Conexion Ambiental Katern Informativo di StimAruba Edicion 1

Edicion 1, volumen 1, 11 november 2007, Aruba.

S

paans Lagoen ta un bon luga pa splica tocante con cosnan ta conecta cu otro den naturalesa. E ta un lugar meimei di Aruba casi, unda tera ta topa lama, conecta via un reda di rooinan cu ta trece awa di yobida for di ceronan di nos Parke Nacional Arikok te na lama, unda nos futuro Parke Marino Aruba lo ta situa. Asina tambe Spaans Lagoen ta conecta: parha cu mata, mata cu pisca, pisca cu parha, te cu e ta completa un ciclo completo.

E enfoke riba e ciclo di con bida ta conecta cu otro, ta hustamente e meta di StimAruba. Central den esaki ta e ser humano hoben cu ta busca pa educa su mes y cu ta esencial pa proteha recursonan natural scars di nos isla pa asina futuro generacionnan tambe por gosa di nan.

E articulonan cu lo sigui lo elabora, edicion pa edicion, riba varios aspecto di nos naturalesa. E mangel, parha, pisca, awa y otro criatura y elementonan di nos naturalesa cu tin ora ta ser lubida, pero cu ta ofrece un rikesa na oportunidad educativo y ta esencial pa e calidad di bida di nos tur.

Conexion Ambiental, edicion 1, volumen 1, pagina 1.

E bahia mas grandi di Aruba ta un area di

naturalesa unico. E bahia ta alrededor di 1,5 km largo y mas o menos 100 – 150 m hancho. E parti di tera, cu solamente durante temporada di hopi yobida ta yena cu awa nos ta yama saliña y e tin un hanchura di mas o menos di 500 m. Ora e ta yen e parti aki ta atrae diferente tipo di parha.

E bahia mes ta rondona di importante area di transicion (wetland of getijdenmoerassen) y mata di mangel. Den totalidad e area di Spaans Lagoen ta consisti di alrededor di 35 bender. Si inclui un area di zona di transicion (bufferzone) smal rond di e bahia, e tereno ta casi 70 bender grandi.

saliña Swartmangel

sa mo ga rin iB roo

cès Fran rooi Ruina di fabrica di dirti oro Balashi

ur he on B oi ro rooi T aki

Mangel Tam

Spaans Lagoen 1 : 25.000

E bahia ta un luga importante pa refugio, ofreciendo cuminda y luga di sconde, pa diferente tipo di pisca, parha y otro organismo. E importancia di e area di Spaans Lagoen a ser subraya dor di e asignacion oficial como “wetland of international importance”, conforme palabracionnan haci como parti di “Convention on Wetlands“ (Ramsar, Iran, 1971).

Na bandanan di e bahia por haya terasanan di piedra di coral y calki fosilisa for di Pleistocenio y Neogenio.

Esakinan a keda forma, corta den cierto forma, dor di e rooinan grandi, manera rooi Taki, rooi Bonheur/Bringamosa y rooi Francés. E rooinan a deposita sedimento for di Holocenio den e bahia. Ora sigui e rooinan por encontra materialnan

Pisca chikito ta busca refugio entre reisnan di mangel tam volcanico for di Cretaceo cu ta sali na superficie. E variacion geologico combina

cu e echo cu einan lama ta topa tera y awa dushi ta topa awa salo, ta percura pa un area sumamente rico na diversidad di flora y fauna. Den un area relativamente chikito por haya un gran variedad di naturalesa locual ta haci e area hopi apto pa excursionnan educativo pa scolnan.

un di e fuentenan di entrada mas importante na Aruba. E plantacionnan aki tambe tabata presente riba e terasanan di calki na ambos banda di Spaans Lagoen.

Durante e fiebre di oro cortico

Na e parti di awa ta domina e Mangel Tam (Rhizophora mangle) cual ta bon adapta pa e circumstancianan extremo cu ta presente einan.

Na e partinan di transicion, cual ta muha pero no tur ora ta bou di awa, por haya dos otro tipo di mata di mangel cu ta existi na Aruba, esta e Mangel shimaron (Laguncularia racemosa) y e Swartmangel (Avicennia nitida). Di e Mangel Shimaron tin unicamente algun decenas di ehemplar presente y por observa esakinan banda di e hanchi pabou di e lagoen. Swartmangel ta aparece mucho mas hopi. Na e partinan cu ta mas na halto y seco, por haya Salachi (Batis maritima), Banana di rif ( S e s u v i u m portulacastrum) y riba e partinan mas seco ainda por topa Olijfie (Bontia daphoides) y Brak gras (Sporobolus virginicus).

C ultural historicamente e area tin balor halto tambe. For di den pasado e area ta conoci como un luga sigur pa mara boto.

Como tal ta comprendibel cu den e area di Spaans Lagoen a haya 4 sitio arkeologico, cual 1 sitio tin restonan di vivienda y ceramica for di tempo di indjan Caquetío datando for di e periodo di 1000 – 1515 despues di Cristo, y 3 sitio cu restonan di vivienda di temponan prome cu esei, sospecha di ta casi 4000 aña bieu (Versteeg en Ruiz, 1995).

Ademas di esei tin balornan cultural historico for di temponan pasado mas recien presente tambe. Banda di e hanchi pabou di e Lagoen por haya un di e cunucunan di aloë cual a ser restora den su estado original, incluyendo e bakinan di lek e azeta y un forno di aloë cu ta pertenece na e epoca ei. Durante siglo 19 y comienso di siglo 20 e plantacionnan di aloë tabata

na final di siglo 19, a construi un impresionante fabrica di dirti oro. E fabrica aki a funciona entre 1903 y 1915.

Cu trekinchi tabata lastra material for di e benanan di oro di Miralamar cu un rij di skieps, via Franse Pas pa Balashi. Riba e tereno industrial tabata tin un molina di garna, forno di roost, cuater tanki di beton cu un sistema di drei, un planta di electricidad y tres tobo grandi di separacion.

E molina di garna cu su dies martiu di steam por kibra 30 te 40 ton di piedra pa dia (Walhain, 2005).

Tabata keinta e forno di roost cu carbon cu nan tabata trece cu barco via Spaans Lagoen mes. Pesei ainda por haya carbon na e luga unda tabata mara e barconan antes.

Conexion Ambiental, edicion 1, volumen 1, pagina 2.

M

angel Tam (Rhizophora mangle)

foto: Kees Nooren Flor di mangel tam

Simiya di mangel tam

foto: Kees Nooren

Mangel Tam ta e mata mas predominante di canto di awa. E mata tin varios adaptacion specialmente pa biba den e habitat extremo di unda lama ta topa tera. E mata aki ta caracterisa pa su reisnan cu ta parce cu bini di halto for di e takinan pa drenta awa y despues e suelo. E

mata ta comosifuera e ta cana drenta lama. E reisnan aki (steltwortels) ta duna e mata sosten pa wanta den e awa y lodo. E forma aparentemente bruha cu cual e reisnan ta troce den otro, saliendo di tur direccion, sea di ariba, abou of na banda, ta permiti e matanan ancra nan mes den e luganan cu nan pega. E abundancia di reisnan aki ta ideal pa pisca, cocolishi y otro organismonan marino busca refugio. E reisnan ta forma un refugio, esta un luga pa sconde y come, di hopi tipo di pisca chikito. Na e reisnan, gran cantidad di bestia ta pega y biba, haciendo e reisnan di mangelnan un di e luganan unda bo ta haya mas diversidad, esta gran cantidad di diferente especie na un solo luga, na Aruba.

R

eisnan di Mangel Tam ta percura pa kibra cualkier fluho di awa haciendo asina cu e awa ta calmo unda pisca y otro criatura por biba, pero tambe ta laga lodo y tera keda pega den pia di e matanan.

E acumulacion di material aki, combina cu e gran cantidad di blachi cu nan ta laga cai den awa, ta conduci cu despues di tempo e matanan aki ta literalmente forma tera. Esta e lodo y blachinan ta acumula te cu e luga ei ta bira seco y despues ta bira tera. Pesei nan ta bisa cu Mangel Tam ta cana drenta lama y crea tera firme su tras.

Mangel Tam ta importante pa proteha nos costa contra awacero torencial of ola bruto di marea of den caso di horcan cu lo causa erosion of perdida di tera.

E

Blachi di mangel decompeniendo bou di awa den Spaans Lagoen

reisnan tin varios adaptacion special. E reisnan por produci awa dushi for di awa di lama. Celulanan special, via di un proceso yama reverse-osmosis, unda e reis ta laga awa dushi so pasa, blokeando e salo tras di un membrana semi-permeable, ta permiti e mata biba den e awa salo. E reisnan tin celulanan special tambe, cual

ta sirbi pa saca oxigeno for di luganan cu normalmente ta dificil saca oxigeno. Sin e capacidad aki, mangelnan lo no sobrebibi y lo no por conkista areanan nobo pa biba y traha tera.

P

asobra e suelo na unda e mangelnan aki ta biba por ta pober na oxigeno, masha poco simiya por germina (nace). Pa segura cu su simiya por crece, Mangel Tam ta laga su simiyanan germina na e palo colga caba, pa ora esaki cai den suelo, ya e mata a nace caba. Esaki ta ser yama vivipari. E matanan chikito ta cai manera torpedo den e lodo of ta keda drief bai cu coriente di awa pa un otro luga unda cu asina e toca suelo e ta cla pa crece.

Reis di mangel tam cubri cu organismonan marino manera pipa di awa, poliep, etc.

Conexion Ambiental, edicion 1, volumen 1, pagina 3.

Un refugio den e mangel tam

E reisnan di e mangel tam, tur troci den otro, ta forma e

refugio ideal pa organismonan marino chikito for di otronan mas grandi. Depende di e marea bo por mira diferente especienan cu ta pega riba e reisnan of cu ta pega riba piedranan den e fondo di Spaans Lagoen. E especienan mas comun entre e reisnan di e mangel tam ta spons, pipa di awa, oester, poliep, lechuga di lama y cabaron di lodo.

Filternan di awa Sponsnan ta animalnan cu no ta move di luga. Nan no tin nervio ni musculo y pesey tin hende ta kere cu ta mata nan ta. E celulanan individual di e sponsnan por sinti y reacciona riba cambionan den nan ambiente. E sponsnan den Spaans Lagoen tin un colo bruingeel y ta varia di 3 pa 18 centimeter di largura. Nan ta parce manera un saco yen di buraco, e porionan. E awa ta pasa via e porionan pa e canal meimei di e spons. For di e canal aki e awa ta sigui su fluho via e habri grandi na final di e canal bai pafo. Ora ta necesario e celulanan di e sponsnan por contrae y cera e porionan y e habri grandi na e final di e canal. Sponsnan ta filter particulanan di cuminda for di e awa cu ta pasa via nan porionan. E filtramento di cuminda aki ta sosode den e canal meimei di e spons. Aki den tin celulanan yen di dedenan di

slijm cu ta laga e particulanan di cuminda keda pega.

Pipa di awa

Den Spaans Lagoen tambe bo ta haya e pipanan di awa pega riba e reisnan di e mangel tam. Den comparacion cu e sponsnan cu tin un habri grandi ariba, e pipanan di awa tin dos habri (boca). Uno pa awa drenta y un otro pa e awa sali. E pipanan di awa ta animalnan cu tin un cuero hopi fini mes, cu casi bo por wak dor di dje. Nan tin un colo oranje-bi単a, ta crese te cu 3 centimeter di largura y ora nan ta adulto no ta move di lugar. Mescos cu e sponsnan nan tambe ta filter particulanan di cuminda for di fluho di awa. E awa ta pasa for di e boca ariba bai dor di un saco yen di split y ta sali bek dor di e boca na banda. E splitnan den e saco tin manera un slijm na unda e particulanan di cuminda ta

keda pega y ta wordo pasa via e garganta pa e stoma di e pipa di awa. E cuminda ta digeri den e tripanan y e restonan ta sali via e anus den e boca cu ta saca awa afo.

Oester di mangel E rooinan cu ta desemboca den Spaans Lagoen ta trece diferente particulanan di cuminda cu e animalnan ta filter pa nan por biba. Un especie cu bo ta mira masha hopi

mes den e mangelnan ta oester. Tin di e oesternan aki ta mas grandi cu 10 centimeter di largura. Nan ta animalnan di curpa moli, pero ta protehi pa un concha duro cu nan mes ta produci. E oesternan tin un concha di dos pida y wanta bon sera cu musculonan pa proteha e curpa moli. Ora nan habri e concha nan ta saca nan pia manera un hacha pa coba of pa ancra nan mes. Nan tin caicai manera pisca pa hala rosea y tambe pa come. Manera e spons y e pipa di awa, e oester tambe ta filter su cuminda for di e awa cu ta drenta via e sifon (tubo) di entrada pasa via su caicainan y sali via e sifon di salida. E particulanan di cuminda ta keda pega riba e slijm riba e caicainan. E oesternan cu no ta move ta produci hilonan duro cu ta ancranan na e reisnan of piedranan den Spaans Lagoen.

Colofon:

Patrocinado: Un produccion di e asociacion pa proteccion di medio ambiente di Aruba, Stimaruba.

Miembrecia: stimaruba@hotmail.com Pa donacion: Aruba Bank account 4000397.

Redaccion: Olinda Rasmijn, Alexander Figaroa, Kees Nooren y Byron Boekhoudt.

Fotografia: Olinda Rasmijn, Alexander Figaroa, Kees Nooren, Byron Boekhoudt y Amigoe di Aruba.

Coreccion Papiamento: Carmen Croeze. Layout: Byron Boekhoudt.

Landsloterij

Conexion Ambiental, edicion 1, volumen 1, pagina 4.