Diamars 6 November 2012

URATACA CENTER MeatLoaf, Pasta, Banana, Salada Diamars November 6, 2012 - Edicion-7 Vol.192042 Sta. Cruz #110

Tel: 585-9500 Fax:585-0951 - E-mail: solodipueblo@gmail.com1.50

Bao di holo fuerte di e conocido perfume nocturno ‘Johnnie keep on walking’

PARLAMENTARIO BURACHI A DAL ARIBA AUTO

Merca ta eligi su presidente 2013- 2017 awe Canal 22 ta desde 8.30 bibo cu tur cobertura

Prins Abath derochando placa di pueblo

Afl. 10.00 (di 12 pa 3pm) Tel: 585-5212

Di berdad cu prijs di Elmar a baha? pag 9

Green Energy ta nada otro cu un forma bunita pa saca placa di gobierno Den Parlamento:

Te cu ayera Mervin Ras no sa nada di versoberingswet!

El’a haci un pregunta masha raar!

Editorial Solo di Pueblo: Dialogo Social

Ken ta dicidi ?

Miembronan di sindicato of lider di sindicato?

Mike Eman den Parlamento:

Eman ta un minister sociopata cu ta gaña sin gevoel!

Eman ta bisa cu el’a baha coriente na Aruba.

Container ta los for di Trekker pariba di ex - Bushiri Hotel

Prins Abath a bay despedi di Wubbo Ockels ayera y a charter un boto pa core tras di Wubbo. Casi full e personal di Arubahuis tabata abordo yena cu ambiente di carnaval. Miles di Euro a wordo gasta pa simplemente bisa Wubbo ayoo! Foto: Boto cu Prins Abath coriendo tras di Wubbo.

Diamars November 6, 2012

Pagina 2

Editorial Solo di Pueblo: Dialogo Social

Ken ta dicidi ?

Miembronan di sindicato of lider di sindicato?

Ken ta dicidi?

Lidernan sindical mes ta dicidi of nan ta laga e miembronan dicidi?

Dialogo Social a para bira algo masha interesante. Poco tempo pasa un lider sindical a bisa publicamente cu Gobierno ta usa e sindicatonan. Ora cu mester di nan pa pasa medida ta lobby cu nan, pero despues e ministernan ta duna e sindicatonan un maltrato. E pregunta a nace awor: Miembronan di sindicato, kico nan rol ta?

Nan voz ta conta? Pasobra nos tin bon informacion cu tur miembro

Den Parlamento:

Te cu ayera Mervin Ras no sa nada di versoberingswet!

El’a haci un pregunta masha raar!

STA. CRUZ -- Mervin Ras a haci un prergunta ayera na Mike Eman: Votando pa versoberings - wet, berdad esaki kier meen cu m’a vota pa medida? Un pregunta masha infantil y ridiculo. Nos por constata cu te cu ayera Mervin Ras ta mal bruha y no sa ainda ta pa kico el’a vota!

Con e por durf di puntra e pregunta ridiculo aki? Ta mas cu logico cu e ley di versoberingswet tabata forma parti di un pakete di medida. Ainda Mervin Ras no sa esaki? Y ta net Mike Eman e tin cu haci pregunta?

Mike Eman a contesta: No Mervin, no ta asina! Mike Eman a pasa Mervin un lolipop dushi asina! ‘No Mervin, no ta asina’. Ta na unda Mervin Ras ta biba?

Te ainda e no tin benul di e pakete den conhunto cu a keda condiciona den Dialogo Social? Foei Mervin! Bo pregunta ta parce di un persona leu di mundo! Parce cu bo no ta comprende politica!

Ta LOGICO cu versoberingswet tabata un condicion pa bin medida, pa asina afecta tur empleado publico cu 25% di nan pensioen plus aumenta varios cobranza manera AZV! Con bo por tin e tribilidad di haci e pregunta aki? Cu e pregunta aki ba laga bo inteligencia sali na horizonte, esta cu bo ta incapaz. No tin nada otro pa haci Mervin, ruim op y bay cas y ni pensa

mes di subi lista, pasobra e rechazo na bo actitud infantil ta remarcabel. Tur bo votadornan lo bira lomba pabo pior awor cu ta Mike Eman bo ta pidi pa dunabo les den politica. Mike Eman a contestabo tambe, tumando bo haci ridiculo!!!

Tristo Mervin! Probecha di e stoel pa 10 luna mas y prepara pa entregue bek na su doño: MEP! Na Corsou tambe algun parlamentario manera bo a traiciona nan partido y pueblo a duna e partido e asiento bek! Cual partido lo por confiabo?

Bo ta kere nan lo confiabo?

Pasobra b’a demostra cu bo ta cla pa dal bo partido un scop votando cu AVP! Un vez bo haci’e, bo ta capaz pa haci’e mas ves. Andin lo dunabo un lift? Si Andin dunabo un chance, e lo tin cu carga e consecuencia! Si bo no ta sigui liña di partido, ta mihor bo lanta bo eenmanspartij! E ora bo por sigui bo mes! Y ora cu bo no sa algo, bo por puntra haci emans un vraagje. Bo pregunta haci na Mike Eman a caba di mustra bo incapacidad y incompetencia.

tin cu paga un suma mensual na e sindicato! Ora di paga e miembro ta bon? Con a para awor ora di tuma decision? E miembro ta permiti e lidernan di sindicato pa dicta medida ariba nan cabez? E miembronan ta wordo consulta? Of ta zomaar ta bay papia den nan nomber? Si e miembronan no ta wordo consulta, e ora ta con nos tin cu interpreta esaki? Dialogo Social ta masha bunita, pero nos tin duda si realmenente miembronan di sindicato tin voz of nan a perde nan voz!

Mike Eman den Parlamento:

Eman ta un minister sociopata cu ta gaña sin gevoel!

Eman ta bisa cu el’a baha coriente na Aruba.

STA. CRUZ -- Den parlamento di Aruba, un vez mas, Mike Eman ta duna hende asco cu su gañamento. Un politico descarado y sin gevoel cu mas y mas ta wordo mira den pueblo como un sociopata.

Un sociopata ta un mentiroso patologico, cu ta inventa storia di unda su mes ta kere aden. Den Parlamento e Sociopata Eman a tribi

di bisa cu su Gobierno ta atendiendo cu prijs di awa y coriente, siendo cu tur prueba ta ariba mesa cu no ta asina.

Den un propaganda full pagina, nos a mustra con Sociopata Eman ta gaña pueblo. Bao su Gobierno, e prijs di awa y coriente a subi drasticamente. E sociopata Eman no a cumpli cu baha e prijs 25.5% as per day one.

Cu awe nos tin prijs mas caro cu nunca, ta pasobra te Gobierno di Mike Eman no kier a cumpli cu su promesa di campaña. Cu awe tin mas di 5 mil cas sin coriente of awa, ta danki na e incapacidad di Mike Eman pa goberna e pais aki y di haci promesa falso y keda sin cumpli.

E declaracion di Mike Eman no ta nada otro cu di un sociopata.

Sr. Eddie Briesen di MEP:

Bingo tabata simplemente fabuloso

STA. CRUZ – Den un entrevista cu lider di fraccion di MEP, sr. Eddie Briesen el’a comenta di ta agradecido na tur e sostenedornan di MEP cu a participa na e bingo di diadomingo ultimo. Na e bingo aki manera tur hende presente mes por conta, no tabata tin lugar pa mas hende. Esnan presente por a goza di un tremendo bingo unda e premionan tabata gordo.

Sr. Briesen ta manda palabranan di pabien na esnan cu a gana como tambe na Movimiento Electoral di Pueblo cu a supervisa e bingo aki pa e districto di Paradera.

Den e re-organizacion tur cos ta moviendo viento en popa. Esaki sigur tabata muestra diasabra con grandi e bingo aki tabata. Esaki ta un refleho di esnan cu kier a bin pa aumenta nan

cartera pasobra manera cos ta bayendo, manera sr. Briesen ta bisando cu Gobierno aki ta haci propaganda pa un Aruba di cinco strea pero ora e cuenta di coriente, awa, gasoline y comestibles bin, ta strea so bo ta keda mira. Sr. Briesen ta felicita e districto di Paradera y partido MEP pa un grandioso bingo diasabra ultimo.

Diamars November 6, 2012

Pagina 3

Na Playa den Arendsstraa​t:

Chauffeur bao influencia a dal tras di auto

E paranoide aki ta lubida liher!!

Mike Eman, unda e 4 miyon a bay???

B’a fia for di Interbank y b’a baha na awa

STA. CRUZ -- Gobierno di AVP ta un Gobierno cu tey solamente pa privilegia nan famia y amigonan.

Asina nos por waak con hopi periodista a wordo colga na trabao, rancando tur dia placa di e pueblo aki. Tin periodista cu a bira director di television cobrando 15 mil pa luna.

Tin locutora cu ta cobra 10 mil pa luna. Otro locutor latino ta cobra 8 mil sin diploma. Pues un patronahe grandisimo cu ta tumando lugar. Ademas te awe nos ta puntra di e placa cu a wordo horta di Interbank. Mike Eman por duna cuenta kico el’a haci cu 4 miyon cu Emco a fia

na Interbank? Djey bend’e cu FCCA y te cu awe nunca mas a paga e cuenta aki?

Mike Eman mester bisa Dios danki cu na Aruba no tin un ley di screening manera cu tin na Curaçao,

pasobra e cuenta di Interbank aki ta colga ariba su cabez. Loke nos a tuma nota ta cu nunca Mike Eman kier papia di e ladronicia aki. Kico a pasa cu e asunto aki? Unda e 4 miyon a bay? A use pa core campaña? Of a use pa habri ATV? Of te placa di radar a paga pa ATV? Pesey ora cu Mike Eman ta haya teke teke ariba famia famia famia, ta bon p’e refleha 4 miyon florin cu e tambe a firma pe y waniaps placa di pueblo.

E prestamo aki pa colmo tabata na 0% di intrest.

Mike, nos ta suplicabo, bin duna pueblo cuenta!

Pregunta na Mike de Meza

Kico a pasa cu bo 3 amigonan cu a horta Lotto pa Deporte?

2 miyon horta di jackpot y dicon bo a dek e cuenta?

STA. CRUZ -- Riba A r e n d s s t r a a t diadomingo anochi un dalmento a sosode unda tabatin un chauffeur bao influencia envolvi y a dal cu su auto tras di un Kia Sportage. Su auto mes a keda kibra.

Polis a presenta y a

tuma nota di esaki . E Pontiac blanco a keda full kibra.

E Sportage mes a haya algun sla aki aya. Chauffeur di e Pontiac no tabata por a mustra su rijbewijs y ni seguro di e auto.

Polis a tuma e auto den beslag.

STA. CRUZ -- Eddie Briesen a recorda ayera e hecho cu Mike de Meza tin tres amigo y campañador, kendenan a haya trabao na aña 2010 pa traha den casino di Lotto. Den apenas 1 aña, e tres amigonan di De Meza a horta e casino 2 miyon florin. Con nan tabata haci’e? Nan mes tabata hunga jackpot y ora cu nan gana 20 dollar, nan ta bay cash out 2 mil dollar. Dje forma aki sistematicamente y diariamente tabata saca 10 mil of 20 mil dollar di Lotto. Sinembargo algo a pasa, pasobra Lotto a dek e ladronicia aki di 2 miyon florin. Dicon? Pasobra ta campañador di De Meza a pone man ariba nan cabez? Otro cu no a horta ni 1 florin a wordo denuncia na polis y que hubo di e amigonan ladron di Mike de Meza? Dicon De Meza nunca a sali den prensa pa contesta e noticianan aki?

Miedo a dal’e? Pasobra e tambe ta meti? Nos ta reta de Meza pa e sali duna cuenta ta con su amigo y

campañadornan a horta Lotto y si ainda e tin pensa di entrega un keho na polis of si e lo kier converti su mes den complice aki? Eddie Briesen di MEP a repasa e ladronicia aki atrobe! Loke nos a comprende ta cu ta den camera a bin capta e

ladronicia, unda no ta waak ningun turista ta hunga, pero te amigonan di De Meza mes ta sinta, ranca jackpot y bingo!!! Cobra 10 mil dollar pa dia! De Meza, De Meza, De Meza, Shame on you!

Diamars November 6, 2012

Pagina 4

MR. EVELYN WEVER-CROES, LIDER DI MEP:

MEP TA NA FABOR DI DIALOGO SOCIAL, PERO NO TA DI ACUERDO CON E TA WORDO EHECUTA

STA. CRUZ -- Parlamento dialuna a cuminsa delibera riba e tema di Dialogo Social. E papel di e dialogo versus e papel di Parlamento. Lider di MEP a cuminsa pa bisa enfaticamente “nos fraccion, mescos cu e gran mayoria di parlamento, ta na fabor di dialogo. Nos ta kere den dialogo.

Locual nos kier trata awe ta e papel cu dialogo social ta hunga den e proceso democratico na Aruba, pasobra cada biaha cu leynan bin parlamento cu ta trata temanan tratá den dialogo social; ta bin comentarionan cu Parlamento no tin nada di bisa mas.

Y eynan nos problema ta: e forma con dialogo social ta wordo aplica na Aruba”, segun lider di MEP. MEP a consulta cu participantenan di dialogo social y e siguiente preocupacionnan a wordo expresa.

1. Representacion: MEP tin e impresion fuerte cu e representacion di nos pueblo den e DIALOGO SOCIAL no ta representatief. Segun nos calculacion ni 20% di e votadornan ta representa den e dialogo social.

Mientras cu den parlamento 100% di e votadornan ta representa. Bo mester puntra bo mes, cual di e dos organo nan aki por papia den number di pueblo? Algun gremio representa den DIALOGO SOCIAL of parlamento? E problema cu hopi ciudadano tin cu e DIALOGO SOCIAL ta cu sindicatonan ni gremionan ta haya oportunidad pa consulta cu nan prome cu firma un protocol.

2. Contenido: MEP a constata cu gobierno ta masha masha selectivo cual temanan ta trata den dialogo social. Un ley manera leerplicht, no a trat’e den DIALOGO SOCIAL, ni siquiera a scucha sindicato di maestro, docentenan, schoolbestuur ni mayornan. Cambio di LTU, ley di admision. A consulta cu gremio- y sindicatonan kico nan ta pensa di habri frontera? Di laga ciudadano di otro paisnan bin busca un mihor porvenir aki mientras nos tin un desempleo? Caminda cu tin chance cu esnan cu awor tin trabao por perde esaki ora bin mas hende, mas jong, mas capaz pa bin traha? Gremio empresarial tin trabao pa esnan cu bin nos pais? Schoolnan ta equipa pa tanto studiante nobo? Esaki nos ta haya ta un tema sumamente

discusion nacional riba e temanan mas importante pa nos pais. Eynan MEP kier yega, un plataforma den cual tur hende tin participacion especialmente den e temanan mas importante.

3. Preparacion: E keho mas comun cu MEP a haya ta cu gobierno no ta duna tur informacion na tempo y no ta duna e participantenan tempo suficiente pa nan studia e proposicionnan. Tampoco ta duna gremionan tempo of espacio pa bay bek na nan miembronan. Tambe nan ta experiencia como un problema e hecho cu nan no ta haya ni tempo ni recurso pa busca conseho di expertonan den areanan cu nan no tin expertisio.

importante pa trata cu gremionan tambe. Otro tema hopi importante ta criminalidad, tram, Urirama, debe di gobierno cu APFA, tur e proyectonan PPP cu lo caba na horca nos pais financieramente. Dicon e temanan aki no a wordo discuti cu gremionan?

Pero e asunto mas urgente y serio pa trata den un DIALOGO SOCIAL ta e debacle financiero cu Gabinete Mike Eman tin nos aden. Den 23 aña di Status Aparte di nos pais nos debe nacional a crece te na 2 biyon florin.

Den apenas 3 aña di gobernacion di Mike Eman ya e ta 3.5 biyon florin segun cifranan oficial. Anto esey ta sin e proyectonan off balance, PPP y interes, cu Camara di Comercio ta calcula cu ta yegando 5 biyon, 5000 miyon florin. Anto den apenas 3 aña.

Y pa pone den palabranan di Banco Central, THE HIGHEST EVER! Y e mas serio ta cu no tin un plan con pa bah’e. Esey mester a wordo trata den DIALOGO SOCIAL! Den DIALOGO SOCIAL ta trata apenas algun cambio ad hoc, pero no cambionan structural.

Tampoco a trata den DIALOGO SOCIAL e mensahe cu minister Spies a manda pa nos na Aruba: “Aruba staat voor ingrijpende hervormingen die ook door de Arubaanse bevolking zullen worden gevoeld”. Pero Minister Presidente a desmenti esaki. Un hende ta tuma un hende haci.

Debi cu gobierno ta selectivo den kico si y kico lo no trata den DIALOGO SOCIAL. Y door di scoge temanan separa di otro, nunca nos ta yega na

4. Follow up: Tin mucho poco follow up riba decisionnan tuma caba. Por ehempel, un punto crucial di preocupacion general ta e fondo di pensioen SVb, cu tur hende sa cu mester wordo restructura. En vez di implementa solucionnan structural pa e cu fondo, a scoge pa e flex pensioen. Pero no a follow up con esaki ta impactando e fondo. Con e ta impactando nos comunidad. Pa trahadornan di Valero un dialogo social a wordo yama pa busca trabao pa nan, pero te awe nada y nan ta busca contacto cu e Ministernan pero nan no ta haya oido. Un DIALOGO no por ta un MONOLOGO. Un keho cu nos a ricibi ta cu gobierno ta yega reunionnan di DIALOGO SOCIAL cu ‘vooringenomen standpunten’. Pues eigenlijk ya decisionnan ta tuma y input di participantenan no ta wordo teni cuenta cune. E impresion ta existi cu gobierno ta usa e DIALOGO SOCIAL pa paga candela y no na un forma structural con pa yega na soluciona e problemanan cardinal den nos comunidad, den bienestar di nos comunidad. Den un entrevista na television cu presidente di parlamento poco dia e moderador a bisa cu Dialogo Social ta haci trabao di Parlamento mas facil, pero MEP no kier esey. Parlamentarionan ta wordo paga pa representa pueblo y MEP kier haci su trabao tambe. Lider di MEP ta spera cu gobierno por tene cuenta cu e preocupacionnan aki pa asina e Dialogo por bay na un forma cu ta den beneficio di tur ciudadano.

Diamars November 6, 2012

Ex amigo ta molestia dama STA. CRUZ -Diadomingo central a dirigi polis pa Tanki Leendert.

Na yegada polis ta papia cu un señora, cu a declara cu su examigo ta molesti’e.

E ex-amigo ta yama e señora diferente biaha y e señora a laga e polis tende un yamada di e examigo con e tabata menaz’e.

Polis a atende e homber ora el’a yega un rato despues, riba su comportacion.

Mirando cu e homber tabata bao influencia di bebida y/of otro sustancia, polis a dicidi pa detene e homber.

Choller ta drumi riba caminda STA. CRUZ -- Riba diadomingo central a dirigi patruya rumbo Luis de Colygnistraat unda tabata tin un choller drumi riba caminda publico. Na e sitio polis a topa un conocido choller cu ta declara cu e no tin lugar pa biba pa motibo cu FCCA a sak’e di su cas pasobra e tin hopi pago di huur atras.

Polis a bis’e pa bandona e sitio. E caso tin atencion di polis.

Pagina 5

John C. Larmonie, Medewerker Bureau Preventie & Voorlichting - Staf Korpschef:

Recordatorio pa tur esnan cu kier encontra Sinterklaas cu nan boto!

Ta recorda tur doño di boto cu mester tene nan mes na regla di APA. Mirando cu Sinterklaas ta yegando dia 18 di November, ta recorda tur doño di boto cu kier bay ricibi e, corda tene nan mes na regla di APA! Ta bay tin barconan crucero den waf y botonan no por drenta

e area ey cu ta di e entrada parti pabao, te na e Renaissance Marina (entrada di waf chikito). APA ta permiti e botonan di placer yega te na Surf-Side. Esaki ta fastioso pero ta algo cu a cambia despues di 9/11. Reglanan mas estricto di seguridad ta wordo implementa

pa seguridad contra terorismo. E ta fastioso pero nos mester tene nos mes na esaki pa nos por sigui goza di e turismo crucero cu ta bin y cu ta cay bao reglanan nobo di Coast Guard Americano. E tugboat di APA, esta “Cudarebo” so ta sigui cu e Sinterklaas y su Pietnan.

Diamars November 6, 2012

Pagina 6

ATIA ta gradici pa e gran Exito

STA. CRUZ -- E Corporate Gala Dinner 2012 di Aruba Trade and Industry Association (ATIA) a tuma lugar diabierna dia 2 di November den un ballroom sold out cu alrededor di 420 persona na Westin Resort & Casino consistiendo di empresarionan di compañía grandi, chikito, individual y representante di Gobierno interesa den loke e lidernan politico di e partidonan cu tin representación den Parlamento invita lo informa. Tema di e evento tabata “What’s Next!” unda cu e lidernan politico a duna nan vision di kico nan ta pensa cu lo mester bay sosode den futuro pa nos isla Aruba riba diferente tópico specifico. E anochi a habri cu palabranan di bon bini di sr. Ronald van Trigt kende ta e chairman

di ATIA y sigui pa sra.

Marcelline Richardson, managing director di Aruba Bank y Diamond sponsor di e gala. Despues di un aperitivo delicioso prepara pa e Chef di Westin e publico por a presencia un bunita show di Opera di Nicole van Eer. E cena tabata consisti di cuminda crioyo di Aruba.

E lidernan político; sr.

Mike Eman, sra. Evelyn Wever-Croes y sr. Andin Bikker a subi stage pa participa den e sesión special cu preguntanan prepara pa e conocida Tisa Lasorte, kende a fungi hopi aña como un profesional di media y periodismo na Merca. Na final di e sesión special aki cu e lidernan político sra.

Joyce BartelsDaal directora di ATIA a presenta un obsekio di gratitud na cada un di e participantenan. A cera e anochi cu un motivational video titula “ Man in the Mirror” na unda varios entrepreneur local a duna

nan mensahe impactante tocante con pa logra éxito den bo negoshi y después Robert y su Solo Banda Show a pone tur hende subi pista di baile y goza den tremendo ambiente te na final di anochi. Pa e evento aki, ATIA ta desea di gradici su 7 silver sponsors, un gold sponsor y su diamond sponsor kendenan a demostra nan confianza un biaha mas den eventonan di ATIA. Masha danki Aruba Bank como diamond partner , CHS Technical Contracting Gold Partner y Setar, Aruba Time Share Association, Chartis Insurance,Total Services, Albo Aruba, Romar Trading y ASTEC como silver sponsors. ATIA ta gradici tambe sra. Tisa Lasorte pa su aporte enorme pa e evento tabata uno exitoso y tur miembro y no -miembro, instancia y compania cu a aporta na un of otro manera na e anochi fenomenal aki.

Diamars November 6, 2012

Pagina 7

Container ta los for di Trekker pariba di ex - Bushiri Hotel

STA. CRUZ -- Dialuna mainta rond di 10’or nos a tuma nota di un container transporta cu lo a kita y cay ariba Boulevard.

E compania cu tabata carga e container ta e compania Fast. Kico a pasa exactamente cu e container a kita no ta

conoci. Polis di trafico tambe a presenta pa tuma nota di e situacion.

Un borchi di trafico y tambe mata di coco a ser destrui ora e container a kita. Tambe nos por a tuma nota di e Director di e compania, sr. Helder cu a bin na e sitio.

Homber burachi ta drumi riba caya STA. CRUZ -Diadomingo patruya a bay na Maria van Oranjestraat. Na e sitio polis a topa un homber drumi riba caminda y ta declara cu el’a bebe hopi bebida alcoholico y pesey e no por cana

mas. El’a bay drumi abao na sulea pa sosega un rato y a pega soño. Polis a bisa e homber cu su comportacion ta un peliger pa su mes y pa trafico y nan a hiba e homber cas na Isaac Wagemakerstraat

Ministro di Husticia y Enseñanza ta anuncia cu entrante 6 November 2012 durante 30 dia lo tin oportunidad pa un y tur tuma conocemento na Departamento di Legislacion y Asunto Huridico, Macuarima 65, di un peticion cu a ser haci pa un instalacion di gas di 200 galon na Seroe Patrishi 20-A. Durante dicho periodo aki tur hende por expresa por escrito nan obhecion contra dunamento di e permiso menciona, dirigi na e Minister di Husticia i Enseñansa, via director di Departamento di Legislacion y Asunto Huridico, Macuarima 65.

Bao di holo fuerte di e conocido perfume nocturno ‘Johnnie keep on walking’

PARLAMENTARIO TA DAL RIBA AUTO CU A CABA DI ACCIDENTA

STA. CRUZ -- Durante fin di siman tabata tin un caso di dalmento di auto unda cu un auto cual ya caba a dal pa motibonan desconoci estilo so so, cu su so, y ata un otro auto ta cana claba riba dje. E caso aki tabata uno straño pasobra mirando cu e auto bo dilanti tabata den situacion di accidente caba anto abo cu ta bin despues toch ta claba riba dje anto e ora ey Chino mes lo bisa; “Something Velly Long!” Mas ‘Velly Long’ e asunto a bira ora cu a bin resulta cu ta un Compay Parlamentario tabata tras di stuur di e auto cu a cana claba den esun cu a caba di dal. Pa corona e obra, e persona segun ta wordo bisa, tabata hole un perfume di alcohol Johnnie keep on walking cu esnan cerca casi nan rosea por a corta; nos no sa pasobra ta “Nang” di! E motibo pakico e parlamentario aki a bay dal riba e auto cu tabata para caba, no ta conoci pero e solo hecho cu tabata tin holor fuerte di “perfume di alcohol’ e ora ey cada ken cu dos placa di sinti ta haya e impresion cu enberdad tin algo ‘Velly long!’

Pero shonnan cos di ‘Velly long’ no a caba

eynan tampoco pasobra Shon polis no tabata tin aparato pa haci test di alcohol! Supuestamente nos flamante gobierno cu ta viaha rond mundo pa trece te hasta DJ nan famoso Aruba y paga nan miyones, no tin placa pa cumpra material pa e aparatonan cu polis ta usa riba caya pa haci test di alcohol cu chauffeurnan di cual ta sospecha cu nan por tabata core bao di influencia di alcohol.

Capitulo culminante di e tele novela parlamentario yama Mi eterno amor “Velly Long” a yega na e punto cu polis mester a laga Compay Parlamentario bay numa pasobra no por a haci test cune toch!

Esey ta e informacionnan cu prensa no cumpra a haya pero te con leu esaki ta cuadra cu e realidad completo no ta conci pasobra na Aruba tur cos a para bira Percepcion robez! Si ta Buchi Juan y Shimaria tabata envolvi den un accidente asina, bao di e mesun circumstancia anto polis e ora ey lo a laga nan bay mescos cu Compay Parlamentario?

No ta asina cu procedura of logica di bida real ta pone cu un chauffeur asina ta wordo hiba warda di polis pa pasa

test na e machine grandi y si esey no ta traha anto tin e posiblidad pa haci un test di sanger? Un hende por nenga un test di sanger pa ley pero e ora ey e asunto ta bira un ball game totalmente diferente toch?!

Como parlamentario bo mester a laga nan haci un test di sanger pa kita tur duda cu awor mas cu logico a bay haya un bida riba su mes y ta ken bo kier bay culpa despues?

Ta Wiels mester bin for di Curaçao pa bin siña nos of mustra nos cu esaki no por mas?

Nos mag di puntra toch of te hasta esey ta un forma di percepcion robez? Door cu no tin claridad riba henter e asunto aki, un biaha mas pueblo y prensa no cumpra tin cu tende via e Chino masha problematico mes yama “Nang di” kende ta pasa rond mundo crea problema tur caminda y ora cu ta busca “Nang” pa duna cuenta, nunca ta haye y na China e gobierno a pone un prijs riba su cabez Dead or better Dead pasobra ta masha hopi problema e compay “Nang” aki a causa aya y tur caminda cu el’ a pasa.

En todo caso e asunto aki a keda na; Something Velly Velly Long!!

Dama malcontento cu e cantidad di cuminda cu el’a cumpra STA. CRUZ -Diadomingo polis a dirigi na un restaurant na Tanki Leendert. Na yegada di e patruya, polis a papia cu un señora cu a declara cu el’a bay cumpra un platter chiquito na e

restaurant y a paga Afl 16.50 pa e cuminda.

Ora cu e bendedora a dune e cuminda, el’a ripara cu e cuminda tabata mucho. El’a reclama e bendedora cu e no por come tur e cuminda y a benta e

cuminda riba e sra. Y a cana bay. Polis a papia cu e señora y a atend’e riba su comportacion.

E señora tin comprension pa e situacion y ta bay cumpra cuminda otro caminda otro biaha.

Diamars November 6, 2012

Pagina 8

Tremendo charla tocante Violencia Domestico Presenta pa Women’s Club of Aruba

Tromp (docente); sra. Shaska Kock (o r t o pedag o g o); sra.

Gadi Kock (sicologo spiritual) y di Reclassering tabata presente sra.

Georgina Hoevertsz (trahador social huridico) y sra. Aisha Fraser (trahador social pedagogico).

E sala tabata completamente yen y publico a haci hopi pregunta interesante na e panelistanan.

STA. CRUZ -- Siman pasa Comision special ‘Ban spierta y actua’ di Women’s Club of Aruba a tene su charla tocante Violencia Domestico den districto di Santa Cruz na Club San Martin. E programa a cuminsa cu e invocacion di pastoor Calixto, sigui pa palabra di bon bini di sra. Omaira Silva, presidente di WCA. Mr. Lily Marval, chairman di e comision, a presenta e topico ‘Violencia domestico na Aruba’. Despues di esaki a sigui un presentacion di drs.

Lilian Felter cu e topico ‘E homber Arubano como tata den nos comunidad’, drs. Felter ya pa un paar di aña ta investigando e fenomeno aki.

Publico presente a keda encanta cu e talento creativo di e hoben Samantha Trinidad kende a declama e poesia ‘ Te s t i m o n i o’.

Despues di intermedio tabata tin oportunidad di haci pregunta na e panel cu tabata consisti di: dr. Benita Britt-Croes (dokter di cas); mr. Monica Kock (abogado); sr.

Alex Paesch (polis); sr. Roland

Presente na e ocasion aki tabata parlamentario mr.

Evelyn Wever-Croes.

Women’s Club of Aruba ta gradici un y tur cu a acudi na e charla aki y ta avisa cu e siguiente charla lo tuma lugar na Noord. Ta forma parti di e comision: mr. Lily Marval (chairman), Norma Brinkenberg, Rubia Maduro y Marva Solagnier.

Diamars November 6, 2012

Pagina 9

Diamars November 6, 2012

Pagina 10

Accidente riba waf a laga trahador di Astec herida

STA. CRUZ -- Un accidente a sosode dialuna mainta riba e tereno di waf unda personalnan di Astec tabata bahando un ekipo pisa for di un barco di carga pero algo a bay robez.

Esaki a haci cu e cabuya a kibra. E presion cu e cabuya pisa aki a bin abao y a dal inespera riba un

KPMG ta organiza lectura pa fondonan di pensioen

trahador na su cabez.

Locual a scapa tabata cu e trahador tabata tin su helm bisti. E sla cu el’a haya door di e cabuya a pone cu e tabata sangra for di su cabez. E trahador a haya basta sla, segun personal di ambulance na e sitio.

Nan a transporta e victima cu urgencia pa Eerste Hulp.

MADURO HEAVY EQUIPMENT N.V.

Santo pa Basha, Santo pa Pleister, Crushed Sand, Piedra, Tera pa Mata, Graniet. Tambe nos ta Rosa

Tereno, Coba Pos y Fundeshi.

ROOI BOSAL 49 TEL.: 585-1708 FAX .:585-6299

STA. CRUZ -- Diarazon awor, dia 7 di November 2012, KPMG ta tene un lectura cu desayuno na Renaissance Hotel pa fondonan di pensioen, riba e tema “Risico’s en toezicht pensioenfondsen”.

E orador, Arnoud Vossen,

kende ta Director di Pensioenfondsen na “De Nederlandsche Bank”, a wordo invita specialmente pa e evento aki. E lo elabora entre otro tocante temanan actual ariba tereno di fondonan di pensioen, incluyendo

maneho di risico y supervision.

Dave Coenen lo discuti e tema aki for di punto di bista di Banco Central di Aruba. Tur fondo di pensioen di Aruba ta invita pa atende e sesion di informacion aki. Si bo no a registra, esaki ta posibel ainda via di info@kpmg.an of telefon 525 5764.

KPMG a cuminsa cu organizacion di un serie di lectura cu desayuno pa ehecutivonan halto di tanto e sector priva como sector publico na Aruba na aña 2011.

E meta cu e sesionnan aki ta pa duna esnan presente e posibilidad pa den un ambiente sigur comparti cu otro experiencianan y conocemento tocante topiconan actual. KPMG Aruba ta pertenece na e oficinanan di KPMG di Caribe Hulandes y Surnam, cual ta parti di e red mundial di organisacionnan profesional cu ta rindi servicionan den e ramo di Audit, Tax y Advisory.

KPMG ta activo den 140 pais y tin 146.000 profesional trahando den nos diferente oficina rond mundo.

Localmente KPMG tin, ademas di su oficina na Aruba, oficinanan na Corsou, Bonaire, Sint Maarten, Cuba y Surinam.

Diamars November 6, 2012

Sr. Eddie Briesen di MEP:

Gobierno ta prefera di tuma risico y toca e industria di turismo

STA. CRUZ Segun sr. Eddie Briesen, nos tabata cater pa 100 mil dollar pa aña. Esey ta e target group. Ora a bisa cu ta bin cu un gran melia, el’a wordo bombardea door di e gobierno aki. Nan ta den corte keto bay cu e gobierno aki y siman pasa pa e grupo di Harold Café cu nos no a tende nada mas. Nos sa cu nan no tin placa y nos sa tambe ta na unda a bay pidi placa. Esey tambe nos lo bay bin cune ainda segun sr.

Briesen. Tin un Ritz Carlton, nos tabata tin e Plan Sasaki cu tabata na horizonte cu lo mester a klik op fuera di e linear park cu nos tabata tin planea pa food tur e barionan aki na Aruba cu lo mester a hisa e product. Nos a haci nos programa di promises cu a core pa tur empleado cu ta traha directo y indirecto den industria di turismo.

Eseynan conhuntamente lo mester a hisa e nivel di calidad di e producto y e calidad di turista.

Nos mester bay pone prioridad. Of bo ta drecha school of bo ta pone klinkers den

sr. Eddie Briesen su caya na San Nicolas.

Wel mihor drecha un school cu kibra e asfalt dilanti cas pa pone klinkers.

Cu esaki kier men cu mester pensa logico y waak kico ta prioridad. Mira locual a pasa den nos mercado di mas grandi cu ta North East cual a wordo azota na Merca door di e horcan. Nan a para marathon na New York. Di eyden nos clientela ta sali bin anto bo ta kere e hendenan ey cu tur nan problema cu nan tin, no tin ni coriente y awor cu friu a cuminsa drenta cu ta un problema. 111 hende a perde nan bida. E hendenan aki cu no tin manera mas, cu e situacion na Merca ta doloroso, e hendenan aki bo kier straf nan y hisa nan gasto di nos producto. Segun sr.

Briesen, mester bay waak y corta gasto den gobierno pasobra eyden tin hopi vet pa corta pero nan no kier haci esey. Nan ta prefera di tuma un risico grandi pa loke ta trata e aumentonan aki cu netamente ta bay toca e industria di turismo.

Pagina 11

Diamars November 6, 2012

Pagina 12

Homber a misplace e permiso di su establicimento STA. CRUZ -- Patruya riba diadomingo na un cas na Bernhardstraat caminda polis a topa cu un grupo di persona di nacionalidad Dominicano ta tocando hopi duro, sinta bao di un afdak. E cas ta wordo usa como negoshi y polis a pidi pa mustra e vergunning. E doño a bisa cu e casa tin e vergunning di e lugar.

Polis a duna ordo pa baha e muziek y a bisa e señora pa laga e casa trece e vergunning na warda di polis. E casa a yega rond di 23.45 na warda bisando cu e no por haya e vergunning. Polis a bisa pa bay departamento di permiso mainta pa mustra e vergunning di e lugar.

PUEBLO A HAÑA SU PEN BEK

Pa kualkier informacion solodipueblo@gmail.com of

☎ 585-9500

Segun ing. Eddie Briesen di MEP:

Ta increibel con AHATA por a firma un protocol asina

STA. CRUZ – Durante un conferencia di prensa di partido MEP, sr. Eddie Briesen ta comenta riba un protocol cu a wordo firma 1 di November.

No ta bay den detayes pero si kier bay un rato riba locual cu nan a pone cu e minister president di Aruba ta bisa cu e medidanan aki ta toca turista so.

No ta comprende con AHATA por a firma algo asina. E protocol aki ta e cambionan di belasting cu ta na caminda.

Manera Hulanda mes a bisa cu Aruba mester ‘fasten seatbelts’ pa e medidanan cu ta biniendo na caminda.

Locual cu a laga sr. briesen asombra

ta cu gremionan y particularmente AHATA por a firma un documento asina aki cual segun sr. Briesen e falta contenido y seriedad. Pasobra nan ta papia con nan ta bay mehora e cartera di e ciudadano dus mehora e poder di compra y berdad nan mes ta bisa cu tabata tin hopi cos negativo pa e poder di compra. Nan mes ta duna di conoce cu e medidanan cu nan a bin cune a corta pisa den e cartera di e ciudadano. A papia di reparatie – toeslag y nan kier bay hisa AOV pero esey lo no bay mucho riba nan awor.

Ta bay riba e belasting –hervorming. Tin un grupo ta traha riba e

reforma fiscal. Nos por waak cu ora nan bay riba turismo cu e minister di turismo ta bisa cu Valero ta cera. Esaki ta danki na Mike and Mike cu a cera e refineria y nos por waak cu turismo practicamente ta na 80% of kizas mas di nos economia. Anto net e unico cu a keda cu ta genera entrada pa nos, esey nan a mata. Ya cu a mata pueblo caba, kier mata turismo awor. Entrante 1 di Maart otro aña lo tin un milieu - heffing riba tur rental car. Nan lo bay paga 1 dollar pa dia pa cada auto. Dia 1 di November 2013 e ta bay riba tur esnan cu tin e “O” y e “T” dus e tournan y nan no ta cuantifica kico esaki ta y ki impacto e tin. A bin riba un otro milleu - heffing dia 1 di Maart 2013 riba e time share resort y 10 dollar ta bay riba cada studio dus si abo tin un studio, lo bo tin cu paga 10 dollar mas. Si bo tin un apartmento, bo ta bay paga 15 dollar mas y si bo tin mas kamber bo ta bay paga 25

dollar. Practicamente mayoria di nan ta mas kamber dus gran parti di e time shares nan ta bay paga 25 dollar mas anto despues di un aña nan ta bay evalua pa waak kico ta kico.

Esaki ta un gobierno pret: e no ta cuantifica cuanto e medida ta bay costa bo; ta hisa benta riba e turistanan anto despues di un aña bo ta waak si e ta bariga geblaas pia den laira dus si e ta morto of bibo. Un gobierno irresponsabel so por haci esaki. E otro ta cu otro aña dia 1 di Maart nan ta bin cu un otro milieu - heffing di tres dollar pa cada kamber.

Dus cada kamber cu bin cu ta ocupa bo ta bay paga 3 dollar acerca riba e hotelnan regular cu no ta cay bao e parti di time share.

Esaki tampoco nan sa kico e ta bay ocasiona dus cuanto e ta bay ta, ni kico ta su impacto.

Despues di un aña nan ta bay waak si e turista ta bibo den kamber si of no. Ta increibel con AHATA por a firma algo asina, segun sr. Eddie Briesen.

Diamars November 6, 2012

Pagina 13

Homber grandi bao influencia di alcohol laga su so na bar

Green Energy ta nada otro cu un forma bunita pa saca placa di gobierno Ta ken ta gaña ken of ta ken ta kere di por gaña pueblo?

STA. CRUZ -- Poco poco ta bin sali afor cu rond mundo casonan di fraude y corupcion ta wordo treci den publicidad, unda cu tanto sector comercial como gubernamental tabata haci mal uso di supuesto Green Energy pa malversa y horta placa di pueblo.

Bao di e capa di Green Energy hopi ambtenaar di varios pais a abusa di nan funcion pa viaha rond mundo y gasta placa na granel bao di e hustificacion cu ta pa Green Energy nan mester a viaha.

Diferente proyecto miyonario y te hasta biyonario a wordo haci bao di e capa di Green Energy y na final nan a bin resulta di ta poco Green Energy pa e pais pero hopi Green Dollars pa esnan cu a probecha na ordo di e oportunidad unico pa habraca placa di pueblonan rond mundo.

Ta ki garantia pueblo

STA. CRUZ -Diadomingo anochi algun persona a dicidi na laga un homber di edad halto atras na United Dinner. E tabata un poco fastioso y a yama

Polis p’e. Na e sitio Polis a topa cu dicho homber . Polis no a keda contento con esaki a sosode. Nan a laga e persona di edad aki su so na e bar. Polis a dune un lift pa cas.

di Aruba tin cu aki no ta pasa e mesun cos?

Si waak e proyecto dudoso y cuestionabel di Tram y Bootje di Wuubootje anto te awe ningun rapport a keda presenta pa hustifica ni e gastonan y menos kico esaki ta bay genera pa entrada of cualkier beneficio pa pueblo. Pero keto bay miyones ta sigui wordo gasta na orden di dia, bao di e capa di Green Energy, mientras cu oposicion no tin ni e minimo nocion di kico real ta wordo gasta na placa di pueblo pa nan por controla esaki. Parlamento ta un marioneta di e gobierno na mando y e siman aki atrobe e keda demostra cu e president di Parlamento sigur ta sinta eynan ta cobra un salario basta bon gordo pa laga un otro parlamentario sin mas insulta un grupo grandi di hende pa porco.

Si shonnan lesa bon:

president di Parlamento a permiti pa un parlamentario di AVP insulta un grupo grandi di ciudadano na Aruba pa porco y tur esaki den sala di Parlamento.

No ta conoci si e forma di actua aki di parlamnentarionan di AVP tambe ta cay bao di e capa di Green pero hecho si ta cu e acto onbeschoft aki ta nada otro cu un actitud bochornoso cu ta pone hende bira berde berde di asco. Na Merca tin masha compania a cay pa fraude y na Hulanda tambe pa casonan di Green Energy cu a costa gobierno miyones y miyones di dollars y euro. Na Aruba a saca placa di Setar, Web, Elmar, Utilities pa gobierno gasta miyones den fiesta, bebemento, catering, hotel, consultancy etc.

Te hasta ta wordo bisa cu bao di e capa di Green Energy placa ta sobra pa campaña.

Diamars November 6, 2012

Pagina 14

Empleado di COMPRA ta aporta na crece un barba pa un causa

STA. CRUZ -- Compra un compania cu den 2013 lo ta existi pa 65 a単a y cu semper ta aporta den e comunidad di Aruba. Como representante di e marca di blade y machine di feita mas conoci mundialmente Gillette tambe kier a duna

su banda di donacion na Koningin Wilhelmina Fonds.

Empleadonan masculino di Compra tambe ta join pa asina laga nan barba crece y asina por haci un donacion na KWF. Empleadonan femenino a aporta nan creatividad

door di upload nan potret riba facebook di Compra NV. Empleadonan ta sinti cu aporta na e causa aki e luna no ta conta manera un sacrificio si no mas ta mustra e balentia cu cualkier persona cu wordo afecta cu e maleza aki

lo tin cu pasa den dje y no ta 30 dia si no pa mas largo y tin caso cu ta pa a単as. Ban nos tur aporta no ta dificil ni tampoco un berguenza pa asina aporta e causa aki. Si algo pa ta orguyoso cu tambe a aporta! Remarcable ta cu

exitoso bingo di mep

e empleado di Compra NV lo ta e team NOVEMBARBA cu ta colecta den e supermercado. No lubida pa participa ta facil haci un donacion of upload un potret y Gillette lo take care di e donacion na KWF.

Diamars November 6, 2012

Formacion di gobierno na Corsou ainda ta status quo

Despus di tur problema MAN kier bin cu un comision cu mester trece e coalicion anterior bek hunto. Mientras MAN y MFK ta mira e comision aki cu bon wowo, PS ta busca su refugio cerca PAIS. “Corda bon cu no ta PS a lanta for di mesa” Ivar Asjes di PS a enfatiza. E comision mester consisti di dos miembro di cada partido. Di banda di PS nos a haya e contesta for di prensa. Esta cu PS ta sinta na mesa cu PAIS y cu tin un ‘klik’ cu otro! Esaki segun lider di MAN, Charles Cooper.

Respet: Tambe MAN a haya sa for di prensa cu awor cu e dos partidonan aki a haya otro, ta MAN mester scoge cual banda e ta bay: e ta schuif cerca MFK – PAR of PS – PAIS! “Nos ta considera esaki algo sin respet! Esaki tambe ta e motibo cu no tin formamento di gobierno!

Nos ta exigi respet pa MAN, su miembro- y votadornan! Segun Asjes, PS no a papia di “aanschuiven” sino un yamada si

MAN ta willing pa firma un acuerdo cu PS y PAIS of cu MFK/PAR! “PS ta di opinion cu ya a pasa dos siman despues di eleccion y pueblo mester di claridad, segun Asjes!

Miembro di parlamento, Eugene Cleopa ta ex-miembro di MAN y a laga e partido.

Esaki ta loke ta molestia MAN. “Un di nos miembronan ta responsabel pa caida di gobierno!

Motibonan ta e falta di respet pa lider di PS, Helmin Wiels.

Nos ta asombra cu e dos partidonan aki ta sinta na mesa hunto y ta traha plan y awor ta pidi MAN pa bin sinta! “PS ta respeta e decision di MFK y a invita PAIS pa papia.

PS a laga sa cu e ta prefera un coalicion cu 17 asiento. Esaki ta encera: PS, PAIS, MAN, PNP y MFK si nan ta interesa pa sinta na mesa!

Segun MAN mester scucha pueblo cu a vota pa continuacion di e gobierno anterior. MFK, PS y MAN! “Pueblo ta na prome lugar, no nos partidonan y nos ego!,segun Cooper!

Pagina 15

Na Montaña:

Accidente semi frontal cu dos herido

STA. CRUZ -Dialuna madruga e caminda patras di Compleho Deportivo Frans Figaroa pa bay Montaña un accidente basta fuerte a sosode unda dos persona a resulta herida. Polis di Noord a presenta y a constata cu tin heridos y ambos auto ta kibra y no ta move. E chauffeur di e Sentra corra biniendo for di zuid pa un of otro motibo a bay den banda contrario dal den un Toyota Picnic berde.

E chauffeur di e Sentra corra tabata bao influencia di alcohol. No por a detene pasobra no tin machine pa test.

Ambulance a hiba e heridonan Eerste Hulp.

Diamars November 6, 2012

Pagina 16

E BERDAD DURO Y CRUEL:

No perde e siguiente sesionnan riba dia 7 y 9 di November

MR. EVELYN WEVER Sesion di Guia pa mañan pa futuro mayornan cu yen di informacion CROES TA BOLBE HAYA RAZON PARLAMENTARIONAN DI AVP NO TIN NIVEL MARLON SNEEK A YAMA HENDENAN DI PARTIDO UPP PA PORCO

STA. CRUZ -- Ken por a kere cu cos por a yega asina leu cu te hasta den sala di Parlamento pueblo por wordo insulta na orden di dia anto tur esaki cu bendicion y aprobacion abierto di presidente di Parlamento y henter fraccion di AVP! Ayera durante un reunion di Parlamento, e parlamentario di AVP Marlon Sneek kende ta strika balente placa di pueblo pa luna pa e papia disparatenan den sala di Parlamento, a kere cu e por a bay asina leu di insulta un grupo grandi di hende den pueblo pa porco. Marlon Sneek a cualifica e partido di Booshi Wever, UPP, cual partido siman pasa a keda anuncia den prensa, cu esaki ta un partido di hende porco! Si bo yama un partido nobo of existente mes pa un partido porco anto bo ta yama tur hende cu ta miembro di e partido, afilia of den cualkier forma ta sosten e partido, pa porco. No ta conoci ainda cuanto hende ta registra caba na e partido UPP di Booshi Wever pero hecho si ta cu si ta dos persona so tabata registra anto bo no tin ningun derecho y menos cualkier hustificacion pa insulta hende pa porco. Esey ta loke cu Marlon Sneek a haci y e presidente di Parlamento Paul Croes no a ni hi, ni ha riba e insulto grave ey cu e parlamentario vies aki a haci; esaki e keda confirma ayera door di parlamentario Booshi Wever. Tin hende den diferente otro partido y te hasta den partido AVP mes, cu tin familiar cu ta

afilia cu e partido nobo UPP y eynan bo ta wak cu esnan di AVP no ta sucumbi pa lastra kende cu ta cu kier haci uso di su derecho democratico pa scoge su mesun ideologia politico. AVP y su gobierno ta insulta cualkier ciudadano cu ta tribi di afilia su mes na un partido cu no ta cay na nan agrado.

Ora cu Booshi Wever e trece entre otro tipo di asuntonan asina den reunion di Parlatino, AVP hunto cu Toko Winklaar a bay haci masha beheit mes y a lastra Booshi Wever di A te Z. Te hasta Toko a kere di por bay hunga doño di Tele Aruba door di bay riba pantaya y anuncia publicamente cu Booshi Wever no ta haya cobertura mas na Tele Aruba. Awor Booshi Wever a haya otro prueba anto den sala di Parlamento na Aruba mes pa mustra comunidad internacional cu ki actitud e gobierno di AVP ta intimida y menaza democracia na Aruba.

Dia cu sra. Evelyne Wever - Croes lider di MEP a bisa bon cla cu esnan di AVP den Parlamento y den gobierno no tin y no conoce nivel di decencia, el ‘a wordo critica y lastra door di AVP. Te hasta caso a wordo manda corte unda cu Mike Eman mester a rectifica pa su

STA. CRUZ -- Ya pa algun tempo Hospital ta duna sesionnan di informacion di Guia pa mañan pa futuro mayornan di departamento di Parto y Maternidad na Hospital.

Importante pa menciona ta cu e sesionnan aki ta completamente gratis y ta tuma luga den Sala di conferencia di Hospital cuminsando pa 7’or di anochi. E luna aki e sesionnan aki lo tuma lugar dia 7 y 9 di November na unda lo concientiza y informa futuro mayornan tocante e parto y dunamento di

pecho. Tambe lo ricibi un rondleiding riba e departamentonan concerni y mucho mas.

Durante e prome dia di e sesion ta enfoca riba un embarazo normal y tambe complicacion nan cu por presenta. Tambe ta duna informacion tocante e sala di Parto.

Riba e di dos dia ta duna informacion tocante departamento di Maternidad, dunamento di lech’i di pecho y tambe un guia acompaña den sala di Parto y departamento di Maternidad. Loke

expresionnan haci den direccion di Evelyne, sea cu el’ a haci directo of indirecto; e mester a rectifica. Awe pueblo un biaha mas ta haya e berdad duro y cruel presenta cu Evelyne tabata tin rason y cu Booshi Wever tambe un biaha mas ta haya mas prueba ainda pa cuestiona e acto di dictadura na Aruba. Un hende cu ta

insulta un grupo grandi di ciudadanonan den pueblo pa porco no por keda traha mas como parlamentario.

Palabra awor ta na Rene Herde, lider di fraccion di AVP pa mustra pueblo si e ta distancia su mes di e insultonan lanza door di su colega Marlon Sbneek pasobra si no, e tambe ta demostra cu e ta yama hunto cu Marlon Sneek tur hende di UPP pa porco.

ta importante pa menciona ta cu tur luna tin un orador invita pa duna informacion.

Un invitacion ta bay na cada mama, tata y familiar cu ta interesa pa ricibi informacion pa no perde e oportunidad di ta bon informa como futuro mayornan y tuma contacto cu secretariado di sala di Parto pa forma parti di e siguiente sesionnan cu lo ta dia 7 y 9 di November proximo na number 527 - 4412 entre 8’or di mainta y 2’or di atardi.

Si Marlon Sneek ta tanto homber asina anto e mester subi su auto y bay Pariba di Brug y bay cerca tur esnan di partido UPP pa bisa nan den nan cara cu nan tur ta un set di porco!

Be a man and not a bottle of Johnnie keep on walking!

H2O

Pagina 17

Diamars November 06, 2012

Arubahuis completo a charter un boto

Miyones di florin gasta cu Wubbo Ockels na Hulanda Prins Abath a huur un boto pe core tras di Wubbo STA.CRUZ -- Unda nos ta bay? Placa di pueblo ta wordo malgasta links y rechts y tur nos lidernan sindical ta boca sera ta sinta den Dialogo Social ta cla pa tuma

medida contra pueblo.

Ata for di Hulanda aki mas prueba a drenta, unda henter e gabinete loco di Arubahuis, derochadornan di placa di pueblo, ta ariba un boto tras di

Wubbo. Que locura!

Hasta cuando pueblo di Aruba tin cu biba cu e ministernan paranoide aki?

Socioptata?

Pinochio? Mentiroso?

Cuanto a costa e boto aki? Miyones a wordo

gasta pa haci fiesta, show, bebemento pa asina yama Wubbo ayo.

Prins Abath a laga druppel cay na wowo ora el'a despedi di Webo, sorry, Wubbo!

Un gran fanfaria, hendenan bisti na carnaval. A laga traha un set di borchinan costoso pa asina por yama Wubbo ayo.

Mas comico ta cu Prinst Abath y henter Arubahuis, kendenan a degenera, tambe ta haci fiesta di locura ariba boto cu Wubbo.

E fotonan aki ta mustra atrobe cu e Prins no tin gevoel. El'a huur un cas di 12 mil florin pa luna pe biba na e sitio di mas

costoso di Hulanda y pa colmo a huur e cas di Webo Co Realestate.

E prins a kies e auto di mas caro pe core aden.

Unda nos ta bay cu derochadornan di placa di pueblo? Pa colmo Wubbo mes a cobra su 1 miyon Euro pe bin haci fiesta pa tres luna serca nos astronauta local cu nunca a yega luna Mike Eman. Tur e pantominanan aki tin hende harta y fada.

Pueblo lo tin tin cu soporta 10 luna mas pa asina re-establece orden den e cas aki cu yama Aruba y manda tur e Prins y Princesnan aki pa Disney World.

Pagina 18

SuCeso awe24.com

Tur alumno di Maria School a ser manda cas ya cu ladronnan a bolbe horta tubonan di awa di koper

STA. CRUZ -- Dialuna cu hopi tristeza e muchanan cu a bini school pa si単a a haya nan mes ta yama nan mayornan pa informa nan cu nan no tin school en bista di cu no tin awana e school ya cu ladronnan a horta mas di 40 meter di tubo di koper. Esaki a pone cu lesnan no por a sigui ya cu no por usa ba単o y ni laba man ni tampoco bebe awa. Esaki a obliga e maestronan cu mester manda e muchanan cas. Polis a presenta na e school pa asina inicia e proceso di investigacion.

Awor te hasta e botternan di gas chikito ta ser horta, unda nos ta bay cu tanto ladronicia?

STA. CRUZ -Dialuna mainta a drenta informe di cu di anochi pa mainta ladronnan lo a horta un botter di gas chikito for di un cas na Seroe Patrishi, mesora a dirigi un patruya na e sitio. A bin resulta cu ladronnan a bay cu e botter di gas y tambe su regulator. Te hasta esey ta ser horta awendia na Aruba.

Diamars November 06, 2012

Turistanan crucero apenas algun ora na Aruba ya caba a bira victima di atraco of ladronicia

STA. CRUZ -- Dialuna madruga presencia di polis a ser rekeri na un di e hotelnan hi-rise pa un caso di atraco of ladronicia, mesora a dirigi un patruya na e sitio. Na yegada di e patruya a bin compronde cu algun turista crucero cu a yega ayera nochi a bay disfruta banda di e hotelnan y durante oranan di madruga nan a bira victima di ladronicia ora cu nan a mira algun antisocialnan coy nan pertenencianan y a bay cu esakinan. Polis a tuma nan keho y a pasa e informacion pa e coleganan investigadornan. Ta un abuso cu turistanan cu apenas algun ora prome a yega Aruba y ya nan a bira victima di criminalidad.

Na San Barbola dama ta parkeer auto y no a hisa handrem y auto a move mas di 50 meter y dal bari di sushi STA. CRUZ -- Dialuna atardi a drenta informe di cu un auto a move su so y a bay dal riba un bari di sushi na San BArbola, mesora a dirigi un patruya na e sitio. NA yegada di e patruya a bin compronde cu e dama chofer a para e auto dilanti di su cas pero pa un of otro motibo ela lubida di hisa e handrem.

Mirando cu e auto tabata para na un parti halto e auto a move su so bay dilanti mas di 50 meter y a bay dal riba un bari di sushi.

Pagina 19

Diamars November 06, 2012

Gabinete nobo di Hulanda a huramenta dos biaha

STA. CRUZ – Na Hulanda tin Gobierno Rutte II cu a huramenta dos biaha dialuna 5 di November.

E ministernan a huramenta prome cu tabata spera door di Reina Beatrix y door di esey no por tabata tin transmision en vivo door di prensa.

Tur esaki mester a tuma lugar di nobo, aparentemente pa motibo cu Reina Beatrix no tabata conforme. E gobierno nobo aki a huramenta na e paleis Huis ten Bosch. Tabata prome biaha cu e huramentacion di un gabinete ta wordo

transmiti live. Door di esey e Premier Hulandes Sr. Rutte a cumpli cu e deseo di Tweede Kamer. Pero esaki mester a tuma lugar di nobo dilanti di cameranan, pasobra e prome version no por a ser mira live na television. Den un fragmente pa noticia di RTL por a tende cu Reina Beatrix no tabata contento y a puntra si ta haci e huramentacion di nobo. Segun La Reina e acto a bira un toneelstuk. Despues di e huramentacion a tuma lugar e parti di primintimento cu a ser haci solamnete pa e

Ministernan di PvdA y VVD. Den e caso aki Jeanine HennisPlasschaert (Defensa) y Stef Blok (Vivienda y Servicio di Reino). E ministernan di VVD cu t’ey caba no mester a haci esaki di nobo. Pa PvdA a keda Lodwijk Asscher, Frans Timmermans, y Jeroen Dijsselbloem como vicepremier, minister di Asuntonan Exterior y Minister di Finanzas.

Como secretarionan di estado tur hende mester a huramenta pa motibo di nan posicion, maske nan tabata den e gabinete anterior di Mark Rutte.

E acuerdo di gobernacion di PvdA y VVD cu hopi sorpresa

DEN HAAG – E acuerdo di gobiernacion di PvdA y VVD a ser presenta y ta concentra riba trece ordo den e finanzas di gobierno, cual ta encera reparticion husto y traha hunto na crecimento duradero, segun Premier Rutte. Pa e Hulandesnan den exterior tin un paar di asunto hopi sorprendente den e acuerdo aki. E cooperacion pa desaroyo ta wordo corta cu un miljard euro. Di eynan ta bay 250 miyon euro na Defensa pa ehecucion di e misionnan di paz.

E gabinete ta tuma un posicion pro Europeo.

Lo tin un ‘pardon’ pa muchanan cu mester haya asilo. Esaki lo conta pa muchanan cu prome nan 18 aña tabata minimalmente 5 biaha na Hulanda y no tabata bou bista di e gobierno di Reino. Nan ta haya un permiso di estadia. E familiarnan ta haya tambe permiso di estadio, si nan ta na Hulanda caba. E edad di AOW lo subi mas rapido cu e acuerdo anterior. Na 2018 e edad di AOW lo bira 66 aña, tres luna mas halto compara cu loke a ser palabra na comienzo di aña. E beneficio pa muchanan di 6 pa 17 aña lo wordo reduci den tres aña pa e suma pa muchanan di 0 pa 5 aña. E aftrek riba interes

di hypotheek tambe ta wordo limita. Entrante 2014 e maximaal aftrek pa aña lo wordo reduci cu ½ %. E beurs basico pa studiantenan ta wordo elimina y na su lugar ta wordo introduci un forma social di fiamento.

E provincianan NoordHolland, Utrecht y Flevoland lo wordo poni hunto. Riba termino largo Hulanda lo haya cinco parti di e pais. E gabinete kier cu Hulanda den futuro lo reconoce solamente municipionan cu tin mas cu 100.000 habitante.

Holland Casino lo ser bendi bou condicionnan.

E oferta pa weganan di casino no ta un tarea principal di e gobierno, segun e gabinete. E gabinete no kier trece e Weganan Olimpico mas pa Hulanda. Treciendo e Weganan Olimpico y su organizacion lo trece hopi risico financiero cune, segun e gabinete nobo. Pa esaki no ta steun di e comunidad den un tempo di crisis.

E permiso pa uso di droga lo cay. Clientenan di coffeeshopnan mester mustra un ID y un uittreksel di bevolking.

Esaki kier meen cu ta exclui stranheronan. E edad minimo pa duna alcohol ta bay pa 18 aña.

Lo bin un prohibicion pa uso di animalnan salvahe den circonan.

Pagina 20

Diamars November 06, 2012

ROCKETS FREEZONE, E DI CUARTO CLASIFICADO PA PLAYOFF BASEBALL AA STA. CRUZ -- Den Stadion Nadie Croes / Crismo Angela tabata tin diabierna anochi e wega di desquite entre Freezone Rockets y Valero Brazil, pa mira ta cual equipo lo ta esun cu por bay como e ultimo clasificado. Ya e tres prome clasificadonan ta Red Machine, Atco Indians y QCC Sluggers.

Akinan Freezone Rockets a logra un triunfo di 3-2 riba Valero Brazil pa clasifica. Freezone Rockets: 3 careda, 6 hit y 2 eror. Valero Brazil: 2 careda, 9 hit y 3 eror. Pitcher ganador Edward Villanueva y perdedor Kelvin Silvania.

Mihor bateadornan pa Freezone Rockets: Eddy Guzman 5-2; Armando

“Vuurwerk in mijn hoofd” durante festival di boeki

Chacon 2-1 y Brian Thiel 3-1. Mihor bateadornan pa Valero Brazil: Kelvin Silvania 4-2 y Ray Patrick Didder 4-3. Chief umpire: Alvaro Barrios; base umpire Edward Cheung y Efrain Werleman. Scorer Glenn Genser y Johnny Martes tabata miembro na warda. E playoff lo cuminsa e siman aki mes.

STA. CRUZ -- Biblioteca Nacional Aruba ta contento di por anuncia cu Roi Colastica ta un di e autornan participante di e festival di buki pa mucha 2012.

Colastica ta participa ya pa hopi aña caba y e muchanan ta encanta cu su manera di presenta. Poco dia pasa Colastica a presenta su ultimo publicacion ‘Vuurwerk in mijn hoofd’ na Aruba durante un anochi cultural na Fort Zoutman. Roi a caba di bin di Hulanda na unda el a participa den un manera masha exitoso na e siman di buki di mucha. E corant Hulandes NRC-dagblad a califica Roi su ultimo buki’Vuurwerk in mijn hoofd’ como un di e tres bukinan mas bunita di e ultimo temporada.

E muchanan di scol sigur lo tende mas di e buki aki pero tambe otro storia.

C o l a s t i c a Roland Colastica (1960) autor, contado di cuenta, actor y productor di Corsou.

Roland, miho conoci como Ròi a skirbi y publica diferente buki y obra teatral na Papiamento. Vuurwerk in mijn hoofd ta su prome buki pa mucha/hoben na Hulandes. E famoso autor hulandes, Sjoerd Kuyper a guia Roland den e proceso pa skirbi Vuurwerk in mijn hoofd. Sjoerd cu Roland ta bon amigo for di 1994.

Roland Colastica ta participa pa casi 20 aña caba na siman di buki pa mucha na Hulanda y Aruba, caminda e ta bishita scol y biblioteca. Roland ta haci uzo di atributonan teatral pa duna su contamento di cuenta un toke spectacular.

Na 2006 Roland a ricibi e reconocemento cultural mas

prestigioso di Corsou cu ta Premio Cola Debrot y na 2010 el a keda condecora pa Su Mahestad Reina Beatrix como Cabayero den Orden di Oranje Nassau pa su prestacion riba tereno di literatura y teatro.

Vuurwerk in mijn hoofd Mescos cu tur mucha homber di 13 aña, Jurcell tampoco kier problema. E kier hunga bala y podise tin algo cu Taïma. Pero esey ta e mucha homber den spiel so sa.Tog diripiente cosnan ta bay robes den su bida.

Su tata e famoso futbolista, ta lag’e na caya. Welita ta bira loco. Jurcell ta haya amigonan nobo den su bida cu kier p’e haci cosnan robes. Anto tur caminda e ta topa Gerrit: den klas, riba veld di bala, riba caya. Ken ta mas sabi, mas miho, mas fuerte? Jurcell ta sinti cu e ta para su so. Danki Dios e ta haya yudansa, anto for di un direccion masha inespera.

Festival di buki Apertura di e Festival ta dia 2 di november y e bishita na scolnan ta tuma lugar den e siman di 5 pa 9 di November 2012. Cada aña e festival tin otro tema y un grupo di autor, ilustrador y contado di cuenta di buki pa mucha for di Aruba, Corsou, Boneiro, Sint Maarten, Hulanda y otro pais ta bishita mas o menos 65 scol riba nos isla. E tema di aña 2012 ta “Multiculturalidad” y e lema ta: ‘Nos mundo ta draai y ami ta sigui lesa bay’. Esaki ta e di 20 festival cu biblioteca ta organisa pa stimula mucha pa lesa y pa stimula combersacion y interes pa autor di buki pa mucha como tambe ilustrador. Autornan participante ta: Hulanda: Mylo Freeman, Tjibbe Veldkamp, Evelien van Dort.

Corsou: Tio Ali (Alvin Inecia), Roland Colastica. Boneiro: Tio Gabi(Gabriel Mercera), Kathleen Thielman.

St.Maarten : Loeki Morales, Surnam : Hilli Arduin, Jamaica : Amina Blackwood Meeks, Aruba: Robert Reeberg, Olga Buckley, Desiree Correa, Mariebelle Arends, Dolfi Kock, Dora Lauffer-Mathilda, Noris van Lis-Donata, Olga Orman

Pagina 21

Diamars November 06, 2012

Diabierna ultimo Scol Preparatorio Cacique Aterima tabata tin su acostumbrado Movienight Cu e pelicula “The Lorax� di Dr Seuss STA. CRUZ -- Un anochi exitoso caminda tabata tin mas cu 300 persona presente, tur a disfruta di un movie pre-view y despues pa 7:15 e pelicula mes a cuminsa.

Tur presente a disfruta di un bon pelicula. Durante intermedio a haci entrega di e V-tech laptop na e mucha cu a bende mas carchi. Esaki a keda den nomber di Saidy Geerman di clas 2 di

juf Gisella. E premio a keda entrega door di e cabezante juf Maritza Carrion. Saidy a keda hopi contento cu su laptop.

Danki na su wela pa tur su esfuerzo haci.Bar y cushina tabata bon surti cu, pan cu sate, pan cu hotdog, yen di cos dushi y popcorn sin fin. Tur na prijs di baca flaco. Tur presente a come bariga yen. Nos por mira bek riba un actividad exitoso

y bon organiza bao guia di Juf Judizka y team di Cacique Aterima cu e yudanza di e comicion di actividad. Un danki na tur mayor cu a yuda bende ticket y a haci donacion.

Danki na e maestranan y danki na e comicion cu a traha balente y a yuda haci e actividad uno exito. Keda pendiente pa nos Caminata combina cu Zumba dia 2 di Maart 2013.

Pagina 22

Diamars November 06, 2012

Creacion di un Politica di Maneho Nacional pa cu Trabao tocante HIV/AIDS usando un guia practico “Skills-Building Workshop on the Development of a National Workplace Policy on HIV and AIDS” STA. CRUZ -- E epidemia di HIV/AIDS ta sigui di ta un crisis mundial y ta representa un di e desafionan mas grandi pa cu desaroyo social y economico di un pais. E condicion di HIV/AIDS por ta un desafio tambe pa e mundo di trabao, ya cu e por afecta e segmento productivo di e sector laboral y afecta economia di cualkier empresa, subi costo di operacion, reduci productividad, y genera perdida di talento y habilidadnan esencial pa ehecuta trabaonan diario. Particularmente esaki ta un realidad pa motibo di e Stigma y Discriminacion cu ta existi pa e empleado cu ta biba cu HIV/AIDS y por ta laborando den tur sector na Aruba na e momentonan aki. No ta desconoci cu na Aruba lamentablemente ainda esnan cu ta biba cu HIV no tin un proteccion pa cu nan trabao y te hasta tin caso raporta di empleadonan cu a perde nan trabao pa motibo di nan condicion di ta bibando cu HIV. Esaki obviamente ta un violacion na e derecho di e ser humano y un atentado contra e dignidad y calidad di bida di e persona.

Pa es motibo aki a institui un grupo di trabao consistiendo di Arnelda Els (Aruba HIV Secretariado/ DBZ), Ryan Maduro (Presidente Fundacion E Faro), Anthony Lee

Riviears (Directie Arbeid en Onderzoek), Eugene Maduro (Dept.

Epidemiologia) pa asina cuminsa traha ariba un proceso pa yega na e creacion di un Politica di Maneho Nacional pa cu Trabao tocante HIV/AIDS usando e guia practico di e Organizacion Internacional di Labor (ILO). Como prome parti di e proceso aki a tene un workshop titula “SkillsBuilding Workshop on the Development of a National Workplace Policy on HIV and AIDS”. E worskhop aki a wordo presenta ariba November 1 y 2 na Las Palmas Ballroom di Aruba Holiday Inn Sunspree Resort y a wordo facilita pa e specialista consultor sra. Madhuri Supersad cu ta un experto ariba e tereno di ILO y e guia di practica pa cu HIV/ AIDS den e mundo di trabao. E workshop a conta cu participacion di diferente stakeholders di tur nivel di sector publico y priva. Meta principal di e workshop aki tabata: 1. Subi e nivel di conocemento di e participantenan pa e framework di ILO existente pa cu e respuesta na HIV/ AIDS na pia di trabao.

Particularmente esaki ta referi na e “ILO Recommendation No. 200” cu ta concerni HIV/ AIDS den e mundo di trabao y e “ILO Code of Practice on HIV/AIDS”

den e mundo di trabao.

2. Fortifica e capacidad di tur participante pa aplica e framework di ILO pa asina desaroya un politica di maneho nacional pa cu trabao. 3.

Motiva e participantenan pa cuminsa cu e proceso pa desaroya e prome draft di un Politica di Maneho Nacional pa cu Trabao tocante HIV/ AIDS na Aruba. E rol di tur stakeholders cu a forma parti di e proceso como participante tabata pa por crea un impacto positivo di e intervencion, prevencion y mantencion di derechonan humano pa esnan cu ta biba cu e condicion di HIV/ AIDS. E workshop aki ta forma parti di e Plan Nacional Strategico tocante HIV/AIDS 2012 – 2016 cu a wordo desaroya pa e UNAIDS Theme Group Aruba. E proyecto aki ta uno cu ta wordo financia pa e fondonan di e proyecto di Union Europeo ariba e respuesta na HIV/AIDS den Caribe cu ta wordo maneha pa e Organizacion

Panamericano di Salud.

E workshop a conta cu e presencia di diferente stakeholder di tur sector publico y priva aki na Aruba kendenan a compromete nan mes pa pone HIV/AIDS como un prioridad ariba nan agenda y tambe pa desaroya e prome draft di e Politica di Maneho Nacional pa cu Trabou tocante HIV/AIDS na Aruba. Fundacion E Faro tambe ta contento di mira e participacion activo di Minister di Labor, Turismo y Transporte, sr. Otmar Oduber y tambe Parlamentarionan Lainda Westerhof y Desiree Croes kendenan a duna nan compromiso como mandatario di pais Aruba y figura publico, pa trece cambio pa esunnan cu ta biba cu e condicion di HIV/AIDS na Aruba y elimina Stigma y Discriminacion, vooral den e mundo di trabao.

Ta di spera cu e actitud y curashi aki infecta e resto di parlamento di pais Aruba pa asina, sin distincion di color politico, tur mandatario

uni nan mes den un solo voz na fabor di e derecho, dignidad y calidad di bida di esunnan cu ta biba cu HIV/AIDS na Aruba. Na final di e workshop, hunto cu e participantenan comprometi na trece cambio pa cu HIV/AIDS na Aruba, a haci diferente acuerdo importante pa cu continuacion di e proceso. E idea principal ta cu dentro di un tempo relativamente corto e comision institui lo presenta na comunidad, tur stakeholders na Aruba, y miembronan di parlamento e prome draft di e Politica di Maneho Nacional pa cu Trabao tocante HIV/ AIDS pa Aruba. Una vez esaki pasa dor di e proceso di consulta y revision y wordo ratifica pa tur stakeholder lo por cuminsa su proceso di implementacion na nivel nacional. Fundacion E Faro kier a gradici un y tur cu a forma parti di e proceso interesante aki y ta spera di sigui conta cu e compromiso pa e proyecto aki y tambe pa proyectonan futuro.

Pagina 23

Diamars November 06, 2012

Vanessa Paulina e artista cu a studia fashion y ilustracion cu diferente workshop den Scol di Arte den e studio di Mode Realisatie (diseño di moda y realisacion).

Di 1989 pa 1990 e la studia na Mode Academie E i n d h o v e n .1 9 9 0 pa 1994 Fashion y ilustracion na Willem de Koning Art Academy na Rotterdam.

STA. CRUZ -Considerando e deseo grandi na mas tayernan ariba tereno di arte pa San Nicolas y vecindario, Vanessa Paulina lo ofrece den Scol di Arte diferente workshop.

Cuminsando dia 12 di November benidero.

1) Dibuho di Modelo: E ta encera studia e diferente aspectonan cu ta hunga un rol ora di pinta un modelo/figura esta perspectiva, d i r e c c i o n , composicion y anatomia.

Lo haci uso di modelonan real pa

participantenan por sketch y siña waak e totalidad mihorr.

Na final di e tayer e cursista lo por pinta un curpa humano den su totalidad.

2) Diseño di Moda: E ta dirigi ariba siña pinta propio figuranan pa sketch y yega na propio diseño.

Lo sali for di principionan basico.

Cursistanan lo haya oportunidad pa diseña a base di un tema propio segun gusto y cu tecnica nan simpel pa yega na propio coleccion.

Lo duna atencion na e.o. trahamento

di moodboards cu lo yuda e cursista scoge e direccion cu e kier bay cu su diseño esta styling, material y combinacion di colornan.

Na final e participante lo tin su mesun coleccion y lo scoge un diseño pa traha un “werktekening” detaya pa esaki ta cla pa wordo fabrica.

E dos workshopnan aki ta dirigi riba tur edad cuminsando for di 14 aña bay ariba.

3) Tayer di pintamento basico:

E workshop aki ta dirigi ariba tur edad cuminsando for di 8 aña bay ariba.

Pa mas informacion tocante e contribucion cu ta inclui material, por yama Vanessa Paulina cel 5661736 of Scol di Arte Tel: 584 9168. Tambe por email Vanessa Paulina na; artist@ vanessapaulina.com En corto por comparti un tiki informacion tocante e artista Vanessa Paulina www. vanessapaulina.com Na 1989 Vanessa a gradua como mihorr studiante

E la tuma les den historia di Caribe na Universiteit na Leiden.

Y tambe e la sigui curso di Business na Atlas, Rotterdam.

Vanessa a traha pa diferente revista na Hulanda, a participa na diferente fashion shows y programanan na television manera “Westenwind” y Rayman is laat”.

Tambe el’a duna diferente workshop na e.o. Corsou, USA y Hulanda.

E oportunidad unico, sigur Aruba lo sa di haci bon uso di dje!!!!!!!

Pagina 24

Diamars November 06, 2012

Pagina 25

Diamars November 06, 2012

Playoff HEINEKEN di Aruba Softball Bond a continua

Aruba Bank Lady Tigers a empata e serie mientras RC Cola Indians a knockout BB Piratas

STA. CRUZ -- Playoff HEINEKEN di Aruba Softball Bond a continua diadomingo riba veld di Kudawecha. Aruba Bank Lady Tigers cu a perde su invicto siman pasa den e promer wega di playoff final a bounce bek y gana Jaguars 4-3 den un tremendo partido y asina empata e serie di best out of 5 na uno.

Aruba Bank 4 careda, 6 hit y 2 eror. Jaguars Nesbitt’s 3 careda, 6 hit y 2 error. Pues statisticamente e wega tabata hopi pareu. Mandy Angela a bay henter e ruta y a gana e partido pa Aruba Bank Lady Tigers.

Zagyra Jones a resulta pitcher perdedor. Mihor bateadornan pa Aruba Bank tabata Milvienne

Henriquez cu a bay 4-2, Riangela Flanegin 3-2, Franchesca Diaz y Rudlyn Ras di 3-1. Pa Jaguars a destaca na plato Zulaika Peña 2-2, Shalomie van Uytrecht, Quilen Dirksz y Melissah Daniel tur di 3-1. Den e di dos partido diadomingo merdia RC Cola Indians kende a caba di elimina MIO Athletics diabierna ultimo a crece den playoff y a gana e equipo cu a sali number uno den campeonato regular, esta BB Piratas cu score di 12-3 por medio di knock out. RC Cola Indians a score 12 careda, bati 10 hit y a comete 2 eror. BB Piratas 3 careda, 8 hit y 3 eror. Erick “Pabuchi” Irausquin a gana e partido mientras Edwin “Joy” Orman kende a termina campeonato regular cu 5 victoria y 0 derota a bay cas cu e derota. Mihor bateadornan pa RC Cola Indians tabata Gerald Werleman 4-2, Sando Geerman tabata na

candela y a bay di 3-3, Juan Geerman y Jerino Henriquez a bay di 2-1.

Pa BB Piratas a destaca den causa perdi Whascar Perez, Francisco Santana Navarro, Elias Nieves tur di 2-1, Luis Mendez , Lenin Ashby , Luis Hassel y Franny D’Oleo di 3-1 y Eldrick Maduro di 1-1. Diamars

awor playoff lo continua na Kudawecha unda pa 7:15pm RC Cola Indians lo topa BB Piratas den nan di dos wega di playoff mientras cu pa 9pm Royal Power lo enfrenta Montaña Braves den nan promer wega valido pa playoff final. Fanaticada yega tereno, bin apoya bo equipo preferi!!!!

Pagina 26

Diamars November 06, 2012

FOR SALE Ta bende hariña di MAISHI RABO 100% Nature’s Discount Seroe Blanco dilanti di APFA Telefon 588-5380

Oportunidad Oportunidad pa inverti ta bende un compleho di apartamento na Noord.

Yama cel:no 593-7118

TA BUSCA Ta bende tereno Prime Spot na Sta Cruz pa supermarket of negoshi.

Tereno Eigendom.

CLASIFICADO solodipueblo@gmail.com

1. 600m2 @ 250 florin per m2, situa pariba di dokter de Cuba na Sta. Cruz 2. 600m2 @ 250 florin per m2, situa pariba di Dokter De Cuba na Sta. Cruz 3. 800m2 @ 500 florin per m2, Situa otro banda di Taco Bell na Sta. Cruz, ariba caminda grandi.

Contact Ecro na 730-7000

Boutique Keyla tin un coleccion grandi di paña pa diferente ocasion den size small te cu 3XL. Nos ta habri di dialuna pa diasabra, di 9.00 AM pa 6.30 PM Nos tin un parkeerplaats amplio.

Boutique Keyla Paradera 84 tel: 582-1164 cel: 593-1189 website:boutiquekeyla.com facebook:Boutique Keyla

Private Center Investigation Aruba

1. Nos ta un compania Arubiano 2. Nos ta investiga tur cos cu bo por duda aden?

1. caso di divorcio 2. caso di maltrato 3. caso di duda aden???

4. caso di corupcion 5. caso di ladronicia 6. caso di atraco 7. nos ta filma tambe videonan 8. nos ta graba tape di combersacionnan 9. nos ta rond mundo completo den e trabou aki 10. nos ta traha rapport tambe di tur clase 11. nos ta keda den nos sistema priva 12. nos ta saca potret tambe 13. abogadonan por contact nos tambe pa facilita nan trabao tambe

Yama nos na tel: 5684160 24 ora pa dia

TA BUSCA Santa Cruz Bar ta buscando animeermeisje.

Pa mas informacion yama 593-3618 of 585-8088

Trabao?

Bo ta buscando trabao?

E espacio aki por ta di bo. Manda nos bo anuncio di bo specialidad of bo ramo di trabao cu bo number di contacto.

585-9500

TA BENDE Un apartament complex na Cunuco Abao, completamente cla! Ta consisti di 3 apartamento di cual cada un tin 2 kamber, baño, sala, cushina.

Situa 3 minuut di La Cabana y 4 minuut di Westin Hotel. Asking price: Afl. 400.000,00.Pa informacion

pedido

FOR SALE

Si ayaca galiña so 6,- pa uno Ayaca porco 6,- pa uno Ayaca mix porco y galiña 6,50 pa uno Y pa cada pedido di 15 Ayaca 1 free.

Ta horna ham di pasco ,kalakoena y galiña yena turna un bon prijs.

Y hopi mas por yama na 5944659.

Ta bende tereno di 622 m2 eigendomsgrond na Sta. Cruz, situa poco pa bao di oficina di MEP na Sta. Cruz Contact ECRO na 730-7000

TA FURA Orange Matras Fabric ta fura y traha matras y box spring den tur midi , ta fura set di sala, tv chair y pa auto pa mas info bishita nos olijfistraat 23d of por jama na 588-7468 / 569-8053.

TA BUSCA Un trailer pa waverunner!

Pa mas informacion contact Anthony na 594-0049

yama ECRO - 730-7000

TA BENDE

TA HUUR

Un generator Denyo di 15 KVA aribasugaroshi cu wiel. Ta start y traha den perfecto condicion.

Afl. 16.000.00 negociabel.

Haci bo oferta.

Call: 739-0101

Apartamento na Noord, Cunuco Abao, banda di Texaco Sasaki 2 kamber separa, sala, cushina, comedor, 1 baño Apartamento ta completamente muebla; cama kingsize, mesa di comedor, set di sala, frigidaire.

Ta inclui 2 airco tipo invertor ( pa spaar coriente) Exclusief cuenta di coriente y awa Afl. 1200.00 per maand 1 luna downpayment plus 1 luna paga adelanta Contact Ecro Real Estate na 739-0101

Pagina 27

Diamars November 06, 2012

“November: luna di Barba Rosa na Santa Rosa” “Santa Rosa cu proyecto di concientizacion pa e salud di e ser masculino” STA. CRUZ -- November ta conocir mundialmente como e luna di salud di e ser masculino, unda cu hombernan full rond di mundo ta laga nan barba of mustashi crece pa asina simboliza nan sosten na e concientizacion mundial di e salud di e ser masculino y alavez conmemora tur e hombernan cu ta luchando y cu a perde e lucha contra di cancer. Mirando e importancia di e causa aki Santa Rosa a dicidi di uni forza y contribui na e concientizacion di e salud di e ser masculino, specialmente riba e lucha contra di cancer. Durante e luna di November, e personahe publico di Santa Rosa, Randy Maduro, lo abstene su

mes di feita su barba pa 30 dia. Pa cada dia cu pasa sin cu e feita su barba, empleadonan di Santa Rosa lo duna 1 florin cual na final lo wordo otorga como donacion na Edmund Harms Foundation.

Durante celebracion di Bazar di Pasco di Santa Rosa, riba dia 2 di December, lo haci otorgacion di e fondo recauda na e fundacion destina y alavez un personahe cu lo wordo anuncia durante e luna di November lo feita e barba di BarbaRosa (Randy Maduro). Santa Rosa ta invita tur Criador di bestia, Agricultor, Piscador y Amigo di Santa Rosa pa uni na e bunita causa aki. Tur esnan cu kier uni por hacinan donacion

directamente na Santa Rosa, unda cu ta pidi un donacion di 1 florin pa cada dia cu BarbaRosa no mishi cu e blet di feita.

Pa mas informacion riba e proyecto aki por tuma contacto cu e lider di proyecto, Ludwig Rasmijn na #5858102 of via email na info@santarosa.aw.

Por sigui e desaroyo di BarbaRosa riba facebook na SantaRosaAruba, Twitter na SantaRosa_ Aruba y instagram na SantaRosa_ Aruba.

Alavez Santa Rosa lo post tipsnan tur dia riba facebook, con pa usa matanan local pa combati cancer y mehora e salud di e ser masculino.

“BAN SOSTENE NOS CULTURA, PRACTICA CRIA, PESCA Y AGRICULTURA”

TA BENDE

Telefonnan importante:

Un Outboardmotor: Mercury 9.9 Hp, 4-stroke (hopi economico) den perfecto condicion y na un bon prijs. Pa mas informacion contact Ruben na 597-4344 of 731-0227.

BOTICANAN: Maria 585-8145 Di Servicio Noord 586-4606 Seroe Preto 584-4833 Fergusonstraat 583-0620 Kibrahacha NV 582-2007 Oduber NV 582-1780 Paradera 588-6638 Santa Cruz 585-6890 San Lucas 584-4830 San Nicolas 584-5712 Santa Anna 586-0027 Trupiaal 582-8671 Eagle 587-9011 4 Centro Medico 584-5779 Aloe 584-4606 Central NV 585-1965 Dakota NV 588-7364 Del Pueblo 582-1253

TA BENDE Un vestigings vergunning di un bon bar restaurant y mini market n.v cu import vergunning. Mihor oferta ta bay cu ne pa mas informacion yama na cell: 592-7182.

TA BENDE un cas nobo , 3 camber , 2 banjo , sala , comedor/ cushina .riba tereno propiedad ( eigendom) di 355 m2 den un barrio hopi trankiel, den naturalesa, riba un residencia situa na papilon (sta.cruz) prijs afl 192.000,= pa mas info jama 744-0922.

condorito

5 November

POLIS: Oranjestad 100 San Nicolas 104 Sta. Cruz 105 Noord 107 Tip-line 11141 Brandweer/Ambulance 911 Guardacosta 913 Seguridad National 11911 Hospital 527-4000 Centro Medico 524-8833 Setar storing 117 525-4600 Web Storing Elmar storing 523-7147 Agencia Funeral: The Olive Tree 584-8888 584-2299 Ad Patres 588-6699 Aurora Mementomori 582-2222 Fundacion: Cas 584-2050 583-2999 Fada F A V I 582-5051 Famia Planea 588-9591 Autismo Aruba 588-1179 Pa Hende Muherr 583-5400 588-6138 Pa Hubentud Bloedbank Aruba 587-4260 Solo di Pueblo 585-9500 Canal 22 585-9500 Tip pa redaccion 592-6895

Dokter y Botica na Warda pa bao di Brug: 0304

2438

7776

0012

4648

8605

6641

4238

2596

18-22-02-11-05

3067

1771

Yama pa informacion na Horacio Oduber Hospital: 527-4000

Dokter y Botica na Warda pa riba di Brug:

Yama na Centro Medico 8725 Libra

524-8833

Pagina 28

HULANDA Y E MUNDO TA SCOGE OBAMA Amsterdam - Dos di cada tres Hulandes (65 por cieinto) ta spera cu Barack Obama wordo eligi awe como president di Estados Unidos. Europa y mundo tin un preferencia pa e president actual. Israel ta e unico pais na mundo cu kier pa Mitt Romney tuma e lugar di Obama den Cas Blanco. Obama ta haya e apoyo di 51 por ciento di e ciudadanonan mundial. Mas di un tercer parti no ta soge ningun partido of no ta desea pa haci un escogencia. Romney tin solamente 12 por ciento di e apoyo di e poblacion mundial. Esaki ta evidente for di un investigacion haci na e impacto cu e eleccion Americnao tin entre mas cu 26 mil ciudadano mundial den 32 pais, ehecuta dor di e red investigativo internacional WIN/Gallup. na Hulanda representa dor di e oficina di investigacion Motivaction na Amsterdam. E encuestadornan ta sigui e eleccion presidencial Americano di acerca. 62 Por ciento ta kere cu e resultado di e lucha emocionante entre Democrata Obama y e Republicano Romney lo tin gran influencia riba e bida cotidiano den nan propio pais.

SUR COREA A CERA DOS REACTOR NUCLEAR Seoul - Sur Corea dialuna a cera inmediatamente dos reactor nuclear pa un tempo indefini. Segun e Gobierno no tabatin ningun situacion peligroso antes. E dos centralnan ta situa riba e compleho nuclear Yeonggwang. Posiblemente nan ta keda sin funciona te januari 2013. Ingenieronan mester sustituy alrededor di 500 piezanan cu certificadonan falsifica. Ta trata di entre otro sistemanan di refrigeracion cu marcanan di aprobacion nep. Ministro di Asunto Economico Hong Suk-woo ta teme cu esaki lo percura pa escasez di corriente e invierno aki. Ultimo lunanan tabatin mas problema cu e reactornan nuclear den Sur Corea. Den e pais tin 23 central di reactornan cu ta suministra mas o menos 35 por ciento di e corriente cu e pais mester.

E Gobierno ta desea pa construi adicionalmente 16 pa 2030. Sur Corea kier sigui cu e programa nuclear, a pesar di e desaster cu e reactor nuclear den Fukushima Hapon aña pasa.

Diamars November 06, 2012

TORMENTA NOBO ENFRENTE COSTA ESTE DI ESTADOS UNIDOS New York - E e s t a d o n a n Americano New York y New Jersey probablemente lo ser afecta atrobe e siman aki pa un tormenta.

Super tormenta Sandy, cu siman pasa a poen mas cu 10 estado e hendenan no por a sali for di nan cas, a costa bida di alrededor di 100 hende. E tormenta nobo, cu ta ser spera di alcansa tera diarazon, lo tin velocidad di biento te 89 kilometer pa ora. Mas di Shen mil hende ainda ta sin corriente. E temperatura na costa este a baha dialuna madruga te bou di cero. E tormenta nobo ta trece gran preocupacion den aereanan unda e tromenta ya caba a restaura.

Prepara bo mes pa mas falta di suministro di corriente, un servicio Meteorologico Nacional a informa. Permanece paden y percura pa alimento den cas.

BRAD PRITT TA DISEÑA MUEBLE Amsterdam - Brad Pitt pronto lo lanza riba mercado e prome meublenan diseña dor di dje. E actor, kende pa decena di aña ta cana cu e idea pa meuble, a concebi entre otro un cama, un baño y un mesa di comedor. Diseño di meubilario y architectura ta apela na mi, Pitt a splica e revista Americnao Architectural Digst. Pitt a pone su prome diseñonan na principio di decada nobenta riba papel, a pesar cu e mes no kier referi na e pinturanan ey como dibujo. Cu esey mi ta encera demasiado embarcacion na mi mes. Laga nos bisa cu mi e haci un moshpot riba papel di ideanan pa edificioy meublenan.

Esakinan a atrae e diseñador Frank Pollaro ora cu el a bishita residencia di Pitt. Sin duda Pollaro a sugeri pa cuminsa cu e ideanan hunto cu Pitt. Brad a bisa cu el a gusta e idea aki, e meubilario Americano a recorda.

Diamars November 06, 2012

PLATAFORMA GABINET MARK RUTTE II Den Haag - Den e Palacio Huis ten Bosch e ministronan nobo a presta juramento den publico.

Nan a asumi poder despues di inmediato despues di e escena. Ta pa prome biaha den historia cu e acto di huramentacion a tuma lugar den publico.

Esaki tabata un deseo di e mayoria di e Tweede Kamer. E ministronan titular cu ta regresa no a ser juramenta di nobo. Durante e ceremonia den e Sala Oranje di e Palacio tabata presente Reina Beatrix, Prome Ministro Rutte y e ministronan cu ta permanece. E acto di juramento a keda lesa dor di e director di e Gabinet di Su Mahestad. Mas adelante durante dia a juramenta tambe e secretarionan di estado nobo. E ministronan a bandona e sitio despues di asumi poder y a bay pa e transferencia di nan ministerio. Ayera tardi e equipo di ministronan a reuni pa prome biaha den e Sala di Treves pa nan prome Conseho di Ministro. Diahuebs proximo nan lo debati den Tweede Kamer pa prome biaha cu e Gabinet nobo.

TURISTANAN A FAYECE DEN TORMENTA DI SNEEUW NA MOMENTO DI BISHITA MURAYA CHINES Peking - Dos turista Hapones a fayece na momento cu nan a bishita e muraya Chines den e provincia Hebei di China, durante un tormenta di sneeuw inespera, segun medionan estatal di comunicacion a anuncia. Diadomingo dos dama Hapones a ser encontra. Trahadornan di rescate tambe a haya un homber di 76 aña di edad kende tabata registra como desapareci. E victimanan tabata forma parti di un grupo di turistanan Hapones. E winter den Nord China e aña aki a cuminsa inusualmentere tempran y a bay acompaña cu tormentanan fuerte di sneeuw. Den e capital Peking mas di shen auto a keda pega den sneeuw.

E autoridadnan na Peking a dispone di e calefacion central anteriormente.

Normalmente e central di e sistema di calefacion ta ser cendi te cu 15 di november. Desde 1951 e no tabata asina friu na Peking na principio di november.

Pagina 29

MAS DI DIEZ HENDE A MURI NA IDIA DEBI NA INUNDACION Hyderabad Den e estado di India, Andhra Pradesh sigur 22 hende a fayece debi na inundacionnan c o m o c onsecuencia di awacero fuerte. Mas cu 60 mil hende a keda sin hogar.

Esaki funcionarionan a informa.

Trahadornan di rescate ta trece personanan cu a huy pa e awacero, na lugarnan mas halto y ta comparti cuminda cu nan. Meteorologonan a pronostica mas awacero ainda. Cosechanan completo a ser destruy, pa cual e poblacion local ta dependiente den e proximo aña di alimentacion for di e Gobierno.

CERAMICANAN DI PICASSO DESCUBRI NA UZBEKISTAN Tasjkent Colaboradornan di e museo na e capital Uzbekistan, Tasjkent a descubri un gran coleccion di ceramica di Picasso. Esaki e museo a duna di conoce. Ta parse cu e objetonan ya caba a ser otorga 40 aña pasa na e museo, unda nan a keda scondi den e sotano di e museo y a pasa pa olvido.

Recientemente e cas di subasta internacional Christie a trece un colecion di ceramica di Picasso (1881-1973) bou di e martiu na balor di 9,8 miyon euro. No ta conoci con e objetonan a yega den e mueseo.

Uzbekistan e tempo ey ainda tabata un Republica Sovietico.

Pagina 30

Diamars November 06, 2012

Brazil Taekwondo Stichting a reuni cu su miembronan STA. CRUZ -- Diahuebs ultimo Brazil Taekwondo Stichting a reuni cu su miembronan unda cu a discuti varios punto.

Robert Giel a habri e reunion y wordo treci dilanti e notulanan di e ultimo reunion. Despues Robert Giel kende tabata un di e coachnan na Curaçao a duna su relato di e campeonato di TK 5 na Curaçao unda cu Aruba a gana e Copa. Tambe a presenta e relato financiero di

Curaçao. E Copa cu a wordo gana na Curaçao no a haya su lugar ainda, pasobra e copa ta wordo hiba na diferente instancia pa asina nan por mira e copa di TK5.

Awor cu Curaçao a pasa, tin 2 otro campeonato cu a drenta tras di otro y ta evaluando kendenan tur lo bay Curaçao y Venezuela na luna di December. A atende varios carta cu a drenta unda cu votacion a tuma lugar. A scoge e atletanan

Tio Ali den festival di boeki pa mucha

cu ta bay participa na e campeonato di Tiger Taekwondo Academy.

Debi na tempo mester a cancela varios punto cu lo wordo atendi e siman aki. Specialmente e cena di pasco ya cu tur cos ta draai rond di e ciere di aña. Na final di e anochi un cos cu a keda na cla ta cu lo mester organiza un actividad pa asina recauda fondo pa e dos viahenan.

STA. CRUZ -- For di aña 1994 Alvin Inecia ta activo como ‘Tio Ali’.

Reconoci y admira pa mayor y docente como e Tio mas creativo, educativo y divertido den ramo di entretenimento pa mucha na Corsou.

Tio Ali ta usa musica di tambu, rima, cuenta, cantica y poesia ritmico sonido y movemento pa yega na e mucha.

Tio Ali ta educa mucha di un forma recreativo/ dibertido, por ehempel pa haci e mucha conciente di importancia di limpieza/ higiena.

Tocando, cantando y bailando Tio Ali ta pasa e mensahe pa e mucha, hoben o mayor. Tio Ali ta traha cu diferente grupo. Esnan mas grandi pa medio di tayer y training, haciendo uso di su instrumentnan.

Tio Ali ta duna training riba diferente tema por ehempel con ta biba cu otro den harmonia.

Pa hende grandi Tio Ali ta presenta durante actividad special. Tambe e sa duna terapia musical.

Tio Ali ta skirbi y conta cuenta, skirbi y declama poesia, tanto suave como ritmico, y ta skirbi y canta cantica pa mucha. Tio Ali a produci 4 CD di cuenta, poesia ritmico y cantica pa mucha.

For di aña 1994 Alvin

Inecia ta activo como ‘Tio Ali’. Reconoci y admira pa mayor y docente como e Tio mas creativo, educativo y divertido den ramo di entretenimento pa mucha na Corsou.

Tio Ali ta usa musica di tambu, rima, cuenta, cantica y poesia ritmico sonido y movimento pa yega na e mucha.

Tio Ali ta bishita diferente scol na Aruba durante festival di buki pa mucha y ta duna presentacion tambe na biblioteca. Tur mucha ta bon bini dialuna dia 5 di November na biblioteca na Playa di 3’or pa 4’or y tambe diabierna dia 9 di November mes un ora.

Otro autornan cu ta duna presentacion na scol durante e siman aki ta: Hulanda: Mylo Freeman, Tjibbe Veldkamp, Evelien van Dort y Sjoerd Kuyper.

Corsou: Tio Ali (Alvin Inecia), Roland Colastica.

Boneiro: Tio Gabi(Gabriel Mercera), Kathleen Thielman. St.Maarten : Loeki Morales, Surnam : Hilli Arduin, Jamaica : Amina Blackwood Meeks, Aruba: Robert Reeberg, Olga Buckley, Desiree Correa, Mariebelle Arends, Dolfi Kock, Dora Lauffer-Mathilda, Noris van Lis-Donata, Olga Orman.

Pagina 31

Diamars November 06, 2012

“Na tur Mi Yiunan, un bendicion cu ta bin di henter Mi curazon Mi ta un Hesus bibo cu yen di amor, splendor y alegría. Pa por tin paz, trankilidad y bondad riba e mundo aki, boso tur mester demostra cu boso ta un bon yiu Cristian.

Hopi ta pidi favornan grandi y yudanza. Ami, boso Hesus semper ta cla pa yuda y ora Mi ta pidi den Mi mensahenan pa bai Misa, pa bai oracion, pa confesa un vez pa luna boso picanan y pa boso resa den famia, anto e contestanan ta, cu hopi di boso ta cansa, bosonan no tin tempo of boso tin otro cosnan importante pa haci. Mi Yiunan, boso ta kere cu esey ta un bon contesta pa Mi y pa Mi Mama?

Absolutamente cu no! Esey ta haci dolor y tristeza na Mi curason. Pero na esnan cu ta cumpli cu Mi voluntad, Mi ta bendiciona nan.

Bisa Mi si cu boso kier cuminsa un bida nobo, pero di berdad cu yen di luz y completamente transforma den e gracia di Mi y di Mi Mama. Resa boso Santo Rosario di curazon, haci boso oracionnan di tur dia y tambe pa boso adora Mi den e Santisimo Sacramento di Altar.

Pa mundo, Mi kier bisa, pa resa tur luna dia 20, 21 y 22 cu hopi seriedad, pasobra un momento pa otro, hopi cosnan por sosode y e ta bin diripente.

Boso por wak tur rond cuanto maldad tin. Pa esey mester kibr’e cu hopi oracion y Santo Rosario. Si boso fundeshi di bida ta bon, tur cos ta keda manera cu mester ta, pero si e fundeshi ta malo, ta malo e ta keda.

Mi ta mira tur cos cu ta pasando, bon y malo.

Pakiko den bida religioso tin tanto pleito y insulto? Boso sa cu no tin tempo pa esaki mas, pasobra e bida ta cortico. Purba pa scapa mas almanan cu ta posibel. Kiko Mi kiermeen cu esey, Mi Yiunan? Esaki ta pa boso mesun bida y pa boso alma. Boso mester tin e seyo y boso mester wordo consagra, pensa riba boso nivel pa gana un dia den cielo, pasobra den e temponan aki lo sigi sali diferente enfermedadnan straño. Esey ta bin door di tanto odio, rabia y problemanan.

Den e ultimo temponan lo bini mortonan direpente, p’esey boso mester stima na bida y no na morto. Mi Yiunan, tambe lo bin hamber, hopi sufrimento den matrimonio, problemanan cu plaka y hopi ta kita nan bida door cu nan tin debenan y nan no tin fe. Hopi di boso ta papia di fe, pero boso no ta praktik’e.

E yunamento mester bini pa boso yuda tur esnan cu ta den e caminda malo.

Door cu e mundo ta drei, p’esey tin tanto cosnan straño ta pasando. Lo bay tin tempo malo den mundo, pasobra loke cu mester bini den mundo, lo pasa. Via cielo y tera, lo boso mira e diferencianan y e tempo lo bira straño.

P’esey boso mester braza otro, pidi pordon na esnan cu boso tin den curazon, pa ora un dia Mi yama boso, boso ta bin liber y sin carga.

Corda un biaha mas, respeta boso curpa y boso bida, pa boso por tin un mihor majan spiritualmente. Tur hende cu ta rond di boso, boso mester resa pa nan.

Di boso Hesus, boso Amigo y Salbador, cu lo bai waak boso pronto.”

AMEN

The Art of Engraving NV Nos ta duna tur servicio den Santana pa drecha kelder.

Pa graba riba tur tipo di marble y granite. Nos ta haci tur tipo di top pa cushina y baño. Nos servicio ta encera: Diseño- engravingphoto ceramic- sandblasting riba marble- glas- spiel-palo y mucho mas. Pasa y admira nos coleccion

Rooi Afo 33C TEL: 588-4433

Cell: 741-3449 Fax: 588-4433

Adios, Te Despues.Adios, te despues! Esaki ta nos consuelo. Ki pisá por ta nos duelo, tur sigur nos ta den fe, cu un dia, cu un dia cerca Dios nos lo mir’e.

A fayece cristianamente:

Maria Eulogia Maduro Mihor conoci como ‘Iya’ 13 September 1946 – 3 November 2012 Na nomber di su Rumannan: Lodewijk (Wijki) Maduro Ursula (Ula) & Carmelo Laclé-Maduro Louis (Wiwi) Maduro Patricio (Boy) & Greta Maduro-Winklaar Francisco (Roy) Maduro Swa y Cuñanan: Sr. viudo, Casper (Capi) Maduro (‘Daddy’, su tata di crianza) Sra. viuda, Adriana (Chichi) Maduro-Winterdaal Sobrina y sobrinonan: Lucia & Nick Maduro-Wernet y famia Yolanda Wernet y famia Orlando & Yolanda Wernet y famia Lourdes & Harold Wouters-Wernet y famia Edith & Aldino Luidens-Wernet y famia Erick & Lilian Wernet y famia Jacky & Willem Vrolijk-Wernet y famia Adi & Pilar Maduro y famia Erick & Lourdes Maduro y famia Freddy Maduro y famia Jeanette & Robby Schwengle-Maduro y famia Remy Maduro & famia (na Hulanda) Maria C. (Rina) Laclé & famia Nathalie Maduro, Alex Kock & famia Othmar Maduro, Patricia Becerra & famia Susana (Suzy) Maduro Magaly & Junior Albertus-Maduro y famia Patrick & Marlin Maduro-Marval y famia Noemy & Maximo Wernet-Maduro y famia Carmen Suzan Maduro y famia (na Hulanda) Prima y primonan, mucho hopi pa menciona, Amiga y amigonan, mucho hopi pa menciona, Bisiñanan kende semper tabata pendiente di dje y demas famia Maduro, Vrolijk, Alberts, Croes, Luciana, Frolijk, Ras, Lopez, Wever, Stamper, Winterdaal, Kock, Krosendijk, Irausquin. Disculpa nos, si den nos tristeza, nos a lubida di menciona un hende. Acto di entiero lo tuma lugar diarazon7 November 2012, saliendo for di misa St. Teresita pa Santana Catolico na San Nicolas. E defunto lo reposa di 11’or pa 12’or na Ad Patres Funeral Home na Van Rensselaerstraat 2, San Nicolas; E lo pasa su cas na Seroe Pretoe 41 unda lo tin oportunidad pa despedi di e defunto entre 12:30 pa 1:30 pm; Despues lo sali pa misa na unda lo tin un respons pa 4or di atardi. Oportunidad pa condolencia: Diamars 6 November 2012 na Ad Patres Funeral Home 7’or pa 9’or di anochi. Staff y personal di Ad Patres funeral home ta extendenos mas sincero condolencia na famia di e fayecida. Condolencia por wordo manda riba nos na e-mail adress of website www.adpatres.webs.com

Pagina 32

Diamars November 06, 2012

Mi compromiso ta Aruba!

Jerusha Rasmijn su compromiso ta pa brinda excelencia

STA. CRUZ -- Cada un di nos tin un compromiso cu Aruba, principalmente cu nos turismo, pero sigur den e diferente areanan unda nos cada uno ta activo. Manera ya ta conoci, Aruba Tourism Authority (ATA) ta expandiendo e campaña di concientizacion y motivacion.

E etapa nobo di e campaña di concientizacion a wordo lanza na cuminsamento di September cu un bista den e bida di algun individuo trahando riba diferente tereno cu nos turismo. Nan ta destaca den nan compromiso cu Aruba y ta comparti nan experiencia. Un di e personanan cu ta destaca den esaki ta Jerusha Rasmijn, gerente di “Aruba Convention Bureau Conference and Events” (ACB). Mescos cu su coleganan di Aruba Tourism Authority (ATA), Jerusha su trabao ta hopi varia. Como

ACB Conference and Events Manager, e ta, “multi-task”, usando su creatividad y talentonan pa bin cu solucionnan instantaneamente. Den e sala di reunion “Blenchi” na ATA entre un yamada di conferencia na telefon cu un di su coleganan di ATA Europa y un otro reunion, Jerusha ta splica kico ta dun’e su “drive” den trabao, su compromiso cu Aruba.

E ta refleha cu ACB su ambiente di trabao ta: dinamico, energetico y positivo. Jerusha su prome contacto cu e industria di turismo tabata na 1988, durante e Aruba Jazz & Latin Festival unda el’a traha como voluntario. Esaki el’a haci tambe e siguiente aña y durante e tempo aki Jerusha a dicidi cu si e haya un oportunidad pa traha cu ATA, e lo gar’e cu braza habri. No mucho tempo despues, na 1990, el’a cuminsa traha como

secretaria di sra. Myrna Jansen-Feliciano, kende e tempo ey tabata director di e departamento di relacionnan publico. Aki, Jerusha a siña masha hopi. Sra. Jansen a bira su rolemodel, el’a kere den su potencial y Jerusha a opta pa desaroya su mes y construi riba su carera den turismo, contando cu bon apoyo di su coleganan. Durante e conversacion cu Jerusha y su compromiso cu Aruba, e prome cos cu ta bin dilanti ta su amor inmenso pa su pais y cu e ta determina pa waak tur cliente keda satisfecho cu tur loke Aruba tin di ofrece.

Jerusha ta splica cu e ta bende Aruba basa riba “experiencianan”. Esaki ACB ta ofrece pa medio di diseña y personaliza programanan individual pa cada persona cu bishita pa inspecta e destinacion, nos producto- y servicionan.

Nan por waak kamber tras di kamber di hotel, pero – manera Jerusha ta splica, loke na final di dia ta determina nan decision ta e elementonan unico di nos Aruba. “Nos mester ta orguyoso di ta nos mes,” Jerusha ta bisa enfaticamente. E ta añadi cu e experiencianan unico cu Aruba tin di ofrece den tur area, sea cultura, e escena culinario, eventonan, nos folklore, etc., ta hopi importante. Pa Jerusha ta esencial cu cada persona individual cu bin como miembro di un grupo Aruba, ta keda encanta cu nos isla y ta sinti e gana di bolbe como un turista. Preparando pa e evento di SITE (Society of Incentive Travel Executives) na Aruba,

Jerusha a experiencia kico ta asina special di por traha cu gruponan grandi. Nan ta esnan cu ta inspecciona destinaciony servicionan pa recomenda nan clientenan unda nan bay cu nan grupo. Esaki tabata unda cu e negoshi di grupo a cuminsa den grandi pa Aruba, cu e vision di Simon Oduber (DFM) y Jerusha a cuminsa desaroya su experticio den e area aki. E negoshi di trece gruponan incentivo pa Aruba no ta crece sin mas riba su mes, pero ta rekeri un esfuerzo grandi di tur hende, tur e partnernan di ATA. Pa por rindi servicio excelente na e mercado aki, - cu

ta sumamente exigenteta necesario pa tin e colaboracion entre tur hende cu un compromiso fuerte y pasion pa calidad manera Jerusha, kende a wordo honra cu e reconocimento “Simon Oduber Jr. Award of Excellence”.

ACB ta monitor tur trend.

Jerusha ta conta cu awendia, por ehempel, Green Meetings ta un trend cu ta desaroya, tecnologia ta hunga un rol mas prominente diariamente y elementonan manera “social networking” no ta un luho pero un necesidad, un instrumento di trabao.

Awe 6 di November ta cumpli su di 4 aña nos Prinses y trouble maker Chikito di cas:

Richdienne Croes.

E ta haya Hopi Pabien, Braza y sunchi di su Mami y Papi Della y Robert cu ta stim’e un mundo.

Hugs & kisses di su big bro stima Jeandre y su big sis stima Nydie.

Macuto yena cu sunchi y braza di su Welanan Nydia y Chima, di su welo John, di su Tanchi y Momonan cu ta haci su kier hopi: Anton, Juni, Edmond, Noeni, Sue-Ann, Jella. Tambe di su Madrina Noeni y Padrino Edmond cu ta stim’e un bol. Y sin laga afor di su primanan stima Laura, Nathsely y Nohely.

Pabien ta bini tambe di tur su Tanchi y Omonan Grandi, amigita y amigitonan banda di cas y di Full su school Glenda’s Speelschool y di demas familiarnan. Cu Papa Dios drama su bendicion awe mañan y semper riba nos dushi prinses Chikito!!