Nicole Hoevertsz ta pone bandera di Aruba den bista di henter mundo
SECRETARIA GENERAL DI COA Y VICE PRESIDENTE
DI IOC A REUNI CU PROME MINISTER
ORANJESTAD –
Diabierna mainta 8 di november Prome Minister Evelyn Wever-Croes a reuni cu Secretaria General di Comite Olimpico Arubano señora Nicole Hoevertsz.
Desde aña 2021 Nicole tambe ta e VicePresidente di e organo mas halto di e deporte mundial esta Comite Olimpico Internacional (IOC) y Presidente di e comision di coordinacion pa e Weganan Olimpico di LA2028. Durante e reunion, Nicole a duna Prome Minister un actualisacion pa locual ta trata su trabou den Comite Olimpico Internacional, IOC.
Prome Minister y Aruba ta hopi orguyoso di e rol cu Nicole ta desplega, poniendo Aruba riba mapa internacional. Aparte di esey Nicole tambe ta dedica tempo inspirando y formando hobennan den area di deporte,
inculcando e importancia di norma, balornan y disciplina den deporte. Recientemente, Nicole a ricibi e Condecoracion Real, como Officier in de Orde van Oranje-Nassau pa e añanan di dedicacion na deporte, na nivel nacional y internacional. Nicole a dedica henter su bida na deporte paso e ta convenci cu esey ta e cos di mas bunita y mas importante pa crea un mihor mundo y un mihor pais.
“Cu e dedicacion di Nicole y e talento di e atletanan Arubiano, den futuro Aruba por tin su prome medaya Olimpico. A trata di un combersacion ameno y hopi prometedor pa futuro olimpico di Aruba. Aruba ta un isla chikito y Nicole a resalta e nomber di Aruba internacionalmente.
Danki Nicole, Aruba ta orguyoso di bo. Danki pa pone nos bandera den bista di henter mundo”, Prome Minister a expresa
DIASABRA AWOR LO TIN UN EXPOSICION DI HABON ARTESANAL TRAHA LOCALMENTE
curso pa traha habon artesanal cu azeta organico y terapeutico.
E lesnan tawata hopi interesante y e damanan a gusta masha hopi y tambe pa e dushi ambiente y familiar cu semper tin na e Fundacion.
Diasabra awor 16 di november 2024 di 6:00 pa 8:00 pm tur hende ta invita pa bin na e exposicion pa por mira
e resultado bunita di e habonan organico cu e damanan mes a traha cu ta algo autentico creativo. Entrada ta gratis. Tambe tin oportunidad na esnan presente pa cumpra algun di e habonan.
Danki na CEDE ARUBA / BARiO UNICO cu ta aporta cu ta hasi posibel pa organisa e cursonan aki den bario di Piedra Plat y bisindario.
Na Fundacion Centro Famia Piedra Plat tin 25 damanan cu a tuma un
ORgAniSACiOnnAn SOCiAL TA Uni pA CARgA E ViSiOn SOSTEn pA MAyOR
Diamars 5 di november
Comision Vision
Pedagogico a organisa un “kickoff event”cu a conta cu un sala yen di profesional cu ta lanta tur dia pa traha na bienester di nos muchanan. E evento aki ta cera un trayectoria caminda organisacionnan riba tereno social a pasa aden hunto y cu sosten tecnico di UNICEF Hulanda pa por yega na un vision colectivo pa “Sosten pa Mayor” aki na Aruba. Na mes momento e evento ta marca un inicio di un proceso unda lo duna e vision aki bida door di wak con cada organisacion cu a aporta na esaki por carg’e. Pa e ocasion historico aki un delegacion di cinco persona di UNICEF
Hulanda como tambe un delegacion di Corsou cu ta consisti di tres miembro di nan Comision Pedagogico a bin presencia e desaroyo aki di cerca. Sra. Ytske van Winden como un experto di UNICEF cu amplio experiencia internacional riba e tereno di sosten pa mayor a haci un presentacion y a elabora riba e importancia di tin un vision y e elementonan esencial cu e ta wak den e vision cu Aruba a desaroya. El a remarca specificamente cu e proceso cu e ta wak riba nos isla ta uno cu e no a topa den tur e diferente paisnan cu el a traha y cu e colaboracion y union cu tin riba e tema aki ta impresionante.
Si nos wak e Tratado Internacional di Derecho di Mucha, e papel cu mayornan ta hunga ta uno importante, manera naturalmente boso sa caba. Lantamento di mucha ta parti di un
fundeshi importante di un sociedad fuerte y sano. Ora cu mayornan sinti nan apoya, muchanan tin mas chens pa crece den un ambiente cu ta nifica cu nan por desaroya nan potencial completo. Ora cu tur mucha por haci esaki, nos comunidad tambe ta prospera a largo plaso.
E Comision Vision Pedagogico a ser instala desde 2016 y ta presidi door di Departamento di Asunto Social y tin como miembro tur e instancianan cu tin como meta princial diario pa duna mayornan sosten. E organnisacionnan aki ta: Fundacion Pa Nos Muchanan, Tienda di Educacion, Wit Gele Kruis y Fundacion Respeta Mi. E comision ta conta cu un sosten di aproximadamente 30 organisacion cu tambe ta carga e vision pa lanta muchanan den un ambiente safe y amoroso pa nan por desaroya nan capacidad maximo.
Nan ta compronde cu cada famia tin su propio situacion, preguntanan, y desicionnan cu nan mester tuma. Pa e motibo
aki mes ta esencial pa nos sigura cu mayornan tin e recursonan y sosten cu nan mester pa guia nan den e biahe aki.
MINISTER MADURO DI FINANSA A DUNA COMISION FINANCIERO DI PARLAMENTO UN BISTA CRONOLOGICO
DI E TRABOUNAN HACI PA STABILISA Y
MEHORA FINANSA PUBLICO NA ARUBA
Recientemente Minister Xiomara Maduro di Finansa a brinda un update financiero na e Comision Financiero di Parlamento. Pa e ocasion aki Minister Maduro a brinda un bista cronologico di tur e trabounan cu a wordo haci pa stabilisa y mehora e finansa publico di Aruba, pa asina por crea espacio fiscal pa por reduci debe di Aruba y haci inversion necesario.
Un rumbo financiero nobo den 2018
E mandatario a splica cu desde aña 2018 Gobierno a fiha un rumbo financiero nobo pa Aruba den cual Gobierno a keda den e marco financiero cu Parlamento a autorisa den presupuesto y no bin pidi placa extra den presupuesto supletorio. Na mes momento na aña 2018 Gobierno a traha e Memorandum Financiero y Economico FEM den cual a stipula e caminda pa cana pa yega na surplus pa asina por baha e debe di Aruba y haya fondo disponibel pa haci inversionnan necesario. Cu e FEM como base Aruba ta cera un Protocol cu Hulanda cu ta fiha e normanan financiero pa e proximo añanan.
Ta para e crecemento di debe den 2019
Den aña 2019 Gobierno a cuminsa introduci un reforma fiscal cu tabata planea pa bay den 4 fase. Na mes momento Gobierno a controla e crecemento di debe y a trece un balanse entre presta local y riba mercado internacional. Di e manera aki ta cuminsa baha e presion di e interesnan di debenan externo. Door di e cambionan aki ta logra cu na final di aña 2019 Aruba ta yega cerca di un presupuesto balansa rumbo pa un surplus.
Den añanan di pandemia ta purba contene gasto y prepara reforma
Den añanan di pandemia 2020 y 2021 Gobierno a purba mas cu
por pa keda tene na e normanan financiero pa no mester a presta mas placa cu ta necesario for di Hulanda. E fiansanan tabata necesario pa tene e fondonan social di SVB y AZV intacto y pa por brinda yudansa y alivio fiscal na comunidad pa evita un colapso di economia y deterioro social a consecuencia di e daño cu e pandemia a haci na economia y finansa di Aruba. Na november 2020 Aruba y Hulanda ta yega na acuerdo den Landspakket pa cuminsa haci reformanan necesario pa haci Aruba mas fuerte y resiliente contra desastrenan manera pandemia. Pa mehora finansa publico, Gobierno a cuminsa traha di biaha riba tena A maneho financiero, tema B Gasto y eficiencia di e aparato publico, y tema C reforma fiscal.
Den 2022 ta bolbe trece balansa entre entrada y gasto
Den aña 2022 economia di Aruba ta bolbe florece y Gobierno a cuminsa prepara pa trece balansa entre entrada y gasto di gobernacion pa asina habri caminda pa por yega na presupuestonon cu surplus den 2023 bay dilanti. E surplus aki ta necesario ya cu Gobierno mester crea espacio fiscal pa por reduci e debe y pa por haci inversion necesario.
Disciplina financiero ta duna fruta den 2023
Den 2023 tin hopi mehoracion positivo debi na e disciplina financiero cu Gobierno a bin ta tene su mes na dje. Ta entrega presupuesto na tempo despues di 15 aña cu esaki no tabata na tempo. Presupuesto 2023 ta e prome presupuesto cu ta conta cu un surplus despues cu nos Pais a bin ta conoce solamente deficitnan. E presupuesto 2023 ta conta cu un surplus mas halto cu 1% di nos GDP, y ta cumpli asina cu e norma financiero di e Ley di supervision
financiero LAFT. Den 2023 tambe a cuminsa traha cu un Nota di Comienso di Aña (Voorjaarsnota) den cual Parlamento na un manera hopi tempran den aña ta haya un bista di e ehecucion y cambio den maneho di Gobierno den presupuesto. Di e manera aki ta fortifica e ‘budgetrecht’ di Parlamento. Na comienso di 2023 ta introduci cambionan fiscal. A prepara dos aña largo pa introduci un BTW, pero debi cu e partner den coalicion a hala atras na ultimo momento, Gobierno ta introduci BBO na frontera cu den cierto forma ta funciona manera un BTW. Den 2023 Gobierno a sigui traha riba mehoracion financiero, y ta ekipa Departamento di Finansa y Departamento di Impuesto pa por elimina retraso y capacita e personal cu yudansa di training di CARTAC cu ta IMF su partner Caribense pa brinda asistencia tecnico. Banda di esaki Gobierno a traha riba e leynan necesario pa maneho di material (materieel beheer) y sistema di raportahe financiero (verslaggevingsstelsel) manera poni den tema A di Landspakket. Den 2023 pa prome biaha Gobierno ta aplica e maneho di meevaller y di e manera aki ta destina e extra fondo di surplus pa paga debe y pa haci inversion necesario.
Na fin di 2023 Aruba ta ancra normanan nobo di supervision financiero den e Ley di supervision financiero LAFT, un surplus di 1% di “dept to gdp”, gasto di personal bou 10% di gdp y e debe cu lo mester ta na 50% “debt to gdp” na aña 2040. Ta normanan cu ta bay conta pa presupuesto 2024 en adelanta.
Ta logra crece credibilidad financiero di Aruba
Un punto importante den aña 2024 ta e hecho cu Gobierno basa riba e recuperacion impresionante di Aruba y e seriedad demostra pa tuma desicionnan necesario, ta logra crece e credibilidad financiero di Aruba.
Esaki ta keda refleha den raportnan positivo di dos compania di rating, Standard and Poor’s y Moodys cu ta duna Aruba un investment rating mandando e señal na inversionista y turista cu Aruba ta un pais na unda nan inversion ta sigura. Banda di esaki Gobierno a bolbe presenta den aña 2024 un presupuesto cu surplus y na e momentonan aki caba a presenta un presupuesto cu surplus tambe pa aña 2025. Muestra cu Gobierno di Aruba ta traha cu e seriedad debido cu ta inspira confiansa y ta crece e credibilidad financiero di Aruba.
Prome Minister Evelyn Wever-Croes:
ARUBA TAWATA ANFITRION DI “HET NATIONAAL ONDERWIJS CONGRES CARIBBEAN”
ORANJESTAD – Diamars dia 5 di november a tuma luga na Aruba “Het Nationaal Onderwijs Congres Caribbean”. Hunto cu e comite di Hulanda a organisa e merdia na Colegio Arubano pa docentenan di Aruba.
Prome Minister Evelyn
Wever-Croes tawata presente pa e congreso unda el a bishita algun klas y mira kico ta atendiendo cu ne. E congreso ta trata di charlanan di motivacion y tayernan orienta riba practica, cu un programa varia y educativo. Durante e congreso, docentenan por a intercambia di idea hunto cu oradornan riba
e ultimo tendencianan, desaroyonan, innovacion y productonan mas nobo den enseñansa. A dialoga tambe riba situacionnan cu ta biba bou mucha- y hobennan cu por afecta nan na scol y con pa maneha esaki na e miho manera.
“Por a mira e interes
grandi cerca e docentenan. Ta cu e interes y pasion cu e docentenen tin pa nan trabou so por traha na mehora e educacion di nos mucha- y hobennan, y pa esaki mi ta gradici nan di curason. Danki na Colegio Arubano pa a adecua e scol pa asina e congreso tawata un exito rotundo. Tawata
un momento di nostalgia pero semper bunita pa ta bek na e e scol cu mi a atende den mi hubentud.
Pabien na tur esnan cu a haci e “Nationaal Onderwijs Congres Caribbean” na Aruba un exito”. Prome Minister a expresa.
Minister Geoffrey Wever cu presentacion educativo na fatiMa colleGe over sdG's y e iMportancia di spaar
Tur siman Minister Geoffrey Wever ta bishita diferente scol basico pa asina duna alumnonan di 6e klas informacion tocante e metanan di desaroyo sostenibel (Sustainable Development Goals (SDG's)). E projecto aki a inicia desde october aña pasa y Minister Wever bishita mas di 25 scol basico caba. Meta di e proyecto aki ta pa conscientisa nos hobennan di e importancia di desaroyo sostenibel y con nan mes por aporta na un desaroyo sostenibel. E siman cu a pasa a toca turno na Fatima College.
Na cada di e presentacionnan aki Minister Geoffrey Wever ta splica e alumnonan cu tur e 17 SDG's ta conecta cu otro. Asina aki hunto cu e alumnonan ta intercambia ideanan over, entre otro, e importancia di enseñansa di calidad (SDG #4) y trabou decente (SDG #8) pa elimina pobresa (SDG #1), e importancia di energia limpi y economico (SDG #7) y accion riba clima (SDG #13) pa un desaroyo sostenibel y
reduccion di desigualdad (SDG #10).
Den cuadro di educacion financiero y inclusion financiero – cual ta contribui na un sociedad mas sostenibel y inclusivo - Minister Geoffrey Wever a desaroya e programa ‘National Children Savings Program’ pa stimula spaar na un edad jong y asina logra pa futuro un generacion cu ta spaar. Door di promove inclusion financiero y provee acceso na oportunidadnan pa spaar pa tur mucha, nos por reduci desigualdad economico. Esaki ta sigura cu tur hende tin un oportunidad husto pa construi un futuro financiero sigur. Minister Geoffrey Wever a splica e muchanan con spaar for di un edad jong ta aporta na diferente SDGs.
Como parti di e ehecucion di e ‘National Children Savings Program’ a start un campaña di conscientisacion di e importancia di spaar cerca nos hobennan for di un edad jong, y riba e rol importante cu e famia tin den esaki. E campaña di conscientisacion aki yama ‘BIG DREAMS, Small Steps’, unda ta duna hobennan y nan famia tips con pa spaar. Pa alumnonan di 6e klas di scol basico lo tin un competencia unda por gana un premio di Afl. 250,-. Lo saca 3 ganador.
E comptencia ta encera pa skirbi un carta over bo metanan di spaar y bo plan di spaar. Ultimo dia pa manda e carta pa por participa ta 15 november 2024 na info.minezcdo@
gobierno.aw. Tambe por subi e pagina di internet www.deaci.aw/ BIGDREAMS unda por
e formulario.
“Mi kier a gradici cabesante, docentenan y alumnonan di O.L.V. Fatima College pa a ricibi nos. Danki - Minister Geoffrey Wever.
haya
Durante pelea un muhe a worDo hinca na tarabana
MamoticastraatDiadomingo anochi
laat varios patruya a bay Mamoticastraat na Taraban, unda cu lo tawata tin un discusion formal ariba caya.
Dado momento e situacion a esacala mas; unda cu a start un bringamento formal.
Polis mester a bay mas pura ainda.
Na yegada polisnan a compronde cu e den e pelea un hende muhe a wordo hinca y cu mesora nan a hib'e pa Hospitaal den auto particular.
Eynan berdad autoridad
lo a wordo informa cu persona a yega cu hinca.
Na e sitio; esta na Mamoticastraat polisnan a trata na compila mas datos posibel di un caso basta bruha.
Algun rato despues cu polis a termina cu nan investigacion na Tarabana, e persona cu a hinca e muhe a presenta na e adres cu intencion di hinca un otro persona.
corte Di prome instancia 5
December 2024
Fundacion siñami Paso pa Paso Aruba a organisa su prome Workshop Tayer educativo pa profecionalnan cu ta traha den area social, educativo y cuido
“DiscapaciDaD intelectual leve, licht
verstanDelijke Beperking (lvB)" kico e ta?
Dia 9 di November 2024, a tuma luga e prome workshop / tayer educativo pa profecionalnan cu ta traha den e area social educativo y di cuido. E mainta a inicia 9:00 cu palabranan di bon bini na e participante y despues a sigui un rondleiding den e
facilidadnan di Fundacion
Siñami Paso pa Paso, unda e participante den e workshop por a ricibi informacion di e fundacion y mira e oficinanan y material cu ta wordo usa pa atende cliente y nan famia. E facilitadornan den e
workshop aki tabata
Prof. Dr. Xavier Monnen, Profesor na Universidad di Amsterdam y specialista den discapacidad intelectual leve (L.V. B) y su intervencion tabata ta Open your eyes for Mild Intellectual Disabilities (MID
/ LVB) Dr. Maria Santi, Psikiatra Infantil y su intervencion tabata ta Trastornos di Neurodesaroyo.
Stephania Espitia Psy.M, Psicologa y su intervencion tabata Tecnicanan y intervencion.
Pleun Kokken, MSc. Fisioterapista Infantil y su intervencion tabata Importancia di ehercicio cerca un persona (LVB). Nicole van Klink, Terapista Ocupacional y Nigel Molina, i.o Terapista Ocupacional y nan intervencion tabata ta Con nos por guia un hoben cu (LVB) pa mas independensia den bida
diario. E clausura di e worshop / tayer tabata 5:15 a entrega certificado na e participante y duna un danki pa nan asistencia. Mester remarca cu tabata un dia yena cu informacion cu a wordo duna door expertonan den diferente area tanto local como internacional. Den futuro Fundacion Siñami Paso pa Paso lo sigui consinetisa
mediante nos servicio, proyecto y worshop na profecionalnan, famianan y comunidad. Un danki special na e facilitadornan y sponser cu a haci e workshop aki posibel.
ORANJESTAD – Diabierna awor 15 December 2024, Corte di Husticia lo trata e caso penal cu Ministerio Publico a cuminsa contra 4 periodista, kendenan ta sospechoso den e caso penal contra ex agente di Polis, Vos. SOLO DI PUEBLO por a compronde cu na Juni 2024 e caso mester a tuma lugar pero riba peticion di abogado, a pospone e tratamento pa asina a haci mas investigacion. Tabatin varios interogacion na Hues Comisario. Awor ta asina leu cu tratamento di e caso ta tuma lugar diabierna awor.
AGENTE DI POLIS CONDENA
Dia 9 December 2023, durante tratamento di e caso penal contra e ex agente Vos, Fiscal a bisa cu e ta haya Vos culpabel di tur e acusacionnan y a exigi 36 luna di prison (3 aña) di cual 8 luna ta condicional cu un tempo di prueba di 3 aña. Fiscal a exigi tambe cu pa 5 aña, Vos no por eherce e trabao di Polis.
Noticia di Corte
Diabierna awor caso penal contra 4 perioDista relaciona cu caso ex agente Vos
Fiscal a bisa Hues cu tin 6 acusacion contra Vos.
- Entre Maart 2018 y 2023, Vos a malversa radionan di Polis, - a horta radionan di Polis’ - a viola secreto di trabao door di facilita informacion na cierto media y instala aparatonan na su cas, - a abusa di su funcion como Polis, - a laga su mes wordo cumpra, - a forma parti di un organizacion criminal.
Despues di a scucha defensa di abogado mr. de Sousa, Hues a pospone e caso pa mas o menos 45 minuut y a bolbe y dicta sentencia di biaha. Hues a bisa cu e no ta haya legalmente proba cu Vos ta forma parti di un organizacion criminal y a declar’e liber di e acusacion ey. Hues ta haya Vos culpabel di e otro acusacionnan. Hues a condena Vos na 16 luna di prison, di cual 8 luna ta condicional cu un tempo di prueba di 3 aña. Hues a bisa cu e ta prohibi Vos di traha como Polis pa un periodo di 3 aña. E decision aki a haci cu dia 9 December 2023 atardi mes Vos a haya su libertad.
Ta asina cu Ministerio Publico no ta di acuerdo cu e sentencia y a apela esaki.
CASO CONTRA
PERIODISTANAN
Dia 9 December 2023, Fiscal a bisa cu a cuminsa un investigacion riba e motibo cu cierto media prensa ta tur caminda promer cu Polis. Ta sospecha cu cierto media lo tabata scucha radio di Polis. Fiscal a bisa cu tabatin casonan penal den Corte caminda a castiga e agentenan y a kere cu esaki a stop e cierto media cu a haya castigo combina. Sinembargo no ta asina. El a bisa cu dia 16 Maart 2023, Cuerpo Policial a haci denuncia di ladronicia di radionan. A constata cu tabatin 3 radio na un
localidad y tabata sendi. E cuater sospechosonan den e caso aki ta: Richard Lacle, Brian Koolman, Norben Giel y Nelson Cabral de Andrade.
E acusacionnan cu Ministerio Publico lo presenta den sala di Corte contra e grupo di 4 periodista ta:
- Den e periodo di 1 Januari 2021 te 22 di Maart 2023, conhuntamente, a ofrece un ambtenaar den funcion di Cuerpo Policial di Aruba regalo of promesa cu e meta pa hib’e na haci of keda sin haci algo contra deber di su trabao. an ta wordo acusa di, den e periodo menciona, conhuntamente, a intencionalmente viola secretonan di cual e tabata sa cu e ambtenaar, relaciona cu su funcion, tabata obliga pa tene.
- Nan ta wordo acusa di, entre
1 Januari 2021 te 22 Maart 2023, a participa na un organizacion cu tabata consisti di un y/of mas otro persona cu tabatin como meta pa comete crimennan, esta, corupcion di un ambtenaar y/ of tuma y/of duna soborno y/of maluso di funcion y/of violacion di secreto di trabao.
Corte di Hustic a planea 2 dia pa tratamento di e caso aki. Dia 15 y 18 di November 2024. Dia 15 di November lo por spera exigencia di Fiscal y posiblemente defensa di abogado. A pone un dia di reserva 18 November 2024, pa si ta necesario lo tin reaccion di Fiscal y reaccion di abogado riba e reaccion di Fiscal. Despues Hues lo bisa si e lo dicta sentencia di biaha of si e lo fiha un fecha pa asina e studia e caso y despues dicta sentencia.
Exitoso “intEgrity summit Dutch caribbEan 2024” na sint Eustatius
Representantenan di organisacionnan di tur e seis islanan di Hulanda Caribense y di Ministerio di Asuntonan Interno y Relacion di Reino (BZK) tabata di 4 te cu 6 di november na Sint Eustatius pa e di dos “Integrity Summit Dutch Caribbean 2024”. Meta di e cumbre tabata pa siña di otro y intercambia conocemento. Participantenan a brasa e idea pa lanta un oficina Hulanda Caribense pa promocion di integridad, pa suminstra knowhow y experticio na e islanan. Ta bay studia e posibilidad pa lanta un oficina asina.
E parti mas importante “Integridad mester ta para central cerca tur miembro di nos comunidadnan, pa cuminsa cerca organisacionnan gubernamental”, Alida Francis, gezaghebber di Sint Eustatius a declara, durante su discurso inaugural.
Segun Francis tabata di gran importancia pa organisa e cumbre aki, pa desaroyo di e topico aki na Sint Eustatius pa duna un impulso na e diferente actividadnan cu tin plania e añanan benidero. Recientemente a lanta un oficina di integridad na Sint Eustatius cu lo bay facilita tambe un programa di entrenamento amplio pa gobierno local.
Durante e cumbre di integridad participantenan a profundisa riba topiconan specifico. Tabatin hopi topico riba agenda, manera promocion di un cultura conciente di integridad, trahamento cu analisis di riesgo y
conseheronan confiabel.
Miho practica
E enfasis tabata riba experticio interno. Funcionarionan di integridad experencia di diferente isla a comparti nan conocemento, miho practicanan y lesnan cu a siña.
Ministerio di BZK a facilita e cumbre na Sint Eustatius, den colaboracion cu SRACaribbean & Partners NV, un oficina local specialisa den entrenamento y asesoramento riba tereno di integridad y cumplimento, y Nyenrode Business Universiteit.
E participante- y organisadonan ta desea di sigui cu un agenda comun. “Nos ta realisa cu capacidad operacional ta limita riba e islanan. Pero no mester inventa maneho y structura di nobo. Mas colaboracion por ta efectivo y por empodera e islanan.”
Premio di integridad
A duna atencion special na e trabou di Jeaninne Wong-Loi-Sing, consehero di integridad na Rijksdienst Caribisch Nederland (RCN). Riba 14 di oktober 2024 Wong-Loi-Sing a ricibi e Premio di Integridad Ien Dales (Ien Dales Integrity Award) 2024. Na Hulanda ta otorga e premio prestigioso aki na personanan cu ta haci esfuerso extraordinario pa promove integridad den e sector publico. Wong-Loi-Sing a comparti su experiencia cu participantenan na e cumbre na Sint Eustatius.
Balor agrega
Participantenan tabata di acuerdo cu lantamento di un oficina Hulanda Caribense pa promove integridad tin un balor agrega. E oficina aki lo yuda e islanan inventarisa posibilidadnan di entrenamento, desaroya
un campaña di conscientisacion, compila e miho practicanan y organisa sesionnan di promocion di expertisio. BZK a ofrese pa contrata un lider di proyecto pa sigui desaroya e idea aki.
Ateliers '89 Punto Di BeyAs Arte AruBA, tA PresentA su último workshoP PA e AñA 2024 cuAl lo
tA e Arte Di FotogrAFiA Dirigi PA e ArtistA mAestro e cABAllero eFrem AngelA
Ta asina cu un bes mas Ateliers '89 ta trece su gran artista local está Efrem Angela pa duna su ultimo workshop pa 2024. Na e ocasion aki pa duna e siguiente workshop di qual lo ta Fotografia. Ta asina cu Efrem a duna den pasado un workshop di pintura. Ateliers '89 di es forma aki ta mustra cu nos
ta sigui patrocina y yuda nos mes un artistanan local. Invitando asina Efrem, cu awe ta un di e gran artistanan local. Bibando actualmente na Paris Francia, Efrem a bin ta profila su mes como un artista multi disciplinario. E ta músico y tambe ta tene su práctica den producción de filmación y tambe
pa Diahuebs di 6.30 pa 9.30pm. E workshop lo ta pa un luna e lo termina cu un exposición riba Diaheuebs 12 di December. Pa inscribi por yama na 5654613 o preferiblemente manda un email na elvis@
ateliers89.org. Tambe pr. via nos website na www.Ateliers89.org. Ateliers '89 ta situa na Dominicanessenstraat 34 na Oranjestad. Inscribi awor ya cu cuponan ta limita.
fotografía.
Ta pesei mes Ateliers '89 ta invita bo persona pa bin y participa na e gran workshop aki di Fotografia. Cuminsando Diaranson 20 di November. Unda den e prime siman lo inclui Diasabra di 9 pa 12pm pa Fotografia cu lus di dia. E otro Dianan lo ta normal atardi di Dialuna
FORTALEZA PA FAMIA
Scirbi pa Pastor Marcel Balootje.
DIOS SU PALABRA Y SU BOLUNTAD, TA MAS IMPORTANTE CU OPINION DI HENDE
Palabra di Dios ta fuerte, firme y fiel, mientras cu opinion di hende ta varia cada rato, y hopi biaha ta trece confusion, discucion, y no semper tin stabilidad.
Mientras cu hende ta cana puntra hende kico nan ta pensa, e palabra di Dios ta nos guia, pasobra semper e palabra di Dios ta hiba nos na exito, e palabra di Dios, no ta cambia,e ta un lampi berdadero pa nos caminda.
Den e palabra di Dios , no tin maldad, no tin duda, no tin dos opinion, e ta berdadero, pasobra e ta e berdad, y nada mas cu e berdad pa nos bida, tur locual nos por saca for di dje ta berdad, pasobra e ta e berdad cu ta haci nos liber.
E palabra di Dios, ta hiba nos na un amor sincero pa Dios,na un amor puro y berdadero den nos matrimonio, y na e gran amor y stimacion pa nos famia.
Mas nos compronde e palabra di Dios, mas temor pa Dios ta drenta den nos bida, y mas nos ta busca Su amor, pasobra den esey nos lo encontra e berdadero felicidad, cu Dios mes lo duna nos.
Ta dificil biba sin e palabra di Dios:
Nos matrimonio mester di e palabra di Dios.
Nos yuinan mester di e palabra di Dios.
Henter nos famia mester di e palabra di Dios.
Nunca nos mester permiti opinion di hende, pasa over di palabra di Dios pa nos bida, pasobra Dios sa exactamente e plan cu e tin pa nos bida, y ningun hende sa esey di nos, pesey semper nos mester agrada Dios mas cu hende.
Ta para scirbi den Galationan 6; 10 : Pasobra ta fabor di hende mi ta busca awor, of di Dios,Of ta hende mi ta trata di agrada? Si ainda ta hende mi ta trata di agrada, lo mi no tabata un sirbido di Dios.
Ningun compriso cu bo por tin cu hende, por ta mas grandi cu e compromiso cu bo tin cu Dios den bo bida, pasobra nos mester ta sabi, pa no compromete nos mes cu e mundo, y asina pone nos relacion cu Dios na peliger, pasobra nos amistad cu e sistema di e mundo aki , ta haci nos enemigo di Dios.
Nos no por ta mara na cosnan di mundo y tambe nos kier participa den cosnan di Dios, pasobra cosnan di Dios ta santo y cosnan di mundo ta yen di inmoralidad.
Opinion di hende nunca por surpasa e importancia di e mandamentonan di Dios pa nos bida, pasobra Dios su palabra ta riba tur cos.
Semper hende lo keda lamenta, ora nan no duna suficiente oido na e palabra
di Dios, y nan ta biba segun nan kier,un bida scur pasobra , caminda e palabra di Dios, no tin prioridad den nos bida, scuridad lo avansa den nos bida, pasobra e palabra di Dios ta e lus pa nos bida.
Pasobra Mi pensamentonan, no ta bo boso pensamentonan, ni boso camindanan, no ta Mi camindanan.
Señor ta declara,Pasobra mescos cu e cielo ta mas halto cu tera,asina Mi camindanan ta mas halto cu boso camindanan . Y Mi pensamentonan mas halto cu boso pensamentonan.( Isaias 55:8-9).
Pesey e palabra di Dios ta siña nos: Mi yiu, no menosprecia e disiplina di Señor. Ni desmaya ora cu E reprende bo,pasobra esnan cu Señor ta stima e ta disiplina, y E ta suta tur cu E ta ricibi.( Hebreonan 11:5-6).
E palabra di Dios ta garantia di Salbacion y bendicion pa nos bida, pa semper.
Sinceramente, Pastor Marcel Balootje.
Exitoso “intEgrity summit Dutch caribbEan 2024” na sint Eustatius
Representantenan di organisacionnan di tur e seis islanan di Hulanda Caribense y di Ministerio di Asuntonan Interno y Relacion di Reino (BZK) tabata di 4 te cu 6 di november na Sint Eustatius pa e di dos “Integrity Summit Dutch Caribbean 2024”. Meta di e cumbre tabata pa siña di otro y intercambia conocemento. Participantenan a brasa e idea pa lanta un oficina Hulanda Caribense pa promocion di integridad, pa suminstra knowhow y experticio na e islanan. Ta bay studia e posibilidad pa lanta un oficina asina.
E parti mas importante “Integridad mester ta para central cerca tur miembro di nos comunidadnan, pa cuminsa cerca organisacionnan gubernamental”, Alida Francis, gezaghebber di Sint Eustatius a declara, durante su discurso inaugural.
Segun Francis tabata di gran importancia pa organisa e cumbre aki, pa desaroyo di e topico aki na Sint Eustatius pa duna un impulso na e diferente actividadnan cu tin plania e añanan benidero. Recientemente a lanta un oficina di integridad na Sint Eustatius cu lo bay facilita tambe un programa di entrenamento amplio pa gobierno local.
Durante e cumbre di integridad participantenan a profundisa riba topiconan specifico. Tabatin hopi topico riba agenda, manera promocion di un cultura conciente di integridad, trahamento cu analisis di riesgo y
conseheronan confiabel.
Miho practica
E enfasis tabata riba experticio interno. Funcionarionan di integridad experencia di diferente isla a comparti nan conocemento, miho practicanan y lesnan cu a siña.
Ministerio di BZK a facilita e cumbre na Sint Eustatius, den colaboracion cu SRACaribbean & Partners NV, un oficina local specialisa den entrenamento y asesoramento riba tereno di integridad y cumplimento, y Nyenrode Business Universiteit.
E participante- y organisadonan ta desea di sigui cu un agenda comun. “Nos ta realisa cu capacidad operacional ta limita riba e islanan. Pero no mester inventa maneho y structura di nobo. Mas colaboracion por ta efectivo y por empodera e islanan.”
Premio di integridad
A duna atencion special na e trabou di Jeaninne Wong-Loi-Sing, consehero di integridad na Rijksdienst Caribisch Nederland (RCN). Riba 14 di oktober 2024 Wong-Loi-Sing a ricibi e Premio di Integridad Ien Dales (Ien Dales Integrity Award) 2024. Na Hulanda ta otorga e premio prestigioso aki na personanan cu ta haci esfuerso extraordinario pa promove integridad den e sector publico. Wong-Loi-Sing a comparti su experiencia cu participantenan na e cumbre na Sint Eustatius.
Balor agrega
Participantenan tabata di acuerdo cu lantamento di un oficina Hulanda Caribense pa promove integridad tin un balor agrega. E oficina aki lo yuda e islanan inventarisa posibilidadnan di entrenamento, desaroya
un campaña di conscientisacion, compila e miho practicanan y organisa sesionnan di promocion di expertisio. BZK a ofrese pa contrata un lider di proyecto pa sigui desaroya e idea aki.