Prensa a canta bingo hunto cu aruba bank
Celebracion di Dia di Prensa cu dushi ambiente
Oranjestad 2 September, 2024 – En conexion cu dia di Prensa Aruba Bank a organisa un tremendo Music Bingo na Santos Coffee and Soul.
E evento su meta ta pa celebra hunto cu miembronan di prensa, bisa danki y refleha riba e importancia di e rol cu cada un miembro tin den nos comunidad.
Team di maneho y representantenan di mercadeo di Aruba Bank a haya e oportunidad pa conecta cu miembronan di prensa den un seno ameno y disfruta di un ambiente festivo cu a sigura un experencia memorabel pa tur presente.
E ganadornan di e anochi a keda den persona di xx
Aruba Bank ta orguyoso di
por a organisa otro evento pa celebra Dia di Prensa.
Nos kier a yama danki na tur esnan presente cu
a haci e evento aki uno exitoso.
Merca a confisca avion di nicolas Maduro
Dialuna, Merca a confisca e avion oficial di presidente di Venezuela, Nicolás Maduro, na Republica Dominicana. Esaki basa riba e violacion di e sanccionnan cu tin contra Venezuela, segun CNN. Dos funcionario di gobierno di Merca a bisa cu e avion a wordo transporta pa Florida despues di e operacion.
Un di e funcionarionan a bisa cu confisca un avion di un hefe di estado ta un paso sin precedente den un caso penal. E decision aki ta manda un mensahe cla cu
ningun persona, ningun gobierno no ta ‘riba ley ni riba e sanccion di Merca.
Te ainda no tin confirmacion oficial, pero segun e funcionario, e confiscacion ta basa riba e determinacion cu e avion a wordo cumpra den un manera cu ta bay contra e sanccionan di Merca.
E avion, cu tin un balor calcula di 13 miyon dollar, tabata na Republica Dominicana durante e ulitmo lunanan.
detencion pa posesion di droga
dilanti un club nocturno na
palM beach
Polis controlando banda di un club nocturno na Palm Beach a haya holo di marihuana y mesora a bay controla den e auto y a haya droga, mesora a detene e chauffeur y un dama pa posesion di droga mientras a confisca e droga como tambe e auto pa mas investigacion.
Apenas e dama a drenta warda di polis mesora ela sali pasobra e no tin nada di haber cu e droga.
Noticia di Corte 4 aña di prison exigi pa homber sospecha di intento di mata otro homber
E homber A.D.(53) a presenta den Corte diabierna pa e caso penal cu Ministerio Publico a cuminsa contra dje. E ta wordo sospecha di intento di mata riba 9 Februari 2023.
SOLO DI PUEBLO por a compronde cu Fiscal a exigi 4 aña di prison pa A.D. cu a dal e homber R.P. cu piedra riba su cabez. Fiscal ta considera esaki un intento di mata.
E acusacion di Fiscal contra A.D. ta, cu riba 9 Februari 2023, A.D. a purba mata e homber R.P. Fiscal a bisa cu A.D. a dal R.P. diferente biaha cu Piedra y hinca diferente biaha cu cuchiu. Subsidiario Fiscal ta acusa A.D. di maltrato severo, maltrato cu arma. Tambe Fiscal ta acusa A.D. di cu e mesun dia a maltrata e dama Y.O. cu un piedra.
DAL HOMBER DI PIEDRA RIBA CABEZ
Hues a puntra A.D. kico a pasa. Segun A.D., e tabata drumi na cas y su mama a grita cu nan tabata bringando cu A.D. su ruman homber. El a lanta y bay pafor y mira un homber y un muher bringando cu su ruman. E homber tabata tin’e choca y e muher tabata ranca su cabey. Segun A.D., mirando e condicion di su ruman, e momento ey e tabata kier pa R.P. laga su ruman los. R.P. no kier a laga su ruman bay. E ora ey A.D. a bay dal’e cu un piedra na su cabez.
TATA DI 80 AÑA A HINCA HOMBER
Segun A.D., su señora a fayece recien y el a cay den depression y a cay den adiccion di droga. E tabata den rehabilitacion y a hay’e den e asunto aki. El a splica Hues cu el a bay pasa algun dia serca su mama y tata. Hues a pidi A.D. pa bay serca dje y na e mesa Hues tabata mustr’e potretnan di e maltrato cu el a haci.
Hues a puntra A.D. di e hincamento. Segun A.D., su tata (80) a bin pafor pa yuda y aparentemente e lo a hinca pero A.D. a bisa cu e no a mira nada.
El a bisa Hues cu su tata mentalmente a bay hopi atras. A.D. a bisa cu e no a mira nada con e bringamento a cuminsa. Segun A.D., despues di a dal e homber cu piedra, el a core bay. A.D. a bisa Hues cu el a compronde cu su ruman a core cu e homber R.P. for di cas den pasado y a bis’e pa no bin cas mas.
Hues a puntra A.D. si el a dal e dama. El a bisa cu e no a dal e dama cu piedra. Segun Hues, tin potret cu e dama tin herida na su man. A.D. a bisa cu el a mira e potret pero e ta sigur cu e no a dal e dama.
ADICCION
Ta asina cu ainda A.D. ta bao di tratamento di rehabilitacion. Hues a bisa cu for di e raport di Reclasering por a compronde cu A.D. ta hopi tempo adicto. Segun A.D. e no ta gusta problema. Hues a puntra A.D., kico e tin pensa di haci ora e rehabilita. Segun A.D., manera e caba su programa di rehabilitacion, e kier yuda otronan cu kier rehabilita.
FISCAL A EXIGI 4 AÑA DI PRISON
Fiscal a bisa Hues cu hecho ta cu A.D. ta esun cu a dal cu piedra. Polis a haya e piedra. Fiscal ta haya cu tin suficiente prueba cu A.D. a dal R.P. cu piedra. Ta asina cu R.P. tambe a worde hinca na lomba y stoma. Ta sali na cla cu ta e tata di A.D. a hinca R.P. Fiscal ta haya cu e pregunta ta si ta A.D. hunto cu su tata a ataca R.P. Na opinion di Fiscal, no ta sali na cla esaki. No por bisa cu nan tabatin palabracion pa maltrata R.P. Fiscal ta tuma A.D. responsabel pa dal R.P. cu piedra na su cabez. Na opinion di Fiscal, esaki ta intento di mata. El a bisa cu si a dal un hende cu piedra na cabez, ta tuma e riesgo cu por causa herida serio y posibel fatal. Na cabez tin partinan vital di e curpa. Fiscal ta haya cu A.D. por a yuda su ruman di otro forma y no cu un piedra. Tambe Fiscal ta haya proba cu A.D. a maltrata e dama Y.O. na su
man cu piedra. El a bisa cu aunke A.D. ta bisa cu no, Fiscal ta haya cu ta A.D. tabata e unico cu a usa piedra.
Pa cu e castigo, Fiscal a bisa cu e ta tene cuenta cu seriedad di e caso. E caso aki tabatin impacto riba R.P. Fiscal ta tene cuenta cu A.D. ta siguiendo programa di rehabilitacion. Fiscal a exigi 4 aña di prison, kitando e tempo cu A.D. ta sera. Pa loke ta demanda di daño, e victima R.P. no a presenta. Den demanda e ta exigi pa paga diferencia di salario, bril cu a kibra. Fiscal a bisa cu no por determina kico exactamente ta e demanda cu R.P. ta demanda 24 mil florin. El a bisa cu e ta laga esaki na decision di Hues.
ABOGADO TA PAPIA DI DEFENSA PROPIO
Mr. D.Croes a bisa Hues cu e ta haya cu A.D. a actua den defensa propio. E homber R.P. no tabata permiti pa yega na e cas. Apesar cu tin borchi cu ta bisa cu entrada ta prohibi, toch R.P. a bay te patras di e cas. E tata conoce R.P. como un asesino di 2 persona. E tabata choca e ruman homber di A.D. E mama a grita cu nan ta mata e ruman. E ora ey A.D. a sali y ora el a mira su ruman bira biña, el a bisa R.P. pa laga su ruman los. Ora R.P. no a reacciona. E momento ey A.D. a actua pa scapa su ruman. E abogado a expresa, of e ruman of R.P. El a bisa cu A.D. a dicidi di coy un piedra y dal R.P. na cabez pa asina laga su ruman los. E homber R.P. a cana bay. Na opinion di mr. D.Croes, no tabata un herida severo. Abogado a pidi Hues pa declara A.D. liber pasobra el a actua den defensa propio. Ta asina cu A.D. a cuminsa yora. Pa loke ta demanda di daño, e abogado ta haya cu esaki no ta cuadra. El a pidi Hues pa declara e demanda no admisible.
Hues a bisa cu e ta bay studia e caso y 20 September 2024 pa 8.15 di mainta lo sentencia.
Minister Geoffrey Wever ta anuncia: InversIon cuantIoso den proyecto
dI revItalIsacIon san nIcolas
Den un conferencia di prensa dialuna, 2 di september, minister Geoffrey Wever, hunto cu minister Ursell Arends, a anuncia cu pronto lo desvela e proyecto di Revitalisacion di San Nicolas. Durante e ultimo lunanan, e ministerio di Asuntonan Economico, den consulta cu varios stakeholders, a traha un plan pa revitalisa e area di San Nicolas central. Despues di finalmente a ricibi aprobacion di e conseho di minister pa aloca fondonan adicional, e proyecto aki ta cla pa wordo ehecuta, y lo inicia cu un destaho publico na comienso di october.
Na aña 2022, durante e prome lunanan di gobernacion, a organisa un YES Summit caminda diferente stakeholders y miembronan di e comunidad di San Nicolas a ser invita pa dialoga riba temanan crucial pa desaroyo di e area. Basa riba e feedback ricibi durante e YES Summit, e ministerio di Asuntonan Economico a desaroya
un plan holistico pa e revitalisacion di San Nicolas, den diferente fase.
E vision grandioso pa e proyecto ta eventualmente conecta e centro di San Nicolas cu lama. Un di e sugerencianan ricibi durante e YES Summit tabata pa crea un conexion entre e mainstreet di San Nicolas pariba y e mainstreet pabou, cu actualmente ta wordo trata como dos area separa.
Fase 1 di e Proyecto di Revitalisacion di San Nicolas lo inclui e creacion di un Sunrise Market den e parkeerplaats actual di Arubus, mantencion y modernisacion di e terminal di bus, ampliacion di e espacio publico pa peaton, y e desaroyo di espacio publico cu posibilidad pa precario, pa asina por crea espacio pa terras y actividad di horeca.
Tambe lo tin mas iluminacion, matanan, y infrastructura cu ta atractivo pa bishitantenan.
E proyecto ta un inversion significante di mas di 4.3 miyon Florin di parti di gobierno di Aruba. Esaki lo wordo ehecuta den colaboracion cu e ministerio di Transporte y Naturalesa, bou cual e tereno di Arubus ta inclui. E creacion di e Sunrise Market ta representa un oportunidad hopi bon pa agricultor y artesanonan, pasobra lo tin suficiente espacio pa ofrece mercado pa productonan local, algo cu hopi tempo a wordo desea y ta necesario pa diversifica e atraccionnan
di San Nicolas, no solamente pa turista, pero tambe pa locanan cu por disfruta di e area regularmente. Aki e plan ta no solamente pa trece bida nobo na San Nicolas,
sino tambe pa crea un experiencia unico pa tanto turistanan como locanan. Proximo siman lo tin e desvelo oficial di e proyecto.
Un donacion di bUki pa mUcha di arUba bank
Na biblioteca nan ta felis cu un donacion di buki pa mucha na Papiamento. Aruba Bank a aserca biblioteca cu e gesto pa duna biblioteca mas cu 100 buki. E aña escolar aki mester mas buki na Papiamento pa e muchanan por lesa y fia. Esta, e regalo ta bon bini. E entrega a tuma lugar diabierna atardi cu Roxanne Croes y Francis Croes di Aruba Bank y bibliotecaria Gina Jie Sam Foek. Aruba Bank ta hopi contento di por a haci e donacion di buki na balor di AWG 5000 na Biblioteca. Aruba Bank ta
spera di por inspira otro compania of instancianan pa tambe yuda Biblioteca engrandece su coleccion. Roxanne y Michelle di departamento di Mercadeo cu hopi cariño a bay scohe buki pa biblioteca hubenil su coleccion. Den e cargo tambe tin buki pa Young Adults y adulto. Un danki grandi na Aruba Bank!
Biblioteca ta ofrece miembrecia gratis pa baby, mucha y hoben bou 18 aña. Esaki ta habri un mundo di buki, storia y informacion den diferente forma, tambe Ebooks y
audiobooks. Miles di buki ta warda nan! Biblioteca ta ofrece espacio pa studia, siña, topa y reuni,
computers cu Internet y tambe Free WIFI pa un y tur. Ademas tin espacio pa diferente evento y
exposicion. Biblioteca ta habri di dialuna pa diabierna. Pues, ‘Ban biblioteca!’
Trafico a Tranca formalmenTe; despUes cU pickUp a dal conTra palo di lUz na cUra cabay
Cura Cabay - Diadomingo atardi durante cu e parada Cultural tawata tumando luga; a sosode un accidente di trafico na altura di Cura Cabay Store. Un pickup Chevrolet color blanco pa un of otro motibo a perde control y ta dal contra un palo di luz; pazuid di caminda. E impacto duro a causa cu e palo di luz a kibra y a keda colgo ariba e wayanan di coriente, mientras cu e pickup tambe a keda contra e palo di luz.
Caminda mester a wordo cera, y esaki a causa un
stagnation di trafico enorme.
Polis a pidi un ambulance y na yegada Paramediconan a opta pa hiba e chauffeur Hospitaal pa haya tratamento medico, debi cu e la golpi durante e impacto.
Personeel di Elmar cu a yega y a mira e daño, mester a saca algun truck di Hato bou escolta di polis pa yega Cura Cabay, esaki tawata debi cu e trafico a pega formalmente. E trucknan mester a yega pa lanta e poste pa asina trafico por a sigui move.
taxistanan a logra! comision independiente lo atende peticion pa
transferi permiso di taxi
Den un reciente Ministeriële Beschikking (MB3), Ministro di Transporte, Integridad, Naturalesa y Asunto di Adulto mayor, Ursell Arends, a introduci un serie di decision nobo cu tin como obhetivo pa haci e proceso di transferencia di permiso pa taxi mas transparente y husto. Un di e punto principal ta e formacion di un comision independiente cu lo asesora riba e peticionnan di transferencia den e casonan excepsional, manera problema di salud grave of otro situacion urgente. E decision nobo aki ta reemplasa e prome decision di juli 2024, unda a introduci un stop general.
E comision independiente aki lo consisti di tres te cinco miembro cu lo wordo selecciona a base di nan conocemengo y experiencia. Pa garantisa un proceso husto, e taxistanan lo ricibi oportunidad pa propone un of dos miembro pa e comision aki.
E comision lo tin un rol fundamental den evalua cada peticion di forma independiente, unda cada caso ta wordo analisa individualmente pa logra un balansa husto.
Un aspecto importante di e reglanan nobo ta cu el a pone un enfasis fuerte
riba transparensia. Tur decision cu e ministro lo tuma lo ta a base di e recomendacionnan di e comision lo wordo publica, y tambe e documentonan relevante lo word poni disponibel pa consulta na Staten. Esaki lo duna tanto e pueblo como e taxista di permiso un bista cla riba e proceso di decision, cu ta contribui na confiansa den
e gobernacion.
E decisionnan nobo aki ta duna un grado di flexibilidad for di e prome decision.
Cu e maneho nobo aki, e gobernacion ta tuma un paso importante pa bay na un sistema di miho control, cu ta evita bendemento di permiso, unda solamente
e casonan familiar cu suficiente motibo real lo ta posibel.
P’e taxistanan esaki kemen cu nan a logra nan obhetivo. Nan a pidi pa revoca e decision y den e mb nobo di 29 di augustus 2024 a cumpli pa revoca e stop general.
Varios patruya a bay den e parkinglot
di e hotzone banda di e highrise
hotelnan pa un pelea cu hopi hende
Diadomingo madruga a drenta informe di
un pelea den un grupo grandi den e parkinglot
di e hotzone banda di e highrise hotelnan, mesora a dirigi varios patruya na e sitio. Na yegada di e patruya a bin encontra cu un multitud di hende tanto local como turista pero pelea no tabata tin mas. For di un testigo polis por a compronde cu no tabata tin pelea ta djies pleitamento y for di un otro testigo por a compronde cu un persona a core bay sconde den e nightclub pero despues ela bay for di e sitio. Polisnan a continua cu nan patruya pero kedando tirando bista
Prome Minister Evelyn Wever-Croes:
Den sala Di Conseho Di Minister, GoBierno Di arUBa a CeleBra
Dia MUnDial Di Prensa hUnto CU
MieMBronan Di Prensa Di arUBa
“E relacion entre prensa y Gobierno ta hopi importante”
En conexion cu Dia
Mundial di Prensa cu ta wordo celebra riba 1 di september, Gobierno di Aruba tawatin un encuentro ameno cu prensa di Aruba como aprecio y gradicimento pa e trabou incansabel cu nan ta eherce den nos comunidad.
Ya pa 7 aña consecutivo
Gabinete Wever-Croes ta reconoce prensa riba e dia aki y pa e motibo aki dialuna mainta, 2 di september, den e sala di Conseho di Minister, e miembronan di prensa a comparti na un manera informal cu ministernan di Gabinete Wever-Croes.
Prome Minister Evelyn Wever-Croes durante e mainta aki a combersa riba e derecho di libertad di prensa cual ta un derecho
fundamental y riba e importancia pa tin esaki bon ancra y cual na Aruba ta e caso. E mandatario a menciona cu e relacion entre prensa y Gobierno ta hopi importante ya cu prensa tin den su man e poder pa e mensahe di Gobierno por yega na cada un ciudadano di Aruba, y Gobierno tin aprecio y gradicimento pa miembronan di prensa cu ta trece e informacionnan corecto na e pueblo. Despues di e palabranan di Prome Minister cada minister presente a tuma oportunidad pa felicita y gradici e miembronan di prensa reconociendo e labor duro y desafiante cu nan ta eherce cu ta fundamental pa Aruba. A pone enfasis riba respet y union, y e compromiso cu cada un di nan tin cu e berdad, pa asina construi
un comunidad bon informa.
Y manera e añanan anterior riba Dia
Mundial di Prensa Prome Minister, den nomber di Gobierno di Aruba a duna un reconocimento special. E aña aki esaki a bay pa TeleAruba como gradicimento pa e añanan di cooperacion y dedicacion pa cu pais
Aruba.
“Nos a pasa momentonan hopi ameno cu e miembronan di prensa.
E relacion entre prensa y Gobierno ta hopi importante pa nos y p’esey nos ta dedica tempo na nan riba e fecha aki. Nos a invita nan awe den un setting informal pa nan
desayuna hunto cu nos pa nos por combersa y intercambia di idea.
Hopi pabien na tur miembro di prensa en general y danki pa e trabou cu boso ta haci. Cu Dios bendiciona boso tur pa sigui haci e trabou importante aki”, Prome Minister a expresa.
Prome Minister:
FUNDACION CHICO HARMS UN BIAHA
MAS CU UN PARADA FOLKLORE CULTURAL EXITOSO
- Diadomingo 1 di September 2024, den conexion cu dia di Brazil, Fundacion Chico Harms a organisa un biaha mas e famoso Parada Folklore Cultural 2024 den e bario di Brazil. Un parada cu a conta cu un total di 11 grupo di baile, luciendo trahenan folklore sumamente colorido y bunita.
Durante un entrevista na e parada, Prome Minister Evelyn Wever-Croes, representando Minister di Cultura Xiomara Maduro, a expresa di ta sumamente contento di por ta presente na un evento cultural asina importante, na unda e por admira con Aruba yen di orguyo, ta celebra su cultura. El a indica cu tin varios evento cultural durante aña, pero cu esaki ta esun "original" mes, pasobra bo por wak con e participantenan yen di smaak y zjeito ta bin join e parada pa baila y celebra. Tambe el a indica cu pa su persona, tabata sumamente bunita pa wak e multitud di hende para bandi caminda, ilustrando asina con pueblo en genral ta brasa nan cultura.
"Minister Xiomara Maduro tin un dicho ta uza tur ora; Cultura bo tin cu bib'e. Y durante e parada cultural aki mi
por a mira berdad con nos Arubianonan ta biba nan cultura. Y no ta solamente esnan den parada, sino tambe e multitud di hende cu ta asisti na banda pa aprecia e cancionnan y trahenan bunita. Mi ta gradici Fundacion Chico
Harms pa nan dedicacion y esfuerso den mantene nos cultura bibo, y felicita nan pa un otro evento exitoso na unda comunidad completo ta uni pa celebra Aruba su cultura”, Prome Minister a expresa.
Chauffeur no a para pa duna trafico na man drechi preferencia y a dal na banda di pasahero di un auto RHD
Diadomingo mainta a drenta informe di un accidente cu hende herida na e crusada banda di Vegetarian Delight na Sero Blanco, mesora a dirigi tanto polis como ambulans na e sitio. Na yegada di e patruya a bin compronde cu e Honda CRV biniendo di pariba no a para pa duna preferencia na e Suzuki Swift RHD cu tabata bini for di nort y a bay dal net na banda di pasahero unda un dama tabata sinta y esaki tabata incon-
Polis a bay Tanki Leendert pa un accidente hit & run
Diaranson anochi a drenta informe di un accidente hit & run na Tanki Leendert, mesora a dirigi un patruya na e sitio. Na yegada di e patruya a bin compronde cu akibta trata di un auto cu a pasa dal otro auto y a sigui bay manera nada a pasa. Pero a logra wak e marca modelo y hasta number y esaki a ser duna na polis pa na su turno pas’e pa polis di trafico pa busca e chauffeur y pone para responsable. Afortunadamente ningun hende a resulta herida.
ciente debi na e fuerte impacto. Na yegada di e am-
bulans nan a atende e dama y a transporte pa hospital.
Diamars 10 di september
‘BAN TOPA’ DEN DISTRICTO DI SAN NICOLAS
ORANJESTAD -- Partido MEP ta sigui cu e serie di programa informativo y interactivo den diferente districto di Aruba. E siguiente actividad di Ban Topa lo ta den districto di San Nicolas dia 10 di september, cuminsando pa 7or di anochi na Centro di Bario Lago Heights.
Durante e anochi interactivo aki ta bay tin diferente candidato presente cu lo elabora riba varios topico.
E candidatonan presente pa e anochi aki ta: Lider di partido MEP Evelyn Wever-Croes, Dangui Oduber, Glenbert Croes, Erich Genser y Alvin Molina.
E encuentro di Ban Topa ta un programa interactivo unda cantidatonan ta duna informacion actual y e publico presente por haci pregunta y comparti ideanan y preocupacionnan na bienestar di nan bario y di pais Aruba. Ban Topa ademas di
ta un anochi informativo di partido MEP, tambe ta un oportunidad pa e pueblo di Aruba por comparti y conecta cu e candidatonan y asina hunto por sigui traha pa un Aruba prospero.
Partido MEP ta invita pueblo di San Nicolas y vecindario y Aruba en general, pa e encuentro di Ban Topa, diamars 10 di september cuminsando pa 7pm na Centro di Bario Lago Heights.
“Pueblo di Aruba, bin conecta cu nos, trece bo ide -
anan y preocupacionnan padilanti y asina hunto sigui traha na bienestar di e
bario di San Nicolas y Aruba en general. Yega, nos ta warda bo!”
MINISTER ENDY CROES TA FELICITA SV ESTRELLA
FUTBOL CU TA CELEBRANDO 76 AÑA DI ANIVERSARIO
ORANJESTAD: Diadomingo ultimo, Minister di Enseñansa y Deporte Endy Croes acudi na Club Estrella, unda cu SV Estella Futbol tabata celebrando 76 aña di aniversario. Minister Endy Croes a comparti un rato ameno hunto cu e team di Estrella. Durante e celebracion, e manda-
tario di Deporte a duna un discurso, felicitando nan pa e bon trabou cu nan a eherce durante 76 aña den e deporte di futbol y a entrega un reconocemento den nomber di Gobierno di Aruba. Minister Endy Croes a gradici e directiva di SV Estrella Futbol pa contribui den e desaroyo di deporte,
esta presidente Greg Croes, secretaria y vice-presidente Roxanne Angela, tesorero Joanne Oduber, miembro Leo Maduro y Richenella Wever. ‘E trabou di directiva no ta facil. Ta rekeri di hopi perseverancia pa logra e meta’, E mandatario di Deporte a expresa. Un pabien tambe na tur e depor-
tista- y fanaticonan di cu- rason di SV Estrella Futbol.
Dama pata pata burachi a bolter cu auto na
papilon y a insulta polisnan cu a D etene
Diadomingo mainta a drenta informe di un accidente na Papilon, mesora a dirigi tanto polis como ambulans na e sitio. na yegada di e patruya a bin constata cu aki ta trata di e Honda Fit A78642 cu na e birada a baha caminda na man dre -
chi dal e muraya di e brug y a bay bolter y kede di banda. E dama mes a sali intacto den e accidente aki pero no kier a coopera cu polis pa deten ni transporte.
E dama tabata asina burachi cu a insulta e polisnan
di tur manera. Polis a haya nan ta detene y net na yegada di e ambulans polis a transporte pa warda di polis Santa Cruz.
E ora ey e ambulans a bay na warda di polis na Santa Cruz pa atende.
p ersona a ingeri un of otro substancia
y a cay kap su cabes
Diasabra madruga a drenta informe di cu tin un persona cu a cay mientras un otro rato ta bis cu ela bringa y cay y awor tin un kap na cabes na Canoastraat, mesora a dirigi tanto polis como ambulans na e sitio. Na yegada di e ambulans nan a atende e victima y a transporte pa hospital.
PENSIONADONAN
VAN PENSIOEN Y TAMBE OBRERONAN KENDENAN TA COBRANDO UN PENSIOEN MEDIANTE
PRESUPUESTO DI GOBIERNO (PENSIOEN TEN LASTE VAN DE BEGROTING) TAMBE TIN DERECHO RIBA INDEXACION ENTRANTE
JULI 2024 Y ENTRANTE JANUARI 2025
Den e ultimo tempo nos por a scucha of lesa hopi mes encuanto e decision di gobierno pa porfin desde basta anja bolbe cuminsa na indexacion di e salarionan di empleadonan publico y tambe di e gelijkgestelden den servicio di gobierno. Esey a tuma lugar entrante 1 di juli ultimo unda cu e salarionan di empleadonan publico y otronan a conoce un aumento di 6%. Indudablemente un bon decision y pabien na tur esnan kendenan a ricibi e aumento aki riba nan salario. Pero di otro banda ta bon pa recorda gobierno cu e decision aki tin su refleho directamente tambe riba e grupo di pensionadonan kendenan te ainda ta hayando un uitkering bij wijze van pensioen door di gobierno y ta conta indirectamente tambe pa esnan kendenan cu te ainda ta cobrando un supuesto pensioen mediante e presupuesto di gobierno, esta un pensioen ten laste van de begroting y nan viuda of viudo. E derecho ariba indexacion
di e pensioenuitkering pa e ex empleadonan publico kendenan den pasado no a drenta den servicio permanente (vaste dienst) y kendenan ta ricibiendo actualmente un uitkering bij wijze van pensioen for di caha di gobierno te cu dia di awe ta existente y valido. Manera ta conoci esnan den servicio permanente tawata cai bou di e ley di e Pensioenverordening Landsdienaren y esnan kendenan tawata den servicio temporal (tijdelijke of vaste niet-pensioengerechtigde dienst) y cu te ainda ta den servicio temporal ta cai directamente bou di e Landsverordening Leeftijdsgrens Ambtenaren mientrastanto cu e empleado publico no bira miembro di stichting APFA y bai resorta bou di e Nieuwe Pensioenreglement 2014.
Awor cu a indexeer e salario di ambtenaarnan entrante
1 di juli 2024 cu 6% esaki tin como consequencia cu automaticamente gobierno mester indexeer tambe e pensioen di e grupo di ex-
empleadonan aki kendenan ta resorta bou di e ley di Landsverordening leeftijdsgrens ambtenaren y ta cobrando un pensioen segun e areglo di 70%, introduci dia 1 di augustus 1981 pa e gobierno di Antiyas pa tur empleadonan publico y cual areglo te cu dia di awe ta vigente pa tur ambtenaarnan den servicio di gobierno di Aruba kendenan no ta den servicio permanente (vaste dienst).
E areglo di 70% cu ta existente ainda pa e pensionadonan di gobierno ta papia palabra cla: esta cu cada vez cu tin cambio den e salario di empleadonan publico esaki tin su efecto directamente ariba e suma di pensioen cu e pensionado ta ricibi tur luna.Den e caso aki no ta e suma di pensioen ta wordu adapta sino e duurtetoeslag cu ta bin riba dje. Awor cu a indexeer e salario di ambtenaarnan entrante 1 di juli 2024 cu 6% esaki ta nifica cu e duurtetoeslag ariba e pensioen di cada empleado publico automaticamente tambe mester wordu indexa cu e mesun porcentahe. Den e caso aki no mester confundi si e suma cu e pensionado ta ricibi como uitkeringsbedrag banda di su entrada di pensioen pasobra esaki tawata of ta ainda un aumento general esta e suma di Afl.245,-. Pa esnan cu tawata den servicio permanente bou di APFA e suma aki ta mas halto.
E articulo aki ta wordu publica simpelmente cu e meta pa recorda gobierno y tambe e instancianan gubernamental concerni riba e hecho pa no lubida e grupo di pensionadonan aki kendenan actualmente ta cobrando un uitkering bij wijze van pensioen, cu nan tambe-tin e pleno
derecho riba e indexacion di nan pensioen desde 1 di juli ultimo y cu pa otro anja na januari 2025 tampoco nan no por ser laga afor di e proximo indexacion di 5.7% pa e empleadonan publico.
E areglo di 70% di pensioen ta papia pa su mes. Terminando mi kier laga sa cu e articulo aki a bira basta amplio mes pa cual motibo cu den e proximo 2 nan cu
lo sigi lo mi elabora extensamente ariba indexacion di e pensioen di e ex-obreronan (arbeiders in losse dienst) di gobierno y tambe lo mi bai elabora ariba e indexacion di e pensioen di ex-politiconan, ex-miembronan di Eilandsraad, ex-miembronan di Staten, ex-Ministersnan di Aruba y nan viuda. Asina ta keda pendiente.
Workshop pa maestro 2024
E aña aki Festival di Buki pa Mucha su tema ta: ‘Dushi Cabesura!’ Biblioteca ta organisa un workshop pa maestronan, pa asina duna nan idea y tips con pa traha cu e tema den klas. Lo tin un presentacion cortico di nos Mediateca escolar, duna pa Valerie Figaroa, hefe SMD, unda lo mustra e trabounan na diferente bib -
lioteca escolar.
E aña aki dos facilitado di IPA ta guia e workshop. Nos ta presenta Daylan Krozendijk, docente di Teatro na IPA. Tema di su presentacion lo ta: “Cabesura y locura cu drama”.
E lo mustra con pa uza Drama na un manera activo pa integra y enfatisa e tema ‘Dushi Cabesura!’.
Tambe ta presenta facilitador Gino Vrolijk, cu ta Praktijkdocent na IPA. sr. Vrolijk ta presenta: ‘Pensa critico nivel Cabesura!’ Gino vrolijk ta mustra con pa formula preguntanan pa storia pa stimula e diferente nivelnan di pensa cerca mucha.
Tambe e aña aki tin 2 scol invita cu lo duna presentacion cortico di nan aperturanan den pasado, pa asina maestronan por haya ideanan nobo pa cu apertura na nan scol.
Tayernan ta dia 23, 24 y 25 di September, di 3:00 pa 4:30 PM. Dia 23 y 24 lo ta na Bbilioteca Playa y dia 25 di September lo ta na biblioteca San Nicolas. Invitacion pa e workshop ta sali e siman aki y por pidi e formulario di inscripcion tambe na email kbfaruba@ gmail.com, attn. Valerie Figaroa.
FORTALEZA PA FAMIA
Scirbi
pa Pastor Marcel Balootje.
CRISTO HESUS TA E UNICO SOLUCION
PA NOS PROBLEMA SOCIAL
Dicon nos ta bisa e Unico, pasobra Cristo Hesus a bisa den Mateo 28:18 : Tur autoridad a wordo duna na Mi den cielo y riba tera.
Solamente Hesus por bisa; Bin serca Mi tur cu ta cansa y carga y lo Mi duna boso sosiego.(Mateo 11:28).
Y den Filipensenan 2:1011 ta para scirbi: Cu pa e nomber di Hesus tur rudia mester dobla, di esnan riba tera y bao di tera, y cu tur lenga mester confesa cu Hesus Cristo ta Señor, pa e gloria di Dios Tata.
Awor nos ta confronta cu problema social, grandi caminda e famoso Placa y material cu hopi ta kere den dje, no por haci nada, pasobra e falta di respet, inmoralidad, perversidad, alcoholismo,adiccion, violencia , y bagamunderia cu hende hende ta bezig cune no tin pa placa pa combatie.
Seriedad y flata di respet, falta di temor di Dios, cherchamento di ley, y hasta bofon di Dios, a bira algo normal y hasta ora hende ta haci malo, y bay den rechaso di palabra di Dios, otro banda nan ta wordo aplaudi y apoya den tur forma.
Wak bon un situacion hopi facil y comun, si ley ta prohibi corre auto burachi, y tanto durante siman y fi n di siman tin accidente, pasobra hende ta corre auto burachi, ta cherchamento di ley tin, ( No tin respet) y hopi biaha den accidente hende inocente ta wordo envolvi, kende si ta percura pa nan corre na tino den trafico.
Hesus a bisa: Loke ta sali for di hende, ta esey ta loke
ta contamina hende. Pasobra for di paden, for di curason di hende, ta sali mal pensamento, fornicac ion,ladronicia,matamento, adulterio,hechonan di cudishi y maldad,tambe engaño sensualidad,envidia,calum nia,orguyo,bobedad. Tur e maldadnan aki ta sali for di paden di y ta contamina hende.( Marco 7:20-23).
Pesey ta para scirbi den Isaias 5:20-21, Ay di esnan cu ta yama loke ta malo bon,y loke ta bon malo,loke ta scuridad lus,y loke ta lus scuridad, loke ta marga dushi, y loke ta dushi marga. Ay di esnan cu ta sabi den nan mes wowo, y prudente den nan mes bista.
E rebeldia cu ta aumenta bao di nos hubentud, y e falta di respet pa nan propio mayor, ta algo cu mester hala nos tur su atencion, pasobra asina problema social lo sigi aumenta, pasobra deber di tur mayor ta pa instrui nan yui den caminda di Señor.
E uso di alcohol y droga bao di nos hubentud , ta nifica un falta di disiplina y coreccion den cas di famia, pasobra cada mayor mester por
duna testimonio di decensia y respet na nan yuinan, nan ta prome modelo cu nan yuinan mester sigi, pero ora nan mes no conoce e caminda di Berdad y Bida, cual ta e caminda di nos Señor Cristo Hesus, anto nos tur ta mirando locual nos ta cosechando.
Mientras tin un cantidad ta gradua y bay studia den exterior , tin un gran cantidad, ta cana cu , pensamento di gangster, pensamento di baron di droga, pensamento di bendedo di arma.
Y e palabra di Dios ta bisa nos den 2 Cronicanan 7:14 cu a yega e momento pa nos humiya nos mes y haci oracion na Dios.
Pasobra e solucion ta den man di nos Señor Hesus Cristo kende a bisa; No laga boso curason bira intrankil, kere den Dios, kere den Mi.(Juan 14:1).
Y tur loke boso pidi den Mi nomber, esey lo Mi haci, pa e Tata wordo glorifica den e Yiu, Si boso pidi algo den Mi nomber lo mi hacie.( Juan 14-13-14).
Sinceramente Pastor Marcel Balootje.
Un dia fructifero y cu nos bon Dios tene misericordia cu cada un di nos
"Esun cu tin horea, tende!" ( Mateo 13,43) Hesus ta splica e parabola di e yerba shimaron. Hesus ta sembra e bon simia den e cunucu cu ta e mundo.
E bon simia ta e hendenan cu ta pertenece na e reino y e yerba shimaron ta esnan cu ta pertenece na e malvado. Anto e enemigo cu ta sembra nan ta diabel.
E cosecha ta e fi n di tempo y esnan cu cosecha ta e angelnan. Asina na momento di nos Bautismo Hesus ta sembra e simia di fe den nos curason. Esey a sosode cu mayoria di nos na baby y despues pocopoco nos a ricibi e Sacramentonan pa yuda nos crece den fe.
Y segun nos ta creciendo nos ta forma nos caracter y Dios a laga nos liber pa dicidi cual caminda nos ta scoge. Si nos scoge pa Hesus, E mes lo bin yuda y salba nos apesar cu e malvado ta busca pa gara nos den su trampa.
P’esey laga nos habri e horea di nos curason y tende y biba prepara y no laga niun oportunidad pa e malvado penetra den nos bida of bida di nos sernan keri y asina na fi n di tempo nos lo tin victoria y cosecha e bida eterno.
Oracion: Tata celestial duna nos e gracia pa bisa si na bondad y no na tur maldad pa nos por pertenece na bo reino. Amen