Kb aanwijzing aruba 15 juli 2014 pap pag 1 8

STAATSCOURANT

Nr. 20467 15 juli 2014

Officiële uitgave van het Koninkrijk der Nederlanden sinds 1814.

Traduci na Papiamento. E version original na Hulandes ta aplicabel pa ley.

Resolucion di 11 di juli 2014, refiriendo na e instruccion na Gobernador di Aruba pa retene e aprobacion di e Ordenanza Nacional cu ta establece e presupuesto di ministerionan di Pais Aruba pa e aña 2014 y haci investigacion riba realidad di e calculacionnan den e presupuestonan y e desaroyo a largo plaso di e finanza publico di Aruba.

Nos, Willem-Alexander, pa gracia di Dios, Rey di Hulanda, Prins di Oranje-Nassau, etc, etc, etc.

Riba indicacion di Nos Ministro di Asuntonan Interior y Relacionnan den Reino di 11 di juli 2014, number 20140000354235.

Considerando, cu ta deseabel pa duna Gobernador di Aruba un instruccion pa retene aprobacion di e Ordenanza Nacional cu ta establece e presupuesto di ministerionan di Pais Aruba pa e aña 2014 y investiga si e calculacionnan den e presupuestonan y tambe e desaroyo a largo plaso di finanza publico di Aruba ta realistico.

Teniendo cuenta cu articulonan 15 y 21 di e Reglamento pa Gobernador di Aruba; Considerando articulo 10 di e Statuut di Reino; A aproba y ta decreta:

Articulo 1 1.

Gobernador di Aruba ta retene aprobacion di e Ordenanza Nacional aproba door di Parlamento pa establece e presupuestonan di e ministerionan di Pais Aruba pa aña 2014 y ta investiga si e calculacionnan den e presupuestonan 2014 aproba door di Parlamento y e desaroyo a largo plaso di finanza publico di Aruba ta realistico. Gobernador por solicita asistencia di expertonan pa haci e investigacion.

2. E rapport di investigacion ta contene en todo caso: a. Un presentacion di e evaluacion si e calculacionnan den e presupuesto ta realistico; b. Un presentacion di e consecuencianan a largo plaso den e presupuesto di e deficit di presupuesto of financiamento, respectivamente e surplus di presupuesto y e deuda nacional; y c. Un presentacion den cifra di e proporcion di e deficitnan y suplusnan di esakinan y di e deuda nacional compara cu e criterianan cu ta usual den Reino y Internacionalmente di Finanza Publico sostenibel y e capacidad pa paga bek.

Articulo 2 1. Gobernador ta manda e rapport di investigacion mas pronto posibel, pero no mas tarda cu seis (6) siman despues cu e decision aki a drenta na vigor, pa e ministro di Finanza y Organisacionnan Gubernamental di Aruba y, pa medio di Nos Ministro di Asuntonan Interior y Relacionnan den Reino, pa Conseho di Ministronan di Reino.

2. Acaso e rapport di investigacion ta duna motibo, Gobernador por invita Gobierno di Aruba pa, den tres (3) siman, traha un proposicion nobo di un ordenanza nacional pa establece e presupuesto di e ministerionan di Pais Aruba pa aña 2014, of pa entrega na Raad van Advies pa conseho, un proposicion di un ordenanza nacional pa modifica e ordenanza nacional, anteriormente aproba. E obligacion pa retene e aprobacion, menciona den articulo 1, inciso 1, ta caduca si e rapport di investigacion no duna motibo pa tal invitacion.

3. Acaso Ministro di Finanza y Organisacionnan Gubernamental di Aruba no informa Gobernador por escrito, dentro di dos (2) siman, cu e ta dispuesto pa traha un proposicion nobo di un ordenanza nacional pa establece e presupuesto di ministerionan di Pais Aruba pa aña 2014 of pa trece un proposicion pa un amienda (cambio) den e presupuesto anteriormente aproba, ta caduca articulo 1, inciso 1,

1

Staatscourant 2014 nr. 20467

15 juli 2014

cu ta e obligacion di e retencion menciona y Gobernador lo dicidi inmediatamente tocante e aprobacion di e ordenanza nacional aproba door di Parlamento, of aplicacion di articulo 21 di e Reglamento di Gobernador di Aruba.

4. Articulo 1 y articulo 2, inciso 1, di e mes manera, lo ta aplicacabel tambe riba un proposicion nobo aproba door di Parlamento di e ordenanza nacional pa establece e presupuesto di e ministerionan di Pais Aruba pa aña 2014 of un amienda aproba door di Parlamento di e ordenanza nacional aproba anteriormente door di Parlamento.

5. A base di e rapport di investigacion cu lo wordo traha door di aplica inciso 4 di e articulo aki, Gobernador ta dicidi riba e proposicion nobo, manera aproba door di Parlamento, of riba e proposicion original (ordenanza nacional) aproba door di Parlamento y adapta cu e amienda di e proposicion di cambio, aproba door di Parlamento, of Gobernador ta aplica articulo 21 di e Reglamento di Gobernador di Aruba.

Articulo 3

E decision aki ta drenta na vigor entrante e dia despues di e fecha di publicacion den e “Staatscourant”, unda e ta wordo publica.

Nos Ministro di Asuntonan Interior y Relacionnan den Reino ta encarga cu ehecucion di e decision aki, hunto cu e nota di aclaracion (“Nota van toelichting”), den e “Staatscourant” y den e Afkondigingsblad di Aruba.

Wassenaar, 11 juli 2014 Willem-Alexander Ministro di Asuntonan Interior y Relacionnan den Reino, R.H.A. Plasterk

2

Staatscourant 2014 nr. 20467

15 juli 2014

NOTA DI ACLARACION General E instruccion aki ta encarga Gobernador pa no dicidi riba e aprobacion di e presupuesto di Pais Aruba prome cu e haci su investigacion riba e claridad di e situacion di e finanza publico di Aruba. Aruba ta un pais autonomo den Reino Hulandes. Aruba mester zorg pa realisa e derechonan humano y libertadnan fundamental, siguridad legal y bon gobernacion, manera ta stipula den articulo 43, inciso 1, di e Statuut di Reino. Autonomia ta ensera cu Aruba mes ta completamente responsabel pa su finanza publico. Un bon maneho financiero ta di interes pa tur ciudadano di Aruba.

Cu e instruccion aki Gobierno di Reino ta sigura cu Gobernador tin suficiente informacion pa por dicidi si e por firma e ordenanza cu ta stipula e presupuesto di Aruba pa e aña 2014 (como Hefe di Gobierno) of cu e no ta stipula e ordenanza (como Representante di Reino). Gobierno di Reino ta haya e instruccion aki necesario pasobra e tin hopi preocupacion riba e maneho di e finanza publico di Aruba, mirando e cifranan di e añanan anterior (mira Tabel 1 akibou).

Tabel 1 Sector Publico

2009

2010

2011

2012

2013 (provisional)

Entrada [mil miyon florin]

1.109

1.184

978

1.017

1.137

Gastonan [mil miyon florin]

1.229

1.337

1.283

1.435

1.434

Deficit Financiero [miyon fl]

– 163

– 189

– 325

– 442

– 335

Deficit Financiero/GDP [%]

– 3.6

– 4.4

– 7.1

– 9.7

– 7.2

Debe Nacional [mil miyon fl]

2.226

2.394

2.793

3.063

3.412

Debe Nacional/GDP [%]

49.8

56.0

61.2

67.2

73.6

GDP (Producto Interno Bruto) [mil miyon florin]

4.473

4.279

4.564

4.546

4.634

Fuente: Centrale Bank van Aruba

Preocupacionnan di Gobierno di Reino Den Conseho di Ministro di Reino tin hopi preocupacion riba e situacion financiero y maneho financiero di Gobierno di Aruba. Tanto ‘Raad van Advies’ (RvA) di Aruba1 como ‘International Monetary Fund’ (IMF) 2 a conseha Gobierno di Aruba pa ahusta e maneho financiero. IMF, na 2013, a conseha pa tuma medidanan adicional y necesario pa evita e riesgo di no por maneha e debe nacional mas di Aruba. IMF, e tempo ey, a premira cu si no tuma medida na 2013, Aruba lo tin un deficit financiero di -5.7% di e Producto Interno Bruto (GDP). En realidad esaki a bira provisional -7.2%. Aworaki Aruba ta acelera e trayecto, cu IMF a adverti, pa yega na un debe nacional cu no ta manehabel mas.

E deficit acumula durante 2013 tabata atrobe hopi grandi, mas hopi cu Aruba mes a spera, y tambe e no ta den liña cu e recomendacionnan di IMF. Mirando e principio di tene e debe nacional manehabel, IMF a conseha pa 2013 y 2014 mester yega na deficitnan di presupuesto mas abou cu e Gobierno di Aruba ta anticipa. Tambe IMF a conseha Gobierno di Aruba pa genera un surplus den presupuesto desde 2015.

Den e Presupuesto Preliminario 2014 y durante tratamento di e presupuesto den Parlamento di Aruba, Gobierno a kies pa entrega e documento, “Nota Financiën 2014, behorende bij landsbegroting 2014” (“Nota di Finanza 2014, pertenciendo na e Presupuesto di Aruba 2014”) cu e sub-titulo “Op weg naar duurzaam houdbare overheidsfinanciën” (“Na caminda pa un maneho duradero pa Finanza Publico”), pa laga sa cu ta desvia di e conseho di IMF, manera ta wordo demonstra den Tabel 2 akibou.

1

2

3

Carta RvA, nu mb e r , 229-13, di 16 december 2013, http://www.rva.aw/images/pdf/adviezen/2013/229-13.pdf; y Carta RvA, number RvA 71-14, di 9 mei 2014; http://www.rva.aw/images/pdf/adviezen/2014/71-14.pdf “ IMF country report” No 13/258, Kingdom of the Netherlands – Aruba, augustus 2013, http://www.imf.org/external/pubs/cat/ longres.aspx?sk=40869.0

Staatscourant 2014 nr. 20467

15 juli 2014

Tabel 2 2014

2015

2016

2017

Entrada [mil miyon florin]

Sector Publico

1.150

1.190

1.234

1.294

Gastonan [mil miyon florin]

1.350

1.350

1.350

1.350

Deficit Financiero [miyon florin]

– 221

– 181

– 137

– 77

Deficit Financiero/GDP [%]

– 4.6

– 3.7

– 2.7

– 1.4

Deficit Fianciero/GDP [%] segun IMF si sigui cu e mesun maneho (augustus 2013)

–6

– 5,3

–5

– 4,9

Debe Nacional [mil miyon florin]

3.633

3.814

3.951

4.028

Debe Nacional/GDP [%]

76.1

77.2

77.2

75.0

Debe Nacional/GDP [%] segun IMF si sigui cu e mesun maneho

75

77.2

79.4

81.5

GDP (Producto Interno Bruto) [mil miyon florin]

4.774

4.940

5.118

5.371

Fuente: “Nota Financiën 2014, behorende bij landsbegroting 2014” cu sub-titulo “Op weg naar duurzaam houdbare overheidsfinanciën” y “ IMF Country Report, Aruba” (augustus 2013).

Tanto e grandura absoluto y relativo di e Debe Nacional, manera presenta den Tabel 1, ta di tal magnitud cu nan a subi rapidamente y lo sigui subi. E calculacionnan di e desaroyo di e Debe Nacional door di Gobierno di Aruba, repetidamente, a resulta di ta mucho optimista. Den e Memorandum Financiero Economico di 24 di mei 2012, Gobierno di Aruba ainda ta calcula e Debe Nacional na 2016 na 54.1% di e GDP, mientras cu e calculacion na juni 2013 a subi te na 61% di e GDP na 2016. Mientrastanto Gobierno di Aruba a calcula esaki na 77.2% di e GDP. Compara cu 1993 e Debe Nacional a triplifica (3x den 20 aña), compara cu 2001 ela duplifica (2x den 12 aña)) y compara cu 2009 ela aumenta cu mas cu mita (mas cu 1.5x den 4 aña). Segun cifranan di Centrale Bank di Aruba (juni 2014) e Debe Nacional a subi te na 75% di e GDP na final di prome kwartaal di 2014. Cu esaki ya pa fin di maart 2014 a logra e nivel cu IMF a pronostica pa fin di 2014, segun su scenario sin cambio di maneho. Asina Aruba ta sigui e trayecto cu, segun IMF, den tempo corto lo conduci na un nivel di e Debe Nacional cu no ta manehabel mas.

Hunto cu e Debe Nacional mas halto, e interes cu Aruba mester paga tambe a subi drastico. Segun “Raad van Advies” (RvA) e peso di e interes ta mas cu tres biaha (3x) compara cu loke ta wordo admiti y ta deseabel, esta 15.7%, segun e “Rijkswet Financieel Toezicht Curaçao en Sint Maarten”.

Basa riba e informacion cu Gobierno di Aruba a duna, e Gobierno di Reino ta puntra su mes si e presupuestonan di 2014 di cada ministerio di Aruba, lo contribui suficientemente na drecha e balansa den Finanza Publico na tempo y cu e balansa por keda manteni pa tempo largo. E Conseho di Ministro di Reino ta haya hopi importante cu e trayecto cu IMF a describi, si no cambia e maneho, y cu lo conduci na un Debe Nacional cu no por wordo controla, mester wordo laga un banda y mester kies pa un otro rumbo. Tur aña cu warda pa cambia e rumbo, lo haci e esfuerso cu IMF ta propone mas grandi y pues mas dificil. Mester tene na cuenta cu e resultadonan di e medidanan adicional cu IMF ta haya necesario, ta tuma tempo. P’esey un presupuesto 2014 realistico y structural manehabel ta di suma importancia.

Basa riba señalnan di IMF y RvA di Aruba, Conseho di Ministro di Reino no ta exclui cu ainda tin gastonan y entradanan importante, cu por wordo premira, cu no ta hinca adecuadamente den e Presupuesto 2014 di Aruba.

RvA di Aruba den esencia ta raporta cu den e Presupuesto Preliminario 2014 no tin suficiente bista riba e consecuencianan di3: – e impacto di e medidanan structural den e añanan siguiente; – e progreso di e peso di interes; – e impacto di e proyectonan di Public Private Partnership, riba termino mediano y largo.

RvA di Aruba ta raporta un cantidad di asuntonan no-realistico of riesgonan riba tereno di deficitnan den e fondonan di Seguro Social (SVb), Cuido di Salud (AZV) y e deber pa ley cu Gobierno di Aruba tin pa cubri e deficit di e fondonan aki y tambe den e plannan relaciona cu pensioen di ambtenaarnan (APFA).

E Debe Nacional ta crece mas lihe y mas acelera cu ta presupuesta, causando tambe cu e peso di interes ta bira mas grandi. A lo largo Gobierno di Aruba mester paga compensacion pa e proyectonan cu awor ta wordo realisa door di Public Private Partnerschips.

3

4

Carta RvA, nu mb e r RvA 71-14, 9 mei 2014; http://www.rva.aw/images/pdf/adviezen/2014/71-14.pdf

Staatscourant 2014 nr. 20467

15 juli 2014

E duda cu si e presupuesto 2014 ta realistico, ta wordo fortifica door di e echo cu den ultimo añanan diferencianan considerabel a bin ta resulta entre e cifranan presupuesta y e cifranan realisa, locual a resulta den un deficit di centenares di miyon di florin na final di cada un di e ultimo tres añanan (Tabel 1). Continuamente Aruba ta ahusta e calculacionnan. Por ehempel, na juni 2013 Gobierno a calcula un balansa (Balanced budget; 0 % deficit) pa 2016. Awo e deficit ta calcula na -2.7% di e GDP. Mescos cu den e calculacionnan den e desaroyo di e Debe Nacional, continuamente tin ahustacion y movemento (‘verschuiving’) di e recuperacion di e sostenibilidad di finanza publico.

Segun cifranan recien di Banco Central di Aruba (juni 2014) e nivel di gastonan den e prome kwartaal di 2014 tabata 36 miyon florin mas halto cu den e prome kwartaal di 2013. E prome resultadonan di 2014 ta duna un indicacion cu e ‘acuerdo di balanced budget’ (na unda Gobierno a pone entre otro un maximo (‘plafond’) pa su gastonan y a indica cu lo bay corta fuertemente den gastonan compara cu 2013) di Aruba no ta alcansabel.

Raad van Advies4 ta spera pa 2014 un deficit den e mesun ordo di magnitud manera realisa den añanan anterior, basa riba e concepto di Ordenanza Nacional cu a wordo entrega na dje. E promedio di e deficit durante e ultimo 5 añanan ta mas o menos 290 miyon florin. Raad van Advies ta menciona un deficit di 288 miyon florin, excluyendo eventual restante di sumanan provisional (“stelposten”) y riesgonan.

Resumiendo por conclui cu e acumulacion di deficitnan halto y inespera, e movemento continuo di e perspectiva pa recupera un balansa y e asercamento, mas rapido cu a premira, di un Debe Nacional insostenibel, - IMF a indica cu un Debe Nacional di mas cu 80% tin chens grandi di bira insostenibel ta aumenta e duda di un presupuesto realistico y e sostenibilad di finanaza publico a largo plaso.

Conseho di Ministro di Reino ta conclui cu den esencia nan ta comparti e comentario duna door di Raad van Advies y como tal ta considera cu, relaciona cu tur loke a wordo menciona anterior, ta esencial pa tin mas siguransa pa ta realistico den e calculacionnan, manera presenta den presupuesto 2014 y e desaroyo di finanza publico di Aruba a largo plaso. (incluso cu e calculacionnan mester ta corecto, completo y verificabel) Den luz di e conseho di IMF, e impacto di e presupuesto 2014 pa e imagen a largo plaso, ta e preocupacion mas grandi pa e Conseho di Ministro di Reino.

Na diferente ocacion e preocupacionnan di Conseho di Ministro di Reino tocante e finanza publico di Aruba tabata punto di discusion entre e Ministro-Presidente y Ministro di Finanza y Organisacionnan Publico di Aruba, un banda, y e miembronan di Conseho di Ministronan di Reino, otrobanda.

Como tal a dicidi den Conseho di Ministro di Reino di 7 februari 2014 cu Aruba mester bin cu un presupuesto aproba pa 1 mei, basa riba un balansa structural den presupuesto a largo plaso, y medidanan adicional pa logra e balansa ey. Pa cumpli cu esey mester a tene cuenta cu e consehonan haci door di IMF y un evaluacion independiente mester a tuma luga di e presupuesto y e imagen a largo plaso. Te cu awor Aruba no a cumpli cu e acuerdonan aki.

Awo cu ta falta claridad si e calculacionnan den e documentonan di presupuesto, trata den Parlamento, ta realistico, y teniendo na cuenta e preocupacionnan menciona anteriormente tocante sostenibilidad di finanza publico, y cu Gobernador ta para dilanti e decision pa ratifica e Ordenanza Nacional pa aproba e presupuesto 2014, considerando loke a trece dilanti caba, un investigacion adicional prome ta indispensabel.

Den caso cu continuamente ta keda sin tuma medidanan adicional, cu eventualmente a resulta di ta necesario, pa presupuesto 2014 y pa siguiente añanan, e situacion por conduci na un acumulacion irecuperabel di e problema financiero, cu den termino hopi cortico lo conduci na un Debe Nacional insostenibel.

E proceso anterior Na diferente ocacion e preocupacionnan di Conseho di Ministro di Reino tocante e finanza publico di Aruba tabata punto di discusion entre e Ministro-Presidente y Ministro di Finanza y Organisacionnan Publico di Aruba, un banda, y e miembronan di Conseho di Ministronan di Reino, otrobanda.

Como tal a dicidi den Conseho di Ministro di Reino di 7 februari 2014 cu Aruba mester bin cu un presupuesto aproba pa 1 mei, basa riba un balansa structural den presupuesto a largo plaso, y medidanan adicional pa logra e balansa ey. Pa cumpli cu esey mester a tene cuenta cu e consehonan haci door di IMF y un evaluacion independiente mester a tuma luga di e presupuesto y e imagen a largo plaso. Te cu awor Aruba no a cumpli cu e acuerdonan aki.

Awo cu ta falta claridad si e calculacionnan den e documentonan di presupuesto, trata den Parlamento, ta realistico, y teniendo na cuenta e preocupacionnan menciona anteriormente tocante sostenibilidad di finanza publico, y cu Gobernador ta para dilanti e decision pa ratifica e Ordenanza Nacional pa aproba e presupuesto 2014, considerando loke a trece dilanti caba, un investigacion adicional prome ta indispensabel.

4

5

Carta RvA, nu mb e r RvA 71-14, 9 mei 2014; http://www.rva.aw/images/pdf/adviezen/2014/71-14.pdf.

Staatscourant 2014 nr. 20467

15 juli 2014

Reaccion di Aruba Gobierno di Aruba ta bisa cu p’esey ya caba nan a tuma medidanan pa reduci e deficitnan y pa realisa e sostenibilidad a largo plaso. Como tal Gobierno di Aruba a dicidi pa introduci un “Balanced budget rule”, cu ta inclui entre otro un maximo (“plafond”) di gasto di 1.350 mil miyon florin. Por ehempel Aruba ya a tuma medidanan pa aumenta e edad di pensioen na 65 aña y a corta den gastonan contempla (excluyendo kapitaaldienst) cu originalmente a wordo calcula na 1.410 mil miyon florin.

Pa locual ta trata e acuerdonan haci den Conseho di Ministro di Reino di 7 februari 2014, Aruba solamente a haci un proposicion inicial pa loke ta regarda evaluacion independiente di e presupuesto 2014 den su carta di 25 mei 2014. E proposicion ey a encera pa encarga un “Fiscal Council” interino cu evaluacion di e presupuesto 2014, e puntonan di salida procesa eyden, e deficit financiero di 4.6 %, como tambe e evaluacion di un calculacion a largo plazo pa e periodo te cu 2017 y e caminda di recuperacion menciona pa garantisa sostenibilidad di finanza publico.

Riba e carta di Aruba, referi akiriba, e Ministro di Asuntonan Interior y Relacionnan den Reino, mediante carta di 28 mei 2014, a contesta cu lo keda mantene e decision di Conseho di Ministro di Reino di 7 februari 2014 y cu e presupuesto, trata door di Parlamento, solamento lo wordo aproba door di Gobernador si cumpli cu e tres palabracionnan. Di cual te cu awe no ta e caso.

E instruccion E instruccion ta encera cu Gobernador tin cu retene e aprobacion di e Ordenanza Nacional, cu a wordo aproba pa Parlamento, cu ta establece e presupuesto di ministerionan di Pais Aruba pa aña 2014 y haci investigacion pa locual ta trata cu si e calculacionnan den e presupuestonan y e desaroyo a largo plaso di finanza publico di Aruba ta realistico.

Meta di e instruccion ta pa acumula informacion cu lo permiti Gobernador haci un decision balansa cu si e lo aproba e Ordenanza Nacional of no. E informacion cu e mester acumula ta encera cu si e calculacionnan den e presupuestonan di 2014 y e impacto a largo plaso, ta realistico. Esaki, cu e intencion di recupera e balansa den e presupuesto y di tin e Debe Nacional y finanza publico a largo plaso bao control. Si efectonan financiero di medidanan crucial no wordo realisa, por, dependiendo di resultado di e investigacion, conduci na acumulacion irecuperabel di e problema financiero, cu consecuencia pa 2014 y siguiente añanan y dirigi Aruba na un Debe Nacional insostenibel.

Cu e rapport di investigacion Gobierno di Aruba, Gobernador y Conseho di Ministro di Reino, por forma un bista pa nan mes di kico ta necesario pa un finanza publico sostenibel, tambe den 2015 y siguiente añanan.

Mirando e embargaduro y e experticio necesario pa un investigacion di e magnitud aki, ta rasonabel pa Gobernador envolvi expertonan. E ta di suma importancia cu e investigacion ta tuma luga riba un termino mas cortico posibel.

Principio basico Ordenanzanan nacional ta wordo firma door di Gobernador y un of mas ministro a base di articulo II.7 di e Constitucion di Aruba. Acaso Gobernador ta di opinion cu un ordenanza ta impugna cu e Statuut, un regla internacional, un Ley di Reino, un medida general di Reino of tambe e interesnan, di cual Reino tin cu percura of duna garantia p’e, e no ta aproba e Ordenanza nacional (articulo 21 di e reglamento pa Gobernador di Aruba).

Cu e decision aki gobierno di Reino ta duna Gobernador un instruccion, a base di articulo 15 di e Reglamento pa Gobernador di Aruba, di ki forma e tin cu trata cu e autoridad, cu articulo 21 di e reglamento menciona ta dune, como organo di Reino.

E autoridad pa dicidi si ta of no ta aproba e Ordenanza nacional, ta keda na Gobernador. E tin cu mantene e decision aki solamente, en espera di e investigacion cu e a inicia, y un eventual reaccion di e Gobierno di Aruba. E instruccion ta determina tambe e momento cu e obligacion di retencion ta caduca (articulo 2, inciso 2, inciso 3 y inciso 5). E decision si e presupuesto 2014, a base di e resultado di e investigacion, ta wordo adapta, y si ta asina, den ki sentido, ta keda na e Gobierno y Parlamento di Aruba.

E investigacion Ta investiga si e calculacionnan den presupuesto 2014 y e desaroyo di finanza publico di Aruba ta realistico.

E rapport di investigacion ta contene en todo caso: a. Un presentacion di e evaluacion si e calculacionnan den e presupuesto ta realistico; b. Un presentacion di e consecuencianan a largo plaso den e presupuesto di e deficit di presupuesto of financiamento, respectivamente e surplus di presupuesto y e deuda nacional; y c. Un presentacion den cifra di e proporcion di e deficitnan y suplusnan di esakinan y di e deuda nacional compara cu e criterianan cu ta usual den Reino y Internacionalmente di Finanza Publico Ta trata aki di un evaluacion di indole tecnico di presupuesto. Ningun conseho di maneho lo wordo duna. E resultadonan di e investigación, cu lo mester ta mas cuantitativo posibel, sin e consehonan di maneho y punto di bista cua criteria mester wordo manteni pa sostenibilidad di e finanza publico, mester haci evaluacionnan posibel door di Gobierno di Aruba y Conseho di Ministro di Reino.

6

Staatscourant 2014 nr. 20467

15 juli 2014

E evaluacion di si e calculacionnan den e presupuesto ta realistico, ta wordo substacia cualitativamente y, si ta posibel, tambe cuantitativamente. E adaptacionnan cuantitavo den opinion di Gobernador ta conduci na un bista real di e consecuencianan (impacto) pa un desaroyo a largo plaso di e finanza publico den termino di deficit, respectivamente surplus y e Debe Nacional. Pa e di tres y ultimo parti di e rapport di e investigacion, te rekeri cu mas tanto posibel mester haya claridad, den termino cuantitativo, riba e distancia cu ta existi entre e criterianan cu ta wordo manteni den Reino y Internacionalmente pa un finanza publico sostenibel.

E analisis ta ensera entre otro:

• Un investigacion si e gastonan structural lo wordo cubri door di beneficionan structural; • Un analisis di si e calculacionnan adhunto ta realistico. Pone atencion specifico entre otro pa: desaroyonan economico y demografico, invercionnan pa substitucion, calculacionnan di mantencion, gasto pa maneho nobo, cortamento di gasto/realocacion di gasto, gastonan necesario, salario y nivel di prijs; • Sostenibilidad di e calculalcionnan,teniendo na cuenta e perspectiva a largo plaso riba cierto terenonan specifico: impuesto (ingreso), eventual explotacion di tereno, capacidad di resistencia y habilidad pa resistencia (“weerstandcapaciteit”, “weerstandsvermogen”) (como tal evaluacion di riesgo), bienes (kapitaalgoederen), partidonan relaciona (“verbonden partijen”) y tesoreria; • Un analisis di impacto di riesgonan financiero den e sector colectivo 5 di Aruba den su totalidad, asina leu cu e tin di haber cu e balansa di e presupuesto (tambe cu bista riba e perspectiva a largo plaso), manera riesgonan, cu ta deriva di structuranan di cooperacion publico y priva, fondonan di cuido/pensioen y N.V’s di gobierno; • Calculacionnan realístico di cifranan di deficit y Debe Nacional a basa riba continuacion di e maneho Manera proponi den e concepto di presupuesto.

Articulo 24 di Reglamento pa Gobernador di Aruba ta plenamente aplicabel. Esaki ta implica cu e organonan publico, riba peticion di Gobernador, ta duna nan cooperacion na e autoridad cu Gobernador tin segun e Reglamento aki y cu e servicionan cu ta resorta bou di organonan publico y empleadonan publico lo ta na servicio di Gobernador. E Conseho di ministro di Aruba mester provee tur informacion cu e Gobernador ta considera necesario pa eherce su tareanan a base di e decision aki. Esaki por significa cu informacionnan nobo mester wordo genera. Na e informacionnan cu mester wordo provee por tin datonan tambe di sector colectivo relevante di paisnan, pa asina leu cu e ministernan tin datonan concerni of asina leu cu nan por pidi nan. Na tur momento Conseho di ministro mester duna Gobernador, of e representantenan apunta dor dje, entrada of acceso na tur bienes, administracionnan, documentonan y otro instancianan cu tin informacion. E Gobernador y e investigadonan cu a wordo apunta dor di dje, mester mantene nan mes naturalmente na e deber di confidencialidad di Aruba pa locual ta trata personanan individual y instancianan legal (N.V’s).

Despues di e investigacion Gobernador ta presenta e resultadonan den un rapport di investigacion na e ministro Finanza y Organisacionnan Gubernamental di Aruba y, pa medio di e ministro di Asuntonan Interior y Relacionnan den Reino, na e Conseho di Ministro di Reino. Gobernador siguientemente lo dicidi si e rapport ta duna indicacion pa aproba e Ordenanza Nacional of pa invita Gobierno di Aruba pa adapta e presupuestonan.

A base di e resultadonan di e rapport e lo ta na Gobierno di Aruba pa dicidi si nan ta entrega un concepto di Ordenanza Nacional nobo cu ta establece e presupuesto di ministerionan di Pais Aruba pa aña 2014 of un prome cambio den e presupuesto na Parlamento. Ademas ta rasonabel cu eventual resultadonan di calculacionnan a largo plaso por lo menos lo wordo traduci na e presupuesto 2015. (incluso e calculacion a largo plaso cu a wordo traha door di gobierno).

Acaso Gobierno di Aruba no informa Gobernador por escrito, dentro di dos siman, cu nan ta dispuesto pa ahusta e presupuestonan, e obligacion di e retencion ta caduca y e lo ta na Gobernador pa si e ta bay firma e Ordenanza Nacional of no.

Articulo 21 van het Reglement voor de Gouverneur Articulo 21 di e Reglamento pa Gobernador ta stipula cu acaso Gobernador no ratifica esaki (pa motibo cu e ta impugna cu e Statuut, un regla internacional, un Ley di Reino, un medida general di Reino of tambe e interesnan, di cual Reino tin cu percura of duna garantia p’e), e lo pone gobierno di Reino na haltura di esaki. Seguidamente Gobierno di Reino, despues di scucha Conseho di Estado di Reino, mester evalua si Gobernador a huzga corectamente cu e supuesto conflicto ta existi. Acaso Gobierno di Reino respalda Gobernador, e Ordenanza Nacional no por wordo aproba y un procedura mester cuminsa pa un concepto di Ordenanza Nacional nobo.

5

7

Manera defini door di “System of National Accounts” (https://unstats.un.org/unsd/nationalaccount/sna.asp)

Staatscourant 2014 nr. 20467

15 juli 2014

Acaso Gobierno di Aruba adapta e presupuesto 2014, a base di e resultado di investigacion, esaki lo bolbe wordo investiga. Siguientemente Gobernador lo mester dicidi si e ta ratifica e Ordenanza Nobo, aproba door di Parlamento, of e prome presupuesto cu a wordo adapta y aproba door di Parlamento.

Si e presupuestonan ta impugna cu un ley mas alto of un di e interesnan, di cual Reino tin cu percura of duna garantia p’e, Gobernador lo no ratifica e presupuesto adapta y lo pone Conseho di ministro di Reino na haltura di esaki.

Aki tambe Gobierno di Reino, despues di a scucha Conseho di Estado di Reino, mester evalua si Gobernador a husga corectamente cu e supuesto conflicto ta existi. Si acaso gobierno di Reino respalda Gobernador, e Ordenanza Nacional no por wordo ratifica y un procedura mester cuminsa pa un concepto di Ordenanza Nacional nobo.

Ministro di Asuntonan Interno y Relacionnan den Reino, R.H.A. Plasterk

8

Staatscourant 2014 nr. 20467

15 juli 2014