4 AÑA DI PRISON EXIGI PA HOMBER METI
Parlamentario Marco Berlis (MEP):
RappoRt di SVB ta demoStRa cu
aumento di penSioen di mike eman ta iRRealiStico
Despues di simannan largo di silencio, Mike Eman a confesa den un rueda di prensa cu e mester a “rehabilita su mente” pa por a procesa e sentencia fuerte di su amigo Benny Sevinger. Mike Eman a demostra den e rueda di prensa cu e ta prefera keda amigo cu tur esnan cu ta viola, horta y corumpi e pais aki, enbes di ta un amigo di pueblo y cumpli cu “Good Corporate Governance.” Mientras Mike Eman ta insisti di keda brasa corupcion, Mike Eman ta coriendo campaña cu promesanan falso di lo bay aumenta pensioen cu 50% cu simplemente nos pais no por carga atrobe. Ken ta bisa esaki? Un Rapport di SVB, cual minister di Economia sr. Geoffrey Wever a pidi pa SVB traha y cual ta demostra cu e rumbo cu Mike Eman kier hiba e fondo di pensioen ta e mesun direccion catastrofico cu e la hiba Aruba durante su gobernacion devastador na 2009-2017.
Rapport Amplio di SVB ta
contradeci Mike Eman
Riba peticion di minister Geoffrey Wever dia 9 di April 2024, SVB a haci un investigacion riba e proposicion di Mike Eman. SVB a analisa varios scenario di aumento di pensioen proponi pa Mike Eman y pa mira kico nan efecto lo ta riba e fondonan di SVB;
1. Scenario 1; Aumento di e suma di pensioen cu 50%, cu ta AWG 718.-, den un solo biaha na 2025. Den e scenario aki e gastonan di e aumento ta subi cu 239.7 miyon florin.
2. Scenario 2; Aumento di e suma di pensioen cu AWG 359,na 2025, despues cu AWG 359,na 2028. Den e scenario aki e gastonan di e aumento ta subi cu 239.7 miyon florin.
3. Scenario 3; Aumento di e suma di pensioen cu 50%, cu ta AWG 718.-, den un solo biaha na 2025, teniendo na cuenta e suma di ingreso di e ciudadano. Den e scenario aki e gastonan di e aumento ta subi cu 154.9 miyon
florin.
4. Scenario 4; Aumento di e suma di pensioen cu AWG 359,na 2025, despues cu AWG 359,na 2028, teniendo na cuenta e suma di ingreso di e ciudadano. Den e scenario aki e gastonan di e aumento ta subi cu 154.9 miyon florin.
5. Adicionalmente SVB a haci un investigacion di e aumento di e pensioen cu 50% y ta saca e fondonan di e “ouderdomsfonds” y si e ta wordo financia por completo cu e fondo aki, e lo keda bancarota
pa 2026. Esaki ta loke Mike Eman a haci caba den su gobernacion di 2009-2017 cu nos pais ora e la hisa e debe nacional te cu 90% di su GDP, sin conta gasto di PPP.
E rapport di SVB ta mustra pueblo bon cla cu e fondonan di SVB no lo por sostene e plan ficticio di Mike Eman. Mike Eman ta duna un bista bon cla na pueblo cu dia e drenta gobierno e lo plunder nos fondonan di pensioen, crea mas debe y deficit y hiba nos tur den otro era catastrofico di mal maneho y corupcion. Manda e fondo di pensioen bancarota den dos aña ta e “bon comun” di Mike Eman? Promete y perhudica nos pais pa ambicionan di poder ta e lema di e “bon comun?”
Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!
dama chauffeuR BuRachi; coRiendo Rond
Caya Ernesto Petronia
- Diadomingo anochi automobilistanan ariba e caminda di Shaba pa Playa; a tuma nota di Suzuki Ignis coriendo hopi malo.
E auto aki parse lo a hera dal diferente biaha, contra trafico contrario.
Den algun minuut polis a logra stop e altura di
cu Su mama di edad halto
rotonde di Ponton. Eynan e la drenta para den un parkeerplaats y polis a bay atende cu ne.
Tawata trata di un dama cu su mama; un persona di edad. Polisnan a nota mesora cu e dama a bebe; y a laga trece e Alco-Sensor.
Mirando cu nan lo bay detene, un agente a bin cu
e transportwagen y a pasa su colega e test pa supla. Manera e agentenan a premira; e la supla te surpasa e limite di e aparato.
Nan a splike cu e ta keda deteni pa core auto burachi, e dama a kere cu solamente un boet e lo a bay haya.
Un famia a yega; y a
tuma e mama over y a bay direccion cas cu no tawata mucho leu. Transportwagen a hiba e
chauffeur burachi warda di polis; unda cu Sub Fiscal lo dicidi con su anochi lo bay termina.
Huez Pone Fin na Bendemento di
Un huez a dicta un desicion importante den un caso entre dos taxista, cu a pone fin na e practica di benta di permiso di taxi. Den e caso aki, taxista Croes a wordo ordena pa paga taxista Tromp tur e placa cu el a cobra pa un permiso di taxi. E huez a determina cu Croes mester entrega bek un total di 90 mil florin, di cual 40 mil lo mester ta paga cash, mientras cu e 50 mil florin
Permiso di taxi
restante lo ta anula. E sentencia aanda un señal fuerte contra e practica ilegal di benta di permiso. E desicion di e huez no solamente a impacta e dos taxistanan directamente, pero tambe a pone fin na un custumber di hopi aña, caminda permiso di taxi tabata wordo specula y bendi ilegalmente.
A pesar cu abogado Kock tabata involvi den e
proceso pa traha e contrato di benta/compra, esaki no a yuda pa evita e desicion di e huez.
E huez tabata cla pa tur cu tin un permiso di taxi, cu no por wordo specula ni wordo bendi, pasobra na final di dia, ta minister di transporte mester firma pa otorga un permiso.
E caso aki ta recorda un otro situacion similar,
caminda un persona tabata bende firma di minister pa tereno. E desicion ta pone un punto final na e practica di benta di permiso di
taxi, protegiendo asina e integridad di e sistema di transporte publico di Aruba.
Minister Dangui Oduber minister di turismo ta anunCia tur ProYeCtonan Cu Lo ContriBui
PositiVamente na eConomia di san niCoLas
– Minister di Turismo y Salud Publico, Sr. Dangui Oduber a pasa bishita e oficina di Visitor Information Center (VIC) y ta anuncia tur e proyectonan y desaroyonan cu lo contribui positivamente na e economia di San Nicolas. Den e maneho di Minister Dangui Oduber diferente proyectonan y eventonan pa San Nicolas ta consisti di:
• Reapertura visitor information center (VIC).
• Masterplan di Seroe Colorado
• Proyecto embeyecimiento Baby Beach Fase 1-2-3.
• Renobacion trapi Rodgers Beach.
• Proyecto embeyecimiento Rodgersbeach.
• Island Festival.
• Art week, September 2-8.
• Murals San Nicolas TPEF-Artisa. Despues cu e VIC na San Nicolas a keda renoba y activa conforme e maneho di turismo, por a mira hopi movecion di turistanan cu ta bishita e oficina di turismo pa obtene informacion di kiko tur San Nicolas tin di ofrece. E oficina ta fungi como e curason y centro di informacion pa turista na San Nicolas unda nos bishitantenan por difruta
di “walking tours” y tambe por siña mas di nos dushi isla.
E continuacion di e proyectonan ta inclui diferente aspecto. Entre otro proyecto di embeyecimento y mehoracion di Baby Beach cu a entrega fase 1, 2 y pronto lo entrega fase 3. Fase 3 lo insera e construccion di kioskonan, move e turtle wall pa haya un extension di e beach y drecha e canchanan di tennis y converti nan den canchanan deportivo multifunctional y cu por bin un restaurant chikito eynan cu cuminda tipico di Aruba.
E master plan pa Seroe Colorado pa Rodger’s Beach lo consisti di construccion di un boardwalk (voetpad cu ta bai connecta e parkinglot nobo di baby beach te na final di rodgers beach cu e intencion ta connecta e voetpad Rodgers Beach y Baby Beach. Alaves ta bay amplia e beach pa haci esaki mas grandi pa mas hende por haci uzo di dje y lo construi un parkinglot nobo, palapanan nobo y extra Hut nobo. Naturalmente lo mehora e landscaping y trece modular toilet.
Minister Dangui Oduber ta contento cu tin “Island Fest Aruba” na San Nicolas. Island Fest Aruba ta un celebracion inolvidabel pa nos bishitante y localnan, unda nan por bin experiencia e esencia
di nos localnan. Minister Dangui Oduber ta contento cu e festival aki lo tuma lugar tur ultimo diaranson di luna den e districto di San Nicolas. San Nicolas ta considera como e capital di cultura, y lo tin e honor di host e evento principal aki cu ta celebra Aruba su herencia y alaves ta famoso pa su murayanan yena cu artenan colorido.
Finalmente, Minister Dangui ta expresa e importancia di e proyectonan aki paso nan ta conforme nos maneho y vision. Gobierno tin un rol hopi importante pa hunga ora ta papia di economia di pais aruba y desaroyo na San nicolas. Y nos a demostra cu hechos, cu accionan, cu inversionan cu nos ta kere den e desaroyo na San Nicolas. San Nicolas tin tur e potencial pa haya su fair share den e desaroyo di nos pais.
Noticia di Corte
4 aña di prison exigi pa homber meti
den traficacion di cocaine scondi den cargamento di flor pa hulanda-1
Awe mainta Corte di Husticia a trata e caso penal cu Ministerio Publico a cuminsa contra e homber di Curacao E.G.B. (52), kende ta wordo sospecha di ta meti den traficacion di cocaina pa Hulanda y forma parti di un organizacion criminal.
SOLO DI PUEBLO por a compronde cu Fiscal ta haya E.G.B. culpabel y a exigi 4 aña di prison. FOR DI EUROPA A HAYA SA DI E TRAFICACION
Por a compronde cu autoridad Frances, den su lucha contra organizacionnan criminal, a logra drenta den un red di comunicacion di baho mundo na Europa. Esaki a causa varios caso grandi na Europa y a keda constata cu tin un rabo tambe na Aruba.
ACUSACIONNAN
E acusacionnan cu Fiscal a presenta den Corte contra G. ta cu na December 2020 y na Februari 2021 a haci preparacionnan pa intencional exporta cocaina for di Aruba pa Hulanda. Di dos acusacion ta cu B. tabata den posecion di cocaine. E di tres acusacion ta cu B. tabata forma parti di un organizacion criminal.
A HAYA MENSAHENAN MANDA VIA CELLULAR
Hues a bisa cu e investigacion a cuminsa na Hulanda caminda a haya accounts di mensahenan riba cellular na Aruba y Curacao cu Hulanda, cu tin cosnan sospechoso. Tabata papia di prijs, blokinnan. A sospecha cu aki ta papia di traficacion di droga. Investigacion a mustra cu ta B. tabata usa e accounts di cellular. Hues a mustra cu tin
account caminda tin inicialnan di B. y hasta tin un screenshot di e ticket di vuelo cu nomber di B. caminda el a viaha pa Hulanda. Ta asina cu na Polis, B. no a bisa nada. Den Corte el a bisa Hues cu e ta papia. El a admiti cu e tabata usa un account HSKK. El a admiti di a viaha y tabatin contacto cu otronan pero no ta corda nan code. El a admiti cu e tabata papia cu un tal Flaco di Curacao cu tabata viaha cun’e bin Aruba. El a admiti di a prepara 2 transporte cu avion pa Europa. E promer transporte tabata entre 12 y 20 December 2020 y e di dos transporte tabata entre 5 y 10 Februari 2021. Hues a puntra B. si e tabatin droga den man. B. a bisa Hues cu el a mira e blokinan di droga pero no sa si nan ta droga. El a bisa cu na December 2020, tabata 1 bloki so el a haya. El a manda potret di esaki y a bisa cu mayan lo haya e resto. Segun B. e no a haya e resto pasobra e transporte a wordo para. El a bisa cu e no a paga nada pasobra e no a haya e mercancia. Segun B. el a saca potret pero no a pone e droga den avion. Su trabao tabata pa hinca un JPS den e bloki. Hues a puntra si na Februari 2021 tabatin 10 bloki. Segun B., el a mira 7 bloki di cual 1 tin JPS aden. El a bisa cu mester a trece 3 mas, pero esey no a sosode. Segun B., el a mira e blokinan pero no sa si ta cocaina pasobra e no a test esakinan.
MANDA DROGA SCONDI DEN FLORNAN
Por a compronde cu e operacion ta encera cu cargamento di flor for di Colombia, ta yega Aruba pa sigui pa Hulanda. Ora e avion ta na Aruba, ta hinca e blokinan di droga den e avion. Un di e blokinan tin un JPS. Ta sconde e droga
bou di e flornan pa asina nan yega Hulanda. Na Hulanda, esnan envolvi, ta wak e señal di JPS y asina sa exactamente unda e droga ta pa busca esaki.
ORGANIZACION CRIMINAL
Hues a mustra cu e otro acusacion ta cu B. a traha cu otronan y esey ta wordo considera organizacion criminal. B. a bisa Hues cu e tabata traha cu un hende homber cu el a conoce na Curacao, “el patron” for di kende e tabata haya instruccion. E no sa unda e persona aki ta biba, si ta na Curacao of na Hulanda. Tambe B. tabatin contacto cu Flaco. B. a splica cu Flaco a bin cun’e for di Curacao y tabata su amigo cu a compañe. B. a bisa cu el a haci’e pa haya placa, pero e no a haya placa. El a splica cu e placa di un bloki lo mester wordo parti entre B. y Flaco. B. a bisa Hues cu nan a bis’e cu e lo haya placa pero no a menciona suma. Hues a bisa cu ta ser menciona cu 1 bloki ta wordo bendi pa 5 mil. B. a bisa cu esey ta 5 mil dollar. E 5 mil dollar e lo mester parti cu Flaco.
SOSPECHOSO NO KIER MENCIONA NOMBER
Hues tabata kier sa mas nomber pero B. a bisa cu e no kier bay menciona nombernan. El a bisa Hues cu den e cellularnan por mira cla kende ta kende pero e no ta bay menciona nomber. Hues a menciona cu tin un cantidad di mensahenan riba cellular relaciona cu e dos transportenan di droga. Entre otro cu Flaco a haya 10. Hues ta kere cu aki ta papia di 10 bloki di droga. Segun B. esey ta 10 mil dollar cu Fla Continuacion pag 6
4 aña di prison exigi pa homber meti
den traficacion di cocaine scondi den cargamento di flor pa hulanda -2
co a haya y no droga.
MAS DI 13 MIL FLORIN CONFISCA
Ta asina cu dia18 Maart 2024 autoridad a detene B. na Curacao, caminda a confisca mas cu 13 mil florin, 6 cellular, diferente USB sticks. B. a bisa Hues cu el a purba prepara transporte di droga pa haya placa pero no a haya nada. Ta duele hopi loke a sosode. Awor cu e ta detene, esaki ta afecta su famia na Curacao. Hues a mustra cu B. tabata Polis y despues a bay haci esaki. Segun B. e tabatin problema financiero y a bay haci e transporte di droga.
Ta asina cu entre tanto mayoria di e cellularnan a wordo duna bek. E I Phone so, cu no ta funciona a keda confisca. B. a pidi Hues pa e haya esaki, aunke cu e cellular ta daña. El a bisa cu e tin hopi potret di su yiunan den e cellular.
FISCAL A EXIGI 4 AÑA DI
PRISON
Fiscal a menciona cu tin varios casonan di traficacion relaciona cu mensahenan riba cellular. Asina a bin haya B. cu na December 2020 a cuminsa preparacion pa transporta cocaina pa Hulanda. Mester a hinca JPS den bloki di cocaina pa asina por hay’e. A papia di pago di personanan envolvi na Aruba. Na Aruba B. a manda potret di e blokinan di droga. A haya placa di blokinan di droga. Fiscal a bisa
polis
a bay
cu B. a admiti di traficacion di blokinan di cocaina. Fiscal a mustra cu na December 2020 tabata papia di 10 kilo di cocaina. Na Februari 2021 tabata papia di 10 kilo di cocaina. El a bisa cu B. tabata manda potret di e bloki den cual a hinca JPS. Tambe B. tabata manda potret di e cantidad di blokinan. Fiscal ta haya legalmente proba cu na December 2020 tabatin 1 bloki so a wordo manda y na Februari 2021 tabatin 7 bloki. Fiscal ta haya cu B. ta forma parti di un organizacion criminal. Tabatin cantidad di mensahenan riba cellularnan caminda B. tabata un persona importante den e organizacion criminal cu tabata dedica den traficacion di droga. Fiscal ta haya cu mester manda señal bon cla cu no ta accepta tipo di actividadnan asina. Na opinion di Fiscal, B. a envolvi su mes den organizacion criminal, pa gana placa y no a worry e consecuencia cu esaki por tin pa comunindad. Fiscal a exigi 4 aña di prison, kitando e tempo cu B. ta sera. Fiscal a bisa pa debolbe e I Phone na B.
ABOGADO
Abogado mr. Mohamed a bisa Hues cu B. na December 2020 y Februari 2021 a prepara pa manda droga pero esakinan no a sigui. E abogado a menciona sentencia di Corte di Hulanda y a bisa cu e ta laga na Hues pa
dicidi riba e preparacion. E abogado tambe a menciona sentencia di 2023 relaciona cu cocaina, caminda Corte ta mustra cu mester determina si e droga ta realmente cocaina. Mr. Mohamed a bisa Hues cu den caso di B., Polis no a haya nada. El a sigui bisa cu no tin test di laboratorio cu ta mustra cu e bloki ta realmente cocaina. B. no a test e blokinan si nan ta realmente cocaina. E abogado no ta haya cu por prueba cu B. tabatin cocaina den su man y ta haya cu mester declar’e liber. Mr. Mohamed a menciona sentencia di caso na Hulanda riba organizacion criminal. E ta haya cu tur dos transporte no a sigui. Na opinion di e abogado, esaki no ta suficiente pa papia di un organizacion criminal. El a sigui bisa cu despues di Februari 2021, no a sosode nada mas. E abogado ta haya cu no tabatin un temporada largo di cooperacion manera ley ta exigi, pa por papia di un organizacion criminal. El a menciona un caso di traficacion di 2019 di 10 kilo di cocaina, caminda a condena e acusado na 8 luna di prison pa participa den organizacion criminal. E ta haya e castigo exigi pa Fiscal ta exagera.
Hues a sera tratamento di e caso y a bisa cu dia 16 September 2024 pa 8.30 lo tin sentencia.
morgenster
pa 3 auto para dilanti un cas ta pleita strobando e habitantenan di drumi
Diasabra mainta tempran a drenta informe di cu pa basta rato for di madruga caba e 3 autonan cu no ta biba ni eybanda ta para ta discuti y pleita dilanti un cas na Morgenster strobando habitantenan di drumi, mesora a dirigi un patruya na e sitio.
Na yegada di e patruya a bin compronde cu aki ta trata di algun hende cu tabata pleita pero despues di basta rato a haci bon bek cu otro.
Polis a core cu nan for di e sitio ya cu nan tabata stroba e pas y trankilidad di e habitantenan.
Wardacosta ta intercepta boto cu narcotica a bordo
Den ora nan di dialuna marduga 16 di augustus, a tuma nota di un boto den direccion di Aruba. Inmediatamente a manda dos unidad di Metal Shark pa intercepta esaki y tambe a pidi asistencia di e Dash di Wardacosta. Durante di e persecucion, e boto a bolter.
Nos prome prioridad ta pa saca e 5 persona nan for di awa y saca e bulto nan presente cu ta drif den awa. E condicion di e boto no a permiti pa saca esaki for di awa, tampoco pa tow esaki.
Despues di a sigura tur e persona nan hunto cu e bulto nan, a logra di transporta nan tur y hiba nan base di Wardacosta. A inspecciona tur bulto presente y a constata cu ta trata di un cantidad grandi di narcotica. E 5 persona nan di nacionalidad Venezolano y e droga, a ser entrega na miembro nan di cuerpo policial. Entretanto a destrui e narcotica i investigacion lo sigi.
MINISTER ENDY CROES TA INVITA E STUDIANTENAN CU
TA DESEA DI CONTINUA CU NAN ESTUDIO AVANSA NA
HULANDA PA UN SESION INFORMATIVO DEN LUNA DI
SEPTEMBER PROXIMO
Recientemente, Minister Endy Croes a reuni cu Sr. Gilner Dirksen, unda a trata e proyecto di Studentenkamer. E proyecto a inicia na aña 2022, na momento cu Arubahuis a indica cu tin problema grandi cu vivienda na Hulanda y a urgi e mandatario di Enseñansa pa organisa sesion informativo pa e studiantenan cu ta continua cu nan estudio avansa na Hulanda. E meta ta pa yuda y motiva
e alumnonan inscribi pa camber (studentkamer) na tempo. Manera ta conoci, e guera na Ukrania y Israel ta pone cu Hulanda ta hayando mas refugiado. Esaki ta trece cu ne cu e cupo di camber ta bira menos. Aña pasa e lista di espera pa haya un camber ta di 1 pa 2 aña, pero pa e aña aki esaki a bira di 2 pa 4 aña. E camber di e ciudadnan, manera Utrecht y Eindhoven ta limita y e lista di espera a bira di 3 pa 4 aña.
E di tres edicion di e proyecto Studentenkamer ta tuma luga den luna di september proximo na Gloria Theater. Durante e sesion informativo lo tin diferente orado profesional cu lo brinda informacion di entre otro alohamento (huisvesting) na Hulanda. Lo a comparti e retonan pa haya un vivienda na Hulanda. Seccion Facilidad pa Estudio di Departamento di Enseñansa di Aruba (DEA) lo duna informacion di e fiansa di Arubalening y con pa yega na un prestamo, alabes a contesta e preguntanan relaciona cu e topico aki. Adicionalmente, Sra. Paloma Osorio di Fundacion Plan di Bida lo duna informacion na e alumnonan tocante maneho di presupuesto.
Sra. Lisanne Sambo –Gomez di Realign Caching, Consultancy & Services lo trata e topiconan: escogencia di estudio y con pa yena e formularionan.
Tambe ta importante pa prepara tanto e mayor, como e studiante pa e reto nobo aki. Sr. Franklin Seute, autor y orado di e buki “Living Rich as a Student in the Netherlands” lo comparti hopi tips valioso di entre otro, maneho di placa
como studiante. High Education North America Expo lo presenta diferente posibilidad cu tin pa studia na Merca. Pues, e alumnonan di havo 3, 4, 5, vwo 4, 5, 6, EPI, De Shakkel y nan mayornan ta cordialmente invita pa e sesion informativo aki. “Den transcurso di e simannan nos dilanti, nos lo bishita e scolnan y por comparti mas informacion di e sesion informativo”, Minister Endy Croes a finalisa.
DESPUES DI A DAL RIBA PIEDRA Y TRONCON
CHAUFFEUR CU A NENgA DI BAY CU AMBULANS A SER
DETENI PA STUUR AUTO BAO INFLUENCIA Y ACCIDENTA
Diasabra madruga a drenta informe di un accidente cu hende herida na Citgo blvd., mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Chevrolet Spark biniendo for di e hotelnan a lubida e splitsing y cu velocidad halto a subi acera dal baranca y pega riba un troncon di mata. Na yegada di e ambulans e chauffeur a nenga di bay cu ambulans y kier a cana bay for di e sitio pero polis a detene pa a core auto bao influencia y ocasiona un accidente.
MINISTER ENDY CROES TA FELICITA ETHAN WESTERA CU A CONKISTA DI 8 LUGA DEN
WEGANAN OLIMPICO
2024 NA PARIS
Pa prome biaha Aruba ta gana un diploma Olimpico
: Diahuebs atardi, Minister di Enseñansa y Deporte Endy Croes hunto cu
secretaria general di Comité Olímpico Arubano (COA) Sra. Nicole
Hoevertsz, miembro di Direccion di Deporte di COA Sr. Jonathan Wever, famia y amistadnan a acudi na Aeropuerto Internacional Reina Beatrix pa ricibi atleta Ethan Westera. Ethan Westera di 26 aña di edad a representa Aruba den Windsurf Olimpico 2024 na Marseille, Paris y keda na di ocho (8) luga den e competencia di windsurf, unda a competi cu un total di 24 pais.
Ethan ta e prome atleta Arubiano cu ta ricibi un diploma Olimpico. Aña pasa, Ethan a participa den Weganan Panamericano y a conkista medaya di plata y asina a clasifica pa Olimpiada. E hoben atleta aki a inicia practica e deporte di windsurf desde cu e ta chikito. E tin 18 aña ta practicando e deporte di windsurf y a respresenta Aruba den varios ocasion internacionalmente.
Ethan a idica cu el a gosa
di su experencia durante Weganan Olimpico y ta feliz cu su logro. Secretaria general di COA Sra. Hoevertsz a indica cu e competencia di windsurf aki tabata uno espectacular y ta hopi orguyoso di Ethan cu a conkista e di ocho (8) luga. Pa finalisa, Minister Endy Croes ta felicita e hoben atleta Ethan Westera cu e destaca durante Weganan Olimpico 2024 y a pone Aruba su nomber briya.
Diasabra maD ruga a D renta informe Di intento D i atraco na Kruisweg, mesora a D irigi patruyanan na
e sitio
Diasabra madruga a drenta informe di intento di atraco na Kruisweg, mesora a dirigi patruyanan na e sitio.
Na yegada di e patruya a bin compronde cu aki ta
trata di 2 colombiano sin documento cu durante den nan trip a hera ser atraca.
Pero polis a yega na tempo y salba nan, a bin compronde cu nan a caba di sali
patapata for di un bar y nan tabata asina burachi cu nan no a ripara cu un persona tabata coba den nan saco buscando cos pa horta.
Pero nan dos tabatin unicamente papelnan cu no
tin nada di balor. Polis a avisanan pa nan yama of busca un amigo pa hiba nan unda nan ta biba na Madiki.
Nan tabata asina burachi cu ni e number nan no
sa. Ta traha nan a caba di traha y bai dal un par di bebida te unda nan a keda sin placa despues trip nan tabata di bay cas na pia te Madiki pero ni leu nan a yega.
4 t urista a KeDa pega pa mas D i 40 minuut
D en lift D i l event
Diadomingo madruga a drenta informe di cu tin 4 turista cu a keda pega den
lift di Levent, mesora a dirigi polis, bombero como tambe ambulans na e sitio. Na yega-
da di e patruya a bin compronde cu bomberonan ya a caba di rescata e turistanan
aki a keda pega pa mas di 40 minuut den e lift y nan tabata tur sofoca y spanta pa cual
motibo e ambulans tambe a presenta. Nan tur a trankilisa y a pasa un susto grandi.
Na Sa N icola S poli S a dete Ne uN di 3er SoS pecho S o di e tirame N to N a poS c hikito
Despues di cu polis a topa cu e auto shinishi cu lo a pasa los tiro na Pos Chikito y a logra para esaki e sospechosonan a purba huy na pia a logra gara 2 di nan.
Pero un rato despues polis a logra captura un di 3 sospechoso y a detene. Mesora a hib'e na un otro warda pa tene e sospechosonan separa pa nan no papia cu otro.
p oli S a bay para pelea e N tre grupo di
he N de muhe N a poS c hikito
Diabierna anochi durante cu polisnan tabata atendiendo e caso di tiramento na Pos Chikito a drenta informe cu lo tin un pelea entre grupo di
muhe den e area ey, mesora a despacha diferente patruya tanto di e brigada motorisa, unidadnan K9 como tambe e e patruyanan mes.
Na nan yegada a hala e grupo for di otro y a intermedia entrenan y a mustranan e caminda cu nan mester bay pa nan haci nan denuncia.
Chauffeur bebi net prome C u ela yega su Cas
dal “steunpaal” y C oriente a bay den area
Diasabra atardi a drenta informe di un accidente na Bubali, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu ap -
enas algun meter pa yega su cas chauffeur a bay dal un palo di sosten cual ta wanta un palo di lus. E impacto a kibra e palo di sosten y esaki yanga e palo di lus te. ranca un waya di un di
e fasenan di coriente benta abao y coriente a bay den e area. Ora polis a bay atende cu e chauffeur a nota cu e ta burachi y mesora a detene pa a core auto bao influencia y ocasiona un accidente.
h omber C u a bebe dimas a haya dolor na
C urason y tabata benta riba Caminda
Diabierna anochi a drenta informe di cu tin un homber benta memey riba caminda na Vondellaan, mesora a dirigi un patruya na e sitio. Na yegada di e patruya a bin compronde cu aki ta
trata di un persona cu lo a bira malo haya dolor na curason y a dal abao. Polis a pidi pa un ambulans bin control'e. Na yegada di e ambulans nan a atende y a transporte pa hospital.
Polis a detene chauffeur burachi cu a subi crusada sin duna P referencia
Diadomingo madruga a drenta informe di un accidente net dilanti di Wil-
helmina Park riba L.G. Smith blvd., mesora a dirigi un patruya na e sitio. Na
yegada di e patruya a bin compronde cu aki ta trata di un accidente unda un
chauffeur burachi den un Hyundai i10 a subi e crusada bay pabao sin a duna preferencia na e Toyota Vitz tambe bayendo pabao pero cu preferencia, aunke e chauffeur di e vitz a purba kita pero e impacto tabata
inevitabel. Afortunadamente ningun hende a resulta herida.
Polis a pone e chauffeur burachi supla y a surpasa e limite di alcohol permiti den su curpa.
u n P ersona herida; des P ues di
boksmento entre brommer y auto
L.G.Smith Boulevard - Diadomingo atardi polis y ambulance a wordo manda pabou di Citgo Boulevard,
unda un auto a dal tras di un Harley.
Polis bayendo a topa un
trafico bastante cogestiona, door di e accidente aki. Na yegada a topa cu un Nissan Tiida pega tras di un brom-
mer.
Por a tuma nota cu tawata trata di grupo di Harley y pa un of otro motibo e chauffeur di e Tiida no a mantene distancia mes y a medio subi e brommer heridando e ocupante.
Na e sitio por a scucha cu con por ta posibel cu e
chauffeur no a wak e brommer su dilanti, ta den dia. Y esey a crea un rumor cu kizas e chauffeur lo por tawata ariba cellular.
Ambulance a presenta y algun rato despues a sali cu e herido direccion Hospitaal. Mester a usa takelwagen pa a hala e auto for di caminda.
MINISTER URSELL ARENDS TA ANUNCIA E PROXIMO PASO PA LEY NA BIENESTAR DI ANIMAL
Gobierno di Aruba ta anuncia un paso importante den e esfuersonan pa proteha bienestar di nos animalnan domestico, den cuadro di e maneho pa Bienestar di Animal Aruba (MBAA) 2024-2029. Durante un rueda di prensa dialuna 26 di augustus 2024, Minister Arends a revela cu e prome version di e ley "Landsverordening Dierenwelzijn " a yega Ministerio y ta den fase di consulta.
E ley nobo na bienestar di animal ta enfoca riba tres obhetivonan principal:
• Proteccion di Animalnan Domestico: Garantisando siguridad y bienestar di nos mascota na Aruba.
• Penalidad y sancion pa abusador: Estableciendo medida stricto pa responsabilisa esnan cu ta comete crueldad of negligencia.
• Structuracion di posesion di animal: Creando un sistema formal pa posesion di mascota pa garantisa cuido y responsabilidad apropia.
E ley ta consisti di varios componentenan clave pa aborda bienestar di animal den un structura legal.
1. Registracion Obligatorio via Microchip: Tur mascota lo mester ta registra cu un microchip.
2. Sterilisacion Obligatorio: Doñonan lo tin cu sterilisa nan mascota.
3. Reglamento pa Criadornan (Breeders): Cria-
dornan lo mester registra y cumpli cu standarnan stricto.
4. Responsabilidad di Cuido di Animal: Reglamento nobo lo stipula cuido apropia y aclaracion di responsabilidad di doño di mascota.
Aplicacion di e ley lo tuma luga den dos nivel: • Handhaving Administrativo: Ministerio di Naturalesa lo ta encarga di sistema di registracion y monitorisacion di cumplimento cu e ley pa garantisa bienestar di animal. Inspectornan den e ministerio lo wordo ekipa pa enforsa e ley, tareanan cu anteriormente tabata bou di KPA (Cuerpo Policial di Aruba).
• Handhaving Penal: Den casonan severo di abuso, crueldad y negligencia grave di animal, e proceso hudicial lo keda bou mando di KPA y OM (Ministerio Publico). Lo aplica e Strafrechtelijk Handhaving. Ministerio ta traha di cerca cu autoridadnan pa garantisa cu esnan cu comete infraccion lo rindi cuenta na husticia rapidamente.
Minister Arends a anuncia tambe cu e ley pa bienestar di animal ta drenta fase di consulta publico. Tur stakeholders, incluyendo veterinario, KPA, DLVV, fundacionnan y miembronan di comunidad ta invita pa duna nan opinion y suger-
encia. Esaki lo garantisa cu e ley ta refleha e necesidadnan di tur esnan envolvi den proteccion di animalnan na Aruba.
Cuminsando dia 2 di September 2024, e propuesta di ley lo ta disponibel pa revicion riba publico.aw bou di tab "Consulta".
Adicionalmente, dos consulta publico lo tuma lugar na MFA Savaneta y MFA Paradera, unda miembronan di comunidad por yega personalente pa ricibi informacion y duna nan input.
• MFA Savaneta: 4 di September 2024, 6:00 PM – 7:00 PM
• MFA Paradera: 6 di September 2024, 6:00 PM – 7:00 PM
E ley nobo ta bai man den man cu un campaña di conscientisacion cu ta enfoca riba educa comunidad riba importancia di ser un doño responsabel y tene empatia pa nos animalnan. E meta di campaña aki ta promove un cultura di cariño y responsabilidad pa nos mascota. Ministerio di Naturalesa a colabora cu artista local Ty Figaroa pa asina yuda comparti e mensahe pa stima nos mascotanan y ta un doño responsabel. Minister Arends ta enfatisa cu mascota ta parti di famia. Bo cuido y amor ta haci tur e diferencia den su bida. Stima bo mascota!
Gobierno di Aruba ta duna reconocemento na e SELECCION GIRLS U15 CU A LOGRA E TITULO MAXIMO DI E TORNEO CONCACAF
ORANJESTAD - Diasabra mainta Prome Minister Evelyn Wever-Croes a acompaña Minister di Deporte Endy Croes pa duna reconocemento na e mucha muhenan di e seleccion Girls U15 cu a logra e titulo maximo di e torneo di Concacaf teni na Aruba. Presente dilanti Bestuurskantoor tabata e mayornan, famianan y amigonan, como tambe e presidente señor Randolf Lacle y representantenan di Aruba Voetbal Bond (AVB).
E mucha muhenan a wordo yama un pa un padilanti, na
unda nan a cana riba tapijt cora pa asina haya nan reconocemento. Di parti di Gobierno di Aruba, nan a ricibi un Medaya di 4D, mientras cu di AVB tambe nan a ricibi un bunita regalo. Prome Minister a expresa cu e mainta aki sigur tabata un momento di orguyo y alegria, no solamente pa e mucha muhenan ganado, sino pa Aruba completo cu a sa di biba cada momento cu nan durante e weganan.
Prome Minister durante su discurso a dirigi na e muchanan cu un orguyo inmenso, expresando cu
loke nan a logra ganando e titulo campeon, no ta solamente un titulo di un campeonato, sino un demostracion, cu nos mucha muhenan di Aruba por den futbol, si nan simplemente pone como meta den nan mente.
"Mi ta gradici cada mayor, y famia cu semper a sostene cada un di e mucha muhenan balente aki. Pasobra ta danki na nan sacrificio e muchanan aki awe ta asina exitoso. Un danki na e coachnan pa nan dedicacion na train e muchanan, na Aruba Voetbal Bond (AVB) y na tur esnan cu a
haci esaki posibel.
Por ultimo mi ta gradici Minister di Deporte Endy Croes, cu a pone su curason den haci deporte na Aruba grandi. Apesar cu e tin e cartera pisa di enseñansa, el a sa di duna e debido atencion na deporte. Danki na su trabou y e inversionnan haci den stadion, FIFA
a permiti e weganan aki tuma luga na Aruba y comunidad completo por a disfruta e campeonato aki na Aruba mes. Mi ta sumamente orguyoso di ta parti di Gabinete Wever-Croes, cu ta traha cu curason, y ta logra cosnan grandi pa deporte. Masha pabien na tur nos muchanan", Prome Minister a expresa.
FORTALEZA PA FAMIA
Scirbi pa Pastor Marcel Balootje.
BAN UNI DEN ORACION, CRISTO HESUS , E SOLUCION PA SALUD MENTAL
Atrobe Mi ta bisa boso,cu si riba tera dos di boso bay di acuerdo tocante di cualkier cos, cu nan pidi,esaki lo wordo haci pa nan , door di Mi Tata cu ta den cielo.Pasobra caminda dos of tres reuni den Mi nomber ey Mi ta meymey di nan.( Mateo 18:19-20).
Ta tempo pa nos interes den oracion aumenta, ta tempo pa pone tempo pa Dios, stress , depresion, y despues problema di salud mental no ta respeta hende, pero un cos nos tur sa cu den e nomber di Cristo Hesus tin poder, y no lubida locual Cristo Hesus a bisa: Bin serca Mi tur cu ta cansa y carga y lo Mi duna boso sosiego.( Mateo 11:28).
Ta solamente Cristo Hesus por a expresa esey, pasobra den Cristo tin poder pa Salba, poder pa Libera,poder pa cambia bida di hende.
Ora nos corda con Cristo Hesus, a lanta hende for
di morto, pone hende lam cana, e sordo tende, e ciego mira, saca demoño for di hende, nos tin di compronde cu nada ta imposibel pa Dios.
No ta tempo pa limita Su poder, pasobra E ta mesun Dios di ayera , awe y pa semper, Su poder nunca a mengua, y tur esnan cu ta kere den dj’E sa esey, Cristo Hesus ta nos Sanador.
Nos sa cu ciencia medico
a aumenta, pero prome cu tur esey Dios tabata tey, pasobra Dios ta riba tur cos , E a crea tur cos, E a forma cada un di nos den barica di nos mama, y E sa exactamente kico nos mester, y si nos pidi y kere , nos lo ricibi milager.
Señor ta serca di e hende di curason kibra,y ta salba esnan di spirito abati.(Salmo 34:18).
drecha nada, pasobra nos curpa ta tempel di Spirito Santo, y e Spirito di Dios ta biba den nos, y cada biaha cu nos bay purba mescla cu cosnan diabolico e resultado lo no ta bon pa nos mentalmente.
Pasobra nos ta cambia e berdad den un mentira.
E uso di droga, cual tin hende ta bisa cu no ta haci nada, awe a keda demostra cuanto hende tin riba caya, cu a cuminsa hopi anja pasa, y awe nan mes no sa na unda nan ta , pesey ta un dolor ora nos mira hoben-
nan ta cana cu un schoudertasje, cu marihuana y otro droga, cla pa bende y pa usa.
Ta pesey nos mester aserca e trono di gracia di Dios, pa haña pronto auxilio y ayudo na tempo, pasobra den un palabra bisa e Solucion ta Cristo Hesus.
Salmo 103:3-4 ta bisa:Kende ta pordona tur bo inikidatnan . Kende ta cura tur bo malesanan.Kende ta redimi bo bida for di destruccion. Kende ta corona bo cu misericordia y compasion.
Un feliz siman yena di bendicion, gracia, amor y paz di Señor
E ladron ta bin solamente pa horta ,pa mata y pa destrui, Ami a bin pa nan tin bida, y pa nan tine na abundancia.(Juan 10:10).
Tin caso di stress y depresion, cu ta hiba na amargura, y despues problema di salud mental ta cuminsa, pasobra hende no kier pordona, nan no kier laga los di nan pasado, pasobra hasta envidia por hiba hende na stress, depresion,amargura y problema di salud mental.
Otro cosnan cu ta causante di problema cu salud mental ta, e metemento den bruheria, y hacimento di cosnan contrali na boluntad di Dios, tumando tratamento diabolico, cu no por
El a hisa su cara na shelo y a gradici Dios. (Mateo 14,19) Rumannan nos tur conoce kico ta nifica un situacion basta preta p.e. un ocasion den cual nos recursonan ta hopi limita. Kiermen si nos ta confia solamente riba nos capacidad of nos recursonan nos lo keda desampara. Pero Hesus si por dirigi e situacionnan aki. Ta trata di cuanto hende? Nos no sa, pasobra e cifranan ta simbolico.
Den Bijbel ”diesdos” ta mustra nos riba e diesdos tribonan di Israel. E diesdos macutonan cu e pida pannan cu a resta ta mustra nos riba e diesdos tribonan di Hesus su Israel nobo. E manera cu Hesus a tuma e pan y a bendicion’e lo mester recorda tur Cristian riba nos celebracion di Eucaristia. E fiesta aki den aire liber ta un prefiguracion di nos Eucaristia, cu Hesus mes meymey di su pueblo. Den e revelacion biblico e cuminda ta expresa e bida cu Dios ta duna su pueblo.
E mana cu e pueblo a come despues di a sali for di Egipto y awa cu nan a bebe na Horeb y hopi otro realidadnan smbolico ta un prefiguracion di e don cu ta sali for di boca di Dios loke a keda cumpli den Hesucristo.
Oracion: Mi Señor y mi Dios, gloria na Bo Señor Hesus.
Amen