Pelea Pafo di suPermarkt na Piedra Plat a termina na tres detencion, 2 homber tawata herida
Piedra Plat - Diadomingo den oranan di anochi varios unidad policial mester pafo di un supermarkt situa na Piedra Plat; unda tawata tin un pelea formal y hende herida.
Na e yegada di polis, berdad a bin topa dos
homber na sanger.
Un di nan cu tawata herida, tawata bastante bebi y fastioso, esey a pone cu polisnan mester a pone den boei y algun rato mas despues a boei ambos pia.
Segun testigonan, e pelea
a cuminsa pazuid di e supermarkt. Y segun e testigo e homber cu e petchi ta esun cu a cuminsa cu tur e problema.
No ta conoci si e tres hombernan aki lo por tawata bebiendo hunto, un rato prome.
Durante e pelea, e homber cu nan a boei na man y pia a wordo seriamente maltrata; momento cu e di tres homber cu a bisa polis cu e ta ruman di esun cu petchi a trapa e otro varios biaha ariba su cabes cu su boots. Segun testigo e la trapa e homber como 5 biaha, suerte e tin cu e no a mat'e.
Transportwagennan a tarda masha hopi mes, pa yega. E tardansa ta pone cu esun cu a wordo trapa y cu ta esun cu tawata mas bebi a keda papia un monton di palabra sushi.
E mesun homber aki tawata cu su Jack Russell
y tawata keda puntra pe. Ora cu transportwagen a yega pa busca e, polisnan a busca den su auto cu a keda atras pa e cacho cu a core bay sconde di miedo.
E la wordo haya y hinca den e transportwagen cu su donjo.
Un ambulance a yega pa trata e homber cu petchi pa e golpi/kap ricibi na cabes.
Nan tur a wordo hiba warda di Santa Cruz, segun nos a compronde.
Junine croes ta emPleado suPerior di aruba bank
– 28 di oktober 2024 - Junine Croes ta empleado superior di Aruba Bank pa luna di september 2024. Un empleado cu a demostra dedicacion y iniciativa sobresaliente, logrando asina e reconocimento aki.
E compromiso di Junine pa semper brinda un experiencia superior na e clientenan di Aruba Bank cu ta refleha e balornan di e banco. Su accionnan ta impacta e clientenan positivamente y ta pone un standard halto pa e excelencia di servicio na cliente.
Junine gusta biaha como hobby, explorando lugarnan nobo y experencia diferente culturanan.
Pabien Junine pa ta un empleado ehemplar cu ta forma parti di Aruba Bank.
Prome Minister Evelyn Wever-Croes:
MANEHO DI E CARTERA DI ENSEÑANSA Y DEPORTE TA WORDO TRASPASA PA MINISTER DANGUI ODUBER PA RESTO DI GOBERNACION
Durante conferencia di prensa di Gobierno di Aruba dialuna atardi, Prome Minister Evelyn Wever-Croes a informa comunidad di Aruba cu desde 28 di October 2024, e cartera di Enseñansa y Deporte lo wordo traspasa pa Minister Dangui Oduber. Prome Minister a indica cu den un conferencia di prensa anterior a informa cu su persona lo tuma e cartera aki temporalmente, esaki pa motibo cu ora parlamentarionan tuma e decision di manda un minister cas, no ta asina facil un otro minister lo tuma su cartera. E traspaso di un cartera ta tuma hopi re-organisacion mirando cu e lo kita hopi tempo di e miniser su cartera actual. Specialmente un cartera manera di Enseñansa y Deporte, na unda cu e minister anterior a traha hopi duro y tin hopi trabou andando.
Tambe, Prome Minister a splica cu na e momento cu a retira Minister Endy Croes, Minister Xiomara Maduro tabata den exterior, y despues di a bolbe bek Aruba, a sinta pa delibera cu ne, hunto cu Minister Dangui Oduber y Minister Rocco Tjon. Despues di deliberacion, Conseho di Minister a bay di acuerdo pa Minister Dangui Oduber tuma
e cartera di Enseñansa y Deporte pa resto di e periodo di gobernacion.
"Mi ta lamenta si cu politiconan oponente a probecha di e situacion aki pa desacredita mi persona y ministerraad completo. Nan a insinua cu mi persona a tuma e cartera aki pa mi yuda un persona cu ta den investigacion, y pa mi interferi den dicho investigacion.
E realidad ta cu berdad tin un investigacion andando
den Stichting Sports Subsidie Aruba (SSA), pero mesora cu e investigacion aki a cuminsa, e director a wordo retira. SSA a haci nan investigacion y awor tur cos ta den man di Ministerio Publico (OM). E ta tristo si pa wak con oponentenan politico asisti pa cierto miembro di prensa ta prefera di descredita un persona enbes di busca e berdad. Mi ta reitera, ami no ta, y ami no por mete den investigacionnan di OM", Prome Minister a expresa
Minister demisionario Geoffrey Wever:
InflacIon den 2024 ta mas abao cu 2023
Minister Geoffrey Wever ta anuncia cu e indice di prijs di consumo den september 2024 ta mustra un caida di 0.4% cu e indice di augustus 2024. E inflacion pa ultimo 12 lunanan di september 2023 te cu september 2024 ta 1.5%. Durante e mesun periodo di aña pasa, inflacion tawata 1.7% cu ta un caida di 0.2%. Tur luna Oficina Central di Estadistica (CBS) ta publica e resultadonan principal di e Indice di Prijs di Consumo (CPI).
Pa loke ta e promedio annual, pa e ultimo 24 luna, periodonan di september 2021 te cu september 2022 y september 2023 te cu september 2024 e inflacion ta 2.0%. Compara cu e periodonan di september 2020 te cu september 2021 y september 2022 te cu september 2023, den cual e promedio anual tawata 4.5%, esaki ta mustra un caida di 2.5%
Durante e luna di september, shete di e diesdos sectornan a registra un caida den nivel
di prijsnan. Sectornan cu tawata tin un efecto mas grandi riba e caida den inflacion tawata e sectornan di “Mobilario” (-2.7%) y “Transporte” (-1.0%). E sector di “Paña y sapato” a registra un subida den e indice di 4.6%.
Aruba como isla chikito ta importa mayoria di productonan pa consumo. Inflacion den nos partnernan mas importante, Merca y Hulanda ta mustra te cu luna di september un
inflacion di 2.4% y 3.5% respectivamente.
E Canasta di consumo ta consisti di 408 producto y servicio. CBS riba un base continuo ta monitor y publica e cambio di prijsnan di e canasta di consumo. E publicacion ta uno detaya y ta duna un bista riba e desaroyo di prijsnan di diferente producto y bienes.
Minister di Asuntonan Economico, Comunicacion y Desaroyo Sostenibel, mr. Geoffrey Wever, ta gradici
CBS pa e trabao mensual di publico e desaroyo di nivel di prijsnan na Aruba y ta invita tur ciudadano pa bishita e website di CBS www.cbs.aw pa mas informacion.
tres persona herIda; despues cu auto a bolter y bay cay den cura dI hotel
L.G.Smith BoulevardDiadomingo pa mas o menos 6'or y mey polis a bay direccion Ritz Carlton, unda un auto a bolter y cay den e cura di e hotel.
Mesora unidadnan di polis, ambulance y brandweer a sali pa e sitio, debi cu e personanan lo tawata pega den e auto.
Esnan cerca por a scucha gritonan di auxilio saliendo di e auto Mitsubishi.
A bin resulta cu den e auto tawata tin dos mucha tambe, y un señora.
Mas cu claro despues di pasa algo asina ey, desesperacion lo a pone nan grita.
Na yegada di polis, parse nan a logra sali. Por a mira agentenan di trafico basta panort di e cura di e hotel. Eynan ta unda pa un of otro motibo y velocidad halto a pone chauffeur bay na su man drechi; dal contra e cura kibra esaki; pa despues bolter cay ariba den e parkeerplaats.
Tres auto staciona eyden a ricibi daño material grandi, pues total 4 auto a resulta kibra.
Unidadnan di ambulance y tambe Rapidresponder a presenta y a transporta e heridonan pa Hospitaal. Ta mustra cu nan lo ta ok,
aunke nan a pasa den un susto enorme.
Esaki ta di dos biaha cu auto ta perde control y termina ariba parkeerplaats kibrando e cura.
Prome Minister Evelyn Wever-Croes: GOBIERNO DI ARUBA TA UNI SU MES NA E SIMAN DI CONSCIENTISACION DI FADA
Hunto nos por crea un futuro mas briyante, saludabel pa nos muchanan
E Fundacion Anti Droga Aruba (FADA) ta e organisacion cu ta traha riba conscientisacion di e efectonan di abuso di droga. Actualmente, nos ta den e Siman di Cinta Cora 2024, Siman di Locura 2024 di FADA’. Dialuna ta dia di bisti cora. Diamars ta dia di bisti color neon. Diaranson ta dia di bisti meya di emocion. Diahuebs ta dia di bisti na actor, artista of caricatura faborito y finalmente, diabierna ta dia di crea bo mesun bril.
Esaki ta un siman pa uni pa un solo causa —un causa cu ta afecta nos comunidad, nos famia, y nos futuro. E siman aki ta un recordatorio poderoso di e peligro cu nos hobennan ta enfrenta y e responsabilidad cu nos tur por asumi pa proteha nan.
Nos ta biba den un mundo na unda cu e tentacion, e presion y e posibilidad pa nos muchanan y nos hobennan experimenta cu droga, ta presente tur dia. Y e impacto cu esaki por trece cu ne ta devastador. Den nos comunidad tin un desaroyo alarmante
di muchanan y hobennan mas jong ta haña nan den problema di abuso di droga. Abuso di droga no solamente ta un asunto di nos hobennan, e ta un problema di un sociedad cu un demanda pa tuma accion rapido.
A traves di FADA, tin un bon canal pa yega na nos hobennan pa conscientisa nan cu abuso di droga no ta algo cu ta yuda nan. Talves algun ta mira den esey un solucion rapido y temporal pa un situacion pero e abuso aki ta trece su efectonan negativo pa hopi tempo nan dilanti. FADA ta haci un trabou hopi importante y e ta un stakeholder importante pa Gobierno di Aruba den combatimento di adiccion di droga.
Como un comunidad cu ta stima nos pais, nos mester uni y para hunto pa combati e problematica aki y ta mas comprometi pa sostene esnan cu ta traha duro pa purba cambia bida di esnan cu a cay den droga, nos maestronan, profesionalnan y FADA entre otro. E participacion di comunidad ta hunga un rol hopi importante. Tur
y hobennan na Aruba
mayor, tur mentor, tur tanta y omo, wela y welo, amigo, tur role model pa e hubentud, mester papia abiertamente cu nos hobennan, y mustra nan cu semper tin alternativa y ofrece nan e apoyo na momento cu ta nota cu nan ta enfrenta problema.
Educacion y prevencion ta cuminsa na cas y hunto cu comunidad, Aruba ta logra fomenta un ambiente di siguridad unda nos hobennan ta sinti cu nan ta wordo scucha, apoya y empodera pa haci un escogencia saludabel.
“Dialuna, door di bisti cora, nos ta declara y reenforsa nos compromiso na e bienestar di nos muchanan y nos hobennan cu ta nos prioridad. E siman aki y padilanti, laga nos sigui educa, conscientisa y inverti den solucionnan pa proteha nos muchanan y nos hobennan di abuso di droga.
Danki FADA pa boso
esfuerso y dedicacion, danki na cada maestro y profesional den cuido cu ta traha incansabelmente pa yuda combati e problema aki y ta yuda nos hobennan mira otro alternativa. Mi ta desea FADA hopi exito e siman aki. Gobierno di Aruba ta uni su mes na e siman di conscientisacion
aki di FADA. Laga nos tur uni na e siman di conscientisacion, compasion y compromiso aki. Hunto nos por crea un futuro mas briyante, saludabel pa nos muchanan y hobennan na Aruba”, Prome Minister a termina bisando.
Parlamentario Marco Berlis (MEP):
Benny mester paga afl 940 mil florin!
Sevinger den caso di labamento di placa den corte
Februari 2025 Benny lo para dilanti hues pa labamento di placa
Ministerio Publico a haci un investigacion y a cuminsa un caso na Mei 2024 pa kita 940 mil florin for di Benny Sevinger. Hues a pospone e caso aki pa 21 di October 2024. Fiscal a presenta e investigacion cu ta bastante amplio, y a splica hues cu e rapport aki a wordo usa efectivamente contra Benny den Corte Superior. A keda stipula pa hues cu pa 28 di februari 2025 lo trata e caso di labamento di placa den corte. Esaki ta otro sla mas pa AVP y un caso mas den cual Sevinger lo mester duna cuenta dilanti mesa berde. Mientras tanto Mike ta sigui permiti Benny den Parlamento.
Mike ta insisti pa elogia un politico condena
Algun siman pasa e lider di partido Mike Eman a elogia Benny publicamente na Cas di Partido durante un celebracion,
aunke 3 hues a condene pa fraude, soborno pasivo, abuso di funcion y ladronicia; y a bisa “Benny Sevinger a pasa e sentimientonan di sirbi e pais ki, e sentimentonan di carga Aruba, manera el a haci den su añanan di servicio, e sentimentonan di Rancho y Madiki!” Mi pregunta na Mike Eman ta: “di ki manera Benny a sirbi e pais aki? Di ki manera Benny a carga e pais aki? Benny a viola y horta e pais aki, a bende patrimonio di pueblo pa probecho di su amigonan y su mes y ainda Mike Eman tin palabranan di elogio p’e? E ladron a bira un heroe awo?
Segun Benny e ta “Etico awo.” Den un otro rueda di prensa di AVP algun siman pasa, Benny a sugeri cu e lo “por” sigui riba lista di AVP y bay eleccion, sinembargo e ta haya cu esaki no ta algo “etico,” mirando e condena cu ta colga riba su cabes. E pregunta pa Benny e ora lo ta; “Acaso na 2021 bo no tabata
un sospechoso di corupcion, sinta den KIA? Acaso na April 2023 bo no a wordo condena pa Corte den Prome Instancia?” Unda bo etica a keda e tempo ey? Kiermen, awor cu ba “bira etico” bo ta bay retira tambe di Parlamento di Aruba? Etica ta algo cu sigur no ta existi den bo bida!
AVP: “Brasando, Celebrando y awo Campañando cu corupcion!
E realidad di e estado y condicion di partido AVP ta keda confirma a traves di e declaracionnan di Benny Sevinger; “Mi lo bay campaña duro cu AVP y lo bay yuda e partido haya voto.” Segun Benito e ta retira di eleccion, pasobra esey ta etico, pero e ta ok pa un homber condena y corupto bay campaña cas pa cas? Esey si ta etico? Kico un homber asina por ofrece e famia y hogarnan di e pais aki? Ki cambio AVP kier pretende di por ofrece e pueblo “brasando, celebrando y hasta
Minister Maduro di Cultura ta informa:
awor campañando cu corupcion?”
Obviamente nada a cambia. AVP a perde tur rastro di consenshi y etica. No tin nada otro pa conclui cu AVP ta e partido cu lo sigui brasa corupcion pa tur eternidad.
Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!
Hunto cu e organisacion
Americano Internet Archive, e partnernan cu ta forma parti di Coleccion Aruba, a bin ta digitalisa y haci accesibel via internet mas di 150 mil diferente buki, revista, corant, potret, video etc cu ta contene informacion di
Aruba y Papiamento. Di e manera aki na Aruba trabounan pionero den nos region ta wordo haci pa conserva nos herencia cultural y haci esaki accesibel online via www. coleccion.aw.
Pa e trabou importante aki, Aruba a wordo premia
SNBA y PPA ta riba e mesun liña
San nicolaS meSter bira e Heritage & cultural city di aruba
Errol de Freitas di San Nicolas Business Association despues di a reuni cu miembronan di partido PPA a indica cu e reunion tabata uno sumamente interesante y fuerte, manera a wordo presenta pa e lider di e partido oranje, Otmar Oduber.
De Freitas a indica cu a yega momento pa papia di lo cual ta necesario pa San Nicolas, pasoba por mira cu San Nicolas mester tuma su posicion dentro di e scope economico , financiero y social di e isla.
“E reunion tabata hopi fuerte pasobra tabatin diferente intercambio di idea, pero lo cual nos ta haya hopi interesante ta cu e singergia cu nos ta trahando riba dje ta hopi bon”, Errol de Freitas a indica.
E ta bisa esaki mirando cu hopi di e puntonan presenta por a wordo mira tambe den e rapportnan presenta pa PPA. Esey,
segun de Freitas, SNBA cu a cuminsa traha riba nan mes riba algun desaroyo, hinbando e vision di San Nicolas, por wak cu partido PPA ta hopi leu y organisa den esaki.
Un di e puntonan riba cual tin sinergia ta esun di haci di San Nicolas e capital Arubiano di herencia y cultura.
Durante e ultimo aña aki
SNBA a bin ta presionando riba esaki y pidiendo gobierno di Aruba pa esaki unda cu nan kier pa San Nicolas wordo declara e Cultural & Heritage City of District di Aruba.
SNBA a gradici PPA pa e reunion pa cual lo tin un follow-up.
Tambe nan ta desea PPA hopi exito den e eleccion nos dilanti y a pidi pueblo di Aruba pa ta pendiente di e forto di nan asociacion cu lo tuma luga dia 7 di november.
Prome Minister Evelyn Wever-Croes:
ARUBA TA CEDE DI CONFERENCIA DI KONINKRIJKSPLATFORM VOOR CARIBISCHE BURGERZAKEN (KCB)
Un logro grandi di Gabinete Wever-Croes II hunto cu e plataforma KCB ta e burgerservicenummer (BSN) pa studiantenan
– Dialuna mainta 28 di october a inicia e conferencia di Plataforma KCB, Koninkrijksplatform voor Caribische Burgerzaken. Den e mundo di asuntonan civil den Caribe, KCB ta e luga unda profesionalnan y expertonan di tur Instituto den Reino ta reuni y comparti conocemento, experiencia y e puntonan di bista pa loke ta trata temanan di Censo.
Riba dialuna mainta, Prome Minister Evelyn Wever-Croes tawatin e honor di habri e conferencia. E mandatario a expresa durante su discurso cu den un mundo cu ta cambiando constantemente ta bon pa bin hunto y traha hunto ya cu den union bo ta mas fuerte. E plataforma aki ya ta trahando hunto cu Aruba pa algun aña y e aña aki Aruba tin e honor di ta
anfitrion di e conferencia di KCB.
Un logro grandi di Gabinete Wever-Croes II, hunto cu e plataforma KCB ta e tema di e BSN, e burgerservicenummer.
Esaki ta di importancia pa e studiante di Aruba cu ta bay studia na Hulanda. Ya cu desde aña 2024, e por ricibi e BSN prome cu e biaha, y asina entre otro por inscribi pa un camber, aplica pa DigiD, habri un cuenta di banco, y tin hopi facilidad mas prome cu su biahe.
E enfoke di KCB ta pa mehora e calidad di e proceso di trabou y maneho di data den asuntonan civil. Dos biaha pa aña KCB ta organisa dianan asina unda ta traha hunto, siña y crece. E meta ta pa fortifica e cooperacion regional, comparti conocemento, sostene e tumamento
di desicion, y garantisa calidad di servicio den e sector.
“Aruba den e sentido aki ta haciendo hopi bon. Nos tin un departamento di Censo cu a innova na un tempo hopi lihe y cu informacion confiabel y asina otro departamentonan por haci uso corectamente di dj’e.
E logro aki nos ta showcase riba plataforma KCB y nos ta hopi orguyoso di nos Censo, nos ta hopi orguyoso cu e servicio cu ta wordo duna, lihe y confiabel y claro, mi ta orguyoso di wak con nos por comparti nos logronan cu otro paisnan den Reino. Banda di esey e bon cooperacion entre Aruba, Corsou, Sint Maarten y BES, semper ta hopi importante y ta bayendo bon”, Prome Minister a indica.
Cuido Salud Hubenil ta informa riba CHekeo general preventivo di Salud, deSaroyo y bieneStar di muCHanan na SCol
ARUBA- 28.10.2024. Pa medio di e articulo aki Seccion Cuido Salud Hubenil (Jeugdgezondheidszorg/ JGZ) di Departamento Salud Publico (DVG) kier informa tocante e chekeo general preventivo di salud, desaroyo y bienestar di muchanan. Esaki ta tuma lugar manera tur aña na diferente scol rond Aruba.
Chekeo general di Salud Tur chekeo ta wordo haci pa promove y proteha salud y bienestar di muchanan, pa asina mas y mas mucha crece y desaroya saludabel aki na Aruba. E dokternan di Cuido Salud Hubenil ta e mesun dokternan cu ta samina y monitoria e salud y desaroyo di baby na Wit Gele Kruis y ta sigui den e periodo escolar. Den e periodo escolar e chekeo general ta wordo haci door di dokternan y enfermeranan di Cuido Salud Hubenil, cu colaboracion di mayornan, scolnan y unda ta necesario lo involucra otro instancianan di cuido. Nos ta pasa na scol (preparatorio, basico y special) pa ofrece chekeo general di salud na muchanan segun e indicacion di scol, cual lo wordo informa na mayornan. E chekeo ta encera parti salud fisico (e.o. peso,
largura, motorico, oido, bista, curason etc.), parti salud social emocional (su sentimentonan, experencianan, amigonan etc.) y tambe informacion di mayor of scol lo por yuda pa cu salud di e mucha. Si ta necesario Cuido Salud Hubenil lo duna conseho of referi e mucha pa asina por ricibi e sosten of ayudo necesario den acuerdo cu su mayornan.
Seccion Cuido Salud Hubenil
E cuido preventivo di Seccion Cuido Salud Hubenil ta cuminsa for di infancia y ta sigui te adolescencia. Nos ta haya importante pa tur mucha crece saludabel y wordo proteha den nan desaroyo y bienestar. Pa cu esaki
Seccion Cuido Salud Hubenil ta brinda su aporte, cual ta a base di derechonan di mucha, entre otro: derecho riba un bon cuido di salud, derecho riba enseñanza y tambe derecho riba un nomber y nacionalidad, sin discriminacion y sin exclui niun mucha.
Formulario cu pregunta
Den cuadro di e chekeonan general preventivo di salud na scol, Seccion Cuido Salud Hubenil ta pidi mayor pa jena un formulario
cu lo ricibi na scol y entrega esaki na e docente dentro di dos siman.
Obhecion?
Como meta clave y importante nos tur hunto por aporta na un salud, desaroyo y bienestar sano di tur mucha aki na Aruba.
Seccion Cuido Salud Hubenil ta spera cu mayornan saca e maximo probecho di e oportunidad aki. Mayornan ta keda importante y involucra den e chekeo. Seccion
Cuido Hubenil ta sali for di punto di salida cu tur mayor kier un bon salud y bienestar pa nan yiu cual ta den cuadro di derecho di mucha.
Si mayor/ voogd tin obhecion pa esaki, mester manda esaki den e formulario completamente jena bek pa scol dentro di 2 siman. Den tur caso, cu ta un si of no, nos ta
desea di haya e formulario bek. Por fabor jena nomber completo y fecha di nacemento di e yiu. Den caso cu no entrega e formulario, Seccion Cuido Salud Hubenil ta asumi cu mayor/ voogd ta duna permiso pa e saminacionnan medico di su yiu na scol.
Pregunta?
Si tin cualkier pregunta por contact nos libremente na telefon 5224200/ 522-4294, via Whatsapp 735-2982 of via email jgz@dvg.aw.
Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na servicio@dvg.aw
E informacion cu ta wordo digitalisa na Aruba pa e partnersnan di Coleccion Aruba, ta wordo haci accesibel riba internet via e servernan di Internet Archive na Merca cu ta haci esaki gratuitamente posibel. Pa Internet Archive ta importante pa material historico cu ta forma parti di e memoria di un Pais ta accesibel, no
solamente pa e habitantenan di e Pais, sino tambe pa mundo henter. Cu e intencion aki, nan ta sostene Aruba pa Coleccion Aruba por ta accesibel riba un server special cu nan a yama Internet Archive Aruba.Pronto e server aki lo wordo treci Aruba pa asina material digital di nos herencia cultural por wordo warda na Aruba mes, y na
mes momento tin un back-up na diferente datacenter di Internet Archive rond di mundo.
E intencion ta pa e server na Aruba un dia fungi tambe como server pa otro paisnan den nos region por tin un backup di nan material historico den e server di Internet Archive di Aruba. Den e tempo nos dilanti nos lo tende mas si por
concretisa e idea aki. E server di Internet Archive Aruba lo wordo instala na Biblioteca Nacional di Aruba na unda elo ta visibel pa publico por mira unda nos herencia cultural ta wordo convserva y haci accesibel pa henter mundo.
Rudy Richardson di PPA
San n icolaS
Ta cen
T ral den e de Saroyo macroeconomico di a ru B a den S u ToTalidad
Rudy Richardson, candidato di partido PPA despues di e reunion cu nan como partido tabatin cu San Nicolas Business Association a bisa cu e tabata un reunion sumamente constructivo.
El a indica cu pa hopi aña el a bin ta lucha pa cambia e panorama di San Nicolas y e stakeholder cu ta yuda guia e maneho di gobierno ta sigur SNBA. Durante e reunion a papia riba diferente rapport cu a wordo traha tempo Otmar Oduber tabata forma parti di gobierno anterior, pero cu lamentablemente tur esfuerso cu Richardson a bin ta haci di 2017 bin ariba, ainda tin e mesun issues, cual nan ta e problemanan di recidivista, depresion economico, social, entre otro.
“E issues aki a keda despues di basicamente 10 aña di gobernacion y tur esaki a
conduci cu mi no ta forma parti mas di e organisacion politico di pasado. E capitulo ey a cera siman pasa diabierna y un capitulo nobo a habri e weekend cu a pasa. Awo mi ta forma parti di Partido Patriotico di Aruba y den e vision cu nos tin, e plan cu nos tin, Plan Nos Aruba 2025-2050, e vision long term, sigur sigur, San Nicolas ta central den e desaroyo macro-economico di Aruba den su totalidad”, ta palabranan di Rudy Richardson.
Pesey e ta di acuerdo cu su lider, Otmar Oduber cu ta bisa cu e topico di refineria mester pasa pa pasado, cu mester desaroya San Nicolas Port Authority, desaroya un ambiente unda ta haya acceso na lama, mester traha e infrastructura pa e hotel Secrets cu ta na caminda pa mas tarda maart
2025.
Riba e ultimo punto Rudy ta agrega cu awe no ta mira e infrastructura pa carga e proyecto aki cu ta un inversion di 270 miyon Dollar cu ta casi equivalente na un crecemento di GDP di 11% cu un posibel refineria lo por a trece na e parti aki di Aruba.
E ta considera cu e reunion cu SNBA tabata uno hopi fructifero, pero cu natu-
ralmente tin hopi pa haci ainda y pesey lo campaña duro como PPA pa e partido por bolbe den gobernacion y ehecuta nan vision a plaso largo di e Plan Nos Aruba 2025-2050, pero cu lo break e down y den prome 4 añanan: no lo tin mas refineria, infrastructura adecua pa sostene e hotel cu ta bou construccion actualmente y desaroya San Nicolas Port Authority, creando
otro desaroyo macro. “E spin off effect lo bay ta uno increibel pa nos hendenan, nos ta bay focus awo pa calidad, nos kier aumenta e calidad di bida di nos conciudadanonan. Nos no kier promesnan basi of smokescreens, tin plannan concreto caba, tin rapportnan concreto caba y awo ta ora pa ehecutanan cu sosten di nos pueblo”, Rudy Richardson a finalisa.
Pueblo ta brasando e Kalender di
Brazil Taekwondo Stichting
For di momento cu e Kalendernan di 2025 a sali algun atleta di Brazil Taekwondo Stichting y Taekwondo Team Aruba a subi caya pa cuminsa bende e Kalendernan na Pueblo.
Pueblo a gusta e Kalender di 2025 y ta cumpra pa contribui cu e atletanan pa nan recauda fondo pa nan por sigui representa Aruba Internacional.
Brazil Taekwondo Stichting y Taekwondo Team Aruba ta hopi contento cu e Pueblo a cuminsa
cumpra e Kalender pa nan pone den nan cas, negoshi y oficina.
Tin mas Kalender pa esnan cu no a cumpra ainda.
Por tuma contacto via Messenger di e Facebook original di Stichting Brazil of via WhatsApp 568-2446.
Un es TUdi O c U lO y U da arU ba c O mbaTi malesanan infecci OsO , bO ap OrT e Ta c OnTa
i Turismo cohuntamente cu Wageningen University y Departamento di Salubridad Publico (DVG) ta pidi comunidad di Aruba pa cooperacion relaciona cu un encuesta nacional tocante malesanan infeccioso y su factornan di riesgo.
Malesanan infeccioso ta surgi pa medio di diferente micro organismo manera bacteria, virus, schimmels y parasito. Esaki por wordo
Transforma bo cas e temporada aki cu Op
transmiti di hende pa hende, bestia pa hende, mordi di un insecto, pero tambe via cuminda, mata of awa contamina. Ehempelnan di malesanan infeciosso ta Dengue, Chikungunya pero tambe Rabies, Swineflu, y Birdflu.
Segun Dr. Kimberly Greaux: “Pa por yuda Aruba ta mihor prepara contra cualkier pandemia cu por surgi, ta sumamente importante pa compronde kiko e comunidad su conocemento ta tocante malesanan infeccioso, y tambe kiko por ta e factornan cu por conduci na malesanan infeccioso na Aruba. Pa por yega na esaki nos mester di ayudo di communidad di Aruba.”
Studiante di Universidad di Aruba, Edylianne Figaroa a elabora ariba con bo persona por yuda nan como studiante den nan experiencia como futuro professional: “E encuesta ta disponibel den 3 idioma, Papiamento, Spaño y Ingles. E encuesta aki ta completamente anonimo. E datonan ta wordo usa specificamente pa estudio aki. Ta sumamente importante pa remarca e importancia pa yena e encuesta completo.”
Jena e encuesta completo door di screen un di e QR codes den e flyer of door di klik ariba un di e siguiente
links y encurasha otro pa tambe jena e encuesta. - Spaño: https://wur.az1.qualtrics.com/jfe/form/ SV_7VrcoGLBx6lBBf8 -Ingles: https://wur.az1.qualtrics.com/jfe/form/ SV_8CXhlwRWSxEtNjg - Papiamento: https://wur.az1.qualtrics.com/jfe/form/ SV_87zqYyg49mTnIz4
E ta importante pa por haña hende cu ta representa diferente barionan na Aruba, genero y edad. Tur hende cu yena e encuesta completamente ta participa pa gana: - 1 voucher di 175 florin di Superfood
- 1 voucher di 125 florin di Superfood - 1 voucher di 25 florin di Starbucks
Pa pregunta of mas informacion por bishita e Facebook page di University of Aruba-FHTMS.
Ban yuda Aruba combati malesanan infeccioso. Nos ta spera di por conta cu aporte di e comunidad di Aruba.
Kimberly Greaux, PhD, Universidad di Aruba Natalie Vinkeles MelchersMartinez, PhD, Wageningen University
Ingrid de Boer, Msc, Wageningen University
Op su coleccion nobo! Disfruta tambe di tremendo ofertonan riba productonan di cada dia pa cas Bishita Op=Op y haci bo cas e retiro ideal!
Universidad di Aruba - Facultad di Hospitalidad
REFLECCION
HENDE TA DICIDI? OF TA DIOS TA
DICIDI TOCANTE SEXUALIDAD?
Esnan den organisacion y den social, nan ta duna lectura y charlanan tocante medionan pa tuma control di saludsexual y di anticonceptivonan na e hobennan?
Nan ta sinja y ta promove algo cu no ta un educacion Cristian y cu no ta bini di Dios. Ta ki ehempel y educacion esey ta? Esey ta pa promove libertinahe sexual den nos hubentudnan?
Educacion sexual mester ta basa segun Dios Su boluntad y den un bida Cristian. Mester sinja tur e hobennan, cu relacion sexual mester sosode solamente den e casamento den e Sacramento di Matrimonio cu Cristo-Hesus a institui, lesa den Bijbel Mateo 19: 5-6, loke Cristo-Hesus ta bisa: “P'esey un homber lo laga su tata y su mama, pe uni su mes cu su muher y e dosnan aki lo bira un curpa. Di manera cu ya nan no ta dos mas, si no un solo curpa y loke cu Dios a uni, no ta permiti hende di separa.”
Esaki ta e casamento den e Sacramento di Matrimonio pa Dios den Misa y den e union aki di un solo curpa ta significa, cu Dios ta uni e pareha den nan relacion sexual, pa satisface nan curpa y pa lanta famia. E relacion sexual mester sosode solamente den e Sacramento di Matrimonio, pasobra tur otro relacion sexualnan haci pafor di e Sacramento di Matrimonio, ta condenabel pa Dios den fierno, lesa den Bijbel 1 Corinthionan 6: 9-10, esaki ta e relacion sexualnan prohibi cu ta e pika di fornicacion y e destino final ta den fierno.
Den e di 9 Mandamento di Dios ta bisa: “Lo bo no comete e pika di fornicacion y e pika di deshonesto.” Den e Ley aki Dios ta prohibi tur sorto di relacion sexual pafor di e Sacramento di
Matrimonio, lesa Bijbel 1 Corinthionan 6: 18 – 20. Tambe e pika di deshonesto y di inmoralidad, ta esnan cu ta deshonra nan mesun curpa den e mesun sexo, lesa Bijbel Levitico 18: 22 / 20: 13.
Tur sorto di anticonceptivonan, ta contra di Dios Tata Su procreacion humano. No ta pa hende dicidi esey y ni pa husga tocante di bida humano, pasobra ta Dios Tata ta E Autor di bida y no hende. Lesa den Bijbel Genesis 38: 6-10, na unda Dios Tata a condena Onan na morto, pasobra Onan tabata benta su spermanan afo pa no laga su senjora sali na estado. Asina aki tambe, Dios ta condena den fierno, na tur esnan cu ta usa tur sorto di anticonceptivonan pa no sali na estado. Dios ta condena e hombernan den fierno cu ta haci masturbacionnan y nan ta benta nan sperma afo, hombernan cu ta usa condoom pa benta nan sperma afo. Muhernan cu ta usa pildonan pa no sali na estado, muhernan cu ta opera, cu ta konopa, cu ta usa spiral pa no haya yiu etc.
Hendenan mester compronde bon, cu Dios Tata a traha hende muher pa planea famia hunto cu su casa den e Sacramento di Matrimonio, ta pesey hende muhernan tin nan ciclonan y nan periodonan cu ta e dianan di fertilidad, e dianan di infertilidad y dianan di menstruacion. Hende muher ta planea nan famia den e ciclonan y den e periodonan y no den e anticonceptivonan cu ta bini di satanas. Na mundo esnan den organisacionnan satanico bao di un capa, ta nan ta bini cu e anticonceptivonan pa hende sera porta pa Dios Su procreacion humano, ta e diabel mes kier pa hende homber benta nan
sperma afo, ta e diabel mes ta promove mas libertinahe sexual den nos hubentudnan y pa regala y cumpra su anticonceptivonan. Ta e malo kier pa bo usa su anticonceptivonan pa bo wordo condena mescos cu Onan cu a benta su sperma afo. P'esey tur esnan cu ta stroba Dios Su Autor di bida of ta sera porta y ta promove libertinahe sexual, nan ta comete pikanan mortal y condenabel. Compronde bon, cu ta Dios ta duna bida y alma, pa nos bini den e mundo aki y ta Dios ta yama nos, pa nos laga e mundo aki. Educacion sexual pa e hobennan mester bini for di cas, na unda cu tata y mama ta papia cu nan yiunan.
Tambe educacion sexual pa hobennan, mester bini for di esnan den cooperador pastoral den Parokia, pastoornan of di hendenan Cristian cu sa di Bijbel. Educacion sexual mester ta algo priva y personal den famia y no di esnan cu bo no sa ken nan ta y cu nan no ta Cristian y cu nan no sa di Bijbel, anto ta nan ta bini pa sinja bo yiunan tocante safesex, saludsexual y anticonceptivonan.
Awor e pregunta ta: Ta hende ta dicidi of ta Dios ta dicidi? Of mihor bisa, ta na unda bo kier bay despues di morto? Den e lugar cu bo mes a dicidi of den e lugar cu Dios a dicidi pa bo? Educacion na scol, no mester bini tocante, educacion sexual, uso di anticonceptivonan y abortus.
Laga e educacion sexual pa e mayornan, pa esnan den ccoperador pastoral, pa esnan studia den teologia, pa esnan spiritual y pastoornan.
Scirbi pa Seferino Tromp
Un feliz comienso di weekend bendiciona y cu Dios brasa nos cu su misericordia infinito.
Scritura ta bisa:”Misericordia Mi kier y no sacrificio.”Mateo 12,7
Misericordia di Dios ta mas grandi cu su obranan. Loke Hesus kier di nos ta, pa nos ta misericordioso manera Dios ta misericordioso cu su pueblo. Den e prome lectura nos por lesa con Ezekias tabata pa bay muri. Dios a manda Isaias duna e noticia cu e no tin hopi tempo pa biba. Ezekias a bira lomba y a resa na Dios y Dios a tene misericordia cu ne. Mescos cu Dios a haci, nos tambe tin di haci den nos bida diario, tene misericordia cu nos rumannan, pasobra nos no sa den ki situacion nan ta pasando. Den e Evangelio tambe nos por lesa cu riba un sabat ora Hesus tabata cana cu su discipelnan den cunucu y nan abata tin hamber. Nan a cuminsa come trigo di e tapushinan. E fariseonan a bisa Hesus cu su discipelnan ta haci cos cu no ta permiti riba sabat. Hesus a bisa e fariseonan kico David a haci ora nan tabatin hamber. No laga nos bira mescos cu e fariseonan. Nos tin di ta manera Dios y Hesus, semper bay misericordioso cu nos rumannan y Hesus a pidi misericordia y no sacrificio.
Oracion: Dios nos ta pidi Bo pa laga nos por ta misericordioso manera
Abo ta misericordioso tur dia di nos bida. Amen.
A reconoce amigonan di Santa Rosa
Mercado Santa Rosa enconeccion cu celebracion di Dia di Alimentacion tabata diadimingo ultimo. Esaki a conta un biaha mas cu exito rotundo. Hopi ta esnan cu a yega y hasi nos un bishita pa por probecha di cumpra un of otro product fresco di nan preferencia y asina probecha di e prijsnan competitivo y cu na alcanse di nan cartera. Tabata un cantidad di bishitante remarkable mirando cuanto persona tabata tin
haciendo nan compras ya for di mainta trempan. Tin te hasta prome cu e actividad mes a cuminsa. Mester menciona cu Departamento di Agricultura, Cria y Pesca Santa Rosa semper ta keda imensamente agradecido pa e sosten ricibi mirando e cantidad di bishitante y cu e demanda pa productonan local fresco ta keda halto. Ta un gustumber cu durante di e celebracion di Dia di Alimentacion den combinacion di nos Mer-
cado Santa Rosa nos departamente ta reconoce productornan local cu ta duna su aporte na nos Mercado y sigur na nos Sector Primario. Un reconocimento cu nos a duna un toke local crioyo pa asina stimula nos productornan den cualkier ramo cu ta regarda Sector Primario. Esaki ta wordo midi na e forma con nan ta bin ta sostene nos mercado y/of produciendo cualkier producto fresco pa abastece e pueblo consumido. Nos a duna e reconocimento aki e nomber di “Amigo di Santa Rosa”. E biaha aki a reconoce seis persona den diferente ramo di Sector Primario. E seis personanan cu a recibi e reconocimento aki di “Amigo di Santa Rosa ta, sra. Roselinde BarrosPoels di “Living Soil Aruba”, pa su dedicacion na educa Aruba su comunidad encuanto plantamento den un forma sustenibel y asegurando e desaroyo di mucha y hoben. Sr. Jair Britten di “Cunuco Calbas”, pa su dedicacion y su perseverancia pa continua cu e conocemento y tradicion inculca door di su kerido tata den feliz memoria. Sr. Jake Arends di “Cunuco Fresh”pa su dedicacion y gana pa sostene Aruba su sector primario mediante sistemanan innovativo y semper cla pa sostene cualkier actividad di Santa Rosa. Sr. Lucio Croes, productor di remedinan herbal y un persona activo den Mercadonan di Santa Rosa pa mas di 10 aña. Sra. Alexandra Pestana,di “Pestana Chikenfarm”, Criado di Galiña pa Webo fresco y Carni di Porco, cu a inicia algun aña pasa y a expande pa por ofrece su productonan na e comunidad Arubano. Pa ultimo sr. Milo Thijsen, productor di remedinan herbal den un forma artesanal y conoci pa su bebidanan produci cu
frutanan local. Debi na un kebrante di salud sr. Milo Thijsen no por a keda te na momento di hasi entrega di su reconocimento, pero lo hasi e entrega na su persona. Den presencia di sra. Nathalie Maduro director di Departamento di Agricultura, Cria y Pesca Santa Rosa y sr. Ursell Arends minister encarga cu Sertor
Primario e “Amigonan di Santa Rosa” a ricibi nan respectivo reconocimento.
Un felicitacion y gratitud enorme ta bai pa nos “Amigonan di Santa Rosa pa tur e Mercado y añanan di sosten ricibi na nos mercadonan y sigur pa sostene Sector Primario di Aruba .
Drukbezochte beroepencarrousel voor leerlingen Colegio Arubano
28 oktober 2024
Vorige week bezochten ruim 300 scholieren de voorlichtingsavond over beroepen georganiseerd door WeConnect in samenwerking met het decanaat van Colegio Arubano. Leerlingen van de hoogste klassen HAVO en VWO kregen die avond voorlichting over wat een bepaald beroep inhoudt. Het doel van deze voorlichting, een soort beroepencarrousel, is om leerlingen te ondersteunen in hun keuze voor een studie en later hun beroep. Er waren ruim dertig vrijwillige professionals om de leerlingen van Colegio Arubano te informeren over de inhoud van hun vak.
Voorlichting
De educatieve stichting WeConnect zet zich in voor een (betere) voorbereiding op de studie, beginnend in de schoolbanken. “We merken dat het voor Arubaanse studenten best lastig is om een gerichte keuze te maken voor een studie in Nederland. Een enthousiaste professional die vertelt over zijn of haar vak, kan iemand informeren en inspireren.” Licht WeConnect manager Tanja Fraai toe.
Deze beroepencarrousel maakt onderdeel uit van een bredere serie voorlichting van WeConnect, zowel op Colegio Arubano als op andere middelbare scholen. Ook op Curaçao en Sint Maarten wordt deze vorm van voorlichting aan scholieren op diverse scholen aangeboden door WeConnect.
Professionals voor de klas
Voor de beroepen carrousel waren professionals met
uiteenlopende beroepen aanwezig om voorlichting te geven. Zo konden de leerlingen luisteren naar de ervaringen van onder meer professionals uit de toeristenindustrie, de medische sector en uit de hoek van aardwetenschappen. Maar ook criminologie, finance en rechten en kwamen aan de orde.
Inspiratie
Een enthousiaste leerling die voorlichting kreeg van Ruthlyn Lindor, die een master in criminologie heeft en werkt bij het Nationaal Centraal Bureau Terrorismebestrijding, Veiligheid en Interpol in Aruba, gaf aan: “Criminologie vond ik heel interessant en hoe de juffrouw praatte was vol met energie en niet saai.” Zelf zegt Ruthlyn Lindor over deze vorm van voorlichting: “Ik heb criminologie gestudeerd omdat ik een verschil wil maken in de samenleving. Ik ben blij met wat ik allemaal heb kunnen bereiken en doen met mijn master. Maar het zijn avonden als deze die de vonk in mijn hart echt doet ontbranden.
Al die fonkelende ogen te zien, terwijl ik de ins en outs uitleg over het studeren van
criminologie en het beroep van criminoloog. Hopelijk heb ik toekomstige criminologen geïnspireerd."
Behoefte
Bij de enquête die de leerlingen na hun bezoek konden invullen op hun telefoon, gaf 53% aan meer inzicht te hebben gekregen in het bepalen van hun beroepskeuze. Meerdere leerlingen gaven aan dat zij behoefte hebben aan meer van dit soort beroeps informatieavonden omdat het hen helpt bij het bepalen van hun studierichting. “Een goed signaal voor ons om dit soort beroepskeuze
voorlichting te blijven geven.” Reageert WeCon-
nect manager Tanja Fraai na afloop.
FORTALEZA PA FAMIA
Scirbi pa Pastor Marcel Balootje.
ALABA DIOS, EXALTA SU SANTO NOMBER, Y DUNE TUR
Señor merece tur honor y gloria, e ta Dios riba tur cos, e ta nos maestro, nos escudo, nos toren fuerte, E Baranca, nos fuente di sosiego, y nos Salbador,
E merece e prome lugar den nos bida, pasobra nos tur ta depende di Dios, pa nos bida, pasobra nos rosea ta bini di Dios. Nos no ta un robot, nos tur ta ser humano cu a wordo forma den barica di nos mama y ta solamente Dios por a haci esey, pasobra ta solamente Dios tin e poder pa forma hende den barica di nan mama.
Hopi biaha ora nos mira falta di respet y temor pa Dios, nos ta bisa cu doloroso ta ora hende lubida ken ta nan Creador, ora nos mira hende ta apoya , participa, y legalisa inmoralidad, nos ta
sinti un dolor pasobra cada pica y cada rechaso di Dios tin su consecuencia. (Romanonan 1:28-32).
Laga tur loke tin rosea alaba nos Dios, Tur hende mester sa ken Dios ta, y cu Dios merece tur honor y Gloria.
Awor mas cu nunca cu scuridad ta aumenta mundialmente, nos tur mester sa cu Dios mester wordo alaba.
Ora nos ta alaba Señor , cadena den nos bida ta wordo kibra y nos bida, hamas lo ta mesun cos, pasobra Señor lo cambia nos lamento den baile, y yena nos bida cu Su goso y Su pas.
Lo mi halsa Bo mi , O Rey lo mi bendiciona bo nomber pa semper y semper. Tur dia lo mi bendiciona Bo,y lo mi alaba Bo nomber
pa semper y semper. Señor ta grandi, y digno di ser alaba na gran manera y Su grandesa ta inscrudiñabel.
Generacion pa generacion lo alaba Bo obranan, y lo declara Bo hechonan poderoso.
Lo mi medita den e splendor glorioso di Bo mahestad y den Bo obranan maraviyoso.( Salmo 145:1-5).
Dios ta keda Dios den nos bida, y ningun hende por tuma lugar di Dios den nos bida, tur locual nos ta halsa mas halto cu Dios den nos bida ta bira idolatria.
No laga nada , tampoco ningun hende tuma e tempo cu bo mester pone pa Dios, pasobra ora nan corre bay laga bo, ta Dios ta esun cu ta rescata bo y cura bo herida cu nan a laga atras.
Dios ta nos prioridad, y nos prioridad ta Dios.
Dios ta nos refugio, E ta nos fortalesa, El a resulta un yudador den mester.
Salmo 46:1
Cu dolor na nos curason, nos ta participa fayecimento di:
Sr. Freddie Ruiz
*22-12-1947 - †26-10-2024
Acto di entiero lo wordo anuncia despues
O Dios bo ta mi Dios,lo mi halsa Bo,lo mi duna gradicimento na Bo nomber, pasobra Bo a haci cosnan maraviyoso, plannan forma hopi tempo pasa den fieldad perfecto.( Isaias 25:1).
Ponemento di mas confiansa den hende cu Dios, ta hiba nos na discucion y na pica, pasobra nunca hende por reemplasa den Dios den nos bida, e lugar cu Dios tin den nos bida ta superior riba tur cos.
Dios ta lus y den dj’E no tin nada , nada di scuridad, pesey nos mester cana den su lus pa asina nos tin comunion constante cu Dios.
Sea keto y sabi cu Ami ta Dios,lo mi wordo halsa, meymey di e nacionnan,lo Mi wordo halsa riba tera.( Salmo 46:10).
GLORIA
Mas confiansa nos tin den Dios, mas Su presencia por wordo nota den nos bida, pasobra no tin nada riba e mundo aki cu Dios no tin contraol riba dje, no tin problema cu Dios no por resolve. No tin malesa cu Dios no por sana , pasobra E ta nos Sanador.
E momento a yega pa unda nos ta nos Alaba Señor , glorifica Su santo nomber,
pasobra Dios merece tur honor y gloria.
“Señor ta mi wardador, mi n’tin falta di nada; Den cunucu di yerba berde, E ta ponemi sosega. E ta hibami na awa tranquil, Pa mi bolbe haña forsa. Salmo 23: 1, 2, 3
Cu dolor na nos curason pero conforme cu boluntad di Dios, nos ta anuncia fayecimento di nos Casa, Ruman y Omo stima:
Antonio Obispo Maduro
Cariñosamente yama:
“Tony” of “Mo tony”
*09 Januari 1945 - †25 October 2024
Na nomber di su:
Casa: Lilia Maduro-Arends
Rumannan:
†Efraim y Maria Luisa “Lu” Tromp-Vasquez y famia
Maria y †Gerrit van Dijk-Maduro y famia
Imelda y †Arie Hernandez-Maduro y famia
†Alda Maduro y famia
Juany y Mervin Maduro-Croes y famia
Bea Maduro y famia
Oncha y Henry Garcia-Maduro y famia
Jacinta y †Richard Shaw-Maduro y famia
†Ella y Ton Keeven-Maduro y famia
Pablo Maduro
Cathy Maduro
Ivan Maduro
Danny Maduro
Iha: Nadia Maduro y yiu
Manera yiu:
Ulrick Thijzen
Anabella Campbell-Maduro y famia
Swa y Cuñanan:
†Jorge y †Ruth Arends-Odor y famia
Everaldo y Sally Arends-Frans y famia
Feliciano y Jane Arends-Arends y famia
†Rita y †Pedro Yarzagaray-Arends y famia
†Edwin y †Olga Arends-Leo y famia
Yolanda Arends
Lidia y Den Thijzen-Arends y famia
Sobrino y sobrinanan, Primo y primanan cual ta hopi pa menciona.
Amigonan di cas:
Wijkie de Cuba
Karel Nicolaas
Miguel Maduro
Demas Famia: Maduro, Arends, Tromp, Vasquez, van Dijk, Hernandez, Croes, Garcia, Shaw, Keeven, Odor, Frans, Yarzagaray, Thijzen, Leo, Campbell, Vingal y v/t Pad Bosch.
Ta invita demas Famianan, Bisiñanan, Amigo(a)nan, Grupo di Oracion Divino Misericordia, Koor di Nove Cantores Savaneta y conocirnan pa asisti na e acto di entiero cual lo tuma lugar Diabierna, 01 di November 2024 for di 9’or pa 11’or di mainta na Ad Patres Funeral Home & Crematorium na San Nicolas.
Despues nos lo sali cu nos defunto stima pa Santana San Hose na Savaneta.
Nos ta lamenta cu despues di entiero, nos no lo por ricibi bishita di condolencia na cas.
Staff y personal di Ad Patres Funeral Home & Crematorium ta extende nos mas profundo condolencia na famia di e fayecido.