DI CORTE SUPERIOR
Un tremendo colega semper cla pa yuda HOH su ultimO empleadO di luna pa 2024 ta Vanessa Winterdal
Vanessa ta forma parti di e organisacion di Hospital Carnival Group (HCG) y durante un evento cu a tuma luga recien, a yama tur miembro di e comision padilanti. Niun tabatin idea cu esaki tabata parti di un setup p’un sorpresa grandi. Na momento cu miembronan di Hunta di Directiva a cuminsa menciona diferente caracteristicanan y tarea di un persona cu a sobresali ainda e no a realisa ful kico tabata pasando. Asina cu ela realisa esaki y a mira su famia bula su dilanti e tabata sumamente emociona. Un momento special cu nunca Vanessa lo lubida cu e nombramento di empleado di luna di december 2024.
Vanessa Winterdal ta secretaria di directiva di Hospital y a wordo nomina pa su excelente trabou den regla diferente asunto sea ta pa notula durante reunion of pa yuda tras di cortina pa sigura cu cosnan ta cana bon. E sa bon su rol y funcion y particularmente den e area di biahe y acomodacion
e ta haci un tremendo trabou. Vanessa semper ta dispuesto pa yuda y ta haci su maximo esfuerso pa cualkier evento cu e ta yuda cune ta uno exitoso. Coleganan ta admir’e pa su determinacion y actitud positivo. Colegialidad sigur no falta y Vanessa semper ta alegre y gusta pusha y tuma iniciativa pe trabounan keda cla. E mes ta ripara ora un colega tin mester di yudansa y ta ofrece esaki hasta sin cu e wordo pidi.
Specialistanan temporario y/ of personanan cu e ta duna guia na Aruba ta duna super bon comentario y feedback di Vanessa locual ta confirma su contribucion valioso ne team. E ta haci mas di loke ta wordo spera di dje y ta tuma pasonan extra pa sigura tur cos ta bon regla te den e ultimo detaye.
Vanessa ta un tremendo teamplayer cu dedicacion y pasion pa su trabou. Su participacion den team HOH ta contribui na un tremendo ambiente laboral cu resultadonan sin iguala
pa su departamento na HOH. Pues, ela wordo scogi merecidamente
como empleado di luna. Hunta di Directiva, management y tur colega
ta super contento di tin
Vanessa den team HOH. Pabien Vanessa!
Boto sospechoso naBegando den direccion di aruBa
Den ora nan laat di diahuebs anochi 12 di december, a tuma nota di un boto sospechoso nabegando den direccion di Aruba. Inmediatamente a alerta e avion Dash-8 di Wardacosta di Caribe Hulandes pa asina por bula den e direccion di e boto. Simultaneamente a zorg pa un tripulacion di Metal Shark cuminsa sali for di
Savaneta den direccion oost di Aruba pa asina por analisa e situacion.
Na momento cu a yega cerca di e boto a tuma nota cu ta trata di un boto cu 4 hende homber abordo. E persona nan abordo a benta diferente bulto den lama pero personal di Wardacosta a logra di saca nan. A logra di detene e
boto mes ora y a transporta e personanan, e boto y e bulto nan y hiba nan Steunpunt di Wardacosta. A entrega e 4 hende homber cu nacionalidad Venezolano na personal di UGC di KPA. E bulto nan tabata contene aproximadamente 350 kilo di narcotica cu a ser destrui
encuesta di entrada & gastonan
2023-2024 – ganadornan di periodo
Dia 15 di November 2023, Oficina Central di Estadistica (CBS) a cuminsa cu e Encuesta di Entrada y Gastonan. Manera nos a menciona e Encuesta di Entrada y Gastonan ta encera 2 parti: - Hogarnan participante lo wordo puntra pa contesta algun preguntanan tocante gastonan cu e hogar a haci durante e 12 lunanan cu a pasa prome cu e encuesta aki - Hogarnan participante lo wordo pidi pa yena un Buki di Gastonan Diario. Den e buki aki tur gasto di tur
miembro di e hogar mester wordo yena pa un periodo di 2 siman. Teniendo na cuenta e esfuerzo cu un hogar mester hasi pa e encuesta aki, CBS a logra bin cu un incentivo pa hogarnan participa. Hogarnan cu a participa completo na e encuesta aki y a duna nan number di telefoon pa asina nan por participa pa gana un incentivo cu ta un bon di supermercado na balor di Afl.100
CBS ta anuncia e ganadornan di periodo 11 y 12 y alabes ta mantene e anonimidad di e hogarnan
ganador.
E 10 hogarnan ganador pa periodo diesun cu a tuma lugar den luna di september/october 2024 ta parti den e siguiente areanan di Aruba: den Noord 2, den Oranjestad 5, den Santa Cruz 1 y den Savaneta 2.
E 10 hogarnan ganador pa
periodo diesdos cu a tuma lugar den luna di october/ november 2024 ta parti den e siguiente areanan di Aruba: 3 den Oranjestad, 2 den Santa Cruz, 3 den Paradera, 2 den San Nicolas y 1 den Noord. Encuesta di Entrada & Gastonan a yega su final
Despues di un aña largo,
11 y 12!
e Encuesta di Entrada & Gastonan 2023-2024 a yega su final.
CBS kier a gradici tur hogar pa nan esfuerzo pa completa e questionario y yena e buki di Gastonan Diario y tambe na e 28 encuestadornan cu a bishita 2,047 hogar cu a duna nan bon cooperacion durante e encuesta.
Noticia di Corte
E dos sospEchosonan di caso baranan di oro a apEla sEntEncia di cortE supErior
E caso di baranan di oro cu ta data di 2018, awor lo bay Corte Supremo na Hulanda. E dos sospechosonan R.A.G.Z. y J.C.T.R. a apela e sentencia di Corte Superior.
SOLO DI PUEBLO por a compronde cu G.Z. y T.R. a bay Curacao pa scucha nan sentencia luna pasa y no a keda contento cu nan a wordo haya culpabel di falsificacion y labamento di placa. Nan a apela di biaha.
Ta asina cu den Corte den Promer Instancia na Juli 2022, Hues a declara e sospechosonan G.Z. en T.R. liber di e acusacionnan di Ministerio
Publico di falsificacion y labamento di placa. Ministerio Publico no tabata di acuerdo y a apela e sentencianan.
CORTE SUPERIO TA HAYA NAN CULPABEL
Tratamento di e caso a tuma lugar den Corte Superior caminda luna pasa, Hof di Corte superior a destrui e sentencia di Corte den Prome Instancia y a dicta sentencia cu G.Z. y T.R. ta culpabel di falsificacion y labamento di placa. Hof a condena G.Z. y T.R. na 113 dia y 6 luna pa falsificacion y labamento di placa.
SOSPECHOSONAN A APELA SENTENCIA
Ta asina cu G.Z. y T.Z., despues di a consulta cu nan abogadonan mr. Sulvaran y mr. Mohamed, a apela e sentencia.
Esey ta nifica cu awor Corte Supremo na Hulanda, 6 Hues, lo bay evalua e caso. Dia 9 di februari 2018, autoridad na aeropuerto a detene G.Z. cu 46 bara di oro cu un peso total di 55 kilo, den su ekipahe di man. E tabata na caminda pa Hulanda, cu destino final Dubai. E baranan di oro tabata procedente di Venezuela.
cElEbracion di juffrouw thyara doornkamp
Recien juffrouw Thyara Doornkamp tawata di fiesta celebrando su di 25 cumpleaños.
E luga tawata Hofi Lugo, na Jaburibari.
Tawata un celebracion dushi, den cua tawata inclui e quiz di pregunta y premio cu, durante aña, Thyara ta presenta hunto cu meneer Addonsito Croes.
Un total di 12 grupo a participa y na final tawata e grupo “Naugthy Aruban” cu a gana e quiz.
Tambe tawatin premio pa e persona mas sarcastico, esun cu miho a baila y e mas anima.
Tur miembro di su famia, companñeronan di IPA y demas amigonan a felicit’e cu su cumpleaños di 2024!
MIGUEL MANSUR (ACCION21) TA ENTREGA LEY PA LEGALISA ‘SOFT DRUGS’
Legalisacion di ‘soft drugs’ ta ofrece un caminda pa miho salud publico, mas equidad social, reduci crimen y aumenta libertad individual. Regulacion di substancianan actualmente prohibi ta provee sociedadnan e oportunidad pa miho regula standardnan di siguridad, reduci peso riba e sistema di husticia criminal y crea oportunidadnan economico. Mas cu tur cos legalisacion ta duna balor na e libertad di tur adulto pa tuma decisionnan informa tocante nan mesun curpa. Evidencia di paisnan cu ya caba a legalisa ta prometedor y no ta solamente representa un cambio di maneho pero tambe e oportunidad pa paisnan brinda un sociedad mas racional, cu mas compasion y mas husto.
‘Soft drugs’ ta inclui substancianan manera cannabis, cierto psicodelico y otro substancianan cu no ta fisicamente adictivo y cu riesgonan abao. Un di e argumentonan mas na fabor di legalisacion ta pa mehora salud publico y siguridad. Un mercado regula lo brinda miho control riba e calidad y pureza di substancianan, reduciendo e riesgo. Criminalisacion di ‘soft drugs’ ta manda hopi consumido bao tera y menos probabel di busca asistencia medico. Legalisacion lo brinda comportamento mas informa y responsabel basa riba evidencia y habri caminda pa personanan busca ayudo medico sin miedo di repercusion legal.
Legalisacion lo reduci presion riba sistema di husticia criminal. Hopi persona ta ser encarcela pa ofensanan no-violento relaciona cu ‘soft drugs’, nan legalisacion lo permiti mas recurso pa combati trafico di ‘hard drugs’, crimen organisa y ofensanan violento. Riesgo pa salud di ‘soft drugs’ incluyendo cannabis ta hopi menos cu alcohol y tabaco. Ta importante nota cu legalisa ‘soft drugs’ no ta nifica promove uso di droga pero si un manera pa reduci daño y permiti uso responsabel. Mescos cu alcohol y tabaco, legalisacion lo permiti individuonan tuma decision informa mientras ta salvaguardia salud publico y siguridad.
Legalisacion ta provee oportunidadnan economico significativo. Mercadonan legal pa cannabis a proba di ta economicamente beneficioso na paisnan manera Canada y algun estado Americano. E industria legal di cannabis a crea hopi trabao den cultivacion, distribuimento y investigacion ‘research’. Tambe legalisacion lo permiti miho control riba propaganda, benta y distribuimento cu lo reduci e probabilidad cu menornan lo por yega na substancianan.
Legalisacion lo promove libertad individual y responsabilidad. Den un sociedad democratico, adultonan mester tin e libertad di haci decision riba nan propio curpa
tanten nan no ta haci daño na otro. Prohibi ‘soft drugs’ ta un violacion di libertad individual paso e ta restringi autonomia personal sin hustificacion basa riba evidencia. E argumento pa libertad ta specialmente valido ora nos considera cu alcohol y tabaco ta un peliger mas grandi pa salud y sociedad cu ‘soft drugs’ manera cannabis. Alcohol p.e. ta asocia cu un cantidad di resultado social negativo incluyendo violencia, accident, perhudica salud a largo plaso pero ta permiti. Consecuentemente tin poco hustificacion pa substancianan menos peligroso manera cannabis y ‘psilocybin mushrooms’.
Evidencia di otro paisanan ta mustra cu na Hulanda cu a decriminalisa den añanan 1970, consumo di cannabis ta mas abao compara cu otro paisnan Europeo. Uruguay a legalisa mas recientemente cu consecuencianan positivo pa salud publico y economia. Tin mas y mas estudio cu ta mustra cu substancianan incluyendo psilocybin por tin beneficio pa terapia di depression, PTSD y ansiedad.
ACCION21 ta cumpli cu un otro promesa di campaña door di entrega e iniciativa di ley cu lo sigui pa Raad van Advies. E partido no lo tin representacion den e siguiente parlamento pero cualkier parlamentario cu lo kier traha riba legalisacion lo haya e concepto cla pa asumi y sigui cu e trabao.
inspeCtie Volksgezondheid aruba a wak pasCo Via bentana
Recientemente a tuma lugar un competencia unico na Inspectie Volksgezondheid Aruba, na Eagle.
E team di IVA a ricibi e tarea
mey di tempo prome cu e competencia.
E team di hurado tawata Juliska Henriquez, Andy Martes y Addonsito Croes y hunto nan a husga e creacionnan espectacular cu cada oficina a presenta. Na final e hurado tawatin e
siguiente resultado:
Miho storianan: Hot Chocolate Bar & Nostalgia.
Di 3-luga: “Nostalgia” di Lativa Mercera y Lindis
Romano
Di 2-luga: “Gingerbreas house” di Dorylee Pappers -Lopez Penha & Davina
Pappers.
Ganador: “Snowplace like home” di Samantha Trinidad & Julienne Panneflek-Garcia.For di aki nos ta felicita e ganadory organisadornan, bou guia di Carolina Thiel-Span cu e idea y evento bunita aki.
Cuminda di pasCo
Ham horna 45,-
Galinja horna 45,-
Galinja jena 60,-
Kalacuna 150,-
Kalacuna jena 180,Cubo mes un ham /galinja of kalacuna! Pa ami cumpra hqm/galinja of kalacuna.
Ham 110,-
Galinja 90,-
Galinja jena 105,-
Kalacuna 260,,-
Kalacuna jena 290,-
Pa 10 persona
Lomito 120,-
Roastbeef 100,-
Chicken breast 90,oestersaus of mushroom
pa decora bentana di e total di 9 oficina mas creativo posibel e aña aki. E tema tawata “See christmas true the window”. Cada oficina a ricibi un luna y
Salada batata 40,-
Aroos con pollo 45,Ayaca 7,-
Pa pedido por jama of whatsapp mi riba 7497071 te cu 22 dec
Departamento Di aviacion civil a atenDe un reunionnan exitoso na HulanDa
Den curso di e dianan cu a pasa Departamento di Aviacion Civil (DAC) a atende algun reunion importante na Hulanda.
E prome reunion tabata un reunion internacional di ICAO cu ta regarda e proceso di investigacion di accidentenan aereo. Aki, particularmente, a elabora riba un rekisito nobo cu ta regarda comunicacion cu y e opvang di familiaresnan durante y despues di un desastre aereo. Esaki awor a bira un norma mundial cu Aruba tambe lo mester bay cumpli cune. E intencion ta pa den futuro cercano bin cu entrenamento y proceduranan pa cu e tema aki na Aruba.
E segundo reunion tabata cu e Departamento di Inspeccion di Hulanda (“Inspectie Leefomgeving en Transport”)(“ILenT”). Durante e reunion aki a elabora riba diferente manera pa DAC y IlenT fortifica nan cooperacion tecnico, y traha mas estrecho en conhunto. Tambe DAC a firma un acuerdo di cooperacion
tocante inspeccionnan di rampa, segun e normanan Europeo di “SAFA” (“Safety Assessment of Foreign Aircraft”). E acuerdo aki ta encera cu Aruba ta forma parti oficialmente di e “netwerk” di SAFA. Inspeccionnan di rampa haci na Aruba door di inspectornan di DAC ta wordo reconoci como ekivalente na inspeccionan haci na hulanda y tambe tur pais miembro di Union Europeo cu ta forma parti di e SAFA-netwerk. E resultado di inspeccion di avionnan haci na Aruba lo wordo hinca den e database di SAFA, cu tambe ta contene tur inspeccion haci door di tur otro pais miembro di SAFA. DAC tambe tin acceso na e database correspondiente di tur e inspeccionan aki, loke ta yuda Aruba pa haci su inspeccionnan mas efectivo y eficiente, a base di data y analisis di riesgo. Aruba ya caba tin algun aña
ta haciendo inspeccionnan
segun e normanan Europeo di SAFA y su inspectornan ta cualifica caba den e sistema aki.
Sin embargo, awor esaki ta keda oficialisa door di firmamento di e acuerdo. Di otro banda, awor Aruba tambe lo ta den posicion pa yuda Hulanda, ora mester, pa haci inspeccionnan di rampa den Caribe Hulandes. Esaki ta ilustra cu e acuerdo aki ta un acuerdo di cooperacion mutuo unda tur dos partido ta beneficia di dje (“win-win”). Esey ta e manera con DAC ta fortificando su mes alabes di cooperacion mutuo cu partnernan strategico.
E tercer reunion tabata e “Vierlandenoverleg” entre e cuater directornan
di aviacion civil di e paisnan den Reino, yama “Regiegroep Luchtvaart”. E reunionnan aki ta tuma lugar cada 6 luna y diferente temanan di interes mutuo, regardando tur area den e mundo di aviacion, ta wordo trata. Puntonan discuti ta, entre otro, desaroyonan den aviacion riba nivel local, preparacion pa un eventual auditoria di ICAO, conectividad, aviacion sostenibel, search & rescue, harmonisacion di leynan, intercambio di inspectornan, vuelonan cu aeronavenan sin piloto (“drones”), y mucho mas.
Durante e reunion aki DAC a firma un protocol cu ta encera cooperacion estrecho entre e 4 paisnan tocante supervision riba
siguridad operacional den nos espacio aereo. Tambe ta trahando en conhunto riba un proyecto di apoyo pa studiantenan cu ta core stage of ta “studeer af” den e ramo di aviacion. Pa e motibo ey, DAC ta haci un suplica na tur studiante di Aruba, cu ta studiando specificamente den e ramo di aviacion, cu mester di apoyo pa stage of “studeer af”, pa tuma contacto cu DAC na dca@dca.gov.aw.
DAC ta mira bek riba un siman di reunionnan exitoso y lo sigui haci tur cos den su poder pa por garantisa e siguridad y sostenibilidad di Aruba su infrastructura di aviacion civil, mirando e importancia di esaki pa nos turismo.
GREASE, thE muSicAl tAwAtA fAntAS tico
Pa: Addonsito Croes
E fin di siman cu a pasa, publico di Aruba tawatin e oportunidad di bishita e musical Grease den Cas di Cultura. Cu un total di mas cu 2100 persona por bisa cu e produccion aki a resulta den un exito rotundo.
Un pabien grandi ta bay na e productornan Ferdinand Franca, Vicky Arens di Cas di Cultura, ful e elenco di cada artista, cada coordinador, musico, cada mayor, cada sponser y cada persona cu a cumpra un ticket y bay aplaudi Aruba su artistanan. Na nos humilde opinion, nos ta tribi di skirbi cu e produccion aki ta di nivel
internacional. E show aki por ta presenta na cualkier escenario na mundo. Por a ripara cu cada persona involvi cu e show a tum’e 100% na serio. Pa un show ta exitoso, e mester cana bon, sin ningun gap y publico no mester haya gana di bandona e sala prome cu e final. E tres elementonan aki por ser aplica den Grease, the musical!
Cada un di boso por ta orguyoso di a contribui, cu boso talento unico, na 4 sala yena cu sernan humano, hoben y adulto, cu a bay cas cu un sentimento di orguyo y alegria. Orguyoso di ta di
Secretario General di Mep Endy Croes: MASHA PABIEN NA E COREDONAN CU A RESALTA DEN E CAREDANAN 2024 DI PATRISHI SPORTS ARUBA
Diasabra anochi den un esfera festivo na Centro di Bario Noord, a tuma luga e di shete (7) edicion di End of the Year Award Ceremony organisa pa Patrishi Sports Aruba. E meta di e “award night” aki ta pa tur team, atleta, mayor, coach, miembro di directiva, famia y boluntario bin hunto pa celebra tur e logronan den e deporte di coremento na Aruba pa aña 2024.
Tambe, a reconoce e atletanan cu mas a sobresali den nan categoria. Ex Minister Endy Croes tabata invitado di honor y a dirigi algun palabra pa felicita tur e ganado- y atletanan. Alabes a gradici Patrishi Sports Aruba pa organisa e ceremonia aki y por ultimo a gradici Lotto pa Deporte pa nan aporte. E reconocemento “Inspiration of the Year 2024 Award” a wordo otorga na e hoben Shwandre Geerman.
“Sigur e tabata un anochi exitoso y inolvidabel pa e coredonan.
Mi ta gradici e mayornan
cu ta apoya nan yiu y duna nan e sosten pa por practica e deporte. Mi ta gradici e entrenando- y boluntarionan cu ta traha cu amor y pasion pa e
deporte di coremento. Pabien na tur coredo cu a wordo premia y ta desea nan tur clase di exito den aña 2025”, Endy Croes a finalisa.
SANTA ROSA CU TIPS CON PA APORTA NA REFORESTACION DI NOS MATANAN LOCAL Un poco di historia:
Na 1975, e Seccion di Reforestacion di Servicio Veterinario a muda di e cunucu Santa Rosa na Wayaca pa su localidad actual na Piedra Plat. E tempo ey, e seccion a traha fahanan pa controla erosion ariba ceru y damnan pa tene awa den rooi rond di MiraLaMar, Parke Nacional Arikok. E fahanan e seccion a usa pa planta mata den bari na 15 m di otro. Regularmente trucknan di awa te dos aña despues a muha nan. Un percentaha chikito di nan a bira palonan grandi di cual, e Kwihi tabata esun cu a resalta. No ta nada straño si hende sa cu Kwihi ta un mata cu por crece ariba tera pober. Desde prome di Januari 1976, e seccion a bira Departamento di Agricultura, Cria y Pesca (DLVV) cu e responsablidad di sostene y di promociona e Sector Primario di Aruba. Alavez, e Departamento, conoci awe como Santa Rosa, a sigui promove plantacion di mata local pa jardin di cas y area publico. Eventualmente Gobierno mediante e Departamento, a boga pa instalacion di e parke cu a logra bira un realidad na 2000. Proposito y beneficionan di reforestacion:
Durante e existencia di e departamento, e initiativanan pa reforesta a sigui surgi, pero lamentablemente, ningun no a resulta den un bosque tropico. Actualmente tin un interes grandi cu a surgi for di nos communidad y DLVV Santa Rosa, ta conseha y coopera cu initiativanan particular cu ta peticiona, pa DLVV Santa Rosa por comparti e lista di matanan apto pa wordo planta y incorpora den cualkier projecto di reforestacion. Mester remarca cu DLVV no tin un lista specifico di matanan local cu ta wordo promociona pa ser planta, per mas bien DLVV Santa Rosa ta reconoce e importancia di tur mata local cu di un forma of otro por contribui na bienestar di e flora y muy especialmente e fauna di Aruba. Palonan por tin un preferencia pasobra pa medio di nan biomassa mas grandi, por ofrece mas na e fauna local. Ademas DLVV Santa Rosa su experto
encarga cu e Seccion di Naturaleza, no ta mira e nececidad di traha cu un lista specifico ya cu tin literatura, manera e buki di Sr. De Freitas publica na 1996, ta duna un amplio descripcion di tal mata y palonan. Es mas, DLVV Santa Rosa ta recomenda pa si tin un espacio di por lo menos 25 m2, pa cerca esaki pa protection contra herbivoronan. Cierto situacion delicado cu nos naturaleza mester enfrenta ta matanan invasivo manera Neem cual ta un mata toxico pa otro matanan y cual ta recomendabel pa wordo elimina. Un aspecto importante pa aporta na e desaroyo di nos flora, ta pa laga naturalesa mes tuma encargo di kiko lo crece. E parti interesante y ventahoso di e strategia aki ta, cu por ricibi datos di e sortonan di mata of palo cu lo sobrevivi e Cambio Climatico. Por ripara, cu den Caribe ya caba esaki a aumenta e severidad di secura cu 15 pa 17% y su extento espacial 7% abou di secura breve y 20% abou di secura severo, (Herrera et al, 2018). Aruba lo cay abou di esun di 20%. Si un persona ta desea berde instante den su cura of tereno, DLVV ta conseha pa pega un trankera di Cadushi, simembargo mester tene cuenta cu e Cadushi ta menciona den e Landsbesluit bescherming inheemse flora en fauna, mira www. gobierno.aw, ariba cua articulo 6 lid 2 di e Natuurbeschermingsverordening ta aplicabel. Con pa planta y mantene e matanan local:
Pa por hana mas mata pa replanta na fin di secura por stek y pega ariba otro anto e mes lo coy rais y sigui crece. Tur otro strategia lo encera:
Colleccion y almenacion di simiya di mata local, nan siembra, mantencion den un contenedor te cu nan ta apto pa planta, seleccion di area di plantacion, cobamento di buraco of construccion di un baki, planta y dunanan bon awa y planta na mas cu 3 m di otro, mester iriga e matanan semanalmente
pa dos aña largo. Na Aruba, awa ta yobe poco y e otro fuentenan ta mas caro atrobe y scars, pero por semper opta pa busca awa di dam of usa awa condensa colecta for di airco.
E idea di reforestacion ta cu hende ta salta e succeccion natural di un vegetacion y di biaha por yega na loke ta esun climax. Sinembargo den conservacion ta asina cu ariba su mes caba tin poco conocimento na Aruba di cua lo tabata e vegetacion climax di Aru-
ba, aunke e Brazil, Hameatoxylon brasiletto lo ta un bon candidato. Importante ta pa realisa cu esey tabata den pasado pero no necesariamente e mesun resultado pa futuro, pa motibo di e cambio climatico y e hecho cu na Aruba a urbanisa e paisahe.
Mas informacion por tuma contacto cu Ing. Facundo Franken, Chef Afdeling Natuur & Landschap na DLVV via 5858102 of via mail na info@santarosa.aw
Aruba Tourism Authority (A.T.A.) orguyosamente ta anuncia su participacion den e proyecto anual
FCCA Holiday Gift Project, un iniciativa conmovedor durante dianan di fiesta organisa
pa Florida-Caribbean Cruise Association (FCCA), cu ta dirigi na muchanan y hobenan den Caribe y Latino America. E aña aki, e incitiava a eligi muchanan y hobenan di Kindertehuis Imeldahof como e beneficiario di e iniciativa.
Holiday Gift Project ta un iniciativa cu a wordo crea pa trece alegria di fin di aña pa medio di entrega di regalo, y crea un experiencia inolvidabel pa esnan envolvi. E aña aki, muchanan y hobenan di Kindertehuis Imeldahof a disfruta di un dia yena cu sorpresa y actividadnan di fin di aña, creando recuerdonan special pa un y tur.
E evento aki ta demostra un laso y forsa positivo di colaboracion entre FCCA y
zoyando na e speelplaats. E alegria genuino di e conexion aki a crea momentonan cu ta refleha e mision esencial di FCCA Holiday Gift Project: “Pa trece felicidad y crea recuerdonan inolvidabel.” Esaki por a ser ilustra mientras cu e muchanan y hobenan tabata habri nan regalonan den compania y goso di nan bishitantenan special.
Aruba, caminda cu varios organisacion ta uni man pa crea un dia magico pa e muchanan y hobenan di Kindertehuis Imeldahof.
Por a conta cu momentonan di alegria y yena di ambiente bou di e muchanan y hobenan. Santa Claus a agrega un toke unico na e evento, caminda cu a pasa tempo di calidad hungando futbol, bailando, y hasta
Cu mira pa fututo, A.T.A. ta continua cu e dedicacion pa participa den proyectonan cu ta fortalece e comunidad, y e laso entre Aruba y socionan internacional atraves di colaboraion den iniciativa manera FCCA Holiday Gift Project. Aruba ta continua na demostra su compromiso di Corporate Social Responsibility, esta responsabilidad social y bienestar di e comunidad.
Un gratitud sincero ta bai na e ekipo di departamento di Cruise di A.T.A., na Florida-Caribbean Cruise Association (FCCA), e team di Kindertehuis Imeldahof, capitan y tripulacion di Celebrity Eclipse, Diamonds International, y Fofoti Tours and Transfers pa nan contribucion valioso.
Statuut: Komplot pa Kita Antia for di Lista di Nashonan Uni?
E Ag EN dA SKo N di tr AS di K itA m EN t U di A N ti A
for di LiS tA di N AS ho NAN U N i
Aki ta sigui un resumen di artikulo di James Finies den e buki: Last of Lust? –70 anja di Statuut di Reino Hulandes: kompilá pa Rene Zwart i Glenn Thode
E Statuut di Reino Hulandes, firmá na 1954, a hunga un rol fundamental den kitamentu di Antia Hulandes for di lista di territories sin propio gobernashon di Nashonan Uni. Esaki tabata un moveshon strategiko, ehekuta riba 15 di December di 1955, ku no tabata tokante di duna e territorionan autonomia real, manera nan a pretende, pero mas bien pa konsolidá kontrol Hulandes i stop e supervishón internashonal di nan deskolonisashon.
A pesar di e pretenshon di ku a lográ autonomía kompleto, e territorionan, inkluyendo Bonaire, no a kumpli ku e standardnan di deskolonisashon di Nashonan Uni.
Hulanda a logra su meta di kita e islanan Antiano for di lista di Nashonan Uni, pretendiendo ku nan a logra autonomia. Sinembargo, hopi miembro di Nashonan Uni, manera Uruguay, a rechasa e supuesto proklamashon aki, notando ku e territorionan aún no a logra autonomía real. E paisnan a laga e posibilidad pa futuro esfuersonan di deskolonisashon habri. E Statuut, ku tabata disenjá pa similar modelo frakasa pa Indonesia, a bira un instrumento pa Hulanda pa mantene su kontrol, dividiendo e islanan Antiano i asegurando representashon polítiko desigual, espesialmente dunando poder desproporshonal na Korsou i Aruba den parlamento di Antia Hulandes.
E maniobra polítiko aki tabata parti di un plan mas grandi di gobierno Hulandes
pa reprimi moveshonan di independensia den Karibe. Figuranan klave ku tabata lucha pa deskolonisashon a ser silensia dor di manipulashon polítiko, akshonan legal i inkluso asasinato. Lidernan manera Helmin Wiels i Betico Croes a ser marginá o a muri di manera sospechoso. Mientrastantu ku e lucha di Aruba pa auto-gobernashon a kulminá den un referendum di 1977, kaminda 95% di e votadonan a skohe pa independencia, subrayando e insatisfakshon ku e status quo.
E Statuut, a pesar di keda presentá komo un paso direkshon pa autonomia, no tabata un forma real di autodeterminashon pa e islanan Antiano. Mas bien, a bira un reforma kolonial ku a permiti Hulanda pa mantene kontrol riba su territorionan, partikularmente na manera di distribushon desigual di poder polítiko. Situashon di Bonaire a empeora na 10 di Oktober 2010, ora e isla a transishoná unilateralmente di forma di ta parti di Antia Hulandes pa un entidat publiko bao di kontrol I dominio di gobierno Hulandes. Esaki a viola e derechonan di autodeterminashon di Bonaire, apesar di un referendum na 2015 ku e poblashon di isla a rechaza e kambio. Hulanda a sigí ku e anekashon, sin tuma en kuenta e desishon demokratiko di e pueblo di Bonaire.
James Finies a lucha ku determinashon I konsistente pa e re-inskripshon urgente di Bonaire komo un territorio sin propio gobernashon bao di Nashonan Uni, enfatisando e nesesidad kritiko di protehá e identidad kultural i autodeterminashon di e isla. E investgashon I raport
di Propio-Gobernashon di Boneiru di Dr. Carlyle Corbin a evalua e transishon di 2010, notando ku esaki a kontinua ku desigualdadnan polítiko, ekonomiko i sosial riba e isla. E raport a resaltá disparidadnan signifikante, inkluyendo menos derechonan polítiko i benefionan sosial pa Bonerianonan ku e hendenan biba na Hulanda na Oropa. Corbin ta argumentá ku
e modelo di gobernashon impone riba Bonaire ta reflehá praktikanan kolonial, disfrasa komo demokrasia, ku ta mantene un sistema desigual i rasialisa. A base di e konklushonan aki, e re-registrashon di Bonaire komo un territorio sin propio gobernashon bao di Nashonan Uni ta protehá i salbaguardiá Boneiru su identidad kultural i autodeterminashon. Esaki
ta subrayá e lucha kontinuo pa deskolonisashon i autodeterminashon real pa Bonaire i otro territorionan den Reino Hulandes. A pesar di promésanan di e Statuut, e legado di kolonialismo ta kontinua ta impakta e islanan, impidiendo nan posibilidad di kana un kaminda real direkshon di libertat i igualdat
Bonaire Human Rights Organization
Concurso di
“BO CURASON TA UN PESEBRE”
E pesebre ta un scol di bida “Sea semper contento den Señor; Mi ta ripiti na boso, sea semper contento... Señor ta cerca” (Flp 4, 4-5).
IKDA, ta desea di yuda na redescubri e nificacion pa tin un pesebre den tur hogar, scol of oficina.
Nos ta contento di sa cu den boso famianan e custumber di traha e pesebre ta wordo conserva. Pero no ta sufisiente pa ripiti un gesto tradicional (asina mes cu e ta importante). Nos mester purba di biba den e realidad di dia pa dia loke e pesebre ta representa, e amor di Dios, su humildad, su pobresa. E pesebre ta un scol di bida, caminda nos por siña e secreto di berdadero alegria.
Categorianan tawata :
Categoria Scol Preparatorio
Catgoria Scol Preparatorio 3D
Esaki no ta consisti den tin hopi cos, pero den sinti nos stima pa Dios.
Un splicacion cortico di pesebre: e Birgen y San Hose no ta parce un famia hopi afortuna. Nan a haya nan prome yiu meymey di dificultadnan grandi.
Sinembargo nan ta yena cu alegria, pasobra nan ta stima otro, nan ta yuda otro, y riba tur cos nan ta sigur cu den nan vivencia tin e obra di Dios, Kende a haci su mes presente den Hesus.
Wardadornan di carne?
Ki motibo nan tin pa alegra otro? Niño Hesus lo no cambia realmente su condicion di pobresa. Pero fe ta yuda nan pa reconose
Tur alumno a haya un pintura di un pesebre cu nan por a kleur of traha un pesebre 3d cu e pintura.
Categoria 1ste klas
Categoria 2de klas
Categoria 3de klas
Klas 1-2-3 a haya un Pesebre cu por a kleur y traha
Categoria 4de klas
Categoria 5de klas
Categoria 6de klas
Klas 4-5-6 a haya un pesebre cu por a kleur y traha
Categoria scol
Resultado di e concurso:
Ganadornan :
Categoria Scol Preparatorio
1) Victoria Garcia Imelda kleuterschool
den “Niño Hesus cu ta mara den paña y drumi den un pesebre”, e “señal” cu Dios ta cumpli cu su promesanan pa tur hende. Esaki ta loke goso berdadero ta consisti di dje: Nos exisistencia personal y comunitario ta wordo bishita y yena pa un gran misterio, e misterio di e amor di Dios. Pa nos ta alegre, nos no mester di cosnan so, pero amor y berdad: nos mester di un Dios cerca, cu ta keinta nos curason, y ta responde na nos anhelonan di mas profundo. E Dios aki a manifesta su mes den Hesus cu a nace for di Birgen Maria.
Ta p’esey Niño Hesus cu nos ta pone den e posada of den e cueba, ta e centro di tur cos, e
2) Joleigh-ann Mathilda Scol
Preparatorio Cacique Aterima
3) Avy -Aliza Flanegin Scol
Preparatorio Cacique Aterima
Categoria Scol Preparatorio 3D
1) Lucas Justina Scol Preparatorio
Cayena
2) Scol Preparatorio Cayena
3) Imelda kleuterschool
Tur alumno di scol preparatorio a haya un pintura di un pesebre cu nan por a kleur of traha un pesebre 3D cu e pintura.
Categoria 1ste klas
1) Jarzeleigh Richardson OLV Fatima College
2) Zoe Moekaran Sint Anna School
3) Allys Hernandez Salcedo Sint
Anna School
Categoria 2de klas
1) Mason Vos Sint Paulus School
2) Isabella Figaroa Sint Anna School
ta e curason di mundo. Laga nos resa pa cada persona, ta mescos cu Birgen Maria, pa yama bon bini, como centro di nan propio bida e Niño Hesus, e fuente di e berdadero alegria.
Pa sigui mantene e pesebre bibo den nos comunidad IKDA a organisa un
3) Josver Peña Colegio Laura Wernet Paskel
Categoria 3de klas
1) Sòly-Ann Richardson St. Anna School
2) ShaanTahayalani St. Anna School
Categoria 1ste klas
Klas 1-2-3 a haya un Pesebre cu por a kleur y traha.
Categoria 4de klas
1) Isabella de Kort Sint Paulus School
2) Etienne Donker Colegio Bon Bini
3) Mariangel Otaloral Colegio Bon Bini
Categoria 5de klas
1) Zyzhia Danje Sint Anna School
2) Grupo A Sint Anna School
Categoria 6de klas
1) Lisa de Kort Sint Anna School
2) Sherwin Christiaan Sint Anna
concurso yama “Bo curason ta un Pesebre” pa e scolnan catolico na Aruba. IKDA ta hopi satisfecho cu e participacion di e scolnan.
IKDA a prepara material pa tur categoria pa asina facilita e scol pa print y laga e alumno kleur of traha e pesebre.
School
Klas 4-5-6 a haya un pesebre cu por a kleur y traha
Categoria scol
1) Sint Paulus School
2) Colegio Frere Bonifacius
3) Sint Anna School
3) Rosario College
Scol tawata por a traha un pesebre na nan gusto.
Masha pabien na tur cu a gana.
IKDA ta gradici tur scol, maestra y alumno y nan famia pa nan aporte duna na e concurso di pesebre. IKDA ta desea henter pueblo di Aruba pa comparti e Pasco aki cu bo famia cu hopi amor y prosperidad y cu Niño Hesus keda bibo den boso curason. Felis dianan di fiesta.
FORTALEZA PA FAMIA
Scirbi pa Pastor Marcel Balototje.
PASCO DI NACEMENTO, TEMPORADA DI HUMILDAD,
Ora nos lesa den e e cuater buki nan di Evangelio , especialmente locual ta para scirbi den e evangelio segun Lucas a scirbi,nos por aprecia y reconoce, cu e Nacemento di nos Señor Hesus tabata algo hopi grandi y te awe e ta e nacemento di mas importante cu por a existi riba e mundo.
Locual hopi hende no sa, ta cu Lucas no tabata un apostel.( Mateo 10:2) pero si e a scirbi tur locual e a tende di e grandesa di e bida di Cristo Hesus for di Su Nacemento, Bida , Milagernan ,Sufrimento,Morto ,Resureccion y Subimento na cielo cu tur luho y detaye pa nos tur compronde con grandi nos Dios ta,
RESPET
Y DECENSIA
Y
Tur cos a sosode den Humildad , Respet y Decensia.
Nos ta cuminsa for di e anuncio di nacemento di Juan , con un angel di Señor a parece, pa bisa Zacarias y Elisabeth,( Hendenan humilde y ireprochabel ) cu Dios ta bay duna nan un yiu , aunke nan edad tabata hopi halto.
Y tur locual ta bay sosode, hasta cu e yiu lo wordo yena cu Spirito Santo for di den barica di su mama ( Lucas 1:11-28). Zacarias no kier a kere, y e angel mester a identifica su mes cu e ta Angel Gabriel cu ta para den presencia di Señor y a wordo manda, pa papia cu Zacarias y trece bon nobo pa Zacarias.
pasobra Zacarias no a kere cu e palabra di Dios lo wordo cumpli na su debido tempo, Zacarias a keda muda te dia cu Juan a nace.
Aki nan tur hende por mira kico ta pasa ora hende ta duda, of no ta kere den locual Dios ta bisa.
Dios ta misericordioso aunke nan no a kere toch e milager a tuma lugar pa demostra cu pa Dios nada lo no ta imposibel.
Dios ta stima hende humilde, y Dios ta usa hende humilde den tur cos, e ta halsa esun cu ta humilde, pero e ta mira
e orguyoso di lew, pasobra Dios no kier tin nada di haci cu hende orguyoso, cu no ta respeta, y ta haci bofon di e palabra di Dios, cu no tin temor di Dios y ta yega asina asina lew di cambia berdad pa mentira.(Proverbionan 6:16-19)
E anuncio di e nacemento di Hesus, a tuma lugar den un forma masha respetuoso, ora cu Angel Gabriel a wordo manda door di Dios den Galilea na un stad cu yama Nazaret.
Aki nan cosnan sobrenatural cu solamente Dios por haci a cuminsa tuma lugar.
Cosnan cu a wordo profetisa door di Profeta Isaias mas cu 750 aña cu Hesus a nace. Isaias 7:14 ta para scirbi: Pesey Señor mes lo duna boso un señal, mira un birgen lo sali na estado, y lo haña un yiu homber y e lo duna e nomber Emanuel.
Tanto Maria como Hose tabata hende humilde, decente y di respet, pasobra Dios ta wak curason di hende prome cu e pone encargo riba hende, ta notabel cu hopi biaha hende kier sirbi Dios,hende kier haci hopi cos, pero nan curason no ta recto cu Dios.
E curason mester ta recto cu Dios , pa asina Dios ricibi tur e Gloria, y esey a pasa den bida di Maria y Hose, Hose tabata asina humilde cu sabiendo cu e yiu no ta di dje a tuma su encargo cu humildad.
Celebracion di Pasco di nacemento, no ta un temporda di bochincha,buracheria y accidente.
Pero un fiesta di famia , di paz y di goso, pasobra nos Rey a nace.
Sinceramente Pastor Marcel Balootje.
PUEBLO A H A ÑA SU
Descubri alimentonan imprescindibel cu no por falta den bo dieta
Nos lo mustrabao algun alimento imprescindibel di cual propiedadnan nutricional ta haci nan necesario pa un dieta sano y balansa. Pa suerte, nan ta alimentonan habitualmente facil pa haya y pa inclui den cualkier plato.
Tomati
Un dieta balansa mester contene un poco di tur cos, pero nunca mester falta tomati. E tin antioxidante, cu ta yuda na e rehubenecimento celular, y vitaminanan A, C y E.
E tomati aprecia antes tabata wordo como un mata decorativo, te cu den siglo XVIII, a cuminsa consumi'e como alimento.
Ademas, tomati ta di puro awa, loke e ta bira ideal pa mantene e peso. E ta posee tambe un substancia fantastico pa e organismo, Licopeno, cu ta preveni e aparicion di cierto cancernan, manera di pulmon y di prostaat.
Awacati
E dushi awacati tin un espectro di beneficio cu ta yuda for di un muhe na estado, pa un homber adulto. E ta posee acido folico, necesario pa preveni malformacion den e fetus y su vetnan ta impedi e desaroyo di colesterol.
Knoflok
E alimento imprescindible, aromatico y fresco aki, ta un protector natural di e organismo. Ta miho consumi'e fresco, ya cu ta e forma cu e ta mantene tur su propiedadnan.
Ademas, e ta un excelente regulador di presion arterial y ta yuda e digestion.
Di un otro banda, hopi chef ta recomenda saca su parti interior berde, pasobra e por resulta pisa pa e digestion.
E resto di e djente di knoflok por wordo consumi completo. Ademas, como curiosidad, knoflok por tin cierto efectonan afrodisiaco.
Selder
Selder ta famoso pa stimula e potencia sexual. Ademas, su consumo ta yuda mehora e problemanan chikito di memoria vincula
cu edad. Selder tambe ta posee un porcentahe halto di hero, pesey e ta un aliimento imprescindible contra anemia.
Por ultimo, como curiosidad, e juice di selder ta yuda supera e trastornonan di soño.
Chuculati
Aunke ta acus'e di faborece e ganamento di peso, chuculati tin mas virtud cu defecto. E ta energetico, ya cu consumiendo un cntidad chikito ta gana hopi den energia.
Ademas, solamente 100 gram di
chuculati scur, ta posee 375 miligram di fosforus.
Di un otro banda, e polifenolnan cu e chuculati ta posee, ta convirti'e den un protector cardiaco y un agente preventivo di cancer.
Spinazie
Spinazie no solamente ta duna forza, sino cu ta yuda na mantene un bon bista. Ademas di ta un fuente basico di hero, spinazie ta asina bon of miho pa e bista cu un wortel, ya cu e ta concentra un bon cantidad di luteina, un substancia cu ta fortalece e retina.
Appel
Appel ta e fruta pa excelencia. E alimentonan imprescindibel aki
ta reduci e cantidad di proteina y lipido y ta posee un porcentahe halto di vitamina, awa y salo. Ademas, tambe ta actua contra e daño di celnan celebral.
Rasenchi
Ta berdad, rasenchi tin bastante concentracion di sucu, pero net esey ta hustamente loke ta convirti'e den un maraviyoso motor di energia pa mucha, adultonan mayor y deportista. Ademas, den su espacio reduci, e ta posee un balans casi perfecto di cinco importante mineral: calcium, magnesium, fosforus, hero y potasium.
Alimentonan imprescindibel: Salmao
Salmao, specialmente esun silves-
tre of salvahe, ta posee cantidadnan grandi di Omega-3, un substancia cu ta preveni malestarnan cardiaco. Lo mas recomendabel ta incorpora e pisca aki den e dieta infantil pa su fantastico aporte nutricional.
Yoghurt
Un yoghurt pa dia ta yuda cualkier adulto pa fortalece e calcium den e organismo y na mucha pa preveni infeccion.
Ademas, e ta un producto hopi recomendabel pa dietanan abao den caloria.
Vol of sin vet, yoghurt ta un producto perfecto pa bo alimentacion.
Brocoli
Brocoli ta un bon fuente di vitamina A (principalmente den forma di beta-karonteen), di vitamina C y di acido folico.
Esaki ta asina te na e punto cu un racion di 200 gram, ta aporta mas di tres biaha mas di e recomendacionnan diario di vitamina C y e mita di e ingesta recomenda di acido folico.
Berries
Nan ta wordo considera un fuente di vitamina C y K, ademas di su rikesa den manganeso. Berries ta alimentonan imprescindibel perfecto pa come nan so of como parti di un receta, por ehempel, cu yoghurt.
Ya sea di color cora, preto, no lage di purbe como acompañamento pa smoothies, tert of otro dessert.
Celular ta o Casiona insomnio
Di no por descansa bon of lo necesario, ta un problema mas habitual di loke nos ta kere. Insomnio y stress ta dos di e patologianan cu ta generando mas preocupacion den e siglo 21 cu nos ta bibando aden.
Nos a para pa pensa dicon? Kisas ta debe na nos ritmo di bida, pa tin un agenda semper repleto di actividad, na no sa con pa ta cu nos mes of na abusa di aparatonan tecnologico y electronico.
Entre e ultimonan aki, un di e esunnan mas comun ta celular. Cada biaha nos ta duna nan mas uzo y ta dificil cu cualkier adolescente no pidi pe.
E manera nobo aki di comunica tin hopi bentaha, pero na ora di drumi, por ta e no lo ta un gran aliado.
Tecnologia no ta laga nos drumi
Kico ta lo ultimo cu bo ta wak prome cu paga luz y cera bo wowonan? Hopi di boso lo responde…. E Celular!
Esnan cu no por biba sin su smartphone mester sa, cu si ta bon, e ta bon pa hopi cos; tur cos den exceso ta contraproducente.
Y e aparato aki no ta libra, ya cu uza den oranan laat di anochi, por causa insomnio. E uzo di cualkier herment electronico cu tin un pantaya luminoso minuutnan antes di drumi (of purba di concilia soño), no ta permiti e celebro pa trankilisa y descansa manera cu mester ta.
Esey tabta e conclucion cu varios estudio a yega na dje, entre nan di e Instituto Politecnico Rensselare di New York (Merca).
E exposicion prolonga na aparatonan tecnologico manera e celular, television of tablet, ta afecta e nivelnan di hormoonnan regulador di e ciclonan di soño, e melatonina.
Tur cos ta debi na e luz blanco y briyante emiti pa e dispositivonan aki. Aunke cu nos paga e pantaya y e briyo ta regula, e nivelnan di melatonina ta reduci den un 25%.
Riba su mes nos no ta haci eskai. Asina ta, e ultimo bista riba bo email, rednan social of television ta perhudica e nivelnan cu nos no ta conciente di dje.
Celular ta afecta e sistemanan encarga di regula e ritmonan
circadiano. Esaki ta referi na e cambionan fisico y mental cu ta produci relaciona cu e luz solar y scuridad.
Si nan ta bon regular, nos lo tin soño durante anochi y nos lo ta mas alerta pa sali den solo.
Insomnio tecnologico ta preocupa dokternan
E malo nobo cu pashentnan cu ta yega na oficinanan di dokter, ta keha di dje, ta conoci como "insomnio tecnologico" y ta provocando e abuso di internet prome cu drumi.
Mas leu di e luminosidad di e pantaya, tambe nos tin cu tene na cuenta cu e ondanan electromagnetica cu e dispositivonan ta manda.
Mescos cu adiccion, cu nos tin pa usa e celular net prome cu drumi. Den e hospital Casa de Salud de Valencia (Spaña) a realisa un investigacion unda cu ta sigura cu check e pagina di Facebook, mira un video riba YouTube of comproma un mail prome cu drumi, ta corta e oranan di soño y ta afecta e calidad di descanso. E uso nocturno di internet y di e aplicacionnan cu nos tin riba e celular (manera por ehempel, weganan) ta laga e celebro den estado di alerta.
Esaki ta haci cu lo mester di hopi tempo pa "bolbe na normalidad" y compronde cu ta ora di drumi. Ta sosode mesun cos cu si nos come sucu of bebe koffie despues di cuminda. Nos ta precisa di dos ora adicional pa concilia soño.
Ademas, durante anochi nos por lanta di golpi, tin pesadiya y drumi den posicionnan cu despues ta provoca dolornan di lomba y nek. Neurofisiologonan di e hospital aki ta recomenda pa desconecta di cualkier aparato electronico, por lo menos, un ora prome cu nos drumi, paga e router y laga e celularnan p'afo di e camber durante anochi.
Rednan social ta provoca insomnio
No ta culpa di Facebook, di Instagram ni di Twitter, esey ta bon cla. Sino di nos forma di relaciona cu e plataformanan aki.
Segun un experimento cu a tuma luga pa specialistanan di e Universidad di Boston, a yega na e concusion cu e red social di e parha blauw y di 140 caracter ta ta esun cu mas ta relaciona cu insomnio y e problemanan pa concilia soño.
Dicon? Pasobra usuarionan ta conecta practicamente henter dia (incluyendo anochi) y sa publica entre 6'or di atardi y 10or di anochi. E piek di e publicacionnan ta 9'or.
E informe, ademas, ta indica cu e dia cu mayor insomnio di siman ta diaranson. Esaki ta debi, segun cu nan ta splica, cu ya nos a pasa e mayor parti di e dianan laboral y nos ta demasiado "acelera" cu asina tanto obligacion.
Koffie y refresco di cola ta e bebidanan mas consumi pa e Tweeters cu insomnio. Ambos ta contene cafeina, cu ta un
substancia causante di e sensacion di euforia of alerta pa e celebro. No obstante, e internautanan di e estudio a afirma cu su rasonnan pa no por drumi ta bata "pensa hopi," "nabega riba Twitter," "usa e celular durante hopi ora" y "wak television."
Aplicacionnan contra insomnio?
E por zona nos algo straño y contradictorio cu nos por uza e celular hustamente pa por concilia soño.
Esaki ta un bon manera pa nos no wak e aparato imprescindibel aki como un enemigo. Tecnologia por ta beneficioso of perhudicial, segun con, pakico y cuanto nos usanan. Nos por haya den tiendanan online di Android y iOS diferente aplicacion cu ta combati (aparentemente) e insomnio:
Sleepbot
E por monitorea e descanso di e usuario atrabes di sensornan di movimento y microfono di e aparato.
E ta graba e roncamento of zonidonan di ambiente pa defini e calidad di soño y ta inclui un alarma cu ta lanta nos si nos a pasa nos ora di descanso.
White Noise
E aplicacion aki ta yuda nos drumi rapidamente atrabes di musica y zonidonan relaciona cu relahacion y descanso.
Ta manera cu nos ta den un spa of den un tempel budista Tambe e ta ofrece un alarma suave pa lanta nos den bon beis.
Sleep Better
Tras di analisa bo soño, ta ofrecebo un rutina pa prome y despues di drumi. E ta basa riba e estado di animo di e usuario y den e actividadnan cu esaki ta wordo realisa parti atardi y anochi. Purba lesa, dal un baño relahante, haci algun tipo di ehercicio suave manera yoga prome cu drumi. Lo bo wak con rapidamente e nivelnan di activacion celebral ta descende y con esaki ta repercuta den bo nivel di relahacion corporal.
No obstante, si e insomnio ta persisti, ta preferibe pa bo consulta bo dokter.