9 AÑA DI PRISON PA TIRAMENTO
RIBA AUTO BANDA DI MOLEN Y HERIDA DOS HENDE
LO TIN ENTRE 11 PA 12 CANDIDATO
NOBO RIBA LISTA DI MEP
Sra Wever Croes, lider di MEP, a informa e siman aki cu partido Mep lo pasa den un renobacion, unda lo bini entre 11 cu 12 candidato nobo riba lista.
Esaki ta 40% di e lista, unda lo mantene 60% di esnan cu tey y cu tin un bon experiencia den gobernacion.
AUTO A DAL UN
PEATON NA CUMANA
E 11 pa 12 candidatonan nobo lo tin bon preparacion, y tambe ta bon conoci den nan respectivo sector.
SOLO DI PUEBLO ta desea tur e candidatonan exito y pasenshi den nam trajecto como politico.
UPDATE PROYECTO
RECONSTRUCCION DI CAMINDA HIGH RISE HOTEL FASE 4
Dow ta informa cu a kita e asfalt completo di e fase 4 y awor ta bezig ta coba pa cuminsa pone e tubonan necesario. E fase akinan lo dura 11 siman pa motibo cu e distancia ta mas largo cu e otro fasenan y tin mas tubo cu mester wordo poni. Manera tin mas update, DOW lo informa esaki. Recordatorio cu e area ta un area di construccion y no ta permiti ningun persona no autorisa den e area. Tambe por parkeer vehiculonan na banda di caminda y pero NO riba e caminda.
Por fabor tene cuenta
Minister Maduro di Finansa ta informa:
E MANDATO DI DIRECTOR DI ADUANA
TA VALIDO PA HACI HURAMENTACION
NECESARIO NA DEPARTAMENTO DI ADUANA
Tur ambtenaar cu falta huramenta lo wordo haci conforme e reglanan nobo di Departamento di Recurso Humano
E siman aki a sali un articulo den prensa den cual Sindicato SADA ta cuestiona e hecho cu tin ambtenaar na Aduana cu ainda no a huramenta y cu Gobernador lo a duna instruccion pa para e huramentacion debi na e pasado disciplinario di e Director di Aduana. Banda di esaki e sindicato ta cuestiona tambe cu desde aña 2019 nan a pidi Minister di Finansa pa bin cu un solucion y cu segun nan e mandato cu e Director di Aduana tin pa haci huramentacion di Aduaneronan no lo ta bon of valido.
Mandato valido duna pa Gobernador
Como Minister di Finansa
encarga cu e Cuerpo di Aduana, nos por informa cu e mandato duna na e Director sr.
Ricky Croes na aña 2017 door di su Excelencia
Gobernador di Aruba pa haci huramentacion na Departamento di Aduana ta uno valido. No obstante e hecho cu e director di Aduana den su funcion anterior na Departamento di Impuesto a haya un multa disciplinario, esaki no a wordo considera di tal indole cu mester a kita e mandato cu Gobernador a duna na su persona como Director di Aduana pa por haci huramentacion.
Procudura nobo pa huramentacion
Minister Maduro di
Finansa ta splica cu e motibo cu e huramentacion di Aduaneronan nobo no a tuma luga ainda tin di haber cu e hecho cu Departamento di Recurso
Humano ta trahando riba un procedura nobo pa huramentacion di tur empleado publico. Den e procedura nobo, Gobernador lo huramenta tur director prome y despues lo ‘mandateer’ nan (di nobo) pa asina e director por huramenta e empleado publico di e departamento bou nan encargo.
Tur Aduanero lo wordo debidamente huramenta Gobernacion ta algo serio y Minister Maduro di Finansa ta atende na un manera serio cu su responsabilidad. Asina cu e procedura nobo pa huramentacion keda cla, tur empleado publico incluso Aduanero nan nobo, lo wordo debidamente huramenta.
POLIS A kITA "TOOLbOx" fOR DI UN ADICTO AMbULANTE
Diahuebs merdia a drenta informe di cu lo tin un adicto ambulante canando cu un "toolbox" bayendo nort na Columbusstraat, mesora a dirigi un patruya na e sitio. Na yegada di e patruya a bin encontra cu e sospechoso ey y a bay atende cun'e. Polis a kita e "toolbox" for di dje y a pone disponibel na warda di polis Oranjestad pa su doño.
Lider di partido: Evelyn Wever-Croes
Den e ultimo 7 añanan,
PARTIDO MEP
A
DEMOSTRA
DI
TIN CURASON, CONOCEMENTO Y
EXPERIENCIA PA GOBERNA PAIS
ARUBA
“No ta momento di “bolter cos” y pone Aruba den man di esnan cu a masacra nos pais, tampoco hendenan cu no tin conocemento ni experiencia pa sigui hiba e pais padilanti”.
- Diahuebs mainta 19 di september, durante e Conferencia di Prensa di partido Movimento Electoral di Pueblo (MEP) Lider di MEP, Evelyn Wever-Croes, a expresa cu partido MEP a demostra den e ultimo 7 añanan di tin e curason, e conocemento, y e experiencia pa goberna pais Aruba.
Partido MEP a sa di goberna den temponan dificil
Partido MEP a sa di goberna e pais den temponan dificil, na unda a encontra un situacion financiero y social deplorabel danki na e gobierno anterior di asignatura berde. Despues di esaki a bin e crisis di e pandemia di Covid, aki tambe gobierno di MEP a sa di traha responsabelmente pa Aruba recupera di esaki y a pone e pais riba un rumbo di progreso y prosperidad.
Desaroyo positivo di Aruba
Awe pais Aruba por conta riba un finansas publico na orden, na unda tin epspacio financiero pa haci inversionnan, y pa por yuda ciudadanonan den necesidad. E economia di Aruba ta bayendo hopi miho compara cu añanan anterior segun e impresion di sector priva y esaki sigur ta danki na e sector turistico cu ta bayendo sumamente bon. Danki na e desaroyo aki, desempleo ta na un porcentahe mas abou, indicando cu tin trabou na Aruba. Principal
ta cu e inflacion cu a encarga di subi prijsnan haciendo costo di bida uno halto, ta bahando.
Logronan importante pa e pueblo
Mas importante ta cu Gabinete Wever-Croes a traha riba e trayecto di progreso y prosperidad pa cada ciudadano di pais Aruba. Empleadonan publico a haya indexering di 5.7% na aña 2024 y lo haya 6% adicional na Januari 2025. Pensionadonan a haya aumento di 15% y a elimina e belasting pa pensionadonan cu pension bou di 30 mil florin. Onderstand di gehandicapten a mira un aumento di 200 florin pa luna, y hasta esnan den sector priva cu no ta cay bou gobierno y ta gana menos di awg 2500 pa luna a haya un aumento.
MEP ta cla pa sigui traha
Esakinan ta logronan grandi di Gobierno di MEP y e plannan ta cla caba pa sigui traha na e progreso y prosperidad di cada ciudadano.
Pero lamentablemente e partner den coalicion di Gabinete Wever-Croes a kibra e acuerdo di gobernacion di coalicion. Nan a kibra palabracionnan fundamental cu mester tene bo mes na dj’e pa wanta un gobierno y esey a conduci cu nan a baha e Gobierno.
Lider di MEP:
“Cu tur esaki den mente, partido MEP ta bati na bo porta cu tur humildad pa pidi bo e voto di confiansa, pa asina por finalisa e trabou grandi cu nos a cuminsa. Esaki no ta momento pa “bolter cos” y bay bek den pasado, ni pa cambia e rumbo positivo cu nos pais ta aden. No ta e momento pa pone e gobernacion di nos pais den man di esnan cu a masacra nos pais financieramente. Pero tampoco ta e momento pa pone e gobernacion di nos pais den man di hendenan cu no tin conocemento ni experiencia pa sigui hiba e pais aki padilanti, of di hendenan cu no por tene nan palabra. Aruba ta den un crusada hopi importante y nos ta sigui bay dilanti, nos no ta bay bek patras. Y encuestanan
preliminar cu MEP a haci ta mustra cu esey ta e boluntad di e pueblo di Aruba. P’esey mi ta finalisa cu un invitacion na henter pueblo di Aruba pa uni na e movecion pa progreso y prosperidad pa cada ciudadano di nos pais”.
Noticia di Corte 9 aña di prison pa tiramento
riba auto banda di molen
y herida dos hende
Awe mainta e homber D.F. (36) di Hulanda y biba na Rotterdam, a presenta den Corte pa scucha su sentencia. Luna pasa tratamento di e caso a tuma lugar, caminda Fiscal a exigi 9 aña di prison pa D.F., kende e ta haya ta culpabel di intento di mata.
SOLO DI PUEBLO por a compronde cu Hues a confirma e exigencia di Fiscal. E homber D.F. a rabia ora el a scucha su sentencia.
Dia 30 Augustus 2024 durante tratamento di e caso, Fiscal a bisa Hues cu ta un hecho cu tabatin un tiramento na Molen riba 21 Januari 2024. E pregunta ta, kende a tira. Por a mira riba video di seguridad tur loke a sosode riba e parkinglot dilanti di Molen. Polis ta conclui cu ta D.F. a tira riba e auto, ora e tabata para tras di un auto preto. E hombernan V.E. y M.E. a sufri rasca di tiro. Fiscal ta haya legalmente proba
cu ta D.F. a tira, aunke cu D.F. ta desmenti esey. Fiscal a bisa cu por a mira riba video cu un tal S. a saca algo for di su zij y pasa D.F. esaki. Despues e tiramento a sosode. Fiscal ta haya cu e tiramento ta un intento di mata riba V.E. y M.E. E ta haya D.F. culpable di posecion di arma di candela y a causa destruccion riba e auto cu el a tira. Fiscal a bisa cu tabatin autonan para riba parkinglot y tabatin mas hende ta cana rond. El a bisa cu D.F. tabatin suerte cu nada mas serio a sosode.
Pa cu e castigo, Fiscal a bisa cu e ta tene cuenta cu D.F. a pone bida di hendenan den peliger. A sacudi comunidad y ta crea sentido di insegurida. Fiscal a exigi 9 aña di prison.
SENTENCIA
Awe mainta Hues a bisa cu e ta haya legalmente
proba cu D.F. a tira riba 21 Januari 2024 riba un auto banda di e parkinglot di Molen. Esaki Hues ta considera un intento di mata mas biaha haci. Tambe Hues ta haya D.F. culpabel di posecion di arma di candela y destruccion. Pa cu e castigo, Hues a bisa cu e ta tene cuenta cu a tira riba un parkinglot di Molen den direccion di un auto. Dos persona a resulta herida. Un na bariga y otro na nek. Hues ta haya cu D.F. a crea un situacion peligroso pa otronan. Hues a confirma e exigencia di Fiscal y a condena D.F. na 9 aña di prison.
Por a mira cu D.F. no a keda nada contento cu e sentencia y tabata manera zundra. Su abogado a bay papia cun’e y despues miembronan di CEA a hib’e. Tempo lo mustra si e ta bay apela e sentencia of no.
auto a kentel na rotonde palm beach
Diahuebs madruga a drenta informe di un accidente cu hende herida na e rotonde di Palm Beach. Mesora a dirigi tanto polis como ambulans na e sitio. Na yegada di e patruya a bin compronde cu chauffeur di un Suzuki blanco biniendo di nort bayendo direccion di Oranjestad lo a perde control riba e rotonde y kentel na su man drechi. E chauffeur lo a haya un kap chikito na su cabes. Na yegada di e ambulans e chauffeur a nenga asistencia medico despues di a tende cuanto e lo tin di paga ambulans si mester hib’e hospital. Toch ambulans a yuda e chauffeur na sitio mes. Polis a tuma datos di e accidente aki.
ULTIMO DESAROYO RIBA OTORGAMENTO
DI PERMISO PA E CENTRONAN DI CUIDO
Den luna di juli 2024, algun centro a ricibi un email tocante ‘SAVE THE WEEK’. E email aki tabata relaciona cu e permiso (vergunning) pa opera un centro di cuido di mucha cu ta na caminda.
For di comienso di 2023 DMH a indica cu mester cumpli cu algun exigencia pa por bin na remarca pa haya un permiso, cual ta basa completamente riba e articulo 2 di e ley. Mirando cu articulo 2 di e ley a drenta den su totalidad na 2017 via Parlamento, ta haci cu DMH no por desvia di tur e exigencianan ancra den e articulo aki, pa otorga permiso. Ta referi na e siguiente 3 exigencianan, banda di loke ya e cabesantenan a entrega cual ta:
- Articulo 2 lid 3d: een op schaal 1:100 vervaardigde tekening en omschrijving van de ligging en indeling van het beoogde kindercentrum. Op de tekening wordt voor elke ruimte aangegeven waarvoor deze bestemd is.
- Articulo 2 lid 3e: een afschrift van de
ongevallen-, brand- en aansprakelijkheidsverzekering.
- Articulo 2 lid 4b: een geneeskundige verklaring door een op Aruba erkende keuringsarts afgegeven, dat hij geen ziels- of lichaamsgebreken heeft, die hem voor de vervulling van de betrekking ongeschikt maken.
Ki dia lo haya un permiso?
DMH su meta principal tabata pa den 2024 otorga permiso (vergunning) na e Centronan di Cuido di Mucha. Mirando cu banda di e exigencianan ariba menciona, cu ta basa riba articulo 2 di e ley, como tambe e sucedido di caida di gobierno, DMH como departamento independiente ta sigui cu e proceso di loke falta pa cumpli cu ne, preparando asina tur cos necesario pa ora cu por otorga e permiso.
Banda di esaki, e articulo 2 lid 4b (geneeskundige verklaring) ta uno cu ta depende di instancia nan externo cu DMH no tin control ariba dje cu por acelera e proceso.
SEñORA DI EDAD
POSIBLEMENTE A BIRA
MALO TRAS DI STUUR
Driemasterstraat - Diabierna den oranan di merdia polis a haya informacion cu un auto a baha caminda bay dal un palo di luz. Mesora esnan cu a mira kiko a pasa a notifica 911, y alabes a bisanan cu e vehiculo ta na candela.
Na yegada di polis nan a topa cu Paramediconan na e sitio; tratando un señora di edad cu ta mustra di a bira malo tras di stuur.
Mientrastanto Brandweer tambe a presenta; pero no tawata tin candela ta solamente na prome instante poco huma a sali. Y esnan eybanda a pensa cu e auto lo a pega candela.
Paramediconan a atende cu e señora, mientras polis di trafico a tuma datos di e incidente.
DMH ta purbando pa por keda cla cu esaki mas pronto ta posibel. Tanten cu e geneeskundige verklaring aki no keda cla via instancia externo, lastimamente DMH no por otorga ningun permiso (vergunning).
Na prome lugar, tur loke a pidi na documento ta basa riba e ley pa haya un permiso y e accionnan aki NO ta invano. E documentonan aki ta keda vigente pa DMH te na momento cu nan caduca. Esaki kiermen cu e cabesante ta keda esun responsabel pa monitoria e documentonan di e trahadornan existente. Si acaso esaki caduca, e cabesante tin e obligacion segun e ley, pa manda DMH uno nobo.
Kico por haci tanten?
- Tin di keda mantene e administracion di e documentonan di tur trahador existente na centro manera ta describi den ley;
- Tin di tuma contacto cu DMH na momento cu tin trahador nobo y entrega tur su documentonan manera ta indica
den e ley. Esaki ta solamente posibel via e-mail y den e formato di PDF, pues no manda documento los;
- Percura pa entrega e schaaltekening menciona den articulo 2 lid 3e;
- Percura pa busca e seguronan menciona den articulo 2 lid 4d.
DMH kier gradici tur Centro di Cuido di Mucha cu a percura pa tin nan documentonan entrega na tempo y sigur ta encurasha cada un, pa sigui entrega loke falta y mantene boso administracion di trahador. Mas liher keda cla cu e exigencianan basa riba articulo 2, pendiente pa haya informacion di e instancianan en cuestion di ‘geneeskundige verklaring’, mas liher bo lo por haya bo permiso.
Sperando di por a informa bo persona debidamente y si tin cualkier pregunta, por contact DMH libremente via email (dmharuba@gmail.com) of na 281-1750.
Conforme articulo 3 jo. 33 inciso 2 di nos Ordenansa Electoral e cierre di e Registro di Votado a tuma luga diaranson 18 september 2024. Solamente personanan cu ta aparece den e Registro di Populacion ariba dicho fecha, cu tin nacionalidad HULANDES y dia di eleccion tin 18 aña pariba, por vota na e eleccion dia 6 december 2024. E Registro di Votado a cera cu un total di 69.823 votado.
Premier Evelyn Wever - Croes:
Prome Minister durante e di XXV FTA Congreso Statutario;
GOBIERNO LO SIGUI INVERTI DEN SALUD MENTAL
Recientemente Prome
Minister Evelyn WeverCroes tabata presente na e Congreso Statutario di FTA, na unda el a
wordo invita pa duna un discurso. E tema e aña aki tabata riba "E riesgonan psychosocial cu lo por tin un efecto riba e mercado
laboral". Prome Minister a indica cu salud mental berdad ta un problema grandi y cu cambionan den e area di trabou di un persona por trece stress y ansiedad cu lo por tin efecto psychosocial cu lo mester di atencion. Ta importante si pa reconoce cu problema mental no ta un asunto personal so, sino ta toca nos cada un riba e isla aki.
E mandatario a sigui splica cu e mundo ta den un era unda e dinamismo di trabou ta cambia continuamente. Awendia e mundo ta technologia digital, globalisacion, y e manera nobo di traha den e economia di “gig” ta drenta nos bida profesional. Pero e mesun technologia cu ta duna progreso, ta bin cu retonan nobo: stress, insiguridad di empleo, y un desbalance entre bida priva y trabou.
Importante ta pa acepta cu e reto di salud mental
ta bira cada bes mas y mas prominente, y pa cu esaki, Gobierno di Aruba tin un rol fundamental, y ta tuma e retonan aki na serio. P’esey a inverti hopi den conscientisacion, creando programa pa yuda e hende cu ta sufri di stress y ansiedad.
Prome Minister a expresa di ta satisfecho pa mira cu e esfuersonan aki ta trahando, pero sa cu tin hopi mas pa haci den e area aki. E impacto cu stress por tin riba un trahador, no solamente den trabou, pero tambe den su bida personal ta uno grandi.
Aki na Aruba, tur hende sa cu bida no ta solamente traha, pero tambe mester tempo pa disfruta di nos dushi isla den cercania di famia y amigonan. Desafortunadamente sin salud mental, esaki lo por bira dificil.
"Aruba ta un isla chikito, pero grandi den curazon, nos compromiso pa nos
pueblo ta haci nos fuerte pa enfrenta cualkier reto nos dilanti. Pero sin salud mental sano, nos no por desaroya como comunidad. Mi ta sigur, cu amor pa nos pais y dedicacion pa nos hendenan, Aruba lo sigui ta mas fuerte, mas uni, y miho prepara pa enfrenta cualkier reto nos dilanti. E futuro ta den nos man y ta nos responsabilidad di crea e pais cu cada un di nos merece.
Mi ta felecita FTA pa un congreso exitoso y pa scoge e tema importante aki. Gobierno ta reconoce cu salud mental ta un reto grandi, y lo sigui inverti y pone atencion na salud mental, pa asina crea un ambiente laboral mas saludabel y sostenibel, y pa brinda ayudo na un forma senciyo na tur esnan cu mester. Masha pabien FTA cu e di 60 aniversario, y cu boso cumpli hopi mas trahando na bienestar di pais Aruba", Prome Minister a expresa.
PAIS ARUBA TA DUNA ATIA UN RELATO DI E TRABOUNAN CU TA WORDO HACI DEN CUADRO DI LANDSPAKKET
Siman pasa diabierna 13 di september, pais Aruba a duna ATIA un relato di e trabounan cu ta wordo haci den cuadro di Landspakket. Esaki por medio di un session informativo na unda e diferente trekkers cu ta encarga cu temanan cu tin de haber cu reforma financiero, reforma di nos red di siguridad social, reforma di mercado laboral y reforma di e aparato gubernamental, a reuni pa trata tur e
trabounan cu ta wordo haci na e momentonan aki y e trabounan cu tin proyecta pa futuro.
Pa Pais Aruba, a participa na e reunion, Director di Financien, Derrick Werleman – DirFin, Emeliën Kelly – DirFin, Indra Zaandam TWOAUA, Roraima Arends TWO-AUA, Ghislaine Gomes – DRH, Marylou Tromp – DRH, Omaira Lares – DRH, Glendeline Croes – MinLEI y Yvonne
Lee-Perez – DAO.
E tabata un session constructivo na unda cu cada persona cu ta encarga cu e temanan corespondiente a duna un relato di e trabounan cu ta wordo haci. Na mesun momento tambe a para keto na e sistematica di landspakket, di e forma cu ta traha y tambe a splica kico ta e papel di entre otro TWO Aruba como tambe TWO Hulanda.
A para keto na e structura y governance. Tambe a papia di e sistematica di raportahe na unda cu, den e caso aki, e asina yama uitvoeringsagenda ta duna un indicacion di e trayectonan cu ta planifica y e uitvoeringsrapportage ta duna un indicacion di kico tabata e prestacion di trayectonan cu a wordo proyecta.
Pais Aruba ta sumamente contento di por a reuni cu ATIA, pa asina por splica kico ta e trayectonan cu
pais Aruba ta encamina. Asina ta pais Aruba ta sigui informa di e trayecto di landspakket.
AUTO A DAL UN PEATON NA CUmANA
Diahuebs mainta a drenta informe di un accidente cu hende herida na Cumana, mesora a dirigi tanto polis como ambulans na e sitio. Na yegada di e patruya
a bin compronde cu un auto lo a dal un peaton femenino. Na yegada di e ambulans nan a atende e dama y a transporte pa hospital.
A.T.A. y AAA A presenTA AcTuAlisAcion impor TAnTe di AeropuerTo nA Tur
socio inTernAcionAl
Desde dialuna, Aruba Tourism Authority (A.T.A.) a ricibi mas di 67 representante di companianan cu ta bende Aruba (“Tour Operators”) y aerolinea internacional cu a uni pa ricibi un actualisacion di Aruba y di nos industria turistico. E momento importante aki a sirbi como un plataforma esencial pa fortalece colaboracion y pa asegura cu e socionan ta informa di e desaroyonan di e futuro di nos isla. Personanan clave di tanto Merca, Canada, Latino America (Colombia, Brazil, Argentina, Chile, Pero, Equador y Paraguay), y Europa (Hulanda, Italia y Alemania). Un total di 103 persona ta actualmente na Aruba pa e ocasion aki cu ta inclui diferente representantenan di nos hotelnan, estableci den exterior, como tambe diferente miembro di ekipo di A.T.A. y algun prensa internacional.
Durante di e evento na Aruba Airport Authority (AAA), CEO di Aruba Tourism Authority, Ronella Croes, a cumpli cu e honor di hiba palabra di bonbini na tur esnan presente. Sra. Croes a resalta e importancia di provee un actualisacion di e proyecto Gateway 2030 na ‘Tour Operators’ y aerolineanan internacional, mirando cu esaki tin un influencia directo na e experiencia di biahe
di nan cliente. Cu e amplacion di capacidad y mehoracion significativo den e infrastructura di aeropuerto, huespednan lo por spera un proceso mehora cu lo añadi na un experiencia positivo.
E anochi a sigui cu presentacion di Chief Revenue Development & Communications Officer & Interim Management Team Member di Aruba Airport Authority (AAA), Sra. Barbara Brown, kende a presenta Fase 1ª di e proyecto Gateway 2030. A pone enfasis riba e futuro di e aeropuerto, compartiendo informacion riba e sala nobo pa check-in pa pasaheronan di Estados Unidos, un programa cu lo inicia operacion den cuminsamento di 2025 y cu eventualmente lo conta pa tur otro pais, y e sistema di maneho di maleta ‘Baggae Handling System’ di ultimo tecnologia.
"E proyecto Gateway 2030 ta un inversion grandi cu ta redefini e hospitalidad y comodidad pa nos pasaheronan. Nos ta compromete pa eleva e experiencia y e eficiencia operacional di e pasaheronan, cual ta haci Aruba un destinacion di biahe di primera clase," Chief Revenue Development & Communications Officer & Interim Management Team Member di Aruba Airport Authority (AAA), Sra. Barbara Brown ta comenta. Esaki ta un iniciativa transformativo cu ta refleha e dedicacion di e aeropuerto pa duna un experiencia di biahe sin interupcion na tur bishitante. Sra Brown ta termina.
E evento aki a subraya e compromiso continuo di Aruba pa cu innovacion y sostenibilidad, asegurando cu e huesed ta sigui
disfruta di un experiencia di biahe sin obstaculo. Pa e ‘Tour Operators’ y aerolineanan, y representantenan di prensa internacional presente, e informacionnan aki ta duna balor adicional cu lo yuda nan promociona Aruba na manera mas eficaz globalmente, mientras cu ta apoya practicanan di turismo sostenibel.
Tocante Aruba Tourism Authority (A.T.A.)
Desde 1 di januari 2011, Aruba Tourism Authority ta opera como un entidad ‘Sui Generis’. Un organizacion independiente den e esfera publico. Aruba Tourism Authority ta fungi como ‘Destination Marketing and Management Organization (DMMO)’ y ta responsabel pa uni interes turistico entre socionan local e internacional. A.T.A. ta pone hopi enfasis riba e modelo di “High Value-Low Impact” cu ta pone enfasis pa mehora y mantene esfuerzonan pa logra e balans entre cuater pilar: ‘Calidad di Bida di e Residente’, ‘Calidad di Experiencia di e Bishitante’, ‘Proteccion y Preservacion di Naturalesa & Medio Ambiente’, y ‘Contribucion Economico na nos isla’. Ta enfoca na atrae e bishitante cu lo inverti mas (calidad en bes di cantidad mirando cu capacidad di carga ta sigui ricibi atencion
di parti di A.T.A.), lo aumenta e balor economico di e bishitante, posiciona Aruba como un pais desea y sostenibel, y posiciona Aruba como lider di desaroyo como un destinacion.
Tocante AUA Airport
AUA Airport ta un di e aeropuertonan mas ocupa den region Caribe, cu mas di 25 diferente aerolinea operando na Aruba contribuyendo na casi 3 miyon pasahero pa aña y brindando servicio aereo na 31 pais y 45 destinacion non-stop rond mundo. Di e mercadonan cu AUA Airport ta brinda servicio na dje, 78% ta di Merca y Canada, 14% ta di Latino America, 4% ta di Europa y 4% ta di Caribe Hulandes. AUA Airport ta reconoce cu esaki ta danki na un economia stabiel, clima politico, hospitalidad, populacion diversifica y siguridad general di nos isla. AUA Airport su aspiracion ta pa converti den un di e aeropuertonan mas sostenibel, sigur y prepara pa futuro den e region di Latino America y Caribe, brindando un espacio laboral confiabel, cu instalacionnan moderno y ademas cu un excelente servicio n’e cliente p’asina por refleha e hospitalidad di Aruba, contribuyendo na un futuro prospero pa Aruba.
Minister Geoffrey Wever:
Carbon Trading Ta musTra promeTedor pa modelo eConomiCo sosTenibel di aruba segun sondeonan
Recientemente, Metabolic Foundation a completa e un sondeo pa explora opcionnan accesibel pa carbon trading na Aruba. Den un paso notabel pa un modelo economico sostenibel y inclusivo, Minister Geoffrey Wever a laga investiga e beneficionan potencial di "carbon trading", un iniciativa clave den e Plan di Accion 2023-2025: Aruba su transicion pa un modelo economico sostenibel y inclusivo. E enfoke innovador aki tabata dirigi pa analisa e oportunidadnan y bentaha di compra y benta di carbon credits na Aruba, cu por te asta sirbi como un entrada adicional pa pais Aruba.
E sondeo tabata tin como meta pa determina cuanto CO2 credits (1 credit = 1 ton CO2) Aruba por produci via diferente projectonan sostenibel, y kico su balor ($) por ta, tanto actualmente como den futuro, pa asina por midi e factibilidad pa cumpra y bende esakinan cu individualnan y/ of organisacionnan internacional.
Carbon trading ta basa riba e concepto cu individuonan of companianan responsabel pa emision di CO2 por cumpra "carbon credits" di entidadnan cu ta contribui activamente
na practicanan sano pa medio ambiente, y asina mitiga nan propio impacto riba cambio climatico.
Carbon credits ta ser acumula por medio di desaroyo di e.o. proyecto di energia via panelnan solar of molina di biento, preservacion di reservanan natural.
Mangroven y yerba di lama tambe ta importante pa preserva pasobra nan ta absorba un cantidad mas grandi di CO2 compara cu matanan regular (of mondi) riba tera. Otro iniciativanan tecnologico cu ta sea reduci emision di CO2, of porta te asta absorba esaki ("Carbon Capture") tambe ta yuda acumula carbon credits.
Basa riba e resultadonan inicial prometedor di e sondeo, a bira cla cu carbon trading ta un opcion viable pa Aruba. E siguiente fase lo mester ta e preparacion di un plataforma di compra y benta di carbon credits. E trabounan preparatorio pa e siguiente fase lo sigui awo.
Uzo di carbon trading ta contribui na un desaroyo mas sostenibel door di stimula practicanan cu ta reduci CO2 y inversion den energia renobabel. "Carbon trading no ta solamente un strategia economico; e ta representa
un compromiso pa un futuro mas sostenibel y responsabel, aliniando
crecemento economico cu cuido ambiental, pa cual nos ta spera Aruba por
sigui explora den futuro"Minister Wever.
Accidente basta serio cu hende herida unda
auto a bolter y tin 3 hende herida
Diahuebs madruga a drenta informe di un accidente cu hende herida na Cura Cabay, mesora a dirigi tanto polis como ambulans na e sitio.
Na yegada di e patruya a bin compronde cu aki ta trata di un accidente unda un minivan a bay bira net
ora cu un Toyota Corolla ta bay pas’e y a dal e auto cu velocidad halto (style di fishtail) pone perde control y a bay bolter para un distancia basta leu.
Tanto e chauffeur di e auto y un pasahero a resulta seriamente herida y nan a ser hiba hospital mientras un
rato despues e chauffeur di e minivan tambe a perde conocimiento y e personal di ambulans a atende y a transporte pa hospital.
Polis mirando e gravedad a solicita presencia di e investigadornan technico y forensyco na e sitio pa yuda den e investigacion.
Retiro honorabel y nombramentonan nobo cerca Conseho Electoral di Aruba
Recientemente, riba su mes peticion, señora mr. Monica Kock a ser descarga honorablemente di su posicion di Presi-
dente di Conseho Electoral di Aruba. Despues di un buskeda cuidadoso pa un sucesor adecua, señor mr. Rosslin (Rossi) Marchena, abogado di profesion, a asumi e responsabilidad pa acepta e presidencia. Ta considera su nombramento un paso importante pa e continuidad y e progreso di e Conseho Electoral. Anteriormente, señor Marchena tabata Presidente suplente. Na su luga como Presidente suplente, señora Grasita Griffith, tambe abogado, lo emplea su
experencia y experticio pa apoya e Conseho den su actividadnan.
Presidente di Corte, señor mr. Mauritsz de Kort, tawata encarga cu e nombramento di e Presidente, mientras señora Xiomara Croes-Williams, Presidente di Algemene Rekenkamer di Aruba, tawata encarga cu e nombramento di e Presidente suplente, tur esaki conforme articulo 5 di e Ordenanza Nacional Partidonan Politico (Landsverordening Politieke Partijen) di Aruba.
SER ta risibí promé ehemplar di rapòrt riba seguridat na trabou
Willemstad, 19 di sèptèmber 2024 – Un rapòrt ku ta mustra e magnitut di mal kondukta na boka di trabou i su reperkushonnan ekonómiko a ser entregá djárason 18 di sèptèmber na Konseho Sosial Ekonómiko (SER). E informe, prepará pa Report App den kolaborashon ku About Workplace Harassment (AWH) i Optima Arbodienst, ta tira lus riba e retonan kresiente ku ta sali for di kondukta no deseabel na boka di trabou, i ta pone di forma kontundente su impakto tantu riba merkado laboral komo ekonomia di e isla.
tuma retiro for di e trabou spesífiko ei. Den un komunidat insular manera Kòrsou, kaminda e lasonan sosial i herarkia ta fuerte, e problema aki hopi biaha ta ser reportá lat òf ni siñalá mes, loke ta hasi e situashon mas difísil.
Aunke SER no a tuma un posishon ofisial riba kontenido di e informe ainda, e ta rekonosé e importansia sosioekonómiko di e tema. E konklushonnan ta indiká ku tin un nesesidat urgente pa introdusí reformanan struktural den organisashonnan, adaptá na e dinámika kultural i sosial spesífiko di Kòrsou. Segun e datonan presentá den e informe, 80% di esnan ku a partisipá den e enkuesta a yega di haña nan mes konfrontá ku algun tipo di komportashon no deseabel, manera avansenan seksual òf mikro agreshon, durante nan karera profeshonal. E tipo di insidentenan akí no solamente ta afektá bienestar di empleadonan, sino tambe ta kontribuí na un bahada di produktividat laboral i un oumento den rotashon di personal. Esnan ku no ta sinti nan mes sigur na trabou, ta reportá ku mas probabilidat un alto grado di apsentismo òf ta
E informe ta mustra e konsekuensianan grave di inseguridat laboral den sektornan klave manera turismo i kuido, ku ta motornan di ekonomia di e isla. Esnan ku ta traha den turismo ta traha por lo general oranan largu i ta haña nan mes konfrontá ku komportashon no apropiá di bishitantenan. Na otro banda, esnan den sektor di kuido ta inkliná pa sinti nan mes mas vulnerabel pa motibu di eskases di personal i preshon di trabou altu. E kultura lokal di no duna importansia na e problema aki ta stroba esfuersonan pa traha kontra mal komportashon na boka di trabou, ku no ta solamente afektá moral di empleadonan, pero tambe desaroyo ekonómiko di Kòrsou.
E rapòrt, mas aleu, ta suprayá e importansia di yega na solushonnan ku ta adaptá na e konteksto kultural di Kòrsou. E ta rekomendá, entre otro, kreashon di mekanismonan pa denunsiá aktonan no deseabel di forma independiente i aksesibel, i tambe asignashon di asesornan konfidensial ku por ofresé un kanal sigur pa empleadonan por reportá insidentenan. Ademas, e informe ta boga pa implementashon di un kuadro legal mas estrikto pa sigurá ku empresanan i organisashonnan ta obligá pa promové un ambiente laboral sigur i solidario. Riba e portrèt: Momento di entrega di e rapòrt. Di man robes pa drechi Sra. Sharlyn Curial-Villarreal, Sr. Raul Henriquez i Sra. Karin Bosman
Polis a bay Catiri Pa C ontrola auto laga atras sin ningun number riba dje
Diahuebs anochi a drenta informe di cu un persona a baha fey auto lagando esaki para riba caminda
na Catiri, mesora a dirigi un patruya na e sitio.
Na yegada di e patruya a
bin encontra cu e Chevrolet Optra blanco sin number. Durante controlando e auto
a nota cu esaki ta intacto y na lock. Un rato despues a yega un persona cu a bin re -
sulta di ta e doño di e auto y a informa polis cu ta gasolin a caba cun'e y ela core bay busca esaki .
Polis a bay tras y a boet chauffeur cu a comete infraccion den trafico
Diahuebs madruga polis a mira con un chauffeur a comete un infraccion banda di ex-La
Fama mesora nan a bay su tras y a par’e dilanti ex-Landslaboratorium mesora polis a atende
pa su malcomportacion den trafico y a dun’e su merecido boet!
Prome Minister Evelyn Wever-Croes: PROME MINISTER DI ARUBA TA LIDERA DELEGACION DI REINO NA SUMMIT OF THE FUTURE RIBA 21 Y 22 DI
SEPTEMBER NA NACIONNAN
UNI
ORANJESTAD-- Premier Evelyn Wever-Croes lo representa Aruba, dia 21 y 22 di september 2024 na e Summit of the Future na Nacionnan Uni na New York. E Summit of the Future ta precedi e siman ministerial di e 79 edicion di Asamblea General di Nacionnan Uni cu ta e momento den aña unda lidernan di mundo
ta bin hunto pa enfoca riba retonan mundial y traha hunto pa trece solucionnan. Minister-President lo lidera como hefe di delegacion di Reino, y participa activamente na e Summit of the Future, un encuentro riba tarima internacional importante cu tin e meta pa fortalece cooperacion mundial y garantisa un fu-
turo sostenibel pa generacionnan venidero. E meta principal tras di Summit of the Future ta pa trece lidernan y representantenan gubernamental, sociedad civil, NGO, sector priva, mundo academico y hobennan hunto pa asina colectivamente traha riba un mundo inclusivo, husto y sostenibel cu ta responde
debidamente na e realidad y varios reto geopolitico di siglo 21. Na e forma aki tur pais, incluyendo islanan chikito manera Aruba, por ta inclui den combersacionnan y decisionnan importante riba tarima internacional.
E cumbre lo enfoca riba temanan clave manera cambio di clima, innovacion tecnologico, derechonan humano, igualdad di genero, hoben y e futuro generacionnan.
Prome Minister lo duna un aporte importante como un di e oradornan principal na e culminacion di e Declaration on Future Generations di cual Reino Hulandes y Jamaica a sirbi como cofacilitado. E Declaration on Future Generations ta enfoca riba e importancia di premira y inclui e necesidad di nos futuro generacionnan den maneho y decisionnan mundialmente.
Prome Minister lo enfatisa tambe durante otro reunionnan na New York e retonan unico di SIDS, cu islanan chikito manera Aruba, tambe ta encon-
tra. E enfoke principal lo ta riba desaroyo sostenibel y e efectonan di cambio di clima.
E topiconan aki ta di gran importancia pa Aruba, mirando e consecuencianan di cambio di clima manera e subida di nivel di lama y e necesidad pa un crecemento economico sostenibel.
Ademas di su participacion na e Summit of the Future, Prome Minister Wever-Croes lo reuni cu varios hefe di estado y representantenan di organisacionnan internacional pa sigui estrecha lasonan entre Aruba y su partnernan. E discusionnan aki ta enfoca riba entre otro desaroyo economico, cooperacion tecnologico y asistencia tecnico.
Aruba como un isla chikito den Caribe, participando na e cumbre aki encabesando e delegacion di Reino Hulandes ta subraya e fortalesa, capacidad y determinacion di nos pais pa hunga un rol activo riba escenario global y contribui na solucionnan.
Ta na unda e Referendum a keda, tocante matrimonio di mesun sexo?
Skirbi pa Seferino Tromp, un mensahero di Dios.
Bo ta papia di derechonan igual, pero bo sa masha bon cu no por tin igualdad di loke ta moral y inmoral, di loke ta honesto y deshonesto y no por tin igualdad entre Dios Su Gloria y e diabel cu su perdicion den fierno, ta un caminda tin pa escohe. E veredicto di Corte di casacion na Den Haag, ta un enterpretacion e ta, di e articulo 1 di constitucion di discriminacion pa Aruba cumpli. E conseho aki no ta un obligacion, pero si esnan responsabel di pueblo no por dicidi, anto ta e pueblo di Aruba mes tin cu dicidi den e derecho di exprecion den un referendum. Bo no tabata sa, cu esnan den sodomita ta busca e ley di discriminacion, pa nan tambe por casa? Awor, kiko e ley di discriminacion ta concerni? Entre anja 1900 –1939 tabata tin e Race War na Merca. Akinan e African American Community tabata wordo discrimina, na trabao, na scol, den comunidad politico, nan no por vota den eleccion etc. Na anja 1933, president Franklin D. Roosevelt a bin cu e ley aki di discriminacion pa tur rasa y idioma. E ley di discriminacion aki ta papia di hendenan di tur rasa, pero e ley aki no ta papia di inmoralidad sexual di tur clase y ni ta papia di casamento di tur clase. Bo mester compronde, cu hendenan cu ta biba aki na Aruba of hendenan cu ta bin di otro pais pa biba aki na Aruba y nan ta biba den nan sexualidad den tur clase of nan ta casa den inmoralidad di tur clase, anto esey ta nan biba y nan asunto. Pero nan tur mester respeta e bida Cristian di e pueblo y nan mester respeta y cumpli cu e in-
stitucion di e ley di censo di casamento civil entre homber y muher. E pueblo Cristian y e hubentudnan ta cumpli y ta obedece loke
Dios ta bisa, Bijbel Genesis 2: 4-24, na unda cu Dios Tata a traha homber y muher pa procreacion humano, Adam y Eva. Den Bijbel Marco 10: 6-9, akinan Dios ta uni homber y muher den e bida matrimonial, akinan homber y muher ta casa pa lanta famia. Esaki ta e educacion cu e pueblo y e hubentud ta ricibi, na cas, na scol y na Centro Pastoral. Bo ta bisa, nan ta mesun hende y stroba e mesun sexo di casa ta discriminacion. Den e prome ley di Dios ta bisa, di stima bo prohimo, pero akinan Dios no kier pa bo stima e pikanan cu e prohimonan ta biba aden. Por ehempel den Bijbel Genesis 19: 1-23, akinan Dios Tata mes a kita bidanan di tur e habitantenan di Sodoma y Gomorra, pa motibo di nan pikanan di homosexual y di lesbiana. Anto mi ta puntra
bo, esey ta discriminacion? Den Bijbel Levitico 20: 13, akinan Dios ta prohibi e relacion sexualnan entre homber cu homber y entre muher cu muher, nan lo wordo condena na morto eterno. Awor, esey ta discriminacion? Compronde, si un hende cu kier bay den fierno despues di morto, esey ta su asunto, e mes a escohe pa bay. Pero bo no por bini cu e casamento civil di e mesun sexo den censo, pa trece ehempel di inmoralidad sexual di tur clase den pueblo y pa danja e mentalidadnan di nos hubentudnan, cu ta kitanan for di e caminda di Dios. Un ehempel, si bo pone un batata putri den un sako di batata bon y si bo no saka e batata putri na tempo, kiko bo ta kere ta bay pasa? Esey ta pa bo dicidi. Si esnan responsabel di pueblo mes no por dicidi, anto laga e pueblo Cristian di Aruba mes dicidi den un referendum. Pasobra bos di pueblo, ta bos di Dios.
Cin C o señal di jaloezie dañino den un relaC ion
Bo no sa con pa identifica jaloezie dañino? Aunque cu nan ta parce positivo, di berdad esaki no t’e caso. Jaloezie por haci hopi daño
"Si e ta jaloers ta pasobra cu e ta sinti pa bo.” Cuantu biaha nos ta tende e frase aki? E ta un di e hopi creencianan tocante amor romantico cu, enbes di haci un bon den relacionnan di pareha, ta haci nan toxico. P'esey ta bon pa identifica e señalnan di jaloezie dañino den un relacion cu por hasi nos daño.
Tin biaha nos ta purba di hustifica jaloezie como señal di algo positivo. Tin un minimo di jaloezie cu por parce di ta acceptable, pero di berdad e ta asina?
Psicologo Silvia Congost ta splica cu "jaloezie, manera hopi otro cos, ta un reaccion cu ta bin door di falta di autoestima.”
Por ehempel, si nos pareha ta coketia c’un otro persona nos dilanti, ta normal pa ta jaloers y tuma e decision drastico manera di kibra e relacion. Sinembargo, si no tin indicacion di infidelidad, jaloezie dañino por aparece. E ta destrui e relacion so y por termina den e efecto Pygmalion.
E efecto Pygmalion y su relacion cu jaloezie enfermo E efecto Pygmalion ta conoci tambe como profesia autocumpli.Ta trata di anticipa hecho cu no a sosode y cu no mester sosode.
Sinembargo, sin cu nos tabata sa, nos ta termina na haci cosnan cu ta yuda nos confirma tur loke nos tabata kier pa a sosode. Laga nos duna un ehempel hopi simpel pa ilustr’e miho.
Imagina cu jaloezie dañino ta urgi nos pa pensa cu nos
pareha por ta coketiando cu otro hende na trabou of ora cu e sali cu su amigo- of amiganan. Esaki lo pone cu nos ta cambia. Nos ta bira mas iracional y ora cu puntra kico pasa, nan no ta bisa nada.
Na dado momento nos pareha por papiando agradablemente c’un otro persona y nos belnan di alarma ta cuminsa bati. Ta smile cu mas frecuencia mientras cu bo e no ta hacie pa hopi tempo caba. Nos por hustifica nos jaloezie dañino ora cu e realidad ta otro.
Na final, jaloezie dañino no ta hiba nos na nada mas cu un destruccion completo di e relacion, pasobra nan no ta basa riba nada y nos lo purba di fiha nos mes riba cualkier detaye chikito pa hustifica nan. Esaki no ta nada saludabel, p'esey nos mester sa identifica e señalnan mas lihe posibel.
. Señalnan cu tin indicacion di jaloezie dañino
Aunke por tin hopi señal di jaloezie dañino, nos a scoge cinco cu nos ta considera hopi importante, ya cu solamente yudansa profesional lo permiti nos sali for di e circulo destructivo aki.
1. Nos kier pa nos pareha ta semper huntu cu nos Esaki ta un promé señal of red flag. Nos pareha mester tin nan propio espacio. Tin biaha frase manera "awor nos ta un so" of "ta cu nos no por haci nada sin e otro" ta daña e relacion.
P'esey mester haci actividadnan y keda cu amistadnan tambe separadamente. Ta semper huntu por nifica un falta di confiansa.
Siña con pa identifica red flags den un relacion di pareha
2. Nos ta sigui nos pareha Tin diferente aplicacion cu nos por instala riba nos pareha su celular y cu ta
yuda nos sa unda e ta den cada momento. Esaki ta mas comun cu ta parse y no ta nada saludabel.
E control aki riba e otro persona lo alimenta solamente jaloezie dañino y lo termina dañando e relacion. P'esey ta miho pa no testnan.
3. Ta revisa celular di otro Otro señal cu ta alerta riba e posibilidad cu nos ta sufriendo cel enfermo ta pa nos revisa nos pareha su celular. Aunke nos no tin e password, cada biaha cu nos haya un chens nos ta bay WhatsApp of red social pa wak e mensahenan. Esaki no ta nada saludabel y nos no mester hacie nunca.
4. Nos ta cuminsa sospecha si e no ta responde nan telefon mobil lihe Rapidez ta un problema actual di henter sociedad, pero esaki por pasa pa relacionnan di pareha. Si nos no acepta cu e otro por ta papiando cu un amigo of
haciendo otro cosnan enbes di presta atencion na e celular, nos por tin un situacion di jaloezie dañino.
5. Nos ta revisa y hole su paña
Revisa y holo e paña di nos pareha su paña pa detecta perfume of mancha cu por hustifica nos jaloezie dañino ta algo cu no ta pa nada saludabel. Ta accionnan cu nos ta custuma di mira den algun pelicula y cu nos no mester reproducí den bida real. Kico lo sosode si nos pareha haci mescos? Nos lo kier esaki?
Jaloezie dañino no ta contribui n’e relacion. Tin hopi hende cu ta envidioso y ta sufri di esey. Detecta cu algo ta pasando cu nos ta e prome paso pa busca ayudo profesional.
Nos mester kita for di nos cabes e idea cu jaloezie ta bon of cu nan ta nifica cu e otro persona ta importa nos. Sabendo cu nos tin e tipo di actitudnan aki lo yuda nos pone un limite.
FORTALEZA PA FAMIA
Scirbi pa Pastor Marcel Balootje.
MURI SIN KERE DEN CRISTO,
TA NIFICA MURI BAO DI CONDENACION Y BAY FIERNO
Hopi hende no kier papia di dje, hopi ya no ta predica di dje, pero ta tur locual Hesus Cristo a splica Nicodemo den Juan 3:16-21, pasobra for di den versiculo 14-15 Hesus ta bisa cu e Yiu d hende mester wordo halsa pa ken cu kere den dje por tin bida eterna.
Awendia materialismo y inmoralidad, ta pone hende pensa solamente riba e bida terenal solamente, y ta blokia hende su mente pa nan no arepenti , kere y wordo salba.
Esun cu muri sin acepta Cristo Hesus y no reconoce cu ta necesario pa sirbi y biba den santidad lo bay fierno.Pasobra pa drenta cielo mester tin relacion intimo cu Cristo Hesus pasobra e palabra ta bisa nos y e ta para scirbi den tur bijbel di tur religion cu ta proclama e palabra di Dios bisando:
Pasobra ta un Dios so tin, y un mediador tambe entre Dios y hende , e hende Cristo Hesus, Kende a duna su mes como rescate pa tur hende. Y ta importante pa tur hende cuminsa puntra nan pastor kico ta berdad, pa asina hende no kere den fantasia.(1Timoteo 2:4-56).
Hesus a bisa ami ta e caminda e berdad y e bida,ningun hende no por yega serca e Tata si no ta pa medio di Mi.
Si un hende muri sin Cristo Hesus como su Señor y Salbador e hende ey lo bay fierno, y ningun hende no por haci nada pe, ni maske cuanto hende resa despues, no ta cambia nada. pasobra tur
hende mester entrega nan bida na Cristo Hesus ora nan ta na bida y kere den Dje, esey ta e plan di Dios pa salbacion.( Juan 3;16).
Segun tur hende por lesa pa nan mes den Lucas capitulo 16:19-31 y especialmente den verse 23-24 nos ta conoce e realidad di fierno. Ora un hende muri sin Cristo e no tin pas , pasobra su curpa ta sosega .pero su alma lo ta den candela eterno.
Ningun hende cu drenta cielo lo no sali pasobra e tin bida eterno serca Hesus den cielo, y mescos tambe esun cu bay fierno lo no sali pasobra e tin morto eterno serca diabel y su compinchinan.
Locual tur hende mester compronde den e reino di Dios ta Dios ta manda y Dios su palabra no ta cambia ta un gobierno tin y ta Dios ta goberna.
Riba mundo nos conoce politica, den cielo no tin politica, no tin coalicion, ta un gobierno tin, e momento cu Lucifer a pensa di por a trece rebeldia den cielo
y asina trece dos partido, Dios a tire y tur su aliadonan for di cielo.
Pero tin un oportunidad pa tur esnan cu kier arepenti: Si nos confesa nos pica, E ta fiel y justo di pordona nos, nos picanan y libra nos di tur inhusticia.
Ta un solo berdad tin den Bijbel: Y ta para scirbi cu esun cu kere lo ta salba y esun cu no kere lo ta condena pasobra e no a kere den eYiu unigenito di Dios.
Tur hende mester ta na altura locual Juan 3:36 ta proclama: Esun cu kere den e Yiu tin bida eterno, ma esun cu no obedece e Yiu no tin bida, ma e furia di Dios ta keda riba dje.
Pa drenta den relacion cu Cristo ta simpel: Pasobra si bo confesa cu bo boca Hesus como Señor y kere den bo curason cu Dios a lante for di mortonan lo bo ta salba.
Cristo Hesus ta e unico caminda pa salbacion y bida eterna.
Sinceramente, Pastor Marcel Balootje.
Feliz dia bendiciona y cu Dios su man santo ta riba cada un di nos
Den e tempo ey Hesus a bisa: ”Tata, Señor di shelo y di tera! Mi ta gradici Bo cu Bo a duna esnan simpel conocemento di e cosnan cu Bo a sconde pa esnan sabi y inteligente.” Mateo 11,25
Ta trata di e reino cu Dios mes a funda y esnan simpel na kende e cosnan aki a keda revela. Hesus ta expresa na un manera indirecto cu E tin un caso unico cu Dios su Tata, p’esey nos ta proclama Dios su sabiduria secreto prome cu mundo a cuminsa. El a traha e plan pa nos tuma parti na su gloria pero e plan ey a keda scondi; ningun di e podernan cu ta domina e mundo aki no tabatin conocemento di e plan ey. Si nan tabata conoc'E nan lo no a crucifica nos Señor di gloria. Pero manera Santa Scritura ta bisa: loke ningun hende no a yega di mira, ni ningun hende no a yega di tende, pues ni ningun hende no por imagina nan, esey Dios a prepara pa esnan cu ta stim’E. Ma nos si Dios a laga conoce su plan secreto pa medio di su Spirito Santo. ( 1 Cor. 2, 7-10)
Dios a laga nos conoce su proposito scondi di acuerdo cu su boluntad, e proposito cu El a dicidi di antemano pa realisa pa medio di Cristo.
Oracion: Dios bondadoso, Abo cu ta scrudiña curasonnan, yuda nos lucha cu nos cruz cu no ta facil, pero cu Cristo nos por tur cos. E so por duna nos e forsa sobrenatural pa enfrenta e lucha aki na tera. Amen.