Ultimo dia pa entrega docUmentonan pa ricibi e termijnbetaling di arUbalening
Oranjestad, 6 di September 2024
Departamento di Enseñansa ta informa cu e ultimo dia pa load up tur documento pa por ricibi e termijnbetaling di Arubalening pa periodo 1 aña escolar 2024-2025 ta diadomingo 15 di september 2024 pa 11.59pm.
Esaki NO ta conta pa e studiantenan cu a ricibi Arubalening na juli/augustus
2024. E studiantenan cu a haya e startpakket na juli/augustus
2024 por haci peticion pa e termijnuitbetaling di Arubalening periodo 2 aña escolar 2024-2025 y por entrega e documentonan entre 15 november 2024 y 15 februari
2025. NO prome NI despues di e periodo menciona.
E pago di e termijnbetaling no ta bay automaticamente. E studiante mester haci peticion pa esaki y di e siguiente forma:
E studiante mester login in den su Arubalening account. Ta haci esaki via di e Arubalening portaal riba website www.ea.aw.
Den nan account ta bay na e tab uitbetalingen y aki ta load up e siguiente documentonan:
1. Prueba OFICIAL di (her) inschrijving di e aña academico 2024/2025 di e instituto/scol cu studiante ta bishitando; 2. Prueba OFICIAL di e
lista di cifra/transcript (studievoortgangsoverzicht) di aña academico 2023-2024; 3. Prueba di un seguro valido pa e aña academico 2024-2025. Esaki no ta conta pa studiantenan di Aruba.
Manda tur e 3 documentonan aki den un solo peticion di uitbetaling. Na momento cu tur e tres documentonan aki ta na ordo lo aproba e uitbetaling y studiante lo ricibi e pago di Arubalening riba e cuenta di banco registra cerca nos.
Si e documentonan no ta correcto of falta informacion lo desaprobra e peticion di uitbetaling. Ta pidi e studiante pa sigui e instruccionan den ‘reacties’ di e afgekeurde uitbetaling y load up e documentonan necesario y correcto.
Actualmente e departamento di Studiefaciliteiten en -begeleiding ta procesando e peticionnnan
pa pago. Esaki ta dura te cu dia 30 di september 2024. Despues cu manda e documentonan ta dura mas of menos 1 luna pa nos procesa e pago.
WWW.EA.AW, WWW. PAPIAMENTO.AW, +297 528 3400, STADIONWEG 37, ORANJESTAD, ARUBA
Por tuma contacto cu nos departamento, via e-mail na arubalening@ea.aw of via Whatsapp na 594-4140. Mas informacion
Pa mas informacion por acudi na nos website ww.ea.aw y busca
Arubalening (Portal) na letter
A den e alfabet menu. Tambe ta sugeri studiantenan pa sigui Departamento di Enseñansa Aruba riba Facebook y/of Instagram @EducationAruba pa keda na altura di tur informacion.
bon ehempel e grUpo aki di personanan a demostra na eagle beach Unda nan a organisa nan mes pa haci e area di eagle beach limpi
Diabierna mainta turistanan huesped y empleadonan di Amsterdam Manor a organisa nan mes manera mensualmente nan tabata haci y a pasa piki tur sushi rond di Eagle Beach. Cumpliendo asina manera nan compromiso di stima Aruba di berdad. Un applauso pa e heroenan aki.
Edmundo GonzalEs y su Esposa mEstEr a huy pa spaña pa Evita di wordo cEra, maltrata y abusa dor di chavismo
Ministerio di Asuntonan
Exterior di Spaña a confirma domingo mainta cu Edmundo Gonzales Urrutia, lider di oposicion Venezolano, a yega e Base Aérea di Torrejón di Ardoz na Madrid riba un avion di Forsa Aereo Spaño.
Na su yegada, González a wordo risibí pa Susana Sumelzo, secretaria di Estado pa Iberoamérica.
E Ministerio di Asuntonan
Exterior a bisa cu den e proximo dianan lo cuminza e proseso pa peticion di asilo politico, cu segun nan ta duna garantia cu lo bay
ta favorabel.
Edmundo Gonzales di 80 aña, mester a huy pa evita di wordo tortura pa Chavismo.
Chavismo tin tur lider di oposicion encarcela y ainda falta.
Maria Corina awor ta keda cu riesgonan halto di wordo cera.
E final di Maduro ta cerca, segun fuentenan na altura, cu cualke rato e lo haya un sorpresa di su bida.
chauffEur haya basta hErida riba
acEra dEspuEs di a dal varios auto
Caya Captian Robert Rodgers y finalmente y finalmente a bay dal tambe dilanti e hotel.
Na yegada di ambulans nan a atende e chauffeur y a transporte cu urgencia pa hospital.
Diasabra madruga a drenta informe di un accidente na final di Mainstraat na Sanicolas y cu tin un hende benta mal herida banda di di e auto.
Mesora a dirigi tanto polis como ambulans na e sitio. Buscando mas informacion a bin logra haya sa cu e mesun auto aki prome di a accidenta a pasa dal algun auto den
Auto A slip, perde control, dAl un borchi
y bAy pegA den un mAtA
Diasabra madruga a drenta informe di un accidente riba Sasakiweg. Mesora a dirigi un patruya na e sitio.
Na yegada di e patruya a bin compronde cu door di yobida un auto lo a slip, perde control, dal un borchi y bay pega den un mata. Afortunadamente ningun persona a resulta herida. Polis a tuma datos di e accidente aki.
bringA den mAmoticAstrAAt
Diabierna anochi a drenta informe di un problema den Mamoticastraat. Mesora a dirigi varios patruya na e sitio. Na yegada di e patruya nan a intermedia y a detene e personanan cu lo a bringa. Polis a tuma datos di e susedido aki y a transporta e detenidonan pa Warda di Polis.
Diasabra madruga a pidi presencia di ambulans na Warda di Polis na Santa Cruz. Mesora a dirigi e ambulans pa eynan. Na yegada di e ambulans nan a atende e detenido di e accidente na Hubadastraat cu tabata herida. Ambulans a transporta e detenido/ victima pa hospital.
Edmundo GonzalEs a haña rEfuGio
pa un luna dEn Embahada hulandEs na CaraCas
Lider di oposicion
Venezolano, Edmundo Gonzales, a haña refugio secreto pa mas di un luna den embahada Hulandes na Caracas.
Minister Casper Veldkamp (NSC) di asuntonan exterior a informa Parlamento Hulandes
dak a bin abao na
un Cas na Turibana
Diabierna anochi a drenta informe di cu dak di un cas a cay den otro na Turibana, mesora a dirigi tanto polis como bombero na e sitio. Na yegada di e patruya a bin compronde cu un parti di e dak di un cas a cay den oranan di merdia y den anochi un otro parti di e cas a cay atrobe y ta teme pa ful e cas cay den otro.
Un habitante a bira malo y a pidi pa ambulans tambe presenta.
Nos lo sigui informa
Tweedekamer cu Gonzales mes a pidi esaki.
Gonzales no a wordo mira mucho den bista publico desde eleccion presidencial na fin di juli. Diamars siman pasa, un ordo di aresto a wordo emiti contra dje y diadomingo mainta a bira conoci cu Gonzes a
sali for di Venezuela. El'a ta haya asilo politico na Spaña.
Segun vicepresidente Venezolano Rodríguez, e lider opositor di 75 aña a tuma refugio na embahada Spaño di Caracas pa e ultimonan dianan.
ArubA bAnk su GrAn EvEnto ‘this is MEGA’: un biAhA MAs un Exito!
Oranjestad, Aruba – 8 di September 2024 – Un biaha mas Aruba Bank a surpasa tur espectativa cu su ‘This is MEGA’ Car
nobo cu tabata entusiasma cu e oferta di Aruba Bank, cu ta inclui entre otro e beneficio di cumpra un auto NOBO y cuminsa paga te na Maart 2025.
For di momento cu e campaña y evento a ser anuncia, Aruba Bank a experencia un entusiasmo grandi serca e diferente agencianan di auto na Aruba. Asina cu a activa e promocion pa e campaña, clientenan mesora a cuminsa bishita e dealers nan y tambe Aruba Bank mes, pa asina realisa e auto di nan soño.
Otro beneficionan di e campaña tabata entre otro, aprobacion pa prestamo cu “0” downpayment y interes reduci di solamente 5.00 – 5.25% (interes efectivo a varia entre 5.12% y 5.38%). Diferente cliente tambe a scoge pa extende nan periodo di prestamo te cu seis of shete aña pa asina haci posibel pa nan cumpra e auto di nan soño y toch yega na un quota mensual cu ta conviniente.
Aruba Bank ta manda un “danki” na tur bishitante cu a sostene Rotaract door di cumpra cuminda of bebida, asina yudando nan yega na fondonan pa cumpli cu nan metanan di brinda yudansa den nos comunidad.
Sales Campaign & Event, e campaña y evento di benta di auto di mas grandi di Aruba. MEGA a atrae hopi cliente existente y cliente
Aruba Bank ta gradici tur car dealers, sin lubida e ekipo grandi di empleadonan cu a traha den preparación y
durante e evento, y sigur e comunidad di Aruba pa a scoge Aruba Bank como nan banco pa por a realisa nan auto NOBO.
Ta un placer pa brinda servicio y productonan na comunidad y di e forma aki yuda clientenan logra nan metanan.
Minister Endy Croes:
PA PROME BIAHA DEN HISTORIA LO
OFRECE UN ESTUDIO DI ARTE Y DISEÑO
RIBA NIVEL DI MBO 4 NA ARUBA
Ta traha den colaboracion cu VISTA college, cual ta un scol di MBO na Hulanda.
: Diahuebs ultimo, den Conferencia di Prensa di Gobierno di Aruba, Minister di Enseñansa y Deporte Endy Croes, Sr. Carlos Martinus y Sra. Luocette Rapenhage a lansa un bunita proyecto di Office Openbare Avondleergangen Aruba (OAA) y Design Academy
Aruba. Pa prome biaha den historia di Aruba, lo ofrece un estudio di Arte y Diseño (Art & Design), riba nivel di MBO 4. Na final di e estudio, e graduadonan lo ricibi un diploma acredita.
E estudio ta dividi den dos (2) parti, esta e parti teoretico cu lo tuma luga
na OAA y e parti practico cu lo tuma luga na Design Academy Aruba. Pa loke ta trata e parti teoretico, dos (2) bes pa siman e alumnonan lo haya e materianan generico entre otro, Hulandes, Ingles, Spaño y Papiamento y tres (3) bes pa siman lo haya e parti practico entre otro, ‘Grafische vormgeving’, ‘Duurzaam ontwerpen’ y ‘Cultuur & design’. E estudio aki lo inicia october binidero y tin espacio pa 15 alumno.
Pa inscribi pa estudio aki mester tin un diploma di mavo, mbo 2 of mas halto y/of un prueba cu a bay
havo 4. Ademas di esaki, pa selecta e alumnonan, lo evalua e talento di e alumnonan a traves di un presentacion y portfolio dia 7 y/of 14 di september 2024. Sr. Carlos di OAA ta pidi pa tur esnan interesa di drenta e estudio aki pa bin prepara durante e evaluacion. Por aplica
riba e website www.oaa. aw. Minister Endy Croes ta invita tur hoben interesa pa inscribi na tempo. Finalmente, e mandatario di Enseñansa ta gradici Carlos y Luocette pa e bunita proyecto aki. Alabes, ta gradici Gabinete Wever Croes II pa sostene e gran proyecto aki.
POLIS A DETENE E PERSONA NA UN ACCIDENTE CU HOPI DAÑO MATERIAL
Diasabra madruga a drenta informe di un accidente na Hubadastraat. Mesora a dirigi un patruya na e sitio. Na yegada di e patruya a bin compronde cu un Yaris color blauw lo a perde control y dal kibra un borchi di trafico y dal den un muraya di cas. E
impacto tabata fuerte y a causa hopi daño material. Durante controlamento di e accidente aki polis a bin constata cu e papelnan di e auto no ta cuadra. Y e chauffeur lo tabata bai influencia.
Polis a detene e chauffeur y a transporte pa Warda di Polis. A pidi presencia di Takelwagen pa asina hala e auto for di caminda.
Parlamentario Alvin Molina (MEP):
E cElEbracion di dia di brazil tabata di kita sombrE
Despues di varios siman di actividad cultural en conexcion cu Dia di Brazil, e celebracion a culmina diabierna cu e Parada di Lanterna y a continua diasabra cu e
Fiesta di Tambu. Y riba diadomingo a tuma luga e tan spera Parada Folklore Cultural den e cayanan di e bario di Brazil.
Pueblo di Aruba
specialmente e habitantenan di bario di Brazil por a gosa di e parada. Mi tabatin e honor di participa den e paradanan pa yuda engrandece nos cultura. Ta bunita pa mira e acogida grandi cu e parada aki a cosecha den e ultimo añanan. Esaki ta e di 14 aña cu ta celebra Dia di Brazil cu nos musica crioyo, cuminda local,
trahe tradicional y nos cultura Arubano den un dushi ambiente den e cayanan di Brazil. E Parada Folkore Cultural a conta cu participacion di 11 grupo acompaña pa banda musical tipico y disco. Tabatin mas di 1000 persona riba pia den diferente trahe tradicional colorido, bunita y cu hopi ambiente. Tanto mucha, hoben como adulto a
disfruta y a pasa un rato ameno. Tabata reina un ambiente masha dushi. Mi ta invita Pueblo di Aruba pa participa otro aña den e Parada Folklore Cultural y asina hunto nos engrandece cultura di Aruba. Pabien na Sr. Chico Harms, Fundacion Chico Harms, comision organisado, participante, boluntario, y Aruba completo
MINISTER ENDY CROES TA FELICITA NOS
ADULTONAN MAYOR CU TA PARTICIPANDO
DEN COPA JANI BROKKE MEMORIAL 2024
Diaranson ultimo, Minister di Enseñansa y Deporte Endy Croes a acudi na Eagle Bowling
Alley, en conexion cu Copa Jani Brokke Memorial 2024. Copa Jani Brokke Memorial 2024, organisa pa Fundacion Movemiento ta Bida ta un actividad cu ta haci anualmente pa nos adultonan mayor (60 plussers).
Den e occasion aki, e mandatario di Enseñansa y Deporte a duna un discurso y tira e prome bala di bowling pa duna inicio na e competencia. Copa Jani Brokke Memorial 2024 a inicia 14 di augustus ultimo y ta culmina dia 14 di september binidero. Mas di 350 adulto mayor ta participa den nuebe (9) diferente deporte entre otro, volleyball, softball, domino, bowling, billiard, landamento, canamento, ‘wandel’ futbol y tennis.
Minister Endy Croes ta felicita presidente Sr. Rudy Leysner y ful e team di Fundacion Movemiento ta Bida cu ta organisa e actividadnan aki pa nos adultonan mayor. Alabes, ta felicita nos adultonan mayor cu ta participa den e tremendo competencianan deportivo di Copa
DESTRUCCION NA UN
BENTANA DI AUTO NA MAMOTICASTRAAT
Diabierna anochi a drenta informe di un caso di destruccion na Mamoticastraat. Mesora a dirigi un patruya na e sitio. Na yegada di e patruya a bin compronde cu desconocidonan lo a kibra e bentana banda drechi di patras di un auto. Polis a tuma datos di e incidente aki y tin e caso bao investigacion.
Jani Brokke Memorial 2024.
SV Britannia Division Honor ta titula
campeón Copa Roy Croes
Diasabra anochi a tuma lugar den CD Yara na Savaneta e encuentro final pa e titulo di campeón Copa Roy Croes entre campeón Liga Plata cu ta e speransa berdenan di Savaneta esta La Fama contra di e pumanan di Piedra Plat
esta SV Britannia.
E wega tabata bastante balansa unda cu den di prome tempo ningun di dos team por a logra anota gol. Den di dos tempo e pumanan di Piedra Plat tabata un poco mas den dominio y aki ta
unda cu Pieter Susebeek ta anota e gol di bai ariba 1-0 y cual gol a resulta e gol di victoria pa e pumanan y tambe e título di campeón Copa Roy Croes 2024. Esaki ta di tres título cu SV Britannia ta logra den un corto tempo, cualnan ta: Campeón di
Aruba 2023/24, Campeón Copa ABC (ex Copa Antillano) y awor Copa Roy Croes.
Pabien na e team di Piedra Plat, staff technico, directiva y fanaticonan cu a bin apoya di pumanan. Awor ta cuminsa e preparacion pa locual ta campeónato di AVB 2024/25.
Parlamentario
Na defensa di Edgard Vrolijk
Atake riba MEP via Edgard Despues di e resultado di e reunionnan di 8 di mei y 19 di juni 2024 Misha, Miguel, Marisol y Gerlien a keda cu un rencor contra Edgard pa motibo con e proceso di nan ley di matrimonio di mesun sexo a encamina. Awo pa motibo di represaya y revancha personal nan kier baha henter gobierno. Cu ayudo di 24ora nan a orkestra nan atake pa e haya maximo atencion den prensa. Diahuebs merdia 5 di september 2024 24ora a lansa su atake mediatico pa baha gobierno. 24ora a lidera e atake cu sensacionalismo y palabranan manera “Lobbymento pisa” y textonan cu ta bisa: “Situacion tenso den Parlamento y Gobierno di Aruba den anticipacion pa e reunion pa vota pa presidente y vice-presidente di Parlamento pa aña parlamentario 2024-2025. Raiz parce di no lo sostene Edgar Vrolijk. Oposicion ta purba convence Rycond Santos do Nascimento pa no para banda di MEP sino pa keda cu oposicion.”
Diabierna merdia Patrick Paskel ta manda otro articulo di 24ora rond den cual e ta bisa entre otro: “MEP a “sigura” Rycond Santos do Nascimento”.
E amor pa AVP ta hiba Patrick na troce noticia Cu tin un aliansa entre 24ora y e grupo di Misha y Miguel pa baha gobierno ta obvio. Pero, tampoco no tin ningun mistrerio pakico Patrick y Speed kier dal ami de carambola den e atake aki. Na prome luga nan ta rabia cu mi a recorda hende cu Speed ta un convicto di opzetheling y e crimen di intercepta ilegalmente comunicacion policial, pasobra e kier ta e prome den noticia pa bende mas propaganda. Na di dos luga nan ta rabia pasobra mi a mustra con nan ta de -
fensor di bandides. Manera cu Benny of Otmar ta pone flecha riba Ministerio Publico, e duo comico ta presente manera bolo preto na bruid. Na di tres luga Patrick cu Speed ta rabia cu mi a bisa loke tur hende sa caba, esta cu nan ta e campañadornan number uno di AVP.
Tampoco tin ningun secreto pakico Patricknan kier destabilisa gobierno. Tur hende sa cu nan ta circula den e orbita di AVP y cu ta p’esey Patrick tambe ta inventa noticia na beneficio di AVP. Nos tur por mira con e ta defende e amigonan di AVP manera Gerlien, Paul, Benny y Marisol. Tambe nos tur por mira con e ta purba desacredita tur cu AVP ta considera un enemigo, manera Ministerio Publico, Hues y Hulanda.
Patrick ta un “friend with benefits” di AVP
Obviamente AVP ta stima Patrick, pasobra e ta un “friend with benefits". Ora bo lesa e rapport di RDA cu Compliance & Forensic Services Caribbean a traha na maart 2021, bo ta detecta e red special di AVP cu tin acceso na poder of placa: Mike de Meza y Otmar Oduber, Richard Arends, Franklin Hoevertsz Sr., su yiu Franky Hoevertsz, Doris Canwood cu tabata traha cu abogado Sjiem Fat, Nathalie de Vos, Candy Rasmijn-Reino Quintero casa di Donny, Monica Patricia OplaatCervantes Angulo etc. Anto den e kliek di AVP e nomber Patrick Ronald Paskel tambe ta aparece como director di Tera Holding N.V.
E rapport ta mustra claramente con un sistema corupto di patronahe politico ta hinca den otro: administracion zwak y controlnan debil pa zorg cu bo no por persigui ni
fraude ni abuso di poder. Den RDA tabatin falta di supervicion riba e director, comportacion anti-etico y personal incompetente cu salarionan infla. Como cu no tabatin profesionalismo no tabatin ni sikiera un contract por escrito cu Tera Group/Patrick. Esey ta haci e manera di Patrick traha incompetente of conscientemente criminal y fraudulento. RDA y Patrick a traha na un manera cu ta habri yen porta pa fraude. Ta na pueblo pa husga si Patrick ta simplemente dom of ta caya e tin. Echo ta cu Patrick a beneficia di su relacion intimo cu AVP pa haya tur tipo di contract bao di Gabinetenan Mike Eman.
Patrick kier baha Edgard pa haya su benefits di AVP bek
Si AVP forma un coalicion cu Accion21, MAS y Gerlien ta obvio cu Patrick cu Speed lo por conta cu basta contractnan lucrativo. Pa acelera e posibilidad ey mester tumba gobierno. P’esey Patrick ta trahando duro pa baha Edgard Vrolijk sabiendo cu MEP no lo acepta esey, causando caida di e Gabinete actual.
Awo, ora ta trata di Edgard mi mester bisa cu ami mes a formula e critica di mas fuerte contra e, manera con presidentenan di Parlamento di MEP a actua. Mi a critica con Ady Thijsen como presidente di Parlamento a viola nos Constitucion ora kier a retira un minister sin cu tin quorum den parlamento. Edgard tambe mi a critica, yamando e “inflado”, partidario y hasta “gemeen” den su trato di mi coleganan Gerlien y Mervin. Mi critica di mas grandi contra Edgard tabata su uzo di e Encuentro Publico (Openbare Bijeenkomst), entre otro pasobra e no tin ningun base legal.
Mi hasta a manda carta pa Gobernador reclamando di e situacion aki.
Pero tambe mi mester admiti cu Edgard bin ta desplega un deseo cada biaha mas grandi pa haci lo corecto. Ademas Edgard tabata instrumental pa realisa leynan cu ta hisa integridad den nos sistema, manera e ley di financiamento di partido politico, e ley di screening di minister y e ley di Ombudsman. Es mas, Edgard a pidi mi mi analisis y aporte huridico especialmente ora ta trata di cuestionnan cu ta regarda nos relacion cu Hulanda, mustrando grandesa tempo mi tabata den AVP ainda. E punto culminante ta cu Edgard a traha duro riba un Reglement van Orde nobo unda e ta reconoce cu e Openbare Bijeenkomst mester di un base legal.
Represaya y revancha per-
sonal no mag di ta motibo pa baha Edgard ni Gobierno
Como cu mi no tin miedo di e gigantenan den prensa mi absolutamente no ta bay yuda 24ora acelera corupcion den nos pais. Patrick kier uza e rencor contra Edgard cu Misha, Miguel y Marisol tin pa motibo con e proceso di nan ley di matrimonio di mesun sexo a encamina. Represaya y revancha personal nunca ta un bon motibo pa ningun voto. Berdad Edgard no ta perfecto, pero tur dia mi ta mira con e ta purba di ta un miho presidente di Parlamento. E ta dispuesto pa scucha y busca conseho y e kier evita foutnan cu a ser haci den pasado. Si AVP tuma e mesun postura, AVP tambe lo por conta cu mi sosten, pasobra den e pais aki ta un cos so mester determina nos voto: si e rumbo ta corecto pa Aruba henter.
Grand Master Marilu de Veer tabata presente na Ultimate Taekwondo Cup
Grand Master Marilu de Veer ta Council Member di Pan American Taekwondo Union y World Taekwondo y tabata presente na Ultimate Taekwondo Cup den Centro di Bario Brazil organisa pa Brazil Taekwondo Stichting .
Grand Master Marilu de Veer a desea tur atleta exito y deseanan fairfight. Ultimate Taekwondo Cup tabata e ultimo campeonato di Brazil Taekwondo Stichting pa e atletanan clasifica pa Best of the Best 2024 cu ya caba ta conta cu participacion di 10 diferente Pais. Best of the Best organisa pa Brazil Taekwondo Stichting ta na caminda pa cumpli 30 aña.
E prome Best of the Best a wordo organisa na aña 1995 pa Brazil Taekwondo Stichting net un aña despues cu e scol a wordo funda.
Master Clifford Rasmijn y directiva di Brazil Taekwondo Stichting tabata
hopi contento cu e presencia di Grand Master Marilu de Veer cu a observa e evento den su totalidad.
SABIDURIA DEN NOS ALEGRIA
Skirbi pa Ruthy”Lady Ruth”Vrieswijk-Bergen
Nos sa cu Tristeza ta bay man den man cu Alegria. Nos sa tambe, cu nos tur tin cu crusa e brug ey ora e bati na nos porta. Pero esey no ta kita cu e ta hasi menos dolor mental y emocional pa esnan cu ta keda atras. Hopi ta esnan cu a tuma despedida di amigo Juani Schwengle, e ruman homber di nos bisinya, nos lieve buurvrouw Mena y Tio di Randall Wever. Tawata un bunita sirbishi cu bunita cantamento di Max Hassell acompanja pa su guitarra y despues tambe e simpatico y bunita Lila Richardson a canta y guia e ceremonia musical cu su bunita curason y su bos maraviyoso angelical. Tur cu a tene un speech tocante e bida yen activo y alegre di Juani a comparti cosnan hopi bunita di e dushi hende cabayero cu Juani tawata. Juani tawata un “movie star” rubiano, banda di tawata un bon meneer di scol e tawata un tremendo actor semper alegre y gradicido pa bida. Nos ta desea su esposa Oddy , yuinan, nietonan, rumannan y demas famianan Swhengle y Croes hopi consuelo y amor. Juani awor mas serca di mente, alma y curason. E parti di Alegria di awe, ta wordo dedica na e bunita expo “E lens di mi wowonan” di un shon di hende, un cabayero dinamico y semper inspira tras di su camera di saca potret of filma, Leo Vrolijk, cu ta e motor y curason tras di e bunita expo aki di 235 potret, un expo pa engrandece Dia di Prensa cu a wordo realisa atrobe cu yudanza financiero di RBC bank. Sr. Pierre Rafini di RBC
a dirigi palabra y felicita Leo Vrolijk y a expresa con contento nan ta, pa por a patrocina un biaha mas e expo exitoso aki, dedica na e periodisnanan fotografo profesional Farrah Boekhoudt, cu 25 anja den prensa, na Marianelly Berry y na Hubert de Cuba. Premio Djiespies a bay pa Joshua Bryson cu su 15 anjanan den prensa sacando potret. Julissa Boekhoudt a fungi como e maestra di ceremonia y a hasi esaki den un forma formidabel den bon papiamento, bon articulacion. Farrah Boekhoudt , propietario di su compania den media EANEWS on line, E arubiano news, a comparti di su bunita curason su viahe di ups and downs den e mundo di prensa, con duro ela traha, con e la logra tur su metanan y ta un di e prome hende muhenan cu a yega asina leu profesionalmente . Su bunita luz, su bunita curason a dirigi e hende muhe empodera aki . Manera amigo di Dakota tur dia, Victor “Toko” Winklaar a bisa, Farrah ta un “self made woman”. EANews ta den varios idioma y por wak e noticianan na nos islanan abc y tambe na Saba, St.Maarten y St. Eustatius como tambe na Hulanda. (EANews bayendo pa nan di 6 anja di existencia dia 17 di September venidero). Pabien na e tres personanan cu a hanja un reconocimento: Marianelly Berry, Hubert de Cuba y specialmente na Farrah Boekhoudt. E expo “E lens di mi wowonan” tin potret tambe dedica
na Fundacion Rancho pa cu 200 anja di Oranjestad y na Biblioteca Nacional cu nan 75 anja di existencia. Un joya di exposicion cu hopi “action pictures” y mas. E expo aki ta habri pa publico pa mas o menos un luna asina, si nos no ta hera. Tawata un bunita anochi di apertura , na unda por a topa cu varios amigonan den prensa, e.o. Famous Diaz y varios mas cu , ach, nos ta corda cara y curason, pero no tur e nombernan. Lady Ruth ta di e tempo di Toko Winklaar, Djiespies, Django, Jos van der Schoot, Don Carlos Kelkboom entre e grandinan
y no ta corda nomber di e hobennan trahando den prensa awendia. Ach si, Trevorr y Charlene di VIP TV Radio. Ivan Kelie Jr. Y Siomara na Tele Aruba di Nos Mainta tambe. Y mas cu claro, amigo Nilton Lacle y Aureen Werleman di Diario. Nos tambe ta felicita Leo Vrolijk y tur cu a yuda cu e setup di e expo. Ora bo ta keiro atardi, pasa drop in na BNA den G. Madurostraat y admira e obra di arte di saca potret. Danki pa lesa nos relato y pasa un bon y dushi dia yen di sabiduria den nos alegria ! Un “bearhug” di Ruthy pa boso tur !
Parlamentario
Edgard Vrolijk a coba su propio graf faltando rEspEt pa
E institucion di parlamEnto
E situacion compleho cu ta reina e dianan aki entre partnernan di coalicion y como antesala na cambio di aña parlamentario no ta bin como ningun sorpresa pa parlamentario independiente mr. Gerlien Croes. Tabata bek na luna di mei di e aña’ki cu e propio Croes a bolbe denuncia e deficiencia den liderazgo di Parlamento di Aruba na man di president Edgard Vrolijk.
E tempo ey Croes a menciona cu no ta trata solamente di loke publico por mira ora di reunion, pero tambe durante reunion di porta cera cu Vrolijk ta demostra di no tin etica ni respet pa ta sinta na cabes di e entidad mas halto di pais Aruba. Segun e parlamentario independiente, e intento pa sconde fayo den yama reunionan publico y cu asta a bay asina leu cu a tira e propio figura apolitico di Griffier bou bus durante e proceso di atende reunion riba e topico di matrimonio di mesun sexo, ta wordo califica como weganan politico di MEP lidera pa sr. Vrolijk, sin importa ken nan ta sacrifica den e proceso.Di mesun forma, e partido geel ta djis conta cu su partner den coalicion, esta RAIZ lo para nan tras na tur momento, te hasta bayendo contra di nan propio principio.
Biniendo bek na e siman aki, Croes ta considera cu loke ministernan di MEP a haci di hiba campaña di sosten ariba medianan social pa Vrolijk, ta un atake demostrativo contra e democracia di Aruba door di publicamente demostra nan apoyo pa un candidato pa president di parlamento, confirmando de facto cu e gobierno actual tin e poder ehecutivo y e legislativo se -
cuestra.
Croes: “Mi mes a experiencia hopi sucedido cu Vrolijk; hopi falta di respet. No ta desconoci cuanto biaha el a silencia miembronan.
Na varios ocasion ta paga mike ora cu mi ta hibando disertacion of tin punto di ordo. E ta manera cu nos a pasa pa un sistema autoritario y comunista pasobra ta un partido ta hiba gobernacion, pero tambe tin Parlamento di Aruba full bou su maneho”
Mas aleu e parlamentario independiente a indica cu e realidad ta cu pa tres aña largo tin un partido cu ta acepta e comportacion aki, refiriendo na RAIZ. For di contract di Eagle LNG te na matrimonio di mesun sexo tabatin caba mil motibo pa RAIZ tuma un posicion pero nunca a hasi esaki. Echo ta cu actualmente, mayoria di parlamento no ta di acuerdo cu Vrolijk por keda fungi como presidente di parlamento.
Cuatro deten C ion den tarabana
Macubaristraat - Diabierna anochi laat, polis a bay e caya patras di Centro di Bario Dakota, unda lo tawata tin un problema
grandi ariba caya. Mesora un cantidad grandi di patruya a bay eynan cu urgencia, debi cu tawata tin mandamento di baranca y
por a mira esaki ariba caminda. Pues un rato prome tawata tin un pelea formal.
Na yegada autoridad a detene 4 persona, unda cu mester a usa 2 transport-
wagen pa hiba esnan deteni warda di Santa Cruz.
Ladron a horta basta placa for di cartera di un turista na Saliña Cerca
Diabierna mainta a drenta informe di un caso di ladronicia na un adres na Saliña Cerca, mesora a di-
rigi un patruya na e sitio. Na yegada di e patruya nan a bin compronde cu un ladron a pasa man pa basta
placa for di e cartera di e turista.
Polis a tuma e keho y a pasa esaki pa recherche.
Polis en busca di e tiradornan di piedra na e brug di Hato
Diahuebs anochi a drenta informe di cu tin tiradornan di piedra na e brug di Hato, mesora a dirigi patruyanan na e sitio.
Na yegada di e patruya a busca den full e area pero no a logra haya nan.
E personanan aki no ta con-
ciente cu nan ta pone automobilistanan y nan mes den peliger cu nan fechorianan y ta hinv=ca hende den gasto.
Un feliz siman yena di bendicion, gracia, amor y paz di Señor
El a hisa su cara na shelo y a gradici Dios. (Mateo 14,19) Rumannan nos tur conoce kico ta nifica un situacion basta preta p.e.
un ocasion den cual nos recursonan ta hopi limita. Kiermen si nos ta confia solamente riba nos capacidad of nos recursonan nos lo keda desampara. Pero Hesus si por dirigi e situacionnan aki. Ta trata di cuanto hende? Nos no sa, pasobra e cifranan ta simbolico.
Den Bijbel ”diesdos” ta mustra nos riba e diesdos tribonan di Israel. E diesdos macutonan cu e pida pannan cu a resta ta mustra nos riba e diesdos tribonan di Hesus su Israel nobo. E manera cu Hesus a tuma e pan y a bendicion’e lo mester recorda tur Cristian riba nos celebracion di
Eucaristia. E fiesta aki den aire liber ta un prefiguracion di nos Eucaristia, cu Hesus mes meymey di su pueblo. Den e revelacion biblico e cuminda ta expresa e bida cu Dios ta duna su pueblo.
E mana cu e pueblo a come despues di a sali for di Egipto y awa cu nan a bebe na Horeb y hopi otro realidadnan smbolico ta un prefiguracion di e don cu ta sali for di boca di Dios loke a keda cumpli den Hesucristo.
Oracion: Mi Señor y mi Dios, gloria na Bo Señor Hesus. Amen