Diasabra 2 April 2011 by Solo DI Pueblo

Diasabra 2 April 2011

Pagina 1

Diasabra 2 April 2011 - Edicion 5 Vol. 1540 - Sta. Cruz # 110 Tel: 5859500

Fax:5850951 - E-mail: solodipueblo@gmail.com

1.50

SEPPA ta condena declaración di Clarisca Velazquez E política barata cu si ta herencia si of no, tin hende cansa y no ta spera cu mester sigui tende esaki. Sigur no ora nos ta mey mey di problemanan grandi y serio.

MINISTER DOWERS TA PONE SU CABEZ DEN SANTO PA PROBLEMANAN REAL Y TA BIN CU ATAKENAN BAO FAHA

Decision di gobierno di AVP pa e aumento astronomico di prijs di awa y coriente tin pueblo hostina!

Fiesta Divina Misericordia Beatificacion

Papa Juan Pablo II 1 Mei 2011

Departamento di Aviacion Civil di Aruba ta reafirma:

Tur documento ta den orden y ta autoriza Tiara Air pa reanuda tur vuelo!

Detencion di Tata y yiu Merryweather a keda prolonga pa 8 dia Investigacion riba celular di Poentje Casto no a duna ningun claridad E celular a wordo manda Hulanda pa investigacion Un gran deportista Arubano Ruben Philips a bay sosega! Nos tur ta corda e legendario di baseball na Aruba, Ruben Philips! E tabata un gran basebolista den su tempo. El’a hunga den tempo di Hoftijzer y Perez. E grandinan e tempo ey tabata hunga den Heineken. Ruben a bay hunga na Corsou y tambe na Merca. Dia cu Ruben a bolbe, el’a bisa cu awor si e ta keda Aruba. Ainda poco tempo pasa por a mira Ruben ta presencia weganan di baseball. Condolencia na famia di e fayecido y cu Ruben sosega na paz!

No por descarta cu manifestacion grandi lo ta na caminda!

Ta increible cu gobierno a bay di acuerdo cu aumento drastico di tarifa awa y coriente Sanicolas, this is what you voted for ?

Mike de Meza a dal un 'hit & run' riba pueblo!

Asina nan a gaña di kier alivia costo di bida? Ata e cambio a dal bo ! STA. CRUZ -- Despues cu Mike de Meza a aproba e aumento di prijs di awa y coriente y alavez nenga di duna Web placa pa acomoda nos pueblo, e ta bay subi avion rumbo Hulanda dialuna awor. Mike de Meza a time tur cos y tambe su huida pa Hulanda, unda e kier keda leu di e rosea cayente di pueblo cu ta suplando ariba dje ne momentonan aki. Den pueblo nan ta papia di un 'hit & run'... Suta pueblo cu prijs di away y coriente y core bay leu manera hende cu miedo pa enfrenta nos pueblo. Esaki te promesa di campaña? Pa alivia costo di bida? Asina nan a cana cas pa cas den Sanicolas pa vota pa AVP? Esaki te promesa haci? Unda awe e ta hit & run? Mike de Meza mester tene honor na su mes y retira como minister. E no ta siribiendo e pueblo aki na nada. Unda cu el'a mete su man, el'a pusha su famianan na trabao y daña cos. E pilder aki ta intragabel pa pueblo di Aruba!

Como invitado: 11’or pa 12’or: Maureen Laaf-Ras cu cunukeronan 12’or pa 1’or: Nelson Oduber

Diasabra 2 April 2011

Pagina 2

Departamento di Aviacion Civil di Aruba ta reafirma:

Awe diasabra den IMPACTO

Tur documento ta den orden y ta autoriza Tiara Air pa reanuda tur vuelo!

Miembro di Parlamento: Juan David Yrausquin

Topico: Curashi y realidad Politico! STA. CRUZ â&#x20AC;&#x201C; Awe Diasabra pa 10â&#x20AC;&#x2122;or di mainta e programa Impacto lo tin como invitado miembro di Parlamento pa fraccion di AVP, sr. Juan David Yrausquin. Durante 1 ora lo intercambia cu parlamentario Yrausquin di pensamento ariba su trabao den Parlamento, e derecho pa haci pregunta na Gobierno y e obligacion di Gobierno pa contesta preguntanan den un tempo razonabel. Alavez lo waak den un forma practico con por eherce e trabao den Parlamento cu curashi banda di e realidad politico cu nos ta custumbra cune! Un invitacion pa sintoniza IMPACTO y alavez ta invita oyentenan cu kier duna nan contribucion, sugerenciay preguntanan e posibilidad pa medio di facebook(wall di impactoaruba), email: impacto@blizz.aw, message (5605959) of 5851017. IMPACTO ta wordo presenta pa Marlon Werleman y Eddie Berg.

Na tur nos clientenan, publico en general y coleganan. Nos kier a informa cu ayera durante reunion, Tiara Air y e Departamento di Aviacion Civil a resolve e asunto administrativo cu a presenta. Departamento di Aviacion Civil di Aruba a reafirma cu tur documento ta den orden y a autoriza Tiara Air pa reanuda operacion nan sin ningun interupcion mas. Pa awe Diasabra 2 di April, 2011 tur vuelo di Tiara Air lo ta operando normalmente. Nos ta pidi disculpa pa e inconveniencia esaki por a causa na nos clientenan durante e ultimo dos dianan. Nos ta cometi na continua di duna nos servicio usual cu ta Comodo, Simpatico y na ora.

Lo bay asfalta e caminda patras di Scol di Arte na Pastoor Hendrikstraat STA. CRUZ -- Departamento di Obra Publico ta informa cu entrante 4 di April 2011 lo cuminsa cu e trabaonan pa asfalta e caminda di santo cu ta core for di e cas cu adres Pastoor Hendrikstraat # 89 te cu esun cu adres Pastoor Hendrikstraat # 103. Ta trata aki di e caminda di santo patras di Scol Di Arte. En conexion cu e trabaonan menciona lo cera e pida caminda aki di 7.00â&#x20AC;&#x2122;or di mainta te cu 4 or di atardi. Lo cera e caminda menciona pa tur trafico den ambos direccion . Lo indica e ceramento di e caminda aki cu borchi y hekki di trafico. Un parti di e caminda lo keda habri pa e personanan cu tin cu yega nan cas. E trabaonan lo tin un duracion di 16 dia. Departamento di Obra Publico ta haci un peticion na tur chauffeur pa no haci uso di e caminda aki si no ta pa bo yega bo cas. DOW ta pidi comprension y disculpa pa cualkier inconveniencia cu e trabaonan por ocasiona.

Diasabra 2 April 2011

Pagina 3

Detencion di Tata y yiu Merryweather a keda prolonga pa 8 dia STA. CRUZ -Despues cu Ministerio Publico a haci inval den cas y negoshinan di famia Meryweather, nan a haya tanto e tata como e yiu cu arma.

atracadornan a atraca su señora drentando su cas, unda nan a bati'e cu martiu ariba su cabez.

Den declaracion di e yiu, e ta bisa cu arma aki ta 'antiek' of 'souvenier'.

Huez a prolonga detencion di tur dos.

Cerca e tata si nan a haya un arma normal. E tata a declara cu e tin e arma aki, pasobra algun aña pasa,

Pues e tin e arma den caso di eventual atraco.

E tata sinembargo a wordo manda Kia debi na su salud cu no ta mucho bon. E yiu si a keda deteni na warda di polis na Playa.

Pues e detencion aki te ainda no tin nada di haci cu asuntonan fiscal di e investigacion andando. Segun Chris Lejuez cu actualmente fiscal ta bahando mas pisa cu antes, ora cu nan gara un hende cu arma di candela. Pues no por bisa ainda kico lo pasa den e caso aki, pero e caso lo wordo studia.

Jetblue saliendo di Aruba pa New York a haci aterizahe di emergencia na Sto. Domingo

STA. CRUZ -- Aerolínea JetBlue a informa cu ayera tardi e avion di Jetblue a haci un aterizahe di emergencia na Aeropuerto Internacional Las Américas (AILA). E avion a sali for di aeropuerto di Aruba, cu destino New York. Gerente di Comunicacion pa América Latina di JetBlue, Mateo Lleras, a splica cu ayera diabierna dia 1 di April tripulación di e Vuelo 756 di Aruba pa New York (JFK) a ricibi un alerta mecánico den cabina di mando. Como

Gobierno di AVP ta mescos cu Sinterklaas:

Mientras 3 luna a transcuri

Investigacion riba celular di Poentje Casto no a duna ningun claridad E celular a wordo manda Hulanda pa investigacion STA. CRUZ -Ministerio Publico a informa cu den e caso di Poentje Castro no tin claridad. E telefon a wordo manda Hulanda, pero no a trece ningun claridad. E ta un 'lastig onderzoek' y Ministerio Publico ta spera di berdad e caso wordo resolvi. Sinembargo tur e informacionnan cu nan a logra haya no a produci ningun

detencion. A haci varios interogacion cu tampoco a conduci na nada. Comunidad di Aruba mientrastanto ta bastante decepciona cu te ainda no tin claridad. No ta posibel cu un persona por yega y kita bida di un hende y ningun hende ta wordo responsabiliza. Esaki ta algo serio y ta mustra nos cu Aruba no

ta dje sigur ey manera nos ta pensa. Si por a pasa asina cu Poentje Castro y den pasado a pasa mescos cu otro hende, sin cu te awe no tin ningun sospechoso. Un caso masha di lamenta. Nos ta spera cu Ministerio Publico por sigui tira un vista mas aleu pa asina por yega na e autor- y responsabelnan di e crimen aki.

Cuida nos naturalesa! Spaar energia

Cambio den gastonan di donacion entrante 1 Januari 2011 Comerciantenan por haci donacion te cu 50 mil florin y descont’e di ganashi STA. CRUZ -Servicio di Impuesto (belastingdienst) ta informa cu comerciantenan no ta obliga pa haci un peticion relaciona cu gastonan haci na donacion cu ta wordo desconta di ganashi. Tambe e suma maximo cu un comerciante/ negoshi por desconta di su ganashi ta Afl. 50.000.00 na donacion. Na Aruba tin hopi instancia cu tin metanan bon. Principalmente nan ta dependiente di sponsors/donatie di comerciantenan. Prome

Den sombra

Airco split unit ta gasta menos energia. Sigur si e compressor pafo ta situa den sombra.

Abo tin un

medida di precaución e capitán a dicidi desvia e vuelo pa Aeropuerto De las Américas na Santo Domingo, República Dominicana. E avion a ateriza na Santo Domingo, sin incidente pa 1:49 di atardi, hora local”. El’a bisa cu awor e avion ta ser inspecciona y ora cu tur cos ta bon atrobe, nan por sigui nan vuelo pa New York. Den avion tin 85 pasahero di Aruba, di cual algun no kier a sigui nan vuelo cu e mesun avion.

pa Aruba?

www.curasonberde.aw

cu 1 di Januari 2011, un donacion tabata solamente posibel na e instancianan apuntra of aproba pa Minister di Finanzas, cual donacionnan por a wordo desconta di suma di ganashi. For di 1 di Januari 2011 e ley a wordo cambia. Door di esaki un comerciante/ negoshi por haci donacion na tur iglesia, obranan caritativo, cultural, deportivo of, instancianan scientifico y desconta esaki di ganashi. Esaki ta conta tambe na instancianan di interes general. No mester un aprobacion ni un peticion di Minister y e suma por ta te cu 50 mil florin. Solamente bo mester tene cuenta cu bo mester proba bo donacion, via recibonan cu bo formularionan di 'inkomsten' of 'winst' belasting.

Diasabra 2 April 2011

Pagina 4

Den programa na e radio di Playa

Cada ken huzga pa nan mes:

Mike de Meza kier hunga meneer di school

MENTIRA Y MAS MENTIRA DI MIKE Y AVP

E kier a duna aardrijkskunde, natuurkunde, wiskunde y scheikunde STA. CRUZ -- Si ningun tiki berguenza Mike de Meza a presenta ayera na e radio di Playa pa asina duna e oyentenan les di school.

Dicon e no por a aloca placa pa asina acomoda e pueblo?

El'a cuminza na splica cuanto habitante China tin...

Di trece alivio den calidad di bida? Hopi tristo e situacion aki ta! Su discurso atraves di e radio tabata coy yora ora e kier a hustifica con el'a hit nos pueblo cu e aumento aki.

Kico ta interesa nos? Despues el'a splica cuento habitante tin na India... Kico ta interesa nos? Despues el'a splica unda tin pos di azeta, pos di petroleo. Despues el’a duna les con pa bora petroleo. El’ a splica cuanto bari di petroleo ta wordo usa na Merca, na China, na Japon y na India. Loke e no a splica ta cu ta E MES a aproba e aumento drastico di prijs di awa y coriente.

No ta esaki ta loke nan a priminti?

Esaki te cambio cu boso a vota pe? At'e cambio a dal bo!

Pueblo ta puntra Mike ariba promesanan haci

STA. CRUZ – Recientemente den un declaracion na prensa e presidente actual di parlamento, drs. Paul Croes ta declara cu: Presupuesto di pais Aruba ainda no a wordo entrega na parlamento. E Presidente di Parlamento a duna di conoce cu e presupuesto di Gobierno ta laat. E situacion aki ta sumamente lamentabel debi cu for di e presupuesto parlamento por duna Gobierno autorizacion pa usa cierto fondonan pa inverti den nan proyectonan. E presupuesto no a yega parlamento ainda y por a comprende cu e presupuesto a sali di Gobierno y bay pa Raad van Advies, unda cu Raad van Advies mester duna conseho y preguntanan riba e presupuestonan y despues mester mand’e bek pa gobierno pa contesta y asina despues e por ser entrega na Parlamento. Na 2008: Fraccion di AVP a entrega nan “PRESUPUESTO ALTERNATIVA”, MESTER Y POR OTRO. E tempo ey e fraccion di AVP a trece dilanti cu e presupuesto alternativa cu AVP a entrega na Parlamento ta un refleho di e escogencianan di

maneho cu ta esencial pa futuro di pais Aruba. Nan e trece dilanti cu nan fraccion berde a papia cu partnernan social encuanto su presupuesto alternativa, nan a papia cu e sindicatonan den union, e organizacion di dunadornan di trabao ATIA, Camara di Comercio y bloque sindical. E prioridadnan di e presupuesto alternativa ta: mihor enseñanza, un gobierno menos grandi, un infrastructura mas fuerte, rebaho di gastonan na un forma structura (drecha e poder di compra) y un rebaho di interes. Den total e presupuesto di partido AVP por percura pa un realocacion di 185 miyon. Esaki na interes di inversion den comunidad, pueblo y pais. Fraccion di AVP ta haya cu e gastonan di e e presupuesto proyecta di 2008 di gobierno ta muestra di un maneho pober. E REALIDAD DI AWE: Pueblo mes ta testigo, ya nos ta den e di 4 luna di aña 2011, un prespuesto 2011, cu mester a wordo entrega na parlamento di Aruba dia 1 di September 2010, despues di 10 luna ainda no a wordo entrega. Ta kiko a pasa cu e famoso presupuesto alternativa? No ta AVP y Mike Eman

MESTER DI PLACA?

a declara cu “mester y por otro?”. Con a para cu e prioridadnan pa un mihor enseñanza?????? E realidad awe ta cu nos enseñanza ta den decadencia, schoolnan no ta haya atencion debido, hasta awa ta ser kita di school, cantidad di school ta sufri di vandalismo… etc. Pueblo ta puntra con a para cu e maneho pa un gobierno menos grandi???????? E aparato a bira ultimo 17 lunanan hopi mas grandi y ta persigui un cantidad di director y ta mandanan cas y ta pone management team di 3 na nan lugar. Pueblo ta sigui puntra Mike Eman con a para cu e maneho pa rebaha gastonan na un forma restructura????????? E gastonan di gobierno a sigui aumenta mas y mas. Den rapport di Banco Central esaki ta ser treci padilanti na gobierno. Con a para cu e maneho pa drecha e poder di compra di nos pueblo????????? Poder di compras a bay mas atras, tur producto a bira mas caro, cuminda ta caro, paña ta caro, zapato ta caro, coriente y awa ta carisimo, asina por traha listanan largo. Pueblo ta puntra te ki dia, pueblo lo keda soporta? E bom ta casi rementa. ORANJESTAD

EMPEÑA Y CUMPRA ORO PRIJS MAS HALTO NA ARUBA

GASTONAN MAS ABOU

TIN UN SO CU TA PAGABO MIHOR, PASA Y COMPROBA PA BO MES!

SAN NICOLAS

FILIAL NOBO!

ORARIO 10AM - 6PM DIALUNA TE DIABIERNA

ORANJESTAD WERFSTRAAT 7 LOK. 12 TEL 588 4141

SAN NICOLAS B. V/D VEEN ZEPPENFELDSTRAAT 14 TEL 584 4141

Diasabra 2 April 2011

Pagina 5

Pueblo ta reacciona riba gobierno hopi rabia:

Decision di gobierno di AVP pa e aumento astronomico di prijs di awa y coriente tin pueblo hostina! No por descarta cu manifestacion grandi lo ta na caminda!

STA. CRUZ-- Ayera tardi telefoonnan di Solo di Pueblo tabata hot hot, debi na e cantidad di yamada di pueblo, cu a yama reclama

riba e decision di gobierno pa aumenta tarifa di awa y coriente. Un señora cu identifica su mes cu e ta procedente di Playa

Pabao na un forma hopi rabia a yama Mike Eman pa e abusador di mas grandi. El’a trece dilanti cu Mike Eman dos aña pasa

a drenta su cas y a gañe, pa por a haya voto; awe Mike Eman a lubida cu e y su famia ta existi. Cu e aumento di awa y coriente

esaki lo ta desastroso pa e pueblo cu ya ta biba ta pena. Ciudadanonan a yama y a expresa: “Esta dushiii...ken tin є bril di palo awor bisti? Un juffrouw di Bubali a bisa cu mester bin un paro; ban protesta y pueblo mester lanta, Juan David a traiciona henter su famia. Otro persona a bisa: “Esaki ta dushi pa tur cu a vota BERDE DIMES!! Un señora cu tambe a yama a declara cu ta hopi bon cu e prijs di awa cu coriente ta subi entrante 1 April dimes, tambe prijs di gasoline, diesel y kerosin ta subi dimes, cantidad di atraconan ta aumenta dimes, nos pueblo ta den pobreza y miseria dimes. Mientras cu ministernan ta viaha mundo henter all out dimes. Un cabayero cu tambe a yama, a bisa tuma palo awor, palo a cay pa tur є berde dimes-nan!!!! Un señora grandi a bisa cu Mike Eman a priminti cu lo kita BBO y e no a cumpli, a priminti cu lo drecha costo di bida, pero e situacion a bira pior. E aumento di prijs di awa cu 11% y prijs di coriente cu 13% lo ta e clabo pa e caha di morto di AVP. Un meneer a yama y bisa cu e 12 parlamentarionan no ta sirbi y no tin pueblo na pecho, pero unico cos cu ta importa e parlamentarionan ta nan salario di 12 mil florin pa luna, abusador y criminal nan ta y el’a cera e telefoon. Den e mas di 30 yamadanan ricibi, tur tabata di hendenan hopi rabia y otronan cu preocupacion grandi pasobra ta kico ta bay haci awor? Placa no ta yega ni pa cuminda, corda pa paga prijs di awa y coriente asina halto. Mirando e desaroyo den pueblo, no por descarta cu manifestacion grandi lo ta na caminda.

Diasabra 2 April 2011

Pagina 6

Cu prijs di awa y coriente a subi drasticamente ta pa motibo di: DOS ABUSADOR CU MESUN NOMBER Y DIFERENTE FAM:

“MIKE-NAN EMAN Y DE MEZA” STA. CRUZ --- Despues di a tuma e decision pa sigui masacra, castiga y abusa di nos pueblo, Mike y Mike kier purba defende nan mes y ata Minister Mike de Meza ta declara cu no ta e no gobierno a tuma e decision pa aumenta e tarifa di awa cu 1 florin y 15 cent, pues un subida contra pueblo di 11% pa m3. Como tambe e tarifa di coriente cu a subi cu 6.1 cent pa KWh, pues un otro aumento drastico den e cao aki di 13.3%. Segun Minister de Meza ta e directornan di e companianan WEB NV y NV ELMAR a tuma e decision aki. Mester contesta Mike de Meza bai ta un cobarde, para den bo zapato manera un homber y stop di sconde manera un “chichi”. Pueblo henter por a scucha e directornan trece dilanti, como tambe lesa den medionan skirbi, e comunicado di prensa di e companianan WEB y ELMAR, cual un biaha mas nos ta nos ta cita for di e comunido cu a wordo publica ayera den e edicion di Solo di Pueblo: “E proceso pa a tuma e decision no tabata facil y despues di a delibera intensamente, tambe hunto cu Gobierno y UTILITIES NV a yega na e decision pa aumenta e tarifa di awa y coriente entrante dia 1 di April venidero. E tarifa di awa lo conoce un aumento di un averahe di AWG. 10,15 pa AWG. 11,30 pa m3, esta un aumento di 11%, mientras cu e tarifa di coriente lo conoce un aumento di un averahe di 42.1 cent pa 48.2 cent pa KWh, esta un aumento di 13.3%”. Mas y mas medida riba lomba di pueblo di Aruba, pueblo ta puntra Mike de Meza dicon dia di inauguracion di Molina di Biento si bo tabata tey presente? Dicon dia di e proyeco di Panel Solar na Elmar, si bo tabata presente? Dicon e biahanan aki si bo tabata presente? Pueblo a haya hopi falta di Mike y Mike den e conferencia pa saca potret y wordo filma pa pasa na television. No tin duda cu e unico culpabelnan cu prijs di awa y coriente a subi drasticamente ta danki na e “DOS ABUSADOR cu tin mesun number “MIKE Y MIKE” y diferente fam “EMAN y DE MEZA”.

Segun Abogado Chris Lejuez:

FISCAL TA BAHANDO MAS PISA CU ANTES, ORA CU GARA UN HENDE CU ARMA DI CANDELA ILEGAL E lo bay studia e caso pa e ta mas favorabel pa su cliente STA. CRUZ -- Den un entrevista cu Abogado Chris Lejuez el’a trece dilanti kico exactamente sosode ayera mainta unda cu e tata y yiu Merryweather a wordo presenta dilanti huez -comisario y fiscal. Esaki pa motibo cu ora cu polis a drenta nan cas cu permiso di huez pa bay haci un huiszoeking pa bay haci administratie, a bin topa cu un arma di candela y pa e motibo ey a detene e tata. Na cas di e yiu tambe a haya un jaag geweer antiek, pa cual a detene e yiu tambe. E arma cu a haya cerca e

tata si ta trata di un pistool normal cu ta funciona. E tata a declara cu e tin e arma aki, pasobra algun aña pasa, atracadornan a atraca su señora drentando su cas, unda nan a bati'e cu martiu ariba su cabez. Pues e tin e arma pa proteccion den caso di eventual atraco. Fiscal a tuma e decision cu ta prolonga nan detencion cu dos dia mas. E tata sinembargo a wordo manda KIA debi na su salud cu no ta mucho bon. E yiu si a keda deteni na warda di polis na Playa. Segun abogado Chris Lejuez,

actualmente fiscal ta bahando mas pisa cu antes, ora cu nan gara un hende cu arma di candela ilegal, esta sin cu nan tin permiso pa carga arma. E abogado ta defende e tata y e lo bay compara e caso aki cu casonan similar pa asina su cliente por haya lo mas favorabel posibel, pasobra tin caso cu hende a sali den tanto dia; otro caso den tanto luna y otronan den hopi mas luna. E abogado lo bay studia cual di e casonan lo ta similar na esun di su cliente.

Diasabra 2 April 2011

Pagina 7

Pueblo ta recorda Mike Eman y AVP promesanan di Eleccion 2009

STA. CRUZ --- Aki ta sigui un cantidad di promesanan cu partido AVP y nan lider manipulador a gaña nos pueblo pa nan por haya voto. Pueblo no a y no lo lubida esakinan y lo cobra e partido mentiroso aki bek. “La verdad duele!” Mike Eman ta declara: Discurso Nacional “BBO TA BAY!” Dia 19 Augustus 2009, durante di su discurso nacional, lider di A.V.P. mr Mike Eman no a laga lugar pa duda y a declara cu enfasis cu BBO TA BAI. “Lo tene impuesto riba salario na e nivel reduci di 1 di Januari 2009 mientras cu lo elimina otro medidanan tuma durante di ultimo ocho aña cu a causa aumento di costo di bida”, e lider amigo a declara. Esaki ta un declaracion importante ya cu politiconan pro gobierno a laga sa cu no por kita BBO. Awor mr. Mike Eman durante su discurso nacional a indica cu definitivamente lo kita BBO. Mike ta sigui papia: “BBO CAUSA DI DESASTER, AWOR NAN KIER SUBIE NA 6%”. Dia 24 Augustus 2009, Mike Eman ta declara cu “BBO ta bai causa un inflacion grandi. Esaki kiermen pobreza y problema social na Aruba. Pueblo cu a perde hopi di poder di compra lo perde mas. Negoshinan ta bay haya nan mes den dificultad. Nos hendenan ta bay perde entrada y cay atras cu fianzanan personal y hypoteca di cas”, esaki ta resulta awe e realidad, nos a adverti pa esaki. Cu compasion pa pueblo y determinacion pa sirbi nos pais nos a drenta un lucha grandi pa para BBO, e lider di AVP, mr. Mike Eman ta recorda. Awe nos ta biba e desaster di BBO y e deroche di placa di Gabinete Oduber. Lainda Kemp-Westerhof na palabra: “CU BBO LO WORDO ELIMINA, NO TA UN PROMESA!” Sra. Lainda Kemp Westerhof a tuma nota cu durante e ultimo dianan ta wordo puntra di unda lo genera e 200 miyon cu BBO ta trece cune si BBO wordo elimina. Cual ta un pregunta logico y nada straño y mi persona ta contento cu e pregunta ey a wordo haci pasobra e pueblo tin derecho di sa esey y mester tin transparencia. Pasobra ta importante pa pueblo sa kico ta spera nan pa asina nan ta na altura di tur e sucesonan. Pero awor ami ta haci e pregunta aki: kico a wordo haci tur e tempo

desde cu BBO a wordo introduci cu e 200 miyon cu el’a genera anualmente? Pueblo tin derecho di sa kico a pasa cu loke a wordo genera pa asina nan tuma un decisoon consciente pa cu e futuro di Aruba. E pueblo no a wordo poni na altura na final di e añanan na unda nan por a wak transparentemente unda e placa a wordo inverti. “Cu BBO lo wordo elimina no ta un promesa, sino un mester urgente pa trece un alivio den e comunidad” asina Lainda a declara publicamente. Partido AVP: “BBO Y DEROCHE DI PLACA CAUSA DI DOLOR Y INCERTIDUMBRE” Revocacion di BBO lo trece alivio y un estimulo economico ! “BBO ta e causa di un inflacion grandi. Desde su introduccion na cuminsamento di 2007 e poder di compra di hopi hende a bay atras. Sigur door di su forma cumulativo manera el’a keda introduci door di e gobierno aki. Pobreza y problema social na Aruba a crece den forma alarmante. Pueblo cu ya caba a perde hopi di su poder di compra lo perde mas. Hopi negoshi a cera nan porta y hopi mas lo sigui. Otronan lo haya nan mes den dificultad pa mantene nan cabez riba awa. Ultimo tempo nos ta tende di retironan masal den tur sector aki na Aruba. Nos sa cu tin un crisis mundial, pero Aruba ta wordo afecta mas ainda dor di BBO. Aruba no solamente pa nos bishitantenan a bira hopi caro, pero pa nos cu ta biba aki el a bira impagabel. Tur esaki dor di e BBO cu ta strangulando nos hendenan. Tambe nos por recupera nos posicion competitivo riba mercado turistico cu eliminación di BBO. Partido AVP semper a cumpli cu su promesanan y esaki ta e compromiso cu AVP tin cu pueblo. Nos pueblo ta testigo di tur e promesanan cu Mike Eman y AVP a haci a resulta di ta mentira y mas mentira, manipulacion y tuma pueblo hasi. Mike Eman a saca su huña manera el’a drenta bestuurskantoor y a cuminsa malgastamento, djodjo, viaha, fiesta, derocha cu family y sponsornan di partido berde. Pueblo ta testigo y no mester di Laura pa anuncia cu MIKE EMAN TA E ABUSADOR CU TIN NOS PAIS NA WERKI!

Diasabra 2 April 2011

Pagina 8

Segun Abogado Duijneveld:

Segun abogado mr. Duijneveld:

A BIRA UN CUSTUMBER CU MINISTER DOWERS TA HACI ATAKENAN PERSONAL

SUB: NA OPINION DI SINDICATO CU E TA REPRESENTA,

ORA E NO TIN MAS ARGUMENTO Den caso di trahadoran di corte tambe minister a ataca STA. CRUZ -- E minister aki a haya custumber di haci atakenan personal ora cu abogado Duineveld a trece dilanti locual su clientenan, esta trahadornan di corte, a trece dilanti. E minister por ataca pero e mester bin cu argumentonan valido. E minister a trece cosnan padilanti cu no ta berdad. E la purba y elâ&#x20AC;&#x2122;a logra unda den un reunion elâ&#x20AC;&#x2122;a exigi cu e sindicato ta bin reuni cune y sin abogado. E minister a bisa cu lo ta un reunion informal, pero dilanti huez e abogado di minister a presenta cu tabata un reunion formal y cu no mester di caso mas paso tur cos ta bon, pero esaki no ta e caso. Segun Abogado Duijneveld, nos tin cu papia berdad y nos ta hende grandi y no por hunga wega, nos ta papiando cu pan di hende y futuro di hende. Segun e abogado, su clientenan a bisa bon cla cu nan kier pa e caso sigui, nan absolutamente contento con cos ta bayendo te awor, e resultado pa e trahadornan di corte, no tabata loke nan kier a scucha. Lo bay waak kico lo pasa diamars awor, ya cu e clientenan ta wordo poni bao presion di minister pa tuma decision sin cu nan tin informacion adecua y tambe nan posicion huridico, nan a ser bisa cu nan lo haya e mesun posicion y mesun garantia di trabao y mesun posicion huridico cu nan tabata tin como ambtenaar di pais Aruba, awor ta sali na cla cu esaki no ta asina. Por ta nan a tene cuenta cune kico ta e situacion na Aruba, na Corsou y otro islanan, pero esey no ta problema di e trahadornan di corte segun Abogado Duijneveld.

MINISTER DOWERS TA PONE SU CABEZ DEN SANTO PA PROBLEMANAN REAL Y TA BIN CU ATAKENAN BAO FAHA

STA. CRUZ --E abogado cu ta representa e sindicato di bombero, a trece dilanti cu despues cu Minister Dowers a sali ataca e presidente sr. Rosa di sindicato SINBA cu ta representa e miembronan di bombero, apesar cu nan tin mandatonan di nan miembronan pa acelera nan accion, nan a dicidi di manda un carta pa e minister unda nan ta duna e minister un ultimo chens, esta te cu otro siman diamars pa sinta na mesa pa asina drecha locual mester drecha y stop di ataca otro den prensa. Lo warda riba e reaccion di minister, pa asina dicidi kico ta e siguiente accion, awor si minister no tuma esaki na serio, minister lo por expect cu accionnan lo bay bin y un tur sa cu si accionnan bin esaki lo afecta e funcionamento di aeropuerto. E sindicato no kier pa cosnan bay for di man pesey a cuminsa cana su caminda via abogado pa asina toch duna e minister un chens mas pa por sinta na mesa pasobra tin un rapport traha di Hulanda cu e situacion di bombero no ta den e mihor condicion, e situacion ta cos di yora. Si minister Dowers no ta actua, tin un gobierno, un ministerraad y un minister president cu lo por tuma over, si e minister mes encarga ta haci como sifuera tur cos ta bon. E sindicato ta lamenta cu un minister ta haci atakenan personal contra e presidente di e

sindicato, sr. Rosa, si dos partido ta deliberando riba un asunto, e forma di atakenan personal di minister no ta esun adecua y menos den prensa. E sindicato a condena e actuacion di minister. E situacion di brandweer ta pesimo, y hasta por bisa e pregunta ta bin si e bomberonan na aeropuerto ainda ta den un situacion di por actua manera mester ta y si awor bin un control internacional, Aruba lo por pasa door di dje, pasobra esaki lo tin su efecto pa nos economia. Minister di Husticia Dowers mester tuma esaki na serio, pesey nan lo acerca minister presidente riba e preocupacion y problemanan cu nan tin. E sindicato kier un contesta di minister pa mas tarda diamars, pa ban papia na mesa riba e problema cu tin, mester pone prioridad, pasobra na opinion di sindicato minister Dowers ta pone su cabez den santo pa problemanan real y ta bin cu atakenan bao faha.

Diasabra 2 April 2011

Pagina 9

ART RULES ARUBA TA BEK!!! 11 di Juli - 31 di Juli 2011

RBTT BANK ta presenta Art Rules Aruba 2011

STA. CRUZ -E programa educacional di Arte mas grandi di Aruba e zomer aki! RCB/RBTT Bank y e Fundacion di The Pancake Gallery ta preparando pa introduci e di dos edicion di Art Rules Aruba; cual e aña aki ta programa pa ta hasta mas grandi y mihor cu e ultimo. Den e zomer di 2010 e Fundacion di The Pancake Gallery a presenta un programa cu a ofrece un programa intensivo di 2 siman di tayernan di "zomer" den 7 disciplina di Arte, incluyendo Baile, Teatro,

Poesia & Rap, DJ-ing, Fotografia & Diseño, Moda y un tayer bonus den Film. Ofreci pa un ekipo internacional di artista, director, productor, DJ, bailarin y actor, Aruba su talentonan nobo a haya e oportunidad pa experiencia educacion di Arte presenta pa maestronan procedente di ciudadnan tur rond di mundo, incluyendo Londres, Amsterdam, New York, Washington DC, Rotterdam y hasta Ottawa, Canada. E aña aki e programa no solamente lo re-introduci e mesun tayernan y maestronan, pero tambe e lo introduci 2 disciplina nobo, incluyendo Pintamento y un tayer bonus di Arte & Diseño. E tayer bonus lo ta un colaboracion cu e Departamento di Cultura; presentando un tayer den e tema di "25 aña di Status Aparte." Maestronan adicional tambe ta wordo presenta, incluyendo un ex-diseñador di

Ralph Lauren, un rapper internacionalmente aclama, un actor/poeta di e pantaya grandi y un di Merca su pintornan hoben nobo mas talentoso y reconoci. Cu e adicionnan aki na e programa e Fundacion di The Pancake Gallery a dicidi tambe di extende e edad di grupo pa Art Rules Aruba di 14-21 pa 14-25. Cu e popularidad y crecemento rapido di Art Rules Aruba, The Pancake Gallery tambe ta enfocando mas riba e parti educativo di e tayernan, bisando cu "e aña aki nos kier pone mas enfasis riba ofrece un curiculo mas amplio pa cada disciplina cu tambe ta ofrece mas teoria y ta bay mas profundo cu cada tayer." Lesnan e aña aki tambe lo wordo ofreci na tanto San Nicolas como Oranjestad, encurashando hobennan for di tur rond di e isla pa participa. Un progresion gigantesco y desaroyo di e programa e aña aki ta posibel danki na e sosten di partnernan cu ta inclui Triple A, Unoca, VNO, DCA, Red Sail, La Cabana y Aruba Bank, cualnan tur a bini hunto pa sostene oportunidadnan pa Aruba su futuro generacion. Sin duda nos por mira dilanti riba un showcase final fantastico cu atrobe lo

ofrece un presentacion di multi media na Cas Di Cultura na final di e programa riba diasabra, 31 di Juli, y algun evento sorpresa den transcurso di e programa, cualnan lo wordo confirma mas laat e aña aki. Pictured Here Ayra Kip, The Pancake Gallery & Edna Farro, RCB/RBTT Bank Registracion ta habri 15 di April 15 2011. E aña aki participantenan por registra solemente online na www.artrulesaruba. com <http://www. ar trulesaruba.com/>

Registracion lo habri (pa 1 luna) riba dia 15 di April cuminsando pa 12'or di anochi, y mescos cu aña pasa, esnan cu kier registra ta rekeri pa scirbi un carta di motivacion pa asina wordo selecta y acepta pa e programa. E prijs di e programa ta Afl. 200/$114 y e suma aki ta cubri e programa di tayer di 2 siman, transportacion pa e lesnan, bebida y pasapalonan durante e lesnan, un T-short di Art Rules Aruba y tur material pa e lesnan.

Diasabra 2 April 2011

Pagina 9

ART RULES ARUBA TA BEK!!! 11 di Juli - 31 di Juli 2011

RBTT BANK ta presenta Art Rules Aruba 2011

Diasabra 2 April 2011

Pagina 10

Drs. Mervin Wyatt-Ras: Banda di atende cu presonan

Trahadornan di KIA tambe mester haya sosten y upgrading

Secretaria General di SEPPA, Magaly Brito:

E infrastructura ta uno adecua? STA. CRUZ -- Ta hopi biaha a bin padilanti cu e Prison aki na Aruba ta basa riba un mapa cu lo a wordo desconseha of afgekeurd. Hecho ta cu a bin padilanti hopi keho di un edificio cu durante awacero ta percura pa awa drenta den nos celnan cu tur e consecuencia cu esaki ta trece cune pa esnan cu ta biba den e celnan. Esaki ta berdad, ta husto si of no. Loke S.E.P.P.A. semper ta boga pe, ta un lugar di trabao sin peliger, cu ta cuadra cu normanan di seguridad, higiëna y bienestar pa esnan cu tin labora. Mas ainda unda tin un cantidad grandi di trahador den Prison, na unda además tin otro personanan ta convivi. Pues e exigencia aki mester conta tambe pa esnan cu durante nan periodo di straf tin cu adecua y biba den e lugar ey. Exigencianan pa un lugar di trabao adecua ta forma parti di un lucha sindical. E necesidad pa keda forma cuidadornan di preso den nan funcion:

STA. CRUZ -- Durante encuentro cu minister Dowers y diferente funcionario concerniendo KIA, drs. Mervin WyattRas a haci diferente pregunta. Drs. WyattRas ta di opinion cu promer cu condena y critica trahadornan di KIA of papia di "rotte appels", mester ofrece trahadornan seguridad y upgrading. En especial mirando e tipo di trabao cu nan ta haci, esta cu hendenan den comunidad cu tin problema cu regla y ley ta importante pa fortifica e trahadornan pa asina nan por ta para fuerte pa cu manipulacion of menaza di preso. Pues cu nan tin seguridad garantiza, dus cu no mester tin miedo di presonan. Sra. Mervin a

puntra si considerando e personeelsstop lo bay nombra personal. Esaki tabata un problema caba door di falta di finanzas y a puntra cuanto e suma den presupuesto al respecto ta. Tambe e parlamentario a mustra su preocupacion pa reintegracion di presonan den comunidad, esta pa por yuda e preso pa despues e por haya un trabao y guia pa preveni recidive. En especial ora ta trata hobennan a lanza pregunta kico lo haci pa re-integra y yuda hobennan pa nan no ser discrimina y preveni cu nan ta cay bek den e patronchi di criminalidad. Drs. Mervin a expresa elogio pa un team asina grandi di diferente disciplina

presente den parlamento pasobra mas cabez por pensa mas cu un cabez y por haci mas tambe. Sra. Mervin ta contento di tende cu Kia a haya un psicologo pa duna guia specializa. Ta spera cu por yega na un solucion pa garantiza seguridad den nos comunidad. Drs. Mervin a expresa alavez su preocupacion pa e hecho cu hobennan ta haya droga asina facil den nos comunidad y e castigonan cu mester ta mas halto pa esnan cu ta daña bida di hobennan pa bende nan droga. Esaki te ainda door di esnan huridico no ta wordo mira, como tal siendo e consecuencianan ta sumamente grandi pa salud pero tambe pa e famia y comunidad.

Pa un temporada basta largo, di algún aňa a keda sin percura pa tin curso of opleiding pa e cuidadornan di preso. Esaki no solamente ta perhudica e trahador den su carera, esta ta stroba e trahadornan aki pa bay dilanti den nan función y bida laboral, pero tambe ta perhudica nan den nan funcionamento. Pues esaki solamente ta aumenta e riesgonan. Y papiando di sobresaturación esaki solamente ta empeora e trabao di e personal di prison y ta hasi casi imposibel pa hiba un programa dilanti con pa rehabilita e hendenan (ex -prisonero) den un comunidad, siendo cu esaki ta un di e principal obhetibonan di un centro di coreccion. Cuidadornan di preso y tur otro funcionario di prison tambe ta sufri di nivelnan halto di stress yegando incluso na teme pa nan bida. E calidad hopi malo di e condicionnan di trabao ta bay mas aleu cu otro aspectonan di nan bida. E vulnerabilidad di nan función ta hopi grandi y loke ta haci peor ainda ta con e cuidadornan di preso ta wordo subestima. E falta di trahador ta haci tambe cu nan tin cu traha hopi ora extra, cual ta causa tambe un desgaste di bo profesionalnan riba e tereno aki di cuido di preso. Ta pesey mes ta hopi necesario pa analiza e cantidad di trahadornan na nos instituto di coreccion cu ta traha riba e nivel di yuda, asisti, tambe den tratamento den cual ta inclui asistentenan social, sicologonan. Esakinan, además di e cantidad di cuidador di preso necesario versus e cantidad di preso. E base di tur cambio den e sistema penal ta e respet pa e dignidad humano. Pues, sea ta yame sobrepopulacion of nos celnan ta yen di mas, e hecho aki ta desprecia claramente e dignidad humano. Loke ta haci necesario tambe pa nos analiza e reglanan minimo di detención, pa e protección di e condicionnan den un instituto penitenciario. Asina nos ta waak cu semper mester tin normanan básico con ta atende cu presonan. P.e. condicionnan material manera cuminda, paňa, higiena personal, cual ta e proceduranan disciplinario como tambe actividadnan educativo, di formación profesional, etc. E berdad cu nos ta haya nos mes dilanti ta e carácter publico di un instituto coreccional, cual obhetibo principal ta pa sirbi e interés general y cumpli cu un misión di reinserción social. Cu ta re-enforza e seguridad di trabao cu un salario atractivo y husto pa e cuidadornan di preso. Demostrando cu servicionan di un instituto penitenciario mester ta semper e responsabilidad di un Ministerio di Husticia.

Diasabra 2 April 2011

Pagina 11

Drs. Mervin Wyatt-Ras:

Ta increible cu gobierno a bay di acuerdo cu aumento drastico di tarifa awa y coriente A manda serie di pregunta pa minister concerni STATEN VAN ARUBA OPENBARE VERGADERING OP MAANDAG 4 APRIL 2011 OM 10.00 UUR V.M. IN DE VERGADERZAAL VAN DE STATEN VAN ARUBA TE BEHANDELEN ONDERWERPEN

ENIG AGENDAPUNT: Ontwerplandsverordering tot wijziging van de Algemene Politieverordening (AB 1995 no. GT 8) (aanscherpen milieubepalingen en invoering mogelijkheid tot aanwijzing van personen als toezichthouders en opsporingsambtenaren daarop) (ZJ 2008-2009653)

De Griffier, Mr. J.A. BastienSherman

STA. CRUZ -- Durante un conferencia di prensa diahuebs, 31 Maart 2011, WEB Aruba N.V. y ElMAR N.V. a anuncia aumento di tarifa di awa cu 11 % y di coriente cu 13.3 % entrante 1 di April 2011. Segun splicacion den un comunicado di WEB N.V. den comienzo di siman, ilustrá pa medio di un grafico, a trece padilanti cu ya caba durante un paar di luna e tarifa di Fuel Oil a subi di 80 pa 100 USD pa bari y cu mirando e relacion cu tin entre e tarifa di Fuel Oil y brandstofclausule e compania lo mester a hisa tarifa di awa y coriente. Ta casi increibel di comprende y kere cu segun informacionnan ricibi e decision pa dicho aumento a ser tuma conhuntamente cu Gobierno. Na varios ocasion Parlamento a hiba deliberacion cu tanto Gobierno, tanto actual como esun anterior en cuanto tarifa di awa y coriente y especial e Gobierno actual a priminti cu sigur nan lo baha tarifanan lo mas liher posibel ora nan asumi responsabilidad. Durante ultimo encuentro cu Minister di Finanzas y Utilidadnan na Parlamento el’a splica cu lo inverti pa asina a lo largo logra cambio beneficioso permanente pa e consumidor. Gobiernonan a inverti den molina di biento y manera Minister a indica lo inverti den gas pa asina alivia pueblo di gastonan halto di utilidadnan. No por ta asina cu despues cu Gobierno a priminti cu no lo hisa e tarifanan y hasta lo baha nan, awor e decision ta wordo tuma pa aumenta e tarifanan asina drastico. Gobierno constantemente ta trece padilanti cu tin pobreza grandi na Aruba, si duna un definicion y cu mester yuda hende pober. Ta increibel cu e mesun Gobierno aki ta bay di acuerdo cu un aumento barbaro menciona, perhudicando asina henter comunidad y especialmente esnan di menos recurso cu ya no por carga mas gasto riba nan lomba. Gobierno a duna algo na esnan di menos recurso y e reparatietoeslag pa awor den mesun rosea tuma medidanan ariba esnan cu tin mas necesidad den nos comunidad. Mas ainda saliendo for di un presentacion di un fundacion den Parlamento cu a trece padilanti cu tin un cantidad di 1200 famia, cu ta encera por lo menos 4000 persona, cu no por paga e pakete basico di cuminda diario pa cria nan famia y cu nan lo bay ricibi ayudo pa medio

di pakete di cuminda semanal for di e fundacion. Si for di esaki por asumi cu ya caba tin 1200 famia cu tin dificultad pa paga nan pakete basico diario, awor aki cu e subida drastico di tanto awa y coriente ta inevitable cu e grupo aki di 1200 lo por sobrevivi di e situacion presenta. En bista di loke a ser presenta drs. Mervin Wyatt-Ras a manda diferente pregunta pa minister di finanzas y utilidadnan. 1. Minister por duna splicacion na Parlamento a base di ki argumento a bay di acuerdo cu WEB y ELMAR pa aumenta tarifa di awa y coriente asina drastico? 2. Den caso WEB y ELMAR por tabatin perdida a base di aumento di tarifa di Fuel Oil mundialmente, cuanto e perdida aki tabata? 3. Lo no tabata mas na su lugar den caso di perdida cu ambos compania mester a anticipa ariba esaki y corta den nan gastonan envez di laga pueblo na un manera asina drastico paga pa esakinan? 4. Ki otro medida por a wordo tuma cu no tabata un aumento asina drastico pa e consumidor? 5. Gobierno por confirma cu tin 1200 famia cu mester di ayudo pa por cumpli cu nan consumo basico pa sobrevivencia? 6. Ki alternativa of incentiva special Gobierno lo tin pa e famianan aki cu ni por paga nan cuminda corda pa paga nan utilidadnan, cu segun WEB N.V. su informacion lo no keda te aki pero cu tur probabilidad lo keda subi? 7. Ki alternativa y/of incentiva gobierno lo tin pa asina cumpli cu su promesa di baha tarifa di awa y coriente of pa sikiera mantene e tarifa manera cu e ta? 8. E hecho cu a inverti den molinanan di biento ta resulta awor cu no tin efecto den sentido di baha e tarifa di awa y coriente. Ki ta e argumento pa sigui aumenta e cantidad di molinanan? 9. Pa loke ta inversion den gas envez di fuel oil ta un proyecto cu ta parce cu lo ta di largo duracion y su efecto alavez lo ta a largo plazo. En bista cu según indicacion di un organización cu tin actualmente 1200 famia den pobreza cu no tin moda pa paga nan utilidadnan, kico minister lo haci pa yuda famianan di menos recurso pa evita cu WEB y ELMAR lo tin cu cera nan meter di awa y coriente? 10. Ya caba por a tende den medionan di comunicación cu Elmar a corta un cantidad bastante grandi di coriente di clientenan cu no ta paga nan cuentanan. Minister por informa Parlamento ta di cuanto caso ta trata y di esakinan ta cuanto famia a haya nan coriente y tambe te ainda ta cuanto ta sin coriente? 11. Tambe si Minister por duna un contesta ta cuanto famia ta sin meter di awa pa cumpli cu nan necesidad basico di higiena? 12. Minister lo por informa si lo bini cu un fondo special pa yuda pone meter di awa y corriente bek pa esnan cu no por cumpli cu nan pagonan?

Diasabra 2 April 2011

Pagina 12

Diadomingo awor rond di Cas di Cultura

TUR COS TA CLA PA FIESTA ROTARIA Cu hopi producto na prijs reduci y e tradicional rifa di auto STA. CRUZ -- Fiesta Rotaria ta sinonimo di un diadomingo yena di actividad pa tanto grandi como chikito. E aña aki, e miembronan di Fiesta Rotaria a bolbe prepara un sin fin di actividad pa deleita y entretene e pueblo di Aruba, ya cu nan sosten y contribucion durante e actividad aki ta di aprecia y sigur di conta riba dje. E evento ta cuminsa for di 9’or di mainta y ta continua te cu 5’or di atardi, cu un programa completamente varia y atractivo pa tur hende presente. Desde 10’or di mainta e parti di entretenimento ta cuminsa na e Fiesta Rotaria cu nos tradicional musica di Caha di Orgel, sigui pa e bailadonan di Club di Movimiento, cu tin un bunita presentacion

prepara pa henter publico presente cuminsando for di pa 10:30 te cu 11:15 di mainta. Despues ta sigui e muchanan y e hobennan talentoso di Pierewietje y Flash bao guia di Martha Figaroa. Grupo nos Fototi tambe lo t’ey pa duna presentacion di 12:30 te 1:00 di merdia. Merdia mas cu claro tin un variedad masha amplio mes di delicioso plato di cuminda pa brinda tur hende presente y na un bon prijs. For di 2’or en adelante, lo tin presentacion di Capoeira Show y Lava House. Pa clausura e parti di entretenimento, Dushi Band ta cla cu su repertorio tan gusta pa pone tur hende riba pia te den e oranan di atardi laat. E miembronan di Rotary Club of Aruba

Vocero Policial, sr. Papito Comenencia:

kier recorda tur hende pa no keda sin cumpra e ticket di e premio mas grandi cu ta un Chevrolet Silverado, pa solamente 25 florin y alavez ta haya oportunidad di participa pa e otro premionan, cu sigur ta sumamente atractivo. Pues marca bo kalender y no perde e chens di bin pasa un rato masha agradabel mes diadomingo awor den compania di bo famia y alavez contribui en grande cu un bon causa pa comunidad di Aruba.

Prome test pa bira ‘medewerker basispolitiezorg’ riba 6 di April Si bo ta interesa, presenta na School di Polis na San Nicolas e dia menciona pa 8’or am! STA. CRUZ -- Comisario di Polis, sra. G.E.M. Hassell, ta informa cu na luna di Augustus venidero lo start cu e opleiding pa bira polis. Riba diarazon, 6 di April 2011, lo tuma lugar e prome testnan pa esnan interesa pa bira “medewerker basispolitiezorg” na Cuerpo Policial di Aruba. Comisario di Polis, senora G.E.M. Hassell, ta haci un yamada na tur persona cu ta interesa y cu ta cumpli cu e exigencianan pa bira polis, pa presenta dia 6 di April pa 8:00 or di mainta na School pa Polis na Fortheuvelstraat, San Nicolas. E exigencianan ta lo siguiente: - mester tin nacionalidad Hulandes; mester tin minimo 1.60 m. halto; - mester tin 17 aña minimo y 34 ana maximo

ora di aplica; - mester tin minimal un MAVO diploma/ EPB-doorstroom diploma. Si ta cumpli cu tur e exigencianan menciona por sigui pasa door di un procedura di selección. E resultadonan di e proceso di seleccion mester ta positivo, incluyendo e sporttest, examinacion psicologo, medico y e control ariba antecedentenan mester ta na ordo. Interesadonan por pasa diarazon 6 di April pa 8:00’or na School pa Polis y mester presenta copia di nan diploma, dos pasfoto recien y un identificación valido. Pa mas informacion por tuma contacto cu e departamento di personal di Cuerpo Policial na telefoon: 5272900 ext.: 966 – 967.

Diasabra 2 April 2011

Pagina 13

Sra. Magaly Brito di SEPPA: Contra interés general

Oportunidad pa re-pensa e función di un prison den un comunidad ta consultando representantenan di e trahador Nan ta esnan cu tur dia ta traha y pasa e dia cu esnan cu ta biba den un prison STA. CRUZ -- Na Aruba e cantidad di presonan ta hopi, sigur ariba 250 preso. Pero e prison tambe ta parti den diferente sección, manera p.e. hende muher, hoben, esnan cu a comete delito mas grave, etc. pero tambe tin esnan cu ta cay

cerá pa motibo di no ta paga boet. E lucha contra delincuencia y prevención cu ta bolbe comete actonan delicuente ta rekeri na promer lugar cu e celnan ta stop di ta school di crimen. No cabe duda cu si loke nos ta pretende ta demostra

e utilidad di un prison, nos mester promove e resocializacion y di no bolbe comete delicuencia, atraves di educación, e apoyo na salud mental y e realización di otro actividadnan útil. Ban traha pa mehora e condicionnan di bida y

di trabao: E dos cara di e mesun moneda! Nos obhetivo ta pa mehora e condicionnan di bida y di trabao tras di celnan y baha e cantidad di esnan cu ta cay tras di cel. Esaki atraves di promoción , e resocializacion y e definición di

alternativanan na prison. Promer cu drenta den prison, e mayoría di e hendenan aki ya caba tabata den un situacion di exclusión social, salarionan abao y hasta algún cu no tabatin esaki mes, tampoco e hendenan aki tabata goza di un educación, un trabao, un lugar pa biba, etc.. E realidad aki nos mester tene na cuenta cune ora di atende obhetivonan pa re-inserción social. Nos sa cu pa e problema di e cantidad di hende di mas den un prison, den un cel no tin un solución fácil. Loke ta haci falta ta un política coherente. E problemanan cu ta presenta den un sistema penitenciario no por wordo solucióna di paden, tras di porta, sino cu ta rekeri un solución strategico basa den discusionnan den un dialogo social. Nos mester por papia y yega na strategianan cu por ehempel algún elemento prioritario manera: • Cantidad di preso den un cel. • Ratio adecua di cantidad di funcionario – preso. • Derecho na traha y biba den un ambiente sano y saludabel. • Derecho na formación di e trahador, reconocimiento pa nan trabao y un salario husto. • Reconocimiento di e influencia positivo di sindicatonan y e dialogo social pa mehora e condicionnan di bida y di trabao. • Plataforma di coordinación entre tur esnan cu ta brinda servicio cu relación na funcionamento di un prison, bienestar di e prisoneronan y nos sociedad. Ta solamente den discusionnan na mesa, nos ta crea e oportunidad pa re-pensa e función di un prison den un comunidad, consultando cu e representantenan di e trahador cu ta esnan cu tur dia ta traha y pasa e dia cu esnan cu ta biba den un prison.

Diasabra 2 April 2011

Pagina 14

Den careda motor di auto a explota na Babijn

STA. CRUZ -- Diabierna mainta tempran algo pasa di 7’or mainta brandweer a wordo dirigi pa un auto na candela caminda den careda e motor a rementa y cuminsa saca candelanan grandi. Polis tambe a dirigi su mes na e sitio. Na yegada di e reportero na e sitio por a tuma nota di brandweer pagando e candela y polis na e sitio. Por a comprende for di e doño di e auto cual ta un señora cu tabata na stuur, a conta cu den careda el’a tende un sonido basta duro y candela grandi a cuminsa sali for di e motor y a cana bin paden. E tabata yora bastante y aparentemente su auto a sali recientemente for di garashi.

MADURO HEAVY EQUIPMENT N.V. Santo pa Basha, Santo pa Pleister, Crushed Sand, Piedra, Tera pa Mata, Graniet. Tambe nos ta Rosa Tereno,

Coba Pos y Fundeshi.

ROOI BOSAL 49 TEL.: 585-1708 FAX.:585-6299

Magaly Brito di SEPPA:

Trahadornan den administracion SKOA ta fada! STA. CRUZ -- A reuni cu Leiding di SKOA dia 6 December teniendo cuenta cu SKOA kier implementa unstructura nobo, unda tin descripción di funcionnan pero no tin e valoración. Tin trahador wardando pa hopi aňa riba nan promoción y nada ta sosode. Aunke trahadornan ta cuestiona cu si lo tin cierto promoción cu ta cay (cual por ta corecto) pero cu no ta conoci a base di kico te pa asina leu pa check si otronan

tambe igualmente por tin e mesun derecho. Mientrastanto a yega na un palabracion cu lo laga haci un valoración di e funcionnan y bolbe bek na mesa na Maart pa nos discuti y formaliza tur cos. Mey mey di Maart ta recorda SKOA riba e palabracion aki pero te ainda nada. Awor si trahadornan den administracion SKOA a fada y si no bin reunión no mas tarda dia 4 april pa 4’or y mey, trahadornan lo tuma pasonan.

Diasabra 2 April 2011

Pagina 15

Sra. Magaly Brito, Secretaria General di SEPPA:

SEPPA ta condena declaración di sra. Clarisca Velazquez E política barata cu si ta herencia si of no, tin hende cansa y no ta spera cu mester sigui tende esaki. Sigur no ora nos ta mey mey di problemanan grandi y serio. STA. CRUZ -- Cu berdadero lastima S.E.P.P.A. a tuma nota di e declaración di Presidente di e Comision fiho di Husticia, sra. Velazquez, unda e ta yama trahadornan di ICN/KIA pa corupto, appel putri. Hasta sra.Velazquez ta bay asina leu di considera e trahadornan pa incapacita. Enfin, e ta basha su gal riba e trahadornan cu e único solucion den su mente ta pa manda trahadornan cas. Ki solucion presenta na pueblo! Di e forma aki e ta crea e impresión cu tur loke ta pasando na ICN/KIA ta pa motibo di trahadornan y na mes momento e ta papia cu esaki ta un herencia di e gobierno anterior cu supuestamente a usa ICN/KIA como dump pero cu e único solucion mágico cu e Representante di Pueblo (na unda trahador ta parce no ta conta!) ta trece ta pa manda trahador cas. Por ta nos mester djis habri porta y laga e presonan sali pa problemanan wordo soluciona?? E ora no tin motibo pa bin cu caso di presonan contra gobierno/Minister tampoco. Tocante cu e problema ta un herencia esaki por ta corecto pasobra ta e gobierno aki ta nobo. Pero sinta den skina di oposición, ta solucion pa tur cos tabata riba mesa pa AVP y bayendo pa di dos aňa di gobernación, e falta di solucionnan ta cuestionabel. Y lamentablemente pa historia, según tur gobierno, tur ta traha bon ora nan ta den gobierno, pero e realidad tambe ta, cu ta ora ta pafor di gobernacion tur e malonan ta sali na cla. Y pueblo ta carga e consecuencianan. Y na final ta e trahadornan ta carga e culpa, e consecuencia di fayonan, di decisionnan robez y hasta pa e decisionnan cu nunca a cay. Tristo y amargo e realidad aki ta, pero te ainda ningún muestra di cambio di política. Pueblo a scoge pa cambio netamente y kier solucionnan. E política barata cu si ta herencia si of no, tin hende cansa y no ta spera cu mester sigi tende esakinan. Sigur no ora nos ta mey mey di problemanan grandi y serio. Mientras cu e letania aki tambe ta sigui y ta ripiti ta mescos tambe manera dal tene na loke no ta bon. Atrobe algo típico di politiconan! Pesey, e pregunta tambe ta si e pensamento di sra.Velazquez esta “ si bo no ta apoya pa bo trabao, bo tin cu bay bo cas” dentro di e cambionnan cu pueblo kier ta conta tambe pa e Ministro concerni, e Parlamentarionan, e Gobierno? Awor pa bin tende e declaración, yena di criticanan di sra.Velazquez, kende apenas como trahador común y coriente tambe a sali di cuerpo policial pero cu ta supone di conoce e mundo di husticia cu tur su problemanan, esaki sigur a causa hilaridad! No ta pasobra cu sra.Velazquez ta forma parti di e poder legislativo ta duna bo e poder di ataca personal di ICN/KIA di e forma ey. Ademas, e ta presidente di un comision fiho di Husticia y aki su obhetividad ta keda cuestiona. Loke tambe ta remarcabel ta cu envez di haci su trabao como parlamentario di controla gobierno/ minister pa e pueblo (trahador), e ta sali na defensa di su Minister compatriota di partido y ta pone man riba su cabez. S.E.P.P.A. ta kere cu pueblo (trahador) a spera mas di banda di un político cu sigur lo tin su aspiración pa un dia bira minister pasobra e ora si sra.Velazquez lo ta den conflicto cu e trahadornan tur dia riba caya! Nos prison ta mucho yen? Loke ta den wega ta un cuestión di Derecho Humano y e tema di prison sigur merece tur atención y solucionnan rápido. Pa e discusionnan aki sigui y nos forma un opinion, nos a elabora un posición pa reflexión y discusion. Den e ultimo lunanan a surgi un discusion riba e tema si nos prison of e cel den nos Instituto Coreccional ta yena di mas, si of no. E ta lanza tambe cuestionamento con ta anda y si ta respeta e derechonan humano di e detenidonan, etc. Henter e asunto aki te hasta culmina den un acción di e presonan. Nos ta sigur cu e tema aki riba su mes a percura pa basta discusion na diferente nivel. Opinionnan diverso

cu nunca ta di mas, sino cu ta necesario den un país democrático. Riba su mes si nos ta papia cu un prison ta yen di mas, te cu e celnan den e prison ta cu hende di mas esaki ta un problema. Y si analiza e situacion aki na nivel mundial e problema aki no ta solamente un problema na Aruba sino na mayoría di paisnan rond mundo. Pues, na Aruba esaki no ta un excepción. Asina mes, nos no por cera wowo pasobra e ta keda un problema cu mester di atención. Con lo yama e problema aki?? Prison yen di mas of celnan yena di mas?? Kico realmente nos kier meen ora nos ta papia di Prison yen di mas? E ta pasobra mucho hende ta comete delitonan y ta cay cerá cu ta haci nos prison mucho chikito cu e no por carga esaki? E ora nos ta papiando di e grandura di un Prison. Of ta papiando cu e celnan ta mucho chikito, apesar di e grandura di e prison? Esakinan ta algún di e preguntanan cu hopi ta haci promer cu defini un opinión/posición den henter e problemática cu a surgi den e asunto di nos Prison aki na Aruba cu esnan cu a cay cerá pa motibo di nan actonan cometi contra ley. Nos Prison ta sobrepopula, e celnan ta wordo yena di mas?? Sobrepopulacion ta defini su mes como e exceso di preso of detenidonan respecto e capacidad di e centro penitenciario pa por proporciona un atención físico y psicológico suficiente y na un manera adecua. Y si nos ta mira con ta atende cu e tema aki te cu awor e ta mustra comosifuera ta duna mas preferencia na e mantencion di ordo y di nos leynan, cual ta bon tambe, pero cu esaki ta bay por encima di Husiticia Social y económico loke cu mas bien ta haci e problema mas grave. E problema di sobresaturación ta un di e problema mas grandi den prisonnan rond mundo. Pero loke nos ta parce di ta lubida ta cu populacion di mas den prison tin consecuencianan grave y hasta fatal pa e condicionnan di bida y di trabao. E hecho cu nos celnan ta yena di mas por afecta hasta e capacidad di control di crimen y di violencia den un prison. Loke por kibra e respet pa e dignidad humano, aumento den e nivelnan di criminalidad, cu ta bay hasta contra e interés general di nos comunidad. E tema aki ta uno di Dialogo Social?? Ta importante pa tin un debate publico encuanto delicuencia, husticia y e rol di un prison den nos sociedad ¡! Un di e obhetibonan pa esaki mester ta pa mehora e condicionnan di bida y trabao tras di trali, baha e cantidad di detenidonan atraves di promoción y prevención, y traha con ta hinca e hendenan aki bek den nos sociedad. Esaki no ta un misión imposibel! E percepción general ta cu e sobrepopulacion den prison ta bin di e aumento den criminalidad y e crecemento di nos población. Sinembargo, e situacion ta hopi mas complica. Ademas, prison nunca tabata un factor di reducción di delincuencia, al contrario. Si tene cuenta so cuanto ta bolbe comete delitonan den e promer dos aňa despues di a sali di prison esaki ta basta halto. Y nos ta sigur cu esnan cu no a participa den e actividadnan adecua cu ta percura pa nan rehabilitación bek o resocializacion den nos sociedad (inclusive actividadnan educativo) tin e chens mas grandi ainda di bolbe comete otro delito. Condicionnan di bida y di trabao bruto, ta duna resultadonan brutal! Den situacionnan na unda prison ta chikito, no ta adecua, e cuidadornan di preso y e prisoneronan ta haya nan mes ta convivi den un espacio masha chikito mes. Rond mundo esaki ta e caso y asina tambe den mayoría e condición ta uno tambe di condición social modera. E hecho aki ta afecta di diferente forma: violencia entre presonan y contra e trahadornan, ta duna oportunidad pa e formación di delicuencia, acoso y abuso di personanan vulnerabel.

Diasabra 2 April 2011

Pagina 16 Awe 2 di April nos ta celebra compleaños di nos papa stima:

Ben Statie cu ta cumpli e bunita edad di 97 aña. Pabien di Rafie, Bettie, Fidelia. Nietonan, bisnietonan, ruman y famia completo y amigonan tur. Hopi aña mas di bida y salud! Falta solamente 3 mas! Hiep hiep hooray,

Tutsie

You're as cute as a bug, so precious to hug, a darling child who's nice to be near. So... hope turning three is happy and fun and takes you along to another great year Nos popchi ta di fiesta awe y ta pa es motibo ey cu su papi Aye y mami Yaya ta canta Happy Birthday cu hopi amor pe. Hopi pabien tambe di parti Apachi, Nana y Mama. Di su tanchinan Liqui y Ana, momonan Oin, Jato, Jock y Pipo. Mas pabien di su primonan Ryvic, Abigail, Randerly y baby Randall, di bisawelonan Pai, Mai, Madu y Padajo. Y.....sin lubida di su padrino Omo Randy y madrina Tanchi Jenny, y di full resto di famia telerin. Nos ta desea Tutsie hooppiiii aña mas y cu e enjoy su dia mas cu e por...cheersss

Awe 2 April ta cumpli 6 aña di edad e prinses di cas

Rosemary Cid Cabrera

E ta haya felicitacion di su mami Roosje, papi Bob,Chareen, mai, pai, mo Lando, tanchi Sol, Jomar, mo Reyni, wela Cacha, Juan Carlos, Gabriela, Glendeline y John.Tambe di parti Marcus, Juselah, Thomas, Juffrouw Maritza y tur su amigitonan di Cacique Aterima Kleuterschool. Awe 2 di April e ‘little princess’,

Jelianne Orman

ta cumpli su 6 aña. Pabien ta bin di su mami Jessy, papi Jerry, tmb di papoe, mama, papai y mamai, su omo- y tanchinan, tur su prima- y primonan, madrina- y padrinonan, su bisawelo y bisawelanan. Tambe di su amiguitanan di Trupial Kleuterschool y di Traymerdia y di gruponan di Oracion y henter famia... Cu Papa Dios drama su bendicion riba bo pa bo cumpli hopi aña mas........

Happy Birthday pa

Daniela Koolman

Awe 2 di April ta cumpli 9 aña Daniela Koolman E ta haya pabien di su mami Judela y papi Danielo y di su ruman stima Danella y di su wela y welonan, tanta y omonan, prima y primonan y di su madrina y padrino y demas famia

Diasabra 2 April 2011

Pagina 17

Resultado di TryOut di hisamento di peso

STA. CRUZ -Diadomingo dia 27 maart 2010 a tuma lugar un Try-Out di Hisamento di Peso. Esaki a tuma lugar den e sala di training na Compleho Deportivo Frans Figaroa na Noord. Den categoria di 77kg hubenil, Gabriel van Dijs a snatch 50kg, clean & jerk 70kg pa un total di 120kg. Darvin Raphael cu a competi den categoria di 77kg ta logra snatch 82kg, clean & jerk 115kg pa un total di 197kg Darvin ta logra kibra tres record personal y a progresa cu un total di 5kg. Juan Carlos Urtado den categoria di 85kg ta snatch 45kg, clean & jerk 70kg pa un total di 120kg.

Den categoria di mas di 105kg nos tabata cuatro hisador. Aki John Henriquez a sali como e mihor hisaor cu un total di 270kg, snatch 120 y clean & jerk 150kg. secundo a bira Patrick Hoek cu a snatch 100kg, clean & jerk 130kg pa un total di 230kg. tercer a bira Patrick Vrolijk cu a snatch 100kg, clean & jerk 125 pa un total di 225kg. cuatro a bira Gilbert Gomes cu a snatch 90kg, clean & jerk 115kg pa un total di 210kg. Den categoria 58kg femenino Jennifer Piter ta logra snatch 60kg, clean & jerk 75kg pa un total di 135kg y den masters Hugo Themen ta logra snatch 60kg, clean & jerk 80kg pa un total di 140kg. Anthony Martinus den categoria dim as cu 105kg ta logra snatch 65kg, clean & jerk 85kg pa un total di 150kg Aruba Amateur Weightlifting kier gradici, Sergio Faro cu a fungi como referee, Theo Bare単o como score y ta manda palabra di pabien na tur hisador nan. Hugo Themen Entrenador di A.A.W.A.

Homber a ricibi kap grandi na cabez despues di accidente STA. CRUZ -Diabierna den oranan di mainta a drenta informe di un accidente patras di Wema Ponton den Caya Brusca caminda chauffeur di un Daewoo blanco a perde control y a ranca un tubo di awa y ricibi kap na cabez. Di biaha a despacha polis pa e sitio. Na yegada di e patruya, nan a encontra un persona masculino cu un kap basta bon na cabez y tabata sangra basta, despues di a dal su cabez na e windshield. Tabata tin total 2 persona herida. Ambulance a bin atende e heridonan y a hiba e victima pa hospital. Mientras tanto a notifica WEB di e sucedido.

Diasabra 2 April 2011

Pagina 18

Por entrega nominadonan pa Copa Hubenil Gobernador Felipe B. Tromp Oranjestad (buvo) Dia 30 di april, Aña di Lareina lo entrega e Copa Hubenil Gobernador Felipe B. Tromp na e hoben of grupo hubenil cu a destaca durante e ultimo aña. E logronan di e hoben of grupo por ta riba tereno social, cultural of deporte. Edad maximo ta 18 aña. Cu un grupo por referi tambe na un scol cu durante e ultimo aña a destaca riba un tereno special.

di maart 2011. Aruba ta un pais conoci unda ta dedica hopi trabou na formacion di nos hobennan, specialmente e trabou boluntario den deporte, cultura, campo social, religioso etc.

Copa Hubenil Gobernador Felipe B. Tromp ta dedica na e prome gobernador di Pais Aruba y ta pa reconoce e trabou social, cultural y deportivo pa nos hobennan.

E nominacion mester ta acompaña di un descripcion amplio di e logronan. Tambe por manda material di referencia manera potret, corte di corant etc. Por entrega e nominacion personalmente na oficina di Servicio Informativo na L.G. Smith Boulevard 26 of por manda tambe via e-mail (candelaria. koolman@aruba.gov. aw)

E logronan di e hoben of grupo hubenil a encera e periodo di 1 di april 2010 te cu 31

Ultimo dia pa entrega e nominacion ta diaranson 20 di april 2011.

“Movecion riba caminda posponi pa dia 14 di mei” Pa medio di e comunicado aki, IDEFRE ta participa cu e actividad di Movecion riba caminda, cu mester a tuma lugar dia 9 di april 2011 riba ruta di Vondelaan, a wordo posponi. Dia 8 di mei 2011 ta bay tuma lugar un micro via y esaki ta bay ta den pueblo di Savanenta y dia 14 di mei, ta tuma lugar e Movecion riba caminda y esaki ta den pueblo di San Nicolaas.

IDEFRE kier a participa tambe na comunidad di Aruba, cu ainda tin oportunidad pa bin cu un nomber pa e actividad di “Ciclovia”. Esaki mester wordo haci prome cu dia 8 di mei 2011. Pa mas informacion di Micro Via y Movecion riba caminda por tuma contacto cu Sr. Junior Dake of Sr. Nelson Held na telefoon 5824987 durante oranan di oficina.

Tiger Taekwondo Academy ta den full swing cu un training basta duro Tur e atletanan di Tiger ta preparando nan mes pa e di di 12th International Aruba Open Champion Ship Eumar Lock & Key Service. Cual lo tuma dia 28 May 2011 na Centro Deportivo Betico Croes. Tiger ta trahando duro preparando tur kos pa dia 28 May 2011. Ya tur invitacion a wordo manda pa tur e Paisnan solamente ta wardando riba nan confirmacion. Tambe Tiger Taekwondo Academy kier a duna un danki na tur e personanan cu ta colaborando cumprando un ticket. Angelo Rodriquez ta den un training basta duro pa e competencia Un - Pa - Tera - Otro - Pa - Lama e ta cla pa su victoria contra Stargel de Cuba y ta cla pa. Tambe Teo lo bai hacie un bunita exibicion durante e competencia Un - Pa - Tera - Otro - Pa - Lama Danki Teo Rodriquez Tiger Taekwondo Academy

Diasabra 2 April 2011

Pagina 19

cCLASIFICADO TA BENDE Un pick-up Chevrolet S10, hopi zuiver, dobbel moffel, airco, mac reem, bon sonido di radio 566-7287

TA BENDE

UN SET DI SPEAKERS PA MINI-TECA AFL 500,00 TLF 565-3508 BLIT BLIT.

All Pro Pest Control Tin servicio di spuit tur insecto e.o. fruminga, cacalaca, raton, djaca, carpata etc. etc. Pa evita dengue tambe nos ta haci garden spray. Yama nos na 5663043 of 5675133 Of pasa na Shaba den e mall riba e laundry.

Flip Snack 3 April 2011. BBQ y Steak a Caballo. Pa pedido yama : 584-1503 er i nn u p g be sh- s b r u u r se English Spanish Instructor Co Very Reasonable rates

“Learn to Drive”

patience is our business For information Call 566-1413

TA BUSCA

Advocatenpraktijk mr. Marcolino Croes N.V. ta anuncia cu despues di un re-organizacion di oficina, nos ta ofrece pueblo tur clase di trabao juridico y te den corte. Cos ta slow, pero na nos oficina bo ta ricibi un trato especial. Nos ta atende bo casonan civil, e.o. divorcio, cobranza, herencia, etc. y casonan penal y pone bao curatela. Nos ta procesa casonan di permiso, prolongacion, rentenier y firma liber, etc. PS Nos tin na venta un airco split unit di 24.000 BTU pa Afl. 1.300,= mescos cu nobo. Yama nos na 588-3208 of 588-2067

TA HUUR

Un aptm. lux na Sabana Basora cerca di retonte Pos Chiquito. Included awa y coriente preferible un hende muher. Tin JANUARY SPECIALS exceso na pool y internet. Pa mas info yama: 585-1823 / 565-2317 /593-1523

TA BENDE

Pa Luna

Ta Cuminsa

Office Assistant Afl.200 Maart 31 Supervision Basico Afl.250 April 28 Management & Leadership Afl.250 April 30 Receptionist/Help desk Afl.150 April 30 Sales & Marketing Afl.250 New! May 6 Management 5880950-7438585 developmentaruba@live.com

Diasabra 2 April 2011

Pagina 20

NOTICIA INTERNACIONAL

Atakenan aereo na Libia ta mata civilnan

Bringamento pisa banda di palacio di Gbagbo na Costa Marfil

Abidjan= Tropanan cu ta apoya e Presidente reconoci pa Nacionnan Uni, pa Costa di Marfil, Alassane Quatarra, aparentemente ta prepara pa e accion final pa expulsa su rival Laurent Gbagb, kend ta nenga di entrega presidencia. Den e ciudad principal , Abidjan, forzanan proQuattara a lanza un atake riba e residencia presidencial fortifica. Tropanan Frances a hiba 500 estranhero pa un campamento militar, mey mey di inseguridad creciente den e ciudad. E apoyadornan di Quatarra a lanza un ofensiva nobo, Dialuna. Quatarra a ser reconoci internacionalmente como presidente aňa pasa, despues cu comision electoral a declara su persona, como e ganador den e di dos rond di eleccionnan na November, pero Gbagbo tambe a reclama victoria.

Tripoli= Un doctor a bisa BBC cu siete civil a muri y 25 a ser herida durante un bombardeo di coalicion riba un convoy pro-Gaddafi den este di Libia. Dr. Suleiman Refardi a bisa cu e atake a tuma luga riba e aldea di Zawia el Argobe, na 15km for di Brega. E bombardeo a dal un truck cu municion y e explosion a destrui dos cas den cercania. Tur e mortonan tabata ente 2 y 20 aňa. Nato a bisa cu nan ta investigando e reclamo. E noticia ta bin, na momento cu e lider Mustafa Abdul Jalil a bisa cu rebeldenan lo bai di acuerdo cu un tregua, si Coronel Muammar Gaddafi su trupanan retira for di e ciudadnan.

Evacuacion nuclear na Japon lo ta pa termino largo

Muhe a ser encarcela pa asesinato di su yiu autistico di 12 aňa

London= Un mama a ser encarcela pa, a asesina su yiu autistico di 12 aňa, door di a pone bebe “bleach”. Ajit Singh-Mahal a ser haya morto na su cas na Barking den este di London, na Februari. Satpal Kaur-Singh di 44 aňa a acepta culpabilidad pa morto involuntario, pa motibo di falta di responsabilidad. E la nenga e asesinato di e mucha. Kaur-Singh cu tambe a bebe blankeador, riba e dia di e asesinato, a haya prison pa siete aňa na Old Bailey. Hues Peter Beaumont a bisa e mama:” Mi ta reconoce con difícil tabata pa cuida Ajit”. “ Bo salud mental deteriorando, a kita bo bista relaciona, di kiko tabata bajendo robez y a lanta obstaculonan real entre abo y e personanan , y agencianan cu tabata purbando hopi duro pa judabo”. E procurador Richard Whittam a bisa “Esaki ta un caso hopi tragico”. Ajit tabata dependiente riba su mama pa tur su nesesidadnan, e no por a papia y tabata tin dificultad pa comunica, tambe tabatatin dificulta pa sali pafor di cas. E mucha a ser mata cu Domestos, algun ora despues cu kaur-Sing a nenga pa coopera cu staff di conseheronan, durante un reunion, en conexion cu cuido di e mucha.

Tokio= Oficialnan a bisa cu e evacuacion di residentenan banda di e planta nuclear di Fukushima lo ta pa termino largo. Mayoria di e decenas di miles di hendenan cu a ser evacua for di e area, rond di e planta, ta bibando den refugionan temporario. E anuncio a tuma lugar , despues cu nivel di radiacion halto a ser detecta pa prome biaha den e awa di tera, banda di un di e facilidadnan di e seis reactornan. Mientrastanto un buskeda masivo a cuminsa pa haya restonan humano di esnan perdi den e tsunami devastador aki. Te ainda e cantidad exacto di esnan cu a muri no ta conoci. Mas di 11.500 persona ta confirma morto , pero casi 16.500 ta perdi.Mas di 100 avionnan militar Japones y Mericano ta rastreando e costa nor-este, pa localisa cadavernan. Lo bai tin tres dia di un buskeda masivo pa cadavernan. Mas di 24.000 personal militar ta ser poni den e buskeda aki cu lo enfoca riba costanan cu te ainda ta bao di awa y bocanan di riunan mas grandi. Hopi areanan costal ta keda inaccesibel pa rescatistanan, cu ta purba drenta e area na pia of via careteranan, cu ta blokea pa restonan di casnan,barconan , auto y trein-nan. Pa motibo di procupacionnan di radiacion e buskeda no ta inclui 20km di e zona di evacuacion, rond di e planta di Fukushima Caiichi, na unda nan ta kere cu tin mas di 1000 cadaver.

Diasabra 2 April 2011

Pagina 21

NOTICIA INTERNACIONAL

Presidente Sarkozy ta pidi pa reglanan nuclear global

Paris= Presidente Frances Nicolas Sarkozy a pidi pa nivelnan internacional stipula riba seguridad nuclear, en coneccion cu e crisis actual na e planta di Fukushima na Japon. Papiando na Japon, e la propone cu autoridadnan di seguridad nuclear for di e paisnan di G20, pa descuti e asunto aki na luna di Mei. Radiacion cu a ser detecta den lama, banda di e planta atrobe a aumenta fuertemente. Mientrastanto Nacionnan Uni a conseha Japon pa considera na expande e zona di evacuacion rond di e reactornan. Sarkozy ta e prome lider extranhero pa bishita Japon, despues di e temblor y tsunami,dia 11 di Maart.

Procurador General di Mexico Arturo Chavez ta retira

Ciudad di Mexico= Presidente Felipe Calderon a confirma cu e Procurador General di Mexico, a tuma su retiro. Pa 18 luna largo, Sr. Chavez tabata lidera esfuersonan pa contra cartelnan violento di droga na Mexico y reforma e sistema hudicial di e país. El’a bisa cu e ta retira pa motibonan urgente personal. Chavez, su sucesor lo ta e fiscal investigativo Marisela Morales, kende lo ta e prome procurador general femenino di e país. Presidente Calderon a gradici Chavez pa su servicio, bisando cu e la yuda trece hopi lidernan di cartel na husticia. E nombramento di Marisela Morales, ainda mester ser aproba pa senado. Na cuminsamento di e luna aki, Senora Morales di 41 aňa, a haya un condecoración di valor for di gobierno Mericano pa su rol den e lucha contra traficacion di droga.

Protesta Afgano mortal tocante di Koran

Mazar-e Sharif,Afganistan= Porlomenos siete persona a ser mata den un atake na Afganistan, riba e edificio di Nacionnan Uni den e ciudad norte di Mazar-e Sharif. E violencia a pasa, durante un protesta tocante e kimamento di e Koran , door di un pastoor den un iglesia na Merca, luna pasa. E protestantenan tabata grita “ Morto pa Merca, Morto pa Israel”, ora cu nan a reuni despues di oracionnan di Diabierna. Algun informe ta bisa cu tin trahadornan estranhero entre esnan cu a ser mata. Dia 20 di Maart,Pastor Wayne Sapp a pega un copia di Koran na candela na un misa na Florida. E kimamento a tuma lugar dilanti di Terry Jose, otro pastor Mericano, kende aňa pasa a causa condenacion riba su plan cu después el’a aborta, pa kima e Koran, riba e aniversario di atakenan di 9/11.

Screening di prostat no tin beneficio

Norrkoping, Suecia= Screening di cancer di prostat no ta salba bidanan, di acuerdo cu un estudio di 20 aňa, publica den e Revista Britanico, Medical Journal. Un den cada cuater cancer diagnostica, den hombernan na G.Bretaňa ta cancer di prostat. Aňa pasa, e departamento cu ta regula screening na G.Bretaňa, a conseha contra screening rutinario. E comision Nacional di screening a bisa cu e estudio ta duna mas evidencia cu e ta hasi mas malo cu bon. Na G.Bretaňa, so cancer di prostat ta mata 10.000 persona tur aňa. Apesar cu no tin un programa di screening, hombernan riba 50 aňa, toch por pidi pa un test. E ultimo estudio a ser hasi na Norrkoping, na Suecia, cu a sigi 9.026 homber, kendenan tabata entre 50 pa 60 aňa, na 1987. E metodo favorito di screening ta e antigen specifico di prostat (PSA). Sinembargo masofmenos 15% di homber cu nivelnan normal di PSA, lo haya cancer di prostat y 2/3 parti di hombernan cu nivelnan halto di PSA no tin cancer di prostat.v

Pagina 22

Diasabra 2 April 2011

Chauffeur a haya chens pa sali

pero borchi tabata stroba e bista

STA. CRUZ -- Diabierna den oranan di atardi na e cruzada di Morgenster pa bay Meiveld a sosode un accidente entre un pickup y un Getz di D.O.W. Di biaha a despacha patruya pa e sitio. Na yegada di e patruya di trafico, nan a topa cu e accidente y a comprende for di chauffeur di e Getz cu e tabata para na e cruzada pazuid di caminda pero un borchi di propaganda a stroba visibilidad pa sali. Den esaki un dama a duna e chauffeur un chens pa subi caminda. Debi na un borchi di propaganda, e chauffeur no a waak, y a subi caminda. Net e momento ey un pickup tabata pasando y a dal den e baki. Ambos auto a ricibi da単o. Afortunadamento ningun persona a keda herida. Polis a ricibi varios reclamo di e borchi aki y nan a yama e do単o pa laga hende bin kita esaki.

Diasabra 2 April 2011

Experencia e sabor di e Concomber local

STA. CRUZ -- Manera ya ta conoci awor na Aruba nos por disfruta di concombernan fresco cultiva na Aruba mes, cu nos mes un awa, solo y aire puro y frseco. Esaki ta sosode na Nos Cunucu – The Land Farm. E propietario señor Ari Lichtenstein tin un soño, esaki ta pa nos comunidad por disfruta di berduranan fresco cultiva na nos isla mes. Berduranan di calidad cu ta sali di nos tera pa nos platonan. Den e ultimo simannan nos por a tende hopi di Nos Cununu, pa medio di entrevistanan di radio y avisonan den corant. Tambe hopi di nos a experencia e delicia di come un concomber produci na Aruba mes, cual ta obtenibel ya caba na tur e supermercado grandi y sigur na e supermercado cerca di bo cas. Hopi di nos restaurant y hotelnan ta brinda e concombernan local como un di nan platonan, pa asina no solamente nos hendenan por saborea un tremendo producto nacional pero tambe nos bishitantenan. Nos Cunucu ya caba ta den e proceso y ta cosechando hopi otro berduranan manera: tomati, melon, appel, y hopi otro mas. Pa mas informacion tocante Nos Cunucu – The land farm, yama 585-5231 of 592-5123. Esakinan ta productonan fresco di nos tera y cu un prijs hopi abou. Concomber ta un berdura cu hopi nutricionan tambe, manera Vitamina A, Niacin Trace Vitamina C, Calcium, hero, Phosphorus, Potassium y hopi mas. Corda puntra na bo supermercado pa e concombernan fresco of busca nan logo. Restaurant y supermercadonan por yama awe mes y bestel esun di nan.

Pagina 23

DIADOMINGO ANOCHI

BUBALI R.E. YRAUSQUIN/ SUBWAY TA CONCENTRA PA SU WEGA CONTRA ESTELLA

STA. CRUZ -Diadoming awor 3 di April, E orguyonan di Noord, Bubali S.C. ta topa e Naranjadonan di Santa Cruz, Estrella den continuacion di e campeonato di Division Honor. Den promer vuelta Bubali a sa di bai cas cu e 3 puntonan logrando un Victoria di 2-1 riba e Naranjadonan. Un wega sigur cu tin basta piso riba e tabla di posishon mirando cu Estrella a bin ta ganando tereno y ta logra un Victoria importante riba La Fama di 1-0 y asina ta acumula 23 punto. Di otro banda Bubali no a mira accion siman y ta keda para na 25 punto pero cu un wega menos.

Mirando e embargadura di e wega aki, e team di Bubali a bin ta prepara fuertemente pa e compromiso aki.

E campo di bataya lo ta Compleho Deportivo Frans Figaroa e bala ta cuminsa lora pa 7’or di anochi.

Ta reina bastante optimismo y hopi positivismo den e campamento di e team berde cu blanco.

Directiva di Bubali den nomber di su sponsornan R.E. Yrausquin & Sons, Subway, Dollar Rent –A-Car, Riceland Rice, Cheng’s Supermarket, Fast Delivery ta invita tur su fanaticada pa bin duna apoyo na e Orguyonan di Noord.

Bubali mester di e Victoria aki pa e por sigui tin su destino den su mesun man y Estrella mester di e Victoria pa keda na bida. Pa ambos team, e playoff ta cuminsa diadomingo awor. Un invitacion ta bay na tur e fanaticada di Bubali, especialmente e hungador number 12, pa bin apoya e orguyonan di Noord den e compromiso importante aki.

Bin bisti na berde cu blanco y join the green submarine. Yega..awor tin Co !!

Diahuebs 13 Januari Diasabra 2 April 2011

Pagina 24

The Boss Drag War Ta Sigi Awe STA. CRUZ nochi cos ta International Palo Marga. habri for di Categorianan

-- Awe sigi riba Raceway Porta ta 7:00 pm. cu lo

core ta No Box, Box, Jr Dragster, Sportsman Bike y Criollo Outlaw. No laga nan conta bo pero bin wak pa bo mes.

Diasabra 2 April 2011

Pagina 25

Tur atleta di Taekwondo ta cla pa enfrenta otro awe diasabra den “Un pa Tera y otro pa Lama” Ishack Lake San Nicolas Taekwondo Center Dylan Croes Estrella Taekwondo Center Ashwart Kelly Washington Taekwondo Center Rasheed Lowe Brazil Taekwondo Stichting Sara Chirino Noord Taekwondo Center Sofia Petrocchi Caribbean Taekwondo Institute Dustin Perez San Nicolas Taekwondo Center David Lont Brazil Taekwondo Stichting

STA. CRUZ -- Diasabra awor cuminsando pa 7’or di anochi Noord Taekwondo Center tin e honor di organiza e evento di “Un pa Tera y otro pa Laman” Manera nos a bin ta anunciando caba cu e evento aki ta bay ta e evento na unda cu sigur un ta bay lama. E atletanan cu ta bringa diasabra anochi ta bay all out y ta cla pa bay guera y raspa. Tur school di Taekwondo ta papiando di nan victoria como tambe di e pelea estelar cu lo bay ta e crema di e anochi.

Den e pauze ta bay tin demonstracion nan di Taekwondo na unda ta bay tin kibramento di palo, appel, cuchiu y forma di e siguiente personanan aki Minerva Hernandez di Down Town Taekwondo Gym, Carlos Hernandez coach Nacional di Aruba, Teo Rodriquez di Tiger Taekwondo Academy, Norberto Tromp y Joshua Wever di Noord Taekwondo Center. E programa di anochi ta lo siguiente: Campeonato un pa tera otro pa lama AWE 2 di April 2011.

Stargel De Cuba Caribbean Taekwondo Institute Angelo Rodriguez Tiger Taekwondo Academy Jesus Mansueta Washington Taekwondo Center Pedro Gomes Tiger Taekwondo Academy PAUZE Aleyska Lake San Nicolas Taekwondo Center Claudia Arends Moi Dum Taekwondo Center Chris Vrolijk Washington Taekwondo Center Meldrick Boekhoudt Estrella Taekwondo Center Reinier Wouters Washtingon Taekwondo Center Dicmar Thiel Estrella Taekwondo Center Ray Andrade Washington Taekwondo Center Kenneth Kelkboom Tiger Taekwondo Academy Erica Barry San Nicolas Taekwondo Center -

Thais Estrella Center

Rodriguez Taekwondo

Aishal v/d Linde Aruba Yesenia Herenquez Venezuela Aischal van der Linde di Aruba lo bay tin su mannan yen cu e Venezolana Yesenia Valasquez. Ambos atleta ta e campeonnan di nan pais. Nos ta spera un y

tur awe diasabra anochi den Centro Deportivo Betico Croes pa asina apoya tur nos atletanan y specialmente Aischal van der Linde cu lo bay topa Yesenia Henriquez for di Venezuela.Un anochi yena cu combate di primera clase. Alberto Klabér Brazil Stichting

Taekwondo

Diasabra 2 April 2011

Pagina 26

Lenovo y Antraco Aruba a tene un “ Lenovo Technology Briefing” na Renaissance Convention Center

STA. CRUZ -- Lenovo conhuntamente cu Antraco Aruba Group a tene un “Lenovo Technology Briefing” na Renaissance Convention Center diahuebs, 31 di Maart for di 8:30 di mainta te cu 12:00 di merdia. E “LenovoTechnology Briefing” ta pa e n g r a n d e c e conocimento di IT’ers y tambe doñonan di empresa.

1. “System Health” cu ta inclui: Enhanced Backup and Restore, Harddrive status, Battery status,

Performance, Software updates and Hardware checks. 2. Security and networking cu ta inclui: Virus protection, Fingerprint reader y Software Firewall. 3. Ultimate business tool cu a wordo presenta ampliamente den e presentacion hunto cu Lenovo su diagnostic system. Tur esakinan ta wordo sosteni pa Antraco Support. Lenovo y Antraco Aruba ta sumamente satisfecho cu e asistencia na e briefing aki.

“E Yabinan pa Exito Personal” - Bira e mihor ABO cu por!

E evento aki tabata pa duna informacion importante riba estudio y tecnologia di productonan di Lenovo. Tambe a duna informacion riba trendnan actual, compara cu otro marcanan, diferente metodo pa reduci gastonan usando e tecnologia di ThinkVantage y tambe proteccion pa sistema di seguridad via Client Security Solutions. E Thinkvantage tool ta yuda e doño di un laptop garantiza su inversion pa henter e ciclo di e bida di e computer of e laptop, aumenta productividad ofreciendo “featurenan” na alcanse di e usuario E end-user por soluciona problemanan básico. E featurenan ta encera:

STA. CRUZ -- Esaki ta e topico cu lo wordo trata durante e siguiente programanan di: “E Palabra di Bida”. Hopi bez nos ta sinti e necesidad pa un cambio den nos bida, pero nos no tin e conocemento ni e hermentnan necesario pa sa kico ta locual nos tin cu cambia pa tin mihor resultado. Pa ta un persona exitoso! Nos no mester mira exito unicamente como un aspecto di genera placa. Exito berdadero ta hopi mas cu esaki. Kizas nos ta pensa cu si e hendenan rond di nos cambia anto automicamente

nos situacion tambe ta cambia pa mihor. Enberdad esaki ta e manera cu nos ta pensa pero no ta e realidad. E cambionan mester cuminsa cerca nos mes prome! Pa yuda nos den e proceso aki pa nos por realiza nos soñonan, nos lo trata profundamente cu e topico aki den e simannan venidero. E programa ta uno estilo talkshow na unda Pastora Lisette hunto cu su invitadonan lo delibera, analiza y comparti pensamento y accionnan riba e tema di dia. Cada siman lo tin un otro tema cu lo keda presenta.

Diasabra 2 April 2011

Hoben atraca pafor di Colegio Arubano

STA. CRUZ -- Diabierna den oranan di merdia polis a wordo solicita na Colegio Arubano ya cu na e parti patras di e school, un hoben a wordo agredi y atraca door di otro hoben. Nan a bay cu su pertenencia. Di biaha polis a presenta na e sitio. Un grupo di hoben cu tabata testigo di locual a pasa, a mira dos hoben a scop nan amigo y bent’e abao. Nan a agredi e hoben na su man te haci’e sangra. Ora cu e victima tabata benta abao, e dos agresornan aki a coy su petchi y su blackberry bay cune y nan a bandona e sitio. Polis tin dato di e guynan aki y polis lo entrega esaki den man di recherche y JZP.

Pagina 27

Na Playa Pabao:

Pickup a yega y lora dilanti un Honda

STA. CRUZ -- Diahuebs den oranan di anochi a drenta informe di un accidente cu herido altura di Ban Ban Cafe. Di biaha a despacha polis di trafico pa e sitio. Na yegada den Belgiëstraat na e T-kruis di Ban ban Café, nan a topa cu un pickup toyota A-25263 y un Honda A-44281. Por a constata cu ta trata di un Honda biniendo di Driemasterstraat bayendo Belgiëstraat. Inesperadamente e pickup para na e t-kruis di Bushiri a yega y sali dilanti di e Honda. Chauffeur di e Honda a purba desvia pero tabata laat. Un señora den e pickup a ricibi whiplash y ambulance a presenta pa hibe Poli. Mientras tanto nos por a tuma nota cu e pickup Hilux A-25263 tabata tin plachi di number bieu di 2010 mita aña. Riba dje e no tabata gekeur. Ultimo gekeur tabata 2005. Paden no tabata cos di canta bunita..

Diasabra 2 April 2011

Pagina 28

ARUBAS TOP 20 --Bishita di ministernan Donner y DIASABRA 2 DI APRIL Leers na St. Maarten STA. CRUZ -Diadomingo, dia 3 di April, minister Piet Hein Donner di Asuntonan Interior y Relacionnan di Reino y minister Gerd Leers di Inmigracion y Asilo ta cuminsá un bishita di trabao di cinco dia na respectivamente St. Maarten, Aruba y Corsou. Durante e bishita aki lo trata en particular dos tema. Na prome lugar vision di futuro riba Reino. Minister Donner kier hiba debido deliberacion cu e tres paisnan en cuestion riba nan vision di Reino. Asina e ta duna contenido na e promesa cu el’a haci durante su bishita na Januari. Como di dos tema lo trata trafico di persona den Reino entre e diferente paisnan. E minister responsabel pa esey, señor Leers, kier papia cu tur

esnan envolvi tocante e puntonan di salida pa trafico di persona, prome cu gabinete Hulandes bini cu un proposicion di ley. Na e tres islanan lo tuma ampliamente tempo pa delibera riba e dos temanan en cuestion, tantu cu e respectivo gobernantenan como cu e presidentenan di fraccion di e parlamentonan. Na tur e tres paisnan prome bishita di e ministernan lo ta na e respectivo gobernadornan. Ademas, diahuebs, dia 7 di April, minister Donner lo delibera na Corsou cu e gobernadornan di e tres paisnan. Esey lo ta prome biaha cu e gobernadornan di Aruba, St. Maarten y Corsou, conhuntamente, lo hiba un deliberacion asina cu e minister di Relacionnan di Reino. Ademas di e dos temanan general lo delibera tambe riba

algun otro tema. Por ehempel, minister Donner lo papia na St. Maarten tambe riba estado actual di e trabaonan cu ta tumando lugar rond di presupuesto di St. Maarten en relacion cu e consehonan di e Comision di Supervision Financiero (CFT). Na Aruba e dos ministernan lo tin Consulta Gubernamental durante cual lo trata e Cadena di Estranhero Vreemdelingenketen) cu minister Sevinger di Infrastructura, Integracion y Medio Ambiente y cu minister Dowers di Husticia y Enseñanza. Durante e consulta aki lo conversa, entre otro, riba e ley di Admision y Expulsion. Durante e bishita di cinco dia minister Leers lo bishita tambe tanto St. Maarten como Corsou e organizacion di admision y servicio di inmigracion.

Leendert Girls Deal on Wheels & Valvoline lo enfrenta Aruba Bank Lady Tigers mientras cu pa 1pm di merdia Tanke leendert Girls lo complementa su double

Ta huur 1 Studio appt Fls 500.00 p/l Fls 400.00

1 / 4.. EL DOCTORADO – ASDRUBAL 2/3.. ALWAYS ON MY MIND – ANGELO CROES 3 / 1.. WHATS MY NAME – RIHANNA – DRAKE 4 / 5.. DANCE WITH ME – BRYCE CALPRIT 5 / 8.. STEREO LOVE - FUEGO 6 / 2.. DJIES MI MES – LEVI SYLVANIE 7 / 10.. LIKE U LIKE – AGGRO SANTOS – KIMBERLY WALSH 8 / 6.. DEPENDO DE TI – OMAR SALAS 9 / 12.. EYES WIDE SHUT – JLS – TINIE TEMPAN 10 / 15.. BRING ME DOWN – HONEY POT 11 / 7.. NENA FICHU – FARRUKO 12 / 9.. LA LA LA – BABY RASTA – GRINGO 13 / 16.. PRIMIMI – TSUNAMI 14 / 17.. IN THE LIVING YEARS – STEVIE FACE 15 / 18.. TA AMOR – DREAMS 16 / 19.. DANDOLE --- OMEGA EL FUERTE – JOWELL Y GOCHO 17 / -- BAD GIRL – VIAKIO 18 / -- PORFIN DUSHI AYERA – ROBERT Y SOLO BANDA SHOW 19 / --- OYE – MARIA 20 / 14.. ME ENTREGO --- EPHREM J TRANSMITI PA HIT 94 – MEGA 88 FM STEREO

Campeonato Hubenil Femenino di Aruba Softball Bond ta continua Diadomingo awor STA. CRUZ -Diadomingo awor campeonato hubenil femenino di Aruba Softball Bond ta continua riba veld di Kudawecha. Pa 11 am di mainta Tanke

2011

ARUBA’S TOP 20 ON HIT 94 – MEGA 88 FM STEREO E-MAIL: hit94fm@gmail.com

header enfrentando Valero Eagles. Fanaticada di softball ta keda cordialmente invita pa bin apoya nos muchanan di futuro!!!!!!

Cushina di Nestor

Ta bende

Un frigidaire (marca Kenmore) 2 porta grandi cu ta traha ijs den bon condicion Ta diadomingo awo na cede di deposit (1 persona) afls. 350,= MEP for di 11or di merdia cu mi Awa , coriente inclui, gas NO Un airco (marca Frigidaire) 18.000 BTU Stitua Spaanslagoenweg Pos Chiqiuto tremendo BBO lotin lomito, pisca, Window unit afls. 300,= lionribs y galinja riba grill pidi con Un bouwmeter di coriente pa esnan cu serca di lama bo kier bo plato y nos ta trahe Pa mas info : 560-3589 ta cuminsa traha cas afls. 50,= pabo pasa na cede di MEP. pa mas informacion yama: 569-4025 Hende serio ta tene lugar limpi y paga bon

Diasabra 2 April 2011

Pagina 29

Aruba Little Sluggers Championship 2011 ta bay cuminsa STA. CRUZ -- Awe 2 di April ta cuminsa un campeonato nobo di baseball na Aruba. Stichting Marlins Sport Aruba ta organizando e prome Aruba Little Sluggers Championship “powered by Coca Cola”, cual lo tuma lugar awe 2 di April 2011 te cu 12 di Juni 2011 na veld di Juventud Tanki Lender. E campeonato di Little Sluggers ta organiza specialmente pa muchanan di 5-8 aña y lo tin un total di 16 equipo participando. 8 Equipo den categoria 5-6 y 8 equipo den categoria 7-8. Den 5-6 tin: Bright Bakery Stars, Dama NV Grasshoppers, SuperFood CBN Eagles, DD Brakes Marlins, Malta Balashi, Marlins 2, Ocean Air Braves,

Cura Cabai Lottery White Sharks. Den 7-8 lo ta participando: Bright Bakery Stars, F.J. Construction CBN Eagles, Burger King Marlins, Dama NV Grasshoppers, Ecotech Braves, Kellogg's Marlins, El Gaucho White Sharks y San Nicolas Rangers. Diasabra awor pa 9:30 di mainta lo tin e apertura di e campeonato y e desfile di e teamnan participando na veld di Juventud Tanki Leendert. E campeonato lo ser dedica na Sr. Bryan Huntington un persona cu dedica hopi tempo di su bida na baseball tanto practicando como educando e deporte.

Pa 10:30 lo start e prome 2 weganan cu lo ta entre Bright Bakery Stars y Dama

NV Grasshoppers y riba tereno 2 lo enfrenta otro e equipo

di Malta Balashi y Marlins 2. Ambos wega ta di categoria 5-6.

Diasabra 2 April 2011

Pagina 30

DAKOTA KETU BAI TA INVICTO DEPUES DI A GANA ARSENAL wega ta basta pareuw pero manera tur wega e preshon di Dakota ta bira mucho. Condicion ta laga e teamnan contrario na caya pa asina Dakota sigi na su antoho. E score final a termina 9-0 pa Dakota. Den CDGT e campeon di divishon uno a enfrenta Arsenal pa bai cu un otro victoria. Cu e victoria aki Dakota a alcansa un total di 39 punto hungando 13 wega. Na cuminsamento e

Na halftime Dakota tabata ariba 3-0 pa despues bin hinca 6 mas pa acumula 90 gol na fabor y 8 contra faltando 3 wega pa hunga. Nro 2 te awor aki ta Brazil Jrs cu 21 pto, San Luis Deportivo cu 19 pto, Unistars 18 pto y Trupial 16 pto. E weganan di divicion uno ta continua diasabra den CDFF pa 6.30 pm Sport Boys vs FC SN y pa 8.30 pm Trupial vs Undesa.

GRADICIMENTO Pa medio di esaki nos kier a gradici tur famia, bisiña, amigo y conoci nan cu a mustra nan atencion durante bida, enfermedad, fayecimento y entiero di nos mama stima:

EMERITA MAURCIA HELDER

miho conoci como mami Ita, dudu Ita, tanta Ita, Ita of Merita.

Un danki na staf y personal di Huize Maristella afdeling Aloe. Na tur famia cu a bin di exterior, na tur esnan cu a manda flor, krans, telegram, carchi, message, email y cu a jama nos na telefoon. Na tur instancia cu a pone aviso den corant. Na Mementomori funeral home pa nan bon servicio. Na Etty, Eric, Ebby y Lucio pa nan musica durante e ceremonia na misa, na Humphrey pa su cancionnan. Tur esaki ta duna nos forsa pa por carga e perdida grandi aki. Na nomber di su yiunan Anneke, Tieneke, Mara y Mario y demas famia. P.S. Fuera di nos alcance e invitacion pa e misanan no a Sali den corant. Nos ta pidi nos disculpa pa esaki.

MI BISINJA TA BISA…….. Crea suficiente alegria, pa bo ta amabel Trata suficiente problema, pa bo ta fuerte Lucha suficiente sufrimento, pa bo ta humano

Lesa Salmo: 39,91,70,103, Lesa tur e salmonan aki pa 3 dia , pidi 3 deseo Di 4 dia gradiciendo Dios pa e deseonan Y bo ta waak nan cumpli pa con imposible nan ta Danki Dios

Carga suficiente speranza, pa bo ta felis Confronta suficiente fracas, pa bo ta humilde Logra suficiente exito, pa bo ta entusiasma Mantene suficiente amigo, pa bo por confrontanan Traha suficiente placa, pa bo cubri tur necisidad Uza suficiente entustiasmo, pa bo sigui dilanti Tene suficiente fe, pa bo vence depression Mantene suficiente determinacion, pa bo haci cadadia miho Cultiva suficiente deseo, pa bo ta cada dia mas felis Danki, nos bon bisinja y amigo Señor: Hector Hasham, cu bo alma sosega y bo drumi dushi den brasa di bo Creador: di Jossy, Mabel, Ryan y yiunan, Youseff y yiunan

Diasabra 2 April 2011

Invitacion Agradecido pa e añanan cu Dios a permiti’e cu nos Nos ta recorda e fecha natel di nos Tata stima

Pagina 31

Pasobra Dios a stima mundo asina tanto cu ela duna su unico yui pa tur cu ta kere den dje no bay perdi m’a haya bida eterno. S.Juan 3.16 Cu honda pena pero conforme cu boluntad di Dios nos ta participa fayecimento di

Hector Cecilio Hasham Francisco “Chico”Kock Mihor conoci como Pai *02/04/1911 †05/02/2011

Nos ta invita tur famia, bisiña, amigo y conocirnan pa nan compaña nos na un Santo Sacrificio di misa cu lo tuma lugar na misa Cristo Rey na Brazil Diasabra 2 di April 2011 pa 7’or di anochi. Despues di misa tin un rosario na cas Brazil 45 Boso presencia lo ta altamente aprecia Den nomber di su jiunan, nieto(a)nan, sobrino(a)nan y demas famia Masha Danki

Director, Manager, tocadonan y cantantenan di Banda Badu, ta anuncia fayecimento Cristian di

Sr. Hector Hasham Gran Musico y tata di nos Pianista, sr. Igor Hasham

Nos ta desea tur yiu, nieto y demas famia hopi forza den e temporada duro aki. Cu sr. Hector sosega na paz den señor.

vdo. di Delia Hasham-Manuel 22 November 1931 – 29 Maart 2011 Na nomber di su partner:

Candy

Su yiunan: Su rumannan:

Buiggy Hasham y famia (Hol) Ted Hasham y famia Willy Hasham y famia (Hol) Igor Hasham y famia †Den Hasham y Elena Hasham y famia July y Fausto Cepeda Hasham y famia Pearl Hasham (Hol) Esperanza Windefelde y famia (Hol) †Stella Hasham y famia (Cur) Mirna Lourens y famia (Hol) Swinda Hasham y famia (Hol) FRITS HASHAM Y FAMIA (CUR) Delta Hasham y famia Mac Lennon Hasham y famia (USA) Clifton Hasham y famia (Hol) Jeswina Crozier y famia (Hol) Joyceline Crozier y famia (USA) Angela Crozier y famia (Cur) Percy Zijlstra (Hol) Fejite (Dichi) Zijlstra y famia Raymond Zijlstra (Hol)

Su sobrino- y sobrinanan, nieto- y nietanan, bisanietonan y bisanietanan Mescos cu yiu: Shorry Giron (Hol) Encho Flores Rafael del Rosario Anthony (Toto) Robert (Cur) y demas famia ta invita pa e acto di entierro cu lo tuma lugar diasabra 2 di April 2011 pa 11’or di mainta saliendo for di Mementomori Funeral Home pa Santana Sabana Basora. Ocasion pa condoleer famia y despedi di Sr. Hector lo ta for di 8’or di mainta na Mementomori Funeral Home. Nos ta lamenta cu despues di entiero nos no por ricibi bishita di condolencia na cas.

Diasabra 2 April 2011

Pagina 32 Diasabra atardi den stadion Guillermo Trinidad na Dakota

Pumanan di SV Britannia/ Frisian Flag lo enfrenta Sporting di Ayo

Thomas Cook ta despedi di Aruba STA. CRUZ -- Thomas Cook Northern Europe a tene un programa di charter pa Aruba durante e ultimo 6 lunanan, for di Suecia. E bishitantenan a bin pa dos siman y a hospeda na mayoria di e resortnan rond di e isla. E mainta despues di nan yegada, nan a congrega na Amazonia Churrascaria pa un briefing di orientacion cortico pero anima.

STA. CRUZ -Diasabra atardi pa 6.30, un vez mas e pumanan di SV Britannia lo mira accion anto den stadion Guillermo Prospero Trinidad na Dakota. E muchanan di Piedra Plat, bou guia di Jonathan Lake, lo tin cu enfrenta e benjaminnan di e campeonato aki, esta Sporting di Ayo. Analizando e desaroyo di tur e weganan hunga siman pasa, mester bisa cu SV Britannia ya a clasifica pa e playoffnan final pa loke ta e campeonato 2010 - 2011, esaki hunto cu RCA. Mester bisa cu e clasificacion ta e di number diez pa e muchanan di Piedra Plat anto consecutivo. Pa loke ta e prestacion di Britannia den e diez a単anan nos tin cu bisa cu nan a sali 3 biaha campeon, 5 biaha sub-campeon y 1 biaha na di tercer

lugar, esaki sigur ta un tremendo logro sin duda algun, esaki ta muestra di un trabao sublime y duro di henter un organizacion y su hendenan. Den e wega di siman pasa, Britannia a logra un victoria di 2 0 contra di Riverplate, kizas den e wega contra di Sporting, un bon oportunidad di purba algun hungador suplente, sin balota Sporting, kendenan sigur mester di e puntonan pa mantene nan mes den futbol Division di Honor. No laga niun hende contabo con e wega bai, presenta na stadion di Guillermo Trinidad, diasabra atardi y mira e candeloso partido aki. \Un invitacion cordial ta bai na henter e pueblo di Piedra Plat pa bin apoya e muchanan di Britannia. E pumanan lo bin brabo, pues prepara, Gggrrrrrrrrrr!!

Amazonia Churrascaria a sirbi fielmente como anfitrion di e grupo mientras cu Gerente di Area Joni Perala y su representantenan Louise Olsson y Maritza

Hennings a contesta pregunta y a reserva giranan. E siman aki, celebrando e final di e temporada di winter, e restaurant a ricibi e ultimo orientacion, contento di por ricibi e

bon noticia cu Thomas Cook charters lo ta regresando pa fin di e a単a aki y resumiendo e programa pa e siguiente winter. Aki por mira e representantenan di Thomas Cook na Amazonia.

Rage Silver a contribui na e evento di recauda fondo Man Na Curazon di fin di siman ultimo STA. CRUZ -- Man Na Curazon, un radio y telethon sumamente exitoso, a recauda fondo pa un fundacion caritativo local, esta Fundacion pa nos Comunidad, den fin di siman ultimo. E evento di recauda fondo a tuma lugar na e South Beach Centre y a ricibi e colaboracion entusiastico di e tiendanan den e mall. Rage Silver, un bunita tienda di joyas na South Beach Centre, a contribui na e show di moda cu modelonan masculino y femenino sexy, practicamente cubri cu banchinan, cadenanan, renchi- y renchinan di horea di plata, cualnan a luci contra bistinan completamente blanco. E show a wordo ricibi sumamente bon y a yuda e fundacion logra su meta

di mas di 250 mil florin pa e a単a aki. Bishita e tienda na e South Beach Centre. E ta habri diariamente di

3 pa 10 pm, y tambe ta conta cu un coleccion grandi di kraalchinan di Camilia.