DI
BALOR HALTO Y IMPACTO ABOU
Den e ultimo 7 añanan, Partido MEP tabata den Gobierno, bou di e liderzago di lider di partido Evelyn Wever-Croes. Un lider capas y bon studia cu a sa di goberna Aruba na un manera transparente y cu un vision cla. Durante e añanan di gobernacion, Gobierno a enfrenta hopi reto, incluyendo e pandemia global cu a toca na porta di henter mundo. Pero partido MEP a sa di demostra su capacidad, curashi y curason pa guia e pais aki den e miho direccion.
Despues di pandemia, Aruba tabata den un situacion critico, pero cu hopi determinacion y trabou duro, partido MEP a sa di stabilisa e pais y crea espacio financiero pa yuda esnan den mas necesidad. Aworaki, apenas 4 aña despues a logra stabilisa e pais y crea espacio financiero, den e periodo nos dilanti lo enfoca riba 7 punto di prioridad.
Punto number 7: Desaroyo
sostenibel di balor halto y impacto abou
Un di e factornan cu tin hopi hende den comunidad molestia ta echo di mas hotel. Esaki sigur ta un punto valido mirando cu no tin espacio pa crea mas hotel. Hopi ta esnan cu ta labora na e hotelnan ganando un salaris halto, pero Aruba ta contento cu loke tin, y no lo desea mas.
Ta importante pa menciona cu Gobierno di Aruba ya a tuma e decision cu no ta bay construi mas hotel, y no ta duna mas permiso nitereno pa hotel. E hotelnan cu ta den construccion tin nan permiso y nan tereno di hopi tempo pasa.
Na 2017, ora MEP a drenta
Gobierno, a topa cu un situacion na unda cu e Gobierno anterior di AVP a priminti un cantidad di hende camber di hotel nobo. Promesanan riba papel y actonan notarial pa un total d mi 8 mil camber. Mirando cu Aruba no por carga e cantidad aki, y
cumpliendo cu un mocion di Parlamento pidiendo Gobierno pa bay renegocia e cambernan aki, MEP a lora manga y a cuminsa cu e proceso. Gobierno a renegocia e total di cambernan unda tabata por y kita e tereno di esnan cu a wordo prometi, si e promesa no tabata solido of dentro di margen di ley. Despues di negociacionnan largo y intenso, y varios caso den corte, a logra baha e cantidad di camber di 8 mil pa 1200, y a pone cu no ta duna permiso pa mas hotel.
Gobierno di MEP ta kere cu desaroyo di un pais mester bay den balansa di desaroyo y conservacion di naturalesa. Pasobra e pida baranca aki ta presta di nos futuro generacion y mester protehe pa asina nan por biba bon aki riba.
Un 59% di Aruba ta areanan protehi pa ley, y no por mishi cu nan. E enfoke aworaki ta pa tin mas control riba mantencion di e areanan aki. E preocupacion di comunidad pa cu e
beachnan no ta keda of no ta suficiente pa publico mas ta bay wordo atendi.
Tambe lo bay traha riba un area special pa turistanan crucero tambe por goza di nos lama, evitando asina demasiado hende riba por ehempel Eagle Beach. Esaki ta e desaroyo cu partido MEP ta trahando riba dje aworaki pa frena e construccion di mas hotel, mantene e areanan protehi pa nos futuro generacion, y mantene un balansa entre naturalesa y desaroyo.
Decisionnan Di Ursel a haci arUba bira hopi sUshi
Den fin di siman por a tuma nota con varios cuidadano ta raporta cu Aruba ta hopi sushi. Periodista Dilma Arends a skirbi riba su red social, cu "nos hendenan a bira super vies", haciendo referencia na un frigidaire cu a wordo laga atras den mondi di Jamanota.
E comentario aki a yama hopi atencion. Hopi hende ta constata cu Aruba a bira mas sushi.
Esaki a empeora ora cu Ursel a trece cambio pa cera dom, pero alaves a hinca e procesamento di sushi den man di un compania priva. E prijsnan pa benta sushi afo a subi sky high.
Pues e problema cu Aruba a bira mas sushi, no ta posobra cu nos hendenan ta super vies, segun Dilma, pero pasobra cu nan no tin recurso pa paga pa tira sushi.
Hopi di nan ta conciente, pero nan no ta afford. Pa huur un baki sushi, e prijs a subi drasticamente. Antes tabata paga 275 pa 300 florin. Awendia Ursel su deal a ocaciona cu ela subi te cu 700/800 florin. Esaki ta purba berdad y ora cu purba splica Ursel di su mal deal cu un compania local, e no kier tende.
Minister Geoffrey Wever:
lo traha hUnto cU e sector Di
webo pa sUbi e proDUccion
local
Ayeratardi minister Geoffrey Wever a reuni cu prospecto y actual empresarionan cu tin e meta pa subi produccion
comercial di webo di galiña na Aruba na Departamento di Asuntonan Economico. Meta di e sesion informativo aki tabata pa, hunto cu e
comerciantenan, dialoga riba e trayectora pa resolve e diferente retonan cu comerciantenan a indica di tin manera entre otro; ampliacion di tereno. Den e reunion aki tabata tin tur diferente stakeholders presente Departamento di Asuntonan Economico, DIP y Santa Rosa.
E meta di e maneho di Ministerio di Asuntonan Economico ta pa redobla e cifranan di aña pasa y yega na 1.4 miyon di unidad pa aña 2026 mirando e potencial cu e industria aki tin pa crece.
Despues di un “Open Call”, anuncia 29 di september ultimo, un total di 24 empresario, y tambe esnan cu ta aspira pa bira comerciante, a demostra interes den produccion comercial di webo di galiña na Aruba. Registracionnan ricibi a duna informacion valioso
di nos comerciantenan pa asina hunto pusha pa logra e meta di subi produccion comercial.
Durante e sesion informativo, comerciantenan a haya e oportunidad pa dialoga cu e stakeholders pa asina hunto a corto plazo trece solucionnan cu e meta di subi e produccion comercial di webo na Aruba.
E informacion ricibi ta varia di entre otro pidi un permiso di negoshi te e necesidad di mas tereno pa por subi
produccion comercial di webo di galiña na Aruba. Pa comerciantenan cu mester di financiamento, Qredits Aruba tambe tabata presente pa brinda un presentacion riba e proceso pa aplica pa e “Agri Fund” y tambe pa e “Agri Business Academy”.
Minister Geoffrey Wever kier a gradici DEACI, DIP, Santa Rosa y Qredits Aruba pa nan presencia como tambe tur comerciantenan cu a participa na e sesion informativo aki pa hunto stimula e industria di webo.
Minister di Cultura Xiomara Maduro:
“TA MASHA IMPORTANTE PA NOS MUCHANAN TA BON INFORMA DI E HISTORIA
DI NOS PAIS, NOS TRADICION Y NOS
CELEBRACIONNAN CULTURAL”
Desde su entrada como mandatario encarga cu Cultura, Minister Xiomara Maduro a hiba e maneho pa educa y informa nos muchanan di nos historia, tradicion y fiestanan nacional. Cu e meta aki, Ministerio di Cultura hunto cu Comision Celebracion Dianan Nacional a percura pa scolnan ricibi material informativo y ilustrativo na Papiamento di nos Dianan Nacional y Fiestanan Cultural. Den vispera di cada celebracion Minister Xiomara Maduro mes ta pasa bishita scolnan pa biba nos cultura hunto cu nos hobennan y a presenta e siguiente bukinan informativo:
• 'Shon Wantomba y e celebracion di Dia di San Juan' + Programa di e buki (Video) 2019
• 'Ken ta Betico' na
ocasion di Celebracion Dia di Betico 2020
• 'Danki na dje' un storia breve di nos Status Aparte y Betico su legado den esaki na ocasion di Celebracion Dia di Betico 2020
• Buki digital informativo COVID19 - ’Di un dia pa otro tur cos ta diferente' + Programa di e buki (video) 2020
• 'Mucha Crioyo mi ta’- na ocasion di 45 aña Dia di Himno y Bandera 2021
• Fiesta di Dia di San Juan, Dera Gay 2021
• Buki ’Academia di Piet’ na ocasion di Yegada di Sinterklaas 2022
• E Cosecha di Juancho na ocasion di Celebracion Dia di Dera Gay 2023
Minister Geoffrey Wever: SurInam cu aruba lo traha maS
IntenSIvo
rIba tereno economIco
Durante e “Business Mixer” den cuadro di bishita di presidente Santokhi di Republica di Surnam, minister Geoffrey Wever a elabora riba e deseo mutuo pa intensiva e cooperacion economico cu Surnam. Durante presidente Santokhi su bishita, Gobierno di Aruba a firma un “Memory of Understanding” cu Surnam. E “Memory of Understanding” ta e resultado di e mission comercial cu Ministerio di Asuntonan Economico hunto cu Camara di Comercio y Aruba Trade and Industry Association a eherce pa Surnam den juni 2024.
Cooperacion economico cu paisnan den region ta forma parti di e maneho economico di Minister Geoffrey Wever y e Ministerio di Asuntonan Economico. Den e caso aki pa facilita cu nos
negoshinan tin mas acceso na e mercado di Surnam y stimula cu nos consumidornan tin mas escohencia den mas producto y servicio.
Bishita di Presidente Santokhi ta forma parti di e trayecto di fortificacion di cooperacion economico entre Aruba y Surnam pa hunto traha riba diferente area di maneho manera entre otro agricutura comercial, transicion
energetico, y comercio entre ambos pais.
Ta importante pa accentua e realidad cu Aruba su economia ta uno chikito y ta depende riba importacion di mayoria di producto. "Surnam ta ofrece diferente oportunidad comercial cu lo trece beneficio pa nos comerciantenan y consumidornan", segun minister Geoffrey Wever.
MINISTER DI CULTURA Y CCDN TA INVITA TUR
GRUPO DI SINT Y PIET PA INSCRIBI PA YEGADA
DI SINTERKLAAS 2024
Minister di Cultura Xiomara Maduro conhuntamente cu Comision Celebracion Dianan Nacional ta haci un invitacion na tur grupo di Sint y Piet pa inscribi y participa na yegada di Sinterklaas 2024.
Tur grupo di Sint y Piet por inscribi via whatsapp na 593-6187 pa haya tur informacion. Ultimo dia pa inscribi ta Diamars, 30 di october 2024.
Prome Minister Evelyn Wever-Croes: PARLAMENTARIONAN DI RAIZ TA CONFIRMA CU TA SOSTENE GEOFFREY WEVER COMO
MINISTER DEN GABINETE WEVER-CROES
- Recientemente durante un conferencia di prensa, Prome Minister Evelyn Wever-Croes a anuncia di a haya un confirmacion di partijraad di RAIZ, cu nan ta sostene Minister Geoffrey Wever pa sigui representa nan como minister pa e resto di e periodo prome cu eleccion 2024 dia 6 di december proximo.
Prome Minister, despues cu Minister Wever a retira di su partido, a haya un carta di Minister Wever anunciando cu su persona a wordo pidi pa partijraad di RAIZ, pa sigui cu su
funcion di minister pa e resto di e periodo di gobernacion. Mirando cu esaki ta un caso inusual Prome Minister a verifica si ley ta permiti esaki. Unabes cu el a haya e confirmacion cu ley ta permiti esaki, el a acerca Minister Ursell Arends pidiendo un carta oficial por escrito di partijraad di RAIZ, consistiendo di Misha Raymond y Raymond Kamperveen na unda nan ta confirma dicho peticion.
Basa riba su peticion, Prome Minister ta confirma di a haya confirmacion di
e dos parlamentarionan confirmando nan sosten pa cu Minister Wever. Tambe e mandatario a indica cu e situacion aki no ta mucho comun, y algo asina hamas lo pasa den partido MEP. Den partido MEP, bo ta un minister pa e partido tanten bo ta parti di e partido. Na momento cu bo bandona e partido, bo no por ta minister mas.
E situacion aki sigur a lanta hopi pregunta den comunidad, pa cu si e decision aki ta uno etico, pero al final di dia pa ley, si e parlamentarionan di
RAIZ ta sostene Geoffrey Wever como minister pa RAIZ, e por keda como minister.
Prome Minister Evelyn Wever-Croes: Durante bishita di President di Surinam, ARUBA Y SURINAM A FIRMA UN MEMORANDUM
OF UNDERSTANDING UNDA TA FORTALECE
E
RELACION BILATERAL ENTRE E PAISNAN
Dialuna 21 di October, President di Surinam Chan Santokhi a yega Aruba acompaña pa First Lady Mellisa SantokhiSeenacherry pa un bishita di trabou di un dia. Esaki ta e prome biaha cu President Santokhi ta bishita Aruba, pero si den pasado ya pa mas di un ocasion,
President Santokhi a reuni cu Prome Minister Evelyn Wever-Croes durante conferencianan na Nacionnan Uni.
Prome Minister ta indica cu durante e bishita di President Santokhi, a firma un Memorandum of Understanding (MoU)
unda ta fortalece e relacion bilateral entre e paisnan. Asina Aruba ta fortalece e colaboracion cu Surinam, pa loke ta trata e cooperacion actual pero tambe pa den futuro. Aruba y Surinam tin relacion historico, relacion familiar, y na Aruba tin un comunidad di Surinam importante pa e pais.
Den e MoU a yega na acuerdonan cu lo traha hunto riba diferente tereno manera economia, comercio, agricultura, medio ambiente, turismo, educacion, cultura, salud, migracion y siguridad, entre otro. Despues di firma e MoU, e dos mandatarionan a compromete nan mes pa crea gruponan y comisionnan cu ta encarga y traha riba e puntonan di e contenido di e MoU.
Durante e reunion cu
Prome Minister, President Santokhi a enfatisa cu el a keda sumamente satisfecho cu e bishita y ta impresiona cu e trabou cu Gobierno di Aruba ta haciendo pa e pais. Desde e recepcion durante su yegada na Aeropuerto y durante tur su bishitanan, el a wordo bon ricibi y ta gradici Aruba pa e cariño ricibi y e recepcion ameno. Principalmente e president a gradici
Prome Minister y su staff pa e bon preparacion y e organisacion pa e dia aki y cu tur esaki a conduci na e MoU cu a firma entre e dos paisnan. Tambe durante su estadia, President Santokhi a reuni cu Gobernador di Aruba, S.E. Alfonso Boekhoudt, cu Ministeraad y cu Presidente di Parlamento.
Na final di e reunion, President Santokhi a expresa cu e ta contento
di por a yega na e MoU cu Aruba y asina por sigui amplia e relacion y colaboracion entre Aruba y Surinam y ta sigur cu hunto por sigui desaroya un futuro maraviyoso pa e dos paisnan den beneficio di e pueblo di e dos paisnan.
“Mi kier a gradici President Santokhi, Minister Ramdin y henter e delegacion pa e bishita. Tambe mi palabra di gratitud na tur esnan cu a traha pa haci e bishita posibel y cu nos por a yega na e MoU pa asina fortalece e relacionnan entre Aruba y Surinam. Cu esaki un bunita futuro ta warda nos. Mi ta invita ciudadanonan y esnan cu tin conexion cu Surinam pa haci uzo di e oportunidadnan aki. Aruba y Surinam por wak dilanti na oportunidadnan importante na beneficio di e dos paisnan”, Prome Minister a expresa.
MIGUEL MANSUR (ACCION21): NO PURBA DESACREDITA NOS REFORMA
ELECTORAL
A
BASE DI CONOCEMENTO
HURIDICO ERONEO
Dialuna 14 october 2024
ACCION21 a entrega un inciativa di ley pa reforma nos sistema electoral, parti di e ley ta un landsverordening y e otro parti ta un cambio na staatsregeling. Prome cu nos a entrega e reforma electoral nos a cuminsa anuncia cu nos kier extende e derecho di voto na Arubano den exterior. Tabata tin reaccion di algun partido cu a surgeri cu por extende derecho di voto na studiante si nan kier bolbe, un surgerencia ridiculo. Mas cu 140 pais na mundo ta extende derecho di voto na ciudadano residencia den exterior, den niun e derecho ta depende riba nan intencion di bolbe, bo por imagina e dificultad den colecta y verifica tur e informacion ey?
Dialuna 21 october 2024 a keda publica un columna den Bon Dia Aruba cu ta purba desacredita nos iniciativa di ley. Su prome punto di argumento ta cu pa extende derecho di voto na Arubano den
exterior mester cambia constitucion. Esaki ta un pregunta cu ami tambe tabata tin pa e cuatro wetgevingsjuristsnan cu a traha riba e inciativa di ley. Constitucion ta establece un minimo, no un maximo, dus semper por extende un derecho mas leu cu staatsregeling ta prescribi. Berdad Hulanda a hancra e derecho den nan constitucion pero nos a opta pa cuminsa cu un landsverordening paso esey ta mas facil pa pasa mirando cu mester unicamente un mayoria simpel di diesun. Despues kisas lo kier hancra e derecho den constitucion, pero e no ta necesario pa duna Arubano den exterior e derecho di voto
E segundo argumento den e columna ta tocante introduci eleccion primario of pre-eleccion manera ta e caso na Corsou. Ta importante nota cu Aruba su kiesverordening, nos leynan electoral, tabata mescos cu esun di Antias.
Na Corsou nan a introduci pre-eleccion pasobra originalmente den ley tur hende cu bay duna sosten di firma por mira e lista di ken a firma pa e partido prome cu nan. Esaki tabata e caso na Aruba tambe prome cu digitalisacion y cambio na nos leynan electoral. Corsou su preeleccion tabata motiva pa garantisa anonimidad pero a bin resulta cu e ta util pa descarta partidonan cu no tin sosten suficiente pa sigui pa eleccion pa parlamento. Den ultimo eleccion na Corsou tabata tin 23 partido, 7 tabata den parlamento y 16 cu no tabata den parlamento mester a bay pre-eleccion. Contrario na loke e columna ta trece dilanti, na Corsou no tin necesidad di busca sosten di firma paso pre-eleccion a reemplasa esey. E barera a keda mescos, mester sosten di por lo menos 1 porciento di e cantidad di voto den ultimo eleccion, pero luga di e sosten tuma luga via firma durante 7 dia habil, e mester sosode via voto
den pre-eleccion. Diesseis (16) partido a participa den pre-eleccion cu ta tuma luga riba un diasabra y diadomingo, dos siman despues di entrega lista.
Ocho (8) partido a ricibi mas cu 1 porciento di e cantidad di voto den ultimo eleccion y por a sigui pa eleccion pa parlamento. Dus di 23 partido, 15 a cualifica pa eleccion pa parlamento, 7 tabata tin representacion caba den parlamento y 8 a gana preeleccion. Di e 15 partidonan cu a participa na eleccion 2021, 6 tabata victorioso den gana un of mas asiento pa representacion den parlamento.
Mirando e cantidad creciente di partidonan na Aruba y e practica di e partidonan tradicional di manda nan hendenan firma pa partido chikito pa crea mas restzetels, introduccion di preeleccion tin varios bentaha. E ta crea e oportunidad pa partidonan cu mas sosten participa den
eleccion pa parlamento asina sigurando cu mas voto ta representa. Tambe e ta diminui e practica di manda sostenado di partido tradicional firma pa un partido chikito pa crea mas restzetels. Nos ta lamenta cu luga di sostene nos iniciativa di ley, cierto partido kier purba desacredita nos ley a base di conocemento huridico eroneo. Nan ta purba desacredita nos logronan simplemente paso nan no tabata tin e mesun exito.
Parlamentario Marco Berlis (MEP): Preservando nos tesoro natural, un esfuerso di nos tur!
Aruba, nos dushi tera, ta conoci pa su playanan di santo blanco, su lama cristalino y su paisahenan unico. Sinembargo, e beyesa natural aki ta bou presion constante debido na desaroyo y actividadnan humano. Como ciudadanonan, nos tin un rol crucial den preserva y protege e tesoro natural aki pa generacionnan futuro.
Responsabilidad
Individual pa Naturalesa
Cada ciudadano por contribui significativamente na e conservacion di nos isla su ecosistema. Un di e pasonan mas simpel pero efectivo ta e practica di "Leave No Trace" (No Laga Rastro). Esaki ta nifica cu ora nos bishita areanan natural, nos mester asegura cu nos no ta laga ningun sushi atras y cu nos ta respeta e habitat natural. E fundacion Turtugaruba, cu ta traha incansablemente pa protege nos tortuganan
di lama, ta demostra con accionnan individual por haci un diferencia grandi. Boluntarionan ta patruya playanan durante temporada di pone webo, yudando pa sigura cu e turtuganan por reproduci sin molester. Tur ciudadano por participa den e tipo di actividadnan aki of simplemente respeta e areanan marca pa pone webo. Ademas, iniciativanan manera e "Adopt-a-Mile" program di Aruba Reef Care Foundation ta mustra con comunidadnan por tuma responsabilidad pa seccionnan specifico di nos costa. E tipo di programanan aki no solamente ta yuda mantene nos playanan limpi, pero tambe ta crea un sentido di pertenencia y orguyo den nos comunidad.
Educacion y Concientisacion
Un di e hermentnan mas poderoso den nos lucha pa preserva naturalesa ta educacion. Tin programanan di diferente
fundacion cu por educa tanto hobennan como adultonan tocante e importancia di nos flora y fauna local. Door di organisa caminatanan, guia y charla educativo, nan por inspira un aprecio profundo pa nos biodiversidad. Scol y comunidadnan por hunga un papel importante tambe, implementando programanan di reciclahe y organisando actividadnan di limpiesa regular por yuda crea un cultura di cuido ambiental desde hoben.
Innovacion y Tecnologia
Nos no mester lubida e rol cu tecnologia y innovacion por hunga den nos esfuersonan di conservacion. Iniciativanan nobo manera e uso di drones pa monitorea nos rifnan di coral y detecta cambionan den nos ecosistema marino ta demostra con nos por usa tecnologia pa mehora nos esfuersonan di conservacion. Den
conclusion, preserva nos naturalesa ta un responsabilidad comparti. Cada accion, por chikito cu e por parce, ta conta. Sea ta participando den un limpiesa di playa, plantando un mata den bo cura, of simplemente reduciendo bo uso di cosnan plastico, bo ta contribuyendo na un futuro miho pa Aruba.
Nos mester mira nos naturalesa como un herencia precioso cu nos tin e deber di pasa over na e siguiente generacion den un mihor estado cu nos a haye. Cu e mentalidad aki, y cu e esfuerso colectivo di tur ciudadano, nos por
sigura cu e beyesa natural di nos dushi Aruba lo sigui inspira y deleita pa hopi generacion mas. Laga nos tur asumi nos responsabilidad y haci nos parti. Hunto, nos por crea un futuro unda desaroyo y naturalesa ta biba den harmonia, preservando e bunitesa unico di nos isla pa semper.
Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento. aw / Bo parlamentario y sirbidor di pueblo na bo ordo semper!
Homber(28) H iba den estado critico pa Hospitaal
despues di a bolter cu quadracer na busHiribana
Bushiribana -Dialuna anochi entre 8'or y mey y 9'or a sosode un accidente di quadracer altura na Bushiribana.
Informacion cu a drenta a papia di un accidente basta serio, unda cu un di e personanan envolvi lo ta seriamente herida.
Polis cu a yega a bin topa 2 quadracer, di cual uno a bay cay den locual ta parse un "buraco". Y e otro quadracer tawata un banda.
Pues esnan cu a resulta herida, kizas debi na e scuridad no a mira e "buraco" y ta cay cu velocidad den dje.
Debi na e caida un hende
homber ta resulta gravemente herida, mientras e dama si ta stabiel. Dos ambulance a presenta na e sitio.
Nos por a mira cu ambulance a sali cu maximo urgencia for di Bushiribana direccion Hospitaal.
Polis di trafico y tambe Forensys a yega despues cu polis y e ambulance a sali
cu velocidad halto di e sitio.
Departamento tecnico tambe a wordo pidi pa yega e sitio.
No ta conoci kiko e dos quadracer nan tawata haciendo ey trasnan den e ora ey.
t ienda d i l ey ta habri su portanan bek pa duna conseho huridico pa esnan cu mester di uno
b o
Tienda Di Ley ta habri su portanan bek pa duna conseho huridico pa esnan cu mester di uno.
Bo tin un problema huridico y bo no sa kiko pa haci?
Studiantenan di derecho ku ta traha na Tienda di Ley por, bou di supervision profesional, yuda bo ku esaki.
tin un problema H uridico
Por fabor registra bo caso via nos formulario di registracion door di klik riba e link https://forms. gle/6gLE6XBNA6tvvYrq8 of usa e link ariba nos facebook page Tienda di Ley.
Nos lo procesa bo caso, y lo bo ricibi un yamada pa verifica si nos por trata bo caso y regla un cita.
Minister Geoffrey Wever:
Ley pa e Si S tema Nacio NaL di eStadi S tica di a ruba (NSS) a keda c La
Diamars 22 oktober 2024, Conseho di Minister, riba peticion di Minister Geoffrey Wever, a aproba e ley nobo pa Aruba tin un Sistema Nacional di Estadistica (Nationaal Statistisch Systeem (NSS)). E ley nobo pa Aruba tin un Sistema Nacional di Estadistica a keda aproba y lo sigui su caminda pa Raad van Advies. Aruba no tabata conoce un Sistema Nacional di Estadistica, awor cu e ley aki e produccion di estadisticanan oficial riba diferente area, pa un audiencia bon informa cu datos di calidad halto ta bira posibel.
Un Sistema Nacional di Estadistica ta di importancia pa desaroyo sostenibel di un pais y ta un elemento in-
dispensable den e sistema di informacion di un sociedad democratico. Un Sistema Nacional di Estadistica ta na servicio di gobierno, economia y e publico nacional y internacional door di produccion di datos estadistico riba e situacion economico, demografico, social y medio ambiental. Pa logra e meta aki, e estadisticanan oficial mester cumpli cu rekisito internacional cu tin di haber cu e relevancia, confiabilidad, actualidad y uzo practico di e datos produci. Alabes e datos mester wordo haci publico di manera imparcial y di manera comprendibel pa cada un. Awor esaki ta posibel cu e ley di Sistema Nacional di Estadistica. Lo traha di manera participatorio na identifica e estadisticanan oficial cu ta necesario pa Aruba.
Implementacion di e Sistema Nacional di Estadistica di Aruba ta parti di e vision di maneho di Minister Wever y ta parti tambe di e Landspakket Aruba. Diferente investigacionnan haci den pasado door di organi-
sacionnan internacional manera entre otro “United Nations” y “International Monetary Fund” tambe a mustra na e importancia di establece un Sistema Nacional di Estadistica na Aruba.
E Sistema Nacional di Estadistica ta un cooperacion entre Centraal Bureau Statistiek (CBS) y otro productor di estadistica oficial den aparato gubernamental cu e meta di garantisa produccion di un gran variedad di estadistica oficial di calidad halto, relevante y actual pa asina esaki forma e fundamento di formulacion y evaluacion di maneho y di desaroyo sostenibel.
Den partership, gobierno di Aruba hunto cu Hulanda por medio di e Landspakket a pone fondonan disponibel pa implementacion di e Sistema Nacional di Estadistica (Nationaal Statistisch Systeem (NSS)). United Nations Statistical Division (UNSD) tambe a yuda Aruba cu asistencia tecnico.
“Mi ta hopi contento cu e concepto di ley pa Aruba tin un Sistema Nacional di Estadistica a keda cla, esaki ta un paso concreto pa mehora e manera di hiba maneho di pais Aruba na un forma mas professional y moderno, un forma eficiente, efectivo, participativo y transparente, yudando asina haci uso di fondonan di gobierno mas efectivamente. Mi kier a gradici Centraal Bureau Statistiek (CBS) y Nationaal Statistisch Systeem Commissie pa e trabounan haci pa Aruba por tin un Sistema Nacional di Estadistica basa riba ley. Tambe mi kier a gradici Hulanda, cu por medio di e Landspakket a yuda Aruba cu parti di fondo pa implementa e Sistema Nacional di Estadistica. Den part-
nership, Aruba y Hulanda ta trahando riba e proyecto aki: a prepara e ley di e NSS, a haci compra di hardware y software necesario, ta preparando e digital data platform y trainingnan necesario”, Minister Geoffrey Wever a expresa.
Despues cu e ley wordo aproba den Parlamento di Aruba, CBS lo ta responsabel pa coordina e funcionamento di e NSS. E NSS no ta solamente pa gobierno, pero e NSS ta brinda informacion tambe na Parlamento pa Parlamento por eherce nan trabou primordial di controla gobierno. E NSS ta beneficioso tambe pa sector priva, academiconan y e publico en general pa por tuma decisionnan den nan area concerni.
BISHITA OFICIAL DI PRESIDENTE DI SURINAM NA ARUBA
PA FORTIFICA COOPERACION BILATERAL TABATA EXITOSO
ORANJESTAD
– E
bishita oficial di trabou di presidente di Republica Surnam, S.E. Chandrikapersad Santokhi, na Aruba a finalisa exitosamente.
Durante di e bishita oficial di un dia tur dos pais a sigui pone pasonan pa fortifica nan lasonan bilateral.
Un punto culminante importante di e bishita tabata e firmamento di un Memorandum of Understanding (MOU) entre Prome Minister di Aruba y e Minister di relacion y commercio exterior (BIBIS) di Suri-
nam. E MOU aki ta promove cooperacion den areanan di: Economia y Comercio, Responsabilidad Social Corporativo y Produccion Limpi, Cadenanan di Logistica y Transporte, Agricultura, Medio Ambiente, Turismo, Enseñansa, Cultura y Cuido di Salud.
Tambe a pone atencion na cooperacion di Migracion, Aduana y esfuersonan conhunto den combatimento di Criminalidad organisa, Terorismo y Traficacion ilegal di droga
E encuentro ta marca un paso importante pa fortifica mas ainda e relacion
amistoso y diplomatico entre Aruba y Surnam, cu iniciativanan y proyectonan conhunto cu ta contribui na crecemento economico y desaroyo sostenibel pa ambos pais. Delegacion di Surnam a sali awe mainta cu perspectivanan positivo pa mas cooperacion y exitonan comparti den futuro.
Departamento di Relacion Exterior ta agradece tur persona y instancianan gubernamental y den sector priva cu a brinda cooperacion y bon servicio cu a haci e bishita oficial di President di Surinam y su delegacion uno exitoso.
KICO TA HACI UN BON STORIA?
Kico ta haci un bon storia? Kico ta pone cu e lector no kier stop di sigui lesa? Pakico tin storia ta asina excitante, mientras cu otro nan ta pone bo pega soño? Sea ta un buki pa mucha, of un buki pa adulto, n’e curason di tur bon buki, tin un storia bon hinca den otro. Con pa hinca esaki na un manera bon den otro? Na november, autor local Vi Frank Jr. ta duna un curso – organisa dor di Biblioteca Nacional Aruba – tocante di e topico interesante aki. Autor Vi Frank Jr. tin dos buki publica na su nomber, esta ‘Damnatio ad Bestias’, e prome thriller skirbi na Papiamento, y tambe ‘Outpost Alto Vista and Other Cosmic Horrors from Aruba’, un coleccion di 5 storia skirbi na Ingles den e genero di Cosmic Horror. Tambe sr. Frank Jr. a skirbi y produci varios coleccion di storia di dje y varios autor local, entre otro ‘Maraca’, ‘Halado’, y ‘Antologia Arubano’.
Tur hende tin un storia interesante pa conta, hopi tin gana di skirbi un buki – sea ficticio of di bida real – pero no hopi ta conoci cu e diferente tecnicanan con pa pone nan storia den un forma excitante ariba papel. Desde 4 di november awo, autor local Vi Frank, lo duna tur es’nan interesa un bista ariba kico ta come y bebe den e mundo fascinante di hinca storia den otro. E meta di e curso aki, ta pa na final e participante bay cas c’un ‘toolbox’ yen di herment con pa logra nan meta, esta hinca un bon storia den otro cu ta pone nan lectornan pasa oranan excitante.
Aunke e ta keda algo importante, den e curso aki no lo pone atencion na gramatica, ortografia, etcetera. Participantenan por skirbi con cu nan kier, den nan id-
ioma preferi, sea ta Papiamento, Ingles, Hulandes, o Spaño, di cualkier tema of genero di nan preferencia. Locual ta bay wordo poni hopi atencion riba dje ta varios tecnica con pa gara atencion dje lector di tal forma cu e no kier laga los mas. Den e curso lo focus entre otro con pa crea personahenan interesante; con pa stimula imaginacion dje lector; di cua punto di bista lo conta e storia; con pa hinca e secuencia y escenanan den otro di tal forma cu e storia ta keda interesante y muy en particular, con pa
evita erornan cu nos tur como escritor ta haci hopi biaha.
E curso aki lo ta dialuna di 5or pa 7or, ariba dialuna atardi: e dianan: 4 y 6, 11, 18, y 25 di november y tambe 2, 9, 16 di december 2024. Por inscribi via email: curso@ bna.aw of yama na biblioteca na #528-1500 of # 5281504. Registracion ta cera diahuebs awor. Como bonus pa tur cu inscribi, autor Vi Frank a declara di, como muestra di agradecimento, regala cada participante un di su bukinan (firma) cu el a publica.
Feliz dia bendiciona y cu Dios su man santo ta riba cada un di nos
Den e tempo ey Hesus a bisa: ”Tata, Señor di shelo y di tera! Mi ta gradici Bo cu Bo a duna esnan simpel conocemento di e cosnan cu Bo a sconde pa esnan sabi y inteligente.” Mateo 11,25
Ta trata di e reino cu Dios mes a funda y esnan simpel na kende e cosnan aki a keda revela. Hesus ta expresa na un manera indirecto cu E tin un caso unico cu Dios su Tata, p’esey nos ta proclama Dios su sabiduria secreto prome cu mundo a cuminsa. El a traha e plan pa nos tuma parti na su gloria pero e plan ey a keda scondi; ningun di e podernan cu ta domina e mundo aki no tabatin conocemento di e plan ey. Si nan tabata conoc'E nan lo no a crucifica nos Señor di gloria. Pero manera Santa Scritura ta bisa: loke ningun hende no a yega di mira, ni ningun hende no a yega di tende, pues ni ningun hende no por imagina nan, esey Dios a prepara pa esnan cu ta stim’E. Ma nos si Dios a laga conoce su plan secreto pa medio di su Spirito Santo. ( 1 Cor. 2, 7-10)
Dios a laga nos conoce su proposito scondi di acuerdo cu su boluntad, e proposito cu El a dicidi di antemano pa realisa pa medio di Cristo.
Oracion: Dios bondadoso, Abo cu ta scrudiña curasonnan, yuda nos lucha cu nos cruz cu no ta facil, pero cu Cristo nos por tur cos. E so por duna nos e forsa sobrenatural pa enfrenta e lucha aki na tera. Amen.
MINISTER URSELL ARENDS TA PRESENTA STRATEGIA Y PLAN DI ACCION NACIONAL PA
BIODIVERSIDAD
DI ARUBA
Gobierno di Aruba, a traves di Ministerio di Transporte, Integridad,Naturalesa y Asuntonan di Adulto Mayor ta orguyoso pa presenta e ultimo desaroyo di e Strategia y Plan di Accion Nacional pa Biodiversidad(NBSAP). E documento di maneho completo ta demostra e compromiso di Aruba pa proteha su medio ambiente y biodiversidad, cu un enfoke cla riba harmonisa desaroyo economico cu sostenibilidad ambiental.
E NBSAP a ser desaroya door di Directie Natuur en Milieu (DNM) den colaboracion cu e consultorio empresarial TwynstraGudde di Hulanda. Durante e proceso di desaroyo di e NBSAP a incorpora e aporte di various stakeholdernan, incluyendo departamento di gobierno y organizacion no-gubernamental (NGO’s).
E biodiversidad di e islanan Caribense, incluyendo Aruba, ta bou presion severo door di cambio climatico, urbanisacion, turismo, y polucion. E NBSAP, cu ta cubri e periodo di 2024 pa 2030, ta ofrece un plan strategico pa enfrenta esaki, asegurando miho proteccion pa medio ambiente natural di Aruba y creando espacio pa naturalesa por prospera. E plan aki tambe ta subraya e necesidad pa un transformacion social den e manera con nos ta
balora y proteha naturalesa, a traves di campañanan di educacion y conscientisacion publico.
Como parti di Reino Hulandes, Aruba ta compremti pa cumpli cu diferente acuerdo internacional riba medio ambiente, incluyendo e United Nations Convention on Biological Diversity (CBD). E CBD ta obliga tur nacion cu ta miembro pa somete nan National Biodiversity Strategies and Action Plans cu ta traduci e meta global pa accion nacional. Aruba su NBSAP ta alinea cu e Kunming-Montreal Global Biodiversity Framework, cu ta pone cuater meta global principal pa 2050 y 23 meta di accion pa logra pa 2030.
E NBSAP ta delinea tres meta principal y strategico pa Aruba:
1. Reduci e amenasanan cu ta contribui na perdida di biodiversidad.
2. Uzo sostenibel di e recurso natural pa beneficio di pueblo Arubano.
3. Desaroyo di hermentnan y solucionnan pa implementacion y integracion di metanan di biodiversidad.
Cada un di e metanan ta wordo sosteni pa metanan mas specifico y un bista di e stapnan cu mester tuma detayadamente. Asina ta duna claridad riba e proceso di cada meta pa e periodo di 2024-2030.
E NBSAP tambe ta splica e condicionnan necesario pa implementacion efectivo, incluyendo cooperacion inter-ministerial y recurso financiero a largo plaso.
Minister Ursell Arends, despues di e presentacion di DNM a pidi aprobacion di e Conseho di Minister pa somete e NBSAP na secretaria di CBD, caminda e lo ser evalua durante e siguiente Conference of the Parties (COP16) na november 2024.
Pues Aruba su NBSAP lo mester tabata cla desde 2015. Pero finalmente nos por bisa cu Aruba tin su NBSAP. Siguentemente lo instala un comicion di implementacion y evaluacion dirigi door di DNM.
Diabierna 6 di september 2024, Conseho di Minister a aproba esaki. Por lesa e NBSAP riba publico.aw .
“Nos ta reconose e importancia di biodiversidad pa bienestar, salud y prosperidad di nos nacion. E NBSAP ta refleha e compromiso di Aruba pa preserva nos herencia natural mientras cu nos ta balora e nesesidadnan di crecemento economico,” Minister Arends a expresa.
Prome Minister Evelyn Wever-Croes: Durante bishita di President di Surinam ARUBA Y SURINAM A FIRMA UN
MEMORANDUM OF UNDERSTAND-
UNDA TA FORTALECE E RELACION BILATERAL ENTRE E PAISNAN
ORANJESTAD – Dialuna
21 di October, President di Surinam Chan Santokhi a yega Aruba acompaña pa First Lady Mellisa Santokhi-Seenacherry pa un bishita di trabou di un dia. Esaki ta e prome biaha cu President Santokhi ta bishita Aruba, pero si den pasado ya pa mas di un ocasion, President Santokhi a reuni cu Prome Minister Evelyn Wever-Croes durante conferencianan na Nacionnan Uni.
Prome Minister ta indica cu durante e bishita di President Santokhi, a firma un Memorandum of Understanding (MoU) unda ta fortalece e relacion bilateral entre e paisnan. Asina Aruba ta fortalece e colaboracion cu Surinam, pa loke ta trata e cooperacion actual pero tambe pa den futuro. Aruba y Surinam tin relacion historico, relacion familiar, y na Aruba tin un comunidad di Surinam importante pa e pais.
Den e MoU a yega na acuerdonan cu lo traha hunto riba diferente tereno manera economia, comercio, agricultura, medio ambiente, turismo, educacion, cultura, salud, migracion y siguridad, entre otro. Despues di firma e MoU, e dos mandatarionan a compromete nan mes pa crea gruponan
y comisionnan cu ta encarga y traha riba e puntonan di e contenido di e MoU.
Durante e reunion cu Prome Minister, President Santokhi a enfatisa cu el a keda sumamente satisfecho cu e bishita y ta impresiona cu e trabou cu Gobierno di Aruba ta haciendo pa e pais.
Desde e recepcion durante su yegada na Aeropuerto y durante tur su bishitanan,
el a wordo bon ricibi y ta gradici Aruba pa e cariño ricibi y e recepcion ameno. Principalmente e president a gradici Prome Minister y su staff pa e bon preparacion y e organisacion pa e dia aki y cu tur esaki a conduci na e MoU cu a firma entre e dos paisnan. Tambe durante su estadia, President Santokhi a reuni cu Gobernador di Aruba, S.E. Alfonso Boekhoudt, cu Ministeraad y cu Presidente di Parlamento.
Na final di e reunion, President Santokhi a expresa cu e ta contento di por a yega na e MoU cu Aruba y asina por sigui amplia e relacion y colaboracion entre Aruba y Surinam y ta sigur cu hunto por sigui desaroya un futuro maraviyoso pa e dos paisnan den beneficio di e pueblo di e dos paisnan.
“Mi kier a gradici President Santokhi, Minister Ramdin
y henter e delegacion pa e bishita. Tambe mi palabra di gratitud na tur esnan cu a traha pa haci e bishita posibel y cu nos por a yega na e MoU pa asina fortalece e relacionnan entre Aruba y Surinam. Cu esaki un bunita futuro ta warda nos.
Mi ta invita ciudadanonan y esnan cu tin conexion cu Surinam pa haci uzo di e oportunidadnan aki. Aruba y Surinam por wak dilanti na oportunidadnan importante na beneficio di e dos paisnan”, Prome Minister a expresa.
IPA tA tene su Anoch I dI
InformAcIon tocAnte
21+ toets d IA 23 d I
october 2024
Bo ta desea di haci e estudio pa Maestro di Enseñansa Primario pero pa motibo di circumstancia di bida bo no a logra termina sea havo, vwo of mbo nivel 4? Cu 21+ Toets bo deseo por bira realidad! Tur persona cu desde 1 di september 2025 tin minimo 21 aña y cu kier haci un estudio na IPA, pero no tin diploma di sea havo, vwo of mbo nivel 4, por inscribi pa haci e asina yama 21+ Toets. E 21+ Toets ta midi si bo tin nivel di havo cu ta necesario pa por studia na IPA. Si bo logra pasa e 21+ Toets cu exito, bo por inscribi pa un estudio inicial cu IPA lo ofrece durante aña academico 2025-2026. Asina cu bo inscribi bo ta bin na remarke pa participa na e test di admision (beroepstest) y e programa preparatorio (voorprogramma) cu lo tuma luga durante aña academico 2024-2025. Si bo logra pasa e test di admision cu exito y completa e programa preparatorio bo por cuminsa cu bo estudio na augustus 2025.
Anochi di informacion Diaranson dia 23 di october 2024 lo tin un anochi di informacion na IPA. Bo lo haya splicacion di kico
FORTALEZA PA FAMIA
Scirbi pa Pastor Marcel Balootje.
Pone tur bo confIAnsA den crIsto
hesus nos sen Jor
Ken entre boso ta teme Señor,ken ta obedece e bos di Su Sirbido,ken ta cana den scuridad y no tin lus? Lage confia den e nomber di Señor, y depende riba su Dios.( Isaias 50:10).
Pesey tambe Dios a hals’E te na e halturanan y a dun’E e nomber riba tur nomber, cu pa e nomber di Hesus tur rudia mester dobla, di esnan cu ta den cielo,y riba tera, y bao di tera,y cu tur lenga mester confesa cu Hesus Cristo ta Señor.Pa e gloria di Dios Tata. ( Filipensenan 2:9-11).
ta ladron di bendicion.
21+ Toets ta encera. Alabes lo elabora riba contenido y trata ehempel di tarea di diferente materia cu ta forma parti di 21+ Toets. E anochi di informacion ta di 7:00 pm - 8:30 pm y lo tuma na IPA (Isaac Wagemakerstraat 11, San Nicolas).
Inscripcion
Tur persona cu ta interesa pa haci 21+ Toets por inscribi via e website www. ipaaruba.com. Pa por inscribi mester cumpli cu e pago di AWG 80,- y pone como anexo copia di comprobante di pago den formulario digital di inscripcion.
Tene na cuenta cu e comprobante mester tin bo nomber riba dje, p’asina nos sa na ken e pago ta pertenece. Na final bo lo ricibi confirmacion di bo inscripcion. E ultimo dia pa inscribi pa 21+ Toets ta 29 di november 2024. Despues di e fecha aki no tin posibilidad mas pa inscribi.
Pa keda altanto di e ultimo desaroyonan di IPA bishita www.ipaaruba.com y sigui nos riba pagina di facebook Instituto Pedagogico Arubano
E confiansa den Dios, e temor di Dios, e Fe den Dios, ta sumamente necesario pa nos logra nos metanan den bida, mas nos kere den Dios, mas bendiciona nos ta, Pasobra su palabra ta bisa lo siguiente:
Lo mi duna boso un curason nobo,y pone un spirito nobo den boso,y haci boso cana den Mi statutonan y boso lo percura di cana den mi ordenansanan. Lo mi kita e curason di piedra for di boso y duna boso un curason di carni. (Ezekiel 36:27)
E cambia den nos bida, ta solamente den Cristo nos por logre, nos no por cana pa bista, nos mester cana pa Fe, pasobra ta solamente Dios sa locual nos mester, e tin poder pa libera, pa sana, pa cambia nos curason,y nos pensamentonan.
E palabra di Dios ta demostra nos mas cu tur cos den e ultimo temponan aki, pa nos no confia den nos mes, pasobra seguridad ta bini solamente for di Cristo Hesus, ta tempo pa pone tur cos den man di Dios, nos bida , nos cas y nos famia, y no duda den e palabra di Dios, pasobra duda
Cu tur confiansa nos mester aserca e trono di gracia di Dios prome cu tur cos, y ricibi direccion di Dios pa nos bida, pasobra nos tin cu agrada Dios cu nos bida,( Galationan 1:10).
Tin un spirito di materialismo y falta di amor cu kier ataca nos hobennan, y haci cu nan ta pone nan bista riba cos enbes di riba Dios, cu material ta bira asina importante pa nan, y cu bida di nan prohimo ta bira menos importante, esey ta locual Pablo a scirbi pa nos den 2 Timoteo 3:1-5 cu den e ultimo temponan lo tuma lugar.
Pablo ta menciona tur locual lo tuma lugar den bida di hende ora nan kita nan bista riba Dios, y hasta crea idolo pa nan mes, mirando solucion den hende y no den Dios.
Nos oracion mester aumenta den nos hogar, pa nos famia , pa Dios tene misericordia, pasobra nos tur mester tene bon na cuenta cu Dios ta dicidi, y no ta hende ta dicidi, hende por tin hopi plan pero Dios ta esun, cu tin e ultimo palabra. E ta nos creador , nos Redentor, nos Baranca
fuerte Esun cu tin tur poder, y no tin mas grandi cu Dios. Pesey ta necesario pa mantene nos confiansa, y fe den Señor,
Ta tempo pa nos haci tur locual ta na nos alcanse pa nos hubentud gara na e caminda di Dios, pasobra e plannan di destruccion di e enemigo ta serio, pesey nos mester pidi Dios pa trece un cambio den nan curason, y e cambio ey no por wordo logra cu placa, pero solamente cu e palabra di Dios, pa nan reconoce nos Señor Hesus Cristo y deposita nan Fe den dj’E, Pasobra Cristo Hesus ta e unico caminda di berdad y bida.
E merece nos confiansa tur momento.
