Ultimo dianan pa e promociona di locUra cU lotto 5!
E promocion di Luna di Locura cu Lotto 5 ta yegando su final. Lo por disfruta di e promocion di Lotto 5 te cu diasabra awo 30 di november. Cu cada compra di 2 set di number di Lotto 5 riba e mesun ticket, bo ta ricibi un ticket di Lotto 5 loco completamente gratis ariba mesun ticket.
Si bo cumpra 4 Lotto 5 riba e mesun ticket bo ta ricibi 2 Lotto 5 loco completamente gratis ariba e mesun ticket. Si cumpra bo 6 Lotto 5 riba e mesun ticket bo ta ricibi 3 Lotto 5 loco gratis ariba e mesun ticket. Kiermen mas Lotto 5 bo cumpra
riba e mesun ticket, mas Lotto 5 loco bo ta ricibi gratis y asina mas chens bo tin pa gana e jackpot di Lotto 5! Ticket di Lotto 5 ta costa solamente 4 florin. E promocion aki ta valido te cu diasabra awo 30 di november pa e sorteonan di Lotto 5. Por cumpra bo weganan di Lotto te cu 7:30PM na bo rebendedo preferi. Sorteo di Lotto 5 ta hunga riba tur diaranson y diasabra anochi pa 7:45PM na TeleAruba pero tambe por wak sorteo di Lotto riba nos pagina di Facebook y YouTube.
Lotto, E Loteria di Aruba tin diferente wega, Catochi, Big 4, 1-OFF, Zodiac, Wega
di Number di Korsou di Lotto, Lucky 3, Multi-X, Lotto di Dia, Lotto 5, Mini Mega y cu su Mega Plus y e diferente weganan di Raspa y Gana y Instacash. Tambe lo por hunga Lotto
Online door di bishita: play.lottoaruba.com pa por registra y cuminsa hunga bo weganan faborito di Lotto. Cumprando Lotto bo ta contribui na deporte riba nos isla. E meta ta pa
organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
dama alcansa pa Un vehicUlo ariba
Watty vos boUlevard
Watty Vos BoulevardDiabierna anochi polis a bay tegenover di Aurora Funeral, unda cu auto a alcansa un peaton.
Ambulance tambe a yega y ariba caminda esun cu ta bay zuid un dama ariba caminda drumi. Banda pabou di caminda un auto KIA suv.
Chauffeur di e KIA kiermen, e dama lo a yega subi caminda y e no por a haci nada mas. E auto parti links ta esun cu a dal e dama.
Paramediconan na e sitio mesora a drenta den accion y a lanta e dama pa transporte direccion Hospitaal.
E chauffeur a cumpli cu regla y a keda na e sitio, wardando polis di trafico y a duna su version di locual a sosode.
Mester remarca si, cu e caminda ey ta uno peligroso pa crusa y mester ta sumamente cauteloso.
Parlamentario Edgard Vrolijk (MEP):
E aumEnto tEy p’abo como hobEn pag’E
Como politico nos ta den campaña bishitando nos pueblo pa comparti cu nan nos 7 puntonan di prioridad. Shete punto cu ta e preocupacion real di nos ciudadanonan. Durante di bishita nos no ta solamente comparti e puntonan pero nos di MEP ta demostra nan tambe con nos ta bay logra ehecuta esaki tambe. Sinembargo, nos tin di reacciona si riba algun promesa irealistico pero mas cu tur peligroso pa nos comunidad. Den esaki awe lo mi reaciona breve riba ponencia di e lider di e bloke nobo den Parlamento sr. Eman cu un biaha mas ta cana rond cu e mesun manera populista di hiba politica y cu a percura pa destrui finansas publico di e pais aki cu e plannan eroneo aki.
Mi ta para cu orguyo y bisa e debe tey pa nos tur pag’e den futuro
Nos tur por bay bek un rato y recorda e disertacion den parlamento di e lider di AVP sr Mike Eman unda ela grita den tono halto: ‘ Mi ta para cu orguyo y bisa cu e debe tey pa nos pag’e den futuro’. Esaki a causa cu na 2014 Aruba a haya un KB y introduccion di un colegio di supervision conoci como CAft y e ley di LAft cu nos como pais mester mantene nos mes na esaki den cuadro di bon gobernacion financiero.
Consecuencia di e maneho y pensamento aki ta cu nos como pueblo ta pagando rond 300 miyon na interes, unda na 2009 esaki tabata un poco mas cu 100 miyon y sin conta e proyectonana PPP unda nos ta pagando como pais alrededor di 100 miyon pa aña y lo finalisa te na 2044. Pues desicion descabeya a causa un daño na pais Aruba unda lo dura mas cu 25 aña pa por paga y yega na e nivel di debe di 2009.
E aumento tey p’abo como hoben pag’e
Actualmente e lider di bloke nobo den Parlamento a expresa cu manera e bloke drenta den gobierno nan lo percura pa aumenta e pensioen cu 50%. Pero, den mesun rosea ora a puntr’e ta con lo percura pa no kibra e fondo, nos por a scucha cada bes diferente proposicion entre nan aument’e via reparatietoeslag, via e fondo mes y sigur cada bes e consehonan tabata bin negativo di e instancianan manera SVB y finansas di Aruba. Pero awo un biaha mas e lider di bloke den parlamento sr. Mike Eman a uza e mesun formula iresponsabel cu el a uza pa endeuda e pais pa mas cu 25 aña y unda su persona ta bisa cu e aumento aki e grupo di trahado hoben mester bay carg’e. Kico esaki ta nifica? E lema aki no ta
conta pa hoben so pero tur hende cu ta laborando na Aruba. Esaki ta nifica dos cos: sea ta aumenta e prima y pone e clase trahado paga mas prima of lo mester aumenta e edad di pensioen atrobe pa por cubri esaki. Imaginabo abo como trahado cu ta yegando of a yega 60 aña y lo mester bolbe bay traha mas manera cu Mike a haci caba ora el a aumenta e edad di pensioen di 60 pa 65 aña. Abo hoben trahado cu tin di bay paga mas prima of tin di bay traha mas aña prome cu yega pensioen. E ambtenaar cu a caba di haya indexering despues
di mas cu 2 decada lo mester duna esaki bek pa pago di prima. Esaki ta locual pueblo ta desea?
Ora nos ta tuma desicion, e desicionnan mester ta responsabel y cu nos tur por carga.
Nos como gobernantenan responsabel ta percura pa e fondonan ta solido cual ta haci cu nos por keda aumenta e pensioen sin cu esaki ta causa daño na e fondo y sigur sin cu e ta afecta e clase trahado. Y sigur manteniendo e maneho fianciero responsabel cu Minister Xiomara Maduro a bin ta hiba, lo haci cu por sigui duna y asina mes sigui cumpli cu e normanan y drechando nos finansas.
Un ehmepel ta e indexering di casi 12.5% na e cuerpo di ambtenaar y unda cu esaki a bira posibel danki na un maneho fiannciero responsabel unda por garantisa durabilidad di pago di esaki sin cu e ta crea mas debe pero sigur tampoco no ta crea niun presion riba otro sector. Pesey ta importante pa pueblo realisa cu nos mester sa di vota responsabel y sigur mi conseho ta pa keda leu di e bloke cu unico meta nan tin ta persigui, intimida y sigur crea daño na nos Pais manera bin ta pasa desde 9 september 2024.
Dama heriDa Den e acciDente pazuiD Di rotonDe SaSaki
Rotonde SasakiDiadomingo marduga, algo prome cu 2'or polis a bay pazuid di rotonde Sasaki pa un auto cu a accidenta y drenta mondi.
Polis a yega y mesora a bay na e vehiculo, pa mira e situacion di e chauffeur. E
auto tawata un Toyota(rhd), na stuur un dama.
Por a mira e lastro di e vehiculo den e yerba, un posibel indicacion cu e dama a perde control ariba e auto y bay dal contra un mata.
E dama a resulta herida cu sla na cabes y na e sitio nos a compronde cu e lo tawata sangrando. A pidi ambulance unda cu na yegada e Paramediconan a yude baha di e auto, y hunto cu nan e la cana subi ambulance.
FORTALEZA PA FAMIA
Scirbi
pa Pastor Marcel Balootje.
E GRANDESA DI NOS DEDICACION NA DIOS
Y awor ora cu nan a mira e confiansa,di Pedro y Juan y a compronde cu nan no tabata homber educa ni siña, nan a keda straña y a reconoce nan cu nan ta hende cu tabata cana cu Hesus.( Hechonan 4:13).
Aki nan nos por mira e bunitesa di dedicacion, na Dios.
Kico ta nifica ora nos bisa un persona ta dedica na Dios? Esey ta nifica cu e persona ey ta comprometi cu Dios, su lealtad na Dios ta di un nivel extraordinario ( Daniel 6), e ta sirbi Dios constantemente,su seriedad cu Señor ta wordo identifica den su bida,door di e frutanan, cu ta sali pa dilanti, y ta demostra cu e persona ta dedica na Señor.
Ta door di dedicacion na Dios, nos por participa den Su naturalesa divino, ta nos dedicacion na Dios ta e motor di nos crecemento spiritual, sin dedicacion no tin crecemento.
Pesey Salmo 91:1 ta bisa
nos lo siguiente:Esun cu ta biba bao di e proteccion di e Haltisimo,lo permanece den e sombra di e Todopoderoso.
Nos dedicacion ta hiba nos na conocemento di Dios su palabra y Su poder.
Pasobra si nos wak bon den bida di Hesus nos ta nota con dedica e tabata na Su Tata.
! Despues cu e a manda e multitudnan bay , E so a subi bay riba sero pa haci oracion ( Mateo 14:23).
! Despues di a despedi di nan, E a bay na e sero pa haci oracion.( Marco 6:46).
! Y a sosode den e dianan ey cu E a subi bay riba sero pa haci oracion, y E a pasa henter anochi den oracion na Dios.( Lucas 6:12).
! Mainta tempran ora tabata scur ainda, E a lanta y sali pafo, y a bay na un lugar solitario,y tabata haci oracion eynan. ( Marco 1:35)>
! Pesey, Hesus a contesta y a bisa nan : Di berdad , di berdad Mi ta bisa boso, e Yiu no por haci nada di Su mes, si no ta algo cu E ta mira e Tata haci, pasobra tur loke e Tata haci e Yiu tambe ta haci mescos.( Juan 5:19).
! Pasobra no ta cu Mi mes autoridad Mi a papia, ma e Tata cu a mandami Mi a duna Mi mandamento, kico pa bisa y kico pa papia.( Juan 12:49).
Nos a wordo crea door di Dios y pa Dios. E potencial mas grandi di hende ta wordo demostra den su unidad y comprometi cu Dios, Pesey hende mester ta dedica cu Dios.
Den nos dedicacion na Dios, nos humildad , ta sali pa dilanti, hunto cu nos obediencia,pasobra ta imposibel ofrece un dedicacion falso na Dios, pasobra dedicacion ta bini for di curason y Dios conoce e curason cu ta dedica.
Bo dedicacion no ta
depende di bo conocemento intelectual, cuanto conocemento biblico bo tin, pero e ta depende di bo compromiso, cu Dios, con bo ta biba y con bo ta sirbi Dios.
Ta nos deber di corda e boluntad di Dios pa nos bida; Pasobra esaki ta e boluntad di Dios boso, santificacion, esta pa boso abstene boso di inmoralidad sexual, pa cada un di boso sabi di tene su mes curpa,den santificacion y honor. No cu pasion y deseonan
carnal,manera e pagano nan cu no conoce Dios.( 1 Thesalonisensenan 4:3-5).
Y no sea conforme e mundo aki,ma sea transforma, pa medio di e renobamento di boso mente,pa boso por comproba kico ta e bon, y agradabel y perfecto boluntad di Dios. ( Romanonan 12:2). Nos dedicacion na Dios ta importante pa nos bida y nos famia.
Sinceramente Pastor Marcel Balootje.
DIALuNA AwO E SERvICIO DI CAhA LO TA DIFERENTE
Departamento di Impuesto ta informa cu dialuna dia 25 di november 2024, e seccion di servicio di caha lo ta cera parti mainta na tur oficinanan den districto. Contribuyentenan cu kier haci pago mainta por pasa na oficina principal na Camacuri unda e servicio di caha lo sigui normal y lo ta posibel pa haci pago te cu 11:30 di mainta.
Departamento di Impuesto ta pidi contribuyentenan pa tuma nota di e cambio menciona pa evita cualkier inconveniencia.
Gerencia di Departamento di Impuesto
Mucha turista(6) transporta den estado critico pa hospitaal, despues di accidente den parke arikok
Parke Arikok - Diadomingo merdia den careda di 2'or polis y ambulance ta wordo notifica di un accidente cu UTV den Parke Arikok.
Polis ta yega y hay'e cu un situacion unda cu tin hende herida y ta un criatura di 6 aña turista. E mama di e criatura tawata histerico mirando kiko a pasa su yiu, y cu e yiu no tawata full na tino mas.
Paramediconan na e sitio a mira cu e situacion di e mucha ta critico y hunto
cu polis pa yega Hospitaal lihe a cera crusadanan manera di Paradera, Tanki Leendert Tanki Flip pa e ambulance por pasa lihe.
Informacion oficial ta papia di un mucha(6) turista a yega Hospitaal den un situacion critico, debi na e golpinan sufri durante un accidente cu UTV den Parke Arikok.
Slachtofferhulp Sra. Janine tambe tawata of a bay Hospitaal pa encontra cu e famia y yuda unda por.
MINISTER MADURO DI CULTURA A HONRA VARIOS
TOCADO
DI CAH’I ORGEL RIBA DIA DI MUSICO
Riba Dia di Santa Cecilia patrona di tur musico conoci como Dia di Musico, na Fort Zoutman Departamento di Cultura a organisa un bunita encuentro na unda a reuni varios baluarte tocado di Cah’i Orgel hunto cu nan famia y nan caha pa asina nan por wordo honra pa Minister Maduro di Cultura pa nan esfuerso pa tene nos folklore bibo atraves di musica di Cah’i Orgel.
Discurso cu informacion riba Cah’i Orgel
E anochi a cuminsa cu un discurso di sr. Arthur Kelly riba e historia di Cah’i Orgel na Aruba, sigui pa un splicacion detaya di sr. Elias Halabi di e proceso con ta traha un Cah’i Orgel, despues a sigui un splicacion y presentacion di bailenan folklorico door di sr. Ferdinand Franca, y a cera e prome parti di e anochi cu un bunita poema dedica na Cah’i Orgel declama pa e hoben Tai Kong Trimon.
Discurso Minister di Cultura pa honra baluartenan
Despues di un pauze den cual a resona musica di Cah’i Orgel, Minister Maduro di Cultura a hiba palabra pa asina repasa e lista di tur e baluartenan cu a ricibi
caha aki ta un simbolo di constante uzo y dedicacion. Patan Farro no solamente ta su doño, pero tambe su restaurado y un wicharero cu pasion pa e arte.
Sr. Denny “Den” Thijzen cu ta un amante di tradicion di Cah’i Orgel cu un historia personal cu "Mi Amor," su fiel acompañante den ambiente di fiesta y cultura.
un reconocemento riba Dia di Musico. E mandatario a reconoce e Cahanan di Orgel cu tin mas cu un siglo activo, e baluartenan cu ta preserva e tradicion di Cah’i Orgel y un grupo di hoben cu ta dedica na toca Cah’i Orgel y Wiri inspirando otro hoben pa nan tambe sigui cu e bunita tradicion aki.
Cahanan di Orgel di mas di un siglo activo
Bou e categoria di “Cahanan di Orgel di mas di un siglo activo,” a reconoce:
“El Porfiado” di Sr. Minguel Werleman cu ta activo ya pa 119 aña y ta e unico caha cu tin 9 pieza pa cilinder y 37 martiu. E caha tabata tin 5 doño y te ainda ta activo, representando Aruba cu orguyo.
“El Negrito Maldito” di Sr.Rodney Werleman cu tin 118 aña y a bini for di Italia. E caha aki ta un simbolo di constante dedicacion. Rodney Werleman ta preserva su esplendor y ta mantene e tradicion di musica di caha di orgel cu ela hereda di su welo Ale Werleman den feliz memoria.
“El Diamante” di Sr. Higinio Alejandro, miho conoce como ‘Patan’ Farro, cu tin 109 aña. E
“El Trovador” di Sr. Roberto ‘Roque’ Koolman, ta un caha cu yega na Aruba na aña 1920 for di Italia. Roberto Koolman a renoba su condicion y preserva su historia, manteniendo e nomber original di e caha ya pa 104 aña.
“Mi Deseo” di sr. Nelson Tiel, cu ta un caha cu tin 116 aña y a bin for di Novara, fabrica di caha di orgel na Italia aña 1907. E caha tin 4 cilinder y a wordo claba door di Alphonso (Buchi) Boekhoudt. Baluarte di Caha di Orgel
Como “Baluarte di Caha di Orgel” a reconoce:
Sr. Elias Halabi cu ta trahado di Cah’i di Orgel y clabado di cylinder. Elias ta naci na Corsou, pero residencia na Aruba y ta yuda fortifica e hermandad entre Aruba y Corsou riba tereno di Cah’i di Orgel. Elias ta doño di varios Cah’i Orgel y tambe a traha e Cah’i Orgel “Pequeño Diablito.”
Sr. Juan Curiel cu ta dedica na su caha “Nieva Maria”, cu a yega Corsou tras un largo proceso y awe ta un instrumento vibrante na varios evento cultural.
Sr. Nelson Tiel cu ta doño di e cahanan “Istela” y “Mi Deseo.”
Nelson e ta honra su famia cu e nombernan di su cahanan y ta preserva nod historia y tradicion na un nivel superior.
Sr. Reginald ‘Nai’ Felicia cu su caha “Bucurui.”
Nai ta un amante di e cultura cu ta organisa e famoso festival "Ban Topa cu nos Cah’i Orgelnan,” cu ta uni nos comunidad cada aña den armonia di Cah’i Orgel.
Sr. Ruben Boekhoudt cu su caha "Flores de Colores,” cu ta un digno heredero di un famia di Cah’i Orgel, di cual su creatividad ta refleha den su caha vibrante.
Reconocemento di estimulo
Reconocemento di estimulo a bay pa e hobennan:
Igmar Maduro kende ta e heredero di “Flor di Macubari” y un pionero hoben cu ta skirbi cantica nobo y ta activo na festivalnan di Cah’i Orgel.
Joangelo ‘Giovanni’ Geerman kende influencia pa su omo Esy Geerman, ta dominando wiri y ta preservando e arte cu su propio caha, “Nos Herencia.”
Jeromaine “Jerro” Paesch cu ta domina Cah’i Orgel cu un maestria notabel, tacando regularmente pa uni su famia den nos herencia musical.
Peterangelo Ras cu na aña 2021 a organisa un festival di Cah’i Orgel, “Nos Dushi Caha.”Peterangelo ta un wicharero cu ta inspira cu su pasion pa promove y preserva nos tradicion.
MINISTER MADURO DI CULTURA A HONRA VARIOS TOCADO DI CAH’I ORGEL RIBA DIA DI MUSICO
Gradicimento
Minister Maduro ta gradici Departamento di Cultura pa organisa e bunita anochi den cual e baluartenan di Cah’i Orgel por a wordo honra pa nan esfuerso pa conserva y sigura cu e musica y historia di e Cah’i Orgel por sigui rezona y laga nos sinti nos mes orguyoso di nos cultura.
E mandatario a finalisa su discurso cu e lema, “Cultura bo tin cu bib’e y cu bo participacion nos ta engrandec’e.”
Cuarto di palo a kima na moko
Moko - Diadomingo den ora di merdia por a mira basta huma saliendo den e
area di e dama di Moko. E huma lo tawata cerca
di un cuarto, pero na e momento ey no por a saca afo si ta e cuarto tawata kimando of sushi cerca di e cuarto. Pero, a bin resulta cu ta cuarto mes tawata na candela.
Brandweer cu a yega a cuminsa mesora cu e blussen, pero lamentabelmente awa di truck a caba y mester a manda un otro truck pa termina e trabou.
Bomberonan a controla e cuarto prome cu nan bay, si por tawata tin hende aden pero danki Dios no a haya niun hende.
Tur cos a bay perdi den e candela. No ta mucho cla kiko por a start e candela.
Bo futuro den enseñansa ta cuminsa na iPa
Tuma bo futuro den bo propio man. Si pa cualkier motibo bo a stop di studia, 21+ Toets di IPA ta yuda bo tuma e paso bek y duna forma na bo futuro den enseñansa.
Tur persona cu desde 1 di september 2025 tin minimo 21 aña y cu kier haci un estudio na IPA, pero no tin diploma di sea havo, vwo of mbo nivel 4, por inscribi pa haci e asina yama 21+ Toets. E 21+ Toets ta midi si bo tin nivel di havo cu ta necesario pa por studia na IPA. Si bo logra pasa e 21+ Toets cu exito, bo por inscribi pa un estudio inicial cu IPA lo ofrece durante aña academico 2025-2026. Asina cu bo inscribi bo ta bin na remarke pa participa na e test di
admision (beroepstest) y e programa preparatorio (voorprogramma) cu lo tuma luga durante aña academico 2024-2025. Si bo logra pasa e test di admision cu exito y completa e programa preparatorio bo por cuminsa cu bo estudio na augustus 2025.
Informacion di 21+ Toets
21+ Toets ta consisti di tres materia entre otro: Hulandes, Matematica y Hende y Comunidad. 21+
Toets ta tuma luga diasabra 1e di februari, diamars 4 di februari y diasabra 8 di februari 2025.
Tur informacion di 21+
Toets ta riba IPA su website. Bay na www. ipaaruba.com y click riba
21+Toets. Akinan lo bo haya informacion tocante contenido di 21+Toets, e preguntanan mas frecuente haci (Pag. 13 y 14 Toelichtingsdocument IPA 21+ toetsen voor het studiejaar 2025-2026) y procedura di inscripcion.
Inscripcion
Tur persona cu ta interesa pa haci 21+ Toets por inscribi via e website www.ipaaruba.com. Pa por inscribi mester cumpli cu e pago di AWG 80,- y pone como anexo copia
di comprobante di pago den formulario digital di inscripcion. Tene na cuenta cu e comprobante mester tin bo nomber riba dje, p’asina nos sa na ken e pago ta pertenece. Na final bo lo ricibi confirmacion di bo inscripcion. E ultimo dia pa inscribi pa 21+ Toets ta 29 di november 2024. Despues di e fecha aki no tin posibilidad mas pa inscribi. Esaki ta e oportunidad pa pone meta nobo y tuma bo futuro den bo man. Bay p’e!
Un feliz siman yena di bendicion, gracia, amor y paz di señor
El a mira un viuda poder tira dos moneda chikito di koper. Lucas 21, 2
Rumannan, casi semper, e cosnan mas chikito cu nos ta haci den bida sea pa medio di palabra of obra ta wordo lubida den nos historia di bida. Den Evangelio di awe nos ta mira cu Hesus ta pone su mirada na un gesto cu por ser considera di menos importancia pa hopi hende. Un viuda pober ta tira dos moneda chikito di koper. Den e sentido material, e monedanan di koper, no tin ningun balor y practicamente no por haci mucho cu nan. Kico ta haci e situacion importante, ta cu ki intencion e gestonan aki ta wordo haci. Tin diferente gestonan awendia cu hende ta busca su propio glorificacion
den loke nan ta haci of papia, manera publica ora bo yuda un hende. Pero interesante ta cu Dios ta mira mas leu cu e conocemento humano. Dios ta mira e curason di hende, caminda den e curason chikito ey, e berdad ta wordo revela. E viuda a duna tur loke e tabata tin. Algo dificil pa compronde, ora cu un persona pober, ta duna tur loke e tin sin pensa prome riba su propio necesidad. Señor Hesus mes a bisa: duna ta haci hende mas feliz cu ricibi (Ech. 20,35).
Oracion: Señor laga mi ta generoso cu otro sin pidi nada a cambio. Amen.
Uso di alcoHol y droga bao di nos HUbenTUd Ta alarmanTe
Dios tene misericordia, ya nos no por tapa solo cu un dede, ni tampoco sconde e berdad, e uso di alcohol y droga bao di nos hubentud ta alarmante.
Esey tambe ta loke ta pusha nos muchanan , y pone nan cana tanto cu arma blanco, como arma di candela.
Nos no ta papiando di mucha homber so, pero uso di alcohol serca mucha muher bao di edad , a bira extravagante. Den weekend mucha muher bao di edad ta wordo mira burachi, y hasta dialuna mainta nan ta sigi bebe ,manera ta un necesidad , y hopi di nan ta maneha auto, y bo ta puntra ta serca ken nan por haña auto fia , ken ta coopera cu
maldad?
E situacion ta alarmante, caranan nobo riba caya como adicto y hopi di nan ta bao di 20 aña.
Mientras cu politiconan ta pusha pa pasa un ley pa cos di bon bida, pa hendenan cu solamente kier mira nan capricho wordo halsa y no tin respet pa Dios.( Romanonan 2:5). Caya ta yora di hobennan cu ta perdiendo nan scol y futuro, pasobra no tin un plan serio y concreto con por sikiera yuda den e dolor cu ta creciendo riba e lugar aki.
Aña tras aña , cos ta sigi mesun cos, prioridad robes ta haña preferencia, mientras cu nos isla ta bay den scuridad, pasobra ta parce cu no tin solucion. Cuanto di nos hobennan no ta sera, pa motibo di droga, alcohol, arma,
matamento etc, pero ta parce manera tur hende ta lanta un rato for di soño ora algo tristo tuma lugar, pero despues ta tuma un vacantie pa drumi atrobe. Hobennan tene cuenta cu lo siguiente ta para scirbi: No laga ningun hende gaña boso: Mal compania ta daña bon custumber.( 1 Coriontionan 15:33) Hoben den nomber di Cristo Hesus di Nazaret nos ta rogabo pa kibra cu tur mal amistad , sali for di
Pasco y aña Nobo, tempo di Carnaval tambe lo drenta y bay termina na famoso campamento?
Mayor bo mes sa cu for di awor aki bo bista mester ta mas constant riba bo yiu,
(2024 Siman 25 November 2024)
SABIDURIA DEN NOS ALEGRIA
Skirbi pa Ruthy”Lady Ruth” Vrieswijk-Bergen
Nos gusta alegria. Nos gusta dushi ambiente. Nos a bisti nos t-shirt oranjo cu e logo di Oranjestad 200 anja ariba dje, dia nos a bay dal un keiro den e bunita hardinnan di Fantastic Gardens relaha un crenchi pa sinti un crenchi mas serca di nos dushi naturalesa. Nos gusta musica y nos gusta bayla. Nos ta menciona algun di e team dinamico di dj’s di GFM Radio Galactica cu nan tremendo marathon di canticanan oldies relaciona cu nan di 33 aniversario den aire cu e programa Oldies 99.9 tur Diadomingo di 5 or pa 8 or di anochi. Entre otro tin Renee Koolman y Tico B. Nos a regala Maikel Oduber “Joe Hernandez” y Rowald Webb e poema cu Lady Ruth a inspira pa nan y nos a keda un rato di bishita den studio. Pabien GFM Galactica cu boso dushi super duper marathon di mi no ta corda cuanto dia of ora largo cu a companja nos na cas, den auto y hasta den oranan di anochi via Alexa . Awor nos ta pasa over pa relata un crenchi tambe di e fantastico Songfestival
pa 60 plussers organisa pa Movimento ta bida, otro bon trabao atrobe di Bartholemeus “Roy” Sneek como e director musical e atardi/anochi aki di e banda Nos cu nos. E parti organisatorio di henter e ataradi/anochi ( 4 pm te 10 pm ), segun nos a comprende, tawata den mannan di Roy y Martha de Miranda atrobe cu nan team di mas personanan cu ta stima bida y cu ta gusta move y bayla goza di bida. Personanan manera e.o. e conosido cabayero Rudy Leysner y Madel Jacopucci y Stella Toppenberg. Sorry si nos a bruha un crenchi den e nombernan. Tawata un dushi anochi baylabel tambe e anochi ey den Renaissance Conference Center, rand rand di hende,pero cu espacio comfortabel, penshonadonan, esnan un crenchi grandi caba den edad, pero cu hopi zjeito den nan ainda pa move bayla y goza di bida. Kiwanis band y e Banda WE =WE di Wiwi Penja a percura pa un super dushi ambiente. Lamentablemente e ambiente a kibra un
crenchi na final, cu publico cu e deseo pa clausura e anochi festivo aki cu e banda WE=WE , pero cu mester a interumpi nan set pa e banda Nos cu nos toca algun pieza mas, si nos no tin hera. Ya tawatatin 9.30 pm caba y e fiesta ta caba 10 or pm. Dus, Lady Ruth y su casa a bay cas e ora, pa keda cu e dushi musica di e banda di Wiwi Penja den curason. Nos pabien na tur e ganadornan di e festival cu a conose hopi bon cantante sigur ! Den e categoria B a keda como ganador maximo Brigida Croes cu e cantica di Rudy Plaate “Tog mi sa “ y den e categoria A a keda como ganador maximo Juancho Ignacio di Dakota tur dia cu e version di e cantica na aleman “DU” na papiamento “Dushi”. Nos a topa hopi di nos dushi hendenan di Dakota e anochi ey, e.o. Ito Dania y Mario Luydens kende tambe a gana un trofeo. Roy Sneek cu tambe ta di Dakota. Segun mi Victoria Andrews tambe. Corda shonnan, Lady Ruth a bay pa goza y bayla, no pa tuma nota di tur e nombernan di participante, jurado y of ganadornan. Nos ta relata segun e inspiracion di curason. Algun participante cu ta bin na mente, ta Sansha Koolman y Roberto Orman. Nos ta corda cara mas liher cu nomber. Nos a sinta na un mesa cu e.o. Lydia Adamus y Sandra Jacobs.
E hende muhe bunita
empodera Stella Toppenberg a causa furor cu su grupo Flor di Aloe. Y danki di curason na e gentil cabayero hulandes, e arucamba Wim Steenhuis pueblo por mira picsnan bunita ariba facebook di e fabuloso y dushi anochi aki di Movimiento ta bida, e ta gusta saca potret di hendenan presente na Djiespies tambe fielmente tur Diabierna. Pa conclui nos relato, permiti nos condoleer Luis Zarraga, Celine y Boy Lacle cu e fayecimento di nan ser stima Mireya Lacle, cu Lady Ruth a conose tambe como e payaso Krin Krin na Van dorp boekhandel , entreteniendo e muchanan cu hopi gozo y alegria no mucho tempo pasa. Un bunita hende muhe semper alegre banda di su esposo Luis, conosi
den e mundo di farandula como presentador di su programa Desde el Caribe , cu artistanan local y internacional.
Lady Ruth mes tawata den e programa ey na Tele Aruba hopi anja pasa. Nos lo recorda bella Mireya den su forma alegre di ta. Condolencia, consuelo y amor na tur cu a conose y stima Mireya Lacle.
Mireya, drumi dushi serca bo Creador di amor. Shonnan, danki pa lesa nos relato. Pasa un bon dia colma di salud y gradicimento pa un otro dia mas di bida. Un “bearhug” di Ruthy”Lady Ruth”. Goza di e preparacionnan pa cu e fiestanan di fin di anja. Y corda, no tin pura ni ansha riba caminda, core cu cuidao.
Spirit week na Filomena College maVo
E siman aki alumnonan di Filomena College MAVO tawata permiti di tin un vestuario diferente cu nan uniform di scol.
E intencion ta pa trece y promove union bou di e poblacion escolar. Alumnonan a tuma e
siman na serio y a bini den nan miho trahenan creativo. E regla si tawata cu e creatividad mester a keda decente. E temanan di cada dia tawata dialuna: pintor, diamars- bisti na bo materia favorito, diaranson- christmas
fantasy, diahuebs - one colour dress, diabierna: anything but a bag.
Algun biaha pa aña Filomena College MAVO ta bini cu e proyectonan aki tambe pa stimula e talento creativo di su alumnonan.
Scirbi pa Pastor Marcel Balootje.
PASOBRA
PA DIOS, NADA LO TA IMPOSIBEL
Esaki ta Lucas 1:37 e versiculo cu e angel Gabriel a convence Maria cune, cu tur locual cu Dios a manda bise ta posibel.
E influEncia podEroso di un TaTa dEn bida di su yiu
Tatanan realmente ta importante, mescos cu mamanan ta, den desaroyo di nan yiu?
E angel Gabriel a splica
Maria bon cla cu aunke e no tabatin relacion cu hende homber, con e lo sali na estado.
Nos a crece cu e idea cu mamanan ta indispensabel, y e ausencia di tatanan casi a manera bira algo cu ta normal, principalmente den e region cu nos ta biba aden. Esaki debi cu cada biaha mas famianan ta enfrentando e lucha di tatanan ausente. Ariba e topico aki, mi a busca investigacionnan haci den region (Iberoamericano) y hopi ta subraya cu babynan di un siman o mas tin e capacidad pa distingui e tata y mama.
Na prome lugar e a bise: Spirito Santo lo bin riba bo, y e poder di e Haltisimo lo sombra bo, y pa e motibo ey Esun Santo cu tin cu nace lo wordo yama Yui di Dios. (Lucas 1:35).
Tambe e angel a bisa Maria con Dios a pone su pariente ( Famia) Elisabeth cu tabata wordo yama steriel concebi den su biehes y awor e ta den su di seis luna.
E palabra nan aki mester convence nos awendia cu locual Dios a haci ayera e por haci awe tambe, pasobra pa Dios nada ta imposibel.
Esaki ta interesante pasobra si e baby desde un edad asina tempran por descubri nan tata y diferencia esaki di nan mama, por nifica cu e conexion entre e tata y e yiu ta necesario y importante pa su desaroyo. E influencia positivo di un tata ta crea identidad cerca e yiu, cu ta conduci con e mucha lo mira y pensa di su mes den su desaroyo di bida. Y ta un proceso cu cada tata tin di keda haya ayudo riba e rol aki pasobra nos no tin un chip o boton cu nos por primi pa sa kico pa haci den tur e proceso aki.
Lamentablemente nos tin hopi hende ta papia , pero poco hende ta kere, cu Dios ta Todopoderoso.
Hopi ta haci bofon, cu un bida yena cu duda, cu un boca grandi bisando Dios a tarda, pero nos tur sa cu esun cu ta duda no por ricibi nada di Dios, pasobra e ta un hende di curason dobbel.( Santiago 1:5-8).
Pesey ami mes, den mi hazaña pa ta un mihor tata, como un tata hoben
Ta tempo di para fuerte y firme pasobra nos tur ta yama pa cana den confiansa cu Dios, wak bon cuanto hende e diabel pa pone desvia for di nan Fe y nan a bay tras di fabula di bruheria, ciencia, pensando cu hende tin mas poder cu Dios, pero hopi no ta nota e gran decepcion cu ta na caminda.
Ni yiu di hende cu E lo repenti.
Acaso E a bisa, y e lo no hacie?
ta bay cuminsa cu un serie di relatonan ariba e topico aki, pa mi por comparti y cuminsa pone material di mi mes experiencia tambe eyfo, pa tatanan cu tambe kier nifica mas pa nan famia y especialmente nan yiunan. Mi lo atende temanan cu mi a siña, experimenta pero tambe e falta cu mi mes a experiencia, creciendo sin un figura di tata den mi bida. Mi intencion ta pa inspira mas di nos tatanan den comunidad pa tuma un rol mas activo den bida di nan yiunan, pero tambe pa inspira mamanan pa duna tatanan un espacio den bida di nan yiunan, hasta cu si nan no ta hunto como pareha.
Of E a papia. Y E lo no cumpli? ( Numbernan 23:19).
Kere den hende, Agrada hende,Compromete cu hende, ricibi fabor di hende, tur ta parti di e amistad cu mundo ta ofrece pasobra esey ta parti di e sistema di mundo.
Den tur esaki nos ta mira falta di e temor di Dios ta avansa, y eyden tur scuridad ta reina, pasobra ta dificil pa pone boluntad di Dios un banda y haci hende contento.
Kiermen ariba un nivel meso mi kier subraya e importancia di nos tatanan. Mi kier uza mi plataforma pa entre otro splica e innumerabel diferencia cu bo ta haci den bo hogar y bo famia na momento cu bo involucre bo mes mas. Sin embargo, cuanto impacto bo ta dicidi di tin como tata ta depende completamente di bo mes.
Bo tabata sa cu awendia den tur locual ta di Dios, malbadonan kier sluip drenta, cu tur tipo di disfras, pa asina nan por tin control riba hende y pensamento di hende? Ta bon pa nos tene cuenta locual ta para scirbi den Judas 1:4.
Hesus Cristo ta mescos ayera y awe y pa semper. ( Hebreonan 13;8).
Mi ta spera cu los di tur otro relatonan cu tin tinte politico, e relatonan aki por sirbi di inspiracion y causa un revolucion di un grupo di tatanan cu lo lanta pa e bienestar di nan famia y nan yiunan.
“Señor ta mi wardador, mi’n tin falta di nada
Den cunucu di yerba berde e ta ponemi sosega.
Salmo: 23
Cu hopi tristeza nos ta participa fayecimento di nos ser stima
Leonsio Leogenio Croes
Mihor conoci como: “Leo” *16-06-1956 - †19-11-2024
Den Su palabra E a declara na nos cu nunca E lo bandonan nos, y cu nunca E lo laga nos desampara. Tur bon regalo y tur don perfecto ta bini for di ariba,y ta baha bin for di e Tata di lusnan , serca kende no tin variacion ni sombra di cambio.( Santiago 1:17). Sin fe ta imposibel agrada Dios,pasobra Esun cu ta bini serca Dios, mester kere cu E ta Esun cu ta recompensa, esnan cu ta busca E. ( Hebreonan 11:6).
Ta tempo pa nos pone tur nos confiansa y speransa den Dios, pasobra pa Dios FORTALEZA
Na nomber di su: Esposa: Sonaly Croes-Dominguez
Yiunan: Aaron y Daniela Henry
Nietonan: Samantha, Alessandro, Arantza, Dann, Chloe
Rumannan:
Mirna y Marciano Hernandez (Hulanda) Mevelin Croes
Lucas y Atjou Croes
Celia Croes (Hulanda)
Roberto Croes (Hulanda)
Mariela Croes
Sandra Croes
Nato y Laurie Croes (Merca)
Mario Maduro
Mescos cu ruman: Rudy y Erik Ras
Subrinonan: Junior, Marc Hernandez, Jessica, Stephanie, Roshandra, Marc Trimon, Aishe, Rodney,Vincent, Lucas, Demis.
Swa y cuñanan:
Dirtza, Jopie y famia
Anuar, Tatiana y famia
Marla, Johnny y famia
Odalys, Rudy y famia
Demas famia y amigonan di cas: Croes, Dominguez, Benitez, Vega, Hernandez, Ras, Oliveros, Thiel,Padron, Granadillo, Van Ommeren, primo y primanan.
Despensa nos Si den nos tristeza nos por a lubida un of otro persona
Lo bo warda den pas perfecto, esun cu su pensamiento ta permanece den Bo, pasobra e ta confia den bo.Confia den Señor, pa semper, pasobra den Dios e Señor nos tin un baranca
Acto di entiero lo tuma luga dialuna 25 di november 2024. Oportunidad pa condolencia y despedida di 1.00or pa 4.00or di atardi na Aurora Funeral Home y despues lo sali pa santana
Santa Maria na Santa Cruz.
Nos ta lamenta cu despues di entiero nos no por ricibi bishita di condolencia na cas.
Brazil Taekwondo S TichTing Ta gradici
Tur hende cu a par Ticipa den
BeST of The BeST 2024
e ultimo campeonato di Brazil Taekwondo Stichting pa aña 2024. Best of the Best ta e unico campeonato cu bo mester clasifica pa bo por participa.
E aña aki Brazil Taekwondo Stichting a organisa Aracary Taekwondo Cup, Cas Bon Taekwondo Cup y Ultimate Taekwondo Cup cu tabata tin participacion di San Nicolas Taekwondo Foundation bou guia di Master Eric Barry, Expect The Unexpected Foundation bou guia di Shaull Illidge, Chaco Taekwondo Academy bou guia di Grand Master Melvin Rasmijn, Master Yoshmar Wever y Master Miguel Genser y Brazil Taekwondo Stichting.
Brazil Taekwondo
Stichting ta gradici tur atleta cu a wordo selecta y a participa. Pa Best of the Best 2025, Brazil Taekwondo Stichting ta bay organisa 4 evento y mester participa den 3 di e 4 eventonan aki pa por bin na remarca pa participa den Best of the Best 2025. Best of the Best ta bay celebra 30 aña y ta bay tin varios sorpresa Internacional.
Pa Aruba por ta bon prepara, lo selecta e miho bringadonan pa representa Aruba den Best of the Best 2025.
Siman pasa Brazil Taekwondo Stichting a organisa Best of the Best
2024 bou auspicia di Aruba Taekwondo Federation. Best of the Best tabata