Marisol y Mas no lo saca asiento; segun dos encuesta Dos encuesta a duna Marisol 0,0 asiento
Marisol Tromp, lider di partido politico Mas, ta confrontando un crisis profundo di confiansa di parti di e electorado arubano. Encuestanan recien ta refleha un caida considerabel den e sosten cu su partido a disfruta den ultimo eleccion, poniendo dudanan serio riba suncapacidad pa haña representacion den Parlamento den eleccion di 6 di december. Segun e resultado di e encuesta publica pa Noticias Cla, e partido MAS no a logra ni si kiera haña 1% di e voto. E resultado devastador aki ta traduci directamente den un proyeccion di 0 asiento den Parlamento, indicando e falta di sosten popular pa e liderato di Tromp.
Pa añadi na e situacion, un encuesta radial tambe a duna e mesun resultado, comprobando cu e partido no lo logra haña representacion legislativo. E panorama aki ta un fuerte contraste cu loke a pasa den e eleccion ora Marisol Tromp, cu un retorica yen di fantasia y promesanan exagera, a logra haña dos asiento den Parlamento. E victoria ey, aparentamentr lo keda di corto duracion, pasobra confiansa di e votantenan a disparse completamente, lagando Tromp den un posicion politico
hopi fragil.
Segun e encuestanan nobo, e probabilidad pa Marisol Tromp haña un asiento den e eleccion venidero ta casi nulo.
E rechaso masivo aki ta refleha e descontento di e votantenan cu e tacticanan di Tromp den pasado y su falta pa oferece un vision politico cu ta realitico y convensente.
E futuro di partido “Más” y e liderato di Marisol Tromp ta claramente den peliger. E caminda pa recupera e sosten di e publico ta parce poco probabel, y segun e encuestanan, si no tin un cambio drastico, e partido lo keda afor di e mapa politico di Aruba den e eleccion di december. E siguiente simannan lo ta crucial pa partido “Más”, pasobra nan abilidad pa reconecta cu e votadornan lo determina si nan tin algun futuro den Parlamento. E kiebro den partido MAS, ta data for di momento cu Juffrouw Gun a horta stoel di Solangel Lacle. A firma acuerdo pa despues kibra su propio acuerdo y horta e stoel. For di e momento ey, Marisol no a mustra liderago pa pone ordo den su partido, pero a prefera pa accpeta e violacion di acuerdo, cu a keda mustra su incapacidad como lider.
Marisol no tin rason: ssa a entrega keho proMe
E intento di Marisol pa usa e caso aki pa crea un narrativa politico ta irresponsabel.
Diahuebs merdia Marisol Tromp a trece ponencianan dilanti, riba dos caso, di SSA y di Arubahuis, di cual e no tin rason.
CASO SSA:
Den e prome caso mester confirma cu SSA mes a presenta un keho penal, loke ta mustra cu e proseso penal corespondiente ya ta den marcha. Pues, no ta corecto pa usa un incidente individual pa converti esaki den un espectaculo politico, insinuando cu Minister Endy Croes no a cumpli cu su debernan di entrega keho.
Loke Marisol a declara cu Minister Endy Croes
no a entrega keho, y kier blame cu tin scondemento, a backfire pisa riba Marisol, pasobra tur e espectaculo cu el’a haci na Ministerio Publico di entrega documento, TUR Ministerio Publico tabatin tin promer cu Marisol a entreganan.
Esaki ta mustra un bes mas, cu Minister a actua corecto den e caso aki, no manera cu Minister di AVP Mike de Meza a haci na 2013, ( cu sosten di Marisol den parlamento), ora cu De Meza a nenga di entrega keho di ladronicia den Casino di Lotto na airport y a declara den parlamento cu a yega na areglo cu esnan envolvi e tempo ey, kendenan tabata su campañador. E tempo
ey Marisol no a sali bisa nada!!
Caso Arubahuis: Ademas, e ponencia di Marisol cu no a presenta un keho penal den e caso di ArubaHuis ta completamente falso. E retorica aki ta simplemente un otro tactica pa confundi e publico y crea desconfiansa, pero e hechonan ta mustra otro.
Promer Minister Evelyn Wever Croes den caso di Arubahuis a tuma tur accion pa atende cu e situacion y tambe a pone un keho na Ministerio Publico, te cu a conduci cu esnan envolvi a wordo deteni y interoga pa landsrecherche. Of Marisol kier nenga esaki tambe? (Ministerio Publico mes a
confirma cu keho a wordo entrega
E intento di Marisol pa usa e caso aki pa crea un narrativa politico ta irresponsabel. SSA a tuma e medidanan rapido y necesario, a actua corecto, a investiga loke a pasa y a entrega keho. E acusacionnan
sin fundamento aki di Marisol ta simplemente pa busca atencion y crea un ambiente di conflicto unda no mester tin.
Enbes di crea drama, lo mihor ta pa laga e proseso di husticia cana su caminda y laga e sistema hasi su trabou, enbes di politisa un asunto penal serio.
entrante 30 septeMber 2024 peticion pa perMiso pa organisacion di car show
ta bay digital
Departamento di Aduana ta sigui modernisa y digitalisa su procesonan y su servicio na pueblo. Como parti di esaki, ta informa cu entrante dialuna 30 di september 2024 tur peticion pa permiso pa organisa un car show lo sosode digital via e website di Aduana. Simplemente, car dealers ta click riba e website di Aduana https://www.douane.aw/ vergunningsprocedurecarshow/ y haci un peticion door di yena e aanvraagformulier y excelsheet.
Pa obtene un permiso pa organisa un car show mester tene na cuenta lo siguiente:
- Mester manda e peticion dentro di 5 dia di trabou.
- Ta importante pa inclui informacion completo di tur vehiculo manera e marca, model, aña di fabricacion, color, number di VIN y e documento di archivo. Informacion incompleto of incorecto lo conduci na rechaso di e peticion y consecuentemente mester
haci un peticion nobo.
Departamento di Aduana ta pidi tur car dealer pa tuma bon nota di e informacion comparti. Pa mas informacion of pregunta por tuma contacto cu Aduana na 523-8888 of manda un email na info@douane.aw
Noticia di Corte
17 y 18 aña di prison pa pareha
cu a asesina sergio Maduro
ORANJESTAD – Awe mainta e homber Bryan Jimenez(28) y e dama Jennifer Gonzalez (39) a presenta den Corte pa scucha nan sentencia.
SOLO DI PUEBLO por a compronde cu Hues a baha e castigo exigi pa Fiscal, kende a exigi 18 aña pa Bryan Jimenez y 20 aña pa Jennifer Gonzalez.
HOMBER CULPABEL
Hues a cuminsa cu Bryan y a bisa cu Bryan ta culpable di asesinato cruel di Sergio Maduro riba 24 December 2023. Hues a bisa cu Bryan a admiti di a asesina Sergio y cu ta Jennifer a bis’e pa asesina Sergio.
Hues a bisa cu esaki ta un caso hopi serio y comunidad ta exigi pa duna castigo pisa. Hues a bisa cu pa cu e castigo mester tene cuenta cu diferente factor entre otro raport di psychiater. Psychiater ta haya Bryan menos responsabel pa loke el a haci y ta recomenda pa despues di castigo di prison, Bryan haya tratamento na
Respaldo. Psycologo ta haya cu Bryan tambe tin un tipo di problema mental. Psycologo tambe ta conseha tratamento despues di castigo sinta y esaki bou guia Reclasering.
NENGA TRATAMENTO OBLIGATORIO
Hues a bisa cu den su decision e ta sigui e pensamento di Psychiater y Psycologo esta cu Bryan ta menos responsabel. Sinembargo Hues a bisa cu e no ta sigui e conseho pa pone Bryan bou tratamento obligatorio TBS. Hues a splica cu segun ley, TBS ta posibel pa castigo te maximo 6 aña di prison. Den e caso aki e castigo ta mucho mas halto.
DAMA NO A CLARIDAD DI E CASO
Pa Jennifer, Hues ta hay’e culpable di a provoca asesinato di Sergio y a haci promesa di paga. Hues a bisa cu Jennifer a keda nenga pero cu Bryan a admiti di a asesina Sergio door di necesidad di placa y cu Jennifer a priminti pago. Bryan a pidi 2 mil florin y Jennifer a bay
di acuerdo. Jennifer a paga 150 florin adelanta y a palabra cu despues di e asesinato Bryan lo haya e resto. Hues a mustra cu for di declaracion di Bryan por compronde cu Jennifer tabata kier prueba di e asesinato di Sergio promer cu e paga. Hues a mustra riba un cantidad di prueba entre otro cu Jennifer a bisa na diferente hende cu e kier mata Sergio pasobra e ta fada di e abusonan di Sergio.
Pa cu e castigo, Hues a bisa cu e ta tene cuenta cu Jennifer no kier a duna claridad riba e caso y tampoco Jennifer a mustra duele di loke el a haci. Hues a sigui bisa cu Psycologo a mustra cu Jennifer tin problema cu no por controla su emocionnan. Psycologo ta haya cu Jennifer ta menos responsabel pa su actonan y cu Jennifer mester haya guia di Reclasering.
CASTIGO
Hues a condena Bryan na 17 aña di prison y Jennifer na 18 aña di prison.
Otmar Oduber secretario general di PPA: eleccion 2024 su focus lo ta si propuestanan presenta ta serio y si por cuMpli cu nanz
Sectretario general di PPA, Otmar Oduber, ta bisa cu e eleccion aki su focus no lo ta si e partido ta grandi of chikito, si ta trata di un politico nobo of no. E eleccion aki pueblo lo mira si e propuestanan cu tin ta serio of no, ken a traha y a prepara e propuestanan aki. “Ora bo priminti nan kier sa con bo ta bay cumpli, pesey PPA ta bisa cu nos tin un promesa pa e pensionadonan, nos tin un promesa pa salubridad y esaki pasobra nos sa for di unda nos ta bay saca e placa. Nos ta bay reduci gastonan di gobierno cu 140 miyon”.
Durante periodo di Otmar Oduber
como Minister di Infrastructura, el duna casi 1900 tereno na hendenan cu tabata warda durante hopi aña, hasta 35 aña pa haya esaki y asina por logra construi nan hogar. Awendia hopi di nan, ora Otmar topanan riba caya, nan ta bin brase y gradici’e. Mayoria di biaha e no sa ken nan ta ya e tempo ey tabata pone alrededor di 400 pa 500 persona den un sala cu a pasa e proceso y cumpli. Esaki tabata wordo haci sin importa ken e persona ta ni ki color e por ta.
Comentando riba e reduccion di gastonan di gobierno cu 140 miyon,
Otmar ta bisa cu tin alrededor di 30 edificio di gobierno cu por wordo bendi y gana placa cu nan, tambe tin un cantidad di departamento cu ta obsoleto y cu no tin motibo di existencia.Esaki no kiermen cu ta bay kita of manda ambtenaarnan cas, pero si mester tin e cohon di bisa pueblo cu e departamento ey ta costando tanto miyon pa aña y no ta produci nada.
“Nos a haci un calculacion, nos a haci un estudio, nos ta bay reduci gastonan, nos lo bin cu un reforma fiscal pa bay den direccion di un BTW y eseynan ta bay ta ingredientenan suficiente pa nos
por duna nos grandinan, pa nos por inverti den nos enseñansa y pa nos por percura pa salubridad di henter nos pueblo”, Otmar Oduber a declara.
DIA MUNDIAL DI TURISMO TA ENFOKA ARIBA UN TURISMO RESPONSIBEL Y SOSTENIBEL CU TA BENEFISIA FUTURO GENERACIONNAN
ORANJESTAD –Diaberna mainta Minister di Turismo y Salud Publico sr. Dangui Oduber a celebra “Dia Mundial di Turismo” conhuntamente cu tur partnersnan y profesionalnan cuta traha den turismo. Minister Dangui a hiba algun palabra cu su reflecion di tur locual turismo ta significa pa nos isla.
Minister Dangui Oduber ta expresa cu turismo na Aruba no ta solamente stimula nos economia, pero tambe ta contribui di un manera significante na e bienestar social di Aruba.
E ingreso nan genera di turismo ta yuda directamente pa sostene sector nan importante manera cuido di salud y fondo di pensioen, asegurando cu nos ciudadanonan ambos den e industria y pafor tin aceso na benificionan esencial y asina sigurando un futuro cu calidad di bida halto.
Minister Dangui su maneho ta basa ariba: 1. Trece e turista afluente y di calidad. 2.Crece Aruba cu un turismo sostenibel y responsabel. 3. Diversifica nos turismo innovando producto Aruba. 4. Haci inversionan continuo den mehoracion di producto Aruba. Minister Oduber ta reafirma su compromiso
pa mantene su vision y accion nan pa hasi Aruba su turismo sostenibel y responsabel. Hunto nos por traha pa preserva Aruba su bunita paisahenan, su tradicionnan y tur expresion cultural cu ta haci Aruba un destinacion realmente special. Door di adopta un maneho di turismo sostenibel, nos no solamente ta proteha nos isla pa generacionnan cu ta bin, pero tambe ta eleva calidad di bida pa tur hende cu ta biba ariba e dushi pida baranca aki.
Finalmente, Minister Dangui Oduber ta desea Aruba un dushi Dia di Turismo Mundial yena cu inspiracion y determinacion nan nobo pa hunto nos sigi hiba nos pilar di nos economia dilanti.
Alaves, Minister Oduber kier gradici henter e ekipo di Aruba Tourism Authority (ATA) pa un mainta ameno y ta yama danki na tur cu ta labora den turismo, esaki no ta posibel sin boso hospitalidad y servicio cu ta brinda na nos bishitantenan.
Ban hunto sigi traha pa logra un turismo responsable y sostenibel, pa nos henter isla por sigui prospera den un manera cu ta benefisia futuro generacionan.
Otmar Oduber
PPA lo PresentA un listA di
PersonAn cu tA unificA nos Pueblo
Otmar Oduber como secretario general di PPA papiando riba e formacion di lista a bisa claramente cu el a yega e brug y awo e tin cu cruce, es decir, e no ta cla ainda cu esaki.
El a indica si cu tin tin varios conversacion andando caba. Loke ta importante pa Otmar y PPA ta presenta un lista di personanan cu ta unifica nos pueblo y crea un pueblo orguyoso un biaha mas.
Por spera un lista cu ta representa e pueblo di Aruba, nos trahadornan y di esunnan cu ta biba pa e comunidad aki dia aden dia afo cu un combinacion di tur esnan cu tin interes di Aruba y nos hendenan na pecho. E lista ta bay ta bon balansa, percurando cu tin hendenan cu e capacidad cu por maneha, cu tin e amor patriotico di Aruba na pecho y union ta loke mas PPA ta bay boga pe.
“Bo ta bay scucha un PPA, bo ta bay scucha un Otmar cu por ta bo no tabata custumbra di scucha durante añanan anterior, pero awor aki cu e experiencia di sector priva y dolornan cu ta biba den pueblo, nos kier bay unifica e pueblo aki. Pa nos unifica e pueblo aki, nos tin cu duna e ehempel como politiconan door di respeta e inteligencia di nos hendenan, door di ofrecenan di berdad
loke nos por cumpli cune despues di eleccion, no djis
Minister endY croes A Acudi nA e cereMoniA di 75 AÑA di rePublicA di cHinA
ORANJESTAD: Dialuna
atardi, Minister Endy Croes a sali pa un biahe di trabou na Corsou, unda cu el a representa Prome Minister Evelyn Wever –Croes y Gobierno di Aruba na e ocasion special di 75
aña di Founding of People’s Republic of China. E ceremonia a tuma luga den e ballroom di Renaissance Corsou y a wordo decora den un forma unico, unda cu e color cora cu ta identifica China a resalta.
Durante e ceremonia
Consul General di China
Sr. Li Yigang a hiba palabra y a enfatisa riba bon cooperacion, intercambio cultural, economia di China y e importancia di tin un bon relacion cu e islanan den Caribe. China ta invertiendo hopi den tecnologia y innovacion, cual ta e direccion cu mundo ta bayendo. E impacto cu e comunidad Chines tin na Aruba ta grandi, nan ta un bon amigo, a percura pa un gran parti di nos economia entre otro, den e sector di restaurant y supermercado. Alabes ta significa un poder fuerte pa e desaroyo di economia di e islanan. Despues di e discurso, Consul Sr. Li Yang hunto cu Vice Premier di Corsou Sr. Charles Cooper,
Gezaghebber di Boneiro
Sr. Silvana y Minister Endy Croes a toast y a corta bolo pa celebra e ocasion special aki.
“Sigur nos por siña hopi di un pais asina grandi manera China. Nan ta traha duro, domina diferente sector di economia sea ta supermercado of negoshi y nan ta integra na un manera hopi simpel y trankilo den cualkier comunidad. Trahando den colaboracion cu e
comunidad Chines nos por logra mucho mas en bes di bringa otro”, Minister Endy Croes a subraya. Pa conclui, Minster Endy Croes ta felicita Repubica di China y e consul general di China cu e 75 aniversario. Alabes, ta gradici pa e invitacion y caluroso recepcion. Por ultimo, e mandatario di Enseñansa y Deporte ta gradici e Pueblo di Corsou pa e bon trato durante su estadia y TeleCuraçao pa e cobertura.
un promesa di eleccion”, Otmar a expresa.
Prome Minister Evelyn Wever-Croes:
PA GABINETE WEVER-CROES KIEBRO DI
INTEGRIDAD NO TA ACEPTABEL, NI CON
CERCA E PERSONA POR TA
Diabierna merdia, Prome Minister a duna un declaracion tocante e investigacion cu ta tumando luga na Stichting Sports Subisidie Aruba (SSA). Prome Minister a indica cu siman pasa su persona a wordo informa pa Minister di Deporte Endy Croes cu tin un investigacion di posibel malversacion den SSA. Minister Croes a informa cu e persona en cuestion a wordo suspendi pa investigacion, y cu asina e investigacion a keda cla, a entrega un keho.
Prome Minister a splica cu e persona aki en realidad ta tok’e na famia, pero cu e posicion aki a wordo duna na e persona, debi na su preparacion financiero na universidad y su experiencia den deporte. Mirando su conocemento y experiencia, a pensa cu e lo por wordo confia cu e posicion importante aki, pero lamentablemente awor tin sospecho di malversacion.
Integridad ta primordial
Pa e Gobierno di Gabinete
Wever-Croes, integridad ta di suma importancia, y na momento cu un persona kibra e regla di integridad lo tin consecuencia.
Prome Minister a splica cu esaki ta algo cu semper el a para p’e y si sali afo di e investigacion cu tin malversacion di placa, e persona lo mester carga su responsabilidad, ni con cerca e ta di su persona.
Oponentenan poltico ta duna declaracion falso
Prome Minister tambe a indica di por a tuma nota di varios declaracion di oponentenan politico basa riba mentira. Por ehempel señora Marisol Lopez-Tromp cu a uza e oportunidad di referi riba e investigacion andando, pa bisa cu mescos cu caso di Arubahuis no a entrega keho.
Prome Minister a expresa cu esaki no ta e caso, mirando cu na momento cu su persona a haya indicacion cu algo no ta bon na Arubahuis, el a pidi CAD y DRH pa haci
un investigacion, di cual rapport a entrega na Ministerio Publico (OM). E investigacion ta andando, pero ta e vocero di OM ta e unico cu lo por duna un declaracion riba esaki. Esaki ta mustra claramente cu señora Marisol LopezTromp un biaha mas ta gaña, mirando cu keho a wordo entrega, y a base di esaki tin un investigacion andando.
Pa loke ta e caso di SSA, Minister Endy Croes a haci un declaracion informando cu asina cu SSA a detecta cu algo no tabata bon, a haci un investigacion y a entrega keho. Pues señora Marisol Lopez-Tromp a bay OM pa espectaculo pasobra ya tin un investigacion andando. Marisol Lopez-Tromp no ta un politico honesto Prome Minister a expresa cu Señora Marisol LopezTromp no ta un politico honesto pasobra na Juni 2021 su persona tabata sospechoso di un investigacion di corupcion riba cual nunca el a reacciona. Ta
na momento cu OM a para e investigacion, el a bin afo bisa cu e no ta un sospechoso mas. Esaki ta mustra cu e no ta un politico honesto, pasobra na momento cu ta trata di su persona e ta sconde, pero ora ta trata di otro hende e kier expone y busca atencion.
"Mi ta ripiti, pa Gabinete Wever-Croes I y II, integridad ta un prioridad, y unabes cu tin kiebro,
tin consecuencia. Ni con cerca e persona ta di nos, e lo mester carga su responsabilidad. Esaki sigur ta e diferencia mas grandi entre nos Gobierno y e partidonan den oposicion cu no por bisa mescos. E caso ta den man di OM y lo duna nan espacio pa haci nan trabou pa asina husticia por vence", Prome Minister a expresa.
MINISTER ENDY CROES A ACUDI NA E IMPRESIONANTE APERTURA DI ASU
OLIMPIADA 2024
Hopi exito na tur federacion!
Recientemente, Minister Endy Croes a acudi na apertura oficial di ASU Olimpiada 2024 cu a tuma luga na Centro Deportivo Fransa Figaroa na Noord. Desde aña 2018, Aruba Sport Unie no a organisa e campeonato aki mas. E directiva nobo di ASU a
tuma encargo di e proyecto aki y a hinke den un bachi nobo. E ceremonia a inicia cu desfile di e 20 federacionnan cu ta participando. Sigui pa e himno di Aruba canta pa Sr. Edward van der Biezen. Minister di Deporte y presidente di ASU Sra.
Soraida Boekhoudt a hiba palabara na e ocasion aki. Gihae Gymnastics y Aruba Tang Soo Do Federation a presenta un bunita show cu nan a gana premio cu ne na North Carolina, Merca.
Un momento emocionante tabata ora cu e atleta Amika Every a cende pebetero pa duna inicio na ASU Olimpiada 2024. Presidente di ASU hunto cu e mandatario di Deporte a declara e Olimpiada 2024 habri.
E publico presenta a presencia un bunita show di apertura yena di color y talento. “Palabra di pabien na directiva di ASU pa organisa e competencia deportivo aki pa nos atletanan. Danki na Lotto pa Deporte, FFD, SSA, Gabinete Wever – Croes
II y tur cu a aporta pa realisa e proyecto aki,”
Minister Endy Croes a enfatisa. Por ultimo, e mandatario di Deporte
ta desea e atletanan hopi exito cu deseo, disciplina, dedicacion y determinacion ta logra.
Parlamentario Marco Berlis (MEP): Logronan y trabaonan como parLamentario
Dia 17 di September 2024 mi a haci exactamente 3 aña trahando como representante di Pueblo den e organo di mas halto cu ta e Parlamento di Aruba. E tres añanan aki a pasa liher sigur, sinembargo durante e tres añanan aki mi no a para keto y asina mi a logra produci varios logro cu ta importante pa mi comparti awe cu pueblo.
Tres Ley den Tres aña. Durante e tres añanan aki mi a enfoca como legislador pa introduci leynan beneficioso pa nos pais y specialmente nos muchanan tambe. Esaki ta e tres leynan:
1. Ley di referendum. E ley aki lo empodera e bos di pueblo pa por dicidi riba temanan cu pueblo ta considera sensitivo y delicado. Temanan cu ta toca e norma y balornan di nos pueblo y riba cual pueblo mes lo kier laga Gobierno y Parlamento sa si nan ta rechasa of acepta esaki. Referendum ta fortalece bos di pueblo y nos democracia.
2. Ley di Proteccion di Muchanan. E ley aki ta enfoca pa
protege nos muchanan na scol contra indoctrinacion di “ideologia di genero.” E ley aki lo evita materialnan di e tema aki yega na nos scolnan pa “motiva y activa” muchanan di 3 aña bay ariba pa papia riba temanan inadecua pa cual nan no ta cla ainda. Cu wowo riba e retonan creciente den e era moderno aki, ta importante pa scolnan keda educa nos yiunan riba e cursonan cu lo preparanan pa ta un profesional den futuro y no riba temanan activista di ideologia di genero.
3. Introduccion di un cambio di Ley (Amienda) riba e ley di Integridad Ministers. Na October 2021, den mi prome reunion publico mi a introduci un cambio di ley cu a wordo aproba pa Parlamento cual ta encera cu tur persona cu kier bira minister den futuro, lo mester pasa testnan di droga.
Tres mocion cu a bira un realidad. Un mocion ta un deseo di un Parlamentario, pa wak gobierno ehecuta algo specifico. Aki ta sigui tres mocion di mi persona cu a bira of ta birando un realidad:
1. Mocion pa baha e prima di AZV pa pensionadonan a bira un realidad; Minister Dangui Oduber a baha e prima di AZV di 10.5% pa 5%. Esaki ta scapa e pensionadonan alrededor di AWG 100.- pa luna.
2. Mocion pa bin cu un Waf turistico pa crucero; Recientemente Minister Dangio Oduber a anuncia un masterplan pa usa terenonan di Refineria pa un Proyecto grandi cu ta encera un waf pa yatenan luhoso of barconan crucero, cientos di vivienda, un “Malecon,” y hopi mas na San Nicolaas. Esaki lo bira e siguiente Proyecto grandi pa gobernacion 2024-2028.
3. Mocion pa bin cu RWZI nobo na Bubali plas y mantencion structural di tur planta a bira realidad; Esaki a wordo formalisa den un ley na cuminsamento di aña y aworaki ta den su fase di financiamento y ta cla pa cuminsa traha riba dje na 2025.
Fuera di tur esaki mi a wordo reconoci dos biaha den e “rapport” di Parlamento, como e parlamentario cu ta cuestiona y haci mas pregunta na gobierno
riba su maneho. Mi a pidi rapportnan, data, investigacionan y a haci preguntanan skerpi y alcaso pa por controla gobierno debidamente.
Pesey mi si abo kier wak e leynan y mocionan aki wordo cristalisa, yudami continua mi trabao den Parlamento di Aruba.
Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!
MODELO SPECIAL DI “SEA BUNITA SEA BO MES” JAKE
LACLE A SALI ARIBA PANTAYA GIGANTESCO (BILLBOARD)
DEN TIME SQUARE NEW YORK
Recientemente e hoben
Modelo cu Down Syndrome
Jake Lacle di “Sea Bunita Sea Bo Mes” a sali ariba e pantaya gigantesco (billboard) den Time Square New York. Esaki a wordo estrena mientras cu miles di persona por a wak e evenemento aki cu National Down Syndrome Society (NDSS) a organisa riba Time Square na New York pa 2024. Anualmente NDSS ta recorda riba e “cariño special” cu personanan cu Down Syndrome tâ influencia den nos Comunidad. Durante un presentacion
riba e bilboard denTime Square na New York, 500 persona cu ta consisti di mucha te cu adulto cu tä Down Syndrome a wordo presenta. E video mas bien ta un forma di recorda y contribui logronan y balor cu personanan cu Down Syndrome tin den nos comunidad. E meta di NDSS ta pa crea concientisacion, acceptacion y inclushon pa e personanan cu tin Down Syndrome. Masha hopi famia a bin for di tur skina di mundo y a topa na New York pa participa den diferente evento cu a wordo organisa pa NDSS. Despues di mustra e video
riba Time Square tur participante a asisti na diferente evento cu e organisashon a presenta. Tabata tin entre otro un ceremonia di apertura di NYC buddy Walk, un fiesta pa entrega di premio. Tur esakinan a wordo tansmiti tambe vitualmente na mas cu 150 cuidad na merca y tambe den diferente parti na mundo caminda mas di 325 mil persona a conecta via di internet. Esaki ta un otro evenemento cu NDSS cual ‘Fundacion Sea Bunita Sea Bo Mes’ ta forma parti, a logra organisa, caminda Jake Lacle di Aruba y tur otro persona cu
Down Syndrome por a participa. Esaki sigur ta un tremendo logro pa nos dushi Isla Aruba.
Fundacion Sea Bunita Sea Bo Mes ta invita pueblo di Aruba engeneral pa bin apoya nos
hendenan special diasabra dia 16 di November na Renaissance Convention Center unda cu nan lo demostra na tur hende nan talentonan. Ta bai tin hopi sorpresa e anochi aki cu nos henden
P OLIS A BAY MAINTA TEMPRAN YUDA h OMBER DI
EDAD PERDI Y DESORIENTA PA YEGA SU CAS NA
TANKI L EENDERT
Diahuebs mainta a drenta informe di cu tin un homber di edad perdi y desorienta patras di Botica Oduber, mesora a dirigi un patruya pa yuda e persona aki. Na yegada di e patruya
a haya e prome indicacionnan cu e lo ta biba banda di Sero Patrishi, polis a pidi'e pa nan yud'e yega su cas finalmente a yega na e homber su cas y a bah'e sano y salvo.
Ambulans a bay pa studiante a fractura enkel na Colegio E.P.I.
Diabierna mainta a drenta informe di cu un alumno a fractura su enkel na Colegio E.P.I., mesora a dirigi
ambulans na e sitio na
Gate2. Nayegada di e ambulans nan a atende e alumno y despues a transporte pa hospital
Fundacion BOB Aruba ta cambia di nomber pa Fundacion ABO y ta amplia su programanan di screening
BOB Aruba, e fundacion cu ta conduci e Programa National di Screening di Pecho ta anuncia cu orguyo, su nomber nobo: Fundacion ABO, esta Stichting Aruba Bevolkingsonderzoek. E cambio den nomber ta refleha e expansion di su mision y programanan di deteccion.
Ademas di e programa, ya conoci pa cancer di pecho, Fundacion ABO tambe lo ofrece den e proximo aña, un programa di screening pa boca di matris (BOCA) y cancer di tripa (CORESA). BOCA ta nifica BevolkingsOnderzoek Cervix Aruba. CORESA cu ta nifica Colorrectal Screening Aruba, a ser funda originalmente door di tres pionero, dr. Franca, dr. Ho-Kang-You y dr. Smit, awo ta ser re-introduci como e nomber oficial di e programa di deteccion di cancer di tripa.
"E cambio di nomber y expansion ta subraya e compromiso cu salud di nos communidad completo", sra. Janice Ho-Kang-You - Arends, presidente di e Hunta di Supervision di Fundacion ABO a elabora.
"Cu nos socionan, nos ta enfoca tur esfuerso na mehoracion di calidad di bida danki na deteccion na tempo”.
E paso aki ta posibel, danki na colaboracion cu socionan manera hospital HOH, UO-AZV, DVG y socionan tecnico manera Medical Phit, ITP Caribbean, Eclectic Advisory y RADventure y sin lubida di menciona nos socio den calidad LRCB. Tocante Fundacion ABO Fundacion ABO, anteriormente yama Fundacion BOB Aruba, ta comprometi na e deteccion na tempo di cancer di pecho, cancer di boca di matris y cancer di
tripa na Aruba. Desde 2016, e fundacion a realisa mas di 43 mil screening y ta continua traha pa un futuro mas saludabel pa e comunidad di Aruba. Actualmente, e fundacion ta ocupa cu e ultimo preparacionan pa e inicio oficial di e programanan nobo di deteccion pa asina por cuminsa screening den e di dos trimester di 2025. Nos ta determina pa organisa tur cos cuidadosamente pa e programanan funciona di un manera mas optimal posibel. Nos lo tene pueblo bon informa tocante e rekisitonan di cada programa y tambe con por registra pa por participa cu e programanan di screening.
Keda pendiente pa mas informacion actualisa pa ta bon prepara ora e momento yega cu e servicionan aki ta disponibel pa nos comuni-
dad. Pa mas informacion, por sigui Fundacion ABO riba red socialnan conocir.
Polis a detene chauffeur stranhero sin papel, burachi riba dje a bay dal tras di auto!
Diabierna mainta a drenta informe di un accidente banda di Blue Moon na Tanki Leendert, mesora a dirigi un patruya na e sitio.
Na yegada di e patruya a bin compronde cu un chauffeur stranhero sin papelnan cun’e y riba dje burachi cu un auto basta nobo a bay
dal tras di un otro auto su dilanti.
Como cu e ta burachi y no tin papelnan cun’e a detene.
Polis a detene dama Pa maltrato cu arma
Diaranson anochi a drenta informe di unbcaso di maltrato cu arma na Gonzalitostraat, mesora a dirigi un patruya na e sitio. Na
na Gonzalitostraat
yegada di e patruya a logra haya e dama cu lo a comete e maltrato cu arma eynan mes nan a detene y a bay warda si polis cun’e.
Encuesta “Entrada y Gastonan 2023-2024” di CBS riba bon caminda
Oficina Central di Estadistica (CBS) kier informa cu actualmente ta tumando lugar e di diesun (11) periodo di bishita pa cu e encuesta di Entrada y Gastonan. Durante e prome dies (10) periodonan, cual a inicia na luna di October 2023, encuestadornan a bishita adresnan ful rond di Aruba. En total mil shete shen y un (1,701) hogar a permiti nos diesocho (18) encuestadornan drenta nan cas y coopera cu nos encuesta.
E encuesta di Entrada y Gastonan previo na esun di 2023-2024 a tuma lugar na 2016. Cu e ciclo nobo aki, CBS lo por duna un bista di entre otro con e patron-
chi di consumo di nos poblacion a cambia durante e ultimo ocho añanan. E datonan compila durante e encuesta, ta wordo procesa completamente anonimo. E resultadonan di e encuesta aki lo wordo usa principalmente pa ahusta e pesonan di e componentenan basico di e canasta di consumo di e Indice di Prijs di Consumo (CPI).
A base di e evolucion di e prijsnan y e pesonan di e canasta di CPI, CBS ta calcula mensualmente e CPI y e cambio di porcentahe di prijsnan en general (inflacion). E indice di prijs ta un indicador importante pa e economia di Aruba. Elabo -
racion di un CPI tin tres meta principal: 1. Como un metodo di calculo pa compensa empleadonan pa motibo di perdida di poder di compra, ahustando nan salarionan, cu e proporcion di e cambio porcentual di CPI, locual ta conoci como indexering, 2. como un mecanismo pa ahusta componentenan di e producto domestico bruto (GDP) di termino nominal pa termino real den Cuentanan Nacional y 3. como un medio pa gobiernonan y/of banconan central fiha obhetivonan inflacionario.
E encuesta aki tambe lo duna un bista riba e necesidadnan di gruponan
Boto kibra mahos bista
banda di e cas conosi pa cas di Gobernador banda di Wilhelmina Park
Pa algun dia caba tin un boto kibra cu ta forma un mahos bista pa e turistanan net dilanti e cas conosi como cas di gobernador. Pa algun tempo caba e ta eynan y ningun hende ta move pa kita esaki for di eynan. Turistanan cu pasa eynan ta haya un mal impresion di nos dushi isla. Por fabor instancianan concerni haci algo pa esaki!
vulnerable den nos comunidad. Di e manera aki e indice di prijs ta importante pa e bienestar social y economico di nos poblacion. Sin un bista cla di e forza di compra di nos poblacion, lo bira sumamente dificil pa actua conscientemente den caso cu surgi efectonan negativo riba tereno socioeconomico.
Ainda tin dos (2) periodo di bishita planea pa asina caba di completa e ciclo di 1 aña di investigacion riba e Entrada y Gastonan di hogarnan segun recomendacion internacional.
Pa esaki CBS ta conta riba e participacion continuo di
henter nos poblacion.
Ta importante pa remarca cu tur encuestador(a) di CBS tin un badge y un uniform pa identifica nan mes debidamente. Si acaso un encuestador(a) no tin su uniform bisti, semper e lo por identifica su mes cu su badge.
Pa cualkier pregunta di e Encuesta di Entrada y Gastonan 2023-2024, por tuma contacto cu Oficina Central di Estadistica, durante oranan di oficina na 524-7433, y puntra pa cualkier miembro di e team di e encuesta. Tambe por manda un e-mail na cbs@ setarnet.aw
FORTALEZA PA FAMIA
Scirbi pa Pastor Marcel Balootje. ORA NOS HACI ORACION, DIOS TA DEMOSTRA SU PODER
Goliat tabata wak David manera un mucha chikito, sin ningun clase di experencia militar, pero e no por a wak e Dios grandi cu David ta sirbi, pasobra Goliat tabata confia den forsa natural di hende.
Rey Saul tampoco por reconoce cu kende David ta cana, aunke David a splike cu su experiencia ta bringa cu leon y beer y cu Dios a yude semper, y den bista di Dios Goliat no ta masha cos.
Tin hopi cos cu nos ta mira masha grandi, caba den bista di Dios e cosnan ey no ta conta, pasobra pa Dios nada ta imposibel.
Ora nos ta duda den Dios , nos ta bira manera tiracochi, cu un poco biento ta kita nos atencion.
Pero ora nos para firme riba e palabra di Dios, no tin nada cu por kita e victoria for di nos.
For di principio te cu e dia di awe e yuinan di Dios semper tabatin victoria pa medio di oracion.
Pasobra no tin ningun hende, ni ningun poder, ni e diabel cu por enterveni den oracion di hende na Dios.
Nos tin cu compronde cu mescos cu Dios a haci den pasado, awe tambe Dios ta capas, pa hacie.
Den e buki di Samuel capitulo 1 Anna a demostra cu esun cu keda fiel den oracion na Señor esey lo ta esun cu ta sali victorioso.
Den e buki di 1 Reynan 18:36-39 Elias a demostra cu ta pa medio di oracion, candela ta baha for di cielo, y cu ta solamente Dios por
hacie pa medio di oracion.
Den e buki di Isiaias si Isaias 38:1-5 Rey Ezekias a demostra cu pa medio di oracion, Dios por cambia su decision y duna bida enbes di morto.
Den mesun buki di Isaias capitulo 37 :14-20-38 : Epoder di Dios ta wordo demostra cu ora un homber para firme dilanti di Dios y kere Dios por salba un nacion completo.
Filipensenan 4: 6 ta siña nos: No preocupa pa nada, ma dem tur cos , pa medio di oracion,y suplica cu gradicimento, laga boso peticion ta conoci dilanti di Dios.
Juan 14:13-14 Hesus ta bisa nos: Tur loke boso pidi den mi nomber esey lo Mi haci,oa e Tata wordo glorifica den e Yiu. Si boso pidi algo den mi nomber lo mi hacie.
Awor e diabel ta yena yuinan di Dios cu corbardia, pa nan bay tras di locual hende ta bisa, y no kere den e poderr di Dios. Cada biaha cu nos share un mensahe contrali na boluntad y principio di Dios, nos ta haci propaganda pa diabel, pasobra e malbado
gusta atencion, pasobra diabel ta envidioso di bondad, pasobra den dje no tin nada bon e ta e tata di mentira y maldad.
Cada biaha cu nos ta scucha mas na plan malbado di hende , cu na poder di Dios nos ta debilita nos , nos Fe, wak bon cada biaha cu Goliat tabata papia David tabata mencioa e nomber di Dios.
Nos no ta ignora e plan di e enemigo, pero pa medio di oracion nos tin autoridad den Cristo Hesus pa cancela nos tur cos.
Tur loke boso pidi den oracion cu fe, boso lo ricibi.( Mateo 21:22)
Pidi y lo wordo duna na boso, busca y boso lo haña,bati y lo wordo habri pa boso.( Mateo 7:7).
Pesey Mi ta bisa boso,tur loke boso pidi ora boso ta haci oracion, kere cu bos ta ricibie y e lo bira di boso.( Marco 11:24)
E oracion efectivo di un hende husto, por logra hopi.( Santiago 5:16)
Sinceramente , Pastor Marcel Balootje.
Prome Minister Evelyn Wever-Croes:
Riba dia mundial di Turismo
PROME MINISTER TA FELICITA ARUBA EN GENERAL Y GRADICI TUR ESNAN CU DI UN
OF OTRO MANERA TA APORTA NA E INDUSTRIA IMPORTANTE AKI
ORANJESTAD - Riba dia
Mundial di Turismo, Prome
Minister Evelyn WeverCroes a asisiti un conferencia organisa pa Aruba Tourism Authority, na unda e tema central di e conferencia ta "overtourism", cu ta un reto grandi na e momentonan aki pa Aruba, ya cu esaki ta causando descontento den nos fiel bishitantenan y comunidad en general.
Aruba a kibra tur record Riba e dia importante aki, Prome Minister a enfatisa riba e importancia cu e sector aki tin pa pais Aruba. Turismo ta e pilar mas grandi di nos economia, mirando cu e ta crea finansas publico y espacio financiero pa inversion. Tambe turismo ta crea empleo pa comunidad, treciendo bienestar y progreso. Den e ultimo aña a keda comproba cu Aruba ta un destinacion hopi gusta pa e turistannan, mirando cu apesar di e situacion mundial, e sector aki a crece, kibrando record di añanan anterior.
"Overtourism"
Apesar di tur e beneficionan, turismo tambe ta bin cu su retonan, y aki ta referi na loke ta "overtourism". E mandatario a expresa cu ta di suma importancia pa para keto y wak ki efecto "overtourism" tin riba termino largo, ya cu e tema aki ta creando descontento no solamente entre nos mesun hendenan, sino tambe entre nos fiel bishitantennan.
P'esey ta importante pa Gobierno sinta hunto cu e instancianan concerni pa alinea y bin cu un strategia, den cual ta determina ki direccion Aruba lo kier sigui bay cu turismo. Pa Gobierno ta importante pa
laga atras un pais stabil, na unda futuro generacionnan tin mas oportunidad pa por logra nan metanan.
E compromiso di Gobierno "Mi kier a enfatisa cu e Gobierno di Gabinete WeverCroes no ta esun cu a duna permiso pa e hotelnan cu tin bou construccion actualmente, cu excepcion di Secret Hotel na San Nicolas. Tur e construccionnan cu tin adando cu e hotelnan nobo den e area hotelero, ta compromisonan cu tin haci di hopi aña pasa pa e Gobierno anterior. Tambe mi kier sigura comunidad completo, cu e Gobierno aki lo sigui traha na bienestar di pueblo y no lo duna permiso, ni tereno mas pa niun hotel nobo.
Varios ley den preparacion Actualmente, tin varios ley andando pa regula y frena e desaroyo, sigurando cu turismo ta sigui ta sostenibel, duradero y den bienestar di tur ciudadano di pais Aruba. Tambe tin un ley den
preparacion pa regula loke ta Airbnb. Esaki ta importante pa por sigura cu Aruba ta keda un producto di calidad, y cu lo keda casnan disponibel pa nos mesun hendenan biba aden.
Mi kier a felicita Aruba completo, y gradici tur esnan cu ta labora den e sector turistico pa nan trabou incansabel den yuda desaroya e pilar importante aki. Ban sigui aprecia y conserva e bunitesa di nos pais, y
e amabilidad y cordialidad di nos hendenan, pa asina nos por sigui promove e ba-
ranca aki, como e isla mas gusta den Caribe", Prome Minister a expresa.
EXHIBICION TRAVELING POSTER
ORANJESTAD - Dia 23 di September UNESCO Aruba den colaboracion cu nos partnernan: Unoca Aruba, Biblioteca Nacional, Archivo Nacional Aruba, EducationUSA Aruba,National Archaeological Museum Aruba, Unesco Caribbean & EduCampus Aruba tabata tin e honor di por inaugura e exhibicion “Travelling Poster Exhibition: Slavery. Ten True Stories of Dutch Colonial Slavery & Aruba's Stories" na Biblioteca Nacional na San Nicolas.
Feliz dia bendiciona y cu Dios su man santo ta riba cada un di nos
Den e tempo ey Hesus a bisa: ”Tata, Señor di shelo y di tera! Mi ta gradici Bo cu Bo a duna esnan simpel conocemento di e cosnan cu Bo a sconde pa esnan sabi y inteligente.” Mateo 11,25
Ta trata di e reino cu Dios mes a funda y esnan simpel na kende e cosnan aki a keda revela. Hesus ta expresa na un manera indirecto cu E tin un caso unico cu Dios su Tata, p’esey nos ta proclama Dios su sabiduria secreto prome cu mundo a cuminsa. El a traha e plan pa nos tuma parti na su gloria pero e plan ey a keda scondi; ningun di e podernan cu ta domina e mundo aki no tabatin conocemento di e plan ey. Si nan tabata conoc'E nan lo no a crucifica nos Señor di gloria. Pero manera Santa Scritura ta bisa: loke ningun hende no a yega di mira, ni ningun hende no a yega di tende, pues ni ningun hende no por imagina nan, esey Dios a prepara pa esnan cu ta stim’E. Ma nos si Dios a laga conoce su plan secreto pa medio di su Spirito Santo. ( 1 Cor. 2, 7-10) Dios a laga nos conoce su proposito scondi di acuerdo cu su boluntad, e proposito cu El a dicidi di antemano pa realisa pa medio di Cristo. Oracion: Dios bondadoso, Abo cu ta scrudiña curasonnan, yuda nos lucha cu nos cruz cu no ta facil, pero cu Cristo nos por tur cos. E so por duna nos e forsa sobrenatural pa enfrenta e lucha aki na tera. Amen.
Na april di e aña aki e Caribbean Office di UNESCO na Jamaica a acerca UNESCO Aruba cu e propuesta pa organisa un version Arubano di e exhibicion menciona.
E exhibicion a pasa durante aña 2024 na diferente embahada y oficina regional di Nacionan UNI. Tambe na e biblioteca nacional di Trinidad & Tobago y Museo Tula na Corsow, Cu cooperacion di partnernan di ministerio di Cultura y Educacion, nos a logra di traha un ruta interesante pa e exposicion, cu lo hiba nos di biblioteca Nacional pa UNESCO school Educampus Aruba, Museo Archeologico, Scol di Arte na San Nicolas y Archivo Nacional. Na cada parada e exposicion lo haya un toke diferente ya cu e lo ta den un otro setting, cu otro publico of cu un actividad adapta.
E exhibicion aki ta presenta un serie di 14 posters desaroya door di Rijksmuseum https://www.rijksmuseum. nl/en/whats-on/exhibitions/past/slavery/rijksmuseum-travelling-posterexhibition, conteniendo relatonan profundo y personal di e periodo di sclavitud colonial Hulandes, 10 storia personal, 3 poster introductorio y 1 mapa mundial y ta enrikese pa e publico di Aruba cu:
• E film ‘Francisca y Eugenio’, dirigi y produci door di sra. Rebecca Roos, cu ta conta e historia di Famia Ecury, un historia di resiliencia y perseverancia.
• Un poster di esclavo ‘Thomas’ basa riba informacion di archivo nacional. E poster ta conta un storia di resistencia;
• Y diferente buki-
nan riba e topico di sclavitud.
E exhibicion aki ta uno biahero, e lo ta den Biblioteca Nacional SN te cu 18 oktober y despues lo cambia di lugar.
https://www.canva.com/ design/DAGQkNO9U8s/ geYA7mCaYB1bppOwbRXnNQ/edit?utm_