PROME BIAHA DEN HISTORIA ARUBA
LO TA E ANFITRION DI CAMPEONATO MUNDIAL DI DOMINO
Dia 26 di september 2024, campeonato mundial lo inicia y ta conta cu alrededor di 500 participante.
: Recientemente, Minister di Enseñansa y Deporte Endy Croes a reuni cu e directiva di Aruba Domino Bond, en conexion cu campeonato mundial cu lo tuma luga otro luna aki na Aruba. E directiva internacional di Domino tabata na Aruba aña pasa y a reuni cu Aruba Domino Bond y e mandatario di Deporte. Nan ta preparando un campeonato mundial, unda ya 400 hungado di diferente pais a confirma
nan participacion.
Aruba lo tin rond di 100 hungado participando den campeonato aki, pues un total di 500 participante.
E campeonato mundial aki tin su reglanan stricto y ta creciendo mundialmente.
Aña pasa el a tuma luga den e prestigioso ballroom na Las Vegas.
Minister Endy Croes a indica cu e ta contento cu Aruba ta e afitrion di e campeonato e aña aki. E mandatario di Deporte ta keda den comunicacion cu Aruba Domino Bond. Gobierno di Aruba, SSA, Lotto pa Deporte y ATA hunto ta sostene Aruba Domino Bond pa e magno evento aki cu lo tuma luga prome biaha den historia na Aruba, dia 26 di september 2024.
BCA TA LANSA ENCUESTA TOCANTE SIgURIDAD DI ALIMENTO
Siguridad di alimento ta referi na un situacion den cual tur persona, na tur momento, tin acceso fisico, social y economico na suficiente cuminda sano y nutritivo cu ta satisface nan necesidadnan di dieta y nan preferencia di cuminda pa por biba un bida activo y sano. Siguridad di alimento ta importante. E por conduci na miho salud, empodera hende muhe, promove stabilidad economico y reduci problemanan
climatologico.
Pa por compronde e estado di siguridad di alimento na Aruba miho, Banco Central di Aruba (BCA) lo tene un encuesta digital tocante siguridad di alimento durante e periodo di 16 di augustus 2024 te cu 16 di september 2024. E meta di e encuesta aki ta pa midi con ta experencia siguridad di alimento na Aruba. E data obteni lo duna BCA informacion tocante e estado di
siguridad di alimento na Aruba y haci posibel cu BCA por recomenda maneho riba e topico. BCA ta enfatisa cu e encuesta ta totalmente anonimo y ta garantisa cu lo trata tur informacion obteni confidencialmente y uza nan solamente pa metanan estadistico y pa maneho.
BCA ta invita comunidad pa participa na e encuesta aki. Si tin cualkier pregunta ariba e topico
aki, por tuma contaco cu Sra. Lorraine Tromp, Senior Economist na Research Department di BCA, na (297) 525-2121 of via email na l.e.m.tromp@ cbaruba.org.
Banco Central di Aruba
19 di augustus 2024
Cabesante a confirma: NiNguN mucha a wordo maNda cas Na colegio BoN BiNi
Radio Rochela di instigacion ta sigui..
Recientemente a ser bisa cu algun mucha a wordo manda cas, pasobra cu nan no a paga scol. Un medio di comunicacion di AVP kier a haci fiesta cu e noticia. Nan a dedica basta minuut ta insitiga, te ora cu nan mes a entrevista e cabesante di scol, unda e cabesante a bisa cu ningun mucha a wordo manda cas.
Pues tur cos tabata un setup di e medio di comunicacion di AVP, cu nada mas kier haci fanfaria y purba na lansa tur sorto di critica. E entrevista cu e cabesante a dal nan duro, ora cu e cabesante a bisa cu ningun mucha a wordo manda cas.
Ta tristo con e medio di AVP kier usa hasta mucha pa nan saca nan gal di odio riba Gobierno y riba Minister Endy Croes. Nan a haci un cantidad di fanfaria, boletin extra, papia palabranan masha mahos, pa despues di un rato, nan mes mester a rectifica nan storia falso.
Little League World Series
Aruha ta topa Venezuela diamars 1'or merdia
Williamsport, Pennsylvania - Aruba, representando e Región di Caribe, a logra un victoria contundente contra Australia cu un marcador di 11-0 dilanti di 4 inning, eliminando Australia for di e World Series di Little Leafue.
E partido tabata suspendí
den e segundo inning domingo anochi pa motibo di mal tiempo, unda cu Aruba tabata liderando 3-0 na e momento ey.
Aruba a termina e partido dilanti di un batazo fuerte di Arnold Martha, un doblete na left-center field.
Martha tabata e pitcher principal pa Aruba tambe,
cu cinco strikeouts den 2 2/3 inning. Nishant Toledo a brilla den e partido tambe, a bai 2 pa 2 cu un home run. Aruba ta duna un bon demonstracion den e torneo y a mustra cu nan ta un forsa pa tene na cuenta cune den e World Series di Little League.
Yiu Burachi a Yega cas Y kier a BriNga cu
tata Y mama pa sali cu Brommer
Dialuna madruga a drenta informe di cu na Primavera un motociclista lo a yega cas burachi y kier a bringa cu su tata y mam pa lag'e sali cu brommer, mesora a dirigi patruyanan na e
sitio. Na caminda pa e sitio a hay'e den cercania y a para papia cun'e di e peliger cu ta existi coriendo brommer bao influencia y a hala su atencion pa cu e intento di bringa cu su mayornan.
MINISTER ENDY CROES A REUNI CU
SR. CHRISTOPHER HANSEN MANAGER
DI E COMPANIA MUSCO
Pronto Musco ta na Aruba pa duna conseho y oferta pa e canchanan deportivo.
Durante e biahe di trabou na Williamsport, Minister Endy Croes tabatin diferente reunion planifica cu diferente stakeholder. E prome reunion tabata cu Sr. Christopher Hansen, kende ta manager di
Musco pa e region Centro America & Caribe. Musco ta un compania di luz renombra cu a wordo estableci na aña 1976 y ta activo na diferente pais na Europa y rond mundo.
E compania tin tur tipo di luz, entre otro pa stadion di futbol, baseball, softball, futbol Mericano y cricket. Na Merca casi tur facilidad deportivo ta haci uzo di e sistema di luz di Musco. Tambe nan ta fabrica tur tipo di poste di luz di calidad y nan tin un amplio experticio den calidad di luz y ta calcula cuanto lux e veld tin mester. Musco ta un partner crucial di Williamsport Little League World Series, pues nan ta maneha tur veld di little league internacional.
E mandatario di Deporte a reuni cu Sr. Hansen, unda cu a delinea e trabou.
Pronto Musco lo ta na Aruba pa duna conseho y oferta. “No tin nada concreto ainda, pero lo haci uzo di nan experticio pa ricibi mas conseho y oferta pa e canchanan deportivo na Aruba. E trabounan ta continua na bienestar di deporte en general” Minister Endy Croes a finalisa.
DAMA HERIDA; DESPUES DI CAY CU ElECTRIC SCOOTER ARIbA AvE.
NElSON O.ODUbER
Avenida Nelson O.Oduber - Diadomingo anochi pa mas o menos 7'or polis y ambulance a bay ariba e Avenida aki, e parti cu ta bay pazuid.
Informacion preliminar a papia cu un persona lo a cay di brommer.
Na yegada di polis y ambulance casi mes un momento a tuma nota cu tawata trata di electric scooter y no un brommer.
E persona herida tawata un dama hoben, cu a cay basta duro dilanti un Hyundai. Chauffeur di e vehiculo lo a reacciona mesora pa no dal e dama.
Segun nos a compronde e dama lo tawata den un
grupo di famia coriendo ariba e caminda aki, locual cu ta algo sumamente peligroso.
Polis di trafico a yega pa tuma datos. Paramediconan mester a transporta e dama pa Hospitaal, debi cu den e caida probablemente e la fractura su kaak.
Prome Minister Evelyn Wever-Croes:
PROME MINISTER A REUNI CU
REPRESENTANTENAN DI ATIA
- Dialuna mainta, Prome Minister Evelyn Wever-Croes a reuni cu ATIA pa asina toca puntonan di interes, y/ of preocupacionnan cu por tin di nan banda of di banda di Gobierno di Aruba. Prome Minister a indica cu e reunion a bay bon y cu nan a logra pasa riba varios temanan importante.
Mercado Laboral
Un tema di hopi importancia cu semper ATIA ta trece dilanti ta
e mercado laboral na Aruba, mirando cu sector priva tin hopi necesidad di hende pa traha. Pa cu esaki, a bin cu un taskforce cu ta trahando riba cierto recomendacionnan cu a bin di sector priva y sector publico. Prome Minister a indica cu e ta bayendo den e bon direccion, pero mester mas atencion pasobra e no ta dunando tur e resultandonan desea.
Situacion Financiero
Otro tema importante cu a wordo treci dilanti durante e reunion ta e hecho cu Gobierno a crea espacio financiero y cu tur aña e presupuesto tin un surplus.
Debi na esaki, Gobierno lo aloca tur aña un fondo pa inversionnan publico na Aruba. Esakinan ta inversionnan cu Gobierno di Aruba ta paga, y esaki hunto cu sector priva, lo mester amplia e
capacidadnan cada biaha mas, pa e proyectonan aki wordo ehecuta door di sector priva.
Relacion cu Hulanda
Tambe a bin dilanti e tema di e relacion cu Hulanda, diferente aspecto di e landspakket, y e bishita di Secretario di Estado nobo señor Zsolt Szabò, cu a reuni cu Prome Minister riba varios tema importante.
Otro temanan relevante
Durante e reunion a intercambia ideanan riba e tema di digitalisacion, e proyecto di eGovernment y e preocupacionnan cu ATIA tin pa cu e avanse, of falta di avanse den e trabounan di Directie Infrastructuur en Planning (DIP).
Prome Minister a expresa cu e reunion tabata uno positivo na unda Gobierno di Aruba y representantenan di ATIA por a comparti tur nan preocupacionnan. Tambe a haci varios palabracion pa e siguiente tempo padilanti.
Nan mes a inventa e storia
PATRICk y SPEED kIER USA MUChA PA ATACA gObERNANTE
Colegio Bon Bini a desmente nan fake news
Ta sumamente di lamenta ora cu Patrick kier usa muchanan, pa su atakenan politico contra gobernante.
E intencion ta pa lanta odio y lansa critica y ataka gobernante.
Nada contra cu nan kier ataka gobernante tur dia,
pero no hasiele via mucha, y cu storia falso.
Danki Dios cu e cabesante di Colegio Bon Bini a desmenti nan noticia. Nan a keda boca yen di djente. Nan a ataka, cu furia, Papiando un cantidad di groceria, pa na final, nan mes pidi disculpa, cu nan a ganja riba Colegio Bon Bini.
Prome Minister Evelyn Wever-Croes:
PA MAS DI 33 MIL HENDE HAYA UN
AUMENTO DI ENTRADA, GOBIERNO A PONE 33 MIYON FLORIN DISPONIBEL PA
AÑA 2024 Y 105 MIYON PA AÑA 2025
Prome Minister Evelyn Wever-Croes a indica durante e Conferencia di Prensa di Gobierno di Aruba siman pasa cu ya pa mas di un aña, Gobierno di Aruba ta indicando riba e importancia di pone finansas publico di Aruba na orden pa asina por crea espacio financiero y pa cuminsa duna alivio
financiero na comunidad.
Prome Minister a declara cu awor Aruba ta bibando un bon momento y ta progresando y pa di dos biaha consecutivo tin un surplus den e presupuesto. Tur esaki ta haci cu awor Gobierno por a cuminsa duna bek na e ciudadanonan y ta bin
haciendo esaki desde luna di juli.
33.000 persona den comunidad a haya aumento
Prome Minister a indica cu un total 33.000 persona a haya un aumento di entrada; E empleado publico y di DPS a haya e prome parti di nan merecido indexering. Tambe a subi e reparatietoeslag di pensionadonan di SVB y empleadonan di sector priva cu ta gana un salario te 2500fl. Y tambe esnan cu ta haya gehandicapten uitkering y trahadonan di
fundacion a haya aumento.
Recapitulacion di e total
“En total Gobierno di Aruba a pone disponibel 33 miyon florin pa aña 2024 y pa aña 2025 e inversion lo ta 105 miyon florin. Cu esaki mas di 33 mil hende a haya un
aumento di entrada, y asina nos por duna e alivio den nan situacion financiero y yuda cada ciudadano cu e poder di compra. Nos no a realisa tur nos metanan ainda, pero nos ta logrando si”, Prome Minister a expresa.
CANDELA DI CAMBER NA CAS
CONOCI PA POLIS
Tanki LeendertDiadomingo algo prome cu mey anochi brandweer y polis a sali pa un camber na candela.
Tawata un adres conoci pa polis tambe, unda cu lo tin un persona cu segun polis tin problema mental.
Na yegada e persona aki conoci pa polis tawata pafo, a pidi ambulance debi cu e homber aparentemente lo a inhala huma y tambe parse e lo ta hartpatiënt.
Brandweer cu a yega mesora a bay unda e holor di huma tawata sali, pero no por a mira cu tawata tin candela. Posiblemente coriente di e cas lo por a hunda un rol cu un posibel kortsluiting.
Ambulance tambe a presenta pa controla e homber.
Elmar a yega y a opta pa kita coriente di e adres, pa evita mas problema.
Pues coriente di e cas lo mester wordo revisa, mirando cu ta trata di un cas bieu y cu poco mantencion.
Minister Endy Croes: PRONTO PUEBLO DI ARUBA POR
PRESENCIA E CAREDANAN DI DRAG RACE RIBA UN PISTA ACREDITA NA STANDARD
INTERNACIONAL
Internacional Raceway Park Palomarga pronto lo keda inaugura.
Recientemente, Minister Endy Croes a reuni cu e miembronan di directiva di Arubaanse Bond van Motorsports (ABM), kendenan ta atende cu Palomarga. Durante e encuentro, a trata diferente punto cu ta pendiente pa asina finalisa cu e proyecto di renobacion di e pista di Palomarga den su totalidad.
Tambe directiva di ABM a presenta diferente fecha cu wordo aporba pa careda
di drag race por tuma luga. Minister Endy Croes a indica cu e ekiponan cu falta pa finalisa cu e trabou, esta “compound” e pista ta na caminda pa Aruba. Ta premira cu e ekiponan lo ta Aruba fin di luna di augustus y asina por cuminsa programa careda na Palomarga. “Nos ta contento di por a reuni cu e tres miembronan di ABM, kende a duna informacion di e ultimo desaroyo na Palomarga.
Nos a duna nos aporte, sosten y guia pa e proyecto aki por wordo finalisa den su totalidad. Pueblo
di Aruba por disfruta di careda di drag race riba un pista acredita na standard internacional, alabes e
miho pista di Caribe”, Minister Endy Croes a conclui.
PAREhA DI TURISTA hULANDES EUROPEO TABATA PLEITA DEN AUTO y
NAN A DRENTA mONDI NA PALm BEACh
Diasabra anochi laat a drenta informe di un incidente na Palm Beach, mesora a dirigi un patruya na e sitio. Na yegada di e patruya a bin compronde cu aki ta trata di un incidente unda un pareha hulandes europeo tabata pleita den auto y a perde control drenta den mondi. E homber hulandes a bisa di a haya un herida na su pia y a pidi un ambulans p'e ya cu e ta diabetico.
Na yegada di e ambulans e no tabata desea e ambulans mas pasobra e no kier paga, ademas e personal di ambulans a nota cu ta djies un blaar chikito e tabata tin bao su pia. Polis a palabra cu e pareha cu e homber ta sinta patras y e dama ta stuur e auto bay na e hotel unda nan ta keda. Polis tambe a bay na e hotel y a papia cu e security pa si acaso nan bolbe pleita pa yama nan mesora.
Cooperacion entre HOH cu UMC Utrecht fructifero
IntercambIo dI conocemento entre pedIatra dI Hulanda y aruba
Aña pasa, den luna di october, Horacio Oduber Hospital (HOH) a firma un acuerdo oficialmente cu Wilhelmina Kinderziekenhuis (WKZ) cu e meta primordial pa intercambia conocemento y experiencia riba tereno di cuido di mucha. Ya caba por mira e frutonan di e intercambio aki danki na e biaha aki presencia di pediatra Jansen di UMC Utrecht cu a bin Aruba pa asisti e team di pediatra cu muchanan cu tin mester di atencion special riba tereno di reumatologia y inmunologia.
Intercambio di conocemento
Dr. Marc Jansen, Pediatra inmunologo-reumatologo di UMC Utrecht, tin alrededor di 4 luna aki na Aruba unda e ta asisti e team di pediatra na HOH. Ela bin Aruba debi na e colaboracion cu tin cu Wilhelmina
Kinderziekenhuis na Utrecht. Dokter Jansen a expresa cu su experiencia aki na Aruba ta uno masha ameno y cu e ta sinti su mes hopi bon bini. E pediatranan di ambos hospital por siña di otro mirando cu cada ken tin diferente conocemento y
Diadomingo madruga a drenta informe di cu lo por bay tin un pelea na e hotzone banda di e highrise hotelnan, mesora a dirigi patruya.
Un otro informe a drenta cu lo por tin arma di candela envolvi. E patruyanan a reuni y a baha riba un grupo sospechoso. Polis no a haya nan ta bringa pero asina mes polis a papia cu nan y a rista den e autonan cu cooperacion di e hendenan pero no a bin haya nada particular pero asina mes polis a bisa nan pa bay trankilo.
experiencia.
Aki na Aruba ela logra mira mucha cu problema inmunologico of di reuma cu normalmente ta wordo atendi pa pediatra local Louise Rafael-Croes. Ambos dokter a traha hunto y a mira tur pashent durante e consultanan. E beneficio di t’ey presente na Aruba ta cu si algun problema presenta den futuro, dokter Jansen conoce cada caso di cerca awo y por atende cu e pashentnan for di Hulanda mes hunto cu e pediatra di Aruba dunando asina un miho tratamento ainda y eleva calidad di cuido di mucha na Aruba.
Crea base solido
Pediatra dr. Louise RafaelCroes a comenta cu e acuerdo entre HOH cu UMC Utrecht ta encera traha hunto pa e siguiente tres añanan y eleva conocemente. Durante e añanan aki cada tres pa
cuater luna un specialista di mucha lo bini Aruba for di Utrecht. E idea tras di esaki ta cu nan lo trece tur nan experiencia for di Hulanda, p’asina Aruba por tin un base mas solido y amplio pa atende cu e pashentnan cu tin mester atencion specialisa. Esaki ta brinda apoyo enormemente den loke ta nos esfuerso pa logra yega na cuido di mucha amplio y di calidad na Aruba mirando cu te awo ta cuater pediatra tin na Aruba. E intercambio di pediatra aki ta nifica cu e pediatranan di HOH lo bay Hulanda tambe pa
haya mas conocemento y profundisa nan mes den nan area di experticio.
Dr. Rafael-Croes a expresa cu e mes lo bay e poli di dokter Jansen na Hulanda unda cu e tambe lo traha cu dr. Jansen eynan y alabes atende su consultanan na Hulanda pa amplia su conocemento. Ademas, lo mira si ta necesario pa implementa cierto cambionan aki na Aruba na beneficio di pashent. Meta ta un futuro unda nos muchanan ta saludabel y contento den nos Hospitalnan.
Prome Minister Evelyn Wever-Croes:
EVENTO DI PROYECTO PODER DI HUBENTUD 2024 TABATA UN GRAN INSPIRACION
"Nos como adulto tey pa scucha boso pa asina nos por traha na realisa cada un di boso soñonan"
Diabierna ultimo na The Venue tuma luga e "Awards Night" pa e miho proyecto di Poder di Hubentud 2024 cu ta celebrando nan di 10 aniversario. Pa cu e proyecto aki, tabata tin un total di 57 hoben nomina di cual varios di nan a cumpli cu 6 siman di seminario pa por yega na nan propio proyecto. E proyecto cu e hobennan aki mester a bin cu ne, mester ta algo innovativo pa comunidad, y e proyecto ganado lo wordo subsidia pa ATHA
pa asina e por wordo realisa.
Prome Minister Evelyn Wever-Croes tabata presente na e evento aki, na unda el a dirigi un discurso inspirativo na e tur e hobennan presente. El a expresa cu semper ta wordo bisa, cu nos hobennan ta e futuro di pais Aruba, y p’esey como adulto, nos mester traha cu e pensamento pa logra tur locual ta den nan miho beneficio.
Prome Minister a indica cu e proyecto aki ta demostra e poder, deseo y inspiracion di cada un di e hobennan presente, y ta importante pa tene cada un na cuenta. Tambe, e mandatario a expresa cu usualmente e ta wordo pidi pa duna un discurso y palabranan di inspiracion, pero na e evento aki, ta su persona a wordo inspira pa tur e hobennan cu a traha asina duro haciendo trabounan comunitario, yudando e comunidad y esnan mas vulnerabel, pa logra finalisa nan proyecto.
E ganado di e proyecto di Poder di Hubentud 2024 tabata den persona di e hoben Renderly Trimon, cu a bin cu e proyecto "Separa y Recicla". E hoben aki, hunto cu 15 hoben mas mester a presenta su proyecto dilanti e huradonan presente, pa asina logra yega na e titulo maximo.
"Un danki di curason na e ekipo dinamico di ATHA pa organisa e evento aki, y sigur un danki na e coordinador incansabel cu tur dia tabata corda mi persona pa no lubida di atende e evento aki.
E fruto di boso trabou a ser demostra durante e anochi espectacular aki. Tambe mi ta gradici tur e hobennan participante, pa a tuma e reto y demostra nan poder di hubentud.
Nos como adulto t’ey pa scucha boso, pa asina nos por traha na realisa cada un di boso soñonan. Masha danki y hopi exito", Prome Minister a termina bisando.
Venezuela, Chavismo a gana eleccion, oposicion ta grita fraude
Despues cu na 1998, Chaves grandiosamente a gana eleccion pa presidente, semper tabatin problema. A cuminsa na april 2002 cu e Golpi di estado, Carmona e presidente di Camara di Comercio na Venezuela a ser proclama como presidente di Venezuela, su duracion, 2 dia. Merca mesora a reconoce Carmona como presidente di Venezuela. MIlitarnan afilia na e partidonan di oposicion a tuma Presidente Chaves como rehen y preso.
Manifestacionnan masal di Pueblo, miyones di Venezolano a subi caya, exigiendo libertad di nan lider, Hugo Chaves. Mi ta corda con ariba e diadomingo anochi lat, Chaves ta yega Miraflores, despues di tabata dos dia y mei secuestra.
Cada eleccion cu Chavismo a gana despues, tabatin, prome e grito di fraude y despues bochincha, Guarimba, kimamento di edificionan, etc. Loke ta pasa ta, cu Merca ta cu oposicion, cu semper a grita pa privatisa e industria Petrolera y tur loke tin balor na Venezuela. Merca sigur kier su petroli barata for di Venezuela. Despues cu Chaves a muri, Obama, 8 maart 2015 a saca un Orden Ejecutiva nr 13692 ariba Venezuela cu blokeo de biennan y otro medidanan, bisando den e statement fuerte cu Venezuela ta un peliger pa seguridad nacional di Merca, sin duna motibunan.
Con un pais sin poder militar y economico ta menasa e pais mas poderoso na mundo militarmente y economicamente e tempo ey? Pero e tabata inicio di un plan pa sanciona y di boycot contra Venezuela. E meta eytras ta pa gara e petroli Venezolano.
E medida aki tabata un siñal pa cuminsa cu bochincha y guarimbanan, unda hasta opositornan a basha gasolin ariba un hoben Chavista y kimele bibu.
Maduro na 2018 a gana eleccion, oposicion no a presenta candidato pa eleccion, pero toch nan a grita fraude.
Creacion di e proyecto Mericano cu yama Guaido, UN FRAUDE GRANDISIMO.
Guaido, sin a bay eleccion, sin pueblo a vota p’e, a yama 100 pa 200 manifestante ariba un plasa, pa nan bati man ora Guaido ta auto-proclama su mes como Presidente di Venezuela. Mesora, 2 pa 4 minut despues, Trump ,como presidente di Merca, conoci pa hopi na mundo como un loco, a reconoce Guaido como presidente di Venezuela. Tur e paisnan di UE (Union Europeo) y e paisnan cu
gobierno derechista na LA, como bon lacayo di Merca, a haci mescos. Mi ta sigur cu hopi di esnan cu awe ta grita FRAUDE na Aruba y na hopi parti di mundo na 2019, tur a bati man y apoya e fraude grandi cu yama Guaido.
Loke Guaido a haci, tambe e apoyo di Trump, di Paisnan di UE y di LA, ESEY TA FRAUDE, ademas un locura y decadencia politico. Ta bon pa uza, pa esnan cu a APOYA Guaido, e conocido palabranan na papiamento “BIN BIJ=PENSA=BIRA CONCIENTE”.
!!Con un persona cu no a bay eleccion, ni pueblo a vota pe, ta ricibi apoyo y aplauso na granel, despues cu e mes ta auto-proclama su mes como presidente di VENEZUELA!! NO POR.
E grupo di Guaido a para e proyecto di Refinaderia na Aruba, perhudicando Aruba.
Trump a duna e gang rond di Guaido, e compania CITGO na Merca, cual ta un sucursal di PDVSA y e gang a horta tur e ganashinan for di final di 2018 pa awe, como 4 biyon pa aña. No tabatin placa mas pa e refinaderia na Aruba. Nos por corda con e hendenan rond di Guaido a bisa nos Prome-Ministro na 2020 cu nan a “ Wind-down" e proyecto di CITGO na Aruba. Pues lubida e refinaderia na Aruba y tambe e 350 mil dolar pa inverti. Por bisa tambe un conclusion tristo, “hopi hende na Aruba kendenan a apoya Guaido, a yuda perhudica Aruba”.
Tambe Merca a haci e situacion mas severo na Venezuela cu su sancionnan y boycot contra Venezuela. Venezuela su entrada for di Petroli a baha cu 99%. E cantidad di sancionnan contra Venezuela a yega banda di 940.
Venezuela no por bende nada, ni por cumpra algo den mundo occidente. Si un pais o un compania bende algo cu Venezuela o cumpra algo di Venezuela, e ta wodo sanciona severamente. Tur placanan di Venezuela y oronan deposita na banconan di Merca y UE a ser confisca. Esaki sigur ta totalisa na mas cu binti biyon dolar. Pues Venezuela no por dispone di su rikesanan y no por a bende su petroli mas. Su entradanan di Petroli a baha cu 99%.
Nos no mester lubida cu tur esakinan a causa un desaster na Venezuela, pobresa, no tin trabao, negoshinan a cera, cuido medico a baha na un nivel inhumano, hamber, criminalidad y hopi cosnan malo na Venezuela. E presidentenan derechista di paisnan Latino-Americano, di e ya morto
Grupo di Lima y e representante di Merca, brasa cu Guaido, a haci un yamada na Venezolanonan pa bandona Venezuela y cu nan ta bonbini na nan pais. Como 6 pa 7 miyon Venezolano, a cuminsa cana y bandona nan pais. Hopi cu no ta pensa ta bisa cu e culpa ta serca Gobierno Maduro. Awe den prensa bo ta lesa/tende cu na hopi paisnan na Latino-America y na Merca, imigrantenan Venezolano no ta bonbini mas di acuerdo cu e invitacion haci na 2019. Na mal manera nan ta wordo corri. PIKA!!! Maria Corina Machado y Edmundo Gonzalez tambe tabata rond di Guaido, e tempo ey apoyando su travesuraan. E draaiboek di Fraude di State Department/CIA.
Algun dia prome cu elecion di 28 Juli a leak un documento di State Department/CIA, e draaiboek=plan di accion, pa eleccion na Venezuela 28 juli 2024 y despues. Mark Feierstein, exfuncionario di Departamento de Estado y di Usaid, liga na CIA, conoci pa su accionnan contra Nicaragua y Venezuela, a revela un documento cual ta e guia cu Merca tin planea pa e eleccionnan na Venezuela di dia 28 juli.
Tur loke oposicion su hendenan ta haciendo ta saliendo for di e draaiboek. Venezuela ta actua correctamente, nan no a laga un grupo di derechistanan anti-Chavista, kendenan kier rebiba e Grupo di Lima, drenta Venezuela for di Panama, pasobra nan intencion ta pa bay Venezuela pa canta fraude, ora e resultado sali. E gobierno Chavista a ricibi como 1000 observadornan pa e eleccien, for di paisnan di Africa, di paisnan Latino amigo, di paisnan di mundo Arabe, di otro paisnan Muslim, tambe di e paisnan di Brics.
Tur e accionnan tin su nomber, “Merca kier e petroli Venezolano na prijs di baca flaco”.
Trump por ta un loco, pero tur hende cu por pensa, sa su motibo. MERCA kier e petroli Venezolano pornada o na prijs di baca flaco. Trump a splica esaki na varios ocacion. Ta bon pa recorda declaracionnan for di Merca e temponan ey
Ministro Bolton, e ministro di Seguridad di Merca na 2019 a bisa, despues cu nan a ricibi Guaido “cu tapijt corra” na Merca “E petroli ta den suelo di Venezuela, pero ta Merca ta doño di e Petroli y e companianan Mericano mester bay explore. Mas despues, ora Trump a sakele for di e gobierno di Merca, Bolton a declara cu tur cos tabata cla pa un invasion militar na Venezuela, pero ta Trump a cobardia, no tabata kier esaki.
Trump poco tempo pasa na 2021 a bisa, ora e a baha como presidente di Merca: “Cu e sancionnan contra Venezuela no tin nada di haber cu
derechonan humano, Venezuela tabata serca di colapsa y Merca por a gara tur petroli Venezolano na prijs di baca flaco, pero Biden a bira presidente y e a faya” y awe Merca tin di paga prijsnan halto pa e petroli Venezolano.
Mundo a cambia den comparacion cu 2019/2020, awe nos un mundo multipolar y BRICS.
Tin tur indicacion cu Chavismo ta den un mihor situacion awe, compara cu na 2019/2020.
E mundo unipolar cu Merca/Nato como e poder absoluto militar y economico na Mundo desde 2022, no ta existi mas. Awendia nos tin un mundo multipolar y awe tin dos pais China y India, e dos paisnan cu mas poblacion na mundo, cu e economianan cu mas produccion na Mundo y cual paisnan tin nan economia cu ta creciendo rapidamente. Consecuentemente nan ta hambriente pa PETROLI. Nan ta apoya Sancionnan solamente si e sancionnan tin apoyo di Conseho di Seguridad di UNO. Esunnan di Merca no tin balor pa nan. Tambe awe, nos tin un BRICS, un poder economico creciente y pronto Venezuela ta miembro di BRICS. Otro asunto bon pa menciona ta e hecho cu Merca a dicidi tambe pa sanciona tur equiponan tecnico den e industria petrolero na Venezuela. Venezuela tabata uza tecnologia Mericano y tur equiponan importante tabata ser importa di Merca. E sancionnan ariba e industria Petrolera (refinaderianan y sacamento di Petroli for di e posnan), a dal Venezuela duro y nan a confronta problemanan grandisimo. Cu ayudo di Iran y Rusia a cambia hopi di e tecnologianan Mericano pa esunnan uza na Iran/Rusia y cual cambio a causa un alivia. Awor Venezuela ta bayendo pa produci den algun luna mas cu 1,5 miyon bari di petroli pa dia. Tambe e refinaderianan a surpasa e problemanan di produccion di algun aña atras.
Despues di eleccion di 28 juli. Awe tin un situacion na Venzuela cual ta sosode semper, despues di tur victoria electoral di Chavismo, Na mundo occidente ta bini e cantamento di Fraude y na Venezuela, bochincha, kibramento di cos, kimamento di edificionan, actonan criminal, etc.. Na Venezuela, Polis y militar tin hopi experiencia cu e asuntonan aki y nan sa con pa deal cu e situacion aki. Nan no ta confronta e malhechornan directamente , pero ta uza dronenan cu ta saca videonan di e malhechornan. Pa yuda autoridad e malhechornan mes ta saca video pa mustra nan maldadnan cu nan a comete. Autoridad ta bay busca nan adres y trankilamente, sin buya, despues ta bay cu nan, ta hinca nan den prison, wardando nan huicio y castigo.
Chauffeur a lepia y a bay subi auto riba pilon banda di ex-Breenchie's y a keda pega!
Diadomingo madruga a drenta informe di un accidente na e crusada Irenestraat cu Wilhelminastraat banda di El gaucho, mesora a dirigi un patruya na e sitio.
Na yegada di e patruya a bin compronde cu e chauffeur di e Kia Rio blauw bayendo nort den Irenestraat pa un motibo of otro no a ripara di a yega Wilhelminastraat a bay dal e
pilonnan y subi esaki ademas a keda pega. Despues di basta rato e takelwagen a presenta y cu poco maniobranan a logra kita e auto for di caminda.
Chauffeur pata pata a start auto laga cartera y auto
cendi bay drumi riba "isleta" meymey di crusada!
Diadomingo madruga a drenta informe di cu tin un persona drumi riba e "isleta" dilanti Ban Ban Cafe, mesora a dirigi un patruya na e sitio.
Na yegada di e patruya a
bin encontra cu e persona drumi riba e "isleta" y su auto otro banda cendi y cu cartera den auto habri.
Polis a lante for di soño y a percura pa e yega su cas.
Candidato di AVP, Wendrick Cicilia: Ev E lyn W EvE r-Cro E s no por papia di El ECCion na vE nE zu E la ignorando E balki na a ruba
E candidato hoben di Partido di Pueblo Arubano AVP a califica e expresionnan reciente di Prome Minister Wever-Croes tocante resultado di eleccion presidencial na Venezuela como hipocrita. E ta basa su mes riba e accion cu e mandatario a tuma tres aña pasa cu a permiti un nubia di duda keda riba e proceso electoral na Aruba. Cicilia a expresa su sentimento y di e partido pa solidaridad, convivencia y empatia cu e comunidad Venezolano; no solamente na Venezuela y Aruba, pero rond mundo. Simultaneamente, ta un momento hopi inspirativo pa nos cu tambe ta buscando un cambio; un realidad diferente y posibel solamente si nos uni forsa pa logra e cambio politico cu nos ta desea pa nos pais. “Nos sa cu na 2021, e ultimo eleccion a laga un sabor sumamente amargo atras cerca esunnan den nos comunidad cu ta sinti cu esaki no a wordo conta na e manera corecto. Pa e motibo ey Fraccion di AVP
a presenta cierto cambio di ley electoral na Aruba pa percura cu tin mas transparencia, mientras cu Premier Wever-Croes ta insisti den nenga di acepta e iregularidad cu a sosode,” asina e candidato hoben a comenta. Como hurista, el a aporta na e elaboracion di propuesta pa amienda. Eleccion 2021 tabatin hopi iregularidad; no solamente den conteo, pero tambe reparticion. A nenga reconteo y a kima e stembiljet prome cu proceso legal a termina. Tur esaki a mina e confiansa den e proceso. Awo Wever-Croes kier bisa cu no tabatin proposicion di partido den parlamento pa cambio di e landsverordening kiesverordening. Realidad ta MEP/RAIZ a rechasa e propuesta di AVP pa mayor transparencia, pero e coalicion si a aproba pa partido politico no ricibi mas e kiesregister cu ta e nomber di esunnan cu ta tin derecho di voto. Describiendo e den termino di weganan olimpico, Cicilia ta considera Evelyn Wever-
Croes como un campeon cu medaya di oro den loke ta comparti mentira cu pueblo.
Cicilia a splica cu proceso electoral rond mundo, sea ta Hulanda of Venezuela, ta warda e stembiljeten pa un minimo di tres luna den caso cu presenta un disputa. “Ni Nicolas Maduro na Venezuela a kima e actanan manera Evelyn WeverCroes a haci na Aruba. A kima e stembiljet prome cu hues a duna un veredicto, si por haci reconteo of no. Tur esaki ta aspecto hopi lamentabel y cu mester trece cambio fundamental.” E pura cu tabatin despues di eleccion pa kima e stembilijet ta laga un holo desagradabel den esunnan cu ta participa den e proceso democratico.
Otro amienda cu AVP a presenta tabata pa un reconteo automatico ora cu tin un diferencia chikito entre dos partido. Na 2021, pa apenas 50 voto, e reparticion di asiento y cu esey e destino di e pais por tabata completamente diferente.
Na Merca, por ehempel, 27 di e 48 estado na Merca ta ofrece un reconteo automatico ora tin un diferencia chikito y 43 di nan ora cu tin un peticion di un partido. Esaki, entre otro, ta loke ta garantisa un proceso limpi, transparente y obhetivo.
Cicilia: “Laga loke ta pasando na Venezuela ta un les pa nos; pa na Aruba nos ta vigilante. Pasobra cambio den ley ta fundamental, pero nos participacion activo tambe ta clave. Evelyn Wever-Croes ya caba a canta victoria prome cu tempo, pero mi ta kere cu e comunidad lo ta bay tin un mensahe distinto pa esun-
nan cu ta den e gobierno aki. E resultado ta bay ta asina abrumador, cu Aruba ta bay scoge un rumbo y realidad distinto.”
E propuesta di cambio den kiesverordening ta ilustra e caracter proactivo cu semper AVP tin, esta di bin cu solucion y mehoracion caminda cu ta necesario na bienestar di e ciudadano. Den e caso aki pa tin un sistema electoral transparente. Mescos cu na Venezuela, otro ana Aruba ta bay tin mester di un accion nacional cu lo yama Dia di Victoria pa ta presente na cada mesa di votacion vigilando, protehando e votonan.
Polis a bay na Jan Flemming Pa un muhe bao inFluencia di substancia cu no ta bonbini y cu lo a corta un homber na diFerente Parti!
Diadomingo mainta a drenta informe di cu tin un fiesta unda un muhe cual no ta desea na e sitio.
Na yegada di e patruyanan a haya un muhe completamente fuera di control cu lo a corta un homber cu cortanan di menos importancia pero tabata masha ferfelo, grocero bao influencia di substancia.
Polis a pasa trabao pa detene y controla e muhe aki.
SABIDURIA DEN NOS ALEGRIA
Skirbi pa Ruthy”Lady Ruth” Vrieswijk-Bergen
Nos tanki ta yen di gasolin, hahahahaha, nos speed si no asina lihe mas, pero di curason nos ta sigui inspira tur rond di nos cu nos relatonan, segun e bunita cooperacion den prensa di nos amigonan cu semper ta trese e bon noticianan tambe pa pueblo lector. Lady Ruth ta cuminsa pa gradici prensa pa nan bunita cooperacion den publicacion di noticianan encuanto e actividadnan bunita organisa pa Stichting Rancho bau guia di e dinamico incansabel Clifford Rosa y su team dinamico di voluntario. Cu hopi lus ariba e 200 anja di Oranjestad 1824 -2024 y cu lus tambe riba Anja di conmemoracion di historia di sclavitud, Dia di Tula, Dia di lucha pa libertad y ariba “Land Back”. Nos ta comparti cu Diasabra ultimo a tuma lugar un bunita actividad relaciona cu e temanan aki riba menciona, riba Plaza Nikki Habibe dilanti Djiespies cu un programa interesante. Clifford a habri e anochi cu algun informacion enuanto e plataforma nacional herencia di sclavitud na Aruba. Sigui pa e simpatico, semper inspira cu amor pa nos dushi idioma Papiamento, Dr. Joyce Pereira cu un charla impactante “E lucha di Tula y su importancia pa nos te awe “. Ki clase di libertad nos tin awe. Kico nos a sinja di Tula ? Kico ta
nos derechonan. Ki historia nos ta laga atras etc. Despues e cabayero scientifico cu hopi amor pa su paisanonan y prohimonan indigena, Nigel Maduro, a papia di e tema “Land Back”.di e lucha incansabel pa e pueblo indiginanan hanja nan tera bek, cu tanto anja biba cu coneccion spiritual cu Mama Tera, cuidando y protehando nan tera na unda nan a nace y biba henter nan bida, cu awendia ta wordo rosa sin pensa dos biaha, e danjo causa, pa sigui construi edificionan , cabando asina cu e naturaleza y bida di e pueblonan indigena. Autoridadnan cu ta priminti cu no lo rosa mas mondi pero no ta tene nan mes na nan palabranan di promesa hasi. Nos curason ta hasi dolor pero nan no ta preocupa ni compronde cu nos isla ta chikito y no por carga mas !? Nan cu a bay scol di dos piso ?!. Ki dia ta basta ?! Lady Ruth a hanya e oportunidad di por a recita su poema na
e idioma hulandes tocante sclavitud “ Gelukkig was ik er niet bij”. Contento y bendiciona di no a biba e temponan ey y wak e esclavonan ta traha manera burico y sufri, wordo mal trata pa nan shonnan. Durante e anochi impactante y emocional aki, Grupo di tambu electronico “Macuto Bilongo” a duna nan fantastico presentacion musical di un bunita repertorio cu a cay na agrado di e publico presente. Tawata Lady Ruth su prome experiencia cu Stichting Rancho y asina hanja sa con importante ta nan trabao pa salvaguardia nos herencia. Con grandi ta nan amor pa prohimo y sinti cu esnan cu tawata indirecto of directamente envolvi cu e tempo di esclavitud, tambe aki na Aruba, pero, talbes no asina scur y mahos manera tawata e casonan na nos ruman islanan Corsouw y Boneiro. Awendia cu e.o. traficacion forsa di hende y sclavitud moderno lagando hasta muchanan traha den un of otro fabrica di traha sapa -
to of panja etc. pa masha masha tiki placa mes. E mundo ta ketobay bunita, ta e mente di hendenan malo ta laga pensa como sifuera tur cos ta normal, pasobra e tawata existi semper. Ta pesey mes tin cu traha riba leynan pa caba cu e bagamunderianan aki. Libertad ta un palabra di hopi peso. Ban comporta nos den comunidad, ban respeta otro nan opinion, ban trata otro cu respet.
Cuminsa na cas, despues scol, deporte etc. Nos tur por ta liber cu e amor di Dios den nos cada un. Ta bon pa tin e 10 manda -
mentonan y leynan como guia y les pa nos. Ley pa un, ley pa tur. Lamentablemente no ta tur ta wordo trata igual y hasta no ta wordo castiga pa su fout No ta tur hende por anda cu poder. Cabes ta susha y consenchi ta poni “on hold”. Jammer ! Danki pa a lesa nos relato, awe cu un crenchi di Lady Ruth su sintimentonan encuanto libertad y land back. Pensa y sinti pa boso mes, nos cada un cu nos mesun “sano huicio”. Pasa un bon dia! Nos niun ta perfecto, pero nos por ta hendenan sincero y honesto cu bon trato igual.
Polis a bin topa chauffeur mal benta den auto banda di caminda na Sasakiweg
Diadomingo mainta a drenta informe di cu tin un chauffeur mal benta drumi den un pick-up blauw banda di Sasakiweg, mesora a dirigi un patruya na e sitio.
Na yegada di e patruya a bin haya e chauffeur drumi den e auto. Polis a lanta e chauffeur y a nota cu e no ta den condicion pa core auto. Polis a tuma e yabi auto y
a duna e chauffeur un prohibicion pa core auto algun ora y a bis'e pa e yama un familiar of conosir pa bin busk'e hib'e cas.
Habitante tabata scucha movecion den su cas na Hooiberg Kavel
Feliz dia bendiciona y cu Dios su man santo ta riba cada un di nos
Diadomingo madruga a drenta informe di cu doño ta sinti movecion den su cas na Hooiberg Kavel, mesora a dirigi un patruyanan na e sitio.
Na yegada di e patruyanan nan a rista den full e cas y e unico cos straño cu a mira ta e movecion di un pushi den cercania.
Den e tempo ey Hesus a bisa: ”Tata, Señor di shelo y di tera! Mi ta gradici Bo cu Bo a duna esnan simpel conocemento di e cosnan cu Bo a sconde pa esnan sabi y inteligente.” Mateo 11,25
Ta trata di e reino cu Dios mes a funda y esnan simpel na kende e cosnan aki a keda revela. Hesus ta expresa na un manera indirecto cu E tin un caso unico cu Dios su Tata, p’esey nos ta proclama Dios su sabiduria secreto prome cu mundo a cuminsa. El a traha e plan pa nos tuma parti na su gloria pero e plan ey a keda scondi; ningun di e podernan cu ta domina e mundo aki no tabatin conocemento di e plan ey. Si nan tabata conoc'E nan lo no a crucifica nos Señor di gloria. Pero manera Santa Scritura ta bisa: loke ningun hende no a yega di mira, ni ningun hende no a yega di tende, pues ni ningun hende no por imagina nan, esey Dios a prepara pa esnan cu ta stim’E. Ma nos si Dios a laga conoce su plan secreto pa medio di su Spirito Santo. ( 1 Cor. 2, 7-10)
Dios a laga nos conoce su proposito scondi di acuerdo cu su boluntad, e proposito cu El a dicidi di antemano pa realisa pa medio di Cristo.
Oracion: Dios bondadoso, Abo cu ta scrudiña curasonnan, yuda nos lucha cu nos cruz cu no ta facil, pero cu Cristo nos por tur cos. E so por duna nos e forsa sobrenatural pa enfrenta e lucha aki na tera. Amen.
Lider di Fraccion, mr. Mike Eman
AUMENTO DI 50%
DI PESIOEN
TA UN
COMPROMISO !
Durante un conferencia di prensa, lider di Partido di Pueblo Aruba AVP, mr. Mike Eman a pone den contexto, atrobe, e realidad tristo cu Gabinete Wever-Croes tin e pueblo Arubano pasando aden, specialmente nos grandinan.
“Nos ta bibando momento di hopi urgencia den nos comunidad. Tras di otro ta haya sla y tur dia nos ta bira mas preoucupa di mira cu pobresa den nos pais ta creciendo. Nos ta mira un gobierno cu continuamente ta pone costo di bida aumenta dramaticamente. Tur cos cu nos ciudadano mester pa biba y comparti cu famia a bira mas caro,” Eman a expresa.
E realidad ta cu na 2017, ora gobernacion di AVP a cera, cifranan di CBS ta mustra cu un persona tabatin mester di 2.097 florin pa cubri su necesidad basico. Awendia, despues di casi ocho aña di Gabinete WeverCroes, e cifra ey a bira 2.601 florin; un aumento di casi 500 florin pa luna. Raad van Advies mes ta indica cu esaki ta e diferencia mas grandi cu a yega di mira na Aruba, entre bestaansminimum y e salario minimo. E pensionado soltero cu ta 1.100 florin so e ta haya, Evelyn Wever-Croes tin e curashi di bisa cu ta bay dun’e 30 florin mas, mientras cu a kita 500 florin for di su poder di compra pa luna.
Ora AVP a haci un analisis di kico ta e reto di mas grandi cu Aruba ta enfrenta, por a mira den cada hogar cu a bishita y famia cu a papia cu ne, e dolor di pobresa y perdida di poder di compra ta destaca. P’esey mes a bin cu un programa di 10 punto pa combati costo di bida y duna pueblo un alivio. E plan ey ta inclui un aumento di pensioen di minimo 50%. Y anticipan-
do resistencia di Gabinete Wever-Croes pa cu esaki, a propone pa e fondo no sali di SVB, pero como reparatietoeslag. E punto aki pa nos no ta un promesa, pero un compromiso, mr. Mike Eman a envatisa.
Por mira cu Gabinete Wever-Croes tin 500 miyon florin mas di entrada tur anja compara cu Gabinete Mike Eman. Gabinete Wever Croes a ranca e miyonesnan aki for di saco di pueblo cu medida. Pero ni asina ta dispuesto pa yuda e pueblo. Loke e gobierno actual a haci, ta presiona SVB pa bin dilanti y contradeci e idea di aumento di pensioen. Esaki ta e mesun tipo di resistencia cu Nelson Oduber a duna Henny Eman hopi aña pasa ora AVP kier a redobla pension. Y ta danki na persistencia di Henny Eman e pensioen a worde redobla. Atrobe AVP a prepara pa realisa e aumento pa pensionadonan y nos lo hacie cu un aumento substancial di reparatietoeslag cu ta Sali for di caha di gobierno y no di SVB.
E aumento aki cu por lo menos 600 pa 800 florin pa luna lo conta tambe pa esnan cu un salario minimo te cu esnan cu Afl. 3500,==. E “grens” tabata Afl. 2500,== tempo cu nos a introduci reparatietoeslag, pero cos a bira hopi caro y esnan te cu 3500 tambe ta pasando dificil, pesey e reparatietoeslag den un “gliding scale” lo conta pa nan tambe. Esan cu ta promer den tabel ta haya 100% toeslag y esnan cu entrada mas halto lo haya 50%.
E reparatietoeslag cu AVP tin den su punto lo ta entre 600 pa 800 florin y esaki lo bin pa cada pensionado 100% y empleado dentro di e sacala menciona, Eman ta envatisa.
Laga tur loke ta sperami ta bunita, Laga tur loke cu mi encontra na caminda ta bunita Laga tur locual cu mi a laga atras keda bunita.
Netherlands Antilles & Aruba Assurance Company N.V. Cu inmenso tristesa na nos curazon, pero conforme cu boluntad di Dios.
Nos ta participa fayecimento di:
Sra. Rosita Koolman Kock
Na bida, yiu di nos colega Beata “Bea” Croes
Staff y Personnel di Citizens Insurance ta desea yiunan y demas famia Hopi forsa den e momento nan dificil aki.
Cu Dios duna e defunto sosiego eterno.
