Algun tempo pasa, Ursel Arends a lansa critica cu Chris Romero a duna un persona 96 permiso. El’a yama esaki pa un acto corupto den direccion di MEP. Segun Ursel, cu e permiso a wordo duna den tempo di eleccion y esey ta muestra di algo robes di partido tradicional.
CASO DI 96 PERMISO
E siman aki Gerlien Croes a sali pa defende Chris Romero, bisando cu nada corupto a sosode. Cu e persona nunca a haya 96 permiso cu Ursel a indica y mas peor, 2 dia despues cu gobierno a cay, Ursel a duna e mes persona dos permiso di T y O. Pues Gerlien Croes awor a critica Ursel di mentiroso!
Prome Minister Evelyn Wever-Croes: PROME MINISTER A REUNI CU SEÑOR NIGEL
MADURO Y SEÑORA ORIANA WOUTERS
“Mi ta haya participacion di hobennan
na conferencianan internacional hopi importante, y ta contento di mira con nan ta tuma un rol activo riba e tema aki”
Diahuebs mainta Prome Minister Evelyn WeverCroes a reuni cu Nigel Maduro y Oriana Wouters cu ta representando diferente organisacion na e conferencia COP 29 y ANTICOP cu ta tumando luga den exterior, riba cambio climatico.
E conferencia COP 29 ta un conferencia cu hopi pais na mundo ta participa y ta tumando luga na Azerbaijan. Nigel Maduro como hoben Arubiano a wordo eligi pa representa un organisacion internacional, como
representante di e hobennan na e conferencia aki. Pa e por a logra bin na remarke pa representa dicho organisacion, e mester a pasa un “screening” basta pisa, di cual el a logra pasa exitosamente.
Prome Minister a expresa cu ta di suma importancia, pa ora un persona bay atende conferencianan asina, pa e ta altanto di kico e pais ta hacienda. Pa cu esaki, Prome Minister a reuni cu Nigel pa asina inform’e di tur e esfuersonan cu Gobierno ta haciendo riba diferente tereno. Durante e reunion a toca e topico di transicion di energia, di cambio climatico, di representacion di hobennan y varios otro tema.
Señor Maduro tambe lo ta presente na e conferencia ANTICOP cu lo tuma luga na Mexico,
na unda nan ta trata e mesun topiconan pero den un otro perspectiva. Prome Minister a expresa di a palabra pa sigui intercambia ideanan, y pa por reuni cu Señor Nigel y Señora Oriana na momento cu nan yega bek Aruba pa asina comparti kico ta e “best practices” nan pa por implementa na Aruba tambe. “Mi ta haya participacion di hobennan na conferencianan internacional hopi importante, y ta contento di mira con nan ta tuma un rol activo riba e tema aki. Mi ta desea señora Oriana y señor Nigel hopi exito” Prome Minister a expresa.
ARUbA bANk TA SOSTENE EDUCACION DIGITAL NA
COLEGIO FELIPE b. TROMP CU NAN STEAM-LAb
25 di oktober 2024Aruba Bank ta aporta na e desaroyo di educacion digital na diferente scolnan riba e isla. Colegio Felipe B. Tromp a ricibi un donacion di Aruba Bank pa yuda na establece un STEAM-Lab di ultimo tecnologia den e scol. E iniciativa aki ta alinea cu e compromiso di e banco pa asina stimula educacion y fomenta innovacion entre hobennan na Aruba.
Colegio Felipe B. Tromp, un institucion inovativo cu mas di 300 studiante, a integra lesnan digital den su curriculum. E iniciativa di e scol pa crea un klas STEAM lo yuda studiantenan pa desaroya habilidadnan di siglo 21, incluyendo creatividad, pensamento critico, y soluciona problema atraves di experencianan practico den e manera di studia.
di e STEAM-Lab, cu lo duna oportunidad na studiantenan pa explora temanan principal di STEAM y participa den projectonan colaborativo y creativo. E aliansa aki ta resalta e dedicacion di Aruba Bank pa duna sosten na e proximo generacion via educacion digitalisa.
E patrocinio di Aruba Bank a yuda pa cubri materialnan esencial y aparatonan necesario cu a permiti e construccion
Aruba Bank ta contento di por tabata parti di un projecto. Apoyando e STEAM-Lab, nos ta inverti den futuro di nos muchanan, sigurando cu
nan tin e hermentnan y oportunidadnan necesario
pa prospera den un mundo digital.
ArubA Tourism AuThoriTy (A.T.A.) TA honrA
dos empleAdo fiel cu TA conTinuA un TrAyecToriA
nobo den nAn cArerA
‘A gradici ambos pa nan dedicacion y contribucion na e Oficina di Turismo di Aruba’
Aruba Tourism Authority (A.T.A.) a tuma e oportunidad durante bishita na Europa pa gradici dos di su empleadonan fiel cu lo sigui un trayectoria nobo den nan carera. Cu hopi aña di dedicacion, Jaap Ellis y Joanna Walding a dedica nan bida profecional pa promove Aruba como un destinacion turístico preferí.
Cu 19 aña di experiencia na A.T.A., Jaap Ellis a cuminsa su carera como Sales Representative pa e mercado di Norte America representando
e parti noreste di Merca y e mercado Canades. Despues a sirbi como Sales & Marketing Manager pa Europa entre 2011 cu 2024. Durante su carera, Jaap a yuda pa engrandece e presencia di Aruba den mercado Mericano, Canades y Europeo y a contribuí grandemente na e exito di A.T.A. y cu esaki e exito di Aruba su turismo.
Cu 10 aña di experiencia, Joanna Walding a cuminsa su carera como Manager di PR via un agencia di mercadeo cu A.T.A. tabata tin como cliente. Despues, a fungi exitosamente como Regional Manager pa Reino Uni pa A.T.A. Entre 2011 te mei 2024, Joanna a traha incansablemente
pa promove Aruba cu den e mercado Britanico. Ambos Europa y Inglatera a conoce resultadonan record durante labor di Jaap y Joanna.
A.T.A. ta gradici Jaap y Joanna pa nan dedicacion y contribucion durante e añanan di servicio y ta deseanan tur clase di exito
den nan futuro carera profesional.
Na Inglaterra banda di reconoce Joanna, a reuni cu representacion di Aruba na e mercado aki. E mercado, no obstante reto den su temponan fuerte tabata e di dos mas fuerte pa Europa. Na 2023 el a
representa 9% di total di bishitante di Europa, unda a mira un total di 76% di bishitante cu a bin Aruba pa promer biaha. Lunanan fuerte pa e mercado aki ta Augustus y september, cual ta positivo pa Aruba.
A.T.A. lo sigui enfoca riba e mercado aki.
minisTer Geoffrey Wever A inTercAmbiA
informAcion TocAnTe desAroyo sosTenibel
cu AlumnonAn di sinT frAnciscus colleGe
E siman aki Minister
Geoffrey Wever a bishita alumnonan di 6e klas di Sint Franciscus College den cuadro di e metanan di desaroyo sostenibel (Sustainable Development Goals (SDGs)). Sint Franciscus College ta e di 26 scol basico cu Minister Wever a bishita pa contribui na educacion di e alumnonan over desaroyo sostenibel y e SDGs.
Minister Geoffrey Wever
a splica e alumnonan cu tur e 17 SDGs ta conecta cu otro y a intercambia cu e alumnonan over, entre otro, e importancia di enseñansa di calidad (SDG #4) y trabou decente (SDG #8) pa elimina pobresa (SDG #1), e importancia di energia limpi y economico (SDG #7) y accion riba clima (SDG #13) pa un desaroyo sostenibel, como tambe e importancia pa cuida bida bou awa (SDG #14), e importancia di husticia pa
tur hende (SDG #16) y con henter e sociedad di Aruba por aporta na avansa e metanan di desaroyo sostenibel (SDG #17).
E presentacion tabata uno interactivo. E alumnonan di Sint Franciscus College tabata hopi interesa den e topiconan presenta y a haci pregunta y duna comentario.
Minister Geoffrey Wever: “Mi ta gradici Sint
Franciscus College pa a ricibi nos y mi kier a gradici Cabesante señora Nadine Kirindongo pa e motivacion cu e ta duna nos hobennan inspirandonan cu nan lo ta e Aruba di mañan encarga cu desaroyo di Aruba. Hopi exito cu e proyecto venidero.”
Noticia di Corte 4 aña y mey di prison exigi
pa hoben cu a tira riba auto dilanti oude molen-1-
Awe mainta Corte di Husticia a trata e caso penal cu Ministerio Publico a cuminsa contra e hoben A.S.H. (19), kende ta wordo acusa di intento di mata dilanti di Oude Molen y posecion di diferente arma di candela.
SOLO DI PUEBLO por a compronde cu Fiscal a haya A.S.H. culpabel di intento di mata y posecion di arma di candela y a exigi 4 aña y 6 luna di prison. Abogado mr. Griffith ta haya cu A.S.H. a acuta den defensa propio y como tal mester declar’e liber.
Den sala di Corte tabata presente famia di A.S.H. o sea su mama y su rumnnan. Fiscal a bisa cu e ta acusa A.S.H. cu riba 15 October 2023, el a tira riba algun persona. Tambe Fiscal ta acusa A.S.H. cu entre 1 Augustus 2023 y November 2023, e tabata den posecion di armanan di candela y municion.
ARMANAN DI CANDELA
Hues a mustra cu na e cas na Seru Patrishi, unda A.S.H. ta biba serca su mama, Polis a haya un revolver. Segun A.S.H. e arma supuestamente no ta tira. E arma tabata den un tas di A.S.H. E arma tabatin balanan aden. Polis a check e arma y e ta funciona. Polis a haci investigacion den cellular di A.S.H. caminda a mira diferente potret y video cu diferente armanan di candela cu A.S.H. tabatin den su man. Segun A.S.H., un conoci a mustr’e diferente armanan y el a saca potret y video di e armanan pa mustra su
amigonan. Segun A.S.H. nunca el a mira arma asina. Pa loke ta e revolver cu a haya na e cas, A.S.H.a bisa cu ta na October 2023 el a haya e revolver for di e conoci y e conoci a mustr’e e otro armanan.
TIRAMENTO
Hues a mustra cu 15 October 2023 banda di 5’or di mainta banda di Oude Molen tabatin tiramento. Hues a puntra A.S.H. kico a pasa cu A.S.H. a tira riba un auto. Segun A.S.H., el a sali cu algun amigo y su ruman chikito. Nan a bay Gusto y na dado momento dos homber a pasa y un di nan a bisa: “tin bala pa boso”. A.S.H. a keda asombra y a puntra e amigonan si nan tin problema. E amigonan a bisa cu no. Despues nan a bay Oude Molen pafor. Na dado momento e mesun dos hombernan a sali for di Oude Molen y un di nan a bisa: “ora mi bolbe, bala lo cay”. E ora ey A.S.H. a cana bay na un auto y a mira e hombernan den un auto Nissan March y bay unda su amigonan y su ruman ta para. El a bisa cu el a tende un tiro y hendenan a cuminsa core. E ora ey el a saca su arma y lo un tiro riba e auto. El a bisa Hues cu el a kere cu nan lo a tira riba su ruman cu tabata hunto cu otronan. Segun A.S.H. el a pensa cu ta esnan den auto a tira y a los un tiro. E no a wak kende a tira sino a tende un tiro. E ora ey a saca arma y tira. Segun A.S.H. e no a dirigi arma riba auto pa herida hende sino pa spanta.
HAYA ARMA DEN PARKING LOT
El a splica Hues, el a haya e revolver riba un auto den parking lot banda di Gusto. Despues di a tira cu e arma na Oude Molen, el a tira e arma afor.
Hues a bisa cu segun security di Oude Molen, a tende un tiro y hendenan a core drenta den Oude Molen. El a sali y haya sa cu un gay a tira riba un auto Nissan March. Tin otro testigo cu a mira A.S.H. tira y warda e arma den un tas. Fiscal a haci serie di pregunta. A pasa video di seguridad y a puntra A.S.H. na unda el a haya e arma y despues na Molen a mustra na unda e tabatin e arma poni banda di un auto. Despues cu esnan a bisa cu ora nan bolbe bala lo cay, A.S.H. a cana bay na e auto y a coy e arma hinca den su tas. El a bisa cu el a coy e arma pasobra e no sa kico tabata nan intension. Fiscal a mustra cu A.S.H. a declara na Polis cu el a tira riba e man di un hende for di e Nissan cu a tira. Segun A.S.H., el a tira ariba di e auto y no riba e auto. Hues a mustra cu Reclasering ta bisa cu A.S.H. mester di guia.
FISCAL NO TA KERE SOSPECHOSO
Fiscal a bisa cu e no ta kere A.S.H., cu el a haya un arma banda di un auto den parkinglot di club nocturno Gusto. Segun Fiscal, den Corte, A.S.H. ta duna otro declaracion compara cu loke el a bisa na Recherche.
Continuacion pag 6
En conexion cu e proyecto piloto di SPO 4 y 5 a haci inversion den 45 laptop cu a wordo distribui entre SPO Brazil y SPO Santa Cruz. Esaki ta pa yuda facilita e lesnan cu ta wordo duna via di e plataformanan digital uzando "licenties". E inversion aki ta yuda cu e alumnonan na e momento cu nan ta na scol pa nan por tin acceso pa continua cu nan les.
Diamars ultimo, un compania local a haci entrega di e 45 laptopnan na e scolnan. “Un danki na tur cu a yuda haci e proyecto aki posibel. Exito na e studiante- y maestronan y cu boso haci bon uzo di e bunita inversion aki,” Endy Croes a finalisa. Un amigo pa semper! Endy SI!
Prome Minister Evelyn Wever-Croes:
Cu e proyecto di Edutech ROSARIO COLLEGE A GANA 50
CHROMEBOOKS Y 12 TABLET PA NAN SCOL
- Diabierna mainta
Prome Minister Evelyn Wever-Croes acompaña pa Parlamentarionan
Ricky Hoek y Edgard Vrolijk, a bishita scol basico Rosario College pa asina mira con e docente y alumnonan ta traha cu nan ekiponan digital cu nan a gana cu e proyecto di Edutech. Scol basico Rosario College a inscribi pa participa na e proyecto di Edutech pa asina por haya 50 chromebooks pa e klasnan 6 y 12 tablet pa e docentenan por duna les.
Prome Minister a indica di ta hopi bunita pa wak con e docentenan aki ta duna les na un manera hopi interactivo cu nan tablet. Tambe por a nota cu e muchanan ta hopi mas participativo, cu e manera aki di haya les.
Na su turno señora Karenza Werleman cu ta e docente di klas 6 a
expresa di ta sumamente contento di por a logra gana e chromebooksnan y e tabletnan pa nan scol. El a indica di a bin ta traha hopi duro riba esaki, y pa mira cu alfin a logra haya e ekiponan pa asina e docentenan por duna les na un manera mas eficiente ta un sentimento hopi bunita.
Señora Patrice De Palm, cabesante suplente di e scol tambe a remarca di ta sumamente contento cu nan scol a logra gana e 50 chromebooksnan y
e 12 tabletnan, y ta spera cu den futuro por mira un expansion di technologia den nan klasnan.
Prome Minister ta felicita cabesante di scol, tur e docente y alumnonan cu nan ekiponan digital nobo, specialmente e "digi expert" di Rosario College cu ta juffrouw Karenza, cu a traha hopi duro pa logra esaki. E muchanan tambe ta hopi contento y no lo desea di bolbe na e "old fashion way" di duna les.
aña y mey di prison exigi pa hoben cu
a tira riba auto dilanti oude molen-2-
INTENTO DI MATA
Fiscal ta haya cu for di inicio A.S.H. tabata cu e arma. Tabatin 4 hende den e auto Nissan March y mirando e distancia cortico for di cual A.S.H. a tira riba e auto, e chens tabata tey cu un hende den e auto por a muri. Segun Fiscal, for di video por mira cu A.S.H. a dirigi e arma riba e auto y a tira. Fiscal ta haya cu A.S.H. tabatin intension di tira mata. El a bisa cu na momento cu ta tira riba un auto riba un distancia cortico cu hende sinta aden, ta tuma e risico cu un hende den e auto por sali herida y muri. Na opinion di Fiscal, tur e testigonan cu a scucha, ta papia di a scucha un tiro so. Ningun ta bisa cu a scucha mas cu un tiro. Ningun ta bisa cu ta for di e Nissan a tira. Ta solamente A.S.H. ta bisa cu ta for di e Nissan a tira.
PROBLEMA GRANDI DI ARMA
Pa loke ta posecion di arma di candela, Fiscal a bisa Hues cu ta alarmante e cantidad di casonan di arma di candela den hobennan y tiramento. Esaki ta crea inseguridad. Pesey Ministerio Publico ta baha pisa riba posecion di arma di candela. Pa cana cu arma riba caya ta 2 aña di prison. Pa intento di mata ta entre 5 y 6 aña di prison.
NO TIN DEFENSA PROPIO
Fiscal a bisa Hues cu e no ta kere cu aki por papia cu A.S.H. a actua den defensa propio. No
tabatin circumstancia cu ta mustra cu esey lo a sosode.
CASTIGO
Pa cu e castigo, Fiscal a bisa cu e ta tene cuenta cu A.S.H.(19) ta hopi jong. Pero mirando seriedad di e caso, el a exigi 4 aña y 6 luna di prison.
ACUSADO NO A TIRA INTENCIONAL
Despues di a scucha e exigencia di Fiscal, mr. Griffith a bisa Hues cu e tempo ey A.S.H. apenas tabatin 18 aña y a bay sali cu su ruman cu a haci 17 aña. Nan a bay Gusto Night Club. Na dado momento un homber ta pasa dilanti nan y bisa “bala tin pa boso”. Na opinion di e abogado, esaki ta un amenaza directo contra nan. Envez di reacciona riba e menaza, nan a bay for di e lugar. Esey ta mustra cu A.S.H. no kier tabatin ningun confrontacion. Nan a bay na Oude Molen para pafor pa sigui celebra. Na dado momento e mesun homber ta sali y na forma amenasante ta pasa nan dilanti y a bisa: “ ora mi lora bek, mi lo bay tira”. E momento ey A.S.H. a cana bay y no a busca confrontacion contra e homber aki. E tabata busca manera di evita problema. E homber a lora bek, para su auto dilanti Molen, manera el a. A.S.H. a scucha un sonido duro y a mira tur hende core bay. El a kere cu lo a los un tiro y cu e menaza di e homber a bira realidad. Esey a haci cu A.S.H.
a hay’e obliga pa tuma accion pa para e menaza e momento ey. El a haya un arma y a usa e arma y los 1 tiro pa stop e menaza.
ACTUA DEN DEFENSA PROPIO
Segun abogado, A.S.H. no tabatin ningun momento e intension pa herida hende cu arma di candela. E no ta haya cu A.S.H. a tuma riesgo pa herida of mata hende. A bogado ta haya cu mester declara A.S.H. liber pa e delito aki. El a bisa Hues cu ningun caminda por mira cu e tiro tabata dirigi pa causa herida. E tiro no a alcansa e auto.
E abogado a bisa cu aki mester papia di defensa propio. Tabata reina menaza serio di parti di e homber na dos occasion. Na Molen, e homber a cumpli cu loke el a bisa esta: “ora mi lora bek, bala lo cay”. Ora A.S.H. a scucha un sonido duro cu el a interpreta esaki como un tiro y a mira hendenan core, el a actua pa defende su ruman cu e momento ey tabata entre e hendenan. Na momento cu el a tira, e auto a core bay.
Pa loke ta posecion di arma, e abogado ta laga esaki na decision di Huez. El a pidi Huez pa aplica castigo hubenil, mirando cu A.S.H. tabatin 18 aña of duna castigo igual na loke A.S.H. a sinta caba.
Hues a sera tratamento di e caso y a bisa cu e ta bay evalua y dia 15 November 2024 lo tin sentencia.
accidente cu dama levemente herida
na paradera
Paradera - Diahuebs anochi, algo prome cu 9'or y mey polis a bay pabou di rotonde Paradera pa un accidente di trafico cu hende herida.
Polisnan cu a yega a cera e caminda den ambos direccion, debi cu e
autonan tawata memey di caminda.
E dos vehiculonan envolvi tawata un Nissan Versa v-car y un Lexus.
Locual a sosode; ta cu e Lexus saliendo for di e rotonde Paradera pa Shiribana lo a perde control y bay dal contra e Nissan Versa.
Den e Versa un dama a resulta levemente herida y mester a ricibi atencion
di Paramediconan, cu a wordo solicita na e sitio.
Na final polis di trafico
tambe a presenta y takelwagen mester a presenta pa move e autonan for di caminda.
Prome Minister Evelyn Wever-Croes:
Reunionan periodicamente ta sigui, SINDICATONAN A REUNI CU PROME
MINISTER RIBA TEMANAN GENERAL CU TA DI IMPORTANCIA PA E EMPLEADO PUBLICO
Diahuebs 24 di october
Prome Minister Evelyn Wever-Croes a reuni cu sindicatonan cu ta representa empleadonan publico di pais Aruba.
Sindicatonan ta reuni periodicamente cu e mandatario principal pa trata temanan general cu ta relevante pa e empleadonan publico.
Cada reunion ta trata puntonan specifico y durante e reunion di diahuebs a trata entre otro e sistema di evaluacion (prestatiemanagement systeem) y e ziekteverzuim, y con pa atende cu esnan cu ta meld AO regularmente. Por ehempel pa durante un evaluacion, tene na cuenta y haci un distincion entre un empleado cu ta meld ziek y keda hopi tempo malo pa motibo di un malesa chronico, y un empleado cu meld ziek frecuentemente.
Otro tema cu tambe tin su retonan y a elabora riba dj 'e durante e reunion tawata
di maaltijdbonnen, cu ta ora cu un empleado traha overtime, despues di tanto ora tin derecho di haya un bon pa cuminda. Un otro tema importante tawata e K-9 unit.
Tambe a delibera riba e tema di e posicion di e miembronan di sindicato y e retonan cu nan ta encontra ora cu nan ta na pia di trabou y mester reuni cu gobierno pa trata temanan di sindicato. Referente esaki Prome Minister a haci un apelacion na tur hefe di departamento y a splica cu sindicalismo ta un profesion y ta necesario den negosacionnan cu gobierno. Ta importante pa e miembro haya e oportunidad pa atende e reunion y ta algo cu mester bay bon y den consulta cu hefenan di departamento y asina e empleado publico por wordo bon representa pa e sindicatonan.
“Mi ta aprecia cu e sindicatonan ta atende
cu e reunionnan aki y semper cu actitud positivo y constructivo pa purba yega na solucionnan pa bienestar di empleadonan publico. Nos a papia riba hopi otro tema manera nos ta bin ta haci y mi compromiso ta pa sigui cu e reunionan aki mirando cu nan ta trece frutonan, ta trece trankilidad, mustrando con importante e rol di sindicatonan ta”, Prome Minister a indica.
Prome Minister Evelyn Wever-Croes: Danki na e proyecto di Edutech
COLEGIO FELIPE B TROMP NA NOORD A INAUGURA NAN "STEAM ROOM"
Diahuebs anochi, Prome Minister Evelyn WeverCroes tabata presente na e inauguracion di e "STEAM Room" na scol basico Colegio Felipe B Tromp na Noord. Prome Minister a indica cu Colegio Felipe B Tromp ta e prome scol basico na Aruba pa bin cu un "STEAM Room".
E "STEAM Room" aki ta un lokaal apart na unda e muchanan ta siña tur loke ta Sciencia, Tecnologia, Ingenieria, Arte y Matematica. Aki ta unda, na un edad jong, nan por laga nan imaginacion florece, y explora tur loke e ramo importante aki tin di ofrece.
Prome Minister a expresa di ta sumamente contento di por tabata parti di e proyecto aki, a traves di Futura. Gobierno ya caba a pone 800 mil florin disponibel pa haci
e proyecto di Edutech posibel, na unda scolnan por inscribi nan proyecto di innovacion cu nan kier ehecuta pero no tin fondo pe. A traves di e proyecto aki, hopi scol a logra haya nan materialnan digital, y awor a toca turno na Colegio Felibe B Tromp.
"Mi ta hopi orguyoso di e proyecto aki, paso enseñansa ta e sector primordial den desaroyo
di nos yiunan. Tambe mi kier a gradici e demas sponsornan cu tambe a contribui na haci esaki posibel. Un danki na e ekipo completo di Colegio Felipe B Tromp pa kere cu pasion den enseñansa, y den e importancia di innovacion. E "STEAM Room" aki ta un paso grandi den preparacion di nos muchanan pa siglo 21" Prome Minister a expresa
Minister Maduro di Cultura ta informa: ARUBA TA WORDO PREMIA PA NOS ESFUERSO PA
CONSERVA Y HACI NOS HERENCIA CULTURAL ACCESIBEL
Diaranson anochi na e headquarters di Internet Archive na San Francisco California, Coleccion
Aruba a ricibi e "Internet Archive Hero Award 2024". E reconocimento grandi aki Aruba ta ricibi pa e esfuersonan cu e partnernan di Coleccion
Aruba a bin ta haci pa digitalisa y haci e herencia cultural di Aruba digitalmente accesibel pa tur cu ta interesa pa
haya sa mas di e historia y cultura di Aruba. Pa e ocasion special aki Minister di Cultura señora Xiomara Maduro, hunto cu representantenan di Archivo Nacional Aruba y Biblioteca Nacional Aruba, a tuma e prestigioso premio aki den nomber di Aruba.
Un premio pa informacion accesibel
E Internet Archive Hero Award ta wordo duna na personanan of organisacionnan cu ta traha pa haci herencia cultural mas accesibel
posibel. Ganadonan di pasado ta Biodiversity Heritage Library, scientificonan y huristanan cu ta lucha pa haci informacion mas accesible posibel pa tur hende (universal acces to information) y tambe e agrupacion musical "The Grateful dead" cu a duna su aprobacion pa publico por tin acceso liber na tur nan letra y musica.
Coleccion.aw di Aruba ta wordo premia
E aña aki e Internet Archive
Hero Award a bay pa Pais Aruba su plataforma
digital Coleccion Aruba, cu ta un coperacion entre 13 organisacionan cu ta maneha herencia cultural y documental di Aruba, sosteni pa partnernan strategico den esaki. Coleccion Aruba ta disponibel riba e website coleccion.aw, na unda publico por busca den mas di 150 mil item di Aruba su historia y cultura online. Di un archivo skirbi 200 aña pasa, te na un grabacion di e programa musical Showtime den decadanan 80 y 90, tur por wordo mira riba coleccion.aw.
NO DRENTA DEN NINGUN ORGANISACIONNAN SATANICO
No drenta y no bira miembro di nan asambleanan satanico.
No haci huramentonan na satanas. Bijbel ta bisa, Mateo 5: 33 – 37; “Mescos tambe boso a tende cu ta bisa na boso antepasadonan: Lo bo no hura falso, ma lo bo tene bo huramento den Cara di Senjor. Ma AMI ta bisa boso, pa no hura pa ningun motibo, ni pa Cielo, pasobra Cielo ta trono di Dios. No hura ni pa tera, pasobra esaki ta banki di Su pianan, ni pa Herusalem, pasobra esaki ta e ciudad di e gran Rey. Tampoco pa bo cabes, pasobra bo no por haci ningun draachi di bo cabei preto ni blanco. Laga bo si ta si y bo no ta no. Tur loke bo pone acerca ta bini di satanas.” Esnan den organisacion, nan ta nenga cu Cristo-Hesus ta Senjor y Salbador y nan ta bay na nan mes destino riba nan mes manera. Bijbel ta bisa, Huan 14: 6 ; “Hesus ta contesta: AMI ta caminda, berdad y bida.
Ningun hende no ta yega cerca Tata, sino pa medio di Mi.” Esnan den organisacionnan, nan ta ignora e Bijbel di Dios. Bijbel ta bisa, 2Timotheo 3: 16 y 17; “Tur loke ta para scirbi den Scritura, a keda inspira pa Dios y ta util pa instrui, refuta, coregi y pa educa hende pa husticia, pa un homber di Dios sea perfecto, completamente prepara pa tur bon obra.” Esnan den organisacion, nan ta adora diferente diosnan pagano. Bijbel ta bisa den Exodo 34: 14; “No adora ningun otro dios, pasobra Senjor ta un Dios celoso y E no ta tolera ningun otro dios. P’esey no cera ningun comb -
enio cu e habitantenan di e paise y.” Den e di Prome Mandamento di Dios ta bisa: “Di stima y adora bo Senjor y bo Dios di henter bo curason, di henter bo alma, di henter bo sintir, di henter bo ser y mas cu tur cos den mundo.” Esnan den organisacion, nan ta nenga di menciona e nomber di Hesus den nan asamblea. Bijbel ta bisa den Phillipensenan 2: 10 y 11; “Pa cu den Nomber di Hesus tur rudia lo dobla, di habitantenan Celestial, habitantenan terenal y spiritonan infernal y tur lenga lo profesa na honor di Dios Tata; HesuCristo ta Senjor.”
Na esnan den organisacion cu ta haci pactonan satanico y nan ta wordo marca riba curpa cu e number 666. Den Bijbel ta bisa den Apocalipsis 14: 9 – 11; “E di tres Angel a sclama na boz halto: Kende cu adora e bestia y su imagen y laga pone e marca riba su frenta of su man, esun ey lo bebe di e binja di Dios Su rabia, cu ta prepara puro den copa di Su ira y lo e keda tormenta cu candela y zwavel dilanti di Angelnan, Santonan y di E Lamchi. Y huma di nan tormento ta subi bay halto den siglo di siglonan.
Ni di dia, ni anochi nan no tin sosiego na esnan cu ta adora e bestia y su imagen y kende cu ta acepta e marca di su nomber.” Bijbel ta bisa den 1 Corinthionan 10: 21 y 22; “Boso no por bebe for di copa di Senjor y tambe for di copa di demonionan, boso no por participa na mesa di Senjor y tambe na mesa di demonionan. Acaso boso kier provoca Senjor? Bosonan ta mas fuerte cun’E?
FUNDACION MOVEMENTO TA BIDA
SONG FESTIVAL Y FIESTA BAILABEL
DIADOMINGO,17 DI NOVEMBER 2024
Fundacion Movemento ta Bida ta organisando e Song Festival 60 plus y su fiesta bailabel, diadomingo 17 di November venidero.
Esaki ta tuma luga na Renaissance Convention Center y ta cuminsa for di
4:00 te cu 10:00 pm. E aña aki tin 2 cantante invita y 18 participante cu un variacion grandi den cantica y estilo. Preparacion y ensayo ta tumando luga tur siman cu hopi diciplina y dedicacion. E banda musical cu lo acompaña e cantantenan ta “Nos cu Nos” bou direccion di Igor HashamyDirigente di Banda y cantantenan ta Sr. Roy Sneek. E Song Festival aki ta un fundraising annual pa inverti bek den projectonan cu tur aña ta ripiti. E grupo di adulto mayor na Aruba ta creciendo
enormemente. Fuera di fundraising e ta caba cu un fiesta bailabel pa los pia y pasa poco ora alegre den movecion. E otro bandanan musical ta The Kiwanis Band y We&We.Boporformabogrupoycumpra1mesa pa 10 persona. Carchi ta costa Afl. 35,00 pp. Por acudi na Cliffix pa cumpra carchi. Benta ta bai bon y nos ta spera di bende
tur carchi. Un sala yen ta un recompensa y apoyo grandi pa e cantantenan. Check nos FB page Fundacion Movemiento ta Bida pa keda informa di tur nos eventonan, projectonan, workshops, caminata den naturalesa y mucho mas promecu2024 yeganafinal. Pa mas informacion por whatsApp 592-5433
FIESTA DI SAN HUDAS THADEO NA
MISA INMACULADA CONCEPCION
Dialuna dia 28 di oktober 2024 ta fiesta di San Hudas Thadeo, “E SANTO DI ESPERANSA”, Patrono di esnan desespera i di casonan dificil.
Pa 6.00 p.m. nos ta resa e Santo Rosario na honor di Mama Maria pa bendicion pa nos dushi Aruba, pa mundo henter cu ta den menasa di guera, pa crecemento di fe, combercion di
SANTA CRUZ
pecadornan i paz mundial.
Pa 7.00 p.m. ta sigui un Santo Sacrificio di Misa como accion di gracia pa tur fabornan risibi i ta wordo canta pa Koor Vlam di Amor. E dia aki ta un bunita oportunidad pa tur esnan cu a haya sanacion i judansa den nan necesidad pa gradici Dios na prome lugar i San Hudas Thadeo pa Su intercesion.
Grupo di Oracion San Hudas Thadeo Uni ta invita cordialmente tur deboto di Mama Maria i San Hudas Thadeo, tur gruponan di oracion di Santa Cruz i pueblo di Aruba en general pa asisti na e Santa Eucarestia. Asina nos por manifesta nos Fe den Dios i Comunion di Santonan.
Bini uno, bini tur.
Campionato Nacional di hisamento di peso
Aruba Amateur Weightlifting Association lo bai tin nan Campionato Nacional di hisamento di peso.
Esaki ta wordo teni riba diadomingo awor 27 oktober 2024. Esaki ta wordo teni den Compleho Deportivo Frans Figaroa na Noord.
E club nan cu ta participa ta Paradise Strength Aruba, E2REP Fitness, TNT Gym, BFN Crossfit.
Tambe atleta di Corsow y di Canada ta presente den e evento aki. Pisamento di atletanan ta 8:00am y competencia ta start sali pa 10:00am.
Den e Campeonato Nacional aki lo duna reconocimento na tres referee cu ta Frederick Tromp, Sergio Faro y Remi Wever cu tin hopi anja ta asisti como referee den nos competencianan local.
Tambe lo ta presente Yhurisen Molenaar for di Corsow cu luna pasa a bira campion mundial den categoría di masters na Finlandia.
Otro atleta cu ta participa ta e famoso atleta di apenas 11 anja ta Rory van Ulft cu ta bin for di Canada pa participa hunto cu nos atletanan di Aruba.
Ta wordo hisa den diferente categoría den Youth, Junior, Senior y Master. Nos por spera sigur un bunita competencia jen di ambiente deportivo unda sigur varios di e atletanan lo bataya duro contra di otro.
Aruba Amateur Weightlifting Association kier a invita tur fanatico di e deporte di Weightlifting pa bin apoya
Frans Figaroa na Noord. Entrada ta gratis pa grandi y chiquito.
H OM b ER SOSPECHA DI A HORTA PLACHI DI
NUM b ER A CORE NA PIA FOR DI POLIS
Middenweg - Diahuebs anochi pasa di 9'or y mey si bo tawata den Playa, bo por a mira polisnan coriendo na pia. Esaki debi cu nan tawata tras di un hende homber.
Segun nos a compronde, tur cos lo a cuminsa ariba e parkeerplaats dilanti Misa di Playa.
Lo tawata trata di un caso unda cu un persona lo a bin haya su plachi number horta, ariba un Chevrolet Spark color blauw dilanti
Misa di Playa. E number ta di un Honda Fit A-25859.
Aparentemente ora e agente lo a bay acerca e homber cu tawata cu e auto, esaki lo a cuminsa core duro bay direccion zuid.
Asina a cuminsa un persecusion; tanto na pia y den auto y ariba brommer.
Patras di Aruba Bank ariba e parkeerplaats a logra detene e sospechoso y pone den boei.
Un grupo di polis tawata unda e homber a wordo deteni, mientras un otro grupo a keda na e auto cu plachi number horta.
E caso aki, parse cu polis sa di e dje.
Esta cu e homber aki a horta plachi number di otro auto y ta core cu ne.
FIESTA DI SAN HUDAS THADEO NA
MISA INMACULADA CONCEPCION
SANTA
CRUZ
Dialuna dia 28 di oktober 2024 ta fiesta di San Hudas Thadeo, “E SANTO DI ESPERANSA”, Patrono di esnan desespera i di casonan dificil.
Pa 6.00 p.m. nos ta resa e Santo Rosario na honor di Mama Maria pa bendicion pa nos dushi Aruba, pa mundo henter cu ta den menasa di guera, pa crecemento di fe, combercion di
pecadornan i paz mundial.
Pa 7.00 p.m. ta sigui un Santo Sacrificio di Misa como accion di gracia pa tur fabornan risibi i ta wordo canta pa Koor Vlam di Amor. E dia aki ta un bunita oportunidad pa tur esnan cu a haya sanacion i judansa den nan necesidad pa gradici Dios na prome lugar i San Hudas Thadeo pa Su intercesion.
Grupo di Oracion San Hudas Thadeo Uni ta invita cordialmente tur deboto di Mama Maria i San Hudas Thadeo, tur gruponan di oracion di Santa Cruz i pueblo di Aruba en general pa asisti na e Santa Eucarestia. Asina nos por manifesta nos Fe den Dios i Comunion di Santonan.
Bini uno, bini tur.
FORTALEZA PA FAMIA
Scirbi pa Pastor Marcel Balootje.
AREPENTIMENTO MESTER TA NOS FORMA DI BIBA
Nos tur tin mester di Dios, no tin asunto di hunga profesional, ni tampoco cay den e gara di orguyo spiritual, ni tampoco sinti cu un ta mas cu otro, pasobra caminda Spirito di Dios ta no tin inferioridad.
Dios ta yama nos pa nos ta humilde den tur situacion, y ora nos por haci un fout nos reconoce, busca Dios Su cara, y arepenti, y restaura nos intimidad cu Dios.
Sin arepentimento no tin pordon di pica, sin confesion no tin adelanto spiritual,y hasta ora nos no confesa, nos consenshi y nos mente ta keda afecta, door di falta di pordon y preocupacion cu e enemigo ta pone riba nos, pesey hopi biaha ora hende tin stress y depresion, arepentimento ta e prome paso pa liberacion.
Si nos bisa cu nos no a haci pica, nos ta haci’E un gañado y Su palabra no ta den nos (1Juan 1:10).
Si nos bisa cu nos no tin pica, nos ta gaña nos mes, y e berdad no ta den nos ( 1 Juan 1:8).
Si nos bisa cu nos tin comunion cun’E y sinembergo nos ta cana den scuridad, nos ta gaña y no ta practica e berdad.( 1Juan 1:6)
Si nos confesa nos picanan, E ta fiel y husto pa pordona nos, nos picanan y pa limpia nos di tur inhusticia.( 1 Juan 1:9).
Den e parabola di e fariseo y e publicano nos ta ripara cu tur dos conoce Dios, e fariseo tabata confia den su mes y tabata wak otro cu menos precio. E pub -
licano tabata reconoce cu pa drenta serca Dios mester bini cu un curason arepenti, buscando misericordia di Dios, den tur circumstancia, pasobra e misericordia di Dios tin tur cos den dje. Y e no tabata pretende di ta bon, pero e a expresa su necesidad di Dios.( Lesa Lucas 18;9-14).
Arepentimento ta trece nos mas cerca Dios Tata, Cristo Hesus, y e Spirito Santo, orguyo y arogancia spiritual ta debilita nos comunion cu Dios y ta aleha nos for di e presencia di Dios.
Ora nos humiya nos mes Dios ta halsa nos, pero ora nos ta halsa nos mes Dios ta humiya nos.
No ta cumbini ningun hende pa gaña nada pa haña respaldo di hende, pero ta cumbini tur hende pa papia berdad y asina wordo respalda door di Dios y den e gracia di Dios.
Señor su palabra ta bisa den Zacarias 1:3:Bolbe serca Mi y pa Mi bolbe serca boso.
Den Santiago of Jacobo 4:7
Señor ta bolbe corda nos: Somete boso na Dios, re -
sisti e diabel y e lo huy for di boso,hala serca Dios y e lo hala serca boso. Y nos tur tin cu corda cu e prome paso pa hala serca Dios ta arepentimento.
Den un cas caminda ningun hende ta arepenti, tur dia tin discucion, pasobra nan tur kere cu nan ta bon, cu nan no tin mester di otro, y e enemigo ta drenta y causa division den famia, pasobra no tin humildad, y asina falta di pordon ta lanta cabes.
Salmo 139:23-24 ta bisa: Scrudiñami , O Dios, y conose mi curason, purbami y conoce mi pensamento nan, y mira si tin cualkier caminda di maldad den mi,y guiami riba e caminda eterno.
Repenti anto y comberti, pa boso picanan wordo kita, pa e temponan di refrescamento por bin for di e presencia di Señor, y pa e por manda Hesus e Cristo, destina pa boso.
Esun cu sconde su picanan lo no prospera,ma esun cu confesa y laga nan lo haña misericordia.( Proverbionan 28:13).
Sinceramente, Pastor Marcel Balootje.
Un feliz comienso di weekend bendiciona y cu Dios brasa nos cu su misericordia infinito.
Scritura ta bisa:”Misericordia Mi kier y no sacrificio.”Mateo 12,7
Misericordia di Dios ta mas grandi cu su obranan. Loke Hesus kier di nos ta, pa nos ta misericordioso manera Dios ta misericordioso cu su pueblo. Den e prome lectura nos por lesa con Ezekias tabata pa bay muri. Dios a manda Isaias duna e noticia cu e no tin hopi tempo pa biba. Ezekias a bira lomba y a resa na Dios y Dios a tene misericordia cu ne. Mescos cu Dios a haci, nos tambe tin di haci den nos bida diario, tene misericordia cu nos rumannan, pasobra nos no sa den ki situacion nan ta pasando. Den e Evangelio tambe nos por lesa cu riba un sabat ora Hesus tabata cana cu su discipelnan den cunucu y nan abata tin hamber. Nan a cuminsa come trigo di e tapushinan. E fariseonan a bisa Hesus cu su discipelnan ta haci cos cu no ta permiti riba sabat. Hesus a bisa e fariseonan kico David a haci ora nan tabatin hamber. No laga nos bira mescos cu e fariseonan. Nos tin di ta manera Dios y Hesus, semper bay misericordioso cu nos rumannan y Hesus a pidi misericordia y no sacrificio.
Oracion: Dios nos ta pidi Bo pa laga nos por ta misericordioso manera
Abo ta misericordioso tur dia di nos bida. Amen.
E “R E ady, S E t, Bloom FundR aiS ing PaR ty” di
Wom E n’ S Clu B o F aR uB a, un E xito Rotundo
Cu hopi entusiasmo Women’s Club of Aruba (WCA) ta anuncia e exito abrumado di e fiesta
“Ready, Set, Bloom” pa recauda fondo p’e celebracion di e di 90 aniversario di club. E evento, cu tabata sold-out, a trece miembronan, apoyadonan, y comunidad hunto pa un atardi di entretenimento.y un celebracion inolvidabel.
Di curason nos kier a gradici un y tur cu a cumpra un ticket y a haci e evento aki un exito rotundo.
E atardi tabata anima cu e presentacion fantastico di ‘N Fuzion y Robert y Su Solo Banda, cu a mantene e multitud bailando y yen di energia. Nan musica vibrante a crea un atmosfera perfecto p’e celebracion special aki, lagando invitadonan c’un bunita recuerdo.
E recaudacion di e evento ta bay directamente pa e “signature project” di club y varios iniciativa. E fondo aki ta permiti nos haci un impac-
to duradero riba bida di e individuo- y famianan riba nos isla. WCA ta agradecido na tur esnan cu a asisti y tur boluntario pa nan contribucion y entusiasmo.
Un danki special ta bay na e comision organisado bou di liderazgo di Rhona Dijkhoff y miembronan di comision: Joanaila Geerman, Emily Perret Gentil, Roxanne Vieira, Ninon Swaen, Milagros Posner, Lelia Laclé, Norma
Brinkenberg y presidente Reina Geerman. Tambe na e Sales Team: Judella Jean D’or, Lelia Lacle, Marjorie Wever, Mary Droogh, Ninon Swaen y Anna Lee. Pa mas informacion di WCA por bishita nos website womensclubofaruba. org, por manda e mail na arubawca@gmail. com of por sigui nos riba nos plataformanan social manera
Facebook, Instagram of LinkedIn.
CU COLABORACION DI INTERNET ARCHIVE Y CONSERVA PA
GENERACIONNAN
E siman aki Aruba su plataforma digital pa conserva herencia cultural y documental, Coleccion Aruba a
wordo premia cu e ‘Internet Archive Hero Award’ pa e trabounan importante cu ta wordo haci pa haci informacion di Aruba accesibel pa mundo via coleccion.aw.
Hunto cu e reconocimento importante aki, Internet Archive ta bay brinda Aruba asistencia pa asina por digitalisa mas tanto material cu ta posibel cu ta na
Papiamento. Pa logra e meta noble aki, Internet Archive lo duna Biblioteca Nacional Aruba un book scanner special (scribe) pa asina nan por sigui cu e trabounan di digitalisacion di informacion na Papiamento.
“Esaki sigur ta un bon noticia, ya cu di e manera aki nos por sigui conserva y percura pa mas informa-
cion na Papiamento por ta disponibel online pa Pueblo di Aruba y tur cu ta interesa pa sa mas di nos dushi idioma Papiamento,” tabata palabranan di Minister Maduro kende ta masha gradici na e ekipo di Coleccion Aruba y na Internet Archive pa nan esfuerso pa haci Papiamento un idioma cu ta keda conserva y accesibel pa e generacionnan cu ta sigui nos.
FOR SALE - FOR SALE - FOR SALE
Colegio Arub A no por wA k bek rib A un
C elebr AC ion di 65 AñA sum A mente exitoso
Oranjestad - Recientemente Colegio Arubano a celebra nan di 65 aniversario. E scol a keda masha satisfecho cu e bunita festividadnan.
E celebracion a dura un siman largo y a cuminsa cu un ceremonia Ecumenico hopi bunita, specialmente dedica na tur alumno y personal. Mas den siman tawatin regalo y treat pa e personal y e alumnonan. Na final di siman tawatin e
Crazy Hair Day contest, caminda cu alumno y docente a presenta nan creatividad.
Pa clausura e celebracion, a tene riba diasabra un fiesta grandi na Colegio mes, unda diferente banda popular a deleita e publico
cu a bin gosa y celebra cu e scol. Colegio Arubano kier manda un danki special na prensa cu a cubri e eventonan, tur sponsor y un y tur cu a coopera pa e eventonan y celebracionnan den conexion cu nan 65 aña por tawata un exito rotundo.
