1 minute read
COVID-19 VACCINATION ROLLOUT SA SIYUDAD SA BISLIG, NAGPADAYON KARONG SEMANAHA
Nagpadayon karon ang gihimong COVID-19 Vaccination Rollout sa siyudad sa Bislig, Surigao del Sur.
Advertisement
Subay sa gipagawas nga impormasyon gikan sa lokal nga panggamhanan, nasayran nga
File photo
adunay pagpamakuna sugod karong adlawa, Lunes, Nobyembre 8, hangtud sa adlaw’ng Biyernes, Nobyembre 12, alang sa 1st dose sa Sinovac ug Pfizer vaccines ug 2nd dose alang sa Sinovac, AstraZeneca, Moderna, ug Pfizer.
Target gihapon nga mabakunahan ang mga anaa sa priority group A1 hantod A5 ug ROAP (rest of the adult population) nga nag-edad 18 anyos pataas. Ipahigayon kini sa may Andres Soriano Colleges of Bislig Gymnasium ug sa Bislig City Cultural and Sports (BCCSC). Pagahimuon kini gikan alas 8 ang takna sa buntag hangtud alas 3 ang takna sa hapon.
Subay niini, giabisuhan ang tanan nga gustong magpabakuna nga magdala og kaugalingong alcohol, ballpen, pagkaon, tubig, ug valid ID. Gawas niini, subli usab sila nga gipahinumduman alang sa hugot nga pagsunod sa mga minimum public health protocols sa ilang pag-adto sa nasangpit nga mga vaccination center. (Raymond Samson Aplaya, RP1-Tandag/PIA-Surigao del Sur)
