Durante Conferencia di Gobierno di Aruba, dialuna 16 di september, Prome Minister Evelyn WeverCroes a haci e anuncio cu Director di DOW, señor Marlon Croes ta tuma su retiro pa fin di 2024.
Señor Marlon Croes a traha 35 aña total na DOW di cual 20 aña el a sirbi Aruba como Director di DOW. Durante e 20 añanan Aruba a mira trabounan grandi wordo realisa bou di su liderazgo.
Aparte di e funccion di Director di DOW, tambe señor Croes a participa den diferente comision den diferente momentonan cu
tawata importante pa Aruba. Tambe un cantidad grandi di proyecto valioso pa Aruba a wordo realisa durante e liderazgo di señor Marlon Croes. Pa menciona algun: E mudamento di Waf pa Barcadera, stacion di bus na LG Smith BLVD, rotondenan y e aplicacion di reglanan riba esaki y caminda grandi Tanki Flip y Pos Abou.
Despues di e anuncio di Prome Minister e director di DOW a dirigi su mes na e miembronan di prensa y a conta un tiki di su carera na DOW cu a cuminsa dia 16 di maart 35 aña pasa. Semper el a traha cu
hopi satisfaccion y lo sigui traha cu e mesun gana cu el a traha semper te dia 31 di december. “Mi ta gradici Minister President cu ken mi a traha cu hopi placer durante e ultimo añanan, tur ministernan, e personal di DOW cu ta un tremendo ekipo y semper mi a traha hopi bon cu nan. Y mi ta spera pronto, hunto cu Minister President, nos por apunta e sucesor di mi persona pa garantisa cu DOW por sigui crece y den futuro bira un departamento mas automatisa y mas digitalisa”, señor Marlon Croes a expresa.
Prome Minister ya gradici señor
Parlamentario Marco Berlis (MEP):
Croes den nomber di Gobierno y henter e comunidad di Aruba, pa e añanan di servicio dedica na Gobierno di Aruba, na e personal di DOW y na Aruba en general.
PROPOSICION PA bIN CU UN LEy DI INTEgRIDAD
PA PARLAMENTO AINDA TA RIbA MESA
Nos Parlamento ta e organo di mas halto di nos pais. E ta e cas di 21 representante di pueblo, cu tin e tarea pa controla gobierno di Aruba, conscipia leynan nobo, controla e presupuestonan di Pais Aruba y cuestiona e maneho y e integridad di gobierno. E ta pa e motibonan aki cu nos Parlamento semper mester keda un lugar di integridad y transparencia, pasobra si Parlamento di Aruba no ta integro, con anto Parlamento por exigi pa gobierno di Aruba ta integro? Parlamento di Aruba mester ta e “Cas di integridad,” e ehempel y standard di nos comunidad. Hamas nos por permiti ni neglisha e imagen y integridad di nos “Cas di Pueblo.”
Mocion presenta pa Parlamento conscipia un Ley di Integridad pa Parlamento
Den cuadro di esaki mi a presenta e peticion na varios ocasion na Parlamento pa nos forma un
comision special pa explora y discuti e posibilidad pa trece un cambio den nos constitucion, pa por haci parlamentarionan mas accesibel pa duna cuenta na pueblo y exigi integridad den nan conducta. Mi a entrega un mocion cu e peticion aki for di 5 di April 2022 den Parlamento. Mi ta kere cu hunto nos por conscipia un ley cu ta tene nos “accountable” na pueblo. Nos mester por asegura cu e imagen di Parlamento hamas mag di bolbe wordo atacha, manera ta e caso aworaki. Parlamento, e “Cas di Pueblo,” mester keda intachabel y limpi di cualkier comportacion cu ta contra di nos leynan y constitucion.
MAS, Accion 21, AVP y Gerlien
Croes contra un ley di integridad pa Parlamento
Ta net Marisol Tromp y Miguel Mansur cu ta cana traha video y ta grita duro den medionan social exigiendo integridad di gobierno, ta
esnan cu mas fuertemente ta opone e idea pa Parlamento por ta mas integro. No tin boluntad, no tin niun intencion, ni tampoco e curason pa bini hunto y traha riba un proyecto asina importante cu lo protege e organo di mas halto di e pais. Marisol a uza tur tipo di excusa contra e ley di integridad pa Parlamento. Marisol, e politico cu ta gaba cu e tin 27 aña den politica, ta contra di un ley cu por salvaguardia intergridad di nos Parlamento. Pero obviamente AVP, ni Marisol, ni Gerlien, ni Accion 21 kier para pa un ley di integridad pa Parlamento. Esaki ta mucho “dificil” pa nan aparentemente. Mientras cu nan ta exigi gobierno ta transparente y integro, nan ta keda rechasa, resisti y boycotia e proposicion di ley aki. Mi insistencia pa un Ley di Integridad pa Parlamento Un ley di integridad pa Parlamento den mi opinion, no ta solamente un necesidad, pero tambe loke
pueblo merece y nos pais mester. Si nos no por asegura e integridad di Parlamento y nos coleganan no tin “hamber ni sed” pa trece cambionan berdadero y profundo den e sistema politico di nos pais, nos Parlamento lo keda vulnerabel y accesibel pa esnan cu kier corumpi Parlamento, gobierno y nos pais. Mi ta un Parlamentario decidido cu kier wak cambionan crucial den Parlamento, y asina haci nos pueblo orguyoso di nos Parlamento atrobe. Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento. aw / Bo parlamentario y sirbidor di pueblo na bo ordo semper!
Columna Desaroyoonan Politico
Debut Di Stephanie riba e liSta berDe
Domingo atardi tabatin un evento politico unda Benny Sevinger a lansa su yiu Stephanie como su representante den politica riba lista di e partido berde.
Stephanie a yega cu un parada, para den un Jeep Wrangler, saludando e publico mientras cu e grupo presente tabata aplaudí su entrada.
Lider di e Partido Berde, asisti pa otro politiconan den e partido, inclui Benny mes, a ricibi Stephanie.
Benny kende actualmente tin un sentencia pa corupcion riba su cabes, a dirigi palabra na e multitud. Benny a splica un poco di Stephanie y a bisa tambe cu e lo ta su consehero den politica.
Den un discurso yena di promesa di cambio y un animo di lucha, Partido
Berde a ripiti nan slogan nobo di campaña: “ban bolter cos".
E hendenan presente a duna bon bini na Stephanie cu aplauso y grito.
Sinembargo, a nota cu hopi asuntunan importante tabata falta pa atende durante e anochi. No a papia nada tocante e historia di corupcion di Benny, no a papia di e sentencia di fraude den firmamento di tereno pa friends and family di tereno, ni e relacion cu personanan sentencia manera e amigo di Benny. Tampoco a referí na scandalnan colga riba e famia, manera e uso di placa di Leoncita, compra di palo di coco, aparato di gym y cura hero pa cas, como tambe e fiesta regala pa Holiday Inn pa Stephanie su 15 cumpleaños.
Apesar di esakinan, e evento a mustra cu e
Partido Berde tin un fuerte deseo pa bolbe bek na poder y nan ta bisa abiertamente pa ruim op de boel. Cu Stephanie dilanti di e fase nobo aki, ta keda wak si e votadornan lo ta dispuesto pa lubida e corupcionnan di pasado y duna soport na un plan cu ta bisa di lo kier bolter cos.
No por keda sin menciona cu gobierno di partido berde a maneha nos pais malo cual a conduci na welga di hamber. Nan a atraca placa di pueblo y
poliS a Detene homber pa a maltrata Su ex-pareha, amboS ta inDocumenta na aruba
Despues di a saca placa na un ATM mas di 400 florine homber a cuminsa choka su ex pareha, ambos ta stranhero cu status no legal. Na prome instante e dama no kier perhudica e homber, pero mirando cu e dama mester a core pa su bida ora e homber a choke casi perde rosea y despues a core su tras pa forza e dama drenta auto. Segun e homber e no
a hasi e dama Daniela nada mas bien e a gara e dama pa no bula for auto. Polis a detene e homber mirando e dama a bisa di lo entrega keho di maltrato contra su ex, e dama tabata basta emocional y na su nek por a mira marca cora door di e chocamento di e homber.
a pone 134 persona riba payroll di Mike Eman.
Tesey nan kier bolter ?
Otro punto ta cu awor Stephanie lo exigi # 2, cual ta e acuerdo di 1980 ? Tur esaki ta pa wak.
Noticia di Corte
2 aña y 10 luna di prison pa homber cu tabata prepara traficacion di cocaine pa hulanda
Awe mainta Hues di Corte den Promer Instancia a dicta sentencia den e caso penal cu Ministerio Publico a cuminsa contra e homber Curasoleño E.G.B.(52). Luna pasa tratamento di e caso a tuma lugar caminda Fiscal a haya B. culpabel di tabata prepara transporte di lote di cocaine pa Hulanda. Fiscal a exigi 4 aña di prison.
SOLO DI PUEBLO por a compronde cu B. tabata percura pa e lote di cocaine bay scondi den un cargamento di flor cu ta bin for di Colombia pa bay Hulanda.
FISCAL A EXIGI 4 AÑA DI PRISON
Durante tratamento di e caso luna pasa, Fiscal a menciona cu tin varios casonan di traficacion caminda a scucha yamadanan. Investigacion ta mustra cu na December 2020, B. a cuminsa prepara pa transporta cocaina pa Aruba. E preparacion ta, cu mester hinca e kilonan di cocaine, den un cargamento di flor cu ta bin for di Colombia y ta destina pa Hulanda. B. mester hinca JPS den bloki di cocaina pa asina na Hulanda, esnan encarga por haya e droga. Fiscal a bisa cu nan a papia di pago di personanan envolvi na Aruba. Na Aruba B. a manda potret di e blokinan di cocaina. El a haya placa di blokinan di droga. B. a admiti di traficacion di blokinan di cocaina. Na December 2020 tabata papia di 10 kilo di cocaina. Na Februari 2021 tabata papia di 10 kilo di cocaina. E tabata manda potret di e bloki den cual el a hinca e JPS. Tambe e tabata manda potret di e cantidad di blokinan. Fiscal a bisa cu e ta haya legalmente
proba cu na December 2020 tabatin 1 bloki so y na Februari 2021 tabatin 7 bloki. Fiscal ta haya cu B. ta forma parti di un organizacion criminal. Tabatin cantidad di mensahenan riba cellularnan caminda B. tabata un persona importante den e organizacion criminal cu tabata dedica den traficacion di droga. Fiscal ta haya cu B. tabata den un organizacion professional y tabatin un funcion importante. Na opinion di Fiscal, mester manda señal bon cla cu no ta accepta tipo di actividadnan asina. Fiscal ta haya cu B. a envolvi su mes den un organizacion pa gana placa y no a worry cu e consecuencia cu esaki por tin pa comunindad. Fiscal a exigi 4 aña di prison, kitando e tempo cu e ta sera. Fiscal a bisa pa debolbe e I Phone cu a confisca di B.
ABOGADO
Abogado mr. Mohamed a bisa Hues cu B. ta wordo acusa di preparacion di traficacion di cocaina pa Hulanda, posecion di cocaina y forma parti di organizacion criminal. E abogado a bisa Hues cu na December 2020 y Februari 202, B. a prepara pa manda droga pero esakinan no a sigui. E ta laga na Hues pa dicidi riba e preparacion. E abogado a menciona un sentencia di Corte. Tambe el a menciona sentencia di 2023 relaciona cu cocaina, caminda el a mustra cu mester determina cu ta cocaina. Polis no a haya nada, no tin test di laboratorio cu ta mustra cu e bloki ta realmente cocaina. B. no a test e blokinan si nan ta realmente cocaina. E
abogado ta haya cu no por prueba cu B. tabatin cocaina den su man y ta haya cu mester declar’e liber. E abogado a menciona sentencia di un caso na Hulanda riba organizacion criminal. E ta haya cu tur dos transporte no a sigui. E ta di opinion cu esaki no ta suficiente pa papia di un organizacion criminal. Despues di Februari 2021, no a sosode nada mas. Na opinion di mr. Mohamed, no tabatin un temporada largo di cooperacion manera ley ta exigi pa por papia di un organizacion criminal. El a menciona un caso di traficacion di 2019 di 10 kilo di cocaine, caminda a condena e acusado na 8 luna di prison pa participa den organizacion criminal. E ta haya e castigo exigi pa Fiscal ta exagera.
SENTENCIA
Awe mainta, Hues a bisa cu a keda legalmente proba cu B. a prepara transporte di droga. Tambe Hues ta haya proba posecion di cocaine. Hues a bisa cu esey ta a base di whatsapp y potret cu B. tabatin algun bloki di cocaina. Tambe tabata papia di prijsnan cu a paga. Tambe a pone JPS den blokinan. Hues ta haya cu B. tabata forma parti di un organizacion criminal y cu B. tabatin un funcion importante. E droganan tabata wordo hinca den cargamentonan di flor cu ta destina pa Hulanda. B. tabatin contacto na aeropuerto. Hues no a sigui Fiscal su exigencia sino a baha esaki. Hues a condena B. na 2 aña y 10 luna di prison kitando e tempo cu e ta sera den KIA. Hues a ordena pa e cellular I Phone wordo duna bek na B.
accidente hit & run na palm beach pero e number di e auto cu a core bay ta conosi
Diadomingo madruga a drenta informe di un accidente na Plam Beach, mesora a dirigi un patruya na e sitio. Na yegada di e patruya a bin compronde cu aki ta trata di un accidente hit & run pero e number di auto ta conosi y a pasa esaki na polis. Sea e sospechoso ta pasa warda di polis di trafico y presenta su mes of polis lo bay su cas of trabao y presenta cerca dje pa detene.
Premier Evelyn Wever - Croes:
Durante e periodo di Gobierno demisionario; PROCESO DI MANEHO, PROYECTONAN Y ASUNTONAN CORIENTE LO SIGUI CANA NORMAL
Dialuna mainta durante conferencia di prensa di Gobierno, Prome Minister Evelyn Wever-Croes a elabora riba e topico di e periodo di Gobierno como demisionario. Manera ta conoci eleccion a wordo yama pa dia 6 di december 2024, cual ta haci cu desde e momento ey Gobierno di Gabinete Wever-Croes ta demisionario.
Kico ta un Gobierno demisionario?
Prome Minister a splica cu na momento cu un Gobierno ta demisionario, por tuma decisionnan solamente riba asuntonan coriente, decisionnan, maneho, y proyectonan cu ya caba tabata tin decision tuma riba nan prome cu Gobierno a bira demisionario, y cu ta presupuesta den e presupuesto cu Parlamento a aproba pa aña 2024. Pa
duna un splicacion mas concreto, Prome Minister a tuma como ehempel e departamento di DOW y DIP, cu ta cay bou su ministerio y cu ta esunnan encarga pa atende cu bouwvergunning. En caso tal un persona a aplica pa un bouwvergunning, esaki ta un asunto coriente pasobra e no tin nada di haber cu e minister y/ of Gobierno. Tambe pa esnan cu tin peticion pa tereno, esaki ta cay bou departamento di DIP, y mirando cu Gobierno a depolitisa e procesonan na unda no mester firma di e minister, e proceso por sigui normal.
Tambe pa loke ta trata e departamento di DIMAS, di Impuesto y di Recurso Humano, na unda tin personanan cu ta wardando riba un bouwvergunning, permiso
di estadia of trabou, esnan cu mester haya placa bek di belasting, y/of esnan cu ta wardando riba un promocion salarial, tur esakinan ta procesonan cu lo sigui cana normal.
Pa loke ta encera leynan, tin varios cu a bay Parlamento caba y tin otro leynan cu ainda mester wordo trata. Esaki ta kleda na Parlamento pa dicidi si ta yama e leynan aki pa tratanan of no. Dos ley cu ta importante ta e presupeustonan, un ta e presupuesto 2025 cu ya ta na Parlamento caba y cu parlamentarionan tin e luna aki pa haci preguntanan, di cual Gobierno lo contesta pa asina por wordo trata prome cu 15 di december manera ley ta stipula. E otro ta e presupuesto supletorio di 2024, cu ya a wordo trata den
Conseho di Minister prome cu e Gobierno a bira demisionario y ta na caminda pa Parlamento. Den e preupuesto supletorio tin algun proyecto adicional cu a wordo anuncia, pero e fondonan no ta aproba ainda pa Parlamento.
Prome Minister a indica cu como Gobierno demisionario, ministernan no por tuma decision pa cambia maneho, of bin cu cambionan cu no ta presupuesta, pero departamentonan lo sigui
traha normal. Cu esaki hopi no lo cambia pa e ciudadanonan di pais Aruba.
"Mi kier sigura cada un di boso, cu boso por sigui confia riba nos, den e mesun forma responsabel, serio y cu stabilidad cu mi a bin ta goberna e pais aki pa e utimo 7 añanan, cu nos lo sigui haci esaki tambe den e periodo demisionario, poniendo semper e interes di nos ciudadanonan na prome luga", Prome Minister a expresa.
NA PARADERA UN CHAUffEUR NO A SPERA CU
E AUTO SU DILANTI A PARA Y A PASA RASCA E
Diadomingo madruga a drenta informe di un accidente na Paradera, mesora a dirigi un patruya na e sitio.
Na yegada di e patruya a bin compronde cu un auto a para diripiente pero e auto su tras no a logra para na tempo y a rasca esaki. Afortunadamente ningun hende a resulta herida.
Minister Rocco Tjon:
DESPUES DI ALREDEDOR DI DIES AÑA
PERSONAL DI BUREAU TRAIMERDIA
TA
OBTENE NAN VASTE DIENST
- Dialuna mainta, Minister di Husticia y Asuntonan Social sr. Rocco Tjon, a sinta cu e ekipo di Bureau Trai Merdia (BTM), pa asina comparti cu nan e grato noticia cu despues di alrededor di dies aña, a percura pa esnan cu ta riba un contract por obtene nan vaste dienst.
Manera ta conoci e ekipo di BTM ta haciendo un tremendo trabou, pa na final di dia garantisa siguridad di nos muchanan. Nan ta percura pa vang op e muchanan despues di scol y guianan pa asina nan no ta nan so na cas of riba caya. Pues, un trabou sumamente
importante pa e cadena social y consecuentemente e cadena hudicial.
Un di e puntonan cu a elabora riba dje ta e convertimento di nan empleo. E grupo aki specificamente ta riba contract, y algun di nan tin mas di dies aña riba contract. Danki na e trabounan di DRH, awe a notificanan cu e conseho a drenta pa cambia nan “dienstverband”, pues nan lo drenta den vaste dienst. Esaki pa nan mes ta hopi importante tambe, y Ministerio di Husticia y Asuntonan social ta satisfecho cu e logro aki pa cu BTM.
Banda di esaki, BTM a cumpli 28 aña di existencia, pues un dia di double celebracion. Minister Tjon a manda palabranan di pabien y danki na tur e profesionalnan pa e trabou grandi cu nan ta eherce pa nos muchanan.
LADRONNAN DI AUTO A BAy LAgA
AUTO hORTA kIBRA RIBA UN PILAR DI MURAyA NA kUNUkU ABAO
Diadomingo mainta a drenta informe di cu tin un
auto kibra cu a dal riba un pilar di muraya laga atras
na Kunuku Abao, mesora a dirigi un patruya na e sitio. Na yegada di e patruya a bin encontra cu un Toyota Yaris kibra gedal riba un pilar y muraya. Ademas di cu no tin ningun chauffeur na e auto a bin haya e switch pa start completamente destrui. Polis mesora a confisca e vehiculo aki pa asina investiga ken lo ta e ladron cu a comete e abuso aki.
Division Den AvP: Gerlien Croes tA
hibA mitAr Di e PArtiDo
Gerlien a laga AVP den luto y cu un futuro scur
E panorama politico na Aruba a sinti un golpi fuerte cu un di e divisionnan di mas grandi den AVP durante e ultimo añanan.
Gerlien Croes a logra hiba mitar di partido berde cun'e, incluyendo figuranan clave manera Famia Dammers, cu tabatin un papel fundamental den e trayecto di e partido. Tanto e ex-parlamentario como Señora Dammers, cu tabata secretaria di
Partido Berde, a escoge pa duna nan apoyo na Croes, marcando un momento importante den e movecion politico.
E kiebro aki a lanta rumor y speculacion riba e motibonan tras di e situacion. Hopi ta bisa cu corupcion den e partido ta e motibo principal, señalando tambe cu e liderazgo actual ta resisti renobacion y cambio.
Falta di transparencia y
tension interno ta parce ta causa di esaki, cu ta laga AVP fragmenta y cu un futuro scur. E desicion di varios figura prominente pa move nan apoyo pa Croes ta mustra cu e lucha pa control di partido por ta un cuminsamento, y cu e eleccikn venidero por ta marca pa e profundo division interno cu e partido ta enfrenta.
Por spera mucho mas figura di AVP uni cu Gerlien.
trAbounAn Di restAurACion tA iniCiA e
simAn Aki: minister Wever Presente nA CAs
venerAnDA DurAnte monumentenDAG
Durante un evento di Monumentendag, a habri porta di Cas Veneranda brevemente pa un publico presente. Organisa pa Stichting Monumentenfonds, arkitecto Daphne Every a duna un presentacion di e historia di Cas Veneranda, y un splicacion di e trabounan cu ta bai haci cuminsando e siman aki.
Despues di basta preparacion, cuminsando e siman aki lo cuminsa mira actividad na Cas Veneranda. E prome paso den preparacion tabata e firmamento di e koopovereenkomst cu e famia di e doño original y firmamento di e huurovereenkomstnan. Departamento di Asuntonan Economico, Commercio y Industria (DAECI) lo ta e huurdo principal, y tambe lo tin un etablecimento di horeca den e pida na banda di Schoolstraat.
E ubicacion di DAECI den centro di Oranjestad ta forma parti di e maneho di Minister Geoffrey Wever pa trece bida bek centro a traves di amplifica e fluho di personanan cu
ta frecuenta e area. Esaki ta importante pa realisa e revitalisacion di Oranjestad. Por mira diferente otro proyectonan caminda a restaura edificionan y ubica departamentonan den e centro di ciudad, manera Freezona na Plaza Nikki Habibe, y Aruba Fair Trade Authority (AFTA) den Oranjestraat.
Entre otro tin diferente proyectonan den planificacion cual pronto mester cuminsa, manera e edificio di Ministerio Publico cu ta bai ser converti den vivienda pa studiante, y edificio di ex-Interbank caminda lo haci trabounan di renobacion, y lo ubica Bureau Intellectuele Eigendom (BIE) y SEDECO den dicho edificio. Minister Geoffrey Wever a indica di ta tumando pasonan concreto dentro di su control pa por mehora e clima empresarial den e area, y ta mustra cu sector priva tambe ta siguiendo e pasonan aki cu inversionnan cuantioso den ful e area di Oranjestad.
Minister Geoffrey Wever ta contento cu
despues di tanto tempo y trabou incansabel di preparacion, cu e siman aki lo cuminsa e parti di restauracion mes di Cas Veneranda. E trabou di restauracion ta plania pa cuminsa di 23 di september, y lo termina fin di november 2025. E mandatario a termina gradiciendo Anne Witsenburg y Daphne Every di SMFA, como tambe henter e bouwteam pa nan esfuersonan. Pa 2025 Aruba lo por ta contento cu un hoya di monumento restaura y sirbi cu un proposito nobo, y cu pueblo lo tin e oportunidad di por goza y haci uzo di e edificio monumental aki.
MINISTER ENDY CROES A ACUDI NA E
APERTURA DI COPA CRISMO ANGELA
Exito na tur ekipo!
veld di Sabana Grandi a tuma luga apertura di e torneo 60 plus organisa pa Surprise Troopers. E campeonato ta dedica na Sr. Crismo Angela (den feliz memoria), kende tabata un pilar den baseball y softball di Aruba y a dedica varios decada na deporte. Tambe el a maneha hopi ekipo y a fungi como miembro di directiva.
Un total di 8 ekipo ta
participa y e torneo tin un duracion di seis (6) siman. Den un tremendo ambiente a duna inicio na e prome wega entre ekipo di Aruba Juniors y Surprise Troopers. Pa conclui, Minister Endy Croes ta gradici Sr. Rock Angela y famia, Surprise Troopers, boluntario y tur esnan cu a yuda haci e torneo aki posibel. Alabes, e mandatario di Deporte ta desea e ekiponan hopi
exito. Cu deseo, dedicacion, determinacion y disciplina ta logra!
DUNA bO OPINION RIbA E vAkANTIEROOSTER DI SCOL
Oranjestad, 16 di september 2024
E concept vakantierooster pa añanan escolar/ academico 2025-2026 y 2026-2027 ta den proceso. E instancianan cu structuralmente ta envolvi den e proceso ta Departamento di Enseñansa Aruba (DEA), Dienst Inspectie van het Onderwijs, Sindicato di Maestro di Aruba (SIMAR) y tur directiva di scol, cualnan ta encarga pa representa interes di nan scol(nan). Durante e proceso sa duna comunidad tambe, principalmente e mayor y e studiantenan, e oportunidad pa duna opinion riba algun aspecto di e vakantierooster. Den pasado a yega di pidi opinion riba apertura di aña escolar (dialuna of diaranson/diahuebs). E aña aki nos ta desea di sa si ta prefera mas dia di vakantie durante temporada di Carnaval of Pasco. Ta importante pa sa cu un vakantierooster ta wordo formula conforme e “Regeling lengte schooljaar en maximum aantal vakantiedagen” (AB 1988 No. GT13). Aki tin fiha cu e cantidad di dia di vakantie pa e mucha/studiante ta 60 dia pa aña escolar, cual ta inclui dianan di fiesta. E comienso y e final di un aña escolar, como tambe e fechanan di examen ta fluctua hunto cu dianan internacional di fiesta manera Diaranson di Shinishi, Diabierna Santo y Pasco Grandi. E fechanan di examen (eerste y
tweede tijdvak) ta wordo stipula pa Ministerie van Onderwijs, Cultuur en Wetenschap na Hulanda. Aruba mester mantene su mes na e fechanan aki.
E cantidad total di 60 dia di vakantie lo no cambia, sinembargo algun caminda tin espacio pa un reparticion diferente di e dianan. Den esaki mester tene mas tanto cuenta posibel cu e mucha/studiante, examen, e trabou di maestro, e organisacion na scol, dianan di ATV general y dianan di fiesta na Aruba.
Poll
Duna bo opinion riba e vakantierooster: 1 siman di vakantie durante temporada di Carnaval (feb/mar) of mas dia durante “kerstvakantie” (dec)?
Por dun abo opinion door di vota den un poll riba nos website: https://www.ea.aw/pages/ duna-bo-opinion-riba-e-vakantierooster. E poll lo keda activo te cu diaranson 18 di september 2024.
Riba nos paginanan di social media @ educationaruba por elabora bo opinion. Di antemano nos ta gradici bo pa bo input. Unabes ricibi input di tur stakeholders, e proposicion ta bay pa Minister di Enseñansa di Aruba pa aprobacion. Na momento cu tin e aprobacion di minister, ta publica e
WWW.EA.AW, WWW.PAPIAMENTO. AW, +297 528 3400, STADIONWEG 37, ORANJESTAD, ARUBA vakantierooster oficial y e ATV-dagen pa Onderwijspersoneel riba website nos ea.aw. Ta premira cu esaki lo ta na final di luna di october proximo.
Mas informacion
Pa mas informacion tocante e vakantieroosters y henter e procedura por acudi na nos website ww.ea.aw y busca Vakantierooster na letter
V den e alfabet menu. Tambe ta sugeri studiantenan pa sigui Departamento di Enseñansa Aruba riba Facebook y/of Instagram @EducationAruba pa keda na altura di tur informacion.
Diadomingo mainta, na
MINISTER ENDY CROES TA DESEA TUR STUDIANTE Y DOCENTE DI UNIVERSIDAD DI ARUBA UN AÑA ACADEMICO EXITOSO
Diabierna anochi, den e edificio recien renoba di Maria Convent a tuma luga apertura di aña academico 2024 - 2025 di Universidad Aruba. Minister di Enseñansa y Deporte Endy Croes hunto cu Su Excelencia Gobernador di Aruba Alfonso Boekhoudt, Prome Minister Evelyn Wever - Croes, colega Minister Ursell Arends y Presidente di Parlamento Raymond Kamperveen tabata presente e ocasion special aki. A funda Universidad di Aruba na aña 1988 y desde e tempo ey, a sigui crece cu mas facultad y mas programa. E mandatario di Enseñansa ta desea rector interino Sra. Sue Ann Lee, College van Curatoren, staf di Universidad di Aruba y tur studiante y docente un aña academico exitoso.
Speech di Minister Endy Croes: It is with great pride and a profound sense of responsibility that I stand before you today in this historic building, to address you at the official opening of the Academic Year 2024-2025. This building is a symbol of our commitment to the growth and progress of education in Aruba, which has recently undergone through a remarkable renovation with the great support of the European Union and is a testament to the spirit that drives our island forward. Congratulations to all stakeholders involved in this beautiful achievement!
Today marks the beginning of a new Academic Year, but also served as an opportunity to reflect on the role of the University of Aruba in our community and beyond. We welcome more than 300 new students, who have chosen to embark on their academic journey with the University of Aruba. To each one of you, I extend a warm welcome. Thank you for believing in the quality and potential of our small yet vibrant institution. By choosing one of the programs offered here, you have taken a crucial step towards shaping your future, and we are honored to have you as part of our university family.
The University of Aruba is more than just an institution of Higher Education; it is a representation of hope, knowledge, and opportunity for all of us. It is a privilege to
have such a university dedicated to educating and empowering our people. The university strives for the highest standards of quality, accountability and innovation. Many have said that one of the greatest strengths of the University of Aruba is its small size, which allows students to be seen, heard and to be supported as individuals. Here, you are not just a number; you are part of a caring community. The students are the future leaders of our society. It is our duty to nurture their potential and ensure that they are prepared to excel, not only in their chosen fields but also as global citizens, with a deep sense of responsibility. Whether they pursue careers in Law, Finance, Hospitality and Tourism, Governance, Social Work, or the STEM fields Science, Technology, Engineering, and Mathematics they must be equipped to lead with integrity, innovation, and a vision for the future of Aruba. We are living in a rapidly evolving, technology driven world, and it is important that the students and the university are prepared not only to get along with the demands of this new era, but to thrive in it. The students must not be followers of trends, but creators of those trends. They must apply their critical thinking and analytical skills, both inside and outside the classroom, driving progress and innovation, in ways that will shape a sustainable future for Aruba and beyond. The task of the University of Aruba is not limited to educating and graduating professionals. It must also be a source of lifelong learning, where personal and professional development is encouraged.
Let us remain committed to transparency, integrity, and the pursuit of excellence in everything we do. In doing so, the university will help establish Aruba as a leader within the Caribbean. I stand committed to the mission of the university and continue supporting the university in achieving its goals, and to ensure that it continues to be an institution that Aruba is proud of an institution that reflects our aspirations, our values, and our vision for the future
To conclude:
I wish you a fantastic new academic year filled
with growth, learning, and achievement. As we move forward together, let us remember the words of Aristotle, who said, "The roots of education are bitter, but the fruit is sweet." May this year be one, where we all reap the sweet rewards of our hard work and dedication. With great pride and optimism, I hereby declare the academic year 2024-2025 of the University of Aruba officially open!Masha Danki
2 Ciclista herida durante e Bushiribana Shoko Extreme MTB competition
Diadomingo mainta tempran a tuma lugar e Bushiribana Shoko Extreme MTB competition unda cantidad di ciclistanan di Mountain Bike a participa, e tabata un trajecto basta duro cu
hopi obstaculonan cu un ruta basta largo. Durante e competencia aki alomenos 2 persona mester a haya atencion di ambulans.
E prome tabata patras di
Sero Pela unda un ciclista a cay y a kibra su pols mientras e otro a haya un "heat stroke" na Matividiri. Ambos ciclista a ser hiba hospital pa atencion medico.
Diasabra merdia a drenta informe di un accidente cu hende herida dilanti La Granja na Savaneta, mesora a dirigi tanto polis como ambulans na e sitio.
Na yegada di e patruya a bin compronde cu aki ta trata cu di un accidente pa falta di preferencia unda e
pick-up a sali dilanti e Kia Sportage y nan a dal den otro. E impacto tabata basta fuerte y debi na esaki 2 persona a resulta herida.
Na yegada di e ambulans nan a atende e victimanan y a transporta nan pa hospital.
Lansamento oficial di FuTURo
Un alternativa politico nobo lidera pa mr. Gerlien Croes
CASIBARI, Aruba – [15 di september 2024] – Aruba ta cla pa presencia e inicio di un era nobo den su escena politico cu e lansamento oficial di FuTURo, un partido politico dinamico dirigi pa e distinguido Gerlien Croes. FuTURo, cu ya ta registra pa participa den
e proximo eleccion, ta comprometi na trece cambio positivo pa e pueblo di Aruba a traves di su balornan fundamental di Transparencia, Union y Representacion.
FuTURo ta mas cu djis un partido politico. Su mision ta pa fortifica e individuo
y sirbi e comunidad, door di crea oportunidad pa tur ciudadano por avansa. E liderazgo di e partido ta pone como prioridad un maneho solido y responsabel cu ta pone enfasis riba cooperacion, ta encurasha solucionnan innovativo y ta fomenta crecemento inclu-
sivo pa e bienestar di e isla. E anuncio a bin durante un encuentro diadomingo atardi na Casibari Rock Formation den districto di Paradera, caminda Croes a ofrece detaye na tur esunnan cu a bin presencia e momento transcendental aki den historia. Mescos cu famia, amistad y sostenedonan cu a compañ’e, lider di FuTURo a refleha un optimismo contagioso y a afirma di ta cla, no solamente pa e reto di un eleccion adelanta, pero mas ainda, pa guia Aruba den un rumbo mas prometedor pa tur.
“Den FuTURo, nos ta kere cu cada Arubiano merece di biba den un sociedad caminda oportunidad igual y solidaridad ta forma e fundeshi di nos comunidad,” asina Gerlien Croes, lider di partido FuTURo a expresa. “Nos vision ta pa construi un futuro caminda prosperidad y felicidad no ta djis aspiracion, pero realidad pa tur.”
FuTURo su mision ta uno cla: lidera Aruba cu integridad y proposito, sigurando cu e bos di e pueblo ta scucha y nan tin loke nan mester E partido ta busca
pa promove bienestar y oportunidad igual pa tur ciudadano, enfoca riba desaroyo sostenibel, maneho inclusivo y gobernacion transparente. FuTURo su filosofia ta cu trahando hunto, Aruba por alcansa un futuro miho y mas uni. Balornan Principal di FuTURo:
Transparencia: Gobernacion habri y honesto cu ta crea confiansa entre e pueblo y su lidernan.
Union: Trece hende hunto pa traha riba metanan comun na beneficio di tur. Representacion: Sigura cu e bos di cada ciudadano ta scucha y nan interesnan ta representa den e proceso di tuma decision.
Partido FuTURo ta invita tur ciudadano di Aruba pa uni na e rosea nobo di cambio. Hunto, nos por crea un isla caminda e principionan di igualdad, oportunidad y bienestar no ta djis idealnan, pero e realidad di TUR dia pa TUR hende.
Pa mas informacion riba partido FuTURo y su plataforma, por fabor bishita http://www.futuroaruba. com/ of tuma contacto na Contact@futuroaruba.com
Bayendo pa un caso di kiebro y ladronicia den un auto na Kudawecha a topa cu auto di bisiña porta laga habri
Diadomingo mainta a drenta informe di un caso di kiebro y ladronicia den un
auto na Kudawecha, mesora a dirigi un patruya na e sitio. Yegando na e sitio a
bin haya e porta di auto di bisiña laga habri. Ora polis a bay atende cu esun cu a
Lab Volume One
Awetardi Chibi van der Hans a entrega su obra ‘Lab Volume One’ na directora di Biblioteca Nacional Aruba, sra. Astrid Britten.
‘Lab Volume One’ ta un documentacion di e historia di Carnaval di Aruba, den dos tomo. Un di e diferente presentacionnan a tuma lugar den cura di Dept. Arubiana na Bachstraat 5, Cas di e Coleccion Nacional. Ela tuma Chibi van der Hans algun aña pa haci investigacion riba historia di Carnaval y traha riba produccion di e publicacion aki. Un gran parti di su investigacion van der Hans a haci na Dept. Arubiana. Van der Hans ta Diseñador grafico y fotografo y propietario di New Studio Mileneo tres.
yama a bin compronde cu e ladronnan a kibra drenta y horta pertenencianan y
na e bisiña e ladron a djies reboltia den e auto. Ademas polis a logra haya e imagen-
OCA A ELIGI DIRECTIVA
NOBO PA 2024-2027
Diasabra madruga a drenta informe di cu tin un persona cu lo a bay busca problema na un adres na Wayaca, mesora a dirigi un patruya na e sitio.
Na yegada di e patruya nan a detene e sospechoso y a bay warda di polis na Shaba cun'e pa e calma y pensa bon con e mester comporta su mes.
Dia 21 di Augustus, miembronan di Organizacion Caballista Arubano (OCA) a eligi un directiva nobo pa e termino di 2024 pa 2027.
E directiva aki lo tin un tarea grandi su dilanti, ya cu otro aña OCA ta cumpli su di 40 aniversario y e plan ta pa celebra esaki durante henter e aña.
Asina por menciona cu OCA lo tene un exposicion di e movimiento caballista na Aruba, pero tambe ta trahando riba un compilacion di historia oral di cabay y caballista y proximamente lo traha un documentario cu lo ilustra e historia di cabay na Aruba di e tempo pre-colonial te presente.
Banda di esaki OCA tin un Master Plan ambicioso cu
ta cubri henter e funcionamento y movimiento caballista den un forma detaya.
E Master Plan aki a carga aprobacion di e presentenan durante un town hall meeting teni na MFA Paradera, cu a conta cu un grupo masal di caballista.
E directiva nobo ta forma pa Tom Pietersz como president, Anneline Peterson secretario, Brigitte Werleman tesorero, Jemina Martis vice-presidente y comisarionan ta Etline Tromp, Michael de Cuba y Joshua Bello.
E fin di siman aki lo tin un competencia local y dia 25,26 y 27 di October OCA lo tin su Interpaso cu un participacion internacional di cabay, pero tambe jinete y amazona.
P OLIS A DETENE PERSONA CU A BAY BUSCA PROBLEMA NA UN ADRES NA WAYACA
Bin yena bo formulario “Inkomstenbelasting 2023”
na
Centro di Bario Playa Pabao
Playa Pabao – Directiva di Centro di Bario Playa Pabao ta habri su porta pa e habitantenan di Playa Pabao y di Aruba en general cu e siguiente servicio: nos ta bay yuda pa procesa e formulario “inkomstenbelasting” pa e aña 2023 riba dialuna 23 di september, diamars 24 di september y diarason 25 di september di 6.00 pm pa 8.00 pm.
Loke bo mester trece ta:
- E formulario cu bo a ricibi di oficina di impuesto 2023
- Bo cedula of rijbewijs
- Resumen di bo salario di aña 2023 y si bo ta casa di bo casa tambe
- Nomber complete y fecha di nacemento di bo yiunan
- Declaracion di gasto di hypoteca y seguro di bida cu ta cubri e hypoteca
- Declaracion di interes personal y di credit card
- Gasto di medico cu AZV no a cubri pa aña 2023
- Declaracion di e scol cu yiu a bay aña 2023 na Hulanda
Tene cuenta cu nos ta yena un formulario pa persona pues no por bin cu un formulario di un famia, colega of un bisiña y nos ta procesa solamente declaracion personal y no di persona cu tin su propio negoshi.
YEGA CERCA NOS Y NOS LO DUNA BO UN MAN
Cremacion di curpa di un defunto ta prohibi pa Dios Tata
Nos por mira claramente cu den Bijbel e tradicion di Israel, e hudiunan ta dera semper nan curpa morto. Mientras cu den mundo tin pueblonan den creencianan paganismo, den reencarnacion y nan si ta crema y ta kima nan curpa morto. Tin paisnan na mundo no ta permiti cremacion di curpa. Bijbel ta bisa, cu nos curpa ta bira stof manera cu mester ta durante tempo, pero Bijbel no ta bisa, cu nos curpa ta bira shinishi pa medio di kimamento di curpa. Den Bijbel Genesis 3: 19, Dios Tata ta bisa: “Cu sodo di bo frenta lo bo come pan te dia cu bo bolbe den tera, pasobra ta di eynan bo a wordo saka. Pasobra di stof bo ta y di stof bo ta bolbe bira.”
Bijbel Eclesiastes 12: 7 ta bisa: “Bo curpa ta bolbe bira stof, ta bay bek den tera y bo alma ta bay bek na Dios, pasobra ta El ta esun cu a duna b’e.” E tradicion di deramento di curpa, ta wordo demostra den Bijbel Testamento Bieuw y tambe den Testamento Nobo. Lesa loke Bijbel ta bisa den 1 Corinthionan 15: 44, Apostel Pablo ta bisa: “Ta dera un curpa mortal y un curpa spiritual ta lanta for di morto.” Den Bijbel Mateo 27: 59 y 60: “Hose di Arimatea a cohe e curpa di Hesus, a lor’e den un panja nobo di lenen y a pon’e den su mes graf. Tabata un graf nobo cu el a laga coba den baranca.” I tin hopi mas capitulonan den Bijbel cu ta papia di deramento di curpa y no di kimamento di curpa. Pa medio di bautismo, nos curpa ta tempel di Dios Spirito Santo cu ta biba den nos y ta haci nos curpa un instrumento di honor pa Dios Tata. Por mira e curpanan di e Cristiannan y di e Santonan cu
a muri hopi siglonan pasa y nan curpa a keda intacto, incorumpibel pa motibo di nan bida santo. Por ehempel, San Padre Pio, Sta. Bernadette Soubirous, Sta. Cecilia, San Huan Bosco, San Juan Vianney y hopi mas defuntonan cu a muri y nan curpa a keda incorumpibel, den Bijbel e salmo 16: 10 y 11 ta bisa: “Pues Bo no ta entrega mi alma na morto, ni Bo ta laga mi curpa sufri corrupcion. Bo ta mustra mi e caminda di bida, e goso grandi cu ta di mira Bo Cara, delicianan pa eternidad banda di Bo.” Pesey ta con un famia ta laga crema curpa di nan ser stima y mientras cu Cristo-Hesus kier pa curpa di hende keda incorumpibel pa motibo di nan bida Cristian y santo? Cristo-Hesus mes a wordo dera y E’l a lanta Su mesun curpa for di morto, p’esey tur hende Cristian ta kere cu nan deramento den santana ta un testimonio pa e Resureccion cu tin di bini. Nos curpa ta tempel di Spirito Santo y p’esey nos curpa mester wordo trata cu honor y cu respet. Ta con un famia lo bai sinti, cu nan ser stima a pasa pa medio di candela ardiente y a bira shinishi? Na anja 1886, e Santo Oficio di Vaticano a prohibi e cremacion di curpa na e funeralnan. Na
final di siglo 19, tabata tin lantamento y protestanan di hendenan no Catolico na Europa pa promove e cremacion di curpa. E Iglesia Catolico a rechasa e movimientonan aki, pasobra e hendenan aki cu ta defende cremacion, nan tabata rechasa e creencianan Cristian di inmortalidad di alma y nan no tabata kere den e resureccion di curpa. E Codigo di Derecho Canonico di anja 1917, Iglesia Catolico ta prohibi un deramento Cristian, na cualkier persona cu a ordena pa su curpa wordo crema. Na anja 1963 Vaticano a cuminsa permiti cremacion di curpa, solamente ora un persona muri den enfermedad di epidemia, na paisnan na unda cu no tin lugar pa dera y na ora di desasternan y guerra. E Codigo di Derecho Canonico actual di anja 1983 den e Canon 1176 ta bisa: “Iglesia Catolico ta conseha su fielnan, pa conserva e piadosa custumbernan di deramento di curpa di e defuntonan.” Awor, ta e famianan ta keda responsabel, si ta dera nan defuntonan manera cu Dios Tata kier of manera e otro creencianan di mundo ta haci. E responsabilidad aki ta keda pa cada un di nos dicidi segun su consenshi.
Seferino Trom
Geoffrey Wever: OSTAD 200 Incubator, un programa duradero
pa empodera start ups y scale ups
Tabata un honor y placer pa Sr. Geoffrey Wever, Minister di Asuntonan Economico, pa duna un discurso durante e inicio di e O'STAD200 Incubator cual a tuma luga diasabra ultimo. Durante su presentacion, Minister Wever a pone enfasis riba e trabou, vision y oportunidadnan cu e ministerio di asuntonan economico ta dedica na dje den colaboracion cu sector priva, pa asina logra mas innovacion y progreso pa Aruba. Minister Wever a expresa su gratitud na tur e stakeholders, organisadornan y participantenan, mencionando cu solo cu determinacion y cooperacion ta posibel pa logra un cambio real.
E O'STAD200 Incubator ta un plataforma duradero di desaroyo empresarial, cu ta un paso clave pa start-ups y scale-ups den nos comunidad. Cu tayeran di guia y oportunidadnan pa gana
premio, e incubator aki ta enfoca riba busca solucion pa retonan specifico den mercado, door di evalua cada idea empresarial y den caso cu ta presenta un solucion real, cu esaki por ser ehecuta.
Den reunion reciente hunto cu e team organisador di O'STAD200 Incubator, Minister Wever a topa cu varios di e oradornan internacional cu a participa den e summit titula "Scaling up our Future." Aki a discuti e vision comun pa avansa e sector di Fintech y Inteligencia Artificial den nos economia, cu enfoke special riba con e programanan aki ta stimula crecemento economico y desaroyo tecnologico.
E "O'STAD200 Incubator Summit" cu a tuma luga diasabra ultimo, tabata un evento di un dia completo, caminda oradornan local y internacional a comparti
informacion valioso riba temanan importante manera Automatisacion Empresarial, Seguridad Cibernetico, Fintech, Machine Learning, y Inteligencia Artificial.
Minister Wever ta enfatisa cu den su maneho, nan a dedica pa empodera tanto e empresarionan actual como esnan futuro, pa e sector empresarial sigui crece y contribui na un Aruba mas prospero. "Nos ta spera cu esaki ta solamente un inicio di un dialogo continuo pa mas progreso y inovacion."
FORTALEZA PA FAMIA
Scirbi
pa Pastor Marcel Balootje. DOMINIO
PROPIO
TA SUMAMENTE
NECESARIO DEN NOS BIDA
Dominio propio ta un fruta di Spirito santo,( Efesios 5:22-24). lamentablemente. Pa falta di e conocemento di e palabra di Dios, hopi hende no tin dominio propio, y sin nos nota, falta di dominio propio ta un di e actornan cu ta causa problema grandi den nos sociedad.
Dominio propio ta serca Dios so nos por hañe, pasobra e ta bini di Dios, e no ta algo material, e ta algo Spiritual, cu Dios ta pone den un persona pa asina controla su mente y evita tur tipo di bagamunderia carnal.
Sin Dominio Propio , Rabia , Furia, Frustacion, amargura, pleito , deseonan carnal y pasionan for di control ta manifesta den nos bida.
Hopi biaha pa falta di Dominio Propio hende ta comporta nan mes manera animal.
Hacimento di redo ta falta di dominio propio riba nos lenga.
Adulterio y fornicacion ta falta di dominio propio riba nos bida sexual.
Pleito y bringamento ta falta di dominio propio riba nos comportacion.
Stress y depresion hopi biaha ta falta di dominio propio mentalmente y nos ta pone demasiado carga pa nos mes y treciendo nos salud mental na peliger. (Mateo 11:28).
Cuanto mama y tata soltero no ta cana rond pa falta di dominio propio?
Cuanto hende no ta den
prison pa falta di dominio propio?.
Cuanto hende no ta malo den hospital pa falta di dominio propio?
Cuanto hende no ta den adiccion di alcohol y droga pa falta di dominio propio.
Cuanto hende ta hiba un maneho financiero malo den nan bida pa falta di dominio propio?
Cuanto no ta soporta abuso pa falta di dominio propio?
Sin e presencia di Cristo Hesus den nos bida, nos no tin e Spirito Santo cual ta guia nos na dominio propio.
Y hopi no kier reconoce e berdad y ta keda baila entre bon y malo, y no kier entrega nan bida na Cristo Hesus.
Hende hopi biaha ta hopi bon studia , pero no tin dominio propio pasobra esey bo no ta haña na universidad. Pero mescos cu sabiduria berdadero e ta bini directamente di Dios.
Hende obediente y humilde, hende cu tin temor di Dios, ta hende cu tin dominio propio, cual nan a ricibi di Dios.
Hopi biaha hende ta broma malo, cu nan ta cla pa pleita, zundra y bringa, pero nan no sa cu ta pasobra nan no tin dominio propio nan no tin pas den nan curason.
Un hende su lenga por hinke den masha problema si e no tin dominio propio y ta papia tur cos y pone hende perde confiansa den dje.
Hopi amistad a wordo per-
di pa falta di dominio propio, y hasta matrimonio ta wordo kibra pa falta di dominio propio.
Pesey e palabra di Dios ta siña nos: Asina manera esnan cu a wordo scohi di Dios, santo y stima,bisti un curason di compasion,cariño y humildad,mansedumbre y pasenshi.
Boso soporta otro y pordona otro , si un di boso tin un keho contra otro,mescos cu Señor a pordona boso,asina boso tambe mester haci.( Colosensenan 3:12-13).
Hopi hende cu bon posicion a perde nan trabao y nan integridad pa falta di Dominio Propio. Hobennan ta perde nan estudio y nan libertad pa falta di dominio propio.
Pesey , poniendo un banda tur sushedad,y tur loke ta keda di maldad,den humildad ricibi e palabra, cu a wordo planta den boso, cual por salba boso almanan. ( Santiago 1:21).
Ken entre boso ta sabi y huicioso? Laga e mustra door di su bon conducta, su obranan den suavidad y sabiduria.(Santiago 3:13).
Dominio Propio ta stabilisa nos bida, den Senjor.
Sinceramente Pastor Marcel Balootje.
Un dia fructifero y cu nos bon Dios tene misericordia cu cada un di nos
"Esun cu tin horea, tende!" ( Mateo 13,43) Hesus ta splica e parabola di e yerba shimaron. Hesus ta sembra e bon simia den e cunucu cu ta e mundo.
E bon simia ta e hendenan cu ta pertenece na e reino y e yerba shimaron ta esnan cu ta pertenece na e malvado. Anto e enemigo cu ta sembra nan ta diabel.
E cosecha ta e fin di tempo y esnan cu cosecha ta e angelnan. Asina na momento di nos Bautismo Hesus ta sembra e simia di fe den nos curason.
Esey a sosode cu mayoria di nos na baby y despues pocopoco nos a ricibi e Sacramentonan pa yuda nos crece den fe.
Y segun nos ta creciendo nos ta forma nos caracter y Dios a laga nos liber pa dicidi cual caminda nos ta scoge. Si nos scoge pa Hesus, E mes lo bin yuda y salba nos apesar cu e malvado ta busca pa gara nos den su trampa.
P’esey laga nos habri e horea di nos curason y tende y biba prepara y no laga niun oportunidad pa e malvado penetra den nos bida of bida di nos sernan keri y asina na fin di tempo nos lo tin victoria y cosecha e bida eterno.
Oracion:
Tata celestial duna nos e gracia pa bisa si na bondad y no na tur maldad pa nos por pertenece na bo reino. Amen
