Texto6

Page 1

CINE DO OESTE/ WESTERN

XÉNEROS CINEMATOGRÁFICOS (2)

Tamén se lle chama “cine de vaqueiros”. Está considerado coma o único xénero orixinario do cinema, pois non existía na literatura. Narra historias relacionadas coa conquista e colonización dos territorios do oeste dos Estados Unidos a finais do século XIX. Os inmigrantes europeos chegaban en caravanas para ocuparse da gandería, a agricultura ou a busca de ouro. As terras estaban ocupadas por tribos indias, que os pistoleiros foron exterminando pouco a pouco. As loitas entre os indios e as tropas do exército da Unión, os enfrontamentos entre os gandeiros, agricultores e buscadores de ouro e as accións dos pistoleiros “fóra da lei” son algúns dos temas deste xénero. Este xénero caracterízase tamén polos personaxes (sheriff, cowboy, xefe indio, granxeiros ...)o vestiario (sombreiro texano, pistolas ao cinto, chalecos, botas ) os decorados (deserto, saloon, ranchos ) e os cabalos, as dilixencias, e os indios ...

Entre as películas máis coñecidas están: “So ante o perigo” (Fred Zinneman, 1952),”O bo, o feo e o malo” (Sergio Leone, 1966), “Dous homes e un destino” (George Roy Hill, 1969),“Bailando con lobos” (Kevin Costner, 1990),”Wild, Wild West” (Barry Sonnenfeld, 1999), “Os sete magníficos”(Antoine Fuqua, 2016)

CINE DE SUSPENSE/ DE INTRIGA/THRILLER Os personaxes están afeitos ao perigo, son investigadores (policías, detectives privados, axentes secretos, periodistas ou simples afeccionados ) ou falsos culpables, criminais, axentes inimigos ... A trama baséase nunha intriga que non se resolve ata o final. O obxectivo é manter ao espectador nun estado de tensión polo que lle pode ocorrer aos personaxes e atento a como se resolve o conflito. A ambientación sonora e musical tamén é moi importante porque axuda a que o espectador se mergulle no relato e participe del formulando hipóteses e anticipándose ao que vai pasar .

O grande renovador do cine de suspense foi o director británico Alfred Hitchcock (“A sombra dunha dúbida”- 1943, “A soga”-1948 “Crimen perfecto”- 1954, “Vértigo”- 1958, ”Coa morte nos talóns” 1959 ...)


Turn static files into dynamic content formats.

Create a flipbook
Issuu converts static files into: digital portfolios, online yearbooks, online catalogs, digital photo albums and more. Sign up and create your flipbook.
Texto6 by Ceip Saco E Arce - Issuu