos ta bisa loke nos ta bay haci, y nos ta haci loke nos bisa. Tanten cu MEP ta den gobierno, nos lo sigui traha na bienestar di nos pensionadonan, y di henter nos comunidad. Cu responsabilidad, transparencia y honestidad”, lider di MEP a declara.
CHAUFFEUR DI vAN NO A REGULA vELOCIDAD NI MANTENE
DISTANCIA A BAy DAL TRAS DI UN NISSAN KICKS
mesora a dirigi un patruya na e sitio.
Na yegada di e patruya a bin compronde cu aki ta trata di un accidente unda e chauffeur di un Hyundai Van no a regula su velocidad ni a mantene distancia a bay dal tras di un Nissan Kicks.
Afortunadamente ningun hende a resulta herida.
Lider
CONSECUENCIA DI AGRESION VERBAL
DURANTE AÑAS A CULMINA DEN UN MOKETE
Diabierna tardi, un incidente a tuma lugar ora cu Speed Andrade a wordo agredi cu un mokete den cara. Segun Edmond Croes a informa, ta trata di su sobrino. E situacion aki ta un resultado di añanan largo di agresion verbal y bullying riba e plataforma di Mark Benson Denz, Speed y Patrick, cu ta usa nan plataforma pa ataca henter Aruba, den e caso aki Famia Croes.
Edmond a duna claridad riba esaki, indicando cu e bullying verbal ta un realidad tur dia, no solamente pa su famia, pero tambe pa hopi otro famianan den comunidad. El’a bisa: “Mi sobrino mesora a bai warda di polis na Shaba despues di e mokete.” “Lamentablemente, esaki ta consecuencia di añanan di abuso emocional contra su tata, su wela (dfm) y
RIBA SPEED ANDRADE
henter su famia.”
Ta importante compronde cu su sobrino ta un ser humano cu tambe tin sentimiento y cu su accion ta simplemente pa contesta e bullying. Edmond a yama atencion riba e problema serio cu hopi otronan ta sufri den silencio.
Edmond a manda un mensahe di sosten y amor: “Sobrino, nos ta comprondebo y nos ta cubo semper.”
E incidente a habri e debate den comunidad riba e impacto di agresion verbal y abuso emocional, y ta hasi un yamada pa stop bullymento.
Edmond a bisa cu e no tin control riba su sobrino of sobrinanan.
Maske e ta papia cu nan constantemente pa nan keda trankil, pero ora
nan mira of topa cu Mark Benson, Speed of Patrick, nan emocionnan ta bay halto y nan no por contene nan mes di atende cu nan.
E plataforma di Mark
Denz a presta su mes pa trece noticianan falso, manipulativo, hasta haci mofa di famianan di Croes na un forma regular.
Nunca Croes a usa su medionan pa papia di mama, tata of welo of wela di Mark Benson. NUNCA!
Pues awor e cos a sali for di man, no por culpa e sobrino, pasobra e no ta e agresor, e ta victima, e agresor ta e trio cu ta disfruta y kisas haya orgasmo di odio, cu ta hiba nan pa lansa tur sorto di bully.
E trio ta dirigi nan audiencia: “Ora bo topa e famianan Croes riba caya,
AUTO PROCEDENTE DI
grita nan !”..
E tipo di opruing nan ey a keda sosode y tur autoridad a para wak. Dia a keha nan na polis, OM, corte y HOF a dicta cu no ta atende e keho y asina a duna e trio “free hand” pa sigui instiga.
Awor cu sla a cay, nan kier pidi pa stop agresion? Y ki dia nan a wak nan mes den spiel pa pidi stop e
jOyRIDING
NA PALM BEACh
Diasabra anochi a drenta informe di cu tin un auto procedente di joyriding cu lo a ser laga para banda di un cas den construccion na Palm Beach, mesora a dirigi un patruya na e sitio. Na yegada di e patruya a bin encontra cu e Hyundai Accent procedente di joyriding. Mesora a pidi pa un takelwaden bin busca y confisca esaki pa mas investigacion.
bulymento?
E lamentabel cu e caso mester a bay for di man, pa awor henter comunidad cuminza lansa nan vos di protesta contra Mark Benson, Speed y Patrick.
Si no bini un cambio di curso di e plataforma, nan mes ta invita pueblo pa atende cu nan riba caya.
LOCALISA
pArtido AVp no A cumpli cu ley di FinAnciAmento di pArtido politico
Mike Eman a haci declaracion falso cu e no a ricibi ningun donacion ni a haci fundraising durante campaña.
Durante e programa radial “Interes di Pueblo” di diasabra ultimo, Parlamentario Edgard Vrolijk a elabora riba e ley di financiamento politico. Pa ley cada politico y cada partido politico mester raporta cuanto fondo nan a haya na donacion y na fundraising un aña prome cu eleccion. Mester a raporta den dos parti. E prome mester a wordo entrega na Conseho Electoral dos siman prome cu eleccion, y e di dos mester a wordo entrega dos siman despues di eleccion.
Meta di e ley no ta pa stroba politiconan, sino pa duna transparencia. Especialmente mirando cu
den pasado nos a conoce e caso di Roberto Rincon, cu a haci donacion di $50 mil na Mike Eman pa su campaña y despues ora Mike Eman tabata den gobierno, Roberto Rincon a haya permiso y tereno na cantidad. Pa evita situacionnan asina, a bin cu e ley. E declaracionnan ta wordo publica riba e website di Conseho Electoral.
Partido MEP a cumpli cu e ley y a publica e total di placa cu a haya di donacion 8,551 florin y 220,510 fundraising na e diferente rifanan cu e partido a organisa den ultimo aña.
Total partido MEP a genera 229.061 florin den
ultimo aña pa por a cubri e gastonan di campaña.
Parlamentario Edgard
Vrolijk a informa cu tur hende por mira cu partido AVP a declara cu a genera apenas 69,509 florin na fondo.
Tur hende ta realisa cu 69 mil florin no tabata suficiente pa e campaña miyonario cu AVP a hiba. A hisa mas di 2000 bandera, como 4 bandera na un cas y a paga habitantenan pa pega bandera na nan cas. Ta obvio cu e 69 mil florin ey no lo a cubri ni un kwart di e gastonan cu partido AVP a haci.
Aparte di esey lider di AVP Mike Eman a raporta
cu e no a haya ningun cen na donacion ni na fundraising. Esey ta haci e declaracion di partido AVP aun mas irealistico!
KICO TA E CONSECUENCIA?
Ley ta stipula cu si bo no raporta tur donacion y fondo recauda, e comision di Conseho Electoral lo
haci investigacion y por impone un multa. Haci declaracion falso ademas ta un hecho castigabel cu lo wordo investiga pa Ministerio Publico. Pues, e declaracion falso aki di partido AVP y di Mike Eman por tin consecuencianan hopi serio pa e partido y pa Mike Eman.
Auto A bAy core trAs di AmbulAns bAyendo
cu urgenciA y A bAy pegA trAs di e AmbulAns
Diasabra atardi a drenta informe di un un accidente cu hende herida dilanti di C-Mart na E.J."Watty" Vos
blvd. mesora a dirigi tanto polis como ambulans na e sitio.
Na yegada di e patruya
a bin compronde cu un chauffeur a haya ta bon di bay core tras di un ambulans bayendo pa un emergencia y yegando na e rotonde e ambulans mester
a brake pa trafico pero e auto cu tabata siguiendo tras di e ambulans si no a logra para y a bay dal tras di e ambulans. Debi na e fuerte impacto e paramediconan di ambulans a resulta herida. Na yegada di nan colega nan a atende nan y a transporta nan pa hospital.
HUSTICIA, OM y HOF A PERMITI SPEED SIGUI BULLy DOR DI NENGA DI ATENDE
Oranjestad, Aruba –Edmond Croes, miembro di e famia Croes, a sali den publico pa comparti su oponio riba e maneho di autoridadnan cu ta relaciona cu keho di bullying contra Speed Andrade. Croes ta argumenta cu, apesar di su esfuerzo pa tuma tur paso legal pa stop e bulying, ni Ministerio Publico (OM), ni Corte, ni HOF a tuma e consequencianan di e situacion na serio.
Keho no a wordo atendi: “Nan mes a cria e monster” Segun Croes, e famia a entrega varios keho formal contra Speed Andrade, pero e contesta di OM tabata consistentemente
MAS DI 20 KEHO
negativo. “Ministerio Publico no ta haya cu su bullying serio. Tambe nan a bisa cu no tin personal pa investiga e caso.” E apelacion tambe no a resulta den un cambio; Corte y HOF a apoya e decision di OM.
Croes ta pone enfasis riba e responsabilidad di e autoridadnan na e situacion actual: “Mi ta spera cu OM, Corte, Huez, y HOF awor realisa cu nan mes a tolera y permiti cu e situacion escala. Nan mes a cria e monsternan di bullying. E caso su number tabata: HAR-90/2023. E impacto na henter comunidad:
Croes ta skirbi cu e falta di accion di autoridadnan a duna Speed un “freehand” pa sigui buly henter Aruba, y nan actitud ta contribui na un ambiente unda keho y abuso verbal no ta ricibi e atencion necesario.
“Mi ta spera cu tur hende realisa awor cu cada denuncia tin su motibo, y cu dor di keda sin atende, boso mes a contribui na unda nos ta awe.” Entre varios victima di bully, tin mas di 20 of 30 keho entrega. Ningun a wordo atendi. Esaki ta
hasi un yamada urgente pa autoridadnan pa reevalua nan decicion ora ta trata di buly, smaad en laster, pasobra e consequencianan di falta di accion por ta devastador pa esnan envolvi.
AUTO TA BIRA SIN wAK CU UN OTRO AUTO TA
BAy PASE y NAN TA ACCIDENTA
Diasabra madruga a drenta informe di un accidente cu hende herida banda di Riuz Take Away na Tanki Leendert, mesora a dirigi tanto polis como ambulans na e sitio. Na
yegada di e patruya a bin compronde cu aki ta trata di un accidente unda cu un Hyundai preto a bay bira na man robes pa bay na un snack pero no a ripara cu un Honda shinishi a bay
pasa nan y e Honda a bay dal nan na e banda robes di e Hyundai. A consecuencia
di esey un persona a dal su cabes na e windshield y a resulta levemente herida.
Na yegada di e ambulans nan a atende e victima na e sitio mes.
Aunke ta stap pa stap
Gabinete Wever-Croes a sa di hisa pensioen
Cu mas di 400 florin
Contrario di promesa haCi pa opoCision Cu nan
mester a bari fo'i mesa despues di eleCCion
Tin un desgaste despues di gabinete Wever-Croes II y esey ta comprendibel y no tur hende por a yuda. Esaki ta loke cu Prome Minister Evelyn Wever-Croes a indica durante e programa Interes di Pueblo na TOP FM 95.
Berdad si ta cu Aruba ta un pais pionero y ehemplar den e region y henter mundo, p'e forma con lihe a recupera. A penas dos aña dspues cu e pandemia a pasa, Aruba a para bek riba su pianan. No tr hende a wak esey como algo importante pa continua cu ne lamentablemente, pero e ta un realidad si cu ningun hende no por kita.
Papiando di e resultado di eleccion, tabatin hopi manipulacion atrobe, manera cu por mira semper di e partido oponente. E promesanan irealistico cu tabata sa cu nan no por cumpli cu ne y esey a realisa tambe. Por mira cu e gobierno aki a anuncia cu a hisa e pensioen di biehes entrante prome di januari un biaha mas, e biaha aki cu 2.4%. Si wak bek durante varios aña, ora a drenta gobierno na 2017, e pensioen di biehes no a wordo ahusta p'e gobierno prome cu nan practicamente nunca.
Unabes cu a drenta na 2018 a aument'e prome biaha. Na 2019 tambe. Pa 2020 y 2021 no por a aument'e pasobra tabata den gara di pandemia y e fondo tabata hopi critico e tempo ey. Pero ya na 2022 a aument'e pa di tres biaha. 2023 pa di cuater biaha y na fin di 2024 a aumente.
Ademas e reparatietoeslag cu e pensionadonan ta haya tambe a aumenta na 2018, na 2023 y mita di 2024 a bolbe aument'e. Si mira bon, eseynan hunto a aumente den 7 aña cu 400 florin. Y esey ta algo cu por a haci pasobra ta hacie cu pasonan responsabel, stap pa stap.
E partido oponente a priminti cu lo hisa e pensioen di biehes cu 700 florin den un solo shot y esey no por, ta kibra e fondo. Segun WeverCroes, kende tambe ta lider di MEP, e fondo por wanta un aña, maximo 2 y despues ta bay bancarota y e ora no lo tin pensioen pa ningun pensionado y ni p'esunnan cu tin cu bay bira pensionado.
A purba di alerta pueblo di esaki, pero e alerta no a yega tur caminda. Por a mira den apenas 10 dia despues di eleccion, ya e lider di e partido opositor a indica cu ya e promesa aki
no ta relevante p'e mas. E 700 florin ta kit'e fo'i mesa basta e forma un gobierno, pasobra aparentemente partido FUTURO no ta di acuerdo cu nan riba esaki.
FUTURO tambe ta mira e cifranan y ta mira cu e no ta realistico. Den e declaracion ey di Mike Eman, apenas 10 dia despues di eleccion, ora el a sali for di informador y djs pa core forma un gobierno, a bisa cu "Mi no ta wanta mi mes n'e promesa di 700 florin. Nos ta bay wak con nos ta bay hisa pensioen di biehes den futuro." Probablemente manera e MEP a haci, stap pa stap.
Segun Evelyn Wever-Croes esaki ta un manipulacion grandi y tin un palabra p'e: Kiezersbedrog. Ora ta engaña e votado, pasobra a pidi e votado confiansa, pasobra ta bay hisa su pensioen y manera cu a haya e oportunidad, no por a haci esaki mas. Wever-Croes a topa cu hopi
hende desepciona, pasora cu varios di nan a pone nan confiansa of a duna e voto n'e partido,no cu nan ta AVP, pa haya e pensioen p'e aumento y awo mester a scucha cu no lo tin un aumento, entrante april di e aña aki.
P'esey ta importante ora haya e derecho di voto, mester pensa bon prome cu tuma un decision asina. MEP a hisa e pensioen di biehes y nan ta orguyoso p'esey.
Tabata añanan hopi dificil. Anjanan cu cierto momento durante pandemia a kere cu e fondonan di AZV y SVb a bay kibra. Si e primanan no tabata drenta, cu casi no tabatin trabao y comercio, e fondonan ta core peliger. Pero a rescata esakinan tambe cu awo t'asina leu cu a au7ment'e y e lo sigui aumenta, pero den pasonan responsabel. Esey lo por sigui pasobra e economia lo bay duna suficiente p'esey.
Editorial:
lEy di difamacion y calumnia, incitacion y instigacion a bira gEdoogd bElEid pa ministErio publico di aruba
Den un analis cu SOLO DI PUEBLO a haci, por conclui cu e artikel den buki di ley cu ta regarda smaad en laster, ta hinca den lachi na Ministerio Publico.
Esaki ta pasa pa bira un gedoogd beleid, na momento cu Ministerio Publico dicidi cu e no ta trata ningun di e sorto di kehonan aki, entre otro pa motibo cu no tin personal.
Pues, difamacion y calumnia a para bira algo normal den nos comunidad, ya cu e ley ta hinca den lachi y drumi na soño, peor ainda: morto na soño.
Consequencia di e gedoogd beleid ta cu husticia a pone un banda e derecho di cuidadano. Ora nan entrega keho, nan keho no ta wordo trata. Informacion cu Solo di Pueblo tin, ta mustra riba
mas di 30 keho cu a wordo entrega y ningun a wordo trata.
Cu otro palabra: Ministerio Publico a duna Speed Andrade, Patrick y Mark Benson e "greenlight" pa nan sigui haci difamacion y trece calumnia.
No solamente difamacion y calumnia, sino tambe
Speed Patrick y Mark ta invita nan oyentenan pa ora nan topa Famia
Croes riba caya, pa grita nan. Esaki ta opruiing, incitacion y instigacion.
Ningun autoridad no por pretende cu nan "no sa", pasobra nan tur sa. No ta solmente Famia
Croes ta victima di bully, cu awor ocaciona cu e yiunan ta tuma ley den man, pero tambe tin masha hopi otro famia cu tambe ta pasa mescos na man di e monsternan di e plataforma di Mark
Benson Denz, Speed y patrick.
Nan ta grita contra tur hende, menos nan mes, cu tin dos sentencia di hues pa corupcion cu radio di polis, unda pa nan culpa, dos polis a perde trabao.
Nan ta yama tur otro hende pa criminal, pero nan no ta wak nan mes den spiel. Naturalmente cu nan tin problema mental
tambe, pasobra hende den bon cabal no ta haci lo semehante, y hende cu ta comporta asina, ta hende cu ta sinti nan menos.
E pregunta clave ta: Ministerio Publico lo asumi responsabilidad den e casonan aki? Nan ta reconoce cu nan a habri porta hancho pa Smaad, Laster, Licitacion y Instigacion, via tur plataforma? Incita hende
pa grita otro riba caya, no ta opruing? Hasta permiso di radio ta wordo viola tur dia, y autoridad ta sinta wak.
Nos ta spera cu e moketaso cu Speed a haya, lo por ta un eye opener unda cada ken mester haci nan mes e pregunta: Lage pa pueblo mes atende of husticia lo cambia nan postura enfrente nan gedoogd beleid y cuminza atende?
Diasabra atardi a drenta informe di un accidente den e fila na rotonde Ponton,, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda e chauffeur di un Hyundai Accent no a regula su velocidad ni a mantene distancia a bay dal tras di Lincoln MKC. Afortunadamente ningun hende a resulta herida.
CelebraCion di Fin di aña y huramentaCion di miembro nobo di delta aruba leo Club
Riba 19 di December ultimo, Delta Aruba Leo Club a tene su ultimo reunion di miembresia pa aña 2024. Un momento pa reflexiona, celebra, i pone bista pa futuro. Nos a celebra nos logronan y proyectonan exitoso den aña 2024, y a refleha riba e impacto cu hunto nos a logra.
Tambe tabata un oportunidad pa cuminsa planifica pa un 2025 mas grandi ainda.
E momento principal di e anochi tabata e huramentacion di dos miembro nobo den e famia di Leo Club.
Gabrielle y Klaas nan entusiasmo y pasion pa
sirbi ta inspira nos, y nos ta hopi contento cu nan a acepta pa forma parti di nos team !
Un danki grandi na tur nos miembronan pa hasi e aña aki inolvidabel.
Y cu den 2025 nos por sigui ku nos mision di sirbi, crece y hasi un diferencia.
ChauFFeur a bay tuma un birada grandi pa drenta e atm y e auto su tras a bay dal su tras
Diabierna atardi a drenta informe di un accidente na Stadionweg, mesora a dirigi un patruya na e sitio. Na yegada di e patruya a bin compronde cu aki ta trata di un pick-up
cu a bay pa drenta den e A.T.M. Drive-Thru y a tuma un birada grandi pa drenta y e auto su tras a bay dal tras di e Pick-Up. Afortunadamente ningun hende a resulta herida.
edmond na mark Benson: Bo no ta viCtima, Bo ta agresor
Permitimi dirigibo algun palabra: Bo medio ta un plataforma pa ataca mi famia, y awe bo kier pa mi famia keda keto? No mas! Abo, como doño di e medio cu ta usa bully contra henter Aruba, tin un responsabilidad grandi
pa carga. Tur hende cu boso bully mester cuminza atende boso cu paso firme.
Mi sobrino ta un bon mucha! respetuoso! pero ora nan mirabo, e doño di e medio cu ta bully nan, cu ta pone nan potret TUR dia, bo accion ta alimenta nan emocion.
Tabo mes ta mete cu nan tata, nan mama, nan wela (dfm); e ta bo plataforma cu ta solicita atencion di nan, forzando nan den e situacion. Awor bo kier pidi pa no mas violencia, pero bo medio si ta usa
violencia verbal riba nan pa 15 aña y tur dia! Bo violencia verbal si ta OKE ?
Mark, Bo ta agresor. Bo mes ta hasi e bully y bo ta disfruta di e daño cu bo ta causa. Nos nunca a ataca bo mama, bo tata of bo welo defunto y bisa cos troci di nan. Lo bo kier nos cuminza papia di bo mama, bo tata tur dia? NO! Nos no ta haye corecto! Pero bo medio si ta crea y usa bullying!
Bo medio ta incita hende pa ora nan topa nos, pa nan grita nos. Opruiing
Pa ‘Un Bon Comienso 2025’ y
total riba bo plataforma y na Radio.
Bo no por laba man manera “yo no fui”: “no ami, ta nan”. Como doño, bo ta MAS responsabel. Si bo medio ta pone nan potret tur dia, bo mes ta provoca un reaccion, esey ta cay bao di bo responsabilidad. Enves di siña y ta un ehempel y corigi, bo ta prefera di tira culpa, hunga víctima y usa “stop violencia” como escudo. E unico elemento cu mente di vruminga aki ta ABO!
Awe mi ta lanta para no
pami so, pero pa TUR cu abo ta Bully tur dia. No tin espacio mas pa bo novela ni manipulacion! Pueblo ta fada di boso abuso y pueblo lo cuminza atende cu boso, segun tur reaccion riba red social. Ta Basta cu Mark Benson Denz su medio ta lastra hende. Sigui abusa, pero no yora ora bo wordo atendi! Laga esaki ta un wake up call, pasobra awe ta un mokete, pero nunca bo sa cua otro hende eyfo cu bo ta bully lo por actua pio. Abusador grandi bo ta! Bo NO ta vicitma! Bo ta AGRESOR! Cu Saludos di semper, Edmond Croes
CeleBraCion 60 aña di reCUerdo hUnto CU trio los arUBeños y reCordando hUBert (lio) Booi
Diahuebs 9 di januari di 6.30 pa 9.00 p.m. lo tin e prome actividad pa 2025 na Biblioteca Nacional Aruba, George Madurostraat Oranjestad, ‘Pa Un Bon Comienso 2025’ y celebrando ‘60 Aña di Recuerdo hunto cu Trio Los Arubeños’. Den cooperacion cu Astrid Britten, Biblioteca Nacional Aruba, Siegfried Dumfries, Departamento di Cultura Aruba y Mirto Laclé, Gestor
Cultural lo presenta un anochi excepcional cu ‘Homenahe na Trio Los Arubeños’ y ‘Recordando Hubert (Lio) Booi’. Lo presenta un programa multidisciplinario cu enfoke riba musica, canto, declamacion, cultura, literatura y educacion en general.
Integrantenan di Trio Los Arubeños, Rey Lampe, Fortunato (Catey) Werleman y Mario Croes
na BiBlioteCa naCional arUBa
ta embahadornan musical y cultural di Aruba. Orguyosamente nan ta comparti cu pueblo di Aruba e celebracion di nan 60 aña di existencia como Trio Los Arubeños. E trio no solamente ta celebra su 60 aña di existencia, sino henter un bida di recuerdo. Nan lo brinda cancionnan, particularmente na Papiamento, dunando aporte na cultura di Aruba riba tereno musical.
Lo brinda atencion ‘Recordando Hubert (Lio) Booi’ pa conmemora su bida y dies aña di fayecimento (21 di dec. 2014-2024).
Antonieta Ras-Booi hunto cu Hubert Ras lo comparti y interpreta algun cancion. Lo no falta musica di
caha di orgel ‘Mi Dulcita’ di Hubert Ras hunto cu Peterangelo Ras, presente y futuro.
Lo duna reconocimento na algun persona cu a destaca y a promove cultura y folklore di Aruba, entre otro Sr. Leoncio ‘Maiky’ Croes (1930), leyenda y baluarte musical di Aruba.
Coro La Escala bou direccion di Hector
(Chichi) Perez lo deleita cu algun cancion. Grupo di Dande lo ta presente pa desea un y tur un bon comienso pa Aña Nobo 2025.
Entrada ta gratis. Bin celebra cu nos na Biblioteca Nacional Aruba cu ta celebrando su 75 aña di existensia. Pa mas informacion Mirto Laclé, 7426274.
Accidente hit & run na Guyabastraat
Diasabra mainta a drenta informe di un accidente na Guyabastraat, mesora a dirigi un patruya na e sitio.
Na yegada di e patruya a bin compronde cu aki ta trata di un accidente hit & run unda un auto a bay dal un Chevrolet Onix cu tabata para y e auto a sigui core bay.
AlG o A hincA un dA m A
den l A m A y Awor tA
keh A di dolor n A su pi A
Diasabra atardi a drenta informe di cu algo a hinca un dama den lama y tin hopi dolor na su pia, mesora a dirigi un ambulans na e sitio.
Na yegada di e ambulans nan a atende e dama y a transporte pa hospital.
Auto A slip ribA e cAmindA muhA y A bAy dAl ribA e rotonde ser'i teishi
a drenta informe di un accidente
e
Diasabra madruga
na
rotonde Ser'i Teishi, mesora a dirigi un patruya na e sitio. Na yegada di e patruya a bin compronde cu e chauffeur di un
Hyundai Accent yegando e rotonde cu velocidad un poco mas duro y ora a brake no a logra para y a sigui slip bay dal riba e rotonde. Afortunadamente ningun hende a resulta herida.
CHAUFFEUR BURACHI NO A DUNA
CU HENDE HERIDA NA SOLITO
anochi a drenta informe di un accidente cu hende herida na Solito, mesora a dirigi tanto polis como ambulans na e sitio.
Na yegada di e patruya a bin compronde cu aki ta traya di un accidente cu 3 auto envolvi unda cu un Chevrolet suv di huur no a duna preferencia na un Pickup y esaki a bay dal un van para banda di caminda.
Debi na e impacto e chauffeur di e pick-up a resukta herida. Na yegada di e ambulans nan a atende y a transporte pa hospital. Polis a test e chauffeur y a detene pa core auto bao influencia y causa un accidente.
Diasabra
Motociclista a desvia pa un truck cu a brake diripiente y ela dal abao na p iedra p lat
Diasabra mainta a drenta informe di un accidente cu hende herida dilanti
Megastone Food Market na Piedra Plat, mesora a dirigi tanto polis como ambulans
na e sitio.
Na yegada di e patruya a bin compronde cu aki ta trata di un pick-up truck cu tabata bayendo pariba a brake di golpi y e scooter
su tras a purba desvia pero su so cu su so a dal abao y a resulta herida. Na yegada di e ambulans nan a atende e victima y a transporte pa hospital.
Hoben a accidenta riba waverunner na e agle
b eac H pero ta nenga
atencion
di a M bulans
Diasabra atardi a drenta informe di un accidente
riba lama na Eagle Beach, mesora a dirigi tanto polis como ambulans na e sitio.
Na yegada di e patruya a bin compronde cu 3 ruman
tabata core cu 2 waverunner banda di otro esun cu tabata cu su ruman e ruman muhe nan a cambia y ora e ruman muhe a tuma e stuur e waverunner a bay banda robes y e otro ruman a bay
dal e ruman homber cu a haya tur e golpi. Mesora e operador di waverunner a bay na nan auxilio y a trese nan aden. Na nan yegada na canto a avisa e famia pa e keda drumi na beach pa
yegada di e ambulans. Prome cu e yegada di ambulans e famia mes aunke polis a bisa pa no move nan a lanta e victima net ora ey ambulans a yega. Ambulans a atende e victima pero esaki a bisa cu e no kier bay cu ambulans pero e famia tabata tine wanta riba su pia. Despues di cu nan a bisa di no kier bay cu ambulans e famia mes a keda carga e victima pa nan hotel.
“Bou di alanan di Dios mi ta Sigur. Lo E cubri bo cu su alanan, bou di nan bo ta sigur, su fieldad lo ta pa bo un escudo, un harnas.” Salmo: 91-4
Cu inmenso tristesa na nos curason, pero conforme cu boluntad di Dios y agradecido pa tur locual el a nifica pa nos, nos ta anuncia fayecimento di:
John “Johnny” Alex Habibe
The Anchorman Director di HIT94 FM & MEGA 88 FM *11-02-1954 - †30-12-2024
Na nomber di su yiunan:
Zefráh Davina Habibe
Zena Jamilette Habibe
Zia Alexia Habibe
Mama di su yiunan:
Aurora Dijkhoff
Su mayornan:
†Elias Habibe
†Bienvenida Bulos
Tantanan:
Altagracia Bulos
Viola Frangie-Bulos
Marlin Bulos-Marrug
Primonan, primanan, ihanan y amigonan cercano
Staf y personal di HIT 94 FM y MEGA 88 FM
Coleganan den media di comunicacion y tur su fiel oyentenan
Demas famia: Habibe, Dijkhoff, Bulos, Frangie, Roos, Ching, Toppenberg y Tromp
Ta invita pa asisti na e acto di condolencia y despedida cual lo tuma luga na Royal Funeral Home dialuna 6 di januari 2025 for di 1’ or pa 4’ or di atardi
Cremacion lo tuma luga despues den seno familiar
Nos disculpa si den tristesa nos por a lubida algun famia
The Anchorman su bos unico lo keda recorda pa semper
Sorteo di ronda eliminatorio di Copa Betico Croes 2025
Diabierna na Angel Botta Technical Center (Oficina di AVB), a tuma lugar e sorteo di ronda eliminatorio pa e di 20 edicion di Copa Betico Croes. Ekiponan di Division Uno mester a bataya den e prome rond cu a tuma lugar den luna di december pa asina seis por a avansa pa e ronda eliminatorio hunto cu e dies ekiponan di Division Honor.
Achmed Nunes, secretario-
general di AVB, a habri e evento yamando tur presente bon bini. Despues di e apertura, Harvey Clement, Manager di competencia, a cuminsa cu e sorteo.
E prome wega di e torneo lo ta entre Caravel y La La Fama, programa pa 8 di Januari. E fi nal di Copa Betico Croes lo wordo hunga 25 di Januari. Tur wega lo wordo hunga na Compleho Deportivo Frans Figaroa.
Low Boy a LoS for Di trekker cU opLegger na rotonDe BanDa Di hoSpitaL y a caUSa Daño na caminDa
Diasabra mainta a drenta informe di cu un low boy cu oplegger a los for di e
trekker y a causa daño na e infrastructura.
Un feliz dia y cu Dios colma boso cu Su bendicion abundantemente
"Mi mester predica e Bon Noticia tocante Reino di Dios den e otro pueblonan tambe, p’esey a manda Mi!.” Lucas 4,43
Hesus a bini na mundo pa siña Su discipelnan tocante e Reino di Dios.
Cu Su palabranan Hesus ta proclama binida di e Reino y cu Su actonan E
tawata demostra cu e Reino tey caba y mesora E ta haci un milager di sanacion pa confirma cu berdaderamente e Reino tey. Mescos Hesus ta spera di cada un di nos cu ta Su discipelnan. Nos ta nada otro cu sirbidonan cu a yega na fe pa medio di Hesus. Nos cada un tin cu haci e trabou cu Dios a duna nos guia pa Spirito Santo. No mag di tin envidia, division, ni pleitamento entre nos pasobra riba nos propio forsa nos niun no por haci nada. Tambe nos tin cu bay na unda Dios manda nos. Nos tur ta compañero den e trabou di Dios y Dios lo sa di recompensa cada un di nos pa e sirbishi den man di Dios. Animo rumannan pa sigui traha den e cunucu di Señor y asina gana alma pa Señor.
Oracion: Hesus nos Gran Maestro, instrui nos pa medio di Bo Spirito Santo y cu Bo luz ilumina nos mente y duna nos sabiduria pa nos por proclama Bo Palabra cu hopi curashi y humildad pa asina nos por ta un instrumento util den man di Señor pa sigui edifica
SEÑOR ta mi Wardador, mi n' tin falta di nada; den kunuku di yerba bèrdè E ta pone mi sosegá. E ta hiba mi na awa trankil, pa mi bolbe haña forsa Salmo: 23
Nos ta anuncia fayecimento di:
Jose Rosendo Tromp
Miho conoci como Piew of Jossy *01-03-1942 - †30-12-2024
Yiu di:
†José Herminegildus Tromp & famia
†Elisa Tromp Dirks & famia
Casa/Esposa: Fransisca Tromp Maduro & famia
Yiunan:
Marzia Lalwani-Tromp & Kamal Lalwani
Ivan Tromp & Melitza Tromp-Jacobs
Jorge Sneek & Magaly Sneek-Ridderstap
Mayra Quandus y Robert Quandus y famia
Nieto/a:
Lisen Lalwani
Jai Lalwani
Joseliene Tromp
Jesseliene Tromp
Giomar Tromp
Jomaly Sneek
Manera yiu: Francis, Geraldine, Micheline, John, Jasmin Rumanan:
†Maria del Carmen Croes Tromp & famia
†Marignita Solognier Tromp & famia
†Calista Tromp & famia
†Elizabeth Tromp & famia
†Brigida Montaner Tromp & famia
Maria Aurora Hous Tromp & famia
†Juan Bernard Tromp & famia
†Francisco de Paula Tromp & famia
Amigonan di futbol y team RCA, bisiñanan di Sivi Divi, Maracastraat & Cas Ariba
Amigo y conocirnan y famianan na Curacao & Hulanda y demas famianan: Tromp, Maduro, Lalwani, Geerman, Sneek, Batista, Montaner, Jansen, Dirks, Boekhoudt, Lake, Casper, Croes, Thijsen, Varis, Wernet, Da Costa Gomez, Oduber, Pontilius, Theophile, Reyna, Vrolijk, Rodriguez, Gross, Ras, Roosberg, Arrindel, Lacle, Solognier, Van der Biezen, Dekker.
Ta invita pa e acto di entiero cual lo tuma lugar dialuna 6 di januari na misa Inmaculada Concepcion di 2:00 pm pa 4:00 pm, despues lo sali pa Santana De Vries na Sta. Cruz
Nos ta pidi disculpa si den nos tristesa nos por a lubida un of mas famia. Nos ta lamenta cu despues di entiero no por ricibi condolencia na cas.
SABIDURIA DEN NOS ALEGRIA
Skirbi pa Ruthy”Lady Ruth”Vrieswijk-Bergen
Shonnan tur : BON ANJA !
Nos tambe ta bendiciona pa a drenta un otro anja, e anja nobo 2025 cu hopi emocion y gradicimento na nos curason y pa por a despedi di 2024 cu a bay nos bon cu hopi experiencia gana y cu hopi lesnan sinja y tambe cu hopi ups and downs. Nos a y ta keda positivo den nos midi di fe y lo sigui duna bon Dios danki pa tur tur cos cada dia di nos bida den 2025 tambe. Dia 30 di December 2024 anochi, Johan Vrieswijk y su Lady Ruth a bay scucha Edjean Semeleer y grupo di musico y cantantenan canta Dande den nos dushi bario di Dakota tur dia. Ki bunita proyecto pa pueblo ! Ta Go Cultura so por bin cu proyectonan asina bunita, pa bishita barionan den diferente districtonan cantando ariba un trailer grandi moviendo ariba wiel di un lugar pa otro y asina hasi hopi hende felis pa tambe ricibi un Dande. Dushi pa tende Edjean canta dande pa Ruthy y tambe pa su dos yui hombernan na Hulanda Rene y Jean. Dia 31 di December bispo di anja anochi nos a pase serca nos mayornan den nos grupo intimo di famia cu esnan cu por a bin. Ruthy, Payo y Valerie a prepara dushi snacksnan, pasa palo,bolo y champagna y nos a companja
nos dushi y bunita Mayo den kamber cu su tiara di Happy New Year bisti y su dushi beis a permiti nos di saca pics como recuerdo. Despues nos a sinta cu Payo den veranda, disfruta di e anochi cu tawata carga di recuerdonan y emocionnan di famia di e anja 2024 y tambe mas atras den tempo. Lucas Jr.y Valerie a trese un fontein di vuurwerk cu nos a sende 12 or, ora cu rond di Aruba por a scucha e tiki tiramento di klapchi y wak un shelo dorna un crenchi na tur sorto di lus di color y figuranan bunita. No tawatatin hopi desordo y no a dura hopi tampoco. Ki felis e bestianan di cas lo tawata ! Nos a brinda cu champagna, sigui combersa un crenchi mas y despues laga tumba pa cas pa a laga Payonan bay drumi, pa no cansa nan di mas. Dia 1 di Januari 2025 Johan y Ruthy a bay bishista pa anja nobo su prome dia den oranan di anochi un di su bunita y bon bisinyanan sra. Yolanda, cu ta masha atento cu nos mayornan. Ruthy contento di a topa cu un ex studiante amigo di Avond Havo den anjanan setenta, Lorenzo Flores, cu a keda mes guapo y hoben, ta manera tempo no a cambia. Nos a topa y saluda tambe amiga lieve Maria. Dushi di a topa tambe
cu un sra. lief, cu a duna nos compliment pa nos relatonan den corant,bisando mi cu e ta lesa tur y pa mi sigui skirbi. Y ariba peticion di un otro bunita sra.hoben bisti masha elegante mes na blanco, nos a recita un poema cortico, e unico cu Ruthy ta corda foi cabes di “Aruba isla den laman.” Pruebanan cu locual nos a hasi den 2024 ta wordo solicita pa nos sigui cu nan den 2025, esta, skirbi relato y poema y recita poema pa sigui inspira e curasonnan rond di nos. Pueblo ta pidi, y Lady Ruth ta complace. Nos chispa di nos cambio y entrada di anja den algun palabra expresa. Algun dia prome cu cambio di anja, nos a hanja un shock ora nos a lesa riba facebook encuanto e fayecimento di ripiente inespera di nos bon amigo, e mihor locutor cu e mihor bos na radio, Johnny Habibe di e radio emisoranan Mega 88 y Hit 94 FM.
Un bon hende cu a biba na paz cu tur rond di dje. Un cabayero cu hopi fe y un bon curason. Manera ta ley di naturaleza den universo, tristeza ta bay man den man cu alegria. Condolencia, consuelo y amor na henter Aruba cu e gran perdida aki di un profeshonal cu a stima su hobbie cu a bira su
profeshon y a demonstra esaki tambe den e bon calidad di programanan y noticieronan cu ela hiba, specialmente su “Johnnys Oldies”. Laga mi bay corta un slice di e dushi Kerstbrood y Pan de Jamon cumpra na Superfood, super super dushi mes! E Mega Supermarket nr. 1 di Aruba,” Superfood Plaza “cu tremendo bon prijs pa comestibles, bon servicio y cu ta yuda instancianan tur rond di Aruba durante henter anja. Shonnan, ricibi y accepta bo anja nobo 2025 cu gradicimento na bo curason dia pa dia. Make the best out of it ! Stima y yuda bo mes
pa por stima y yuda un otro tambe ! Un “bearhug” grandi diki gordo pa tur nos dushi fiel lectornan di nos relato semanal “Sabiduria den nos alegria ! Esaki, posibel cu cooperacion di Diario, Solo, Extra Bonaire y EANews on line lesa y mira local y internacionalmente.
Danki pa lesa nos prome relato di 2025 cu amor y atencion. Nos lo sigui hasi nos best pa trese noticianan social cultural y actividadnan cu nos lo bishita, mas serca di boso curason.
Aruba : Un Bon Anja ! Cu salud, alegria, gozo, pasenshi y sabiduria !