Katern Stimaruba 2007

Edicion 1, volumen 2, 11 november 2007, Aruba.

Prikichi ta un di e parhanan cu por ser admira regularmente na Spaans Lagoen

Photo: Wim Wijmering

S

paans Lagoen ta un sanctuario pa parha tambe, ofreciendo un refugio central unda mayoria di parha di Aruba por ser encontra. Den e di dos volumen aki ta ilustra algun di e habitantenan cu por ser mira cu frecuencia na Spaans Lagoen y pa cual motibo ta haci e area aki unico y sumamente importante pa poblacion di parha na Aruba.

Tuma tempo y explora pa bo mes e area special di Spaans Lagoen aki. Paga tino special e biaha aki na e gran cantidad di parha cu por ser mira akinan. Conta cuanto diferente tipo tin, pero tambe haci nota di e cantidad di cada tipo cu bo mira. Observa tambe unda e parhanan ta, pa asina observa e conexionnan cu tin. Tin parha na e parti halto di e mangelnan, otronan den e takinan meimei, mientras cu otronan ta come na suela rond di e pianan den e sali単a. Kico nan ta come, ken ta nan enemigo y unda nan ta sconde, traha neishi of pasa anochi?

Busca e conexionnan di e area aki cu parhanan di Aruba, e tema pa e katern aki.

Conexion Ambiental, edicion 1, volumen 2, pagina 1.

Parha di misa (Dendroica petechia)

Photo: Wim Wijmering

Mangrove Warbler Canario de MangLe na Sur America

E parha di misa, ademas di ta chikito, ta bula masha lihe y ta sconde bon, haciend’e dificil pa mira. Aki por admira uno riba un taki di hubada cu flor.

Un di e bishitantenan mas colorido di Spaans Lagoen ta e Parha di misa cu ta conecta e islanan di

Lisimbein

Scolopendra gigantea, Centipede

Spanto ta drenta hende ora ta mira un lisimbein di 26 – 30 cm di largura. Nan ta biba den luganan scur y humedo, manera bou di concha di palo, piedra of den foyo di mata. E ta un carnivor, ta capia insecto, parha chikito den neishi, dori, raton, cacalaka y bestia lastrero. E klier di e veneno potente ta den e pianan di e cachete, e veneno no ta mata hende. Solamente si e persona tin complicacion di otro malesa of infeccion secundario por tin peliger di morto. E lisimbein muhe ta traha un buraco den un luga scur unda e ta pone un gran cantidad di webo. E pianan di 21 – 23 di colo maron scur y e tenchinan hel ta move rapidamente ora di peliger. E lisimbein chikitonan tin colo scur y nan tin menos pia.

Photo: Wim Wijmering Photo: Wim Wijmering

Mangrove (rifeilanden) na parti sur di nos isla cu e bahia unico aki.

Parha di misa ta un di e parhanan mas chikito cu ta biba riba Aruba. Su largura ta 10 – 12 cm. E tin un colo hel fuerte na cara y barica, for di cabes te rabo y halanan ta cambia pa un berde olijf. Riba e buchi tin stripnan maron frusto.

Tin diferencia entre e polechi y e gay, riba e corona di cabes di e gay tin pluma colo maron-cora.

E polechi ta mas chikito y menos colorido cu e gay, cabes ta hel mescos e parha chikitonan. E Parha di misa su habitat ta banda di awa, den mangel, den matanan di beishi, den taya (Mancha cashaca) y hubada.

Nan neishi chikito ta manera un kopi, den cercania di awa, traha di yerba y rama fini. Temporada di brui ta maart te juni. Nan ta pone 2 – 3 webo blou cla, pinta cu spat (vlek) bruin.

Parha di misa ta comedo di insecto, haraña y pis-pis di palo. Frecuentemente ta fluit fini den palo y matanan. Nan ta scars na Aruba. Na Bubali Plas nan ta rincona mas, den cercania di tanki di awa y damnan. Mas cu claro riba e islanan di mangrove na parti zuid tambe ta haya nan hopi.

Conexion Ambiental, edicion 1, volumen 2, pagina 2.

Prikichi

(Aratinga pertina arubensis)

Aruban Conure

Un bishitante den e ramanan halto di

mangelnan na Spaans Lagoen ta nos Prikichi. Su largura ta entre 26 pa 28 cm, incluyendo e rabo cu ta 12 cm. Su plumanan ta consisti di diferente colo berde. E berde-shinishi ta e colo cu ta resalta mas. E prikichi su punta di rabo y hala tin hopi blou den su plumahe.

A ruba su prikichi ta diferencia cu esun di e otro islanan di Antiya Hulandes. E ta menos berde na su garganta y pecho. Su cara y su rabo tin hel. Su pik ta bira, mescos cu otro parhanan cu ta come fruta y simiya.

Su cuminda preferi ta: dadel di cadushi largo, simiya di mata di seida, simiya di zonnebloem, bacoba, mispel, cashu y mango. Riba su menu tin tambe simiya di kwihi, di watapana y di druif di lama. Den e simiya tin un pida cu ta moli, esey e ta gusta.

E parha bon conoci aki ta conecta e resto di nos isla cu Spaans Lagoen via aire. E sa busca sosiego, refugio y asta traha neishi na Spaans Lagoen.

Nan ta brui por lo menos 2 bes pa a単a den april pa mei y october pa november. Nan ta pone 6

webo colo blanco-crem. Nan ta traha nan neishi den cas di houtluis of den hol di un palo bieu.

Nan enemigo ta hende cu ta coi e yiunan pa mascota. Un otro peliger pa prikichi ta e lisimbein cu ta come e yiunan y e menasa mas recien ta e boa.

Anochi nan ta drumi den palonan cu ta keda pabou di cualkier cero, pa asina tin proteccion contra biento fuerte.

Henter e famia di prikichi ta biba y ta comparti cuminda. Ora cu nan haya un palo di fruta, tur ta yama otro pa bin come, nan ta grita otro pa nan bin come hunto.

Ademas di Aruba, Boneiro y Corsou, tin mas sorto di prikichi similar na Sur, Central y Nort America, como tambe den Caribe. Particularmente Nort di Colombia, Venezuela, Panama y St. Thomas.

E hubada, reconocibel pa su sumpi単a grandi y blachinan chikito, ta brinda e prikichi aki, un luga proteha riba cual por descansa un rato. Nota con e colo di e prikichi ta bon pa e sconde entre e matanan local di Aruba.

Photo: Wim Wijmering Conexion Ambiental, edicion 1, volumen 2, pagina 3.

Teishi (Pandion haliaetus)

Gabilan piscado Osprey or Sea Eagle

Un Teishi garando un pisca for di awa den pleno vuelo Photo: Wim Wijmering

Teishi ta e parha mas grandi, e maximo

predado, na Spaans Lagoen. Su nomber comun na Aruba ta Teishi, pesei tin un “Cero di Teishi” na su honor tambe. Na Corsou ta yame “Gabilan piscado” y na Boneiro ta “Gabilan di lama”. E ta un parha cu ta jag riba pisca di lama y pisca di awa dushi. Cu excepcion di Antarctica bo ta mire den tur continente. Teishi por tin su habitat na tur parti, basta e ta den cercania di awa unda su cuminda ta. No mucho leu di awa e ta traha su neishi.

Teishi su habitat no ta un luga fiho. Un teishi ta drumi riba cadushi of den palo, riba rif of waya di coriente, asta den toren di misa. Cu regularidad e teishi ta bula riba awanan di dam, na Bubali Plas, Spaans Lagoen y rifnan pa captura su presa. u cabes ta blanco cu un poco fronchi, un banchi bruin-scur tras di su wowo. Banda paden di su hala ta blanco cu bruin-scur. Su rabo ta strepia blanco cu preto. Bou di su pecho ta blanco. Su cara tambe ta blanco. Largura di su curpa ta 50 60 cm; span di e hala ta 150 - 180 cm.

Su cuminda ta pisca di awa dushi of di

S

Colofon:

lama. E ta jag riba awa keto. E no ta risca, pa e no haye den peliger. Asina e mira su victima e ta baha cu velocidad halto den e awa. Cu su huñanan krom e ta mik den curpa di e pisca. Asina cu e pisca ta den su gara e ta bati su halanan bon fuerte y ta lanta cu e pisca den su huñanan. E ta bula hopi abou riba awa cu su cuminda den su patanan. No mucho leu di e awa e ta come e pisca. i e tin puito chikito e ta carga e pisca te na e neishi. Si acaso un pisca ta mucho pisa pa e teishi, e ta perde den bulamento. Asta un pisca mas grandi por haci daño na e teishi. Si e no por lanta for di e awa rapido e por sucumbi di e peso di e pisca. n Teishi ta madura ora e tin 4 - 5 aña.

Den luna di juni nan ta cuminsa pari. Dentro di un luna e ta pone 2 – 4 webo bruin cu strip mas scur.

Incubinacion ta dura 5 siman. Despues di 8 siman nan ta sali for di neishi. Un teishi por biba 20 - 25 aña.

S

U

Un produccion di e asociacion pa proteccion di medio ambiente di Aruba, Stimaruba.

Miembrecia: stimaruba@hotmail.com Pa donacion: Aruba Bank account 4000397.

Redaccion: Olinda Rasmijn y Byron Boekhoudt.

Fotografia: Wim Wijering.

Coreccion Papiamento: Carmen Croeze. Layout: Byron Boekhoudt.

Patrocinado:

Landsloterij Conexion Ambiental, edicion 1, volumen 2, pagina 4.