CAFT a duna compliment cu e debe di Aruba a cuminza baha
9 AÑA DI PRISON EXIGI PA TABATA CU A ABUSA DI SU YIU MUHER DI 4 AÑA
“Nos Gobierno semper a trata sindicatonan cu respet pasobra nan ta representa nos empleadonan publico”
PROME MINISTER A REUNI CU SADA
RIBA E TEMA DI COMBINA TRABOU DI SINDICATO CU ESUN DI ADUANA
Gobierno ta trahando hunto cu sindicatonan riba un maneho uniforme
Diahuebs ultimo dia 12 di september Prome Minister Evelyn WeverCroes a reuni cu sindicato di Aduana, SADA. Ya pa algun tempo Gobierno ta trahando riba un maneho uniforme pa
cu e sindicatonan cu ta representa empleadonan publico.
Na e momento aki Gobierno no tin un maneho uniforme cu tur sindicato. Por ehempel tin
algun sindicato ta haya mas dia liber cu un otro pa atende trabounan di sindicato. Gobierno ta trahando actualmente riba un maneho uniforme pa por duna cada un e mesun derecho, dependiendo con grandi e grupo di miembro ta cu nan ta representa. Asina cada sindicato lo haya un cierto cantidad di dia aloca pa trabounan di sindicato.
Prome Minister ta indica cu ta importante pa den cuadro di e preparacion di e maneho por scucha opinion di cada sindicato
pa cual motibo a tene e reunion diahuebs cu SADA pa asina scucha nan punto di bista y dialoga riba e ehecucion di nan trabou ta como sindicato.
“Gabinete Wever-Croes I y II semper a pone hopi atencion na e relacion cu sindicatonan y nos ta trata sindicatonan semper cu respet pasobra nan ta representa nos empleadonan publico. E respet ta mutuo y ta asina so ta logra traha na bienestar di e empleadonan. Ta importante pa nos como Gobierno percura pa tur
sindicato por eherce nan trabou di sindicato.
Nos como Gobierno ta reconoce cu e trabou di sindicato ta importante y lo percura pa tur sindicato por eherce nan trabou corectamente. A trata di un bon reunion. Nos meta ta pa pronto keda cla cu e maneho total pa asina tur sindicato cu ta representa empleadonan publico por representa nan miembronan na e miho manera posibel”, Prome Minister a expresa.
Diahuebs atardi a drenta informe di un accidente na e crusada banda di Cede di M.E.P. na Santa Cruz, mesora a dirigi un patruya na e sitio. Na yegada di e patruya a bin compronde cu e auto preto a sali dilanti e auto oranje sin a dun'e preferencia y a bay dal riba dje. Afortunadamente ningun hende a resulta herida.
Nos NO ta tolera violencia
POLIS CU ADVERTENCIA SERIO
TOCANTE
REDNAN SOCIAL
MACUARIMA, ARUBA:
Den e ultimo dianan Cuerpo Policial di Aruba a bin ta tuma nota di un pagina social riba Instagram cu yama “auaconfessions2.0”.
Den un forma anonimo cierto commentarionan ta wordo publica riba e pagina aki.
Nos a tuma nota di cierto
commentarionan cu por ta castigabel pa ley y cu por tin consecuencia grave pa esnan cu ta publica e commentarionan aki como tame pa e moderador di e pagina aki.
Cuerpo Policial di Aruba ta manda un advertencia fuerte na cualkier persona cu ta usa e rednan social cu no lo tolera tipo di
commentarionan cu contenido di violencia mirando cu esaki por tin consecuencia serio y negativo pa esnan envolvi.
Cuerpo Policial na su turno tin atencion riba tipo di paginanan aki cu nan contenido cu por ta castigabel pa ley manera menciona y sigur lo bai actua contra esakinan.
MINISTER MADURO DI CULTURA TA INVITA PUEBLO PA PASA ADMIRA E MONUMENTONAN
DEN PLAYA RIBA DIA DI MONUMENTO
Diadomingo awo ta Dia di Monumento y pa e ocasion aki Monumenten Fonds Aruba ta habri porta di 13 monumento den Playa pa asina nos tur por haya sa mas di e historia cu cada
un ta conta nos.
Pa nos muchanan tin un paspoort special pa asina haya stempel na cada monumento cu ta duna chens despues pa participa
pa gana premio. Nos ta cuminsa 10 or na e Casita Geel na Weststraat 15.
Tur hende ta bon bini di 10 or pa 3 or pa admira e
monumentonan y di 3 or pa 5 or por disfruta di e dushi ambiente final na Postkantoor na unda lo saca premio den ambiente di Tsunami.
Pa mas informcion mira e FB di Stichting Monumenten Fonds Aruba y www. openmonumentendag.nl.
Noticia di Corte
9 aña di prison exigi pa tabata cu a abusa di su yiu muher di 4 aña -1-
Awe mainta Corte di Husticia a trata e caso penal cu Ministerio Publico a cuminsa contra e homber Americano J. (30). E ta wordo acusa di a abusa di su mesun yiu muher pa añanan largo.
SOLO DI PUEBLO por a compronde cu for tempo cu e mucha di 4 aña el a bira victima di abuso di su tata.
ACUSACIONNAN
E acusacionnan cu Fiscal a presenta contra J. ta cu el a viola su yiu muher cu na 2015 tabatin 4 aña y cu e abusonan tabata entre 2015 y Augustus 2023, ora cu e yiu muher a dicidi di conta su mama kico tur a pasa. Tambe Fiscal ta acusa J. di a mishi na partinan intimo di e mucha y a tene relacion sexual cun’e. Fiscal tambe ta acusa J. di a tacha integridad di e mucha.
TATA TA NENGA
Ora Hues a puntra J. kico e kier bisa di e acusacion, el a bisa cu e no a haci nada. El a bisa cu tur dia e cu su yiu muher ta comunica cu otro via mensahe. El a bisa cu e nunca el a forza su yiu haci nada. El a bisa cu tabatin biaha cu su yiu a bis’e cu e kier mata su curpa. J. tabata preocupa. Segun J., ora e yiu no tabata bay mas serca dje, el a puntra pakico y hasta e tabatin un discusion cu e mama riba esaki.
El a bisa cu si e tabatin relacion cu su yiu, e mucha mester a sangra y e mama lo a ripara. El a nenga categoricamente di a abusa di su yiu. Den sala di Corte tabata presente e mama di e mucha G., acompaña pa un familiar. E ta na estado y durante tratamento di e caso por a ripara cu e tabata yora hopi y cu hopi duele. El a hasta pidi Hues pa lesa su declaracion cu el a trece pa lesa den Corte, pasobra e no por expresa su mes.
Mama di e mucha a bisa cu G. a bis’e cu su tata J. a abusa di dje pa un tempo largo. YIU TA CONTA POLIS TUR COS
Ta asina cu e mama di e mucha a bisa cu G. a bis’e cu su tata J. a abusa di dje pa un tempo largo. E mama a bay Polis pa haci denuncia. E mucha G. a bisa Polis cu tempo cu e tabatin 4 aña, J. a cuminsa mishi cun’e. E mucha a bisa cu tur biaha cu e tabata serca su tata weekend, e abuso tabata sosode. Promer biaha esaki a sosode na cas di e abuela, caminda e tata tabata biba. Segun e mucha, tur ora J. tabata forc’e pa mishi na su partinan intimo of e mucha tin cu mishi cu su tata. E tabata drumi riba cama cu su tata. E mucha a bisa cu tempo e tabatin 5 aña, su tata a penetr’e. El a haya hopi dolor y a haya manera un black out, no corda kico a pasa. El a bisa cu su tata a bis’e pa no bisa
ningun hende. Segun e mucha, cada biaha cu e bay serca su tata, su tata tabata abusa di dje. Desde su 5 aña te cu e tin 11 aña na 2023, e tata tabata abusa di dje. El a bisa cu e no a bisa ningun hende pasobra e no sa cu hende lo kere loke e ta bisa. E abuela a fayece y e tata a bay den un apartamento y e yiu muher tabata bay serca dje. Den apartamento tambe abusonan tabata sosode. E mucha a bisa cu ora J. force e tabata push’e y bis’e cu e no kier pero J. ta sigui. E mucha a bisa cu e tata tabata laga su yiu haci test pa mira si e ta na estado. Regularmente e tabata laga su yiu haci test y a cumpra pildernan di abortus pa evita cu e yiu ta sali na estado.
HUES A LESA CARTA DI MAMA
Hues a lesa e carta di e mama, kende tabata hopi emociona. E mama den e carta ta expresa cu no tin palabra pa loke J. a haci cu mi yiu. No tin pordon. Mi ta admira mi yiu su valentia di papia kico a pasa cun’e. E tabatin miedo cu hende ta kere cu e ta gaña. Pesey e no kier a papia.
El a confia den hende cu a abusa di dje. Mi ta pidi castigo pa J. pa loke el a haci pa nunca e haci algo asina. Mi yiu nunca lo no lubida. Mi yiu kier pa tur cos caba. E mama a bisa cu nunca lo mi pordona J.
señora(47) transporta den estado critico pa hospitaal; despues di a wordo gedal pa auto
Zeewijk - Diabierna mainta trempan polis a wordo manda pazuid di e Santana na Zeewijk; unda cu auto a dal un persona.
Na yegada di polis; ambulance ya tawata na e sitio tratando e persona cu a resulta di ta un señora. E situacion di e señora tawata hopi serio. Rapidamente Paramediconan a prepara e señora mirando cu e la ricibi hopi golpi.
Cu urgencia den e drukte di mainta e ambulance a sali direccion Hospitaal cu e señora(47).
Na Hospitaal ya tawata tin un team cla wardando e victima. Despues di tratamento specialisa e la wordo interna den intensive care unit(ICU); unda cu ta monitoriando su situacion cu ta grave.
Departamento di trafico y tamve Departamento tecnico a presenta pazuid di e santana, unda cu e caminda a wordo cera pa haci nan investigacion.
Con e accidente a sosode, no ta mucho cla. Locual nos por a mira un pickup Dodge y un
bicicleta benta. Tambe por a mira sapatonan y algun pertenencia mas di e victima cu a keda atras despues di e accidente.
Minister Endy Croes: PABIEN NA E BARIO DI SAN NICOLAS CU E BUNITA PROYECTO NA RODGER’S BEACH
Diaranson anochi, a tuma luga ceremonia oficial di “groundbreaking” di e proyecto di embeyecemento di Rodger’s Beach. Minister Endy Croes hunto cu colega Minister Evelyn WeverCroes, Minister Dangui Oduber, Minister Xiomara Maduro, miembronan di Parlamento di Aruba y demas invitado special tabata presente na e ocasion aki.
CEO di ATA Sra. Ronella Croes tambe a hiba palabra e anochi aki. “Nos a ricibi bunita presentacion di e proyecto y mi kier a felicita colega Minister Dangui Oduber cu su vision. Palabra di pabien na su ekipo y ATA cu a haci tur
esfuerso pa inverti den e proyecto aki” e mandatario di Enseñansa y Deporte a subraya.
Tambe ta gradici e ministernan cu a duna nan aporte y bendicion pa por realisa e proyecto aki. Esaki ta forma parti integral di e masterplan di Seroe Colorado. Ta kita e asfalt y lo duna naturalesa bek su luga y asina crea mas espacio riba beach pa nos hendenan por recrea. Nos ta papia di un inversion di alrededor di 3.6 miyon florin. “Pabien na Gabinete Wever – Croes II, ATA y tur stakeholder cu e bunita proyecto aki”, Minister Endy Croes a conclui.
9 aña di prison exigi pa tabata cu a abusa di su yiu muher di 4 aña-2-
FISCAL
Fiscal a cuminsa cu un frase di psycologia: Mi no por pensa ningun necesidad mas grandi den un infancia, cu ta e necesidad di un tata. E ta haya e caso serio caminda un tata ta abusa di su yiu muher menor di edad y haci actonan inmoral. Den casonan asina tin solamente e sospechoso y e victima. Den e caso aki, e sospechoso ta nenga. Ta solamente tin declaracion di e victima. Segun ley penal cu mester busca pruebanan di sosten pasobra declaracion di e victima so no ta suficiente. Fiscal ta haya cu e declaracion di e mucha ta confiabel y tin suficiente prueba di sosten.
TATA TA CULPABEL
Fiscal a bisa cu 8 November 2023, e mucha G.
a conta su mama con su tata J. tabata abusa di dje pa añanan largo. Fiscal ta haya cu tin varios cos cu e mucha ta declara, ta cuadra cu loke e tata ta papia. Entre otro cu el a haya cacho for di e tata. E tata a confirma esaki. E mucha a bisa cu su tata tabata cumpra test di estado pa asina cumpra pilder di abortus pa stop e mucha di sali na estado. E mensahenan di whatsapp entre J. y e mucha, ta confirma e mucha su declaracion. Tin momento cu diferente biaha e tata tabata puntra e yiu si el a haya menstruation. Fiscal ta haya cu e tata tabata haci esaki, pa segura cu su yiu no ta sali na estado di dje. E mucha ta papia cu desde 4 aña y promer cu el a haci 12 aña, el a wordo abusa door di su tata. Fiscal a referi na un caso 2 aña pasa, caminda el a atende e caso
Minister Rocco Tjon:
cu ta similar. Pa añas largo e homber tabata abusa di e mucha y ningun hende a ripara.
EXIGI CASTIGO
Fiscal ta haya cu e mucha G., mester por tabata sinti’e sigur den apartamento serca su tata. Esey no a sosode y J. a afecta e mucha. Esaki por stroba e desaroyo di e mucha den su bida. E por ocasiona problemanan serio emocional pa e victima. Fiscal a tuma J. na malo, cu e no ta asumi su responsabilidad. El a mustra cu na 2022, tabatin un caso similar caminda a condena e acusado na 9 aña di prison.
Fiscal a exigi 9 anja di prison. Hues, despues di a scucha defensa di abogado, a sera tratamento di e caso y a bisa cu lo bay studia e caso y dia 4 October pa 8.15 lo tin sentencia.
di dos sesion inFormatiVo pa eKipo
di brandWeer un exito rotundo
- Recientemente, Minister di Husticia y Asuntonan Social sr. Rocco Tjon tawata presente na e di dos sesion di informacion pa Brandweer, caminda a brinda diferente tipo di informacion na un sala yen di miembronan di e ekipo dinamico aki.
Manera ta conoci, for di inicio di Gabinete
Wever-Croes II, a inverti hopi pa loke ta trata material, truck, como tambe infrastructura.
Asina por bisa cu, a renoba e post di Brandweer na San Nicolas esta Post Sierra, e destaho pa post Oscar, cual ta situa na Aeropuerto ta andando, caminda a aloca cinco miyon florin pa henter e renobacion aki. Alabes, a cumpra cuater
truck nobo como tambe tur e materialnan cu e Bomberonan tin mester pa nan por eherce nan trabou na un manera mas sigur.
Banda di esaki, minister Tjon a elabora riba e importancia di percura pa e mehoracionnan desea den e organisacion tambe wordo ehecuta. Pa logra cumpli cu esaki, conseho di minister a tuma e decision pa recluta señor Mark van Akken, pa un periodo di tres luna. Sr. van Akken, den combersacion cu sindicato y tur e Bomberonan, a scirbi un plan di mehoracion cu ta enfoca riba tur aspecto, entre otro personal, infrastructura, material, funcionnan cu mester wordo yena lo mas lihe cu
ta posibel pa por cumpli cu tur norma y reglanan. Tambe, a percura pa bin cu un comandante nobo, esta sr. Johannes de Haas, pa e dos añanan nos dilanti pa e por ehecuta e plan di mehoracion cu a wordo presenta.
Por ultimo, e mandatario a expresa cu e ta sumamente satisfecho di e feedback
cu a ricibi for di e ekipo di Bomberonan, kende tambe ta contribui cu nan ideanan pa asina percura cu e plan di mehoracion wordo adapta consecuentemente. E fondonan necesario ya caba a wordo aloca pa asina por ehecuta e prome puntonan di e plan di mehoracion aki.
Secretario General di Mep:
PARTIDO MEP A INICIA SU CAMPAÑA
2024 DEN UN FORMA GIGANTESCO
: Diamars anochi, Partido Movimiento Electoral di Pueblo (MEP) a start su campaña pa eleccion 2024 den su programa rutinario, esta Ban Topa den Centro di Bario Lago Heights na San Nicolas. Cu esaki, partido MEP a duna inicio na e temporada cortico cu lo conduci na eleccion dia 6 di december binidero.
E anochi aki, den un Centro di Bario
completamente yen lider di partido Sra. Evelyn Wever-Croes y e candidatonan: Sr. Erich Genser, Sr. Alvin Molina, Sr. Glenbert Croes y Sr. Dangui Oduber a comparti informacion valioso cu e habitantenan di e logronan y vision pa San Nicolas. Door di ultimo acontecimentonan den un rato di ora e sostenedonan a mobilisa y duna nan compromiso cu nan lo bay urna electoral pa
“Masha danki na tur e sostenedonan pa acudi y hunto nos lo percura pa un victoria aplastante 6 di december proximo. Pa asina MEP como un partido solido y responsabel sigui maneha y goberna e pais aki. Danki di curason na tur cu tabata presente”, Endy Croes a finalisa.
ARUbA A CONOCE UN OTRO MIyONARIO CU LOTTO!
ruba – 13 di september, 2024: Diabierna anochi 6 di september tabata tin e sorteo miyonario di Mini Mega y Mega Plus. E numbernan ganado cu a sali e anochi ey ta: 14-19-24-26 y e Mega Ball: 01 y manera e resultado a wordo procesa a bin haya sa cu tin 1 solo ticket ganado cu a gana full e jackpot di Mini Mega y Mega Plus cu tabata na 1 miyon 725 mil florin y a wordo bendi na Lucky Dragon 2 na Bubali.
Awe diabierna, Aruba ta sera conoci cu e un otro feliz miyonario di Aruba cu Lotto, e loteria di Aruba. E feliz ganado a presenta na oficina di Lotto na Paardenbaaistraat 10 pa cobra e premio grandi aki cu el a gana
cumprando numbernan loco.
Giselle a conta cu den pura el a cumpra su ticket di Mini Mega y Mega Plus diabierna pa asina e tambe por ta den wega y a pidi numbernan loco cu a bira e numbernan miyonario. Na juni ultimo tabata tin e prome miyonario di 2024 cu a ser gana cu numbernan loco cu e wega di Mini Mega y Mega Plus na Rockies Lottery Dakota. Despues na juli tabata tin un otro premio miyonario di Lotto 5 cu a wordo gana di e suma di 1 miyon 650 mil florin y e ticket ganado a wordo cumpra na Sunshine Lottery pero e premio aki no a wordo cobra ainda y Lotto ta wardando e miyonario pa busca su premio.
Lotto, E Loteria di Aruba tin diferente wega, Catochi, Big 4, 1-OFF, Zodiac, Wega di Number di Korsou di Lotto, Lucky 3, Multi-X, Lotto di Dia, Lotto 5, Mini Mega y cu su Mega Plus y e diferente weganan di Raspa y Gana y
Instacash. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
duna MEP un mandato cla.
A.T.A.: AuTenTico ArubA culinAry FesTivAl TA iniciA cu compeTenciA
enTre sTudiAnTenAn di epi y epb
‘Na caminda pa Iron Chef Competition na The Pavillion den Wilhelminastraat
Aruba Tourism Authority (A.T.A.) como parti di e “Autentico Aruba Culinary Festival” a presenta un competencia culinario entre studiantenan di EPB y EPI na EPB Oranjestad. Un competencia cu a provee studiantenan e oportunidad pa traha di cerca cu chefnan profesional y pa experiencia e presion di un competencia culinario den bida real. Un total di seis studiante a wordo selecta pa asisti tres chef local durante e competencia di Iron Chef 2024, dia 13 di oktober na The Pavilion den Wilhelminastraat.
E huradonan di e competencia tabata Chef Juan Ludeña di Papilon Restaurant, Chef de Cuisine
Jeanclaude Werleman di Infini Aruba, y Sous Chef Moises Ramirez di Lima Bistro. Nan a fungi como hurado durante di e competencia entre studiantenan na EPB Hato. Esakinan ta e tres chefnan local cu porcierto lo ta esnan competiendo durante di Iron Chef 2024.
Despues cu e studiantenan a presenta tres serie di cuminda, e momento final a yega pa scoge e seis studiantenan cu lo bai asisti durante di Iron Chef 2024. Ganadornan a keda den nomber di Micheal Padron, Kahlil Mullers, Shandon Helder, Jayden Heyden, Dylan Cardona, Annie Ortega. Nos ta ansioso pa mira nan asistencia riba e podio principal durante di “Autentico Aruba Culinary Festival”, un combinacion di studiante di EPB y EPI.
E invitacion ta keda na e comunidad di Aruba pa bin presencia The Pavilion den Wilhelminastraat dia 12 y 13 di oktober den e area historico di Wilhelminastraat den centro di Oranjestad. Bishitantenan di e festival lo bai gosa di Aruba su producto culinario cu ta uno diverso. E festival ta un celebracion di e producto culinario varia di e isla, cu a ser crea y inspira pa entre otro chefnan local. Cu pasion pa gastronomia, e local como e bishitante di e isla lo tin e oportunidad pa descubri diferente restorant y sabornan nobo durante e siman di evento.
Calendario:
Autentico Restaurant Week lo tuma lugar entre 7 cu 11 di oktober. Durante e prome parti di e siman, diferente restorant participante lo presenta menu special, descuento, of organisa nan propio evento culinario.
Dia 12 di oktober, lo percura pa un escena culinario diverso durante di e The Pavilion den Wilhelminastraat. Riba e dia aki tambe lo por presencia e competencia di Bartender’s Brawl.
Dia 13 di oktober, lo percura pa un escena culinario diverso durante di e The Pavilion den Wilhelminastraat. Alabes, lo bai presencia tres chefnan local cu lo bai competi den Iron Chef 2024 riba e podio principal. Caminda cu cada chef lo wordo asisti pa studiantenan culinario di EPI y EPB, demostrando nan abilidad bou di presion.
Informacion di Ticket
Ticketnan ya ta disponibel riba www. autenticofestival.com. Por cumpra bo Weekend Pass na balor di AWG. 54, esaki lo inclui un credito di F&B na balor di AWG. 30. Of por cumpra e Day Pass na balor di AWG. 36, esaki lo inclui un credito di F&B na balor di AWG. 20. Cada ticket lo inclui un glas reusabel, credito di F&B, entrada na e Bartender Brawl dia 12 di oktober, y e competentcia di Iron Chef 2024 dia 13 di oktober.
Credito no usa lo bai como donacion na un bon causa.
Sigui Autentico Aruba Culinary Festival riba Facebook, Instagram, y www.autenticofestival. com pa mas informacion.
Tocante Aruba Tourism Authority (A.T.A.)
Desde 1 di januari 2011, Aruba Tourism Authority ta opera como un entidad ‘Sui Generis’. Un organizacion independiente den e
esfera publico. Aruba Tourism Authority ta fungi como ‘Destination Marketing and Management Organization (DMMO)’ y ta responsabel pa uni interes turistico entre socionan local e internacional. A.T.A. ta pone hopi enfasis riba e modelo di “High Value-Low Impact” cu ta pone enfasis pa mehora y mantene esfuerzonan pa logra e balans entre cuater pilar: ‘Calidad di Bida di e Residente’, ‘Calidad di Experiencia di e Bishitante’, ‘Proteccion y Preservacion di Naturalesa & Medio Ambiente’, y ‘Contribucion Economico na nos isla’. Ta enfoca na atrae e bishitante cu lo inverti mas (calidad en bes di cantidad mirando cu capacidad di carga ta sigui ricibi atencion di parti di A.T.A.), lo aumenta e balor economico di e bishitante, posiciona Aruba como un pais desea y sostenibel, y posiciona Aruba como lider di desaroyo como un destinacion.
Despues di dos aña di proceso
SALARIO MINIMO PA ORA TA APROBA
Despues di dos aña di proceso SALARIO MINIMO PA ORA TA APROBAOranjestad, 13 september 2024. Minister di Labor Sr. Glenbert Croes ta anuncia cu hopi orguyo cu despues di dos aña di trayectoria, Conseho di Minister di Gobierno di Aruba a aproba salario mínimo pa ora. Un aumento cu lo beneficia significativamente tur trahado aki na Aruba. E cambio
aki ta resultado di hopi analisis y investigacion cu a inicia na 2022 y ta drenta na vigor 1 di januari 2025.
Salario minimo pa ora ta representa progreso importante pa un salario mas husto. Te cu dia di awe, tur trahado tabata cobra e mes un salario independientemente di cuanto ora pa siman nan traha. Pero awo, cu e
implementacion di e salario minimo pa ora, esaki ta bay garantisa un aumento substancial, mehorando directamente e condicionnan laboral. Cuminsando 1 di januari 2025, tur trahado cu ta traha 40 ora pa siman lo haya un aumento di Afl 20.85 kedando cu un salario mensual di AWG 2007.05 compara cu AWG 1986.20. E trahado cu ta traha 45 ora pa siman lo ricibi un aumento di AWG 271.73 kedando cu un salario mensual di Afl 2257.93 compara cu AWG 1986.20:
Minimumloon (A.B. 1989 No. GT.26), Directie Arbeid & Onderzoek
“Esaki ta un hecho importante pa e husticia laboral pa nos trahadonan. E aprobacion di e salario mínimo
pa ora ta reconoce e balor di tempo y esfuerso di nos trahadonan”. Minister Croes a afirma, “ Nos ta comprometi cu sigui mehora e condicionnan laboral di nos trahadonan y esaki ta un muestra di nos dedicacion y esfuerso semper luchando continuamente pa nos pueblo trahador”. E obhetivo di e aumento aki no solamente ta pa duna un pago husto pa e cantidad di ora cu a traha, pero tambe pa fomenta un entorno laboral husto y productivo. E salario minimo pa ora ta permiti tur trahado, specialmente esunnan cu ta traha den mundo di Horeca, por ricibi un pago proporcional na su oranan real di trabou, reflehando di manera husto su dedicacion y esfuerso.
MINISTeR dI FINANSA TeNe ReuNION
POSITIvO
cu cAFT RIBA MehORAcION dI FINANSA PuBLIcO dI ARuBA
CAFT a duna compliment cu e debe di Aruba a cuminza baha
Minister di Finansa a tene un reunion diabierna mainta cu e Colegio di Supervición Financiero (CAFT) pa discuti e trabounan cu ta wordo haci pa mehora e finansa publico di Aruba. E prome reunion aki tabata na presencia di Marion Agumbero, e miembro nobo di CAFT pa Aruba. Durante e reunion, tabatin discusión riba
maneho financiero y supervicion financiero, y CAFT a ricibi un bista di e esfuerzonan cu ta wordo haci pa e gobierno logra un mejor manejo di dividendo y participacion. E reunion tabata positivo, y CAFT a duna cumplimentonan pa e mehoracion den e presupuestonan y tambe pa e reduccion acelerá di e debe di Pais Aruba.
Press Release: SISSTEM Bachelor Thesis
Defense Explores COVID-19’s Impact on Aruba’s Food Production
[Oranjestad, Sep 13] –On August 30, Alejandra Moreno Ramirez presented her thesis titled "The Effects of the COVID-19 Pandemic on Aruba’s Food Production," offering valuable insights into how the global pandemic influenced food security on the island. The research examined how food insecurity worsened worldwide during the COVID-19 pandemic, including in small island economies like Aruba. Relying on literature reviews, survey responses from the World Food Programme (WFP), and interviews with local stakeholders, the study uncovers how the Aruban population adapted to disrupted food supply chains. A significant finding of the research is that, in response to the crisis,
many Arubans began growing their own food locally, despite the island’s challenging environmental conditions for agriculture.
While local food production increased, the study also highlights that Aruba’s overall food security is maintained primarily through its purchasing power.
The island heavily relies on food imports, making economic factors a key element of its resilience. The research also calls attention to the importance of technological solutions in making local food production sustainable.
"This research shows that while Aruba responded resourcefully to the crisis, the key to long-term food security will be innovation and investment in sustainable
agriculture," Alejandra explained.
For more information on the research, please contact SISSTEM at stem@ua.aw.
Rosario Bibo dialuna 16 di
september na Alto Vista
Dialuna awo 16 di september lo tin otro Rosario Bibo na Kapel di Alto Vista cuminsando pa 7 or y mey di anochi.
Comision organisado ta invita hoben y adulto pa bin resa hunto pa diferente intencion. Cada persona por presenta su intencion personal y tambe lo resa pa algun intencion general manera pa felicidad den pa cada hogar na Aruba, pa tur hoben haya bon guia na cas di nan mayornan, pa e maestronan yuda tur mucha, grandi y chikito, den nan enseñanza na scol. Lo resa pa tur enfermo, adulto mayor, esnan cu limitacion fisico of mental
pa nan no perde speransa y acepta Dios su santa boluntad.
Un y tur ta keda invita pa
asisti na e Rosario Bibo dialuna awo, 16 di september na kapel di Alto Vista pa 7 or y mey di anochi.
ORACION PA NOS GRANDINAN 2023
Tata Todopoderoso, acepta e cruz di mi edad y e peso di e dianan aki.
Den bo misericordia, Bo a laga mi jega te na e bunita edad di 81 aña awe. Compaña mi awor ora mi curpa no ta obedece mi mas. Laga bo gracia sea mi garoti y bo bendicion forsa di mi pianan, bo palabra luz di mi wowonan. Señor, laga mi curazon bati pa Bo so, te na momento cu Bo ta determina, y haci mi alma sinti y disfruta di bo Bendishon Gracia Pordon y bo Amor.
Cu conformidad mi ta acepta e cruz di mi malesanan y di tur e sufrimentonan. Aki mi ta ofrese Bo como ofrenda, pa gradici Bo mi bida y pa pidi Bo bendicion, pa mi famia y mundo henter. Bendiciona Bo ta, Señor pa tur e dianan cu mi a mira e Solo sali mainta y baha tur atardi,
Bendiciona Bo ta, pa bo amor y misericordia cu a compaña mi henter mi bida; Bendiciona Bo ta, mi Dios tata Poderoso, pa tur locual cu Bo a permiti mi haci y keda sin haci. Awor duna mi, forsa y pasenshi den mi debelidad, di sigui Bo cu fieldad
Na tur mi fanaticada. Cu aña 2024 Dios sa di Bendiciona Boso RICAMENTE.
Hiacintha Thijsen Trimoñ
SER i Cft ta dialogá R iba REtonan SoS io E konómiko i finanSi ERo
Willemstad, 13 di sèptèmber 2024 – Konseho Sosial Ekonómiko (SER) i Kolegio di Supervishon Finansiero (Cft) a tene un reunion konstruktivo djárason 11 di sèptèmber último pa analisá e retonan sosioekonómiko i finansiero ku e isla ta enfrentá. Durante e enkuentro, a enfatisá e nesesidat pa implementá reformanan struktural ku ta ahustá na e konteksto lokal spesífiko di Kòrsou, meskos e importansia di garantisá disiplina presupuestario. Tur dos institushon a suprayá e relevansia di promové un kresementu ekonómiko balansá i di mantené finansa públiko sólido. A akordá pa kontinuá ku e kolaborashon fruktífero pa sigui kontribuí na e stabilidat sosioekonómiko i fiskal di e isla.
Riba potrèt, di robes pa drechi: Sr. Raúl Henríquez, Sr. Johannes Franciscus Hoogervorst, miembro di e kolegio na nòmber di Hulanda, Sra. Julisa Frans, miembro di e kolegio na nòmber di Sint Maarten,
Sr. John Jacobs, Sra. Lidewijde Ongering presidente di Cft y Sr. Han van Midden, sekretario di Cft
Adicto ambulante a horta yerba artificial for di un cafe y a bay pone na su pleki di drumi
Diahuebs atardi a drenta informe di un caso di ladronicia for di Sandra’s Bistro den J.G. Emanstraat, mesora a dirigi un patruya na e sitio.
Na yegada di e patruya a bin conpronde cu un adicto
ambulante lo a horta un pida yerba artificial di dilanti e luga y a bay pone
banda di su pleki di drumi. Polis a tuma e keho y a pasa esaki pa recherche.
Impacto di COVID-19 riba Aruba su Produccion di Cuminda
ORANJESTAD - Dia 30 di augustus, Alejandra Moreno Ramírez a presenta su tesis titula " The Effects of the COVID-19 Pandemic on Aruba’s Food Production," cu ta ofrece informacion valioso riba con e pandemia mundial a influencia e siguridad alimentario na e isla.
E investigacion a examina con inseguridad alimentario a empeora rond mundo
durante e pandemia di COVID-19, hasta den e economia chikito di e islanan manera Aruba.
Basa riba revisionnan bibliografico, contesta na encuestanan di e Programa Mundial di Alimento (PMA) y entrevistanan cu interesadonan local, e estudio ta revela con e poblacion di Aruba a adapta na un cadena di suministro di cum-
inda interumpi. A descubri algo importante durante di e investigashon. Esey ta e reaccion riba e crisis. Hopi arubano a cuminsa cultiva nan propio cuminda, apesar di e condicionnan ambiental desafiante di e isla pa agricultura.
Mientras cu e produccion local di cuminda a aumenta, E estudio ta destaca tambe cu e seguridad alimentario
general di Aruba ta keda mantene principalmente pa medio di su poder di compra. E isla ta depende hopi di importacion di cuminda, loke ta haci factornan economico un elemento clave di su resiliencia. Investigacion tambe a trece dilanti e importancia di busca solucionnan tecnologico pa haci produccion local di cuminda sostenibel.
"E investigacion aki ta mustra cu, aunke Aruba a reaciona di manera creativo cu e recurso cu e tin durante e crisis, e yabi di siguridad alimentario a largo plaso ta innovacion y inversion den agricultura sostenibel", Alejandra a splica.
Pa mas informacion tocante e investigacion, comunica cu SISSTEM riba stem@ua.aw
Accidente pa falta di preferencia na e crusada
Caya Frere Alexius cu Frere Vicentius
Diahuebs mainta a drenta informe di un accidente na e crusada Caya Frere Alexius cu Frere Vicentius, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur di un Nissan Sentra bayendo zuid den Caya Frere Alexius no a para pa duna preferencia na e pick-up cu tabata bini na su man drechi. Afortunadamente ningun hende a resulta herida.
Alberto Klaber a caba cu e photoshoot pa Kalender 2025
Despues di varios siman di photoshoot Alberto Klaber di Best Shot by Klaber a keda cla cu e ultimo photoshoot.
Alberto Klaber mester a saca e miho potretnan pa e Kalender 2025.
No ta facil pa saca potret pa un ocasion special, manera e Kalender di Brazil Taekwondo Stichting. E Kalender di Brazil Taekwondo Stichting ta pa recauda fondo y mester tin potret bunita aden. Hopi factor ta hunga un rol manera e camara, tempo, localidad, orario, atletanan y timing perfecto.
rond di Aruba of Internacional pa no tin e mesun cos den e Kalender. Despues di scout e areanan, mester discuti esaki hunto cu e team pa cuminsa saca potret.
Semper ta scout areanan
Awo lo selecta e miho potretnan pa asina entrega esakinan na Master Clifford Rasmijn.
Facilitando scolnan tanki pa awa pa Proyecto di Hardin di Alimentacion
Manera cu ya ta conoci for di varios luna caba Departamento di Agricultura, Cria y Pesca Santa Rosa hunto cu Living Soil Aruba y ministerio di Transporte, Integridad, Naturalesa y Adulto Mayor a efectua e proyecto di Agroforesteria Sintropico na varios scol cu a haya e nomber crioyo di “Hardin di Alimentacion”. Un total di 12 scol a ricibi e proyecto aki. Na tur scol e reto di awa ta keda hunga un rol importante. Sea debi na falta di sistema pa colecta esaki of tambe pa falta di bari of bakinan pa colecta e awa di airco of yobida. Berdad ta tambe cu ta hasi uso di awa di WEB NV pa
muha nan cultivo. E meta ta keda si pa purba na mantene e uzo di awa di WEB NV abou y ora cu di berdad mester.
Practicamente tur scol y localnan ta disponi di airco. Ta simplemente mester wordo adapta pa por colecta e awa aki. Locual ta e colectamento di awasero. tambe tin su retonan pero no imposibel pa por realisa. Durante cu e proyecto di Agro Forestry tabata andando varios docente y cabesantenan involvi tabata boga pa un of otro ayudo pa haya sea bari of tankinan blanco di 1000ltr yama tambe como IBC Container (Intermedi-
ate Bulk Container) pa por cuminsa na colecta awa. Santa Rosa cu ta para pa e Proyecto aki a duna di conoce den e periodo ey cu na momento di tin e tankinan di 1000ltr aki disponible nos lo informa e scolnan. Claro cu nos di Santa Rosa no ta disponi directamente di e tankinan aki pero danki na WEB Aruba NV ta haya algun tanki cu nos por facilita e scolnan pa nan Proyecto. Cumpliendo cu palabracionan y sigur na un mihor forma pa cada scol por colecta awa pa nan “Hofi di Alimentacion”.
Tankinan di 1000ltr a keda entrega na algun scol. Pakico algun scol pa motibo cu segun cu nos ta ricibi esakinan for di WEB Aruba NV y ta depende di e cantidad cu nos ta ricibi nos
por facilita e scolnan cu dos tanki. Dado caso lo mester bai tuma un tempo atrobe te ora cu tin tanki disponibel y cu nos ricibinan for di WEB Aruba NV nos lo por continua cu e otro scolnan cu kisas falta ainda. Scolnan cu a ricibi e tankinan aki pa cu nan Proyecto di “Hardin di Alimentacion ta Puis X School, Sint Paulus School, Colegio Santa Filomena, IPA (Insti-
tuto Pedagogico Arubano) y Maria College. Tur e scolnan aki a ricibi dos tanki for di Deparatamento di Agricultura, Cria y Pesca Santa Rosa y WEB Aruba NV. Nos ta gradici inmensamente WEB Aruba NV pa facilita e tankinan aki cu nos por a reparti pa e scolnan manera menciona. Nos ta hopi sigur cu cada scol lo sa di hasi bon uso di e tankinan aki pa nan proyecto.
Polis a bay Amsterdam Manor pa un dama turista burachi y fastioso
Diahuebs merdia a drenta informe di cu tin un dama burachi haciendo fastioso na Amsterdam Manor, me-
sora a dirigi un patruya na e sitio.
Na yegada di e patruya nan
a bin comprokde cu aki ta trata di un persona special y a atende cun’e pa asina e calma y controla su mes.
Polis specialista di trafico mester a bay pa resolve un accidente cu declaracionnan contradictorio na Solito
Diahuebs atardi a drenta informe di un accidente
na Solito, mesora a dirigi un patruya na e sitio.
Na yegada di e patruya a
bin haya nan mes den un situacion cu declaracionnan contradictorio y a pidi asistencia di un specialista di trafico.
Na yegada di e specialista a resolve e diferencianan Afortunadamente ningun hende a resulta herida.
Un feliz comienso di weekend cu hopi gracia, amor y fe den Señor.
………”No sa sker un pida di un paña nobo pa lapi un bisti bieu”………(Lucas 5, 36)
No ta keda na nos pa husga kico ta bon pa iglesia. Paso Hesucristo ta sacramento di Dios Tata y iglesia ta sacramento di Hesucristo nos Señor.
Cu yudansa di Spirito Santo iglesia ta constantemente den renobacion. Den e cambio aki Dios ta nos refugio y kier reconcilia nos cu n’E. Tradicion tambe ta contene cambionan continuamente. Cu binida di Hesus mes tabata un renobacion di e creacion na bienestar di e humanidad. No ta exclui ma ta inclui tur hende cu tin derechonan di haya salbacion. Esaki ta e aliansa nobo. Ban tene cuenta cu Hesus ta origen di tur cos y acepta fielmente e renobacionnan cu ta necesario pa tur haya bida eterno.
Oracion: Tata Santo nos ta gradici Bo pa un iglesia universal militante y triunfante.
Cu San Miguel Arcangel proteha nos semper na caminda pa cielo, den practica husticia y caridad den nomber di Hesus di Nazaret. Amen