PEDERASYON SA MGA ORGANISASYON SA COFFEE GROWERS SA AGNOR, GIMUGNA

Gimugna atong Disyembre 9, 2021 ang pederasyon sa mga coffee growers, consolidators ug umaabot nga processors nga maoy manguna pagpalambo sa proyektong “Coffee Net”, usa sa mga core processing projects nga gipahiluna sa probinysa ubos sa proyketong Process! Process! Process! sa AGUSAN UP!, ang kampanya pagpalambo sa administrasyon ni Gob. Dale B. Corvera kaaabag ang buhatan ni Kong. Angel AmanteMatba.

Ang nag-unang tumong sa “Coffee Net” mao ang hiniusang pagpahiluna og planta pagproseso sa soluble o instant coffee.

Moabag usab kini pagpamaligya sa lisong kape o brewed coffee nga produkto sa mga sakop niini nga mga organisasyon.

Manguna usab ang pederasyon sa pagpananum sa gipunting ubos sa AGUSAN UP! nga 3,000 ektaryas nga dugang kapehan, kabahin sa 125,000 ektaryas nga tamnan sa siyam ka prayoridad nga high value crops sa mosunod nga unom ka tuig o pagabot sa tuig 2027 ubos sa proyektong Plant! Plant! Plant!

Upat ka organisasyon ang inisyal nga miapil sa organizational meeting. Apan 16 na ka organisasyon sa coffee growers ang mi-komiter nga motanum og kape ug nauyonan nga apil sa mahimong partisipante sa sunod nga meeting.

Sa maong panagtigum gipili ang mga opisyales nga manguna paghimo sa mga preparasyon pag-institutionalize sa pederasyon. (Shena Mae Pabia ug Nibika May V. Calixtro, LGUAgusan del Norte/PIAAgusan del Norte)

Laing Amomang Agusanon ang gipabati sa probinsya sa laing AguSerbisyo

“Naay gobyerno nga mo pangga ug mag amoma kaninyo.”

Kini ang mensahe ni Gob. Dale B. Corvera sa mga lumulupyo sa Sitio Tagbuaya, Bangonay, Jabonga, Agusan del Norte diin siya nanguna sa pagpabati sa Amomang Agusanon sa laing “AguSerbisyo” nga gihimo sa probinsyal nga panggamhanan sa Agusan del Norte kauban ang mga personahe sa buhatan sa mga nasudnong ahensya. lumulupyo sa kasikbit nga mga sitio, mokabat sa 750 ka panimalay ang napadangatan og nagkalain-laing serbisyo sa maong kalihukan nga mas subsob pang gihimo ug gipalapdan pa ang naabot ning tuiga.

“Kamo dinhi sa Tagbuaya,” sumala ni Gob. Corvera, “amo gyong gituyo nga anhi dalhon kining AguSerbisyo karon… Pipila na ka lugar among naadto, gani ako mismo mo adto matulog sa lugar nga among adtuan, pipila na ka sitio ang akong naabtan.” “Ngano ako man ning gibuhat? Tungod kay gusto nako mga kaigsoonan ipabati kaninyo, isip inyong gobernador, nga ang gobyerno sinsero nga mohatag kaninyo og serbisyo ug sinsero usab nga manalipod kaninyo sa mga tao nga naghatag og kagubot kaninyo,” pasabot sa gobernador.

Ang pagpadangat og mga “AguSerbisyo” sa mga hilit nga lugar sa probinsya kabahin sa Amomang Agusanon Flagship Program sa AGUSAN

UP! ang kampanya sa pagpalambo sa administrasyon ni Gob. Dale B. Corvera kaabag ang buhatan ni Kong. Angel Amante-Matba.

Kabahin usab kini sa gipatuman sa nasudnong panggamhanan ubos sa EO70 o “The Whole-ofNation Approach” nga ang tanang ahensya sa gobyerno naghiusa ug nagtambayayong pagpadangat og mga serbisyo sa tanang katawhan.

Ang mga “AguSerbisyo” nga gipadangat sa nasangpit nga mga sitio mao ang mosunod:

· Mosuma sa 456 ka indibidwal ang nakadawat og serbisyong medikal ubos sa Provincial Health Office (PHO) sama sa dental services, minor surgery, operation tuli, pedia, medical consultation ug x-ray bus;

· Ang Provincial Social Welfare and Development Office (PSWDO) nakapadangat og 2,500 ka food meals, 450 food packs ug used clothing;

· Ang Provincial Agriculture Office (PAO) nagpadangat og 1,500 ka tilapia fingerlings, 100 ka kabir chicken ug 200 ka semilya sa abaca;

· Ang Agusan Up Coordinating Center nagpadangat og 100 ka fruit trees nga mangga, used clothing ug Buntis Kits;

· Ang Provincial Veterinary Office naghatag og serbisyo sa tanang klase sa hayop sama sa deworming, anti-rabies, soluble vitamins, wound spray;

· Ang buhatan sa Provincial Disaster Risk Reduction and Management Office (PDRRMO) naghatag og pagbansay sama sa CPR, first aid ug padula sa mga kabataan;

· Nang apod-apod usab og mga used clothing ang buhatan sa Provincial Enterprise and Economic Development Office; · Ang Agusan del Norte Provincial Police Office (ADNPPO) nagpahigayon og lice alis ug nanghatag usab og used clothing;

· Gi turn-over usab sa Technical Education Skills and Development Authority Agusan del Norte 50 ka toolkits, cookies, facemasks ug nagpahigayon og mga livelihood trainings;

· Ang Civil Service Comission (CSC)-Caraga nanghatag og mga school supplies sa mga kabataan;

· Nagpahigayon usab og Operation Gupit mga sakop sa 1501st Community Defense Center ug nag-apodapod og medicine kit ang National Commission on Indigenous Peoples (NCIP).

Personal usab nga nitambong sa maong “AguSerbisyo” sila si Municipal Mayor Napoleon Montero, Provincial Administrator Gerry Joey S. Laurito ug mga hepe sa opisina sa kapitolyo, PD Rey Cueva sa TESDA, Leah S. Cueva sa CSC-Caraga, Ltc. Ritchie Yatar sa Provincial Mobile Force Company (PMFC), Ltc. Jason Saldua sa 29th IB, PMaj. John Alexis Basañez sa Special Action Force (SAF), Chief Police Atenta sa Jabonga, Tagbuaya School Principal Eugenio Buco, Jr., Punong Barangay Marwin Serano ug ubang opisyal sa barangay. (Agusan Up/ PIA-Agusan del Norte)