A.T.A. Y AAA
REUNI CU GOL
‘Meta: record nobo pa Brazil cu 40% crecemento na 2025’
VARIOS DETENCION Y DROGA CONFISCA
8 AÑA DI PRISON PA IMPORTACION
DI 500 KILO DI DROGA
MIKE EMAN MESTER
SIGUI EHEMPEL DI BIDEN: TUMA RETIRO
E decision di Joe Biden pa stop di canidatura pa re eleccion di president di Merca ta un bon decision. Joe Biden no por sigui mas como president, pasobra su edad ta grandi y mentalmente e no ta stabiel mas. Na Aruba nos tin un otro caso. Nos tin tur e ex ministernan di AVP sentencia pa corupcion y algun cu a scapa ainda manera Mike de Meza cu RDA.
Pues, ta momento pa Mike Eman sigui e paso di Joe Biden. Den e caso aki Mike no mester retira pa problema mental di memoria, pero di abusa di pueblo via corupcion pa enrikece su hendenan. Ta ora pa Mike sigui e paso di Joe Biden, entrega su retiro, pasobra de paso Mike Eman tambe tin casi 70 aña caba. Te cu cuanto aña Mike kier sigui den politica? Te cu 90 aña?
PABIEN
MINISTER
ENDY CROES
HAPPY BIRTHDAY
Prome Minister Evelyn Wever-Croes: PROME MINISTER A REUNI CU DOW PA TRATA VARIOS PUNTO DI IMPORTANCIA
Pa Gobierno di Aruba e tema di sushedad riba e isla ta un prioridad grandi
Recientemente Prome Minister Evelyn Wever-Croes a reuni cu DOW pa trata puntonan di gran importancia. Un punto ta pa busca solucion pa mantene Aruba limpi y otro punto importante ta e ehecucion di proyectonan pendiente awor cu tin fondo disponibel.
Sushedad rond Aruba
Pa Gobierno di Aruba e tema di sushedad riba e isla ta un prioridad grandi. Durante e reciente reunion, DOW a splica cu e situacion di sushedad riba nos isla a cambia hopi desde cu a cera e dump na Parkietenbos.
Prome Minister ta menciona cu ta di lamenta cu actualmente hopi mas hende ta tira sushi riba caya. Pa loke ta trata e seccion entre Sero Teishi y Aeropuerto di e Green Corridor, esaki ta wordo haci limpi tur dia, pero ya pa atardi por mira atrobe cu tin sushi tira. Tambe e situacion banda di e beachnan di Aruba ta uno alarmante. Akinan
tin barinan di sushi chikito destina pa tira entre otro cups, napkin, etc. Pero tin hende ta bay pasa henter dia of haci un fiesta na lama y despues di esaki ta laga saconan grandi di sushi atras na e barinan chikito cu no por abarca esaki. Prome Minister ta pidi e ciudadanonan di Aruba cu ta bay lama pa pasa dia of haci un fiesta, pa hiba bek e sushi bo cas y desecha esaki apropiadamente.
Ampliacion Personal DOW pa tene Aruba limpi
Prome Minister ta indica cu pa e motibonan aki DOW mester bay amplia su personal y ekipo pa por tene Aruba limpi. Aki ta papia di gastonan adicional cu ta surpasa 1 miyon di florin. E mandatario tambe ta menciona cu ya a papia cu colega Minister Ursell Arends di Ministerio di Naturalesa, riba e tema pa pone mas atencion na conscientisacion como cu e limpiesa di Aruba no ta responsabilidad di Ministerio di Infrastructura sino di Ministerio
di Naturalesa. Lo mester traha mas riba e conscientisacion di e comunidad y bin cu boet pa esnan cu ta viola leynan y ta tira sushi riba caya.
Ehecucion proyectonan pendiente E otro tema trata durante e reunion cu DOW tawata esun di ehecucion di proyectonan. Tin varios proyecto cu ta pendiente desde fin di 2023. Awor e situacion financiero di Aruba a stabilisa y tin mas espacio den e presupuestonan pa inverti den esakinan. Entre otro scolnan, careteranan, y varios otro tipo di proyecto. Pa esaki DOW tin un reto awor ya e sector priva, referiendo na contratistanan, no por cu tur e cantidad di e
trabou cu tin aworaki. Mescos pa careteranan, no tin suficiente companianan cu ta atende cu asfalt pa por ehecuta e cantidad di proyecto. Awor cu Gobierno tin placa, no tin suficiente contratista of compania cu ta atende cu asfalt pa ehecuta nan.
“P’esey e reunion aki, pa busca un solucion pa ehecuta proyectonan importante, y solucion con pa nos drecha nos careteranan awor cu tin fondo disponibel pa esey. Y pa busca solucion con pa traha hunto pa Aruba bira y keda limpi. Tawata un bon reunion, y mi ta sigur cu nos lo yega na e solucion pa tur e puntonan aki”, Prome Minister a expresa.
Cuerpo Policial Ta Informa VARIOS DETENCION Y DROGA CONFISCA
Diamars den oranan di madruga departamento di crimen organisa (UGC) a score un biaha mas. Team di Aresto a haci 5 entrada hudicial conhuntamente cu diferente departamento policial.
Durante e entrada hudicial a detene 7 sospechoso, di cual 6 tabata Venezolano y un Arubiano. Na un di e casnan a confisca un cantidad grandi di placa como tambe droga.
Durante e accion policial a topa cu 6 illegal. Un hende muher y 5 hende homber.
Cuerpo Policial ta traha incansablemente pa combati criminalidad.
Noticia di Corte
8 AñA DI pRISON pA ImpORTACION
DI 500 kIlO DI DROGA
Hues di Corte di Husticia a dicta sentencia den e caso penal cu Ministerio Publico a cuminsa contra e hombernan Latino J.B.C. y L.R.N. , kendenan ta wordo acusa di ta envolvi den un importacion di droga riba un boto riba 15 December 2023.
SOLO DI PUEBLO por a compronde cu Hues ta haya cu L.R.N. tabata mas envolvi y pesey a castig’e mas pisa cu J.B.C.
500 KILO DI DROGA CONFISCA
Ta asina cu tur cos ta mustra cu Polis a logra detene L.R.N. y J.B.C. caminda a confisca 500 kilo di droga di cual, 250 kilo ta cocaine y e otro mitar ta marihuana. Segun e acusacion di Fiscal, ta sospecha L.R.N. ta activo pa basta tempo. A acusa L.R.N. cu entre Juli 2021 y Augustus 2023 lo ta complice den trecemento di droga den boto. J.B.C. tambe ta wordo acusa di a trece droga.
SENTENCIA
Hues a cuminsa cu L.R.N. caminda el a bisa cu e ta declara L.R.N. liber di e promer acusacion esta cu entre Juli 2021 y Augustus 2023 e lo ta envolvi den trecemento di droga. Hues a bisa cu e no ta haya cu tin suficiente prueba pa por considera L.R.N. complice di traficacion den e periodo aki y pesey ta declar’e liber.
Hues a sigui bisa cu pa e acusacion di importa droga, si tin suficiente prueba. Hues a mustra cu tin yamadanan scucha caminda L.R.N. ta papia tocante trecemento di droga y hasta a inverti den droga. Aki Hues ta haya cu L.R.N. ta complice di importacion di droga. Hues a mustra tambe cu na e cas unda L.R.N. tabata keda hunto cu J.B.C., a haya cantidad di droga. Hues a mustra cu L.R.N. a admiti cu e tabatin droga den e cas.
8 AÑA Y 4 AÑA Y MEY DI PRISON
Pa cu e castigo, Hues a bisa cu e ta tene cuenta
cu negoshi di droga ta crea hopi criminalidad y tristeza den famia. Hues a condena L.R.N. na 8 aña di prison kitando e tempo cu e ta sera den KIA. Hues a ordena pa destrui e droganan confisca, mientras cu e auto y cellular di L.R.N. lo keda confisca.
Pa J.B.C., Hues a bisa cu e ta declar’e liber di e acusacion di ta envolvi den trecemento di droga. Hues a bisa cu e ta haya cu J.B.L. tabata sa kico lo bay pasa cu droga pero no a participa.
Hues ta haya J.B.L. culpabel di posecion y bendemento di droga na e cas, caminda a haya un lote di marihuana y cocaine. Hues ta haya cu J.B.L. a haci negoshi cu droga y cu J.B.L. a admiti di a haci negoshi cu droga. Pa cu e castigo, Hues a mustra cu droga ta crea criminalidad y tristeza den famia.
Hues a condena J.B.L. na 4 aña y 6 luna di prison, kitando e tempo cu e ta sera den KIA.
yiu muhe Di benny Ta subi lisTa?
e mesun cu a haya su fiesTa Di 15 aña regala, open bar?
Tin hende na Aruba cu no ta realisa e embergadura di politica. Un di nan ta Benny Sevinger, cu cueste loque cueste kier yega bek den Gobierno. Si e mes no por, e kier pone su yiu muher.
Ta tristo pa mira asina un antoho pa keda draai den politiek, apesar di un sentencia di 4 aña di
prison pa corupcion cu tereno. Awor nan kier manda yiu muhe? Pero no ta e mes yiu muhe ey tambe su nomber a cay den e caso di corupcion? Unda a pone celebracion na grandi y a haya e fiesta completamente gratis for di doño di un hotel na Aruba? Pa posiblemente haya tereno of permiso pa construi mas kamber di hotel?
Benny mester realisa cu awor e mihor decision cu e por tuma ta di aleha di politica, bay sinta su castigo y despues kisas bolbe bek.
Aworaki si pone yiu muher, ta muestra di rebeldia y soberbia, unda no kier accepta un condena pa corupcion.
Tamarijn - Diamars aTarDi ambulance a
worDo piDi na Tamarijn, pa un
persona cu
lo a cay Di un alTura poco halTo
Pafo di e adres, famia tawata warda e ambulance pa mustra unda nan mester ta.
Na yegada di e ambulance por a mira Paramediconan baha y bay patras di e cas. Algun minuut despues nan ta sali cu un cabayero cu a cay y ricibi algun golpi na curpa y posiblemente
fractura algo.
Mester tene cuenta cu e biento ta basta duro den e dianan aki, y cu si bo ta bay subi poco halto practica cautela.
E meneer a wordo transporta pa Hospitaal, unda e lo a ricibi atencion medico mas avansa.
Parlamentario Marco Berlis (MEP): Mansur ta un Menasa serio pa nos pais
Mansur kier basha hotel abao, liMita cantidad di turista y awo ta papia di over-turisMo
Niun hende no por tuma Miguel Mansur na serio mas. Su expresionnan, menasanan y gañamento structural ta un peliger pa nos sociedad. Miguel a demostra cu e ta hiba un politica destructivo pa nos economia, ta usando su posicion parlamentario pa intimida ciudadanonan, y ta coriendo cu un vision cu lo termina cu e unico pilar economico cu nos tin: nos turismo.
Miguel Mansur atentando contra nos turismo
Miguel Mansur a bay “live” algun luna pasa y a declara cu tur claridad di kier cuminsa “kita erfpachtrecht di hotelnan,” pa despues tumba esakinan. Ademas Mansur a declara algun siman pasa cu e kier “limita e cantidad” di turista pa drenta Aruba. Ta parce cu Mansur, cu por cierto no a biba cu pueblo den e periodo catastrofico di e pandemia cu nos, nunca lo por compronde cu miles di hogar a wak sernan stima sufri y fayece. Otro famianan a perde trabao, nan entrada, nan pan, no por a paga nan debenan, famianan a perde nan cas, auto y otro bienes. Pa un miyonario cinico, cu nunca a pasa den pobresa, hamber y necesidad, nos turismo ta parce algo cu por trata con cu ta. Awor mas cu nunca pueblo ta stima nos turismo cual ta significa trabao pa nos pueblo, entrada pa nos famianan, y pa Aruba un economia cu por draai y haci nos soñonan bira un realidad.
Miguel Mansur contra turismo: “Aruba tin mucho Turismo”
Den e ultimo simannan Miguel Mansur a bin ta papia di over-turismo y ta mencion’e continuamente. Esaki ta confirma su postura di kier limita e cantidad di turista drenta Aruba, basha hotel abao. Ora cu no tabata tin entrada suficiente y inversion den nos pais, Mansur a grita acusa gobierno, cu tabata luchando cu falta di entrada, pasobra turismo tabata masha abao mes. Awo cu cos a drecha, Mansur ta grita tin mucho turismo!! Kiermen un surplus pa paga debe, inversion tur caminda, duna bek na pueblo den forma di indexering, placa pa stichting, gehandicaptenuitkering, proyectonan di husticia, deporte, educacion y hopi mas no ta bon tampoco pa Mansur! Ma ta kico e loco aki kier anto? Caba cu Aruba? Asina bo sa!
Otro expresionnan y accionnan peligroso di Mansur contra nos sociedad
No ta pornada mi lo keda skirbi y expone e menasa serio cu Mansur ta representa pa nos pais. Aki ta sigui algun di su expresionnan y accionnan peligroso cu e la haci y declara den passado:
1. Miguel Mansur a exigi un lista cu nomber di ambtenaar pa cuminsa kita 1.500 persona;
2. Miguel Mansur ta exigi pa declara tur stranhero cristian hendenan non-grata, kita nan permiso inmediatamente y deportanan sin misericordia.
3. Miguel Mansur a gaña riba lidernan religioso, bisando cu nan ta mina nos democracia y a menasa Parlamentarionan. Declaracionan
falso y Cristo-fobico.
4. Miguel Mansur a demostra cu e tin un guera contra Cristianismo ora e la exigi pa creyentenan Cristian cera nan boca y pa no mete den politica, y cu nan por mester habri un partido politico si nan kier vocifera un opinion politico. Di e forma aki Mansur a “trapa” literalmente riba derechonan constitucional di pueblo cu tin e libertad pa expresa nan mes. Kende e lo kier silencia despues?
5. Miguel den su fobia contra Cristo y Bijbel a saca scrituranan sagrado for di contexto pa trata na ridiculisa e religion Catolico y Cristian.
6. Miguel Mansur ataca clero catolico yamando nan pa homosexual den un post riba Facebook. (Ainda e post tey)
7. Mansur supuestamente ta boga pa igualdad, inclusion y stop descriminacion, pero dia y nochi ta ofende, menasa y insulta tur
esnan cu tin un opinion opuesto riba su agenda.
8. Mansur a menasa dos candidato pa Ombudsman, exigi pa nan retira pa su candidata faborito por bira e Ombudsman nobo. Di e forma aki Mansur a politisa y usa menasa contra tur etica y derecho di e ciudadanonan aki.
Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!
SER REpRESEntá na FoRo polítiko di nivEl Haltu di naSHonnan uní
Willemstad, 23 di yüli 2024 – Konseho Sosial Ekonómiko (SER) di Kòrsou a partisipá na e Foro Polítiko di Nivel Haltu (HLPF) di e Konseho Ekonómiko i Sosial di Nashonnan Uní (ECOSOC) di 15 te ku 18 di yüli último. E foro akí a kuminsá un siman anterior na e sede di Nashonnan Uní na New York. Den su kalidat komo presidente di e Asosashon Internashonal di Konsehonan Ekonómiko i Sosial i Institushon Similar (AICESIS), SER di Kòrsou tabata presente na e evento aki.
E HLPF 2024 tabata konsentrá riba "Fortifiká e Agènda 2030 i eliminá pobresa den tempu di vários krísis: e entrega efektivo di solushonnan sostenibel, resistente i
inovativo". Durante e foro, a hasi evaluashon temátiko di e Ophetivonan di Desaroyo Sostenibel (ODS) 1 (Eradiká pobresa), 2 (Nò na Hamber), 13 (Akshon Klimátiko), 16 (Pas, Hustisia i Institushonnan Fuerte) i 17 (Aliansa pa Lográ e Ophetivonan).
Durante e foro, AICESIS a enfatisá e nesesidat di metanan mas spesífiko i medibel pa kada ODS. Apesar di e bon intenshon di hopi paisnan, progreso den e ámbito aki ta kana lento, debí na faktornan manera e pandemia di COVID-19, falta di rekursonan finansiero, konfliktonan armá, kambio klimátiko i desasternan natural. Solamente 17% di e ophetivonan di desaroyo sostenibel te ainda por ser alkansá na 2030.
AICESIS tambe a pone
dilanti e importansia di e resultado di e kumbre di ODS’nan di 2023, ku a yamá pa un invershon anual di $500 bion di dòler merikano pa paisnan desaroyá pa yena e falta di finansa. A hasi un yamada fuerte pa un koöperashon multilateral mas fuerte i pa partisipashon di tur stakeholder, inkluso organisashonnan ku ta representá sosiedat sivil i
hóbennan.
Un plan di akshon konkreto ta nesesario, inkluso metanan mas spesífiko i medibel pa kada ODS, i mekanismonan pa monitoriá progreso i duna kuenta i rason. Un aliansa stratégiko entre gobièrnu, sektor privá i organisashonnan di sosiedat sivil ta nesesario, pa interkambiá
konosementu i bon práktikanan entre paisnan. Mobilisashon di rekursonan pa apoyá paisnan den desaroyo ta esensial. AICESIS tabata representá na e HLPF pa e presidensia di Kòrsou, e sekretario general di AICESIS i e representante permanente di AICESIS na ECOSOC.
CaRibbEan HEaltH aCadEmy a tRain 1500 pRoFESional di Cuido dEn Cuido agudo
Den e ultimo 3 añanan, cu colaboracion di Amsterdam UMC Academy, 1500 profesional di cuido den Caribe a ricibi training adicional den cuido agudo. A realisa e proyecto unico aki pa medio di colaboracion entre Dutch Caribbean Hospital Alliance (DCHA), Amsterdam UMC Academie, y ministerio di Salubridad, Bienestar y Deporte (VWS). Ademas e entrenadornan di hospital a formula plannan pa duna e colaboracion y training un caracter duradero.
Den e proyekto di CARIBHA desde 2021 a duna training adicional den cuido agudo na casi 1500 profesional di cuido, tanto dunado di cuido como enfermero(a), den cuido agudo. Mediante e programa di training e islanan por reacciona adecuadamente riba situacionnan di cuido agudo, manera durante un pandemia.. E programa tabata concerni un pakete amplio di formacion,
orienta specificamente riba cuido di Covid, Training Basico di Cuido Agudo (BAZ), rasonamento clinico y entrenamento avansa pa enfermero(a) di Ayudo di Emergencia (SEH), Cuido Intensivo (IC), enfermero(a) di seccion di Cuido Cardiaco (CCU), enfermero(a) di diabetis y colaborado di anestesia.
A inicia cu e proyecto di CARIBHA riba peticion di ministerio di VWS durante e pandemia di Covid y
financia cu un subsidio di mas di 2 miyon euro. Pa medio di colaboracion estrecho entre e hospitalnan di Aruba, Boneiro, Corsou, Sint Eustatius, Sint Maarten y Saba y Amsterdam UMC
Academie, a duna un impulso enorme na calidad di cuido den e region Caribense y na desaroyo profesional y disponibilidad di dunadonan di cuido.
Rafaela Mahadeo y addonsito CRoes honRa pa CineaRuba
Na final di e di 4 edicion di Playa Film Festival 2024, a tuma luga e anuncio y entrega di premio na e peliculanan cortometrahe di e aña aki.
Den Santos Cafè na Oranjestad e directornan di cada pelicula participante tawata invita pa por a scucha e resultado. Tawata un anochi bunita caminda cu e organisadornan di e actividad Juan Fransisco
Pardo y Adriano Nanof a duna start yamando un y tur bonbini gradiciendo cada un pa nan contribucion enorme na e edicion aki.
Tawata presidente di Cineraruba, sra. Luty Martines, e persona cu tawatin e tarea di honra dos miembro di Cinearuba cu ya caba a cumpli 10 aña den servicio di e Fundacion. Tawata Rafaela Mahadeo y Addonsito Croes esunnan cu a keda honra. E dos personanan aki tawata desde principio di Cinearuba activo den e mundo di actuacion y te cu awe ta keto bay miembronan di e bestuur dje fundacion. Tur dos
tawata actornan cu 11 aña pasa a participa den e pelicula inmortal ABO
SO di Cineraruba, cu te cu awe ta un di e peliculanan mas bishita den historia di Aruba. Despues di e exito grandi aki, tur dos actor y miembro a sigui den e mundo aki di actuacion apareciendo regularmente den produccionnan local cinematografico.
Sra. Luty Martines a
felicita tur dos miembro gradiciendo nan pa nan lealtad y trabou bunita pa Cinearuba. Tur dos actor a gradici e miembronan masha hopi mes pa e honor unico aki e aña aki. Ta un honor grandi di ta forma parti di un fundacion asina cu tin como un di e metanan principal pa educa un nacion pa medio di e arte di filmacion y pelicula.
A.T.A. y AAA TA reuni cu GOL
‘Meta: record nobo pa Brazil cu 40% crecemento na 2025’
Di acuerdo cu introduccion di GOL Airlines y expancion di e mercado Brasilero, Aruba Tourism Authroity (A.T.A.) a tene reunionan clave na Brazil entre 22 di juli cu 26 di juli, 2024 . E delegacion a consisti di representantenan clave di entre otro, Ronella Croes CEO di A.T.A., Jordan Schlipken Croes A.T.A. Area Director LATAM, asina Jo-Anne MeauxArends, Aviation Business Development Executive di AAA, y Carlos Barbosa di A.T.A. Brasil.
E mercado Brasilero a conoce un acogida impresionante pa Aruba. Ta di menciona cu a sera aña 2023 cu un aumento significante, caminda cu a registrando un aumento di 24% compara cu 2019. Pa e periodo actual (YTD) juni 2024, e mercadi Brasilero a aumenta na 33% compara cu e mesun periodo den 2023.
Segun strategia di diversificacion y enfoke riba segmento di High Value, A.T.A. tin como meta pa aumento e mercado Brasilero cu 40% den 2025 compara cu 2024. Loke ta trata e mercado general di Latino America, e meta ta pa amplifica e presencia Aruba den paisnan di entre otro, Argentina, Brasil, Chile, y Peru.
GOL Airlines lo hunga un papel crucial den logra e meta aki cu lansamento
di vuelonan cu lo inicia na december 2024, cu lo conta cu un capacidad di 170 pasahero. Esaki banda di conexionan existente di entre otro. Avianca cu vuelonan directo a traves di Bogota, y Copa Airlines cu vuelo directo a traves di Panama, y LATAM Airlines cu vuelo directo via Lima. Tur ta vuelo y conexion cu lo sigui ta esencial pa mehora accesibilidad pa Aruba. Durante e siman, e delegacion lo reuni Operadornan di Tour (OT) importante pa Aruba. A inisia e ciclo di reunionnan cu un reunion cu GOL. Aki a reuni cu representacion amplio di GOL. Entre otro cu network planning, mercadeo y benta. Aruba Tourism Authority (A.T.A.) y Aruba Airport Authority (AAA) ta gradici e ekipo di oficina di GOL pa un reunion fructifero. Aruba, banda di San Hose y Cancun ta parti di e 3 destinonan nobo cu ta lansa e aña aki. Un y tur ta hopi entusiasma. Meta ta pa yega un record nobo pa Brazil cu un crecemento di 40% na 2025 cu ta un total di 25,900 bishitante. Tocante Aruba Tourism Authority (A.T.A.)
Desde 1 di januari 2011, Aruba Tourism Authority ta opera como un entidad ‘Sui Generis’. Un organizacion independiente den e esfera publico. Aruba Tourism Authority ta fungi como ‘Destination Marketing and Management
Organization (DMMO)’ y ta responsabel pa uni interes turistico entre socionan local e internacional.
A.T.A. ta pone hopi enfasis riba e modelo di “High Value-Low Impact” cu ta para pa un balanse entre aumenta e balor economico di e bishitante, posiciona Aruba como un pais desea y sostenibel, y posiciona Aruba como lider di desaroyo como un destinacion. Cu meta pa sigui mantene esfuerzonan den linea segun e balanse menciona, y logra aumenta entrada pa medio di calidad di turismo en bes di e volumen cu nos destinacion ta ricibi. Capacidad di carga ta sigui ricibi atencion di parti di
MINISTER ENDY CROES A DUNA ALGUN AVANCE DI E PROYECTO DI RENOBACION
DI STADION GPT NA DAKOTA
Aruba tin un hoya di stadion
: Recientemente, Minister Endy Croes a duna informacion actualisa di e ultimo desaroyonan cu ta tumando luga na Stadion GPT na Dakota. Manera ta conoci, e stadion a pasa den un fase di renobacion den su totalidad. E turf ta cla y certifica pa FIFA Y CONCACAF. Den luna di juni ultimo, FIFA World Cup Qualifiers a tuma luga den Stadion GPT na Dakota.
E luznan ta cumpli cu standard di FIFA y CONCACAF, esta 1200 lux. E renobacion di e tribuna, VIP Room y instalacion di coriente ta kedando cla cuminsamento di luna di augustus binidero. Na e momento aki, lo inicia cu e ultimo fase di
e construccion, cual ta e atletiekbaan. Pa loke ta trata e atletiekbaan e “toplaag” ta di e marca Italiano Mondo, cual ta e miho marca na mundo. E marca Mondo tambe ta wordo uza den Weganan Olimpico. E container cu e materialnan a yega Aruba. Minister Endy Croes a remarca cu un trabou grandi cu ainda mester haci ta e “onderlaag” cu mester wordo ranca y basha ful di nobo.
A order e “drainage system”, cual ta uno hopi special y esaki lo ta na Aruba dentro di 2 luna. Pues nos ta premira cu pa e proximo 3 pa 4 luna e trabou di construccion ta completamente finalisa. E inauguracion oficial ta
tuma luga e aña aki, unda cu Pueblo di Aruba ta keda cordialmente invita pa presencia diferente actividad deportivo tanto di futbol como atletismo. Pabien na e deporte rey di futbol y pabien na e disciplina di atletismo cu e proyecto nobo aki.
UN SHOCO DI ARMANDO
GOEDGEDRAG PA BIBLIOTECA
Nos ta ofrece miembrecia gratis pa baby, mucha y hoben bou 18 aña
Esaki ta habri un mundo di buki, storia y informacion den diferente forma, tambe Ebooks y audiobooks.
Miles di buki ta warda nan! Nos ta ofrece espacio pa studia, siña, topa y reuni, computers cu Internet y tambe Free WIFI. Ademas tin espacio pa diferente evento y exposicion.
Nos ta habri di dialuna pa diabierna. Ban biblioteca! #banbiblioteca
Maria School a honra juffrouw
Omayra Geerman
Durante di graduacion
2024 di Maria School, na St. Cruz, cabesante Jahaira Marrug a hiba palabra expresando su aprecio pa un maestro ehemplar cu ta entre nan pa hopi aña. Den Piedra Plat Entertainment Center, director Jahaira Marrug na nomber di cada alumno y maestro a honra juffrouw Omayra Deluvia Geerman como cu e aña aki el a cumpli y celebra 40 aña den educacion na Aruba. Dilanti di e publico presente juffrouw Omayra a ricibi un boket di flor como simbolo di e cariño cu e ta disfruta di dje y a expresa cu e ta haci e trabou bunita aki, keto bay, cu mes tanto pasion di antes.
El a cuminsa 40 aña pasa na Filomena Basisschool na San Nicolas.
MINISTER MADURO A YAMA E SELECCION
DI LITTLE LEAGUE ARUBA Y CAMPEON DI CARIBE BONBINI NA AIRPORT
Diadomingo atardi cu masha placer Minister Maduro, den nomber di Minister President y Minister Endy Croes, a bay yama bonbini na e Seleccion di Aruba cu a titula Campeon di Little League di e Serie del Caribe, na nan yegada di Corsou.
E mandatario a topa cu e Seleccion di Aruba ora nan a baha di avion pa asina felicita nan y guia nan pa e bunita recepcion cu a sigui pa nan den e hal di airport. Minister Maduro a hiba palabra pa gradici cada un di nan pa nan esfuerso haci y perseverancia demostra pa bira e Campeonnan di Little League di Caribe.
E mandatario a gradici e coachnan, famia y tambe RBC cu a sponsor y depos-
ita nan confiansa den e hoben atletanan.
Pa e ocasion importante aki, Minister Maduro hunto cu sr. Rafini di RBC a bisti ful e ekipo cu un bunita medaya ofreci pa Minister di Deporte sr. Endy Croes. Despues di a saca potret oficial, e ekipo a topa cu famia y amigo cu a yega airport pa yama nan bonbini bou di e tononan di brassband. Cu escort di Polis, e Campeonnan di Little League di Caribe a bay haci un recorido pa despues disfruta di un dushi treat pa celebra nan triunfo.
Ta importante pa menciona cu e triunfo aki ta hiba e Seleccion di Little League Aruba proximamente pa representa Caribe den e Little League World Series
cu ta tuma na Williamsport na Merca. Minister Maduro ta felicita e Seleccion di Aruba hunto cu nan
Coachnan, famia, sponsor y tur persona y instancia cu a yuda pa nan por tabata exitoso. Masha pabien y danki
pa saca cara di Aruba. Minister Maduro ta desea e Seleccion hopi exito na Williamsport.
Desiree Croes cu tres pelicula nobo Pa Addonsito J. Croes
Na nomber di tur actor- y famia mi ta desea di felicita y gradici señora Desiree Croes cu e lansamento oficial di su dos peliculanan cortometrahe y un largometrahe nobo e luna aki. E dos peliculanan cortometrahe ta “E CARTA”, storia di un famia ambicioso p’e herencia miyonario cu nan tio a laga atras y “A-11”, dje fenomeno di uza telefon celular den trafico. Tambe Desiree a lansa e pelicula largometrahe titula “LUZ RIBA LAMA”, un storia di hecho real di un piscado cu a perde pa un tempo riba e lama enorme di Caribe.
Den Principal Theatre na San Nicolas e tres peliculanan tawata lansa pa e cast y famia di e elenco. Pronto publico di Aruba tambe lo tin e oportunidad pa aprecia e 3 peliculanan nobo aki di Berea Productions.
Feliz dia bendiciona y cu Dios su man santo ta riba cada un di nos
Den e tempo ey Hesus a bisa: ”Tata, Señor di shelo y di tera! Mi ta gradici Bo cu Bo a duna esnan simpel conocemento di e cosnan cu Bo a sconde pa esnan sabi y inteligente.” Mateo 11,25
PUEBLO A H A ÑA SU PEN BEK
Ta trata di e reino cu Dios mes a funda y esnan simpel na kende e cosnan aki a keda revela. Hesus ta expresa na un manera indirecto cu E tin un caso unico cu Dios su Tata, p’esey nos ta proclama Dios su sabiduria secreto prome cu mundo a cuminsa. El a traha e plan pa nos tuma parti na su gloria pero e plan ey a keda scondi; ningun di e podernan cu ta domina e mundo aki no tabatin conocemento di e plan ey. Si nan tabata conoc'E nan lo no a crucifica nos Señor di gloria. Pero manera Santa Scritura ta bisa: loke ningun hende no a yega di mira, ni ningun hende no a yega di tende, pues ni ningun hende no por imagina nan, esey Dios a prepara pa esnan cu ta stim’E. Ma nos si Dios a laga conoce su plan secreto pa medio di su Spirito Santo. ( 1 Cor. 2, 7-10)
Dios a laga nos conoce su proposito scondi di acuerdo cu su boluntad, e proposito cu El a dicidi di antemano pa realisa pa medio di Cristo.
Oracion: Dios bondadoso, Abo cu ta scrudiña curasonnan, yuda nos lucha cu nos cruz cu no ta facil, pero cu Cristo nos por tur cos. E so por duna nos e forsa sobrenatural pa enfrenta e lucha aki na tera. Amen.
HUES A PRUEBA CU BENNY Y SUSEBEEK TA GAÑA
Susebeek a paga “drip system” pa muha Benny Sevinger su hardin
Dia 12 di juli 2024, tres (3) hues den Hoger Beroep a condena Benny Sevinger, kende ta amigo intimo di Mike Eman y ex minister di AVP na 4 aña di prizon den e caso Avestruz. Durante investigacion Ministerio Publico a desmantela e banda di criminal di AVP, unda hopi fechoria mas a bin dilanti y hopi di nan a wordo trata durante e caso. Hopi tin di haber cu “passieve omkoping” y mal uzo di e funcion di minister.
Susebeek a paga “drip system” pa muha Benny su hardin:
Tres (3) hues a splica lo siguiente riba pagina 36 di e sentencia. “Vast staat dat Susebeek een offerte van Fantasic Gardens op de naam van Benny Sevinger heeft betaalt voor het aanleggen van de voortuin en het “drip system” van de woning van Benny Sevinger”. Pues a comproba cu Susebeek a paga pa esaki y ta comproba cu e suma to -
tal ta Afl.25.201,64. E pago a wordo haci via 3 cheque di Pats Development Management N.V., cual ta compania di Susebeek y tur 3 cheque ta firma pa Susebeek. Susebeek banda di ta amigo di cas di Benny, ta coordinador y consehero riba payroll di Benny Sevinger desde aña 2009. Benny Sevinger a pretende cu el a paga Susebeek e placa aki bek “cash”, pero e (3) huesnan a haya esaki “ongeloofwaardig” y a splica den e sentencia e motibonan.
(3) hues a pueba cu Benny Sevinger di AVP y Susebeek ta gaña:
Benny Sevinger primeramente a declara na Landsrecherche, cual declaracion e mes a firma lo siguiente: “Ami mes, esta Benny Sevinger a paga esaki cu “cashgeld” na Fantasic Gardens”. Ora cu e (3) huesnan a confronta Benny Sevinger cu e (3) cheque di Pats Property Management N.V. firma pa Susebeek, cual ta e chequenan cu a wordo uza pa paga Fantastic Gardens pa e “drip system” pa e hardin di Benny su cas, aki Benny a bira gago gago y a cambia su declaracion. Benny Sevinger a bisa hues cu awor e ta corda y cu el a duna Susebeek e placa “cash” pa Susebeek bai haci e pago pe. Benny Sevinger na Landsrecherche a declara cu e mes no sa dicon e pago na Fantas-
tic Gardens a wordo haci pa e compania di Susebeek. Arends un “admistratie medewerker” di Susebeek a declara cu e ta corda cu ta un pago so a wordo haci “cash” door di casa di Benny na kantoor di Susebeek, pero pa e “hekwerk” y no pa e compra na Fantasic Gardens. Susebeek sinembargo ta declara cu nunca Benny Sevinger su casa a yega di pasa na su kantoor. Hues a puntra Susebeek si Benny a duna bo placa “cash”, kico ta e logica cu bo ta stort e riba e cuenta di bo compania? Susebeek ta contesta akinan “per ongeluk”.
E huesnan a bisa Benny “bo ta biba asina cerca di Fantastic Gardens”: E huesnan a bisa Benny Sevinger ex minister di AVP y condena den caso Avestruz, “bo ta biba asina cerca di Fantastic Gardens dicon bo mes no por a bay paga esaki? Bo ta hiba e placa pa Susebeek cu ta biba hopi mas leu pa e stort e placa riba su compania pa despues bay paga pa bo?”. Esaki ta totalmente “ongeloofwaardig”. Benny Sevinger mes a declara na final cu berdad no ta normal cu un amigo ta cumpra cos pabo y ta paga esaki via su compania. Susebeek ta declara cu e tampoco sa pakico a scoge pa haci esaki asina y kisas ta paso Benny lo a pidie.
HOF NO ta kere den e storianan di Benny Sevinger y Susebeek
HOF ta haya cu Benny Sevinger (ex minister di AVP y bon amigo di Mike Eman) y Susebeek ta contradeci otro y nan storianan ta “ongeloofwaardelijk”. Pues crioyo bisa HOF a haya cu Benny y Susebeek ta gaña.
HOF ta splica cu ningun caminda por prueba cu Benny Sevinger a paga Susebeek e placa aki bek. HOF ta prueba cu Susebeek a paga Afl. 25.201,64 Florin pa e “drip system” pa muha Benny Sevinger su hardin. Den e sentencia HOF a conclui,
cu esaki ta un “gift”, esta un regalo na Benny Sevinger. E corupcionnan aki Mike Eman a brasa y kier celebra na cas di partido. Mike Eman tambe a perde gevoel. AVP nunca, pero nunca mas. Mas bo lesa, mas bo sa!
Exposicion ‘Chants from overseas’ na biblioteca
Estimadonan pensionadonan
Pa nos ta un honor y placer di por dirigi algun palabra di aprecio y gratitud riba e ocasion special aki, Dia di Pensionado.
Henter bida, e pensionado a traha duro, a dedica su energia, y a duna hopi di su tempo pa yuda desaroya y fortalece nos comunidad.
Falta un par di dia mas... dialuna ta e ultimo dia di e exposicion ‘Chants from overseas’. Sigur sigur bali la pena pa tuma tempo pa pasa wak e bunita obranan di Artista Samuel Sarmiento. Samuel a crea diferente tipo di obra manera obranan di ceramica y dibuho pa forma e coleccion tan special aki. Publico ta bon bini pa wak e exposicion cu ta habri te cu dialuna dia 29 di juli durante orario regular di Biblioteca Nacional Aruba.
Su labor y sacrificio no a bay sin reconocemento y awe nos ta rindi honor pa e contribucion valioso cu e pensionado a duna durante su trayecto di trabou.
Nos ta celebra awe no solamente retiro, di e pensionado, pero mas importante, nos ta celebra su dedicasion, compromiso y trabou duro cu a pone nos riba caminda pa un futuro miho.
E pensionado a demostra nos kico ta e balor di persevera den bida.
Nos ta sinti un profundo gratitud pa tur locual e pensionado a logra den nos comunidad.
Awo cu el a bay un paso atras for di e trabou di dia pa dia, e merece felicidad, salud, paz y trankilidad.
Su experiencia, sabiduria y conseho ta algo valioso pa henter nos comunidad.
Mi ta spera cu e sigui gosa di e premio di retiro cu e merece.
Sigui inspira nos cu bo energia y pasion pa bida.
Mi kier a recorda tur pensionado cu semper e tin un luga special den nos curason y den comunidad.
Di fondo di nos curason, masha danki pa tur e esfuerzo y pasion cu bo a invertí den bo trabou y den bo bida.
Masha pabien y pasa un feliz dia di pensionado!
Na nomber di OPPA,
I. Valdes.
Presidente
FORTALEZA PA FAMIA
Scirbi pa Pastor Marcel Balootje. FALTA DI PORDON TA KITA BO PAS
MENTAL Y SPIRITUAL
!!! Falta di pordon ta un tortura personal, ora bo kere ta hende bo ta castiga, ta bo mes bo ta perhudica, pasobra e hende su maldad ta bira asina importante den bo bida, cu hopi biaha e ta corta bo apetit, of bo soño, y esey no ta boluntad di Dios. Nos mester pordona y laga los.
Falta di pordon ta un trampa cu diabel kier pone den mente y curason di hende pa asina hiba bo na rabia , amargura y vengansa, cual ta cosnan extremadamente dañino pa salud di hende.
*** Falta di pordon ta pica ( Mateo 6:14-15).
*** Falta di pordon ta habri caminda pa spirito malo ataca bo.
*** Falta di pordon ta habri porta pa malesa.
*** Falta di pordon ta hiba nos na odio.
*** Falta di pordon ta invita spirito di revancha y crimen den bo bida.( Deseo pa haci daño na otro).
*** Falta di pordon ta stroba bo progreso y bendicion.
*** Falta di pordon ta haci bo bida infeliz.
*** Falta di pordon ta haci bo rebelde y murmurador.
*** Falta di pordon ta hiba bo na bruheria.
*** Falta di pordon ta causa di suicidio.
*** Si bo muri sin arepenti di e pica di falta di pordon ta den fierno bo ta bay resulta.
No ta facil pa sali for di un dolor grandi cu un hende por a haci bo den bo bida, pero Dios ta exigi di nos pa nos pone tur cos den su man, y pa nos curason por keda liber, pa nos por tin contacto cu Dios y su Spirito Santo, pa asina satanas no cohe bentaha den nos bida.
Pasobra una bes e enemigo logra di kita bo pas spiritual y mental, bo por bira victima di cualkier enfermedad pasobra falta
di pordon ta habri porta pa malesa, pasobra e ta daña organo den bo curpa , y bo wesonan.
I ki ora cu boso ta para haci oracion, pordona si boso tin algo contra un hende, pa boso Tata cu ta den cielo,tambe pordona boso, boso transgreshonnan. Ma si boso no pordona ,boso Tata cu ta den cielo tampoco lo pordona boso transgreshonnan. (Marco 11:25). Falta di pordon ta stroba bo bida di oracion.
Laga tur amargura, furia,rabia, griteria,y calumnia wordo kita for di boso, hunto cu tur malisia, Y sea cariñoso cu otro, misericordioso, pordonando otro, mescos cu Dios den Cristo tambe a pordona nos. ( Efesionan 4;31-32).
No huzga, y boso lo no wordo huzga,no condena, y boso lo no wordo condena, pordona, y boso lo wordo pordona.( Lucas 6;37).
Ora nos ta biba cu odio y falta di pordon den nos curason, esey ta haci nos
Dr. Carlos Arturo Vallejo Lopez
La muerte de la Dra Catalina Gutierrez residente de la Universidad Javeriana
Es producto de el abuso; Por la llamadaFormación académica asistencial de Los médicos residentes e internos en los Centros hospitalarios Universitarios donde se entrenan los medico Residentes e internos de colombia.
Estos Hospitales; En su mayoría desprovistos de Los elementos más esenciales; e insuficientes para atender una población cada día más grande y que
tienen que suplir estás deficiencias con la mano de obra Barata de médicos; en situación cautiva; que se tienen que enfrentar y Adaptarse Obligados; a Una Situación anómala; de abuso y acoso; So pena de No graduarse; está Situación es más Miserable que la misma esclavitud.
Ya que Incluye Acoso mental; existente impunemente; Ya por años en Colombia
bida amarga, cu nos no por reacciona riba nada bon, y cosnan negativo por domina bo mente, y bo pensamento nan ta wordo daña continuamente.
Pero corda bon locual ta para scirbi den e palabra di Dios: Ken cu ta odia su ruman ta un matado y boso sa cu un matado, no tin bida eterno ta permanece den dje.( 1 Juan 3:15). Si un hende bisa: Mi ta sti-
ma Dios , y e ta odia su ruman, e ta un gañado, pasobra esun cu no ta stima su ruman cu e a mira, no por stima Dios, kende e no a mira.( 1 Juan 4:20).
Dios sa bon ken ta pordona di berdad, ken ta gaña pordona, of ta pordona ora ta cumbini nan, pero tur esey no ta obra na bienestar di bida di hende, pasobra na final tur cos lo sali na cla.
“Señor ta mi wardador, mi’n tin falta di nada Den cunucu di yerba berde e ta ponemi sosega.
E ta hibami na awa trankil, Pa mi bolbe haña forsa”. Salmo: 23
Nos ta anuncia fayecimento di:
Khloë Alexandra Heronimo Cariñosamente yama: “Koko” *12-12-2007 - †19-07-2024
Acto di entiero lo wordo anuncia despues.