DAGENS MOTSTANDAR

Bergsøy har spelt seriekampar mot Volda sidan 1962, men aldri før møtt Volda2. Dette blir dermed ein ny opplevelse for Bergsøy, men ettersom statistikken heime mot førstelaget er ganske bra så bør det også kunne gå bra mot andrelaget.

På 24 heimekampar har nemlig Bergsøy berre tapt 4 gangar mot Volda sitt førstelag. Det har skjedd så sjeldent at tapa har kome i fire forskjellige tiår.

Det er i år 60 år sidan Sverre Botn ordna det første poenget til Bergsøy heime mot Volda i ein 1-1 kamp i 1963. Den første sigeren mot Volda kom i 1964 etter at Botn igjen kom på scoringslista, samt at lagets yngstemann på 17 år - Eldar Eilertsen - blei matchvinnar i ein 2-1 kamp.

Fred Frantzen debuterte borte mot Volda i serieåpninga i 1969 og scora sjølvsagt målet i ein kamp som endte 1-1. Bergsøy fortsatte mot opprykk dette året, og det skulle ta 15 år før laga igjen var i samme divisjon i 1985. To år seinare (1987) var det igjen Volda som var best og skulle rykke opp ein divisjon over Bergsøy, og slik har det vore litt i rykk og napp. No er det altså slik at Bergsøy møter Volda sitt andrelag berre fire år etter at Bergsøy og Volda kjempa hardt i kampen om opprykk i 2019, ein duell Volda vann mot Bergsøy heilt på tampen av sesongen.

Bergsøy og Volda har kjempa mot kvarandre i kamp om seriemesterskapet fleire gongar, bildet under er ifrå sesongen 2002 der Bergsøy vann 3.divisjon foran Volda. Etter at Volda tok revansje i 2019 og rykte opp foran Bergsøy på tabellen så er det Volda2 Bergsøy no skal møte. (www.historikk.com)

Etter å ha hamna midt på tabellen i 2022-sesongen, har Bergsøy sitt damelag fått erfaring frå å møte ulike lag og har vorte betre rusta både fysisk og mentalt.

Hovudtrenar Konstanse Torgersen Nærø er optimistisk og gler seg spesielt til å skape meir interesse rundt laget denne sesongen.

- Fokuset vårt har vore på å stabilisere laget og byggje ein solid grunnmur. Dette føler vi at vi har lukkast med i stor grad.

Kva er målsetninga for sesongen?

- Målet vårt er primært å stabilisere laget og skape gode rammer for dame og jentefotballen. Når det er sagt, så står vi så langt utan tap i treningskampane før sesongstart, der vi mellom anna har levert solide sigrar mot Hareid og SIF/ Hessa, samt spelt uavgjort med Hasundgot. I år er det ti lag i 4.-divisjon. Det er dobbelt så mange som i fjor. Dette synest vi er ekstra spennande og det gir oss ei større breidde i utfordringar og moglegheiter.

Laget har trass rekrutteringsutfordringar fått nokre nye spelarar i stallen før årets sesong. Den eine er Emma Sofie Håbakk Vik som har kome frå Volda. Kaisa Li Gjerde er også ein ny tilvekst for laget. Ho kjem frå Sande.

- Vi gler oss til ein ny sesong og vonar Bergsøy-fansen heiar oss fram!

Kvinnefotballen er i vinden som aldri før og vi håpar på god støtte frå tribuna.

Etter ein imponerande 9-0 seier i første seriekamp mot Hareid står det ikkje på underholdninga vertfall!

Vi ønsker damelaget lykke til i årets sesong!

Heia Bergsøy!

TLF: 911 94 480