DIARAZON 25 SEPTEMBER 2024 by Solo DI Pueblo

Husticia pa Juffrow Raquel!

Otmar Oduber Pensionadonan, salubridad y reduccion di costo di bida ta e

Prioridadnan Pa e siguiente gobierno

Diaranson anochi na cas di su mayornan, Otmar Oduber a anuncia cu a yega na un acuerdo cu Partido PPA y cu el lo representa pa e proximo eleccion cu lo tuma lugar dia 6 di december.

Durante e encuentro aki dilanti hopi sostenedor el a anuncia cu e speerpunt di PPA lo ta nos pensionadonan. Tin 27 mil pensionado di cual 14 mil ta biba cu menos di 800 Florin pa luna y di e 14 milnan aki 1 den cada 4 ta biba den pobresa.

“Nan no tin acceso medico manera nan lo desea, nan no tin acceso na e remedinan cu nan tabatin anteriormente, nan ta wordo cobra belasting riba e belasting cu ya caba nan a paga ora nan bay purba haci algo adicional pa nan por tin un miho biba. Nos a bisa cu nos ta para pa nan awe, nos ta bay traha pa nos pensionadonan”, Otmar Oduber lider nobo di PPA a declara.

E otro puntonan di atencion cu PPA lo tin ta salubridad di pueblo en general y reduccion di costo di bida.

Otmar ta mustra riba e echo cu unda cu bay hendenan ta expresa cu nan no por biba mas cu e calidad di bida cu tin na e momentonan aki, gasolin ta caro, coriente ta caro, comestibles ta caro, cas

ta caro, tur cos ta caro y no ta tende cu gobierno of parlamento ta atende cu e temanan aki .

“Nos ta bisa cu nos ta bay atende cu e temanan aki, nos ta bay percura pa cambia nos sistema fiscal di BBO, elimina esaki y bay den direccion di un BTW cual ta un sistema fiscal cu tur partido ta di acuerdo cune, pero ningun tin e cohon/curashi pa bisa cu ta bay tuma e decision”.

Oduber ta indica y ta agrega cu e decision aki lo ta dificil na cuminsamento, cu tur hende lo tin cu hala faha mara den e prome 6 luna/prome aña, pero despues di esey, pueblo lo haya placa den su cartera, pasobra lo baha loonbelasting, lo elimina inkomstenbelasting y reduci winstbelasting.

Esaki contrario na un BBO cu unico cu e ta haci ta kita, kita y kita unda cu algo cu su prijs ta subi den exterior cu 1 Florin, pa ora un persona cumpre na Aruba den supermercado of tienda, e la subi cu 20% mas di e 1 Florin inicial.

Husticia pa Juffrow Raquel!

Skirbi pa: grupo di accion “biSa no

na abuSo di adulto Mayor”

Diabierne cu a pasa, den algun medio di comunicacion a ser raporta den forma comun y corriente un noticia como lo siguiente: “Habitante di Weg Rooi Hundo a reporta na autoridad cu nan a topa cu un hende sin bida den cas, na yegada di Polis a topa cu un señora di 84 aña sin bida. Debi n’e situacion a pidi presencia di recherche y departamento tecnico. ‘E’ señora tabatin algun dia caba morto y un adicto ambulante tabata cuide.”

Aki ta trata di hallazgo di e curpa di Juffrouw Raquel Emanuel, un Juffrouw di Ingles y musica (cu hoofdakte); Un maestra Ehemplar di Filomena College na Sanicolas di e añanan 60. Ademas di tabata Maestra, Jufrouw Raquel tabata e prome dama na Aruba, ku brevet pa piloto y tabata bula avion chikito e tempo ey na e aeropuerto de Vuist na Sanicolas. Ademas di tabata Maestra y piloto Juffrouw Raquel tabata un Educador, un Mama in dolor pa hopi di su ex-alumnonan, un fiel Parokiano di Misa Santa Teresita y un persona, cu semper a para pa Norma, Balornan y Respet pa Prohimo cu énfasis riba RESPET pa Nos Grandinan. Esakinan tabata lesnan di bida cu jufrouw Raquel a hereda y lanta aden di Su defunto Mayornan. Jufrow Raquel, tabata unico jiu. Después cu Su defunto Tata a fayece Jufrouw Raquel, tabata ainda mas inseparabel di su Sra. Mama. Y ora e momento yega pa cuida pa su mama den edadnan hopi halto mes, Jufrouw Raquel a haci esaki cu un Pasion y Dedicacion Excepcional, te na ultimo. Tur esaki den e cas ey mes na Weg Rooi Hundo. Hunto cu un Verpleger di renombre Diploma, cu conocemento amplio di enfermeria Jufrouw Raquel a percura cu su Sra. Mama tabata BON cuida y ricibi e miho cuido cu por. Tristo ta cu Awe cu lo mester tabata turno di Jufrouw Raquel, pa por ricibi un Cuido Digno cu Pasión y Dedicacion, na mes manera, cu e a percura pa su Defunto Mayornan cu Respet y Dignidad; Siman pasa Juffrouw Raquel mester a hala su ultimo Rosea den abandono, den un Isolacion Forsa, un ambiente a-hygienico y sin un man pa tene, den su ansia di morto.

Hopi ta esnan cu a tuma nota di e noticia di e hallazgo di e curpa sin bida, a puntra: “Pero si Jufrouw Raquel tabatin un cuidador, cu e

tabata paga: Con por ta cu e curpa tabata den cas pa tres día y ya a cuminsa decomposita? Unda e Cuidador aki tabata durante e ultimo oranan/dianan prome cu Juffrouw Raquel a hala su ultimo Rosea y den Ansia di morto? Otro pregunta cu a surgi tabata: Con bini cu e adicto ambulante aki-desde 2018 tabata “Run the Show” y NO tabata permiti bishita ni di un enfermera pa cuida heridanan di su pia, no tabata permiti bishita di famia, bisinja, ni di Misa? Y tabata core cu tur cu bini na porta pa Jufrouw Raquel? Con bini ora cu a notifica autoridad, cu tin algo cu NO ta normal ta tumando luga, ta wordo contesta cu tur cos ta “BON” eyden y cu No mester PREOCUPA??; Siendo cu tabata conosi cu aki ta trata di un Adicto Ambulante (cu nomber y Fam, conocí tambe pa e mesun

autoridadnan ey) ?? Asina tin hopi pero hopi mas pregunta tambe di famia, su ex-alumnonan y comunidad, cu ainda a keda SIN contesta. Ta obvio cu e preocupacion y preguntanan existente y otronan, mester wordo adresa, pa por tin un cierre pa e famia y conocirnan cu a keda atras y cu ta pidi pa Hustisia prevalece pa juffrouw Raquel. Esaki ta di suma importancia y na su luga pa por tin un despedida y entiero Digno di un Ser humano tan stima, un Adulto Mayor di Taya, y Educador. Juffrouw Raquel merece esaki y Mas.

Na luna di Juni Durante di e di 13 aña di Siman di conscientisacion “Bisa NO na Abuso di Adulto Mayor”, Fundacion Alzheimer Aruba, den e 2 Seminarionan “Cu e lema NO EXCUSE for ELDER ABUSE” a bolbe repasa e diferente forma di Abuso di Adulto Mayor (incluso esnan vulnerabel y dependiente di cuido) y con anda cu esakinan. Esakinan ta lo siguiente: Abuso Físico, Abuso Psicologico of Emocional, Abuso Sexual, Abuso Financiero y Negligencia/ Abandono. Si repasa e lista di posibel Abusonan akiriba y analisa e preocupacion nan y preguntanan existente di famia, conocirnan, bisiñanan, su ex alumnonan y comunidad, tin por lo menos 3 abuso cu a tuma luga den e caso lamentabel aki y cu mester wordo investiga cu urgencia. Pasobra na Aruba No tin luga pa Abuso di Adulto Mayor; Tampoco Aruba

no mag cai den gara di e Epidemia Creciente Mundialmente di Abuso di Adulto Mayor ( incluso esnan vulnerabel) nos grandinan, incluso esnan vulnerabel.

Awor mas cu nunca e proximo 2 lema nan di accion pa Aruba Lo keda resona:

Lets Refuse Elder Abuse/ Ban Rechasa Abuso di Adulto Mayor!

“No excuse for Elder Abuse / No tin excuus pa Abuso di Anciano.

Ta te ora husticia prevalece pa Juffrouw Raquel, Nos por ta sigur cu PORFIN Su alma por ta libera di tur dolor y sufrimento y cu unda e ta awo Juffrouw Raquel ta Bon Cuida! Cu Juffrow Raquel su Alma Sosega na Paz den Brasa di Señor.

Prome Minister Evelyn Wever-Croes:

ARUBA Y SURINAME LO ESTRECHA LASONAN

COMERCIAL, ECONOMICO Y CULTURAL

ORANJESTAD - Durante su bishita na New York pa e Summit of the Future, Prome Minister Evelyn Wever-Croes hunto cu Prome Minister di Sint Maarten señor Luc Mercelina a reuni cu e Presidente di Suriname, señor Chan Santhoki.

Prome Minister a indica cu President Santhoki ta sumamente enthusiasma cu su bishita na Aruba dia 21 di October proximo. Durante su bishita na Aruba, President Santhoki lo lo tin varios reunion cu Ministernan di

Gabinete, miembronan di Parlamento y Gobernador di Aruba. El lo bishita e Diaspora di Suriname, cu ta e comunidad grandi di Suriname cu tin na Aruba y tambe varios otro proyecto.

Prome Minister a indica cu Aruba ya pa 2 aña tin un relacion estrecho cu Suriname, mirando cu hunto cu Minister di Economia Geoffrey Wever a reuni cu e presidente den pasado, y a papia di su proximo bishita na Aruba.

Suriname ta un pais cu

por yuda Aruba hopi riba aspecto di agricultura, pero tambe di importacion di fruta, berdura y otro productonan cu nan por exporta. Aruba ta buscando partnernan nobo pa importa productonan na prijs mas abou, mirando cu esaki lo yuda baha e costo di bida.

"Mi mester bisa cu e reunion na New York tabata uno positivo na unda a papia riba estrecha e lasonan comercial, economico y cultural entre Aruba y Suriname. Durante su bishita proximo

na Aruba, Presidente Santhoki y mi persona lo firma un MOU, na unda lo tin palabracionnan entre Aruba y Suriname

pa tin mas colaboracion pa cu lasonan comercial y economico" Prome Minister a expresa.

ALUMO dI E.P.I HORECA ALCANSA PA

AUTO Y TA wORdO TRANSPORTA dEN

ESTAdO CRITICO PA HOSPITAAL

Pariba Rotonde AirportDiamars net algo prome cu 12'or di merdia trafico ariba caminda grandi di airport a tranca, momento cu auto a dal un persona.

Polis cu tawata cerca a bin topa un hende homber hoben ariba caminda, seriamente herida. E persona tawata tin un uniform di E.P.I Horeca.

Mientras e vehiculo cu a dal'e tawata para panort, cu danjo material considerabel indicando un impacto fuerte.

A cuminsa pidi ambulance cu maximo urgencia, debi cu e victima cu a ricibi sla pisa na cabes a cuminsa bay den shock tambe.

Ambulance cu a yega mesora a pidi pa prepara e caminda pa ora nan sali bay, mirando e situacion cu e victima ta aden mester yega Hospitaal cu urgencia.

E vehiculo marca JAC e chauffeur tambe mester a wordo atendi door di Paramedico y despues e tambe a bay cu un segundo Ambulance pa Hospitaal.

Departamento di trafico y BFTO a presenta pa haci nan investigacion, y despues di algo mas cu 1 ora e caminda a wordo habri bek.

E auto a wordo confisca y hiba Balashi.

Hospital cu cifra mensual pa luna di augustus 2024

Den cuadro di transparencia y informacion nos di Horacio Oduber Hospital ta comparti cu boso e cifranan pa loke ta luna di augustus 2024. Como Hospital ta importante y alabes interesante pa duna comunidad di Aruba un indicacion di cuanto pashent HOH ta atende mensualmente, cuanto operacion ta tuma luga, pero tambe cuanto baby a nace durante luna, cuanto pashent a regresa cas despues di admision y mas.

Na augustus 2024 a hospitalisa 808 cual ta casi mesun hopi cu na luna di juli (813 pashent) mirando cu ainda tabata temporada di vacacion. Durante admision e pashent a keda un promedio di 4,7 dia. Di e 808 pashent hospitalisa un total di 463 pashent a drenta di emergencia y solamente 30.2% tabata admision planea. Durante luna di augustus e ocupacion di cama a bolbe subi pa 90,9%.

Esaki ta mas halto cu na luna di juli cu tabata 76.6%, pero mester menciona si cu e porcentahe abou ta usual pa temporada di vacacion.

A tuma luga 574 operacion cual ta casi mescos cu luna pasa. Augustus a yama bon bini na un total di 69 baby (36 mucha homber y 33 mucha muhe). Y tambe na augustus nos donantenan di sanger a pasa Bloedbank y a haci un total di 179 donacion di sanger.

Departamento di emergencia a mira un total di 2.739 pashent y un total di 40.8% no tabata pashent cu caso di emergencia.

Na augustus specialistanan den servicio di HOH a haci un total di 7084 consulta cu pashent na e diferente policlinicanan. Departamento di radiologia a haci un total di 4412 test manera CT scan, MRI y mas. Un total di 15599

peticion a drenta pa LABHOH haci test. Y un total di 813 pashent a bay cas durante luna di augustus despues di nan admision na Hospital.

Nos di HOH t’ey pa yuda otro di e miho forma posibel cu semper

Ta trahando hopi duro

e calidad halto di cuido na prome luga. Danki na tur colega di HOH pa boso dedicacion, pasion y determinacion pa brinda cuido excelente na e comunidad di Aruba y tur bishitante.

trabounan di mantencion na tur

facilidad di ffd

, Aruba – 24 di September 2024: Directiva di Fundacion Facilidadnan Deportivo (FFD) kier a subraya e echo di ta trahando duro riba mantencion di

e facilidadnan resorta bao di FFD. Pueblo deportista por ta sigur cu tur facilidad ta hayando nan debido atencion.

Adrecha varios facilidad caba y e trabounan di mantencion ta continuando, cual ta exigi hopi atencion. Ta hopi trabou di mantencion y limpiesa tin

andando. Bestuur di FFD ta garantisa di ta dunando tur facilidad atencion.

MINISTER ENDY CROES A RICIBI E DELEGACION DI LANDAMENTO ARTISTICO CU A REPRESENTA ARUBA

NA CARIFTA, PANAM CHAMPS Y JUNIOR WORLD

ORANJESTAD: Diahuebs ultimo, Minister Endy Croes a ricibi e delegacion

di Landamento Artistico cu a respresenta Aruba recientemente na diferente

competencia internacional. E atletanan a comparti nan experencia na CARIFTA, PanAM Champs y Junior World Championships cu e mandatario di Deporte. E seleccion a conkista 30 medaya: oro, plata y brons na CARIFTA. Den nomber di Gabinete Wever – Croes II, Minister Endy Croes a otorga e hobennan un medaya di 4D, cual ta para pa disciplina, deseo, dedicacion y determinacion.

Head Coach di Aruba Artistic Swimming Sra. Kimberly Vinck a indica cu e aña a inicia hopi bon cu e competencia preparatorio na CARIFTA cu a tuma luga na Fort Lauderdale, Florida. Despues a competi den PanAm

Champs cu a tuma luga na Lima, Peru y a participa den Junior World. “Pa prome biaha Aruba a competi den un Junior World Championships, cu e meta pa e atletanan por crece y haya experiencia specialmente awo cu e deporte ta den e fase di transicion grandi. E reglanan ta cambiando y a wordo restructura. Ta hopi importante pa e atletanan

sigui siña”,

Por ultimo, e mandatario di Deporte ta felicita y gradici e atletanan pa nan bunita trabou y pa pone Aruba su nomber briya riba e plataforma internacional. “Masha pabien y hopi exito den futuro competencia di natacion artistico,” e mandatario di Deporte a conclui.

COLEGIO ARUBANO TA CELEBRANDO 65 AÑA DI EXISTENCIA

Colegio Arubano ta den preparacion pa celebra nan siman di aniversario den october. Henter e siman di 14 di october lo ta den esfera festivo na Colegio Arubano. Cuminsando e dialuna cu un bunita

celebracion Ecumenico pa henter scol. Sigui pa diabierna, cu lo ta un dia creativo. E dia aki lo tin e ‘crazy hair day’ cu e tema di 65 Aña Colegio Arubano. E colornan blauw y oro mester resalta. Por ultimo,

diasabra 19 di october

Colegio ta organisando un tremendo actividad pa pueblo di Aruba, caminda lo tin benta di diferente pasaboca y e bar lo ta bon surti. Carchi ta obtenibel na administracion di scol, Plaza Bookshop y Pay.aw. Corda sigura bo carchi trempan pa bo no keda afo! Colegio Arubano ta un scol cu ta traha hopi duro pa keda mantene un calidad halto di enseñansa. Tur departamento di esnan di mas hoben di Ciclo Basico, pa esnan di Ciclo Avansa y

examenklas ta percura pa nan grupo ta bon atendi y cu nan ta ricibi e guia y formacion necesario pa bira un profesional mañan. Den transcurso di añanan Colegio Arubano a sa di mantene su exito y percura pa keda stabil. Colegio

Arubano ta wak bek ariba un pasado hopi bunita, rico na creatividad y alegria di hubentud, cu un lugar den curason di hopi y cu alabes a percura pa keda cu bista riba futuro na beneficio di nos hobennan.

Sra. Vinck a enfatisa.

Meta di OtMar Oduber y PPa ta Pa unifica

PueblO y lOgra cOsnan grandi Pa aruba

Otmar Oduber, siman pasa a anuncia cu e ta bolbe politica activo y lo ta liderando e partido oranje, PPA. Comentando con e proceso aki a bay el a bisa cu asina gobierno a cay el a inicia combersacionnan cu PPA, cual ta un partido cu no solamente a logra 15 asiento haciendo di dje e partido cu mas sosten a yega di logra di pueblo, ademas e ta e partido cu mas a goberna tras di otro pa casi 20 aña. Motibo di esakinan ta pasobra e partido a unifica e pueblo.

Esey ta e meta di Otmar, el a uni na PPA pa traha y hiba e partido na e gloria di Juancho Enrique Irausquin, unificando pueblo un biaha mas. Ademas, ideologianan turistico, economico y vision di Oduber ta similar na esunnan cu Juancho

Irausquin tabatin. E gran lider aki tabatin e honor di pone e prome hotel na Palm Beach y awe Otmar tin e honor pa habri e prome hotel na San Nicolas pa pueblo di Aruba.

E union cu tabatin antes,

unda politiconan tabata traha hunto, manera omo di Otmar, Dolfi Oduber, cu tabata diputado e tempo ey di PPA, hunto cu Sr. Betico Croes y Chomy Yarzagaray di AVP a uni y hiba un lucha cu a cuminsa cu Shon A y Henny, ta algo cu mester wordo papia habri.

“Nos no tin nada di kita di e logronan cu tabatin di nos politiconan anterior, al contrario, nos mester gara esey y ban bek na unifica e pueblo aki. Nos no por pidi e pueblo pa union, pa no bringa pa politica,

mientras e politiconan ta lastra y ataca otro manera cu Dios ta basta. Ban bek y wak e fundeshi di e politica cu a logra cosnan grandi yama bon bini tambe na e generacion y politica

nobo. Esnan cu kier join, hobennan, partidonan politico bon bini, pero ban traha cu plan, ban traha a base di vision, ban traha a base di logra cosnan cu e pueblo aki merece”.

ta yuda MeHOra e ManeHO financierO di aruba

Minister Maduro di Finansa a presenta e Nota di Fin di Aña 2024 na Parlamento di Aruba den cual e Parlamentarionan ta wordo informa riba e cambionan cu ta wordo prepara den e segundo Presupuesto Supletorio 2024 cu pronto lo wordo presenta na Parlamento pa su aprobacion. Den e Nota por mira tambe e cambionan cu ta necesario pa aloca e fondonan pa proyectonan den cuadro di implementacion di e Landspakket.

Pa locual ta e cartera di finansa Minister Maduro ta informa cu fondonan ta wordo aloca pa realisa proyectonan den cuadro di Thema A Landspakket cu ta trata e mehoracion di e maneho

financiero di Aruba. Den esaki tin e E-LOFA cu ta e curso digital di Leergang Openbare Financiën cu lo yuda na capacita y engrandece e conocemento di finansa publico di e trahadornan financiero di Gobierno di Aruba. Banda di esaki tin e proyecto di ‘3 Lines of Defense’ cu ta un proyecto grandi den cual e procesonan y administracion financiero di Gobierno ta wordo optimalisa. Tambe tin e proyecto di ‘verslaggevingsstelsel’ cu ta un otro proyecto grandi cu mester hiba na certificacion door di un accountant externo di e Cuenta Anual di Pais Aruba di aña 2026.

Minister Maduro di Finansa ta enfatisa cu e proyectonan aki ta

hopi importante pa e mehoracion di finansa publico di Aruba. E proyectonan di ‘3 Lines of Defense’ y ‘Verslaggevingsstelsel’ ta proyectonan grandi cu ta tuma tempo, ta costa placa y ta exigi basta capacidad pa asina por keda ehecuta. Den pasado, por ehempel, na Hulanda mes a dura mas di 20 aña pa caba di implementa e mehoracion nan necesario den e proyecto ‘Operatie Comptabel Bestel’ pa yega na jaarrekening certifica door di accountants externo. “Na Aruba nos ta haciendo un trabou grandi pa den un periodo di apenas 3 aña por yega na un certificacion special di accountant externo. Nos a tuma e curashi pa inicia e proceso y realisa trabounan pa mehora e maneho financiero di Aruba. Den e añanan nos dilanti, Aruba lo mira nan resultado concreto,” tabata palabranan expresa pa Minister Maduro di Finansa cu ta splica e importancia y magnitud di e proyectonan aki cu e mandatario ta lidera na bienestar di Pais Aruba.

Prome Minister Evelyn Wever-Croes: REUNION IMPORTANTE ENTRE PROME

MINISTER Y STATE DEPARTMENT

Durante e biahe di Prome

Minister Evelyn WeverCroes na New York, e mandatario a atende varios reunion. Un reunion di hopi importancia tawata cu Michele Sison cu ta e United States Assistant Secretary of State for International Organization Affairs. Merca ta un partner hopi importante den relacionnan comercial pa Aruba y p’esey e relacion di Gobierno di Aruba cu State Department Mericano ta hopi estrecho.

U.S. Customs and Border Protection

Durante e reunion a papia riba diferente tema. Un di nan ta di e presencia na Aruba di U.S. Customs and Border Protection, CBP cu ta e Imigracion y Douane Mericano cu pasaheronan ta pasa ora biaha pa

MERICANO NA NEW YORK

Merca, e asina yama “Preclearance”. Esaki ta un tratado importante cu Aruba cu Merca tin y Aruba ta e unico pais pafo di Merca cu tin e tratado aki. Actualmente Aruba ta den un re-negosacion cu Merca di e tratado pa asina amplia e capacidad di CBP na Aruba mirando e cantidad adicional di turista di Merca cu ta bishitando Aruba. E negosacion ta na e fase final y ta spera pronto por formalisa esaki.

Trafficking in Persons (TIP) Report

Otro tema hopi relevante cu a trata cu State Department ta e tema di trafico y trato di persona.

Aruba ta wordo evalua door di Merca cada aña y ta wordo raporta den e Trafficking in Persons

(TIP) Report. Te na e momento aki Aruba a mantene tier 2 den e report cu ta bon y miho compara cu Corsow y Sint Maarten. Pero no obstante di esaki

Aruba ta trahando hopi duro pa bay tier 1. Mientras e situacion humanitario na Venezuela keda manera cu e ta, semper Merca lo keda huzga Aruba cu un wowo extra streng mirando kico Aruba ta haciendo pa evita trafico y trato di persona. P’esey Gobierno di Aruba ta trata e tema aki cu man duro pa castiga e hendenan cu ta comete e tipo di ilegalidad aki.

Situacion politico na Venezuela

Tambe a elabora durante e reunion riba e situacion politico na Venezuela y kico ta spera despues di e eleccion presidencial,

basa riba e echo cu Nicolas Maduro no ta publica e actanan di eleccion. Riba esaki Merca a indica cu nan a anuncia caba y ta keda para riba e echo cu mester bin mas transparencia den e situacion, y Merca ta sigui observa e desaroyonan na Venezuela di cerca.

Tambe Prome Minister a trece padilanti e echo di e efectonan cu e situacion na Venezuela tin pa Aruba door di e cercania cu e isla y e situacion di e pais

bisiña ta un preocupacion grandi pa e Aruba.

Prome Minister a indica cu a trata di un reunion exitoso unda a subraya e importancia cu Merca tin como un partner strategico pa Aruba. Durante e reunion tambe a trata diferente otro temanan manera siguridad, oportunidadnan comercial y studiantenan Arubiano na Merca.

POlIS A bAY NA UN hOTEl hIghRISE PA

UN

Diadomingo anochi a drenta informe di un caso di ladronicia na un hotel highrise na Palm Beach, mesora a dirigi un patruya na e sitio. Na yegada di e patruya a bin compronde cu aki ta trata di un caso unda cu ora cu un turista a bay pisca y ela laga su tas abao na su regreso desconocidonan a bay cu su celular.

CASO DI lADRONICIA

Husticia pa Juffrow Raquel!

Skirbi pa: grupo di accion “biSa no

na abuSo di adulto Mayor”

Hopi ta esnan cu a tuma nota di e noticia di e hallazgo di e curpa sin bida, a puntra: “Pero si Jufrouw Raquel tabatin un cuidador, cu e

no mag cai den gara di e Epidemia Creciente Mundialmente di Abuso di Adulto Mayor ( incluso esnan vulnerabel) nos grandinan, incluso esnan vulnerabel.

Awor mas cu nunca e proximo 2 lema nan di accion pa Aruba Lo keda resona:

Lets Refuse Elder Abuse/ Ban Rechasa Abuso di Adulto Mayor!

“No excuse for Elder Abuse / No tin excuus pa Abuso di Anciano.

Nos lo duna atencion na reduccion di costo di bida y gastonan di gobierno

“Costo di bida na Aruba ta carisimo, nos ta core kita 20 Dollar for di e turista pa bay inverti den un RWZI cu ta un responsabilidad di esnan cu ta haci uzo di dje, no di e turista” lider nobo di PPA ta declara na prensa. Otmar Oduber, kende diaranson anochi a anuncia oficialmente cu a yega na un acuerdo cu PPA pa e lidera e partido oranje, ta puntra su mes dicon no ta inveri e placa aki den bay definitivamente riba energia di gas. Por scucha ta papia riba diferente forma pa produci coriente mientras cu esun proba ta esun di gas. Si dicidi di cambia pa gas, e lo por trece un reduc-

cion di 20 pa 30% pa comunidad di Aruba.

Igualmente el a indica cu ta bay reduci gasto di gobierno cu 12% den e proximo gobernacion, cual ta significa 140 miyon. Probablemente e no lo wordo logra den e prome aña, pero e decisionnan tin cu wordo tuma pa den e transcurso di 4 aña reduci esaki. “E placa aki tin cu bay pa nos grandinan, pa nos pensionadonan, pa nos baha nan AZV, pa nos baha nan AOV cu nan ta pagando na e momentonan aki. Tambe pa duna AZV e placa pa nan por busca remedinan cu a wordo kita for di nos pensionadonan y tambe pa nos por duna un entrada digno pa nan por tin un biba

Charla informativo di Alzheimer na Centro di Bario Noord

Luna di September ta e luna cu na mundo henter campanjanan di concientisacion di e malesa Alzheimer ta tuma lugar . CBN ta organisa un charla informativo , interactivo pa e pueblo di Noord y Aruba en general. E dia ta Diabierna 27 di September di 6.30

pa 8.30 di anochi na CBN. Oradornan invita ta Sra Sabrina Sonensein di Centro di Memoria y Sra Lisette Does di Cas Marie.

Pues tur interesado ta cordialmente invita pa bin scucha y hasi pregunta di cualquier duda cu tin. Nos ta warda boso.

corecto na Aruba”, Otmar

Arub A bAsketb A l b ond s eleccion u 15 d en ful preparacion pa

torneo na s t Maarten

Aruba Basketball Bond su seleccion U15 ta den ful preparacion pa participa na e Paradise Showdown Tournament cu lo tuma luga na St Maarten. E wega di fogeo a tuma luga na Aruba Juniors cual porcierto tabata basta yen cu famia, amigo y fanaticonan di basketball. E torneo ta organisa pa Performance Sports Academy Athletic Association. E meta principal di e

torneo ta pa cada hungado demostra su habilidad y crea exposicion pa e hoben atleta hungando contra e miho hungadonan di cada pais cu ta participa na e torneo. E torneo lo tuma luga di 5 pa 10 di October 2024. Aruba ta den Pool A hunto cu St Maarten, St Kitts y Saba. Aruba lo tin e honor di hunga e wega di apertura contra St Maarten. Earl Clemencia ta e Head Coach y ta wordo asisti pa Starlin Arismendy.

Diadomingo cu a pasa nos seleccion a hunga un wega di fogeo contra e team di cadet di Aruba Juniors. E wega a cuminsa cu Seleccion hungando un wega lihe cu a causa algun perdida di bala. Aruba Juniors ta probecha di e erornan y ta saca un ventaha di 12-8 den e prome kwart di wega. Den e di dos kwart coach Earl a haci algun cambio

y a duna instruccion na e hungadonan. Seleccion tabatin menos perdida di bala y a forma atakenan organisa pa Denzell Dirksz y Dempsley Brice pa yega y score na e basket defendi pa Aruba Juniors. Halftime ta bay aden 48-35 pa Seleccion U15. Den e di dos tempo Seleccion a sali motiva pa “seal” e wega hungando presion riba ful e cancha. Aruba Juniors tabatin problema pa defende e presion y tabata comete perdida di bala. Seleccion a probecha di esaki y tabata haya tironan facil un tras di otro pa asina gana e kwart 21-13. E ultimo kwart seleccion a sigui presiona y ta score 23 punto pa gana e wega cu score di 71-49. Dempsley Brice, Denzell Dirksz y Jaydrick Maduro tabata e topscorernan cu 19, 17 y 12 punto respectivamente. Dempsley Brice y Cesar Arismendy tabata e miho reboteronan cu 10 y 9 cada un. Briant Jansen, Jayderick Maduro y Jonathan Yepes tabatin 8, 6 y 4 steal respectivamente. Coachnan Clemencia y Arismendy por mira atras riba un wega satisfactorio di nan seleccion y nan tin confiansa cu nan lo haci un bon papel na St Maarten. E wega di fogeo a tuma luga na Aruba Juniors cual porcierto tabata basta yen cu famia, amigo y fanaticonan di basketball Diadomingo awo 29 di September 2024 lo tin e ultimo wega di fogeo. Esaki lo ta contra un seleccion forma pa hungadonan di Cadet di Stealers y Aruba Juniors. E wega ta cuminsa 6or atardi. Carchi ta obtenibel cerca e hungadonan di seleccion of na porta.

F in A

nzAS publi C o di G A binete Weve R -C RoeS- ii .

politico di 27 aña ta desespera pa “cash-in” riba su mentiranan

Caft, IMF y Banco Central di Aruba ta keda emiti rapportnan positivo riba e maneho di e finanzas publico di Gobierno. Practicamente henter oposicion ta keto riba e rapportnan aki, cu excepcion di Rycond Santos do Nascimento, cu ta confirma cu gobierno ta riba bon caminda cu su maneho.

Rapportnan ta mustrando cu debe ta bahando te na 73% di nos GDP e aña aki, tin surplus 3 aña consecutivamente, (2023-2025), desempleo ta na 4%, un cifra historicamente abao, inflacion ta na apenas 1.3% y inversionnan ta tumando lugar. Banda di esaki Gabinete Wever-Croes a sa di duna bek na pueblo tambe asina por mira con a percura pa indexering di 11.7%, pensioen a subi pa soltero cu 365 florin y pareha casa cu 536 florin den 7 aña, bijstand pa hende special a aumenta cu 130 florin, prima di AZV pe pensionado a baha cu 5.5%, reparatie toeslag pa sector priva a subi cu 50 florin y hopi mas. Mas cu claro, ora ta papia di gobernacion responsabel, cu vision y unda biene -

star general ta un prioridad bo ta haya esun cu no por acepta cu Aruba ta enberdad mihor para!

Marisol a aparece diripiente cu su acusacionan di jaarrekening ta un intento desespera pa purba desacredita minister Xiomara Maduro. E splicacion di minister Maduro conoce sosten y credibilidad na tur instituto financiero; Banco Central, CAft y ARA. Ademas, Marisol intencionalmente ta ignora informacion ricibi di Algemene Rekenkamer cu recientemente tabata den Parlamento. Ta pesey semper e ta importante pa mi presenta e hechonan y realidad pa desbarata e politica dinosaurio cu e politico cu 27 aña di experencia ta hungando.

Algemene Rekenkamer

Aruba a splica e tardansa riba rapport jaarrekening 2019

Algemene Rekenkamer

Aruba (ARA) tabata presente 25 di April 2024 den Parlamento y a splica pakico lo tarda pa traha riba e jaarrekening 2019 cual a wordo entrega pa min-

ister Xiomara Maduro 23 di November 2023. Den e splicacion di ARA, a pone hopi enfasis riba e hecho cu nan capacidad ta limita y pe motibo ey ta dificil pa nan haci dos investigacion pareu, y cu pesey nan a finalisa e investigacion di e rapport “Op Afstand, maar toch Dichtbij” prome cu cuminsa esun di e Jaarrekening 2019. Adicionalmente ARA a informa cu tin algun “opschoningsacties” pa por yega na un jaarrekening mas controlabel. Mirando ARA a comparti tur informacion cu Parlamento den un “Besloten Bijeenkomst,” ta frapante cu awor Marisol Tromp ta sali grita cu tardansa di Jaarrekening 2019 ta e falta di Minister Xiomara Maduro.

Caft y IMF tin comprension pa e falta di profesionalnan den e departamento di finanzas

Caft den su diferente rapportnan a cubri e tema di atraso di jaarrekening. Pesey Caft a aproba un presupuesto pa e departamento di finanzas por contrata mas profesionalnan cu lo por yuda procesa y traha e jaarrekeningnan na tempo. Notabel ta cu den e ultimo rapport di CAft di 10 di Juli 2024 riba presupuesto 2024, ta elogia Minister su maneho financiero y cu gobierno a cumpli cu tur norma acorda. Minister di Finanzas y su profesionalnan ta demostrando curashi y determinacion pa cumpli cabalmente y esaki ta keda refleha atraves di elogio, aprobacion di instancianan halto y upgrading di e rating di Aruba.

Marisol a sostene e deficitnan historico, KB, Laft y CAft

Rapportnan di Caft, presupuestonan 2013-2017, ta demostra evidencia contundente cu Marisol como presidente di Parlamento durante e gobierno di Gabinete Mike Eman, a sostene deficitnan historico cu a causa e megadebe catastrofico di nos pais. Dia cu Marisol mester a denuncia maneho catastrofico di su minister di finanzas berde, el a keda keto y bon mucha pa sigui instruccion di Mike Eman. Marisol a guli manda abao y nunca a presenta un mocion di desconfiansa contra e minister di AVP pa kite di trabao! Awe cu pre -

Stichting

supuestonan ta entrega na tempo, ta cumpli cu tur normanan di Caft, tin surplus pa paga e debe, gobierno ta dunando bek na pueblo, inversionan di decenas di proyecto ta tumando lugar, awo Marisol kier grita cu cos ta malo. Pregunta na bo ta, bo ta kere cu e politico aki tin Aruba na su curason di berdad?

Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!

Sportsubsidie

Aruba ta investigando un caso di irregularidad den su organisacion

Stichting Sportsubsidie Aruba (SSA) ta realisando un investigacion relaciona cu un posibel caso di irregularidad den su organisacion.

Si resultadonan preliminar indica necesidad pa esaki, lo tuma tur paso necesario, incluyendo e posibilidad di entrega keho penal.

Stichting Sportsubsidie Aruba ta compromete pa implementa tur medidanan necesario pa preveni cu irregularidad di es tipo aki no ripiti. Parlamentario Marco Berlis (MEP):

Minister Geoffrey Wever ta duna e M puhe pa produccion di W ebo co M ercial

Recientemente, riba peticion di Minister Geoffrey Wever conseho di minister a duna aprobacion pa instala un grupo di trabao cu lo enfoca riba e aumento di e produccion comercial di webo di galiña na Aruba. E ‘werkgroep’ aki ta consisti di Departamento di Asuntonan Economico, Comercio y Industria, Santa Rosa y DIP. E meta principal ta pa traha un plan di

implementacion pa stimula e produccion comercial di webo di galiña localmente.

Segun analisis di di Departamento di Asuntonan Economico, Comercio y Industria e consumo total di webo di galiña tawata 4.8 miyon unidad na 2023. Di e cantidad aki, 85 porciento ta wordo importa y solamente 15 porciento ta wordo produci localmente. Pues, e dependencia fuerte aki riba importacion den e mercado di webo di galiña ta ofrece oportunidadnan di crecemento pa empresarionan local.

Ademas, un rapport realisa pa Sociaal-Economische Raad na 2020, titula “Voedselzekerheid op Aruba” a identifica algun reto cu ta

stroba e desaroyo di e sector aki. Adicionalmente, World Bank Group den su rapport di 2020 yama, “Building Aruba’s Food Security During the COVID-19 Pandemic and Beyond”, a propone un strategia di seguridad di cuminda pa promove Aruba su produccion local di cuminda y desaroyo economico sostenibel.

Basa riba e rapport nan aki, ministerio di Asuntonan

Economico, Comunicacion y Desaroyo Sostenibel a traha un nota di maneho pa subi e produccion comercial di webo di galiña nan Aruba.

E sector economico di webo di galiña cu ta wordo referi na dje como un “promising sector”, ta wordo caracterisa pa un dependencia fuerte riba importacion.

Pa incentiva mas actividad

economico den e sector di webo di galiña, Gobierno di Aruba ta duna prioridad pa stimula e produccion comercial di esaki. Segun Minister Geoffrey Wever, esaki lo yuda baha e importacion cu lo resulta den menos dependencia di mercado internacional y mas seguridad di cuminda. Pronto lo anunca e prome accion di e maneho pa stimula e produccion comercial di webo di galiña.

polis a core cu hobennan cu no ta respeta regla den fastfood restaurant na s anta c ruz

Na yegada di e patruya a bin compronde cu e hobennan aki tabata huma den e restaurant cual ta estrictamente prohibi den e lugar. Ora cu e gerente a avisa nan cu no ta permiti nan a sigui

huma toch y ora a pidi nan pa desaloha e lugar nan no kier a haci caso. Ora polis a core cu nan nan a sali pero despues nan a bay. E gerente a sali revisa si nan a comete vandalismo pafo.

Dialuna atardi a drenta informe di cu tin algun hoben cu no kier respeta regla den restaurant fastfood na

Santa Cruz, mesora a dirigi un patruya na e sitio.

Women’s Club of ArubA ofi CiA lmente A entreg A

ArC hivon A n h istori C o n A

b iblioteCA nAC ion A l ArubA

Na ocasion di conmemoracion di su 90 aña di servicio y empoderamento, cu satisfaccion Women’s Club of Aruba (WCA) a haci entrega di su archivonan historico na Biblioteca Nacional Aruba den un gesto simbolico pa preserva su legado.

Den un ceremonia ameno, presidente di WCA, Sra. Reina Geerman, a haci resalta e importancia di e logro aki, reflexionando riba e historia rico di club, su impacto riba e hende muhe y comunidad di Aruba. El a enfatisa cu e archivonan ta representa mas cu documentonan; nan ta encarna e memoria colectivo y logronan di generacionnan di hende muhe cu a traha sin descanso pa haci e diferencia. A duna reconocemento special na e damanan di e Comision di Historia, bou di liderazgo di Sra. Omaira Silva, pa nan trabou diligente pa prepara tur documento historico pa por a entrega esakinan.

A duna tributo special na Sra. Quita Croes, e prome hende muhe Arubiano cu a bira presidente di WCA, pa su dedicacion y liderazgo cu vision. Na e evento tabata presente miembronan di su famia, incluyendo su yiu muhe, Sra. Selena Croes y famia y su yiu homber Sr. Glenn Croes y famia. Familiarnan di Sra. MarieThérèse Croes tambe tabata presente na e acto aki. E entregamento di e archivonan ta sigura cu e legado di WCA ta keda preserva pa futuro generacionnan, permitiendo nan siña di e biahe di club y su contribucionnan. E evento ta simbolisa tambe e compromiso di club pa cu e histo -

ria cultural, ya cu presidente Reina Geerman sa di reconoce e rol di e Departamento Arubiana-Caribiana di Biblioteca Nacional pa salvaguardia e archivonan incalculabel aki.

E departamento di Arubiana-Caribiana di Biblioteca Nacional tin e coleccion cultural valioso di e documento- y materialnan original cu ta forma parti di e memoria colectivo di e isla. E departamento ta traha na conserva historianan social, cultural, politico, y economico di nos isla, y su tarea ta di colecta, preserva, y organisa herencianan documenta di Aruba, door di provee disponibilidad pa e comunidad en general. “Awo e herencia documenta di WCA cu ta data di 19341961 ta pertenece tambe na nos Coleccion Nacional.

Nos di WCA ta mas cu agradecido y encanta di tin e inventario valioso aki inclui den nos coleccion. Ta door di preserva coleccionnan manera esaki, nos por tin un bista den e bida domestico y di trabou di e damay cabayeronan durante e periodo menciona … e esencia di biba den e temponan ey ora LAGO tabata opera ainda, pa ta parti di e Comunidad di Colony y loke ta mas valioso ainda, ta e trabou di caridad cu nan tabata haci”. Tabata palabranan cu Zetsia Ponson di Biblioteca Nacional Aruba a comparti.

WCA ta mira padilanti pa continua cu su mision di duna servicio y demostra unidad, ya cu e entregamento aki no solamente ta marca un celebracion di su pasado, pero tambe un dedicacion pa su futuro.

AcciDEnt

E SEmi-

frontAL c U h En DE

hE ri DA n A cr USADA

D i SAbAnA bEr DE

Dialuna atardi a drenta informe di un accidente cu hende herida na Sabana Berde, mesora a dirigi tanto polis como ambulans na e sitio. Na yegada di e patruya ya caba tabata tin un ambulans na e sitio pa

US Soccer Education a present'e Prome curso di D-License duna n'e coachnan di futbol na Aruba

E coachnan di RCA, SV Flamingo y SV Victory Boys a dal un paso significativo den nan formacion profesional pa cuminsa cu nan curso presencial p'asina nan obtene e D-License, un programa ofreci pa US Soccer Education na Aruba. E evento aki ta special, ya cu ta pa prome biaha cu US Soccer Education ta organisa un curso di e magnitud aki den Caribe.

E curso, cu lo tuma luga pa cinco dia intensivo, ta diseña pa brinda e coachnan e herment y e conocementonan necesario pa aumenta nan nivel di competencia den futbol. Cu e participacion di experto den e materia, e coachnan lo siña riba tactica, strategia y desaroyo di habilidad cu lo beneficia tanto nan mes como nan ekiponan.

Ta desea tur e participantenan hopi exito den nan caminda pa obtene e D-License. E futuro di futbol na Aruba ta prometedor.

atende un dama cu a haya un corta na su pia. Un rato despues e otro chauffeur tabata keha di dolor y a pidi un otro ambulans.

Na yegada di e otro ambulans a atende e chauffeur.

Seminario Co-Parenting den Harmonia

E team di Happy Parents, Happy Children ta contento di por anuncia nan di tres evento anual en connecion cu Dia Internacional di Mucha. E aña aki, nan ta presenta un seminario cu e titulo: Co-Parenting den Harmonia, un topico importante pa hopi famia den comunidad.

Ta importante pa menciona cu co-parenting no ta tuma lugar solamente entre mayornan separa of divorcia. Co-parenting ta pa tur mayor, biba hunto, mescla, casa, asta esnan cu ta lanta nan yiunan cu nan abuela y abuelonan. E seminario aki ta diseñá pa duna informaccion valioso y tools nan practico pa tur tipo di mayornan.

E seminario lo tuma lugar Diasabra 2 di November di 9AM di mainta te cu 1PM di merdia na Occasions Ballroom, Metro Mall. Pa locual ta oradornan, nan ta contento di tin un biaha mas Johnny Boekhoudt, un psicologo y orador favorito di aña pasa, cu lo bai elabora riba e aspecto emocional y psicologico di co-parenting. Johnny lo elabora riba comunicacion efectivo, solushon di conflicto, compronde impacto emocional riba e mucha, expresa sintimento y mucho mas!

Tambe como orador lo tin

Sra. Nancy Gravenstijn, un abogada conosi, cu lo papia riba e aspecto huridico/ legal di co-parenting. Un topico vital, specialmente cu e number nan halto di divorcio riba e isla. Nunca ta mucho trempan of laat pa sa bo derechonan. Abogada Gravenstijn lo elabora un poco mas riba areglonan entre mayor, responsabilidad financiero, derecho di bishita, procedura y mucho mas.

Co-organisado y host di aña pasa, Laura Tromp, un coach di mayor lo ta biah-

ando for di Hulanda pa bin presenta riba e aspecto proactivo di co-parenting. El lo papia riba e importancia di plania delanta y di ta proactivo ora ta jega na bienestar di bo famia y yiunan. Compronde Inteligencia Emocional den co-parenting, crea bo propio family values y strategianan pa comunicacion efectivo y mucho mas.

Ademas, organisadornan a invita representante di Plan di Mayor y Voogdijraad pa uni den un panel pa asina por ofrece informacionnan importante cu ta trata sosten pa mayor den co-parenting.

E seminario lo ta uno sigur interesante, informativo, empoderante y importante, y lo sirbi sigur pa duna guia na tur mayor, nunca bo no ta perde di sinja algo nobo. Ticket ta solamente 50 florin, disponibel via Pay.aw, Van Dorp, y Plaza Bookshop. E ticket ta inclui informacion valioso, un workbook, desayuno y light lunch.

E seminario aki no lo ta posibel sin ayudo di Aruba Bank. Organisadornan ta gradici Aruba Airport Au-

thority, Aruba Tourism Authority, Setar N.V., Elite Productions, Compra N.V. pa nan aporte pa cu e seminario aki y ta gradicid nan pa skohe pa inverti den comunidad y mas aun pa bienestar di nos futuro, nos muchanan.

Organisadornan kier invita tur mayornan pa busca nan ticket awe mes pa e seminario aki, paso lugar ta limita. E seminario aki ta un oportunidad pa mayornan uni, siña, y comparti experiencianan, mientras por benificia di strategianan duna pa expertisionan pa asina hunto nos crea un siguente generacion mas saludable y feliz! Ban traha pa nos yiunan, no contra nan :)

Un dia fructifero colma cu e bendicion y forsa di ariba y yena cu Spirito Santo

"Pasobra esun cu Dios a manda ta papia palabra di Dios; pasobra Dios ta dun’E Spirito Santo na abundancia." Huan 3, 34

Dios a manda Hesus pa siña cada un di nos con nos mester biba.Cu nos mester kere y obedece Dios. Kere den Esun cu Dios a manda, acept’E y respet’E.Ta berdad cu nos ta biba riba e mundo aki pero nos no ta pertenece na e mundo aki. Nada di e mundo aki por duna nos e felicidad berdadero. Solo Dios por haci e hende feliz. P’esey laga nos haci nos maximo esfuerso pa agrada Dios y biba di acuerdo cu Su santo boluntad. Ban pidi Dios pa prepara nos pa ricibi Esun cu E lo manda for di shelo pa nos mescos cu E la baha riba Hesus riba dia di Su bautismo cu ta e Spirito Santo di Dios. E ta Esun cu ta yuda nos y siña nos loke ta e berdad pa nos keda pertenece na Su reino y nos por ta e testimonio cu ta confirma cu Dios semper ta e berdad. Door di esey nos ta haya un bida nobo hunto cu Hesus cu a resucita canando riba e caminda di bida eterno. E unico caminda, berdad y bida cu ta hiba nos na salbacion.

Oracion: Tata Celestial duna nos e gracia pa acepta, kere y respeta Bo Palabra.Laga Bo Spirito Santo por baha riba nos y duna nos e uncion cu semper Bo tin warda pa nos. Amen.