MGA NAKAHAN-AY NGA MGA AKTIBIDADES SA PAGSAULOG SA NDRM, APEKTADO SA MECQ STATUS SA SURSUR

Gihulatan pa karon sa buhatan sa Provincial Disaster Risk Reduction and Management Office (PDRRMO) dinhi sa Surigao del Sur ang mamahimong sunod nga quarantine classification ning probinsya sa musunod nga mga adlaw.

Sa pakighinabi, gibutyag ni Abel de Guzman, Provincial Disaster Risk Reduction and Management Officer (PDRRMO) ning probinsya, nga kini aron nga makadesisyon sila sa mga nahibiling adlaw ning bulana subay sa National Disaster Resilience Month (NDR) Month Celebration ning bulan sa Hulyo.

Sumala pa, nga daghan unta sila’y mga nakahan-ay nga mga aktibidades karong bulana apan tungod sa pagpailawom sa Modified Enhanced Community Quarantine (MECQ) Status ning probisya, ila una kining gikansela.

Usa na niini mao ang pagpahigayon sa ilang mga skills training susama sa Basic Life Support (BLS), First Aid, Emergency Operation Center (EOC), ug uban pa.

Apan taliwala sa pagpailawom sa tibuok probinsya sa MECQ, mihimo gihapon sila og mga pamaagi aron ilang maselebrar ang maong kasaulogan. Gani adunay ubang mga local government units nga nagpahigayon og mga aktibidades nga nagsubay lang gihapon sa basic health protocols kontra COVID-19.

Usa na niini mao ang pagpahigayon og mga virtual activities susama sa mga poster and slogan making contest, jingle contest, easy-writing ug quiz bee contest pinaagi sa social media. (Raymond Samson Aplaya - RP1 Tandag/PIA-Surigao del Sur)