Diaranson 28 mei 2014

URATACA CENTER

Special di awe:

BBQ ribs, Mac & Cheese, Yuca &Salada

Diarazon Mei 28 2014 - Edicion-8 Vol.19407

Sta. Cruz #110 Tel: 585-9500 Fax:585-0951 - E-mail: solodipueblo@gmail.com

1.50

PENSIONADONAN A BIRA “KIND VAN DE REKENING”!!!

Ta ken ta paga e viahe priva di Mike?

Gerrit Schotte laga den libertad Gerrit Schotte, di MFK, supuesto amigo di MEP, ayera tardi a ser laga den libertad despues di un Kort Geding unda huez a exigi libertad pa Gerrit Schotte. Y que hubo di supuesto amigo di AVP, Kiko Gomez? E si no ta liber! Un gran cantidad di su simpatizantenan a yega cerca pa busca nan lider y a acompañe pa su cas.

GOBIERNO TA PAGA 2 MIYON FLORIN PA BAPTIST HEALTH DJIS PA MANEHA IMSAN ACASO NOS MESUN HENDENAN NO POR MANEHA IMSAN?

Afl. 10.00 (di 12 pa 3pm) Tel: 585-5212

Hemelvaartsdag feest:

Zeta Band, TST y Dj Alvin den Club Trappers.

Diarazon, 28 di Mei 2014, 9pm

Parlamentario di MEP, sr. Dangui Oduber

No ta e pueblo a malgasta e placa e ultimo 4 añanan pero e gobierno aki ta pone e pueblo bay paga pe!

E cas aki ta simboliza loke AVP a haci cu Aruba!

Despues di a verf cas den Madiki, a bash’e abao!

Diarazon Mei 28 2014

Pagina 2

DEBI NA MAL ESTADO DI PRISON DI KIA

GOBIERNO TA LAGA ABUSADORNAN SEXUAL DI MUCHA BAY PROME CU ORA aden awor.

No ta un secreto cu desde cu AVP a sinta, a neglisha KIA den tur forma. A core cu e director cu tabata manete orden den KIA y a pone mas di 10 director den varios management team. Ningun a keda pa mucho tempo pasobra e minister no tin un maneho cla pa KIA. E estado di e prison a keda deteriora, te cu presonan por a coba e muraya cu cuchara.

Recientemente dos preso a huy for via pot di wc. Nunca antes KIA a conoce tanto rebeldia den prison, tur pa motibo cu no tin maneho drechi y door cu no tin suficiente personal pa mantene orden. Tur esaki danki na e mal maneho di gobierno di AVP. Debi na e rebeldion cu tabata tin siman pasa den

KIA gobierno a dicidi di manda varios preso cas prome cu nan tempo. Ta ser menciona cu 50 preso ta wordo libera, entre nan atracadornan di negoshi, atracador di auto, pero mas serio, violado sexual di muchanan.

Riba dje castigonan pa violadonan sexual ta demasiado abao caba aki na Aruba y gobierno no ta haciendo net net nada pa combati e crimen aki cu castigonan mas severo. Anto pa completa obra awor ta manda nan cas prome cu tempo tambe! Ta un gobierno burdugu so por haci cosnan asina.

E crisis den KIA conoce un culpable: Mike Eman.

Un hende sin vision y cu a malgasta tur placa di nos pais na fiestamento y viahamento, creando e MEGA DEBE cu nos ta

Ta bon pa esnan cu a deposita nan confianza den e gobierno aki realiza con nan a wordo enga単a y manipula, pasobra AVP no por goberna nos pais. AVP no tin curazon pa nos pueblo. AVP no tin vision pa un Aruba mihor. Unico cos cu AVP por haci ta yena nan propio saco pa nan por viaha bay celebra cumplea単os den exterior cu un avion yen di "friends and family".

SERVICIO DI HACI CURA Y TERENO

LIMPI CU BOBCAT.

Aruba Softball Bond hunto cu Royal Power y HEINEKEN ta presenta Champs of the Champs 2014 "The 8th Edition" 30 Juni - 6 Juli 2014 10 equipo internacional CONFIRMA!!!!!! Delegacionnan di mas di 500 persona

Competencia halto nivel den combinacion cu un ambiente unico!! Keda Pendiente.

Diarazon Mei 28 2014

Pagina 3

E cas aki ta simboliza loke AVP a haci cu Aruba!

Despues di a verf cas den Madiki, a bash’e abao!

Haci show, verf parti dilanti, y despues basha e cas abao!

Ariba e foto aki por mira con e cas na Madiki, cu algun dia pasa a wordo geverf, a wordo basha abao. Ta asina cu Mike Eman y su grupo cu no tin net nada drechi di haci, ta desperdicia tempo, placa y material di pueblo. Dos siman pasa nan a pasa verf e cas aki. Por mira cu e cas aki ta e simbolo di AVP. Bunita di pafor, pero kima y caba di paden.

Contal cu e cara mustra bunita, no ta importa con e resto ta. Ayera e cas aki a wordo basha abao!

Mescos cu Aruba a wordo basha abao pa Mike Eman. E team di 150 coordinador cu ta rond di Mike Eman mester ta hendenan sin cosenshi, pasobra nan tambe ta contribui na crea e spectakelnan aki. Nan kier verf pa haci bunita, sin worry cu e pueblo ta muri di hamber. Kico tabata e necesidad pa verf e cas aki na Madiki? Ken ta gaña ken? Y despues di dos siman ta basha e cas abao? Esaki kier meen cu Mike Eman no sa nada di kico e

ta haciendo y e no tin ningun plan.

Carta Abierta na Gobierno Gabinete Mike Eman I na final di su 4 aña di gobernacion a hiba un campaña miyonario cu su lema “ Bon Trabou – Ainda Falta”. Haciendo un cantidad di promesa falso, AVP a logra mantene su posicion y aunke IMF y otronan a adverti gobierno cu e situacion financiero di Aruba ta hopi alarmante, Mike Eman a sigui grita cu situacion ta bon, cu nan a haci un bon trabao y cu AVP no ta un partido di medida. Mike Eman a haya e encargo pa forma un gobierno nobo cu maximo 7 minister, cual ta mas cu logico, pasobra pa luna largo AVP a campaña cu e’a haci un bon trabao cu 7 minister. Si boso a haci asina un bon trabao cu 7 minister, pakico bo ta forma un gobierno awor cu 9 minister?

Di con awor diripente a resulta cu Aruba su finanzas ta den un “megacrisis” y bo ta sconde pa pueblo y laga bo minister di finanzas bin suta pueblo cu no menos cu 18 medida. AVP lo bay den historia como e partido di “megamedida” contra pueblo. Pero prome cu e gabinete aki bin cu tur e medidanan, pueblo ta exigi lo siguiente:*WEB / Elmar/ Setar (di bo tambe), AAA, APA, Banco Central, Apfa”: no ta propiedad di ningun politico y tampoco di ningun Raad van Bestuur/ commissaris of Utilities! Tur e hendenan den e supuesto raadnan aki, lo mester duna cuenta na pueblo di con nan a maneha y gasta fondonan cu ta pertenece na PUEBLO! Nan tur ta PROPIEDAD di PUEBLO y boso no por haci/ deshaci cu ningun di nan! Pueblo ta EXIGI pa ser informa: cuanto miyones Gabinete Mike Eman I y II a saca caba di e empresanan aki,

pa cubri tur e locuranan “green”. A paga my miyon dollar pa Al Gore hiba un discurso cu tur hende por a mira y scucha esaki riba su website. Cuanto miyon a paga na Fundacion Urgenda di difunto Wubbo Ockels? Cuanto miyon a paga na Carbon War Room di e miyonario Richard Branson? E dia lo yega cu pueblo MESTER haya sa, cuanto miyones a ser distribi na tur e locuranan aki y esnan resposabel lo MESTER duna cuenta y carga e consecuencianan! Pueblo ta adverti e gobierno aki, pa prome cu e bin cu MEDIDA contra pueblo, e bay bek na e cantidad di minister cu a haci asina un “bon trabao” di zink Aruba, kita 2 minister prome. Segun informacion den e presupuesto 2014, sr. Mike Eman so tin 134 coordinador cu salario barbaro y riba dje ta haya 25 % toelage. Pueblo ta kere cu 14 coordinador lo ta mas cu suficiente pa Mike Eman, pues e manda 120 coordinador cas, prome cu bin cu medidad contra PUEBLO. E otro ministernan mester haci igual. Nan por keda cu max. 10 coordinador y sin nada di toelage. Tambe e gobierno aki MESTER manda tur e pensionadonan cu nan tin riba payroll cas. Nan tin pensioen di trabao y di AOV , e.o.: Piet Pronk y Eddy Croes, cu ta riba 70 aña, Mito Croes cu tin casi 70, Jan v.d Straten, Alice van Romondt, Gaby Werleman, Diana Croes y ainda falta!

Laga nan bay disfruta di nan pensioen y no mester nombra NINGUN hende na nan lugar. Haci esaki PROME cu boso bin tuma medida contra pueblo.

Diarazon Mei 28 2014

Pagina 4

Chauffeur a pega soño Kaarchinan pa e Gran Final di Vozy dal contra palo di I-Landia 2014 ta riba mercado luz na rotonde di Las Despues cu Aruba solamente 500 kaarchi tuma lugar, lo tin un total completo a disfruta di cu ta obtenibel na Fatima di 1200 lugar disponibel Americas dos tremendo pre final College na Dakota, cu ta pa publico. E finalistanan di Festival Voz-I-Landia Escolar den Categoria A y Categoria B, nos 20 finalistanan ta cla pa e Gran Final. Kaarchinan pa e Gran Final di VozI-Landia 2014 ta riba mercado. Tur participante pa e Gran Final a ricibi nan kaarchinan y a resta

Dialuna anochi pa mas o menos 11’or un chauffeur na stuur di un Volkswagen Caddy a dal contra un palo di luz. Esaki a sosode net pariba di rotonde di Las Americas. Polis di trafico a yega na e sitio y a papia cu

e chauffeur. E chauffeur a conta cu cansancio y soño a hunga un rol. Ambulance tambe a yega na e sitio y e chauffeur a bay cu Ambulance pa un checkeo na hospital, mirando con e auto a keda.

e Sede di Voz-I-Landia.

Fundacion Voz-I-Landia kier corda tur hende pa cumpra kaarchi tempran pa no perde e Gran Final di Voz-I-Landia 2014.

Pa loke ta trata Reinassance Convention Center na unda e final lo

ta den training tur dia na school, na cas y durante e trainingnan general pa por logra gana e titulo maximo pa nan school.

Un competencia di kita somber caminda nos muchanan ta demostra e gran talento cu nan tin.

Muher a pidi polisnan busca su tablet Polisnan a bay dialuna pa 9:55, na Marriott Hotel unda un persona tabata mester di asistencia. E muher S.H. a bisa cu dia 25 di Mei, ora cu el’a baha for di un taxi, el’a perde su tablet y un homber L.M. a haye, pero e muher no kier bay busk’e su so, unda e homber ta keda. Polisnan a bay busca e tablet na Arubiana Inn y a entregu’e na e muher bek.

Diarazon Mei 28 2014

Pagina 5

GOBIERNO TA PAGA 2 MIYON FLORIN PA BAPTIST HEALTH DJIS PA MANEHA IMSAN Minister di Finanzas den su nota financiero a informa cu gobierno di Aruba desde di minister Richard Visser ta pagando Baptist Health 2 miyon florin djis pa maneha IMSAN. Pues, no pa dokter ni servicio, djis pa maneha! Imsan conose su propio director, dr. Rajnherc, un specialista cu masha hopi experiencia, cu tin tur capacidad pa maneha Imsan su mes. Dicon mester di Baptist Health? Ken ta gana parti di e bolo aki di 2 miyon florin?

Anto mientras tanto gobierno ta matando landslaboratorium, pasobra no tin placa.

Enfermeroman na hospital no ta gana suficiente, pasobra no tin placa. Hendenan ta muri wardando cita cu nan specialista pasobra no tin placa. Pero si tin placa, 2 miyon florin, pa regala un instituto Americano, pa haci net net nada na Aruba. Awor cu tanto cortamento, ta eynan mester corta prome. Y hinca e placa den cuido di salud di nos propio hendenan.

Of acaso tin ministernan

Tas cu contenido haya riba veld di Monserat Polisnan a bay dialuna pa 14.37, riba veld di Monserat, unda desconocirnan a haya un tas cu contenido. Polisnan a haya e tas y a pone na warda na disposicion di su do単o. Den e tas tabata tin dos rijbewijs, difeente creditcard, dos celular, un lipstick y un quarter.

of ex - ministernan tin parti den e bolo aki tambe? E abusonan aki mester caba. Mike Eman y e gobierno di AVP kier masacra e homber chikito, pero ta sigui manda mkiyones den saco di esnan cu schouder

hancho. palabra ta na minister di salubridad pa duna cuenta den e prioridadnan equiboca di su gobierno. Ki bal bo hinca 2 miyon den un instituto Americano, anto bo ta mata institutonan Arubano?

Diarazon Mei 28 2014

Pagina 6

Homber mas pisa di mundo a fayece

Dialuna merdia a drenta un informacion cu e cabayero Mexicano Manuel Uribe di 48 aña a fayece. Manuel Uribe tabata conoci pa un di e personanan mas pisa na mundo.

Na aña 2006, el’a logra drenta Guinness Book of Records, como e homber mas pisa na mundo, e tempo ey Manuel tabata pisa 560 Kilo. Despues el’a baha 200 kilo. E perdida

di asina hopi peso a conduci cu el’a cuminsa haya problemanan serio di salud. Na cuminsamento di Mei el’a keda interna na hospital cu problemanan serio di curazon y cu consecuencia cu dialuna durante dia el’a fayece. Esaki e famia a divulga dilanti prensa Mexicano. E homber aki tabata ariba Nat Geo algun tempo atras.

MADURO HEAVY

EQUIPMENT N.V.

Santo pa Basha, Santo pa Pleister, Crushed Sand, Piedra, Tera pa Mata, Graniet. Tambe nos ta

Rosa Tereno, Coba Pos y Fundeshi.

ROOI BOSAL 49 TEL.: 585-1708 FAX.:585-6299

Drs. Booshi Wever di UPP:

NI MUCHANAN DI SCHOOL TA SCAPA DI E MENTIRANAN DI MINISTER ROBIN HOOD!!

E titular di salubridad publico y deporte a duna inicio na e Olimpiada Escolar, señalando cu e ta sostene e iniciativa pa promove habilidadnan deportivo di studiantenan.

E apertura di e Olimpiada Escolar lo tabata un perfecto oportunidad pa splica e audiencia e plan cu e minister lo tabata tin na tapara pa stimula deporte na school y promove movecion bao di e hubentud na Aruba.

Lamentablemente e minister Robin Hood a hunga politica barata, pasobra con por ta posibel cu e "vision di e gobierno" ta "pa promove

mas deporte" y den e mes un rosea e minister di finanzas ta corta sin misericordia den e cartera di salubridad (AZV) y deporte. Esaki riba recomendacion di e propio minister di salubridad. E begroting di 2014 ta stipula cu lo corta den e subsidio pa e fundacion di facilidadnan deportivo y tambe den e subsidio pa deporte. Pakico mi a menciona AZV den e articulo aki, ta pasobra ta conoci cu Aruba tin un problema grandi di malezanan cronico door di un aumento barbaro di diabetes, presion halto y obesidad, y

en vez di inverti den esaki, ta corta. Loke cu corta awe, lo tin como consecuencia cu den futuro nos gastonan medico pa motibo di e problema di sobre peso aki na Aruba, lo ta devastador. Mi a yega di indica caba cu si no actua liher y di un forma contundente, Aruba lo wordo confronta cu un drama humano, medico y tambe financiero. Pero ta parce cu e minister atrobe ta prefera di modela, envez di dedica su tempo pa bin cu un plan y crea fondonan necesario pa evita un tragedia manera menciona.

Diarazon Mei 28 2014

Pagina 7

Relaciona cu Dia di Asuncion:

Horarionan adapta di servicionan di Serlimar En conexion cu e dia liber oficial di Asuncion, gerencia di SERLIMAR ta avisa tur negoshi y e publico en general, di e siguiente adaptacionnan: 1.Rutanan residencial: Riba diahuebs, 29 di Mei lo no tin servicio.

Pa esaki Serlimar ta aplica un schedule adapta, pa unicamente rutanan fiho di Diahuebs y Diabierna: Esakinan lo ser recogi un dia despues di e dia normal. Pues lo recoge tur ruta di diahuebs, riba diabierna 30 Mei. Lo cera e siman, recogiendo rutanan di

diabierna riba diasabra 31 Mei. 2. Parkietenbos W e e g b r u g , Containerpark y Landfill lo opera riba 29 di Mei di 8.00 am – 12.00 pm, esta durante 4 ora. 3. Oficinanan na Paradera y San Nicolas ta habri riba diabierna 30 di Mmei di 7.00 am – 3.00 pm Non-Stop. Lo ta cera riba 29 di Mei y lo asumi servicio riba diabierna 30 di Mei. Pa mas informacion, comunica libremente na 584-5080. Serlimar ta desea comunidad di Aruba un feliz Dia di Asuncion.

Turista perhudica ora cu ladronnan a bay cu nan tas Polis a bay dialuna 14.30 na Baby Beach y nan a papia cu e homber E.M.B. kende a bisa cu e hunto cu su amigo B. cu vakantie y a bay Baby Beach, pa landa. Mas o menos 13.00 nan tabata den lama y a mira ainda nan tas berde riba strand. Un rato despues nan a mira cu e tas no tabata mas eynan. Den e tas tabatin dos paspoort Brasilero, un rijbewijs, 2 creditcard di banco Brasil. Un Iphone 5 preto y dos bril di solo Rayban. Tambe tabata tin e yabi di e auto V-1467 cu ta pertenece na Hertz Carrental. E carrental a wordo poni na haltura cu a trece e yabi di spare. Recherche a tuma e keho y Departamento di Relacionnan Exterior y e consul representando Brasil a wordo poni na haltura. E consul lo bay cerca e dos turistanan pa stempel e documentonan importante pa nan por viaha bek.

Asistencia pa homber cu ta stalk su ex - amiga Asistencia d Polis a wordo pidi dialuna pa 17:00, Central na Royal Plaza na haltura di Swatch, pa un persona cu ta menazando y ta stalk su ex - amiga. Un homber a bay cerca Polisnan y a mustranan e mucha homber cu a menaz’e y e ex cu morto.

El’a bisa cu e amiga ta traha den e lugar Swatch. Polisnan a bay cerca e mucha homber, kende a bisa cu e no ta haci nada malo. Polisnan a mustre cu tin keho di stalking contra dje. Nan a detene y hibe warda di Polis na Dakota y a mustr’e riba su derechonan. Polisnan a ristra na su curpa y a hib’e warda di Polis na Dakota.

Despues cu el’a presenta dilanti Fiscal Auxiliar, e por a bay.

Diarazon Mei 28 2014

Pagina 8

InselAir Aruba ta anuncia destinacion nobo: Georgetown-Guyana InselAir Aruba ta anuncia Vuelonan directo ARUBA-GEORGETOWN-ARUBA Cuminsando for di 18 di Juni, 2014, InselAir Aruba ta cuminsa bula for di Aruba directo pa Geogetown- Guyana.

InselAir Aruba lo opera 2 Vuelo pa siman pa cu e ruta aki. For di awor caba publico general por reserva y cumpra nan ticketnan pa bula e ruta aki na un di e ticket office di InselAir Aruba of via e website www.fly-inselair. com . “Cu e ruta nobo aki di Georgetown, InselAir Aruba ta completa su di 4 ruta directo for di Aruba

como tambe 19 ruta for di Curaçao haciendo asina di InselAir un di e aerolineanan cu mas ruta cu sirbi Caribe y paisnan Panamericano” asina Frederick Nuboer -Chief Executive Officer di InselAir Aruba- a bisa y a continua bisando “Nos lo sigui aña di mas ruta, keda pendiente”.

Tarifa di introduccion: InselAir Aruba ta ofrece, te cu 15 di Juni, 2014, e tarifa especial di intruduccion pa Georgetown di AWG. 35.00(cual ta inclui tur

Tubo di koper a disparce for di YMCA na Dakota Presencia di Polis a wordo pidi dialuna pa 9:15, na YMCA Dakota pa un ladronicia. E muhe L. a declara cu den oranan di anochi, desconocirnan a kita un pida tubo di koper di awa y e lugar a keda sin awa. Central a wordo poni na haltura .

Pa miedo di keda sinta, hoben a nenga di bay school Mayornan R. di un mucha homber di 14 aña a bay warda di Polisnan dialuna pa 8:20 pa pidi intermediacion como cu e mucha no kier bay school mas. Polisnan a bay na cas y ta papia cu e hoben. For di e conversacion a sali cla cu el a bay malo cu un cantidad di proefwerk cu el a traha y e tin miedo cu e lo keda sinta, aunke otro siman e haci su central proefwerknan bon. Polisnan a papia cun’e y bis’e pa e haci su best pa e bay over, pero si e no logra esey, toch el’a demostra cu el’a haci su best. El’ a compronde y a bisa cu e ta bay school .

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

tax). E pasahero por viaha riba e tarifa aki te cu 30 di September, 2014.

Reservacion y compra di vuelonan: E reservacion y compra di vuelonan

por tuma lugar via Travel Agency of na Oficina di InselAir na Rockefellerstraat (Maduro Plaza – Boulevard) of na Queen Beatrix Airport. Pa

mas informacion: InselAir Aruba Rockefeller Office 582-1200 - InselAir Aruba Airport Office - 588-9314

Diarazon Mei 28 2014

Pagina 9

Diabierna awor dia 30 di Mei 2014 na Casibari Café lo tuma lugar un “Bachata Night” pa asina bende e unico 500 kaarchinan VIPstanding cu tin pa e concierto di Prince Royce na Aruba. E concierto mes ta programa pa dia 3 di Oktober 2014 ariba e prome anochi di e di 8 Caribbean Sea Jazz Festival Aruba. E parti di

VIP-standing ta e area cu ta completamente dilanti di e escenario. E evento special pa bende e ticketnan limita aki lo ta for di 6’or di atardi te cu 9’or di anochi. Lo tin animacion musical di Dj Watts y lo tin un tremendo bar y cushina. Apesar cu e enfoke ta riba e ticketnan di e seccion di standing vip lo tin disponibel tambe e

ticketnan general y mesa.

E seccion di mesa lo ta na banda. E presentacion aki di Prince Royce ta halando hopi atencion mirando e exito grandi cu e bachatero aki tin.

Recientemente e la gana diferente premio den e galardon di Billboard. Por bishita www. caribbeanseajazz.com pa mas informacion

Diarazon Mei 28 2014

Pagina 10

Remetido

Boluntariamente nan a sigui busca pa señora secuestra

Ta ken ta paga e A honra dos Polis cu a bay “the viahe priva di Mike? extra mille” Manera a ser anuncia den prensa, sr. Wubbo Ockels a fayece y su entiero a tuma lugar dialuna dia 26 di Mei 2014 na Hulanda, den seno familiar. Tambe a ser anuncia den prensa cu e Fundacion Urgenda di sr. Ockels lo organiza un acto conmemorativo na Amsterdam pa invitadonan cual ta tuma lugar diadomingo 1 di Juni 2014 y cu sr. Mike Eman lo ta presente. Sr. Ockels ta conoci na Hulanda como un astronauta y ultimo añanan a dedica su mes na e topico durabilidad. Ta conoci cu sr. Ockels – cu basta dificultad- a viaha di Hulanda pa Aruba cu su boto Ecolution y cu e encargo pa duna presentacion na diferente school di enseñanza avanza. Sr. Ockels a termina cu su encargo na Aruba y tabata den deliberacion cu Corsou pa otro encargo. Kico exactamente ta e rendimento di e encargo di sr.

Ockels na Aruba, no ta conoci y tampoco ningun hende sa cuanto gobierno di Aruba a paga pa e encargo aki. Ta ser bisa cu esaki ta mas di un miyon (euro of florin?). Lamentablemente, sr. Ockels a fayece siman pasa na Hulanda. Manera sr. Mike Eman a bisa, sr. Ockels tabata su amigo. Sr. Ockels a haya un encargo di pais Aruba y a ser paga pa haci e encargo. Esaki ta mescos cu cualkier acto comercial, na unda pais Aruba ta paga pa ricibi cierto prestacion. Sr. Ockels no ta un figura politico y tampoco ta den gobernacion di Hulanda, pues e hecho cu sr. Mike Eman lo bay Hulanda pa asisti na e acto conmemorativo, ta un asunto totalmente priva di sr. Mike Eman. Awor e pregunta ta lanta ;den un caso asina y bao di e circumstancia nan financiero penibel cu Aruba ta pasando aden, e viaje di sr.

Eman y su delegacion pa Hulanda y nan estadia aya, ta e pagador di belasting Arubano mester paga pa esaki of esaki mester ta completamente pa cuenta di sr. Mike Eman personalmente ? Of ta Utilities a paga atrobe? Aruba tin su representacion na Hulanda cu ta Arubahuis (cu ta costa pueblo algun miyon euro) y lo mas logico ta cu e Minister Plenipotenciario, mester representa Aruba na e acto conmemorativo na Amsterdam di Fundacion Urgenda. Esaki lo no costa Aruba nada extra. Cada ken di Aruba cu bay Hulanda pa e acto menciona, lo MESTER paga e gastonan envolvi di nan propio saco!

Lugar di recreo na Washington a haya bishita di ladron Polisnan a bay dialuna pa 11:13, na Washington pa un ladronicia.

E homber D. a bisa cu dia 25 di Mei, pa mas o menos 6:30 el’a mira e porta blanco di e cuarto habri banda di e localnan 6 te cu 10, cu ta panort den e cura. Ora cu el’a bay controla, a resulta cu e porta tabata forza. El’a mira cu nan a destrui e cana di coriente y a mira algun pipa. Despues cu el’a bay controla e resto di localnan, a resulta cu ladronnan a bay cu mas o menos 40 meter di tubo di koper. Segun D. e ultimo dia cu sigur tabata tin coriente ta dia 9 di Maart. E muher di D. a bisa cu el’a mira cu e porta tabata habri dos dia pasa. El’a bisa cu el’a mira cuatro homber riba e tereno y a duna descripcion di nan. Ora cu nan a wordo atrapa, nan a bay for di e sitio. Polis a tuma e keho.

Algun tempo pasa tabatin un caso masha lamentabel unda cu un yiu a secuestra su mama. E homber a expresa e menaza di kier caba cu e bida di e señora di edad. Polisnan tabata riba alerta completo y a cuminsa di biaha cu un buskeda masha grandi.

Danki na e esfuerzo combina di tur colega den Cuerpo Policial, a logra haya e señora y a detene e yiu. Mirando e urgencia pa haya e señora y trece bek pa su famia “sano y salvo”, den e buskeda aki a participa coleganan voluntariamente, sin preocupa si nan ta bezig den ora di trabao of no.

Esaki ta un expresion di Cuerpo Policial en general di e compromiso fuerte cu nan tin cu nos comunidad y cada miembro individual di nos comunidad. Como muestra special di aprecio pa R.J.A. Van der Burg y R. Holewijn, kendenan a traha pafor di nan oranan di trabao pa sigui cu e buskeda, Alto Comisario mr. Adolfo “Dolfi” Richardson a haci entrega dialuna di un “oorkonde” na e Polisnan aki cu a bay “the extra mile” pa contribui na siguridad di nos pais.

Alto Comisario Richardson a comenta, “Polis bo no ta bira solamente pa bo salario. Polis ta - manera nan ta bisa- un “toewijding” y e mester ta den bo. E momento cu bo tin un sinti pa e siguridad, echt e seguridad di hende, y bo ta bay “the extra mile”.

Esey ta echt locual mi kier mira den tur Polis. Y, p’esey mi ta contento cu ainda Cuerpo Policial ta consisti di coleganan cu ta bay “the extra mile” y p’esey nos kier reconoce e coleganan na momentonan asina.” Cuerpo Policial ta contento di por conta cu Polisnan dedica, determina y cu curazon pa nos comunidad y e siguridad di nos ciudadanonan.

Diarazon Mei 28 2014

Pagina 11

Parlamentario di MEP, sr. Dangui Oduber

No ta e pueblo a malgasta e placa e ultimo 4 añanan pero e gobierno aki ta pone e pueblo bay paga pe!

Manera ta ser bisa den nos papiamento criyoyo cu despues di tur bon fiesta ta sigui un mal wayaba. E gobierno aki tin henter e pueblo awor aki mal wayaba. Despues cu a viaha, organiza green conference, organiza ‘Europe Meets America’, trece nombernan grandi Aruba, malgasta placa na voorlichting en promotie, malgasta placa na 2 tram cu no a duna resultado awe pueblo ta haya e cuenta presenta.

E gobierno aki a haya un situacion financiero bon na 2009. Si nan ta bisa cu e situacion na 2009 tabata malo manera cu nan ta pretende pakico no a cuminsa tuma medida e tempo ey anto.

Nan a laga 5 aña pasa anto awor bin realiza cu e situacion ta malo. No pueblo, e unico culpable y responsabel ta promer minister Mike Eman y su gobierno. Nunca antes visto un gobierno mester tuma asina tanto medida na Aruba. Desde aña 1986 nunca pais Aruba a conoce un gobierno cu ta bay castiga e pueblo y e pueblo su cartera manera e gobierno aki ta haciendo y lo bay haci. Den e nota pa presupuesto 2014 presenta pa minister di finanzas, sr. J.D. Yrausquin ta para cu e gobierno aki lo bay tuma nada mas y nada menos cu 18 medida. 18 medida lo ser tuma pa por reduci e gastonan di gobierno cu 110 miyon florin. Den tur e cortamentonan aki y e medidanan aki a straña nos masha hopi cu nos NO a mira un reduccion den gasto di viahamento, un reduccion den gasto di coordinadornan, un reduccion den gasto den ‘voorlichting en promotie’, un reduccion den gasto den huur di di edificionan manera Rietveld. Mientras e

fiesta ta sigui pa gobierno e pueblo ta esun cu lo mester bay sacrifica y e pueblo ta esun cu tin cu bay paga pa e maneho cu a ser hiba e ultimo 4 añanan. E gobierno aki semper ta propaganda comunitarismo. Con un gobierno cu ta promove percura pa e ser humano ta tuma medidanan asina cruel ariba e lomba di e pueblo. E gobierno aki ta bay corta 4 miyon florin den e bijstand y onderstand di nos handicapnan. Un gobierno sin gevoel y un gobierno sin interes pa nos handicap nan por tuma un decision asina aki. Ningun caminda na mundo ta castiga esnan handicap y aki na Aruba e gobierno aki si ta bai hacie. Ta corta den subsidio di deportistanan, ta corta den subsidio di nos grandinan, ta bay kita mas cu 300 contractant for di trabao, ta bay cobra 25 florin pa recoge sushi.

Un otro medida cu ta bay haci nos grandinan hopi dolor ta e cortamento den e duurtetoeslag.

Ta bay corta 11 miyon den duurtetoeslag y aki tur pensionado lo bay cobra menos placa. No solamente ta bay corta den e pensioen di nos randinan sino tambe ta bay pone e amnbtenaar traha mas largo. Cu e gobierno aki pueblo tin cu bay traha mas, paga mas y haya menos. Un gobierno abusador so ta haci esaki cu nos grandinan.

Imagina cu apenas e placa di e pensionadonan ta yega pa por biba anto awor ta bai corta den nan pensioen.

Kico e pueblo aki a haci e gobierno aki pa haya e trato inhumano aki?? E pueblo no por acepta e pakete di medidanan aki y ta e pueblo so por para e abuso aki cu gobierno

kier comete contra dje.

Partido MEP no lo a scoge pa castiga e pueblo asina aki sino cuminsa na reduci e cantidad di ministernan di 9 pa 7.

Despues lo corta den voorlichting en promotie, green conference, Europe meets America, green corridor y e 2 tram extra cu a wordo busca!

Si corta den tur esaki nan gobierno por reduci masha hopi placa pero ta scoge pa castiga e pueblo envez di stop cu nan fiesta y show. Tur cos ta cuestion di unda bo ta pone prioridad como gobierno y e gobierno aki claramente tabata tin prioridadnan robez!

Diarazon Mei 28 2014

Pagina 12

MOLESTER DI SANGURA PRETO

Dienst Gele Koorts Muskiet Bestrijding (GKMB) kier a comunica na pueblo di Aruba cu a intensifica e accionnan den mangel rond di Savaneta y Pos Chikito.

Durante control rutinario y preventivo pa cu e sangura Aedes taeniorhynchus (sangura preto) por a tuma nota cu e populacion di e sangura aki a subi.

Pa e razon aki GKMB a ranca sali dialuna cu 3 grupo den e mangelnan pa trata e criaderonan di e sangura preto cual ta bay simultaneamente cu marea di lama. Como larvacida GKMB a usa un

producto completamente natural cu ta consisti di toxina di e bacteria Bacillus thuringiensis var. Israelensis. Esaki a wordo usa den forma likido cual ta Vectobac y forma granular cu ta Aquabac.

Tambe GKMB a y lo continua cu fumigacion di “Hotspots” pa baha e populacion di sangura preto. E accionnan ta andando y GKMB ta haciendo su maximo esfuerzo pa controla e sangura Aedes taeniorhynchus cual no ta transmiti Dengue, pero si ta causa hopi molester!

Minister Dr. Alex Schwengle na apertura di Olimpiada Escolar Ban sigui motiva nos muchanan pa sigui riba e caminda aki Recientemente a duna inicio na Olimpiada Escolar, anto den gran forma.

Anualmente studiantenan di mayoria school tur rond di nos isla, ta mustra nan habilidad nan deportivo, nan nivel di competencia y di disciplina. Minister Dr. Alex Schwengle, encarga cu maneho di Salud Publico y Deporte, ta sostene e iniciativa aki. E mandatario tabata presente na e evento di apertura y a enfatiza cu e desfile di tur e schoolnan cu a clasifica pa e olimpiada tabata masha bunita mes. Nan a trece e candela olimpico y e parti protocolario tambe tabata fantastico, principalmente e show presenta a cay masha na agrado di tur e invitadonan. Pa Minister Dr. Alex Schwengle, ta importante pa hobennan participa y demostra nan interes den movecion, nan interes den haci deporte y di competi contra otro. E vision di Gobierno ta pa promove mas deporte, pero separa di esey, promove pa nos pueblo move mas. Den esey ta cuminsa na e muchanan caba, cu for di chikito mester adapta na un cultura nobo di movecion y di biba saludabel.

Minister Schwengle ta felicita tur e participantenan den e Olimpiada Escolar 2014 y ta encurasha nan pa sigui practica deporte y haci nan best.

E hobennan aki mañan lo ta esnan cu lo saca cara di Aruba. “P’esey ta importante pa motiva nan pa sigui riba e caminda aki, haciendo movecion y participando den e tipo di eventonan bunita manera esaki”, asina e mandatario a termina bisando.

Diarazon Mei 28 2014

Pagina 13

Curso “Pensa positivo” Cu sumo placer Brahma Kumaris Aruba ta organiza un curso di Pensa positivo.

E curso aki ta tuma luga diasabra y diadomingo awor, 31 Mei y 1 Juni den centro di Brama Kumaris cu ta keda na St. Cruz 113, banda di Kenro Jewerels. E curso ta consisti di 5 diferente topiconan cu lo keda reparti riba e 2 dianan.

Orario: 6.00-9.00pm Temanan cu lo ser trata durante di e curso ta: Kico ta pensamentonan y di unda nan ta bini?

Con personalidad ta ser crea? Con habitonan ta

ser crea y con nos por libera nos mes di mal habitonan? E balance den nos mes y e 8 podernan mental. Tur e diferente topiconan lo ser brinda den un forma interactivo por medio di tareanan.

Pensa positivo ta un di e diferente cursonan cu Brama Kumaris World Spiritual Organisation sa organiza pa comunidad.

Tur curso di Brama Kumaris ta liber di costo.

Pa mas información por yama Cel# 5643106;w w w.bkwsu. org

Drs. Booshi Wever di UPP:

PENSIONADONAN A BIRA “KIND VAN DE REKENING”!!!

Historia di humanidad a conoce diferente clarividente, siendo Nostradamus esun cu mas a yama atencion door di profecianan cu e a pronostica. Ami no ta un profeta, al contrario semper mi a laga mi common sense, mi experiencia como politico/gobernante y un estudio profundo di e finanzas publico di e pais Aruba, ta e guia pa formula mi pensamentonan.

No mucho tempo pasa den un articulo mi a alerta riba e situacion fragil cu APFA ta aden. Mi a señala cu e dekkingsgraad di 77.5% (mester ta 100%), aumento di edad di pensioen te cu 65 aña, y “aanpassing van de toekomstige jaarlijkse opbouw van 2 naar 1,75 procent” ta significa cu e gobierno a cuminsa tuma medidanan contra nos personanan di tercera edad. Lamentablemente mi profecia a resulta di ta ainda mas pio di loke mi mes a pensa. E minister di finanza a dicidi di tambe “rationaliseren van de duurtetoeslag”.

Kico esaki kier meen?

E duurtetoeslag a wordo diseña como compensacion pa aumento di costo di bida na lugar di aumenta e pensioen basico pa motibo di indexering.

Rationaliseren ta significa reorganiza e sistema cu e duurtetoeslag a wordo implementa. Loke tur e palabranan grandi cu e minister di finanzas a usa, ta djis pa splica cu tambe lo baha e duurtetoeslag.

OTRO MEDIDA DESCABEYA CONTRA E PENSIONADO NA UNDA E PENSIONADO LO BAY ENTREGA GRAN PARTI DI SU PENSIOEN PA LUNA! E pensionado ta hay’e ta paga pa tur e medidanan

introduci door di e gobierno maligno aki, manera e contribucion propio di AZV, mester bay paga Serlimar, etc. etc., y tur esaki lo tin como resultado cu e pensionado lo keda cu menos placa den su cartera. E consecuencia directo di esaki ta cu algun pensionado lo haya nan mes obliga di busca un trabao y asina trata di evita di bay pidi limosna.

Mientras tanto e gobierno, y principalmente sr.

Rene Herde, a hiba un campaña politico den 2013 na unda a priminti cu e lo para duro pa defende e interes di e pensionadonan.

Realidad amargo ta cu ta e mes un sr. Herde aki ta esun cu ta yudando gobierno masacra y hinca

e pensionadonan den pobresa, a sabiendas cu sr. Herde sigur ta na altura y ta co-culpabel di con su gobierno a malgasta placa e ultimo 5 añanan (mira graficonan adhunto 3.1 y 3.2). “Mi ta contento di por a scucha cu algun sindicatonan como tambe e presidente di POHA sr. S. Thijssen a dicidi di lanta para pa informa nos pueblo y especialmente nos pensionadonan pa no acepta en absoluto e medidanan cu gobierno kier impone riba nan.

E PUEBLO SO POR SALBA E PUEBLO .

NO BAN ACEPTA E MEDIDANAN INHUMANO CU GOBIERNO KIER PASA DOOR DI NOS STROT

Diarazon Mei 28 2014

Pagina 14

Publicacion di rapport di Algemene Rekenkamer cu ta encera investigacion di cuenta anual di pais Aruba di aña 2012.

Ehecucion optimal di tarea di Parlamento ta imposibel pa motibo di tardanza y deficiencia di e cuenta anual di Pais Algemene Rekenkamer a publica su rapport di investigacion di cuenta anual di pais Aruba (Pais) pa aña 2012. Cu e rapport aki Algemene Rekenkamer ta desea pa pone enfasis riba e importancia di e responsabilisacion financiero na tempo y adecua di gobierno encuanto e ehecucion di e presupuesto. Sin esaki, Parlamento no por ehecuta su tarea optimalmente. Pesey Algemene Rekenkamer ta aplaudi cu Parlamento a haci e minister di Finansas preguntanan tocante, entre otro, e cuenta anual di aña 2012 y tambe encuanto e plannan pa mehoracion di e maneho financiero di pais Aruba.

Despues di a logra actualiza tur e cuentanan anual, atrobe tin retraso den entregamento di e cuenta anual: Na aña 2012 a logra actualiza tur e cuentanan anual conhuntamente cu e investigacion di e cuentanan anual di Pais.

E cuenta anual di aña 2011 a wordo entrega na tempo. Pesey ta di lamenta cu e cuenta anual di aña 2012 atrobe no a wordo entrega den e termino legal na Parlamento. E retraso den entregamento di e cuenta anual tin consecuencianan negativo pa e ehecucion di control door di Parlamento. Gobierno mester percura pa e cuenta anual di Pais wordo entrega na tempo.

Resultado y recomendacionnan: Algemene Rekenkamer a limita su investigacion mescos cu e aña anterior na trabaonan minimo, pa motibo cu ainda tin deficiencianan structural den e sistema di administracion financiero y e calidad di e cuenta anual ainda ta hopi abao.

E deficiencianan a haci cu un investigacion profundo y eficiente no ta posibel. Algemene Rekenkamer ta conclui cu e cifranan di e

cuenta anual 2012 ta cuadra suficientemente cu e cifranan den e sistema di administracion financiero di e Pais. Algemene Rekenkamer no a controla si e cifranan den e sistema di administracion financiero ta corecto, completo y/of legitimo. Algemene Rekenkamer a constata cu den aña 2012, mescos cu e aña anterior, e presupuesto a wordo surpasa sin cu tabata tin autorizacion di Parlamento di antemano pa esaki. Pa e motibo aki Parlamento no por a dicidi di antemano riba e gastonan presupuesta. E derecho di Parlamento pa pidi splicacion y pa cambia e presupuesto unda ta necesario, e asina yama ‘derecho presupuestario’, ta wordo afecta den forma negativo. Algemene Rekenkamer ta nota un mehoracion leve den e presentacion y e splicacion den e cuenta anual. Algemene Rekenkamer ta recomenda minister di Finansas pa sigui duna commitment pa mehoracion di e maneho financiero door di formula metanan concreto cu por wordo midi y pa stipula e metanan aki riba nivel gubernamental. E mehoracion di e maneho financiero lo tin un influencia positivo riba e calidad di e cuenta anual. Ta di suma importancia cu e minister di Finanzas percura pa cumpli cu e termino legal pa entrega e cuenta anual y e presupuesto di Pais. E minister lo tin cu tuma e medidanan necesario pa gastonan cu ta menaza di surpasa e presupuesto, wordo presenta na Parlamento na tempo y conforme e procedura legal. Tambe ta importante pa percura pa mehora e contenido di e splicacion di e cifranan den e cuenta anual. Por ultimo Algemene Rekenkamer ta haya hopi importante pa Parlamento y gobierno haci compromiso concreto tocante e suministro di informacion, e

gestion financiero, como tambe e mehoracion di e maneho financiero. E suministro di e informacion aki mester ta periodicamente, na tempo y den forma adecua.

Reaccion di minister di Finanzas: Minister di Finansas a duna su reaccion riba e rapport di Algemene Rekenkamer. Den su reaccion e minister ta declara cu e lo compromete su mes pa e aña aki actualiza e retrasonan den e proceso di presupuesto y responsabilizacion. E cuenta anual di aña 2013 y e presupuesto di aña 2015 lo wordo entrega den e termino legal. Minister ta bisa tambe cu e lo tuma medidanan den e proceso pa drecha e supervision riba e ehecucion presupuestario. Ta e intencion tambe pa traha un plan di ehecucion pa mehoracion di e maneho financiero di pais Aruba cu lo wordo presenta na Parlamento no mas tarda cu 1 di September 2014. Algemene Rekenkamer ta haya e promesanan di minister pa loke ta trata actualisa e retraso di e cuenta anual algo positivo. Tambe Algemene Rekenkamer ta haya bon cu minister ta compromete su mes pa pone orden na e maneho financiero di Pais. Un solucion structura ta necesario y Algemene Rekenkamer ta di opinion cu e cambionan mester ta visibel den termino corto.

E rapport di Algemene Rekenkamer ta disponibel den forma digital ariba: www. overheid.aw y por wordo pidi via e-mail: rekenkamer@aruba.gov.aw, of na telefon 582-5448.

Diarazon Mei 28 2014

Pagina 15

Team di Digicel di bishita na Traimerdia Kudawecha

Programa di lesamento di Digicel Aruba y Traimerdia ta divertido y exitoso

E team di Digicel ta bishitando e diferente centronan di Traimerdia pa experencia con ta bayendo cu e

programa di lesamento cu nan a establece hunto pa encurasha y yuda e hobennan Extraordinario di nos

isla pa mehora nan habilidad di lesamento.

E programa ta diseña di tal forma cu pa medio di diferente

tema y un acercamento integra ta promove principalmente e balor, gusto y amor pa lesamento. “Lesamento ta dushi” y lesamento ta importante pa desaroyo di e mucha y e hoben, pa su estudio y bida diario. Y, cu e mensahe aki Digicel a ofrece e programa aki riba peticion di Traimerdia, unda cu e lidernan di grupo ta percura pa incorpora e tema di e programa den e otro areanan di actividad tambe y asina subraya e elemento recreativo y dibertido di lesamento.

E team di Digicel a priminti di pasa bishita e diferente centronan no solamente na momento di apertura of na final di un programa, pero tambe pa bishitanan unda cu nan por haya un bon impresion di e impacto di e programa.

Durante e bishita siman pasa na Scol Basico Kudawecha, e team di Digicel a experencia con e muchanan ta goza di e programa.

E tema cu a wordo scogi pa e periodo aki na Kudawecha ta “Recycling”. “E bishita tabata hopi great,” e team di Digicel a conclui, añadiendo cu nan ta contento di por contribui cu un

programa asina valioso.

Den Traimerdia, Digicel a haya un partner valioso pa inverti un donacion extraordinario cu e compania di telecomunicacion tabata buscando pa haci na Aruba. Den cuadro di e promesa di e compania pa “Ta Extraordinario”, Digicel tabatin como meta pa contribui na un comunidad mas fuerte y positivo, y a bin riba e idea pa presenta un proyecto pa nos hobennan y contribui cu nan enseñanza y consecuentemente nan futuro carera na school y den trabao.

Traimerdia ta un programa di despues di school cu a wordo crea pa Gobierno di Aruba na aña 1996 pa brinda guia y cuida mas di 1000 mucha di 4 pa 12 aña den oranan di atardi. Den schoolnan rond Aruba a crea e centronan unda e muchanan ta ricibi guia cu huiswerk, nan ta hunga y participa na programanan cu ta promove siñamento y creatividad. Desde 2012, Digicel a bira un partner di Traimerdia y e mas di 1000 muchanan cu ta pasa nan atardi na e centronan di dialuna pa diabierna.

Diarazon Mei 28 2014

Pagina 16

Conferencia Internacional di Lenga Crioyo na Aruba Di dia 5 pa 8 di Augustus proximo Aruba lo ta escenario di e di 20 Conferencia Bienal di Society for Caribbean Linguistics (SCL).

Fundacion Lanta Papiamento ta anfitrion di e conferencia aki cu SCL ta organiza hunto cu Society for Pidgin and Creole Linguistics (SPCL) y Associa巽達o de Crioulos de Base Lexical Portuguesa e Espanhola (ACBLPE).

Biblioteca Nacional di Aruba,

Instituto Pedagogico Aruba (I.P.A.), Directie Onderwijs y Departamento di Cultura y Grupo Corector di Papiamento tambe ta haci realizacion di e conferencia aki posibel. E conferencia ta tuma lugar na Holiday Inn Resort. E tema di e conferencia di Lenga Crioyo e a単a aki ta Caribe awe: Consenshi Linguistico y Desaroyo di Idioma. Tin diferente orador versa den e topico cu ta bini for di Jamaica, Cabo Verde, Corsou y Aruba mes.

Idioma Papiamento lo tin un sala special cu atencion propio den e conferencia di e a単a aki.

Banda di e linguistanan internacional y local cu lo participa den e conferencia, Fundacion Lanta Papiamento lo kier mira participacion tambe di tur hende cu ta usa idioma como herment principal den nan trabao di tur dia. Por ehempel maestro, tanto di idioma como di otro materia, studiante di idioma en particular y di otro materia en general, escritor, periodista, comunicador y cualkier persona cu tin interes den e materia. Pronto ta sigui mas informacion tocante e conferencia interesante aki cu den luna di Augustus ta tuma lugar na nos isla.

Pagina 17

Diarazon 28 Mei 2014

Resultado y Schedule Campeonato Mens Erger Je Niet LIVE 2014 Diabierna ultimo bao tononan glorioso di Aruba Dushi Tera, Campeonato Mens Erger Je Niet LIVE 2014 a start sali cu un colorido y impresionante desfile di 64 equipo participante. Sigui despues pa partido inaugural unda e nobatonan di Bisiña cu Storia y Psst Eyden merecidamente ta clasifica pa Pool “A” como number uno y number dos respectivamente.

Weet Niks y Smiling Faces #2 ta clasifica como number tres y cuatro pa Pool “B”.

Su siguiente dia Diasabra 24 di Mei 8’or Entrenos Family cu tactica ta segura puesto number uno pa Pool “A”, sigui pa Angels & Demons como number dos. Rooi Afo Fan Club como number tres y Happy Minions number 4 ta clasifica pa Pool “B”.

Di dos ronda di anochi tabata tin como resultado Setar clasificando number

uno pa Pool ”A” sigui pa Madiki Pa Bo como number dos. Pa Pool”B” ta clasifica Heavy Yiu #1 na puesto number tres y W.T.F. puesto cuatro.

E fin di siman aki tin un anochi so di wega so riba

programa. Diabierna 30 di Mei pa 8’or ta enfrenta otro Hat Masters (geel), Hot Ones Band (berde), Waki Dogs (corra) y The Fabulous Girls (preto). Di dos partido di anochi ta programa pa start 10’or

cu equiponan Leysner & de Cuba (geel), Total Services (berde), I Like My Job (corra) y Sticky Girls (preto). Sin duda algun un diabierna cu ta priminti di bira uno interesante riba cancha di Mens Erger Je

Niet LIVE. Varios equipo nobo e aña aki treciendo asina mas ambiente na bo popular actividad deportivo. Centro di Bario Brazil ta conta cu bo presencia.

Pagina 18

Diarazon 28 Mei 2014

Resultado di e ultimo Street Legal di luna di Mei Diasabra ultimo un biaha mas amantenan di speed na Aruba por a yega Palo Marga pa asina practica nan deporte preferi di velocidad halto na un manera responsabel y reglamenta. Mester remarca cu henter luna di Mei tur weekend e pista di Palo Marga tabata habri pa un of otro actividad di speed y esaki ta danki na e oficialnan cu

voluntariamente ta pone nan oranan disponibel pa bay Palo Marga pa di e forma aki e actividadnan por a continua. Diasabra e categorianan Street Legal Auto, Brommer y Scooter a mira accion riba e pista di Palo Marga y e resultadonan a keda como lo siguiente: Street Legal Auto 1. Gianno Angela

pasa registra na toren)

2. Aldrick Trimon

E proximo actividad riba pista di Palo Marga lo ta e One Day Bracket dia 7 di Juni proximo unda e categorianan Jr. Dragster, No Box, Box y Sportsman Bike lo mira accion riba pista di Palo Marga.

Tambe lo bay tin un show special pa e publico pa bin waak un auto cu ta hopi den reverse.

Street Legal Brommer 1. Pierre Wever 2. Micheal Wever Street Legal Scooter 1. Raymond Tromp 2. Scooter 281 (mester

Pagina 19

Diarazon 28 Mei 2014

SOLO Local......

BLUEFINS CU OTRO VICTORIA DEN BB-AA

Ta haci tur trabao Ta haci trabao di metslacarpinte- verf- plummingdrecha dak- plafondwelder- coriente- kap mata- haci cura limpi.

Yama 563-8188/585-1147

Ta bende

 un mesa di biljard hopi bon condicion pa inf yama 5610148 / 5673062

Diasabra atardi den Stadion Nady Croes / Crismo Angela e dos equiponan di Baseball AA: Bluefins y Braves a enfrenta otro. Ya den prome inning Bluefins ta anota 5 careda mientras cu Braves ta anota 1 den di 4, 1 den di 5 y 2 den di 6 inning pa yega na un total di 4 careda. Bluefins ta sigui anota 3 den di 6 y 3 den di 7 pa alcanza 11 careda. Asina Bluefins ta bay cu e victoria cu 11 careda, 11 hit y 0 eror.

Braves: 4 careda, 5 hit y 2 eror. Pitcher ganador: Jordan Croes y perdedo Wally Vrolijk.

Mihor bateadonan pa Bluefins ta Ivan Dijkhoff 3-2 y Gerson Croes 5-2. Pa Braves e mihor bateador a resulta Giovanni Lane cu 2-1. Chief umpire tabata Nelson Patino,

base umpirenan tabata August Reyes y Eduardo Cheong. Scorer: Harold Gonzalez. Y no lubida cu tur anochi tin wega di

BB-AA den Stadion Nady Croes / Crismo Angela cu excepcion di diadomingo.

TRAPPERS CLUB - Fiesta, reunion, ricibimento, bruid, fiesta grandi o chikito.

- Workshop, reunion, reunion deportivo, encuentronan di iglesia.

- Area openlucht ta acomoda 1000 persona - 2 Sala airco cu ta acomoda te cu 400 persona - Area openlucht cu stage, pa festival, iglesia, fiesta familiar - Remodel’a Situa pariba di Botica Central, pabao di veld di Rockets @ Sta Cruz 739-0101 / 748-8280

Pagina 20

Diarazon 28 Mei 2014

Solo Local......

Danica Delamore di Brazil Taekwondo Stichting a ricibi e vergunning pa e fiesta di 'N Fuzion y Rincon Boys Brazil Taekwondo Stichting kende ta organisando un fiesta pa recauda fondo pa e team

di Train Hard Fight Smart pa asina representa Aruba internacionalmente a haya e vergunning pa e fiesta

for di Vanessa Koolman.

Danica Delamore tabata masha contento di por a ricibi e vergunning pa

asina sigura cu e fiesta por sigui oficialmente. Brazil Taekwondo Stichting ta conta cu e pueblo awor pa bin gosa di un anochi bailabel di e dos bandanan na unda cu tur fondo ta bay pa e atletanan di Train Hard Fight Smart cu ta biahando dia 13 di Juni pa Suriname.

Brazil Taekwondo Stichting tin practicamente tur cos cla pa e fiesta di diasabra awor den Centro di Bario Brazil. Un di e cosnan cu pueblo por conta cune ta cu lo bay tin security ta vigila tur e autonan.

Pagina 21

Diarazon 28 Mei 2014

Solo Local......

Predadornan di Bluefins ta sigui impresiona ganando Braves cu score di 11-4 Jordan Croes cu su prome victoria den 2014

Bluefins 11, Braves 4

1-2-3-4-5-6-7-8-9-R-H-E

BF 5-0-0-0-0-3-3-0-x-11-11-1

Minister di Asuntonan Social, Hubentud y labor drs. Paul Croes:

Tabata un satisfaccion di por a combersa cu e cuidadano di mas edad na Aruba

BRVS: 0-0-0-1-1-2-0-0-X-4-5-3 W: Jordan Croes (1-0) - L: Wally Vrolijk (0-1) -SV: (0) Diasabra anochi e guynan den blauw ta descarga nan ofensiva contra Braves conectando 11 hit contra di Braves bon pa gana e partido cu score di 11-4. E hoben talento Jordan Croes a start su prome wega den 2014 y ta impresiona tirando 5 inning di bon baseball permitiendo unicamente 2 careda limpi y ta poncha 5 bateador. Croes tabata varia su lanzamentonan y tene e ofensiva di Braves desbalansa door di cambia velocidad y bon dominio di su curva pa strike. Coaching Staff sigur ta mira un otro arma cu nan ta posee. Despues di wega manager ta elogia e organizacion cu ta keda produci “home grown talent” den nan sistema di liga menor. E organizacion ta consisti di diferente team cu ta traha duru aña den y aña afor produciendo peloteronan for di 5-6 aña te AA. E trabao incansabel aki ta bao supervision di president di Stichting Marlins, sr. Milton Croes cu tin e bienestar di e organizacion na su pecho. Pa Braves a habri e pitcher prospecto derecho Wally Volijk, un hoben sigur prometedor cu bon velocidad. Pero e ofensiva di Bluefins no a tarda y a pone 5 careda riba e scoreboard den

e promer inning atraves di 4 Hit y cu ayudo di un throwing error di e pitcher mes. E inning por tabata mucho mas productivo si no tabata pa un call hopi controversial di e umpire di tercera base cu a canta Aldair Croes out riba un base claramente roba. Despues di e inning number 1 e pitcher di Braves, Vrolijk a settle down y a buta un paar di zero riba e score board, mientras cu Braves a piki un careda den inning number 4 y otro mas den inning number 5 pa corta ventaha y e score a bira 5-2, pero den cabez di inning number 6 Bluefins a conecta 4 hit oportuno pa score 3 careda y amplia e wega su score na 8-2. Den bom di inning number 6 Braves a bolbe menaza y a logra anota 2 careda mas apoya pa un eror mental di e cuadra di Bluefins y e partido a bira 8-4. Bluefins no a rindi y a habri e inning number 7 y a bolbe buta 3 careda mas riba e score board, atrobe cu un doblete oportuno di e Aigil Brete caminda e veterano Ivan Dijkhoff a leg out e doblete y anota for di primera base pa haci e tablero 11-3 na fabor di Predadornan Blauw di Bluefins cu a bira e score final di e partido tambe. Edrick Oduber a drenta di relevo pa Jordan

Croes den inning number 6 y a silencia e ofensiva di Braves cu 3 bon inning.

Oduber a enfrenta un total di 11 bateador, no a permiti careda limpi, a poncha 3 y a otorga 2 base por bola.

Worth Noting: Xiovon Jansen a lead off e wega cu un doblete den left field y a set e tone pa 3 hit mas cu tabata bon pa 5 careda.

Jordan Croes a cuminsa e wega cu un score comodo di 5-0 na su fabor y e equipo no a waak patras bringando inning pa inning pa retene e liderazgo di score. Mihor Bateadornan pa Bluefins tabata Ivan Dijkhoff 4-2 2RBI, Xiovon Jansen y Gerson Croes tur dos di 5-2 1RBI. Mihor Bateadornan pa Braves tabata R. Cornelio di 2-1.

Bluefins su next wega ta diabierna diamars 3 di Juni contra Atco Indians riba veld di Crismo Angel-Nadi Croes. Wega lo cuminsa 7:45 pm. Tur fanaticada y amante di baseball en general y e famia blauw di Bluefins, Blue Claws y di e organizacion di Westpoint Baseball Club y Stichting Marlins ta cordialmente invita pa bin apoya nos hobennan cu lo sali todo por todo en busca di nan tercer victoria di temporada 2014.

Ayera dia 26 di Mei Minister di Asuntonan Social, Hubentud y Labor a haci un bishita special na e ciudadano mas grandi di Aruba esta Maria Anette Maduro kende a cumpli 105 aña. Un bunita edad cu “Mai” ta celebra ta un bendicion di Dios. Hopi generacion a wordo educa door di sra. Maduro. Sra. Maduro ta un persona cu ta gusta papia y ta expresa su opinion den su combersacionnan. Esey

el’a demostra tambe ora di a combersa cu Minister drs. Paul Croes riba su fecha natal. “Mai” ta fuerte y ta feliz cu su famia, nos a comprende cu Mai tin 15 yiu, 49 nieto, y 73 bisanieto y 39 tataranieto, y tur ta celebra awe den grandi hunto cu demas famia y conocirnan. Minister di Asuntonan Social, Hubentud y Labor a desea Mai hopi bendicion, felicidad y salud cu su 105 aña.

Pagina 22

Diarazon 28 Mei 2014

SOLO Deporte......

Drs. Mervin Wyatt-Ras:

Dia 28 di Mei tin groundbreaking di renobacion y ampliacion di nos hospital dr. Horacio Oduber

Diarazon dia 28 di Mei ta tuma lugar groundbreaking di renobacion y ampliacion di hospital dr. Horacio Oduber. Dia 16 di April e contract cu e compania Arellano Construction a ser firma. E asina yama Gross Maximum Price contract, locual ta encera cu e prijs no por subi di loke a keda acorda. Den luna di April SOGA , cu ta supervisa e proyecto a duna splicacion amplio di e proyecto den reunion di comision di Bienestar General y Salubridad Publico y despues den un reunion extra ordinario (Bijeenkomst) di Parlamento. SOGA na un forma transparente a splica encuanto su rol di supervision di e proyecto, e “programma vereisten”, entrega y aprobacion di e draft, e viseability study, con a yega na e prijs pa metro cuadra, aprobacion di e ley door di parlamento pa apodera

gobierno pa construccion y renobacion, preparacion di e huurovereenkomst, e proceso di aanbesteding, bidding, e puntuahe y con a yega na scoge e contratista cu lo haci e trabaonan. E procedura di traspaso di e tereno y edificio a keda aproba de reunion publico den Parlamento na Januari.

Parlamento a apodera Minister di Salud pa traha un contract di 5 aña pa renova y expande hospital.

Hospital tin cu keda operacional pa un termino largo y manteni pa 25 aña pa paga e financiadornan, esaki semehante na otro edificionan di gobierno cu ya caba a ser constui bao supervision di SOGA. Durante reunionnan cu Parlamento no mucho pregunta a ser haci door di oposicion. E preguntanan cu si a ser haci tabata mas bien dirigi ariba e proceso di tender, criterianan y score di e companianan.

E critica di fraccion di Mep ta cu a scoge pa un compania cu a duna e prijs di mas halto. Apesar cu SOGA dos biaha consecutivo a splica con e proceso di decision a cana a base di criterianan internacional di FIDIK y cu e destaho a tuma lugar door di un comision mixto, consistiendo di miembronan di AIB, SOGA, gobierno y Hospital y cu gobierno su rol tabata limita na e ley cu a ser pasa den parlamento, traspaso di e tereno/edificio y firma e contracto, ta parse cu MEP kier busca irregularidad tras di henter e procedura.

MEP ta insinuando cu no a trata adecuado cu e criterianan di seleccion y di e forma aki cuestionando credibilidad di SOGA. SOGA a splica cu apesar cu e prijs di e compania cu a gana e bid den promer instante tabata mas halto, el’a score bon den e otro criterianan y a bin cu cierto cambio den e “indeling” di e edificio cu a duna confianza cu e construccion lo bay bon. E desconfianza di MEP aki ta raro, despues cu SOGA ta mesun entidad cu a supervisa construccion y mantencion di 3 edificio den tempo di gobiernacion di Mep, esta e edificio di INFRA, di BELFIN y esun den cual ATA ta ubica actualmente. E tempo ey, politiconan di MEP cu tabata den gobernacion, tin di nan mesun famia di politiconan actual di e partido aki, tabata tin solamente palabranan di elogio pa SOGA. Pesey mes ta raro e expresion di miembro di fraccion di MEP, Croes, cu ta indica cu mas splicacion SOGA duna ta peor, loke ta indica

cu esnan di MEP kier tende loke nan mes kier tende y cu e motibonan di critica ta mustra di ta iracional.

Segun Wyatt-Ras ya pa varios aña pueblo di Aruba tabata sclama pa un mihor edificio di hospital.

Hasta tabata tin idea pa construi un hospital nobo, tempo di gobernacion di MEP. Awor kizas door cu tin un gobierno di otro signatura, pesey tanto desconfianza y acusacion di parti di fraccion di MEP. Aki ta bira cuestionabel si e critica di MEP ta simplemente door cu nan no ta den gobernacion of cu nan lo tin preferencia pa otro compania. Segun splicacion di SOGA e renobacion y ampliacion lo tin un duracion di 4 aña y mey cu lo conoce diferente fase, esta fase 1A di construccion di e toren nobo na unda e camanan ta bay ta, fase IB ta e medical office building, na unda e specialistanan lo tin nan consultorio y fase II ta renobacion di e parti existente di hospital.

Un cambio importante ta cu e departamento di spoedeisende hulp lo haya dos entrada pa privacidad

di e pacient cu awor no por wordo garantiza tur ora. Un otro cambio ta cu pacientnan lo ta bay drumi cu menos hende den mesun camber. E decision pa e forma di e construccion a tuma lugar den consulta cu tur partners. Un remarca cu Wyatt-Ras y otro colega parlamentario a yega di trese padilanti ta cu banda di e edificio renoba y nobo lo tin cu eleva calidad di e cuido cu ta ser duna na patient. Un otro punto importante den e proyecto aki ta cu e compania stranhero cu gana e Bid mester emplea contratistanan local pa garantiza cu nos hendenan local por haya empleo. Wyatt-Ras ta felicita pueblo di Aruba, SOGA y gobiero cu e importante proyecto aki y ta spera cu tur cos por bay den bon marcha y cu den e periodo indica nos pueblo por conta cu un hospital moderno cu ta cumpli cu exigencianan internacional pa nos por sigui desaroya cuido medico y diferente specialisacionnan na nos pais.

Ta Bende

Honda Fit Japones 2001 Color Perla, Automatic, Full Equip., aerosport kit, power windows, power locks, power mirrors, airco, DVD Player, Mc Wheels Honda Original, HID Lights Pa mas informacion jama: 600-0501 of 600-8994 For Sale BMW 523i M-tech front bumper, 5Sp/PW/PS/ PB/ 18” Mag rims Tel: 567-8188 Awg. 11.000,-

Pagina 23

Diarazon 28 Mei 2014

Touching Ceremony took place on the Costa Linda Beach A touching ceremony took place on the Costa Linda Beach yesterday morning at 10:00 AM to pay tribute to fallen comrades in arms on American Memorial Day. A group informally dubbed "the Costa Linda vets," consisting of Frank Nini, Bobby Nadal and Griff McElroy, veterans of the U.S. Armed Forces, were joined by their good friends.

The event has grown annually in attendance since their first observance in 2004.

This year the group welcomed scores of participants, and, as was their wish, from various armed services, as the Costa Linda Vets assert their remembrance for Veterans worldwide.

The five-minute ceremony was called to order promptly. It included a "presentation of arms" by "the detail" of 75 actual veterans who attended followed by a short section from the poem

"The Fallen" by Robert Lawrence Binyon read

by Rod Mandler, while Griff Mc Elroy placed the memorial wreath out to sea followed by another poem in remembrance by Maureen Nadal& finished

with a rendition of taps and a salute of respect.

The Costa Linda Vets expresses their gratitude to all those who came to share the moment; those attending, many with

tears in their eyes, came to thank them in return for making the effort to provide this annual tribute.

Pagina 24

Noticia Deporte....

Diarazon 28 Mei 2014

E atletanan di Brazil Taekwondo Stichting a haci Examen pa faha di color Dialuna atardi Alberto KlabĂŠr y Clifford Rasmijn a duna e atletanan di Brazil Taekwondo Stichting examen pa faha di color. E examen a cuminsa pa 5'or di atardi cu un warming up y despues a bay over na e examen stof.

E siguiente atletanan a presenta pa Examen: Danon Delamore, Joshua KlabĂŠr, Iryaahim Delamore, John Liendo, Leonardo Phillips, Micheal Noel, Jyaamur Delamore y Adam Liendo. For di theoria te cu kibramento di palo a wordo haci. E grupo a wordo parti den e chikitonan y e grandinan.

Esaki a wordo haci tambe na e colornan di faha di e atletanan. Brazil Taekwondo Stichting ta pone hopi enfacis ariba e kibramento di palo y bringamento cu ta un must. E vurenehout, dus e palo mester kibra y mester por demonstra cu por bringa y defende bo mes.

Self Defence ta un parti grandi di e defensa propio den Taekwondo. Brazil Taekwondo Stichting ta concentra mas ariba Wedstrijd Taekwondo, unda cu ta hinca masha hopi tempo den esaki.

Asina a bin cu e nomber pa e team di Train Hard Fight Smart, pasobra nos ta train hopi duro. Dialuna lo laga e atletanan sa kende tur a pasa pa faha of lo mester haci esaki na luna di Oktober ora cu Henk Meijer ta na Aruba.

Pagina 25

Diarazon 28 Mei 2014

Noticia Local....

Radiothon-Telethon, combina cu Mercado di Santa Rosa y concierto di Gospel pa recauda fondo pa Misa Santa Filomena-Paradera

Na comienso di April ultimo Comision di Renobacion di Misa Santa FilomenaParadera a anuncia su plan grandi pa Renobacion y Mehoracion di nos misa di Santa Filomena di Paradera. E plan aki ta encera e siguiente fasenan: 1. Drecha y verf muraya pafor, drecha lek di dak di misa y remplaza mozaico na tur entrada di misa. 2. Reemplaza tur e bentananan di misa Santa Filomena cu bentana di modelo di “glas in lood”

(stained glas). Esakinan lo ta bentana cu diseño den nan y cu colornan resaltante y patron decorativo den e glas. 3. Modificacion di e altar cu mueblenan nobo y decorativo. Esaki lo ta un regalo special pa misa Santa Filomena di Paradera en conexion cu su 65 aña di existencia na September proximo. 4.

Drecha y verf e muraya parti paden di e misa y drecha e parti electrico. E gastonan total pa e renobacion y mehoracion di misa Santa

Filomena ta wordo calcula na Afl. 655,000.00. Na e momento aki e promer fase ta cla y cu orguyo Comision di Renobacion di Misa por anuncia cu recientemente e pedida pa e materialnan pa e segundo y tercer fase a wordo haci. Desde aña 2013 ta recaudando fondo pa realiza e proyecto bunita aki y Comision di Renobacion di Misa Santa Filomena ta hopi contento y gradecido cu e resultadonan te awor.

Pero pa por termina e proyecto di renobacion den su totalidad mester di aproximadamente Afl. 250,000.00 ainda. Pa por realiza e meta aki, Comision di Renobacion di Misa Santa Filomena di Paradera cu hopi placer ta anuncia cu nos siguiente actividad pa recauda fondo lo ta un tremendo RADIOTHONTELETHON, combina cu un Mercado di Santa Rosa y un Concierto di Gospel y Koor. E evento grandi aki ta wordo organiza diadomingo dia 8 Juni proximo di 10’or di mainta pa 5’or di atardi riba e tereno grandi pa Noord di misa te na e cura di Colegio Pastoor Kraanwinkel.

Durante e evento aki ta bay tin oportunidad pa parokianonan di Paradera y henter pueblo y comercio di Aruba haci nan donacion via di liñanan di telefon cu ta bay ta disponibel. E evento lo wordo transmiti “live” pa POWER FM, TELEARUBA y DIARIO TV. Lo tin e conocido Mercado di Santa Rosa unda pueblo di Aruba por haya su productonan conoci y cuminda crioyo manera semper y tambe lo tin un bar unda lo por refresca e curpa. Pa entretene e publico presente y esnan cu ta sigui e evento via radio y television lo tin un concierto di Gospel/Koor, unda gruponan conoci den comunidad lo presenta. E

detaye di e gruponan cu lo actua lo wordo anuncia durante e proximo dianan.

Pa entretene e muchanan presente lo tin tambe dos Dino Jump y lo tin lugar unda publico por sinta den fresco.

Pa e RADIOTHON y TELETHON lo tin e famoso “cas di glas”, na unda celebridadnan den comunidad lo wordo invita pa duna un man pa haci e fundraising mas exitoso.

Tambe lo tin un grupo grandi di alrededor di 100 voluntario cu lo bay bishita barionan di Paradera y recauda fondo. E gruponan aki lo wordo indentifica cu T-shirt special cu a wordo diseña pa e actividad aki.

Lo tin tambe un cantidad limita di e T-shirt special aki na benta pa e publico presente.

Donacion via banco por haci riba number di cuenta bancario 7700000031616765 bou nomber di “R. K. Kerk Santa Filomena” -Paradera 51- na RBC Royal Bank (Aruba) N.V. Comision di Renobacion di Misa Santa Filomena y Pastoor Canuto “Toti” Fuentebella ta apela na e curazon amabel y generoso di e parokia di Paradera y henter comunidad y comercio di Aruba pa duna nan contribucion na e grandioso RADIOTHON-TELETHON

aki pa asina por caba di completa e proyecto grandi di Renobacion y Mehoracion di nos misa stima di Santa Filomena di Paradera durante e di 65 aña di celebracion di nos misa. Nos meta firme ta pa por alcanza un suma di Afl. 150,000 cu RadiothonTelethon. Pa por a realisa e proyecto grandi di fundraising aki, diferente instancia y personanan den comunidad a uni forza cu Comision Renobacion di Misa Santa Filomena.

Nos ta gradici tur nos voluntarionan di parokia di Paradera, miembronan di Comision di Renobacion di Misa, Fundacion Aruba Uni , Departamento di Santa Rosa, Power FM, Telearuba, Diario TV, Setar, DOW, Serlimar, A One Sound Systems, Elite y Minister di Turismo, Transporte, Sector Primario y Cultura como habitante di Paradera, pa nan tremendo cooperacion y contribucion.

Cu Dios bendiciona boso tur ricamente. Comision Renobacion di Misa Santa Filomena di Paradera ta conta cu presencia di parokianonan di Paradera y henter pueblo di Aruba riba diadomingo dia 8 Juni proximo pa a apoya e bon causa aki. Masha danki na nomber di Comision Renobacion di Misa Santa Filomena y Pastoor “Toti”.

Pagina 26

Minister Michelle Hooyboer – Winklaar cumpliendo cu su compromiso

Resultado di number: Merdia Dialuna 26 Mei: Catochi

Big 4

4688 9728 7582

1916

Zodiac

Lotto di Dia

9192 Sagitario

xxxxxxxxxxx

Anochi Dialuna 26 Mei: Catochi

Big 4

3729 2551 8013

5356

Zodiac

Mini Mega

0855 Virgo

21 – 19 – 11 – 18 MegaBall: 13

Lotto di dia

Corsou

19 – 30 – 04 – 13 – 07

5727 6153 5690

Diario

Super 4

7169

9726

1099 1830

4 skina DIA

BOTICANAN: Maria 585-8145 Di Servicio Noord 586-4606 Seroe Preto 584-4833 Fergusonstraat 583-0620 A aloca 150 mil florin adicional pa mas Kibrahacha NV 582-2007 siguridad Oduber NV 582-1780 Paradera 588-6638 Durante un bishita cu y tambe Minister Michelle Hooyboer un extra Santa Cruz 585-6890 – Winklaar a tene ultimo entrada di San Lucas 584-4830 na Colegio Cristo Rey el’a e school San Nicolas 584-5712 tuma nota cu tur trabaonan cu tin mas Santa Anna 586-0027 ta canando segun plan. di haber cu Trupial 582-8671 Manera el’a informa s i g u r i d a d Eagle 587-9011 durante un reunion den di e 4 Centro Medico 584-5779 Parlamento, cu e school lo muchanan.

Aloe 584-4606 keda cla pa fin di April 2014, E entrada cu tin Central NV 585-1965 esaki no lo ta e caso debi actualmente ta demasiado Dakota NV 588-7364 na extra peticion cu a bin smal pa un auto manera Del Pueblo 582-1253 di e cabezante. E peticion Brandweer por drenta. E nan cu desde un principio gymzaal a wordo drecha no a wordo hinca den e pero ainda durante e bishita POLIS: 100 ‘bestek’ pa cu e renobacion nan di control a ripara cu Oranjestad 104 di Colegio Cristo Rey mester haci mas cambio pa San Nicolas Sta. Cruz 105 pero cu si ta necesario pa resolve algun problema cu 107 cumpli cu siguridad pa cu e tin actualmente. “Teniendo Noord Tip-line 11141 muchanan y e maestronan. tur esaki na cuenta mi a “Mi a duna mi compromiso consulta internamente y Brandweer/Ambulance 911 913 for di e prome dia cu mi mi a pone un extra 150 Guardacosta a tuma e posicion como mil florin disponibel for di Seguridad National 11911 527-4000 Minister di Enseñanza. Y e fondo cu tin pa nos por Hospital mi compromiso ta serio”, e sigura cu Colegio Cristo Centro Medico 524-8833 mandatario a enfatisa. “Mi Rey ta den e condicion cu Setar storing 117 ta haya jammer cu cierto e maestro, studiante y e Web Storing 525-4600 hendenan ta keda busca cabezante ta desea. Na Elmar storing 523-7147 puntonan pa hiba prensa final ta nan mester sinti nan Agencia Funeral: sin busca e motibo real tras mes na cas”, e mandatario The Olive Tree 584-8888 di e dicon Colegio Cristo a termina bisando. Cu e Ad Patres 584-2299 Rey no ta cla ainda”. E mes plannan nobo, ta premira Aurora 588-6699 un dia cu e mandatario a cu e school lo muda bek Mementomori 582-2222 bishita e school menciona, na final di e aña eschoolar e cabezante di e school a aki cu ta trece cune cu Fundacion: trece diferente puntonan e alumnonan di Colegio Cas 584-2050 adicional dilanti cu sigur Cristo Rey lo ta den nan Fada 583-2999 lo mester ta drecha prome edificio completamente F A V I 582-5051 cu e muchanan por muda renoba pa aña eschoolar Famia Planea 588-9591 pa nan school nobo. Cu 2014 – 2015.

Autismo Aruba 588-1179 esaki ta referi na e gymzaal Pa Hende Muherrr 583-5400 Pa Hubentud 588-6138 Bloedbank Aruba 587-4260 Solo di Pueblo 585-9500 Canal 22 585-9500 Tip pa redaccion 592-6895

Dokter y Botica na Warda pa bao di Brug:

4 Skina Cur PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Telefonnan importante:

Cristo Rey lo bira un “joya” di school

7910

5750

Diarazon 28 Mei 2014

Yama pa informacion na Horacio Oduber Hospital: 527-4000

Obtenibel na Jess Lottery banda di Wema Sta. Cruz:

Powerball y Lotto Florida

Dokter y Botica na Warda pa riba di Brug:

Yama na Centro Medico

524-8833

Pagina 27

Diarazon 28 Mei 2014

Publica bo clasificado, awor cu prijs pa siman: Afl. 35.00 pa 1 siman / Afl. 140.00 pa luna. Pasa na nos oficina na Sta. Cruz 110 of e-mail nos na solodipueblo@gmail.com TA BENDE 2 CAS NA TANKI LEENDERT TERENO PROPIEDAD 10.780 M2 NA MONTAÑA 2 CAS NA PARADIJSWIJK YAMA : 5937118.

CUMINDA

Bo tin mester di un fotografo ON THE SPOT pa bo fiesta di cumpleaños, ricibimento of otro actividad?

Nos ta GARANTIZA bo un super BON prijs!

Yama 5620119 of 7403140

CUMINDA

Barber

Tur dia tin specials di dia na Topacio Restaurant, situa banda di Botica Noord.

Cilantro Grill situa dilanti Colegio San Hose na Sta. Cruz, tur dia tin specialnan di dia. Yama haci bo pedido:

Sta Cruz Barber Shop a habri su porta. Habri tur dia te cu 9’or anochi.

Situa dilanti Colegio San Hose, (banda di Blush).

Pasa cerca nos y nos lo drecha bo look y ponebo master master!

Pa bestel bo plato yama nos na 587-0430

TA BENDE

Un fax machine marca: SHARP den bon condicion. Plain paper Prijs: fls. 125, Yama: 593 - 8182

CLASIFICADO

Specials

Tur dia tin specials di dia na Topacio Restaurant, situa banda di Botica Noord.

FILET MIGNON

f 15

cu saus di mushroom, aros, salada + banana hasa.

Prepara riba carbon natural.

Cu pan bruin of aros + saus.

SOPI DI DIA

CUMINDA

Cushina di Dochi Lee NOS SNACKS tur dia tin special di dia. bestel bo cuminda tempran na 585-2585

TA HUUR Ta huur Trappers Club pa cualkier ocasion. Airco, espacioso. Pa fiesta di ricibimento, reserva tempran. Tambe pa encuentronan religioso.

748-8280

Fundacion biba feliz ta busca un sirvienta interna cu experiencia pa cuida un persona di edad. interesado nan por yama na tel 5856741 entre 1:00 y 4:00 pm. o ta acepta persona nan cu no tin permiso pa traha .

$ 10

PINCHO CHICKEN

Pa pedido

594-0635

TA BUSCA

DIARANSON

Special di 11:30 am. pa 3 pm.

Pa bestel bo plato yama nos na 587-0430

CORONA

CUMINDA

f 9,50

585-8459

UPHOLSTERY Estableci desde 1997

Unda bo trabao ta garantisa 100+100% PARADERE SHIRIBANA 4 – TEL: 566-4358 y 583-1146

Nos tin hopi experiencia di verf y renoba tur set di sala y recliner Y tambe nos tin tur sorto di tela pa fura.

Riba muebles Europeo y Americano

Tambe nos tin areglo di pago.

Mito Upholstery

ta fura tur tipo di stoel di cas, oficina, bar, rest, tambe auto, pick up, etc traboao garantiza tel : 5852843 cel: 6608780

TA HUUR

CUMINDA

Sta Cruz Bar y Restaurant. Pa pidi cuminda yama: 585-8088

Ta huur espacio comercial na Centro Comercial Noord. Perfecto pa cualkier sorto di oficina. Adres: Noord 82.

Pa informacion yama 730-7000

TA BENDE Chica Pos Marios Septic Tank

PORCO DI DOS LUNA BIEU AFL 60,- PA UN TEL 5941317 / 5859870

Servicio Rapido pa chica pos.

Pa servicio yama: 5603500

Pagina 28

Diarazon 28 Mei 2014

Justin Hughes, Jeandry Mathilda y Jean Pierre Helmeyer campeon di Ranking di Mei

E ranking di Aruba Table Tennis Association di luna di Mei a tuma lugar diamars 27 di Mei 2014 na Centro Deportivo Betico Croes. Atardi a tuma lugar e tres categorianan di hubenil cual ta bao 10 aña, bao 14 aña y bao 18 aña.

Den e categoria bao 10 aña Justin Hughes ta titular campeon pa prome biaha ganando tur su weganan sin perde ni un set. Un atleta sigur pa tene na bista pa futuro. E segundo lugar ta keda den persona di Shawn Kock kende a perde un wega so sigui pa Jeramy Ras cu ta keda na di tres lugar.

Categoria bao 14 aña tabata tin un competencia masha fuerte mes.

Jeandry Mathilda ta keda na prome lugar ganando tur su weganan y a laga

dos set so bay den henter e Ranking. Jeandry a gana Sjoerd Geurtsen 3-1 kende a keda na di tres lugar cu apenas 11 aña.

Na di tres lugar ta keda den persona di Jonathan Paredes kende sigur a duna un bon bataya, kitando set di Jeandry y Sjoerd.

Jean Pierre Helmeyer ta e atleta cu ta gana tur su weganan den e categoria bao 18 aña. Den un final fuerte contra Donald Yarzagaray Jean Pierre mester a bringa duro pa logra gana 3-2. Donald pues ta keda na di dos lugar sigui pa Michel Kelly.

ATTA kier felicita tur su participantenan y tambe e ganadornan di e Ranking di Mei. Diamar s 3 di Juni ATTA lo continua cu su Copa Aruba Teams A-klas y B-klas.

Fiesta Señora di tur pueblo

Un invitacion cordial na Aruba en general pa asisti na e fiesta di Señora di tur pueblo cu ta wordo celebra riba 31 di mei 2014.

Riba 31 di mei 1955 Señora di tur pueblo a bisa e visionera: ‘ Bo lo soru pa cada aña dilanti mi trono, dilanti mi imagen e pueblonan reuni’ Ban gradici Señora di tur pueblo, nos Co redentora, Mediadora i Abogado pa tur fabor ricibi, su cuido maternal y pidi’e pa e sigui intercede pa nos isla y tur pueblo nan na mundo.

Diasabra 31 di mei 2014.

6:00 am Rosario na honor di Señora di tur pueblo na Grot di Lourdes, sigui pa 7:00 am Santo Sacrificio di Misa na Grot di Lourdes, Sanicolas.

Atentamente, Grupo di Señora di tur pueblo

Pagina 29

Diarazon 28 Mei 2014

ALERTA -- BIENTO FUERTE Y OLANAN HALTO

SOLO Local Ya caba ta premirando hopi charla y tayer pa comunidad henter

Self-Esteem Conference Aruba a surpasa tur expectativa!

asina por re-inforza nan praktijk.

Den luna di April tabatin e Conferencia di AutoEstima Aruba y riba esaki Abigael Arends, Directora di e Proyecto na Aruba a laga sa cu e ta masha contento cu e resultado di e conferencia.

E interes pa locual ta e Proyecto Auto-Estima y e topico riba su mes ta masha halto, el’a bisa. E participacion a surpasa e expectativanan.

"Lamentablemente e dianan tabata tiki y e informacion hopi.

E informacion cu a wordo duna a impacta hopi di esnan presente", el’a agrega.

E conferencia tabata hopi inter-activo caminda tabata tin momento pa comparti experiencianan y testimonionan di esnan cu a participa y ta participando den e

proyecto.

Segun Arends, e conferencia a bay hopi positivo den e sentido cu e informacion tocante autoestima of con pa bo tin un mihor auto-estima a pone hopi hende emociona y pensa. "Di e manera interactivo cu el’a ser haci tur hende a keda contento te na final".

A conta cu participacion di maestronan, adultonan, amanan di cas, hende homber, parehanan, mama cu nan yiunan, hobennan y profesionalnan, entre otro psicologonan.

E topiconan cu a ser trata tabata varios. A elabora riba "E diez camindanan" unda cada ken por a papia riba auto-aceptacion, relacion di pareha, e parti laboral y hopi tema mas.

Invitacion pa nos muchanan na Savaneta y pueblo di Aruba Muchanan!

Boso tur ta invita na un Fiesta cu Hesus riba diadomingo 1 di Juni pa 10:00am. Luna di Juni ta luna dedica na Sagrado Curazon di Hesus – patrono di parokia Savaneta.

Hunto cu boso y boso mayornan nos kier celebra un misa special na Su honor.

Ban mustra Hesus cu nos curazon tambe ta grandi y cu nos ta stim’E di henter nos curazon.

Pa e ocasion aki tabata tin un invitado special cu tabata sra. Trudy Hassel kende hunto cu ELKA & Associates a traha den e proyecto "Let's Talk". Di e manera aki el’a duna su aporte riba kico por spera pa loke ta comportacion di e hobennan, con e proyecto a cambia e hobennan y e proyectonan cu lo tin den futuro, Abigael Arends a indica.

A probecha pa e participantenan haci un evaluacion di nan mes pa asina waak con leu nan auto-estima ta. "Asina bo por sa si bo tin un autoestima inter-conecta of auto-estima egoistico.

Eynan ta caminda cu hopi di nos ta bisa "mi autoestima ta bon". Eynan por sa cu e persona ta bisando esey den un manera caminda ego ta esun cu ta hunga un rol sabiendo cu semper bo por mehora den tur aspecto ", el’a subraya.

E conclusion na final di un conferencia asina exitoso ta cu Aruba mester di mas di e tipo di actividadnan aki pa loke ta auto-estima. Pa esaki ta bay tin charla, tayer, trainingnan intensivo pa esnan cu ta interesa manera maestronan di school, psicologonan, pa

Segun Arends, nunca bo ta caba di studia. E mundo constantemente ta draai y ta cambia. Muchanan no ta mescos cu tempo cu hopi di nos a lanta. Ta hopi valioso si bo por sa con pa yuda un persona di e mihor manera. "Cu un persona no tin un estudio, esey no kiermen cu bo no por yuda un hende pasobra bo no tin un diploma. Ta importante pa sa con bo ta yud'e".

El’a finaliza bisando cu pa medio di locual el a haya como feedback ya caba ta premirando un serie di charlanan cu ta bay bin como tambe ta bay presentando e programanan pa hende muher y pa hende homber, pa empowernan.

Tambe lo tin e tema di relacionnan, sex, amor, special pa parehanan como pa personanan individual.

Otro tema cu ta bay tin ta pa muchanan chikito: ken mi ta. Esaki lo pone enfasis riba aspectonan manera auto-estima, bullying, relacion tata-yiu, duelo, etc. Banda di esaki ta bay tin e programa pa hobennan despues di school cual lo wordo anuncia cu mas detaye den e dianan aki, Arends a duna di conoce.

Ta busca: Un senjora ta busca un casita di bende number, traha di palo, segunda mano y na bon prijs.

No mas caro cu 800 o 900 florin Jama: 748-8280

PRONOSTICO DI TEMPO PA ARUBA VALIDO TE DIARAZON 28 DI MEI 2014 COMPILA: DIAMARS 27 DI MEI 2014 17:00 (21:00 UTC) TEMPO: PARCIALMENTE TE LEVEMENTE NUBLA CU UN CHENS CHIKITO PA UN YOBIDA. TEMPERATURA MAXIMO 32 GRADO CELSIUS Y TEMPERATURA MINIMO 27 GRADO CELSIUS. SOLO TA SALI 06:14 AM Y TA BAHA 07:01 PM. BIENTO: FRESCO TE FUERTE DI DIRECCION OOST CU AVERAGE DI 22 NUDO Y BIENTO MAXIMO DI 32 NUDO. SITUACION GENERAL: NUBIANAN DEN NIVELNAN HALTO TA KEDA PERSISTI DEBI NA UN DISTURBIO DEN E NIVELNAN HALTO. BIENTO LO KEDA FRESCO TE FUERTE PA E SIGUIENTE DIANAN. TA WORDO ANTICIPA CU UN OLA TROPICAL TA DRENTA NOS REGION RIBA DIABIERNA CU TA AUMENTA CHENS PA UN YOBIDA. CONDICION DI LAMA: OLANAN DI LAMA TA BINIENDO DI DIRECCION OOST-NOORDOOST CU HALTURA DI 6 TE 9 PIA. TENE CAUTELA RIBA LAMA DEBI NA E BIENTO FUERTE. PROSPECTO DI TEMPO PA E SIMAN: PARCIALMENTE TE LEVEMENTE NUBLA CU UN CHENS CHIKITO PA UN YOBIDA. BIENTO TA KEDA FRESCO TE FUERTE. TEMPERATURA TA FLUCTUA ROND DI NORMAL. REGISTRACION DI TEMPERATURA (CELSIUS) Y YOBIDA (MM) DEN ULTIMO 24 ORA: AIRPORT MAX 33 / MIN 27 / 0.00 HADICURARI MAX 30 / MIN 27 / 0.00 E PROXIMO BULLETIN LO WORDO PUBLICA DIARAZON 28 DI MEI 2014 17:00 (21:00 UTC)

Pagina 30

Diarazon 28 Mei 2014

TRASH BY RONCHI TA PRESENTA E ULTIMO TENDENCIANAN DI MODA !

Estampado di flor sigur ta un di e estilonan mas remarcable di e temporada.

Pa e temporada di moda actual estampadonan di flor sigur ta tuma center stage. E enfoque global ta presta atencion na e estilonan femenino cu ta representa e "flower print". Un estilo cu sigur ta causando furor y ta wordo mira ariba diferente pasarelanan rond mundo.

Tanto pa sizenan regular como plus sizes e estilo aki ta un "must have" pa e season aki. TRASH

BY RONCHI ta presenta diferente piezanan di moda cu ta trece dilanti e "look" di estampado di flor.

Mester remarca cu esaki ta obtenible den e mas

sutil di estampado te na estilonan mas destacante.

Sigur un "fashion item" cu ta atrae hopi atencion y ta ultra femenino. "Flor sigur ta un tendencia hot pa Spring/Summer 2014. Ami ta encanta mira un hende muher den estampado. E ta keda chic y femenino" ta locual designer Ronchi De Cuba a duna di conoce.

TRASH BY RONCHI, situa na Sibelius Straat # 8, ta habri di dialuna pa diasabra di 10'or di mainta te 7'or di atardi. Pa mira mas di e coleccion di TRASH BY RONCHI por LIKE e pagina di e boutique riba facebook.

Pagina 31

Diarazon 28 Mei 2014

“Señor ta mi wardador, mi n’tin falta di nada Den cunucu di yerba berde e ta pone mi sosega.

E ta hiba mi na awa trankil, Pa mi bolbe haya forza”.

Salmo: 23

Gradicimento y invitacion

Na nomber di su yiunan y nietonan nos ta gradici tur esnan cu na un manera of otro a convivi cu nos y duna atencion na nos mama y wela stima

Misioneros De Jesus Aruba cu tin como guia Spiritual: Pastoor Daniel Szpila y ta presenta “Asamblea cu MDJ” di tur diamars

Cu honda pena, pero conforme cu boluntad di Dios ta anuncia fayecimento di:

Lugar: Jacinta Kleuterschool, Dakota Ora: 7:30pm - 9:30pm

Rita Editha Geerman

Felipe Alberto de Cuba *10-12-1946 †27-05-2014

Acto di entiero lo wordo anuncia despues “I am the resurrection, and the life: he that believeth in me, though he were dead, yet shall he live: and whosoever...believeth in me shall never die. ”John 11:25,26

Gradicimento ta bay specialmente na tur esnan cu tabata presente durante fayecimento y entiero di nos defunto stima, na tur esnan cu a manda flor, mensahe y yamadanan. Danki na personal di ambulance y Alex Kock di Lite Life Medicab, Real Morning Show y tambe Solo di Pueblo.

Specialmente na tur esnan cu a duna nan aporte, donacion y atencion y tambe na Aurora Funeral Home pa nan bon servicio.

Alavez nos ta invita tur famia, conocirnan pa 3 santo sacrificio di misa; diahuebs 29 di Mei pa 6.30 pm na misa San Juan Pablo II na Tanki Leendert, diasabra 31 di Mei pa 7 pm y dialuna 2 di Juni pa 6.30 pm na misa Santa Anna na Noord.

Boso presencia lo ta altamente aprecia.

Trese tur Enfermonan cu nos lo reza na Spirito Santo pE baha cu Su Poder y derama double porcion riba tur presente.

Ezekiel 36, 27 “Lo mi drama Mi Spirito den boso.

Boso lo ta Mi Pueblo y Ami, boso Dios”.

With deep sympathy we announce the death of:

GRUPO DI ORACION Carismatico “SHALOM”

Cu e Amor di Cristo Hesus, ta invita e Pueblo di Tanki Leendert y Aruba henter y tur nacion, cordialmente pa asisti na un anochi di:

Martha Jules Who passed away at the age of 74 The funeral will take place on Saturday May 31st, 2014 at 11 o’clock leaving the Olive Tree Funeral Home to the central cemetery in Sabana Basora. The late Jules will be laid out from 9 o’clock in the morning in the Olive Tree Funeral Home in Cumana.

INVITACION PA NOBENA NA HONOR DI DIOS SPIRITO SANTO DIANAN : 30 DI MEI TE CU 7 JUNI 2014 ORARIO : 4:25 MAINTA - ROSARIO Y ORACION DI SPIRITO SANTO 5:00 MAINTA- SANTA EUCARISTIA LUGAR : MISA INMACULADA CONCEPCION SANTA CRUZ.

“ALABANZA Y ADORACION” Na: MISA SAN JUAN PABLO II (Tanki Leendert) Bin busca bo gozo den “E Palabra di Dios” DIA: Diarazon 28 di Mei 2014 ORA: 7:30 PM - 9:30 PM ORADOR: Sra. Nataly Simmons Nos ta cuminsa cu e Santo Rosario.

“Hubilá Dios, abo, tera henter, canta Gloria di Su nomber mahestuoso, Dun’E Su alabanza glorioso .”

Salmo 66;1.

Invitacion Special na Trideum, di Spirito Santo Diadomingo 8 di Juni, Pentecoste Celebracion masha importante di nos religion Catolico.

Dia: Ora: Lugar:

5-6-7- di juni 2014 5:30 P.M. Pro Catedral San Francisco

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 32

Diarazon 28 Mei 2014

Brazil Taekwondo Stichting a tene su ultimo car wash prome cu e viahe pa Suriname Diadomingo Centro di Bario Brazil tabata e lugar di pone e autonan haya briyo.

Tur auto cu a bin na e car wash di Brazil Taekwondo Stichting a bay ta briya den e espera pa e proximo car wash cu ta dia 29 di Juni. Brazil Taekwondo Stichting su car wash ta talk of the town pa hopi di nos fiel clientenan cu ta bin tur cas wash pa nan auto wordo laba, manera sr. Wilson di San Nicolas. Tambe tin un sra. di Savaneta cu auto A-6109 cu no ta falta niun di nos car washnan. Ta algo bon ta wordo haci cu e pueblo cu ta bin bek tur luna pa asina contribui cu e team di Train Hard Fight Smart di Brazil Taekwondo Stichting.

E biaha aki a cambia e menu di cuminda pa fish fillet, unda cu hopi hende a gusta nan pisca, pero ta prefera nan BBQ. Pa dia 29 di Juni ta bay tin e BBQ, manera e pueblo ta pidi pa. Ta esaki nan kier, ta esaki Brazil Taekwondo Stichting ta bay prepara pa nos pueblo. Awor tur cos ta afgerond pa Suriname, pasobra ta viaha diabierna dia 13 di Juni y ta regresa dialuna dia 16 di Juni. E siguiente viahenan cu tin ta Bolivia, Azerbaijan, Orlando, Argentina y Costa Rica. Otro siman lo dicidi riba e teamnan cu lo bay campeonatonan internacional. Brazil Taekwondo Stichting ta hopi gradici na tur nos voluntarionan, mayornan y atletanan cu semper t’ey pa yuda pone e autonan briya y e cuminda di sra. Judith Nassy cu ta laga hende lembe nan dedenan.