— Dialuna 9 di september
Prome Minister Evelyn Wever-Croes a entrega retiro di Gabinete WeverCroes II. Di awor en adelante Aruba lo tin un Gobierno demisionario y esaki por atende solamente cu asuntonan coriente te ora un Gobierno nobo wordo forma.
Prome Minister ta indica cu e decision aki a wordo tuma a base di e echo cu e partner den coalicion a busca alianza cu oposicion y asina a kibra e acuerdo entre MEP y RAIZ, y sin
acuerdo no por tin un Gobierno.
Stabilidad politico ta algo hopi importante pa pais Aruba y no por wordo determina pa pensamento personal di un solo persona. E acuerdo di gobernacion ta hopi fundamental y akinan ta papia di un “politieke vertrouwensbreuk”.
A base di esaki Conseho di Minister a apodera Prome Minister pa entrega e retiro di Gabinete WeverCroes II, y e decision pa
disolve Parlamento na Gobernador di Aruba, S.E. Alfonso Boekhoudt.
E fecha pa eleccion lo lo ta dia 6 di december 2024 y
entrega di lista lo ta dia 18 di october.
Durante un reunion dialuna mainta pa eleccion presidente nobo pa Parlamento, fraccion di partido Raíz a kibra un acuerdo di gobernacion cu tabata stipula cu e presidente mester ta di partido MEP.
Enbes di sostene e acuerdo, Raiz a bay contra y a vota pa nan propio candidato cu sosten di oposicion, cual ta inclui partidonan manera AVP, Mansur, Marisol, y Gerlien. Hunto nan a logra forma un mayoria di 11 voto y a nombra Kamperveen como presidente nobo di Parlamento.
Un di e figura principal den e conflicto ta e parlamentaria
Misha. For di febuari, Misha a keda hopi molestia pa motibo di e ley di matrimonio di mesun sexo.
Segun su frustracion, Edgard
Vrolijk, no a atende e ley na manera na su gusto, loke a lag’é sinti irita. Su molestia a bira un asunto personal, y desde ey, Misha a keda cu un deseo di paga bek, regla cuenta y saca vengansa contra Edgard, cu segun e, no a tuma su puntunan di bista den consideracion.
E situacion actual ta mustra
cu e frustracion di Misha, a keda bibo, y a duna un gran impacto riba su husgacion den Parlamento.
Cu e desicion intransitente di RAIZ pa dicta cu nan no kier Egdard, a conduci MEP pa entrega retiro di su Gabinete pa asina yama eleccion nobo.
Pues e ley di mes sexo, ta loke a conduci na e kiebro di acuerdo, unda cueste loque cueste Misha tabata kier cabes di Egard, cual sin cu el'a realisa el'a corta su propio cabes tambe.
Debi cu Gobierno a entrega retiro, ta sigui e activacion mesora di electorale raad, unda ley di eleccion ta cuminza traha. Pa cu esaki, E entrega di lista lo ta 18 di October 2024 y eleccion lo ta dia 6 di december 2024.
Hunto cu esaki ta sigui un serie di fechanan cu ta atende cu firmamento di lista y demas.
Pues pa loke ta e dos fechanan importante, esaki ta conoci.
Diasabra anochi a durante patruya un oficial di e brigada motorisa a bin topa cu un accidente unda un chauffeur no a regula su velocidad ni a mantene distancia a bay dal tras di e auto su dilanti.
Afortunadamente ningun hende a resulta herida.
Awe mainta Hues a dicta sentencia contra e tres trahadornan di KIA: J. Geerman, D. Maduro y G. Lares. Hues ta haya tur tres culpabel y a condena nan na castigo di prison.
SOLO DI PUEBLO por a compronde cu e tres acusadonan no por a scucha nan sentencia na Bonaire door di un calamidad cu tabatin den prison. Hues a lesa sentencia pa e abogadonan.
SITUACION TENSO NA PRISON DI BONAIRE
Ta asina cu e tres trahadornan: J. Geerman, D. Maduro y G. Lares, ta actualmente sera den prison na Bonaire. E intension tabata cu awe mainta via video conference, Hues lo a dicta sentencia caminda e tres acusadonan lo ta den un oficina na Bonaire y e Hues den sala di Corte, hunto cu e abogadonan y Fiscal.
Sinembargo Hues a informa e abogadonan y Fiscal cu el a wordo informa cu na prison di Bonaire tin un calamidad caminda tur trahador a wordo yama aden pa atende cu e situacion cu a presenta. Esey a causa cu no por a hiba e tres presonan den un oficina pa asina haci e video conference manera tabata planea. E situacion ta asina tenso na prison di Bonaire, cu Hues no tin un idea ki ora of dia e situacion lo normalisa.
Hues a puntra opinion di Fiscal y abogadonan, kico pa haci.
Fiscal bisa cu e tres presonan kier tabata presente of via video conference. Ta nan derecho. Abogadonan a bisa cu nan ta haya e situacion serio y ta laga Hues dicidi.
Hues a bay evalua un rato y despues a tuma decision. Hues a dicidi cu e ta dicta sentencia di biaha. Hues a bisa cu e ta tene cuenta cu tin interes di e famianan cu ta presente den sala di Corte y cu ainda tin mas sentencia cu Hues mester dicta den otro caso.
TUR TRES TA CULPABEL
Hues a bisa cu ta legalmente proba tur e acusacionnan contra Geerman, Lares y Maduro. Hues a cuminsa cu Geerman, mustrando cu Polis a haya droga na Geerman su cas y tin declaracion di otronan y cu Geerman a admiti. Hues a bisa cu Maduro tambe a admiti y a haya droga na su cas. Lares a desmenti tur cos pero Hues ta haya tur acusacion proba.
NO TABATIN COMPLOT CONTRA LARES
Den e caso di Lares, Hues a mustra cu Polis a haya apps caminda ta papia di hiba droga, cellular y otro cosnan y tambe tin declaracion
di otronan. Hues a sigui bisa cu Polis a haya paketenan cu nombernan na kende e pakete mester bay den KIA. Hues a bisa cu e no ta kere Lares cu e no tabata usa e cellular riba cual a haya e apps. Tampoco Hues ta kere e declaracion di Lares cu tabatin un complot contra dje.
TUR TRES A WORDO CUMPRA
Hues a bisa cu Geerman, Maduro y Lares a wordo cumpra pa pasa droga, cellular y otro cosnan den KIA. Tambe el a bisa cu Geerman y Maduro tabatin cocaina den posecion. Pa cu e castigo, Hues a tene cuenta cu seriedad di e caso, camiunda tur tres a viola nan huramento y a participa den contrabando di droga, cellular y otro cosnan den KIA. Hues a bisa cu door cu tin diferencia den periodo, tin diferencia den castigo.
CASTIGO
Hues a condena Geerman na 4 aña di prison, kitando e tempo cu e tabata sera. Maduro y Geerman a wordo condena na 42 luna (4 aña y 4 luna di prison). Pa tur tres acusado, Hues a bisa cu pa 5 aña, nan no por traha den KIA.
Diadomingo madruga durante patruya na Boegoeroei polisnan a mira un Honda Inspire coriendo
duro y iresponsabel, mesora a dube señal pa para pa cual e chauffeur no a para pero a primi
trot bayendo direccion di Washington, tuma direccion di e school pa bay sali banda di Wan Shing, bay nort pa sali banda di C.M.B. pero a bay pabao panort di Papiamento Restaurant y paga lus, drenta Keito dal algun buelta eynan y a dal para ora cu ela haya su mes cu mas patruya. Mesora polis a baha detene y a pidi pa e vehiculo di transporte pa bin busk'e. Unda despues a hib'e deteni pa warda di polis y e auto cual no
tabata cuadra cu e number a ser confisca.
E tareanan principal di Parlamento ta pa controla Gobierno (ministernan) y sirbi como co-legislador. Ministernan tin cu duna cuenta na Parlamento. Cada aña parlamentario, miembronan di Parlamento ta eligi un Presidente di Parlamento. E Presidente tin e poder y autoridad pa dicidi ki dia y ora un reunion den Parlamento lo tuma luga. Por ehempel, ora tres parlamentario pidi pa un reunion pa un minister bin duna cuenta, ta na e Presidente pa fiha un fecha, cu segun reglamento di ordo mester tuma luga dentro di 30 dia. Imagina bo cu un Presidente di Parlamento ta complace ministernan di su partido, prolongando ki dia e ta yama reunion, haci un reunion un openbare bijeenkomst cual ta haci cu parlamentarionan no por entrega mocion contra e minister, y no cumpli cu laga reunionnan tuma luga dentro di 30 dia manera reglamento di ordo ta stipula.
Y ora e fraccion di su partido no kier trata un ley, e ta complace nan pa no yama e reunion lunanan largo, a pesar di a haci toezegging prome cu e reunion lo tuma luga pa tal luna y siman. Ora despues di hopi esfuerso pa toch e yama e reunion (laat), e Presidente di Parlemento – net prome y durante e tratamento – ta purba cambia interpretacion di decadas di regla di votacion, cual
por a influencia si un ley pasa of no, dependiendo di con ta conta abstencion di voto.
Weganan asina ta mina democracia di un pais. Nos sistema democratico nunca por funciona debidamente si Parlamento ta wordo maneha pa complace y proteha esnan cu nan mester controla.
Un partido no por exigi di su partner di coalicion pa bira complice y participa na maluzo di poder, eligiendo e mesun Presidente cu a demostra di ta maluza su poder pa sirbi interes di su partido. Menos ainda si e Presidente na ningun momento a duna indicacion di lo eherce su funcion diferente, y menos ainda si den tur rasonabilidad, e partner den coalicion a propone pa e mesun fraccion presenta un otro miembro di nan propio fraccion pa bira Presidente.
E reaccion di MEP a confirma nan cultura politico tradicional. Esnan cu e Presidente di Parlamento a beneficia haciendo maluzo di e autoridadnan cu e tin como Presidente di Parlamento, awo ta elogi’e. Pero no tin cantidad di “logro” como parlamentario cu ta hustifica maluza e poder di e funcion pa sirbi interes di bo partido.
Kisas pa MEP ta normal pa laga y pusha e Presidente di Parlamento pa actua na fabor di partido. E realidad ta cu pa nos democracia funciona drechi, ta
esencial pa e presidencia di Parlamento wordo eherce imparcial.
MEP ta dunando tur señal di no kier goberna si nan no por controla e Parlamento cu mester
Awe mainta, despues di e sentencia di e tres trahadornan di KIA, Hues a condena dos dama, kendenan tambe ta envolvi den e caso di pasamento di droga, cellular y otro cosnan den KIA.
SOLO DI PUEBLO por a compronde cu e damanan J.L.H. y M.L., tabata haya instruccion for di nan pareha cu ta sera den KIA. E paketenan tabata bay pa e acusadonan Geerman y Lares. Aunke cu Lares ta desmenti, Hues ta haya cu tin suficiente prueba. Tratamento di e casonan aki a tuma lugar siman pasa, caminda Hues a palabra cu ayera mainta e lo sera tratamento di e caso y dicta sentencia di biaha. Cada caso a wordo trata separa.
HIBA DROGA, CELLULAR PA
CUIDADORNAN DI PRESO
Durante tratamento di e casonan, a sali na cla con J.L.H. y M.L. tabata contact e trahadornan di KIA pa hiba e paketenan pa nan. J.L.H. y
M.L. a bisa den Corte cu nan tabata bay busca e paketenan serca otro persona cu tabata prepara esaki y cu nan no sa kico realmente tabata e contenido. Hues a cuestiona e hecho cu por bien ta tambe cu por a hiba arma den KIA.
M.L. na yoramento den sala di Corte tabata bisa cu el a wordo menaza door di su pareha cu si e no cumpli e lo mira kico lo pasa.
EXIGENCIA DI FISCAL
Fiscal a haya e damanan culpabel y a exigi pa J.L.H., 270 dia di prison di cual 81 dia ta condicional cu 3 aña di prueba. Tambe Fiscal a exigi 120 ora di trabao pa comunidad y si no cumpli cu esaki e lo mester bay 60 dia sera. Pa M.L., Fiscal a exigi 270 dia di prison di cual 65 dia ta condicional cu 3 aña di prueba. Tambe Fiscal a exigi 120 ora di trabao pa comunidad y su no cumpli lo mester bay 60 dia sera.
SENTENCIA
Hues ta haya J.L.H. y M.L. culpabel di a cumpra e trahadornan di KIA y cu nan ta complice di
pasamento di droga, cellular y otro cosnan. Hues a bisa cu e no ta bay tene na cuenta e menaza cu M.L. tabata haya for di su pareha den KIA pasobra no tin suficiente prueba di esaki.
Pa cu e castigo, Hues a bisa cu e ta tene cuenta cu seriedad di e caso. Hues a bisa cu J.L.H. y M.L. a yuda cumpra trahadornan di KIA y diferente biaha a haci esaki. Hues a tene cuenta cu ta promer biaha cu nan ta cay sera.
Hues a condena M.L. na 90 ora di trabao of 45 dia sera. Tambe Hues a condena M.L. na 270 dia prison di cual 65 dia ta condicional cu 3 aña di prueba.
Hues a condena J.L.H. igual na loke Fiscal a exigi esta, 120 ora di trabao pa comunidad y si no cumpli lo mester bay 60 dia sera. Tambe Hues a condena J.L.H. na 270 dia di prison di cual 81 dia ta condicional cu 3 aña di prueba.
Oranjestad, 6 di september 2024
Departamento di Enseñansa Aruba (DEA), seccion examen, ta informa cu inscripcion pa Landsexamen MAVO, HAVO y VWO pa aña 2024 -2025 ta habri di 1 te cu 30 di september 2024.
Ken por participa?
Landsexamen ta brinda e oportunidad pa haal un diploma di MAVO, HAVO of VWO na un manera flexibel.
Un “landsexamen” ta igual na e examen di un scol secundario y un diploma di landsexamen MAVO, HAVO of VWO tin e mesun balor cu e diploma obteni via un scol secundario.
Landsexamen ta aplica e mesun exigencianan pa examen (exameneisen) y e mesun “schriftelijke centrale examens”.
Esnan cu no ta bishita scol secundario (mas) pero cu ainda kier haal nan diploma, como tambe esnan cu kier haal certificado pa un of mas materia (vak) specifico por inscribi pa participa na Landsexamen. Esnan cu scoge pa participa na landsexamen no ta obliga pa haci
examen den tur materia pareu. Bo por scoge pa haci examen y haal
“deelcertificaten” pa un (1) of mas materia durante diferente aña escolar. Cada candidato tin maximo 10 aña pa haal su diploma via landsexamen.
Riba nos website ea.aw riba e pagina di Landsexamen por haya mas informacion di e similaridadnan y e diferencianan entre Landsexamen y scol secundario.
Con pa inscribi?
Pa inscribi mester yena formulario digital di inscripcion cu ta riba nos website www.ea.aw. Aki tambe lo mester upload un extracto di registro civil (afl. 5,-) cu no ta mas bieu cu 6 luna.
Mas informacion
Pa tur informacion tocante Landsexamen mester download e “Informatiebrochure
Landsexamen 2025” for di nos website. Bay na www.ea.aw y riba e pagina principal busca Landsexamen na letter (L) den e alfabet menu. Ta sugeri candidatonan y interesadonan pa
sigui Departamento di Enseñansa Aruba riba Facebook y/of Instagram @EducationAruba pa keda na altura di tur informacion.
WWW.EA.AW, WWW.PAPIAMENTO. AW, +297 528 3400, STADIONWEG 37, ORANJESTAD, ARUBA
Actualmente Departamento di Impuesto tin un total di 91.495 number registra pa vehiculonan di motor. Di acuerdo cu e ultimo cifranan, e cumplimento pa cu impuesto di vehiculo di motor di aña 2024 ta mustra cu un total di 72.728 number (79%) ta paga completamente y 17.675 number (19%) no ta paga of no ta paga completamente. Na e contribuyentenan cu a cumpli cu e pago di impuesto corectamente y na tempo di acuerdo cu ley, Departamento di Impuesto ta extende un palabra di elogio pa nan comportacion di pago ehemplar. Esaki ta demostra cu nan ta carga e responsabilidad cu nan tin pa cumpli cu nan deber di impuesto ora ta trata nan vehiculo di motor.
Esnan cu no a cumpli Manera menciona, e
incumplimento ta encera 17.675 number y ta como lo siguiente.
Incumplimento
Cantidad
Solamente a paga impuesto di e prome mita aña di 2024
6.609 number
No a paga nada di e impuesto di aña 2024
9.262 number
Total 17.675 number
E incumplimento ta mas grandi den e plachinan di categoria A cu ta e categoria mas gr
Areglo di pago
E contribuyentenan cu tin debe atrasa por pidi pa un areglo di pago. Pa debe atrasa di impuesto di vehiculo di motor, Departamento di Impuesto ta duna 3 luna maximo di tempo pa cumpli cu e debe aki. Departamento di Impuesto ta urgi tur e automobilistanan y motociclistanan cu no a cumpli cu nan pago di impuesto
di vehiculo di motor di aña 2024, pa haci esaki mas lihe posibel. Keda sin paga no ta un opcion. Na e momentonan aki e boet di 50% ta aplicabel y cuerpo policial tambe ta haciendo nan control di trafico. Un boet ta un gasto cu por wordo evita, si un contribuyente ta cumpli na tempo.
Ta importante pa menciona cu aña
2025 ta den porta y si no atende e debe atrasa, e contribuyentenan aki ta wordo permiti pa paga e impuesto di aña 2025 solamente si nan impuesto di vehiculo di motor ta na ordo. Asina so nan lo por ricibi nan plach’i number nobo. Gerencia di Departamento di Impuesto 9 di september 2024
: Recientemente, Minister Endy Croes a acudi na e training cu a inicia pa e maestronan di klas 2 di scol basico. Manera ta conoci, aña escolar 2024 – 2025 e alumnonan di klas 1 di scol basico a cuminsa siña lesa y skirbi na Papiamento y ta haya Hulandes cu un acercamento nobo cu ta pas mas den e contexto di nos muchanan. En conexion cu Alfabetisacion di Papiamento tin diferente sesion pa desaroya material, unda cu ta trece e maestronan di klas 2
hunto. IPA ta dirigi e sesionnan aki, Departamento di Enseñansa (DEA) cu su profesionalnan ta sostene esaki. E facilitadonan di diferente directiva di scol entre otro, DPS y SKOA, lo guia e maestronan durante e tayernan, unda cu nan lo desaroya e materialnan, prepara e sistema y profesionalisa e maestronan riba e tema aki pa augustus 2025. Recientemente, e mandatario di Enseñansa y Deporte a bishita diferente scol, en conexion cu
Introduccion di Papiamento y a indica cu el a keda impresiona cu e interaccion entre e maestro y e alumnonan. Siña den idioma materno Papiamento lo beneficia e mucha den su proceso di siñamento, desaroyo di inteligencia emocional y habilidadnan critico di pensamento. Ademas di esaki, nan por conecta miho cu nan raisnan cultural. Fuera di esaki, e muchanan ta sinti mas confia y sigur den nan proceso di siñamento. “Nos ta desea e
maestronan hopi exito, nos ta kere den boso y nos sa cu for di e grupo aki lo sali un producto magistral”, Minister Endy Croes a finalisa.
su
Recientemente, Minister di Enseñansa y Deporte Endy Croes acompaña pa su kerida esposa Dilailah Croes a acudi na celebracion di Djiespie’s Place cu a cumpli 35 aña dia 31 di juli ultimo. Na aña 1989 Sr. Djiespie Franken hunto cu su esposa Sra. Cecilia Franken y cuña Sra. Rita Geerman a tuma e refresqueria over di Sr. Zepp Wever (den feliz memoria). Lucia Rasmijn,
kende ta subrina di Cecilia y Rita, ta trahando desde inicio cu nan y e aña aki a cumpli 35 aña trahando na Djiespie’s Place. Durante e anochi ameno, Minister Endy Croes a felicita e propietario pa nan dedicacion, vision y excelente contribucion den e sector economico di Aruba durante 35 aña. Alabes, a otorga reconocemento na Sra. Lucia Geerman-Rasmijn
pa su dedicacion y amor durante 35 aña pa Djiespie’s Place.
Nan ta esunnan encarga pa traha e dushi saladanan cu ta bay den e pan bruin y stok brood cayente di tur dia. Rita ta esun cu ta hasa tur e kroket- y loempianan. Cecilia ta traha e dushi pan cu bacalou, pan cu carni stoba y e dushi sopi carni di tur diabierna anochi. Actualmente, e yiunan ta encarga cu e negoshi.
Minister Endy Croes ta gradici ful e team di Djiespie’s Place cu durante 35 aña a traha
cu hopi amor y a brinda un tremendo servicio na nan e clientelanan. Masha pabien cu 35 aña di existencia.
Diabierna anochi, a tuma luga apertura oficial di Kudawecha Ballpark na Noord. Manera ta conoci, e veld a wordo completamente renoba. Minister Dangui Oduber, Presidente di Parlamento mr. Edgard Vrolijk, director di Lotto pa Deporte Sr. Junny Figaroa, Sra. Evelinda de Cuba, directiva nobo di Kudawecha, invitado special y prensa tabata presente na e ceremonia inaugural.
E anochi a inicia cu himno di Aruba interpreta pa
Sr. Juan David sigui pa discurso di Minister
Dangui Oduber y Minister Endy Croes. Durante e ceremonia, Kudawecha a presenta nan directiva nobo. Sr. Mitchell Castellanos, kende ta miembro di e directiva nobo a hiba palabra na e ocasion aki. Minister Endy Croes a gradici Gabinete Wever - Croes II y Lotto pa Deporte pa pone e fondonan disponibel pa realisa e proyecto aki. Alabes, e mandatario di Deporte a gradici Minister Dangui Oduber pa inicia cu e proyecto.
Tambe a gradici
Ministerio di Deporte, e contratistanan, e directiva cu a traha incansabel y tur cu a aporta cu awe e veld tin un turf, luz, “backstop” y “dugouts” nobo, pues un veld totalmente renoba.
“Palabra di gratitud na tur cu a aporta y palabra di pabien na e bario di Kudawecha y Noord. Mi ta hopi contento di a forma parti di e proyecto di renobacion aki. Palabra di exito y forsa na e directiva nobo di Kudawecha. Nos deportistanan di baseball y softball tin un hoya di parke, boso haci bon uzo di dje”, Minister Endy Croes a subraya. Despues di e ceremonia di apertura, a tuma luga lansamento di e prome bala pa Kudawecha Ballpark keda oficialmente inaugura.
Minister Dangui Oduber a fungi como pitcher, catcher tabata Sr. Demian Kelly, Minister Endy Croes tabata na bate y e umpire tabata Sr. Kenneth Wever. Por ultimo, Minister Endy Croes a gradici Sr. Kenneth Wever, Sr. Damian Kelly y tur e palancanan cu a maneha e veld pa hopi aña. Esaki ta un soño di Sr. Coby de Cuba (den feliz memoria) cu a wordo cumpli. Pabien na Sra. Evelinda de Cuba y
famia, pabien Kudawecha y bisindario y na e pueblo di Noord, pabien deporte y nos deportistanan. “Nos
a priminti y nos a cumpli”, Minister Endy Croes a finalisa. Aruba a Gana. Deporte a Gana!
Diasabra atardi algun persona den auto di huur a haya ta bon pa na un crusada para blokia trafico algun minuut y demostra
nan talento den baliamento riba caya. Hasta nan a subi riba e hood di e auto pa haci esaki. Pero nan mester tene consideracion cu otronan
cu mester bay trabao, caso of otro compromisonan y ta perturba e fluho di trafico pa nan yega nan destinacion.
Dialuna madruga a drenta informe di un caso di destruccion na Spinozastraat, mesora a dirigi un patruya
na e sitio. Na yegada di e patruya a bin compronde cu desconosidonan den oranan di madruga a destrui
e glas di oficina di abogado. Polis a tuma e keho mientras security guard a keda cuida e oficina te den oran-
an di mainta. Polis a compronde cu e camaranan di
Setar lo por a capta parti di e acto di destruccion.
Diasabra atardi durante cu polis tabata atendiendo un asistencia na Savaneta a sosode un accidente e chauffeur a core
bay for di e sitio e patruya atendiendo e asistencia mesora a bay tras di e vehiculo cu a core bay y a logra par’e na altura di Zeerovers. Eynan polis a atende cun’e y a bis’e pa e regresa na e sitio di accidente pa asina seguro atende cun’e.
Diabierna mainta a drenta informe di un accidente basta fuerte na e crusada
Prof. Lorentzstraat cu Driemasterstraaat, mesora a dirigi un patruya na e sitio.
Na yegada di e patruya a bin compronde cu aki ta
trata di un accidente entre un Nissan Cube y un Nissan Kicks unda aunke despues di e fuerte impacto ambos
auto mester a bay riba takelwagen afortunadamente ningun hende a resulta herida.
Diadomingo anochi a drenta informe di un accidente na Mondi Fierno mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un motociclista no a regula su velocidad ni a mantene distancia y a bay dal tras di un auto Afortunadamente ningun hende a resulta herida. Mientras polis tabata atendiendo e accidente e motociclista a purba bandona e sitio pero polis a logra gare na Franse Pas y a detene.
Diasabra mainta a drenta informe di cu tin un pickup para banda di caminda cu e chauffeur drumi cu motor y lus cendi na Caya Punta Brabo, mesora a dirigi un patruya na e sitio. Na yegada di e patruya
a bin haya e chauffeur drumi cu e auto y lus cendi.
Polis a lanta e chauffeur y a bin nota cu e chauffeur a recupera y cu e por sigui su caminda.
Diahuebs anochi a drenta informe di un accidente entre Casa Del Mar y Divi Hotel, mesora a dirigi un patruya na e sitio.
Na yegada di e patruya a bin compronde cu aki ta trata di un accidente unda 5 dama turista cu a yega den un auto blanco a reverse y a bay dal un auto Toyota cora baha for di e auto y cana bay manera nada a pasa. Pero den e auto cora tabata tin un dama sinta cu a sinti e golpi ta wardando su casa,
Na yegada di su casa a avisa polis. Awor polis ta buscando esnan cu tabata den e auto blanco.
*San Nicolas* - Nos di ‘Iglesia Bida Abundante’ ta organisando un ‘Congreso Familiar’ titula “¿Cómo recuperar a mi Familia?”. Esaki lo tuma luga na e cede di nos iglesia na Clavelstraat # 21, San Nicolas, net patras di e edificio di SVB.
E congreso lo ta riba diabierna y diasabra 13 & 14 di september venidero y registracion lo cuminsa pa 06.30 pm.
E ‘keynote speaker’ di e congreso lo ta Sr. Sixto Porras for di Denver, USA. Sixto Porras a traha pa mas cu 25 aña liderando iniciativanan pa famia como vicepresidente di ‘Focus on the Family’. Sixto Porras a produci diferente programa radial y televisivo cu ta wordo difundi den mas cu 38 pais. E ta wordo consulta pa trata temanan di famia pa noticieronan, corant-
y revistanan internacional y e la publica mas di 10 buki relaciona cu e tema di famia. Sixto Porras a duna
conferencianan relaciona cu temanan di famia den tur e pais di Iberoamerica, Australia, Londres, Belgica y Francia. Sixto Porras ta wordo invita door di mayoria di e gobiernonan di Latino America pa trata tema nan di famia y desaroyo social.
Nos ta sumamente contento di por tin un persona di e caliber di Sixto Porras na Aruba. Durante e congreso tambe nos lo tin diferente fundacion di Aruba, manera Fundacion pa Nos Muchanan, Fundacion pa nos Comunidad, FADA y tambe Fundacion Famia di Criansa Arubano cu ta traha activamente pa yuda nos comunidad den asuntonan familiar. Nos ta contento tambe cu nos por a uni forsa cu nan pa sigui traha di manera preventivo na bienestar di e famianan den nos comunidad.
Durante henter aña nos iglesia ta duna herment valioso durante nos cursoy tayernan den tur loke ta trata matrimonio, sexuali-
dad, criansa y preparacion prematrimonial. Tur esaki totalmente gratis pa nos Comunidad. Nos meta ta pa nos logra un sociedad sano y fuerte cu sin duda ta cuminsa door di sigui e principionan di norma y balornan estableci den e Palabra di Dios door di pone Dios central bek den nos famia y bida di cada ken.
Nos ta invita henter pueblo di Aruba pa no perde e oportunidad aki pa inverti den bo famia cual ta e pilar y fundeshi mas importante di nos sociedad.
E ticketnan ta obtenibel na Fitness Warehouse, Espiga de Oro, Fruteria Fruver, Fruteria Virgilio y Gallo Rojo.
Si ta desea mas informacion di e evento y e diferente cursonan familiar cu nos como iglesia ta ofrece por skirbi nos riba nos email: info@ivaaruba.com of yama na e number 6992057.
Hunto como famia nos ta crea un sociedad sano y fuerte.
Den prensa a sali un comunicado di APFA, den cual nan ta elogia desicion di Juez pa gerencia di APFA no cay bao e ordenansa Nacional pa regla entradanan di ehecutivonan den sector publico. Berdad e veredicto di corte di Prome Instancia a cay na fabor di e gerencia di APFA pa loke ta cierto practica huridico, manera e terminologia independiente di sector publico. Pa nan “the sky is the limit” ora ta trata nan salarionan.
E Juez por tin rason den su argumento. Pa mi persona, hopi miembronan y pensioenadonan, kendenan ta doño di e 30% y di e 70%, nos tin otro opinion cu locual Gerencia ta trece. Como miembro di APFA, ami y aserca hopi participante y pensioenadonan ta di opinion cu mester regla e salarionan extra halto, unda “the sky is the limit”
den Gerencia di APFA.
E hunta di comisariado di APFA ta consisti di dos representante di Gobierno, dos di sindicatonan y un persona laga nos yame neutral. Wel Gobierno, tambe den Parlamento, tanto esnan cu ta apoya gobierno y sigur e partido di oposicion mas grandi ta di mesun opinion cu mester aplica e LNT. Mi ta bisa esaki di e partido di oposicion, pasobra e tremendo discusion aki a cuminsa na Hulanda cu e partido CDA, E Balkenende-norm, aliado di e partido di oposicion.
Na mi humilde opinion, sindicatonan ta di mesun opinion. Esaki ta un posicion di sindicalismo na nivel mundo. Pues na Aruba, mundo politico y mundo sindical ta di mesun opinion. Gobierno no mester a bay Juez, nan ta yama e sindicatonan pa
reunion, discuti e topico aki y despues Gobierno hunto cu sindicalismo ta duna mandato na e representantenan di Gobierno y di Sindicalismo, total 4, den Hunta di Comisariado di APFA. Ta nan ta dicidi ariba e salarionan di gerencia di APFA. Esnan cu mi a combersa ariba e topico aki ta di mesun opinion cu no por permiti salarionan demasiado halto y cu mester pone un plafond na salarionan den nos APFA di acuerdo cu LNT. Mi ta convenci cu 95%, por ta mas, di tur miembro y pensioenado di APFA ta na fabor pa uza e reglanan di LNT den APFA. Pues pone un reunion pa Gobierno y sindicatonan discuti e topico aki y trece reglanan pa nan representantenan den Hunta di Comisariado.
E reparticion 30% ta sali
Colegio Laura WernetPaskel (CLWP), e scol basico resorta bou di Stichting Katholiek Onderwijs Aruba (SKOA), ta carga cu orguyo e nomber di e señora Laura Wernet-Paskel d.f.m. Un señora cu tabatin un bida remarkabel cu pa awor lo ta conoci pa mayoria di e pueblo. Aki nos ta menciona algun ehempel di su pasonan extraordinario, sigur pa su temporada. Cu 15 aña el a bay Hulanda den barco. E a bay studia pa juffrouw di scol y na 1931 e a obtene su diploma. Banda di su trabou como maestra, boluntario e a dirigi negoshi di su famia hunto cu su casa. E tabatin un biblioteca na su cas, unda cu por a fia buki. Pas -
tor, soeur y frerenan tabata haci bon uzo di e prestamento di buki aki. E a scirbi e buki na Hulandes ‘Ons Eilandje’. E tabata e prome figura feminino cu a subi un lista politico. E tabata un luchador contra inhusticia. E a lucha pa e derechonan di e hende muher y e tabata kier mira pa e hende muher haña mas participacion den gobierno. Hasta na Hulanda nan a reconoce pa su meritonan. E aña aki Aruba a haya e grato noticia for di Hulanda cu a nombra un caya na e prominente Señora Laura d.f.m. E caya ta yama Laura Wernet-Paskelhof y e ta keda den e proyecto di construccion “Proefveld Erasmus” na Den Haag.
for di Prima y 70% ta sali for di e inversionnan cu gerencia a haci . Un otro topico cu a sali for di e comunicado di Gerencia di APFA ta, pakico Gerencia ta haci e reparticion aki, cual ta crea hopi confusion. No ta bay pa e cifranan 30% y 70%, pero e reparticion eytras. Kico ta e nificacion o mihor bisa e intencion of mal-intencion eytras.
E comunicado ta bisa cu e fondo di APFA ta consisti di dos componente, uno ta 30% di e primanan cu e participantenan ta paga y 70% cual ta drenta for di e inversionnan haci dor di Gerencia. Un divicion mahos y cual por crea multiple splicacionnan peligroso.
Si e ta un simpel splicacion di unda e fananciamento ta bini no tin problema, pero e pregunta ta pakico ta haci e distincion
entre e 30% y e 70%. Na varios pais na LatinoAmerica, den e era di Plan Condor y politica masal di privatisacion, a privatisa fondonan di Pensioen, tambe a crea un sorto di reparticionnan unda e miembronan por a ricibi nan percentahe y esnan cu a inverti e resto di e finansas. Maske tabata uza otro percentahenan, mas halto pa e grupo bao 30%. E privatisacion di fondonan di pensioen a crea un grupo nobo di inversionistanan y AYO Fondo di Pensioen. Pa mi persona y sigur pa tur miembro cu ta pagando y tur pensioenado, e prima cu Gerencia di APFA ta yama e 30%, cual ta bini di e primanan y e 70% cu ta drenta for di inversionnan cu gerencia ta administra, tur ta pertenece na miembronan y pensioenadonan. OJO, miembronan y Pensioenadonan di APFA!!!
Señora Laura d.f.m a nace 18 di februari 1911 y a fayece 8 di september 1962. Pa recorda señora Laura su 62 aña di fayecimento, nos ta invita e famia grandi di CLWP, sra. Laura su famianan, su conocirnan y tur otro cu ta aprecia tur loke e a haci den su bida, pa asisti diadomingo awor 8 di september na un Santo di Sacrificio di misa na Inmaculada Concepcion na Santa Cruz pa 6.30 di atardi. Alabez pa pidi nos Señor bendicion pa e aña escolar 2024-2025, pa gradici pa tur e bendicionnan ricibi y pa e bunita reconocimentonan cu sra. Laura ainda ta sigiu recibi despues di su partida di e mundo terenal aki.
E ta para scirbi den Juan 3:16 : Pasobra Dios a stima mundo asina tanto cu E a duna Su Yiu unigenito, pa ken cu kere den dj’E no bay perdi ma tin bida etermo. Juan 3:17 ta sigi splica bon cla: Pasobra Dios no a manda e Yiu den mundo pa condena mundo, ma pa mundo wordo salba door di dj’E. Juan 3:18 ta amplia e palabra pa nos tur bisando :Esun cu kere den dj’E no ta condena, ma esun cu no ta kere ta condena caba, pasobra e no a kere den e Yiu unigenito di Dios.
No ta hende ta bisa pero ta e Palabra di Dios ta mustra nos cuanto hende ta bibando bao di condenacion, pasobra nan a tende of lesa, pero ta keda rechasa Cristo Hesus, of e Palabra di Dios ( Evangelio di Cristo Hesus) no a wordo predica na nan, of nan ta prefera di keda den scuridad( Juan 3:1920), y sigi biba den maldad.
Nos tur ta mirando cu no solamente hende individual ta rechasa Cristo Hesus y biba bao di condenacion, pero tin nacion cu mayoria di nan habitante ta rechasa e Berdad ( Juan 3:16) y cu tur nan rikesa y sabiduria ta bay perdi cu fi nal den fierno pasobra ta para scirbi pa tur hende por tene bon cuenta: Esun cu tin e Yiu tin e bida, esun cu no tin e Yiu no tin bida.(1 Juan 5:12).
Awor tin hopi hende ta bisa pa laga nan biba manera nan kier, pero tur hende cu ta sabi ta na altura, cu e unico manera pa biba bon, ta ora hende biba den e boluntad di Dios, lew di inmoralidad y malicia.
Awor nos tur por mira, scucha y tende con trabahoso e mundo ta birando,
y por contempla con hende a cambia ( 2 Timoteo 3:117) y e a palabra di Dios ta cumpli, y pa nos no lubida kico ta para scirbi den e buki di Galationan 5:19-21 y tur hende ta wordo spierta cu esnan cu ta biba segun e carni lo no hereda e reino di Dios.
Doloroso ta cu tin hende cu conoce e berdad cu kier cana den dos caminda, y ta laga nan mes wordo gaña door di diabel, y kier hiba un bida cristian temporadista, sabiendo cu Dios ta exigi pa nos ta fi rme y fiel den Su caminda, pasobra si nos haci esfuerso E mes lo mantene nos fi rme.
Pesey nos tin di hiba e palabra di Dios cu cariño, y coregi cu suavidad esnan cu ta den oposicion di e palabra di Dios,pa kisas Dios duna repentimento, cu ta hiba na conocemento
di e berdad, y nan bini na sano huicio, y scapa for di e trampa di diabel,den caul e ta tene nan preso pa haci su boluntad.( 2 Timoteo 2:2526),
Biba sin Cristo ta mescos cu purba biba sin rosea, of purba biba pa un largo tempo sin bebe awa of otro likido cu ta fortalese bo curpa, pasobra nos tur sa cu Cristo ta bida.
Esun cu ta kere den e Yiu tin bida eterno, ma esun cu no obedece eYiu lo no mira bida, ma e furia di Dios ta keda riba dje.(Juan 3:36).
Hesus Cristo ta e caminda, e Berdad y e Bida, ningun hende por yega serca e Tata, sino ta pa medio di dj’E. No ta cumbini ningun hende rechasa Cristo Hesus, pero nos tur mester kere den Cristo Hesus pa Salbacion y bida Eterna.
Un feliz siman yena di bendicion, gracia, amor y paz di Señor
El a hisa su cara na shelo y a gradici Dios. (Mateo 14,19) Rumannan nos tur conoce kico ta nifica un situacion basta preta p.e. un ocasion den cual nos recursonan ta hopi limita. Kiermen si nos ta confia solamente riba nos capacidad of nos recursonan nos lo keda desampara. Pero Hesus si por dirigi e situacionnan aki. Ta trata di cuanto hende? Nos no sa, pasobra e cifranan ta simbolico.
Den Bijbel ”diesdos” ta mustra nos riba e diesdos tribonan di Israel. E diesdos macutonan cu e pida pannan cu a resta ta mustra nos riba e diesdos tribonan di Hesus su Israel nobo. E manera cu Hesus a tuma e pan y a bendicion’e lo mester recorda tur Cristian riba nos celebracion di Eucaristia. E fiesta aki den aire liber ta un prefiguracion di nos Eucaristia, cu Hesus mes meymey di su pueblo. Den e revelacion biblico e cuminda ta expresa e bida cu Dios ta duna su pueblo.
E mana cu e pueblo a come despues di a sali for di Egipto y awa cu nan a bebe na Horeb y hopi otro realidadnan smbolico ta un prefiguracion di e don cu ta sali for di boca di Dios loke a keda cumpli den Hesucristo.
Oracion: Mi Señor y mi Dios, gloria na Bo Señor Hesus. Amen