Cu miras riba Tecnologia pa e futuro di e organisacion CUERPO POLICIAL ARUBA TA CELEBRA 38 ANIVERSARIO
MACUARIMA, ARUBA: 16 augustus 2024 Cuerpo Policial Aruba a celebra su 38 aniversario. Awe nos a celebra e gran dia aki cu un Santo Sacrificio di misa na Iglesia Alianza Evangelica na Oranjestad. Den presencia di Minister di Husticia y Asuntonan Social sr. Rocco Tjon, Presidente di Parlamento Sr. Edgar Vrolijk, Procurador Generaal Amalin Flanegin, Hefe di Koninklijke Marechaussee, Hefe di Mareniers Kazerne Savaneta, altocomisario di polis drs. Ramon Arnhem, Staff, personal administrativo, agentenan policial conhuntamenta cu nos pensioenadonan a celebra e dia importante aki.
Alabez tabata tin parlamentario mr. Molina, Tromp y Kamperveen conhuntamente cu Sindicato di Polis korsou y Sindicato di douane di Aruba cu tambe a atende e santo sacrificio.
Den union so nos por a yega 38 aniversario. Trahando hunto cu otro y cu nos partnersnan nos ta mira cu nos a crece den profesionalismo y nos lo sigui padilanti. Tabata altocomisario di Polis durante su speech
Despues di e santo sacrificio tabata tin un koffiemorgen pa asina por a pasa un tempo ameno cu otro y recorda e bon
momentonan pero tambe e momentonan difícil cu KPA a pasa aden. Awendia nos por conta cu mas o menos 530 polis y personal administrativo trahando incansabelmente pa brinda seguridad na nos pueblo. Ta trata aki di hende homber y muhernan balente trahando den 4 districto, cu ta warda di Polis situa na Oranjestad, Noord, San Nicolas y Santa Cruz.
Durante aña nos por conta cu diferente unidadnan special cu ta forma parti di nos organisacion manera: Unidad Motorisa, Unidad Canino, Team di Aresto, Mobiele Eenheid, Duik Team, Kust Surveillance, Helicopter Unit, Surveillance, Team Narcotica, Unit Georganiseerde Criminaliteit, Flex Team, Radarkamer y sin lubida e departamentonan conoci di recherche cu ta bon entrena y capacita pa investiga y soluciona casonan mas complica.
Durante aña Cuerpo
Policial Aruba su nomber ta wordo reconoci cu hopi respet internacionalmente entre otro manera DEA, FBI, RCMP, Force Protection Agency, ACCP y IACP. Tambe trahando den cooperacion estrecho cu Cuerpo di Polis di Reino Hulandes manera, Korps Politie Rotterdam, Rijmond, KLPD, RST,
Korps Poltie Curacao, Korps Politie Caribisch Nederland, Korps Politie Sint Maarten y mucho mas.
Comunidad por ta orguyoso di su Cuerpo Policial Aruba cu su 38 aña di crecemento y lo sigui crece cu bista rib’a futuro.
Pabien na cada un colega policial, staff y personal administrativo cu ta haci nan trabou cu dedicacion, tempo y pasion pa brinda lo mihor pa pais Aruba. Sin lubida danki na cada famia pa nan aprecio, comprencion y sosten na cada polis cu ta sirbi Pais Aruba.
ArubA- Zr.Ms. GroninGen y WArdAcostA tA Asisti boto ribA lAMAn
Diahuebs mainta 15 di augustus, Centro Operacional Maritimo di Wardacosta di Caribe a ricibi un mensahe for di un boto nabegando den awa nan Caribense den necesidad di awa y gasolin. Inmediatamente a tuma contacto cu e barco di Marina Real Hulandes, Zr.Ms. Groningen pa duna asistencia.
Tripulacion di Zr.Ms. Groningen den colaboracion cu miembro nan di Wardacosta,
inmediatamente a tuma contacto cu e base di marina na Savaneta na Aruba pa por suministra un cantidad di awa y gasolin na e boto den necesidad. Despues di a obtene e contenido necesario, a sali inmediatamente den direccion di e boto.
Den ora nan tras di merdia, tripulacion di Marina Real y Wardacosta a yega na e boto den necesidad y di un manera profesional a entrega e awa y gasolin na e dos tripulantenan riba e
boto. Agradecido y alivia, e dos tripulante nan a sigui e ruta di Zr.Ms. Groningen den direccion di Aruba. Miembro nan di inmigracion a controla e boto na momento cu e la yega Aruba.
E barco di Marina Real, Zr.Ms. Groningen ta den region di Caribe for di april y ta traha den colaboracion cu Wardacosta Americano y Wardacosta di Caribe Hulandes. Aparte di e operacion nan contra di traficacion di droga, Zr.Ms. Groningen tambe
ta controla botonan di piscado relaciona cu documentacion di boto y tambe ta asisti cu misionnan di rescate.
Entre aña 2024 y 2025 Gobierno ta aloca mas di 16 miyon florin
un totAl di 20.884 PensionAdo di sVb A HAyA un AuMento di
– Prome Minister Evelyn Wever-Croes a elabora durante Conferencia di Prensa di Gobierno di Aruba diahuebs 16 di juli, riba varios aumento di entrada cu a wordo duna na luna di juli recien. Un di
e aumentonan tawata esun di e reparatietoeslag pa e pensionadonan di SVB.
Prome Minister ta remarca cu e grupo di pensionado cu ta hayando e aumento di e reparatie toeslag ta
un grupo hopi grandi di 20.884 persona cu a haya un aumento di 360fl extra pa aña. Como cu e aña aki e aumento a wordo paga desde juli 2024, e gastonan ta di 3.2 miyon florin y pa aña 2025, cu lo ta un aña completo y tambe ta inclui e bonus di fin di aña, e gastonan lo ta 12.9 miyon florin extra.
“Tin critica den comunidad cu ta bisa cu 360 florin no ta yega pa nada. Pero pa Gobierno por a paga e 360 florin aki mester a aloca
pa e aña aki so, mas di 3 miyon florin y pa aña 2025 esaki lo ta casi 13 miyon florin. Gobierno semper lo sigui traha na bienestar di e pensionadonan di Aruba. Nos no por haci tur cos hunto pero si mi lo sigui bringa pa trece alivio pa cada un di nan", Prome Minister a indica.
MINISTER DI TURISMO TA ORGUYOSO PA ANUNCIA CU AMSTERDAM MANOR BEACH
RESORT ARUBA TA CELEBRA 25 AÑA DI COMPROMISO FIRME
Diaheubs Atardi Minister di Turismo y Salud Publico, Sr. Dangui Oduber a atende e 25 aña di celebracion di Amsterdam Manos Beach Resort (AMBR) cu nan compromiso firme den sostenibilidad y esaki a inclui un decada cu nan demostra di ta un ehempel clave pa un turismo consiente di medio ambiente cu nan “Master Certification di Earthcheck”.
Durante 25 aña, Amsterdam Manos Beach Resort su relacion cu earthcheck no a keda limita na un certificado so, sino a bira un compromiso cu e balornan di sostenibilidad y un maneho responsabel di practicanan cu ta proteha nos medio ambiente. For di e momento cu AMBR a bira e prome resort na Aruba pa haña e prestigioso certificado aki, semper nan a carga esaki como nan identidad y promesa
pa continua den mehora y bira un rol model pa otro resortsnan.
Minister Dangui Oduber ta menciona mirando pa futuro, e vision pa sostenibilidad ta sigui expande. Amsterdam Manor Beach resort ta un bon ehempel con nan a baha gasto nan cu particanan sostenibel manera:
• Preservacion di awa a baha nan consumo general pa 20%.
• Consumo di energia usando e systema di VRF a reduce nan consumo cu 21%.
• Replasando gas y diesel pa e energianan renovabel y usando solar a yuda reduci entre 19 y 21%.
• Residuos di cuminda y practicanan di recicla hunto cu e NGO localnan a yuda baha e cantidad di desperdicio
Minister Oduber a keda impreciona cu tur e
DEN SOSTENIBILIDAD
practicanan cu AMBR ta implenta den nan trabounan diario pa asina demostra cu turismo responsibel por bay man cu man cu e preservacion ambiental. Como minister di turismo su vision ta pa mas hotels y vacation rentals por cuminsa implementa iniciativanan aki pa un turismo mas responsibel y pa promove Aruba como un destinacion cu ta inverti den impacto positivo pa e medio ambiente y naturelsa. Finalmente, Minister Dangui Oduber kier gradici e Managing Director, Jurgen van Schaijk y full su ekipo di Amsterdam Manor Beach Resort pa e invitacion y pa comparti nan contribucion na medio ambiente di e isla. Nos meta mester keda pa guia e responsabilidad di sostenibilidad pa Aruba por tin un turismo
sostinibel.
Minister Dangui Oduber: “Laga nos sigui lidera cu proposito y enfoka ariba un
pais sostenibel pa e futuro generacion por disfruta di dje”.
Mpox declara un estado di eMergencia pa salud publico cu preocupacion internacional
ARUBA- 15 di augustus 2024. Ayera diaranson 14 di augustus e Organisacion di Salud International World Health Organisation (WHO) a bati alarma y declara pa di dos biaha e malesa Mpox (monkeypox) un Estado di Emergencia pa Salud Publico cu mester di Preocupacion Internacional. Tawata na luna di mei 2022 cu WHO a bati alama caba pa motibo cu casonan tawata keda raporta na WHO for di paisnan no endemico pa e virus. Awe na 2024 e situacion actual di Mpox no ta diferente, e virus di Mpox ta plamando su mes rapidamente Oost di Republica di Congo y den diferente otro paisnan bisiña. Notando e rapides cu e virus ta plamando WHO ta precupa cu e virus por sigui plama mas leu cu unicamente Africa y por plama pa otro continentenan tambe. Despues cu ayera WHO a declara un estado di
emergencia pa cu salud publico, awe caba Zweden ta raporta su prome caso importa. Departamento di Salud Publico di Aruba lo sigui monitor di cerca e desaroyo rond di e virus di Mpox y lo sigui informa comunidad debidamente di esaki.
Sintoma
Mpox ta wordo categorisa como un virus cu ta causa sintoma leve. Pa e grupo di riesgo, cu ta mucha, hende muhe na estado of persona cu sistema inmunologico comprimi, e virus por ta peligroso te asta mortal. Sintomanan ta cuminsa cu keintura, dolor di cabes, kliernan hincha y dolor di curpa. Entre 1 te cu 3 dia despues di e keintura, ta aparece un rash cu den mayoria di e casonan ta afecta cara, mannan y pianan. E rash na su turno ta transforma den blaar cu pus aden. Mpox por wordo confundi cu otro malesanan manera
Smallpox, Bruela, of Impetigo, pa cual motibo ta importante pa un persona cu e sintomanan aki tuma contacto cu nan dokter di cas pa testnan nesesario wordo haci y asina wordo corectamente diagnostica.
Contagio
Contagio cu Mpox den paisnan no endemico, ta sosode di hende pa hende pa medio di contacto
directo (close contact) cu un persona infecta. Esaki por sosode atravez di particulanan (droplets) cu e persona infecta, ora di tosa of nister. Tambe bo por keda infecta door di tin contacto cu e likido prosedente di e blarnan presente serca e persona infecta (skin to skin of paña contamina).
Tratamento y vacuna Pa e virus specifico di Mpox no tin vacuna disponibel.
E vacuna contra e virus di smallpox por brinda cierto grado di proteccion pero mundialmente tin scarsedad di e vacuna aki p’esey prevencion ta importante. Tampoco tin tratamento disponibel, unicamente tratamento di sintoma cu ta desaparece dentro di 2 pa maximo 3 siman.
Medidanan di higiena Evita contacto cu hende cu ta sinti malo y laba man regularmente. Na momento cu bo a wordo diagnostica cu Monkeypox bo lo wordo pidi pa bay den den isolasion te na momento cu no tin ningun casca mas prosedente di e blarnan visibel riba e curpa.
Pa mas informacion sigui nos riba Facebook page Directie Volksgezondheid DVG Aruba, subi nos website www.dvg.aw, yama nos na 5224200 of mail nos na servicio@dvg.
Diahuebs anochi nos colaborador a logra capta momento cu polis a para un auto pa un control riba e caminda pa Savaneta, polis a atende cu e chauffeur pa e motibo cu a par'e.
Esaki ta un bon momento pa revisa e documentonan di bo auto y wak si tur cos ta na ordo cu bo auto pa asina bo evita un boet y preveni accidente sosode.
Accidente di cAdenA cu 3 Auto envolvi nA rotonde cumAnA
Diabierna mainta a drenta informe di un accidente na e rotonde Cumana, mesora a dirigi un patruya na e sitio. Na yegada di e patruya a bin compronde cu aki ta trata di un accidente di cadena entre 3 auto unda cu e Honda Life tabata bini cu velocidad halto y a bay dal tras di e Hyundai Getz manda esaki bay dal tras di e Toyota Corolla. Afortunadamente ningun hende a resulta herida.
oficiAlnAn di e brigAdA motorisA
tA confiscAndo tur e brommernAn
cu no tA nA ordo y tA detene esnAn
cu tA purbA core pA polis
Ultimamente por a nota cu e brigada motorisa ta hopi ocupa cu un accion di control confiscando brommernan cu no ta ordo.
Diaranson anochi a confisca caba un brommer cu no tabata tin papelnan na ordo y a detene e motociclista cu no kier a para pero na final a logra gar'e toch.
Diahuebs anochi laat a sosode mesun cos ora a persigui un brommer cu no kier a para pero na final a logra gar'e y detene na Cayenastraat ademas di a confisca e brommer cu no tabata na ordo.
Prome Minister Evelyn Wever-Croes:
AUMENTO DEN BIJSTAND PA ESNAN
CU LIMITACION "GEHANDICAPTEN
UITKERING" DI 1.4 MIYON FLORIN PA
2024 Y 3 MIYON PA 2025
- Diahuebs ultimo a tuma luga un conferencia di prensa yama pa Prome Minister Evelyn WeverCroes pa elabora riba e topico di finansas publico y e alivio cu a ser duna na comunidad por medio di aumento di entrada.
Prome Minister a splica cu Gobierno a duna
aumento no solamente na empleadonan publico, empleadonan di sector priva, y pensionadonan, sino tambe na esnan cu no por traha y ta haya"gehandicapten uitkering".
Prome Minister a indica cu na Aruba tin un total di
1400 persona cu ta ricibi "gehandicapten uitkering", y e aumento cu nan lo ricibi lo ta di 1,560-florin pa aña. E gastonan di Gobierno pa duna e alivio aki ta di 1.4 miyon florin pa 2024, y 3 miyon pa 2025. Gabinete Wever-Croes ta y lo sigui
traha na bienestar di e comunidad y di esnan mas den necesidad.
“E meta di Gabinete Wever-Croes ta pa trece progreso den cada hogar, dunando alivio financiero, pa asina yuda mehora e
poder di compra di tur esnan cu a wordo afecta pa motibo di inflacion. Aruba ta progresando, y Gobierno lo sigui trahaduro pa logra trece e progreso aki den hogar di cada ciudadanodi pais Aruba”, Prome Minister a expresa.
MINISTER ENDY CROES A RICIBI
SELECCION DI TENNIS DI ARUBA CU A TITULA CAMPEON DI DAVIS CUP AMERICAS GROUP IV 2024 NA TRINIDAD Y TOBAGO
: Minister di Enseñansa y Deporte Endy Croes a ricibi bishita di e tenistanan: Kyle Frankel, Patrick Sydow, Frederick Sydow y Jay Wernet, kendenan a titula campeon di Davis Cup Americas Group IV 2024 recientemente na Trinidad y Tobago. Sr. Franz Sydow, kende ta presidente di Tennis Aruba y coach di Seleccion di Aruba Sr. Claudio Martinez tambe tabata presente na e ocasion special aki. Durante e encuentro e tenistanan a comparti nan experencia di e torneo di Davis Cup. E Seleccion di Aruba tabata hunga den grupo cuater (4) y tabata invicto. Den e partido final Aruba a gana Nicaragua y a wordo promovi pa grupo tres (3). Den nomber di Gabinete Wever – Croes II, Minister Endy Croes a felicita e
atletanan y haci entrega di e medaya di 4D pa sigui inspira y motiva nan. “Nos lo sigui sostene nan y ohala cu nan por sigui crece cu e dedicacion y inspiracion cu nan tin y por etala nan mes pa dentro di algun aña nan yega grupo 2. Pronto Aruba lo mira desaroyo grandi den e disciplina di tennis”, Minister Endy Croes a enfatisa. E mandatario di Deporte a duna un primicia cu den Parke Curason na Jaburibari lo bay construi 2 cancha di tennis. Ademas di esaki, Sr. Sydow y su directiva ta trahando riba un bunita proyecto pa e bario di Dakota, cual nan lo anuncia ora ta asina leu. “Nos t’ey semper pa duna nos sosten na e proyectonan bunita asina,” e mandatario di Deporte a enfatisa.
Sr. Claudio Mendez a expresa di ta hopi contento y orguyoso cu e resultado aki y a indica cu desde tres (3) aña pasa Team Aruba ta trahando y a train hopi duro durante varios luna pa competi den e torneo aki. “E resultado aki nan ta dedic’e na tur esnan cu ta hunga e disciplina di tennis y Pueblo di Aruba.
Ta hopi importante pa e hubentud practica deporte. Nos ta sigui traha duro pa conkista un titulo mas,” Sr. Mendez a indica.
Sr. Franz Sydow, kende ta
presidente di Tennis Aruba ta sumamente orguyoso di e logro di Team Aruba y a enfatisa cu nan lo sigui traha duro pa sigui hunga riba e nivel di mas halto.
E tenista Kyle Frankel a comenta cu e aña aki e torneo a bay hopi bon mes. Team Aruba a logra gana tur nan weganan y a logra e Group Stage, esaki ta nifica cu nan a gana tres
(3) wega tras di otro y den e wega final a gana Team di Nicaragua cu e score di 2-0. “Tur aña tabata un hopi bon experencia, pero ora bo gana esey ta bunita y memorabel cu bo lo corda pa resto di bo bida,” Frankel a enfatisa. Frederick Sydow, miembro di e Tennis Team di Davis Cup a expresa di ta hopi contento di por a trece e aña aki e medaya di
campeon pa Aruba. E ekipo di Aruba a traha duro y entrena pa oranan largo pa por competi den e prestigioso torneo aki.
Pa conclui, Minister Endy Croes a felicita e tenistanan cu nan logro y a gradici nan pa pone Aruba su nomber briya riba plataforma internacional. Alabes a desea nan hopi exito den futuro.
Minister Maduro di Finansa ta informa:
ARUBA TA LOGRA REFINANCIA
DEBENAN EXISTENTE RIBA MERCADO
INTERNACIONAL DI CAPITAL NA UN
MANERA EXITOSO
Dialuna lo brinda mas informacion den conferencia di prensa
Pa Minister Maduro di Finansa e ta un satisfaccion grandi pa por informa cu Aruba ta logra subi mercado internacional di capital na un manera exitoso. Despues di un ausencia di 3 aña debi na e daño financiero causa pa e pandemia, Aruba ta logra pa refinancia debenan bieu cu ta madura den aña 2024 na un bon interes. Ta trata di un transaccion financiero di 134.5 miyon dollar na un interes di 6.3%. Dialuna awo, Minister Maduro lo splica mas di e transaccion exitoso aki pa Aruba den un conferencia di prensa.
Minister Maduro ta gradici e banconan Santander y Citi cu a yuda e mandatario den ful e proceso aki di bay bek mercado internacional di capital na un manera exitoso. Na e ekipo di profesional di Aruba cu a sa di presenta e storia di recuperacion financiero y economico di Aruba na un manera eficaz, e mandatario ta manda un danki di curason pa nan esfuerso y amor demostra pa nos Pais. Mas cu claro Minister Maduro ta gradici nos bon Dios pa su guia, sabiduria y pasenshi pa yud'e lidera y logra trabounan grandi na bienestar di Aruba.
Minister Maduro ta gradici specialmente e inversionistanan existente y esnan nobo expresando, "Thank you to all investors for your trust and believe in Aruba. We look forward to a good relationship where Aruba may be in your thoughts and in your hearts." Masha danki!
ADICTO AMBULANTE CU PROBLEMA
DI SALUD MENTAL A BOLBE AGREDI PERSONA CU TA yUD'E!
Diabierna madruga a drenta informe di un caso di maltrato severo na Panamastraat, mesora a dirigi tanto polis como ambulans na e sitio. Na yegada di e patruya a bin compronde cu un persona cu tabata laga un adicto ambulante cu problema di salud mental keda na su cas pero awor no mas a bolbe agredi e habitante pero e adicto ambulante mes a bay for di e sitio. Na yegada di e ambulans nan a atende e victima y a transporte pa hospital.
Accidente hit & run na Bakval capta riba camara di seguridad
Recientemente a sosode un accidente na Bakval unda un auto a bay pasa otro net ora cu e tabata birando y a dal riba e pick-up sinembargo asina mes e chauffeur a sigui core bay. Un camara di seguridad di un cas den cercania a logra capta esaki. Afortunadamente ningun hende a resulta herida.
TUMA PRECAUCION
PA TEMPORADA DI CALOR EXCESIVO
Aruba ta experenciando un periodo di calor excesivo cu temperaturanan di entre 34-36°C durante dia y un indice di calor di asta 44°C cu ta indica e nivel di calor percibi pa hende (‘feels like’). Nivelnan halto di humedad, combina cu un alivio minimo durante anochi por conduci na incomodidad y hasta riesgonan pa salud.
E temporada aki lo continua pa lunanan di augustus, september y october.
E situacion di temperaturanan extremo ta wordo empeora door di cambio climatico cu ta hisa e frecuencia y intensidad di olanan di calor mundialmente.
Pa siguridad durante e periodo aki ta esencial pa tuma algun precaucion:
1. Keda hidrata: Bebe suficiente awa y evita bebidanan cu hopi sucu.
2. Limita actividad
pafo: Limita actividad fisico pa oranan di mainta of anochi ora ta mas fresco.
3. Busca sombra of ta paden: Keda den ambientenan cu airco ora cu ta posibel.
4. Bisti adecuada-
mente: Paña los cu colornan cla ta yuda mantene bo curpa fresco.
5. Uza protector solar (sunblock): Proteha bo cuero di rayonan ultravioleta(UV) intenso door di hunta protector solar regularmente.
E medidanan aki no solamente ta crucial pa comodidad pero tambe ta yuda preveni problemanan di salud ocasiona pa calor
cu lo por asta pone bo bida na peliger. Esaki ta conta specialmente pa mucha chikito, adultonan mayor y esnan cu problema si curason.
Ministerio di Transporte, Integridad, Naturalesa y Asuntonan di Adulto Mayor ta urgi tur ciudadano pa tene nan propio bienestar y di otronan na cuenta durante e temporada di calor excesivo aki.
Chauffeur no a regula su velocidad ni a mantene distancia a bay dal tras di e auto su dilanti
Diahuebs mainta a drenta informe di un accidente na Bernhardstraat, mesora a
dirigi un patruya na e sitio. Na yegada di e patruya a bin compronde cu aki ta trata di un accidente unda cu un chauffeur no a regula
su velocidad y a bay dal tras di e auto su dilanti. Afortunadamente ningun hende a resulta herida.
CreActivo: Cultivando Creatividad, Desaroyando un Industria
Oranjestad, Aruba —Marc’e den bo kalender pa dia 8 y 9 di oktober 2024, caminda Renaissance Convention Center lo bira e epicentro di cultura, creatividad y innovacion cu CreActivo!
E prome conferencia innovativo di Aruba dedica na e industrianan cultural y creativo. Esaki ta un evento di dos dia, cu ta cuminsa for di 9:00 AM pa 4:00 PM cada dia. CreActivo ta un centro vibrante di ideanan, networking y colaboracion pa artistanan y sernan creativo, local y internacional. Un Plataforma Global pa Mentenan Creativo - Conferencia CreActivo ta un plataforma poderoso unda artistanan, diseñadornan, escritornan, musiconan, performers, cineastanan, creadornan digital, educadornan y tur esnan creativo y innovativo por uni pa comparti nan trabou, amplia nan horizonte y construi conexionnan di hopi balor. Pero e conferencia aki no ta solamente pa esnan cu ta na e frontera creativo—alabes esnan cu ta
traha maneho, esnan cu ta tuma desicion, institutonan financiero y gremionan clave tambe ta hunga un rol crucial, pa asina sigura cu e bosnan cu ta forma e sector cultural y creativo por wordo scucha y apoya. Stimulando asina un ecosistema creativo vibrante.
Oradornan DiversificaCreActivo lo tin un elenco impresionante di oradornan local y internacional cu ta lidernan den nan area. Expertonan cu lo comparti nan conocemento, experiencia y vision pa futuro. Tambe lo comparti perspectivanan valioso en conexion cu cultura, creatividad, innovacion y crecemento sostenibel di e industrianan cultural y creativo. Mas detaye tocante nos oradornan lo ta disponibel pronto riba nos website y paginanan social.
Pakico Asisti? - CreActivo ta mas cu un conferencia—e ta un movemento! Un lugar unda profesionalnan estableci y talentonan emergente por uni pa explora oportunidadnan nobo, influencia maneho y desaroyo, obtene apoyo financiero y construi colaboracionnan cu ta transcende e fronteranan tradicional. No ta importa si bo ta un profesional cu hopi experencia of cu awo bo ta cuminsando den e industria creativo. CreActivo ta ofrece algo di gran balor: e oportunidad pa forma parti di un comunidad dedica na cultiva creatividad y desaroya un industria di forma sostenibel.
Loke bo por spera - Participantenan di CreActivo lo disfruta di dos dia completo di sesionnan interesante, un ticket ta inclui desayuno, lunch y acceso
na e coffee station ful dia.
E evento tambe ta priminti experiencianan creativo unico, permitiendo participantenan pa drenta den actividadnan interactivo cu ta refleha e naturaleza diversifica di e industrianan cultural y creativo.
Uni Bo Mes na e Movemento! - CreActivo ta comprometi na stimula un ambiente inclusivo unda cada bos lo wordo scucha. Esaki ta e oportunidad pa uni bo mes na un comunidad diversifica cu ta cubri tur faceta di e industrianan cultural y creativo. No perde bo chens pa crea influencia riba e futuro di e industrianan aki—registra na tempo y forma parti di e evento principal cu ta uni profesionalnan creativo y gremionan mundial! Mas detaye di ticket y registracion lo sali pronto. Tocante e Organisadornan -
Fundacion Go Cultura, estableci dia 28 di Augustus 2017, ta comprometi na desaroya e sector cultural y creativo di Aruba. Cu e meta comun pa uni artistanan, sernan creativo y empresarionan cultural pa integra cultura y creatividad den desaroyo sostenibel di Aruba y promove su herencia.
Go Cultura ta empodera talentonan local, demostrando nan trabou y destacando e impacto di e sector den crecemento social y economico. E fundacion tin como meta pa crea un comunidad vibrante unda creatividad por floria, y engradece e panorama cultural di Aruba.
Pa mas informacion y pa registra pa e conferencia CreActivo, bishita e pagina di Facebook di Fundacion Go Cultura.
TORNEO DI BIYAR 60+ “JANI BROKKE
MEMORIAL” TA CUMINSA DIASABRA!
Tanki Leendert - Mescos cu añanan anterior, “Fundacion Movemento ta Bida” (FMTB), ta organisa en conexion cu e Weganan Nacional 60+, e candeloso torneo pa biyaristanan 60 + titula “Jani Brokke Memorial”.
E torneo aki lo dal habri aya n’e palacio di biyar na Tanki Leendert diasabra awor 17 di augustus pa 6:00 PM. E torneo lo sigui dia 24 di augustus, y lo termina dia 31 di augustus. Un torneo cu lo dal portanan di santana habri di San Nicolas te cu Westpunt!
Si shonnan, asina mes, si bo kier bin presencia, aprecia, y admira poco weganan “old school”, anto esaki ta bo oportunidad! Ya caba nos tin entendi cu algun
djaca di caya ya a manda dede halto y meld nan participacion. Entre otro e famoso Frido “Maltin Polar” Dirksen, Gino “Beton” Geerman, “Sheik” Orman, Edwin “Kwek” Chirino, “Lucky Viviano” Frank, Juni “Kilowatt” Figaroa, Errel “Pitbull” Tromp, Rudolfo Arends, Robby “Basestation” Tromp, y “last but not least”, e legendario Buchi “donde pone el ojo” Briezen!
En total ya nos tin entendi tin mas cu 26 participante inscribi, y porta di santana ta sigui keda habri! Pa mas informacion y pa inscribi ultimo ora, por tuma contacto cu e “portier”, señor Moonchi Kelly na number di celular 699-1994. Si bo tabata un “crack” den
70 o 80, no perde e oportunidad aki pa bin
di
GRANDIOSO REVANCHA: SNOR vs PARIBA LEGENDS!
Calabas/Kudawecha - E conocido lider di e team durisimo di domino Team Snor, esta Nelson “Snor” Perez, ta bay celebra su hacimento di aña en grandi diasabra awor 17 di augustus n’e palacio di pega piedra completamente renoba, esta Domino Square Garden aya net n’e grens di Calabas cu Kudawecha! Si shonnan, en conexion cu su cumpleaños, e flamante Nelson “Snor” Perez a organisa un mini torneo entre e tres ekiponan cu e ta afilia na dje: Team Snor, di cua e ta e lider, y PLuma Gang y Pariba Legends, di cual e ta “consultant”.
Diasabra awor, 17 di augustus, cuminsando pa 8:00 di anochi, lo tuma
e gran final entre Team Snor y e legendarionan di pariba di brug, Pariba Legends! Domino Square Garden a caba di renoba, fura tur stoel, te hasta fura e potnan den baño, pa ricibi un y tur den e grandioso bataya aki! Ainda, Team Snor tin un “appeltje te schillen” cu Pariba Legends, cual ultimo a gana Team Snor aña pasa nip-nip, cabey-cabey, cu score di 21-20! Un berdadero sambombaso di wega!
E aña aki, Snor kiermen cu ta otro gay lo canta den e palacio di domino. Manera semper, entrada ta completamente gratis pa pueblo amante di “cutting edge” domino en general, y durante halftime
e snacknan lo lora totalmente por nada. Bini un bini tur, bin celebra B-Day di Snor Perez kende a declara cu e anochi e lo pone “vuurwater” core bin abou
cu forsa manera riu ta baha bin foi sero despues di yobida di horcan Ivan! Aki un ta wega, shonnan, aki ta bay t’un anochi di come huña! Yega un yega
tur, diasabra awor 17 di augustus cuminsando pa 8’or di anochi, e clasico den domino entre Team Snor y Pariba Legends! Yegaaa!
añanan
mustra pueblo cu ainda bo taco
biyar ta stret stret y
bo corta ta grandi keto bay! Yega!
Pareha turista a accidenta riba E.J. "Watty" Vos blvd. pabao di Paperclip rotonde
Diahuebs mainta a drenta informe di un accidente cu hende herida pabao di rotonde Paperclip riba E.J. "Watty" Vos blvd., mesora a dirigi tanto polis como ambulans na e sitio.
Na yegada di e patruya a bin compronde cu aki ta trata di un accidente unda cu un pareha turista riba un quadracer a haya nan mes ta brake rapidamente y pa no dal tras di otro a desvia bay dal den banda riba e blokkinan y e quadracer a kenter den banda.
E pareha turista a haya unicamente algun rasca di menoos importancia y no tabata necesario a ambulans a presenta y a cancela
esaki. E compania di tour a facilita un otro quad mesora asina e pareha por a sigui cu e tour.
Minister Maduro di Cultura ta felicita Pastoor Canuto 'Toti'
Fuentebella pa su 25 aniversario como Pastoor na Aruba
E siman aki Minister Maduro di Cultura a ricibi Pastoor Canuto 'Toti' Fuentebella kende recien a cumpli 25 aña trahando como Pastoor na Aruba. Den un encuentro ameno Pastoor Toti aconpaña pa dos parokiano di Paradera, sra. Jeanette Croes y sra. Miriam Jansen, Pastoor Toti a conta di su yegada na Aruba, sirbishi den diferente distrito y di su trabou na e Parokia Santa Filomena na Paradera na unda e ta predica y brinda sosten na e comunidad Catolico.
Pastoor Toti a nace na Philipinas y na un edad hopi jong, despues di 3 aña di a ordena como Pastoor, na aña 1998 ela bin Aruba pa asina por yuda den guia spiritual como Pastoor. Den un tempo relativo corto Pastoor Toti a siña domina nos idioma Papiamento y a adapta y siña conoce y aprecia nos cultura. Pastoor Toti a sirbi Misa den diferente parokia e.o. na Santa Cruz, Savaneta , San Nicolas y na aña 2007 Pastoor Toti a bay na cabes di e Parokia Santa Filomena na Paradera.
Minister Maduro a entrega Pastoor Toti su decreto gubernamental, carta di felicitacion y un bunita recuerdo pa su 25 aniversario. Di su banda Pastoor Toti a duna e mandatario un bendicion y tambe a brinda Minister Maduro un bunita rosario y un yabero di Pader Pio, cual e mandatario a
aprecia masha hopi.
Minister Maduro ta felicita y gradici Pastoor Toti pa su 25 añanan dedica na e trabou sacerdotal na bienestar di Aruba y cu Dios brinde hopi bon salud pa e continua cu su bunita trabao spiritual predicando e palabra di Dios.
5.5 mion euro pa fundacionan y personanan priva na Aruba
5.5 mion euro a wordo poni disponibel na fundacionan y personanan priva pa proyecto na Aruba. Esaki ta un parti di e resultado di e pordon di Primier Mark Rutte pa e pasado di esclavidtud trans-atlantico Hulandes cu a tuma luga na Aruba.
E fondo a wordo regla den un argelo temporario gobernamental cu ta e Tijdelijke regeling van de Staatssecretaris Koninkrijksrelaties en Digitalisering van 14 juni 2024
nr. 2024-0000349322, houdende subsidie maatschappelijke initiatieven trans-Atlantisch slavernij-verleden voor het Caribisch deel van het Koninkrijk.
E publicacion di e argelo a tuma luga dia 1 di juli 2024. Mira website https://zoek.officielebekendmakingen.nl/ stcrt-2024-21888.html
Potret nieuwsbrief BZK
S.u.v. color burgundi A dAl Auto y S igui core nA rotonde lAS AmericAS
Diahuebs mainta a drenta informe di un accidente na rotonde Las Americas, mesora a dirigi un patruya na e sitio. Na yegada dibe patruya a bin compronde cu aki ta trata di un accidente unda cu un s.u.v. color burgundy biniendo for di Camacuri no a para pa duna preferencia na un Kia Picanto cu tabata riba e rotonde y a dal riba dje para algun seconde banda di Cas di Cultura pero despues a sigui core bay. Afortunadamente ningun hende a resulta herida. Polis a keda di
bay mira e camara di seguridad di e rotonde pa asina localisa e chauffeur irresponsable aki.
FORTALEZA PA FAMIA
Scirbi pa Pastor Marcel Balootje. E NOMBER
DI CRISTO HESUS TA NOS
MASTER KEY
Lo mi duna bo e yabinan di e reino di cielo, y tur loke bo mara riba tera lo ta mara den cielo, y tur loke bo los riba tera lo ta gelos den cielo.( Mateo 16:19).
Hesus a bise, Ami ta e caminda, y e berdad, y e bida: Ni un hende no ta bin serca E aTata, sino pa medio di Mi.( Juan 14:6).
Mi conoce bo obranan. Mira Mi a pone bo dilanti di un porta habri, cu ningun hende no por sera, pasobra bo tin poco poder, y a warda Mi palabra y no a nenga Mi nomber.( Revelacion 3:8).
Cristo Hesus ta e yabi principal di nos bida pasobra pa medio di Su morto E a habri porta di cielo pa nos tur. E a paga e prijs halto pa nos redencion.
Cristo Hesus ta nos Salbador, nos Redentor, E ta tur cos pa nos,den dj’E tur nos confiansa mester ta deposita.
Cristo Hesus ta tur cos pa nos, y no tin ningun nomber riba e mundo aki mas poderoso cu e nomber di Cristo Hesus.
Ta solamente Cristo Hesus por bisa: Bin serca mi tur cu ta cansa y carga y lo Mi duna boso sosiego.( Mateo 11:28).
Den Cristo Hesus nos tin arepentimento completo : Si nos confesa nos pica E ta fiel y husto pa pordona nos, nos picanan y libra nos di tur inhusticia.( 1 Juan 1:9),
Ora Dios habri un porta pa bo den bo bida, ningun hende no por sere, y ora Dios sera un porta ningun hende
por habrie.
Nos ta bibando den un tempo caminda hopi hende kier reemplasa Dios pa material, y nan ta lubida cu Dios ta doño di tur cos, hopi ta menciona nomber di Dios, pero no ta kere den su poder ( 2 Timoteo 3:5).
Asina cu hende ta cambia e berdad pa mentira y ta trose e palabra di Dios, nos tin di reconoce cu e presencia di Dios no ta den nan bida, pero orguyo y arogancia ta domina.
Hopi ta lubida cu tur rudia mester dobla y tur lenga mester confesa cu Hesus Cristo ta Senjor pa Gloria di Dios Tata.
Nos ta bibando den temponan trabahoso, caminda hende ta evita di tur forma di hinca Dios, den nan programma pasobra nan sa cu den e programma tin mentira, envidia, falsedad y impuresa.
Ta tempo pa hende tene cuenta kico nan ta sostene, pa evita cu bo ta forma parti di cosnan cu Dios ta rechasa y cu solamente e
deseo material tin bo mara.
Amistad cu mundo ta enemistad cu Dios, ta difcil pa nos ta aprecia locual Dios ta odia, ta dificil pa hende cu sano huicio gaña nan mes, y purba haci bofon di Dios. Pasobra Dios no ta cambia.
Daniel a prefera di bay cueba di leon, y no baha cabes pa idolatria, y ora Dios a mira esey Dios a manda ayudo pe te den e cueba di leon.Si nos ta stima Dios nos no por dobla pa mentira, y trosemento di berdad.
Dios kier pa nos buske di henter nos curason y no cu boca so, pasobra e ta nos Rey y Maestro, nos no tin otro Dios: Anto boso lo sclama na Mi y bin haci oracion,na Mi y boso lo busca Mi y haña Mi ora boso busca Mi cu henter boso curason.( Jeremias 29:12).
Sclama na Mi den e dia di angustia, lo Mi rescata bo y abo lo glorifica Mi.
Cristo Hesus ta e yabi di nos bida E ta nos Maestro.
Sinceramente, Pastor Marcel Balootje.
Un feliz diaranson santo cu hopi bendicion y debocion
”Mi mester anuncia e era di Señor Su gracia.” Lucas 4,19
Hesus a bini pa establece Su Reino aki na mundo. Esey tawata Su mision. E tawata ungi cu Spirito di Señor pa anuncia e Bon Noticia na tur esnan pober di spirito y esnan desanima.Tambe E tawata proclama libertad pa esnan cu tawata preso, esclavo di pica y mara na cadena cu bicionan. Hesus a bini tambe pa habri bista di tur esnan ciego spirit almente cu no tawata mira e realidad y a perde speransa. Tur esnan cu ta wordo oprimi y trata inhustamente Hesus a bini pa duna nan e libertad. El a stima nos y a drama Su sanger pa libera nos di nos pica. Hesus kier anuncia e era di Señor Su gracia. E dia cu Señor ta bay mustra pueblo Su bondad. P’esey laga durante e siman santo aki nos keda cu nos bista fi ha riba Hesus, Esun cu a sufri cruelmente y a wordo crucifica pa cada un di nos cumpliendo cu Dios Su Palabra.
Ban mustr’E e amor cu nos tin p’E entregando nos bida na djE y mustrando e amor di Dios na esnan cu mas tin meter di dje.
Oracion:Tata Celestial laga cu Bo Spirito Santo bin podera di nos y habri nos bista spiritualmente y duna nos e libertad pa proclama Bo reino di amor, paz y husticia.
Amen.