DIABIERNA AWOR CORTE TA TRATA
SERGIO MADURO
Prome Minister Evelyn Wever-Croes:
Durante celebracion di Dia Mundial di Prensa 2024, GOBIERNO DI ARUBA A DUNA UN
RECONOCIMENTO SPECIAL NA TELEARUBA
Ya pa 7 aña consecutivo, riba Dia Mundial di Prensa, Gobierno di Aruba ta duna un reconocimento special na un medio di prensa. E aña aki a duna e reconocimento na TELEARUBA, pa nan colaboracion y cooperacion pa transmiti e mensahe di Gobierno na e comunidad di Aruba. Presente pa e ocasion aki tawata señor Giovanny Kock, señor Aldrick Werleman y señor Patrick Everon.
E reconocimento a wordo entrega durante e encuentro cu prensa dia 2 di september, den
cuadro di Dia di Prensa 2024. Durante e entrega Prome Minister Evelyn Wever-Croes a bay bek den tempo y a referi na e tempo di e pandemia unda cu, danki na e cooperacion di TELEARUBA, Gobierno por a comunica por medio di conferencianan di prensa y trece e mensahe na comunidad di Aruba. Tur anochi a traves di TELEARUBA e ciudadanonan a sigui e situacion y e paso a paso durante e pandemia, y esaki tambe a yuda Aruba logra recupera hopi lihe.
Prome Minister a sigui bisa
tawata momentonan di trabou intensivo pa Gobierno pero tambe pa e empleadonan di TELEARUBA, cu a coopera na tur momento pa trece e mensahe na e pueblo di Aruba. Pa e motibo aki y tambe pa e cooperacion durante 7 aña di gobernacion di Gabinete Wever-Croes, cu hopi orguyo Gobierno a entrega e reconocimento special na e planta nacional TELEARUBA.
“Mi ta corda e conferencianan di prensa tur anochi 7or durante e pandemia. Hopi cansancio
pa nos pero sigur tambe pa empleadonan di TELEARUBA. Pero apesar di e situacion dificil e tempo ey semper nan a cumpli y a yuda nos trece nos mensahe padilanti na e pueblo. Gobierno di Aruba ta hopi orguyoso di nos planta nacional.
Nan ta traha cu curason y semper pensando den e bienestar di pais Aruba y pa esey semper nos lo ta agradecido na nan. Danki y pabien na director di TELEARUBA señor Giovanny Kock, y henter su ekipo”, Prome Minister a expresa.
ChAUffEUR DI PICk-UP MESTER A PARA DIRIPIENTE TRAS
Diamars mainta durante patruya na Hooiberg polis a bin topa cu un accidente cu a caba di pasa nan dilanti, mesora nan a baha atende.
A bin resulta cu un auto dilanti e pick-up diripiente a para pa un otro y e pick-up mester a brake di golpi pero e auto patras di e pick-up no a logra para na tempo y a bay dal tras di e pick-up. Afortunadamente ningun hende a resulta herida.
cu
Parlamentario Shailiny Tromp-Lee (MEP):
InversIon den nos profesIonal y InstancIanan ta muestra dI e ImportancIa dI salud mental
Despues cu Gobierno a uni tur actor trahando pa salud mental a percura pa e inversionnan necesario den nos profesional y instancianan
Den diferente reunion den Parlamento Minister Rocco Tjon, encarga cu Husticia y Asuntonan Social, a indica cu desde cu el a asumi responsabilidad, el a experencia e necesidad pa uni tur actor cu ta traha cu salud mental bou di e capa di su ministerio. Esaki mirando e complehidad cu maneho di salud mental ta trece cu ne, y tambe cu salud mental mas y mas ta wordo relaciona cu ambos di su carteranan. Na December 2021 a oficialisa e union cu firmamento di e samenwerkingsprotocol GGZ Aruba door di FADA, HAVA, Stg. Hunto, Respaldo y Ministerio di Husticia y Asuntonan Social. Trahando cu un structura nacional caminda tur partners ta traha hunto nos por duna contenido na prevencion, cuido (basico y specialisa) y "nazorg" eficiente y efectivamente. Esaki sigur mirando e scarcedad di fondo y profesionalnan.
Tres aña pasa, simultaneamente cu e proceso akiriba menciona, cu asistencia di PAHO (Pan American Health Organization) a diseña un roadmap pa Aruba, di con tin cu bay atende cu salud
mental. E roadmap ta stipula un ruta di 10 aña, esta di 2021 te cu 2031. Pa realisacion di e roadmap aki Minister Tjon a institui un “steering committee” (stuurgroep) cu ta consisti di tur stakeholders di e veld, pa di e forma ey por traha riba diferente tereno manera legislacion, financiamento, structura, desaroyo profesional di tur e profesionalnan cu ta traha den e veld, pero tambe sigur mes importante e parti di prevencion.
Recientemente a keda presenta un investigacion a wordo conduci cu yama “STEPS”. E investigacion aki a tene cuenta cu aspectonan di salud mental, y a base di e resultadonan di e investigacion a traha un plan di accion di con Aruba lo bay atende cu e diferente reto y metanan cu a wordo treci padilanti. Alabes a base di e resultadonan aki, conhuntamente cu PAHO lo bay evalua e roadmap y percura pa e adaptacion/ cambionan si esaki ta necesario.
Como sociedad nos mester ta consciente cu nos mester concentra hopi riba prevencion. Ta sumamente importante pa
kibra e silencio y e taboo pa loke ta trata salud mental. Crea e condicionnan caminda esnan cu mester di ayudo ta sinti nan mes comodo pa haci esaki. Mester kita e stigma di berguensa. Retonan social pa cu salud mental ta algo mundial, y como pais nos tambe mester percura pa kibra e stigma, pa asina salud mental por bira un topico normal den nos sociedad.
Hopi ta e esfuerso realisa y inversionnan aloca den entre otro opleiding, curso, materialnan necesario como tambe e parti infrastructural. Lastimamente e fruto di e inversionnan nos no por mira mesun liher cu nos ta desea pero ta trabounan grandi a tuma y ta tumando lugar. Pa menciona algun: a y ta sigui amplia e servicio pa cu salud mental y haci’e mas accesibel, inicio di e opleiding “Praktijkondersteuner Huisartsen Geestelijke Gezondheidszorg”, a amplia e cuido cu introduccion di fact teams y crisidienst (cu ta consisti di profesionalnan cu ta 24 ora pa dia disponibel pa atende cu incidentenan), a realisa diferente inversion den prevencion, inversion den optimalisacion y pa sigui hisa e nivel di capacitacion di e personal den e sector aki, a certifica profesionalnan den multidimensioneel familie therapie, a inicicia e proceso di adaptacion di e “krankzinnig verordening”, a organisa mental health conference, ta trahando duro y riba nivel nacional pa bin cu un enfoke mas compasivo, inclusivo y efectivo pa cu cuido di salud mental, a inverti den
infrastructura (a construi edificio nobo pa Stichting Hunton a Dakota, Renovacion di Centro Colorado etc) cu a haci integracion fisico di locual ta psikiatria y tratamento di adiccion bou di un solo dak y asina nos por sigui menciona.
Meta di tur e proyecto y inversionnan aki ta pa logra cu cuido di salud mental ta bira mas accesibel, inclusivo y efectivo pa un y tur. Mi ta uni mi mes na e yamada di Minister Tjon pa accion, pa cada un di nos yuda cu e parti di concientisacion di salud mental, pa nos sostene esnan rond di nos den nan momento di necesidad y pa contribui na un comunidad caminda ningun hende ta keda atras pa motibo di problemanan di salud mental of di adiccion. Door di esfuersonan colectivo e vision aki lo por wordo completamente realisa na bienestar di esnan cu ta enfrentando desafionan di salud mental y adiccion.
Noticia di Corte Diabierna awor Corte ta trata Caso asesinato Cruel Di miembro Di Cea sergio maDuro
Diabierna awor, 6 September 2024, Corte di Husticia lo trata e caso penal cu Ministerio Publico a cuminsa contra e dama Gonzalez y e homber Jimenez. Nan ta e 2 sospechosonan di e asesinato cruel di e miembro di CEA, Sergio Maduro.
SOLO DI PUEBLO por a compronde cu Corte di Husticia a reserva henter e dia pa tratamento di e caso.
ASESINATO CRUEL
Na Mei 2024, e dos sospechosonan a presenta dilanti Hues pa un caso pro forma. E acusacion contra Gonzalez y Jimenez ta cu
riba bispo di Pasco, 24 December 2023, a choca Maduro cu forza y despues draai su nek varios biaha di robez pa drechi. Tambe nan a cera
Maduro su garganta cu forza y despues push’e bent’e for di e auto.
Despues nan a pasa auto riba Maduro diferente biaha.
Ta sospecha cu Gonzalez cu tabata e pareha di Maduro, a pidi Jimenez pa mata Maduro door di priminti’e pago y a paga un adelanto tambe.
ABOGADO KIER PA INVESTIGA TUR DOS
SOSPECHOSO
Abogado mr. D.Croes a bisa Hues cu e dama
Gonzalez, ta un persona special y abogado kier pa laga haci investigacion si Gonzalez por a planea e asesinato. E abogado tambe a pidi pa psychiater evalua Jimenez pasobra Jimenez a bisa e abogado cu hopi biaha e ta scucha stem(nan) ta papia cun’e.
Fiscal a reacciona mustrando cu tin psycologo ta evalua Gonzalez y esey lo por duna splicacion. Tambe Fiscal a bisa cu psychiater a evalua Jimenez y tin un raport cla.
Diabierna awor lo informa con tratamento di e caso a bay y ki castigo Fiscal a exigi.
minister enDY Croes a HaCi un bisHita oFiCial na eDuCamPus
Awo den su localidad nobo den edificio di ex-edificio di Bon
Bini Bazaar den caya GF Betico Croes
: Recientemente, Minister di Enseñansa y Deporte Endy Croes a haci un bishita oficial na EduCampus. EduCampus a caba di muda na e exedificio di Bon Bini Bazaar den Caya GF Betico Croes. Directora di Educampus
Sra. Stephanie Croes a ricibi e mandatario di Enseñansa cu caluroso
bonbini. E mandatario a haya un recorido y por mira e klasnan. E estudio aki ta acredita pa medio di Cognia, pues e alumnonan cu termina nan estudio na EduCampus por continua nan estudio na Merca of Hulanda.
E ta un sistema enseñansa completamente diferente
cu nos sistema tradicional na Aruba. E aña aki alrededor di 300 alumno a inscribi pa e estudio mainta y mas di 100 alumno a inscribi pa e estudio parti atardi. Cada aña tin mas deportista cu ta opta pa studia na EduCampus, mirando cu nan ta brinda e atletanan e oportunidad di practica nan deporte den combincacion cu nan estudio.
E atletanan cu ta bishita e scol aki y cu mester prepara pa un campeonato ta haya oportunidad pa haci esaki. Finalmente, Minister Endy Croes ta desea e maestro- y alumnonan di EduCampus hopi exito e aña escolar aki.
CONFUSION DEN SECTOR DI TAxI NA ARUBA: UTN A LOgRA PA MANTENE TRASPASO, PERO OTRO gRUPO DI
CENTRAL NO TA SATISFECHO
Recientemente, a surgi un otro problema den e sector di taxi na Aruba, despues cu e ministerio di transporte a introduci un seri di cambio den su decision tocante traspaso di lisensia di taxi. E union “Taxi ta Nos” (UTN) a logra trece e cambio cu a permití traspaso di permiso na famia den caso di malesa, pero e otro grupo di taxista (centralnan) ainda no ta satisfecho y ta keda cu critica y duda.
// Union Taxi ta Nos a Logra Frena e Decision di Minister
Riba e asuntu di taxi, ta keda cla cu e grupo cu a logra frena e decision inicial di e minister y a hiba e minister pa revoca su postura, ta e union “Taxi ta Nos” (UTN).
Esaki a resulta den un cambio cu ta permiti e traspaso di permiso den situacionan spesifico, un decision cu UTN mester considera como un victoria pa nan miembronan. Tambe UTN a logra pa minister hinca taxista den comicion di evaluacion, algo noble y na su lugar!
Otro Grupo ta insisti cu ainda
tin problema y no ta kere cu e traspaso realmente a bira posibel, y ta keda draai rond insinuando cu e cambio no ta suficiente of no ta sigur. Esaki ta mustra un division den e sector y un falta di confiansa den e decisionnan cu a ser tuma.
// Bon comunicacion y Transparente ta Nesesario
Esaki ta indica e nesesidad urgente pa mas comunicacion cla y transparente pa evita mas malentendido.
Derecho di taxi mester wordo
respeta, y pesey mester tin dialogo. Mas cu claro cu e minister mester habri su porta pa mas dialogo.
Finalmente e no ta bay pa ken a logra, pasobra aki ta tur a logra. Apesar cu ta Union Taxi ta Nos a forsa e revocacion aki, e ta pa tur taxista.
Pabien taxista. Boso a logra e revocacion.
MINISTERIO DI NATURALESA TA
ANUNCIA CAMBIO DI FECHA PA
CONSULTA PUBLICO DI E CONCEPTO DI
LEY DI BIENESTAR DI ANIMAL
Den transcurso di siman pasa Ministerio di Naturalesa a inicia consulta cu diferente
stakeholders den e veld di animal na Aruba riba e concepto di ley pa bienestar di nos animalnan.
E sesionnan aki ta importante pa asina por ricibi aporte di cada stakeholder ariba diferente area di e ley nobo aki mirando cu nan ta directamente atende of lo atende cu e ley nobo.
Desde 26 di augustus Ministerio di Naturalesa
a sinta entre otro cu e asociacion di veterinarionan local, departamento di Santa Rosa, Centro Control di Cacho, departamento di Salud Publico, mayoria di nos fundacionnan cu ta traha cu animalnan y otro stakeholders. E siman aki lo sinta cu entre otro Douane y Inspectie.
Pa motibo cu ainda tin algun sesion cu stakeholder pendiente, Ministerio di
Naturalesa ta anuncia fechanan nobo di consulta publico ambos online y na MFA.
E fechanan nobo pa consulta publico lo bira:
• Online entrante 18 di september, caminda lo por duna sugerencia of comentario via un formulario online
• Ministerio di Naturalesa lo duna presentacion di e concepto di ley na publico:
o MFA Savaneta: 24 di September 2024, 6:00 PM – 7:00 PM
o MFA Paradera: 26 di September 2024, 6:00 PM – 7:00 PM
Pa cualkier pregunta of informacion tocante e concepto di ley aki por aserca Ministerio di Naturalesa via naturalesa@gobierno.aw .
Prome Minister Evelyn Wever-Croes
Prome Minister: "Ban crea doñonan di mascota responsabel"
A LANSA MATERIAL EDUCATIVO PA SCOLNAN "MI MASCOTA"
Dialuna anochi Prome
Minister Evelyn
Wever-Croes hunto cu
Prome Minister a splica cu e proyecto aki a inicia bou di ministerio di enseñansa, cu e meta pa traha material educativo pa e scolnan.
E buki "Mi Mascota" a wordo traha door di un ekipo di profesional, cu a sa di entrega un buki di calidad halto y di bon contenido. Prome Minister a expresa cu e material importante aki ta yen’e di hopi emocion, pasobra na Aruba e problematica di specialmente cacho riba caya ta uno cu Gobierno a bin ta lucha cu ne pa hopi aña.
Gobierno, sino tambe di e doño di e cacho. Y e unico manera pa bringa esaki ta pa cuminsa na siña nos muchanan di jong caba e responsabilidad di tin un mascota. E material educativo aki ta yuda na crea ciudadanonan di futuro pa ta mas responsabel na momento cu tin un mascota.
"Mi ta felicita Minister Endy Croes y ekipo cu a haci esaki posibel. Un danki na Minister Ursell Arends pa su esfuerso den bringa e problematica aki, cu ta uno compleho y cu hopi faceta. Pa esnan cu ta gusta lesa buki, sa cu no tin nada mas dushi cu habri un buki y haya e holo di e buki specialmente si e ta nobo pasobra bo lo les’e cu hopi mas smaak.
Guedez Erasmus, y Ricky
Hoek tabata presente na
John F Kennedy Educenter pa lansamento di material educativo "Mi Mascota".
Minister Endy Croes, Minister Ursell Arends y Parlamentarionan Setty Yarzagaray, Darlaine
Hopi ta esnan cu ta critica Gobierno pa e cachonan riba caya, pero ta importante pa comunidad sa cu e responsabilidad no ta solamente den man di
Muchanan en particular ta gusta tin un "puppy" pa hunga cu ne, pero na momento cu e cacho bira grandi, tin e tendencia di hala e cacho aki un banda y busca otro puppy. Esaki sigur no ta e manera corecto pa trata e mascotanan. P’esey e material aki ta hopi importante pa siña nan con pa trata nan mascota y e deber cu ta bin cu e mascota.
Mi ta sigur cu e buki aki lo duna cada un di boso e sentimento necesario pa asina hunto compromete pa ta doñonan mas responsabel di un mascota. Masha pabien y hopi exito na tur e scolnan cu lo bay uza e buki bunita aki", Prome Minister a expresa.
Minister Endy Croes: COLEGIO BON BINI A CELEBRA 132 AÑA DI EXPERENCIA WAW DEN ENSEÑANSA DI JUFFROUW
RITHA, JUFFROUW ELBA Y JUFFROUW STELLA
Recientemente, Minister di Enseñansa y Deporte
Endy Croes y Prome
Minister Evelyn WeverCroes a ricibi bishita di tres (3) maestra cu ta celebrando hunto un total di 132 aña di experencia WAW den enseñansa di Aruba, esta juffrouw Gregoritha (Ritha) Thode cu a cumpli 46 aña, juffrouw Elba HirschfeldSmith cu a cumpli 43 aña y juffrouw Stella Tromp Chan cu a cumpli 43 aña. Hunto cu ayudo di cabesante di Colegio Bon Bini juffrouw Sharissa, a
sorpresa e maestranan na Bestuurskantoor.
Durante e bishita, e maestranan a conta nan experencia durante tanto aña. Minister Endy Croes y Prome Minister Evelyn Wever- Croes a comparti un momento ameno cu e maestranan y a gradici nan pa nan amor, pasion y dedicacion durante varios aña den enseñansa di Aruba. E juffrouwnan a ricibi un bunita reconocemento di Gobierno di Aruba.
E maestranan a indica cu nan ta hopi contento di por a experencia e innovacion den enseñansa, e cambio di les tradicional pa les digital. Ademas di esaki, a expresa cu nan ta contento cu despues di varios aña por a presencia e introduccion di Papiamento na scol y por a mira e cambio positivo cu esaki ta trece pa e alumnonan durante les. Pa finalisa, Minister Endy Croes ta felicita
nan pa e bunita trabou cu nan ta desplega pa nos muchanan y ta gradici nan pa contribui grandemente
den e desaroyo di enseñansa di Aruba den su totalidad.
ACCIDENTE HIT & RUN BANDA DI PEPE NACHO NA MAHUMA
Dialuna anochi a drenta informe di un accidente banda di Pepe Nacho na Mahuma, mesora a dirigi un patruya na e sitio.
Na yegada di e patruya a bin compronde cu aki ta trata di un accidente hit & run y a pidi pa polis di trafico bini pasobra aki ta trata di un accidente hit & run.
Na yegada di e oficial di trafico a tuma tur datos y a keda di bay en busca di e auto y chauffeur cu a sigui core bay ya cu tin camara di seguridad na e sitio.
Minister Ursell Arends:
TA ANUNCIA CREACION DI UN MERCADO
LOCAL NA SAN NICOLAS COMO PARTI DI PROYECTO DI REVITALISACION
Na un conferencia di prensa dialuna, 2 di september, Gobierno di Aruba a anuncia e prome fase di e proyecto di Revitalisacion di San Nicolas.
Fase 1 di e proyecto lo inclui e creacion di un mercado local, destina pa sirbi como un atraccion nobo pa bishitantenan y un plataforma vital pa nos agricultor y productor local. E Sunrise Market lo ta situa den e parkeerplaats actual di Arubus, y lo inclui espacio dedica pa no solamente artesania, pero tambe pa productonan
local cu hopi di nan a anhela pa asina nan por bende den un forma mas consistente y accesibel.
Pa hopi tempo, a yega peticion for di comunidad pa haya un espacio cu por promove e mercado local, y cu e proyecto aki, Minister Arends ta mustra e compromiso firme pa atende e necesidad aki.
E creacion di e Sunrise Market ta un paso importante den e direccion di diversifica e atracionnan di San Nicolas, y brinda un sosten pa e agricultor y productor local cu tanto
mester di un plataforma manera e Sunrise Market pa por crece y prospera.
Adicionalmente, e proyecto ta inclui mantencion y “upgrade” necesario na e stacion di bus na San Nicolas, creando un espacio mas atractivo pa peaton y pa turistanan.
E Sunrise Market lo no solamente fungi como un atraccion turistico, pero e localnan di e area tambe lo haya beneficio di e disponibilidad mas frecuente di productonan fresco y local, asina stimulando e industria di
nos productor local y duna nan un chens mas grandi pa progresa.
Minister Arends ta reitera cu esaki ta un parti crucial di su plan pa sostene y fortalece e comunidad
di productornan local. Gobierno di Aruba no solamente ta revitalisando un parti di Aruba sino tambe ta construyendo un futuro unda San Nicolas ta prospera mas aya cu un refineria.
DAMA ChAUffEUR hERIDA DEN
ACCIDENTE NA CUMANA ORA AUTO A bIN DAL SU TRAS
Diamars mainta a drenta informe di un accidente cu hende herida pariba di e rotonde Tarabana, mesora a dirigi tanto polis como ambulans na e sitio.
Na yegada di e patruya a bin compronde cu aki ta trata di un accidente unda un chauffeur no a regula su velocidad ni mantene distancia a bay dal tras di e pick-up di security.
Debi na e impacto e dama
den e pick-up a resulta herida, na yegada di e ambulans nan a atende e victima.
Un Impacto posItIvo den e crecemento dI
Gasto dI ‘restaUrants & dInInG’ den Q2 2024
Aruba Tourism Authority (A.T.A) ta comparti tendencia di gasto na Aruba pa Q2 2024, caminda cu Restaurants & Dining ta e categoria caminda cu e bishitante ta gasta mas ora cu e ta na Aruba. Un indicacion cu Aruba tin e potencial di sigui desaroya su oferta culinario y promove esaki mas internacionalmente. Conforme informacion di tarheta di credito visa, unabez du e turista ta na Aruba y ya a regla su estadia y buelo, locual e ta kede genera mas ta locual e ta gasta na “Restaurants & Dining”. Esaki a subi cu 17.9% den Q2 2024, compara cu e mesun temporada den 2023. A.T.A. ta monitorea patronchi di gasto a base di varios estadística entre otro pa medio di visa, master card, encuestanan y Banco Central di Aruba.
Ta di menciona cu A.T.A. ta sigui pone enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, ‘Proteccion y Preservacion di Naturalesa & Medio Ambiente’, y ‘Contribucion Economico na nos isla’. E meta ta pa sigui mantene esfuerzonan den linea segun e balans menciona, y logra aumenta e entrada proporcionalmente mas
cu e volumen cu nos destinacion ta ricibi, teniendo na cuenta e 4 pilarnan como tambe capacidad di carga.
ACTUALISACION DEN E INDUSTRIA DI TURISMO:
VOLUMEN (“STAYOVER”) TA
CRECE CU 9.4% DEN JULI 2024 COMPARA CU JULI 2023
Conforme e demanda por bai mira tambe cu e aerolineanan lo sigui expande capacidad y asina permitiendo nos captura e demanda. Den juli 2024, Aruba a ricibi un total di 123,437 bishitante “stayover”, esaki ta un crecemento di 9.4%, si compara cu juli 2023, unda a ricibi 112,874 bishitante “stayover”.
MERCADONAN Y CATEGORIANAN DI ACOMODACION
Den juli 2024, 78.5% di e total di e bishitantenan “stayover” pa Aruba a bishita for di Norte America, 4.4% a bishita for di Europa, 14.2% a bishita for di Latino America y 2.8% tawata procedente di otro partinan di mundo.
Mirando e categorianan di acomodacion, den juli 2024 25.7% di bishitante a keda den hotelnan European Plan, 16.7% a keda den hotelnan All-Inclusive, 25.5% a
keda den Timeshare, y 32.1% a keda den otro tipo di acomodacion, conoci tambe como short-term vacation rentals
SHORT-TERM VACATION RENTALS (STVR)
A.T.A. tin acceso na un plataforma unda por wak e cantidad di cas, apartamento y villas cu ta wordo uza como vacation rentals como tambe e prijs averahe pa anochi, e ocupacion y un calculacion di e entrada cu esakinan ta genera. Den 2023, segun un estudio, A.T.A. a logra actualisa inventario di Condominiums existente y condominiums cu actualmente ta na caminda pa realisacion, y lista actualisa di lugar di estadia cu no ta un hotel pero cu si ta disponibel na e turista cu ta keda na Aruba pa un corto tempo.
Si compara juli 2024 cu juli 2023 por wak cu e ocupacion averahe di e acomodacionnan aki a subi cu 4.1 punto di porcentahe, for di un averahe di 46.4% na juli 2023 pa un averahe di 50.5% na juli 2024.
Den caso di entrada, si compara juli 2023 cu juli 2024 por wak cu e categoria a genera un crecemento den entrada di 19.84%. 2024 (Year to Date)
Te cu juli 2024, Aruba a ricibi un total di 861,128 bishitante “stayover”, esaki ta un crecemento di 17.5% compara te cu juli 2023, unda a ricibi 732,593 bishitante “stayover”. Ora ta yega na lider den
mercado, te cu juli 2024, 81.1% di e bishitantenan ta di Norte America, 4.5% ta di Europa, 12% ta di Latino America, y 2.4% tawata procedente di otro partinan di mundo.
Bishita www.ata.aw pa ricibi A.T.A. su ‘Statistical Monthly Report’ tur luna. Pa mas informacion of pregunta por contacta Melanie Kelly na m.kelly@aruba.com
Tocante Aruba Tourism Authority (A.T.A.)
Desde 1 di januari 2011, Aruba Tourism Authority ta opera como un entidad ‘Sui Generis’. Un organizacion independiente den e esfera publico. Aruba Tourism Authority ta fungi como ‘Destination Marketing and Management Organization (DMMO)’ y ta responsabel pa uni interes turistico entre socionan local e internacional. A.T.A. ta pone hopi enfasis riba e modelo di “High Value-Low Impact” cu ta para pa un balanse entre aumenta e balor economico di e bishitante, posiciona Aruba como un pais desea y sostenibel, y posiciona Aruba como lider di desaroyo como un destinacion. Cu meta pa sigui mantene esfuerzonan den linea segun e balanse menciona, y logra aumenta entrada pa medio di calidad di turismo en bes di e volumen cu nos destinacion ta ricibi. Capacidad di carga ta sigui ricibi atencion di parti di A.T.A.
MINISTER XIOMARA MADURO TA FELICITA
Y GRADICI E
BARIO DI BRAZIL Y ARUBA PA UN BUNITA PARADA CULTURAL CELEBRACION “DIA DI BRAZIL 2024”
Pabien Fundacion Chico Harms y henter su ekipo
E fin di siman cu a pasa tabata e culminacion di celebracion di Dia di Brazil. Fundacion Chico Harms hunto cu su comision un bes mas a organisa y guia e Parada cu Lanterna y e Parada Cultural. Minister Xiomara Maduro no por tabata presente pa motibo di otro compromiso, pero a wordo representa diado -
mingo pa Prome Minister di Aruba Evelyn WeverCroes.
Parada cu Lanterna: Diabierna anochi e cayanan di Brazil a wordo ilumina cu lanterna di 10 gruponan cultural y folklorico participante. E animacion tabata den man di bandanan musical, gruponan tipico y
Djnan. Nos reinanan cultural tabata presente y hunto cu participantenan a luci den e Parada cu Lanterna. A conta cu participacion di Grupo di Corsou cu a yuda engrandece y anima e parada.
Parada Cultural: Diadomingo dia 1 di september den oranan di at-
ardi a tuma luga e Parada Cultural, cual e aña aki a resulta mas grandi. Un parada bunita y bon or -
ganisa cu a pasa den cayanan di Brazil. Un total
CELEBRACION “DIA DI BRAZIL 2024”
di 11 grupo di e.o. baile y folklorico a participa, nos reinanan cultural a briya den e parada y e ambiente a wordo crea pa bandanan musical, gruponan Tipico y Djnan. Un y tur por a disfruta di e paradanan y biba nos cultura.
Tabata masha bunita mira con nos grandinan, nos hubentud y muchanan a uni den e gran celebracion aki. Un danki na tur grupo cu a participa den e Parada di Lanterna y e Parada Cultural, cu tabata alrededor di 1000 participante di e.o. Fundacion Bernadina Growell, Scolnan di Brazil, Brazil den cunucu, Flota Cultural, Fundacion Pro Cultura, Gucci Dancers, Alegria di Nos Cultura, Zjeito Cultural, Sembra Alegria, Grupo Antaño y Grupo Cultural Aruba di Antes. Ademas un danki tambe na esnan cu a pone ambiente musical ta Frans Disco, Myron Disco, Grupo Luis Maduro, Caha di Orgel, Amigales, Alvin Disco, Bazjan, Alma Folclorico, Rincon Boys, Patrick Disco, Un Brindis y Brisa Tropical.
Un danki special na e organisacion, boluntarionan y na un y tur cu a coopera
pa haci e Celebracion Dia di Brazil 2024, un exito grandi. Ademas mester gradici e publico grandi canto di caminda cu a sostene, apoya y aprecia ambos parada. Masha Pabien y danki un biaha mas cu e Celebracion Dia di Brazil
CONTINUACION PAG. 10
Den conexion cu celebracion Dia di Prensa
MINISTER XIOMARA TA FELICITA Y GRADICI CADA
MIEMBRO DI PRENSA NA ARUBA
“Keda den e balansa profesional y laga boso compas moral sigui guia boso den e trabou pa informa y comunica cu nos comunidad”
Den conexion cu celebracion Dia di Prensa diadomingo 1 di september, Gobierno di Aruba a extende un invitacion dialuna mainta pa felicita nan y especialmente duna prensa di Aruba gradicimento pa e trabou cu nan ta desplega den nos comunicad. Minister di Finansa y Cultura, Xiomara Maduro a dirigi palabra masha bunita na cada prensa presente enfatisando cu prensa ta un di e pilarnan di nos comunidad cu ta facilita informacion pa tur ciudadano. Minister Maduro a haci comparacionnan entre prensa y politiconan den gobernacion.
E mandatario di finansa y cultura a remarca cu ta importante pa ta consciente semper di e rol cu prensa tin den su man. Esaki ta un derecho cu prensa ta haya apesar cu na Aruba no tin leynan cu ta indica cua ta e caminda y con leu por bay. Comparando cu e politico den gobernacion cu ta haya un derecho den su man pa haci un trabou pero esaki ta wordo limita cu leynan. Y mescos cu e politico, prensa tin e compas moral pa indica cua ta e limitenan den expresion y den duna informacion.
Un otro comparacion cu Minister Maduro a trece dilanti ta cu mescos den politica, hopi biaha bo ta para bo so ora cu mester tuma desi-
cionnan, abo cu Dios, y hopi biaha ni coleganan ta para banda di bo. Den casonan asina ta mescos pa prensa tambe, sabiendo cu den bo man bo tin un poder y responsabilidad hopi grandi, especialmente si no ta limita pa leynan, ta e compas moral ta bira e guia pa tuma desicionnan den tur situacion. Con bo ta pensa, actua y kico bo ta sinti cu ta bon conforme con bo ta hiba bo bida, ta locual cu ta depende kico lo sali for di bo pen of di bo stem. Mescos pa e politico, su pen y su stem ta e instrument di mas importante cu e tin, pa prensa esaki no ta diferente.
E trabounan cu cada di miembronan di prensa y e politico ta haci pa e comunidad, ta di iguala. Tur dos ta importante. Mescos cu no ta tur hende ta gusta e trabou di tur politico, no ta tur hende ta gusta tur prensa. Pero realidad ta tambe cu nos tur tin cu convivi cu otro den un comunidad chikito. Den bida y den e trabounan aki, nos no por tin solamente bon experencianan. Ta e mal experencianan ta conscientisa nos cu tin e bon experencianan. Esaki ta e balansa den cada trabou.
E trabou pa informa un comunidad ta hopi importante. E trabou di educa ta mas importante lagando sensacionalismo un banda pa hala
mas atencion di hende, pero cu informacionnan cu no ta noticioso. Den un comunidad chikito, semper mester corda kico e poder den bo man ta, kico e noticia ta y con bo ta scoge pa uza esaki den comunidad. Esaki ta hopi importante, pasobra e informacion por lanta of e por kibra un sociedad.
Minister Maduro ta felicita tur miembro di prensa riba nan dia special, Dia di Prensa y ta gradici nan pa e trabounan cu nan ta haci pa mantene nos pueblo informa. “Corda semper cu locual cu boso haci, boso ta ricibi bek multiplica. Esaki no ta un ley di politica sino un ley di bida y di universo cu ta existi prome cu nos y lo keda existi despues di nos. P’esey ta importante pa nos informa corectamente.
Sa cu boso trabou ta wordo aprecia y balora pa cada minister di Gabinete Wever-Croes. Keda semper cu boso bon intencion pa informa nos comunidad. Keda den e balansa profesional y laga boso compas moral sigui guia boso den e trabou pa informa y educa nos comunidad. Nos sa cu boso trabou no ta facil y no tin orario fiho hopi biaha. Danki pa ta parti di informa nos comunidad y yuda fortalece nos pueblo cu veracidad”, Minister Maduro a expresa.
Auto a bolbe dal riba e baricadanan di plastic banda di Bubali Plas y a laga esakinan den caminda
Dialuna madruga a drenta informe di un accidente na e baricadanan di plastic banda di Bubali Plas, mesora a dirigi un patruya na e sitio. Na yegada di e patruya a bin constata cu enberdad un auto a dal riba
esakinan y a sigui core bay. Polis mester a hala esakinan bek pa asina nan no forma peliger pa otronan den trafico.
(aunke nan ta pisa yena cu tera)
Chauffeur a bay dal den e "midden berm" kibra bloki manda nan riba e otro via na e "Green Corridor"
Diadomingo anochi a drenta informe di un accidente cu hende herida riba e "Green Corridor", mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Hyundai i10 a perde control bay dal na e "midden berm" y manda bloki piedra riba e via contrario ocasionando daño na e vehiculonan. Algun a para pero otronan a sigui. Na yegada di e ambulans nan a atende e victima y a transporte pa hospital.
Security a horta cartera y pertenencianan
di otro S ecurity? camara di S eguridad a capta tur co S
Dialuna madruga a drenta informe di un caso di ladronicia na Palm Beach, mesora a dirigi un patruya na e sitio.
Na yegada di e patruya a bin compronde cu aki ta trata di un security cu lo a pone su cartera cu pertenencianan riba un mesa pero esaki a somenta.
Ora a bay mira camara di seguridad a mira locual a sosode.
polisnan a bay m acubaristraat pa bringamento cu hincamento!
Diadomingo anochi a drenta informe di un caso di bringamento cu hincamento, mesora a dirigi patruyanan na e sitio.
Na yegada di e patruyanan a bin compronde cu aki ta trata di un caso di problema di bisiña.
Polis a intermedia entre nan pa asina reina pas y trankilidad bek.
FORTALEZA PA FAMIA
Scirbi pa Pastor Marcel Balootje.
E PODER DI E SPIRITO SANTO DI DIOS, CONTRA E MENTIRA DI BRUHERIA..
Nos frontera ta bon sera, bon proteha, contra maldad, contra cosnan ilegal manera droga y arma, y tambe hende cu kier drenta ilegal, aunke de bes en caundo tin locual nos por yama “Spooky Boats” ta drenta cu ta wordo haña, pero esnan cu tabata na bordo a disparce, of e boto a kibra, pero un biaha mas esnan cu tabata a bordo no ta aparece. No tin ningun rastro si nan a logra yega tera of si nan a muri hoga, cual ta algo hopi tristo.
Pero ora ta trata di nos frontera Spiritual, ta parce manera nos ta mop cu cranchi habri, pasobra tur cos ta posibel, hende ta kere den tur sorto di bagamunderia, y maldad , pasobra hende tin libertad pa kere den tur clase di bagamunderia aunke e ta hiba na perdicion.
Den e baho mundo Spiritual caminda Dios no ta wordo respeta, hende ta haci y deshaci no ta importa cuanto placa wordo kita for di e cliente y no tin ley pa proteha ningun hende, pasobra ta un hende mes ta habri porta pa diabel y su compinchenan drenta ,y daña nan matrimonio, cas y famia.
Tur hende ta na altura cu tin ritualnan hopi costoso ta bayendo rond, y cada dia tin hende ta busca mas forma pa cohe hende cabes abao, pasobra nos frontera ta habri pa esey, pero palabra di Dios, ta bisa ay di esnan cu ta haci y esnan cu ta participa den tur clase di wega diabolico,
Den e buki di Revelacion, of Apocalipsis ta para scirbi den capitulo 21:8 bisando: Ma e cobardenan y e incredulonan,y e abominabelnan,y e matadornan,y e fornicardornan,y e hacidornan di bruha,y e adoradornan di dios falso, y tur gañado,nan parti lo ta den e lago cu ta kima cu candela y zwafel, cual ta e di dos morto.
Y Señor ta bolbe avisa un biaha mas den mesun buki di Revelacion of Apocalipsis capitulo 22:12-15 bisando:
Mira Mi ta bin pronto, y Mi recompensa ta cu Mi, pa duna cada hende segun loke e a haci. Ami ta E Alfa y e Omega e Prome y e Ultimo, e Principio y e Fin.
Bendiciona ta esnan cu ta laba nan pañanan , pa nan tin derecho riba e palo di
bida, y pa nan por drenta e stad door su portanan. Pafo e cachonan, y e hacidornan di bruha,y e fornicadornan,y e matadornan,y e adoradornan di dios falso, y tur esnan cu ta stima y ta practica mentira.
Of boso no sa cu boso curpa ta tempel di Spirito Santo,kende ta den boso,Kende boso tin di Dios, Y cu boso no ta pertenece na boso mes. Pasobra boso a wordo cumpra pa un preis, pesey glorifica Dios den boso curpa.( 1Corintionan 6:1920),
Boso no sa cu boso ta tempel di Dios y cu e Spirito di Dios ta biba den boso? Si un hende destrui e tempel di Dios. Dios lo distruie. Pasobra e tempel di Dios ta santo, y esey ta loke boso ta.(1Corintionan 3:16-17).
E Spirito Santo di Dios ta Dios mes ,pesey E ta esun di mas poderoso tanto den cielo , como na tera, den laman y bao di tera, pasobra ningun hende mester lubida cu e angel a bisa Maria:Spirito Santo lo bin riba bo, y e poder di di e Altisimo lo sombrabo: y pa e motibo ey Esun Santo cu tin cu nace lo wordo yama e Yiu di Dios.
Ta tempo pa hende stop di kere den mentira y kere den Dios.
Sinceramente, Pastor Marcel Balootj
Un dia fructifero y cu nos bon Dios tene misericordia cu cada un di nos
"Esun cu tin horea, tende!" ( Mateo 13,43) Hesus ta splica e parabola di e yerba shimaron. Hesus ta sembra e bon simia den e cunucu cu ta e mundo.
E bon simia ta e hendenan cu ta pertenece na e reino y e yerba shimaron ta esnan cu ta pertenece na e malvado. Anto e enemigo cu ta sembra nan ta diabel.
E cosecha ta e fin di tempo y esnan cu cosecha ta e angelnan. Asina na momento di nos Bautismo Hesus ta sembra e simia di fe den nos curason. Esey a sosode cu mayoria di nos na baby y despues pocopoco nos a ricibi e Sacramentonan pa yuda nos crece den fe.
Y segun nos ta creciendo nos ta forma nos caracter y Dios a laga nos liber pa dicidi cual caminda nos ta scoge. Si nos scoge pa Hesus, E mes lo bin yuda y salba nos apesar cu e malvado ta busca pa gara nos den su trampa.
P’esey laga nos habri e horea di nos curason y tende y biba prepara y no laga niun oportunidad pa e malvado penetra den nos bida of bida di nos sernan keri y asina na fin di tempo nos lo tin victoria y cosecha e bida eterno.
Oracion:
Tata celestial duna nos e gracia pa bisa si na bondad y no na tur maldad pa nos por pertenece na bo reino.
Amen
faMia Di e taxista
cu bira Malo of fayece
ORANJESTAD, Aruba 3 di september 2024: Parlamentario y lider di Fraccion di MEP, Hendrik Tevreden a duna di conoce relaciona cu e asunto di permiso pa taxi, cu nan fraccion a haci esfuerso pa sinta cu e taxistanan y tambe cu Minister Arends.
Tevreden a indica cu aworaki, despues di e decreto ministerial (MB) ultimo, ambos partido ta riba un caminda nobo y cu mihor oportunidad pa yega na otro.
Ora cu e welga a cuminsa di parti di e taxistanan, Fraccion di MEP, a invita e taxistanan pa sinta na mesa den Parlamento pa
asina por a haya sa kico ta nan preocupacion y a puntra nan pa nan keda habri y pa busca dialogo. Tambe a pidi e presidente di e comision
Sr. Kamperveen pa yama alabes e reunion cu minister. Kiermen dos reunion a tuma lugar, uno cu e taxistanan y otro cu e minister, den Parlamento. E intencion di esakinan tabata pa por a trece trankilidad y claridad den e mal comprondemento entre e dos partidonan, pero principalmente pa den e area economico-turistico, pa esaki no wordo afecta, a bisa. Asina a bin compronde for di e taxistanan
cu e decreto ministerial #2 cu ta papia riba; para e traspaso di permisonan na otro personanan den famia den caso cu bira malo o fayece, cu esaki tabata un di e puntonan cu tabata haci dolor cerca e taxistanan.
Relaciona cu esaki e minister a splica cu tin casonan andando di personanan cu ta bende permiso di taxi, di cual fraccion di MEP a bisa cu esey no ta aceptabel pasobra esey no ta para den ley y ta un practica ilegal, Hendrik Tevreden a remarca.
Taxistanan a splica di nan banda hopi detaye den e reunion di parlamento y nan a boga pa, entre
otro mas tempo pa loke ta riba mesa, pero tambe kier sa dicon no ta honra articulo 15 di e ley unda cu den caso cu un hende ta fayece, esun cu ta gana e salario, esta un famia den cas di e chauffeur di taxi por continua trece entrada den cas. Esey ta nifica cu si un taxista fayece of bira malo cu no por core taxi mas, e ora un miembro di su famia por tuma e permiso pa continua cu e trabao.
Parlamento a haci preguntanan na minister y minister na su turno a sali cu MB number 3. Parlamentario Tevreden a bisa cu MB number 3, den mayoria di aspecto ta bay bek na e ley y maneho manera tabata na 2022. Por bisa cu MB number 2 unda cu no ta permiti traspaso, MB number 3 si ta bisa cu lo por permiti traspaso na un miembro di e famia manera cu ta indica den articulo 15 di e ley pero lo inclui un comision pa vigila si tur cos ta cuadra pa por duna e
traspaso.
A menciona hopi caso di fraude y cambionan ficticio cu ta o a tuma lugar cu permisonan di taxi. Tur esaki Minister Arends lo tin cu indica e pruebanan na Parlamento y lo ta bon pa entrega keho tambe na ministerio publico riba esakinan.
Pero e esencia principal ta cu e MB number 2 a wordo coregi y esaki ta trece cu ne cu den caso cu fayece o malesa e taxista lo por pidi pa pasa permiso na un familiar den su cas pa por continua pone pan riba mesa. Algo mas cu husto, na nos opinion, lider di Fraccion di MEP a declara.
patrick paskel su fiesta
D
i 10
M il D
ollar pa luna a caba D en lotto " cbna "
E payaso Paskel, Tur dia ta yora na radio over Lotto.
E ta hunga un gran experto, unda realmente tur loke e ta papia ta disparate.
Un cos ta sigur, su cobransa den Lotto, 10 mil dollar pa luna, Ta pasado.
Un abusador total cu a yena su bariga cu shrimps y pastechi, Trip rond Aruba cu su trahadora te hinca man den carson, hunto cu su brother Speed cu tambe ta trip cu e Vzolana scamado di pisca di 23 anja.
Pa no laga duda, ata e prueba un bes mas aki.
Awor e no ta abusa mas di deporte.
