Amomang Agusanon napabati sa mga hilit na sitio sa AgNor “Mapasalamaton ko nga bisan sa kalayo sa among dapit, sila Gov. Dale B. Corvera ug Congw. Angel AmanteMatba miari gyod sa among dapit bisan lisud ang among dalan,” kini ang mensahe ni Henera Olalo, usa sa residente sa Sitio Lomboyan, Barangay Guinabsan, Buenavista, Agusan del Norte nga nakadawat og mga serbisyo atol sa “AguSerbisyo” Caravan sa probinsya, bag-ohay pa lamang. Ang Lomboyan ug mga kasikbit niini nga mga sitio sa Balatakan ug Langanlangan mao ang laing hilit nga lugar sa probinsya nga giadtoan gyod sa duha ka dagkung lider sa probinsya aron mapaduol ang gobyerno sa mga Agusanon ug mapabati kanila ang kainit sa pagamoma niini. Naay 220 ka lumulupyo kining tulo ka magkasikbit nga sitio. Maingon nga wala
20
|October 2-8, 2021
kaayo makaapekto sa mga lumulupyo ang hapak sa pandemya apan nagpuyo gihapon ang daghan kanila diha sa kalisud dala sa kawad-on hinungdan nga gitan-aw ang lugar sa nasudnong panggamhan nga usa sa mga Geographically Isolated and Disadvantaged Area (GIDA). Sa pakighinabi sa mga lumulupyo, migawas nga ang nag-una nilang panginahanglan aron moarang-arang ang kahimtang sa pagpuyo mao ang kalsada. Magpasayon unta kini sa ilang pagtumod sa
abot sa ilang mga uma ngadto sa sentro sa lungsod ug sa ubang merkado ug mopadaku sa ilang kita. Ang mga opisyal ug mga personahe sa gobyerno nga miadto sa maong kalihukan mismo nakasinati unsa kalisud pagbiyahe sa kapin kon kulang duha ka kilometro nga sakaon ug lubakong dalan padulong sa Lomboyan, ug tabuk sa mga suba lahus sa Sitio Balatakan. Ang ikaduhang panginahanglan mao ang patubig. Ang ikatulo, partikular Caraga INFOCUS
