CURFEW SA LUNGSOD SA LAS NIEVES, I-IMPOSAR

Hugot nga i-imposar sa lungsod sa Las Nieves, Agusan del Norte ang bag-ohay pa lamang naaprubahan nga Municipal Ordinance No. 525-2021 o “An Ordinance Implementing curfew hours to all persons 18 years old and above in the entire Municipality of Las Nieves from 10:15p.m – 3:45 am and prescribing penalties thereof”.

Ang maong municipal ordinance nga gipangamahanan ni Sangguniang Bayan Member Antonio N. Jongko, gi-aprobahan sa Sangguniang Panlalawigan Sa Agusan del Norte atol sa ilang ika 118th Regular Sesyon niadtong December 20, 2021.

Ubos sa seksyon 3 sa maong ordinansa, namugna kini aron ipatuman tungod sa katuyoan niining LGU nga mosunod sa health Protocol nga gimando sa IATF tungod sa makatakod nga sakit nga dala sa gikahadlokang COVID-19 aron sa pagmonitor, pagpugong, ug/o personalidad gikan ug ngadto sa munisipyo.

Basi sa seksyon 4, pagamultahan ang kadtong nakalapas sa maong ordinansa nga mao ang mosunod: Unang paglapas, tulo ka gatos (PhP300); ikaduhang paglapas lima ka gatos (PhP500); ikatulong paglapas usa ka libo (PhP1,000.00), ug ang mosunod nga paglapas usa ka libo ug lima ka gatos (PhP1,500).

Gi-aprobahan ang maong ordinansa pinaagi sa Sanggunian Resolution No. 522-2021 sa pagpangamahan ni Provincial Board member Dick Victor B. Carmona, tsirman sa Committee on Peace and order, Drug Abuse Prevention and Control kauban ang mga co-authors nga si Hon. Nieva c. Famador ug Hon. Erwin L. Dano. (Jessica O. Mellejor, LGUAgusan del Norte/PIAAgusan del Norte)