MEP SU CANDIDATO PA PRESIDENTE DI PARLAMENTO TA KEDA EDGARD VROLIJK
Ta un decision di MEP y di ningun otro!
Den ultimo dianan a surgi un discucion riba e candidatura di presidente di parlamento pa e aña nobo parlamentario. Parlamentarionan di RAIZ lo a informa cu nan lo no duna sosten na Edgard Vrolijk.
Kisas pa e problema di matrimonio di mes sexo, e parlamentarionan por a keda poco desgusta. Sinembargo Edgard Vrolijk ta wordo sosteni pa MEP y te hasta den e acuerdo di gobernacion, ta wordo bisa cu ta MEP tin e presidente di parlamento.
Si encaso Partido RAIZ no kier sostene
Edgard Vrolijk, e ora esey por conduci na un otro desaroyo. Sinembargo na ciere di nos redaccion, SOLO DI PUEBLO a wordo confirma di fuentenan bon na altura den RAIZ, cu e dos parlamentarionan lo sostene Edgard Vrolijk.
Kisas nan lo pone nan desgusto un banda, pa escohe pa e trabaonan di pais por sigui. Di tur forma mester bisa cu campaña ta asercando y un eleccion poco mas tempran, tambe ta bon bini. Sinembargo e situacion a wordo resolvi, segun fuentenan a informa.
DEPORTIVO BETICO CROES A KEDA FULL RENOBA
MINISTER ENDY CROES TA PRESENTA E MATERIAL DI EDUCACION TOCANTE CUIDO DI CACHO
Segun nationaltoday. com, e luna di september ta luna di doño di cacho responsabel. Pues no tabata un miho dia pa a presenta e material di educacion tocante cuido di cacho riba dialuna ultimo, e prome dialuna di e luna. E material di educacion su titulo ta “Mi mascota ta mi responsabilidad” y su subtitulo ta “Educatiemateriaal hond”. Un di e miho maneranan pa por yega un dia cu tur ciudadano ta un bon doño pa nan mascota, ta pa ancra algun detaye importante den e educacion di nos muchanan na scol, for di mas chikito cu ta posibel. Ya ora nan crece, anan por haci escogencia responsabel si ta tuma un mascota of no y si scoge pa uno, cua mascota ta un cu ta fit cu su estilo di bida. Tur esaki, mirando cu di chikito, e muchanan ta wordo confronta cu e responsabilidad cu un doño di un mascota ta bini cu ne.
Pa e Minster di Enseñansa e tabata un honor pa presenta na e directivay cabesantenan di scol preparatorio y scol basico e material di educacion tocante e cuido di cacho, traha aki na Aruba mes door di un team di maestro y experto den enseñansa. E presentacion di e buki a tuma luga na Departamento di Enseñansa Aruba (DEA). Presente tabata tambe
Minister-Presidente Sra.
Evelyn Wever-Croes, Minister Ursell Arends y Parlamentarionan
Sra. Setty ChristiaansYarzagaray, Sra. Darlaine Guedez Erasmus y Sr. Ricky Hoek.
E proyecto pa desaroya e material aki a inicia na aña 2019, unda a crea e idea pa traha material pa scol riba e tema aki. “Na aña 2021 cu mi a wordo encarga cu e cartera di Enseñansa y hunto cu colega Minister Arends, nos a compromete nos mes pa e material di educacion aki bira un realidad”, Minister Endy Croes a expresa. E idea inicialmente tabata cu tur scol ta haya e material aki den forma digital, pero mirando e hoya di producto final, Minister Endy a wordo conseha y a aproba pa haci e material uno palpabel of “tastbaar” manera nan ta bisa den Hulandes.
Minister Endy Croes a gradici e autornan, esta juffrouw Audry Vasquez y meneer Henry Barrera pa skirbi e material di educacion, e redactornan/ onderwijsdeskundigen Sra. Jumira Spier y Sra. Mirscha Winterdal pa nan aporte na esaki, Sra. Annemarie ProveyerGroot, kende a tuma e reto pa continua cu e material cu a entrega na DEA cu mester a revisa y finalisa pa por drenta scol y tambe e motor tras di e proyecto
aki Sra. Irene Croes, kende desde principio tabata pusha pa e realisacion di e material y despues riba peticion y hunto cu Sra.
Annemarie ProveyerGroot a yuda finalisa e producto cu a presenta.
Minister Endy Croes a reconoce tambe Angelina Thielman, kende ta e ganadora di e “Concurso di diseño” di e bunita cacho cu a bira e simbolo pa e material di educacion y a regal’e un bunita mug cu su logo imprimi riba dje, Bite Communications cu a digitalisa e arte cu Angelina a diseña den un bunita logo, Bruce Harms di Full Stack Vision Foundation, kende a diseña e kaft cu un estilo unico pa e buki y werkboek, Drukcase na Hulanda cu a percura pa imprimi e buki den hardcover, Graficas Aruba Printers cu a percura pa un werkboek practico y tambe Aruba Futura Foundation pa nan tremendo aporte na e producto y evento.
Tur cabesante di scol presente a haya nan pakete di buki y werkboek pa entrega na e docentenan di e klasnan di nan scol pa nan haci uzo di e material aki. E scolnan cu pa un motibo of otro no por tabata presente, lo ricibi nan pakete e siman aki ainda.
Minister Endy Croes por a tira un bista den e buki y a keda sumamente
sorprendi di e calidad halto cu e buki tin. Varios di e plachinan cu e tin aden ta creacionnan di nos propio muchanan cu a competi na e diferente ‘Concursonan di Pintamento’ cu Gobierno di Aruba a lansa desde aña 2019. E buki ta hardcover cu papel “glossy” cu ta duna e buki un toke di elegancia visual cu ta contribui na e balor di e buki. E werkboek cu ta
pertenece na e leerboek ta sublime.
Terminando, Minister Endy Croes a expresa na tur cabesante presente pa nan stimula e uzo di e material cu nan a haya, esaki na bienestar di tur mascota na Aruba y pa Aruba en general y a gradici DEA pa a yuda organisa y coordina e evento di e presentacion di e buki aki.
ArubA bAnk A AmpliA e coleccion
di bibliotecA nAcionAl ArubA cu un
donAcion generoso di buki
di september 2024 - Aruba Bank a haci un donacion di un coleccion significativo di buki na Biblioteca Nacional Aruba. E contribucion aki ta reforsa e compromiso di Aruba Bank pa
sostene educacion, y desorayo positivo den nos comunidad.
Biblioteca Nacional Aruba ta sirbi como un centro vital di educacion pa tur bishitantenan.
AmbulAns A bAy nA un crucero nA wAf pA un turistA
cu tAbAtA hAyAndo un AtAkA
Diaranson anochi a drenta informe di cu un turista crucero lo ta hayando ataka riba e barco crucero na waf, mesora a dirigi ambulans na e sitio. Na yegada di e ambulans nan a atende e victima y a transporte pa hospital.
Cu e expancion di su coleccion, BNA por sirbi su usuarionan mihor cu e variacion di buki nobo.
E meta principal di e donacion di Aruba Bank ta pa stimula un comunidad bon informa y cu ta rico na cultura y historia.
E banco ta masha contento pa sostene e mision di Biblioteca Nacional Aruba pa promove educacion. Cu e donacion di e bukinan aki, Aruba Bank ta spera pa duna mas acceso na conocemento y stimula un amor pa lesa
entre tur miembro di nos comunidad.
E iniciativa aki ta refleha e dedicacion di Aruba Bank pa duna bek na e comunidad y sostene institucion local cu ta
contribui na e crecemento cultural y educativo. Aruba Bank ta spera di por mira e impacto positivo cu e donacion aki lo tin riba e bishitantenan di e biblioteca.
AmbulAns A bAy e.p.b. hAto
pA un muchA cu nAn A dAl
cu piedrA nA cAbes
Diaranson a drenta informe di cu tin un mucha herida cu un kap na cabes na E.P.B. Hato, mesora a dirigi un ambulans na e sitio. Na yegada di e ambulans a bin compronde cu aki ta trata di un mucha cu a wordo herida cu un piedra na cabes.
Noticia
di Corte
20 y 18 aña di prison exigi pa pareha envolvi den asesinato di sergio Maduro-1-
Awe mainta e homber Bryan Jimenez(28) y e dama Jennifer Gonzalez (39) a presenta den Corte pa e caso penal cu Ministerio Publico a cuminsa contra nan.
Den sala di Corte tabata presente famianan di e victima y famianan di e acusadonan. Fiscal a exigi 20 aña di prison pa Jennifer y 18 aña di prison pa Jimenez.
SOLO DI PUEBLO por a compronde cu Jimenez a admiti di a mata Sergio pero cu esaki a sosode riba peticion di Jennifer caminda Jimenez a cobra 2 mil florin y cu Jennifer a dun’e 150 florin adelanta.
CURPA HAYA NA MATIVIDIRI
Ariba pregunta di Hues, Jennifer ta desmenti di ta envolvi, mientras cu Jimenez a admiti di a asesina Sergio. Hues a bisa cu na Matividiri banda di parque di Avestruz, un hende a haya un hende morto sin zapato benta banda di caminda. Miembronan di Recherche a bay na e lugar y a mira cu e persona tabata morto algun dia caba. A resulta cu e victima ta Sergio Maduro un miembro di CEA, kende ta biba hunto cu Jennifer.
FISCAL A BAHA PISA
Fiscal a bisa Hues cu e pareha aki ta envolvi den e asesinato cruel di Sergio. Investigacion
ta mustra cu e homber P. tabatin e cellular di Sergio. Interogacion di P. a haya claridad cu ta Jimenez a mata Sergio riba peticion di Jennifer. Recherche a instala mike den e auto di Jimenez y den un combersacion cu P., Jimenez a conta con el a mata Sergio y pasa auto riba dje. El a bisa cu ta Jennifer a pidi’e haci’e y cu el a haya 150 florin di Jennifer y despues di entiero e lo haya e resto di e suma total di 2000 florin.
Fiscal ta haya tur esaki ta un asesinato premedita. El a bisa cu tabatin un plan caminda mester a laga mustra cu ta un accidente a sosode y cu Sergio a fayece. A haya DNA di Jimenez bou huña di Sergio cu ta mustra e e rascanan cu Jimenez tabatin na su braza ta di Sergio cu tabata lucha pa su bida. Despues di a mata Sergio, Jimenez a bay para e auto di Sergio banda di un school na Noord. Fiscal a mustra cu Jimenez a bisa tur cos con Jennifer a pidi pa mata Sergio y door cu Jimenez tabatin mester di placa pa paga alimentacion di su yiu na Hulanda, el a pidi 2 mil florin. Fiscal ta haya cu Jennifer ta gaña di no a haci nada, pa tira tur culpa riba Jimenez. Fiscal a bisa cu tin testigo a mira Jimenez y Jennifer den auto riba 24 December 2023. Fiscal a mustra cu tin hende a bisa cu Sergio a bisa cu Jennifer ta blo mira
peliculanan di asesinato na television y ta kere cu Jennifer kier laga mat’e. Fiscal a sigui bisa cu tin diferente hende a bisa cu Jennifer a bisa cu e ta fada di Sergio y cu e kier mat’e. Na opinion di Fiscal, Jennifer no a laga esaki na papia so sino a haci’e tambe door di pidi Jimenez, kende a asesina Sergio na un forma cruel. El a sigui bisa cu Jimenez y Jennifer a bay check si tin placa riba cuenta di Sergio via ATM pero no a haya nada. Fiscal a mustra cu Jennifer ta keda desmenti di a planea e asesinato di Sergio pero tur e otro testigonan y hasta e sospechoso Jimenez ta mustra cu Jennifer ta envolvi. Fiscal a bisa cu pa cu e castigo tene cuenta cu e raport di psychiater y raport di psycologo di Jimenez y Jennifer. Fiscal ta haya cu Jimenez y Jennifer a asesina Sergio pa nan mesun interes. Fiscsal a señala cu Jennifer no a mustra ningun duele di loke a sosode. Fiscal ta haya cu e conseho di psychiater y psycologo di e dos acusadonan, lo no haci husticia den e asesinato di Sergio. E ta haya cu e pareha mester haya castigo mas pisa.
Fiscal a exigi 18 aña di prison pa Jimenez y 20 aña di prison pa Jennifer.
legalisacion di personanan indocuMenta na aruba lo por genera entradanan di 50 Miyon Florin
Durante reunion di Plataforma Pais cu SVB a atende un di e topiconan cu e Plataforma aki ta enfocando riba dje, esta e parti di legalisacion di e personanan indocumenta riba nos isla.
Otmar Oduber a expresa cu for di SVB e por a sinti cu nan ta comparti e pensamento aki. Ta trata di aproximadamente 10 mil persona cu ta costando Pais Aruba hopi
placa. E ta un tema cu posiblemente hopi hende no kier atende cune, pero cu ta forma un parti integral den mehora e situacion di nos isla. Rapportnan ta ilustra cu ta trata di aproximadamente 50 miyon Florin cu Aruba ta perdiendo.
E personanan aki tin un trabou, famia, vivienda, pasobra nan no ta biba bou palo of bou brug, pero
nan no ta contribui cu nos sistema di entre otro AZV y AOV. Si logra legalisa e personanan aki den un forma coordina y bou cierto condicionnan, manera entre otro, inburgering, lo genera un aumento den entradanan cu lo por contribui na mehora e fondonan medico y social, como tambe entradanan di gobierno.
MINISTER MADURO A REUNI CU SCOL DI MUSICA RIBA NAN PLAN PA DESAROYA
MAS TALENTO MUSICAL DEN COMUNIDAD
E siman aki Minister
Maduro di Cultura a reuni cu e directiva di Scol di Musica Rufo Wever pa asina haya sa mas di nan plan pa desaroya mas talento musical den Aruba su comunidad.
Pa hopi aña caba Scol di Musica ta brinda les di musica na hoben y adulto na tres sucursal, Cas di Cultura na Playa, edificio di scouting na Santa Cruz
y Santa Theresita Center na San Nicolas. Como cu pronto trabounan di remodelacion di Cas di Cultura lo cuminsa, Scol di Musica lo mester muda pa un otra luga pa asina por keda brinda nan servicio musical den Playa.
E directiva a splica
Minister Maduro di nan deseo pa Scol di Musica por wordo ubica na un luga mas grandi pa asina por
amplia nan servicio y pa por acomoda por ehempel un ensemble y por tin espacio pa musiconan por haci ensayo. Di e manera aki Scol di Musica lo por forma mas hoben y adulto musicalmente. Ta bon pa informa cu tin varios hoben cu despues di a wordo forma musicalmente na Scol di Musica, a scoge pa profesionalisa nan mes den musica na conservatorio na Hulanda of Merca.
Minister Maduro ta apoya e plan di Scol di Musica pa desaroya mas talento musical den comunidad
y lo traha hunto cu Scol di Musica pa yega na e fondonan necesario pa haci e deseo aki un realidad na bienestar di Aruba.
VLOER DI CENTRO DEPORTIVO BETICO CROES A kEDA fULL RENOBA
Deporte ta hayando un overhaul total
20 y 18 aña di prison exigi pa pareha envolvi den asesinato di sergio Maduro-2-
ABOGADO
Mr. Illes a bisa Hues cu Jimenez a admiti y cu e ta conciente cu e mester haya castigo. El a pidi Hues pa tene cuenta cu circumstancianan personal di Jimenez. E abogado ta haya cu mester tene cuenta cu mester duna Jimenez e oportunidad di rehabilita. E abogado a mustra cu raport di psychiater y psycologo ta papia cu Jimenez ta menos responsabel door di problema di personalidad. E abogado ta haya cu e exigencia di Fiscal no ta tene ningun cuenta cu esaki.
Mr. D.Croes a bisa Hues cu Jennifer ta wordo acusa di a provoca Jimenez pa asesina Sergio. Jennifer ta para riba cu e no a pidi Jimenez pa asesina Sergio y ofrece pago. E abogado a
bisa cu ta Jimenez a bisa su amigo P. cu el a asesina Sergio. El a mustra cu Jimenez a bisa cu el a mata 15 hende y cu nan ta dera na un parke. Esey ta su pensamento den su mundo. Na opinion di mr. Croes, tur e storia cu a bin dilanti, ta door di Jimenez. Jimenez den su mundo di diferente personalidad, a asesina Sergio. Jennifer a bisa cu e placa cu el a duna Jimenez ta pa e cachonan. E abogado a mustra cu Jennifer su inteligencia ta manera di un mucha. E no tin e inteligencia pa convence Jimeneza pa asesina Sergio. Por ta cu tabatin problema den pareha pero no cu esey a bay asina leu pa asesina Sergio. E abogado a pidi Huez pa tene cuenta cu Jennifer no ta completo responsabel pa su actonan y awor ta scucha
Fiscal exigi 20 aña di prison cu ta castigo cu ta exigi pa persona cu ta completo responsabel pa su actonan. Jennifer ta un persona special y no ta den e capacidad pa por planea e asesinato di Sergio. El a pidi Hues pa tene cuenta cu esaki. Fiscal a reacciona cu e ta compronde cu e acusadonan mester di tratamento pero a base di ley si bay haci esaki e castigo lo ta mucho abao cu no ta hustifica husticia pa e asesinato cruel. Fiscal a bisa cu Jennifer a puntra diferente hende pa mata Sergio, no ta manera abogado a bisa cu ta un fuente so di informacion tin esta Jimenez.
Hues a sera tratamento di e caso y a bisa cu 27 September 2024 pa 10’or di mainta lo tin sentencia.
parlaMentario guedez-erasMus ta felicita stichting hunto cu reapertura di centro colorado
*Nazorg ta keda hopi importante y ta dedicando hopi atencion na dje
ruba 5 di september 2024:
Recientemente Sociaal Psychiatrische Dienst (SPD) y FMAA uni pa forma Stichting Hunto cu ta percura pa salud mental y adiccion na Aruba.
Relaciona cu esaki,
Parlamentario Darlaine
Guedez-Erasmus di Fraccion di MEP a indica cu por mira
avancenan den un periodo masha cortico y esaki sigur ta algo di elogia. Siman pasa tabatin reapertura du Centro Colorado y esaki tabata un celebracion caminda por a haya informacionnan balioso di e trahadonan cu ta forma parti di Stichting Hunto, e parlamentario a duna di conoce.
E centro a keda masha bunita mes y esaki por a wordo aprecia ora di a haci un rondleiding. Ademas, por a mira presentacion cu e profesionalnan riba entre otro e tema di nazorg, cual ta hopi importante y nan ta dedicando hopi atencion na dje.
E coordinado di nazorg, Sra. Lont, a duna informacion hopi relevante como tambe cifranan di 2021 te cu 2024 riba con ta bayendo y riba con por mira progreso den e clientenan, a agrega. Guedez-Erasmus a sigui bisa cu nazorg ta hopi
importante ya cu despues cu e cliente
ta pasa e tratamento, sea na Aruba of pafo ta importante pa nan sigui cu e guia apropia.
E anochi ey, Sra. Lont a menciona tambe con comunidad por yuda hopi pa e clientenan por keda 'clean'.
Mirando cu e clientenan aki mester di trabou, vivienda aporte di famia y un circulo positivo pa sigui apoy’e. Nazorg ta esencial pa clientenan por participa bek den nos comunidad, biba un bida digno y contribui na nos pais
Plataforma Pais ta comPromete y ta hustifica e obligacion di Percura Pa un aumento substancial den e entrada di Pension di nos grandinan
Otmar Oduber di Plataforma Pais a reuni cu SvB pa atende diferente topico di interes, entre nan e proposicionnan cu e Plataforma tin pa loke ta nos pensionadonan y posibilidadnan pa futuro.
Otmar ta di onion cu ora ta bisa cu kier bay den cierto direccion, mester tin un back up di informacion y datonan, evitando asina pa haci promesanan den bashi of falso, simplemente pasobra tin un eleccion na caminda.
A papia riba entrada di pensionadonan, e gastonan cu nan tin, unda cu tin cierto grupo mester paga e ‘volle pond’ pa loke ta AZV. Tambe
riba e posibilidadnan cu tin pa esnan cu tin un mayor necesidad den e grupo aki, es decir, esnan cu no ta conta cu un di dos pension, pa subi nan entrada, y no cu 30 of 50 Florin manera por a mira recientemente. Esaki mester wordo adapta, e siguiente gobierno mester bay atende den un forma serio e entrada di e pensionadonan aki pa percura pa nan por tin un bida digno segun e costo di bida na Aruba. “No tin un manera pa desvia di dje, esaki mester ta un compromiso y tur hende mester por sa y mira cua politico y partido ta para tras di e compromiso aki”, Oduber a duna di conoce. E ta añadi cu e aumento
di 30 Florin riba e entrada di nos pensionadonan ta un bofta sin berguensa diparti gobierno. Nos pensionadonan no ta bibando un bida digno y ta nos deber y obligacion pa drecha esaki conforme e costo di bida actual. Un pensionado cu ya caba henter su bida a paga belasting no merece wordo maltrata mas cu mas belasting despues cu baha cu pension.
A papia riba e cantidad grandi di hendenan cu ta biba di un AOV so y cu ta inhumano pa haci esaki. Otmar ta considera cu no ta cuestion di un discusion cu si mester aumenta cu 50% of redobla, ta un obilgacion di e proximo
gobierno pa atende cu e situacion aki. E ta agrega cu no ta solamente e grupo aki, pero cu tin otro grupo cu ta cobrando menos cu e AOV normal y cu rapportnan cu tin riba mesa actualmente ta mustra cu e grupo grandi aki ta biba den pobresa.
“1 den cada 4 pensionado awe ta biba den pobresa, mientras 14 mil tin un entrada menos di 900 Florin pa luna y esaki ta inaceptabel. No por cera wowo pe y bisa cu no tin placa.
Mester soluciona e problema aki di e pensionadonan cu ta pasando den e problema aki y bibando den pobresa!”
Pa por crea un reduccion den prima pa nos pensionadonan y aumenta nan entrada na un forma drastico y necesario, Plataforma Pais ta para pa e introduccion di un reforma fiscal cu lo ta hopi mas eficiente y productivo pa gobierno y unda e ciudadano lo keda cu mas placa den su cartera pa por dicidi con ta gasta esaki segun su prioridad.
PickuP a dal riba muraya di suPermercado na tarabana
y a bandona e sitio
dirigi un patruya na e sitio.
Na yegada di e patruya a bin compronde cu aki ta trata di un accidente unda e chauffeur di un pick-up shinishi cu a bay dal riba e muraya di e supermercado y djey bandona e sitio.
Polis a haya e number di e pick-up y a bay na e adres unda esaki ta registra pa atende cu e chauffeur pa e asumi su responsabilidad.
Dia internacional Di aire limpi pa un shelo blauw cu tema pa 2024: inverti Den #airelimpiawo
Riba dia 7 di september ta observa e di cinco Dia Internacional di Aire Limpi pa Shelo Blauw, di Nacionnan Uni (UN). E dia aki ta enfoca riba urgencia y necesidad pa atende cu e menasa cu ta envolve contaminacion di aire y su impacto riba salud, economia, medio ambiente y resiliencia di comunidad.
Directie Natuur en Milieu (DNM) ta desea di trece dilanti algun datonan y informacionnan necesario asina comunidad ta mas atento y consciente di e impacto cu polucion di aire tin y con por aporta pa asina nos por tin calidad di aire limpi pa un y tur.
99% di hende ta inhala aire califica como no ‘safe’. Polucion of tambe contaminacion di aire ta e factor di salud mas importante di nos tempo. Esaki ta causa malesanan cu ta asocia cu curason, pulmon, cancer, ‘stroke’ y mas. E polucion di aire ta causa di morto prematuro, pues, morto mas trempan cu ta premira.
E fenomeno aki tambe ta afecta nos medio ambiente natural bahando e cantidad di oxigeno den nos oceano. E ta haci’e mas dificil pa matanan crece pasobra e suelo ta afecta, intensificando ainda mas e crisis climatologico mundial. Hopi ta e fuente di contaminacion di aire, manera e kimamento di combustibel fosil y biomassa cu tambe ta contribui na emision di gasnan ‘greenhouse’, causando calentamento global.
Mescos cu cambio climatico, contaminacion di aire ta afecta tur hende, pero ta impacta especialmente hende muhe na estado, baby y mucha, adultonan mayor, esnan cu ta biba den
pobresa, y comunidadnan historicamente marginalisa. E magnitud y urgencia di e retonan aki no por ignora. Contaminacion di aire tawata responsabel pa 8.1 miyon morto na 2021. Mas di 90% asocia cu enfermedadnan no contagioso, y mas di 700,000 mucha menor di cinco aña a muri di causanan relaciona cu contaminacion di aire na cas y pafo di cas.
Mas ainda polucion di aire ta haci cu esnan mas vulnerabel ta sufri desigualdad, ta perhudica crecemento economico, ta hisa gasto di cuido medico, y ta baha productividad di e trahado. E asunto di aire limpi ta directamente asocia cu algun di e metanan di desaroyo sostenibel, e SDG’s. Meta SDG #3 por ehempel ta encera bon salud y bienestar pa tur, meta #11 ta referi na cuidadnan sostenibel y meta #7 ta acceso na energia limpi. Y obviamente SDG meta # 13 ta referi na accion efectivo pa combati cambio di clima. Asina tambe ta boga pa "Inverti den #AireLimpiAwo", e observacion di e aña aki cu ta enfatisa e necesidad urgente pa asociacionnan mas fuerte, inversionnan grandi y responsabilidad comparti pa combati contaminacion di aire. Esakinan ta yuda alivia e mortonan prematuro cu polucion di aire ta causa.
Polucion di aire ta impacta e medio ambiente na e manera cu polutantenan ta cambia y caba cu e nivel di nutriente den suelo. Tambe trece den peliger e recurso awa of ta contamina caminda awa ta pasa. Esaki consecuentemente ta daña e mondinan, causa daño na cosecha treciendo material
toxico den e cadena di cuminda y tambe por daña icononan cultural manera monumentonan y estatuanan. E mas evidente ta e parti econominco cu ta refleha un aumento di costo di cuido medico cu ta equivalente na 6.1% di e GDP global.
Dia Internacional di Aire Limpi pa shelo blauw ta bo momento di refeleccion y incorpora cambio den bida diario encurashando otronan pa tuma accion na escala mas grandi asina por refleha cambionan real pa asina tin aire limpi pa tur. Aki algun tips di kico asina por haci den nos bida diario. Reduci desperdicio, composta cuminda organico, recicla desperdicio no-organico, uza tasnan di compra reusabel, no uza productonan di un solo uzo, cambia pa un estilo di vida cu
ta encurasha un miho salud. Considera e manera di transporte, por uza bais of cana distancia cortico, encurasha ‘carpooling’, y no kima sushi. Accionnan den grupo por encera plantamento di mata, accion di limpiesa di sushedad, traha conhuntamente cu artistanan y musiconan pa crea eventonan y exihibicion cu ta eleva consciencia den nos comunidad. Na e nivelnan di organisacionnan medio ambiental ta bon pa cuminsa adresa e topico di polucion di aire.
Pa e dia Internacional di Aire Limpi pa shelo blauw 2024 comparti bo accionnan riba social media usando e hashtags #AireLimpiAwo y #WorldCleanAirDay. Sea parti di e combersacion y haci un diferencia.
MINISTER ENDY CROES TA FELICITA
STICHTING HUNTO CU RENOBACION DI
CENTRO COLORADO NA SAN NICOLAS
: Recientemente, Minister di Enseñansa y Deporte Endy Croes a acudi na apertura di Centro Colorado na San Nicolas, coordina pa Stichting HUNTO. Durante e apertura, Minister Endy Croes a haya un recorido y por a mira e prome fase di renobacion di Centro Colorado den su totalidad. A amplia e cambernan, unda por ubica 40 cliente cu tin un adiccion. Fuera
di esaki, tin un seccion dedica solamente pa hende muhe. Tin diferente profesional pa guia y duna curso.
Fuera di esaki, tin diferente actividad cu ta enfoca riba desaroyo di e clientenan. Minister Endy Croes ta felicita colega Minister Rocco Tjon cu a aloca fondo pa e bunita proyecto
aki. Alabes, ta gradici Prome Minister Evelyn Wever-Croes y Gabinete Wever-Croes II cu a sostene e proyecto y tur otro stakeholder cu a contribui.
Pa finalisa, e mandatario di Enseñansa y Deporte ta felicita Stichting HUNTO cu traha hopi duro pa yuda e clientenan sali di adiccion.
STRANHERO NO A RIpARA CU ELA YEGA UN
CRUSADA Y A SUBI ESAkI NET ORA pICk-Up
A BIN DAL E Y BIR'E 90 GRADO
Diahuebs mainta a drenta informe di un accidente na e crusada banda di "Casi Nobo" den Avenida Milio Croes, mesora a dirigi un patruya na e sitio.
Nayegada di e patruya a bin compronde cu aki ta trata di un accidente unda cu un chauffeur stranhero den Hyundai Accent no a ripara cu ela yega un crusada y a subi esaki net ora un pick-up Toyota a bin dal'e bir'e 90 grado. Afortunadamente ningun hende a resulta herida.
Atrobe ApA rentemente person A cu problem A di sA lud
mentA l A bolbe sende cA ndelA men AsA ndo propiedA d di otro n A tA nki l eendert
Diamars merdia a drenta informe di cu tin un candela menasando propiedad di otro banda di Retraco na Tanki Leendert, mesora a dirigi tanto polis como bombero na e sitio. Na
yegada di e patruya ya caba bombero tabata na e sitio. Aparentemente ta un persona cu problema di salud mental cu tin costumber di cende candela lo a haci esaki atrobe pero e biaha aki
tabata menasando propiedad di otro y tabata trata di un candela grandi.
Bomberonan a paga esaki completamente pa e no forma peliger pa otro.
Ciclista su so cu su so a dal abao riba e "fietspad" banda di e "Green c orridor" na b alashi
Diamars mainta durante bayendo pa un asistencia e patruya a bin topa cu un incidente unda un ciclista coriendo riba e "fietspad" pabao di rotonde Balashi lo a dal abao, mesora e oficial a baha pa wak kiko a pas'e. Na e momentonan ey tabata tin 2 oficial di
guarda costa cu tabata atendiendo e. A bin resulta cu ta su so cu su so a dal abao y a pidi un ambulans mientras e mes a sigui pa su asistencia. Na yegada di e ambulans a pasa riba e ruta pero no a bin encontra cun'e y nan a sigui nan caminda
Prome Minister Evelyn Wever-Croes
Gabinete Wever-Croes ta y lo sigui traha na bienestar di pais Aruba
DESDE 1 DI SEPTEMBER 2024, FUNDACION LOTTO PA DEPORTE SU OPERACION TA BEK DEN MAN DI PAIS ARUBA
ORANJESTAD - Diasabra ultimo, Prome Minister tabata presente na e evento organisa pa Minister di Enseñansa y Deporte señor Endy Croes na unda el a anuncia cu desde 1 di september 2024 Fundacion Lotto pa Deporte (FLPD), su operacion ta legalmente bek den man di pais Aruba. Prome Minister a expresa di ta sumamente agradeci na Minister Endy Croes pa a traha incansabel na logra
cambia e contract existente cu tin entre Canada (CBN) y Aruba pa uno mas beneficioso pa Aruba y pa deporte en general.
Prome Minister a splica cu desde 1999 CBN a cera un contract cu FLPD cu un "management fee" di 8.25%. Lamentablemente na 2011, Gobieno di AVP a traspasa e operacion total den man di CBN, manteniendo e 8.25% di "management fee"
y regala nan 15.25% extra como bonus bou e capa di "technology fee and operating expenses", cu ta forma un total bruto di 23.5%.
Prome Minister a indica cu e tempo ey, cu e tabata den oposicion, tabata bisto con deporte a sufri bou emal maneho di e gobierno di AVP. Nan a poletisa FLPD, nan a demonisa e maneho anterior bou ex Minister Ramon Lee, y nan a persigui hendenan inhusta-
mente inlcuyendo Minister Endy Croes. FLPD tabata 6 miyon florin den cora, y awe ta gosa di cifranan positivo.
Riba e dia importante aki, Aruba ta celebra, no solamente cu e operacion total di FLPD ta bek den man di Aruba sino tambe cu e stigma malo ey cu tabata tin riba FLPD ta pasa pa pasado. Cu e contract nobo aki, Aruba ta cuminsa di nobo, cu yen di oportunidad pa Aruba su deportistanan, clubnan, y infrastructura di deporte.
"Mi ta gradici Minister Dangui Oduber cu a cuminsa cu esaki den Gabinete Wever-Croes I, y Minister Endy Croes cu a continua
cu esaki. Danki na Minister Endy Croes y su ekipo di profesionalnan pa nan dedicacion y esfuerso den haci esaki posibel.
E logro aki ta yena mi cu emocion, pasobra e caminda tabata uno largo, pero e amor cu Minister Endy Croes tin pa deporte a yud'e sigui padilanti cu awe nos por celebra e logro grandi aki. E traspaso oficial, despues di un proceso largo a tuma luga dia 1 di september 2024. Cu e logro aki, cu ta un logro mas di Gabinete Wever-Croes, nos ta demostra nos pueblo cu e Gobierno aki ta uno serio, y ta y lo sigui traha na bienestar general di pais Aruba", Prome Minister a expresa.
Ainda por aplica na tayernan gratis di fundacion CINEARUBA
Inscripcion pa tayer di musica y actuacion ainda posibel. E tayernan ta forma parti di e proyecto TracingRED cu ta un obra auditivo basa riba sclavitud. Participantenan di e tayer di musica lo traha canticanan y efectonan di zonido pa e obra.
Pa e tayer di ‘voice acting’
participantenan lo siña actuacion vocal y lo participa den e obra auditivo.
Tur e tayernan ta gratis sin costo pa e participante. Ambos tayer lo wordo duna pa e specialista den audio y musica señor Adriano Nanof cu tin experiencia riba e tereno di grabacion y mescla di zonido pa pelic-
ula cu ta encera efecto di zonido, zonido ambiente, dialogo y ‘scoring’. Adriano tin tambe experiencia riba e tereno di musica di cual e ta responsabel pa tur cancionnan y scoringnan cu ta aparece den e peliculanan di CINEARUBA.
Esaki ta e di dos obra audi-
tivo cu fundacion CINEARUBA ta produciendo. E prome tabata un ‘dark comedy’ realisa na 2018 di cual e storia tabata di dos señora cu a perde e capitulo final di nan telenovela faborito pa culpa di coriente cu a bay. E obra aki a wordo nomina pa un Gouden C di Cultuurparticipatie na Hulanda. E di dos obra tocante sclavitud lo wordo skirbi pa un grupo di participantenan cu ta formando parti di e tayer di ‘script writing’ cu ta tumando luga.
Ambos tayer ta pa tanto hoben y adulto. E tayer di musica a cuminsa caba pero ainda por forma parti di e tayer aki.
E tayer di actuacion lo cuminsa dialuna 30 di september.
E orario pa e tayernan ta di 6’or di atardi pa 8’or di anochi. E tayer di musica tin un duracion di 9 dia y e di actuacion di 18 dia. Pa inscribi na e tayernan por bishita cinearuba.com. Pa mas informacion por manda un email na info@cinearuba.com.
Siguridad sigur ta un topico cu merece di sigui haya atencion. Cualkier caso di corpucion, criminalidad, violencia of accidente cu sosode, cada un ta uno dimas. Manera ta conoci, Aruba a wordo nombra door di diferente instancia internacional como e pais mas sigur den Caribe y di Region. Nos mester ta hopi orguyoso di esey, paso ta
nos como ciudadano ta contribui na e siguridad aki. Dimes cu e departamentonan tin un rol importante den esaki. Pero nos tin cu sigui pone atencion na siguridad. E ta importante pa e ciudadano sinti su mes safe na cas y riba caya. Alabes, pa nos bishitantenan sinti nan mes sigur na Aruba, dus e ta importante pa nos economia. Un ehempel ta
e inversion den e camara room. Esaki no ta algo nobo pa Aruba. E sistema ta existi caba y e ley ta “in place”. Awo e ta wordo amplia, unda cu Minister Rocco Tjon, mi coleganan di KPA y diferente partner a traha duro riba e Operation Command Center ubica na Savaneta. A inverti den personal y material. Inicialmente, mi a subraya cu mester cuida e privacidad di hende, pesey nos mester percura cu e camara room y/of imagen cu e ta genera wordo uza unicamente pa combati y preveni criminalidad y no pa haci redashi y/of invadi privacidad. Fuera di esaki, mester percura pa esnan cu ta encarga cu e camara room aki tene nan mes na e regla ey. E camara room ta resorta bou di Cuerpo Poli-
cial Aruba, pero nos tur sa cu KPA tin un scharsedad di personal. Pesey, mester percura cu e camara room aki tin suficiente hende pa e por funciona optimalmente. Recientemente, nos a trata e ley cu lo trata e punto aki, unda cu no solamente polis por traha den e Operation Command Center, pero otro ambtenaar tambe por yuda
den e proyecto aki. Mas cu claro nan mester pasa diferente test, haci diferente estudio y mester pasa e screening. Awo un colaboracion entre polis y otro personal ta posibel pa e Operation Command Center por funciona optimalmente y asina contribui na un pais mas safe posibel.
Parlamentario
trahador aiNda
For di finales di 2021 nos ta bin ta scucha di sector comercial di e presion cu tin riba nos mercado laboral. Tin un necesidad grandi na trahador cu nos mercado laboral local no por yena. Esaki ta trece cune cu constantemente Gobierno tin cu keda ahusta maneho pa por atende cu tur e retonanan aki.
Banda di ta duna atencion
na om- en bijscholing di nos localnan mediante EPE y enseñansa (OAA y traha riba un mihor aansluiting di enseñansa na nos mercado laboral) tambe ta keda duna atencion na e proceso di admision. E situacion aki a keda aumenta door di crecemento y actividadnan economico. Pa 2024 ta spera un crecemente economico di 8.5% y pa aña 2025 ta pronostica un crecemento
di 1.3% cual cu otro palabra nos por spera cu e necesidad grandi na trahador riba nos mercado ta bay keda. Esaki ta keda subraya pa e atencion constante cu comercio ta pidi pa e reto aki.
Desde fin di 2020 Gobierno a bin ta ahustando maneho di admision cu e meta pa proteha nos economia y nos mercado laboral cu a cambia hopi door di e pandemia. Na fin di 2021 a introduci ahustacion atrobe pa haci e proceso di peticion y otorgamento di permiso di trabou na DPL y DIMAS mas eficiente y efectivo y a bin cu “Alternative legal pathways” y ampliacion riba e norma di cumplimento cu impuesto. Desde 2022 un biaha mas (oficialmente) Comercio a trek na e bel pidiendo Gobierno pa atencion pa nan necesidad grandi na trahador. A base di consulta cu sector comercial e tempo ey a bin cu ahustacion den
maneho pa por duna atencion na e necesidad grandi na trahador indica pa comercio. Pa remedia temporalmente e necesidad grandi pa trahador y e scarcedad di trahador riba nos mercado laboral local Gobierno a inclui una categoria nobo die permiso di corta duracion na 2023, e asina yama “Special Projects Permits”.
Na inicio di 2024 comercio a informa Gobierno cu nan ta spera mas accion di parti di Gobierno pasobra nan necesidad ta keda grandi y e ahustacionnan di maneho tuma no a brinda e alivio structural necesario. Nan deseo ta pa bin cu maneho cu ta brinda solucionnan structural pa nan necesidad. Pa es motibo mes Gobierno a bin ta reuni cu sector comercial, sindicatonan, DIMAS y DPL pa bin cu ahustacion den maneho pa brinda alivio y no tranca nos economia. Segun informacion ricibi for di Minis-
ta graNdi
ter Glenbert Croes a base di e dialogo aki mes Gobierno a bin cu instruccion di maneho nobo pa loke ta trata “Special Project Permits” y “Alternative legal pathways”. Den e luna aki Minister lo ta den Parlamento y lo por duna splicacion encuanto e necesidad pa a bin cu e instruccionnan nobo aki cual manera e mes ta indica cada 6 luna ta keda evalua.
Mi ta haya na su lugar pa constantemente Gobierno ta evalaundo e maneho di admicion, garantisando na tur momento proteccion di nos mercado laboral local pero sin perde di bista e desaroyo y crecemento accelera di nos economia y necesidad di comercio. Mester preveni cu doñonan di trabou ta sigui uza personanan indocumenta y of bin cu maneho dirigi pa atende cu e grupo grandi di indocumenta cu ta bibando riba nos isla.
Diahuebs mainta a drenta informe di un accidente na Hooiberg, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un Hyundai Atos a bay dal tras di un Hyundai Accent, aunke e impacto tabata fuerte y a bira e Accent afortunadamente ningun hende a resulta herida.
Recordando 3 Anja di fayecimiento di Sr.Marco I. Bislip
Diahuebs Dia 5 di September 2024 net 3 Aña ariba e fecha aki Dia 5 di September 2021 ariba un Diadomingo mainta trempan entre 5 am pa 5:30 am en felis memoria Sr.Marco Ismael Bislip a fayece.E tabata un gran ex-sindicalista, expolitico, ex-eilandstraatlid, statenlid di antiyanan hulandes, ex-diputado, exlider di fraccion di MEP y ex-fundador di MEP, exmiembro di conferencia mesa rondo na Hulanda 1981 y 1983, ex-miembro di parlatino, ex-miembro di ODILAC pa cu deporte den Caribe, ex trahado di Fanni Shop y Elmar, ex-director di departamento di labor, mediador y experto ariba tereno laboral, ex-miembro di Aruba Junior Chamber JCI, ex-miembro di CLAT,
PolIS y AMBul AnS A BAy
SeAP oR t M AR ket Pl Ace
PA un Pe RSon A cu A cAy fo R d I h A lto
ex-miembro di Oranje Kruis parti di Rode Kruis, ex-presidente di Pepsi Cola y ABBA, ex-presidente di ABA Aruba Boxing Association, ex-fundador y presidente di sindicato UEA, ex-diputado di deporte cu a scapa e pista di Palo Marga y ex-presidente di Aruba International Raceway Park Palo Marga, ex-musico di conhunto di Fred Muller, un baluarte pa cu nos carnaval, consehero politico y a lucha hunto cu Betico Croes y tabata parti di tur comision di gobierno di status aparte pa prepara e independencia gemeenebest cu Hulanda na 1996 .Tabata ex-director di Plan E Desaroyo Nobo San Nicolas Aruba cual ta parti di Sasaki Plan pa cual Pisina Olimpico di Savaneta a bira
un realidad, Community Pool San Nicolas a bira un realidad tambe scol di deporte na San Nicolas.Un persona ehemplar un roll model pa comunidad hopi diciplina y tei pa comunidad hopi social pa yuda tur hende cu ta den necesidad.Un tata pa su famia y su grandesa tabata lucha y stima bo pais wak kiko bo por haci pa bo patria y pais y semper anti-colonialismo, pro-arubiano y la stima su famia, su pueblo y su pais
ARUBA PATRIA STIMA semper lucha pa nos ta un patria liber, conserva nos historia, cultura, nos custumbernan y nos tradicion.Un cunukero cu a stima nos naturalesa. Un baluarte grandi di su patria Aruba.
Diahuebs mainta a drenta informe di cu un persona a cay for di alto na Seaport Marketplace, mesora a dirigi tanto polis como ambulans na e sitio.
Na yegada di e patruya a bin compronde cu aki ta trata di un persona cu lo a cay for di 3 meter halto. Na yegada di e ambulans nan a atende e victima y a transporte pa hospital.
FORTALEZA PA FAMIA
Scirbi
pa Pastor Marcel Balootje.
LAGA NOS HACI TUR ESFUERSO PA SIGI STIMA OTRO
Mateo capitulo 22:37-40 ta siña nos lo siguiente: Hesus a conteste: Stima Señor bo Dios cu henter bo curason, y cu henter bo alma,y cu henter bo mente. Esaki ta e gran mandamento,y e di prome. Y e di di dos ta semehante. Stima bo prohimo manera bo mes. Riba e dos mandamento aki henter ley y e Profetanan ta basa.
Esun cu stima su ruman no ta sconde su maldad pasobra , scondemente di maldad di hende ta haci bo compinche di maldad di hende.
Ora bo stima un persona, bo ta coregi y displina e persona, pa asina e persona por bin bek riba e caminda di bondad, pa asina e por bira util pa tur bon obra den Señor, y un bendicion pa sociedad.
Tur hende cu kier drecha, por drecha, basta nan entrega nan curason na Cristo Hesus kende ta E solucion pa tur cos. Pa Dios nada ta imposibel, pasobra locual mundo ta rechasa, e amor di Dios ta acepta.
Un mandamento nobo Mi ta boso, pa boso stima otro, y mescos cu Ami a stima boso, pa boso tambe stima otro. Na esaki tur hende lo sa cu boso ta mi disipel, si boso tin amor un pa otro. (Juan 13:34-35).
E sistema di bida di odio y persecucion, kibramento di hende, lastramento di hende, aplicando orguyo , arogancia, y ninga di pordona otro no ta bini di Dios, e ta bini for di cas di diabel, y no por wordo acepta den ningun hogar caminda Cristo Hesus ta goberna, esey ta nifica cu si den bo cas of bo famia tin hende ta odia otro, den bo amistadnan,
den e gremio of grupo of bario cu bo ta pertenece tin hende ta odia otro, ta tempo pa e amor di Dios, pa medio di Evangelio wordo presenta na nan, pasobra esun cu ta odia su ruman no conoce Dios.
E palabra di Dios ta splica nos cu tur seriedad den 1 Juan 3:14-15 bisando: Nos sa cu nos a pasa di morto pa bida, pasobra nos stima e rumannan. Esun cu no ta stima su ruman ta permanece den morto. Ken cu ta odia su ruman ta permanece den morto.Ken cu odia su ruman ta un matado: Y boso sa cu ningun matado no tin bida eterno ta permanece den dje.
Ta bon pa tur hende compronde, cu ora bo acepta Cristo Hesus como bo Senjor y Salbador, esey no ta nifica cu bo ta cla, no esey no ta berdad, bo tin di biba un bida cu ta agrada Dios, bo tin cu sigi perservera den e caminda di Dios pa ora bo muri bo muri cu Cristo of ora Cristo bin busca su pueblo, bo por bay cune, (No lubida e historia cu ta para scirbi den Mateo 25:113).
Esun cu no ta stima no conoce Dios,pasobra Dios ta amor.( 1Juan 4:8).
Esun cu tin e Yiu tin e bida,esun cu no tin e Yiu di Dios no tin e bida.(1 Juan 5;12).
Esun cu ta kere den e Yiu tin bida eterno,ma esun cu no obedece e Yiu lo no mira bida, ma e furia di Dios ta keda riba dje.( Juan 3;36).
Den obediencia na Dios nos ta stima otro y ta yuda otro, pasobra Dios a manda nos pa stima otro y pordona otro mescos cu E a pordona nos.
Cada biaha cu nos ta papia malo di otro, y pretende pa kibra otro, nos ta den desobedencia na Dios, pasobra Dios no a yama nos pa esey , Dios a yama nos pa stima otro.
Un feliz comienso di weekend cu hopi gracia, amor y fe den Señor.
………”No sa sker un pida di un paña nobo pa lapi un bisti bieu”………(Lucas 5, 36)
No ta keda na nos pa husga kico ta bon pa iglesia. Paso Hesucristo ta sacramento di Dios Tata y iglesia ta sacramento di Hesucristo nos Señor.
Cu yudansa di Spirito Santo iglesia ta constantemente den renobacion. Den e cambio aki Dios ta nos refugio y kier reconcilia nos cu n’E. Tradicion tambe ta contene cambionan continuamente. Cu binida di Hesus mes tabata un renobacion di e creacion na bienestar di e humanidad. No ta exclui ma ta inclui tur hende cu tin derechonan di haya salbacion. Esaki ta e aliansa nobo. Ban tene cuenta cu Hesus ta origen di tur cos y acepta fielmente e renobacionnan cu ta necesario pa tur haya bida eterno.
Oracion: Tata Santo nos ta gradici Bo pa un iglesia universal militante y triunfante.
Cu San Miguel Arcangel proteha nos semper na caminda pa cielo, den practica husticia y caridad den nomber di Hesus di Nazaret. Amen
Diasabra mainta 7 di september 2024 ta cuminsa resa Santo Rosario pa 6.15. Pa 7or di mainta, S.Eucarestia ta cuminsa na Blue Army Center y Kapel di Alto Vista
Laga nos cuminsa luna di september cu bishita un misa y asisti na un Santo Sacrificio di Misa. Sea den un parokia of den naturalesa. Tur hende ta invita pa atende misanan na Alto Vista y Blue Army Center na San Nicolas. Tambe tin oportunidad pa ofrece e Santo Misa pa un enfermo keri, por ta un muribundo of un defunto stima. Ta bin trempan pa scirbi e nomber prome cu misa cuminsa. Dia
8 di september ’24 Iglesia ta recorda Nacemento di Nos Mama Maria.
12 september nos ta corda e Dushi nomber di Maria Nos Mama Celestial. 15 di september nos ta corda e Dolornan di Maria 24 di September Nos Señora de la Merced. 27 di September San Vicente Paúl 29 di september San Arcángelnan; Miguel, Gabriel y Rafael. Den silencio nos ta resa pa e anja escolar nobo, pa tur mucha, hoben y adulto mustra interes den ensejansa y cumpli cu
tur tareanan.
Papa Francisco, Obispo Luis Secco, tur sacerdote, Diacono y laiconan cu ta hiba e bon noticia pa e pueblo di Dios. Pa nos Gobernantenan y tur cu ta carga responsabilidad pa nos pais Aruba. Pa enfermonan den exterior cu a bay busca nan salud. Cu pronto lo regresa Aruba pa gosa di un bon salud dentro
di su famia. Pa esnan cu por hinca rudia. Hinca rudia busca refugio na nos Mama Celestial. E ta guia nos riba e Caminda cu Dios ta. Cu Mama Maria den nos curason. Mama stima, compaña nos den e caminda di Señor. Ban hunto resa pa nos hogar y nos isla Aruba y henter mundo, pa tin pas y comprencion pa otro.
Invitacion na pueblo di Aruba en particular e pueblo di Santa Cruz
Recordando 62 aña di fayecimento di sra. Laura Wernet-Paskel
Dia 8 september 2024 na misa Immaculada Concepcion na Santa Cruz pa 8'or mainta.
