POPCOM gipalig-on sa PMOC sa Siargao

Ang Commission on Population and Development (POPCOM) – Caraga nagpahigayon ug PreMarriage Orientation and Counselling (PMOC) Training para sa mga kawani sa Municipal Social Welfare and Development Office (MSWDO) ug Municipal Population Development Officers (MPDOs) sa Siargao Islands adtung Oktubre 19-21, 2022 sa Sta. Monica, Surigao del Norte.

Basi sa Joint Memorandum Circular (JMC) No. 1 Series of 2018 sa Revised PMOC Program Implementing Guidelines sa 2018, ang POPCOM naghatag og Pre-Marriage Orientation (PMO) Training kabahin sa PMOC Manual Module I ug mag isyu og Certificate of Completion sa tanan miyembro sa PMOC nga moagi sa maong training. Ang certipiko usa sa mga rekisitos sa accreditation para sa Pre-Marriage counsellors.

Ang Article 16 sa Family Code nagmandatu sa gikinahanglan na counselling session sa tanan nga buot magminyo nga nagedad 18-25 isip dugang sa ilang pagtambong PMO.

Si Ms. Nashville B. Pasaylo, planning officer, ug si Mr. Janus Athony H. Raganas, project evaluation officer sa POPCOM Caraga, ang nihatag sa technical assistance sa PMOC Training (Module I). Kauban usab nila ang PMOC counsellor gikan sa probinsiya sa Surigao del Norte ug PMOC focal gikan sa Department of Social Welfare and Development (DSWD) Field Office (FO) Caraga.

Dugang pa niini, ang duha ka kawani sa POPCOM Caraga Regional office nagpahigayon usab og pagmonitor sa PMOC teams ug mag-apodapod og PMOC Modules sa tanan munisipyo sa Siargao Islands. (Dian Joy L. Martines, POPCOMCaraga/PIA-Surigao del Norte) #ExplainExplainExplain